المنبر دة حيرني عديييييل!!!!!!!!

قبل الباصوورد بتكون عايز تكتب في كل شي.
بعد الباصوورد نويت اكتب بعيد عن المشاكل... لكن طيب اكتب في شنو

السياسة؟ كلها مشاكل وزاتو ما مكجنة شي في الدنيا زيها وزي بوستاتها، وصراحة كدة ما شايفاها شغلة نسوان من زمان ما بدور النسوان البيفتن في السياسة وحتى كان قلنا نفتي فيها مرة مرة برضو ما بنقدر نفتي وناس (كمال عباس) و (عادل عبد العاطي) في المدينة... اقصد المنبر.

وكان لي قضايا الهامش (تراجي) ما بقدر عليها هامشهم دة كان وصلوهو نص الصفحة ما بأتدخل!

المواضيع الادبية والنقدية بتستهويني جدا لكننا تلامذة في مدارس ( فضيلي جماع وتاج السر الملك والخواض ودكين وعبد الكريم الامين) وكتيرين تانين

بوستات النقاش خاصة ام اربعة وخمسة صفحات ديك بس تخليها لي (احمد الريح) ما شاء الله عليه

عندي حبة آراء كدة في حاجات مختلفة في المنبر لكن لو قلت بِغِم بيجوا الجماعة يشبكوني: انتي متييييييييييين جيتي للنقد (زي بوست بهاء عيسى "المنبر الى نهاية محزنة..). ويجيني (تمبس) يهرشني بي مداخلاتو الملونة الكلها روابط وكوتيشنز ديك (انت يا تمبس بالمناسبة دي الالوان دي بيعملوها كيف؟)

الأغاني ( ام وضاح وفيصل نوبي) مستلمينها

خلاص طيب ابقى على الجنس اللطيف وناسو اللطيفين ومسالمين ومواضيعهم الخفيفة ناس (غادة ورجاء واشراقة وسودانية ومنى خوجلي) وغيرهم كتير ... أها طيب لما نستثني الفوق دة كلو نتكلم معاهم في شنو؟ غايتو ما فضل الا الحنة والطبيخ وكان لي موضوع الجندر داك الله يرحمو قُتِل بحثا في المنبر دة.

طيب نقعد ساي ما نقول أي حاجة .... برضو ما بيحلني اكتشفت انه هنا في ناس ما بريحوا حتى الزول اللازم حدوده (اديكم امثلة ولا الدنيا رمضان)... أها كيف العمل؟ وعلى بال ما تدبروني انا ما بين بوستات التهاني والتعازي والارشيف



حكمة اليوم (دي عاجباني شديد عند Player) بس ما عرفت اعمل الخط التحت

البوست دة قصدت بيهو الخروج من روتين المواضيع الجادة مع الصيام دة فالناس الوردت اسماؤهم ما يزعلو المسألة كلها لاتتعدى المزاح فأدوني خاطركم الدنيا رمضان!!

تحياتي وتصوموا وتفطروا على خير!

شَيْماء

الاخت شيماء
مرحب بيكى اولا وحبابك الف
رمضان كريم (كمان)
شوية شوية بتلقى نفسك مع احد التيارات
مهما وقفتى بعيدا
سوف يجرفك السيل الى احدى البحار
ان كان مالحا او خلافه
وسوف تجدين نفسك مع مناخ تتكيفين معها (سياسيا ام اجتماعيا)
ولا تتركى نفسك ان تقعى تحت وصاية احد
اخلقى لنفسك فضاء (حر)
واطلقى لافكارك العنان ثم (الجنان)
الف مرحب بيكى
اختنا (شيماء)

الاخ العزيز دوت مجاك
تحية وكل سنة وانت طيب
عجبتني مداخلتك الواعية وموزونة زي عادتك.
شايفة المنبر دة سودان كامل متكامل بي كل تنوعاته واكيد زي ما انت قلت حألقى البتكيف معاه بس أهو قلنا نسمع آراء الغير.
أما

Quote: ولا تتركى نفسك ان تقعى تحت وصاية احد

لا انشاء الله ما حيحصل مش عشان عقلنا لكن عشان كبرنا. كبرنا على موضوع الوصاية دة.
لك كل الود

Quote: طيب نقعد ساي ما نقول أي حاجة .... برضو ما بيحلني اكتشفت انه هنا في ناس ما بريحوا حتى الزول اللازم حدوده (اديكم امثلة ولا الدنيا رمضان)... أها كيف العمل؟ وعلى بال ما تدبروني انا ما بين بوستات التهاني والتعازي والا

تقعدي ساي ليه

هو الباس وورد ده لقيتيه بالساهل

والا الخط بدوك ليه مجاني
والا الكومبيوتر مشترياه من الدلالة
امتبي اي حاجة ان شاء الله عن حجر الزلط
او اقول ليك اكتبي عن علاقة خزانات تيقا بالحنة التيقا ( طبعا التيقا الاخيرة بالاردوية تعني الكويس )

واذا عايزة موضوع جاد

اكتبي الموضوع ده

الفيضاناتتفضح عرينا
فنكتشف اننا افقر الشعوب محاصرين بالهمر
قصرت معاك؟

مرحب بيك وحبابك الف
وانتي عسل. وشكلك كاتبة كبيرة.

الكتابة فيها متعة، اكتبي عشان نفسك انتي قبل القراء. وحتستمتعي.

وانتي ما شاء الله جيتي بسنونك وحافظة البورد صم

وكان خايفة من النقد دقستي , جاييك جاييك دا غير الناس الما بعجبهم العجب (وبدون اسامي زي ما قلتي) وناس اليافطات.
بس كمان اووعى تكتبي في السياسة عشان ما تقري الردود البتفقع المرارة وتهيج المصران.


رمضان كريم

الحبيبة فدوي

Quote: وكان خايفة من النقد دقستي , جاييك جاييك دا غير الناس الما بعجبهم العجب (وبدون اسامي زي ما قلتي) وناس اليافطات. بس كمان اووعى تكتبي في السياسة عشان ما تقري الردود البتفقع المرارة وتهيج المصران

.

كل سنة وانتي طيبة ورمضان كريم
تعرفي يا فدوى انا من النوع الخواف شديد زمان لمن كنت في الابتدائي البنات كانو لاعبين بي لعب الا يجوا اخواتي الكبار يدافعوا عني. ولغاية الآن انا زولة مسالمة وعندي فوبيا من محلات المشاكل أها يعني تفتكري مافي امل اتجنبها هنا؟!لكن النقد الساي هين بنقدر عليهو!

وكان للمصران عندي مبادئ حالياباخد حبوب مخففة اها بعد المنبر دة ازيد الدوز ولا شنو؟

تحياتي يا غالية نورتيني

الاخ العزيز د.محمد حسن

Quote: هو الباس وورد ده لقيتيه بالساهل والا الخط بدوك ليه مجاني والا الكومبيوتر مشترياه من الدلالة

تلاتة لاءات
في عين العدو


حاجة:
غايتو كان بقيت على موضوع خزانات تيقا بكتب عن البت الفي الدعاية بتاعتو ديك
تسلم

شيماء

بدلعوك شنو
شمو .. ولا شمّة ..

انت قايلة الناس هنا كلها بتكتب ؟
غلطانة
البكتبوا شوية ..
اها القلتيهو فوق دا كتابة جادة و نقد وتصنيف كمان ..
وعرفنا بتقرى لى منو و بستهويك شنو ..
يعنى صنفتى الناس و صنفتى روحك
يعنى كتبتى

خلاص ..
بث ..
نتلاقى ..
بس ما تتكاكى الباب ..

شيماء
حبابكـ و رمضان كريم ..

حريفة و لعآآبة كمان ..

Quote: البوست دة قصدت بيهو الخروج من روتين المواضيع الجادة مع الصيام دة فالناس الوردت اسماؤهم ما يزعلو المسألة كلها لاتتعدى المزاح فأدوني خاطركم الدنيا رمضان!!

و زي ما قال ليكـ معتصم كشفتي لينا ورقكـ

تحيات كتار ..
و نتمني ليكـ طيب الاقامة .

أيواااااااااااا كدة جاء واحد من الناس الـwanted
الما حيدونا فرصة معاهم في تنزيل الاغاني
الاخ العزيز فيصل نوبي

شكرا لاطلالتك
وتسلم على الترحيب
وكل رمضان وانت بنعمة

شـيـمـاء الـبـيـسـأل مـا بـيـتـوه دارنـا نـحـنـا قـريـب لـيـك .

علي فكرة عجبني إسم شيماء زي إسم بنتي وهي محبوبة جداً من كل اصدقائها

واهلها, إجتماعية درجة اولي مع إنها إتولدت في السعودية وما زالت

مقيمة فيها وتدرس في مدارسها في اولي متوسط , واسمحيلي اقول لك يا بنتي .

في مثل بيقول الطيور علي أشكالها تقع شوفي انتي طيورك وين واقعي فيها .

الاخ العزيز هاشم خلف الله
سلام عليك ايها الاديب
وكل سنة وانت طيب

Quote: إجتماعية درجة اولي مع إنها إتولدت في السعودية

لييه ياخ السعودية بتتعارض مع الاجتماعيات في شنو
كلنا فيها وتصدق انا شايفة الاجتماعيات هنا اكتر من السودان يمكن من الفراغ وسهولة الظروف يعني كان واحدة عندنا وقعت ليهم حيطة في السودان الناس يجوها مليون مرة بي فطورهم وغداهم وعشاهم يندموها علي وقعة حيطتهم
الله يحفظ شيماء واخوانها

Quote: في مثل بيقول الطيور علي أشكالها تقع شوفي انتي طيورك وين واقعي فيها

حابقى عشرة على الوصية بتاعة الطيور دي
وتسلم انشاء الله

الاخ العزيز معتصم الطاهر
تحية وتصوم وتفطر على خير

Quote: بدلعوك شنو شمو .. ولا شمّة ..

شوشو .. شوشو

Quote: اها القلتيهو فوق دا كتابة جادة و نقد وتصنيف كمان ..

الله يجبر بي خاطرك قول آمين

Quote: وعرفنا بتقرى لى منو و بستهويك شنو ..

لا عشان ما اظلم الناس الذكرتهم ديل امثلة بس وفي كتيرين غيرهم بتعجبني كتابتهم وبقرا ليهم بس اختصرت عشان الباندودث ما يزعل مني. وانت ذااااتك بقرا ليك وبوستك بتاع (هؤلاء افضلنا لو واذا ) جميل وتابعتو تسلم عليهو.

Quote: خلاص .. بث .. نتلاقى .. بس ما تتكاكى الباب ..

لا مابس واصل ياخ لانو (بيني وبينك سؤال على جنبة كدة) الناس لييه ما بيتداخلو معاي عشان جديدة؟ ولا دة وضع طبيعي هنا؟

تسلم على المشاركة

شيماء كيفنك
شوفي يا زولة اكتبي الانت عايزاهو
إن شاء الله تكتبي عن الملوحة والتركين وما تشتغلي بالفارغة
الدايرة تقولي قوليه

هلا بالاخت شيماء والف تحية
ويازولة زي ما قال ليك دكتور طارق اكتبي من طرف
وشقيق ما وجدانك يحط رحاله علي الكيبورد شوتي طوالي

Quote: هلا

ايش لونك يا عبد الكريم

Quote: وشقيق ما وجدانك يحط رحاله علي الكيبورد شوتي طوالي

سمح بشوت لكن بس انتو بعدين ابقوا قدرها

ومشكور كتير على الاغنية وتسلم على المرور

Quote: إن شاء الله تكتبي عن الملوحة والتركين وما تشتغلي بالفارغة

الاخ العزيز طارق
تعرف انت جبت التايهة لانو زوجي من الرطّانة بتاعين الملوحة والتركين وانا لأ. أها عشان كدة اضطريت ألغي ليهو ثقافته النوبية في الاكل تماما وافرض عليهو ثقافتي لكن كان لقيت زول يساعدني في بوست لنا داك ويوصفهم لي يكون عمل (فيهو) معروف وبعد ما اتعلم بجي اعمل ليكم بوست ايه رايك!

كثير شكري على المرور

عزيزتي شيماء

كوني نفسك ، ومن تابع الناس مات هما.

فانتي وهو وهي و نحن وهم وهن هذا هو المنبر (الاختلاف والتنوع وحرية التعبير).

تحياتي
سلام
صفية


خارج النص
يعني انا التقول خلاص ضالعة في شئون البورد حسع انا بكتب في نصحيتي دي وخايفة يجي ناطي لي زول يقول انتي قلتي كدة ليه؟

Quote: قبل الباصوورد بتكون عايز تكتب في كل شي. بعد الباصوورد نويت اكتب بعيد عن المشاكل... لكن طيب اكتب في شنو

عزيزتي شيماء،
كل سنة وانتي طيبة وعقبال مليون شمعة..
ورمضان كريم.

مرحب بيك قلم يٌعبر بكل حب وحرية وأريحية ومسئولية..

صوتك وصوتي وصوت الآخر هم في النهاية سيمفونية السودان التي نعزفها معاً بكل تجرد،
فدوزني صوتك بمقدرة بحيث لا يخبو فيَغيب ولا يعلو فيٌغيِّب أصوات أخرى،
فالمعزوفة لن تكون كما يستحق الوطن في قلوبنا إلاّ إذا عبرت عنا جميعاً
ولن تكون كما نحب إذا لم نشارك فيها بما نستطيع..
فإذا حملنا هم الوطن في كل آهة ونمة كنا بحق نحن الوطن.

سني قلمك وأكتبي بلسان حال الناس الما عندهم باصوورد.

وأكيد وجودك إن شاء الله إضافة حقيقية للبورد، وصوت يهمنا أن نسمعه.

مرحبا بك مرة أخري ياشيماء ...قلمك طيع وأسلوبك الكتابي سلس
أرجو ألا يصيبك الغثيان من كثرة العك والعراك وشخصنة القضايا والاسفاف
الذي يطفح أحيانا ويغطي كل ما هو جميل......
لك التقدير وأرجو لك طيب المقام وتفاعل منتج يضيف و ويثري
البقع المضئية بالمنتدي
كمال

الاستاذة شيماء

كل سنة وانتي طيبة وربنا يحقق أمانيك


كلامك جميل جدا وبوست راقي وموفق ..

بتمنى انو بعض الاخوات والكلامهم زي الدراب يستفيدو من جنس كلامك ده ..

تسلمي

..
يا برلومة ..
يا نقناقة ..




قولي واحد .

الكورة مالا عيبيها لى
اكتبي وقولى :
المريخ دوزن التاريخ والهلال أكل الفسيخ .....
تكونى كتبتى فى اى شيء..

Quote: يا برلومة .. يا نقناقة .. قولي واحد .

والله نقناقه بشكــل يا عماد ..
وقالت يوروهــا الكوتيشنات والتلوين ..
غايتو بي طريقتك دي يا شيما.. بعد رمضان دا ينتهي إلا يخلو ليك البورد
حالتو الدنيا رمضان حسع دي ..


اتنين

شــــيماء


من أول مشـــاركات ليك ...
أو ردود ... حسيتها شحمانه ومليانه طعم
وبقيت مترصدك تكتبى شئ ..

جيتك أقول ليك مرحب
ورمضان كريم عليك

والله ما شاء الله مشيت اعمل العصيدة جيت لقيت البوست جاب كتير من فطاحلة المنبر

الاعزاء
طارق
عبد الكريم
صفية
كمال
علاء
عماد
طلحة
عبد الله

تشرفت بمداخلاتكم وجاياكم (بالتفصيل) هو انا الباندودث دافعة فيهو حاجة؟!!
ويا طلحة جاياك لي موضوع الكورة دة اصلي ما بعيبها وحاوريك لييه
تسلموا

مراحب كثيرات بمن جهجهت السناير

يازولة الكتابة بي قروش

أكتبي وأكتبي طالما عرفتي كيف تقرأين مضابط المنبر

فى كل قبلة بتلقى اللي بسند حروفك

الف مرحب ونورتي الدار ..

خالص الترحيب ..

اخت شيماء تحياتي ورمضان كريم
العصيدة بملاح روب وله ويكه

يمكن أنا وأخرين من المحسوبين "جُداد" بضم الجيم - أشان ما يجي واحد يكسر الجيم ويطلع عينه وعينا معاها - واهو قاعدين نشلت يمين شمال لا ظلامية ولامستنيرين وطبعا تحس بوحشة في اي مكان جديد ولكن مع الايام تعتبر نفسك واحدا من الموجودين..

فاسمحي لي بان أرحب بك نيابة عني وعن كل هؤلاء قلماننتظر منه الكثير

إزيك يا شَيْماء ورمضان كريم

أول حاجة إن شاء الله تكوني برأتي ساحتي من حكاية المكفوفين ديك عشان خطي ما شين للدرجة ديك

ثانياً: جذبني أسلوبك السلس في طرح فكرة ربما تمر بالكثيرين من رواد هذا البورد، بل مررت بها أنا شخصياً عندما سجلت حضور بهذا البورد لأول مرة. فعلا إحساس مختلف بأن تكون متابعاًُ من الخارج ما يحدث وبين أن تكون "عضواً" فاعلا له حق المشاركة في كل موضوع يُطرح بل له حق طرح مواضيع يعتبرها المجتمع من المحرمات. هذاالوضع في حقيقته أشبه بمتابعة مباراة كرة قدم عبر الشاشة وأنفعالاتنا مع ما يحدث خلال المبارة و"أأأه لو كنت في الملعب!!" ولما يجي وقت الجد تلقى الكورة الفي الرأس طارت والكلام العايزين نقوله طار وأحياناكثيرة يفتر حماسنا ويتضاءل فينتج عن ذلك إنزوائنا وإبتعادنا عن الملاعب وأكتفاءنا بالمشاهدة وتشجيع اللعبة الحلوة.

عارفة يا شَيْماء ، بوستك دا أجمل ما فيه أنه فعلا كسر روتين المنبر الحاد أحيانا ، وجاب فطاحلة البورد (الواحد بشوفهم زي نجوم الكورة الكبار ديك) .. جنبهم ما بقدر يهبش كَفَرْ ولا بعمل فيها حريف. أها غايتو إنتي حظك ببوستك دا ، من الليلة الناس دي ح يهتموا بيك ويرعوك ... بس نحن نمشي وين؟!! ما تنسي تعايني لينا في المدرجات

بستأذنك يا شَيْماء بس عشان أشكر العوض الطيب الرجل الرائع الكتب الكلام الرائع دا ...
بالله عليك الله يا شَيْماء أقري الكلام دا براحة كدا وشوفي بالله ممكن الواحد يتردد تاني يشارك ويكتب؟

Quote: صوتك وصوتي وصوت الآخر هم في النهاية سيمفونية السودان التي نعزفها معاً بكل تجرد، فدوزني صوتك بمقدرة بحيث لا يخبو فيَغيب ولا يعلو فيٌغيِّب أصوات أخرى، فالمعزوفة لن تكون كما يستحق الوطن في قلوبنا إلاّ إذا عبرت عنا جميعاً ولن تكون كما نحب إذا لم نشارك فيها بما نستطيع.. فإذا حملنا هم الوطن في كل آهة ونمة كنا بحق نحن الوطن

ويبقى الود

Quote: يعني انا التقول خلاص ضالعة في شئون البورد حسع انا بكتب في نصحيتي دي وخايفة يجي ناطي لي زول يقول انتي قلتي كدة ليه؟

يا صفية يا عزيزة

تعرفي في ناس هنا في المنبر دة لو الزول جديد بيفترضو انو اي شي يقولو غلط فاكرين البني آدم عقلو بيتكون بعد باصوورد المنبر
دي قطيعة جندرية ما تكلمي بيها اي زول بالذات تمبس

شكرا ليك وشرفتيني

العزيز العوض الطيب

Quote: صوتك وصوتي وصوت الآخر هم في النهاية سيمفونية السودان التي نعزفها معاً بكل تجرد، فدوزني صوتك بمقدرة بحيث لا يخبو فيَغيب ولا يعلو فيٌغيِّب أصوات أخرى، فالمعزوفة لن تكون كما يستحق الوطن في قلوبنا إلاّ إذا عبرت عنا جميعاً ولن تكون كما نحب إذا لم نشارك فيها بما نستطيع.. فإذا حملنا هم الوطن في كل آهة ونمة كنا بحق نحن الوطن.

اتحفتني بالفهم الراقي دة
الله يقدرنا
وتسلم انشاء الله

العزيز كمال عباس

Quote: .قلمك طيع وأسلوبك الكتابي سلس

شهادة بهااباهي

Quote: أرجو ألا يصيبك الغثيان من كثرة العك والعراك وشخصنة القضايا والاسفاف الذي يطفح أحيانا ويغطي كل ما هو جميل......

كلام زي الدهب اظنه دة الجو الغالب .. اظنه وارجو الا يكون كذلك

Quote: لك التقدير

ولك مثله اضعاف

شيماء
مرحب بيك ألف

يبدو إننا موعيدين بمنبرية حقيقية
تعبنا من المنظمين البرشوهم فينا اليومين ديل

طبعآ معاك للمرة الثانية وأتمنى التواصل

مودتى

شيماء وضيوفها الحلوين كل عام وانتم طيبين
دخلت هنا مستمتعا وخرجت منتشيا
تحياتى لكم جميعا

الاخ العزيز علاء الدين حيمورة
الاستاذة شيماء

Quote: كلامك جميل جدا وبوست راقي وموفق ..

من امتلأت نفسه بالجمال يرى الاشياء كذلك
فهو بعض من جمال دواخلك


تسلم كتير على المرور اللطيف

الاخ العزيز عماد عبد الله

Quote: يا برلومة .. يا نقناقة .. قولي واحد .

سمح مقبولة منك عشان نقناقة برضو اخف قدر من براية وكنت عاوزة اقول ليك انتا ذااااتك من الناس البحب كتاباتهم وبقرا ليهم لكن بعد كدة ما حأقول ليك.

ولا حأقول ليك تسلم على المرور
أها كيف معاك!!!!!!!!!!!

العزيز طلحة عبد الله

Quote: الكورة مالا عيبيها لى اكتبي وقولى : المريخ دوزن التاريخ والهلال أكل الفسيخ ..... تكونى كتبتى فى اى شيء..

يا طلحة حصل لاقاك زول هلالابي ومريخابي في نفس الوقت؟ خلاص لاقيني عشان يكون لاقاك
تعرف نحن بيتنا في السودان في العرضة خطوة واحدة من استاد المريخ الاستاد في طرف بيتنا وطبعا استاد الهلال برضو قريب جدا فنحن اتربينا ما بين الاستادين واي شي يتعمل فيهم بيكون كأنو جوة البيت بنعيش معاهم كل المباريات والاحتفالات لما يكون في مباراة الناس الداخلين الكورة بيجوا يوقفوا عرباتهم جنب بيتنا ويوصونا عليها، وناس يجوا يمسّكونا حاقات غريبة ويمشوا (على قول عادل امام) عموما الاحساس بالانتماء ليهم الاتنين على السواء نشأ معانا واي زول يتكلم عن استاد المريخ او الهلال انا بحس كأنه بيتكلم عن شي خاصتي أها شنو ليك؟!

الاخ العزيز تمبس

Quote: والله نقناقه بشكــل يا عماد .. وقالت يوروهــا الكوتيشنات والتلوين ..

يعني فرحان أوي وانت كاتب لي بالبني وما عايز توريني الالوان بيعملوها كيف
طيب ماشي حسة بيجي واحد فاعل خير يوريني!

Quote: غايتو بي طريقتك دي يا شيما.. بعد رمضان دا ينتهي إلا يخلو ليك البورد حالتو الدنيا رمضان حسع دي ..

قول ماشاء الله ما تسحرني

Quote: يا طلحة حصل لاقاك زول هلالابي ومريخابي في نفس الوقت؟

دى البطيخة ......؟؟

يا شيماء
كلام زى الترمس باللبن ..
ياخ دا ما بنفع ...
يا أبيض يا اسود ....
سريع عايزين الرد قبل ما يتم تصنيف في قائمة الأعداء ..

الاخت شيماء

مرحب بيك في المنبر

Quote: تعرفي في ناس هنا في المنبر دة لو الزول جديد بيفترضو انو اي شي يقولو غلط فاكرين البني آدم عقلو بيتكون بعد باصوورد المنبر

انا اول ما اخدت الباسورد دخلت لي في مداخلتين كده في ناس كان ردهم زي الفهم ده

وبينسوا ان عدد الزوار اكثر دائما من عدد الاعضاء

اكتبي قدر ما شئت من الكتابة

وتخيري من المواضيع


وخلي الباقي علي القراء


لك التحية والود

عفوا ..حزف للتكرار....

العزيز عبد الله داش

Quote: من أول مشـــاركات ليك ... أو ردود ... حسيتها شحمانه ومليانه طعم وبقيت مترصدك تكتبى شئ ..

قمت خذلتك بالبوست دة وانا بسأل اكتب في شنو مش؟
في الحقيقة دة بعض مما عندكم انت قايلني البوست بتاعك بتاع (كل الاناث بارود سريع الاشتعال) داك انا ما قريتو يسلم قلمك

ولك التقدير

Quote: مراحب كثيرات بمن جهجهت السناير

الاخ العزيز حيدر
يا حبيب الجميع هنا في البورد
تسلم على التشجيع والكلام الجميل
وتسلم الامورة الفي الصورة

Quote: تحياتي وتصوموا وتفطروا على خير!

انا غايتو صايم علي دكين وفاطر علي بشاشا

عشان كدا حاسي انه رمضان دا زي العلي كفارة وانزال ستين بوست

الاخ العزيز مجاهد

Quote: الف مرحب ونورتي الدار .. خالص الترحيب ..

الدار منورة بيكم
ووافر شكري على الترحيب

الاخ الاساسي اساسي

Quote: انا غايتو صايم علي دكين وفاطر علي بشاشا

ومتسحر على منو؟ بس اوعى من ولية العهد الاساسية الصغيرة

Quote: مرحب بيك ولا رمضان كريم ولا اي حاجةانشاء الله بوستك بايخ

شكرا على الترحيب لكن كاتبو بالحبر السري لييه

Quote: خلاص طيب ابقى على الجنس اللطيف وناسو اللطيفين ومسالمين ومواضيعهم الخفيفة ناس (غادة ورجاء واشراقة وسودانية ومنى خوجلي) وغيرهم كتير ... أها طيب لما نستثني الفوق دة كلو نتكلم معاهم في شنو؟ غايتو ما فضل الا الحنة والطبيخ

والله يا شيماء ضحكتيني بشكل غير عادي
الحمد لله أن كسب معشر الجنس اللطيف شخصية لطيفة مثلك
وأن كسب معشر البورداب ككل كاتبة لطيفة
وياستي الفورة ألف، أي موضوع تحبي تتكلمي فيهو من الحنة للطبيخ
للبكر العوير والما عوير ولحدي ما نصل الحد كمان


سعيدة أنا أن أتيت بين ظهرانينا


خالص المحبة
غادة

العزيز مكي م. الحسن

Quote: اكتبي قدر ما شئت من الكتابة وتخيري من المواضيع

كثير امتناني على المشاركة
تسلم وكل عام وانت بخير

العزيز الطاهر عثمان

Quote: يمكن أنا وأخرين من المحسوبين "جُداد" بضم الجيم - أشان ما يجي واحد يكسر الجيم ويطلع عينه وعينا معاها - واهو قاعدين نشلت يمين شمال لا ظلامية ولامستنيرين وطبعا تحس بوحشة في اي مكان جديد ولكن مع الايام تعتبر نفسك واحدا من الموجودين..

ههههههههه
غايتو كان كسروا الجيم بتاعتنا انا وانت والزينا تبقى عوجة
أها دة دربي حأشلت معاكم بس الله يكفينا شر التصنيفات دي

مشكور وتسلم

Quote: والله يا شيماء ضحكتيني بشكل غير عادي الحمد لله أن كسب معشر الجنس اللطيف شخصية لطيفة مثلك وأن كسب معشر البورداب ككل كاتبة لطيفة وياستي الفورة ألف، أي موضوع تحبي تتكلمي فيهو من الحنة للطبيخ للبكر العوير والما عوير ولحدي ما نصل الحد كمان

غادة يا حبيبة
انشاء الله دايما مبسوطة وضاحكة
وتشكري على التشجيع والكلمات اللطيفة أها شفتي مش معاي حق ابقى عليكم؟!!
والبكر دة زي ما واحد من المتداخلين قال ليك هو ما عوير البيكونو عويرين امه وابوه وعذرا للآباء والامهات وانا واحدة منهم.

Quote: وياستي الفورة ألف،

هي يا غادة الفورة مش زمان كانت مليون متين نقصتوها يا اعلاميي الانقاذ
مودتي وتسلمي

الاخ العزيز عبد الغفار المهدي

Quote: شيماء وضيوفها الحلوين كل عام وانتم طيبين دخلت هنا مستمتعا وخرجت منتشيا تحياتى لكم جميعا

وانت بصحة وعافية ونعمة
وانشاء الله دايما كدة
ربنا يديم عليك الفرح
وتشكر كتير

الاخت العزيزة شيماء

رمضان كريم

مرحب بك في المنبر على اعتبار اني واحدة من الناس القدام هنا ، لكن في نفس الوكت بعتبر نفسي عضوة قديمة مبتعدة و قارئة فقط
يعني نرحب ببعضنا الاتنين

بعيد من كلمات المجاملة المدفقة في ارجاء البورد هنا ، حقيقي البوست جذبني جدا لبساطة كلماته
عارفة ، في الاول كنت بقول البورد هو سودان مصغر ، لكن اكتشفت انه البورد ده عالم براهو ولا سودان مصغر ولا يحزنون
تجي تقري مواضيع السياسة ، تجيك حمى في مداخل الفهم عندك .. جلابة واستلاب ودواس وعنصري ومتعنصر.. وكلمات كدا حقيقي بتؤدي للشلل.قدر ما حاولت افتش على مرادفات ليها في الواقع نهائي ما لقيت
مما يثبت انه هنا لاسودان مصغر ولا حاجة وخاصة لو كنتي زي حالاتي كدا عايشة في الخرطوم
حتلقي نفسك بتقولي .. الناس في شنو والحسانية في شنو
( حسه يجيني عكاز طاير اطلع بيهو عنصرية بسبب كلمة الحسانية دي)

معظم المواضيع ، بتلقي روحك فيها مرات لافة صينية ،
عشان كدا يمكن بيكون الصمت افضل والقراءة من على البعد
وعلى وزن المثل
كيبوردك حصانك ان صنته صانك

دمتي عزيزتي وتسلمي لهذا البوست

العزيز امير

Quote: أول حاجة إن شاء الله تكوني برأتي ساحتي من حكاية المكفوفين ديك عشان خطي ما شين للدرجة ديك

الله يفرحك يا امير دنيا وآخرة والله ضحكت ضحك يعني انت ما هاميك الاتهام ذاتو هاماك شناة الخط
على اي حال ما مشكلة ادخل ليك كورس بتاع خط عربي

باقي مداخلتك والله ولا ساءلة في سلاسة كتابتي الانت ادعيتها، مداخلة بالجد دسمة* ولطيفة

توارد خواطر في اقتباس العوض لقيت نفسي اتفقت معاك في نفس الاقتباس من قبل ما اشوفه في مداخلتك#. العوض زول كتاب وكلامو دايما في المليان

* دسمة دي لزوم رمضان وكدة
# اوعى تجي تتسدى هنا وتقول لي شفيتيها منّي
بالمناسبة هو البوست الظريف بتاع الاعلانات داك مشى وين؟

الاخ العزيز رأفت ميلاد

Quote: يبدو إننا موعيدين بمنبرية حقيقية تعبنا من المنظمين البرشوهم فينا اليومين ديل

دة شنو يا زول بكرة اجي اكتب بوست يقولو طلعت القبة فاضية والتمن بدفعو ان... امسح امسح الكلام دة

Quote: طبعآ معاك للمرة الثانية وأتمنى التواصل

وانا اتشرف انا لاقية فطاحلة المنبر ديل وين!

عزيزتي maia

Quote: عارفة ، في الاول كنت بقول البورد هو سودان مصغر ، لكن اكتشفت انه البورد ده عالم براهو ولا سودان مصغر ولا يحزنون تجي تقري مواضيع السياسة ، تجيك حمى في مداخل الفهم عندك .. جلابة واستلاب ودواس وعنصري ومتعنصر.. وكلمات كدا حقيقي بتؤدي للشلل.قدر ما حاولت افتش على مرادفات ليها في الواقع نهائي ما لقيت مما يثبت انه هنا لاسودان مصغر ولا حاجة وخاصة لو كنتي زي حالاتي كدا عايشة في الخرطوم حتلقي نفسك بتقولي .. الناس في شنو والحسانية في شنو ( حسه يجيني عكاز طاير اطلع بيهو عنصرية بسبب كلمة الحسانية دي)

نظرة فريدة جديرة بالوقوف عندها وكلامك عجبني شديد . واهو شفتي معنى كدة انه آرائك لو ما راقت للبعض ممكن تروق لآخرين ما دام التنوع موجود اذن انتي ظالمة نفسك والقراء والباصوورد بالاكتفاء بالمتابعة وقلة الكتابة ولا شنو؟!!

Quote: ( حسه يجيني عكاز طاير اطلع بيهو عنصرية بسبب كلمة الحسانية دي)

واهو انتي عارفة من اين تأتي العكاكيز يعني ممكن تتجنبيها وكان كمان مقتنعة بي فكرتك قوليها وردي العكاز عكازين

شفتي يا غالية النصايح دي كيف عملت فيها انا السينير وانتي البرلومة

أنا زاااااتي كنتَ زيك كدا يا شوشو..
أول أيام لمن جيت..كنت بتتضارى وراء البوستات..خايفة يلموا فيني ناس يشاكلوني و لا يضاربوني و لا بالميت...يقابلوني.
لكن شوية شوية..مرقت من ورا الحيط..لقيت ناس البورد ديل ناس لذاذ و طيبين و حنينين.
إنتي بس حددي إنتي عاوزة تقري ل منو..و تتداخلي مع منو..
و..ح تلقي نفسك مستفيدة إستفادة قصوى من الحوش دا.
رمضانك كريم..
و خلاص..
أمرقي من وراء الحيطة..الدار أمان.

Quote: خلاص طيب ابقى على الجنس اللطيف وناسو اللطيفين ومسالمين ومواضيعهم الخفيفة

وهو ..

في..

احلى..

من الجنس اللطيف..


اللهم اني صائم..


محمد خليل

Quote: كلنا فيها وتصدق انا شايفة الاجتماعيات هنا اكتر من السودان يمكن من الفراغ وسهولة الظروف يعني كان واحدة عندنا وقعت ليهم حيطة في السودان الناس يجوها مليون مرة بي فطورهم وغداهم وعشاهم يندموها علي وقعة حيطتهم

يا ماكل كسار (جمع كسرة) الناس!
التاس جوك!
اها لسة بتحلفوا بى يبقى لى بخروج نهائى ولا خليتوها!
جنى

اختي الفاضلة شيماء
صباحك زين
ورمضان كريم عليكي وتصومي وتفطري على خير
على راي الاخ القال ليكي

Quote: انت قايلة الناس هنا كلها بتكتب ؟

اربطي حزامي وخشي الحلبة واكيد حتدلوي بدلوك في التقيل
واديكي فكرة تعالي نناقش قضايا المراة السودانية بعديا عن السياسة واللي بقت اصلا مملة
اهو محاولة نطلع منها بي حاجة
ولكي كل الود
الحلفاوية

أنا حالتي جيت قلت نشوف البت دي حصل عليها شنو

ما شاء الله عيني باردة. يا بت عوجة ما بتجيك.

وعاملة فيها دايرة وصاية وخايفة.

هم الدقسو ما انتي

وانا من زمااااان كايسة لي فردة غلييدة.

قلتي شنو؟

فتك بعافية يا حبوبة

شيماء
رمضان كريم وكل سنة وانت طيبة

أهلاً بيك أولاً وثانيأً مش ادوكي الباسوورد امسكي فيه قوي انت ما شايفة كم زول قاعد جنب البوابة

مستني بس بداية كلمة واااااااااا...........عشان يلحق يكتب أول بوست استفتاحي بثقة

معاكم فلان الفلاني ...هل من مرحب





بالمناسبة الكلمة واااااااافقنا...وحرف الألف الكتير ده بسبب فترة الانتظار قرب البوابة



.......

سلمى يا حبيبة

Quote: رمضان كريم وكل سنة وانت طيبة

وانتي طيبة وبنعم وفيرة

Quote: أهلاً بيك أولاً وثانيأً مش ادوكي الباسوورد امسكي فيه قوي انت ما شايفة كم زول قاعد جنب البوابة مستني بس بداية كلمة واااااااااا...........عشان يلحق يكتب أول بوست استفتاحي بثقة

لكن تصدقي دخول البورد ما زي الانتظار في بابه ولا انا خوافة شوية ما عارفة

تسلمي يا عزيزة على التشجيع

Quote: أنا حالتي جيت قلت نشوف البت دي حصل عليها شنو ما شاء الله عيني باردة. يا بت عوجة ما بتجيك. وعاملة فيها دايرة وصاية وخايفة. هم الدقسو ما انتي

فدوى يا عزيزة
الله يجبر بي خاطرك يا ستي
الناس دي بتجامل فيني ساي عشان لغاية هنا مافي شي يجيب العكاكيز لكن بعد البوست دة مافي شي مضمون

وتسلمي على المرور واعادة المرور

الحبيبة ميادة

Quote: صباحك زين

وصباحك ورد

Quote: ورمضان كريم عليكي وتصومي وتفطري على خير

وانت طيبة وبصحة وعافية

Quote: اربطي حزامي وخشي الحلبة واكيد حتدلوي بدلوك في التقيل واديكي فكرة تعالي نناقش قضايا المراة السودانية بعديا عن السياسة واللي بقت اصلا مملة اهو محاولة نطلع منها بي حاجة

حلو اتفقنا

Quote: الحلفاوية

انتي تبع نصفنا الآخر
شاكرة ومقدرة مرورك

جني
كل سنة وانت طيب

Quote: اها لسة بتحلفوا بى يبقى لى بخروج نهائى ولا خليتوها!

خروج نهائي بتاع الساعة كم
اي زول عندنا مشى نهائي احتفظ بي اقامته
وبنهاية الاجازة جاء راجع زي الترتيب
مِِِِِِِِِِِِِِشششششششششششششششششششكلة
الله يسهل القواسي بس

محمد خليل

Quote: وهو .. في.. احلى.. من الجنس اللطيف

..
مش كدة؟!!
انا برضو قلت كدة!

Quote: اللهم اني صائم

الله يقبل انشاء الله

Quote: أول أيام لمن جيت..كنت بتتضارى وراء البوستات..خايفة يلموا فيني ناس يشاكلوني و لا يضاربوني و لا بالميت...يقابلوني. لكن شوية شوية..مرقت من ورا الحيط..لقيت ناس البورد ديل ناس لذاذ و طيبين و حنينين.

ممكونة يا عزيزة
انتي تتضاري وراء البوستات؟
ياخ انتي كتّابة جدا
وكتابتك المفروض تكون واقفة بكل ثقة في واجهة البوستات
نصايحك مقدرة وشكرا كتير

يا شيمــا..
غايتو عليك جنس حرفنه يا برلومــه ..
يعلموك التلوين والاقتباس بعد شوية .. تقولي إلا يعملوا ليك مكتبة مش كدا ..؟

كدي انا قاعد في البورد دا اشوفك تقولي عايزه ليك مكتبة ..
ياخي اساسي دا دفع دم قلبو قبل كدا علشان بكري يعمل ليهو مكتبة .. دفع دم قلبو عديل كدا ..
لكن بيني وبينك .. بتستاهلي مكتبتين مش واحده
اللــون .. الصورة .. الخطوط .. الاقتباس
ده البوست بتاع الخطوط .. والاقتباسات والحاجات دي .. غايتو اتصرفي كان لقيتي الصور مافيشه لحدي ما افتش ليك باقي البوستات التانية ..

Quote: غايتو عليك جنس حرفنه يا برلومــه .. يعلموك التلوين والاقتباس بعد شوية .. تقولي إلا يعملوا ليك مكتبة مش كدا ..؟ كدي انا قاعد في البورد دا اشوفك تقولي عايزه ليك مكتبة ..

يا تمبس
ياخي افحمتني عديل بي ذوقك
انا قلت طنشني وما اشتغل بي الشغلة
وموضوع الالوان دة انت عارفو عند النسوان مهم كيف
وعشااااااااان ذوقك دة
اصلي ما حأقول عايزة مكتبة
وكان بكري عمل لي مكتبة لله كدة
حأبيعها
ودة دربي على الرابط دة وكان شفت ليك اي الوان تاني حايمة في بوستاتي بس خليك عارف السبب

تسلم وتشكر كتير

ٍShayma
سلام عليك اها كدى اقرى ده مشيت نبشته ليك من الارشيف

Quote: خوفه اولى: اسبوع كامل و انا احاول الكتابه لاعلن انضمامى لهذا البورد الغنى بالسودان.... فكرت فى موضوعات من كل شكل و من كل لون بس تكون جاده و هادفه و رصينه و... و.. و (خايفه من مثقفين البورد و خايفه موت من ناس العلوم الاجتماعيه) المهم أجلت الموضوع بتاع الكتابه ده لانى اكتشفت عدم أجادتى لاى لغه؟؟؟؟؟؟؟؟!!!!!!!!! خوفة تانيه: نفسى قالت لى يازوله ما تبدى بتعقيبات صغيره و زوغى لغاية ما تتعودى و امورك تسلك... برضه خفت من القصه دى.. شايفه فى عكاكيز جاهزه للمعقبين و المعقبات.. تانى زوقتا.. المهم قدر المخ الفضل لى ( يا ود جبرالله من الجراده) قررت ان تكون شيمتى اكتب البقدر عليهو و أكب الزوقه.. لقدر ما سعدت بهذا الزخم من الكتابات من مختلف الفصائل حتى الكوزيه منها (شفت ليكم زول بفرح لكتابة الكيزان؟!!!!) الزول ده انا...كلنا نحاول اقصاء الاخر لكن باساليب و أليات مختلفه و كمان تواقيت مختلفه ... و انا أفضل الديقراطيه كغربال (و ياحبذا الناعم منه) لاقصاء خصومى... لانو البتغربله الديمقراطيه لا مجال لعودته حتى و لو اعاد انتاج نفسه مره أخرى وأتحورب (ياخوانا/تنا دى من حرباء..أفتكر انا هيئتكم للغتى) فغرباله ح يكون راجيهو... المهم كيف نجعل من الديقراطيه غربالنا المشدود.... اعتقد ان هذا البورد تمرين جيد لنتعلم أحتمال شدة هذا الغربال ونتحرك بهدوء و نتوخى طولة البال و النفس الطويل بالموضوعيه وبهذا نقطع الطريق على من كل تحدثه نفسه بالقفز ليلا......تعالو نشيل الحوار الايجابى يا جماعة الخير و ليبق الطالح على ظهر هذا الغربال و لينزلق بهدؤ كل من يصلح أن يكون مكون لكيكه سودانيه صحيه . خوفه تالته: يا جماعه انا عندى تعقيبات على و تساؤلات عن بعض الموضوعات لكن البمرقنى من عكاكيز الايمان الناقص و التكفير شنو؟ يا ربى الجماعه الشايلين العكاكيز ديل لو حلفت ليهم انى مؤمنه(لاحظ/ى مؤمنه دى يعنى ما مسلمه بس) و ملتزمه بالعبادات اهىء اهىء اهىء ( ده بكاء بالمناسبه و من وهسه يا ود جبرالله اااااااى لسه بقرا ميكى انت مالك و مالى) اها بتحل منهم؟ افيدونا ايها المجربون (بضم الميم و كسر الراء) خوفه رابعه: الواحد كمان ما يكضب... ما كمان فى جماعه كده ممكن ما يعجبهم كلام الايمان ده و يمرقو لى عكاز التساقط و السقوط ...... لهؤلاء و اولئك لقد التزمت الزوقان كمبدأ و الخواف ربى عياله او هم ربوه فى حالتى.... الاخ ابوبكر: الواحد ما ممكن يعمل ليهو بورد للخوافين؟؟؟؟؟؟؟؟ لى و لكم الامل فى منبر تقارع فيه الحجه بالحجه و الكلمه و بالكلمه بعيدا عن جاهزية الاجابه و شخصنة المواضيع ....... و غربله معافاه من أجل الجميع سهام المجمر 22/6/2004

اها رايك شنو؟؟ ماياهو ده حال البورد مهما لكع الزمن

لازلت اتمنى غربله معافاه للجميع!!!!!!!

العزيزة سهام المجمر
مسائك خير وسلامات
الله يطمنك يا ستي طمنتيني يعني الاحساس العندي دة عادي مسك الناس القبليني وكان في النهاية وصلني لي زي كتاباتك جيد لي!

Quote: (خايفه من مثقفين البورد و خايفه موت من ناس العلوم الاجتماعيه)

والبيزيد الطين بلة نظرتهم للزول الجديد شايفة مرات في ناس جُداد يكتبو حاجات عادية يلاقو تحامل شديد ومرات ناس قُدام يكتبو كلام عجيب مافي زوووووووول يسألهم.. غايتو... الله يسهل

تسلمي يا عزيزة ومشكورة على (النبشة) القيمة

Quote: والبكر دة زي ما واحد من المتداخلين قال ليك هو ما عوير البيكونو عويرين امه وابوه وعذرا للآباء والامهات وانا واحدة منهم.

تحياتي أختي شيماء
رمضان كريم وتقبل الله طاعاتك .
الناس الفوق ( الظراف ) ديل قالوا ليك كلام حلو وجميل
أما أنا فـ ( جاييك ) زول شكل وخناقة ساااااكت ( يجو أخواتك يدافعوا عنك أو ناس العرضة أو حتى جمهور الهلال والمريخ مافارقة معاى )
السبب يا ستي إنو أنا ما برضى الحقارة
فقد خالفت قانون المصنفات البوردية والملكية الفكرية فالفقرة اعلاه هي حكمة جادت بها قريحة وعبقرية صديقتي اللدودة الست الفضلى ( بعلتنا ) .
فكيف تجعلينها ( مجهولة ) ؟؟
لو كان الكلام كلامي أنا كنت سامحتك لكن المدام ( شخصية ) تقولي عليها أحد المتداخلين ؟؟؟
أمانة ما إتلومتي

شيماء
قلمك ( كيبوردك ) ينبئ عنك
الردود السلسة الرشيقة تبشرنا بإنسانة عندها الكثير لتشارك به .

كل الإحترام

الاخ الظريف عاطف عمر
كل سنة وانت طيب وتصوم وتفطر على خير

Quote: فقد خالفت قانون المصنفات البوردية والملكية الفكرية فالفقرة اعلاه هي حكمة جادت بها قريحة وعبقرية صديقتي اللدودة الست الفضلى ( بعلتنا ) . فكيف تجعلينها ( مجهولة ) ؟؟

ياخي شديد اسفنا ليك وللفضلى بعلتكم القصة بس كسل ساي عشان ما امشي افتش بوست غادة واقرأ المداخلات كلها. لكن بيني وبينك كان كنت عارفاها بعلتكم الفتيش ما كتير عليك ولا عليها!

Quote: قلمك ( كيبوردك ) ينبئ عنك الردود السلسة الرشيقة تبشرنا بإنسانة عندها الكثير لتشارك به .

تصدق الكلام دة بدأ يخوفني بالجد خايفاكم تجوا بعدين تقولوا طلعت دعاية ساي لكن الشي المفرح الارشفة الجاية دي والبوست حيتقفل ويتنسي وبعد داك ممكن اطبز واكتب اي كلام

Quote: ( يجو أخواتك يدافعوا عنك أو ناس العرضة أو حتى جمهور الهلال والمريخ مافارقة معاى )

لكن جماهير الكورة ديل جيرانا وما بيرضو فينا أعمل حسابك عشان ما احرشهم عليك!!
تخريمتين:

تعال هنا بكري يديك انت وبعلتك باصووردين لييه؟ يعني انتو احسن من esam&amal في شنو؟
دة دربي على بوست غادة من باب الشمار وكدة عشان اعرف بعلتك هي منو!!

شيماء يا حبيبة..

ألف مرحبا وكل عام وانت بألف خير..

أنا شخصيا كل يوم بحيًرني أكتر منك ..



أرجع ليك بعدين..

مرحب تاني

Quote: وصراحة كدة ما شايفاها شغلة نسوان من زمان ما بدور النسوان البيفتن في السياسة وحتى كان قلنا نفتي فيها مرة مرة برضو ما بنقدر نفتي وناس (كمال عباس) و (عادل عبد العاطي) في المدينة... اقصد المنبر.

عاد ياشيماء خليتى لى شنو تانى
يعنى علوم النقة القريتها دى ابلها واشرب مويتها؟



* كمال عباس وعادل عبدالعاطى السياسة العاوزنها بنقرر فيها نحنا {النسوان} ديل معاهم النص بالنص، انا متأكدة من كلمى ده وبراهن عليهو، اسأليهم لو انا غلطانة

العزيزة رجاء

Quote: أنا شخصيا كل يوم بحيًرني أكتر منك

اكيد حيرة السناير اكثر خبرة من حيرة البرالمة


عشان كدة

Quote: أرجع ليك بعدين..

تعالي نورينا وما تطولي

تسلمي وشاكرة مرورك كتير!!

اشراقة ياعزيزة

Quote: عاد ياشيماء خليتى لى شنو تانى يعنى علوم النقة القريتها دى ابلها واشرب مويتها؟

عاد يا اشراقة كان كنت عارفة الموضوع دة بيمسك مثقال ذرة أصلي ما كنت كتبتو
أها سحبت كلامي خلاص ما تبليها ولا أي حاجة انتي ذااااتك صايمة

ومن الليلة كان بتقدري على ناس كمال عباس ديل انا ياني الرابطة كفاحي معاك!

شماء

ماعاوزة ليك كمسارى نجيض

شايف بوستك اتملى ركاب

تحياتى


ابو لدن

Quote: ماعاوزة ليك كمسارى نجيض شايف بوستك اتملى ركاب تحياتى ابو لدن

هوووووووووي يا ابو قوتة
انت جنسك شنو اوعى تكون رباطابي
قول ماشاء الله عليّ وعلى الركاب
وسلم لي على لدن

وخفة دمك دي حيرتني عديييييل !!!!!!!!

تيسير يا عسل
دة بس من ذوقك
وبعض قليل مما عندك
الله يجبر بي خاطرك

مرحب بيك يا شيماء

ما شاء الله عليك بداية موفقة

وبرضو ما شاء الله عليك باين انك كتابة

اها يا ستي اقترح عليك ان تكتبى عن حي العرضة

ولك مودتي

الاخ العزيز ابو الزفت (عزيز وابو الزفت اصلها ما جاية)

Quote: اها يا ستي اقترح عليك ان تكتبى عن حي العرضة

اقتراح موفق وعجبني بالجد
خلاص اتوقعوهو بعد الفاصل .. اقصد بعد الارشفة
تحية وشكر

Quote: تخريمتين: تعال هنا بكري يديك انت وبعلتك باصووردين لييه؟ يعني انتو احسن من esam&amal في شنو؟ دة دربي على بوست غادة من باب الشمار وكدة عشان اعرف بعلتك هي منو!!

لا حولاااااااااااااا
طلعتي ( فتانة ) بشكل
هو لو بكري ( غلط ) وأدى الست بعلتنا باسوورد أنا تاني حتشوفوني وين ؟؟؟
ناس منى خوجلي ورجاء العباسي ياما ( حرشوها ) عشان تطلب العضوية قالت كفاية عليها ( غلاط البيت أمشي كمان نتغالط على الهواء ) .
وعشان ما تتعبي أنا جبت ليك بوست غادة لحدي عندك .

Quote: غايتو الحمد لله أنا ما بكر ترتيبي الثالث في الأسرة وللرقم 3 قصص كثيرة في حياتي ، أرجو أن أتمكن من سرد بعضها . بعد أن أنجبنا كريمتنا هديل ، و( دفقنا ) فيها كل شحنات المحبة التي كانت بدواخلنا ، طلعت صديقتي اللدودة سعدية بنظرية جديدة قالت فيها " أنا إقتنعت إنو البكر ما عوير ، لكين العورا أمو وأبوهو " إزيك يا غادة

Re: البِكِر........ ما عوير!

تخريمة
ما تمشي يا شيماء تسوي الفطور لى وليداتك
إفطار السعودية الباقي ليهو يا دوبك 3 ساعات

عاطف.. يا ..عمر

Quote: قالت كفاية عليها ( غلاط البيت أمشي كمان نتغالط على الهواء )

هي كان جات واتغاطت معاك انت براك ما هين
تعرف انا زمان كان عندي قريب من الشعور دة بستغرب في الفيميلز الفي المنبر اقول مالهم الجابرهم شنو كل يوم يتشاكلو مع ستين الف راجل
لكن بعد كدة احسن اسكت ساكت

Quote: ما تمشي يا شيماء تسوي الفطور لى وليداتك إفطار السعودية الباقي ليهو يا دوبك 3 ساعات

ياعاطف
مداخلتك دي الساعة حداشر وربع
وفي السعودية واحدة وربع + التلاتة ساعات بتاعتك دي تبقى اربعة وربع

غايتو يا عاطف الله يقبل صيامك البتحللو اذان العصر دة

ألأخت شيماء

يا أخت الحبيب المصطفى...

دخلتى وما شاء الله اتوهطى فى القلوب.بسرعة..لأن بوستك مميز وكمان ممكن الواحد يقراهو بنهار رمضان وما يجرح الصيام..

الخوف صفة ما حميدة لما يبقى كتير ..وإنتى شكلك ما خوافة وبراك بتفدرى تخلصى حقك..

ناس أم درمان جميلين بالفطرة..إنتى فى العرضة وأنا مولود بالعباسية الجزء الجنوبى الغربى لميدان الربيع..

وهلاليتك ومريخيتك دى عشان ألأستادين جنبك..خلاص شحعى الفريق القومى..لكن حبك للهلال أكتر .مش كدة؟

هاشم خلف الله قال ليك .دارنا نحن قريبة ليك .عايز يجرك لى ناس الكلام الحلو مجموعة الشعر..وألأدب ناس سمية الحسن طلحة الملكة وأسماء الجنيدوتماضر الخنساء وهم كثر من جنسك..

عبرى ....فضفضى..ليس كل من له باس وورد أديبآ أو شاعرآ....هناك الكثير من الذين يثرون الحوار بالمداخلات الجميلة...

أنتى تمتلكين موهبة رائعة ..الذكاء ألأجتماعى..

مرحبآ بك معنا وإلى أن نلتقى لكى تحياتى..

إسماعيل محمد احمد عباس.........

الاخ العزيز اسماعيل عباس
تشكر يا جارنا في امدرمان على المداخلة المميزة
اصلو جيران ناس العرضة مميزين دايما
لقيت في مداخلتك عُصارة كل المداخلات
مليانة وجميلة
تسلم عليها وعلى التشجيع

إزيك تاني يا شَيْماء

والله حنيت على حالك ... هسي تقعدي من الفطور للسحور عشان تردي على الناس ديل!!
ما كان أرحم ليك تقعدي معانا في المدرجات تتفرجي ساكت؟!!

Quote: توارد خواطر في اقتباس العوض لقيت نفسي اتفقت معاك في نفس الاقتباس من قبل ما اشوفه في مداخلتك

دي مكنتك؟

Quote: انت يا تمبس بالمناسبة دي الالوان دي بيعملوها كيف؟

شيماء

رمضان كريم

بكري ده يدي الباسوورد لي زول ما بعرف التلوين كيف؟؟
بكري : بالله رجع الباسوورد ده!!

دي هرشة خفافية كده عشان رمضان وكده ما عايزين نتقل عليكي!!!

أهم حاجة في المنبر ده: انو مافي زول يكون طالبك حاجة!!!

محمد عبد المطلب حسن
يا شكّال يا شراني
امانة في ذمتك البورد دة كلو فيهو تلاتة بس كتّابين؟!! دي غايتو الا كان زي جنيه السودان الجديد الواحد بي ألف
لا وكمان شايفاك تشاكل وتلون في مداخلاتك
حزنان وواعي

تمبس غايتو ما قصر معاي في موضوع الالوان دة الله يديه العافية لكن كان عُزنا استشارتك في الموضوع دة كيف؟

Quote: دي هرشة خفافية كده عشان رمضان وكده ما عايزين نتقل عليكي!!!

تسلم يا سيدي على الهرشة الخفافية وفي انتظار الهرشة التقيلة

امير عمر

Quote: والله حنيت على حالك ... هسي تقعدي من الفطور للسحور عشان تردي على الناس ديل!! ما كان أرحم ليك تقعدي معانا في المدرجات تتفرجي ساكت؟!!

لا ما تحن علي الجديد شديد دي فرحة بالباصوورد ساكت
زمان لما كنا صغار (اقصد قريب دة لما كنا صغار) كنا مكملين احتفالات استاد المريخ أي مناسبة تتعمل فيهو بنمشي يعني خلاص كملنا قعاد المدرجات دي
حسي عاوزين نلعب شوية وانت ذااااتك بي سماحة اسلوبك دة مافي سبب بيقعدك في المدرجات أها رايك شنو نلعب في فريق واحد.

Quote: دي مكنتك؟

بس بيني وبينك المصحف جيب مصحفك وتعال

Quote: زمان لما كنا صغار

Quote: حسي عاوزين نلعب شوية وانت ذااااتك بي سماحة اسلوبك دة مافي سبب بيقعدك في المدرجات أها رايك شنو نلعب في فريق واحد

ما عندي أي مانع يا فردة ... (الكَدَارة) و(الشِنكْار) عليك
وما بنختلف في لون العربية

بعد ما طلعت تااااني جيت باقي لي نصيحتك بتاعة المدرجات حأفكر فيها

Quote: ما عندي أي مانع يا فردة ... (الكَدَارة) و(الشِنكْار) عليك وما بنختلف في لون العربية

اتفقنا من حسي





انتا يا امير الزولة/الزول الفي الصورة دي بيستعمل الـcolgate دة في شنو

Quote: انتا يا امير الزولة/الزول الفي الصورة دي بيستعمل الـcolgate دة في شنو

after shave

رمضان كريم شيماء وانشالله ربنا يحقق الامانى
ومرحب بيك الف مرة نورتى حبيبه

Quote: رمضان كريم شيماء وانشالله ربنا يحقق الامانى ومرحب بيك الف مرة نورتى حبيبه

الحبيبة ماجدة خوجلي
كل سنة وانتي طيبة وربنا يحقق امانيك
المنبر منور بي وجودكم يا غالية
وتسلمي على الترحيب

المريخابي طلحة

Quote: حصل لاقاك زول هلالابي ومريخابي في نفس الوقت؟ Quote: دي البطيخة

ههههههههههههه
حلللللللللللللللللللللوة

Quote: ياخ دا ما بنفع ... يا أبيض يا اسود .... سريع عايزين الرد قبل ما يتم تصنيف في قائمة الأعداء ..

ياخ بينفع ياخ بشجعهم الاتنين ديل جيراني وانا عارفاهم كويس
أها خلاص بدينا؟ عاوزين تمارسو معاي اسلوب الضغط في (الفريقين) البشجعهم


خلاص طيب كلام اخير بس عشان ما تزعل.. هلاريخابية

الاخت الراقية .. شيماء

رمضان كريم وكل سنو انت والزملاء الحلوين بعافية ..
كما تفضل الزملاء ورحبوا بك بشدة فانا ارحب بك بالكوم
وياريت تستمري في خطك الظريف دة .. اما نوع الكتابات
التي لاتعجب البعض فاتركيها لنا .. لانك مابتستحملي؟
وربنا يكون في عونك .. بهاء//

العزيز بهاء
كل سنة وانت طيب ورمضان كريم

Quote: كما تفضل الزملاء ورحبوا بك بشدة فانا ارحب بك بالكوم وياريت تستمري في خطك الظريف دة ..

أها وكان حبيت احيد شوية عن خطي الظريف دة ما بتسندوني
عاجزة عن شكرك على الكلام الطيب دة
تقديري

الرائعة جدا شيماء ..

ناس طلتهم دائما بتكون مسكونة بالروح الفيهم .. وانت ماشاء الله
روحك لذيذة بمعني الكلمة .. وطلتك قمر 14 .. وانا بعشق الحاجات
الخفيفة دي .. بس لو فكرتي تتكلمي عن طريقة كتابات البعض فانت
كدة دايرة صبر وطولة بال وفهم لكل نفسية .. وعضلات مااظن عندك ليها
مع رقتك دي .. فاختاري (الحب او اللاحب) زي ماقال نزار ..
وفي كل الحالات نحن معاكي ؟؟ لك الود الشديد

بهاء//

العزيز بهاء
صباحك خير

Quote: بس لو فكرتي تتكلمي عن طريقة كتابات البعض فانت كدة دايرة صبر وطولة بال وفهم لكل نفسية .. وعضلات مااظن عندك ليها مع رقتك دي .. فاختاري (الحب او اللاحب) زي ماقال نزار .. وفي كل الحالات نحن معاكي ؟؟

عارفاك ما بتقصر يابهاء خليك قريب بس
اما ان اكتب طريقة كتابات البعض دي ماااااا اظني ناوية عليها
الا غايتو كان تعليق في مداخلة على الماشي
عشان ما نزعل زول
كل التقدير

Quote: تشرفت بمداخلاتكم وجاياكم (بالتفصيل) هو انا الباندودث دافعة فيهو حاجة؟!!

سااااااااااااااامع يا طارق الأمين ؟؟؟؟

باندودث مش باندوينث !!!





















شوشو ... مراحب

يابتي ما كي عرفتي تجي من وين ولميتي خلق الله دييل ؟؟
بعدين التركيين والملوحة قالو طاعمة ومغزية وبشان كدة نحن الرطانة شطار ولبلب ( مع اني غريبة وفي عمري الطول دة لا اكلت تركيين ولا حضرت وليمة تركيين لكن اكيد في الجينات بعض من التركيين )...قولي العايزة تقوليه طالما ما بيجرح ولا بضر زولا ... افردي جناحاتك للدنيا دي وطيري فهي دنيتك ودنيا جيلك والجاييات والجايين وربنا ما يحيركم ( انتو بس خلو الحيرة لينا العجائز لانو نحن برانا طيناها ولخبطناها )...

الفاضل ابوبكر
كل سنة وانت طيب

Quote: مع اني غريبة وفي عمري الطول دة لا اكلت تركيين ولا حضرت وليمة تركيين

مادام كدة انا ساكت ضميري مأنبني فاكرة نفسي ظالمة ابو العيال معاي عشان ما بسويها ليه

Quote: ( انتو بس خلو الحيرة لينا العجائز لانو نحن برانا طيناها ولخبطناها )...

دي مجاملة ساكت وهو في افضل من خبراتكم المكتسبة البنلمسها كل يوم في كتاباتكم
تسلم على النصيحة
ولك تقديري

Quote: خلاص طيب ابقى على الجنس اللطيف وناسو اللطيفين ومسالمين ومواضيعهم الخفيفة ناس (غادة ورجاء واشراقة وسودانية ومنى خوجلي) وغيرهم كتير ... أها طيب لما نستثني الفوق دة كلو نتكلم معاهم في شنو؟ غايتو ما فضل الا الحنة والطبيخ وكان لي موضوع الجندر داك الله يرحمو قُتِل بحثا في المنبر دة

.


ازيك يا شوشو..
دايره اقول ليك حكاية الحنه والطبيخ دي حكايه لذيذه جدا ماتستهوني بيها..
بالذات الحنه..تقدي تتدلعي وتدي في الأوامر وانتي ماده ساقينك قدام..
ولو زول جه ماشي جنبك تنهريه لأنه ممكن يلخبطها..
ودي ميزانيه زوجك أبدا ما بيحتج عليها..
بس نسيتي السوق..ليه نسيتيه وده أهم حاجه..
تشتري منه التياب وخاصه التياب 'البيربطوها'..
وماتنسي الدهب..
يعني اصلك شوفتي ليك زوله قيافه متحننه ولابسه توب ربط ومالابسه دهب؟
سمح تكتمل الصوره كيف يعني؟؟
البوست ده ظريف خالص..والايام دي المنبر ماشي بالعافيه لسببن واحد فيهم رمضان والتاني بكري..
صيام وارشفه وترقب ووداع..
المهم خليه معاك عشان نرجع ليك..اصله موضوع الحنه والطبيخ موضوع مهم..ولازم يحصل فيه نقاش كتير..

كل سنه وانت وزوارك بألف خير ومرحب بك..

منى يا حبيبة
وينك انتي اسمك منور البوست وانتي غايبة
مداخلتك متعة بجد هي براها بوست لحالو

Quote: البوست ده ظريف خالص..والايام دي المنبر ماشي بالعافيه لسببن واحد فيهم رمضان والتاني بكري.. صيام وارشفه وترقب ووداع.. المهم خليه معاك عشان نرجع ليك..اصله موضوع الحنه والطبيخ موضوع مهم..ولازم يحصل فيه نقاش كتير

وانتي خليك على الوعد نجي نناقش موضوع التياب الربط والدهب والذي منه
والدهب دة بالذات بالله ركزي لي عليهو

Quote: كل سنه وانت وزوارك بألف خير ومرحب بك..

وانتي بالف خير وربنا يحقق امانيك

......


إنتو

شيماء

دي منو

العاملين ليها


حفلة هنا؟؟

....

الله يكون في عون

الجماعة التانين!!

....

أصلو مابفسر


....

غلامابي

Quote: إنتو شيماء دي منو العاملين ليها حفلة هنا؟؟

تقول شنو بس
عالم بتحب تبالغ

اخي غلامابي ..

شيماء هي بعض الرحيق ..
وربما هي البرتقالة نفسها ..
هي عطر في منبر فيه عطور كثيرة ولكنها تميزت ..
والتميز ماصنعة .. وربنا اداها روح حلوة .. الحمد لله ..
وبس //

.
سلامات أخت شيماء
رمضان كريم ، وكل سنة وانتي طيبة
*الأدباء الذكرتيهم : مختفين عن الساحة ..
*السياسيين وين هم ؟؟
في قلة صوتها عالي قاعدة طول اليوم تنظر و( تصنف ) في الناس
داك كوز .. وداك عروبي إسلامي .. وداك جلابي ... الخ
وبتعكس صورة ( قبيحة ) جدا للسودان الجديد البنحلم بيهو ..
*ناس الطرب والفن: منزويين
...
عشان كده يا شيماء ما تحتاري
واكتبي البيجي في خاطرك
واضح انو كتاباتك عندها ( نكهة ) مختلفة
فيها طيبة وروعة وأصالة السودانيين..

مرحب بيكي ألف ..
.

والله يا شيماء
أعملي حساب عاطف عمر ده وبعلتو كمان
زوله ظريفة وطيبونة كده
لكن بيناتنا معركة كانت حامية الوطيس


فصول مسرحية لم تكتمل

وبقينا نوع نسابة وكده يعني،،
بتي آية (إللي هي لسه ما إتولدت) خطبناها لمحمد الأمين ولدهم
ودي حكاية طويلة
ههههههه،،
المهم، معاك النسيبة النصيبة
لعاطف وسعدية

ودي
غادة

الغادة غادة

Quote: أعملي حساب عاطف عمر ده وبعلتو كمان زوله ظريفة وطيبونة كده لكن بيناتنا معركة كانت حامية الوطيس فصول مسرحية لم تكتمل وبقينا نوع نسابة وكده يعني،،

يعني نبارك ونقول الله يكمل المسرحية على خير؟
وبعدين ما عرفنا انتي حتناسبي طارق ولا عاطف
ولا بتلعبي على الحبلين على البت اللسة ما اتولدت

الاخ العزيز حاتم ابراهيم
تحية ورمضان كريم

Quote: فيها طيبة وروعة وأصالة السودانيين..

والله يا حاتم الله يطراك بالخير
طيبة السودانيين دي الواحد قرب ينساها
بقت زي عملة نادرة كدة

مداخلاتك بتلفت نظري في كتير من البوستات
دايما فيها حكمة وبعيدة عن المناكفات
فلك التقدير كله

شيماء
رمضان كريم
اسمعي يا تكتبي موضوع او رجعي لينا الباسورد بتاعنا
اصلوا في ناس كتيرين في ال Waiting List
وبعدين شنو شابكانا جندر وجنجويد
نحن ناقصين جندريات في المنبر دا
مش كفاية صديقاتي الجندريات جدا

1-الخمسينية سلمي الشيخ
2-اشراقة مصطفي
3-مني خوجلي
4-وصفية مساعد اوSafia Mohamed.

بعدين ما تنسي يا شوشو لو لقيتي لي اي بوست
تدخلي فيه حتي لو تكتبي UP.

تشربي شنو ؟
اه ولا الدنيا رمضان

اللهم نحن صائمون .

ودي

العزيز صلاح الامين

Quote: اسمعي يا تكتبي موضوع او رجعي لينا الباسورد بتاعنا اصلوا في ناس كتيرين في ال Waiting List وبعدين شنو شابكانا جندر وجنجويد نحن ناقصين جندريات في المنبر دا

بالراحة ياخي ومال كلمناكم فوق قلنا ليكم خوافين لي شنو
ما عشان الكلام الزي دة ذاتو

خلاص ..خلاص بكتب بس نزل الكلاشنكوف دة(وش خايف شديد)

Quote: بعدين ما تنسي يا شوشو لو لقيتي لي اي بوست تدخلي فيه حتي لو تكتبي UP.

بعد الهرشة دي اطمئن حأأبئب ليك بوستاتك لمن ازهجك منها

Quote: تشربي شنو ؟ اه ولا الدنيا رمضان اللهم نحن صائمون

.
امانة في ذمتك الساعة اتنين صباحا وصايم؟
عالم
بخيلة
بشكل!!

Quote: اصله موضوع الحنه والطبيخ موضوع مهم..ولازم يحصل فيه نقاش كتير..

منى خوجلى اذيك ويييين ما ظاهره فى حيشانى الايام دى سرايرى مهبهبه مالك غبيانه منها
و الله يا منى الموضوع ما داير نقاش بس ده داير دعم نفسى

شيماء يا خوافه ذى كده

شوفتى ذى ناس منى خوجلى ديل بسكوهم كيف

عارفه منى دى قاعده تنزل ليها وشوش كدى ما بعرفها بتجيبها كيف خليها تنورنا بالله
وتمبس بعد ما فتح لينا خشمنا انتظارا زاغ..لاحظتى ؟؟ انى لسه برلومه

Quote: عارفه منى دى قاعده تنزل ليها وشوش كدى ما بعرفها بتجيبها كيف خليها تنورنا بالله وتمبس بعد ما فتح لينا خشمنا انتظارا زاغ..لاحظتى ؟؟ انى لسه برلومه

سهام يا سينيرة لسة برلومة
انتي البوست النزل الرابط بتاعه تمبس شفتيه؟
لو ما شفتيه شوفيه في الصفحة الاولى
ويا زولة بعد نمسك اول الدرب بنعرف الباقي
وتاني نجي نعمل دروس خصوصية هنا بالقروش للبرالمة البيجوا بعدنا
والعايد ندي بكري منه عشرة في المية ونقسم الباقي
ايه رايك في المشروع دة

ويا منى تعالي ورينا حكاية الوشوش دي
والله المنبر دة فيه ازمة شديدة في الوشوش
معقول ستة وشوش بس لي كل التعبيرات الفي الدنيا؟!!!

Quote: وتمبس بعد ما فتح لينا خشمنا انتظارا زاغ..لاحظتى ؟؟

Quote: وتاني نجي نعمل دروس خصوصية هنا بالقروش للبرالمة البيجوا بعدنا والعايد ندي بكري منه عشرة في المية ونقسم الباقي ايه رايك في المشروع دة

.. ما زغته يا سهـام المجمــر .. الدنيا رمضان .. وفي شوية سخانة ..، وشيما قالت الشرح (بزنس).. والضحاكات في نهـار رمضان .. بتلطف الجــو
نشرح وتلطيف الجــو علي منــو..؟

.

يا شيماء نحن ح نبقى تومات و الا شنو

Quote: معقول ستة وشوش بس لي كل التعبيرات الفي الدنيا؟!!!

يا خ بكرى ده ما بيبالغ معاناالا emoctions ماليه الاثير و هو خاتى لينا اقل من العشره فى منهم عشره ما شغالين

يعنى ما نعبر نحن والا شنو؟؟؟؟؟

شيماء:

Quote: والله المنبر دة فيه ازمة شديدة في الوشوش معقول ستة وشوش بس لي كل التعبيرات الفي الدنيا؟!!!

سهام المجمر:

Quote: يا خ بكرى ده ما بيبالغ معاناالا emoctions ماليه الاثير و هو خاتى لينا اقل من العشره فى منهم عشره ما شغالين يعنى ما نعبر نحن والا شنو؟؟؟؟؟

أها يا سهام يمكن بكري بالصدفة يشوف الكلام دة
دة طبعا مع جهلي التام بالفنيات البتحدد امكانية ذلك

Quote: هي يا غادة الفورة مش زمان كانت مليون متين نقصتوها يا اعلاميي الانقاذ

هيييييييييه،، حتى إنت با بتروس


شيماء يا عسل
كيفك!

حبي
غادة

Quote: وبعدين ما عرفنا انتي حتناسبي طارق ولا عاطف ولا بتلعبي على الحبلين على البت اللسة ما اتولدت

والله صحي برلومه

الشكلة كانت على ريم الحلوة (ما شاء الله عليها)
-علشان ما تقول بسحر خطيبة ولدي يا طارق-

أها، ولو كان عندك لت صغيرونه كان خطبناها لشهاب كمان
أعملي حسابك لكن، أنا لما الليل يجي وأتقلب نسيبة
ببقى صعبة خلااااااااس

Quote: أعملي حسابك لكن، أنا لما الليل يجي وأتقلب نسيبة ببقى صعبة خلااااااااس

أيوه كدا
اظهري على حقيقتك
لكن برضو نحن لها
( ولدنا ) عارف حيواجه تكتيكات النسابة كيف

عارفة يا غادة ألذ تعريف للنسابة مر على هو أنهم
" أهل يفرضوا عليك على كبر "

كيفك يا شيماء

لسع محتارة ؟؟؟

Quote: عارفة يا غادة ألذ تعريف للنسابة مر على هو أنهم " أهل يفرضوا عليك على كبر "

عارف يا عاطف
معرفتي بالنسابة لم تتعدى خالتي آمنه وعمي هاشم
وهم في ايام القاهرة كنا نزورهم ونعود لوتيرة حياتنا السابقة
في زيارة السودان هذه، أول مره أتعامل مع (النسابة)
وهم حقيقة بيبقوا أهل،، عندهم عزومة، لمة، عندهم ولادة وهلمجرا
مرات كده كنت بحتار إنو أنا بزور وببيت مع أنا أول مرة ألاقيهم
وأتعرف عليهم في حياتي،،
لكن فعلا هم أهل بيجوك على كبر

ملحووووظة هاااااامة
ده مجرد سرد لتجارب فقط
وليس للشكوي من النسااااابة
ما تعملوا لينا مشاكل ساي


سلامات يا عاطف

أما شيماء،،
فالبوست محروس وستو .....

Quote: أما شيماء،، فالبوست محروس وستو .....

بتسوي في الفطور يا غادة وبعداك فطرت
جات لقتك انتي ونسيبك عاطف استلمتو البوست
لغاية الخيمة نصبتوها
واظني كان اتأخرت شوية كان جيت لقيت العقد فاتني
العقد بتاع البت اللسة ما اتولدت
لكن يا زولة ما مشكلة
انتو اعقدوا وجيتها ملحوقة!

الحالة واحدة يا غدّو اخدوا راحتكم
لكن عليك الله كل شوية ذكِّرينا انا والقراء موضوع البوست شنو
طيب؟!!

شيمون
خالص الشكر علي جميل الكلام
تصنيفك لي جميل تمنيت ان اكون بذلك الجمال

غازلي قلمك ودللي القلم

يكون الغزل بشوق القلم البركان بدواخلك الندية

تقول الراحلة المقيمة الحلوة الجميلة الصالحة صلحة

اضاء الله قبرها برحمة و مغفرة رمضان

سأشكــر دائــما قلمي يا نــون الآي والقســـم
حــلو القســمات يا صبوحــا

شفــاء الروح من ســـقم
يا وطنــي الشــامخ صـروحا
رقيــق حواشـــي الكلــم
يا مفُــتي شريعة القيــــم

حبيـــب النفــس يا صفيــا
أيا قلمــي
يا مغزولا بخيـــط النـــور

يا ضــوء القمـــر مجدولا
يا آسي الجرح ملتئــــم
يا مــن بالحــب مســقيا

يا منســوجا بهمس نسائم الصيف
تعانــق مــوجة الطيــق
تســافر غيــر مرئيــة
يا أغلى دواعــي النعــم
يا مــن بالعشـــق معنـــيا

يا خيط الفجـــر ممتــدا
يا عبــق الزهر والندَا
يا ســقيا اليقظة من حلــم
يا طعــم اللقيــا دون صــداَ
يا رجــع اللحــن منســجم
يا بـــدراً أضــاء أُمســـية

نســجت بنفســَك فصــولا
ليســقي مدادك حقـــولاً
تحيــل مقاصــدي قمـــم
وتجعــل قوافـــي مواســم
لتــرقى مواقفــي مراسم
بأسمى فضائــل الحكـــم


يا ســودانا إفريقـــيا
هجيـــن ُ لســاننا العربي
رياضــاً أندلسيـــة


شقيـــق الروح ياخليـــلا
يا مشــعل دربــي حقولا
يا ترتيـــلا
لشيـــخ يتلـــو قــــرآنا
يا إكليـــلا
يتــوج شــعري سلطانــاُ
قوافــي لعينــي إنســـــان
أنيــــق الحـــرف يا لســـاناً

يحاكـــي مجالـــس الجــــن
مخاطبـــة سليمــــــــــانا
لتأتـــي بعرش بلقيــــس
في لمــح البصـــر مطويـــا

ســأهديك بعض أناملــي ديــارا
وبعض منـــهايحكيــك
خفــايـا القلـــب أســــرارا
وبعض منــها تسبيــحاً
يمجــد في معاليــــك
يا راويةً حكــــايايا
سكونــك في حنــايايا
مرافـــئ نيـــلي شرقيــــة
يا سكــنى ملتقى النيليــن
يا شهــب سمائي يا ثــريا

كوني انتي

وبك تكون حقيقة الانسان

Quote: شيمون خالص الشكر علي جميل الكلام تصنيفك لي جميل تمنيت ان اكون بذلك الجمال

سودانية يا لطيفة
انتي بلا شك اكثر من ذلك
فقلمك وما تقدمينه هنا يدل عليك
فلك الشكر على المشاركة اللطيفة
وتسلمي يا عزيزتي

العزيزة أخت الرسول (ص) في الرضاعة

أسم مافي أحلي منو!!

بترحاب الأحباب نرحب بيكي شقيقتنا علي مساحة بكري الأسفيرية

وماشاء الله تاريخ التسجيل نجمه يوم 9/9/2007م

مجموع المشاركات حتي مداخلتي (162)مشاركة دي بداية موفقة جدا

وتاني حاجة ماتهبشي الملوحة القاله طارق دي عندها ريس بورداب الرياض

الخال (أبوجهينة) وزوجك الثقافة النوبية دي أقدم من الأهرامات لأنها بنوها

النوبة وحملوها العرب عشان كده وردي قال عربا حملناها ونوبة وتقديم العرب

هنا علي النوبة من باب التفضيل للكتاب المقدس (القرآن الكريم) .

وبعد نفرش لك الأرض مهاد والبورداب أوتاد وأنت السماء لنا أرسمي نجمك كيفما

تشائين وقتما تأذنيين ونحن أن شاء الله لك عون وأنني لأري فيكي خنساء بلادي ولا

تسريب عليك نفتح لك القلوب ونفرش العقول سمعا لك الشيماء.

،،،،أبوقصي،،،،

العزيزة شيماء

لك التحية

لست وحدك عزيزتى ... فانا رغم اننى سابق لك بسنين تعد طويلة فى عالم المنتديات ولكنى اخيرا احترت فى هذا المنبر وتصدقى كلما اغيب واجى القى نفسى زى الزول الجديد السجل يا دابك فى المنبر لانه المنبر كل فترة بغير جلدو ويغير لونه وما تعرفى الحاصل شنو ....

غايتو انا اخيرا ولانى شخص غير مصادم وما بحب المشاكل ولا ناس المشاكل لقيت احسن حاجة اكتب فى موضوع البيئة وحمايتها وتوعية الناس حماية البيئة ضمان مافى زول حايقيف لى فى حلقى فيها لانه الناس هنا بتتربص بالاخرين وما تفتكرى انك كتبتى عبارة يمكن ان تنسى او تصبح من الماضى ... ممكن واحد يجيك بعد فترة ويقول ليك انتى قبل كده مش كتبتى كده ؟؟؟ ليه هسع تكتبى كده .....

صدقت اخيتى فالمنبر امره عجب ومن حقك ان تحذرى جدا خشية ان يظهر من ينط ليك فى حلقك....

وكل سنة وانتى طيبة ويديك العافية واللقمة الدافية (بس وقت الفطور وما بعده وليس فى نهار رمضان) ...

مع مودتى ......

الشيماء !!!

مرحبتين حبابك ... اليوم السعيد الليلة جابك ...

معليش سامحيني عشان جيت بعد المعياد ولا الزمن غفلني زاد ؟؟؟

عموما يا ست الحبايب أنا صايمة زمن من الكتابة والكلام والأكل عسى ولعل !!!

لكن عنوان البوست الجميل بتاعك دة خلاني أدخل توش وأنسى الصيام بتاعي ,, موفقة إنشاء الله ويبدو

عليك إنسانة حريفة ... اليوم تأكدت أن المنبر مازال بخير ,, محبتي ...

الاعزاء
عمرو كمال
تشكر على الترحيب وطارق دة مالك عليهو؟!

بهاء عيسى
وجدت ردك على مداخلة احد الاعضاء عاجزة عن شكرك وعلى الكلام الجميل في حقي !!

مجدي عبد الرحيم
تصدق لاحظت للـ 162 مداخلة ديل بعد كلامك ، لكن انا ما طلعتا براية شديد تسلم كتير على الكلام المنق الجميل

قرشو
انت من 2002 ومحتار برضو كان كدة انا حالتي دي طبيعية جدا . اشكرك كتير على الكلام المشجع ونتابع معاك (حماية البيئة) وتسلم

الحبيبة عواطف فعلا مفتقدين وجودك وبوستاتك الرايعة في المنبر لعل صيامك عن الكتابة لي خير.
في انتظارك يا غالية وتسلمي على الكلام اللطيف.