Post: #1
Title: أى الرجال أنت ؟؟؟
Author: الفاتح الجنيد
Date: 09-23-2007, 08:20 AM
قالوا عن الرجل :
ـ الرجل الساذج يطلب من المرأة أن تحبه ، و الرجل المجرب يجعلها تحبه ،،، ـ الرجل هو المادة الخام التي تضع فيها المرأة اللمسات الأخيرة ،،، ـ الرجال يقولون في النساء ما يروقهم ، والنساء يفعلن بالرجال ما يروقهن ،،، ـ الرجال يحبون بسرعة ، لكنهم يكرهون ببطء ،،، ـ الرجل المصاب بداء الحب يتحول من صياد إلى طريدة ،،، ـ لكل رجل امرأة أحلام ، قد تكون موجودة على الأرض ، وغالبا ما تكون في حكم الخيال ،،، ـ يفقد الرجل أحلامه أولا ، ثم أسنانه ، وأخيرا وقاره ،،، ـ خاطب في الرجل عقلة ، وفي الأحمق أذنه ،،، ـ الرجال أطفال كبار ،،، ـ الرجال يمكنهم أن يقاوموا نظرية صائبة ، ولكنهم يستسلمون لنظرة ،،، ـ الرجال يحلمون قبل الزواج ، ويستيقظون بعده ،،، ـ يستدل على الرجل من هيئته ، وعلى أصله بسلوكه ،،،
تخريمه : ـ حين يرتكب الرجل بلاهة ما يقولون : ما أشد بلاهته ،،، وحين ترتكب المرأة بلاهة ما يقولون : ما أشد بلاهة النساء !!!
الرجال ثلاثة أنواع : ـ رجل يدَعي أنه على حق وهو العنيد ،،، ـ ورجل يعترف أنه على خطأ وهو العاقل ،،، ـ ورجل يؤكد أنه على خطأ حين يكون على صواب ، وهذا هو المتزوج ،،،
فأي نوع من الرجال أنت؟
|
Post: #2
Title: Re: أى الرجال أنت ؟؟؟
Author: هاشم أحمد خلف الله
Date: 09-23-2007, 08:39 AM
Parent: #1
Quote: فأي نوع من الرجال أنت؟ |
يا الفاتح اخوي الرجالة تطير , كدي في الأول ورينا انت (أى الرجال أنت ؟؟؟) وانا بجيك بعدين !!!!
|
Post: #3
Title: Re: أى الرجال أنت ؟؟؟
Author: Abd Alla Elhabib
Date: 09-23-2007, 09:25 AM
Parent: #2
الرجال أطفال كبار ،،، التمبلوول...لووول..يا فاتح يعنى نحنا هسى babies ??? ليك على بكرة دى أمشى أشترى لينا بزازات وأرسل ليك مالتك بال DHL . يا سوما حصلي..الراجل ده عمك رمضان طلع ليهو في راسو !! ------------------------- أشواقى وتحياتى ورمضان كريم .
|
Post: #4
Title: Re: أى الرجال أنت ؟؟؟
Author: د.محمد حسن
Date: 09-23-2007, 11:34 AM
Parent: #1
ـ ورجل يعترف أنه على خطأ وهو العاقل ،،،
اسعى ان اكون هذا الرجل
الغاتح سلامات يا رجل
|
Post: #5
Title: Re: أى الرجال أنت ؟؟؟
Author: د.محمد حسن
Date: 09-23-2007, 11:34 AM
Parent: #1
ـ ورجل يعترف أنه على خطأ وهو العاقل ،،،
اسعى ان اكون هذا الرجل
الغاتح سلامات يا رجل
|
Post: #6
Title: Re: أى الرجال أنت ؟؟؟
Author: محمد المرتضى حامد
Date: 09-23-2007, 01:05 PM
Parent: #5
أليس من الأفضل أن نُتفق على ما يعنيه مصطلح (رجل) ابتداءا يا صديقي؟
|
Post: #7
Title: Re: أى الرجال أنت ؟؟؟
Author: الفاتح الجنيد
Date: 09-24-2007, 09:49 AM
Parent: #6
Quote: يا الفاتح اخوي الرجالة تطير , كدي في الأول ورينا انت (أى الرجال أنت ؟؟؟) وانا بجيك بعدين !!!! |
الرجالة البتقصدها دى ياهاشم ، عارفنها من زمان طارت ،،، وبعدين أنا كان عارف كوعى من بوعى ما كان نزلت البوست ده ،،، لكن إنت عاااارف روحك ، كلامك ده كلام زولا ( حمدو فى بطنو ) قول ساى ،، ما تخجل ،،،
|
Post: #8
Title: Re: أى الرجال أنت ؟؟؟
Author: الفاتح الجنيد
Date: 09-24-2007, 09:51 AM
Parent: #7
Quote: الرجال أطفال كبار ،،، التمبلوول...لووول..يا فاتح يعنى نحنا هسى babies ???
ليك على بكرة دى أمشى أشترى لينا بزازات وأرسل ليك مالتك بال DHL . |
إنت حكايتك شنو الليلة ،،، أولا : التمبلول لول دى جبتها من وين يا ترباية الحبوبات ،،، تانيا : مالتك دى مالك ومالها ،، حقتك والا بتتشبر ساكت !!!
ليك وحشة والله يا عبد الله يا وحش ،،،
|
Post: #9
Title: Re: أى الرجال أنت ؟؟؟
Author: الفاتح الجنيد
Date: 09-24-2007, 10:08 AM
Parent: #8
Quote: ـ ورجل يعترف أنه على خطأ وهو العاقل ،،،
اسعى ان اكون هذا الرجل |
إذن إنت تصنف ضمن الرجال الذين يستدل عليهم من هيئتهم ، وعلى أصلهم من سلوكهم ،،،
دمت فى خير وعافية
|
Post: #10
Title: Re: أى الرجال أنت ؟؟؟
Author: الفاتح الجنيد
Date: 09-24-2007, 10:25 AM
Parent: #9
Quote: أليس من الأفضل أن نُتفق على ما يعنيه مصطلح (رجل) ابتداءا يا صديقي؟ |
صديقى محمد المرتضى ود ود حامد ،،،
زمان الرجاله كانت وااااحدة بس ، ما ليها تانى ،،، أما الآن وفى ظل العولمة أصبح ليها أبعاد ثلاثية ، ورباعية ، وتساعية ووو كمان ،،، يعنى بقت خشم بيوت ،،، ويستحيل الاتفاق على مصطلح واحد وشامل لمعنى كلمة رجل ،،، والعارف عزو مستريح ،،، والا مش ؟
|
Post: #11
Title: Re: أى الرجال أنت ؟؟؟
Author: munswor almophtah
Date: 09-24-2007, 04:17 PM
Parent: #10
الراجل من يمشى على إثنين والرجل من يمشى على أربعه والبتراجل من يمشى على بطنه أو تمشيه عند المحكات رمضانك كريم وربنا يتقبل منا ومنك..........................
منصور
|
|