في محاولة لعمل استفتاء صغير... حول الشراء عن طريق الانترنت بصورة عامة...
وتسليط الضوء على التجربة الوليدة لسودانيز أونلاين
هل ستشتروا منه؟
ولماذا؟
لو ما عندكم رد.. على الاقل أرفعوا لي البوست ده يديكم العافية... سؤال علمي ومحتاجه لإجابته.. السودانيين.. وسوق الشمش الإلكتروني... سعد قشرة عبر المحيطات... وسوق أم درمان ..
لو سؤالك بصورة عامة عادي يعني بنشتري لو سودانيز اونلاين بصورة خاصة الاجابة : لأ وده لأسف الشديد وقبل ما تسأليني ليه حاجاوبك انتي حتشتري من الاسواق دي كيف وما هي طريقة الدفع ؟ لو يدوية وعند الشراء ممكن لو عبر بطاقات الائتمان أنسيييييييييييييييي سودانيز اونلاين اثبت انه موقع ما مأمن جيدا وقصص الهاكرز معانا كثيرة وواضحة يا بت امي احنا بقينا نخاف نخت الايميل في البروفيل اللي بالفعل اتملى رسائل مفخخة وده عمره ما حصل لي شخصيا الا بعد الاشتراك في سودانيز اونلاين ومع الاعتذار الشديد لبكري لاكن لو قعد للصباح يقول لينا الموقع مؤمن ما حنصدق الا لمن نحس بيده بشكل ملموس واعتقد فكرة الأسواق محتاجة شوية توضيح وتطمين عشان تنجح
تحياتي وتقديري زولة123
10-16-2004, 03:55 PM
أحمد الشايقي أحمد الشايقي
تاريخ التسجيل: 08-08-2004
مجموع المشاركات: 14611
الأخت مريم بنت الحسين الإخوة المشاركون رمضان كريم شدني العنوان جداً لمتابعتي لقصة أسواق سودانيزأون لاين والحقيقة الفكرة جميلة جداً و أتمنى لها النجاح لكن لو إتبعت فكرة بطاقات الإئتمان فهي لن تنجح بالتأكيد لما ذكر الإخوة من أسباب كثيرة أولها أن الموقع الذي لا يبدأ على الأقل ببرتوكول https مما يدل عى أنه مؤمن تماماً فلايجب التعامل معه بواسطة بطاقات الإئتمان ولا أشكك في قوة حماية موقع بكري لأنني لم أرى ما يدعم قول الأخوة أعلاه من كثرة إختراقات الموقع أو الإيميلات المفخخة. أما أختي مريم إن كان القصد من سؤالك هو كيفية تقبل الناس للفكرة و خاصة داخل السودان ستنجح بواسطة الدفع عند التسليم "نقداً" أي أن العرض بالكامل إلكتروني و التقديم للشراء كذلك ما عدا الدفع. و أتحدث عن واقع تجربة حين إفتتحت أول موقع للتجارة الإلكترونية في السودان و مكثت ستة أشهر هناك لأتابع بنفسي تقبل الناس للفكرة و حين كنت أتصل على شخص ما و أقول له نحن ناس الموقع و إنت إشتريت مننا كدة حسب معلوماتك العندنا فهل عايز الحاجة دي نجيبة ليك ؟ لن تتخيلي مدى سعادة الناس و عدم تصديقهم لما يحدث و مستقبل التجارة الإلكترونية مبشر جداً في السودان فالعقليات متطورة و تتقبل كل جديد فقط المشكلة هي البنية التحتية التي تحصر كل ذلك و خاصة تعاملات شبكة الإنترنت في أطر ضيقة جداً و رغماً عن ذلك فالفكرة ناجحة و أتمنى لسوق سودانيز أونلاين النجاح.
10-17-2004, 01:10 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
عصام ... والله يا ريت... بس ببيعوا شنو سوق الناقة ده.. ما حصل سمعته بيهو...
زولة اللزيزة.. كلامك في الصميم.. طيب يا ستهم.. لو اتحلت مشكلة الدفع دي.. يعني.. لو عملوها زي ما إنت طلبتي.. cash on deliveray.. هل حتشتري؟ يعني.. هل حتقصدي الموقع في كل مرّه تحتاجي لحاجة؟
أحمد الشايقي... والله فيك الخير يا سيدي.. ألف شكر ليك على رفعة البوست.. وبوجه ليك نفس السؤال السألته لدكتوره زوله...
سعد الدين.. الله أكرم يا سيدي.. والله ألف شكر على (التعتيله)... ورداً على (أولا).. لو عندهم الخروف بمواصفاتك ديز. بتشتريهو؟
نزار... طيب هدا قدمنا اقتراح على خلفية كلام زولة.. وهو cas on delivery.. يعني لما تصلك الحاجات تدفع.. مافي زول يهكر الكردت بتاعتك.. ولا شي... ولا شنو؟ اها.. بعد ده بتشتري؟
علاء الدين.. كلامك جميل جداً.. وأعتقد إنه حيشجع التجربة الجديدة بتاعت الأسواق في سودانيز أونلاين.. بس .. ممكن تديني تفاصيل عن البزنس العملته؟ يعني شاكرنا بتجربتك.. وورينا وصلت وين حالياً... وشنو نوعية المشاكل الواجهتها...
يا مريم يا اختي بالغتي عديل كده ، سوق الناقة ده جاب سواح من بلد عمي سام اخو ابوي ، سوق الناقة حيث البيبسي بالكورة والشيه بالكيلو ، انه قلب سوق ليبيا النابض . بعدين اسواق الانترنت دي انا اول زول بحاربها وما بشجع ليها ، اكان الناس دي كلها بقت تشتري بالكمبيوتر اها الناس البطلعوهم الصالح العام يشتغلوا شنو ؟ ونحنا زاتنا القاعدين بره ديل اقتنعنا انو الغربة ما نافعة ، اها مصيرنا في النهاية الدلالة نسترزق من السمسرة وبعدين ناس الانترنت ديل عمولتهم اكات في البيع ولا الشراء ما مضمونة ، اخير شيتا تقلبوا في يدك عشرين مره واها تديني ليهو بكم ونقص لي وما عاوز ، واقوم ماشي ويجي وراي وتعال يا شيخنا وفي النهاية يبيعوا لي بسعرا كويس معاي وكويس معاهو ، اها جنس الكلام ده ببقي في الانترنت ؟
10-18-2004, 10:43 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
بنت الحسين تحياتي بالنسبة لتجربتي التي أعتقد أنها قد تكون مفيدة مفيدة للأخوة في سودانيزأون لاين و خاصة في شأن التسويق الإلكتروني داخل الحدود فقد خصصت موقعي فقط لتجارة الحاسب الآلي و ملحقاته لسبب أعتقد أنه منطقي جداً فقد وجهت الموقع بكل تقنياته للبيع داخل السودان لأنو برة السودان ما ناقصة و طالما أنني قد قصدت السودان و في السودان قد قصدت تجارة إلكترونية ترتبط بالإنترنت و طالما أن الإنترنت نفسه مازال محصوراً في مناطق و مدن محددة و في هذه المدن و المناطق لفئة بعينها هي الغالبة ألا وهم من لهم علاقة عملية و علمية بالحاسب الآلي لذلك فمن المستحسن تقديم سلع تفيد و تلبي رغبات هذه الفئة و لسبب آخر هو أن أن سلع الحاسب الآلي و كل متعلقاته ليست كبقية السلع الأخري أي لا حاجة لأكثر من رؤيتها و قراءة تفاصيلها فقط أما اللمس و القليب و المليس فهي لسلع أخري. و لا يعني هذا أن من لا علاقة لهم بالحاسب من ناحية عملية و علمية ليسو مقصودين لكن هم فئة قليلة جداً داخل شريحة مستخدمي الحاسب الآلي في السودان التي ما زالت رقماً صغيراً جدا. عوامل عدة ساعدت في نجاح عملي الذي قدمته أولها إنعدام الفكرة بذات المضمون الذي قدمته و مازالت الساحة خالية من منافسين أقوياء. ثانيها إقبال عدد كبير من طلاب و دارسي الكمبيوتر لإعداد مشاريع تخرج عن التجارة الإلكترونية و إتخذوا من عملي أساساً لمشاريعهم حتى كتبت عن الموقع عدد من الصحف و إتصل بي تلفزيون السودان و أجرى معي مقابلة على الهواء مباشرة تعرضنا فيها لفكرة التجارة الإلكترونية في السودان المقومات و السلبيات و الإجابيات. أعتقد أن المسألة مبشرة جداً في السودان هذا من وجهة نظري وعن تجربة و إن كانت لشهور قليلة عدت بعدها لأرض الغربة مجدداً و علمت هدفي و نشاطي الذي سأمارسه في مقبل الأيام و قريباً جداً إنشاءالله "بعد ما الأوضاع السياسية تستقر" الموقع للإطلاع: http://www.reemadin.com
10-18-2004, 10:50 PM
عشة بت فاطنة عشة بت فاطنة
تاريخ التسجيل: 01-06-2003
مجموع المشاركات: 4572
ركزّي فى كلام علاء الدين دا كويس... انا متابع معاهو موقعو دا لي زمن...
القصة دايرا ليها جلد (بالفتح)... وصبر... وكلام زولة 123 دا عين القصة كلها... والبوستات متصلة ببعضها البعض...
عندى فكرة كدا بعمل أتحاد أو هيئة لأصحاب المواقع السودانية...يعملوا فيها تبادل للاعلانات (فرانكلي عندو تجربة كبيرة فى الموضوع)... ويأسسوا موقع مشترك للتجارة الالكترونية (واعتقد ان بكري عرض خدماته من قبل فى موضوع الدفع عبر بطاقات الائتمان) وخلق أفكار وفرص جديدة للجميع مع حفظ حقوقهم وحقوق الغير...
سجلت قبل قليل فى أسواق سودانيز (أون لاين) من أجل التجربة...وقرأت أتفاقية الاشتراك..التى تبدو أشبه بسياسة المنبر (الحر)!!!
على العموم انا أدعم أى عمل من شأنه ان يحرك المياه الراكدة فى الاسواق السودانية عبر الانترنت...وكمان بتابع معاك هنا...
أنور
10-19-2004, 12:54 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
أصلا انا عندي غرام مع الفكرة كلها بتاعت التجارة الإلكترونية... ومن اتجاهاتي في الدكتوراه.. هو هذا الموضوع .. بصورة متخصصه طبعا.. بس .. عايزه أبني خبرة .. وفهم (واقعي)...
بجيكم بكره.. النوم كبس تب
بنت الحسين
10-19-2004, 12:54 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
أصلا انا عندي غرام مع الفكرة كلها بتاعت التجارة الإلكترونية... ومن اتجاهاتي في الدكتوراه.. هو هذا الموضوع .. بصورة متخصصه طبعا.. بس .. عايزه أبني خبرة .. وفهم (واقعي)...
بجيكم بكره.. النوم كبس تب
بنت الحسين
10-19-2004, 01:06 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
شكلو النوم كبس جد جد يا مريم... خاته الكربون بتاعك ونايمة ...
غايتو لو موضوع الدكتوراة بتاعك بقى التجارة الالكترونية...فأكيد حاتمرى بالحاجات البنانقش فيها هنا دى فى تاريخ التجارة الالكترونية يا مريم...
أمبارح بترجم فى موضوع عن التلفزيونات الرقمية (تقنية كورية)...التلفزيون حا ياخذ (input) من المشاهدين ومن ضمن ما سيأخذ يا مريم...أرقام البطاقات الالكترونية...
يعنى التجارة الالكترونية حا يتغير أتجاهه من الانترنت...الى الانترنت المنزلية (حيث ان التلفزيون فى كل بيت موجود) وعييييك...الموضوع طويل...
لك الودّ
أنور
10-19-2004, 01:12 PM
مريم بنت الحسين مريم بنت الحسين
تاريخ التسجيل: 03-05-2003
مجموع المشاركات: 7727
Quote: يعنى التجارة الالكترونية حا يتغير أتجاهه من الانترنت...الى الانترنت المنزلية (حيث ان التلفزيون فى كل بيت موجود) وعييييك...الموضوع طويل...
أول محاضرة في مادة الnetworks.. بتذكرها لحدي حسي يا أنور.. كانت عن الhome networking... عشان أوريك عيييك بتاعتك دي لوين.. المحاضرة كانت بتتكلم عن تلاجات متصله بالإنترنت.. اتخيل تلاجتك تطلع ليك ورقه.. محتاج بيض وحليب ومربى... وتبرمجها تعمل لي order... عدادت كهرباء وموية متصله برضه بالإنترنت... عشان تنتبه للدفع...
الموضوع ولّع زي ما شايفه...وانا مستمتعه بالنقاش
بنت الحسين
10-19-2004, 01:29 PM
AnwarKing AnwarKing
تاريخ التسجيل: 02-05-2003
مجموع المشاركات: 11481
الموضوع ذو شجون يا مريم...بس التلفزيون بتاع الجماعة الكوريين ديل بقا داخل السوق خلاص... وانا مصّر انو أجيب لى واحد...
عشان ندخل العولمة دى...وما نبقا بره الشبكة ساكت...
تخريمة مهمة يا مريم: هل حصل أشتريتي حاجة من الانترنت؟ لو نعم كم كانت القيمة بتاعتها؟
تخريمة أخري: عدد مستخدمي الانترنت فى كوريا 29 مليون من 45 مليون كوري...بلغ حجم التعامل عبر الانترنت هذه السنة...ما يزيد عن..... ما متذكر الرقم...لكن أييييييييييييك رقم فيهو أصفار كتيرة والله $$$$$$$$$$...
أنور
10-19-2004, 04:25 PM
برهان تاج الدين برهان تاج الدين
تاريخ التسجيل: 08-28-2004
مجموع المشاركات: 510
الاخت مريم ... نعم .. سأشترى . ممكن اضافة ؟ ممكن .. شكرا مقدما حتى الان لا علاقة لبكرى او للموقع بعملية البيع و الشراء .. هى مجرد وساطة تجارية الكترونية .. هذه سلعة .. ان اردتها اتصل بصاحبها . و ان لم ترد .. فارجع الى الدواس فى المنبر بالنسبة للموقع ..فى اعتقادى المتواضع ..فالمشروع استثمار غير مباشر ... اى تفعيل واجهة تجارية بمعدل حركة مرتفع أو High Traffic بلغة الانترنت .. وبالتالى تسهيل جذب المعلنين . من المعروف ان سوق الاعلان على الانترنت مثله مثل باقى الوسائط .. يعتمد على انتشار الميديم .. فى المقام الاول .. اى الاختراق الشرائحى Penetration . المرحلة الثانية فى المشروع حسب ما هو معلن .. هى بطاقات س.اون لاين مدفوعة القيمة .. و هنا اود ان انصح الاخ بكرى بجعلها مرحلة ثالثة .. و التعامل ببطاقات الائتمان . لارتفاع تكلفة التامين للبطاقات الخاصة . يمكن للاخ بكرى - وهو سيد العارفين - الاعتماد على ال Third Party Solutions .. كما تفعل معظم شركات التجارة الاكترونية .. اى الاتفاق مع شركة متخصصة لتحصيل المبالغ من بطاقات الائتمان .. و يرفع عن نفسه عبء المسؤلية القانونية و الادبية حال حدوث اى اختراق . و تتحصل شركة بيان عمولتها بكل يسر . و يتجنب اكبر العوامل المعوقة .. وهى ( هاجس الامن ) .
عموما انا اؤيد كل مشروع من شانه ان يدر دخلا على س.اونلاين . التى ادين لها بتعريفى بهذا الكم الهائل من الاخوة/ات و الاصدقاء /ات ( /ات دى كدى صاح ؟) .. وحتى لا نتحسس من الملح الطوالى دة
شكرا يا مريم لطرح هذا الموضوع الهام و اسف للاطالة .
Quote: زولة اللزيزة.. كلامك في الصميم.. طيب يا ستهم.. لو اتحلت مشكلة الدفع دي.. يعني.. لو عملوها زي ما إنت طلبتي.. cash on deliveray.. هل حتشتري؟ يعني.. هل حتقصدي الموقع في كل مرّه تحتاجي لحاجة؟
Yes I will !!
11-21-2004, 11:42 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
مريم كل سنة و إنتي طيبة عبر بوستك هذا أوجه رسالة لصاحب الحوش و السوق بكري أبوبكر مزيد من الإهتمام بأسواق سودانيز أونلاين و متابعة و تحديث و عمل بانرات زي العاملة لغرفة الدردشة لزوم لفت النظر و من ثم الجذب و التحريك. النيلين بدأ نجمه بالأفول قبل أن يبزغ في هذا المجال "التسويق" و كنت قد تحدثت عن تجربتهم ولو لم تتم مبادلة الأفكار في هذا المجال من كل المهتمين به و العاملين عليه سيحدث للجميع ما يحدث للنيلين نتمنى لهم الرفعة دوماً و لك.
شكــرا على تشميس هـذا الموضـوع الهـام.. وأظنـه جاء فى وقتـه.
لا شك أننـا نحتـاج إلى بعض المعلـومـات الأسـاسيــة عن عمليـة وإجـراءات الدفـع ببطـاقات الإتمـان على الإنتـرنت.. ولذلك فسـأقـوم بتلخيص أهمهـا. فإن الدفـع فى هـذه الحالـة يتـم فى موقـع البنك وليس موقـع التاجـر.. والتاجـر عادة لا يملك أى طريقـة لمعـرفـة حتى رقـم البطـاقـة، ما عـدا الأرقـام الأربعـة الأخيــرة.
أكثـر من ذلك، فإن البنك الذى يصـدر البطـاقـة، والشـركـة التى تعالج عمليـة الشـراء أو الدفـع، كلاهمـا مـع المشتـرى وليسا مـع التاجـر، وكل البنوك تقريبـا تعكـس العمليـة (تعيـد المبلغ للمشتـرى) بمجـرد إحتجاجـه على عمليـة غيـر سليمـة، حتى يتـم التحـرى، مثال ذلك الستـى بنك. فلا فـرق إذا بين التســوق فى الإنتـرنت، وبين التســوق فى دكان الطــوب والحـدايــد.. كل ما هنالك، هـو أن لا تعطى رقـم البطـاقـة لأحـد غيـرك، ليشتـرى لك، إلا إذا كنتى تثقين فيـه. وكما هـو الحـال فى دكان الطوب، فيجب الحـذر اللازم عنـد الشــراء من دكان الإنتـرنت.. ويجب ملاحظــة الأتى:
1- يجب أن تكون الجهـة معـروفـة، وليس شـركـة وهميــة.. يجب أن يكون لديهـا تلفـون غيــر الـ 800 يعنى تلفون عادى تدفع عشـان تتكلم فيـه (بعد داك استعمل الـ 800!)، وعغنـوان شـارع، وليس صنـدوق بريـدى. 2- فى صفحــة الدفـع، أنظـر أولا إلى عنـوان المـوقـع.. ســوف يكون كالأتى:
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مريم بنت الحسين
zola123
أحمد الشايقي
saadeldin abdelrahman
nazar hussien
عشة بت فاطنة
AnwarKing
برهان تاج الدين
فيس بوك
تويتر
انستقرام
يوتيوب
بنتيريست