اللهم يا منزل القرآن..ببركة شهر رمضان ..أنصر الإسماعيلي الغلبان..على بعيو السودان

أصعب درب درب الأمل ...
ناس بتمشي سنين طويلة ..وناس بدون ما تمشي توصل..

هكذا هو حال العظماء (والعظمة لله) وهاهو الهلال شقّ طريقه نحو الوصول لنهائي أفريقيا وكما عودنا بكل قوة وإقتدار ليكسب من عرق جبينه لقمة حلال بلال وبإذن الله يعيد شريط مباراة ليفنتس النيجيري وينتزع تعادل يرجع به منتصراً ليستعد لمباراة التتويج إن شاء الله ..
وهاهو مريريخ العرضة جنوب جاتو "مملحة" وهو الذي كان يبحث عنها "قروض" ..
غداً المباراة الفاصلة بين الإسماعيلي المصري والمريخ وبالرغم من الظروف التي يمر بها الإسماعيلي إلا أن الدراويش في شهر رمضان المعظم سيضربون الدفوف داخل حلقة إستاد المريخ يضربوا النوبة ضرب مبرحٍ فترن وتإنّ ..
غداً إن شاء الله تأتي الحضرة للدراويش رغم كل الظروف التي تمر بهم من صراع داخلي ونزيف نقاط في الدوري المحلي ليمدحوا داخل العرضة جنوب:
الناس بتجيك من قوم بلجيك ..
لبنان و(مصر) ومراكش ديك ..
ويرددوا :
حييييييييييييييييييي..قيووووووووووووووووووووووووم ..حيييييييي..قيووووووووم ..
أتمنى وبمشيئة الله أن يحقق الإسماعيلي الفوز في مباراة الغد لتعود الأمور لنصابه ووضعها الطبيعي ..
كوارا وعوارة ودولفين ودلاقين قفلوا أمخاخهم فلا وجدوا بلح الشام ولا عنب اليمن ..
ولكن يبقى الأمل في فريق الإسماعيلي الذي يكفيه التعادل فقط لإعادة المريخ لحجمه الطبيعي ..
الخوف كل الخوف أن يواصل جمال الوالي وإدارته التحكم في الحكام الأفارقة داخل إستاد المريخ كما فعلوها مع الحكم الليبي يومها !!!!!
اللهم أنصر الإسماعيلي في مباراة الغد ..
اللهم سدد رمي مهاجميه ..
اللهم أنصرهم بنصرك المؤذر..

ليه كده يا عمر؟

ليه؟

المريخ مهماكان يمثل السودان كالهلال تماما..

الأخ خالد :

Quote: المريخ مهماكان يمثل السودان كالهلال تماما..

ما هو عشان بيمثل السودان تماماً وزي الهلال فكمان نحن مفروض نكون تمااااماً زي مشجعين المريخ ..

أيوه يا عمر..


مشجعين للمريخ لما يمثلنا كسودانيين..بالرغم من أننا هلالاب علي السكين.