Post: #1
Title: الرمح الملتهب (محمد فضل) لا يشارك للمرة الثانيه .. ولو بنعرف التآمر كان كشفنا كيف يهزم المريخ!
Author: تاج السر حسن
Date: 09-20-2007, 06:52 PM
طبعا ح ينط واحد يقول ليك محمد فضل (مضروب) !!! طيب (ديوب) ما كان مضروب وبلعب!!
فى المباراة الأولى خرج محمد فضل من معسكر الأسماعيلى قبل سا عتين من لقاء المريخ مثلما هرب 6 من لاعبى (كوارا) الى جنوب افريقيا بخدعة ووعد (مكذوب) من قطب مريخى يعيش فى نيجيريا !! لكنهم عادوا مرة أخرى وشاركوا فى المباراة التى خسرها المريخ 1/2 وكانت السبب فى عدم تأهل المريخ للدور النهائى فى بطولة الكونفدراليه - طبعا ده سبق صحفى - مسجل حصريا باسمنا .. هسه يعملوا فيها زى موضوع (النشيد) !!
وللذين لا يعرفون اللاعب (محمد فضل) فهو مهاجم من طراز فريد يشبه الرمح الملتهب (على قاقارين) فى زمانه، استطاع (محمد فضل) أن يهز شباك النادى الأهلى زعيم مصر وافريفيا فى الدورى الممتاز للعام الماضى (رايح جاى) فى المباراة الأولى هدفين وفى الثانيه هدف .. وبذلك تمكن الأسماعيلى من الحاق الهزيمه بالأهلى فى المرتين!!
بالنسبة للمقابلات ضد المريخ فى المرة الأولى كما ذكرنا لم يلعب محمد فضل وخرج من المعسكر مدعيا خلافا مع الأدارة حول مستحقاته التى تأخرت وفى المباراة الثانيه لن يشارك مدعيا الأصابه مع انه لم يلعب ضمن صفوف الأسماعيلى فى عدد من المباريات، بعد أن عاد وشارك مباشرة بعد لقاء المريخ بالأسماعيلى الذى انتهى بالتعادل.
نواصل ..........
|
Post: #2
Title: Re: الرمح الملتهب (محمد فضل) لا يشارك للمرة الثانيه .. ولو بنعرف التآمر كان كشفنا كيف يهزم المر
Author: تاج السر حسن
Date: 09-20-2007, 07:07 PM
Parent: #1
لو بنعرف التآمر :
كنا تكلمنا عن الخبير (الكيمائى) القسمو الله لى ناس المريخ .. وبجى من السعوديه قبل كل لقاء مهم للمريخ خصيصا لرش (البرفان) المعطر .. وكنا قلنا (للدروايش) اعملوا حسابكم من (الغرف) !!!
أن شاء الله تنوموا فى مقابر (حمد النيل)!!
|
Post: #3
Title: Re: الرمح الملتهب (محمد فضل) لا يشارك للمرة الثانيه .. ولو بنعرف التآمر كان كشفنا كيف يهزم المر
Author: تاج السر حسن
Date: 09-20-2007, 07:14 PM
Parent: #1
وكنا قلنا ليهم العجوز (عجبكو) زمان لو المباراة بتبدأ 9 الساعه 9 ونص .. بكون (شخر) و(قزز كيعانو فى نصو) .. هسه بنوم من 9 وربع .. يعنى (جونسون) ما فى داعى يتابعو بعد 9 وربع .. براهو اى كورة بستلمها بطلعها غلط !!
|
Post: #4
Title: Re: الرمح الملتهب (محمد فضل) لا يشارك للمرة الثانيه .. ولو بنعرف التآمر كان كشفنا كيف يهزم المر
Author: تاج السر حسن
Date: 09-20-2007, 07:25 PM
Parent: #1
كنا مشينا الأسماعيليه .. زى ما مشى (حووصه) و(حووصه) .. وكنا قلنا .. وقلنا!!
كنا قلنا اللعب يكون (دقاق) .. حته حته .. بالمصرى من (رجل لرجل) .. وبالسودانى عذبنى وتنكر .. خاصة بالقرب من المصرجين (الزومه) و(دامر) .. عشان (فاولات) كتيرات ورميات طويلات (لايو جريشه) .. وعينك ما تشوف الا النور .. وطوالى يمشو على (الكشف) ويسنو القلم (لملك الشيشه) !!!
|
Post: #5
Title: Re: الرمح الملتهب (محمد فضل) لا يشارك للمرة الثانيه .. ولو بنعرف التآمر كان كشفنا كيف يهزم المر
Author: تاج السر حسن
Date: 09-20-2007, 07:37 PM
Parent: #1
تذكروا الناس ديل قالوا ح يقدموا ورد .. ولا كيف ؟؟ !!!
____________
ما علينا لو بنعرف التآمر .. كنا قلنا (للدراوبش) ديل (فرعنا الصغير) البنحبو وبنعرف ليهو كويس .. اصلو قاعد فى بيت الطاعه ليهو 5 سنين عذاب .. الشوط الأول هجوم ضاغط على جميع جهات الملعب حتى تحرزوا هدفا .. اما الشوط الثانى فالرواكيب بتكون فترت .. خلوهم يسرحو ويمرحو فى نص ملعبهم .. لكن اول ما يدخلوا ملعبكم ما تخلوا واحد فيهم مرتاح فى الكوره .. لأنه ما فيهم مهاجم بحرز هدف الا وهو مرتاح 100 % !!
وأهم شئ تكتروا من الون .. تو .. والمثلثات والمربعات ح تلاقوا جمهورهم ذاتو بصفق ليكم !!
|
|