Post: #1 Title: بوست البوستات ... عافية حسن و.. نانسى عجاج Author: قاسم المهداوى Date: 08-23-2007, 04:02 AM
عزرا ايها القراء وبوست البوستات
ليس قياسا للراى العام او مقارنة بين نانسى عجاج وعافية حسن.. ولكن !!!! كثيرا من النجوم محبوبين ومعروفين سواء فى الفن او الرياضة او السياسة ولكن قليلون هم من حباهم المولى ... حب الناس وتلك مشيئة المولى عز وجل ... حب الناس وكاريزما الزمن الاتى من عميق المستنقع الاسن فى .......!!!! عافية حسن:
سوداناوية الشكل والمحتوى والمضمون ( طرحة ... وحاجيات البنت السوداناوية ) أنثى قادمة من عجاج ذلك البحر ... والسواد الاعظم من ابناء جلدتنا بها تعرجات ونتوئات الناس الغبش الرابى تغنى ... واى اغنية ... تلك التى تخرجهم ... وتحرك فيهم ما اندثر من امأأأأأل عراض وامل مرتجى !!! عافية الصوت النافذ الذى يلجك او يلج اليك دونما استاذان .. او ..... !!!!!!! عافية حسن اعترف بانى ميال لها ... وتلك طبيعة بشرية ... وكلى امل فى ان تواصل المشوار !!!! وحتى النهاات المنطقية ... صوت جميل مكتمل ولكن !!!!! ربما غدا اجمل .... !!!!!!! !!!!!!!!!!! !!!!!!!!!!!!! !!!!!!!!!!!!!!!! !!!!!!!!!!!!!!!!!! نانسى عجاج:
يا نانسى اسم له موسيقاه الخاصة والنشأة والتكوين ... والهجرة واثارها .... صوت سبرانوى ... هكذا اتخيله متفرد فى بعض الاحايين ... يندثر ساعات !!!! ال...... نانسى هل تاتى الينا كسوداناوية ... بلا كاب ... وبرنيطة ... كانثى سودانية .. تؤدى المصير ... بلا كاب ايضا تلامس اوجاع الناس الغبش .... وهم بلا مأوىء ... بلا ... قلم وقرطاس ... أعلم ان هذا يفوق طاقتك ولكن اليس لابناء وطنك حق عليك !!!!! يا نانسى تلك انشوده تقول الضوء بكى بكاه صوت الطائرات وقدرتة التنتهى بكاه صوت الطائرات وقطرة التركوما... يا نانسى الفن قضية وموقف ومصطفى سيد احمد قال: فى مطلع اغنية نورا وكتين يضيع عرق الجباه الشم شمار فى مرقة اه يا نورا اه!!!! ختاما نانسى ايضا سوداناوية وكلى امل ومنى ان تقدم ما يفيد الناس
Post: #3 Title: Re: بوست البوستات ... عافية حسن و.. نانسى عجاج Author: قاسم المهداوى Date: 08-23-2007, 04:27 AM Parent: #2
نها يا بنت أبو رأس فوق : شكرا عميقا لك ولكن لما فوق !!!! اود قراءتك .. او قرائتك ... اختارى الاصح رقم سعادتى بانك اولى المتداخلين ولكن املى ان تكتمل مداخلتك .... دوما اخشى ... تلك التى لا تقاومنى الراى واحسب ان لكل امرىء راية الخاص والعام تانى شكرا عميقا حضورك وممنون بكثافة
سيدي الفاضل أعجبني كثيرا ماذكرت عن كلتا المبدعتين عافية حسن ونانسي عجاج ووصفك الدقيق والسلس وخصوصا التعبير المتميز الذي كتبته عن عافية حسن (أنثى قادمة من عجاج ذلك البحر ... والسواد الاعظم من ابناء جلدتنا بها تعرجات ونتوئات الناس الغبش الرابى تغنى ... واى اغنية ... تلك التى تخرجهم ... وتحرك فيهم ما اندثر من امأأأأأل عراض وامل مرتجى !!! عافية الصوت النافذ الذى يلجك او يلج اليك دونما استاذان .. ) فهو بالضبط الذي أشعر به حينما أستمع لعذب صوتها الذي ينفذ من خلال مسامي ودونما إستئذان.. وأعجبني إيضا ما ذكرت عن الرائعة نانسي عجاج بصوتها الجميل القوي ...وتعليقك علي مظهرها الخارجي الذي أتمني أن يتسودن وأن يتشرب لون النوبة الأسمر الحاد الذي ينقلك إلي ملامح المرأة النوبية بسحنتها القوية الجميلة التي أفخر بإنتمائي إليها.. قرأت كل هذا وأحسست بأنك قد صورت في كلمات مالم يستطع عقلي أن يترجمه فلم أجد ما يمكنني أن أضيفه إلا أن أجعل هذا البوست عاليا ليتمكن الاخرين من مشاهدته.. ألف شكر أستاذنا الكريم... ودمت
Post: #5 Title: Re: بوست البوستات ... عافية حسن و.. نانسى عجاج Author: نجوان Date: 08-23-2007, 07:14 AM Parent: #4
سلام..
نانسي وعافية ما بتجيهم عوجة إذا إبتعدن عن سخف الفضائيات..
حيث الغنا أصبح تسبيل عيون.. وعوجة لسان.. (وعافية ماشالله بدت في الإتنين already)
نجوان يا already خليك allraedy دائما او دوما وانشاء الله ما تجيهم اى عوجات حتى من الفضائيات الساحرات وعيون الكاميرات.. واضواء الفلاشات الجازبات للرعشة ... والرجفيبة !!!! يا نجوان عايز منك كلام كتير فى الحتة دى يا رت تكونى ساكنة فى هذا البوست على طول صيف وشتاء وربيع وخريف وفصل زائد من عندنى انا اسمة فصل السكون والاستماع والاستمتاع !!!! شكرا عميقا حضورك
نها محسن ابو رأس فكرة: التحريض على الكتابة والاستنطاق راودتنى!!! لانك اولى المتداخلين لهذا ... وبالاستشعار عن بعد... كما يقول علماء البايسكولوجيا الاجتماعية داهمتنى .... وكم انا سعيد بمداخلتك هذى وبك ايضا فعل الكتابة ... والاحساس الفطرى دونما اى مجاملات ... ليس لدى اى تعليق ... فقط كونى هنا و..... عزرا مكرر للغياب احيانا رقم اهمية البوست والسوداناوية التى يجب ان تلتف فيه وبه قاسم المهداوى
Post: #8 Title: Re: بوست البوستات ... عافية حسن و.. نانسى عجاج Author: محى الدين ابكر سليمان Date: 08-24-2007, 09:11 PM Parent: #7
العزيز مهداوى سلام اجابة للاستفتاء, اعشق صوت عافية حسن وابراهيم موسى ابا( الترتيب تصاعدى). والباقى زى ال عند اللزوم ديك. يا قاسم صوت نانسى بيذكرنى بصوت واحدة اسمها عابدة الشيخ, تحس بيهو زى الفحيح كدة. (دة راى زول بيسمع غنا وبس, راى غير مؤسس وانطباعى, وماشى يلتهم كيكة التسرع).
نهى ابو رأس الوان القوس وطيف قزح عليك ورحمة الله تعالى وتبريكاته يا زولا انت كتابة وكمان جدا ...!!! وعلامات التعجب دليل اعجاب بما خطة قلمك هنا برضو جاييك راجع,,, خضر : او خدورى ... الزول الخميسى المزاج سلاااااااام يا صاح ... وحابب اقول ليك مساء الورد والزنبق والدكلى يا حبيب كـــــــــــــــــــيق انت و.... شوق بعمق النيل الازرق ... النيل وليس القناة
أسمح لي ، كنت عايز أقول شوية أفكار وأتبادل فيها معاك .. كنت بعتقد إنو المقارنة في الفنون حاجه ما بتجوز ، لأنها ما مسأئل قياسية إنما قايمه على الذوق والتلقي والمزاج وإنت عارف ؛ يعني صعب نقول احسن الكابلي ولا محمد الأمين ، أو فان جوخ ولا بيكاسو .. كل واحد عندو إيقاعه الخاص وذبذباته احواله وطريقته ، مش كده ..
كنت بختلف معاك في مسألة الطاقية والمظهر السوداني ؛ ليه ممكن وردي يلبس بدله وكرفته من غير ما واحد يجيب سيرة إنو بيقلد الغرب أو الأوروبيين ، وليه ما في زول علق على قميصو الأصفر الفاقع في حفلة أديس أببا ؟ يعني جماعتنا الرجال يلبسوا العايزينو وسيداتي آنساتي لازم يلتزموا بالزي القومي ؟
مسألة التعبير عن الهوية بالزي مسألة فيها كلام ، لكن خلينا من ده ؛ رأيك شنو في الهويه السودانية ؟ إنت ما معاي إنو أصبح في عشرات بل ومئات التجليات للهوية السودانية خصوصاً بعد تجربة المنافي المكثفة بعد 1989 ؟ يعني وحده زي نانسي أو غيرا إتربت في هولندا وعاشت فيها منذ طفولتها ، أكيد اللغة الهولندية ولبس الطاقية جزء أصيل من هويتها الخاصة وهي برضو نانسي السودانيه ..
وبشوف إنو شكلها الظهرت بيهو ده ، أجمل وألطف وأصدق من أشكال كتيره بشوفا كل يوم في الشارع والتلفزيون ، وبضيف على ده إنها فنانه إهتمت بأداء التراث السوداني الممثل في أغاني الحقيبة وإنها مشاركة نشطه في محافل السودانيين المختلفة في الشتات أو لندن وباريس وأمستردام وبتساهم في أنشطة ليها علاقة وثيقة وقوية بتنشيط العمل في الحاجات الإنسانية والطوعية في السودان ، يعني قاصد إنها متفاعلة من غربتها ومن تحت طاقيتا مع قضايا السودان الواقعي يا قاسم ، وده نادر حتى بين الفنانين (الرجال البيلبسوا جلاليب وعمم ومقيمين في السودان) إذ أولت هذه الشابه عناية محترمه للأطفال مجهولي النسب ولمركز المايقوما ولمشروع النفاج لصالح الأطفال المشردي .. وكنت بعتقد طول وقتي إنو حاجات زي دي هي البتعكس هوية الإنسان الحقيقية وإنتماؤه الداخلي ..
طلال عفيفى حقيقى كنت حابب ارسل ليك الموضوع عبر الماسنجر وايضا منذ ساعات قلت لعصام عبد الحفيظ سارسل لك موضوع ارجو الكتابة حولة ... ايضا الاخ عكاشة مطلوب هنا وجميل انك هنا يا صديق , جد يا طلال انا سعيد بهذه الاطلالة و........: بداية سلاااااااااامات واشواق ... وكيف انــــت!!! حقيقى الفكرة خارج اطار المقارنات على ادنى تقدير لدى ...ويبدو ان المتداخلين اخذو الموضوع كل من زاوية رؤيته الخاصة .. وحتى الان لم اقل سوى انى ميال الى عافية .. ولكنى استمع بل واستمتع جدا بالمصير من خلال اداء نانسى بل واغنيات اخر ... مسالة ( الكاب ) فقط ..نختلف .. نتفق حولها ...وشخصيا اسعد جدا لو صعدت نانسى المسرح بلا كاب ( ليه ما عارف ) لكنى حابب كدا ... واكون اكثر سعادة بذلك ..رقم ان الكاب لا ينتقص من فن او سوداناوية نانسى ... ولكن ....... الهوية والاهواء يا طلال موضوه فيه الكثير من الجدل والدجل ايضا واتفق معاك فيما ذكرت لتجليات الاهواء والهوية السودانية قبل وبعد 1989..... جازما اعتقد ان نانسى وعافية او عافية ونانسى هن عصب المرحلة المقبلة لهذا يجب علينا ان نقول وجهة نظرنا فى بضع اشياء فنية دمت يا طلال وانا الاكثر سعادة بحضورك
الاخ قاسم شكرا لك لانك فتحت هذه (الطاقة) اول ما اود القول ان المغنيتين لم يقولا بعد ما يمكننا من وضعهما فى محل النقد بمعنى ان التجربة لدى كل منهما ما تزال تحت الشوف ليس لديهما بعد الخصوصية التى تجعل الحديث عنهما نقديا كاملا ومؤهلا فالبلابل مثلا كن ظاهرة وما زلن لانهن لم يبدان سوى باغنياتهن وفرضن وجودهن على اذن السامع محليا واقليميا وما نزال نهفو الى زمانهن حنان النيل ايضا قدمت تجربتها من خلال اغنياتها هى وان كانت بدات مثلما بدات عافية ونانسى الفرق ان حنان اثيتت بالتجربة انها فنانة حقيقية وكذا فعلت حنان ابراهيم (حنان السجانه) لكن عافية ونانسى ما تزالا تحت الاستماع الاولى بالنسبة لى على الاقل هذا لايمنع ان لدى كل منهما خاصية تمتلكها وكاريزما تقود الى الاستماع اليهما اتمنى ان تجدا الملحن والشاعر الذى يقود المسار الى حيث يجب وان لا تعودا فقط مرددتين لغناء الاخرين الذى لا يكشف احيانا ويشى كثيرا بالموهبة الكامنة لدى كلتيهما
سلمى الشيخ سلامة موسيقى خاصة وهذا الاسم (... بالامكان ان يكون اسمك سلما... من ماأأأأأأأ همزة على الف ولكن اشتغال المحل بحركة المناسبة جعلة سلمى.. و ... اعود اليك ايتها الاستاذه الجليلة سلمى الشيخ سلامة والف مليون سلامة على الاغنية والفن السوداناوى ....سميه حسن كانت من اجمل الاصوات فى تلك الفترة ( المصدر عبد الله فلوت ود السجانة كما يحلو للبعض ان يلقبونه) ولكن اين هى سمية حسن من هذا الكم الهائل من الجحيم والجوطة الموسيقية وكمثال توضيحى( جواهر) التى تمصرنت ( فى تلفزيون الاسكندريةالقناة الخامسة) ومن ثم (ستونا المجروس سابقا ) التى تعتبر او تقدم على انها فنانة السودان الاولى ( برنامج على الناصية تقديم حسين الامام رمضان الماضى) دعينى اسال سؤالا اوحد : لما طفت على السطح ستونا كفنانة اولى لجمهورية السودان التى بلا (مؤسسات ) او على انها فنانة السودان الاولى ...رقم انها تصنيفيا فى فن الغناء السودانى ( اغانى السباتة ورقيص العروس والحنة والجرتك وما شابه ذلك من فلكلور الموروث والشوفونية طيب يا سلمى نعود لعافية ونانسى : ما الذى يمنع عافية ونانسى الجرى وراء العداد والكهرباء البوظت الغناء على قول صديقنا( معروف سند ) فى احدى لياليه القاهريه بقاهرة المعز وفى حضرة صاحبنا ومن نحب صابر عبد الهادى يا سلمى كناقدة فنية لك السبق او استباق الحدث ... وناس بجى بجى بجى واللحم هذا والشحم ذاك .. واسمريك يا اسمريكا ... هل نحن كاقاويم سوداناوية ذو ثقافات مختلفة ومتخلفة ايضا ... يجب ان نختزل فى حبيبى يا اسمريكا ... والاسمرانى ...والبامبو السودانى .... فقط !!!!!!!
يبدو إلي أنك تتحدث عن "المتشنة" .. to match .. يا قاسم
يعني التلازم ما بين طبيعة الأغنيات المقدمة مقارنة بالزي و المظهر كجزء ولازمة مهمة للتعبير عن المحتوى وتكامل المشهد و ده شئ معمول بيه و متبع في كل أنحاء العالم و مع جميع أصناف الغناء..
نانسي أنيقة مافي شك و لا أعتقد أن مظهرها يطمس هويتها .. لكنه لا يخيل و بعض الأعمال الغنائية في بعض الأحايين لأنه و كما ذكرت فال"متشنة" تخلق تأثير و تجاوب أكبر في نفس المتلقي و هو يدرك البيئة النفسية و الثقافية و المجتمية التي خلقت ذلك العمل في حينه,
بعدين ما ممكن يكون في زول لابس ليه بدلة كاملة و كارفتة و سايق ليه "كارو" و واحد تاني لا بس عراقي و مركوب و سايق ليهو بوينج قارن بين الحالتين ديل من حيث المشهد الفلكلوري و حجم "الإنسجام" المممكن .. برغم جمال الصوتين و روعة آدائهن, و إذا أعتبرنا أن الآداء الأوركسترالي في الحالتين مقنع (و هو كذلك) بس بنقز السمندل ده صوته عالي شديد يا ناس "هندسة" الصوت !
المعز اشواق وحب ايضا رقم اننا لم نعتاد على هذه المفردة( حب )على اعتبار انها من المحرمااااااااااااات ... ولكن كدا اثيت ليك على راى اما نانسى وعافية او هذه التى تنضح فينا وبنا كل صبح ومساء وانها لجد مظلمونة ....
ياخى سلااااااااااااام وجاييك راجع لحكاية الماتشنغ او المتشنة الجابت ليها كاااااااااااابات و برانيط ...
شكرا عميقا حضورك قاسم
Post: #24 Title: Re: بوست البوستات ... عافية حسن و.. نانسى عجاج Author: ناذر محمد الخليفة Date: 08-26-2007, 06:56 PM Parent: #1
كيفك يا قاسم ...
مشتاقين والله ..
كيف أيامك ولياليك في القاهرة ؟!!
حا أساهم معاك حاليا بي بوستات من الأرشيف تدعم إتجاه البوست :
نازر يا ود الخليفة شايفك زى زغت كدا !!!! ولا رايك شنو.... معليش وعزرا للتاخير فى الرد المشوار كان ابعد مما تتصور ولكن برضو حمام .. يعنى رجعتا زى ما كنتا قبلك ساكتة فى عصبى الســـــــــــــــــــكون
قاسم المهداوى
Post: #28 Title: Re: بوست البوستات ... عافية حسن و.. نانسى عجاج Author: Elmosley Date: 08-27-2007, 01:14 AM Parent: #1
حبيبنا قاسم انا عندي نظرة مختلفة ليهن من منظور التغني يعني ماعندي مشكله مع البرنيطه بتاعت نانسي لكن بعتقد انها ممعنة في السودانوية الامدرمانية عندما تغني فهي تذكرني باجيال قديمة جدا وتحتاج رمن آجل الحداثة الي الخروج من تلك السودانوية بينما اري البرنيطة احيانا عندما تغني اسرار اري فيها حداثة وشوية خوجنة برغم انها لم تعش خارج السودان وطبعا ده بوصح بان ثقافتها السماعية مفتوحة علي العالم اكثر وبشككني في ان ثقافة نانسي السماعية منغلقة ومتوشحة بالثقافة السودانوية الامدرمانية برغم البرنيطة ===================== اسرار دربها مرق تب بس كنوزها لم تكتشف بالكامل نانسي تملك من الاستعداد الطبيعي مايخرجها من تلك السودانوية الممعنة في الامدرمانية فهي فنانة خرجت من صلب اسرة فنانة آقول قولي هذا واستغفر الله لي ولكم
Post: #29 Title: Re: بوست البوستات ... عافية حسن و.. نانسى عجاج Author: قاسم المهداوى Date: 08-27-2007, 02:44 AM Parent: #28
الاستاذ يوسف الموصلى سلااااااااااااااام وصباح الخيرات او العكس ممنون بوجودك وجاييك راجع
قاسم المهداوى
Post: #30 Title: Re: بوست البوستات ... عافية حسن و.. نانسى عجاج Author: Nader Abu Kadouk Date: 08-27-2007, 07:16 AM Parent: #29
Post: #31 Title: Re: بوست البوستات ... عافية حسن و.. نانسى عجاج Author: Nader Abu Kadouk Date: 08-27-2007, 07:45 AM Parent: #30
Quote: يا نانسى اسم له موسيقاه الخاصة والنشأة والتكوين ... والهجرة واثارها .... صوت سبرانوى ... هكذا اتخيله متفرد فى بعض الاحايين ... يندثر ساعات !!!! ال...... نانسى هل تاتى الينا كسوداناوية ... بلا كاب ... وبرنيطة ...
ما يميز نانسي عجاج هو أنها إلتقطت ببراعة مطلقة قفاز الإبداع التليد لتعيد صياغته بشكل جديد ومبهر وبصوت ممعن في الحزن ... صحيح هي صورة أقرب للتناقض في ظاهرها... لكنها تحمل مضمون رسالة هي أن التباين هو إبداع آخر يميزنا كسودانيين... وأن التراث المشترك هو أيضاً في وجدان الجيل الجديد الذي نشأ في المهجر... وسيتقبل المجتمع هذا الشكل بتلقائية كما تقبلنا ـ ولو بإمتناع عن المشاركة ـ الجلابيب الملونة بدلاً عن جلابيتنا التقليدية البيضاء ومكوية. ربما تريد نانسي أن تقول أن لدينا تراثاً من الغناء لم نستطع أن نطوره بشكل كافٍ في المستحدث من الغناء وأن هناك (Gap) يستحق أن نرجع فيه إلى الوراء قليلاً للننطلق إنطلاقة مبدعة.. هذا القاب (والكلام من عندي) خلقته الحلقة السياسية المفرغة المفروضة علينا والتي همشت الشعب بكل مضامينه الفكرية والإبداعية فشملت العزلة كل قطاع بما في ذلك الفن والموسيقى... أو ربما تريد أن تقول أننا كجيل جديد نعترف نعم نحن جزء من جيل العولمة والتقنية ومن جيل المنافي... لكننا محصنين بهذا الدفق الجميل من الحب السوداني... خلاصة قولي عن شخصي فأنا أحب نانسي هكذا مميزة بهذا الشكل المتمرد في ظاهره والمحافظ في مضمونه وهو تمرد جميل فكأنها درة سودانية ورثناها من جيل قديم وألبسناها حللا حديثة تضيف لجمالها ولا تأخذ منه وتضيف لمساحات الحرية في وطن يبحث عن الإنعتاق من الإمساك الأبوي لثقافة سائدة نحو نوافذ ثقافية متعددة وحرة هي في النهاية جزء من هذا الكل الجميل الذي إسمه الوطن.
Quote: مسألة التعبير عن الهوية بالزي مسألة فيها كلام ، لكن خلينا من ده ؛ رأيك شنو في الهويه السودانية ؟ إنت ما معاي إنو أصبح في عشرات بل ومئات التجليات للهوية السودانية خصوصاً بعد تجربة المنافي المكثفة بعد 1989 ؟ يعني وحده زي نانسي أو غيرا إتربت في هولندا وعاشت فيها منذ طفولتها ، أكيد اللغة الهولندية ولبس الطاقية جزء أصيل من هويتها الخاصة وهي برضو نانسي السودانيه ..
قاسم شكرا ليك علي البوست ولكن زمان قالو للاستاذ وردي ان عوض احمودي يعزف العود بطريقه غيرسليمه فى مسكه للريشه فقال لهم مامشكله يمسك الريشه كيف المهم بطلع اللحن كيف ? الشكل لايفسد للابداع قضيه قاسم مشتاقين ازول عليش
