لا حارى ولا طارى !

المنبر العام دا حكايتو حكاية ... تمشى وتجى راجع تلقاه خرج دفعة ضباط وكمندنات كبار والغريبة فى المعاهد العسكرية الناس بتبدا بجندى للعساكر وملازم للضباط لكن هنا توووووووووووش بس عميد وانت ماشى على لواء وما تيسر ، ودا طبعا غير نعوت دا عميل لمايو ودا عميل للانقاذ وداك عميل للمهدية واخرون عملاء (فديراليون ) وناس تانية عملاء لمنو ولشنو ما مهم، بس المهم من طرف يربطو فيك التهمة ويشبكوك عويل وصراخ وناس تطقع بالحجار وناس تهتف وناس تبرق بالقتل والقصاص وناس تنزل فيك قصائد وفى شلة كدا تمرق علي المسكين - او المسكينة - لا حارى ولا طارى تجضم فيك النضال الما خمج احب النضال زاتو !!! وناس بتحلم بالعديلة وناس تهنى وناس تبارك !
وطبعا لانو العبد الله ابو العملاء بتاعين العاميل و(ابو الزفت زاتو ) عشان كدا بتبرع بوصفة كدا خاصة انو فى شايف شباب جداد وشداد جو خاشيين علينا فاقول اول تبادى لازم تعمل مسح كويس للمنبر وتشوف اكتر حتة بيشتمو فيها الحكومة وتوووووووووش تخت كراعك وتقيل فيها واى حكاية ولا قصة ولا خبر لجماعة مسلحة ولا مصلحة طوالى تقول صااااااااااااااااح واياك ثم اياك تشغل راسك خاصة لمن يكون فى وثائق ولا بيانات فيها تناقضات ومجوبكة وكل سطر ينسف الوارهو اوعاك تشوبر وتخش وتقول ( ليه وكانى مانى ولو ان واذا كان ) ..يعنى وحركات دكان ود البصير ديك حتقولو لى ليه بقول ليكم لانكم حتكونو وقتها مشروع عملاء وناس ملحسين قروش وما عندكم ضمير ولا ذمة وناس حاسدة وطابور خمسطاشر مس ( خامس ) ضد النضال والثورة والتحرير .
ويعنى بالعربى كدا اوعى يكون عندك راى اوعاااااااااااااااك من الراى الحر المقطوع من راسك وقناعاتك ..
ولو كنت مايوى ولا انقاذى احسن تقرض على قناعتك دى وتديها صنة وتقعد خفيف ... لانك حتكون فى مرمى نيران كل انواع الشتائم والملصقات ولو كنت بتجى مارى زماااااااااان ساى بالاتحاد الاشتراكى سااااااااااى حيخلوك صاحب وضعية فيهو مميزة كسر رقبة ولو ما بتعرف المؤتمر الوطنى دا وين حيخلوك نائب ابراهيم احمد عمر والغريبة انو الانقاذ البيشتموها دى كل الناس جارية وراها صوف عشان تلقى معاها فرقة يعنى ممكن بعد اسبوع بس كل الناس الشتموها ديل يلقو نفسهم نسابتها ومن اهل البيت البيكون بينهم مرات كلام بيسدو عليهو الباب ! ومايو دى خلوها سااااااااااى هسة نميرى قاعد فى ودنوباوى (بره ) وتلقاه حايم فى الحلة ويمشى دنقلا مافيهو زول سالو من الشعب - خليك من الاحزاب ومناضليها - .
البيحصل دا - باختصار - عيب يا جماعة البيحصل دا عار عليكم كلكم كفاية اكل ونهش فى الناس عشان بس مختلفين معاكم ولا يمكن قالو شى ما عجبكم ... وبامانة كدا فى ناس بتطبظ قضاياها براها بالمنهجية بتاعة التجريم ومسك الصراخات ساااااااااااى .. ..
كدى نمشى ونجى نشوف الترقية المرة دى على منو لانو الظاهر المسالة بقت ماشية طراوة لحقت حتى الناس الما اعضاء فى المنبر يعنى تكتب ليك مادة فى جريدة ولا تقول ليك مداخلة فى اذاعة يتهموك انك غواصة وعميل ... الله يستر على عوض بابكر وعبد الرحمن عبد الرسول غايتو

قايتو للامانه والتاريخ كلامك الكتبتو ده صحيح
والغريبه فى ناس هنا لو نكشانهم بس الا خليها مستوره ..

Quote: واياك ثم اياك تشغل راسك خاصة لمن يكون فى وثائق ولا بيانات فيها تناقضات ومجوبكة وكل سطر ينسف الوارهو اوعاك تشوبر وتخش وتقول ( ليه وكانى مانى ولو ان واذا كان ) ..يعنى وحركات دكان ود البصير ديك حتقولو لى ليه بقول ليكم لانكم حتكونو وقتها مشروع عملاء وناس ملحسين قروش وما عندكم ضمير ولا ذمة وناس حاسدة وطابور خمسطاشر مس ( خامس ) ضد النضال والثورة والتحرير . ويعنى بالعربى كدا اوعى يكون عندك راى اوعاااااااااااااااك من الراى الحر المقطوع من راسك وقناعاتك ..

عيب دى مابعرفوها

اديك اسامى الناس الخشو الفورم
تروتسكى
ودشاموق
هشام مدنى
تمبس
ست البنات
نهال
وتحت تحت
ملاسى
وحديثا جدا
خضر عطا المنان
وماسين فى السكه نمد..
قايتو ديل المتذكرهم من الترقيات الجديده
من شعبة المناضلين الوهم..

محمد حامد

Quote: تمشى وتجى راجع تلقاه خرج دفعة ضباط وكمندنات كبار والغريبة فى المعاهد العسكرية الناس بتبدا بجندى للعساكر وملازم للضباط لكن هنا توووووووووووش بس عميد وانت ماشى على لواء وما تيسر

انا غايتو النحدسهم من حسي.. مابرضى بي اقل من فريق....والله تنقص شريط واحد..... احرد لهم الشغلانة كلها

من المؤسف حقاً أن يصل الأمر بالدكتور الصديق عادل (سجيمان) والصديق الرقيق الذي لا نشك في وطنيته وإنسانيته أبدا معتز إلى تضييع وقت وباندودث ثمين في مناقشة هكذا (رجال) في هكذا (ترهات) ... ومتى
في الوقت الذي دنت فيه ساعة الحساب الشديد بأشد مما يتوقع الظالمون
أتمنى أن يشعر الأخوة هنا ، لا سيما د. سجيمان ومعتز تروتسكي بخطورة ما هم فيه .
ليس هنا موضع للجد
... ولا للهزل
انتهى
ومعذرة لدخول هذا البوست الخؤون

فتحى
انا اتجنب الدخول مع مع محمد فى نقاش الا ماندر..
ااتذكر بوست دكتور بله الذى فركشه هؤلاء المناضلين
الشى يافتحى دى اكبر عقيبة النظر للشخص بغض النظر للموضوع واظنك ادرى وتعانى من هذا
وان كان وضع محمد يختلف قليلا
لكن ليس كل ماييقوله خطا
وماذكره هنا هو عين الحقيقه
واعتقد ايضا انك مررت بنفس التصنيفات على هذا المنبر المناضل
انسيت ياصديق؟؟!!

لا يا صديقي تروتسكي
لا تقل (أنهم) غيبر موجود ون هنا
ولا تقل أن القارئ المتابع لا يميز بين صحيح القول وسقيمه
إن من شأن ما يكتبه المأجورر الخائن هنا أن يشيع جواً يختلط فيه الحق بالباطل
في وقت أشد ما نكون فيه لتمايزنا عنهم
وهو ينجح كما ترى مستغلاً ضعف إدارة أو إرادة أصحاب المنبر تجاهه
لا سيما بعد تأييد مثلك له
ألا هل بلغت

صديقى فتحى انت كنت فى سُبات؟؟
مايحدث هنا لايحتاج تاؤيل لو كان محمد ذكره لاى عرض لكنه حاصل حاصل
هذا جانب الحقيقه فيه
المشكله ما اداره يافتحى
المشكله اشياء كثر فى الاعضاء نفسهم
النيتو سوداء والذى لايفقه شيئا
والذى لايعرف شيئا لنضال (ومتسلبط)..
وووو الخ
يافتحى انت لاتحتاج ان اقول لك (ضايق عضة الدبيب)
راى فى محمد قلته ليس امس او قبلها منذ ان وطأت قدماه المنبر
لكن هناك حد ادنى للتعامل
وقع ليك
ارجو ان لانتناقش هنا
والموضوع زاتو مايستاهل
مرة اخرى ماذكره محمد
ومايحدث هنا لايحتاج تاؤيل لو كان محمد ذكره لاى عرض لكنه حاصل حاصل
هذا جانب الحقيقه فيه
وابقى اظهر..

من المؤسف حقاً أن يصل الأمر بالدكتور الصديق عادل (سجيمان) والصديق الرقيق الذي لا نشك في وطنيته وإنسانيته أبدا معتز إلى تضييع وقت وباندودث ثمين في مناقشة هكذا (رجال) في هكذا (ترهات) ...

البحيرى

ما دام الاسف يا حبة

مابرضى بي اقل من فريق....والله تنقص شريط واحد..... احرد لهم الشغلانة كلها

سجيمان

استعجل يا دكتور فرق التسكين والكشوفات شغالة ... الحق انشاء الله مستجد بصلعة ... موسم

إذن






ضع خط تحت الكلمة الشاذة

لا حولا ولا قوة الا بالله


دا ادبكم ورجالتكم مع الناس !

هسة لو عملتها انا كان فتحى اول زول جا جارى وقعد يلطم ... اصلو غير اللطمى وطق الحنك و(فنجرية البق ) ما شفنا ليكم عملا زين ... كافى البلا لا فكرة ولا اسلوب ولا جسارة تجبرك على احترام زول .... وبرضو مافى قشة مرة على عثمان الخاتيهو فى الصورة دا عينكم حتطلع على مصافحة معاهو واتفاق انشاء الله (نص ورقة ) تمشو بيهو الخزنة بتاعة يوم الصرف بعد 9/7 لكن صدقنى كان دى طريقتك وطريقتك ناس ... خمو وصرو ....
بالمناسبة سمعت انك شاعر ..... الله يرحم الشعر والشعراء ... طبعا النضال دا خلاص زمااااااااااان اتلحس وبقى جر ذيول فى المنابر

دا شنو يا سيادة العميد !!!!!!!!!!!!!

Quote: وناس بتحلم بالعديلة

إنتا قاصدني أنا ولا شنو
أها ياخي أنا زول في حالي .. إنتو بتحلمو بي سياسة ونضال وحاجات كبيرة علي !!!
ياخي أنا حليمي الصغير دا بتاع العرس مستكتروا علي !!!
ما زمان ناضلنا ولقيناها ما نافعة وخليناها ... عشان في ناس كرهونا ليها ..
أها النضال خليتو .. داير أعرس وأحلم بالعديلة .. غلطان ياشيخنا !!!!

خلاس أها العرس خليتو تب .. كدة أنا كويس ..
بلا أها إنتو خلو السياسة والنضال بتاعكم دا

تابوت و أيّ تابوت

جئتُ أقـرأ سورة الفاتحة على روح قـلمك

Quote: ضباط وكمندنات كبار [/ طيب ياسيد انت ملهم مؤلف الكمندانيه والضباطQUOTE

---

Post: #16 Title: Re: لا حارى ولا طارى ! Author: Osman M Salih Date: 06-25-2005, 01:57 PM Parent: #1 هي لأقلام لم تكبح غـلـواءَ شرها نواميسُ أديان أرواحٌ تصحّرت تربة الخير فـيها وطمرت جروفها كـتمة هـبـّوت و حوّلتها المتاهة الجرداء لكواسر تمدّدتْ على فـراش الموت زمناً طويلاً ثم لفـظتْ أنفاسها الأخيرة أمس توابيتُ أسماء ليس بيني وبينها قاسمٌ ولا تضم أصحابها وصويحباتها قائمة معارفي توابيت لا تجد من يثكلها وينوح عليها ولامشيّعين أراها تتحلـّل في حرارة هذا الصيف اللاهـب منبوذةً وليس من يتبرّع بإيداعها رحمة رطوبة المثوى الأخير أراد النائمون في رحاب التوابيت ـ يسوقهم إلى حتـفهم كيد وخبث ـ دفعي لحافة الجنون والإنتحار فإنتحروا جميعاً وهم يصارعون إرادة كلمة طاهـرة وصبورة على المكاره لم تنحدر يوماً طلباً لـنصر عاجل و رخيص لو لم أكن واثقاً من النصر لما صارعـتُ بيد أن الأمر لم يكن سهلاً غامت رؤيتي في هـفـوات هنا وهناك وأنا أجوس قـرابة العام في بيداء لغة ملعونة رعـديدةوشمطاء ـ هـفـوات غـفـرها لي أناس طيبو القـلـب حقا منحوني من المودة والإحترام ما جعل السكة أمامي مضيئة، أسماءٌ مباركة من كل ألوان طيف بلادي ناصرتني أنا الذي لا أنتمي لعُصبة ولن تكون أحداث الأشهر الأخيرة تكأةً للتراجع عن عزلة إخترتها طوعاً بحثاً عن أمان رخيص في حمى هذا الفـريق أو ذاك توابيت وأيّ توابيتْ! عثمان محمد صالح

---

Post: #18 Title: Re: لا حارى ولا طارى ! Author: فتحي البحيري Date: 06-26-2005, 07:37 AM Parent: #16

---

Post: #19 Title: Re: لا حارى ولا طارى ! Author: فتحي البحيري Date: 06-26-2005, 01:56 PM Parent: #18

---

Post: #20 Title: Re: لا حارى ولا طارى ! Author: waleedi399 Date: 06-27-2005, 01:36 PM Parent: #1 Quote: البيحصل دا - باختصار - عيب يا جماعة البيحصل دا عار عليكم كلكم كفاية اكل ونهش فى الناس عشان بس مختلفين معاكم ولا يمكن قالو شى ما عجبكم ... وبامانة كدا فى ناس بتطبظ قضاياها براها بالمنهجية بتاعة التجريم ومسك الصراخات ساااااااااااى .. ..