النــشــــيشيـــــــــــبه

اكتبوا تصوراتكم

اشرف السر سلام جذبني عنوانك النــشــــيشيـــــــــــبه فاسرعت لقرأة محتواه ثم زرت بروفايللك فوجدت فيه

Quote: اللقب: اشرف السر عدد البوستات: 64 تاريخ التسجيل: 06-12-2003 الاسم الحقيقى: اشرف السر التعليم: جامعة الجزيرة - كلية الاقتصاد

نحن خريجي جامعه واحده و كليه واحدة و لا اعرف فقد نـكون خريجي قسم واحد وبالمناسبه تخرجت في

الدفعه كم ياشرف?



أنور أحمد - خريج دفعه 20

الأخ Anwar Ahmed

تحياتي ومحبتي


قصدت من هذا البوست،، توثيق مفهوم النش،، وما تعنيه،، مجتمعا طلابيا متفاعلا مع البيئة المحيطة،، نضال الطلاب ضد الهوس بكافة أشكاله،، الطرفات والتوادر وما يستحق العيش مرات ومرات من الذكريات التي لا تموت بالدواخل..

عزيزي أنور

انا من الدفعة 14 ومــــــــــــــا أدراك ما الدفعة 14.....

تخرجت هذه الدفعة بعد ما ينيف على الست سنوات ونصف،،،
فصل الكثير من الطلاب فصلا سياسيا..
وكنا أول ضحايا "ثورة التعليم العالي" المزعومة..
قل لي بربك... جامعة صممت لأستيعاب (250) طالبا وطالبه في جميع الكليات،،،
يقوم (جوبيتر)،، برفع العدد الى (3000) هكذا إعتباطا ودون توفير حتى العدم...

بتنا أيامنا الأولى في النجايل.. وتلقينا محاضراتنا الأولى في (صيوانات) وجلسنا على كراسي الافرح..



يتواصل..
والباقي أجمل...

في سنه 2001 و ذات يوم نهاره حارق يكاد يفقد الوعي افاق طلاب جامعه الجزيره في النشيشيبه، على مفارز طلاب للجبهه الاسلاميه لا ينتمون الي جامعه الجزيره و يلبسون الميري، يهتفون (جهاد نصر شهاده)، مدججين بالهراوات
و السيخ والاسلحه الناريه، دخلوا جامعه الجزيره بسبع حافلات وبكسي كاشف الظهر وهم يطوقون شوارع وكليات الجامعه الآمنه في غياب كامل للحرص الجامعي. ولزمن غير بعيد من دخولهم دبت حركة غير مألوفة في النشيشيبه، خاصه في كافتريا النشاط فقد كانت مشغوله بركن للنقاش، أثناء ذلك سمعت صياح غريب وسكلي من طالبات وهن في حاله هستيريا ياالهي... بدأت اسأل ماذا هناك لا احد يجيب فالكل فزعا ثم سمعت دوي رصاص متقطع، ويبدوا انه تم ضرب من كانوا في ركن النقاش، حدث هذا منذ دخولهم وحتي خروجهم في 20 دقيقه تقريبا، و بعد ان انزاح عنصر المفاجأه من طلبة جامعه الجزيره تمت محاصرت و ضرب الجناة حتي فروا، ازكر ان هناك طالبه تم كسر حوضها بعد ان تم هرسها بالبوبكسي الكاشف الظهر وهم مسرعين في الفرار، و قبل ان نحمل الجرحي من الطلبه الي المستشفي،ولحظات تفقد للاخرين انطلقت صفارات للشرطة معلنه بدأ معركه اخري مع الشرطه!!! ومازلت اسمع صوت دوي رصاصا خرج من مسدس ضابط برتبه النقيب سكن داخل جوف احد الطلبه انه شهيد عتره البار.


أنور أحمد

الاخ/ أشرف
سنبقي في هذا البوست كثيرا ...

الغالي/ أنور الصديق

أخبارك ياراجل ... زمن والله !! إنشاء الله تكون كويس...



نلتقي إنشاء الله في هذا البورد




ولي عودة

الأخ Elsamani A.Malik

مرحبا بك،،
هذا البوست وإن بدأته أنا.. إلا أنه منكم ولكم... ولا يحتمل سوى مشاركة الكل.. بكل ما يخطر على بالهم عن النش..
وأيام النش....
وفي انتظار تدفقكم هنا...
محبتي

السماني معقوله بس@@

دفعه

ازيك يا راجل واحشنى (ابوعركي)!!! و ين الحي بيك!!!

ومشتاقين نشوف ردوودك وحكاويك هنا عن النشيشيبه في هذا البوست

Quote: اللقب: Elsamani A.Malik عدد البوستات: 46 تاريخ التسجيل: 11-05-2005

لكن بالــــغــــــت يالسماني انت عضو من شهر خمسه وما عرفتني ولا حتي بالصورة !!!

غايتو كتر خير اشرف العمل البوست ده.



ولي قدام


أنور أحمد

Quote: في سنه 2001 و ذات يوم نهاره حارق يكاد يفقد الوعي افاق طلاب جامعه الجزيره في النشيشيبه، على مفارز طلاب للجبهه الاسلاميه لا ينتمون الي جامعه الجزيره و يلبسون الميري، يهتفون (جهاد نصر شهاده)، مدججين بالهراوات و السيخ والاسلحه الناريه، دخلوا جامعه الجزيره بسبع حافلات وبكسي كاشف الظهر وهم يطوقون شوارع وكليات الجامعه الآمنه في غياب كامل للحرص الجامعي. ولزمن غير بعيد من دخولهم دبت حركة غير مألوفة في النشيشيبه، خاصه في كافتريا النشاط فقد كانت مشغوله بركن للنقاش، أثناء ذلك سمعت صياح غريب وسكلي من طالبات وهن في حاله هستيريا ياالهي... بدأت اسأل ماذا هناك لا احد يجيب فالكل فزعا ثم سمعت دوي رصاص متقطع، ويبدوا انه تم ضرب من كانوا في ركن النقاش، حدث هذا منذ دخولهم وحتي خروجهم في 20 دقيقه تقريبا، و بعد ان انزاح عنصر المفاجأه من طلبة جامعه الجزيره تمت محاصرت و ضرب الجناة حتي فروا، ازكر ان هناك طالبه تم كسر حوضها بعد ان تم هرسها بالبوبكسي الكاشف الظهر وهم مسرعين في الفرار، و قبل ان نحمل الجرحي من الطلبه الي المستشفي،ولحظات تفقد للاخرين انطلقت صفارات للشرطة معلنه بدأ معركه اخري مع الشرطه!!! ومازلت اسمع صوت دوي رصاصا خرج من مسدس ضابط برتبه النقيب سكن داخل جوف احد الطلبه انه شهيد عتره البار.

الكلام مزعج لدرجة عدم مقدرتي على التعليق..وهكذا هو ديدن الكيزان... الجبن والغدر ..

Quote: ومازلت اسمع صوت دوي رصاصا خرج من مسدس ضابط برتبه النقيب سكن داخل جوف احد الطلبه انه شهيد عتره البار.

هل تتذكر اسم هذا الشهيد؟؟ فأنا من القدامي ولم احضر هذه الأحداث.. والتي ذكرتني بعشرات الحوادث المماثلة.. وإن لم تصل الى هذا الحد المؤسف

Quote: أنور أحمد - خريج دفعه 20

بالله يا انور انت الاتاريك برلوم


بجيك يا اشرف راجع

لكم التحية ايها الاخوة

كان اسم نشيشيبة عزيزة للنفس وذكرى عطرة لاناس قد عرفنا حتى اخواهم خارج نطاق الجامعة

كنا حوالى ال 1200 طالب وطالبة قبل دخول الدفعة 13 للجامعة ، عندما بدأت سياسة الترشيد كانت الدفعة 13 على الابواب وفى هذا الاثناء ظهر ( البروفيسر تجانى حسن الامين ) ( جيوبتر) ومن هنا بدات احزان جامعة الجزيرة

ندوة الترشيد التى تحدث فيها البروفيسور عن نفسه

واحداث عام 1991م وما صاحبها من مشاكل جمة ربما أتناولها اذا استمر البوست

ايها الاخوة وووجدنا متسا من الوقت

لكن حقيقة اسجلها هنا كانت جامعة الجزيرة اسرة مصغرة بالنسبة لكل الطلاب حيث ان عدد 1200 طالب وطالبة يلتقون فى اى مكان او زاوية من زوايا الجامعة خلقت نوعا من العلاقة الحميمة ومن خلال هذا البوست ابعث تحياتى لكل خريجى هذه الجامعة واساتذتها وربنا يغقر للمرحوم د/ محمد نورالدين حسين الذى وافته المنية فى تونس

الأخ شدو

مرحب حبابك أيها السنير

لك ودي على اضافتك.. والمعلومات التي بها..

وربنا يغفر للمرحوم د/ محمد نورالدين حسين



وفي انتظار عودتك

الأخ محمد العمدة

طلت اتشرف بها مديدا..
في انتظار اوبتك والعود أحمد..

النشيشيبة (النش)

عنوان البوست له معني وقيمة كبيرة لكل من عاش في هذه البقعة من التاريخ شمال مدينة ودمدني الباسلة .
وحقيقة الحديث عنها يحتاج الى الكثير الكثير .
واتمني ان يجمع هذا البوست كل خريجي جامعة الجزيرة في المنبر ..

جمال حسين 15

الأخ جمال الصادق


الحديث عنها لا بنضب معينه لكل من عاش فيها اياما،، فما بالك بمن قضوا اجمل سني شبابهم الروحي والفكري هناك..


يجمعني معك الأمل ان يجتمع هنا كل الخريجين والطلاب الحاليين فهم امتداد لذات العطاء..

امرأة القهوة الأولى
(ونحن نقترب من الذكرى العاشرة لرحيلها)



الخالة (عرفة) :

لولا الموت...
لما كانت الحياة.... حدث
فحين اخترتك
امرأة القهوة الأولى
في حياتي
لأنني..........................
اعشق البن.. مسكوباً
وأتلون...... بالجنزبيل
وأحبذ.......فتاة الكاكاو
وأنت ...........
كنت عظيمة
وأنت .............
تعدين أبنائك
بلون القهوة........!!؟




نزار عبد الماجد محمد العوض
يونيه 1997


حيوا معي الخاله العظيمه زهره..بلوك سفن
الخاله الشول
الخاله أم هاني
الخاله ام عشه
الخاله بثينة
كل النوبيات المكافحات صديقاتي اللدودات
حيوهم ولا تنسوهم وفكروا كيف تردون جمائلهم الكثيرة ..فكروا بجد
ما اشمخهم من نساء

وتحية عملاقة للعم العزيز ابو الناس (عم ابراهيم)
و(عم عوض) والغالي عم (جباره) بالمسجد
حيوا (بقه) و(خميس) و(اموكاشي) و(النعمه) و(يوسف) الذي أصر علي تسمية المحل بالجزيرة
حيوهم حتى الثمالة

up

أعزائي النشابه
خليكم معانا

فشلت( الإنقاذ)...سياسياً فى خلق أطار بنيوي موحد للحكومة إزاء التمترس فى المواقف والتشبث فى السلطة بدون أي إصلاحات على كافة المستويات السياسية والتنفيذية والدستورية والتلاعب بالثروة لرسم وجه مقبول للشمطاء العجوز الماكرة (الإنقاذ الوطنى).
ويومياً تظهر الدلائل واضحة بائنة عن فشل حكومة الوحدة الوطنية على مستوى الشريكين، (المؤتمر الوطنى), والذي يعبث بشركائه مع الحركة الشعبية بوضع العراقيل..وقتل روح اتفاقية السلام ...وكسب الوقت وإعلاء العنصرية والجهوية التي أصبحت تمتلك صحفاً لوجوه لا تنفصل أبدً عن مؤامرة المشروع الحضاري الموجه لشعبنا المسكين خلا المنتسبين للتيار المتحالف (إسلاميين وراديكاليين وتكنوقراط ومستأتسين سياسياً).
و يومياً...يظل المواطن السودانى مرهقاً ..لمحاولاته المستميتة لإيجاد الحلول ... للمعيشة أولاً والفهم ثانياً, وتقوده الأحداث اليومية لأن لا يأبه لمسالة الفهم .. هذه ومن ثم تتوالى عليه المصاعب، والدولة المحترمة تتسلل إلى ما يؤسسه من أجل معيشته ...فيظل المواطن وان سكن بقلب الخرطوم مهمشاً يحاول الخروج من دائرة التوهان والعبث بمعيشته.. وفهمه.
إن البحث عن نظام تتبعه الدولة أمر معقد وتؤول نتائج البحث إلى الصفر، انهيار عام في شكل الخدمات المقدمة للمواطن من قبل الدولة، الدولة التي رفعت يدها تماماً عن المسائل الملحة التي تهم المواطن، الصحة والتعليم والخدمات في مرافق الدولة والفصل التعسفي واللاقومية التي أتسمت بها الخدمة العامة والمنابر الإعلامية للدولة ومؤسسات الأمن والدفاع عن الوطن ومؤسسات الدولة القانونية (القضائية والعدلية والشرطية) .
وكان قبل كل هذا الدخول في (معمعة) اقتصاد منقول حرفياً من تجارب لا تصلح للسودان بتاتاً أسهمت في جعل الاقتصاد غولاً ينهش لحم المواطن السوداني وأفرز الواقع الاقتصادي المفروض علينا واقعاً مراً وانهيار وشيك لمنظومة الأخلاق السودانية والذهاب أبعد ما يمكن في تخيل ما يمكن أن يصل إليه هذا المجتمع، فالدولة لا تعطي المال الكافي لتغطية تكاليف المعيشة ولا تدع الفرصة تفوتها في ابتكار ما أمكن من أساليب في نهب ما تعطيه مضاعفا فأصبح شكل الدول (رأسمالياً) يعجبها و(فقيراًً) نئن بالشكوى منه.

أطراف الوطن مهددة بانفصال (جنوباً) وعبر مواثيق و اتفاقيات دولية اثر فشل محتمل لمشروع الجذب الوحدوي لن يجدي معها العودة للمربع الأول كما يسعى تيار عريض داخل المؤتمر الوطنى فالجيش لن يستطيع أن يجد مواقعه الإستراتيجية بعد عام من استقرار قوات الحركة الشعبية ووجود الآلاف من القوات الأممية في حال نقض الاتفاقية التي تمت برعاية دولية على مستوى محترم
وأيضا لتحجيم مليشيا النظام(الدفاع الشعبي) وعدم الترحيب بها لا من قبل الجيش الشعبي خلال عام من الاتفاقية وتوجس المجتمع الدولى منها ومن استمرار وجودها ولا يمتلك (المؤتمر الوطنى) كوادر جهادية كما السابق،إذ فسدوا إزاء انغماسهم فى (اكسسوارت) السلطة وبالكاد يتحركون من مكاتب وثيرة وعربات (مفخمة) مظللة إلى أماكن الطعام ( النظيف) المنتشرة فى العاصمة ومثيلاتها فى مدن السودان المختلفة مع إحاطة القوات الأممية بنا شرقاً بعد قاعدة أريبا العسكرية وجنوباً مع قوات حفظ السلام وفى جبال النوبة والاتحاد الافريقى فى دارفور...و...و....
والشعب لن يلدغ من الجحر مرة أخرى ...بعد أن قدم أبناءه فداء لجهاد مزيف أفضى بمن حاربه أبناءهم فى القصر الجمهوري ...والوزارات....وعلى جنبات الأرصفة فى طرقات العاصمة وفى أطرافها ...بكامل عتادهم...
نظام الحكم الان تسنده الشراكة ويسنده ما يود فهمه من هم بالسلطة الخوف من تشرذم وطن...!!!!
والأخطر من هذا وذاك أن ( المؤتمر يون) تعودوا أن يحترموا من يختلف معهم وهو مدجج بالسلاح فتفاوض فى دارفور والشرق ..وفاوضت فى الجنوب ..ولكن هل سيكون الشمال لقمةً سائغةً فى ظل اختلاف التيارات الفكرية فيه وتعدد الولاءات والتى ستعول عليها الأحزاب ذات الصبغة الطائفية ...والتى اعتقد أنها لا تملك ما يمكنها من تغييرالنظام الحاكم ولن تكون هناك أجندة ستعجب أهل الوسط والشمال ولن يستطيع احد أن يقنعهم بحماية نظام عمل على قهرهم وإذلالهم وسرقتهم
ً فالنظام محتكر من فئة قليلة من الأفراد ستلجأ إلى مقرات أكثر أمناً حين يحدث ما لانوده.
اعتقد أن الحكومة فى طريقها أن تحول سخط الناس إلى صراع مسلح فى قلب الخرطوم ..ولم يتعود أهلها ذلك على مثل هذه أحداث.
للشرفاء في بلادي..بلاد المليون هم معقد،للقابعين خلف ستار الجبن،للآملين..للحانقين..للمفصولين (تعسفياً) للجالسين في انتظار الوظيفة السراب..للقابعين خلف جدران متسخة في حجرات (كئيبة) وأزقة ضيقة كممشى في هيئة علماء،للدالفين للصحف الهزيلة..وصحفيو الأمن والمخابرات والمؤتمر الوطني والمستنفعين والموصومين ب(النجومية الجماهيرية) ..وبعض (المكتوين) بنار جمر القضية،للمهاجرين والمبعدين والموطنين واللاجئين (الذين لم تحن مؤامرة قتلهم بعد)،للمزارعين في انتظار الفرج وبلوغ (الرزق) المتعب ووقت السداد لبنوك الربا (المنتفخة) .. للصناع والحرفيين الضائعين بين أروقة (نسي) التحديث وفقه الحداثة ونهب المحليات،(لستات الشاي) .. المتراصات على علب الحليب الجاف ..وأزمة الحلول وسيقان للهرولة وأطفال في الانتظار،للموظفين المحرومين من إجابة طلبات صغارهم وكبارهم و المندسون في فقه الجدل السياسي الرياضي الاجتماعي (المعد خصيصاً لهم) ولعب الورق وتعاطي ما أمكن إلى الذاهبون بروحهم في صفوية متتابعة إلى الله..يوزعون الحمد في المسافة من منازلهم للمساجد, للمعلمين ..رغبةً...وعنوةً ..والالتفاف حول أجر (مؤجل) للأطباء في غيبوبة ما يتوفر للعمل وعمل غير متوفر وأموال تذهب فيما تذهب لمريض محتاج لا تأبه به الدولة.
للمهندسين (الغير مستشارين) في إبراز ما هو عيب وخطأ ..(ومُفَصلونَ) تماماً على ثوب الذهاب لفائدتهم وهم مغيبون تحت وطأة كفاءة الخبرة ..و الخبرة الوافدة والسقوط في بئر القطاع الخاص والشركات الحكومية التي تحتاج إلى شفرة دخول.
للتجار ورجال الأعمال ..المطالبون بالذهاب عنوة مع (اللاأخلاق) فى رحلة الشتاء والصيف للتخييم بجانب الدهس المستمر بكاهل الدولة الثقيل على الجميع (والمؤلفة قلوبهم) والمنبتين من عملية زواج(غير شرعي) بين (تمكين) ابنة الدولة والأستاذ (ضمير ميت) أبن الشيطان.
للطلاب المنغمسون في تكريس الحالة (الروميوية و الجوليتية) على الطرقات والأرصفة والمطاعم والمقاهي وما توفر من أماكن للاندساس .. والمرهقون من أزمة القادم المظلم والحاضر البشع ، والمحاصرون بتعليم (بدون أكمام) وطرق دراسية (رخيصة) وشهادات مع وقف التنفيذ .

للمنتظرين خدمة (سوداني) مزيداً من الشرائح والتشريح لاقتصاد (مبهدل) حريص علي ربطة العنق ونشوة الزهو بما يجعله مميزاً في عالم موصوف بالقرية .
للجالسين خلف شاشات أدارة عدادات الدفع المقدم ل(المياه) و(الكهرباء) والزكاة والضرائب ودمغة الجر. أقصد السل... أقصد (الألف وجه) والمخصصات المهولة للمدافعين عنا والذين ندفع رواتبهم أبناء السيدة الفضلى (مؤسسة عسكرية) صاحبة التاريخ الطويل من الانحياز لمصالحها الخاصة على حساب الوطن نفسه..وافتقاد الحلول بعيداً عن الذهنية العسكرية المتحجرة ونقص تأهيل العسكر الفكري والابتعاد عن الدور الأساسي في رفد المجتمع كبقية شرائح المجتمع بما يفيد بدون فرض ما هو مفيد لهم ومقيد لغيرهم نتيجة امتلاكهم القوة القهرية علي بقية شرائح المجتمع.
لفتات الأفكار (المبشتنه) ..والمنظومات السياسية (الهيليومية) والقيادات تحت الطلب (ألتوظيفي) ..لتجمع الأئمة والسادة والقادة.. للمحررين والمتحررين ..والخائفون من هبوب نسمة التحرر منهم والذهاب بهم إلى (دار العجزة) السياسيين...بلا عودة .
لأحزاب الوجع المنصوب على أشرعتنا البالية ..وأوتارنا المقطعة ..ونهضتنا (المجهضة) بفعل أفاعيلهم وأنانية الذات والأيديولوجية والتشبث بهبة ما هو تاريخي وموروث ..لفقاعات الهواء الفكري والمخضب بدم وعرق أولئك جميعاً ..مقبرةً لأبناء الوطن ..وإنجاب الحلول (الميتة) منذ الولادة.
للقادم من بؤرة المعارضة والصراخ المسلح والغابة المظلمة ,إلى واجهات الزجاج الملون ومواكب التشريفات والشرود في هيبة السلطان والعويل بأبواق الدولة والانجراف لأنانية المقصد وجزئية المكاسب وركل الأحلام القومية والمواجهات المباشرة مع الشريك ...(الحركة الشعبية) الابن الشرعي لمطالب الجنوب ..المنهك الأول من سياسات (الإسلامويين) بعد انتهاء مسرحية (الجهاد) بإصابة الكثير منهم بالخبل والشرود الطويل في انتظار حصان (الجنون).
لا ينصلح حال وطن ما بالصراخ والعويل ............
استيقظوا للبحث عن حلول لمل يمكن أن نطلق عليه وطن
تعودوا البحث عن من تحبون الأن ... قد لا تجدونهم .. غداً بين الجثث
في حال لا تنازلات الحكومة .. ولا فاعلية المنظومات السياسية الأخرى والعمل الجاد على إجراء التغيرات المناسبة لأجل المصالح القومية .. وسهولة الحصول على مكاسب سياسية من خلال اللجوء للمعارضة المسلحة .. ونهم من نحسبه صديقاً .. أو من نعده عدواً ... أو نترقبه مصلحاً ظلت لعبة المصالح مع مراكز القوى العالمية هي التي تؤسس مواقفهم الأنية وتظل المطامع المستترة إلى حين ... ولنراجع ملفات الحدود وسنكتشف المثير ...
الموت لا يعرف طلبات لتحديد كيفيته ...
والقوة تهزمها القوة والإنفلات فيها لا يمكن توقع عواقبه الوخيمة ... لا أحد ...

مهندس / نزار عبد الماجد محمد العوض

الاخ محمد حسن العمدة -تحيه- كل مره اري صورتك احتار فيك وأتامل اقول في نفسي انا شايفك وين ؟. انا شايفك بس وين ؟ تصدق غلبني!!!حتي وجدتك يوم تكتب عن عصمت الدسيس واقول ليك شوفتك كتير في النشيشيبه وكمان بتجلس كتير في كافتريا تكنلوجيا.


مرحب محمد




أنور أحمد

اشرف السر
لك خالص الود
حقيقة اجمل سنين العمر هي التي كانت في جامعة الجزيرة

Quote: يجمعني معك الأمل ان يجتمع هنا كل الخريجين والطلاب الحاليين فهم امتداد لذات العطاء..

امل وامل كبير .... وخصوصاعدد كبير منهم اعضاء في هذا المنبر ....

فما هي الاقتراحات ليجتمع الشمل ؟؟

لكم الود جميعا

جمال حسين

Quote: فما هي الاقتراحات ليجتمع الشمل ؟؟

الأخ جمال

اقترح ان يحاول الجميع تحديد موعد للقاء شامل،، وكخطوة أولى أقترح ان يضع كل واحد بياناته بعنوانه الحالي مثل:
الاسم : أشرف السر محمد الحسن (فكة ريق)
الدفعة : 14 اقتصاد - تنمية ريفية
مكان الإقامة الحالي: الرياض - السعودية
هاتف العمل : 2771962 966+
الجوال : 508426145 966+

نش نفر

الزمان عام 1991م

تم استبدال مدير الجامعة بالبروفيسور التجانى حسن الامين ، اول ما فعله المدير عندما اتى الى الجامعة قام بجولة واسعة فى الجامعة وعندما وصل الى نشيشيبا اول ما استوقف عندها البروفيسور الصفرة المختلطة ، فامر بالفور الفصل بين صفرة الطالبات والطلبة فخصص الصفرة الى تقع امام كافتيريا النشاط للبنات وخصص الاخرى التى تقع وسط الداخليات للطلبة.
اول ما طالب به الطلبة بصورة عاجلة (ديفريزر) للحليب ، لان الديفريزر القديمة كانت لاتبرد بالمستوى لمطلوب ، وكان الحليب يتم تقديمه مع وجبة العشاء لذلك كان وجب على عمال المطبخ وضعه لحين العشاء الا ان الحليب لايتحمل لان الديفريزر لايعمل بصورة جيدة لانها قديمة ويصبح الحليب رايبا ومتقطعا ويتغير طعمه ونحن نريدها حليبا حتى العشاء لنشربها طازجة لكن المدير ( بروفيسور تجانى ) اقترح علينا ان نشرب الحليب فى الغداء حلا للمشكلة ، قلنا لا يمكن ذلك فقال لنا ربما لاترونه يوما ، فى ذلك الزمان قلنا المدير متخلف كيف يمكن شرب الحليب فى الغداء ومن يومها لن نرى الحليب الى ان تخرجنا من الجامعة ، مع ان مزرعة الجامعة التى تعج بالابقار كان على مرمى حجر من داخليات الجامعة واصوات البقر تلاحقنا حتى داخل الغرف .

الى ان نلتقى فى ندوة الترشيد التى اقامتها ادارة الجامعة وتحدث البروفيسور عن نفسه ناسيا موضوع الندوة

انتهاء دورة الاتحاد والتى كان يتربع عليه الاتجاه الاسلامى

وعدم تحديد موعد للانتخابات او عدم حل الاتحاد لنفسها

تكوين مليشيات طلابية لحماية الطلبة من هجمات الكيزان

وكيف تم تنظيم المظاهرات باسم المحايدين وتجمع الاحزاب

وخروج الطلبة والطالبات الى الشارع فى مظاهرات عارمة

والقبض عليهم وجلدهم وحلقم صلعة واعتقالهم لايام فى ايام سليمان محمد سليمان الوالى للاوسط فى ذلك الزمان



وفصل عدد 16 دكتور من ضمنهم المرحوم د/ محمد نورالدين

والاعتصام عن الدراسة ومقاطعة الامتحانات وظهور مايسمونهم بالمتخاذلين

واختراع مايسمى ب technical fs والذى استخدمها كسلاح لضرب الكثير من المتفوقين

والجلوس للامتحانات وما صاحبها من ماسى

هذه النقاط سوق اتطرق لها ان لن تشغلنا ماسى اهلنا بدارفور

وربما يكون هذا البوست استراحة محارب بالنسبة لى

لكم التحية جميعا

الأخ شدو



اتحفك الله بدوام الصحة والعافية كما اتحفتنا بمباديء (الجوبيتريه) عند خالد الذكر بروفسير تجاني..
واذكر عند اول اسبوعين من مقدم الدفعة14.. لأنه لم يكن هنالك سكن للطلاب.. فاعتصمنا بالكلية الاعدادية عند مدخل (ابوالهول) المؤدي لمكتبه... فكان ان جاءنا وهو يرتدي زي الدفاع الشعبي (البارقيت) وترجل من سيارته.. ورفع مسدسه عاليابأسلوب الكاوبويات الترهيبي وقال لنا بالحرف الواحد:
"الراجل فيكم اليلحقني في مكتبي"

شفت جنس إدارة!!!

الاخوه الاعزاء

هنا رابط لموضوع يخص طلاب جامعة الجزيرة

جامعة الجزيرة ... سناريو الاحداث ولا لمحاكمة الطلاب

Quote: واذكر عند اول اسبوعين من مقدم الدفعة14.. لأنه لم يكن هنالك سكن للطلاب.. فاعتصمنا بالكلية الاعدادية عند مدخل (ابوالهول) المؤدي لمكتبه... فكان ان جاءنا وهو يرتدي زي الدفاع الشعبي (البارقيت) وترجل من سيارته.. ورفع مسدسه عاليابأسلوب الكاوبويات الترهيبي وقال لنا بالحرف الواحد: "الراجل فيكم اليلحقني في مكتبي"

لك التحية اخى اشرف السر

ولكل خريجى الدفعة اربعة عشر

وهنا اذكر ان مجموعة من الدفعة اربعة عشر جاءت ومعهم مكبرات الصوت ونزلوا امام كافتيريا النشاط فى نشيشيبة وبدأوا يشرحوا مشكلتهم لناس للطلبة فى المدينة الجامعية ( نشيشيبة ) فواحدة من السناير كانت زعلانة جدا من مشاكل جامعة الجزيرة وما اكثرها فاخذت فرصة وقالت ، هووووى ياناس الدفعة اربعة عشر نحنا لما دخلنا الجامعة انتو فى ابتدائى ، نحنا كفانا مشاكل ضحينا كثير امشوا حلوا مشاكل براكم بعيد مننا خلونا نتخرج ونشيف شغلة ثانية ، فاستجاب المجموعة بكل ادب لذلك المطلب .... حقيقة كان هناك احداث مؤلمة حقا لكن الحياة كانت ذو طابع خاص ومميز فى جامعة الجزيرة

اما هذا المدير فكان فى عنفوان الهوس والعظمة فحوادثة كثيرة ومستفزة للغاية

لك الود .. ود السر

(فكة ريق) واذكركم تماما وانتم تصنعون البسمةعلى الشفاه وتقللون رهق المعناة من خلال

المنتديات ... اشرف السر - محسن خالد - هيثم خالد (هيثم الخلاء) ...الخ .

14 تنمية ريفية ...والله زمان ...
*** الاستاذ / محمد ادريس له قصة طريفة مع الشقيق / ود الصول ... بسبب الغياب الطويل وعدم حضور المحاضرات ... فقال ليهو انا بطريقتك دي مادايرك معاي في القسم .. فكان رد ود الصول والله يااستاذ بعد (تنمية ريفية دي) الا ترجعني الثانوي العالي ....... بالمناسبة (ود الصول) الان صحفي رياضي في جريدة المريخ يكتب صفحة (من المدرجات) باسم (الفاضلابي) ... ولاحظ ياودالسر وبدون زعل ود الصول ده من تنمية ريفيةالى (من المدرجات)
اصلو الزول ده مافي ليهو طريقة في (إحصاء) و (المقصورة) .....

شكرا على مرورك علي بوست الاحداث في جامعة الجزيرة واتمنى ايضا من الجميع المشاركة لانو في هذه اللحظة انا على اتصال بالجامعة ومازالت الاعتصامات مستمرة عن الامتحانات والعسكر داخل الحرم الجامعي ... وطبعا بقية السناريو معروف لديكم بحكم التجارب السابقة ... وربنا يكضب الشينة

الاخ جمال
شكرا لمداخلتك الطاعمه .. والتي لن اعلق عليها عشان ما ابيخها..


للمتابعين...
احداث الجامعة تتطور :
كتبت "ريهان الشاذلي" :

Quote: وامتدادا لتعنت ادارة الجامعة و بعد ان تواصل اعتصام الطلاب عن دخول الامتحان قامت ادارة الجامعة باستدعاء قوات النجدة والعمليات لتضرب الطلاب داخل الجامعة مما ادي لاصابة العديد من الطلاب بجروح بالغة وفي انتظار المذيد من التفاصيل.

الرابط للبوست :
احداث عنف في جامعة الجزيرة

من غيرنا

يذهب يوماً مثلنا

في الرحلة الخطييرة

للجزيرة..

من غيرنا..



اغنية من مسلسل الكرتون "جزيرة الكنز" كنا نرددها تندرا بحالنا في جامعة الجزيرة

اشرف السر
افتقدنا هذا البوست كثيرا بعد الاحداث الاخيرة

حمدلله على سلامة العودة
سوف نبقى مثل نجم السعد نحيا بالدواخل ريثما تصفو السما
وعائدون بأذن من نهوى هلالا في سماء

جمال حسين

الأخ جمال

ان شاء الله طيب

مرحبا بعودتك وعودة كل الحلوين هنا..

جاء التوقف مراعاة لحالة البلد وحالة الحزن والمصاب الجلل..

والآن نعود.. وستظل النشيشيبه في المقدمة دوما.. في نفوسنا وفي البورد

فلتعد النش الى اعلى قوائم هذا البورد

امرأة القهوة الأولى
(ونحن نقترب من الذكرى العاشرة لرحيلها)



الخالة (عرفة) :

لولا الموت...
لما كانت الحياة.... حدث
فحين اخترتك
امرأة القهوة الأولى
في حياتي
لأنني..........................
اعشق البن.. مسكوباً
وأتلون...... بالجنزبيل
وأحبذ.......فتاة الكاكاو
وأنت ...........
كنت عظيمة
وأنت .............
تعدين أبنائك
بلون القهوة........!!؟




نزار عبد الماجد محمد العوض
يونيه 1997


حيوا معي الخاله العظيمه زهره..بلوك سفن
الخاله الشول
الخاله أم هاني
الخاله ام عشه
الخاله بثينة
كل النوبيات المكافحات صديقاتي اللدودات
حيوهم ولا تنسوهم وفكروا كيف تردون جمائلهم الكثيرة ..فكروا بجد
ما اشمخهم من نساء

وتحية عملاقة للعم العزيز ابو الناس (عم ابراهيم)
و(عم عوض) والغالي عم (جباره) بالمسجد
حيوا (بقه) و(خميس) و(اموكاشي) و(النعمه) و(يوسف) الذي أصر علي تسمية المحل بالجزيرة
حيوهم حتى الثمالة شش

الاخ محمد اشرف

لك التحية

لا يمكن ان يسمع اسم النشيشيبة او جامعة الجزيرة او ودمدنى دون ان ترجع الذاكرة

الى الوراء تستعيد ذكريات تلك السنين التى قضيناها فى رحاب جامعة الجزيرة وبين

مدينتى ودمدنى والحصاحيصا .

ومن المدهش هو ذلك الرباط الاجتماعى الوثيق الذى يربط بين جميع مرتادى جامعة الجزيرة

وليس بين ابناء الدفعة الواحدة فقط بل بين كل الدفعات .

الدفعة 16

نرفع البوست في حضرة الحبيب الرفيق حسين يوسف فلنرحب به جميعا ولنسوق سويا احداث جامعة الجزيرة للعام 1998 الشهيرة والتي كانت مثالا لصمود وبطولة الحركة الطلابية
لقد كانت معركة بحق

معذرة

ان ها الاسم اقرب لدمي
تحياتي يااشرف يا دفعة
وتحياتي لعطبرة

ولي عودة
هنادي بت عمك الفضل( رجال عطبرة)

التحية لكل الرفاق الشرفاء بجامعة الجزيرة
جامعة الجزيرة قلعة النضال
مازلت ازكرك وانت تغني وتمتلك صوت جميل
ازكر الجامعة شبر شبر
وازكر واستعيد الوجوه يوميا

النشاط والرجال الجد والنسوان الجد الشرفاء الزين لمولن يبيعوا القضية
السوق الشعبي والخور خور الجامعة
عمي ابراهيم والجياشي
خالتي خادم الله وفنية وزكية
والكناتر واقشي الدباغة
وبها تاريخ نضالي ونساء لم ينكسرن امام الجلادوان كره المرجفون

ولي عودة
بت الفضل

الجسورة / هنادي بت الفضل
لك التحيه و التقدير

ولاتنسي عم عوض ودعاباته المحببه وحضوره الدائم لكل اركان النقاش في الشجره ..وكذلك عم ابراهيم و الخاله عرفه رحمة الله عليها ... هذا الخور صيغت وصنعت فيه كثير من الاحداث السياسية وكان منتدى حقيقي بالامسيات وكذلك بلوك 8 نهارا وبلوك 7 ليلا وعلي سطح بلوك 9 خرجت اخطر القرارات ... ولا ننسي الداخليات (النذير - صبره - كرري - القادسيه ) ومن الناحية الاخرى (الخواض )....

ولنا عوده

الاخوان هنادي و ود العمدة وجمال

لكم كل التحية على تواجدكم المستمر هنا.. في النشيشيبة الافتراضية..



معزومين شاي عند زكية...

اقعدوا وبجيكم تاني راجع..

Quote: ولاتنسي عم عوض ودعاباته المحببه وحضوره الدائم لكل اركان النقاش في الشجره ..وكذلك عم ابراهيم و الخاله عرفه رحمة الله عليها ... هذا الخور صيغت وصنعت فيه كثير من الاحداث السياسية وكان منتدى حقيقي بالامسيات وكذلك بلوك 8 نهارا وبلوك 7 ليلا وعلي سطح بلوك 9 خرجت اخطر القرارات ... ولا ننسي الداخليات (النذير - صبره - كرري - القادسيه ) ومن الناحية الاخرى (الخواض )....

يا جيمي ياخي ما تضرب التامين ياخ

قلت لي الشقيق ع كوستي لسه ماسك المحضر وبيكتب ؟؟؟؟؟؟؟ لووووول حربي خلاص يدو ما بتوجعو تب بالمناسبة الجيلي رحمة الله في ابو ظبي ومتابع المنبر ده بصفة مستمرة


اها يا اشرف السر انا عزمكم شاي عصر عند خالتي الشول


بالمناسبة ذكية خلصت ليها حسابا ولا لسع

Quote: انا من الدفعة 14 ومــــــــــــــا أدراك ما الدفعة 14.....

الحبيب / محمد حسن ودالعمده
والله ليك وحشه ....
ومتاسف جدا على حكاية ضرب التامين ... لكن مامشكلة ممكن نغير لمحطه تانية ...والله الواحد مشتاق لمحطه فيها ياسر فتحي وخالد ابليس وود العمده وناصر علي وحسن ابكر وبت الفضل وعبد العزيز مختار وحسين يوسف وشيخون عم عبد الرحيم ود السر زهره حيدر وائل خلف الله عصمت الدسيس كمال طماطم ابراهيم عباس وشخصي الضعيف .....يازول القائمة طويله وشكلها المحطة دي برضو حتنضرب من كثرة الناس ......
لكن عليك الله دا ما افضل تشكيل وزاري لحكومة السودان عشان تكون حكومة وحدة وطنية بالجد ....

Quote: قلت لي الشقيق ع كوستي لسه ماسك المحضر وبيكتب

هذا القصير القامة الكبير في اخلاقه المتميز في كل شي ... يموت عشقا في النشيشيبه هل تصدق انه الى وقت قريب كان في النشيشيبه ؟؟؟ وبقي اقدم حاجه فيها هههههها .

Quote: بالمناسبة الجيلي رحمة الله في ابو ظبي ومتابع المنبر ده بصفة مستمرة

والله اشتاق اليه بشدة وياريت رقم تلفون او ايميل ليهو ياود العمده

اها انا كمان عازمكم سينما رودي وعشاء في موقف التاكسي او حسن قرين ...شفتو فنجرة الاشقاء كيف ..... بت الفضل ماتخافي حنجيب ليك نصيبك من الاقاشي الصباح

جمال الرائع

ازكرك وانت تناضل من اجل الديمقراطية والحرية وتناضل من اجل قضايا الطلبة
وازكرك وانت موضوعي في طرحك مع الذين يختلفون معك

ولك المجد
اختك بت الفضل

كما اخبرك برحيل والدي في 4/2005 وكان يمتلك كتاب عن تاريخ النقابات السودانية مكتوب منذ 1972 لكاتب مصري د. الغزالي وبه وثائق وهو تحت امر لكل من يريد نسخة منه وهو موجود معي ولم احضر رحيل والدي العظيم

تبا للجبهة الاسلامية
وتبالكل من باعنا للرماد

الآخت هنادي بت الفضل

احسن الله عزائكم وجعل الله الوالد في أعلى الفراديس والهمكم الصبر وحسن العزاء.

آمل الحصول على نسخة من هذا الكتاب.

المناضله /هنادي
لوالدك العظيم الرحمة و المغفرة من عند الله واللهم اجعل قبره روضة من رياض الجنه آمين

وانا ايضا اذكر وقوفك الصلب امام صلف وجبروت الجبهه الاسلامية واذيالها في الجامعة ..
وكنت تسمعي صوتك حتى الى الاصم منهم ...

Quote: كما اخبرك برحيل والدي في 4/2005 وكان يمتلك كتاب عن تاريخ النقابات السودانية مكتوب منذ 1972 لكاتب مصري د. الغزالي وبه وثائق وهو تحت امر لكل من يريد نسخة منه وهو موجود معي

نتمنى الحصول على نسخة من الكتاب..لآن معظم النقابيين الشرعيين قد غادروا عالمنا القبيح هذا..والتوثيق مهم في هذا الجانب .. بعد المحاولات الكيزانية البشعة لتزييف تاريخنا الذي يعتبرونه قد بدأ يوم 30 يونيو الأسود..

بلوك 6 - او مبنى كلية الاقتصاد والتنمية الريفية - النشيشيبه




مبنى إدارة الجامعة - النشيشيبه

تم حذف صورتين هنا..مراعاة لبطء الاتصال عند بعض الاخوة هنا وصعوبة فتح الصفحة ..
وسيتم انزالها في الصفحة رقم 2 من البوست مستقبلا بإذن الله

صورة من كرنفال تخريج الدفعة 14 اقتصاد

اشرف السر
سلام وتحايا ...
اود فقط تصحيح المعلومة عن الصورة اعلاه و التي ذكرت بانها كرنفال تخريج الدفعة 14
الصوره هي لحفل التخريج الذي تنظمه ادارة الجامعة ... وعادة مايجد هذا الحفل المقاطعة التامة من شرفاء جامعة الجزيرة ...وهذه الصوره بالتحديد لحفل الدفعات 14 و15و16
وفي الصوره شخصين معروفين تماما وهم من كوادر الكيزان الدفعة 15 في الامام ابو نظاره هو نصر الدين تمساح 15 اقتصاد كوز ذو علاقات طيبه مع الاخرين ... و الاخر الطويل ابو جلحات هو الاستاذ/ الهادي من ابناء مدينة النهود 15 محاسبه ..هذا التخريج تمت مقاطعته من قبل الخريجين و الطلاب واقامت التنظيمات السياسية مخاطبات عده في ذلك اليوم فقد كنت على اتصال بالجامعة لحظتها ... وفي محاوله من ادارةالجامعة لاستقطاب الطلاب الى حضور حفل التخريج اقيم حفل ساهر عي مسرح الجامعة بالفنان ابوعركي البخيت ...بعد خداعه بان هذا الحفل تقوم به القوى الوطنيه ..ورغم ذلك لم يحظى التخريج بالنجاح ...وواضح من الصوره هل هؤلاء هم كل خريجي كلية الاقتصاد ؟؟؟ مع العلم بان عدد المشاركين لايتجاوز العشرين .

اما تخريج الدفعة 14 اقتصاد وبحكم انني كنت من المشاركين في اعداده ...فذلك الكرنفال لم تشهد الجامعة وطوال تاريخها مثله وله قصة طويله ساعود اليه بالتفصيل انشاء الله وايضا تخريج الدفعة 15 ايضا

لكم الود ....
جمال حسين

شباب النش سلام
صاحب البوست اشرف السر
والحبيب محمد حسن العمده
وود الدفعه الفارقنا وجاء بى ورانا
الصديق الغالى انور احمد
والغالى ود فداسى السمانى عبدالملك
وكل الغالين المتداخلين من خريجى الجزيره


وشكرا اشرف اخيرا لنا بوست على غرار بوست تواصل
خريجى الجامعات الهندنيه ،،،،
وانت الرائع لانك اخذت المبادره
ودورنا ان تكونا النشيشيبه فى اول المنبر
كما كانت الاولى فى المجمعات

ولنا عوده بزكريات جميله،،،،
ولكم كل الود


بالمناسبه انا خريج 19 وبرضو اقتصاد ياانور
وبيور كمان ،،،


التوقيع:- (مونتى)

جيناكم يا حبايبنا
بعد غربة وشوق..
..
جاييكم وفيكم ملامحنا..

جايكم يا شباب وشايل معاي تقيييل..
وأدوني فرصة لبكرة عشان أديكم آخر تفاصيل النش.. كنت فيها مساء الأمس..
وعشان بكرة أكتب ليكم بمزاج أدعو معي بالانتصار للمريخ اليوم..
إلى اللقاء ونواصل

عفوا ابناء النش
والجزيرة عامة

بسأل عن مجموعتين
1- جماعة حنظلة
2- دفعة 23 تكنو ..

ويدوم النضال

الاخت هنادي فضل نسال الله سبحانه وتعالي ان يتقبل والدنا قبولا حسنا ويسكنه الجنة مع النبيين والصديقيين والشهداء اللهم امين

Quote: عفوا ابناء النش والجزيرة عامة بسأل عن مجموعتين 1- جماعة حنظلة 2- دفعة 23 تكنو ..

( عمنا ) الاستاذ والشاعر معتصم الطاهر
سلامات للسناير القدام والكبار
جماعة حنظلة دي شكلك كنت من المؤسسين ليها وده دليل على عمقك في الجامعة والدفعة 23 دي يا عندك اخوك ولا اختك صغااااااار ولا كمان واحد من الاولاد ولا البنات وكلهم امتداد لمعتصم الطاهر بجامعة الجزيرة , وماشاء الله حسي قالو وصلو الكم وتلاتين دفعة انا ما عارف ناس حسين يوسف وياسر فتحي ديل بيمشو يعملو اركان كيف وكمان الجد الشقيق عماد حسب كلام جمال الى امد قريب كان نشابيا يكونوا بحجو في البرالمة ناس تامنة ولا شنو ؟؟

Quote: يموت عشقا في النشيشيبه هل تصدق انه الى وقت قريب كان في النشيشيبه ؟؟؟ وبقي اقدم حاجه فيها هههههها .

لووووووول بالله ع كوستي لحدي حسي بالجامعة ؟؟؟؟؟ ده فات حبيبنا موسى ومحمد بله كلمني الزميل مصعب مامان قال موسى اخيرا بقى من حملة البكلاريوس وما مصدق نفسو قلت ليهو ده السند نفسو ما بيكون مصدق انو وقع الشهادة ناس محسن خالد بقوا ادباء كبار وموسى وعماد ومحمد بله لسه مابرين ذكية وسامية وبتاع الاقاشي في تكنو

انت عارف الواحد كان عاوز يعمل ركن في النش تاني الا يقعد يحكي للبرالمة يقول ليهم كان في بعاتي اسمو التجاني حسن اللمين وتاجر جنو يزيد الاسعار-الرسوم- اسمو حاتم مهران وحسبو لاتوف وواحد اقطاعي في فداسي وجزار في حاسوب .... الخ

موبايل الجيلي :
00971508258520
E -mail: jaili_tahir1972@hotm
باقي العنوان تمو على الهوت عشان مافي برنامج فيروسات يلقطو

غايتو انا داقي لي راكوبي هنا

سلام ود العمدة

سؤالى عن حنظلة ... نعم أنا من مؤسسيها وداعميها
وكنت أقرأ الشعر فى لياليهم و ( أقد السلك .. من الجماعة ) بعد الليالى

أجمل الليالى شاركت فيها بمعية أزهرى محمد على ويحى فضل الله وعفيف اسماعيل

الدفعة 25 يهمنى تخرجهم جدا لأنهم تأخروا ( سمستر واحد 7 شهور)

الاستاذ معتصم.. مرحب بيك .. ومن النش سلام ليك..
مرحب بيك في دارك..

Quote: عفوا ابناء النش والجزيرة عامة بسأل عن مجموعتين 1- جماعة حنظلة 2- دفعة 23 تكنو ..

الاجابة على سؤالك:

1/ للأسف حنظلة انتحرت .. أو نحرت .. وتفرقت شزر مزر..
ولكنها كأفراد موجودة في الحياة العامة ولدي أخبار بعضهم..( عبدالمنعم مختار ، عبدالناصر ، عثمان عثمان... الخ ) طبعا ديل الناس العاشرتهم في الجامعة لأني الدفعة 15 وأنا مستعد لأي طلب منك ...
2/ الدفعة 23 تكنو .. أصبحو سناير الجامعة .. وهم على اعتاب التخريج .. انت عايز فيها شنو.. اطلب وبس .. وسناتيك بالخبر اليقين..
مع حبي وتقديري...

Quote: اود فقط تصحيح المعلومة عن الصورة اعلاه و التي ذكرت بانها كرنفال تخريج الدفعة 14 الصوره هي لحفل التخريج الذي تنظمه ادارة الجامعة ... وعادة مايجد هذا الحفل المقاطعة التامة من شرفاء جامعة الجزيرة ...وهذه الصوره بالتحديد لحفل الدفعات 14 و15و16 وفي الصوره شخصين معروفين تماما وهم من كوادر الكيزان الدفعة 15 في الامام ابو نظاره هو نصر الدين تمساح 15 اقتصاد كوز ذو علاقات طيبه مع الاخرين ... و الاخر الطويل ابو جلحات هو الاستاذ/ الهادي من ابناء مدينة النهود 15 محاسبه ..هذا التخريج تمت مقاطعته من قبل الخريجين و الطلاب واقامت التنظيمات السياسية مخاطبات عده في ذلك اليوم فقد كنت على اتصال بالجامعة لحظتها ... وفي محاوله من ادارةالجامعة لاستقطاب الطلاب الى حضور حفل التخريج اقيم حفل ساهر عي مسرح الجامعة بالفنان ابوعركي البخيت ...بعد خداعه بان هذا الحفل تقوم به القوى الوطنيه ..ورغم ذلك لم يحظى التخريج بالنجاح ...وواضح من الصوره هل هؤلاء هم كل خريجي كلية الاقتصاد ؟؟؟ مع العلم بان عدد المشاركين لايتجاوز العشرين .

البهي/ جمال
اشكر لك تصحيح المعلومة عن الصورة موضوع التعليق..واذكر تماما ما قلته عن الموضوع.. اما قلة الناس في الصورة فقد حسبته لزاوية التصوير فحسب..

Quote: لووووووول بالله ع كوستي لحدي حسي بالجامعة ؟؟؟؟؟ ده فات حبيبنا موسى ومحمد بله كلمني الزميل مصعب مامان قال موسى اخيرا بقى من حملة البكلاريوس وما مصدق نفسو قلت ليهو ده السند نفسو ما بيكون مصدق انو وقع الشهادة ناس محسن خالد بقوا ادباء كبار وموسى وعماد ومحمد بله لسه مابرين ذكية وسامية وبتاع الاقاشي في تكنو انت عارف الواحد كان عاوز يعمل ركن في النش تاني الا يقعد يحكي للبرالمة يقول ليهم كان في بعاتي اسمو التجاني حسن اللمين وتاجر جنو يزيد الاسعار-الرسوم- اسمو حاتم مهران وحسبو لاتوف وواحد اقطاعي في فداسي وجزار في حاسوب .... الخ

والله يا عمدة.. ناس ودالبله وموسى وع كوستي هم الحسبوها صاح..

Quote: موسى اخيرا بقى من حملة البكلاريوس وما مصدق نفسو قلت ليهو ده السند نفسو ما بيكون مصدق انو وقع الشهادة

قوية دي.. قوية جدا

الأستاذ حسين

تحياتى
شكرا لاهتمامك

اسأل عن عبد النناصر وعثمان والبقية

خاصة ناصر

الصورة فى البروفايل السابق من رسم ناصر ..

Quote: شباب النش سلام صاحب البوست اشرف السر والحبيب محمد حسن العمده وود الدفعه الفارقنا وجاء بى ورانا الصديق الغالى انور احمد والغالى ود فداسى السمانى عبدالملك وكل الغالين المتداخلين من خريجى الجزيره وشكرا اشرف اخيرا لنا بوست على غرار بوست تواصل خريجى الجامعات الهندنيه ،،،، وانت الرائع لانك اخذت المبادره ودورنا ان تكونا النشيشيبه فى اول المنبر كما كانت الاولى فى المجمعات ولنا عوده بزكريات جميله،،،، ولكم كل الود بالمناسبه انا خريج 19 وبرضو اقتصاد ياانور وبيور كمان ،،، التوقيع:- (مونتى)

اهدي ورده لصاحب الموضوع اشرف السر

واهدي ورده اخري لمن شارك في الموضوع

اخيرا وجدت البوست ده - كنت ابحث عنه - و كمان وجدنا عليه كل الرائعين في النش

منهم الصديق الحبيب - مونتى - إزيك يا مونتى و اخبارك !! والله مشتاقيين يامان

وكيف اخبار الدفعه بنين وبنات سلم لي علي كل الاصدقاء ..واتمني ان يسمح لي زمني

بالتواجد بينكم..



أنور أحمد

حسين يوسف البرلوم الج بسنونو والله ماشاء الله عليك عارف انا لي حسي درب الايقونات ده ما عارفو بي وين يومتا حمت في الموقع ده بس زهجت في النهاية , والالوان دي الواحد بعد ما سنونو اتحتت حتن عرف طرقا بيوين

Anwar Ahmed,
Do you know Abdelaal Abdellatif? I think he was your batch
Sorry I have no access to Arabic keyboard right now.

Salam shabab al Nish

الحبيب ود العمدة دوما تضحكني وتفرحني
الحبيب ياسر فتحي والحبيب اليسع ابلتهم الليلة في ندوتنا.. وكذلك الرفي شيخون.. أما الشيق جمال الظاهر (هنو) ضفرتو وحرمت عليه المرقة ... المهم كلهم بسلما عليك

Quote: حسين يوسف البرلوم الج بسنونو والله ماشاء الله عليك عارف انا لي حسي درب الايقونات ده ما عارفو بي وين يومتا حمت في الموقع ده بس زهجت في النهاية , والالوان دي الواحد بعد ما سنونو اتحتت حتن عرف طرقا بيوين

يا صديقي مش قلت ليك أنا تلميذ نجيب للأخ نازر..!!!؟؟؟

تبـــكي بس!!!

Quote: أما الشيق جمال الظاهر (هنو) ضفرتو وحرمت عليه المرقة ...

حسين يوسف رجاء..

أطلع منها..

الشرفاء
خريجي جامعة الجزيرة
فليظل هذا البوست مرفوعاُ إلي الأبد


الغالي منتصر( مونتي ) يا راجل وين مختفي

الحبيب أنور الصديق الرجاء إرسال إيميلك ( للمراسلة وكدا) أو مراسلتي علي الإيميل:
[email protected]

الزملاء الافاضل

اعلاما لا تنسى فى كلية العلوم و التكنلوجيا وكلية النسيج

لا تذكر جامعة الجزيرة وكلية النسيج الا مقرونة بأسم المرحوم بروفسير بشير الفاضل

مؤسس كلية العلوم والتكنلوجيا وكلية النسيج هذا الرجل العلامة الذى قضى نحبه وهو فى

قاعة الدرس اثناء ادائه واجبه نحو طلابه فى كلية النسيج وكان عميد الكلية

يعلمهم معنا الكفاءة .الا رحم الله بروفسير بشير الفاضل واسكنه فسيح جناته.

ورجلا ثانى مناضلا امد الله فى عمره وهو بروفسير عباس يوسف ابوسالمة الذى تولى عمادة

كلية النسيج بعد وفاة بروفسير بشير الفاضل وظل رجلا مناضلا ومكافحا طيلة فترة عمادة

لكلية النسيج الى ان تمت تنحيته من منصب العميد وقبل ان يكون عميدا كان ابا فاضلا

لجميع الطلاب ظل يتصدى طيلة فترته لجهاز الامن وعناصره حتى لا ينالوا من طلابه فكان هو

الملاذ الامن لطلابه ظل صامدا رغم كثرة المؤامرات عليه من قبل ادارة الجامعة فله منا

التحية وهو ماذال ممسكا باصبع الطباشير يؤدى فى رسالته الفاضله امدك الله بالصحة

والعافية ابى واستاذى بروفسير عباس ابوسالمة .

والتحية لجميع الاساتذة الشرفاء بجامعة الجزيرة

Quote: Anwar Ahmed, Do you know Abdelaal Abdellatif? I think he was your batch Sorry I have no access to Arabic keyboard right now. Salam shabab al Nish

سلام Alsara بالتأكيد اعرف عبدالعال عبداللطيف كما انه صديق عزيز One of my best friends درسنا في قسم الاحصاء و تخرجنا في دفعه واحده...آخر الاخبار عنه سمعت انه الان يعمل بالتدريس في جامعة القضارف ..إن لم تخني الزاكرة زكر لي عبدالعال يوما أن له أخت في أمريكا وأري في بروفايلك إنك تعيشين في امريكا ومن مدينه ودمدني التي منها عبدالعال فهل أكون صاحب حس سليم و أقول أنتي اخت عبدالعال! صاح ! ان كان كذلك تحياتي له عبرك.



Dear Elsamani A.Malik, how are you? I will send you a test e-mail. Please respond that you received this

Thanks

Anwar Ahmed

كما تتعرى لذاكرة النهر ذنبقة النهر
كالبحر يذهب للموعد المتأخر
أفتتح الآن حياتي .. وأدخل في موسم الحياة..
كل الجداول صالحة للملاحة
فليتقدام أحباب (النش) ، نحو (النشيشيبة)
وليسرج الجائعون القرى
هي (النش .. هي النش..)
تدخل في الدورة الدموية
أو في مدار الشظية ، أو في جنون يدور
وليسقط على القلب هذا الندى الليلكي
وليهوي (النشابة) نحو القلوب..
فإن أورق الدم والأرض ألقت مواعيدها
فليقوموا..
سيعرف كل بأوجاعه
حيث لا علامة فارغة في جبين النشابة..
ســوى الجـــوع
والأرض شاهدة إنهم أغمدوا صدرهم
في التراب .. ولم يبلغوا الخبز..
ولكنهم حين ذهبــوا
أضاءت مصابيحهم في (الخــــور..)

(...)


وعازمكم

ســــــــــــحـــــــــس

Quote: وليسرج الجائعون القرى هي (النش .. هي النش..) تدخل في الدورة الدموية أو في مدار الشظية ، أو في جنون يدور وليسقط على القلب هذا الندى الليلكي وليهوي (النشابة) نحو القلوب.. فإن أورق الدم والأرض ألقت مواعيدها فليقوموا.. سيعرف كل بأوجاعه حيث لا علامة فارغة في جبين النشابة..

انها الروعة بعينها .... ياصديقي .... الان فقط تزكرت لحظات الخروج القسري
من النشيشيبة وبعد المنعطف هنالك وقفه في انتظار آخر (المقدمين) ودائما مايكون
الرائع باقر ثم يبداء الخروج الجماعي نحو (رودي) ولو ارهفت السمع الان ورغم بعد
الزمان و المكان لسمعت (ناجي حمزة ) والله انه صوت (ناجي ) (وبتقولي لا ) تشق عنان
السماء ونرددها خلفة كورالا منسجما رغم النشاز في صوت (ابدومه) فقد بح صوته صباحا
مناديا ....فاليل جاءو عبر فوهات البنادق كان جيش القادمين .. اعرفتهم ... وعبر
مئذنة تصيح (المال أكبر ) ...أعرفتهم ... ناس تكبر عشان يكبر جيبها ... وناس تهلل
يصغر الصوت المنادي .... امير اميرنا مهرولا الى الامام يزكرنا بان اليوم الصفوف طويله
و التذاكر محدوده و المناظر بدت والفلم جمـــــيل ... نعم الفيلم جميل فهذه هي المرة
ال 13 نحضره ...ودائما ماتفوتنا الاغنية الاولى .... هل عرفت ياصديقي سبب ضعف الاناره في المطعم الخارجي لسينما رودي ؟؟؟ عندما نلتقي عنده مرة اخرى ساخبرك ؟؟؟؟
انها اغنية الختام و البطل مسيطرا على الموقف تماما ويطبع على وجه حبيبته اجمل واطعم
قبله عرفت في كل تاريخ السينما الهنديه ... كل الحضور مستمتع بهذا المنظر ويتمناه
شيخون جهرا الوحيد الذي لم يستمتع بهذا المنظر هو باقر فهو في سبات عميق ......
باقر .... باقر استيغظ فقد حان وقت ذهابنا ... وها نحن صوب الاندلس نجرجر اقدامنا
مثل الجيش المهزوم ..... وغدا تبداء رحلة العوده الي اجمل بقاع التاريخ .
جمال حسين

الرائع جيمي..

Quote: الان فقط تزكرت لحظات الخروج القسري من النشيشيبة وبعد المنعطف هنالك وقفه في انتظار آخر (المقدمين) ودائما مايكون الرائع باقر

لك الود صديقي .. أجل الخروج كان قسريا بعد ليت التاسعة .. بس ما تظلم باقر لأن آخر الخارجين كان العزيز(...) مافي داعي للاسم.. هسع بقول ليك (حسين دا يطلع منها) المهم كان هو آخر الخارجين مساءا وأول القادمين صباحا .. والمصيبة إنو بجرجر معاهو الضراب شيخون.. كدا عرفتو مش كدا؟ لأنو في اللحظة ديك بكون شايل قلبو في يدو..

Quote: ثم يبداء الخروج الجماعي نحو (رودي)

ودي صورة البطلة بتاعة فيلم الليلة .. أتاني بها مراسلنا من مدني قبل شوية:



ودا البطل:



والأغنية ما تفوتك...

Quote: وغدا تبداء رحلة العوده الي اجمل بقاع التاريخ

ليه غدا .. يا فردة أنا هسع مشتت مدني .. في اي زول عندو وصية المساء ح أكون في النش .. وطبعا يا شباب الليت بقى عشــــرة ...

النش نفر

يا شباب أسمحو لي أن أقدم هذه الهدايا:

أولا الرائع أشرف صاحب الفكرة:




ثانيا العزيزة الغالية المناضلة H.CLUB .. لأنها الجكس الوحيد في هذا البوست ما عارف دي النش ولا جامعةأم....!!؟؟ ويا عزيزتي أعملي حسابك أنا عارف الكعب العالي دا جديد علينا أنا وانت ( أهل العوض ) ديل بس على الأقل بتخشي بيهو المحكمة.. ولاحظي لحمرته الجميلة..



الأخ العزيز ود العمدة: هذا الوكــر الجميل ، رايك فيهو شنو.. بدلا عن الوكر اللي ضربه الشقيق جمال:


الشقيق جمــال:

دا خروف السماية من هسع:


وللكـــل:

الرفاق الشرفاء جامعة الجزيرة لكم الود كله حتى ينتهي


الرفيق حسين يوسف لك الود ولكل الشباب التحية

ازكر اننا اتفقنا كثيرافي حب السودان واختلفنا فكريا لكننا لم نختلف اجتمعيا

اشكرك على الهدية ولونها احمر جميل لكن عارف اختك بت اهل العوض حزاء زي دا برميني
وكمان انت عارف المحكمة احتمال يقوم يحصل جري بعداك اقوم ( اتشقلب في المحمة) لكن اوعدك احتفظ به عشان هدية ولونه احمر وانا اعشق اللون الاحمر.لان الاحمر اشرف الالون
وتحية وشوق لصديقي العزيز شيخون فانا احترمه كثيرا لانه يحترمني وازكر عندما تم القبض على الزملاء في احداث 94 وفصل من فصل في صباح اليوم الثاني اقمنا ركنامشتركافي الاعدادية للنقاش رقم انف الشرطة والامن والاحطياطي المركزي وتجسرنا في ذلك اليوم ازكره تمامامن خلفنا شرطة واممنا امن
تحية لجمال ولكل الزملاء في (السوق) بلطج وناس عاطف

Quote: ليه غدا .. يا فردة أنا هسع مشتت مدني ..

حســـــــــــــــــين
لازلت تمارس رجوع القمرا الى وطن القمارى .... اعلم تماما بانك غدا ستكون اول الداخلين عبر بوابه النش وهل مازالت بدون باب ؟؟ .... واكيد ستواصل الرحلة نحو مقرن النيلين الاول .... ليتكم فهمتوا حديث جدكم الشريف يوسف الهندي صاح لكنتم هنا الان :

الشـــقيق جمـــــــــــــال

Quote: اعلم تماما بانك غدا ستكون اول الداخلين عبر بوابه النش وهل مازالت بدون باب ؟؟ ....

بل اليوم وليس غدا .. كما غنت سيدة الغناء الغربي فيروز ... اليوم سأعانق أجراس النش .. لا أصبح لها بابين .. باب للطلبة وباب للأساتذة .. شفت التفرقة دي.. على كل حال سأشرب لكم شاي مع خميس ..

Quote: ليتكم فهمتوا حديث جدكم الشريف يوسف الهندي صاح لكنتم هنا الان :

ح أكي ليك قصة حكاها لي أحد الذين يكرهون المتصوفة في السودان .. وما تزعل ..

قالوا لمن الوفد الثلاثي ( الهندي - الميرغني - المهدي ) كان في الباخرة ماشي يهنئ الملكة في انجلترا .. قالوا المرغني سأل الهندي : يا مولانا عليك الله لو الله داير للسودان دا خير مفترض يحصل شنو ؟ فرد عليه : إنو الباخرة دي تنفتح النص وتغرق...

مع حبي...

الشقيق / حسين

Quote: ح أكي ليك قصة حكاها لي أحد الذين يكرهون المتصوفة في السودان .. وما تزعل ..

انا مازعـــــــــــلان





الحكاوي المنجوره كثيرة ....لكن لو حصل وغرقت الباخره لما تحقق الاستقلال ولمدد الانجليز اقامتهم في بلاد النيلين . فقد قال أبي الزعيم الخالد اسماعيل الازهري (اليوم نعلنها داويه من هذا البرلمان ان السودان حرا مستقلا بكل حدوده الجغرافيه ) وقال ايضا (لو لا هذا الاسد الرابض في حلة خوجلي لما تحقق الاستقلال )
ولو غرقت الباخره... لكانت النجاة من الغرق لمن يثبت انه من اولياء الله الصالحين ...

Quote: قالوا لمن الوفد الثلاثي ( الهندي - الميرغني - المهدي ) كان في الباخرة ماشي يهنئ الملكة في انجلترا .. قالوا المرغني سأل الهندي : يا مولانا عليك الله لو الله داير للسودان دا خير مفترض يحصل شنو ؟ فرد عليه : إنو الباخرة دي تنفتح النص وتغرق...

غايتو امامنا اهلو ناس بحر وبعرفو البحر وده لو ما مرقو الراتب بمرقو تب

وزي ما قال ليك جمال يا حسين : القادة ديل لو ما هم كان الانجليز لي حسي قاعدين مع انو في ناس زي اخونا عادل امين بيرو انو احسن لو كان قعدو

المهم انت جيب لينا الرابط البتلقط منو البتاعات ديل ناذر ده عامل معهد ولا شنو

صديقي ود العمدة .. حبي لك ..

Quote: غايتو امامنا اهلو ناس بحر وبعرفو البحر وده لو ما مرقو الراتب بمرقو تب

هاك دي كمان عن شيخنا الهندي يوسف:

في مرة من المرات جابو ليهو الشاي باللبن .. وهو ما عايز شاي .. قام شرب اللبن وخلا الشاي ... رايك شنو؟؟؟

Quote: المهم انت جيب لينا الرابط البتلقط منو البتاعات ديل ناذر ده عامل معهد ولا شنو

جدا من عيني بس لازم تعترف إنك برلووووم ، وأنا

بعد داك .. ح أديك الرابط هدي للنشابة الحلوين

إلى الأصدقاء والأحباب والرفاق .. إليكم هذا الرابط هدية .. لا لتجميل االبوست .. فالبوست لا يحتاج لتجميل .. لأنه جميل بطلتكم البهية .. فقط للفرفشة... أتمنى أن يعجبكم .. وبرضو..
http://www.asmilies.com

الاشقاء شكرا علي البوست وشكر خاص للا خ حجازي جمال سمعت انك تزوجت معليش تحية للجميع وخاصة اشرف السر

ابراهيم عباس كلورادو- امريكا

الغالى اشرف السر تحية وشوق

اسأل عنك وعن الاصدقاء

وليد

مصطفى

بكرى

زهرة

ولى عودة بالبقية


(بكة)

الصحابي يا اشرف رجع السودان بعد كم سنه في القاهره...
سال الله شويه مطره, اداهو معاها ملاريا...
اخر مره كان بيسال عن طماطم,في رمضان ده بيكون بفتش عن دكوة كمان..
واصلوا يا اهل النش فان postكم
الرحابه

الاعزاء بالنش لكم ودي وامنياتي
الشول بائعة الشاي
هذه المرأة ذات الحس الانساني العالي تعمل فراشة بالنهار في ادارة الجامعة وبالليل بائعة شاي تحت بلوك فايف (5) ومن مواقفها الانسانية فى مره من المرات كان حائط بلوك سفن (7) آيل للسقوط وبدأت تتساقط منه بعض الحجارة ذهبت هذه الشول الي ادارة الجامعة واخبرتهم بان الحائط على وشك السقوط ولكن لم تعير الادارة اى اهتمام لهذا الحائط وكانت الشول تقول ان ابنائها يجلسون ليل نهار تحت هذا البلوك ولايمكن ان تعرض حياتهم للخطر واصبحت تهرول مابين ادارة الجامعة والبلوك الا ان استجابت اخيرا ادارة الجامعة لطلب الشول وكانت الشول تعمل فى صمت دون ان يعلم احد بهذا المجهود.
بالمناسبة قامت خالتي الشول بافتتاح معرض تشكليلي للصديق ود العاقب وايضا قامت جماعة شهيق الثقافيه بتكريمها هذه الشول تستحق اكثر من ذلك
حاجه تانيه
هذه العبارة لازالت عالقه بزهني
جامعة نش *** جامهة نش *** جامعة *** جامعة نش
هذه عبارة الكماسره فى موقف المواصلات العامه بمدني
ولنا عودة
تحياتي وودي العميق للجميع
عاصم ابوحجل

عيزومتك كاربة يا باشا...
بس بيني وبينك كدا الموضوع دا إلا ندسوا من محمد البله وموسى حسن..

كادت ان تسيل دموعي وما عهدتني كذا...
رودي.. الأندلس... محمد بتاع الأقاشي...
كافتريا تكنو... فنيه... زكية "حفصه".. عم عوض...عم ابراهيم.. النشاط.. المشتل... بلوك 6 وبلوك 9

وكل النجايل..
اجزم بان فترة جلوسي على النجايل اطول من دخولي للمحاضرات..

عترة العباسية...
النذير... كرري.... صبرا...فلسطين..

ود الجاك... مدني بنين... الجيلي صلاح.. فريني..

مهمد (محمد).. واموكاشي بتاعين الأورنيش


آخ.. وآخ...


قلتو لي الليت بقى الساعة 10 م.... دنيا ام قدد يا حليلنا منها

اجمل ما في النش جرجرة المساء بعد الساعة عشرة



تلقى ناس عمدة وجيمي وحسين ووو الخ
مجرجرين رجولهم ويا دوووووووب بدو يحسو بالتعب



والواحديتفاجا بانو مافي ريال للمواصلات ولا حق العشاء


واحلام متواضعة جدا بليلة من حسن قرين وتديلا زيت سمسم


وكان اسرفت في الاكل بتكون عملت ليك طلب فول وعشرين عيشة


قمة القناعة وفعلا القناعة كنز لا يفنى

27 القادسيه

داخلية القادسية هي اول داخلية من الناحيه الجنوبية الشرقيه لماذا هذا الوصف فقد عرفت بان اسمها قد تغير الى داخلية الامل بعدان حولت الى داخلية طالبات ....
في الطابق الثاني من الناحية الجنوبية الغرفة الثانية على الشمال كانت تحمل الرقم 27 و السؤال لماذا 27 القادسية ؟؟
هذه الغرفة قد شهدت الكثير من الاحداث المهمة في تاريخ الجامعة ... وخاصة في العام 1994 ... فقد سكنت في هذه الغرفة مع الاشقاء علي محمود ومحمد محمد الحسن وهم من الدفعة 11 بالاضافة الي شقيقي عمار عثمان ....
فقد كان الشقيق علي محمود سكرتيرا لاخر اتحاد للجامعة والذي تم تجميده بعد احداث 94 الرهيبه ...27 شهدت ميلاد كل قرارات الاتحاد في ذلك الوقت وايضا شهدت ادارة الاحداث منها وخاصة اجتماعات القوى السياسية المختلفه وصيغت فيها كل التحالفات بين التنظيمات الوطنيه ... انا شخصيا كنت اتفائل بنجاح كل مايعقد في هذه الغرفة....
ود العمده بالمناسبه ده ماضرب للتامين ولكنه توثيق للتاريخ واي تاريخ هو تاريخ نضالي مشرف يستحق التوثيق وخاصة للاجيال الجديده فلابد للاجيال الجديده ان تعرف ...
علي محمود -عبد الناصرعثمان- عثمان عثمان - احمد جلال - صلاح ابو حليمه - سليمان عوض - ابوبكر - حسين عبد الله - رمضان تتو - يونس - ناصر علي- ابراهيم عباس - قريب الله - عدنان - ود الصول - وائل خلف الله ....الخ وغيرهم من الابطال الذين كل واحد منهم كان يمثل ملحمه كل منهم يحتاج الى كتاب بمفرده ...

ود العمده - اشرف السر - حسين- بت الفضل - كل ابناء جامعة الجزيره
هي دعوة لتوثيق تاريخ هذه القلعة وتاريخ الشرفاء من طلابها
وساحاول انا قدر المستطاع
حبي لكم ... جمال حسين

ود العمدة

سلام

Quote: واحلام متواضعة جدا بليلة من حسن قرين وتديلا زيت سمسم وكان اسرفت في الاكل بتكون عملت ليك طلب فول وعشرين عيشة

الظاهر انك كنت من رأسمالية النش ونحن ما عارفين.. قلت لي اسرافكم واحد فول وعشرين عيشه.. لا انتو مرتاحين خااالص..
وجود عشا من اصله كان اسراف.. اما العادي فهو مبيت القوا

Quote: ود العمده بالمناسبه ده ماضرب للتامين ولكنه توثيق للتاريخ واي تاريخ هو تاريخ نضالي مشرف يستحق التوثيق وخاصة للاجيال الجديده فلابد للاجيال الجديده ان تعرف ... علي محمود -عبد الناصرعثمان- عثمان عثمان - احمد جلال - صلاح ابو حليمه - سليمان عوض - ابوبكر - حسين عبد الله - رمضان تتو - يونس - ناصر علي - قريب الله - عدنان - ود الصول - وائل خلف الله ....الخ وغيرهم من الابطال الذين كل واحد منهم كان يمثل ملحمه كل منهم يحتاج الى كتاب بمفرده ... ود العمده - اشرف السر - حسين- بت الفضل - كل ابناء جامعة الجزيره هي دعوة لتوثيق تاريخ هذه القلعة وتاريخ الشرفاء من طلابها وساحاول انا قدر المستطاع

نعم اخي جمال.. كل هذا النضال لا بد من توثيقه هنا.. لتستلهمه الأجيال القادمة.. ولِيُعرف قدر هؤلاء الرجال.. ولكي لا ننسى أيضا نضال مجموعة من الأخوات العزيزات اللائي لم تقل شجاعتهن ووطنيتهن وتضحياتهن عن أي ممن ذكروا أعلاه..

سنحاول اخي جمال.. قدر المستطاع..

أها يا شباب وثقوااا

صورة من زاوية أخرى لمبنى الإدارة - النش

Quote: الاشقاء شكرا علي البوست وشكر خاص للا خ حجازي جمال سمعت انك تزوجت معليش تحية للجميع وخاصة اشرف السر ابراهيم عباس كلورادو- امريكا

ياســـــــــــــــــلام .... الاشقــــــاء ابراهيم عباس واحمد حجازي مره واحده ...

والله ليكم وحشـــه ...ليتها تعود تلك الايام .

Quote: جمال سمعت انك تزوجت

الحمد لله كثيرا على ذلك واخيرا حصلناكم ... وعلي محمود في الطريق للزواج وكذلك خالد احمد والظاهر مجموعة (الضراريب ) ستكون بدون اعضاء ..........
ابراهيم عباس نتمنى تواجدك الدائم في هذا المنبر
لكم الحب
جمال حسين

رمــــــــــــضان كـــــــريم

ويا شباب البوست دا ياهو بلوك 7 .. وياهو كافتريا تكنو .. وياهو الكنتر .. وياهو الشبح .. والكوثر.. البوست دا ياهو النش ذاااتها ..

فلا تهجـــــــــــــــــــــــروا إخوتكم..

Quote: شباب النش سلام الرفيق حسين براحه على الحبيب ود العمده خطوه خطوه انقلو الى عهد الحداثه ،،، ولكم الاثنين معا كل الود والى كل المتداخلين اصدقائى:- انور احمد السمانى عبد الملك مشتاقين شديد والشباب كلهم تمام يا انور بس انت اسال وحدد وانا اجيب ليك الخبر لحدى عندك مع رجاء المراسله على الايميل التالى [email protected] ولكم الود وللجميع السلام مونتى

التحية لأشرف السر رأس حربة البوست،...

تحايا للنشابة جميعاً، وخصوصاً البرلوم المقرّم حسين يوسف،...

والتحية للبنت الوحيدة (هنادي فضل) ويا الله وين ركّيتِ؟

بجيكم راجع إن ساعدني العمر،...
ويا ود العمدة من البورتريه عرفتك تب،..
كونوا بخير، أبداً بخير،.....

محسن العزيز سلامات يا بطل .. لو كنا نفتخر بالانتماء للنش فيجب على النش أن تفتخر بانجابها لك .. شرفتنا والله ورفعت راسنا .. وكلام العزيز هيثم خالد عنك ونبؤته حولك ما راحت شمار في مرقة .. كل الحب لك ..

Quote: التحية لأشرف السر رأس حربة البوست،...

بل له صلوات من الشكر والعرفان والحب ..

Quote: تحايا للنشابة جميعاً، وخصوصاً البرلوم المقرّم حسين يوسف،...

تحاياك وصلت إلى القلب مباشرة عزيزي .. وأتمنى أن أقدم ما يفيد ..

ويا الله و

Quote: والتحية للبنت الوحيدة (هنادي فضل)

وأنا أحتج على ذلك للمرة التانية .. وين جكس النش .. الليت ورفعوه لعشرة .. بسون شنو في الداخلية .. يا سناير جاوبونا..

Quote: كونوا بخير، أبداً بخير،.....

كما يقول الأشقاء :
سنظل مثل نجم السعد
نحيا في الدواخل
ريثما تصفو السماء ..
عائدون باذن من نهوى هلالا في سماء...

والله تحيات يا حسين يوسف،..
وكيفم الشباب ناس يونس وشيخون؟ عارف؟ هيثم خالد جاء هنا الإمارات وما اتلاقينا، أنا كنت غاطس في المغرب، إلا المغصّة شَقَّتني فعلاً، كلّمني عَمَّار الجميل،..
هسّع الدنيا عندي ليلاً مزمن،..
بجيكم راجع مافي شك،..

محسن خالد التحايا
ازكرك وانت تاخز فرصة للنقاش لكي تقراء قصيدة للوطنوازكر كتاباتك الرائعة ومفرداتك الاختفالية الانيقة
وزكر 14 فرد فرد
لم ترك لي عصفورة بعد اعمل وادرس وجري وراء رزق العيال

ولي عودة
بت الفضل

...


إزيك يا هنادي،..
وماك طيبة، رزق العيال دي ربنا يعينك فيها،....
قبل فترة طويلة اتذكرتك، كنت معزوم عند ناس بعدين شفتها قناة النيل الأزرق، وكانت في شابة بتتكلم في القناة، حسيت بإني بعرفها البت دي ولاقيتها، ياربي وين؟ قالوا بعد شوية الشاعرة إيمان، متذكراها؟
في يوم نشابي بعيد، كنا قاعدين تحت شجرة الأولمب أنا وموسى حسن البشير وأظن معانا أشرف السر دا، قمتِ جيتي إنت ماشه بعندنا، بوشك الشعيت داك،..
قلتلينا القُعاد دا لمتين؟
أنا طبعاً كنت شايفك متحمسة أكتر من اللازم، وأظنك إنت كنتِ شايفانا أكسل من الحد المسموح،..
قلتِ نمشي هسع نعمل ركن، سألناك؟ وين؟
حنتوب،..
لا حول يا بت الفضل، هسّع دا،..
وكان، وكان اشتغلت معانا إيمان دي ذاتها، ومعاها شابة تانية خدورية كدا اسمها "عفراء"،.. وبعداك قطعنا البحر مع بعض بمركب لحدائق النيل،..
ما متذكر إذا قطعتِ إنت معانا وألا لا؟ لكن إيمان وعفراء جوا معانا، واتغدينا هناك في ذاك المكان الجميل ومعنا أفراد من أسرة عفراء أو إيمان، لا أعرف،..
أكثر ما أتذكره "قلادة" عجيبة لابساها "إيمان"، لاحدي اللحظة دي بشوف قلادتها كأنها بندول ساعة بتحرك قدّام عيوني،..
متذكرها اليوم دا يا هنادي؟ أنا كاتب منه جزئية في روايتي (قسيس الطبيعة)،...
أما حكايات،..


...

ود العمده ...

مبروك الصوره الجديده في البروفايل .....

ما قلت لي وســــــــــــــــط الزهور متصور ......

صوره جميله تستحق اهتمام جمعية اصدقاء البيئة بها ...

Quote: ويا شباب البوست دا ياهو بلوك 7 .. وياهو كافتريا تكنو .. وياهو الكنتر .. وياهو الشبح .. والكوثر.. البوست دا ياهو النش ذاااتها .. فلا تهجـــــــــــــــــــــــروا إخوتكم..

صدقت يا اخي..

هذا البوست هو معادلنا الموضوعي في شتاتنا هذا للنش وايام النش وكل ما حدث ويحدث فيها.. انه زمننا الموازي..
فلا هجر.. ولا انقطاع..
ويلاكم معاي على تكنو... اليوم الاقاشي علييّ..

Quote: ويا شباب البوست دا ياهو بلوك 7 .. وياهو كافتريا تكنو .. وياهو الكنتر .. وياهو الشبح .. والكوثر.. البوست دا ياهو النش ذاااتها .. فلا تهجـــــــــــــــــــــــروا إخوتكم..

حســــــــين
انشاء الله سيكون حضورنا يومي ... حتى لو ماعندنا حق المواصلات حنجي كداري ..
سمعت اشرف السر قال شنو
هذا البوست هو معادلنا الموضوعي في شتاتنا هذا للنش وايام النش وكل ما حدث ويحدث فيها.. انه زمننا الموازي..
فلا هجر.. ولا انقطاع..

الاديب محسن خالد :
حقيقة انت شرف لينا كما ذكر حسين .. ونتمنى لك المزيد من النجاح و التقدم .. وليت جامعة الجزيرة و النششيبه تجد حظها في رواياتك .....
وتــــش سقطت نجـــــــمة .... تـــــــش تسقط حكومة ......
لك الحب
جمال حسين

شباب مساء الخير ..

دا رفعناهو عشانك يا عبد العظيم محمد أحمد
كيف حالك ومشتاقي يارجل..
يلا انبهل..
مع حبي

عبد العظيم محمد أحمد

في انتظار اطلالتك اخي علينا هنا..
ودايرنها مش اطلالة دايرين "انبهاله" زي ما قال حسين

شباب النشيشيبة اللذاذ...
أشرف السر- أنور الصديق- منتصر الأمين
وبقية العقد الفريد...
إزيكم ورمضان كريم وتصوموا وتفطروا علي خير.

السمــاني و شباب النــشــــيشيـــــــــــــــــــــبه رمضــــــــــان كــــــــــريم





وكل عام وأنتم بخير


ودي من نصـــــــــــيب الأديب محسن خالد لاني لاول مرة اعرف انه خريج جامعة الجزيره وكمان كلية الاقتصاد

انه شرف لجـــــــــــامعة الجـــــــــــزيرة



محسن كل عام وأنت بخير.


حقوق نشر هذه الكروت محفـــــوظه لبكري ابـوبكر



أنـــــور

Up

النشيشيبة مرة واحدة
انتو عارفين انا اليومين دي متجرس وناوي الرجعة للاجازة فلما قرات البوست خائف اطلع من المكتب وبدون سابق انذار القى نفسي في النش قبل ام جر
ودا ما غريب رعتى الفاتت بعد اول اسبوع لقيت نفسي في مدني طبعا كل الاشياء تغيرت واكيد كلكلم لو مشيتو بتحتاجو لى دليل


تحياتي للجميع
اشرف
جمال
هنادي
حسين المقاتل
شيخون الشرس
والصعلوك الكبير محسن خليناك مؤدب لكن بقيت قليل ادب انا اول ما ارجع بكلم ليك هاشم و........
البوست رائع جدا ويعيد الينا ذكريات ايام اهــــــــــــــــــــ يا زمان النزوح
ساعودبكل تاكيد ورغم المشغوليات

خمس أعوام نموت
خمس أعوام نفاتل
خمسة للصبر .. ثم النصر

أعزائي النشابة .. صديقي الفخيمين ..حسين .. جمال..فلنعمل على أن يكون هذا ملتقى للجميع دون فرز.. وأن يكون مستندا على تقبل الأخر بعيدا عن المهاترة والأجندات الخاصة أكراما للنش التي أهدتنا هذا الكم الهائل من الرائعين....
دعونا نبدأ.. بسم الله ...
اعدكم في أقرب فرصة بنشر ميلودراما الدفعة 15 وبلوك سفن.. وكل ما أنتجناه أنا والأخ الغالي عقاد
وسيكون هناك أشياء جادة أكراما لهذا الصرح العظيم

اخوكم وإن أبيتم...نزار

تحياتي لكم جميعا .
عضو جديد لنج بالمنبر وبرلوم بالجامعة لمن يسره ذلك اشتاقكم جميعا....
كل عام وانتم بخير....
الشهيد......معتصم حضرنا الف مرة ولم نجدك ..... وجدنا عترة مكلومة.....
لذاكرتكم التحية....
معا لنفتح ملف اغتيال الشهيد معتصم
....جامعة الجزيرة
....الدفعة 20
....كلية الزراعة
....مدني... عترة
؟؟؟؟شكرا لكم ولنضالكم
عاش نضال الشعب السوداني
عاش نضال الشعب السوداني
عاش نضال الشعب السوداني

Hi all off you friends I am Asma Abunaib 16 textile nice to find a gate to contact you and thanks a lot Ashref even I don't meet you.
Sorry for English writing no Arabic in my computer.

ابناء النش سلام

فقط للذكرى

مرحب بيك يا أسمــاء ..
مرحب بيك والدار دارك ..
ومافي مشكلة لو ما عرفتي الناس في النش ، تعرفيهم هنا..
بس شدي حيلك معانا ..عشان البوست دا ياهو روحنا البنعيش بيها أيام النش الحلوة ...
وياهو نفسنا البنعيش بيه لحظات فرحنا الجميل ..
وبرضو ولا يهمك أكتبي [اي لغة تعجبك فهنا نتفاهم بلغة النش الخاصة .. هذه اللغة التي تقوم على المودة والحب والاحترام...
مرحب بيك ورمضان كريم..
عارفة نحن عندنا هنا أزمة جكس .. يعني يا دوب إنت والغالية العزيزة هنادي فضل ..

على كل حال مرحب .. ودي هديتنا ليك ..

يا ناس النشيشيبة سلام
رمضان كريم عليكم
وتصومو وتفطرو علي الف خير
انا بالرغم من اني ما درستا في النش
لكن زمان كنا بنمشي نجيب اللبن منها
وتاني عندي قريبتي (خالتي )الله يرحمها
كانت استاذة في تكنلوجيا نسيج خالدة محمد عثمان ساتي
وخالي زمان كان استاذفي زراعة الجزيرة كمال محمد عثمان ساتي
كمال كان قبل 13سنة وخالدة قبل 7سنين تقريبا

Quote: يا ناس النشيشيبة سلام رمضان كريم عليكم

ويا أمدر .. وناس أمدر سلامين..
والله أكرم ..
وفطور ناس أمدرمان بتاعين جامعة الجزيرة متين ...؟؟

Quote: انا بالرغم من اني ما درستا في النش لكن زمان كنا بنمشي نجيب اللبن منها

برضو مرحب بيك ..

البوست دا على ما أعتقد لا يخص فقط من درس في النش .. إنما يخص كل من أحب النش وكانت له فيها ذكريات أصيلة .. البوست دا يخص كل من نبض قلبه بحب النش أيا كان ..
وبعدين ما أهو إنت نشابية عدييييل كدا من كلمة (النش) دي ..
يا عزيزتي مرحب بيك .. ويا ريت لو جبتي ناس أمدر معاك ناس (فرفور.. هدى بكري .. زهرة حيدر .. خشم الموس .. جمال سليمان .. أشجان ..نصرالدين مكي ...الخ )

Quote: وتاني عندي قريبتي (خالتي )الله يرحمها كانت استاذة في تكنلوجيا نسيج خالدة محمد عثمان ساتي

الله يرحمها بقدر ما أعطت من علم ومعرفة ..
وأرجو أن تواصلي معانا وفاء لها ..

مرة تانية مرحب بيك ...

جمال
حسين
هنادي
محسن
السماني
أنور
أسماء
بت امدر



وجودكم يعطي هذا البوست حيز وجوده الخاص...
يحيي فينا أيام لم تبارح عقولنا ولا أرواحنا..
لكم التحية كلها..
ولكل من يمر بهذا البوست محبتي وخالص الود

الزملاء الاعزاء

رمضان كريم وتصوموا وتفطروا على خير جميعا


انت يا اشرف السر

اسمى ده وقعك منك سهوا ولا قاصد

ولا ما معترف بى اننا نشابة

راجع المداخلات ياحبيب

Quote: انت يا محمد اشرف اسمى ده وقعك منك سهوا ولا قاصد ولا ما معترف بى اننا نشابة راجع المداخلات ياحبيب

الأخ محمد الواثق

لك العتبى حتى ترضى
ونحن ما بنقدر علة زعلك ولا على زعل اي نشابي او نشابيه ..

الاسماء السابقة وردت على الاخوة والاخوات الواردة اسماءهم في الصفحة رقم 2 من البوست فقط... وهم من ردوا بعد ظهوري الاخير في نجايل النش هنا..

بعدين اعتز بالاخ محمد أشرف ..
وقد نبهت أكثر من مرة هنا اني اشرف السر ولست محمد اشرف وقمت بكتابة نبذة عني وعن دفعتي وحتى رقم جوالي منعا للالتباس يا حبيب
انا من 14 اقتصاد..
شلة شجرة الاولمب..
جوار كافتريا تكنو..
وما فينا من زعل يا حبه
وكل من لم ترد اسماءهم في مداخلتي السابقة هم في القلب ان لم ترد اسماءهم في المداخلة..
واعتذر منكم جميعا..

الاخ اشرف السر

لك العتبى على هذا الخطأ والالتباس

لكن مافى زعل ياحبيب بس حبينا نعمل حركات نشابة ونثبت وجودنا فى البوست

والبوست ده بقى لينا ذى بلوك 7 كان كايس زول سمح تجى تفتش عليهو هنا

salamat ya Wathiq waallah moshtageen shadeed kayf alshabab al maak inshalla kolhm tamam shno ma btrod emailaty
Thanks for your replay Hussain how are you I remember you keep in touch

اهلين حسين يوسف والله فطور ناس امدرمان جاهز بس انتو اشرو
وشكرا لي ترحيبك الحار بحرارة النشابة كلهم وصمودهم
في وجه الزبانية والفاسقين ،انا عاصرتا فترة الجوطات العملها
التجاني المجنون وبعرف كم زول من الحلقو ليهم والاعتقلوهم في الزمن
داك ،لكن يا جماعة المحزن انو لمن مشيت مدني وشفت منظر المزرعة الزمان ليها شنة ورنة ناشفة حطب وفاضية حزنت جدا

تحياتى اشرف السر الشاب الجميل ..

تحياتى جميع شباب النشيشيبة واصدقائها

النــشــــيشيـــــــــــبه ... يالها من معنى و حضور فى الوجدان والخاطر

انتى اول

وانتى تانى

انتى تالت

وانتى رابع

ياسلام عليك ياأشرف ياجميل ... فكرة البوست رائعة ..

يضحك نهاركم،..
كلكم،..

gamal elsadig،...
جمال إنتو أهم تشريفات مرّيت بيها في حياتي،...
(وياها الحياة دفناها في الأيامات ديك، وما تسمع جاي وجاي، حياة أحلى من بتاعة النش ما ظنيتها)،..

Anwar Ahmed،...
شكراً يا زول حلو إنت على الهدية الجميلة، والكروت الفاهمة،..
وكل عام وإنت بخير، وطيّب،..
شكلك "صغيرون" بتكون قريت ورانا كتير، إنت الدفعة كم؟



في الوداعة،..

يسلم نهارك يا محسن أنا خريج الدفعه 20 . لكنني درست في الدفعه 19 فقد جمدت سنه نسبه لسفري المفاجئ لأمريكا وبعدها رجعت وأكملت دراستي حيث تخرجت مع الدفعه 20 بعدها قدمت مره اخري لامريكا و حصلت علي ماجستير في الاحصاء والان بدأت الدكتوراة لدي أصدقاء و علاقات واسعه مع السناير أزكر منهم ايهاب عبدالرحيم 14 و أيمن محجوب 17 .

الى الى جميع الشباب المتداخلين فى هذا البوست و(النوباوية هنادى ) على وزن كنا

حداشر ونوباوية

وتحية من ثم لصديقة النشيشيبة الزائرة فى هذا البوست

لمة جميلة والله..

منذ تخرجى من النشيشيبة شعرت وكأن التخرج قد تم فجأة ... اذن لماذا لم اتقبل ان ليس بامكانى مقابلة هؤلاء الناس الذين احبهم يوميا .. كما كان هنا فى النشيشيبة ؟؟؟؟؟

تأكدت باننى لم احسن ادارة وقتى وعلاقاتى داخل الجامعة فهناك كثير من الاشياء والمشاعر نحو اخرين من الزملاء والاصدقاء تبقت فى الخاطر ولم يسعف الزمان والمكان

لترجمتها لتعبير....

ان الكثير من الاسباب قد افقدتنا الكثير مما هو ممكن وممتع فى التواصل المستمر مع الناس ... فليكن هذا البوست بمثابة شجرة وبلوك وخور وامسية بن واغنية من ايام النشيشيبة ..

ايامـــــــــــــــــنا .. فى الجزيرة الجامعة .. أيامــــــــــــــــــنا

السحر يملأ أرجاءها، وجوه مشرقة للبسطاء، الشرفاء، عملين وعاملات، الموظفين والموظفات الصغار في الهرم الإداري، عمال الكافتريات، سائقي بصات الجامعة مثل عم علي،، الكل وجوههم مشرقة، ولطيفة، رغم قسوة الحياة ورغم الضنك، صابرون، يصابرون الحياة ويكابدون مشاقها، أحلامهم بسيطة وصغيرة، لا يطلبون سوى الستر..

التراب، ترابها، تلك التربة الطينية السوداء، ذات القوام المتماسك والرائحة الطيبة، كذا وجوه من فيها مشرقة، محملة بالواعد والأمل وخصوبة الحياة..

الهواء.. الغبار.. النباتات بأنواعها برية ومستجلبة.. المشاتل .. المزرعة..
بإختصار كل شبرٍ فيها...
والناس...
لم يكن ارتباطنا مجرد ارتباط طلاب بقاعات وزملاء وزميلات.. والسلام.. كان الارتباط أقوى.. كارتباط الانسان بالموطن.. أو ارتباط الجذور بالأرض ..لا أعلم له تشبيها مناسباً.. لكن ما أود قوله انه ارتباط عميق وأصيل... قوي متجذر..
هو ارتباطنا بالنشيشيبه وكل من وما فيها...

التامنة
التاسعة
العاشرة
11
12
13
15
16
17
18
19



عاصرت الدفعة 14 كل هذه الدفع....

عيني باااااردة..
اما الجهابذه أمثال عماد بانقا وموسى حسن ومحمد البله يا ربي يكونوا عاصروا الدفعة 25!!؟؟؟؟

Up

اين انتم أبناء النش
أين انتن يا بنات النش
....................

شباب رمضان دخل العضم ولا شنو؟؟؟

ازيكم نحن موجودين يا اشرف لكن رمضان فعلا دخل العظم

خــاص جدا ل...
المهذب الأنيــق الواثق تاج الســـر...
كيــف حالك ..
أوع تقول ما عرفتك بس كل ما أكون عايز أتحدث إليك .. ينض لي موضوع ما ..
وصراحة كدا هسع لمن قريت كلامك لأشرف خفت منك عدييييل كدا .. قلنا نبادر ..
تحياتي يا عزيزي الأنيق .. المهذب ..
وسنلتقي ...

من اجمل التعليقات التي قرأتها للأخ حسين في بوست الترحيب بالاخت أسماء

Quote: النشيشيبة ..(مش ح تقدر تقفل لسانك)

وحقيقة إن إنهار بلوك 7 وبلوك 8 و9 فهاهنا نبني بلوكاتنا الافتراضية

بسوقها الشعبي وكل كافترياتها..

أشرف وكل الشباب

تحياتى ..

شباب سلام (كما يقول الرائع ناجي حمزة)
نأسف لطول الغياب يا شباب .. اصلو كنت في (أوربا).. وهناك مافي نت ..عشان كدا ح أعمل كم مداخلة .. وما تزهجوا.. ولنبدأ بعظيم..

كتب الأخ الرائع ..(رابع الذ زول ) عبدالعظيم

Quote: أشرف وكل الشباب تحياتى ..

يا عظيييم قلنا ليك أنبهل .. ابهل يا عظيم وما تبخل علينا..
خلينا من حركات أداء الواجب دي ..
دا آخر انزار وإلا .. ح أنبهل أنا بالنيابة عنك .. وأطلع كل المدفون .. أحسن ليك براك ..
يعني يا عظيم شغل الحتة حتة دا ما بنفع ..
وعلى فكرة أنا جاي الخرطوم بكرة .. تلفوني 0912888444 ، رقم وزراء .. هرشك ..

العزيزة بت أمدر ..

Quote: اهلين حسين يوسف والله فطور ناس امدرمان جاهز بس انتو اشرو

ما تاكلينا حنك ساي .. الفطور متين يا ناس أمدرمان .. نحن ما عايزين الدعوة تجينا من ناس فرفور وودالملازم .. ديل زهجنا منهم .. عايزنها منكم انتو ..!!!

Quote: ،انا عاصرتا فترة الجوطات العملها التجاني المجنون وبعرف كم زول من الحلقو ليهم والاعتقلوهم في الزمن داك

بس ... نحن عايزين الشمارات دي زاتها .. عليك الله منو الحلقو ليهو دا ؟؟ واشرف دا معاهم ولا لا ؟ طبعا ناس ودالعمدة وأنور احمد والواثق ديل صغار وما كانوا حاضرين الفترة دي عشان كدا : هاااتي ما عندك ..

Quote: ،لكن يا جماعة المحزن انو لمن مشيت مدني وشفت منظر المزرعة الزمان ليها شنة ورنة ناشفة حطب وفاضية حزنت جدا

المحزن كتيير يا عزيزتي .. وعزاؤنا هذه الذكريات النبيلة التي نختزنها في نبضنا .. عزاؤنا هذا الحب الذي علمتنا له تلك البقعة اللطيفة .. عزاؤنا أن النش تغيرت مظهرا ولكنها لن ولن تتغير جوهرا..
عزاؤنا يا شباب أن نتواصل ..

Quote: ابراهيم عباس نتمنى تواجدك الدائم في هذا المنبر

هو ابراهيم عباس عضو بالمنبر يا جمال ؟؟؟؟؟؟؟؟؟؟؟؟؟؟



الزول ده بيكون في المتواجدين بس ولا شنو ولا اوعك تكون بتقرا اسم اخونا الفاضل كمال عباس علي انه ابراهيم عباس ؟؟؟؟ بدينا من هسي ؟؟؟؟

بالمناسبة يا جمال رجاء رسل لي ايميلك على الماسنجر اكرر الماسنجر واحذر البوست

وتحياتي لجميع النشابة الى حين عودتي

بس حافظو على البيئة بتاعت البوست يا جيمي

up

ود العمده

سلام كتير ياراقي ..

Quote: هو ابراهيم عباس عضو بالمنبر يا جمال ؟؟؟؟؟؟؟؟؟؟؟؟؟؟

ابراهيم ليس عضوا ولكن كانت له مداخله في هذا البوست على حساب الشقيق احمد حجازي او احمد بابكر الاسم المسجل به في المنبر و اليك مداخلة ابراهيم.

Quote: الاشقاء شكرا علي البوست وشكر خاص للا خ حجازي جمال سمعت انك تزوجت معليش تحية للجميع وخاصة اشرف السر ابراهيم عباس كلورادو- امريكا

Quote: بالمناسبة يا جمال رجاء رسل لي ايميلك على الماسنجر اكرر الماسنجر واحذر البوست

سوف يصلك انشاء الله ونتمنى دوام التواصل ...

وسنحافظ على البيئة ونرفق بالحيوان ...بس ناس (عمر الفاروق) يطلعو منها هههههها

لك تحيه خاصة من الرفيق / شيخـــــــــــــون ...

سحـــــــــــــس -- الضراب

لماذا الغياب ... مازلت بين النهرين .....؟؟؟
اللون مازال عصيا .... وحالي يذكرني بقربيك زول جزيره ساااااي وهو يقف امام
ماكينة القهوة الاتومتك طالبا كابيتشينو وماعارف يعمل شنو ؟؟
وهي نفس قصة رمضان تيتو سمستر ون مع ايسكريم الشعلة فقد تناول الايسكريم وجدع
الخشبه ... وقصة شيخون يوم الميز عليهو عمل السجق شوربه...
---------------------
اظن ان افطار امدرمان 10 رمضان هذه السنة الراتبه قد اندثرت
--------------------

اخيرا انتصر الاحمر و الوهاج في حضرتك ومن داخل الردكاسل

النشابة سلام ..
شنو البوست دا وقف مالو ..
رمضان جرسكم ولا شنو..؟؟
صحوا النوم يا شباب ..
وبعدين يا أخوانا مسؤلين من الخير ..
أخونا ود العمدة مالو ؟ دخل في بيات رمضاني ولا شنو؟
وينك يا حبيب ..؟؟

Quote: النشابة سلام .. شنو البوست دا وقف مالو .. رمضان جرسكم ولا شنو..؟؟ صحوا النوم يا شباب ..

احتمال الامتحانات قربت ؟؟؟

جمال


ما اظنها الامتحانات

يكون الجماعة ضاربين (تأمين) ولا الحاصل شنو؟؟

ولا اها ما حصل في رمضان جامعتنا فتحت أبدا!!

الاخ اشرف

الاخوان جمال وحسين والبقية ..سلام حار واشواق كتيرة

الشباب ديل يكونوا مشوا الاعدادية ول شنو ؟ ول ماهو سبب الغياب ؟

انا غايتو كنت عامل ( I) (أى) من الامتحانات وقاعد فى البيت ...

اشرف
الظاهر ده تامين عالي جدا ... كدي فتش على الناس ديل في سطوح بلوك 9 اذا مالقيتم اكيد في المشتل ولا السوق الشعبي .....

عبد العظيم :
حسين يوسف حضر قبل قليل من الاعدادية ومافي زول ... انا اتوقع وجود بعضهم في ميادين حنتوب الجميله .

Quote: انا غايتو كنت عامل ( I) (أى) من الامتحانات وقاعد فى البيت ...

ياعظمه الجرسه شنو ؟؟
جاي من بيتكم متأخر نهاية السمستر ومستلف دفاتر الناس ومعذب معاك ناس طارق وفي النهاية تعمل (آي) ...

ازييك ياجمال

Quote: حسين يوسف حضر قبل قليل من الاعدادية ومافي زول ... انا اتوقع وجود بعضهم في ميادين حنتوب الجميله .

حسين دة الوداهو الاعدادية شنو ؟ الا غايتو يكون عندو ركن لانو ماعندو اى اراضى هناك حسب المعلومات المؤكدة العندنا انا وهيثم خيرى فى رابطة اصدقاء الاعدادية

Quote: حسين دة الوداهو الاعدادية شنو ؟ الا غايتو يكون عندو ركن لانو ماعندو اى اراضى هناك حسب المعلومات المؤكدة العندنا انا وهيثم خيرى فى رابطة اصدقاء الاعدادية

يا صديقي ...
معلوماتك ضاربة ...
دا لعب كبيير ...
وأي لعب عايزو ينجح يا عظمة أبعد منو هيثم خيري ...
وانا عشان كدا عملت ـامين شامل كامل ...
بس بعد دا كلو للأسف جمــال وشيخون ضربو التأمين دا ...
لأن عيونهم مـدورة 24 ساعة...

في زياره من الزيارات للنش لزياره اخي الاكبر الصحابي وقبل ان اقول بسم الله سالني زميل بتفتش للصحابي ....
مره تانيه طماطم عزمني حاجه بارده ودفعني...
طماطم,عصمت الدسيس,ناصر علي,وائل خلف الله,يونس,مايكل فرناندو عليه الرحمه,
واخرين,عمقوا داخلي فقد اني لم ادرس الجامعه في السودان,,,
لكم التحيه يا ناس النش..
لؤي الصادق الهاشمي

الأخ لؤي الصادق

الف محب بيك في النش...

الظاهر عليك محظوظ... دفعك طماطم حق البارد وبس؟؟؟
ما شال منك اي مصاريف تانية؟؟
صدقني انك محظوظ..

الصحابي وين هو الان؟؟؟
آخر مرة سألت عنه اخونا كاظم الزعيم قال انه لتقابلوا في القاهرة...
ورينا اي اخبار عن الصحابي... الصحابي..

بحق جامعة الجزيرة وجمعية حنظلة .. أذكي الباشمهندس معاوية ...

شـــكرا جيمي على الفكرة ...
يلا ين نشابة أيدكم معانا من أجل الباشمهندس
معــاوية ...

صديقنا عاصم أبوحجل عضو جديد لنج في المنبر ...

ولمن لا يعرفونه :

فهو الدفعة 18 اقتصاد ..
من ابناء مدني ..
مؤسس ورئيس جماعة شهيق الثقافية ...
هذه الجماعة التي كان لها دورا عظيما في أثراء الحياة الثقافية بجامعة الجزيرة ...
كما كان لها مواقفها الوطنية المشرفة ..

ودا أول بوست عملو .. خشو عليهو فيهو ..

لكم هذا المساء الانيق

Quote: ود العمده بالمناسبه ده ماضرب للتامين ولكنه توثيق للتاريخ واي تاريخ هو تاريخ نضالي مشرف يستحق التوثيق وخاصة للاجيال الجديده فلابد للاجيال الجديده ان تعرف ... علي محمود -عبد الناصرعثمان- عثمان عثمان - احمد جلال - صلاح ابو حليمه - سليمان عوض - ابوبكر - حسين عبد الله - رمضان تتو - يونس - ناصر علي - قريب الله - عدنان - ود الصول - وائل خلف الله ....الخ وغيرهم من الابطال الذين كل واحد منهم كان يمثل ملحمه كل منهم يحتاج الى كتاب بمفرده ... ود العمده - اشرف السر - حسين- بت الفضل - كل ابناء جامعة الجزيره هي دعوة لتوثيق تاريخ هذه القلعة وتاريخ الشرفاء من طلابها وساحاول انا قدر المستطاع

كل سنة وانتو طيبين

خلاص رمضان شكله باي باي

وقبل التوثيق لهؤلاء الرموز
عاوزين اي اخبار عنهم..
اي خبر عن أي واحد منهم بشكل فرق كبير... وكبير جدا

الصديق اشرف السر لك تحية خضراء بخضرة الجزيرة

بسأل عن جميع الاصدقاء بدون فرز

اتمنى تكون الرسالة وصلت

الأخ ابوبكر

سلامات الرسالة وصلت ,, ومشكوووووووووور جدا عليها

وكلنا بنسأل عن ناس النشيشيبه..
ما مكن كلهم سافروا قبل الإجازة الرسمية كدا..
وكل النجايل والكافتريات فاااضية
وعلى عينك يا ... موسى

كل ابناء وبنات ورواد النشيشيبه

عيد سعيد وكل سنة وانو طيبين

العيد مبارك عليكم .. وتعود الأيام عليكم بالصحة والعافية

كل عام وانتم بخير ربنا يحقق الامنيات ويحفظ الوطن و العباد

الى جميع الشباب والشابات

كل عام وانتم بخير ... وربنا يحقق الامانى

لكم
جميعا
الاشواق
وكل
سنة وانتو
في خريين
وزيادة

بت الفضل

يا نشابة كل سنة وانتو طيبين , والواحد اتذكر ايام لاتنسى من الذاكرة

بصفة خاصة احداث 94 ومركز الادارة فى داخلية القادسية حيث فى ذلك اليوم كنت ضمن تيم الحماية وكنا فى السطوح وكانت ليلة حافلة بالاحداث وقد استطنا ادارة الازمة بشكل
مقبول الى حدما الى حين الصبح , ولكن فى اليوم التالى حدثت الاحداث وكانت موازين القوى
ضدنا , وهنا اتذكر بعض المناضلين منهم مايكل الحبشى الذى علمت استشهاده مؤخرا ومعتصم حبشى موجود الان بكسلا وحسن ابكر " ودالسره" وخالد سليمان ونبيل وكذلك صلاح هاشم
طبعا ده ما انحياز لابناء كسلا , اما محسن خالد طبعا لمن شفت الصورة ترابطت صورة الطالب الوطنى الذى يلقى قصائد بعد الاركان فى مناسابات حركة الطلبة وصورتك الان
سلامات محسن كان بلاؤك حسنا وقدمت مساهمتك فى قطار نضال الحركة الطلابية موجود انت ضمن سجل الطلاب الوطنيين والشرفاء هكذا ولدت جامعة الجزيرة ونعود

الأخ نزار

كل سنة وانت طيب.. جعل الله كل أيامك أعيادا..

احداث94 كانت أياما ولكن ما جرى فيها من مواقف وبطولات لهي دهر دهير...
أثمن محاولتك لتوثيق الأحداث... وارجو ان يكتب هنا في هذا البوست كل الأحداث بالتفصيل.. وحتى المواقف الصغير منها والكبير...
لتكن لنا ذاكرة تقاوم النسيان ومرور الأيام...

الاخت هنادي
وكل سنة وانت طيبة وبألف عافية وخير...



النشيشيبه واحباب النشيشيبه... لنا هنا في البورد محاولة لضم بعض الأصوات الجديدة... والحمد لله تشرفنا الان بإنضمام الأخ عاصم ابوحجل..
وما زالت محاولتان قيد المعالجة...
وارجو من جميع الاخوان والاخوات هنا التزكية في البوستين حتى نستطيع ضم الأخوين معاوية ويوسف


الأخ بكري .. يوسف الصديق... يطالب بعضوية سودانيزاونلاين

وهنا ايضا تزكية انضمام الأخ الباشمهندس معاويةبحق جامعة الجزيرة وجمعية حنظلة .. أذكي الباشمهندس معاوية ...

وهذه دعوة بإسم النش وجامعة الجزيرة للمرور على البوستين وتزكية الأخوين...

كل سنة وانتم بخير ياجميع النشابة واتمني لكم دوما الصحة والرفعة والتواصل
مع كل حبي وشوقي

الأخ أشرف السر وكل المتداخلين لكم التحية والاجلال
كنت من أوائل الذين قرأو هذا البوست قبل فترة لكننى اثرت الانتظار كيما اجد الوقت الذى أفرغ فيه ما فى جعبتى من ذكريات عن النشيشيبة التى ازعم انه لم يقضى فيها احدا سنوات أكثر منى فيها(11سنة) حيث قضيت فيها سنوات البكالوريوس وكانت زائدة عاما كاملا نسبة للاضراب الشهير فى عام 1987 ثم قضيت فيها فترة الماجستير قبل أن اعمل فيها مساعد تدريس ثم محاضرا.
والسبب الثانى الذى أخر مداخلتى هو أننى اكتشفت "فجأة" أننى عجوز ..كنت أبحث عن مداخلة لشخص من الدفعات من الاولى حتى ال 12 لكن أحلامى ذهبت أدراج الرياح وكأن هذا البوست لخريجى النشيشيبة الجدد فقط.!!
ولما خابت امالى ظللت أبحث عن تلامذتى فى كلية الاقتصاد وهم الدفعات 11، 13،12 و 14
فلم أجد مداخلة.أو لعلنى لم أبحث جيدا !!
ثم أكتفيت اخيرا بمداخلات الأخ أنور ورغم اننى لم أعاصره فى الجامعة حيت يفصل بيننا أكثر من عقد من الزمان لكنى تعرفت عليه هنا فى امريكا وهو من خريجى كلية الاقتصاد النجباء .
بقى أن تعلم أخى أشرف اننى تخرجت فى كلية الاقتصاد فى عام 1990 ثم عملت فيها حتى عام 1993 حيث سافرت الى انجلترالدراسة الكمبيوتر والان أنا أعمل استاذا لبرمجة الكمبيوتر وقواعد البيانات ونظم المعلومات فى احدى كليات فرجينيا التقنية.
من طلابى فى الجامعة والذين أصبحو اساتذة فيما بعد :
محفوظ ، غادة محمد عوض ، كمال أحمد ابراهيم، سليمى محمد عوض ،مامون ياسين، أبوعبيدة، وأخرين لا أذكرهم الان ..
اخيرا أقول لكم لقد اثرتم فىّ شجون وايقظتم ذكريات وهيجتم مشاعر لا تنسى ... ولى عودة !!!
كما أدعو العجائز أمثالى الأشتراك فى هذا البوست الذى يجمع أهل النشيشيبة من 1979 وحتى الان ..

مامون أحمد م زين
[email protected]

الأستاذ مامون محمد زين، يا لروعة تواجدك هنا، فلك باقة ورد بكل ألوان الطيف ترحيباً بهذا الحضور الجميل فكلنا تلامذتك، و يكفي انك درست محفوظ، غادة محمد عوض ، كمال أحمد ابراهيم، سليمى محمد عوض ،مامون ياسين، أبوعبيدة، إيهاب عبدالرحيم، محسن خالد، الفاضل تيمان، وغيرهم....و ما زلت أنت هنا في أمريكا محبا في نشر العلم فعطرت بعطائك اواسط السودانيين، برنامجك التعليمي المقترح للجاليه السودانيه في منطقة ريتشموند يعتبر طفرة كبيرة و جاء في وقته، فضلا من انك ساعدت بعلاقاتك في الحصول علي قاعة مجانا ومجهزة لتدريس الحاسوب من كلية ecpi التقنية، و ايضا كان فضلا منك ان تقوم انت ايضا بالتدريس.




أنور أحمد

يـا نشـابة ...
كـل عـام وأنتـم نبـض القـلب ...
كـل عـام وأنــم فاكهـة الحـياة والـروح ....
شـنو ؟ نمـتو مـالكـم ..؟؟

الأستاذ مامون

حبابك الف في دراك وبين اهلك... زملاء وطلاب...

انا من الدفعة 14 وكذلك الاخت هنادي والاخ محسن خالد و ود العمدة والكثير من المتداخلين هنا..
واكان درت عجايز اكتر من ناس14 برضه في بس انت كدي ارجع للصفخة الاولى والتانية؟؟

ونتمنى نشوفك هنا يوماتي

الى كل النشابة كل سنة وانتو طيبين وربنا يحقق ليكم امانيكم
لكم امنياتى وودى العميق
عاصم ابوحجل

الأخ عاصم أبو حجل

هلا والله ومراحب واعيادك سعيدو دوما بإذن الله..

عاصم أبو حجل و (شهيق)...

زي ما عارف انه من أهداف البوست التوثيق للأحداث والكيانات والأفراد المتميزين..

ارجو منك تتكرم وتوثق هنا لجماعة شهيق الثقافية.. النشأة،، العضوية،، النشاطات،، وكل ما يتعلق بشهيق

لك خالص المودة

العزيز اشرف
ربنا يديك الفي مرادك وكل سنة وانت طيب
لك امنياتي وودي العنيق
انا سعيد جدا بان اوثق لتجربة جماعة شهيق الثقافية بجامعة الجزيرة
ولازل يساورنا نفس الحلم
حلم بوطن يتسع للجميع نضع فيه بصماتنا على اختلافها وتوحدنا يد
اتمنى انو اوفق فى هذا التوثيق واتمنى ايضا ان يكون اضافة حقيقة لهذا المنبر وهذا البوست
ولكم الود والامنياتي

هى دوحة برجع ليها كل ما احس ان (ادمعي حجارة تسد مجرى ادمعي) زي ماقال احمد مطر 0 الشارع في الصورة دى لن تصدقوا انة كان واحتي الخاصة جدا حينما اكمل تسكعي فيه تكون غربتي تحولت لسكن وطمانينة واختلاط المواقف السياسية الاجتماعية لما 1حس انو الدنيا تسخر من ثقتي في نفسي وتحاول جاهدة ان تسرق مني تفاؤلي كنت احس اني القوة بعد ان يحتضنى هذا الطريق
انا حقيقة احتاج هذا التسكع الان واشتاق لكل ذرة رمل فيها واحتاكم زكريات وحاضر مستقبل

جيفة المساء
قلتا ليها انتي لامن تجي هنا يوم الخميس حتمشي وين ؟؟انتي هنا ما عندك اهل تقولي لي وديني عندهم .........
قاطعتني : عزيز انتا اهلي.. انتا أي حاجة .. وانا الخميس ذاتو ما مارقة ..
نزلت التلفون ودفعتا واحد وتسعين ريال لي بتاع الكابينة .
اتكلم معها من الملز ووتتكلم معي من اطراف النشيشيبة ...
اتذكرها بوافر الصبر والسلوان ..واراعي فروق الوقت في ذكراها حين تحين الصلوات في تلفزيون السودان ..
انا من مشاهديهم خارج الولايات كلها ..
وهي بالضبط في فروق الوقت تصنع الشاي لصديق اخيها تحت شجرة الجهنمية وتشرح المولارية لاختها الممتحنة ..
وحبيبتي عند فروق الوقت يتحول شوقي اليها إلى كائن حي مجاور ينظر بكل حميمية إلى سلك الرسيفر الذي يحمل فروق وقت الغالية ..
سلك الرسيفر اقدس ما لدي حين تلك اللحظة .. ولو جعلو تلك الاسلاك بدل الاهلة في مآذن المساجد ما رايت في الامر غرابة ..
مساء الجمعة 19 مارس 2004 نمتُ وحدي وامتد المساء طويلا .. واول امس ايضا نمت وحدي والمساء كان ممتداً طويلا .. والامس الذي قبله وكذا الذي قبل الذي قبله ..انامُ وحدي والمساءاتُ طويلةً قد إمتدت ..
والحقُ يقال انني دوما انام وحدي ..
مذ اتيتُ إلى هنا ألف وثمانين مساء امتدَ بي وحدي !!!
ليه بس ؟؟؟
اصلو كم من المساءات في هذا العمر قد تبقت حتى ينفق هكذا ؟؟
ـــــــــــــــــــــــــــــــــــــــــــــــــــــــــــ

وفقا لما هو حادث فان مساءات عشرة اعوام قادمات سيكون مساءا للوحدة والامتداد ..
أن استمر الحال هكذا سبعة أعوام أخرى فليس من داعي حينها لان اشغل مساءاتي بما ليس ينفعني في اخرتي ..
الله أولى بالليل أقيمه له. .

اصلا بعد داك ما بكون في حيل ذاتو ..
بعد داك ساكون ليها كما قالت : اهل ..
مجرد اهل والمساء بها سيمتد ..


ُترى من سيخبرها عني ويقول لها : دبري نفسك من النشيشيبة ..
دبري نفسك فان من تراهنين عليه لن يكون سوى فطيسة..
فطيسة المساء الذي امتد مع فروق الوقت ...

بقلم دكين
من أرشيف سودانيزاونلاين

Quote: محفوظ ، غادة محمد عوض ، كمال أحمد ابراهيم، سليمى محمد عوض ،مامون ياسين، أبوعبيدة، وأخرين لا أذكرهم الان ..

استاذة غادة بتاعت الاقتصاد الجزئي ؟؟؟؟؟؟؟


طيب يا استاذ مامون نذكرك بمحمد المامون تكنولوجيا الدفعة التاسعة من اولاد الابيض الشويحات حاليا في جدة السعودية

ومن الدفعة حداشر عمنا عماد ريلاكس كوستي حي النصر خريج تكنو وحاليا استاذ بنفس الكلية

دي طلة سريعة جدا جدا واكتملت سعادتي بانضمام قريبي ابو حجل الى المنبر ويا ريت ناس اوفقير وبقية المشاهقة




شكرا ليك كتييييييييييير ود السر يا رائع

وحقيقة المتلبدين للبوست كتااااااار من خريجي الجزيرة ويا ريت بكري يفتح من تاني غرف الدردشة الخاصة بخريجي الجامعات


ولي عودة


حسين شايفك داقي خيمتك في البوست

والعمدة


هلا بها الطلة والله..

الواجب ان يظل البوست في مقدمة البورد دايما.. ودا ما بكون الا بالحضور الدايم والمكثف من كل النشابه..

واتمنى اشوف كل الناس هنا يوماتي..

شـبـاب سـلام ...
ونـأسـف للإنقـطـاع ...
وكـم أنـا سـعـيد !!!
إنـتـو عـارفـين لـيـه !!؟؟؟
لأن العـزيـز نـأجـي حمــزة ، صاحـب العـبـارة أعـلاه "شـبـاب سـلام" بتـصـل عـلي مـن أمـريـكا ، وبـسلـم عـلى كـل الشـبـاب فـي البوسـت وخـرجـه ...
وهـو وبقـية الشـباب متـأبعـين لكـل كـتابـاتـكـم ...
الله يخـلـيهـم ويـرد غـربتهــم ، غـانمـين منتصـرين..
بـس مـا زي إنتصـأر الهــلال عــلى خـفــر الحـدود المصــري !!!

Quote: حسين شايفك داقي خيمتك في البوست

حسين شايفك داقي خيمتك في البوست

ود العـمدة .. سـلام يـا صـاحـبي ..
ويـن إنـت ؟؟
والله مشـتاقييين !!
عهـدنا يـا أشـرف سـيـظل البـوســت فـي العـلالــي ...

Quote: استاذة غادة بتاعت الاقتصاد الجزئي ؟؟؟؟؟؟؟ طيب يا استاذ مامون نذكرك بمحمد المامون تكنولوجيا الدفعة التاسعة من اولاد الابيض الشويحات حاليا في جدة السعودية

نعم يا ود العمدة : استاذة غادة بتاعت الاقتصاد الجزئي؟؟؟؟
أعرف ود المامون وتجمعنى صورة معه فى احدى قوافل الاتحاد بالدمازين

وهذه صورة لنا أبناء الدفعة السادسة اقتصاد ويظهر من بعيد مبنى الكلية
أتمنى من عجائز كلية الاقتصاد التمعن فى هذه الصورة .. وربنا يتغمد الأخوين جبريل بريش ومحمد الصادق بواسع رحمته..

الأســتاذ مامـون ...
مـن ود مـدنــي ســلام ...
وبالتـالــي مــن النـش ســلامـين ...

Quote: وهذه صورة لنا أبناء الدفعة السادسة اقتصاد ويظهر من بعيد مبنى الكلية

وهذه صورة لنا أبناء الدفعة السادسة اقتصاد ويظهر من بعيد مبنى الكلية

مـا شـاء الله ، وعـينـي بـاردة ...
يعـني إنت الـدفعـــة السـادســة !!؟؟
إيـه رايــك إنــو الدفعـــة 28 نــزلــت الاســبوع دا ..؟؟؟

وبالمنـاســبة كان معــاكم ود خـالتي فــي التامــنة علـى مـا أعتقــد..
إســمو عمــاد عـبد الـرحــيم
هســع دكتـور فـي أمـريـكا..
بتعــرفـو؟؟
مـع تحـياتـي وودي ..

شـباب سـلام...
عـندنـا بوسـتين بخصـوص النـش :

رسالة مفتوحة إلى وزير التعليم العالي .. من جامعة الجزيـرة

والثـانـي :

يا بورداب النـش وكسـلا .. بمنتصر حسـن ، قولـوا يـا ..هـــلا

شـباب النـش سـلام .. مـن بـرلومكـم ..
قلنـانـرفــع البـوســت لحــدي مـا أجـيكــم...

الاشقاء الاماجد النشابه قديمهم وجديدهم لكم الاشواق بحجم النشيشيبه ....
غيابنا عنكم في الايام الفائتة فرضه الحزن الذي تغلغل فينا بفقد عمناووالدنا
وكبيرنا ابو النسب عمي العمدة (عبدالماجد عبد الرحمن)والد زوجتي (هنادي) ..
وبفقده فقدنا الكثير الكثير .. اللهم ارحمه واغفر له واجعل قبره روضة من رياض
الجنه مع الشهداء و الصديقين .
ولابد لي من شكر كل خريجي جامعة الجزيرة من مختلف الدفعات و الكليات لتواجدهم
الدائم معنا ايام العزاء وكل من هاتفنا من داخل وخارج السودان .

جمال حسين

شــــــــــــــــــــــــباب النش
إين انتم لقد اطلتم الغياب
والسؤال عليكم كتيرررررررررررررررررر لمن غلط

السيد جمال الصادق
عميق حزني لكم في مصابكم الجلل تغمده الله واسكنه فسيح جناته مع الشهداء والصديقين وحسن أولئك رفيقا

جمال حسين

البركة فيكم

وعزائي لم نعلم سوى الان

وتقبل التعازي للاسرة
بت الفضل

الأخ جمال

حار التعازي في وفة ابو النسب العم عبد الماجد عبد الرحمن.. تقبله الله في أعلى الفراديس والهمكم الصبر وحسن العزاء..
التعازي موصولة عبرك لهنادي في أبيها..
وإنا لله وإنا إليه راجعون...

ما كان عندنا خبر إلا من كتابتك أعلاه في البوست..اللهم ارحمه واغفر له واجعل قبره روضة من رياض الجنه مع الشهداء و الصديقين وحسن أولئك رفيقا.

الاعزاء منتصر هنادي بت الفضل اشرف السر

لكم جزيل الشكر و التقدير وربنا يحفظكم

قبل يومين تشرفت بزيارة الاشقاء ابراهيم عباس و رمضان تتو وعمر شيخون وهم من المتابعين للمنبر و النشيشيبه وبالطبع دارت عجلة الذكريات الجميله ........
وبيسالوا عن اخباركم يا اشرف وبت الفضل واخبرني ابراهيم عباس بان كل النشابه المتواجدين في امريكا متابيعن معانا وخاصة ناجي حمزة ........
وهذه الايام يونس موسى متواجد في الخرطوم في اجازه ....

فلكم تحياتي وتحياتهم جميعا

الاعزء النشابة



السلام عليكم

الاخ/ جمال

له الرحمة والمغفرة ولكم الصير وحسن العزاء. وإنا لله وإنا إليه راجعون.

الأخ منتصر في انتصار عودتك... والرفع مقدر جدا منك....
ونأمل الشباب ما ينقطعوا أبدا من البوست

الأخ جمال

اولاً لك شكري على الأخبار الحلوة

Quote: قبل يومين تشرفت بزيارة الاشقاء ابراهيم عباس و رمضان تتو وعمر شيخون وهم من المتابعين للمنبر و النشيشيبه وبالطبع دارت عجلة الذكريات الجميله ........ وبيسالوا عن اخباركم يا اشرف وبت الفضل واخبرني ابراهيم عباس بان كل النشابه المتواجدين في امريكا متابيعن معانا وخاصة ناجي حمزة ........ وهذه الايام يونس موسى متواجد في الخرطوم في اجازه ....

التحية في هذا البوست وعبرك.. للأشقاء البهيين ابراهيم ورمضان .. وشيخون وناجي حمزة
وما زالت أركان (استثمار) وغيرها حية في الذاكرة..
ولا اعتقد أنه يجب على تحية نضالهم المشهود.. فهم يناضلون كما الشهيق والزفير..

بقول ليهم يا اولادنا .. شجر غرب الاطلسي ما هو زي شجر النش.. فلا تدعوا الغربة تشتط بكم كثيرا.. وتمترسوا بعبق الايام الزاهية..

ليكم جميعا كل الشوق وخالص المودة...
وابقوا نزلو في البوست دا عناوينكم وارقام هواتفكم وايميلاتكم خلونا النطمن عليكم...

تعطيل العام الدراسى بجامعة الجزيرة

وعادت حليمة الى عادتها القديمة ؟؟؟

السلاااااااام عليكم

الشباب اللذاذ
أولاد النش
ألاخ أشرف السر
كيفكم والله مشتاقين ش د ي د
وعاطر التهاني للاخ إبن الدفعة 20 أنور أحمد بمناسبة الزواج

وربنا يتمو علي خير يا أنور.








يلا سلامات

وعليكم السلام ورحمة الله وبركاته...

وينك أسماء؟؟؟
محتاجين ظهور كل الشباب هنا يوماتي..

..................

جمال

الله المستعان على الكيزان الما بختشوا ديل ياخي..

شـباب ســلام ...
وكـيف حـالكم ....
فـي ســؤال هنــأ ، أعتقــد لا يـوجــد مـن يجـاوب أفضــل منكم !!
ولا شنـــو ؟؟
يـا أولاد جــوبيتــر ؟؟؟

يا جماعة الخير: انتو الزول المهبب الاسمو التيجاني حسن ...ن ده دكتور في شنو؟؟

العزيز حسين وعموم النشابة من Block1 لغاية block المنبر
وبعد فإنى مفاخر بكم الدنيا والأمم من عبدالقيوم الرأسى شرقاحتى الدفاع الشعبى غربا (دى بيفهمها جمال بس)ومن عترة شمالا حتى كبرى حنتوب جنوبا

الأعزاء الكرام :
جمال ،حسين ، هنادى فضل ، عبدالعظيم، أشرف، عاصم ، محمد حسن العمدة،محسن،قريب الله وكل النشابة المتواجدين فى هذا المنبر ممن أعرف وممن لا أعرف
السلام عليكم
طبعا بإعتبار إنو الواحد برلوم و كده فأول إطلالة حتكون مختصرة جدا ، بالإضافة الى المشاغل الغير محدودة

المهم : اتمنى ان تتاح لى الفرصة ان أشارك بالقدر الممكن فى إثراء النقاش فى هذا المنبر وتعمير النشيشيبة الإفتراضية (أنا لا أحب التعبير السائد النش)

ولكم منى سلام
حتى الملتقى

عمار

عمار عثمان .......

اخيرا اطل (ازرق اليمامة) من الخليج واضعا نظارة طبية علها تحمية من (عجاج البحر)

(عبد القيوم )ياشقيقي مجهجه فالبوصلة فقدت القدرة على تحديد اتجاه (الدفاع الشعبي) ...

وحسنا فعلت انت واشرت الى اتجاه (الغرب الاحمر المتوسط ) ... والحمرة هذه المرة ليس

في خدود العزارى خجلا من افعال (الطفابيع ) ... ولكنها دماء من اعلى الجبل سالت فغطت

السفح وتكونت بفعلها بركة في اسفل الوادي ...

شقيقي : ها نحن مرة اخرى في النششيبة وان اختلف الزمان وجار الزمان ... فمارايك في

(لجنة مساعي حميده ) لتخفيض الرسوم ....

* انا وعمار وفي اول يوم لنا في الجامعةكونالجنة من (شخصين) وطلبنا تخفيض الرسوم

الدراسية المفروضة علينا وكانت (الف جنيه) في السنة فقابلنا لجنة برئاسة استاذ في

الكلية اسمه (بشارة) ودخلنا في حوار (نيفاشي) ... وبعد جهد (حنكي) خرجنا بقسمة

الثروة (ففتي ففتي ) بالرغم ان التهميش لم يطال (الغرب الاوسط) في ذلك الزمان وكان

اليوم هو 18/8/1993 الذي شهدميلاد اول لجنة من الدفعة 15 ... وتوالت اللجان كتاحة

حتى لجنة (الشرعية) في داخلية صبرا واجيز برنامج عملها بمساعدة (النعاس) ...تسعة

ساعات من (النضمي ) المتواصل واخيرا (النعاس ) يحسم الموقف فتكنولوجيا موافقة

والتوقيعات جاهزة وكذلك اقتصاد اما زراعة فغدااو بعد بعد غدا باذن الله ستكون شبه

جاهزة في تلك اللحظات قلت في سري ليه 15 زراعة ديل مايشوفو ليهم دفعة تانية

وشرعيتنايبقى حسمها ساهل .... اللهم اجعله نعاس خير وبركة الذي ساهم في اعطائنا

الشرعية .... بالمناسبة ( حسين , عمار ، جمال ) هم الموقعين على كل اسماء الدفعة 15

اقتصاد فحسين وحده تكفل بالتوقيع امام كل اسماء (البنات ) .....

عمار يازول سعداء بوجودك في هذا المكان من التاريخ .... ورغم المشغوليات العمل و

(الجيل الثالث ) من القوارير تواجدك اليومي هنا ضروري ... او فالنقل بامر الكتيبة 27

القادسية لواء النشيشيبة .....

وحتما سنعود .....
جمال حسين

الشقـــقيق : عمار عثمان بشير عضو بالمنبر فالنرحب به جميعا .

جيمو.... كما يحب بعضهم أن يسميك

شكرا على الترحيب الحار وأكرر تعازى فى وفاة العم/عبدالماجد عبدالرحمن والد حرمكم المصون المقاتلة(هنادى عبدالماجد لها التحاياوالتعازى من كل صوب)
كما أود هناأن أسجل خالص شكرى للأخ حسين وشخصك لمساعدتى فى الإشتراك بهذا المنبر للوقوف معكم جنبا الى جنبا لمواصلة رحلتنا التى بدأناها فى جامعة الجزيزة لنواصل حربنا على الظلام والظلاميين فى كل مكان. كما لا أنسى أن أشيد بسرعة إستجابة الأخ بكرى أبوبكر لطلب الإشتراك رغم مشاغله وكثرة طلبات الإشتراك التى تصله.

سأعود فى رد مفصل عما كتبت أخى جيمو فالشغل هناما يخلص وكل حاجة عايزنها Now Now

عمار

شـباب سـلام ...
قبـل مـا أجيـكم أيهـا الأشـقاء الأشـقياء ..
إليكـم الـرابط دا:

إلـى جـنات الخـلد .. عـم عضـو المنبر منتصر حسـن

إنـا لله وإنـا إليـه راجعـون...

ويمتد النضال في جامعة الجزيرة... جيلا بعد جيل..

طلاب جامعة الجزيرة يعقدون مؤتمراً صحفياً نهار الأثنين 12/12 بدار اتحاد طلاب جامعة الخرطوم





طلاب جامعة الجزيرة يعقدون مؤتمراً صحفياً نهار الأثنين 1...د طلاب جامعة الخرطوم


>><<<<<<<<<<<<>>>>>>>>>>><<<

طمنونا حصل ايه في المؤتمر؟؟؟

وايه النتائج؟؟؟

وما موقف الإدارة؟؟

عاد الى الديسابورا امس الأول الأخ أوف
أوفقير على الشريف - 18 اقتصاد - جماعة شهيق الثقافية..

بعد ان قضى اجازته السنوية متنقلا بين مدن السودان المختلفة في العمل الثقافي الخاض بمعرض الفنانة اللبنانية (نادين عبد الباقي)...

حمد لله على سلامتك أخ أوفقير

سلامات ياشباب وكل سنة وانتو طيبين
ممكن ننسق لقاء في العيد للناس الفي الخرطوم

الاخت اسماء

كيف الحال

على ناس الخرطوم يجتمعوا...
ويتقاربوا...

ونحن من على البعد معكم بأرواحنا..

الأعـزاء شـباب النـش الجمـيلة ...
كـل عـام وأنتـم نبـض هـذا الـوطن الجمـيل ...
كـل عـام وأنتـم تجسـدون معـنى الانتمـاء النبيـل ...

وأسمحـوا لـي أن أهـديكـم هـذه البطـاقـات :

النشيشيبة مرة واحدة
انتو عارفين انا اليومين دي متجرس وناوي الرجعة للاجازة فلما قرات البوست خائف اطلع من المكتب وبدون سابق انذار القى نفسي في النش قبل ام جر
ودا ما غريب رعتى الفاتت بعد اول اسبوع لقيت نفسي في مدني طبعا كل الاشياء تغيرت واكيد كلكلم لو مشيتو بتحتاجو لى دليل


تحياتي للجميع
اشرف
جمال
هنادي
حسين المقاتل
شيخون الشرس
والصعلوك الكبير محسن خليناك مؤدب لكن بقيت قليل ادب انا اول ما ارجع بكلم ليك هاشم و........
البوست رائع جدا ويعيد الينا ذكريات ايام اهــــــــــــــــــــ يا زمان النزوح
ساعودبكل تاكيد ورغم المشغوليات

Quote: النشيشيبة مرة واحدة انتو عارفين انا اليومين دي متجرس وناوي الرجعة للاجازة فلما قرات البوست خائف اطلع من المكتب وبدون سابق انذار القى نفسي في النش قبل ام جر ودا ما غريب رعتى الفاتت بعد اول اسبوع لقيت نفسي في مدني طبعا كل الاشياء تغيرت واكيد كلكلم لو مشيتو بتحتاجو لى دليل تحياتي للجميع اشرف جمال هنادي حسين المقاتل شيخون الشرس والصعلوك الكبير محسن خليناك مؤدب لكن بقيت قليل ادب انا اول ما ارجع بكلم ليك هاشم و........ البوست رائع جدا ويعيد الينا ذكريات ايام اهــــــــــــــــــــ يا زمان النزوح ساعودبكل تاكيد ورغم المشغوليات

الأخ قريب الله

هلا بطلتك علينا في النشيشيبه هنا....
وكل سنة وانت وكل الشباب بألف خير وعافية.....
التغيير أكيد بيحصل.. لكن النش باقية فينا كما هي.. لن تذبل ولن تضمحل..

تحياتي وخالص الأشواق

الـرائـع قـريب الله ...
التحـايـا والحـب والأشـواق ...
وينك يا راجل والله مشتاقين ليك شديد ...
وكيف حالك ...
منذ فترة ، ونحن منتظرين طلتك البهية ...
والبركة في بوست ريهان ، الخلاك تظهر ... أصيل لا زلت محافظا على انبراشك أمام الجمس ...
داوم على ذلك ، فالرجل هو من ينبرش للمرأة ...

Quote: واكيد كلكلم لو مشيتو بتحتاجو لى دليل

وييين يا فردة .. إيه رايك ، أخوك أمس كان هناك ، وبعد بكرة سنشرف أنا والرفيق يونس ..
لا تخشى شئيا ، إنت تعال والدليل موجود ...
والأركان موجودة ...
وال.... موجووووووووووود...
مـع الحب والأشـواق ...

قريب

وين العزم يا صديقى ؟ مش إحنا متفقين على مواعيد الإجازة المشتركة ولا دى خيانات لتغليب الإجنده الحربية على الأجنده السلمية. وعشان أغيظك أول أمس كان معى المخضرم طيب الذكر هاشم حسب الرسول فى طريقه الى السودان.
قريب:
النشيشيبة وما أدراهم ما النشيشيبة، لو كنا نعلم أن الدنيا ستفعل بناما فعلته بناالآن ما كنا تركناها يوما واحدا ولكنت أقمت كل جدرانها المنقضة ولن أسائل مبارك المجذوب عن أجرى ولا صاحب كافتريا تكنولوجيا عن فومها وعدسها و.........

حسين جمال ، البقية :

معذرة عن عدم التواجد خلال الفترة الماضية ، فأنا موجود فى تابوت ما لا أزال شبه محنط فيه وآمل أن أخرج منه خلال الفترة القادمة بإذن الله.

حسين :

أخيرا تشرفت بمكالمة الأخت نهلة الطيب حسن بعد إنتظار طويل ، وقبل يومين تبادلنا التهانى بعيد الشجرة !!!!!.

يا رفيع وينك انت انا تلفوني فيه مشكلة ساعالجها في اليومين ديل
وكيف الشباب كلهم
هاشم دا ماشي بيكرعينو ولا شنو قليه اتصل في الثابت مساءا 0096626502982
والنش خليها على الله

الظريف ودموخفيف حسين يا سمح يا زين
لك الود والحب والاحترام
كيف وكيف الدنيا معاك وين شيخون ويونس وبيقة الرفاق والاصدقاء والشلة الكريمة انا عندي كلام كتير لكن يا حسين نحن في بلد ؟؟؟؟؟؟؟؟؟؟؟؟؟؟؟؟؟ انت عارف لمن قلت لى الانبراش ضحكت زي المجنون وتذكرت الصديق اللدود حافظ عركش وايام المناورات دي حكاية تانية يوم الجمعة بنكون مبيتين سوة وبنجي قاشرين طبعا كل شئ متوفر الجو عائلى وبقول لى لليلة يوم المناورات يا ريت لو اطل علينا حافظ عركش في هذا البوست وهو من النشابة المهمين وكذلك عثمان العبوب شوفو الناس ديل وين واخبار رمضان شنو طبعا حكايتو هو خالد ابليس مع ود الصول ما بتتنسي (ودالصول عزمهم عشاء وكانت حلم اخر الليل في ذلك الزمان ولم خلصوا من موضوع العشاءقال ودالصول لى رمضان قوم شوف الحساب كم وانت ابليس امش جيب الابريق تعال غسل لى يدى واخوانك طبعا اشتطوا غضبا ولكن ود الصول هددهم اذا لم تفعلود ذلك سوف لن احاسب الرجل )
النش عالم ملئ بالجنون والحكمة والفلسفة
بالمناسبةالشيق حسين عبد الله ود النو زواجه ثالث ايام عيد الاضحى المبارك الدعوة لجميع النشابة
مع مودتى

ثالث ايام عيد الاضحى زواج الشقيق حسين عبد الله ود النو
السمع اكلم الماسمع يا النشابة
نتقبل التهاني عبر بوابة النش
مع مودتي

كل التهانئ والتبريكات للشقيق حسين عبد الله ود النو ولا سرته الكريمة

وان شاء الله بيت مال وعيال
وجمع الله بينهما على خير وبركة.

الأعزاء النشابة : كل عام وانتم بخير
والتهنئة موصولة عبر الشقيق قريب الله الى الشقيق حسين عبد الله بمناسبة زواجه الميمون ، كما نرجو من قريب الله مدنا بمعلومات أكتر تفصيلا عن زواج الشقيق حسين عبدالله

عيدية خاصة لكل من الأخوة جمال وحسين ، حسين اوعى تكون زعلان منى عشان موضوع ال..... المارسلتها لكن يا عزيزى والله والله ما لا قى لى مرسال. بوضح أكتر فى إيميل أو مكالمة تلفونية ، ولك منى العتبى حتى ترضى يا وغد !!!!

الأعـزاء ...
كـل عـام وأنتـم بهـذا الجمـال ، وهذا الصـدق النبيل ...

Quote: حسين اوعى تكون زعلان منى عشان موضوع ال..... المارسلتها لكن يا عزيزى والله والله ما لا قى لى مرسال. بوضح أكتر فى إيميل أو مكالمة تلفونية ، ولك منى العتبى حتى ترضى يا وغد !!!!

عمار يا وغد ، تعلم إني لا أكره الأوغاد لأني وغد مثلهم ...
ولا يهمك رسلها متى ما ترسلها ...

تهانينا للعزيز جمال ، هنادي جابت ليهو جكسوية ، قبل شوية ...

تهانينا لعضو المنبر جمال الصادق .. جابوا ليهو بنية

كل النشابة الاعزاء

اشرف .. حسين .. وجميع الاصدقاء
كل عام والعصافير تغنى لاسئلة الدواخل عربونا لايرد

جمال وهنادى ..


الف مبروك البنية وتتربى فى عزكم

قريب الله وعمار عثمان ... ايها الرائعان الجميلان حقيقة ..

لكما التحايا والاشواق


وان شاء الله نشوفكم قريبا عندنا بالسودان


كل النشابة ... دعوا بوست هذا النشيشيبة عاليا دوم


ا فمجرد مرورنا بها او رؤيتنا لها فى اعلى المنبر يعد بمثابة


هياج للذكرى الجميلة ولكل الشجون ...

عظموتا يا حبيبنا الأول :

أخيرا طليت وما أعظمها من طله ، أهفو بشده الى أيام كان حبنا فيها شابا يافعا يتجول بين بلوكات النشيشيبة وخالاتنا ستات القهوة (الأصل أنهم ستات قهوه ما شاى ولا شنو؟) وإجتماعات الجمكسين ؟ ومخاطبات طيب الذكر التجمع وتلك النقاشات الحامية التى لم تفسد الود بيننا ما بقينا على أجتمعنا عليه فى النشيشيبة تلك الضاحية الأليفة صاحبة الزمن الخاص
خلينا على وصل وما تبعد إذا بعدنا

حسين يا برتوموكس :
بنية جمال وهنادى ناقوس خطر لينا نحن الضراريب ومنظرين حركة منك أو من شيخون ، أى حركة المهم شيل عن نفسك لقب ضراب .

مع خالص مودتى

Quote: كل النشابة ... دعوا بوست هذا النشيشيبة عاليا دوم ا فمجرد مرورنا بها او رؤيتنا لها فى اعلى المنبر يعد بمثابة هياج للذكرى الجميلة ولكل الشجون ...

كل النشابة ... دعوا بوست النشيشيبة عاليا دوما

اشرف

تحياتى اليك .. ياقائد الركب وحارس النشيشيبة الهمام ..

وليظل بوست النشيشيبة عاليا دوما

عمار

كيف حالك ؟ مشتاقين اليك كثير والله

ستظل تلك الايام حقيقة فى الخاطر والذاكرة من اجمل الايام واحلاها ..

وبالله عليك ياعمار من اين لكل اولئك الشباب والشاب بكل ذلك الصدق المتدفق والافق

الواسع العريض .. انها تجارب جديرة بالاحتفاء ... واصدقاء وعلاقات جديرة بالحرص على

استمراها وريها بالتواصل ... تحياتى اليك والى كل الشباب بطرفكم خصوصاً اسحق شبو

وصل الى السودان الشقيق الحبيب
محمد حسن ود العمدة ...
فمرحبا به ونتمنى له إجازة سعيدة

..................................

ود العمدة ماشاء الله ... ارض الحرمين نافعة
معاهو شديد اصبح (اوضة وبرنده ) ....

عقبال حسين يوسف ......

يا مليون هلا ومراحب بنجاة الجسورة
نور المنبر بوجودك بيننا
وحللت أهلا ونزلت سهلا

شباب وشابات النش ...

سلامي واشواقي جاياكم زول زول...

من البوابة حتي الخور...

ومن بلوك 7 إلى تكنو وبالعكس...

وما تنسوا أقتصاد وزراعة...

لحدي صادرات والداخلية...

جايييييييكم

Quote: كل النشابة ... دعوا بوست هذا النشيشيبة عاليا دوم ا فمجرد مرورنا بها او رؤيتنا لها فى اعلى المنبر يعد بمثابة هياج للذكرى الجميلة ولكل الشجون ...

دعوا بوست هذا النشيشيبة عاليا
How are you all

نجاة
يا مليون حبابك..
وفي انتظار عودتك..
وعودة كل النشابه والنشابيات الى مساحة هذا البوست..
نلتقي لنرتقي ونحفظ سنينا عزيزة على قلوبنا

[//blue]

النشـابة العظمـاء ...
سـلام .. وحـب وأشـواق ...
فـرحـنا بمقـدم العـزيـزة نجـاة ...
وقلنـا اخـيرا وصـل عـدد "الجكـس" لأربـع ...
لكـن يبدو أنهـا أكسـل مـن H.CLUB ، الجابتها ...
عـلى كـل حـال دعـونا نفـرح مـع العـزيـز جمـال .. والعـزيـزة هنـادي (H.CLUB) الصغـيرة ، بعـيد زواجهمـا الأول ...

إلـى صديـقي هنـادي ، وجمـال الصـادق ، وهمـا يشـعان كمـ... الشمـس والقمـر ...

قال تعالى ( وبشر الصابرين الذين إذا اصابتهم مصيبة قالوا إن لله وإنا إليه راجعون ) صدق الله العظيم
بمزيد من الحزن والأسى تنعي أسرة خريجي الدفعة 19 حاسوب المغفور لها بإذن الله الأخت زينب خالد عبد القادر ( زوبا ) التي توفيت الى رحمة مولاها يوم 9/2
نسأل الله لها المغفرة والقبول الحسن وإن لله وإنا إليه راجعون
اسرة خريجي الدفعة 19 حاسوب
عنهم الطيب محمد أحمد - السعودية - القصيم
خالد عبد الله أحمد عبد الرحمن - السعودية - الرياض
[email protected]
[email protected]

=====================

أصالة عن نفسي ونيابة عن الدفعة 14
نتقدم لأسرة الفقيدة وجميع أبناء الدفعة 19 بحار التعازي في المصاب الجلل
نسأل الله للفقيدة الرحمة والمغفرة وحسن الثواب
ولذويها الصبر والسلوان وحسن العزاء
اللهم اقبلها وتقبلها يا ارحم الراحمين
واسكنها فسيح جناتك مع الصديقين والشهداء
وحسن اولئك رفيقا ،، واجعل قبرها روضة من رياض الجنة
...والحمدلله علي ما اراد الله

إنـا لله وإنـا إليه راجعـون ...
أدعـو الله أن يتقبلها قبـولا حسـنا ، وأن يسكنهـا فسـيح جناته مـع الصديقين والشهـداء ...
وأن يلهم أهلها ومعارفهـا الصـبر والسـلوان ...

اللهم ارحمها واغفر لها
اللهم اجعل قبرها روضة من رياض الجنة
التعازي لاسرتها واسرة الدفعة 19


(إنـا لله وإنـا إليه راجعـون )

إنـا لله وإنـا إليه راجعـون ...


احر التعازى لاسرة الزميلة وللدفعة 19 حاسوب ولجميع الاصدقاء

الى جميع الاصدقاء


الصدفة السعيدة قادتنى ان اكون جزء من مبادرة لبعض خريجى الجامعة المتدفقين حماس


وصدق من اجل ان يكون هناك كيان يعبر عن الخريجيين ودار وانشطة عديدة ومشاريع ...


و... و.... و.... الكثير من الافكار التى ظلت فى دواخل كل خريجى الجامعة فى مسيرتها


الطويلة ، احساس جميل ينتابنى اردت ان اشرككم اياه قبل ان انقل اليكم المعلومات


كاملة بعد لقاء اللجنة التمهيدية اليوم ..


وائل احمد خلف الله بالخرطوم .. وننسق للقاءه انا وشيخون وحسين ... النشيشيبة تلح فى

خاطرى هذه الايام اكثر من اى وقت مضى .. اشتاق لكل ما له صلة بها ... اشتاقكم ايها

النشابة

الأخ عبد العظيم

سلام

لكم التحية وانتم تنبضون بحب النشيشيبه وتسعون لوضع هذا الحب في حيز الأفعال لا العواطف وحدها..

في انتظار أوبتك ونتائج اجتماع اللجنة التمهيدية

والله لقد أثرتم كثير من الشجون.وأتمنى أن ينضم ناس طب برضو لهذا البوست الجامع لخريجى الجزيرة عموما

Quote: احساس جميل ينتابنى اردت ان اشرككم اياه قبل ان انقل اليكم المعلومات كاملة بعد لقاء اللجنة التمهيدية اليوم ..

عبد العظيم ... لينا زمن منتظرين ماحدث في اللجنة التمهيدية ؟؟

انشاء الله الحاصل خير ؟؟

بتتذكر (المبادرة الطلابية ) و اتحاد تجمع الروابط الاقليمية و الاسر الاكاديمية؟؟

نحن في الانتظار ...

للمهتمين

رابط حلو عن ج الجزيرة

http://wadmadani.com/html/glam05.htm