Post: #1
Title: الحقونيييييييي يا كمبيوتراب
Author: Ahmed musa
Date: 09-24-2007, 04:03 PM
الشفيفون الوريفون العباقرة الكمبيوتراب
الحقوا أخوكم الذي {إتشالق} وخشيت النت وقالوا لي {نطور ليك؟؟؟} صدقتهم أنا المسكين قالوا لي يلا بارينا شبكوني ليك {أوكي؟؟} {أوكي؟؟} {أوكي؟؟} غطسوا لي حجر { الميديا بلير} بتاعي كان 9ولا 10 ما اقول ليكم وقعدوا يقولوا لي 11 سمح 11 شنوا كده ماعراف {إتلحس} خالص لا حداشر ولا تسعة ... داير كمبيوترابي فاضي وبالوا طويل يدرجنيحبة حبة ويرجعني لقديمي ... ممنوع البقولوا ليك نزل البرنامج ده وحتبقى تمام التمام لأني أفشل واحد في نزل دي
|
Post: #2
Title: Re: الحقونيييييييي يا كمبيوتراب
Author: فيصل نوبي
Date: 09-24-2007, 04:55 PM
Parent: #1
سلامات يا أحمد
عشان تشيل الـ Windows Media Player
تابع الخطوات في الصورة
و بعد داك ممكن تنزل البرنامج ده (Real player 11 )
http://sudanesehome.com/forum/showthread.php?t=4711
و باذن الله يحل ليكـ مشاكلكـ مع الصوتيات و الفيديو.
|
Post: #3
Title: Re: الحقونيييييييي يا كمبيوتراب
Author: Hadia Mohamed
Date: 09-24-2007, 04:59 PM
Parent: #1
هههههههههههههههههه مخلوع مالك مدام عضم الكمبيوتر موجود كل شئى ساهل
يا احمد حداشر الافى فى البلد دة اغلبه ما اصلى وبشتغل معاك شهر ولا اتنين وبعدها بوقف
setting
وبعدهاالكنترول بنل ومنها الى اد ان رموف وطلع الحداشر الدخلتو دة اصلا لايوق ولصقة
ومرقتو مرات كعبة المهم اعمل ليه رموف ونصب عشرة من موقع الميديا
|
Post: #4
Title: Re: الحقونيييييييي يا كمبيوتراب
Author: عبدالكريم الامين احمد
Date: 09-24-2007, 05:00 PM
Parent: #1
هلا يا احمد ورمضان كريم
الفهمتو من كلامك انك عاوز تزيل برنامج البلاير الحصلت ليك فيهو اللخطبة ده..
وطلعا القصة حصلت لانو التنزيل بتاع البرنامج ما اكتمل للنهاية فحصل تحميل ناقص ما بقضي ليك الغرض الاساسي
حسع ممكن بالخطوات البسيطة التحت دي تمسح البرامج دي من كمبيوترك نهائي وتمشي تنزل فيرشن 11
ولكن بالله اصبر علي التحميل لانو بياخد زمن شوية
1-امشي (الكنترول بانل) او لوحة التحكم وبتلقي (ازالة او اضافة برنامج)
بتجيك لستة طويلة فيها كل البرنامج حقتك ومعاها البلاير ده وطوالي اختار ازالة والجهاز بمسحه ليك وبلحقه امهات طه...
2- تمشي لعمك قوقل وتكتب تحميل (الريل بلاير) 11
وبتلقي مواقع سهلة للتحميل اصبر عليها حتي يكتمل التحميل
وياريت اكون خدمتك في اطار فهمي مشكلتك
|
Post: #5
Title: Re: الحقونيييييييي يا كمبيوتراب
Author: Ahmed musa
Date: 09-24-2007, 05:34 PM
Parent: #1
الشفيفون الوريفون العباقرة
فيصل نوبي , هادية محمد , عبدالكريم الأمين
والله مية المية
بالدارجي {100%} ... قبل ينط لينا {خدر} ويوقل ليك فضحتنا معك ناس أمريكا وشنوا ليك كده ماعارف ... غايتوا الفهم 1000 بس التطبيق لسة بعد تبتل العروق نجرب وياجيناكم للشكر ياجيناكم رادين لمزيد من الشرح
لكن بعد شرح {نوبي} ده غايتوا لو ما فهمنا تبقى مصيبة أكبر من مصيبة الميديا بلير
ـــــــ
هادية يا دُفعة كيفنك وكيف الشاب {يحي} معاك ماشي كويس ولا في خرخرة .. غايتوا لو في خرخرة أديني واحد مسنجر أديك ليك واحد دعوى شرعية أرجعوا ليك السديم !!!
|
|