فطور بورداب الخرطوم

فطور بورداب الخرطوم


09-15-2007, 12:56 PM


  » http://sudaneseonline.com/cgi-bin/sdb/2bb.cgi?seq=msg&board=120&msg=1190317826&rn=0

Post: #1
Title: فطور بورداب الخرطوم
Author: ADIL FAIT
Date: 09-15-2007, 12:56 PM

مسعولين من الخير، إنتو يا بورداب الخرطوم فطوركم متين؟


هبشه:
والله الواحد مشتهي لمة الزملاء.


مع أكيد حبي وتقديري،،،

عادل فايت
Post: #2
Title: Re: فطور بورداب الخرطوم
Author: ود الباوقة
Date: 09-15-2007, 01:10 PM
Parent: #1

انت يا عادل فايت تخلونا نفوت من البلد وتسوا فطوركم .. تصومو وتفطروا على خير ...



ود الباوقة
Post: #3
Title: Re: فطور بورداب الخرطوم
Author: ADIL FAIT
Date: 09-15-2007, 01:11 PM
Parent: #1

والله مشتهين شوفة الناس ولمتها؟
Post: #6
Title: Re: فطور بورداب الخرطوم
Author: ADIL FAIT
Date: 09-15-2007, 01:17 PM
Parent: #3

Quote: انت يا عادل فايت تخلونا نفوت من البلد وتسوا فطوركم


والله يا ود الباوقة نحنا لسه ما وصلنا الخرطوم لكن بنحمس في النيران،

دا كلو عشان نشوف كيف عمل الزمان الزملاء.



هبشة:
شكراً يا ود الباوقة على لمرور من شارعنا....



كل الود،،،

عادل فايت
Post: #4
Title: Re: فطور بورداب الخرطوم
Author: عاصم ابوبكر حامد
Date: 09-15-2007, 01:15 PM
Parent: #1

اتمنى ان يكون قريبا ...

قبل ان نغادر هذا البلد .....
Post: #7
Title: Re: فطور بورداب الخرطوم
Author: ADIL FAIT
Date: 09-15-2007, 01:24 PM
Parent: #4

Quote: قبل ان نغادر هذا البلد .....

نحنا ذاتنا عاوزين نعرف الترتيب للفطور دا عشان الكلام الزي دا يا عاصم




كل الود،،،
Post: #5
Title: Re: فطور بورداب الخرطوم
Author: Ahmed musa
Date: 09-15-2007, 01:16 PM
Parent: #1

إقتراح فطور{1}
المكان : حيقة المطار
الزمان: العشر من رمضان
تثنية وتنسيق
Post: #8
Title: Re: فطور بورداب الخرطوم
Author: ADIL FAIT
Date: 09-15-2007, 01:26 PM
Parent: #5

Quote: إقتراح فطور{1}
المكان : حيقة المطار
الزمان: العشر من رمضان


دا كلام جميل يا أبو حميد



كل الود،،،
Post: #9
Title: Re: فطور بورداب الخرطوم
Author: عاصم ابوبكر حامد
Date: 09-15-2007, 01:40 PM
Parent: #1

Quote:
الزمان: العشر من رمضان


معاكم 100 الــــ100
Post: #10
Title: Re: فطور بورداب الخرطوم
Author: ADIL FAIT
Date: 09-15-2007, 01:59 PM
Parent: #9

Quote: معاكم 100 الــــ100


لو خمسين% يا عاصم حا تحضر إن شاء الله
Post: #11
Title: Re: فطور بورداب الخرطوم
Author: عاصم ابوبكر حامد
Date: 09-15-2007, 02:02 PM
Parent: #10

الحبيب عادل
Quote: لو خمسين% يا عاصم حا تحضر إن شاء الله


انتو قرروا وخلوا الباقى علينا ...


تسلم
Post: #12
Title: Re: فطور بورداب الخرطوم
Author: حمزاوي
Date: 09-15-2007, 02:06 PM
Parent: #1


عادل فايت اخوي
مسكاقمي
اولاً انت الوداك الخرطوم شنو
انت مش كنت في الامارات
اخونا عبود فايت وصل الرسالة
شكراً جزيلاً
شهر مبارك ورمضان كريم
Post: #15
Title: Re: فطور بورداب الخرطوم
Author: ADIL FAIT
Date: 09-16-2007, 02:10 PM
Parent: #12

Quote: عادل فايت اخوي
اخونا عبود فايت وصل الرسالة
شكراً جزيلاً
شهر مبارك ورمضان كريم


تسلم يا حمزاوي



كل الود،،،
Post: #13
Title: Re: فطور بورداب الخرطوم
Author: Safia Mohamed
Date: 09-16-2007, 09:57 AM
Parent: #1

ناس الخرطوم سلام
رمضان كريم
Post: #14
Title: Re: فطور بورداب الخرطوم
Author: Ahmed musa
Date: 09-16-2007, 10:06 AM
Parent: #1

Quote:
ناس الخرطوم سلام
رمضان كريم

بس؟!!!!!!!
مافي تثنية , إقتراح , إلخ بس {سلام رمضان كريم}
عموماً لحدي ما ترجعيفي كلامك
والله أكرم والبحبوا كلوا كريم
Post: #16
Title: Re: فطور بورداب الخرطوم
Author: محمد غلامابي
Date: 09-16-2007, 02:31 PM
Parent: #1



..........

العاشر من رمضان

..........

بحديقة المطار مئة بالمئة..

............

علينا البلح..


.....

غلامابي
Post: #17
Title: Re: فطور بورداب الخرطوم
Author: ADIL FAIT
Date: 09-16-2007, 03:04 PM
Parent: #16

Quote: علينا البلح..


تسلم يا غلامابي
Post: #18
Title: Re: فطور بورداب الخرطوم
Author: الملك
Date: 09-16-2007, 04:33 PM
Parent: #1

رمضان كريم

يا عادل

...
Post: #19
Title: Re: فطور بورداب الخرطوم
Author: ناهد علي
Date: 09-17-2007, 07:59 AM
Parent: #1

رمضان كريم
ياريت يرتب له
حتي التقيكم جميعا بي شوق لكم
شكري
Post: #20
Title: Re: فطور بورداب الخرطوم
Author: Ahmed musa
Date: 09-17-2007, 09:24 AM
Parent: #1

Quote: رمضان كريم
ياريت يرتب له
حتي التقيكم جميعا بي شوق لكم
شكري


الليلة خمسة رمضان يلا نرتب
إقتراح : تحديد هواتف للتنسيق
أنا متبرع
0121892347

ومنتظرين خطوات عملية اكتر واسرع

ناهد حبابك وركضان كريم تلفوني راح وفقدت الاتصال بيك
فوق تلفوني الجديد
Post: #21
Title: Re: فطور بورداب الخرطوم
Author: ابو يسرا
Date: 09-17-2007, 11:04 AM
Parent: #20

كل عام والجميع بخير
دعوة جميلة وأقترح حدائق الهيلتون لقربها من المدن الثلاث
وفي كل الاحوال نحن معكم في العاشر من رمضان وارجو من الاخ ناجي الملك القيام بالتنسيق فهو صاحب خبرة في اجتماعات بورداب الخرطوم
هاتفي0923968223
Post: #22
Title: Re: فطور بورداب الخرطوم
Author: دوت مجاك
Date: 09-17-2007, 11:25 AM
Parent: #1

شباب كيفكم
طبعا انا ما صائم
لكن معاكم عشان اشوف اكبر عدد من البودراب اللى فى الخرطوم

اصلى مشتهى اشواف اشكالهم
Post: #23
Title: Re: فطور بورداب الخرطوم
Author: salah awad allah
Date: 09-17-2007, 11:59 AM
Parent: #22

رمضان كريم
معكم حتى مشارف اللقياء
Post: #24
Title: Re: فطور بورداب الخرطوم
Author: ADIL FAIT
Date: 09-17-2007, 03:43 PM
Parent: #23

دا كلام جميل...
والشغلانه شكلها ماشه في الإتجاه الصحيح..
وشكرأ لكل الزملاء القالوا حاجة في الموضوع دا ...

تلخيص كل ما ذكر في:
مكان الإفطار: حدائق الهيلتون
تاريخ الإفطار: يوم 10/ رمضان
المنسقين للإفطار: كل من: أخونا أحمد موسي تلفون: 0121892347
وأخونا أبو يسرا تلفون: 0923968223

هبشة: يلا يا جماعة إتلملموا سريع عشان نشوفكم


كل الود،،،
Post: #25
Title: Re: فطور بورداب الخرطوم
Author: ابراهيم بقال سراج
Date: 09-17-2007, 03:53 PM
Parent: #24

عادل فايت

رمضان كريم تصوم وتفطر علي خير
Post: #26
Title: Re: فطور بورداب الخرطوم
Author: ADIL FAIT
Date: 09-17-2007, 03:58 PM
Parent: #25

Quote: عادل فايت

رمضان كريم تصوم وتفطر علي خير


أخونا زمان بقال .. كيف حالك وخبرك، إن شاء الله تكون كويس
Post: #28
Title: Re: فطور بورداب الخرطوم
Author: ابراهيم بقال سراج
Date: 09-17-2007, 06:35 PM
Parent: #26

Quote: أخونا زمان بقال .. كيف حالك وخبرك، إن شاء الله تكون كويس


الحمد لله بخير وكويس ما عندي اي عوجة

رسل لي تلفونك بالمسنجر يا صديقي زماااااااااااااااااااان
Post: #27
Title: Re: فطور بورداب الخرطوم
Author: الملك
Date: 09-17-2007, 04:33 PM
Parent: #1

مكان الإفطار: حدائق الهيلتون
تاريخ الإفطار: يوم 10/ رمضان
المنسقين للإفطار: كل من: أخونا أحمد موسي تلفون: 0121892347
وأخونا أبو يسرا تلفون: 0923968223
و نــاجى الزبير الملك تلفون :- 0912254150
...
...
Post: #29
Title: Re: فطور بورداب الخرطوم
Author: محمد غلامابي
Date: 09-17-2007, 06:51 PM
Parent: #1

....



..........


نجيب الجكس بتاعنا؟؟

......


العاشر من رمضان حضور

.....


الهلتون؟؟


عقبال الافطار في الهلتون ذاتو

ما الحدائق

....


غلامابي
Post: #30
Title: Re: فطور بورداب الخرطوم
Author: ابو يسرا
Date: 09-18-2007, 08:13 AM
Parent: #29

up
Post: #31
Title: Re: فطور بورداب الخرطوم
Author: Ishraga Haimoura
Date: 09-18-2007, 08:23 AM
Parent: #1

حاضرين يا بورداب الخرطوم
وما تنسوا بورداب الخارج الصائمين في الخرطوم
مرحب بيهم ويشرفنا حضورهم
10 رمضان دا يوم السبت

يلا يا ملك ..... نوزع المسئوليات

ناجي ... عليك البيبسي
أحمد موسى.... الفطائر
أبويسرا ..... بيتزا
عادل فايت.... إنت عليك الموية
أنا علي سلطة الروب والحلومر

بشاور الباقين وبرجع ليكم
Post: #32
Title: Re: فطور بورداب الخرطوم
Author: Samer Osman
Date: 09-18-2007, 08:33 AM
Parent: #1

سلام

10 رمضان كان السخانة دي خلتنا صايمين لحد الزمن داك إنشاء الله ...

طيب نمشي لقدام ...

بقترح الناس تجيب عمدانا من البيوت وعصيراتا معاها وفرشات وترامس الشاي والقهوة ممكن العزابة يجيبوا ناس فطاير وبيتزا وبطيخ وتلج وكنافة وحلويات والموضوع ده علي ناس اللجنة يشوفوا المناسب وحصر العدد المتوقع




مودتي
سامر حسن
0912332827
Post: #33
Title: Re: فطور بورداب الخرطوم
Author: Ahmed musa
Date: 09-18-2007, 09:05 AM
Parent: #1

Quote: أحمد موسى.... الفطائر


إشراقااااااااااااااااااااااه الحمدووووووووووووللاااااااة الفطور قام
بس ياقصة قصة الفطائر دي حارة على ..... ليه ؟!!!
طيب أنا بيني بينك {بجاوي} والله جماعتى في طوكر ولا دورديب سمعوا بقصة الفطائر دي حيبقي وضعي زي وضع جبهة الشرق اليومين ديل .... {من الشرق وما بقدرأصلوا!!!}
إقتراح {1} بدليني بأي حاجة تانية
إقتراح {2} أعفيني علنامن مسألة الفطائر وخليها بيناتنا في المسنجر
تخريمة :
انا شاكي في إجتماعات سرية بين الملك وأبويسرا لأنوا التحضيرات ماشة وما في زول هببوا لي
Post: #34
Title: Re: فطور بورداب الخرطوم
Author: م. سيد احمد قدورة
Date: 09-18-2007, 09:21 AM
Parent: #33

يا جماعة مسئولين من الخير
عبير خيرى وين
هى كانت سباقة فى ترتيب لم الشمل
تحياتى عبير
Post: #65
Title: Re: فطور بورداب الخرطوم
Author: عبير خيرى
Date: 09-20-2007, 09:36 AM
Parent: #34

.

يا باشمهندس إزيك

والله ليكم وحشة

ورمضان كريم إنشاء الله عليكم كلكم

شكراً على السؤال

ونتلاقى إنشاء الله
Post: #37
Title: Re: فطور بورداب الخرطوم
Author: ناهد علي
Date: 09-18-2007, 09:36 AM
Parent: #33

رمضان كريم يابودراب الخرطوم جميعا
اقترح الافطار يوم 10 بس اعفونا من الحدائق دي
اية رايكم في دار سوداتل .
العمل يحتاج لاخراج اكثر وتنسيق وهمه .
هاتف0912200935
Post: #35
Title: Re: فطور بورداب الخرطوم
Author: Ishraga Haimoura
Date: 09-18-2007, 09:27 AM
Parent: #1

يا أحمد موسى
في حاجة إسمها مخابز بتبيع الفطائر دي جاهزة
لكن وكت اتجرست قدر دا ... خليك من الفطائر وجيب العمود بتاع سامر
إن شاء الله العمود يكون فيه عصيدة بي أم تكشو
Post: #36
Title: Re: فطور بورداب الخرطوم
Author: ابو يسرا
Date: 09-18-2007, 09:30 AM
Parent: #35

حبيبي احمد موسي والله منذ أكثر من عام لم التق او اهاتف اخي ناجي الملك
Post: #38
Title: Re: فطور بورداب الخرطوم
Author: Nesta
Date: 09-18-2007, 10:08 AM
Parent: #36

ووويين انعام .... غريبة ما ظهرت حتى الان ..

Quote: اعفونا من الحدائق دي


ما بنعفيك .. دار سوداتل دي بتجر ليها حاجات تانية وراها .. وبعدين مكانا ما وسط لكل الناس ..


الاستاذة اشراقة ..

انا جاهز .. أجيب ليكم شنو ؟؟
Post: #39
Title: Re: فطور بورداب الخرطوم
Author: محمد غلامابي
Date: 09-18-2007, 11:02 AM
Parent: #1

.....


ياجماعة الخير


.....


جاهزين للتكليف..

.....


عزابي بحي المطار..


....


نجيب باسطة؟؟


ولا نعزمكم فلم هندي؟؟

.....

ودا التلفون ( يعني نجيب شنو)؟؟


(التنسيق) دي كلمة دلع ساكت..

0912873495

....

محمد غلامابي
Post: #40
Title: Re: فطور بورداب الخرطوم
Author: اميرة الحبر ادريس
Date: 09-18-2007, 11:31 AM
Parent: #39

يا ناجي المللك اوع تنساني
المرة دي انا جاهزة

اميرة
Post: #53
Title: Re: فطور بورداب الخرطوم
Author: Samer Osman
Date: 09-19-2007, 08:08 AM
Parent: #40

Quote: المرة دي انا جاهزة


الغالية جدا

ريحة الزمن الجميل ....


أنا كمان جاااهز لأستنشق هواء نقيا بمعيتك
Post: #41
Title: Re: فطور بورداب الخرطوم
Author: Ishraga Haimoura
Date: 09-18-2007, 12:09 PM
Parent: #1

يا نيستا
أول شيء صغر صورة البروفايل الكعوجت لينا البوست دي بعدين تعال نوريك عليك شنو

غايتو معاوية كرفس ما عليه العدة

محمد غلامابي يا عزابي بحي المطار إنت لأنك من حي المطار جيب لينا مشاوي

ناهد دار سوداتل بعيدة على ناس أمدرمان وبعدين ما أظنها مجانية

إنتي وأميرة الحبر جيبوا لينا لحمة

د. والي الدين القهوة أهم زول

إسماعيل حميم شاي وقهوة

عبير خيري سلطة طماطم
Post: #42
Title: Re: فطور بورداب الخرطوم
Author: إسماعيل حميم
Date: 09-18-2007, 12:51 PM
Parent: #41




رمضان كريم

على الجميع

بورداب الخرطوم والضيوف وبورداب الشتات

الصائمين والفاطرين

ربنا يتقبل من الكل ويغفر لنا ولكم

بكرم الشهر الكريم

قولوا آآآآميييييين

دعوات محفوفة بالمودة

بعد الغياب


إسماعيل حميم

.
Post: #43
Title: Re: فطور بورداب الخرطوم
Author: Safia Mohamed
Date: 09-18-2007, 12:58 PM
Parent: #41

أستاذة اشراقة سلاك
وانا؟

المهم ابعدينا من المشاوي الميزانية لا تسمح غايتو ممكن طعمية بعد مجازفات واوعى من دار سوداتل معناها ما تجو عديل يا ناس امدرمان

تحياتي
صفية
كرت
Post: #44
Title: Re: فطور بورداب الخرطوم
Author: ADIL FAIT
Date: 09-18-2007, 01:58 PM
Parent: #43

أولاً: شكراً لكل الزملاء والزميلات القالوا أي حاجة بخصوص هذا الإفطار..
ثانياً: يمكن تلخيص كل ما ذكر فيما يلي:
* تاريخ الإفطار: 10/ رمضان
* مكان الإفطار: حدائق الهيلتون
* الذين أكدوا على الحضور هم:
- ود الباوقة
- عاصم أبوبكر
- أحمد موسي
- محمد غلامابي
- ناجي الملك
- ناهد علي
- ابو يسرا
- دوت مجاك
- صلاح عوض
- إبراهيم بقال
- إشراقة حمورا
- سامر عثمان
- سيد أحمد قدورة
- نستا
- أميرة الحبر
- إسماعيل حميم
- صفية محمد
- عادل فايت

* منسقين الإفطار هم:
- أحمد موسي تلفون: 0121892347
- أبو يسرا تلفون: 0923968223
- ناجي الملك تلفون: 0912254150


* المطلوب من الحضور: علي كل فردالحضور لمكان الإفطار قبل وقت كافي ومنح الإخوة المنسقين مبلغ (10ألف) وذلك حتي يتثني لهم القيام بالمواجب علي أكمل وجه ...


كل الود،،،


عادل فايت
Post: #45
Title: Re: فطور بورداب الخرطوم
Author: Nesta
Date: 09-18-2007, 02:07 PM
Parent: #44

Quote: 10ألف


اكيد بالقديم ...
Post: #46
Title: Re: فطور بورداب الخرطوم
Author: Ahmed musa
Date: 09-18-2007, 02:09 PM
Parent: #1

Quote: أستاذة اشراقة سلاك


دكتورة صفية إنتي عارفة ليك إسم لإشراقة حيمورة غير حيمورة؟؟؟

Quote: سلاك

والله لايق
إشراقة سلاك حيمورة , أنا مرة داير أتحرفن كتبت {غشراقة} الله لا يوريك

والله ياعادل إقتراحك كويس بتاع ال10 جنيه ده لكن إحتياطياً كدة بقول للجماعة في البيت خلوا لي شي كده جنباوي
أبويسرا تسلم والله أنا هازل ولست جاداً الهام هو إلتقاءنا وكل التفاصيل ليست ذات جدوى وإلى لقاء السبت إنشاء الله إن مدّ الله في العمر
Post: #47
Title: Re: فطور بورداب الخرطوم
Author: ADIL FAIT
Date: 09-18-2007, 02:20 PM
Parent: #46

Quote: اكيد بالقديم ...


صحي العشرة ألف بالقديم يا نستا

Quote: والله ياعادل إقتراحك كويس بتاع ال10 جنيه ده لكن إحتياطياً كدة بقول للجماعة في البيت خلوا لي شي كده جنباوي

ما فهمتها يا أحمد موسي، لكن علي أي حال نحنا جايين نشوفكم، أكلنا ما أكلنا دي قضية تانية يا لذيذ...

كل الود،،،
Post: #48
Title: Re: فطور بورداب الخرطوم
Author: ADIL FAIT
Date: 09-18-2007, 02:33 PM
Parent: #47

Quote: أولاً: شكراً لكل الزملاء والزميلات القالوا أي حاجة بخصوص هذا الإفطار..
ثانياً: يمكن تلخيص كل ما ذكر فيما يلي:
* تاريخ الإفطار: 10/ رمضان
* مكان الإفطار: حدائق الهيلتون
* الذين أكدوا على الحضور هم:
- ود الباوقة
- عاصم أبوبكر
- أحمد موسي
- محمد غلامابي
- ناجي الملك
- ناهد علي
- ابو يسرا
- دوت مجاك
- صلاح عوض
- إبراهيم بقال
- إشراقة حمورا
- سامر عثمان
- سيد أحمد قدورة
- نستا
- أميرة الحبر
- إسماعيل حميم
- صفية محمد
- عادل فايت

* منسقين الإفطار هم:
- أحمد موسي تلفون: 0121892347
- أبو يسرا تلفون: 0923968223
- ناجي الملك تلفون: 0912254150


* المطلوب من الحضور: علي كل فردالحضور لمكان الإفطار قبل وقت كافي ومنح الإخوة المنسقين مبلغ (10ألف) وذلك حتي يتثني لهم القيام بالمواجب علي أكمل وجه ...


كل الود،،،


عادل فايت
Post: #49
Title: Re: فطور بورداب الخرطوم
Author: اميرة الحبر ادريس
Date: 09-18-2007, 02:48 PM
Parent: #47

اشراقة حيمورة ..سلام ورمضان كريم
معليش انا عاملوني ذي غلامابي العزابي ده..
لاني بجي من العيلفون للجريدة الصباح وما برجع البيت
الا بعد الفطور وبعيد عنك ده برنامج يومي
عشان كده انا حاساهم بحاجة بشتروها من خرطومكم دي
واقترحي لي انت
مع الود
اميرة
Post: #50
Title: Re: فطور بورداب الخرطوم
Author: Ahmed musa
Date: 09-18-2007, 03:04 PM
Parent: #1

Quote:
* المطلوب من الحضور: علي كل فردالحضور لمكان الإفطار قبل وقت كافي ومنح الإخوة المنسقين مبلغ (10ألف) وذلك حتي يتثني لهم القيام بالمواجب علي أكمل وجه ...



اميرة المسألة إتحلت و جيبي العشرة وتعالى بس بدري عشان تلحقي نختك في المجموعة الأولي
البعد أذان المغرب طوالي
Post: #51
Title: Re: فطور بورداب الخرطوم
Author: عبدالرحمن عبدالله أبوشيبة
Date: 09-18-2007, 07:45 PM
Parent: #50

هيييييييييييييييييييييه يا عادل فايت

والله اشتقنالك ،، رجل من الزمن الجميييييييييييييييييل.
تصوم وتفطر على خير يا وجه الخيييييييييير.
Post: #52
Title: Re: فطور بورداب الخرطوم
Author: Ishraga Haimoura
Date: 09-19-2007, 07:56 AM
Parent: #1

الأستاذة صفية
سلاك ورحمة الله
إنتي جيبي لينا عصير ليمون أمدرماني

يا أحمد موسى غزيك رمضان كريم

يا عادل فايت 10 ألف دي يجيبوها متين؟؟ الناس دي مرات بتجي بعد الآذان
كل زول أخد تكليف يلتزم بيه والباقين يجيبوا العشرات إن شاء الله نعمل بيها سحور
يا ناس أمدرمان ركزوا على العصائر وما تنسوا الفرشات
Post: #54
Title: Re: فطور بورداب الخرطوم
Author: Nesta
Date: 09-19-2007, 10:06 AM
Parent: #52

يا ناس هوي .. البطيخ .. البطيخ أهم زول ..







لا ما انا البجيبو يا اشراقة .. لكن لازم يجي..
Post: #59
Title: Re: فطور بورداب الخرطوم
Author: Safia Mohamed
Date: 09-19-2007, 01:56 PM
Parent: #52

وعليكم السلاك
أختنا اشراقة علم وسيتم التنفيذ
اي خدمات اخرى سعادتك

صفية
غايتو سلاك دي اخير من غشراقة
Post: #55
Title: Re: فطور بورداب الخرطوم
Author: Ishraga Haimoura
Date: 09-19-2007, 10:34 AM
Parent: #1

يا جماعة دي التكاليف:
ناجي ... البيبسي والفرشات
أحمد موسى.... (عمود كامل) + فرشة
أبويسرا ..... بيتزا
عادل فايت.... موية
إشراقة حيموره سلطة الروب والحلومر
معاوية كرفس عصائر
محمد غلامابي مشاوي
ناهد لحمة أو فطائر
د. والي الدين القهوة
إسماعيل حميم فراخ
عبير خيري سلطة
وديدي موية + فرشة
محمد صباحي الباسطة
منال خوجلي سجق
نيستا فطائر

والباقين يدهم على العشرات نتم الناقص ونشتري البطيخ
Post: #56
Title: Re: فطور بورداب الخرطوم
Author: Nesta
Date: 09-19-2007, 12:50 PM
Parent: #55

++++++++++++
Post: #57
Title: Re: فطور بورداب الخرطوم
Author: دوت مجاك
Date: 09-19-2007, 12:55 PM
Parent: #1

اممممممم
انا جايب بطنى وجاى

اوكى شباب
فى المكان والزمان المحددين


والى الملتقى
Post: #58
Title: Re: فطور بورداب الخرطوم
Author: الملك
Date: 09-19-2007, 01:44 PM
Parent: #1

انا على الببسى والفراشات

يالله شوف

...
انا بجيب 10 الف ...بس مادام الموضوع بقى حقارة!!
Post: #60
Title: Re: فطور بورداب الخرطوم
Author: ADIL FAIT
Date: 09-19-2007, 02:24 PM
Parent: #58

دا كلام جميل ...
كل المداخلات بتقول حا يكون الفطور جامد..
وكل الكلام بقول حا نشوف نا مشاركين وحلوين ...




هبشة: يا يوم عشره ما تسع عشان شنو كدا ما عارف ...


كل الود،،،


عادل فايت
Post: #61
Title: Re: فطور بورداب الخرطوم
Author: اميرة الحبر ادريس
Date: 09-19-2007, 05:17 PM
Parent: #60

سامر حسن ود ادارية ..الله دي حتكون اجمل مناسبة
اخبارك شنو وكل الشباب الفي بالي وبالك
بس انتظرني السبت ..والله لو اعلنوا المفاوضات مع
الرافضين لابوجاقبل السبت انا ما حاغادر الخرطوم دي شبر.
اهم حاجة حضر لي اخبار الجميع والتلفونات
مسئول من الخير يكري الجاك كيف..
اميرة
Post: #62
Title: Re: فطور بورداب الخرطوم
Author: محمد غلامابي
Date: 09-19-2007, 07:05 PM
Parent: #1

...........



ياحيمورة

الله يلعن أبو حي المطار

أنا موظف، وحتت صحفي يادوب نال القيد

....

يعني علي باب الله !!!

.....

كلو الا قصة المشاوي دي

.....

رأيكم شنو في الباسطة؟؟..

أناعذابي...


فاهمة شنو ياإنعام يعني عذابي

علي الطلاق بالتلاتة بيتي (كوز) مافيهو

.......

أها الباسطة دي بنباصرها

.....

كسرة

أميرة الحبر عليها ورق الجرائد عشان نخت فيهو الاكل هاهاهاهاهاهاهاهايييي

.... مشتاقين، بالاكتر،الله يبارك فيك، وشنو كدي ماعارف

.....غلامابي
Post: #63
Title: Re: فطور بورداب الخرطوم
Author: ابراهيم بقال سراج
Date: 09-19-2007, 07:45 PM
Parent: #62

فوووووووووووق علشان بورداب الخرطوم

انشاء الله لو ما حصلت حاجة مهمة طارئة

سنكون حضور

وملتزمين بالمساهمات
Post: #64
Title: Re: فطور بورداب الخرطوم
Author: معتز تروتسكى
Date: 09-20-2007, 07:36 AM
Parent: #63

محمد غلامابي
هوي يازول اعمل حسابك ده كلام شنو يافردة
Quote: الله يلعن أبو حي المطار

شنو ياحمادة داير تغلط معانا...
ماسمعت اغنية ناس الخرطوم بتحبو...


اها بعد ده كلو ماعندكم بند للناس الفاطرين واصحاب الاعذار الشرعية...
ولا اقول ليكم بجيكم بعد الفطور..
غلامابى اطلع من الكندشة بتاعت المكاتب دي وحلل صيامك خلى قاعد لى مع خستقون وابو الخوج وتقول لي صايم ، هو قاليك كل صيام محسوب.ولو فاطر ماتخاطر.


*بالمناسبة اغنية تعنى ناس الخرطوم وليس بورداب الخرطوم لذا لزم التنوية. .

هبشة:
عادل ازيك..
Post: #66
Title: Re: فطور بورداب الخرطوم
Author: Safia Mohamed
Date: 09-20-2007, 09:47 AM
Parent: #64

Quote: ناس الخرطوم بتحبو...

دي غيرة ساااااااااااااااااي من ناس امدرمان
طبعا الله خلق الدنيا الناس بتغني لامدرمان من زمن الحقيبة ووانتهاء ب .... تموها

صفية
Post: #67
Title: Re: فطور بورداب الخرطوم
Author: Nesta
Date: 09-21-2007, 04:15 PM
Parent: #66

في صفحة 3 ....

UP