صدّاح هاشم ميرغني يصدح في ليلة الوفاء لوالده .. صور وفيديو وتفاصيل

هي ليلة تُُنسي الوقار وتُسعد روح المعنى
.
.
.
.
غايتو أنا بنزل الصور والفيديو
وبكرة يجوكم ناس الكلام والتفاصيل
.
.
.
.
لأنو بصراحة لا حرفي ولا قلمي بقدرو يوصفو مثل هذا الجمال

هكذا كان مركز اصدقاء البيئة مكان ليلة الوفاء وهو في كامل نوره واشراقه

أسرة هاشم ميرغني وصور تذكارية مع أعضاء لجنة منتدى الحروف

ربنا يرحمه ويغفر ليه

الاستاذ هاشم ميرغنى الفنان الرائع

قام قبل سنين بزيارة لامريكا وكان يقعد مع الشباب الفنانيين

ناس مجدى وسعيد العاقب وميرغنى الزين واسامه الشيخ غيرهم

ويمسك عوده ويترنم ويصدح ويغنى ويطرب وطوالى الجيران يضربوا

للشرطه ويقولوا الناس دي عاملين إزعاج

وتاتى الشرطة وتوقفه

كان الله يرحمه يتمتع بصوت قوي جهور وعذب

Quote: ربنا يرحمه ويغفر ليه الاستاذ هاشم ميرغنى الفنان الرائع قام قبل سنين بزيارة لامريكا وكان يقعد مع الشباب الفنانيين ناس مجدى وسعيد العاقب وميرغنى الزين واسامه الشيخ غيرهم ويمسك عوده ويترنم ويصدح ويغنى ويطرب وطوالى الجيران يضربوا للشرطه ويقولوا الناس دي عاملين إزعاج وتاتى الشرطة وتوقفه كان الله يرحمه يتمتع بصوت قوي جهور وعذب

معتصم الجبلابي
لقد كانت ليلة بحجم حبنا لهاشم ميرغني

جاري الانتظار .........

صدّاح هاشم ميرغنى ـ المبدع المهذب الخلوق صاحب الحضور الجميل
فعلا هذا الشبل من ذاك الأسد

ماشاء الله ربنا يحفظ العائلة الكريمة
وتسلمو

Quote: ماشاء الله ربنا يحفظ العائلة الكريمة وتسلمو

تسلم يا استاذنا يا موصلي وليتك كنت معنا
فقد كانت ليلة من ليالي مليون ليلة وليلة

وضاقت الصالة بالحاضرين حضورا جميلا
فالشكر كل الشكر لمن حضر ليلة الوفاء

Quote: غايتو أنا بنزل الصور والفيديو وبكرة يجوكم ناس الكلام والتفاصيل

الاخ معتز القريش

ابداع يا ناس الدوحة
وتحية لناس منتدي الحروف كلهم

عندي اقتراح وهو:
واصل في الصور
وخلي الفيديو تحليه في النهاية كده.. ولا شنو؟؟

الصورة الاخيرة دي مثلا عرفت فيها د.طارق الشيخ سلامه

Quote: عندي اقتراح وهو: واصل في الصور وخلي الفيديو تحليه في النهاية كده.. ولا شنو؟؟

يا مكي والله كأنك قريت افكاري
تعرف الفيديو العندي دا
لو الناس دي ما بكت بدومعها
ما بنزلو ما بنزلو

أها يا أخوانا تصبحوا على خير
الباقي بتمو ليكم بكرة
.
.
.
.
أرقدوا عافية

"كنت خايف من فراقك/ لما يحصل ببقى كيف/ زي ورد في عز نداهُ/ خوفي بكرة يزورو صيف" !!!!

وزار صيف الدوحه القاسي الوردة التي أطلقت عبير تلك الكلمات المنغومة التي تهز الوجدان،
وغلفت سحائب الصيف المكفهرة قلوب أبناء وبنات الجالية السودانية في العاصمة القطرية الدوحة .. وخلال دقائق كانت صالة اصدقاء البيئه قد تحولت الى استاد الخرطوم لتقف وقفه اجلال وحداد
في ذكري الغائب الحاضر بيننا دوما الاستاذ هاشم مرغني ..





والشكر والتقدير لكل من ساهم وشارك في اسراء هذه الليله الجميله واخص بالشكر اللجنه المنظمه:
الاستاذ البدر الامير
والفنان المبدع دوما وابدا عادل التجاني
والاعلامي الاكثر من رائع الاستاذ لقمان همام
والموثقاتي الكبير صاحب اجمل عدسه الاستاذ معتز القريش
والاستاذه عواطف
ولكل بورداب الدوحه فردا فردا


وديل اهلي

أخي الحبيب محمد الطيب

لقد كان لكم دوراً بحضوركم ومشاركتكم وخدمتكم للجمهور باليد وتوزيع المشروبات .. إلخ .. فمجهودكم لم يقل عن مجهور أعضاء اللجنة بل فاقهم في أحيان عديدة .

عادل التجاني
الدوحة

الأحباء البورداب في كل مكان الأعضاء بهذا المنتدى الكبير
الإخوة والأخوات القراء

فعلاً كانت ليله ما أحلاها .

تدفقت فيها الكلمات من الأصدقاء والفنانين والأحباء
حضرتها اسرة المرحوم الأخت (فاتن وأنجالها) حضوراً جميلاً زين المكان .

وكان لفقرات الحفل الرائعة كبير الأثر في انجاحه

من قدم الحفل الاستاذ المرهف الكبير : لقمان همّام
شارك في الحفل من الفنانين : أ . ياسر مبيوع
تخلف عن الحفل دون إبداء عذر : الفنان يسري صلاح الدين (وقد كان صديقاً للمرحوم)
اعتذر عن حضور الحفل في تمام الساعة 11:30 ليلاً الفنان : حسن الشيخ (في آخر لخظة)

شارك في الحفل (صداح هاشم ميرغني) له مستقبل واعد وأتمنى له النجاح

شارك في الحفل بكلمات عبر الهاتف :
الاستاذ الفنان الكبير / أبو عركي البخيت
الاستاذ الفنان الكبير : يوسف الموصلي
الأستاذ الشاعر الكبير : مدني يوسف النخلي وألقى مرثية رائعة
الأستاذ / نادر الفضلي من أمريكا (من اصدقاء الفنان - وهم من سبقونا في عمل يوم للوفاء للفنان الكبير / هاشم ميرغني) رائع

كما وقف كل الجمهور (دقيقة حداداً : على الراحل الاستاذ الفنان الكبير : خليل اسماعيل) رحمه الله .

ولنا عودة

عادل التجاني
الدوحة

الاغنيه الذي صدح بها صداح هاشم ميرغني
وحقا هذا الشبل من ذاك الاسد


انتى مامشتاقة لي ولا ماعارفة العلي
يعنى مامشتاقة لي ولا ماعارفة العلي
لو خلاص خليتى ريدى يكفينى خاتمك فى اييدى
مازمان قبال اسيبك فراقى كان صعب عليك
شلت جرحى وفت منك همى بس كان كيف اجيك
جيت بى شوق الدنيا كلو داير احس بى شوقى فيك
بس لقيت اللهفة راحت حتى عينيكى ما عينيك
مازمان قبال افارقك قلتى لى اوعك تطول
قلبى دايما فى رجاك المحال غيرك يبدل
عشت بعدك كلى ذكرى امسى بى طيفك واقيل
الليله قلبك لونسانى غير عيونك وين اقبل
شلت فرحى وجيت اسالمك قايلك انتى تحسى بى
انتى ما انتى الزمان لامن قليبك بالفرح يحضن اييدى
انتى ما انتى الزمان اصلى مامصدق عينى
داير افوت ياغاليه منك ابكى واحضن فى الاسيه



ويامعتز القريش طلع الصور قبل ما نتصل علي ال999

في ذكـرى رحيل " هاشــم ميرغني "

وأنا أستمع لهذا التسجيل البديع , المصاحب لهذا البوست ,
بصوت الرائع هاشم ميرغنى .. يتأكد لي بما يدع مجالاً للشك ,
بأننا فى كون شجى , وساحر , وفنان , ومتسع إلى حدود بعيده
وأبعد من كل آفاق التصور !

هذا الصوت الشجى المترنم بيننا الآن , لهذا الغائب الحاضر , يثبت
الوجود الخفى , ويؤكد ضعف نظرية التلاشى !

هذه الإمكانات التى إحتفظت بهذا الصوت الجزل الرخيم , وبهذه النغمات
الشجيه, وهذا الشجن الخرافى .. لاشك بأنها قادره أيضاً على حفظ هذا الكائن
فى مكانٍ ما , فى زمن ما , وفى هيئةٍ ما !

ليله كانت ليله ! لتثبت أن هذا الكائن المبدع الجميل المدعو هاشم ميرغنى ,
لا يزال يترنم بيننا , ويشدو بعذب الأنغام وحلو الكلام, وهو لا يزال حياً بين ظهرانينا!

ألف شكر ليلة سمر الدوحه .. أغسطس 2007 م

يا معتز
سلامات
يا اخى وينو الفيديو والله فى واحد قاعد جمبى هنا موت وجنو هاشم ميرغنى الله يرحمو
ومن محاسن الصدف انه اسمه (هاشم) يا اريت لو نزلت اينا الفيديو ونستمع لصداح

أخي الشاعر الفنان
مأمون (أبو الطيب)

تحياتي

يا خوي دخل الخرف ولا شنو احتفالية هاشم ميرغني كانت ضمن فعاليات (منتدى الحروف - نسخة الدوحة) ومن أنشطة بورداب الدوحة .

وكانت شركة أوكسنيت هي الراعي لهذه الفعالية.

د . سيد التلب الرجل السوداني الشهم المدير العام للمستشفى الأمريكي الصيني العالمي بالدوحة كان أول من حفر اسمه على صدر هذا الحفل حيث قام الرجل بتحضير وجبة عشاء للسيدات وكمان (كفت النساء والرجال)
كما تفضل سعادته بالإعلان عن تدريب اسرة المرحو م ومجاناً في دورة ICDL .
كما أعلن عن تكفل المستشفى الأمريكي الصيني العالمي بالدوحة بالعلاج المجاني لكافة اسرة المرحوم وسيقوم المستشفى بعمل بطاقات باسماء أعضاء الاسرة

ونحن في انتظار قوائم ( أخوان البنات )

عادل التجاني
الدوحة

Quote: يا معتز سلامات يا اخى وينو الفيديو والله فى واحد قاعد جمبى هنا موت وجنو هاشم ميرغنى الله يرحمو ومن محاسن الصدف انه اسمه (هاشم) يا اريت لو نزلت اينا الفيديو ونستمع لصداح

يا عبد الغفار
فيديو بالساهل كدا ؟؟؟

صاحبك دا خليه يخلل جنبك
الفيديو دا في الآآآآآآخر

تحلية يعني

استاذ عادل التجاني

Quote: د . سيد التلب الرجل السوداني الشهم المدير العام للمستشفى الأمريكي الصيني العالمي بالدوحة كان أول من حفر اسمه على صدر هذا الحفل حيث قام الرجل بتحضير وجبة عشاء للسيدات وكمان (كفت النساء والرجال) كما تفضل سعادته بالإعلان عن تدريب اسرة المرحو م ومجاناً في دورة ICDL . كما أعلن عن تكفل المستشفى الأمريكي الصيني العالمي بالدوحة بالعلاج المجاني لكافة اسرة المرحوم وسيقوم المستشفى بعمل بطاقات باسماء أعضاء الاسرة

نشكر د. سيد التلب ونحييه مع العلم بان مثل هذه الافعال ليست بغريبه عليه فهو دائما
هميم و سباق بافعال الخير فله منا كل الود والتقدير


وديل اهلي

كتب الأستاذ عادل التيجاني:

Quote: تخلف عن الحفل دون إبداء عذر : الفنان يسري صلاح الدين (وقد كان صديقاً للمرحوم)

زماااااااااااااان قلنا شنو ؟!!

معليش يايسري؛؛ اصطياد في الماء العكر !!

اعضاء اللجنة
ود القريش الفنان
ابداع حقيقي في ليلة وفاء جميلة وربنا يديم المعروف
وين باقي الصور يااخوي نحنا ماجينا ولا شنو ...؟

استاذ/ لقمان
صباحك ابيض

Quote: كتب الأستاذ عادل التيجاني: Quote: تخلف عن الحفل دون إبداء عذر : الفنان يسري صلاح الدين (وقد كان صديقاً للمرحوم) زماااااااااااااان قلنا شنو ؟!! معليش يايسري؛؛ اصطياد في الماء العكر !!

يالقمان يسري ده اصلوا شناق عدددددددددددديل كده يعني العملية مافيها اصطياد ولا حاجة وزمان قالو ( الخله عادته ...... قلت سعادته )
تحياتي ابو مناع
هارون دياب

الاخ معتز

ابداً ما بتخلي عادتك بتنزل في الصور بالقطارة يا عمي نزل الصور والفيديو وخلي الناس تستمتع وتدعو للفنان المقيم الراحل هاشم ميرغني

فبطل حركاتك ونزل الصور وما في داعي تلعب باعصابنا

قدم الحفل الاستاذ المرهف الكبير : لقمان همّام

وكان أول المتحدثين صديق الراحل ـ الأستاذ جعفر عباس

Quote: الاخ معتز ابداً ما بتخلي عادتك بتنزل في الصور بالقطارة يا عمي نزل الصور والفيديو وخلي الناس تستمتع وتدعو للفنان المقيم الراحل هاشم ميرغني فبطل حركاتك ونزل الصور وما في داعي تلعب باعصابنا

يابو البنات ياخوي ماتحرق دمك ساي الراجل ده شغال بالتعليمات يعني لو عايز
تحتج ولا تشتكي انت عارف تمشي لمنو !!! ولا اوصف ليك احسن

يا عشاء البايتات

من خلا عادتة قلت سعادته

في حاجة مهمة جداً

كان المرحوم الأستاذ / هاشم ميرغني (هلالابي) على السكين وكان يحضر كافة فعاليات رابطة الهلال في الدوحة ويستقبل معهم زوار الهلال من السودان وممثليه .

والملاحظ (جدا) أن رابطة أبناء المريخ حضرت ليلة الوفاء وقدمت شهادة لاسرة المرحوم

وتخلفت رابطة أبناء الهلال ؟؟؟؟؟؟؟؟؟؟؟ بالرغم من إخطاري لهم عن طريق الأخ (محمد ميرغني)

عادل التجاني
الدوحة

Quote: رابطة أبناء المريخ حضرت ليلة الوفاء وقدمت شهادة لاسرة المرحوم

أثنى عليهم لقمان همّام ثم قال: الجماعة التانيين وينم؟ أحرجتونا ..... أنا هلالابي!!

الجميل الأستاذ هاشم ميرغني خلقا وأخلاقا

الجميل هاشم ميرغني فنا وابداعا

الجميل هاشم ميرغني وصلا وتواصلا

الجميل هاشم ميرغني حبا واعتزازا

الجميل هاشم هيرغني بساطة وتواضعا

الجميل هاشم ميرغني كرما وجودا

الجميل هاشم ميرغني الذي دخل التاريخ بكل صفاته الجميلة



لك الدعاء المستجاب ان شاء الله من محبيك الكثر والرحمة والمغفرة من رب العالمين.


أما أنت يا دكتور سيد التلب صاحب القلب الكبير أبقاكم الله ذخرا لبني وطنك الكبير.

أما أنتم يا أهل المنتدي ، يا مبدعون ، الشكر أجزله لكم وواصلوا في نسج حروف الابداع .


والجميع في انتظاركم.

مع تحياتي ومودتي للجميع

حسن طه

صورة كل من

(نجدي - شوقي - العطا) (كبار اللعيبه)

إلتقى جيل البطولات بجيل التضحيات

صورة كل من

(نجدي - شوقي - العطا) (كبار اللعيبه)

إلتقى جيل البطولات بجيل التضحيات

رجـــــــاء

كل من لا يرغب في نشر صوره أو صور اسرته
أرجو أن يتصل بي على عنواني في البروفايل
وساقوم فورا بسحب صوره مع كامل الاعتذار له

أكرر العنوان
تلفون : 009745337025
009744423975 - 009744441416
ايميل : [email protected]

رجـــــــاء

كل من لا يرغب في نشر صوره أو صور اسرته
أرجو أن يتصل بي على عنواني في البروفايل
وساقوم فورا بسحب صوره مع كامل الاعتذار له

أكرر العنوان
تلفون : 009745337025
009744423975 - 009744441416
ايميل : [email protected]

تابعونا وفالكم طيب

لسة عندنا الكثير المثير

والفيديو ـ ما تنسوا الفيديو

.
ازيك يا معتز
ياخي امبارح ( مصنقر ) قدام الكمبيوتر للثالثة صباحا عشان الفيديو
مشيت نمت وأنا مدبرس منك ..
واول حاجة عملتها الصباح فتحت البوست قلت أكيد حلقاهو ...
برضو احبطتني

اقتراح جديد عشان خاطر ( المتلهفين ) زي حالاتي :
تخلي الفيديو ( يتوسط ) مجموعة الصور الشكلها لسة حتستمر..

تحياتي .. وشكرا لكل من ساهم في ليلة الوفاء للكروان هاشم ميرغني رحمه الله ..
.

Quote: ازيك يا معتز ياخي امبارح ( مصنقر ) قدام الكمبيوتر للثالثة صباحا عشان الفيديو مشيت نمت وأنا مدبرس منك .. واول حاجة عملتها الصباح فتحت البوست قلت أكيد حلقاهو ... برضو احبطتني اقتراح جديد عشان خاطر ( المتلهفين ) زي حالاتي : تخلي الفيديو ( يتوسط ) مجموعة الصور الشكلها لسة حتستمر.. تحياتي .. وشكرا لكل من ساهم في ليلة الوفاء للكروان هاشم ميرغني رحمه الله .. .

بصراحة يا حاتم حننتني
وناس كتار غيرك اتصلوا منتظرين يسمعوا صداح
أها أنا قلت والله ما بخيب ظنكم
برقعكم بواحد اتنين كدا على الطاير

قصرت معاكم ؟؟؟

يلا انتظروا شوية خلونا نحمل الفيديو

جاييكم راجع ومعاي صور عجيبة
وفيديو تاني

Quote: جاييكم راجع ومعاي صور عجيبة وفيديو تاني

انت ماتجي جيب الصور بس

Quote: انت ماتجي جيب الصور بس

الصور ح تجي كيف بدوني
صدق القال كوبر ما جابت
غير المساجين والمجانين

عزيزي، معتز...
ولكل الحضور، الجميل...

سلام ومحبة....

ساق صوته البشوش، قوافل الإنس، لمرتع التذكر، من يصف النغم؟، إنه مدعي، ولو ولد بواد عبقر، لصوته رائحة الصفاء، وشجن أصيل، حلقت اغانيه كسحب في لوحة الوطن، امطرت بحلفا وجبيت، وسنكات، والدلنج، وجامعة الخرطوم، طرقت الابواب البسيطة، كمسيح، في يده برتقالة، وكتاب، وصدر حنون، ياله من فارس جميل، اختطف الصبايا، والكهول، والنساك، واسدل عليهم كهف الذات، كي يروا الحياة كما هي، وليست كما يتراءى... مالهذا الصوت، يحيل الضباب النفسي، لفرح، وغرور، وزهره، يتوغل صوته (العزيز، الحنون، الوفي)، لحنايا النساء، وسويداء الرجال، ثم يمد ربيعه، هناك، ويسقى حقولنا، ومملكتنا، وينصب الجميع، ملوكا، ... أهذه أغاني، أم ممالك، بحجم الكمال، وسعه الخيال..

يالها من صداقة، تخلقها هذه الأغاني، تجعلك تكبي امامها، وتعترف له بحبك المتقول، والشريد، تبكي، وتبكي وهو معك، تمد الاغاني يديها، وتمسح عنك غبار الظلم، ثم تبكي معك (أهي أم)، صوتها يشبه صوت أمي، وخصرها، كحبيبة، أهكذا الإغاني، تشكل ملامحها كما تريد، ويصير الخيال طائعا لها، كظل، لساق تلاعبت به رياح العشق...

لم... تمسح الاغاني، له، دموع العشاق، هل للعشق غاية، وهل له مطاف، وجوهر، يظل عصي، غامض، ثم تأتي الإغاني كي تثير طفولتنا الغائبة، جنوننا الجميل، ثم تزخرف ببساطة فطرية، الغرف والسرائر والستائر، تظهر بوجه كالاكسير، وبوجه كالتجلي، وبوجه كزمن يتدفق من كأس خمر، ...

زوجته، "فاتن"، كانت غارفة في حزن، نبيل، مع "أغاني"، صداح، كانت تبكي (لمن، وعلى من)، على هاشم الحي، أم على الفتى، وهو يقتفي اثر والده، وسيقوده قص الاثر، للمحبة، والجمال، والغناء..

هاشم، .... كم عصى الوصف..

عبد الغني كرم الله

.

Quote: أها أنا قلت والله ما بخيب ظنكم

ده برضو كان عشمنا فيك يا معتز يا فنان
شكرا كتيييييييييييير


بس الغنوة دي ليه كاتلنها كده
بقصد في ( الايقاع )
اصلا اتغنت كده .. ولا ده من التسجيل ؟
طبعا حأقعد أنظر ليك ..
صداح صوتو جميل ..ولكن شوية في الدخلات بتحس بيهو مرتبك
والتنظير التانية .. يتخيل لي لو كان جبتو لصداح ده كرسي وقعد جنب الاستاذ كان حيغني بارتياح وانسجام اكبر وكانت حتختفي الرهبة الحسيت انها كانت واضحة عليهو ..


وبعدين عندي سؤال متأخر شوية :
من هو الاستاذ عادل التيجاني ؟؟
بس ما تقول لي انو هو الزول الرهيب الأنا بفتش ليهو
كان عندو شريط كاسيت في منتصف التسعينات
بيغني لأبو اللمين
وغنى فيهو : فارقني البريدو ما بين يوم وليلة ؟؟

تحياتي معتز .. وشكرا مجددا . ويا ريت الفيديو كلو لو بقى قطعة واحدة...
شفت الطمع ده كيف
.

حاتم يا حبيب

Quote: ده برضو كان عشمنا فيك يا معتز يا فنان شكرا كتيييييييييييير

تسلم يا رائع وما شكرا على واجب

Quote: بس الغنوة دي ليه كاتلنها كده بقصد في ( الايقاع ) اصلا اتغنت كده .. ولا ده من التسجيل ؟ طبعا حأقعد أنظر ليك .. صداح صوتو جميل ..ولكن شوية في الدخلات بتحس بيهو مرتبك والتنظير التانية .. يتخيل لي لو كان جبتو لصداح ده كرسي وقعد جنب الاستاذ كان حيغني بارتياح وانسجام اكبر وكانت حتختفي الرهبة الحسيت انها كانت واضحة عليهو

ملاحظاتك في محلها
طبعا صداح أول مرة يغني قدام جمهور قدر دا
وبرضو البروفة معاهو كانت قصيرة والوقت ضيق
لكن بصراحة صداح صوت قادم بقوة
ويحتاج بعض التدريب ... أليس هو ابن الوز ؟؟

Quote: وبعدين عندي سؤال متأخر شوية : من هو الاستاذ عادل التيجاني ؟؟ بس ما تقول لي انو هو الزول الرهيب الأنا بفتش ليهو كان عندو شريط كاسيت في منتصف التسعينات بيغني لأبو اللمين وغنى فيهو : فارقني البريدو ما بين يوم وليلة ؟؟

عادل التيجاني الفنان الرائع واااحد (حقنا دا بس)

Quote: الصور ح تجي كيف بدوني صدق القال كوبر ما جابت غير المساجين والمجانين

يا ودالقريش كوبر اوله غرام واخره انتقام
وقع ليك ولا اعيدو ليك
ولا انادي ليك دينق يفهمك

وكعادته كان الرائع الدكتور ياسر مبيوع حاضرا ومشاركا
سلمت يا مبيوع في حلك وترحالك ـ وان شاء الله يوم شكرك ما يجي

ياودالقريش قلت لي الناقه بيكم ؟؟؟
وبعدين تعال النسعلك انت خليت بيع اللبن والحبنه يابتاع الدويم ولا لسه

رحم الله هاشم ميرغني الحبيب الرائع الشفاف فقد احببناه حبا لا حد له
اللهم ارحمه بقدر ما اسعدنا واتحفنا وزرع فينا من الجمال والروعه
وبصراحة ناس الدوحة حلوين ورائعين ومنسجمين ودايما مبادرين

ربنا يحفظكم ويديكم العافية جميعا وعيني باااااااااااااردة

محمود-ماليزيا

وقف الجميع دقيقة صمت حدادا على روح
الفنان (خليل اسماعيل)

رحمك الله يا هاشم ميرغني
يا استاذ يا رائع يا اخو نسيبي..؟؟؟
والله والله اقول ليكم ياناس قطر خلو ذكري هاشم ميرغني
وخلوا اسرته ...
نحنا تعذبنا بالغناء في الغربة ( غربة طالت ..) وتعذبنا بي ( الفرقة طالت والزمن ما ..)
يا صداح اوع تسمع كلام الناس البيقولوا ليك ابن الوز عوام ..اعمل لاجل ما كنت تهدف اليه في حياة والدك وحقق امانيك ..

الاخ معتز القريش ..شكرا علي التحليه ..!
ياناس قطر تحياتنا والله متابعينكم في الابداع
خاصة الصالة دي ..( انتوا حفلاتكم ونشاطاتكم كلها فيها ؟؟)
كل الصور والفيديو كليب المنقول من ال you tube بمعرفة الاخ معتز القريش ومنتدي الحروف ..ومداخلاتكم ..

ارقدوا عافية
مكي محمد الحسن - كندا

Quote: الاخ معتز القريش ..شكرا علي التحليه ..! ياناس قطر تحياتنا والله متابعينكم في الابداع خاصة الصالة دي ..( انتوا حفلاتكم ونشاطاتكم كلها فيها ؟؟) كل الصور والفيديو كليب المنقول من ال you tube بمعرفة الاخ معتز القريش ومنتدي الحروف ..ومداخلاتكم .. ارقدوا عافية مكي محمد الحسن - كندا

تشكر أخي مكي على الكلمات الطيبات في حقنا
ونتمنى أن نتوفق في الوفاء لكل مبدعينا
في جميع المجالات الفنية والثقافية والرياضية

شي رائع وبوست يستحق الوقوف والاشادة دمت أيها الرائع ( ود القريش )
والتحية للذين اثرو ساحة هذا البوست بالحضور لهذا الحفل
ولتكريم اسرة الرائع المبدع هاشم ميرغني لك التحية
بس ماشايف اخوانا ضحية وكيكي ياود القريش دايرين نشوف حضورهم
ولو مرور على البوست ،،،تشكر




ود الامير

ياسر الأمير كيفنك يا ملك
تشكر كتير على الاشادة
كي كي جاي ورا خالينو تحلية
إلا يا أخوي العمدة ضحية دا كله ما شفتو؟؟؟

ياهو دا كي كي

ارتحت كدا يا ياسر الأمير
أول مرة حد يسأل من كي كي اللعين

لسان حالهم يقول

وأنا عبد الضيف مادام نازلا
وما شيمة لي غيرها تشبه العبدا

تشكر ياود القريش والله أخواني ( ضحية وكيكي ) ما ساهلين فعلا ( عمد )


وصور بهية وحفل أبهى ،،،، دوما اتحفونا بالرائع ،،، لكم طولة العمر والصحة

التحية لصاحبك ود الامير ،،، وتحية خاصة لعادل التجاني



ود الامير