تــاليـــلا أنين الزحـف نحـو المنابـــع

الحـَاحـاية أفـتح طـاقتنا الفـوقـِيه
حتى الأرض عِـرقـت
إدريسْــت جِــيت قاصـدك
عِـفريتي لابســني
وشــواهد ســـبحتي
ما فُــت مِــنك بي رضـاي
يا حـَـضرا في ســاحة دراويش دِف
نوبــه وحَــرزه
لمْــة حضــره
عــض كجـــوري
كــجْ نوايبــو
طــير السِــمبر قبل خريفك
غــيمك مــطّـر
نازل زيفك
حُــلمي إتخــيل شــوفتك لمْــحه
وين يا سَــمحه
وين الغُــول اللافِــح فاطنــه
في الكــترابا المن تالاهــو
نحــنا نعــزْي ( حــليلا .. حــليلا )
ونفـــس المشــهد
تاني إتكرر يا تـا ليــلا
يا تــاليــلا ..
أقيــفي إتشـــرفي
مجرى البحر الهُــولنا إتعرْج
وفارس خــيلك حــزّم ســـرّج
مســـكين النيل
النيـــل مجـــرور
الجــابد خـــيطو سيد دستورو
وزبد الشـــيمه المعروف هُــولـو
كان بتعارض بين شــلالُـو
وكان يتفــرْش بى مد طــولـو
كان يتقْــطْع في صلصالو
نبني ســـراريق
نســقي الحـــنضل ...
لو بتعـــالج أو يــداوا
يا بنْــاينا الفـــالح أخـــجل
نتمـــنْالك مرض الفـــالج
قمَّح رُوحـــك شــيل العربوس
جرد كـــتفك مرض الحُـــمى
وطـــعن الدبوس
فــتّق جـــرحك
بالك مـــهوس
يا بنياينا الفــالح أخـــجل
ما تندهش ...
مدِّد لحــافك في قفاك
في لهاليب الضُــحى وما تندهش
قرة شـــتاك موجـــة شَــقى
أٌم حنيو القـــمرا والوِتـد إتكــا
قـطْـع حـــبال عاشــميقا ِفـْر
فتـش وطـــاة الله القفــار
بحِّـت رمـــال القوز بِِـِكـِر
خليـــنا من نومك كفـــا
فتش الحلم القبيل ما تندهش
قطِّع حبال صمتك صُراخ
ويات من لقاك
إدسْ في قــش البوار
زي بودا بتجابد حصاد
ما تدقو نُقــارة الدليب
شوشطونا بي لســـان اللهـــيب
قافلة نوِقِــك فاتت راهب
وراغي حوارِك فـــينا يشاغب
يا تاليلا ..
يا تالـــلا أفتحي رمشِك
حـــوصِي عــــينك
نلمح كُحـــلك
بحرى غِـــشيِّم حاقن دمعو
شان ما عرس كل جزايرك
شان ما غـــرق كـــِترة بيِّن
وينك إنـــتِ ..
وين الغـــايب من الحاضر
يا تاليلا ..
التِلـــْيلِي اللافــح توبــو
مُتْحـــزم عريان نُصْــو
الصحَّا النايم دوبــو
مــتْشلهِت ناشـــف رِيقــو
غــنا غـــناوي الليل الأولى
وللواسوق المجدوع حنَّا
وبالجابودي إترنـْـم غــنى
غــنى غــناوي
غـــناوي الليل الكانت ناعسه
في مرباط الضبيه وحزمه
للعربان الفوق والتِحــتِي
يوم لاقيتك نص أفكاري

Quote: غــيمك مــطّـر نازل زيفك حُــلمي إتخــيل شــوفتك لمْــحه وين يا سَــمحه وين الغُــول اللافِــح فاطنــه في الكــترابا المن تالاهــو

تالاهو هجير البلد الحارقة بنيها
ودم جنياتها
حلف يبنيها..
وما بخليها
للضبان وعساكر السطة
تسمسر فينا ,,
وفينا بصيص من نور جايينا
خيخلينا
بشارات ثورة
حتما جاينا , سمعنا انينا
هديرا ينادى
الجاى والغادى
بالدم بالدم نفديك يا بلادى

داش ياخ سلامات ..
كلامك احلى وطاعم ..

البلد الراحــت
بين العســكر
وبين ####
تجــار الدين
لمتين نتحــلّحل
من الخمج
الفتّــر وهج الروح
من ورطه بتعصف
صوت تاليلا


المشرف

حبابك
حبابك
وخش المسام ياوريف

راجــع ليكتمل النصاب

هنا... دهشة
واصلا ابداعا ..

تدهشنا كثيرا يا داش

هذا أنين زحف نحو المنابع

Quote: وفارس خــيلك حــزّم ســـرّج مســـكين النيل النيـــل مجـــرور الجــابد خـــيطو سيد دستورو وزبد الشـــيمه المعروف هُــولـو كان بتعارض بين شــلالُـو وكان يتفــرْش بى مد طــولـو كان يتقْــطْع في صلصالو نبني ســـراريق نســقي الحـــنضل ... لو بتعـــالج أو يــداوا

زبد الشيمة
الشلال
الصلصال
السراريق
الحنضل و سر الدواء فيه

إنه ضجيج الزحف نحو حضن النيل

دمت

Quote: وفارس خــيلك حــزّم ســـرّج مســـكين النيل النيـــل مجـــرور الجــابد خـــيطو سيد دستورو وزبد الشـــيمه المعروف هُــولـو كان بتعارض بين شــلالُـو وكان يتفــرْش بى مد طــولـو كان يتقْــطْع في صلصالو نبني ســـراريق نســقي الحـــنضل ... لو بتعـــالج أو يــداوا

حتي انا اصابتني الدهشة يا ابو جهينة , داش انت مبدع وخلاق وامثالك قليلون

في هذا البحر الشعري الجذاب , واصل ونحنا معاك بنواصل شكراً يا داش .

سمات تنتهى فى منعطف
يؤدى إلى وعوره محتمله
ولا شئ يدرك تفاصليها عندما يشتهيها المزاج
قد تعرفنى بطعم البحر

تاليــلا ...

أحبك كلما حركتنى المواجع إلى دندناتٌ
إليك وأنت على حالك المحتمل
على وهجٍ يعتريك جهارا
ندائى إليك
تعالى ...
تعالى

هاشم
العزيز

سلام على الكلام
البخلى الضفاير رقيص

سلام ياحبيب

Quote: مــتْشلهِت ناشـــف رِيقــو غــنا غـــناوي الليل الأولى وللواسوق المجدوع حنَّا وبالجابودي إترنـْـم غــنى غــنى غــناوي غـــناوي الليل الكانت ناعسه في مرباط الضبيه وحزمه للعربان الفوق والتِحــتِي يوم لاقيتك نص أفكاري

أبداع ياداش دائما ماتدهشنا بماروق أفكارك

تنبت نبته وتزرع فينا حدائق وفرحه مزروبه

بتوب وترحه.

،،،،أبوقصي،،،،

كما ينبغى للهسيس
أو كما يحتدم ...
فى عراكى القديم
فأنا من معاركها الخاسره
دع الغيم يرحل بعيداً
وحيدا
مجيداً
وها أنت تبدو
عليك الملامح
وحتماًهى الرعشة الجاسره ...
فهذأ إبتلائى لعلّى
أصون إتجاه الرحيل إليها



مجـدى

لك المجد فى القلب
لك الود

العربوس
أم حنيو
البودا
الحاحايه

أبوجهينه

العزيز

تداخلات
فى علوها ترسمنى
كيفما تشاء
...
..
.
ومسار رحيلا المنتبه
بيفضل على الهوا مسريح
لا راضى يكست من صياح
ولا قدره يبداهاالنويح
لمتين تكون السكه مفتاح الفرج
تاليلا شوفى معاى
كفاف فكرتنا
فى البلد الكسيح
ولا أحسن ما آآآآ قولِّك



ياااخ

لما أشوفك بحكى ليك

الشفيف

أبو بكر

تحفيزك دواعى الفرحه
محتاجك تواسى أنين سواقى الليل
ترابله على حواف رمله
يغنو معاك
ســـارى الليل
يا...
ياســـارى متوسد ضراك النيل
خليها تجرى علّى
وتبقى مع العمر مكلتمه


تالــــيلا


موده ...
وأشياء تقال ســراً

Quote: ونفـــس المشــهد تاني إتكرر يا تـا ليــلا يا تــاليــلا ..

آآآآآآآآآآآآآآآآآآخ يا داش

يا ساتر على الوهـج البِفِــج العين
ويفتح طاقة الوكت الضــليله عليك
يجــيك فى غفــله من جـواك
يناغمــك يشدهــك بالفرحه
أو بى أى شئ
ويرحل معاك للسِـكه
فى درب التوحّـد يلتفِـت يلقاك
بتنســـج حاجه من معناك



ومعناك يشبه وحدك


يا بوحميد

يا حزمه من ضو

كترة بين وماأدراك ما كترة بين
تبين ما ....
ألعن ذاكرتك دائمآ وانت تدري لماذا وربما اكره (بت المجمر)
أكتب الشعر إستنادا علي زمن اعيشه ومستقبل أتخيله وزمن آخر لا هذا ولا ذاك مزيج بينهما بعضه لا يوجد وبعضه يجب ان لا يوجد أبدآ
أنت تكتب بهذا الماضي الجميل العنيف بتلك الذاكرة المحتشدة بألف قصة لم توثقها ليالي شهرذاد ولكن خصتك بها عنوة أنت تدرك المغزي هنا سيدي داش بعض اللعنات قد تصيبك وأنت تفردجديلة الاسطورة
ذكريات جميله تحضرني وقت مثولي أمام نصكم

القوامــيس التى تنهــل مــنها ذاكــرة الوجــع كفـــيله بأهــات تُبشــر بدمــعٍ غـزيـر
ولعــنة المصــائب هى مصــيبه واقفــه على التأهــب دائمـــا لما يحـدث بغــته
وللأقـاصيص التى نعــرفها تكملات تتســـارع حين نســدعــيها بأدب
فتدخـــلنا ونحن لانــدرى كــيف ومتى ..؟
نتــرك ســـباحتها للريــح ونحســـب تســارع نبضــنا للخــوف
( كِــترَه ) وارفــه لا يخـدشــها الضــوء
ولاتســـتعين بالظِــل منه
ولاتخــاف العواصف



عجــمى ...


دع الشوق للشوق
فيما يوازى إرتعاشتنا للغناء

Quote: غــيمك مــطّـر نازل زيفك حُــلمي إتخــيل شــوفتك لمْــحه وين يا سَــمحه وين الغُــول اللافِــح فاطنــه في الكــترابا المن تالاهــو نحــنا نعــزْي ( حــليلا .. حــليلا ) ونفـــس المشــهد تاني إتكرر يا تـا ليــلا يا تــاليــلا .. أقيــفي إتشـــرفي مجرى البحر الهُــولنا إتعرْج وفارس خــيلك حــزّم ســـرّج مســـكين النيل النيـــل مجـــرور الجــابد خـــيطو سيد دستورو وزبد الشـــيمه المعروف هُــولـو كان بتعارض بين شــلالُـو وكان يتفــرْش بى مد طــولـو كان يتقْــطْع في صلصالو نبني ســـراريق نســقي الحـــنضل ... لو بتعـــالج أو يــداوا يا بنْــاينا الفـــالح أخـــجل نتمـــنْالك مرض الفـــالج قمَّح رُوحـــك شــيل العربوس جرد كـــتفك مرض الحُـــمى

يا دهشــــــة ..

يسلم حرفك

كن بخير .. مودة ..

Quote: أقيــفي إتشـــرفي مجرى البحر الهُــولنا إتعرْج وفارس خــيلك حــزّم ســـرّج مســـكين النيل النيـــل مجـــرور الجــابد خـــيطو سيد دستورو وزبد الشـــيمه المعروف هُــولـو كان بتعارض بين شــلالُـو وكان يتفــرْش بى مد طــولـو كان يتقْــطْع في صلصالو

ابو عبده

مالك يا وليد..شن النجض جوفك قدر ده..

الكترابا !!!!!

يانا نحن حالنا منك..الوحل لي حد الركبه..عتمة وخوف

يا لطيف..

التحايا العطرات..
لداش..
جميل..جد ومطرب..

شكراًً

Quote: وين يا سمحه وين الغول اللافــح فاطـــنه

هبه الحســـين

أهلاً بيــك معــاى
من هنا لهــناك

وشكراً للمــنابع التى منحــنتى وصولك فرح

بتســألنى الســؤال الجـد
نشــاف محــريب ربيع باكــر
وقطــره من المطــر
والشـــر غَــلب أُســس المفــارقه
بالنشــيد الوهــمى ...
تالــيلا لو شــافت تفاصــيل الكدر
ماغــنت مع الأحزان
ولا مرقــت على الجــيران
وماعـــارفه الخـــبر


بوحميد بن خليل

مؤكد إنك الفرح البهيج

النيــل مكــتّف
متهم محكــوم
بقــانون الطــوارئ
وفجــأه يطــلع مفــتى يفــتينا التوالى
ومافى صــوت غــير الهــوايد
نحــنا نهتف إختيارى
ولا نصــمد
ولا نســـكت
نســبق الريح والمهــارى
ونبــقى فى الصف المحايد

مسكين النيل


هند ....

تحــيه يصــبغها الشــوق باللون
بالخطــو .. نحو الوصول

وينك إنـــتِ ..
وين الغـــايب من الحاضر
يا تاليلا ..

إلى حضرة المحترم السد الدرويش الدايش : داش
شكراً على الجمال.
واصِل دروشتك الحلوة.

الدراويش
والكــلام.. والنوبه
والذِكِر البصاحب الطار
السبحه للعدد البكمّّل
سابحات الليل
ركز فى منتهى الاحكـــام
فتــح عين البصره بشيش


وقال :

مســعود الخليل


تعال نادى الغياب يحّــضر
تعال إبهار...
وضو من نار
محايه ولوح





شكرى الموشّـح
بالفرح من فعلتك

داش ..
فتشت فى قاموس الابجديات طويلاً
فلم أجد شيئا يليق..!

لك هذا القارب الملئ بالورود..

لوقلت ليك مليان
من الفرح...



وبحـــرِى غِشّــيْم حاقن دمعو
شان ما غَــرق كل جزايرك




بشـــرى يا بشرى

يا ســـليمان
يا ســـبأ
يا هدهد الخبر

أورادك البِــ..لّيل
هــزّت جذوع قيف الســفر
للرحله بالتوب والمراكب
والزهور ...
فى اللحظه خالجنى الحبور
فرحان ..معاك



لك منى ما أود
لك أحلام مملكتى

وسعيد بيك
يا فنان

فى حضرة الكلمة تحتفى البسمة ،،،
وتسترق البراعم السمع ،،،
والكف يصفق للحرف ،،،

أجدت يا داش ،،،

أخي عبدالله

رمضان كريم

أحرف مدوزنة في إيقاع شعري بدبع تتخلله الرمزية والأزمنة والأمكنة المخبوءة في أعماق تعتمل كالمرجل أو البركان وعند ثورته يكون هذا الدفق البديع أمتعتنا بهذا الجمال.. أشكرك في عطاء نحتاجه لإرواء نفوسنا الظميئة لهكذا نسج دفيق

الوريف

أبوبكر يوسف

الله أكــرم
وعلينا وعليك يتبارك


يستنفــر وجعى أفراحى الغائبه
أســـرح فى نداء للقلب
يصدمنى الصدى
والمدى يردد فى بكائى ونويح المســاء
أتوق إليك ..
فتلزمنى بيدك اليمنى
لأعرف ماهية التآزر
وطعم الرفقه بما أحسه من جمال


فشكراً جميلاً

الشـــوق ياالفاتــح
فاتح باب اللهفه
وغــارس وردة شــوك
مــبروك الدرب الجــابك
دابـى ودابــك ...
فُقنا على الوجع المنهوك
وسرحنا هناك فى العبره
الســكه...
الصــوت ...
إتخطى حود الواقع
أصلك زولاً واضح
راسم حرفك
شكل اللوحه التحفه


وبرضو أكيد نشتاقك



ود الجنيد

رسوخ تلك الذكريات سيظل
إلى أمد العمر


لك الود

لو كان النيل
بي ايدو قرارو
كان اتمدد قدر الشوق
البعرف حالو
وحالك عارفو
باقي احوالو
ماأصلو قنوع..
بتمدَّد قدر الحوجة..
قدر جوابكــ..
نامن..وطنكـ
إبقى سؤالو!

مجهـــول
بيغنى فى نص الليل مســدارو
وقــرر فضح الزول البحر النيل
ممحـــوق القصّـــر عُــمر أيامو
ونشّف ريقو الهِـــيِلا
الســرق اللون الأســمر
وبعثر نسـق الورد السكّســك
للإكليل ... ونساكم
ماأظن من باكــر يكـبر
ويجـرى يســيل
يا خـيراً جـانا وجــاكم
بشّـــر بالمدلول
تالــيلا

والنيل قصادك
ما وراك
وبي قفاك
حاجات كتيرة
بتشبهك


شكراً داش علي تاليلا وأخريات الحلم

وين نلقاك وما نختاك
وعاد يومداك
تشيل ختوتنا نمشى وراك
ما كنا حداك
يصك أسماعنا قول الزيف
لهيب الوجعة
قالوا خريف
قالوا أصبروا بعد الهجعة
سربة ونجعة
قلنا الرجعة
لما الساجعة تنسى السجعة
لما القمري يمسخ حسه
لما الفال يقالد نحسه
أبقوا أرجعوا
لاتنفرقوا لاتنجمعوا
لو المولود بحس بمخاض
ما إتعسر الميلاد
لو السرفة تاكل البجعة
ماحضرنا توب لحداد
ولو قايضنا الدم بمداد
... عبدالله داش
حيت دموع الأمل
يانع الدواخل
مختلف ألوانك
تمنح الشفاء
الميعاد .

سمية الحسن محمد طلحة

إتنفسـك
طين الأرض
فاضت مســام الدهشــه بيك
فى العين حــدودك فى الرموش
إتوحّـــدت عندك مقامات الحروف

والنيل بِعــزك بالنســيم




ملكة الدوبيت
...


أستسلم للوجد
للحزن
للإرتعاش
للإرتواء
من الخوف والدمع
فى سيرة الشوق ذكرى
وآخرى فى ذات السبيل
إحتمالات حزنى
ومن شدة الإحتراق
أطفو خفيفاً


ولا شئ أكثر

لك الود والإحترام

الأخضر بن خليل

فارقت البساط والريح
وخاتم سيدى الحوت
فى البحر

ياااا ه

مالك علّى
تورت جرحى
على النزيف
فى غمرة الطمى
للبيوت


لك الموده يا حبيب

كنت استمع الان الى عبد الرحمن عبد الله فى الاذاعة
لااعرف لماذا ربطت بينك وبينه
هل لانه من كردفان ؟
هل لانك مسكون بالابداع مثله ؟
هل لان تاليلا هى اغنيات هذا البديع وانت تترجمها لقصائد ؟
لااعرف لكنى احبكما معا

أغســل وأمــحى بقايا المداد
من حروفى وأرفعها لليقين
علّنى أنتبه للســـؤال القديم
ما الفرق بين التعّــود ؟
والطعم والحب ..؟
فى كل هذا الزحام الجميل


فى غاية النفس أمنيات عريضه
مدخــورةً للجفاف ..
أهديكـ منها ما يكفى لسد ثغرة الريح .. والأشواق
أو دعــينى أهديها كما أشتهى
وأفرغ خزائنها كامله
هى لك ... لأنك ...

( ماعارف أقول ليك شنو )

فأرجع مبتسماً للسؤال البديهى القديم
عن الحب ... أو سِــر هذا التعـــوّد

عبد الرحمن عبد الله

أحبك قدُر ما تفتح عينك كل صباح




ولسلمى السلام السماوى الملون
بثوب السحاب

عبد الله

يا زول يا حرف

عبيت مواعين الكلام
نشوة وطعم
واللون عليك
كاسيك وهج
ضوء من وئام

يا زول يا جرف

خليت مساكين الخصام
يدافرو ماشين عليك
غنت شرايين الوئام
وقف النزف

فتحت الطاقات التحتانية
والفوقانية واقفة تنادى فى الطير والناس والشدر

أن تعالوا

إلى محبة سواء

إزيك يا ود يا نيل

مــطر فى ضواحى الصباح
يا .. رزاز الضحى
يا قفارى الملامح
أحبك عميقاً
فأدنو إلىّ بعطرك
وفوحك وزهرك
وشِــعر الحروف الصِحاح
أحبك ...
لأنك مسار التعجّب
وأكثر ...
.........
.....
..
.

من حته فى غــور الكلام
الجاى منك وليك مآب
يا وهده فى العالى البِرجّّــح
كفة النضم الحصيف
يا زول وريف
شَــبَه المطر ..
رشّــرشنا بالفرح الخريف
بالنيّــه هاك كل الســلام


ويــــاخ يا ســـلام

أبو الصحب ...

الشوق بركان صاخب

لك الموده

Quote: أقيــفي إتشـــرفي مجرى البحر الهُــولنا إتعرْج وفارس خــيلك حــزّم ســـرّج مســـكين النيل النيـــل مجـــرور الجــابد خـــيطو سيد دستورو وزبد الشـــيمه المعروف هُــولـو كان بتعارض بين شــلالُـو وكان يتفــرْش بى مد طــولـو كان يتقْــطْع في صلصالو نبني ســـراريق نســقي الحـــنضل ... لو بتعـــالج أو يــداوا يا بنْــاينا الفـــالح أخـــجل

تحياتى احى عبدالله رمضان كريم
ده كلام جميل مليان حكايات ماضى وحاضر
ومسكين النيل الجابد خيطو ذى ماقلت انت سيد دستورو
ومافى ابلغ من كده شريان الحياة مجرور ومربوط
كلها بتوصف حال واحنا ذاتنا حالنا حال
تسلم انت يارب

داش تقبل مني هذه الموسيقة الكلاسيكية تماشياً مع بوستك اللذيذ وظريف .

سكوت ...


وإنتشاء

لأبعد حد




وبت عمنا( ديون )
قول ليها يا كوم ليك يوم
وكان لى ( كنى جى ) أصبر ليهو سااااى
بوريهو ليك الودّر الفاس وجابو عودو


يا هاشم

تشكرات
على الزخم الجميل زيك
لك الود

ويخــصنى ما يلزم الوشــم الموّسَــم لغـرة جــبين الماء
يلبسـنى تماماً ثم يحتل الأحاسيس زهــواً يشابه ملمسٍه الحريــر
وأدور حــول نفسـى وأبدو كما كنت أحلم ...
ألــفُ عُــمامتى وأنتظر هدأة البال عــــلّها تتوافق فى قاع هذا الفرح

ماجـده
يا ما جـــــــده


ولج العمق شــيئاً جميلاً
كإنبلاج الضوء من حــزمة كمشكاة كســـبحة إنقطع حبل نظمها
وتناثرة حبات لؤلؤها فى دجنة الليل

تعالى ..

لقّـــطِى معاى وشيلى الفَضـــل وكفّــى دين الحوجه
وأنثريها كهبات علينا مثل ما فعلتى الآن

قُولى واحد

فرحــان بيك
ومُتخــيل إنى براى
جــواى مشروق

عشان كدا خليك حِــداى

منقّــعه فى لُعاب الروح
وخايفه علّى ...
دحــين شن باقى
من عُســر المباصره والرحيل
واقف على الهبشه
مخَــدر فى نخاع الإيد
بيرعش ...
ومستحيل تبرا الجروح


إلى ألف وره مغروسة فى الذهن

لما يكتر فينى صوتك
برتجيك بين الصدى الراعش
يردد فيك غُنا
وبلقاك رحيل
المستحيل فتش عليك
ولقاكِ إنت المستحيل
ياوارفه قدر الدهشه وين ..؟
وين السكه ليك
داخرانى فى خانة صهيل
خانتى فيك اللقيا
والعشم الســنا
الخيل تفتشــلك تداقش
ليل سكاتك
ما لقيتك
ولا الرحاب الممكنه الكانت هناك
مزدهيه من لون الأصيل
فرحانه بيك
جايك عديل
لو بكره تصبح رؤية الحُلم الجميل
سكة وصول

....
تاليلا كيفك ..؟؟
يا وجع ...!

يوم لاقيتك نص أفكاري
داش ود أفكاري
خالص الود
وتسلم الايادي

نغرق فى صحــوِ يتعمّــد مسح ملامحنا
كأننا كنا معه فى تلك الأمكنه نقاسمه الأزمنه
فيمْتزج بالظن .. بالإرتباك
ليجعلنافى شكنا كأننا شاهدناه من قبل ...
وفى الحقيقه .. نفىٌ يؤكد زعمنابملاقاته الحلم

ودمحى الدين

العيد مبروك عليك

Quote: تاليلا كيفك ..؟؟ يا وجع ...!

سلام اخى عبدالله وكيفك بس مامنتهى ذى سؤالك
بوجع والله لاحابو ليك قول يارب
استغربت لمن لقيت البوست ليك ايام انت ماكتبت فيه بالرغم كان عندى احساس انك هتواصل فيه لغاية
نهايه رمضان طبعا بقيت ذى ستات الودع البيحسو وياصادفت صح وياكمان كانت غلط عموما
هو بوست جميل جدا اتمنى انو يكون عندك الوقت تواصل فيه الزحف نحو المنابع مابيتساب فى النص
تسلم يارب

آمين

ويديك الفى بالك
يا زوله يا مطره

اها النحكى ليك قصه ...
جات سيرة الودع

تعرفى يا ما جده
ذكرتينى جــدى الله يرحمو ...
كان أنصارى متشدد أكان حضر زمنّا دا كان صنفوهو إرهابى
كان زول بســـيط أكتر من الفكره البدائيه عن نشأة الكون
وماهية الما عارف شــنو داك
المهم ...
لما يكبّر ويستقيم للصلاه
يصلى كما يعرف ..
ويختم عادةً بدعائه الذى كنا نردده فى غيابه
ونضحك ..

( بركة ســيدى الصادق .. والصديق
وســتى أم ســلمه
الطالبنى ســطيه
يسّـــطو سطيه
يرميهو أم فندكــيه
بركة 114 ســوره

نسمعه بصمت وعندما ينفجر أحــدنا بالقهقــهات
يلعننا بأعلى صوته
يا شـــنو ماعارف ...
غايتو جنس كلام
الله يرحمك يا جــدى

وفيما يخص زيارتك
بقرالك كفى
وحترب قهوة كيفنا اليابس
ودعاتك خطّــن
سيرة البحر الصافى
قعدن فوق التبر اللامع
فترن من كم قصه
وقالن :
سَـــبح وربــح


....
...
.
مبروك عليك
الجاى بالروى
من بعيد
مبروك عليك الفرح

سعيد بيك ..

ســـــــــبّح وربّـح

يا تالـيلا