كلام الليل

كلام والسلام:
لما يكون مزاجك رايق وتقول (كلمتين) حلوات لمرتك (زوجتك) معناها أنك (حتجيب وكده) بس من وين يا (حسرة).. ولما (تطنش) او تتكلم بصوت عالي معاها يا أما (فارقة معاك) يا أما شفت ليك (شوفة).. ولما تقول لي حبيبتك كلام (لذيذ) (حتموت) فيك، ولما تتجنن (بتقتلك)، تتكلم في الدين (الله قال بي قولك) .. تستهدى بالله وتتكلم بأسم (الدين) معناها (إرهابي ومتطرف).. تتكلم في سرك (إنطوائي) تكورك يقولوا (جنيت) .. تقول (النصيحة) (متفلسف)، تجي تتكلم في (السياسة) يا أما (مطبلاتي) يا أما (معارض).. اقول ليك حاجة (أسكت) وريح نفسك.
***
إجهاض:
طبيب (مشهور) يجري عمليات إعادة (عذرية) واجهاض (لفتيات!!) حملن (سفاحاً) >> خبر بالصحف.
حبيبة تجهض (أحلام) فتى في (مقتبل) العمر>> دماء بالقلب.
حكومات تجهض احلام (الشعوب).. وترقص طرباً >> أطفال الشوارع.
***
حنك:
- ما ملاحظ حاجة الليلة؟
- لالا في شنو؟؟
- خلاص مافي شي!!
- ايوه ايوه ده (بلوزة) بت جيرانكم صح!
***
على الماشي:
 من طلب العلا باع (التسالي)!!
 ½ × القاعدة × الإنقلاب.
 يا (لذيذ) يا (رايق).. حول لي رصيد!!
 يستشفون .. تهتدون.. تندهشون!!


__________

*آخر كلام:
صدقيني وحياة غرامك
ماكذبت عليك في حبي

علي مهلك شويه
لسه عكران
المزاج ...
والليل كلامه
بيعدل الخاطر
صحيح
لكنه ردي
اناالعصي
برجع أكيد
بي رغبه
أكبر للحكي

وانا في انتظارك
ورجعتك
يازول كما الصبح الجميل
راجين تملي لطلعتك
عجيمي لك الشكر

برجع أكيد
بي رغبه
أكبر للحكي

إنت البديت
وانا ما جنيت
اذا جنيت
سوى الهوى
والشوق والوجد الاكيد
داش
وافر الشكر مجددا