ابو الحسين انت وين؟

يا جماعة خرج ولم يعد في اجازة شهر عسل نسال الله الا ينتهي وان يمتد الى احتفال بذهبية وماسية الاخ جمال الملقب في ظروف عمل غير طبيعية بابو الحسين ولم يعد حتى الان.
اوصافه كالاتي، اتحادي وفيه ملامح كوز، صاحب تراجي ونقيضها في نفس الوقت، اطفائي في المنبر وعنده حساسية مع وسام، يحب الفتة والرز، وغرقان زي ما قال نوريت في ريدة مولانا السيد محمد عثمان، دعوناه لزيارة مكة وقلنا له عندك ليلتين مجانا في فندق خمسة نجوم لكن في الموسم دا يشمهن قدحة، نرجو ممن يعرف له اثرا ان يورينا اين وضع ترحاله هل هو في الشرقية مع ناس الحسين ولا غاطس في بلح الشمالية ولا يا ربي الكيزان ديل يكون بعلاقة بجاي بجاي ادوه زيارة ماليزيا؟ (الاخيرة دي على الطلاق ما بلقاها لانه ما كان كوز في الثانوي)
يا اخي اظهر وورينا طلتك فقد اطلت الغياب، وهي مناسبة لنسال عن اخونا وسام برضه فهو ايضا غائب وكذلك شيخ العرب ود المحرب (ود المحرب دا الليلة بجيب لكم خبره) اما سيف مساعد فلولا كلمة الاسماعيلي مظلوم الكتبها في بوست بتاع كورة اليوم لاعتقدنا انه اصابته دعوة من خليفة (خليفة طقش خليفة).
اما معتز القريش فهو ماشاء الله زي روجيه فيدرير في تصنيف التنس مستحيل الصفحة الاولى في المنبر تجلى منه.

كدي يا القريش النديك هبشة ونخلى ابو الحسين يجي بعدين يطفيها، امير قطر زار السعودية فطر وقام وقبليها بمدة وزير خارجيته في نفس القصيرة المبهمة؟ الحاصل شنو؟ المنطقة دي فيها لعبة ما مفهومة

محمد رمضان كريم كل سنة وانت طيب
فاقدين ناس كتيرين أوالحسين وأبوعسل قول ياجامع يارقيب.

غايتو يا محمد انا بالتحديد الزول ده اتلوم فيني تب .. جهزت العربية عشان نتدلى معاهو للعرس والله تلفون ما ادانا ليهو .. اصبر لي بلم فيهو طال الزمن ولا قصر ..

ود الفكى رمضان كريم


يا اخوى ود الحسين دا عرس متين ؟ ووين ؟ وبت ناس منو؟

وليه ما دعانا؟؟

على أى حال لو رجع من السودان بجيب لك خبرو


سمية كيف مع رمضان ؟؟

وانشاء الله جبتى معاكى سمن كتير

أعملى خير ورسلى لينا شوية

د. عمر كيف الحال
والله جنس سمن هو إنشاء الله في خشم حبيبك
يعلم الله هزيت روبه براي بإيدى دي
مما مشيت علقت السعن وقلت بسم الله
ووصيتم تاني السعن دا ماينزل تب .

ابو الحسين انت ويييين ؟
وشكرا اخى عمر