الأخ بكري ابو بكر ----محمد الفاتح خالد ---- من بوسطن ينتظر منك مفتاح العبور لحوش بكري

[email protected]


و يهديك واحدة من روائعه


لحي الاصداف

جيتك....وقلبي كان معزور
يجرجر هيكل احساسو
مسافة السكة بينا تتطول
وقت قاومت نبض الشوق
..شوقك ساقني للمجهول
مصمم أواصل المشوار
عليك يا غالية خاتي القول
غلبني اصبر الاشواق
وارجع بي كلام معسول
أغالب السكة بي الترحال
و ليل الوحشة لما يحول.
نعيش بين الزحام أشكال
مشكلة بي الوهم يا زول
أوادعك كيف
وارجع طيف
إسم إنسان
ساكن حزنو ذي الضيف
ميت ولسي بتنفس
عبير النسمة جنب القيف
نفس المشية والاكتاف
ماسك برضو في المجداف
غلبني أكفكف الدمعات
أبدا بدونك الجديف
تاني أصادم الواقع
أعبر لي مداك ضفاف
بين الموج وبين السيف
وبين الجاي في الاطراف
وأرجع والعشم مكسور
كأني بلاكي فاقد الذات
مواسم حزني تاني تزور
خائف من طشاش الليل
بين غيماتو يخفي النور
لا يلمع نجم بالريد
ولا طلت ضفائر الحور
غلبني اكسر المجداف
ارجع والقلب معزور
أرجع والعرق جراف
أقطع يا مواني ضفاف
بتلمعي في المدي البصطاف
وفي الشفق البلامس ضيو
في ألاعماق لحي الاصداف
وفي القنديل
انا الما خاف من طشاشت
الدمعة لما تسيل
وجوي العين تنقط
مطرة في المنديل
وقت ما يجرف التيار
عليك حافة شراعي تميل
واقابلك لا زمن غدار
ولا ضي الاماسي اصيل
معاك في السكة لي اخر خطي المشوار
لو ضحكة عيوني تزيل
شقي الايام
نقيف لي الشيمة والهدام
نقيف نتحزم الاشواق
ولي قدام ولي قدام
.... .... ......
اغالب الوحشة بي الوحشة
وشهقت قلبي ليكي سلام
اضم ايديكي مرتعشة
يصب غيم السماء الشاهق
الوح للمطر مشتاق
اجرجر خطوة بتلاحق
اجيك رغم العشم مكتوم
مهشم قلبي محتاج ليك
واقابلك تاني في المرفي
وفجاءة من الالم والضيم
ينبت شوقي من نطفة
وجيتك وكنت متاكد دا
ماكان يوم لقاك صدفة
وجيهك ايشع ملان بي النور
لا حبك قدر بنخاف
ولا نبع الحنين جفي
ولا وهج العيون بلور
علي كتفك حمامة ترك
علي بابك خطاي بتدور
خطاي القائمة في الهجعة
توادعك تمشي بي الوجعة
توادعك كيف ودابي معاك
عبرت دروب بدون رجعة

محمد الفاتح خالد

محمد الفاتح إن شاء الله سوف يكون اضافه جيده للمنتدي