Post: #1
Title: يا فرح!!
Author: خالد الطيب أحمد
Date: 09-24-2007, 11:51 AM
Parent: #0
يا فرح ..
متين تجينا
وتسعد ايامنا
الحزينة
ده الفراق ..
ماهان علينا
في بعادك ..
كم شقينا
.......
يا مليك..
أجمل عيون
سيب نفورك
والظنون
نبني عشتنا
الصغيرة
أسمي جنة
واحلي كون
.........
القلوب
بيزيد نحيبا
لما تبعد
عن حبيبا
والجراح
ما بتندمل
إلا بإيدين
طبيبا
وكل مناي
من السعادة
ألقاك جنبي
دوام قريبة..
يا فرح لو يوم
تجينا
حتسعد أيامنا
الحزينة
ده الفراق
ما هان علينا
في فراقك كم شقينا!
خالد الطيب
أكتوبر - 2004
|
Post: #2
Title: Re: يا فرح!!
Author: اميرة الحبر ادريس
Date: 09-24-2007, 12:09 PM
Parent: #1
يا خالد سلامات
لو لقيت الفرح ده في طريقك اوعرفت سكته كلمني ..
لاني قررت افارق احزاني للابد ..بس كايسة للطريقة ..
حقوق البحث حتكون محفوظة ليك..
اميرة
|
Post: #3
Title: Re: يا فرح!!
Author: فرح
Date: 09-24-2007, 12:12 PM
Parent: #2
فى الخدمه نحن
|
Post: #4
Title: Re: يا فرح!!
Author: saif massad ali
Date: 09-24-2007, 12:15 PM
Parent: #3
الاسماعيلي مظلوم
|
Post: #10
Title: Re: يا فرح!!
Author: رهف
Date: 09-25-2007, 09:10 AM
Parent: #3
جنس خفة هسى منو القال انت امكن فرح ابو الشاعر خليل فرح وامكن جدنا ابراهيم ود فرح ناظر الجعلييييييين امكن فرح ود تكتوك حلال المشبوك احلنا منك اكمن فرح عرس يعنى على قول اهل العوض بوش امكن فرح على فرح على وزن نافع امكن فرح قوش فرح سيخة
الخفة شنو امكن فرح الاماسى وانت حزن الاماسى
|
Post: #5
Title: Re: يا فرح!!
Author: خالد الطيب أحمد
Date: 09-24-2007, 12:52 PM
Parent: #2
يا أميرة..
Quote:
لو لقيت الفرح ده في طريقك اوعرفت سكته كلمني ..
لاني قررت افارق احزاني للابد ..بس كايسة للطريقة ..
حقوق البحث حتكون محفوظة ليك..
اميرة |
هو ما بعيد..
كان معانا.. هنا..
لكنه ..غادر فجأة..وما مشي بعيد
لأنه لسه حايم حوالين..كل البيفتشو عنو..
بينما رحل بعيد ..و بعيد جدا..
من الــخيم عليهم اليأس من لقياه!
تغشاك السعادة أينما كنت
وتسكن بديارك فلا تبارحها..
ــــــــــــــــــــ
ولحدي ما يجي الفرح..
بنشكي لليل ..كل الحزن!!
|
Post: #6
Title: Re: يا فرح!!
Author: خالد الطيب أحمد
Date: 09-24-2007, 01:15 PM
Parent: #5
يا سلاام..لما تنده للفرح ويرد عليك!
أهو يا أميرة ..!
شفتي الفرح قريب مننا كيف !
شكرا يا صديقنا فرح..
وعارفك والله لو بإيدك.. كنت
زرعت الدنيا ورود..
وعطرتها بأريج ريحانة..
بدل مليون مدفع بارود!
شكرا علي الأمل..
|
Post: #7
Title: Re: يا فرح!!
Author: خالد الطيب أحمد
Date: 09-24-2007, 01:26 PM
Parent: #6
سيف..يا كل الفرحة
والله يا سيف ما مظلوم زينا!
لم المطر لملم سحابو.. وفضل يرحل مننا
في ظلم أكتر من كده يا سيف..وأنت العادل؟
رمضان كريم ..وتصوم وتفطر علي خير..
|
Post: #8
Title: Re: يا فرح!!
Author: اميرة الحبر ادريس
Date: 09-24-2007, 02:21 PM
Parent: #7
يا خالد الظاهر انت فرحك قريب ..
بس بمناداة جاء علي طول ..
لكن نحن فضلنا منتظرين فرحنا سنين وخذلنا في النهاية ..
و برضه شايلنو جوانا ..
عموما انا سعيدة لفرحك الوصل سريع ..شكله بعزك ..
مع المني
اميرة
|
Post: #9
Title: Re: يا فرح!!
Author: خالد الطيب أحمد
Date: 09-24-2007, 08:07 PM
Parent: #8
Quote: نحن فضلنا منتظرين فرحنا سنين وخذلنا في النهاية ..
و برضه شايلنو جوانا ..
|
رغم كل حزنك يا أميرة..لكن مساحات الفرح أكبر جواك..
ومفترض دائماتكون كبيرة..
صدقيني الفرح عاوز مساحة جوه قلوبنا علشان..
نقدر نمددوا ونمطوا فيها لأقصي درجة..
ومفترض يكون هو عارف الحاجة دي ومتأكد منها!
إنو مساحاتك يا فرح لسه موجودة..
وما إستولت عليها أحزاننا الكبيرة..والكتيرة!
ولسه يا فرح بنضغط الحزن في أقل مساحة ممكنة جوه قلوبنا.
علشانك إنت وبس!
Quote: عموما انا سعيدة لفرحك الوصل سريع ..شكله بعزك ..
مع المني |
بيدق في الباب ..ولو دخل جوه ..حا أسجنوا
للأبد معاي يا أميرة..
وما حا أسمح ليهو يقرب حتي من الحيطة..
ويهرب زي زمان!
أمنياتي أن تنسد ..للأبد قريبا جدا كل أبواب أحزانك ياأميرة.
وحينها سيطرق الفرح علي بابك ..فلا تدعيه يهرب هذه المرة يا أميرة!
|
|