Post: #1
Title: التجمع دقس !
Author: محمد حامد جمعه
Date: 07-31-2005, 02:20 AM
سلام يا شباب ... اها رجعنا وطبعا الاسبوع الفات البورداب فى الخرطوم كانوا مروقين خضره ومياه ووجوه حسنة ماشاء الله ربنا يزيد ويبارك وعقبال كبارنا ما يعقلو ويلزمو الجابرة دى ويطلعو شوية من قصة (اداهو ما اداهو ) دى .
السبت الفات دا اجتمعت لجنة مشتركة من المؤتمر الوطني الحاكم في السودان والحركة الشعبية، مع وفد التجمع الوطني الديمقراطي المعارض الذي عاد وفد منه الأسبوع الماضي من العاصمة المصرية لإجراء محادثات مع الحكومة. خلال هذا الاجتماع الذي جرى أمس السبت عرضت اللجنة على وفد التجمع منحهم أربعة وزراء اتحاديين وخمسة وزراء دولة لكافة القوى الشمالية، على أن يكون نصيب التجمع وزيرين اتحاديين ووزير دولة.
لكن وفد التجمع اعتبر ذلك إخلالا باتفاق القاهرة، وقال الناطق باسم تجمع الداخل علي السيد إن ما طرحته اللجنة المشتركة كان مفاجئا وإن النسب التي عرضتها أقل بكثير من الـ14% التي حددتها اتفاقية السلام.
( تسعة وزارات ) بس .. والله شوية يا على السيد اخوى ... (16 ) سنة من معتقل لحجز لسفر وجهجهة فى المطارات والمؤانى ونضال شى بالحنك وشى بالبونية وحاجات اجن و انحناءات للحمامة وتجو تفطرو ليكم على اربعة وزارات اتحادية وكم زيها وزارات دولة يعنى ( باك قشاش ) ... والله ناس المؤتمر الوطنى والحركة الشعبية ديل ببالغو وما عندهم خوة حقو كان فى اجتماعات اللجنة يجيبو ليكم بكتة ورق فلسكاب ويخلوكم تعزلو لانكم اصلا ناس كتار ومحمولين هسة الاربعة والخمسة ديل يلحقو لمنو الاتحاديين عاوزين حقهم وناس الشيوعى عاوزين حقهم وناس التحالف الفيدرالى عاوزين حقهم وناس عمك فاروق ابوعيس والفريق عبد الرحمن سعيد عاوز حقو ودى كان قبلتو بالنسبة دى معناه ناس قريعتى راحت الفى التجمع كلهم جرو هوا لانو التسعة حيكونو من علية القوم وباقى الكوادر بتروح فى حق الله .
طبعا ناس المؤتمر الوطنى فى القصة دى ما عندهم قشة مره ..التجمع دا لا حقهم ولا عندهم بيهو شغلة ، الحكومة ناسا ناس احزاب البرنامج الوطنى لكن التجمع دا زول الحركة الشعبية ويا ما كسرو ليها التلج وانو قرنق بيمثلهم وبيحفظ ليهم حقوهم ولكن يا فرحة ما تمت قرنق زاتو جلى المسالة ... هو فاضى ياخى ... اخير يشوفو مصالحو قدامو ملفات خمسمائة كمندر عاوزين تسكين ورتب فى الجيش وعمك مفتح قطع فى نفسو رتبة فريق اول عشان تانى عبد الرحمن سعيد دا لو خشى عليهو لازم يصلح البوريه ويحضر نفسو زى التعليم ويسمع الاوامر و ما يقوم يغضب وتشيلو هاشمية الجيش ويسمع عمك قرنق كلام سخن (شوف يا ضابط انت قايل نفسك شنو انت عقيد وانا فريق يعنى سنيرتى اقدم منك واقدم منك افهم منك وارجل منك ) .. اها قرنق بقى فريق اول وسلفاكير بقى فريق يعنى تانى عبد الرحمن سعيد الا يصرف الجزاء لناس فاروق ابوعيسى الملكية ! اها الحركة الشعبية خلاص وبعد ما وصلت ميس الحكم عاوزة تشوف نفسها مالها ومال القراية ام دق وكمية الكوادر والقيادات العاوزة وزارات فى الحكومة الجاية باسم التجمع اكتر من حيث العدد واقل من حيث التاثير وهسة بالله شفتو فضيحة الوفد الوصل الخرطوم بالله دى جنس حالة جو فى انصاص الليالى عشان تشوفو التوقيت والترتيب الغلط ودا كان اثرو واضح فى الاستقبال الكحيان والفاتر للوفد واللى هسة ما فتح الله عليهو بندوة ولا مخاطبة جماهيرية وغايتو لو ما زول زى التيجانى الطيب كان الوفد دا استقبلوه موظفين فى الدرجة (14 ) من ناس العلاقات العامة الشغالين مع سبدرات وعشان كدا ناس الحركة عملو حميل وما هببو لعلى السيد ولا غيرو ، جون قرنق زول ذكى ونبيه وشفت بتاع سياسة عارف انو التجمع من يومو منتهى لكن قال نستفيد منو عشان يقدمنا للسودانيين والقوى المختلفة الرافضة للانقاذ ويقدمنا برضو لدول زى مصر وكدا وبعد ما المرحلة دى انتهت خلاص يمشى فى الباىباى واى زول يشوف مرقدو و(ينام على الجنب اليريحو يا مرعى بتاع الكليمة ) وناس التجمع ديل ناس طيباين وقعدو يزعلو وهسة صحف الليلة شابكين ليك العالم نشكك فى موقف الحركة ونشجب موقف الحكومة والشى الضيعهم انو عينك فى الفيل تطعن فى ضلو ... ما العقيد جون قرنق دمبيور قائد الحركة الشعبية - هى نسيت سعادة الفريق اول والنائب الاول لرئيس الجمهورية - كان فى هيئة قيادة التجمع يعنى منهم وفيهم ولو الحركة زاتها ما بقت حريصة على حلفائها الحكومة ما اظنها تكون احرص ... دى سياسة يا جماعة يعنى شنو مقصات وشلاليت وحفر وردم اى دقسة طوالى تمشى مدن الملح ولا تلقى هناك عبد الرحمن منيف ولا عبد الرحمن ابوزهرة .
يا جماعة ما تزعلو ... معليش نحن بنتكلم .
|
Post: #2
Title: Re: التجمع دقس !
Author: محمد حامد جمعه
Date: 07-31-2005, 02:55 AM
Parent: #1
فى الانباء ايضا ان التجمع عرض عليه الحصول على (20 ) مقعد برلمانى لكنه رفض ...
ما بتغطى حرم
|
Post: #3
Title: Re: التجمع دقس !
Author: A.Razek Althalib
Date: 07-31-2005, 03:00 AM
Parent: #1
محمد حامد جمعة..
تحياتي أسجيها..
و..
شعبي صاحي ما نايم..
شعب وجيش إتوحد..
مواكب سايرة تتمدد..
مع تحياتي للثنائي..
| Quote: معناه ناس قريعتى راحت الفى التجمع كلهم جرو هوا لانو التسعة حيكونو من علية القوم وباقى الكوادر بتروح فى حق الله . |
ولدك يا جمعة..
والبنقط زيت منو...
تعرف..
نحن شُعبة ...
قريعتي راحت.. البره برات التجمع..
حقنا راح..
وسط الفلاح..
وسلوانا..
الإنتخابات الجاية بعد ستة سنوات..
أوعكم تنطو.. بالزانة..
أصلوا إسفنج تحت مافي..
الحكاية برش ساكت..
والناس دايره حقها ناشف..
قولو سمح..
وسمح الكلام ..
فوق خشم سيدو..
|
Post: #4
Title: Re: التجمع دقس !
Author: محمد حامد جمعه
Date: 07-31-2005, 03:05 AM
Parent: #3
والبنقط زيت منو...
دا زول صاحبنا قعد يتردد لمن شكلو حيمرق من القصة كلها ... ابلط
|
Post: #5
Title: Re: التجمع دقس !
Author: Dr.Mohammed Ali Elmusharaf
Date: 07-31-2005, 06:52 AM
Parent: #1
الاخ محمد حامد تحياتي
الحل الوحيد للتجمع هو رفض المشاركة المؤهينه وحل نفسه وكل حزب فيه يبدي بدمقراطية حزبه اولا ثم المعارضة والمراقبة المسؤلة للنظام...ثم الاستعداد للانتخابات القادمة من الان.....
لكن لا أعتقد سيستفيدون من أخطائهم.....
احترامي
|
Post: #6
Title: Re: التجمع دقس !
Author: محمد حامد جمعه
Date: 07-31-2005, 08:40 AM
Parent: #5
الحل الوحيد للتجمع هو رفض المشاركة المؤهينه وحل نفسه وكل حزب فيه يبدي بدمقراطية حزبه اولا ثم المعارضة والمراقبة المسؤلة للنظام...ثم الاستعداد للانتخابات القادمة من الان.....
لكن لا أعتقد سيستفيدون من أخطائهم.....
صدقت يا دكتور لكن مين يسمع وتصدق بؤس حال التجمع ايضا من احد اسباب حال الحكومة وحزبها الحاكم رغم انه اهم اسباب طول عمرها
|
Post: #9
Title: Re: التجمع دقس !
Author: tmbis
Date: 07-31-2005, 09:02 AM
Parent: #6
يا شاويش ..
.
شفت ليك عسكري بيقسم مع ملكــــــــــي ؟؟
اديها صنة شوية ..
..
.
بعدين العساكر ديل قاعدين عمرهم كلو في الغابة ( والقصدير ) ده يكورك ليهم فوق لي راسهم والراجمات..
شي صيف العبور
والاهوال
والمغيرات صبحا
وضربو رماهو ..
اهـــا الوكت داك ( الملكية ) ديل عاملنها حنك بيناتم ،،
علشان كده طبيعي جدا الكمندان ده مجرد ما يجي لازم يعمل ( فرش متاع ) للملكية علشان يعرفو حاجة
اما ( الميري ) التانين ديل .. لسه منتظرين والخوف بعد فترة تكون القصة ( مجابدة ) بيناتهم.. ونروح نحن في الرجلين..
|
Post: #10
Title: Re: التجمع دقس !
Author: محمد حامد جمعه
Date: 07-31-2005, 09:07 AM
Parent: #9
يا شاويش ..
قلت ليك تصدق حنكك منطقى ..... كان كدا البشير دا مفتح بعد كم يوم بجضمها ليك مع الفريق قرنق ويقول ليهو شوف يا ابو الدفاع تعال ندخل السفليان ديل الكركون ونشكها ونوزعها تانى ... ناس بس بتاعة نقة ونحن قاعدين دلشيون سنة من خندق لملجا ومن متحرك لانزال مظلى وعاوزين يجو يقسمو معانا ...شفت الملكية ديل
|
Post: #7
Title: Re: التجمع دقس !
Author: Elmosley
Date: 07-31-2005, 08:56 AM
Parent: #1
عزيزي محمد حامد جمعه
عندما جاء الانقلاب الانقاذي كانت كل الوزارات في يد الاحزاب الديموقراطيه
وبيد الشعب لا بيد عمرو
ثانيا عبد الرحمن سعيد رجل نكن له الاحترام ولو كان من الطامعين لاستلم السلطة حينها عندما كان
المهيب عميدا
وهنا ياتي الفرق ويكون الرجال الامينين
مع احترامي للسللام وصناعه خصوصا الحكومة التي
بررت انقلابها حينها بانها اتت لانقاذ الشعب من اتفاق الاستسلام بين الميرغني وقرنق
اها سؤال للاجابة بامانة وانت حصيف
(قارن بين الاتفاقين وقل لي ايهما اكثر استسلاما؟؟)
|
Post: #8
Title: Re: التجمع دقس !
Author: محمد حامد جمعه
Date: 07-31-2005, 09:01 AM
Parent: #7
اتفاق الميرغنى قرنق كان مقتضبا وواضح انه كان اتفاق علاقات عامة اكثر من كونه اتفاقية سلام يفترض بها ان توقف حربا واما مسالة الضغوط فحينها تعلم الوضع العام فى العالم والاقليم الافريقى ولك ان تقارن ذلك بحالة السيولة الكائنة الان وشكل الهيمنة الواضحة من امريكا على كل الدول والحكومات سواء هيمنة صريحة او مغلفة
تخريمة
الا تعتقد ان قرنق ورغم سابق اتفاقه مع مولانا - قبل 1989 - لا يبدو وفيا لتلك الصحبة ؟
|
Post: #11
Title: Re: التجمع دقس !
Author: عثمان حسن الزبير
Date: 07-31-2005, 09:21 AM
Parent: #8
سيادة العميد
إنت لسة ما بقيت لواء
من يهن يسهل الهوان عليه
شوف التجمع الذي يضم أعظم الأحزاب السودانية وصل لي ياتو درجة ومنو أصبح يضحك عليه ..
ما حا أقول قصيدة تنادي بثورة حقيقية ولا حا أقول كان وكان
لكن بقول
أجمل الأطفال قادمون
ساعة
فساعة
عيونهم
أشد من عيوننا بريقاً
|
Post: #12
Title: Re: التجمع دقس !
Author: محمد حامد جمعه
Date: 07-31-2005, 09:24 AM
Parent: #11
يا ود الزبير
بالله بالمناسبة هو التجمع الذي يضم أعظم الأحزاب السودانية هسة الفيهو منو بالضبط - بعد الاتحادى وناس التيجانى الطيب كشيوعيين -
|
Post: #13
Title: Re: التجمع دقس !
Author: عثمان حسن الزبير
Date: 07-31-2005, 09:25 AM
Parent: #8
سيادة العميد
إنت لسة ما بقيت لواء
من يهن يسهل الهوان عليه
شوف التجمع الذي يضم أعظم الأحزاب السودانية وصل لي ياتو درجة ومنو أصبح يضحك عليه ..
ما حا أقول قصيدة تنادي بثورة حقيقية ولا حا أقول كان وكان
لكن بقول
أجمل الأطفال قادمون
ساعة
فساعة
عيونهم
أشد من عيوننا بريقاً
|
Post: #14
Title: Re: التجمع دقس !
Author: محمد حامد جمعه
Date: 07-31-2005, 09:26 AM
Parent: #13
أجمل الأطفال قادمون
ساعة
فساعة
عيونهم
أشد من عيوننا بريقاً
اكيد
|
Post: #15
Title: Re: التجمع دقس !
Author: Elmosley
Date: 07-31-2005, 09:47 AM
Parent: #8
ابو حميد انا عارفك حريف
لكن ماتزوغ من السؤال انا لم اطلب منك وصف الاتفاقات
اريد اجابة واضحه
ايهما اكثر استسلاما في نظرك (في ذمتك دي؟)
وبعدين بجاوبك علي سؤالك
|
Post: #16
Title: Re: التجمع دقس !
Author: WadAker
Date: 07-31-2005, 09:56 AM
Parent: #1
زكرتنى ياكمدان شباب ظريف جدا ربطتنى به علاقة وحب فى الله كنا نتسامر سويا فى الاجازات مره فاجانى قال لى وبدون مناسبة _رغم سعة صدره_ انا فى الدنيا دى ما بضايقنى شى ذى نقة الملكية ,,,
الشى المفاجانى انا قرنق دا تحمل نقة الملكية ديل عشرات السنوات كيف؟ اجاوب..
ببساطة لانو راقدلو فوق راى ...وهسع رايو ظهر بعد ما عمل ليهم فرش متاع وهم فى وضع تباه...
واحسن خمس حاجات عمله قرنق فى التجمع ثلاثة...فتح ليهم
والجيش بفهمو بعض ولا عزاء للملكية
|
Post: #17
Title: Re: التجمع دقس !
Author: عثمان حسن الزبير
Date: 07-31-2005, 10:49 AM
Parent: #16
أستاذنا الموصلي
يقول شنو دي عايزة ليها رجعة براهو ما بقدر (كبيرة عليهو شوية) تقوم تلخبط الخطوط الماشة من الرتب الكبيرة جديدة وقديمة يقوم بعدين يدوهو جزا وينزلوهو رتبة ..
وبراحة عليهو سعادتو ده رغم إنو حريف في الزوغانات إلا إنو الوحيد القاعد يثبت في الجماعة بتمها طناش وحرفنة لكن قاعد طوالي ..
سعادتو
طبعا طبعا
بس أريتك فهمتها صاح
لكن ما أظن
|
Post: #18
Title: Re: التجمع دقس !
Author: Elmosley
Date: 07-31-2005, 10:54 AM
Parent: #17
لا لا عزيزي عثمان
اكيد انت غلطان
السودان بقي بلد حر وكل زول بقول الداير يقولو
ماشايف طلاب جامعة الجزيره تمت معاملتهم بمنتهي التحضر
ولا شنو عزيزي محمد؟؟؟
|
|