Post: #1
Title: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 10:52 AM
Parent: #0
ساعود
|
Post: #2
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 10:56 AM
Parent: #1
الشوارع متوقفة الحركة تماماعقب تكدس السيارات ... وسيارات الشرطة والدفاع المدني تجوب الشوارع مسرعة .. مواطنون يجرون والجميع يتساءل .. ماذا يحدث ؟؟ الامر يزداد كثافة في شارع السيد عبد الرحمن ..
|
Post: #3
Title: Re: فوضى في وسط الخرطوم وتحركات كثيفة للشرطة والامن
Author: tmbis
Date: 09-20-2007, 10:57 AM
Parent: #1
طيب ياخ ما كان تعرف الحاصل كلو وبعدين (عود)..
كان البفرق شنــو..؟
بعدين زي الحاجات دي .. ما بتتحمل مسالة ساعود وخليكم معانا .. العامله زي دعايات البسكويت دي ..
|
Post: #4
Title: Re: فوضى في وسط الخرطوم وتحركات كثيفة للشرطة والامن
Author: ود العجمى
Date: 09-20-2007, 11:02 AM
Parent: #1
يقال انها مظاهرات
والمتظاهرين يحملون قنابل يدوية ( والعهدة على الراوى)
مظاهرات عز رمضان ؟؟
اليعيش ياما يشوف
|
Post: #5
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 11:25 AM
Parent: #4
تأكدت من الامر ميدانيا .. ووجدت ان انفجارا حدث في محطة وقود شل بشارع السيد عبد الرحمن مما روع المواطنين وجعلهم يجرون في كل الاتجاهات وتحركت الشرطة بكثافة وسرعة والان هناك عدد من سيارات الاطفاء وسيارات النجدة والعمليات تطوق محطة الوقود ..
|
Post: #7
Title: Re: فوضى في وسط الخرطوم وتحركات كثيفة للشرطة والامن
Author: ود العجمى
Date: 09-20-2007, 11:29 AM
Parent: #1
نيستا
أضف الى ذلك . أن شهود العيان قالوا أن هناك مظاهرات كبيرة والمتظاهرون يحملون قنابل يدوية
نرجو الإفادة
فأنتم فى قلب الحدث
|
Post: #8
Title: Re: فوضى في وسط الخرطوم وتحركات كثيفة للشرطة والامن
Author: ناهد علي
Date: 09-20-2007, 11:37 AM
Parent: #7
وحسب سمعي انه عمود كهرباء بالقرب من شجرة كبيرة
(التماس كهرباء)جوار البنك
|
Post: #9
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 11:44 AM
Parent: #8
وأمر آخر تأكدت منه ميدانيا وهو ان مجموعة من الطلاب قامت بالقاء قنابل ملتوف في مناطق متفرقة من وسط الخرطوم ووجدت بقايا احدى هذه القنابل وحوله كمية من المسامير الصغيرة ..
سأعود يا تمبس
|
Post: #12
Title: Re: فوضى في وسط الخرطوم وتحركات كثيفة للشرطة والامن
Author: عصام دهب
Date: 09-20-2007, 11:47 AM
Parent: #9
أهة دبابات الشرطة نزلت الشوارع و لا لسع ؟؟
|
Post: #10
Title: Re: فوضى في وسط الخرطوم وتحركات كثيفة للشرطة والامن
Author: شمهروش
Date: 09-20-2007, 11:45 AM
Parent: #8
معتصم ازيك
زمن طويل اخبارك كيف
الشغلانية كلها تشابك اسلاك الكهرباء نتيجة لحادث اصطدم بعمود الكهرباء
|
Post: #14
Title: Re: فوضى في وسط الخرطوم وتحركات كثيفة للشرطة والامن
Author: عمار عبدالله عبدالرحمن
Date: 09-20-2007, 11:50 AM
Parent: #7
الموضوع والعهد علي الراوي
لستك تنكر طرشق في محمطة وقود جنب القمسيون الطبي في السوق العربي ,,,,,,,,,,,,,
وحصل هلع وجري في كل الاتجاهات والشرطه تحركت بكثافة علي هذا الاساس.................
الموضوع بسيط جدا
ولكن يعكس حالة الهلع والخوف والتوجس في الخرطوم ,,,,,,,,,,,,,,,,,,,
|
Post: #11
Title: Re: فوضى في وسط الخرطوم وتحركات كثيفة للشرطة والامن
Author: ود العجمى
Date: 09-20-2007, 11:47 AM
Parent: #1
شمهروش
عامل دقنك الشينة دى جيت تكذب مصادرنا
ازيك يا رجل والله ليك وحشة
|
Post: #13
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 11:50 AM
Parent: #11
انا تاني بتكلم بالصور ...
|
Post: #15
Title: Re: فوضى في وسط الخرطوم وتحركات كثيفة للشرطة والامن
Author: tmbis
Date: 09-20-2007, 12:10 PM
Parent: #13
| Quote: انا تاني بتكلم بالصور ... |
أيوة كدا احسن ليك وأحسن لينا من عدنــا وعدتو دي .. لانو دي المراسلين الميدانيين خلوهــا زمانك الحركة دي ..
بقو ناس امسك لي واقطع ليك ..
يعني شيل كاميرتك دي يا نيستــا وأول قمبله تشوفه كون حريص أنك تتصور جمبهــا ..
وبي كدا بنديك مراسل صحفي ميداني لسودانيز اونلاين ..
لكن سأعود .. وعدته دي والله ما بتأكل عيش مع ناس محمد عادل ديل..
اللهم إني صائم..
|
Post: #16
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 12:19 PM
Parent: #15
|
Post: #17
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 12:25 PM
Parent: #16
بقايا احدى قنابل الملتوف
|
Post: #18
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 12:30 PM
Parent: #17
ولا زالت الشرطة تطوق محطة شل بشارع السيد عبد الرحمن واكد عدد من المواطنين حول المكان ان انفجارا حدث بالمحطة ..
|
Post: #19
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-20-2007, 12:37 PM
Parent: #17
سلامات Nesta
مسامير عديل كدا وما فى أى زوول حبشو مسمار!
غريبة الناس دى مشت العيد ولا شنو??!
رمضان كريم
|
Post: #20
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 12:42 PM
Parent: #19
يا تمبس .. مع السلامة .. وهبشك الماضراك ...
|
Post: #21
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-20-2007, 12:49 PM
Parent: #20
مع السلامة وين ياحبيب
تعال تم الحنك البيش
|
Post: #22
Title: Re: فوضى في وسط الخرطوم وتحركات كثيفة للشرطة والامن
Author: معتز تروتسكى
Date: 09-20-2007, 12:51 PM
Parent: #20
Nesta
اسمعنى يافردة انت الاحداث قريبة من مستشفي الخرطوم عشان الواحد يأمن روحو؟!
|
Post: #24
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-20-2007, 12:59 PM
Parent: #22
يادكتورسلامات ورمضان كريم
كلام وحنك بيش ساكت جاب ليهو صورة من جنب نقولتى قال منتوف
أسمع ماجابو ليكم فى المستشفي زووول حبشو وعلى قولNesta (هبشو مسمار)
|
Post: #26
Title: Re: فوضى في وسط الخرطوم وتحركات كثيفة للشرطة والامن
Author: معتز تروتسكى
Date: 09-20-2007, 01:02 PM
Parent: #24
هوووي يا احمد داير تجيب الهوا مالك انا زاتى بسال ...
عموما انا مارق ماشي البيت والبشوفو داك بقولوا..  
|
Post: #23
Title: Re: فوضى في وسط الخرطوم وتحركات كثيفة للشرطة والامن
Author: ود العجمى
Date: 09-20-2007, 12:53 PM
Parent: #1
لا حنك بيش ولا حاجة
الكلام دا صحيح وأظن من غير المبرر أن تكون الردود بهذه الطريقة المنفرة
|
Post: #25
Title: Re: فوضى في وسط الخرطوم وتحركات كثيفة للشرطة والامن
Author: tmbis
Date: 09-20-2007, 01:01 PM
Parent: #23
يا عجمي سلامات
المسالة ما ردود منفرة ولا حاجة ..
لكن المصداقية في نقل الحدث .. لما تبقى بتخاطب ليك في مليون الف نفــر .. اتأكد من المعلومة ...
يعني زي الكلام دا يقولو عليهو شنـو..؟
Quote: اسمع الان صوت البمبان
سافويكم بالتفاصيل الان
انا الان فى محل والدبى بالسوق العربى
سحاول الخروج لمعرفة ماذا يحدث بالخارج |
.. يعني المسالة ما تتعدى كونها اشاعة في اشاعة .. وللاسف الشديد مجرد ما يتكتب كلا زي دا .. الناس الزينا ديل بيكونو عايزين يعرفوا الحاصل شنـو .. طالما انو احداث زي دي الواحد ما ح يشوفه الآن في الجزيرة أو في اي مكان تاني
فطالما اتطوع نفر ما .. إنو يجيبه .. وبي طريقة فيها من الإثارة ما فيها ..
يااما المسالة مهنية خالص ... يا اما من اجل الشــو .. ومسالة ترويج اشاعات ..
يعني ممكن ونسه عاديه بين اتنين الواحد يجي يعمل لينا بيها ارضي هنا ..
واللا رايك شنــو ..؟
|
Post: #27
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-20-2007, 01:13 PM
Parent: #25
سلامات ود العجمى
أخبار زى دى مزعجة جدآ وخاصة للبعدين من موقع الحدث وعلى ناقل
الخبر التأكد أولآ قبل أن يزعج ويجهجه العالم دى والكل قلق على
من هم فى السودان
تحياتى ورمضان كريم
|
Post: #28
Title: Re: فوضى في وسط الخرطوم وتحركات كثيفة للشرطة والامن
Author: ود العجمى
Date: 09-20-2007, 01:23 PM
Parent: #1
تمبس
كيفك
انا ما قصدت كلامك . لأنو كلامك انت تحديدا عجبنى . زول وكايس المصداقية . وبينى وبينك حكاية بأجيكم راجع فى جميع البوستات بتغيظ . ناهيك عن بوست زى دا
لكن أنا قصدت الكلام الزى دا
Quote: دكتورسلامات ورمضان كريم
كلام وحنك بيش ساكت جاب ليهو صورة من جنب نقولتى قال منتوف
أسمع ماجابو ليكم فى المستشفي زووول حبشو وعلى قولNesta (هبشو مسمار) |
اها عليك الله يا تمبس الكلام دا مش شين ؟؟
انا قريب من الاحداث هنا يا تمبس لكن ما ممكن اسيب الشغل وابارى الاخبار . وطبعا اتخيل أى زول فى الخرطوم مرتبط بعمل
عشان كدا نيستا يشكر على سيعو . ونقول ليهو كلامك الأول داك أنو خبر ما فى استطاعتو التأكد منو ما يجيبو . لكن ما بطريقة مستفزة
ولا شنو ؟
|
Post: #29
Title: Re: فوضى في وسط الخرطوم وتحركات كثيفة للشرطة والامن
Author: ود العجمى
Date: 09-20-2007, 01:28 PM
Parent: #1
أحمد معتصم الطيب
سلامات
متفق معاك جدا فى انو الاخبار دى مقلقة جدا وخصوصا للناسس فى الخارج
لكن برضو ياخى ردة فعلك كانت قاسية شوية
رمضان كريم ..
وليك العتبى
|
Post: #30
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-20-2007, 01:43 PM
Parent: #29
سلامات ود العجمى
حصل خير وربنا يتقبل الصيام والقيام
خلى صاحبك ينجض الخبر
كويـــس بعدين يـفـــكو وما يجهجه أفكارنا
|
Post: #31
Title: Re: فوضى في وسط الخرطوم وتحركات كثيفة للشرطة والامن
Author: عزيز عيسى
Date: 09-20-2007, 02:26 PM
Parent: #1
Quote: غايتــو ..
كويس أنو رمضان دا فاضل فيهوكم وتلتين يوم |
والله يا تمبس إنت زول ما قاعد في ا ل و ا ط ة..
لكن تعبير مضحك جميل جدا.. وكلام زول رمضان قرصو شوية..
كمرتك الشايلها في كتفك دي أديها هدية لزول في الخرطوم..
علشان لما تحدث حالات مثل تلك تجينا الأخبار طازة
ومثبته ومصدقة ومختومة بالتصوير.
|
Post: #32
Title: Re: فوضى في وسط الخرطوم وتحركات كثيفة للشرطة والامن
Author: eyes of liberty
Date: 09-20-2007, 02:29 PM
Parent: #1
عاوز اعرف
صورتا الملتوف دا كيف و الشرطة مطوقة مكان الحدث?
|
Post: #33
Title: Re: فوضى في وسط الخرطوم وتحركات كثيفة للشرطة والامن
Author: Deng
Date: 09-20-2007, 02:53 PM
Parent: #1
أقل حاجة بقت تحدث في وسط الخرطوم تحدث كمية من الفوضى والبلبلة. إذا كنتم تريدون أن تنعمون بسلام فأعطو الناس حقوقها, أعدلو لكي تأمنوا.
دينق.
|
Post: #34
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-20-2007, 03:24 PM
Parent: #33
الأخ دينق
دى حاجة قديمة فى السودان لو حصلت أى حاجة تلقى الناس تجمهرت .
بعدين ياأخى لى الناس تعيش فى خوف وعشان شنو ولى شنو ..
تحياتي
|
Post: #35
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 07:45 PM
Parent: #34
والله بعد حسابات كتيييرة لقيت في ناس كتار هنا بستاهلو الزول يجيهم راجع ويديهم عيونو ذاتا ..
هذا ما حدث ..
- قام بعض الشباب بالقاء قنابل ملتوف في وسط السوق العربي المكتظ بالمواطنين .
- اراد الله للقنابل الا تنفجر الا واحدة وعددها جميعا خمس قنابل تحطمت وتطايرت محتوياتها دون ان تنفجر ..
- استهدفت احدى القنابل (تانكر ) كان يفرغ حمولته بمحطة للوقود وكان انفجارها محدودا تسبب في اصابة عدد من المواطنين نقلوا للمستشفى ..
|
Post: #36
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 07:55 PM
Parent: #35
وبعد ما فطرنا وابتلت العروق نبدأ بالردود على كل الجميع حسب موضوعية السؤال وأهميته ..
تمبس ..
اعتقد ان عنوان الخبر كافي جدا ليخبرك ان شئ ما يحدث في الخرطوم وانت شفقان مالك ما تصبر .. وقناة الجزيرة البتتكلم عنها دي يوميا بتجيب ليك خبر عاجل في اربعة او خمسة كلمات والتفاصيل بتجيك بعد ساعتين مرات .. وفي حاجة اسمها السبق الصحفي وانا شايف انو حققت سبق صحفي اليوم .. ودائما ما اتحرى الدقة في اخباري والحمد لله لم اورد اي اضافات لما حدث ان لم اتجاهل بعض التفاصيل ..
طبعا قبيل اتضايقت من الزول القال حبشت الناس المشو العيد ولا شنو ما عارف لانو انا كنت لافي في الشمس الحااارة وعطشان عشان اجيب الصور واوقف الكلام الفاضي واجي القى زول يقول لي (حبشت ) .. انشاء الله تكون عرفت ما حبشت ليها زول ليه ؟؟
وطوالي نمشي للتفتيحة القال صورت كيف والشرطة مطوقة المكان وطوالي نرجعو لتفاصيل الخبر ونوضح ليهو انو الشرطة كانت مطوقة محطة الوقود فقط خوفا من انفجار ( التانكر ) اما بقية الاماكن التي سقطت فيها القنابل التي لم تنفجر فكانت مسرحا مفتوحا للمواطنين .. انشاء الله فهمت ؟؟
|
Post: #37
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-20-2007, 08:00 PM
Parent: #36
ود العجيمي .. شمهروش .. ناهد .. تروتسكي .. عمار .. دينق ..
اشكر لكم مروركم الكريم وتعليقاتكم المنطقية ..
|
Post: #39
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-20-2007, 08:28 PM
Parent: #38
وبعد الفطور الحصل شنو !!
|
Post: #40
Title: Re: فوضى في وسط الخرطوم وتحركات كثيفة للشرطة والامن
Author: mustafa mudathir
Date: 09-20-2007, 09:46 PM
Parent: #1
والله ياخي إنت راجل مقنع
وNestaQuick
شكرا للتوضيحات البعد الفطور
دايرين توضيحات بعد السحور
لو أمكن. يعني أتسحر لينا جنب
القيادة العامة لو سمحت
|
Post: #42
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-21-2007, 09:43 AM
Parent: #40
أصبحنا وأصبح الملك لله ..
خبر بايت ..
اعلنت الشرطة انها احتوت محاولة لاثارة الشغب فى وسط الخرطوم حيث قامت مجموعة محدودة يقدر عددهم بعشرين شخص بمحاولة إثارة شغب بمنطقة وسط الخرطوم
وقال الفريق شرطة محمد نجيب الطيب مساعد المدير العام لهيئة شرطة ولاية الخرطوم في أن قوات الشرطة تصدت لمحاولي إثارة الشغب وألقت القبض على عدد منهم، بعد تفريقهم قامت فئة منهم بمحاولة إلغاء عبوة متفجرة على تنكر وقود أثناء تفريقه لحمولته بإحدى محطات الوقود بالمنطقة إلا أن يقظة قوات الشرطة والدفاع المدني استطاعت أن تحبط المحاولة وتسيطر على الأوضاع الأمنية مانعة حدوث كارثة محققة وتلقي القبض على مجموعة أخرى
وأضاف الفريق نجيب أن الأحداث تسببت في إصابة ستة أشخاص إصابات متفاوتة تم إسعافهم للمستشفى موضحا أن التحقيقات جارية بالتنسيق مع الأجهزة الأمنية للوصول لكافة الجناة
وأكد الفريق نجيب أن الشرطة ستظل ساهرة وأمينة على امن المواطنين وأنها ستكون بالمرصاد لكل من يحاول العبث بأمنهم وسكينتهم خاصة في هذا الشهر الكريم..
المصدر : سونا
|
Post: #43
Title: Re: فوضى في وسط الخرطوم وتحركات كثيفة للشرطة والامن
Author: Mamoun Ahmed
Date: 09-21-2007, 12:59 PM
Parent: #1
نيستا
كمل جميلك واعرف لينا المتظاهرين ديل موضوعوهم شنو
وما تشتغل بي كلام العساكر
القالو شغب
في زول بشاغب بدون سبب
اتذكر لمن بدت انتفاضة ابريل
قالو شغب محدود
وحنطوقو
اها كدا تكون احسن من الجزيرة ذاتها
وممكن تحلي الخبر تورينا فطرتا بي شنو
اما لو كان فطوركم فيهو ملاح نعيمية
او حبيبي الوبيا
فانا حاسد
ياخ اعذرنا
الواحد صايم
وبكتب من غير
وعي
|
Post: #44
Title: Re: فوضى في وسط الخرطوم وتحركات كثيفة للشرطة والامن
Author: مجاهد عبدالله
Date: 09-21-2007, 03:28 PM
Parent: #1
Quote: الخرطوم - النور أحمد النور الحياة - 21/09/07//
اتهمت السلطات السودانية أمس «حركة تحرير السودان» المتمردة في دارفور بزعامة عبدالواحد محمد نور، بالتخطيط لتنفيذ أعمال عنف في الخرطوم وتفجير مواقع مهمة، وقالت إنها وراء انفجار حاملة وقود في قلب العاصمة أمس، وأعلنت توقيف مجموعة من أعضاء الحركة.
وشهدت منطقة السوق العربي في وسط الخرطوم أمس تظاهرات للباعة المتجولين الذين كانت السلطات تطاردهم، ما أدى إلى اشتباكات بين الطرفين أوقعت جرحى. واستخدمت الشرطة الغاز المسيل للدموع والهراوات لتفريقهم، كما جُرح مواطنون كانوا يتسوقون. وألقى مجهولون قنبلة يدوية على حاملة وقود في وسط السوق، ما أدى إلى إعطابها وتفجير مقدمتها، وتدفق حمولتها من الغازولين. وجُرح ثلاثة يعملون في محطة الوقود واثنان من المارة.
وقال مسؤول في قيادة الشرطة لـ «الحياة» إن مجموعة من أنصار عبدالواحد محمد نور طلبت أول من أمس السماح لها بالتظاهر للمطالبة بوقف العنف في دارفور وتجريد ميليشيا «الجنجاويد» من السلاح وحماية المدنيين. وأضاف أنهم توعدوا بتفجير محطات وقود وإثارة قلاقل في الخرطوم، بسبب عدم موافقة السلطات على طلبهم. وأكد أن الشرطة اعتقلت المجموعة التي ألقت القنبلة على محطة السوق العربي، وتطارد آخرين فروا. وأكدت الشرطة في بيان أن «الأوضاع عادت إلى طبيعتها في وسط الخرطوم». ووصفت المتظاهرين بأنهم «خارجون على القانون». واتهمتهم بـ «رشق المارة بالحجارة وتعريض ممتلكات المواطنين إلى الخطر».
إلى ذلك، دعت منظمة «هيومان رايتس ووتش» في تقرير أمس إلى فرض عقوبات دولية على السودان في حال واصل «الهجمات العشوائية» ضد المدنيين في دارفور. وحضت على نشر سريع لقوات حفظ السلام الدولية والأفريقية المشتركة «لمعالجة موجة العنف المتصاعدة في دارفور».
وحذرت من أن «الموقف تطور في الإقليم وتحول من نزاع مسلح بين المتمردين والحكومة إلى تنافس عنيف على السلطة والموارد تتورط فيه القوات الحكومية وميليشيا الجنجاويد والمتمردون والمتمردون السابقون». لكنها شددت على أن «هذه التعقيدات يجب أن لا تحول الانتباه عن مسؤولية الخرطوم عن الهجمات العشوائية الجوية والبرية، ولا عن الفشل في محاسبة منتهكي الحقوق، ولا عن عدم استعداد الحكومة لتشكيل قوة شرطية قادرة على حماية المدنيين».
ودعت المنظمة كلاً من الأمم المتحدة والاتحاد الأفريقي إلى «نشر عناصرهما على نطاق واسع وبشكل استراتيجي، وأن يتم توفير قدرات استجابة عالية السرعة وبالغة القوة للعناصر، لتسيير دوريات منتظمة نهاراً وليلاً».
وطالبت السلطات السودانية بإنهاء «حال الإفلات من العقاب عبر التعاون الكامل مع المحكمة الجنائية الدولية، بما في ذلك تنفيذ ما جاء في أوامر الاعتقال، وإجراء إصلاحات قانونية وغيرها من الإصلاحات لدعم النظام القضائي السوداني». وشددت على ضرورة «فرض عقوبات هادفة ضد الحكومة السودانية والأحزاب الأخرى المنضوية في الصراع، في حال إخفاقهم في تلبية ما يُؤمل منهم لتحسين الأوضاع في الإقليم».
لكن وزير الخارجية السوداني الدكتور لام أكول رفض الدعوات إلى فرض عقوبات دولية، ووصف اتهام الحكومة بشن هجمات على المدنيين بأنه «هراء». وقال: «سمعنا دعوة هيومان رايتس ووتش إلى فرض عقوبات مرات عدة من قبل، ولكن كيف يتأتى لهم أن يقولوا هذا ونحن نرحب بنشر قوات حفظ السلام ونسعى جاهدين إلى تحقيقها وتنفيذها؟».
ووصفت الخارجية السودانية تقرير المنظمة بـ «الكاذب والمفبرك». وقال الناطق باسم الوزارة السفير على الصادق لـ «الحياة» إن «على المنظمة أن تفهم أن الحملات التي ظلت تقودها ضد الحكومة والمعلومات المفبركة التي ظلت تنشرها في عواصم العالم لم تعد تتفق مع المرحلة ولن تفيد، بل على العكس هناك عمل جاد وتعاون مستمر بين السودان والأمم المتحدة والاتحاد الأفريقي لتنفيذ قرار نشر القوات المشتركة في دارفور، إضافة إلى جهود المجتمع الدولي للتوصل إلى حل سياسي». واعتبر أن «الجهود كافة تصب الآن نحو الحل السلمي، لذلك على المنظمة أن لا تصطاد في الماء العكر».
وفي سياق متصل، يترأس الأمين العام للأمم المتحدة بان كي مون ورئيس مفوضية الاتحاد الأفريقي ألفا عمر كوناري اليوم الجمعة اجتماعاً رفيعاً في نيويورك تشارك فيه الحكومة السودانية والاتحاد الأوروبي لوضع اللمسات النهائية على محادثات السلام بين الحكومة ومتمردي دارفور المقررة الشهر المقبل في طرابلس، وتسريع نشر القوة المشتركة.
ونقلت وكالة «فرانس برس» عن بان تأكيده أن الأمم المتحدة ستكون «متنبهة جداً لمراقبة تنفيذ التعهدات» التي قطعها الرئيس السوداني عمر البشير بدعم قوة دارفور والسعي إلى وقف للنار. وقال الأمين العام في مقابلة مع شبكة «سي ان ان» الأميركية إن البشير «سيحترم تماماً قرارات مجلس الأمن كافة وتعهدات حكومته». واعتبر أن نشر القوة المختلطة أحرز «تقدماً واضحاً».
وذكرت «فرانس برس» أن فصيلاً من متمردي «حركة تحرير السودان» بقيادة أحمد عبد الشافي طلب تأجيل موعد مفاوضات السلام في طرابلس إلى ان يتم التوصل الى هدنة حقيقية على الأرض. واعتبر فصيل عبد الشافي في رسالة وجهها الى الأمم المتحدة والاتحاد الافريقي، ان الأطراف المعنيين بالنزاع «ليسوا مستعدين بعد لبدء مناقشات سياسية حقيقية». |
|
Post: #45
Title: Re: فوضى في وسط الخرطوم وتحركات كثيفة للشرطة والامن
Author: Nesta
Date: 09-21-2007, 04:01 PM
Parent: #44
أها الزول المحبوش فات وين ؟؟
|
Post: #46
Title: Re: فوضى في وسط الخرطوم وتحركات كثيفة للشرطة والامن
Author: احمد معتصم الطيب
Date: 09-21-2007, 04:05 PM
Parent: #45
فات يجيب تلج..
|
|