Post: #1
Title: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: عمر الفاروق
Date: 09-24-2007, 07:32 AM
Parent: #0
يوم 23/9/2007م حايكون يوم تاريخي بالنسبة لي وربما للإتحاد الإفريقي وربما يحتفل فيه الإتحاد الإفريقي تحت عنوان :
يوم الرشاوي العالمي ..
وربما يحتفل به المريخاب تحت عنوان :
سوّيناها ظااااااااااااهرة ..
تاني يا حسين يوسف وسامي عبد الوهاب ومن شايعهم ما تجو تعملوا لينا إزعاج بي جرايدكم القديمة وتلصقوها لينا هنا..
تاني مافي زول منكم يجي يقول لينا فضيحة 2 -12 وبالعودة ..
تاني ما تجو تشبكونا منشطات وممشطات ..
تاني لمن تجو تتكلموا غطوا وشوشكم من الخجل ..
ولمن تجو تتكلموا عن التحكيم الإفريقي وسوء تحكيمه إستدلوا بي مباراة المريخ والإسماعيلي ..
ولمن تجو تتكلمو عن الرشاوي وما يحدث تحت الطاولات أرجعوا لي كورة المريخ والإسماعيلي..
أمبارح خسرت حق البنزين وحق الشاي وقلت ما خسارة إنو الواحد يدفع من أجل الإستمتاع بخسارة المريخ الكنت واثق منها بنسبة 100%..
إستمخيت وإتحركت وبديت أتفرج ومن أول ربع ساعة قلت لي فردتي مصعب تراهنّي إنو الحكم حا يدّي المريخ ضربة جزاء في الشوط ده ؟؟؟
وما خيّب الحكم ظنّي ...
إستحملتها وقلت ما مشكلة الإسماعيلي الشوط التاني قادر على التعويض وفعلاً ضغط الإسماعيلي في الشوط التاني والحق يقال بهاء الدين أمبارح كان حارس عالمي وفوق العادة وخوفي لو عملوا ليهو كشف المنشطات يلقو المعلوم "اللهم إني صائم"..
لكن الحكم فطن للحكاية وطرد مدافع الإسماعيلي في مخالفة كان من المفترض في البداية أن تحسب لصالح الإسماعيلي بعد أن شدّ موسى الزومة المدافع في مخالفة واضحة لكن الحكم إحتسب المخالفة الثانية وتجاهل الأولى ..
ومن ما شفت ليكم زولنا ده طرد المدافع قلت لي مصعب صاحبي:
كوووووووووووووووووببببببببببببببح قمنا يا صاحبي الكورة دي ملامحا وضحت وماف داعي الواحد يرفع ضغطو ساي ..
والحمد لله ما تميتا ليفاجأني صديقنا حميدة بتلفون يحكي مهازل التحكيم بعدها..
قال لي يا عمر أصحابك الحكم أدّاهم "بلينتي تاني" !!!
والغريبة العجب ضيعو !!!
والأغرب الحكم عادو !!!
والأعجب العجب ضيعو تاني !!!!
الإسماعيلي لاعب بي تسعة وعاشرهم الشيطان !!!
والمريخ لاعب بي حداشر ..وثاني عشرهم الحكم !!!
قلتو لي شنو يا صهاينة ؟
حا تدو لاعبين الإسماعيلي ورود ؟؟؟
ونعم الورود والله !!!
قلتو لي حا تكرموا وفادتهم وتروهم السودانيين طيبين كيف؟؟؟
والله ما قصرتو !!!
بالله عليكم أسة المصريين حا يكونوا راضين أكتر بعد كورة الأهلي ولا بعد كورة الإسماعيلي؟؟
ما قلنا ليكم إنتو ناس كضابين لاقين قروش الحكومة دي تبعزقو فيها يمين وشمال !! هو إنتو خسرانين فيها حاجة ؟؟؟
ويجيك حسين يوسف يقول ليك والي الجزيرة دفع للهلال 10 مليون من قروش المزارعين !!
قومو لفو كده ياخ جبتو لينا العصبي
|
Post: #2
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: سامى عبد الوهاب مكى
Date: 09-24-2007, 07:45 AM
Parent: #1
مبسوووووووووووووووووط
انا دا من زعلتكم يا هلالاب!!
هي هي هي هي هي هي
وصلنا (النوهائي) معاها حركة جمال الممثل!!
يا الله ورسولو تتأهلو (للنهائي) لانه فعلاً حيكون(نهائي) على يد الاهلي طبعاً!
يفشو فيكم غبينة مصر المؤمنة كلها!!
المجد المجد المجد
المجد للمريخ المجد للمريــــــــــــــــــــــخ!
ما المجد السوري!
حا تكتبو جنس كتابة انتو....الشافكم بقيتو فقرا ما كضب!!
عايز لي محاية!
|
Post: #3
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: abas
Date: 09-24-2007, 07:47 AM
Parent: #1
والله يا ود الفاروق
حقوا يلبسوا برقع بعد ده
يغطوا بيه وجوههم
|
Post: #5
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: نيازي عبدالله مرحوم احمد
Date: 09-24-2007, 08:04 AM
Parent: #4
بعد هزيمة الاسماعيلي لدولفين باي باي المريخ
دا بوست للمحلل الرياضي عمر الفاروق انا احتفظته بيهوا لكن ارشفة المنبر لم تدعني ارفع ليك البوست يا عزيزي
تحكيم سجم رماد قولوا ماشئتم ويقيني انو المريخ افسد ليكم فرحة نصركم علي النجم وان شاءالله المولي الكريم كاس الفدراليه ان شاءالله من نصيب المريخ
|
Post: #6
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: ود المايقوما
Date: 09-24-2007, 08:23 AM
Parent: #1
|
Post: #7
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: الخير محمد عوض
Date: 09-24-2007, 08:29 AM
Parent: #6
الجـماعـة حـا يركبوا التونســية 
|
Post: #8
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: sheba
Date: 09-24-2007, 09:05 AM
Parent: #1
والله اتاري عدد المصريين فى سودانيز اون لاين كبير خلاس
اهي اهي اهي اهي
|
Post: #9
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: هجو الأقرع
Date: 09-24-2007, 11:14 AM
Parent: #8
يا اخوانا سلام ، يا عمر الفاروق دعوتك بتاعت اول امس جلت ، يالله ادعو من جديد عشان دولفين يفوز عشرين صفر ههههههههههههههههههههههههه.
|
Post: #10
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: سامى عبد الوهاب مكى
Date: 09-24-2007, 11:17 AM
Parent: #1
دريم ////اشاد الاستاد التحليلى لمباراة الزعيم والاسماعيلى بالنظام والانضباط والاستاد والانارة وبالجمهور--وذكر انها ملاحظات لابد من تسجسلها لانها تؤكد ان استعادة امجاد الرة السودانية لم تتم بالصدفة--وبرا المريخ من احداث المباراة--وذكر ان المريخ يملك الدافع للفوز اكثر من الاسماعيلى---وشن هجوما عنيفا على التحكيم وذكر انه جاء وفى ذهنه ان المريخ متاهل---وكان اللاعب الثانى عشر للمريخ--- وهاجم انكسار معنويات لاعبى الاسماعيلى وقلة تجاربهم مما اوقعهم فى مطبات خطيره فقدوا بسببها نتيجة الباراة وجهود لاعبيهم ومنحوا المريخ فرض\صة الحاق هزيمة تاريخية بهم
|
Post: #11
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: وليد محمد المبارك
Date: 09-24-2007, 11:28 AM
Parent: #10
اها الحا يلاقينا منو في السوبر
|
Post: #12
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: gamal elsadig
Date: 09-24-2007, 11:55 AM
Parent: #10
..
عمر الفاروق
مبروك لسودان المريخ الفوز المستحق على الاسماعيلي المصري
ومبروك لجماهيره الصفوة بعد الوقفة القوية من خلف وامام نجوم الزعيم
وحظ اوفر لجماهير نادي الاسماعيلي (المصرية) فقط ...؟؟؟
حكم مباراة الامس عمل على تطبيق القانون ....ضربة الجزاء الاولى صحيحة 100%
و المخالفة تدخل ضمن الحالات التسعة التي توجب احتساب المخالفة.
ضربة الجزاء الثانية ايضا صحيحة وكان يجب على الحكم طرد حارس المرمى
حالات الطرد للاعبي الاسماعيلي قرار الحكم فيها كان ايضا صحيح ولايحتاج الى تشكيك
فكل لاعب منهم استحق الانزار بالكرت الاصفر مرتين لذلك وجب طردهم
فكيف يكون الحكم متحيز للمريخ
الاسماعيلي المصري فلت من هزيمة كبيرة ...من فريق جاااااااااااااهز في كل خطوطه
...............
انا دائم التفاؤل بالمتعصبين من جماهير الهلال عندما يشجعون الفرق التي تلعب ضد المريخ
فهم (النحس) الذي ظل يلازم كل الفرق ضحايا المريخ الزعيم وصاحب الفخامة وسيد اسياد البلد
والبلدان المجاورة ....
......
لون النار احمر واصفر
لون النور احمر واصفر
يا هو ده المريخ احمر واصفر
هذا المريخ يافاروق لايمكن الوصول اليه حالياً ....
.
|
Post: #13
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: saif massad ali
Date: 09-24-2007, 12:16 PM
Parent: #12
الاسماعيلي مظلوم
|
Post: #14
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: hatim ibrahim
Date: 09-24-2007, 03:03 PM
Parent: #1
|
Post: #16
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: altahir_2
Date: 09-24-2007, 03:26 PM
Parent: #1
|
Post: #17
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: KOSTA
Date: 09-24-2007, 04:02 PM
Parent: #16
الاخ عمر
مهداة اليك بمناسبة وصول الزعيم الى النهائى
Quote: اصالة عن نفسى و نيابة عن جماهير و اعضاء دولة المريخ الصفوية بسودانيزاونلاين، اسمحوا لنا ان نتقدم لكم و لبقية جماهير المريخ الصفوة بالسودان و كل بقاع الدنيا بالتبريكات و حلو التهانئ للزعيم بوصوله بكل الجدارة لنهائى الكونفدرالية ( و لو كره الحاقدون )، و إنا لنعلم ان وصول الاحمر الوهاج للنهائى يجعل الدم الاحمر القان يفور فى عروقه لانه قد شمّ رائحة البطولة و لن يتركها لاحد كائن من كان ... و لهذا السبب وصول المريخ المستحق لهذه المرحلة النهائية من البطولة لم يعجب البعض من القبيلة الزرقاء فراحوا كالعادة يمارسون اساليب محفوظة و مكررة للتقليل من هذا الانجاز الضخم للمريخ و للسودان و هم الذين لم يأتوا حتى الآن للسودان و لجماهيرهم حتى بـ ( فنجان) ناهيك عن كأس او بطولة ......
و لكنه الزعيم يمضى ... و لا يأبه للطين المصبوب على شفاههم يتلوون .....
ولكنه الزعيم يمضى و يبعد عنه هذا الوسواس
و حين عجزوا ان يصلوا لانجازات الزعيم ضربوا اسداس فى اخماس
وصفوه بالحلم و وصفوه بوتيرة الإفلاس
و طفقوا يخسفون على ازرقهم بورق او لباس
و حين وصل الزعيم الى الحلبة النهائية مشمرآ ساعديه للدواس،
قالوا انه آخذها نعلم ذلك بلا إلتباس
اين منا الخلاص؟؟؟
قال كبيرهم : بل اين ادارى وجهى من الناس ؟؟؟
قال عاقلهم : ماعليكم لا اظن ان الزعيم سيفعلها فليدخل قلوبكم الإيناس
قال راشدهم : ويحكم ان تيم الوالى هو الزعيم و جماهيره صفوة الاجناس !!!
فقال صحفيهم: زعيم مين ؟؟؟ احذروا فالعرق دساس
هتفوا جميعآ: اللهم لاتجعل الزعيم يحمل مجددآ الكأس
اللهم اجعل شعار الفريق الذى يقابلهم هو النسناس !!!!
نقول لهم و يقول لهم الزعيم :
موتوا بغيظكم ... فلن نزيدكم الا خسارا
موتوا بكيدكم ... فلن نزيدكم الا تبارا
و تبارك الله عليك يازعيم
و مساء الخير يالامير
و حبك سكن الضمير |
|
Post: #18
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: Mohamed Abdelmotalib Hassan
Date: 09-24-2007, 05:32 PM
Parent: #17
البلنتي صحيح مليون في الميه, لاعب الاسماعيلي بوضوح بي ساعدو الأيمن عرقل الملك فيصل , الصورة واضحة جدا في الاعاده.
مبرووووك الفوز وعقبال
|
Post: #19
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: Moawia Mohammed
Date: 09-24-2007, 09:21 PM
Parent: #1
يا عمر الفاروق
أخونا في الهلال
بوستك دا فيهو حاجه كدا ما يا ها
خصوصا لما تعمل ريفريش للصفحة
أو تفتح المداخله الفاضيه بتاعت حاتم ابراهيم
الحق يا أخوي في محاولات تخريبية للبوست
من الصهاينة
|
Post: #20
Title: Re: حسين يوسف وشيعته تاني أوووعكم تتكلموا عن فضائح التحكيم وأرشيف الهلال..
Author: حسين يوسف احمد
Date: 09-25-2007, 11:59 AM
Parent: #19
عزيزي عمر الفاروق ..
تحياتي وتقديري ..
أولا ، تهانينا القلبية ل 99% من
الشعب السوداني الرائع عاشق الزعيم
بصعود الزعيم ـ باذنه تعالى ـ للنهائي ..
ثانيا : كان بامكاني أن أتداخل معك في هذا
البوست من يوم أمس لحظة مشاهدتي له ..
ولكن وبصراحة أغضبني العنوان ، فخفت أن أنجرف
وراء غضبي فأخسر شخص بقامتك في شئ لا أعتقد أنه
يستحق ليس تقليلا من شأن الرياضة ، ولكن قصدي في
حوار لا يستحق أن أخسر بسببه انسان ..
أعتقد وربما أكون على خطأ أن عنوانك غير موفق
لأني ليس لدي حاشية في هذا المنبر ولا في أي منبر آخر
فكلنا نعمل من أجل هدف واحد هو الزعيم ..
وكل منا يعطي قدر ما يستطيع وقدر ما توفرت له من وثائق
وابداعات وأفكار ...الخ
فأنا والحمد لله منذ صغري مهتم بالارشيف والتوثيق وأملك مكتبة
ضخمة في هذا الشأن ، وما أقدمه في سودانيس أونلاين لا يساوي
شئ مع ما أقدمه في منتديات المريخ ..
فهناك المنتدى متخصص في الرياضة وبالتالي اصبح متاح أن أقدم فيه
وثيقة كل لحظة لو استطعت أما هنا فالعمل بالمناسبات ليس إلا ..
المهم يا عزيزي ..
لا أعتقد أن شخصيات بقامة راكوبة وكوستاوي والموصلي ورجاء العباسي
ودكتور شهاب وابو مهيار وعفاف أبو حريرة ونهال كرار وكيجا والأستاذ
مزمل أبو القاسم ونيازي وعبدالماجد وعلي وحمزاوي ...الخ
لا أعتقد أن شخصيات بهذه القامة تكون حاشية لحسين وسامي ..
وهذه مشكلتكم في هذا المنتدى يا الفاروق ..
مشكلتكم شخصنة الحوار والابتعاد به من دائرة الحوار العادي إلى الدائرة
الشخصية ..
وهذا الأمر دوما يورطكم أكثر وأكثر ، ولا زلت أذكر ذاك الشخص الذي ترك موضوعي
عن ولدنا الصغير هلولة وذهب يتكلم عن القائد الشهيد صدام حسين ويسئ له ، ونسى هذا
الشخص أن هنالك هلالاب يعشقون الهلال أكثر منه وفي ذات اللحظة يؤمنون بالبعث وبصدام حسين
ومنهم حكم مشهور حياته تدور حول الهلال وصدام حسين ..
كما نسى هذا الشخص أن الهلال قد منح عدي صدام حسين وسام الهلال ..
المهم عزيزي وحتى نستطيع أن نقدم ما فيه الفائدة وبعيدا عن التوترات نرجو
الابتعاد قدر الامكان عن شخصنة الحوار ..
ونعود لموضوعك :
ما هو دليلك على الرشوة ؟؟
نحن وثيقتنا جاهزة ومن بيتكم
حوار خالد عزالدين معالراحل الطيب عبد الله ..
وهذا نص ما كتبه خالد عزالدين عن فضيحة 2 و12:
فهل لديك ما يثبت قولك ..؟؟
وإني لأسألك سؤال بذات منطقك :
لمـاذا ألغى الحكم هدف المجد الثالث ؟؟
ولماذا تغضى عن ضربة جزاء صحيحة لصالح النجم ؟؟
وهل سجل الاسماعيلي هدف ورفض الحكم احتسابه كما فعل
حكم مباراة المجد السوري ؟؟
ولماذا تم تمديد زمن مباراة أسيك حتى الدقيقة 109 ؟؟
يا صاحبي فضائحكك موثقة ..
والانشاء بتاعتكم لا تفيد ..
مع الحب ..
|
|