Post: #1
Title: رغم اني هلالابي على السكين لكن المصاورة يستاهلوا فليذوقوا طعم الظلم
Author: Zomrawi Alweli
Date: 09-24-2007, 07:56 AM
امس جلسنا امام التلفاز واحنا هلالاب ومعنا مجموعة فارات مريخية واخذوا الاماكن الامامية واحنا واقفين ساي نعاين.
تمر لحظات عصيبة وصعيبة ورغم علمنا ان المريخ سيفوز الا ان عمايل الفارات خلتنا نشجع المصاروة رغم انفنا من جوا جوا وعدم اظهاره للفارات...
الحكم يصفر ضربة جزاء مشكوكة وقلنا ماشي وكلنا يهون امام اذلال المصاروة بالتحكيم مثما اذاقونا كثيرا.. دخول الخوذات العسكرية قلنا ماشي حفاظا على يد الحكم من الكسر مثلما حدث لحكمنا الدولي حسن عبدالحفيظ في استاذ القاهرة.
الحكم يصفر لضربة جزاء صحيحة
يتصدى لها عجوز المريخ المتهالك فيصل العجب (مرتين) ويفشل العجوز
ولكن مدراء الكورة في تيم الدروايش لم يكونوا متحضرين البتة حيت رفعوا علامة يدوية غريبة لم نتعودها في السودان النظيف اخلاقياتها وهماصحاب رشاوي الحكاوي فليذوقوا عذاب الضمير بشراء الذمم.
الحكم يطرد لاعبين وقلنا ماشي
في النهاية المريخ غالب على جثة هامدة ...
الغايظني انوا الفارات ديل ما عندهم اخلاق رياضي البتة...
لا يعترفون ان الهلال ضمن قائمة اعظم الاندية العالمية رقم 112 وهم 297
الفاتحة على روح الدروايش فقد اغتيلوا امس في استاد المريخ على عينك يا تاجر
|
Post: #2
Title: Re: رغم اني هلالابي على السكين لكن المصاورة يستاهلوا فليذوقوا طعم الظلم
Author: نيازي عبدالله مرحوم احمد
Date: 09-24-2007, 08:06 AM
Parent: #1
برضو كتر خيركQuote: الغايظني انوا الفارات ديل ما عندهم اخلاق رياضي البتة...
لا يعترفون ان الهلال ضمن قائمة اعظم الاندية العالمية رقم 112 وهم 297 |
لما تعترفوا بانجازات وبطولات المريخ
|
Post: #3
Title: Re: رغم اني هلالابي على السكين لكن المصاورة يستاهلوا فليذوقوا طعم الظلم
Author: soma
Date: 09-24-2007, 08:27 AM
Parent: #2
مبروووووووك للمريخ
لو ارتشى لو ما ارتشى مبروووووك
لو اتفاصح على بنى فرعون ولا لا برضو مبرووووووك
لو ظلمهم ام لم يظلمهم
برضو مبروووووووك
مبروك للمريخ وللسودان
وخلى المصاورة بنى فرعون يتجرعوا طعم الظلم
وزى ما رفع واحد من ادارة المريخ يده عاليا
مشيرا الى انه الحكم مدفوع ليه ..برضو بقول ليه مبروووووك وكيتا عليك
وتجرعوا هذا الطعم المرير ..
لكن اعرف تماما ان هذا ليس بطبع السودانيين
اسماء الجنيد/ مسقط
هلالابيه على السكين
|
Post: #4
Title: Re: رغم اني هلالابي على السكين لكن المصاورة يستاهلوا فليذوقوا طعم الظلم
Author: Zomrawi Alweli
Date: 09-24-2007, 09:02 AM
Parent: #3
Quote: وخلى المصاورة بنى فرعون يتجرعوا طعم الظلم
وزى ما رفع واحد من ادارة المريخ يده عاليا
مشيرا الى انه الحكم مدفوع ليه ..برضو بقول ليه مبروووووك وكيتا عليك
وتجرعوا هذا الطعم المرير ..
لكن اعرف تماما ان هذا ليس بطبع السودانيين |
شكرا سوما يا هلالابية يا عسل هكذا الهلالاب اخلاق ورياضة
عموما الفارات ديل ما كانوا حيفرحوا لينا زيما احنا فرحانين على هزيمة المصاروة
|
Post: #5
Title: Re: رغم اني هلالابي على السكين لكن المصاورة يستاهلوا فليذوقوا طعم الظلم
Author: maawia dawood
Date: 09-24-2007, 09:26 AM
Parent: #4
السلام عليكم
ورمضان كريم
رغم نحن هلالاب لكن هذيمة المصاري مفرحة وبتعجبنا شديد
نحن السودانيين من زمن بعيد المصريين يستصغروننا
لكن بجهدنا جعلناهم تحت اقدامنا
وعقبال الهلال ان شاء الله ينزع الكاس من الاهلي
|
|