Post: #1
Title: بصراحة وبدون زعل !
Author: محمد حامد جمعه
Date: 06-04-2005, 01:23 AM
يا جماعة وبصراحة وبصراحة وبدون زعل ... عاوزكم تركزو معاى وتختو الرحمن فى قلبكم - طبعا الكلام دا للناس الشمامين شخصنا (الما كريم فى نظرهم ) وقدر ما ما نخش حتة نلقى لينا (فردة باك ) لاعب معانا man to man ... المهم ... مناسبة كلامى الجاى قدام دا قصة بوست صور من الخرطوم الجديدة صور من الخرطوم الجديدة بتاعتو كانت بسيطة انو نعرض الخرطوم للناس الطولت منها يعنى لا قاصدين نكاوى ولا عاوزين نجيب سكتة وذبحة مغصة لزول لكن فى جماعة طوالى خشت فينا شمال وشبكونا ليك كيت وتيت وسيت وفعلتك وتركتك ويا العميل الامنجى ويا مكوجى النظام ومعنى كلامهم كدا المعنى انت بتغيظنا وعاوز تقشر ...
يا جماعة هووووووووووووووووى بطلو الهلوسة الانتو فيها ... عارفين البلد دى فاتت تفكيركم دا زمان .... زماااااااااااااااااان والعارفو تمام وكويس ان (النظام ) دا ما شغال بيكم ... كلكم ... وقبال النظام الشعب زاتو بقى مجليكم وكان ما عارفين اعرفو ... اى الانقاذ دى اشتغلت وغلطت وعصرت الناس وظلمتهم مرات وفيها الانقياء الصالحين ولكن برضو فيها الناس الكعبة ... زيها زيكم ... وااااااااااااحد ... لكن الانقاذ دى احسن من غيرها فى شنو تعالو نوريكم ... اشتغلت ... واسست بنية للبلد كانت مافيشة زمان ... ولو حرسناكم حتقدونا بس (ارى واعتقد ) وتنظيرات وجدل ومقاتل جانبية وعراكات شخصية ... هسة فى المنبر مرات تلقى شكلة ليها ضل بين ناس رفقاء نضال - والاسم سمالم - يعنى تلقى الشيوعى شابك فى بتاع الحركة الشعبية وبتاع الاصلاح والتجديد شايل حال ناس الصادق المهدى وغايتو حيرتونا ... اها وكمان نديكم مثال فى المنبر دا الكيزان الصحى صحى ولا السميتوهم كيزان لمجرد انهم قالو قول ما لفق معاكم طوالى ترشوه بالكوزنة ... والله حقو الواحد يديكم وسام الجدارة فى التجنيد للانقاذ دى .... اها الانقاذيين ديل كان ناسها ولا ما ناسها لا بيشتمو لا عندهم لفظ جارح يعنى مؤدبين وبيحترمو المكان والاعضاء والزوار !
وعارفين بالمناسبة الناس شايفة الانقاذ دا بكل عوجها وشينها مقبولة عندهم ليه ... لانهم هنا وعارفين الحاصل شنو ... يعنى هم بعيونهم شايفين البشير وعارفنو ياهو (ود كوبر ) اللسه بيت اسرتو فى الحلة لا خت فيهو طابق تانى ولا عمل ليهو حراسة واخوانو قراو بعرقهم وواحد فيهم استشهد فى الجنوب وكان مصحح بصحيفة فى الخرطوم وبيجى ويرجع كوبر وهو اخو الرئيس بالعجلة ... وزيو الشهيد ابراهيم شمس الدين الكان ساكن الدخينات وسكن لغاية ما استشهد فى الجريف وامشو شوفو حلتو ومحل سكنو وبيتو هسة وابراهيم شمس الدين اخوهو الصغير ( منصور ) لمن اصيب فى شرق السودان ما شالو بطيارة ودوهو الاردن ولا مشو بيهو بلد بره عالجو فى الخرطوم لغاية ما ربنا كتب عليهو الوفاة والشهادة متاثرا بجراحه ... ولا نحكى ليكم عن الزبير محمد صالح ... دا بوست منفصل ... وكتير الناس البره ما عارفاه ويمكن عارفاه واكتر مننا لكن برضو تصر انها تلاوى ... اها شفتو الشعب دا ناقش اى حاجة وعارف اى شى ... الاكل والضرب كان فى الحكومة ولا المعارضة عارفنو ... كان بحقيقة ولا ونسة ولكن الاكيد انو فى ناس فى المعارضة مرقو من البلد دى مبعوثين من ناس الجبهة عشان يدرسوا ويحضرو بره .. وفى ناس باسم النضال والفرار من الحكومة الفاشية دى سفرو عيالهم بره وادوا اسرهم حقوق الاقامة فى امريكا وكندا وبلدان كتيرة ... والواحد منهم يخلى عيالو فى واشنطن واتوا ويجى هو مرطب فى فندق ماريوت القاهرة ولا شارع الحرية فى اسمرا وعاوز الناس تعمل ليهو انتفاضة محمية ومطلية... والعكس ناس الحكومة كلهم قاعدين جوه البلد والاربعة وعشرين ساعة هنا وهناك ولو حصلت كفوة عادى ممكن ينزلو ويلبسو ويمشو ويرمو قدام ... وشوفو كم كبير فى الجبهة الاسلامية دى استشهد فى الصفوف مع الناس وجيبو لى معارض واحد عفص ليهو شوكة فى نص مناضلينو ! ... مافى ولا زول ... وعاوزين تقدمو النصيحة وانتو ما بتقبلو نصيحة بعض ... يعنى لو زول محسوب عليكم قال ليكم دا غلط خلاص قيامتو تقوم واضبط واربط .. وتعملوها حكاية ... ويا ريت لو كان النقد بيقوم على منهجية فيها احترام لتاريخ زول .. لا بس كلو شتيمة ومهاترة ... ليه كدا ... وين روح الديمقراطية يا ديمقراطيين ووين سماحتها ... طبعا بالطريقة دى لمن تبقو حكام الضحك شرط الديمقراطية وحتخلو الناس تبكى على ايام الانقاذ دى ...
وجاييكم ...... ابقو رقاق
|
Post: #2
Title: Re: بصراحة وبدون زعل !
Author: مريم بنت الحسين
Date: 06-04-2005, 02:11 AM
Parent: #1
الاخ محمد حامد جمعه.. شايفه الكلام البتقال .. وسامعه كلام عن انك من النظام الحالي... انا بفتكر انه ده ما بضيف ليك ولا بنقّص منّك شي.. في النهاية انت بتطرح أفكار.. اختلافاتنا مع النظام غير محدوده... لكن معاداتك بهذه الطريقة مثل ان تعادي مريم لأنها جمهورية.. أو فلان عشان جبهة ديموقراطية.. وده عندنا في السودان مافي... البشير كان مات ليهو زول، ناس المعارضة بعزّوهو... ادعو الاخوة والاخوات إلى محاربة (فكرك) لا شخصك... ولا أعني بالمحاربة ان تكون سافره.. اعنيها حواراً فكرياً.. من حقك الاختيار كما من حقنا ان نختار... بس نتحمل مسؤولية الاختيارات كلها...
أي حزب طارح نفسه على الساحه سواء حكومة أو معارضه.. كلهم أخدوا فرصهم.. والحال هو الحال... فترنا منكم كلكم والله.. داير النصيحه ولا الجنبها؟!
بنت الحسين
|
Post: #3
Title: Re: بصراحة وبدون زعل !
Author: محمد حامد جمعه
Date: 06-04-2005, 02:19 AM
Parent: #2
أي حزب طارح نفسه على الساحه سواء حكومة أو معارضه.. كلهم أخدوا فرصهم.. والحال هو الحال... فترنا منكم كلكم والله.. داير النصيحه ولا الجنبها؟!
وقلتى النصيحة بارك الله فيك
|
Post: #4
Title: Re: بصراحة وبدون زعل !
Author: نادية عثمان
Date: 06-04-2005, 02:52 AM
Parent: #3
الاكرم محمد حامد جمعة
والله بغض النظر عن اى رأى سلبى بيتقال عنك الشهادة لله انا يوم ماسمعتك او بالصح قريتك تشتم ولاتهاتر ولاتسفه ولاتسخر من زول فى المنبر ده ..
ودائما تقارع الحجة بالحجة وتلتزم اطار الموضوعية فى تناولك ولاتشتط ولاتحتد حد التطرف!!
يوم القيامة لو ربنا سألنى عن رأى فى كتاباتك فى البورد ده بقول كده اقايتو والله اعلم بالقلوب المهم ده الظاهر لى هنا !!
اقول ليك حاجة ؟
صاح مافى زول طلب شهادتى دى هسة لكن حلمت انو فى انقلاب ديمقراطى حصل فى البورد وجوة ناس المنبر قالوا يحاكموك ويقطعوا رأسك ياجمعة فقمت انا قلت رأى ده قاموا ناس المنبر عفو عنك انت وقطعوا رأسى انا !!!
| Quote: وجاييكم ...... ابقو رقاق |
الهناى ده يعنى شنو ؟!!
|
Post: #5
Title: Re: بصراحة وبدون زعل !
Author: Kostawi
Date: 06-04-2005, 03:08 AM
Parent: #4
| Quote: الانقاذ دى احسن من غيرها فى شنو تعالو نوريكم ... اشتغلت ... واسست بنية للبلد كانت مافيشة زمان |
ياتو بلد يا الحبيب?
الخرطوم?
ياخ أمشي و شتت و إنتظر الراجيك....
نحن ما عندنا معاك حجة...و لا نقاش....
أكتب كلامك ده في ال smc
و أرفع بوغك فوق
|
Post: #6
Title: Re: بصراحة وبدون زعل !
Author: المسافر
Date: 06-04-2005, 03:09 AM
Parent: #4
| Quote: وعارفين بالمناسبة الناس شايفة الانقاذ دا بكل عوجها وشينها مقبولة عندهم ليه |
عشان هدية من الله
والله بدي الجنة
|
Post: #7
Title: Re: بصراحة وبدون زعل !
Author: المسافر
Date: 06-04-2005, 03:26 AM
Parent: #6
|
Post: #8
Title: Re: بصراحة وبدون زعل !
Author: المسافر
Date: 06-04-2005, 03:32 AM
Parent: #7
|
Post: #13
Title: Re: بصراحة وبدون زعل !
Author: محى الدين ابكر سليمان
Date: 06-04-2005, 07:40 AM
Parent: #7
شايف العالمة بس, وين صبيها...النائب؟؟؟
|
Post: #9
Title: Re: بصراحة وبدون زعل !
Author: A.Razek Althalib
Date: 06-04-2005, 03:37 AM
Parent: #6
محمد حامد جمعة...
أنت بتقصد...
الفرق بين...
النضال..
والضلال...
صدق القال...
السبب في بقاء الأنقاذ...
طوال هذه السنين...
هو...
شناة عمل معارضينها...
الوضيع...
|
Post: #10
Title: Re: بصراحة وبدون زعل !
Author: Kostawi
Date: 06-04-2005, 03:59 AM
Parent: #9
البغلة في الإبريق
و الشلاضيم مبارياك يا صاحب الكرفتات
put you pic and look at it
|
Post: #11
Title: Re: بصراحة وبدون زعل !
Author: Kostawi
Date: 06-04-2005, 04:03 AM
Parent: #10
الأمنجي طلع راسو
كعب المدفوس
و الريح النتن
|
Post: #12
Title: Re: بصراحة وبدون زعل !
Author: هشام مدنى
Date: 06-04-2005, 04:21 AM
Parent: #1
سلامات الاخ محمد
| Quote: يا جماعة هووووووووووووووووى بطلو الهلوسة الانتو فيها |
كيف وياتو هلوسة تتحدث عنها؟؟
| Quote: عارفين البلد دى فاتت تفكيركم دا زمان .... زماااااااااااااااااان |
وجهة نظر قد يكون صحيح او لا
فى كل الاحوال انت تود ان تطرح راى ولا تريد الراى الاخر كلامك يعنى ذلك
اراك دائما مهذب جدا فى ردودك وهذا يحمد لك.
الا انك تمهد الطريق للاخرين فى الانحراف عن موضوع اى من بوستاتك.
|
Post: #14
Title: Re: بصراحة وبدون زعل !
Author: Esameldin Abdelrahman
Date: 06-04-2005, 08:15 AM
Parent: #12
| Quote: يعنى هم بعيونهم شايفين البشير وعارفنو ياهو (ود كوبر ) اللسه بيت اسرتو فى الحلة لا خت فيهو طابق تانى ولا عمل ليهو حراسة |
ذكرتني في واحد كان بيتكلم وقال انا عمري ما كذبت ، اها الجماعة قالوا ليه دي اول كذبة.
عمر البشير بيته الفي كوبر كان جالوص ، امشي شوفوا هسع ، وبعدين ما قلتا لينا حاجة عن البيت بتاع كافوري مربع 17 لو اتذكر صاح العملوه بعد ما بقي في السلطة و باعوه لان هناك خطأ هندسي في الصبة .
ولا اخوه العنده اربع مكاتب تجارية خارج السودان .
بالمناسبة لو سمحت ليك الظروف كده اسأل الرئيس ، لو بتذكر الزول الكان بمسك منو كيس العيش في الفرن بتاع الحلة .
تعرف مرة بعد الانقاذ ، كنت بتونس مع واحد ، قام قال لي ياخ العاصمة دي اتملت جنس ناس ، زمان ام درمان كان حدها ودنيباوي ، فلعنت في سري اللوتري الف مرة .
مع الود
|
Post: #15
Title: Re: بصراحة وبدون زعل !
Author: محمد حامد جمعه
Date: 06-04-2005, 08:26 AM
Parent: #14
البيت بتاع كافوري مربع 17
انا ما عارف حاجة ولو فى زول عارف يكلمنا منها اقلو نعرف حرامى بثابتة لكن ان يكون ادعاء عريضا فذلك شئ اخر واخشى ان يكون الامر مثل اموال جعفر نميرى التى اكلها ثم اكتشفنا ان نميرى لم ياكل تعريفة وهسة فى يوم الله دا لو مشيت ودنوباوى تلقاه قاعد فى ظل الاستاد بتاع ودنوباوى .. نميرى ....زاتو ... !
واخوان عمر البشير ديل برضو لو فى حقيقة امرقوها وبالمناسبة لو فى اثبات واحد على الكلام ما اظنو يقعد لى هسة طى الكتمان فواحدة من مشاكل خصوم الانقاذ انو ما بتتبلى فى خشمهم فولة
|
Post: #16
Title: Re: بصراحة وبدون زعل !
Author: Esameldin Abdelrahman
Date: 06-04-2005, 08:48 AM
Parent: #15
تعرف يابو حميد
مرة في حرامي مسكوه وودوه البوليس
قام الضابط سأله قال ليه يا زول انت بتسرق ليه ؟
الراجل اصر انه ما حرامي
الضابط قال ليه طيب الكنت بتعمل فيه ده بتسميه شنو ؟
الراجل قام قال يا جنابو انا ما حرامي ،لكن البدقس بلحسو .
و اهو الشعب السوداني دقس .
وبالمناسبة ، وبدون اي زعل ، وسؤال لازم محله ، انت جيت الخرطوم سنة كم ؟
مع الود
|
Post: #17
Title: Re: بصراحة وبدون زعل !
Author: محمد حامد جمعه
Date: 06-04-2005, 08:57 AM
Parent: #16
انا مولود فى الخرطوم .... وبدون زعل برضو ... ليه السؤال
|
Post: #19
Title: Re: بصراحة وبدون زعل !
Author: Esameldin Abdelrahman
Date: 06-04-2005, 09:02 AM
Parent: #17
وبصراحة وبدون زعل
انا قايلك جيت مع اللوتري بتاع 1989 - 1992
و داير تعيش
مع الود
|
Post: #21
Title: Re: بصراحة وبدون زعل !
Author: محمد حامد جمعه
Date: 06-04-2005, 09:08 AM
Parent: #19
انا قايلك جيت مع اللوتري بتاع 1989 - 1992
ربنا يسامحك
|
Post: #24
Title: Re: بصراحة وبدون زعل !
Author: Esameldin Abdelrahman
Date: 06-04-2005, 09:16 AM
Parent: #21
يا بو حميد
انت زعلت ولا شنو ؟
البوست مش عنوانه
بصراحة وبدون زعل ، ولا شنو ؟
وكمان الله يسامحكم انتو
تعرف في واحد من جماعتكم كان والي علي الخرطوم
مرة علي رؤوس الاشهاد قال :
لقد دخلت الخرطوم من اصغر ابوابها ، والان اعتلي اعلي قمة فيها
ومراحب بقوي الهامش
مع الود
|
Post: #18
Title: Re: بصراحة وبدون زعل !
Author: Abureesh
Date: 06-04-2005, 09:00 AM
Parent: #15
الطلعتك من علبك ما هينـة يا ود جمعـة!!
"والعارفو تمام وكويس ان (النظام ) دا ما شغال بيكم"
والله دى زكرتنى، والمعذرة مسبقـا للأخوات المطلقـات..
النسـوان جو يعزوهـا ويشجعوهـا لتحمل مسـؤوليـة بعـد الطلاق.. قالت ليهـم
ولا هامينى، الحمد لله أولادى فى الزريبـة والغنـم فى المدرســة.
يا اخى لو ما شغالين بناس برة ديل، يفرغـوا ليهـم (عميـد) بحالو.. عميـد شنـو كلامك الفوق دا كلام وزيـر داخليـة عديل.
النظـام ما شغـال بالمعارضـة كيف والرئيس كل يوم كان يلعن (الخونـة) الذين ألبوا عليه المجتمع الدولى.. ولا شك عندى أن نائب الرئيس على عثمـان كان يلعن المعارضـة عشـرة مرات بعـد كل حرف يكتبه من اسمـه فى التوقيـع على نثفاشـا!!
والأن دارفـور، ما كان لهـا أن تنشـر دوليـا، مما أدى إلى بدء الإجراءات فى محاكمات لاهاى بتسليمهـم ملفات 51 متهمـا بينهـم مسـؤلين سمـان، لولا نشـاط المعارضـة الخارجيـة.
يا اخى الأعلام الأمنى هـذا معروف ومكشـوف، وسـوف يفشـل.
على أى حال، إذا كانت المعارضـة كما تقول، فلا تهرق عليهـم المداد.. وتذكـر انك مديـر مؤسســة كبيـرة، وليس لك وقت إلا للأشيـاء (المهمــة) يا محمــد!!
|
Post: #20
Title: Re: بصراحة وبدون زعل !
Author: محمد حامد جمعه
Date: 06-04-2005, 09:03 AM
Parent: #18
ابو الريش :
وجهة نظر ممكن ادرسها
|
Post: #22
Title: Re: بصراحة وبدون زعل !
Author: عصام دهب
Date: 06-04-2005, 09:14 AM
Parent: #20
الأخ / محمد
تحياتي لك ..
أتفق معك في كثير مما أشرت إليه ..وصدقني أن قوة حكومتكم هي نتاج طبيعي لهزال و ضعف و ( عوارة ) معارضتنا
|
Post: #25
Title: Re: بصراحة وبدون زعل !
Author: humida
Date: 06-04-2005, 02:34 PM
Parent: #22
محمد حامد جمعة
قريت كلامك .. تلاتة مرات
ما فهمت غير .. مكوجي النظام
صدقني دا الوحيد الشغال فيهم ..
الجلاليب البيض ما تديك الدرب ..
علي العموم .. ذي ما قال المثل
اتلما نتنوت علي نتت واحد نتن والتاني انتن .. وهلم جرا
الاشكالية لا جبهة ولا كراع ولا شيوعية ولا نصرانية
اشكاليتنا في جيل الفارغة والمقدودة
نضالهم علي سفرة جامعة الخرطوم .. مصارعين كباية اللبن الشب
ويا حليل مصنع البيرة في بحري
الذي انقلب بقدرة قادر الي البيبسي كولا
لعلكم فهمتم قصدي .. لا اريد الاستمرار
فالضرب علي الميت حرام
نقطة نظام
انت مش النظام الشيوعي في روسيا انهار ؟؟؟
|
Post: #26
Title: Re: بصراحة وبدون زعل !
Author: Osman M Salih
Date: 06-04-2005, 02:39 PM
Parent: #1
قـررت تمديد اقـامتي
فـي هذا المنبر
|
Post: #27
Title: Re: بصراحة وبدون زعل !
Author: Kamel mohamad
Date: 06-04-2005, 06:49 PM
Parent: #26
بسم الله الرحمن الرحيم
الأخ الكريم محمد حامد جمعة:
لك التحية و التقدير و الاحترام
و التحية و التقدير للمركز السوداني للخدمات الأعلامية علي ما يقوم به من عمل و طني بارز و مجهودات كبيرة لعكس الوجه الحضاري المشرق و المضئ للسودان
و التحية و التقدير للمهندس الأستاذ عبد الرحمن ابراهيم مدير المركز و لكل العاملين بالمركز علي مجهوداتهم الكبري لخدمة بلادنا و جزاكم الله كل خير عنا جميعا
ان موقع المركز السوداني للخدمات الاعلامية في الانترنت لهو موقع متميز و جميل و يوفينا بأحدث الأخبار و يتمتع بدرجة عالية من التنظيم و الدقة و أحرص دائما علي قراءة الأخبار المحلية من موقعكم المتميز
الأخ الكريم محمد حامد جمعة أنت بحق صحفي متميز بالرزانة و الانضباط و الصبر و طول البال و سعة الصدر و بالأسلوب الجميل و السلس و المرح في الكتابةو قلما تجد في هذا الزمان صحفي بهذه المواصفات
و بصراحة أنت رجل عفيف اللسان و طرحك يتميز بالعقلانية و الحكمة و الشفافية و أنت بلا شك من أميز من كتب في سودانيز أون لاين
أرجو أستمرار بوستاتك الجميلة و أنت دائما تأتينا بالشئ الجميل و الايجابي من صور و أخبار
فالرجاء يا أخي الكريم محمد حامد جمعة أن تستمر بشكل يومي في نشر بوستاتك و لا تهتم بالرد علي الذين يهاجموك و لقد وجدت و أجد باستمرار أنا شخصيا هجوما حادا ظالما و مجحفا و لكني لم و لن تلين لي عزيمة و لن أتخلي عن نهجي و منهجي في الدفاع عن المبادئ و القيم و المنهج الاسلامي و لأن أحيد عنها مدي الحياة بأذن الله تعالي و ذلك عملا بكتاب الله و سنة رسوله صلي الله عليه و سلم لقوله تعالي ( يريدون ليطفئوا نور الله بأفواههم و الله متم نوره و لو كره الكافرون)
انا علي معرفة دقيقة بحكم و جود أحد أقاربي في الحكومة و الذي لا ينام الا لساعات بسيطة في اليوم و يعمل بصمت ليلا و نهارا و بجد و أجتهاد علي تنفيذ الكثير من المشروعات التنموية بأن هذا الحكومة التي يعارضها في المنبر أدعياء النضال الموهومين بأن لديهم سند شعبي في السودان و أقول هذا لأني ألاحظ أساليب أظهار السودان كبلد بشكل سلبي و العداء للوطن و بنياته المكتسبة
رغم رأي الكثيرين في الحكومة السودانية الحالية ، إلا أنها نجحت في عدد من المشاريع الكبيرة منها ما هو منفذ ومنها ما هو تحت التنفيذ ...وكلها مشاريع ضخمة ... منها على سبيل المثال
استخراج البترول واستثماره
مدينة جياد الصناعية
خزان الحامداب
مطار الخرطوم الدولي
توصيل مياه النيل إلى بورتسودان
توفير البنزين و كافة السلع الاستهلاكية
أثبتت الحكومة أن السودان بلد يمكن العيش به من المقومات المتوفرة
بناء أحدث الطرق و الكباري و العناية بالبنية التحتية
توفير الأمن و الأمان للمواطن
توفير مجالات الدراسة الجامعية
بناء أحدث شبكة للاتصالات في أفريقيا
جذب عدد كبير من الأستثمارات الأجنبية للسودان
وستستمر الحكومة مائة سنة بأذن الله بسندها الشعبي الكبير في الداخل و الخارج
و الجمل ماشي و الكلاب تنبح
و الله الموفق
_________________
|
Post: #28
Title: Re: بصراحة وبدون زعل !
Author: Kostawi
Date: 06-04-2005, 07:28 PM
Parent: #27
| Quote: توفير الأمن و الأمان للمواطن |
|
Post: #29
Title: Re: بصراحة وبدون زعل !
Author: Esameldin Abdelrahman
Date: 06-04-2005, 07:37 PM
Parent: #28
| Quote: و الجمل ماشي و الكلاب تنبح |
دي بقت زي حكاية اخونا الكان بنصح في الجماعة ما يسبوا الدين
وبعدين الجمل ده عمرو ما حيشوف عوجة رقبتو
|
Post: #30
Title: Re: بصراحة وبدون زعل !
Author: المسافر
Date: 06-04-2005, 10:19 PM
Parent: #29
Quote: الأخ الكريم محمد حامد جمعة أنت بحق صحفي متميز بالرزانة و الانضباط و الصبر و طول البال و سعة الصدر و بالأسلوب الجميل و السلس و المرح في الكتابةو قلما تجد في هذا الزمان صحفي بهذه المواصفات
و بصراحة أنت رجل عفيف اللسان و طرحك يتميز بالعقلانية و الحكمة و الشفافية و أنت بلا شك من أميز من كتب في سودانيز أون لاين
أرجو أستمرار بوستاتك الجميلة و أنت دائما تأتينا بالشئ الجميل و الايجابي من صور و أخبار
فالرجاء يا أخي الكريم محمد حامد جمعة أن تستمر بشكل يومي في نشر بوستاتك و لا تهتم بالرد علي الذين يهاجمونك |
أبو حميد
إنشاء الله يوم شكرك ما يجي
|
Post: #31
Title: Re: بصراحة وبدون زعل !
Author: محمد حامد جمعه
Date: 06-05-2005, 01:28 AM
Parent: #27
استخراج البترول واستثماره
مدينة جياد الصناعية
خزان الحامداب
مطار الخرطوم الدولي
توصيل مياه النيل إلى بورتسودان
توفير البنزين و كافة السلع الاستهلاكية
أثبتت الحكومة أن السودان بلد يمكن العيش به من المقومات المتوفرة
بناء أحدث الطرق و الكباري و العناية بالبنية التحتية
توفير الأمن و الأمان للمواطن
توفير مجالات الدراسة الجامعية
بناء أحدث شبكة للاتصالات في أفريقيا
جذب عدد كبير من الأستثمارات الأجنبية للسودان
ودا الحاصل
بالمناسبة جهز نفسك ... اشترى ازبلايط .... لواء 
|
Post: #32
Title: Re: بصراحة وبدون زعل !
Author: Kostawi
Date: 06-05-2005, 01:32 AM
Parent: #31
| Quote: توفير الأمن و الأمان للمواطن |
|
Post: #33
Title: Re: بصراحة وبدون زعل !
Author: محمد حامد جمعه
Date: 06-05-2005, 01:52 AM
Parent: #32
طيب نجى ونواصل .. قلنا شنو ... والكلام دا اخدوهو بروح رياضية وما تشبكونا انت قاصد وشاطط والحنك بتاع الجوطة والكبسيبة البتحصل لمن نخت معاكم الكورة فى الارض وتلمو فينا كسر وشلاليت .. المهم شوفو هسة تحالف القوى الوطنية - يعنى باقى القوى التانية دى شنو ؟؟ التحالف دا الله علمان غير حزب الامة والمؤتمر الشعبى ما فيهو حزب والغريبة فيهو مؤسسات ومكتبات وكمان فيهو زول وقع باسم جامعة القران الكريم ... دا شنو دا تحالف دا ولا ناس جو شركة بتاعة بيع بالتقسيط والمهم غير المؤتمر الشعبى والامة مافى حزب والباقيين ناس المؤتمر الوطني المعارض والحزب الاشتراكي الناصري والحزب العربي الوحدوي الناصري وحزب البعث العربي الاشتراكي القيادة القُطرية ديل زاتهم لمن كانو فى التجمع المعارض بتاع مولانا مافى زول جايب ليهم خبر .... ويوم واحد من شفت من زول فى جريدة ولا حتة عندو حوار ولا بيدلى بتصريحات والتجمع دا زاتو من الله خلقو غير الميرغنى وقرنق والصادق المهدى ومبارك الفاضل وباقان اموم وحاتم السر وفاروق ابوعيسى وممثلى الحزب الشيوعى ناس التيجانى الطيب والشفيع خضر تانى غير ديل مافى مواطن بعرف ناس المؤتمر الوطنى المعارض ولا باقى الاحزاب التانية الاسمها زاتو طويل وما عارف بتخت فى الورق المروس كيف ... اسم تلقاه طويل لمن مسيخ !
اها التحالف هسة بالله بيسوى شنو .. ولا حاجة ... وهسة تلقى قرنق دا مبسوط وزاتو لمن سالوه رايو فى التحالف الوطنى الجديد قال هم هسة بره الحكومة وعليه الحكومة تاكل نارها براها معاه لكن رايو بيكون بعد يوم 9/7 لمن عمك قرنق يجى نائب الرئيس ... وطبعا قرنق زاتو استخف فى النهاية بالتحالف دا ومشى القاهرة ربط مع مولانا واقنعو وقال ليهو شوف يا شيخنا الحق السوق يا صديق تقعد تلف وتدور كدا بنقسمها مع ناس الانقاذ دى وبنزبط الامور والــ(16 ) سنة دى تبقى ليكم (61 ) تجيكم نفسيات وانتو ما ناقصين فاحسن تجيب من الاخر وتخش يا (مولانا ) لانو التردد دا بكره ناس حزب الامة ولا عمك الترابى المفتح دا بيلقى ليهو فرقة تانى انتو ما بتشموها !
الكلام دا كلو والحكومة دى مرطبة وبتعاين ساااااااااااااااااى ... كلو كويس معاها ... لو جا الميرغنى حلو ... لو جا الصادق المهدى برضو حلو ... لو جا الترابى حلو خالص ... لو ديل كلهم ما جو خلاص هى ما عليها لوم طالما انو الرفيق الرئيس والشريك الاساسى فى الاتفاقية بقى لاحم معاها السلوك ...
|
Post: #37
Title: Re: بصراحة وبدون زعل !
Author: محمد حامد جمعه
Date: 06-05-2005, 02:09 AM
Parent: #34
كوستاوى :
بس يا هو دا الفالحين فيهو ... لصيق الورابط ونزيل البيانات ... اشجب ادين ... والواحد بس عاوز يظهر ويقشر عشان يسموه مناضل ... الكيزان البتشمتوهم ديل زمااااااااااااان لمن مرقو بره وبالمناسبة الكلام دا كان زى ما عارفين لمن سعادتكم كانت بتحارب الرجعية والقوى الظلامية وقفلتو الجامعة الاسلامية وعملتو حملة التطهير - شفتو الصباح الباهى لونك فى التاريخ دا - الكيزان ديل مشو بره اهلو نفسهم وقروا وحصلو العلوم وخالص ما اشتغلو بنميرى دا كتل منو ولا شالو حال البلد ولمن مسكو الحكومة اتلقطو وجو راجعيين وهسة فى نيفاشا الاستاف بتاع التفاوض حقها كان فريق مجهز بعلوم وافية ... لكن تعالو شوفو نفسكم ... صحى فى ناس ناضلت وتعبت وتعرضت لكتير .. لكن الغالبية ناس قاشرة ساى وخاشة بوهمة النضال دى ... وبعرف وبتعرفو ناس كتار ... كتااااااااااار ... الزول مرق من السودان ما بيعرف الفرق بين سيد سليم وسيد قطب مرق بره عمل فيها مفكر ومناضل وابو الاستنارة زاتها والنقاطة اشتغلت معاهم اقامة ملح وفى كلام عن جنسيات كمان وخلاص الناس بقت خواجات والحكاية جرت وبقت جذورها راسخة ودى وضعية ما ممكن معاها الزول يجى ويخش عشان مبادو دى فى كاسورى مع الانقاذ دى ... تجى لى ... تمرق من بلد الترطيبات وتجى معسكرات المعارضة فى الشرق ... بالله ... عشان كدا تمسك صراخات بيانات وشتيمة واى حاجة للانقاذ دى طوالى تعمل ليها حائط رجم ... وتمشى تنوم مرتاح ... احب النضال ... زاتو ... لكن عكسكم الانقاذ دى انصارها ماتو ولسه مستعدين يموتو عشانها وقدام وتحت رايتها ...
|
Post: #35
Title: Re: بصراحة وبدون زعل !
Author: salah elamin
Date: 06-05-2005, 02:04 AM
Parent: #31
ما تنسي التعذيب في بيوت الاشباح
واغتصاب النساء في دارفور
والتطهير العرقي في جبال النوبة
ومذبحة العليفون
|
Post: #38
Title: Re: بصراحة وبدون زعل !
Author: Kostawi
Date: 06-05-2005, 02:19 AM
Parent: #36
محمد حامد جمعه
زعلان ليه يا عميد....عدادك رامي...و كمان كمبيوترك مدفوع ليه من أموال الذكاة....و آخر ترطيبات....طيب مشكلتك شنو....سلم لي علي ود الخطيب و قول ليه مشتاقين....و ما تخاف الليله ح ألاقي قرنق وح أوصيه على موضوع ترقيتك.....تدفع كم يا العميد?
|
Post: #40
Title: Re: بصراحة وبدون زعل !
Author: محمد حامد جمعه
Date: 06-05-2005, 02:28 AM
Parent: #38
كستاوى :
جون قرنق النائب الاول ولا منو ... !
|
Post: #41
Title: Re: بصراحة وبدون زعل !
Author: Kostawi
Date: 06-05-2005, 02:39 AM
Parent: #40
بالحيل يا العميد...
ودي بداية النهاية
|
Post: #42
Title: Re: بصراحة وبدون زعل !
Author: محمد حامد جمعه
Date: 06-05-2005, 02:43 AM
Parent: #41
كوستاوى
اول شى بركة فى الغيظ الخلاك تكتب عربى وبالمناسبة كدا كويس لانو انجليزيتك ... بتضرس
بعدين ممكن سؤال يامان ... قرنق دا مش حيكون نائب البشير ؟
|
Post: #43
Title: Re: بصراحة وبدون زعل !
Author: Kostawi
Date: 06-05-2005, 03:02 AM
Parent: #42
| Quote: لانو انجليزيتك ... بتضرس |
صعبه عليك...مش كده....
طيب ما تورينا مستواك عشان نخفف شوية و ما تفقد باقي أسنانك الخلفية...
أما الأمامية دي كسحت يا سياتو.....
كدي في سؤال جاوب عليه بصراحة:
الزمن البتقديه في سودانيزأونلاين مدفوع ليك من خزينة الدولة?
جاوب بصراحه...
|
Post: #44
Title: Re: بصراحة وبدون زعل !
Author: Kostawi
Date: 06-05-2005, 03:10 AM
Parent: #43
up
|
Post: #45
Title: Re: بصراحة وبدون زعل !
Author: محمد حامد جمعه
Date: 06-05-2005, 03:10 AM
Parent: #43
الزمن البتقديه في سودانيزأونلاين مدفوع ليك من خزينة الدولة؟
اصلا يا حبة انا شغلى مرتبط بالنت يعنى بكون شغال وفاتح نافذة عليكم وطوالى بخش اديكم كلام الخير والايمان ... ولو سالت قرنق (العقيد ) عن المسالة بيقول ليك دا اسمو فى الجيش مسك الطابور وبيعملو السناير للجناير ... طبعا انت سنير وقديم واكبر منى فى السن لكن برضو حامسك طابورك ... الا تقد السلك ... واكعب حاجة يمسك طابورك ملكى ... وانا ملكى ... وقع ليك
|
Post: #46
Title: Re: بصراحة وبدون زعل !
Author: Kostawi
Date: 06-05-2005, 03:24 AM
Parent: #45
شكرا يا سياتو....
على الإعتراف الضمني....يعنى حتي لو جمعنا عدد الدقائق المدفوعة ليك من خزينة الدولة بإستعمالك لواحد من it's PC زائدا عليها تكاليف النت و الكهرباء و الزمن المدفوع لك للدخول و الكتابه في Sudaneseonline ممكن إستعمال ذلك المبلغ to save one kid في دارفور...Do you agree?
|
Post: #47
Title: Re: بصراحة وبدون زعل !
Author: Kostawi
Date: 06-05-2005, 03:29 AM
Parent: #46
up
|
Post: #48
Title: Re: بصراحة وبدون زعل !
Author: Kostawi
Date: 06-05-2005, 03:36 AM
Parent: #47
up
|
Post: #49
Title: Re: بصراحة وبدون زعل !
Author: Kostawi
Date: 06-05-2005, 01:11 PM
Parent: #48
up
|
Post: #50
Title: Re: بصراحة وبدون زعل !
Author: هشام مدنى
Date: 06-05-2005, 04:24 PM
Parent: #1
الاخ محمد حامد
عاطر التحايا
وبدون زعل عنوان البوست اعجبنى وجدا ودى حقيقية عايزك تكلمنا عن موضوع محكمة محمد طه محمد احمد بكل صراحه وبدون زعل والله عايز اعرف الموضوع وصل وين.
لكل مطلق الحرية فى الاجابة.
مع تحياتى
|
Post: #51
Title: Re: بصراحة وبدون زعل !
Author: Kostawi
Date: 06-07-2005, 09:04 PM
Parent: #50
شوف الغذل ده....و كمان عمامة
wa
double talk
أطلعوا بره في العراء يا هولاء
NO shame if
you
say
what
u
beleive
on
without
عمة
يا رائع
|
Post: #52
Title: Re: بصراحة وبدون زعل !
Author: Kostawi
Date: 06-07-2005, 09:14 PM
Parent: #51
طبعا يا هذا أنت شغال بوليس نجده و طواري للإنقاذ..... إسلوب كيزاني إتحادي.
و شوية غباء متصاعد
رأسيا
|
Post: #53
Title: Re: بصراحة وبدون زعل !
Author: nile1
Date: 06-08-2005, 07:02 AM
Parent: #52
الأخ محمد حامد
تحياتي
اسلوبك الرصين وقلمك العف وسعة صدرك تستحق الإشادة...لك تقديري
|
|