الاعزاء الاخوات و الاخوة زيما واضح في العنوان وجد طيرقة من شأنها تحقيق فايدة عظيمة لينا كلنا اعضاء و زوار و اهم من كدا تقديم المالي للحتاجين من احواتنا و اخوانا دون ان نتكلف باي عواقب مالية و الظروف معلومة للجميع و ربنا يوقفنا للنهوض بالمسؤوليات الملقاة علي عواتقنا طيب الموضوع كالآتي في خدمة مالية اسمها Flexx card عبارة عن خدمة مصرفية في الانترنت بتفتح للراغب حساب مصرفي و معه فيزا كارد Master Card جميع الحسابات التلاتة علي نظام الـ Prepaid و بيكدا بتكون مسيطر علي وضعك المالي لانك مسموح لك استخدام المال الموجود في حسابك علي اي من الانظمة التلاته المذكور الفوائد تمثل في انه حتي لو عندك مشكلة مع بنوك او اي مشاكل مالية بامكان الحصول علي الخدمة دي كاملة التحويل المالي يحدث في ثواني لاي مكان في العالم اذا كان المستقبلي يملك حساب flexx اذا ما عنده بيصلو ايميل يخبرة بانه مرسلة ليهو قروش و يرشده لكيفية فتح حساب ليستلم الفلوس اوكي عندنا سرعة التحويل غير وارد فرض اي متقدم لخدمة يعني في اي وكت احتجنا لتحويل قروش للمساعدة في غرض او عمل خير و هنا نقطة مهم جدا تتمثل في انه اي حد يكسب عضو جديد بياخد علية و علي الاعضاء البجيبهم هذا الشخص و هاكذا حتي الحلقة الخامسة يعني اذا اشتركنا كلنا بتوفر لينا مكاسب مالية كويسه يمكن ان نتفق علي وضعهافي حساب خاص زي البنعما نحنا و تكون امال متوفرة لاستخدامها في اي طارئ اتمني اني اكون وضحت ليكم الموضوع بما فيه الكفاية الرابط الفوق دا بوديكم للموقع البنتكلم عنه اذا فتح عندكم باللغة الالمانية مكن تحول للانقليزي اتمني ان كل واحد يقرأ المعلومات بدقة قبل ما يقرر التسجيل اللهو مجاني معليش قاعد اكتب بالمواوس و اني من المحتمل دخولي للانترنت نادر في الفترة الجاية و ان شاء الله تجدي الموضوع مفيد زيما بعتقد انا يديكم العافية
09-24-2007, 11:36 AM
نصار نصار
تاريخ التسجيل: 09-17-2002
مجموع المشاركات: 11660
علي سبيل المثال يمكن الاستفادة من هذا البرنامج الهادف الي تمليك الاطفال الفقراء لردم الهوة الرقمية بين الفقراء و الاغنياء كماذكرت في اكثر من مناسبة ان المبادرين يعولوا علي السياسين في المناصب العليا رؤساء او وزراء مختصين لتسجيل رغبة بلادهم في الاشتراك و الاستفادة من البرنامج هناك رؤساء دول بادروا و نجحوا في ادراج اطفال دولة في المراحيل التجريبة علي اجهزة مجانية يحتفظون بها بعد التجريب فيما اذكر اني اطلعت علي خريطة تؤكد ان السودان ح يستفيد الاجهزة الرخيصة في مراحل قادمة يبدوا ان الاجهزة جيدة لدرجة ان الدول الغنية ابدت رغبة فيها الان علن عن بداية البيع عبر الانترنت علي ان يشتري الفرد جهازين يحتفظ بواحد و يتبرع بالاخر القائمين علي البرنامج يعشموا في ان يكون الطلب عالي و عبر شراء اعداد ضخمة مدخلات اللاب توب يتمكنوا من تقليل التكاليب علي ان لا يتعدي سعر الجهاز مبلغ المئة دولار في مشروع مشابه لهذا فيما يخص الموبايلات
09-24-2007, 10:20 PM
Raja Raja
تاريخ التسجيل: 05-19-2002
مجموع المشاركات: 16054
طبعا لو قلت ليك أنا البنوك العدييلة القدامنا دي ما قاعدة أثق فيها كمان أمشي وبأيدي كده واتعامل مع بنوك الإنترنت؟؟ تصدق الفيزا كارد والحاجات الغريبة دي ما بريد أتعامل معها كلو كلو. وأفضل مية مرة أخت قريشاتي كلها في المحفضة بتاعتي (جنيه جنيه) وأتعامل بطريقة حبوبة ديك ..
ودي
09-24-2007, 10:31 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
مبالغة يا منعم و دي مصيبة كبيرة التجاذب بين الحاصل في العالم و الحاصل عندنا بيعمل ابو الشهيق او يشق الحجاب الحاجز كر لكن خلينا علي وزن عيش لدنياك كأنك تعيش ابدا و لاخارتك كأنك تموت غدا ما بين الامل و الواقع
09-24-2007, 10:31 PM
سجيمان سجيمان
تاريخ التسجيل: 10-03-2002
مجموع المشاركات: 14875
انا بمشي ادخل الموقع دا.. علا علي مسعولتك..باقي اسم موقعك دا اكساتو كتبرة..عامنول دخلت موقع كلو اكسات لي حسي خجلان وخايف وقلبي مقطوع.... الله يازاهم هادي الخواجات.. دايرين يبوظو اخلاقنا في صمة خشومنا
09-24-2007, 10:54 PM
نصار نصار
تاريخ التسجيل: 09-17-2002
مجموع المشاركات: 11660
رجو بقولو عليها الحفضة بتاعة الجلد الاحمر زي بتاع المراكيب و خيط القيطان المعلق في الرقبة و معاهو معلق الحجاب الما خمج الحكايةدي بتوري انه حبوباتنا كانن جندريات عندهن استقلالية مالية بدون مؤمرات و سمنارات وشعارن كان السوايات ما حداثات الشغلانةدي ما فيها شي يخوف بعددفع الرسوم الاولي انت مخيرة تحتي فيها قروش قدر شنو و يكفي سته دولارات عشان يكون حسابك شغال البحسوا باهمية الشغلانة دي الناس الفي الغرب و عندهم مشاكل مع النوك بسبب الباد كرديت
09-24-2007, 11:09 PM
نصار نصار
تاريخ التسجيل: 09-17-2002
مجموع المشاركات: 11660
لكن يا دكتور تعال جن الخواجة الذي ما قال عنه ود بادي ما تقيف قدامه حاجة الا يرطن فيها حاجة شوف الزول دا مشي تنزانيا واجهته مشكلة اتصال مع جماعته المعاهو بالجوال لانة مافي اريل تقوية طلع بابتكار يمكن الاتصال في ركن في العالم و مجان كمان استفاد من طريقة تبادل الفايلات المسمي p2p البكون فيها اجهزة كمبيوترات المشتركين سيرفرات و دا عمل الشغلانة زي كدا بالضبط الاتصال ينتقل من موبايل لي موبايل لمان يصل الشخص المعني كالاتي
الله اكرم و تصوموا و تفطروا علي خير عزيزي عماد تعرف الكيزان لو لقوا طريق يكتفوامنعم و يفكوا اخوانهم الشياطين والجاة البتحيرهم انه بجيهم في الاتو بتاعهم الفقدوهوا من اول لفة الراجل بتعبد بيهم في رمضان
09-25-2007, 00:36 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
غايتو يا نصار اخوى حكاية القروش دى من الله خلقنى مكجناها كمان دايرنا نسوى ليها توم وشمار غايتو من تالاى فوضتك تعمل لى حساب والبتمرق مرة مرة رسل لى منها ملينيتن تلاته والباقى اديهو لى بكرى يسوى لى بيهو مكتبة اها وماتنسى ترسل لى للبنية منهن والباقى كان فضل دفعتو ليك شنو ليك وحات سيدى ما بهظر
09-25-2007, 08:51 AM
نصار نصار
تاريخ التسجيل: 09-17-2002
مجموع المشاركات: 11660
جابوهو بالطيارة و باعوهو بالخسارة اخونا دكتور عصام الشيخ كان بيتكيف جدا من نداءات الباعة في سوق مدني مابكون محتاج شراء الحاجات المفروش لكن بيطمئن علي انه الخير راقد و رخيص
09-25-2007, 10:52 PM
kamal ali kamal ali
تاريخ التسجيل: 06-21-2007
مجموع المشاركات: 362
ابشر يا حبيب لكن انا و منعم و عمر ما من مصلحتنا يتغير اسمك لاسباب تكيكية عمر ثبت بالدليل القاطع ان ساير علي كمال علي أكتر و بكري الغتيت تلقاهو بتاوق و يضحك الله يديم الانبساطة و رمضان بتتجلي فيه النفوس العطشانة و جعانه طوال السنة للضحكة و الفرفشة يديك العافية و كوس ان المفارقة بقت مدخل للتواصل و التعارف
09-26-2007, 12:49 PM
نصار نصار
تاريخ التسجيل: 09-17-2002
مجموع المشاركات: 11660
Quote: الحضور الان بالمنتدى العام لسودانيز أون لاين دوت كوم 1179 شخص » (66 )عضو و (1113) زائرا
ماشاء الله علي المنبر العام وهو ينتقل من رقم قياسي لاخر لعدد الحضور من زوار و اعضاء غايتو ياسر عرمان راحت عليه فالمنبر كل يوم زايد غلاوةو حلاوة الناس ابقولوا ان الموقع فقد المتميزين اول حاجة بظلموا الاعضاء البكتبوا الان فالعالم اتقلب رأس علي عقب و المتوقفين تأففا و ترفعنا ما قدروا يتعايشوامع مستجدات الواقع الجديد ودي انانية وفرعنه علي الفارغ النجومية زمان لمن يستطيع الوصول الي نوافذ الاتصال القليلة المروسة بالمحسوبية فهي كانت لاهل الحظوة
09-26-2007, 08:46 PM
نصار نصار
تاريخ التسجيل: 09-17-2002
مجموع المشاركات: 11660
يا ابوعمير عليك امان الله زارني زرة شديدة و بقيت لي زي اهل العوض كدي ورينا بعد نرجعلك باقت العسل اسوي شنو تاني رسل المعلومات تاني كمبيوتري القديم خرب هههههههههههه
09-28-2007, 00:36 AM
عمر سعد عمر سعد
تاريخ التسجيل: 05-31-2007
مجموع المشاركات: 2468
انا اصلي ثقتي في ذاكرتي موش و لابد و بين و بينك اتحرجت منك انحراجة شديدة خالس خالس لكن املت في مخارجة من الزنقة بجرجيرك في الكلام لمان ذاكرة الجن دي تلقليه شيتن يذكر لكن يالخو بعد ان مرقت من خانت اليك لكن ما عجبني لصديقي نصار الحاج هههههههههه ماسكني ما عارف شنو و انا برئ براءة الذئب من دم ابن يقوب لكن يا نصار الحاج موضوع الخلط بيناتنا استفحل خالس خالس و محتاج نيفاشا عديييييل كدا جهز بنامج و انا جاهز و يا عمر هوي رجع لي كرامتي الاهدرت بلا ذنب قد جنيته
09-28-2007, 01:17 AM
عمر سعد عمر سعد
تاريخ التسجيل: 05-31-2007
مجموع المشاركات: 2468
حكاية فرمنةالكبيوتر دي مسألة فلسفية برجع ليها بعدين دكتور فيصل تمام التمام و الايامدي عريس تصور الزولة العرسه دي محظوظة قدر كيف زول ملاك بجيك للباقي بعدين
09-29-2007, 01:40 AM
نصار نصار
تاريخ التسجيل: 09-17-2002
مجموع المشاركات: 11660
مساك الله بالخير حاج عمر ركز معاي كويس انا قولت لي جهازي اتعطل ودي حقيقة و ما اتكلمت عن معلوماتك الخايف عليها و ان شاء ود الحاج يعمل فيها الماعملو الحطيئة في ابن معدكرب بالنسبة للرسيف وريني تفاصيل الموديل العاوزة و ابشر تب معانا هنا صديقي اللهو خال دكتور فيصل فكري بتع رسيفرات ايدو لاحقة و انت شكلك عاوز تلعب الرسيفر بلينوكس و الفكي بتاعنا ممكن يقترح ليك محاية و حجبات اكبر مدد يا شيخنا ابو عمار القلب الموتر حمار
09-29-2007, 01:19 PM
nassar elhaj nassar elhaj
تاريخ التسجيل: 05-25-2003
مجموع المشاركات: 1129
صدقوني لم أفهم أي شئ مما ورد منكم عني في بعض فقرات هذا البوست ولم يسبق يا عمر سعد ان كنت طرفاً معك في أي شئ ولم يحدث ان تواصلنا بأي شكل من وسائط التواصل وليست بيني وبينك أي معرفة، تجعلني اكون طرفاً معك فيما تتحدثون عنه..وأجزم لك بذلك .. ولم يحدث من جهتي ان اشتركت في اي برنامج من هذه البرامج التي تتحدثون عنها .. ولم أفكر حتى في ذلك.
فأرجو التوضيح اكثر ..
نصار الصادق الحاج السعودية - الرياض
09-29-2007, 11:19 PM
نصار نصار
تاريخ التسجيل: 09-17-2002
مجموع المشاركات: 11660
رمضان كريم و بركة في الربكة الظهرتك اخونا عمر سعد ابدي عدم ارتياحه لاني فيما ظن اني قطعت تواصل كان بينا و صهينت من حاجة طلبا مني انا ختيت اللوم علي ذاكرتي المخرمة و حاولت اني اواصل مع عمر لحدي ما ارسي علي بر و صاحبنا في مداخلة كتب الحاج قبل نصار و هنا علي طول غيرت خطتي من دفاعية لهجومية كاسحة و الشغلانة نجحت و ابوعمير رمي اسلحته و استسلم رايك شنو نسلمو ليك بواسطة الصليب الدولي اثناء استسلامه جاب سيرة كندا انا احترت و قلت دي اما عمالة اجنبية او عمر لسع خالط الموضوع الحقيقة كنا ح نصل ليها في التحقيقات لكن اهو انت جيت ح نواجه عمر بيك و نعرف نصار كندا حكايته شنو و ان شاء ما يكون من الجزء البتكلم فرنسي عشان نعرف ناخد و ندي في الكلام و لك العتبي يا حبيب
09-30-2007, 10:48 PM
نصار نصار
تاريخ التسجيل: 09-17-2002
مجموع المشاركات: 11660
العزيز نصار الحاج هذه ذاكرة محاولات فك الاشتباك بينا الاسمين
Quote: اولا هذه فرصة للترحب مرة اخرى بالشاعر المبدع نصار الحاج و التعبير عن بالغ الاعجاب به شاعراو موقف و انفل قولا فى حق اديبنا السامق بشرى الفاضل للتديل على فضل ذهب الصمت على فضة الكلام فى مثل هذا المقام. منذ زمن و قبل التحاق الاستاذ نصار الحاج بهذا المقام حدثت حادثة افرحنى اصلها و احرجنى ظلها الذى ادركت عقبا انه كان ليستظه اسمى دون رسمى و فى ضحى (بعد) الغد كان على ان اعيد الحق لمن هو له اهلا,,, سمى جدى نصار الحاج فأحرجت لحرج لابد ان يكون قد وقع فيه بشرانا الفاضل لم يخفف وقعه محاولة قومت بها بأن كتبت للدكتور ما معناه ان ندرة الاسم الذى يجمع بينى و ابن الحاج يبرر ما حدث فلم يرد لتبقى الاحتمالات مفتوحة على سعتها. كأنى خلقت من الموقف حالة درامية تفوق الحدث نفسة لكنى اصدقكم القول انى وجدت فى هذه الطريقة ازالة لحزة علقت بالنفس بالتداخل الذى ذكرته اعلاه. أتى على حين من الدهر كنت كثيف التواجد فى المنبر و قد اشتهيت على الاخوة المشاركين حكاية البنت التى طارت عصافيرها و حدث تجاوب محمود من مجموعة من الاخوة و تحلق الناس حول البوست و دارت حوارات انيقة و حميمة زادها رونق عودة مبدع القصة بعد طول غياب و اضاف للمتعة الحادثة ابعاد اخرى و بلا مقدمات توجه لى بالخطاب يعلمنى بأنه اقترح اسمى ليوضع فى قائمة لمن سوف تنشر اعمالهم فى مبادرة يقوم بها مع نفر فاضل مثله. و رغم عن عدم امتلاكى لاعمال ادبية الا انى شكرته و تباهيت بهذا الشرف العظيم الذى رآهوا الدكتور من خلف حجب لم تسمح لى سخصيا ان اخترقها. و من ثم جلى الامر للدكتور و لى فكتبت له بالمعنى السابق و تفرقت من حينها مساراتنا فى المنبر. دفعنى لاحياء هذا الامر تكرار حدوثه من االاخ بن بن حيث بعث لى برسالة خالعا على صفة الاستاذية مع دعوتى للمشاركة فى احياء ذكرى الراحل المقيم الدكتور محمد عبد الحى فلم يسعنى شكره و اعتزرت مرغما عن المشاركة لانى لا اقيم حيث اعتقد و لا مقام بالرفعة التى ظنها محمود على ذلك. و رد بن بن بدوره ردا لا تعوزه الصراحة معلنا خطأ وصوا الرسالة لى و ان المعنى بها هو سمى جدى ابن الحاج,,,,,قلت فى نفسى هذا من يطلب منه ذاك لا جدى و لا انا. و اسعدنى اضافة لصراحة الاخ بن بن ازاحته للغب الاستاذية الذى ثقل على صدرى و عاد للحميمية الكامنة فى صفة الاخاء و مخاطبتى بأسمى الاول الذى لا يشاركنى سمى جدى فيه و لم يدفعنى تجاه سمى فى المنبر اشرف به و انعم الاخ علاء الدين شاموق . و حتى حادثة اخرى يكون حديث اخر
رمضان كريم و بركة في الربكة الظهرتك اخونا عمر سعد ابدي عدم ارتياحه لاني فيما ظن اني قطعت تواصل كان بينا و صهينت من حاجة طلبا مني انا ختيت اللوم علي ذاكرتي المخرمة و حاولت اني اواصل مع عمر لحدي ما ارسي علي بر و صاحبنا في مداخلة كتب الحاج قبل نصار و هنا علي طول غيرت خطتي من دفاعية لهجومية كاسحة و الشغلانة نجحت و ابوعمير رمي اسلحته و استسلم رايك شنو نسلمو ليك بواسطة الصليب الدولي اثناء استسلامه جاب سيرة كندا انا احترت و قلت دي اما عمالة اجنبية او عمر لسع خالط الموضوع الحقيقة كنا ح نصل ليها في التحقيقات لكن اهو انت جيت ح نواجه عمر بيك و نعرف نصار كندا حكايته شنو و ان شاء ما يكون من الجزء البتكلم فرنسي عشان نعرف ناخد و ندي في الكلام و لك العتبي يا حبيب
شكراً لك يا صديقي علاء الدين نصار على هذا التوضيح الوافي والكافي
وصح انا لاحظت ان عمر سعد اتى على سيرة كندا، وهو يتكلم عن نصار الذي يعنيه وأنا ليست لدي حتى الآن أية صلة بكندا، كما أشار لشخص اسمه : كمال سالم - على ما أظن، بإعتبار أن له صله كذلك بنصار الذي يعنيه وانا لا اعرف شخص إسمه كمال سالم ..
شاكر جداً لك يا صديقي ومحبتي الدائمة ..
10-08-2007, 11:43 PM
نصار نصار
تاريخ التسجيل: 09-17-2002
مجموع المشاركات: 11660
كدا ريحتي يا عزيزي نصار الحاج اصلو نحنا ناس بنعيش حياتنا الصافية بالنية السليمة زيما قال اللحو حكاية كمال سالم كانت مزاحات مع اخ عزيز جديد مطالب بكري بتغيير اسم العضوية بتاعة من كمال علي لكمال سالم الاخ المعني هو التداخل في هذا البوست بلاسم الاختارة ليهو بكري كمال علي في رمضان بتشف الارواح و ترق و حتي الزينا ديل بخففوا دمهم بس ان شاء الله ما نعوق لين زول العفو و العافية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
نصار
Raja
عبد المنعم سليمان
سجيمان
Muna Khugali
Imad Khalifa
سلمى الشيخ سلامة
kamal ali
عمر سعد
nassar elhaj
فيس بوك
تويتر
انستقرام
يوتيوب
بنتيريست