شحدة اتموسفيرية.... عاجل

الاعزاء البورداب

سلام

احتاج لكي بورد عربي على الا تكون حروفه مكتوبة بتلك المادة السحرية
التي تختفي في شهر.. ولا تنحشر حروفه بدون سبب واضح..
يعني كي بورد تمام تراعى فيه الجودة والمتانة(وش شحاد عينو قوية وسنو ملوية)
يديه لأي زول جاي ماليزيا...
ومن يأنس في نفسه الكفاءة بديه تلفوني عبر الماسنجر..
او من غير المشتركين

meena4me1 at hotmailcom

وجزاكم الله خير..

بهذا اعلنكم واطمنكم ان هذا الكي بورد سكون ماجورا على حسب من يشحدني ليه

اذا كا مستنيرا تحولت للتو واللحظة الى مستنيرة واذا كان ظلاميا صرت اكثر ظلاما
وهكذا دواليك.. واذا ارتأت الحكومة ارساله بالحقيبة الديبلوماسية
ساشكر ما لا يمكن تشكيره مثل الخدمات الطبية و التعليم واقض البصر تماما
عنو قروش البترول..
وهذا لزمن معلوم قدره 6اشهر لا غير...

وجزاكم الله خير

سلام يا بيان
سلام من كي بوردي لي كي بورديك العليل

والله يا بيان نفسي ارسل ليك الكي بورد
واعلمي إنو ما بكلفني أي شيئ
ولكنني أنا بعيد عن العاصمة
ولو بيصل بال D H L ابشري
من غدا صباحا برسلوا

ولو في زول في الخرطوم ممكن ارسلو ليهو

ود زبيدة

العزيز منتصر

Quote: ولكنني أنا بعيد عن العاصمة

انت في السودان؟

وشكرا لك كثيرا... وجد ما قصرتا..

العزيز نورالدين الشغيل
ولد عطبرة

تحياتي ليك وشكرا لك كثيرا

وما غريبة عليكم يا ناس عطبرة دائما كريمين وتمام

يحفظك الله من كل غادر والزمن ما يبقى جائر

خايفين عليك يا دكتورة يا إما تبقي "مناضلة كيبوردية" أو "مجاهدة كيبوردية"


قف

حرصا على كينونة الدكتورة بيان نطالب بعدم ارسال السلاح إليها

و في رواية أخرى درءا ل"العنف اللفظي"


(وجوه كتيرة غامزة عين عين)

يا دكتورة ..
من دواعي سرورنا أن نرسل لك نوعية مطورة من ( اسلحة الدمار الشامل )..
..
في الخدمة ..
ورينا الناس البتمشي ماليزيا وين من الرياض ..؟؟

نو

Quote: عية مطورة من ( اسلحة الدمار الشامل

بااااااااااس يا تمبس مطورة..

عارف مشيت مكانة بعيدة وجبت لي كي بورد عربي .. لقيت تلاتة
حروف ما شغالة اهم حروف كمان بيستخدموها في الشمار الشامل و احيانا في الدمار..
والبطبع بيهو دا.. الحلة كلها تسمع جك جك ككات جك..
يعني كي بورد اطرش عديل كدا..

شوف الماسنجر

Quote: حرصا على كينونة الدكتورة بيان نطالب بعدم ارسال السلاح إليها و في رواية أخرى درءا ل"العنف اللفظي

شنو يا ابو عسل ابقى محضر خير ياخي

بعدين انا زولة حقانية العنف اللفظي حقي بيجي دفاعا عن النفس ياخي..

اسع كدا حرشت المستنيرين..
كان تسكت يكون البوست الجاي تجارة اتموسفيرية

ابيع الفائض من الكي بوردات..

مودتي

الاخت د. بيان

سلامات

**** بهذا اعلنكم واطمنكم ان هذا الكي بورد سكون ماجورا على حسب من يشحدني ليه*****

ادينا عنوانك عشان نرسل ليك الكي بورد .

واجرنا هو ان تكتبي لغير الناطقين بها .

وتحياتي

خايف اقول ليك امسي علي خير تقولي لي متين امست يارحمن يارحيم .

الاخ يوسف
ما حدت انت وين..
غير ناطقين هينة بس اليصلني كي بورد فاهم ومتطور
يطبع براه ويشكل وما يغلط املائيا.. قرقرقرقرر

بيان يا لذيذه

والله ضحكتيني ضحك

يا اخي ارحمي الكي بورد

بالله احكي لينا اولا

كم كي بورد جبار تحطم على يديك؟؟؟؟؟؟؟؟؟؟؟؟

احكي لك نكته سمعتها

سمعت قالوا واحد في امريكا قال :

والله لو انا راجل تراجي او بيان بس

التزعلني اقطع ليها الكمبيوتر

لانه بين النسوان ديل جنهم كمبيوتر.

الليله ضحكتيني لانه كي بوردك باظ


عارفه انا كي بوردي البكتب فيه جاني من وين

دي قصه كنت عايزه افتح بيها بوست شكر.

لك الود والله يجمع لك بكي بورد ممتاز ومعمر ويستحمل البتعمليه فيه.

تراجي.

الاخت بيان
لك الود

انا في الرياض ( السعودية ) عشان ما تقولي الرياض الفي الخرطوم


وهذا رقمي(0966502129715) وجاهزين لخدمتك يادكتورة .

معليش الكي بورد ابي اكتب انقليزي .

بيان
امل ان تتوقر الوسيلة ليتم توصيل الطلب
وعلى فكرة هنالك استكر يلصق على الكى بورد وبه الحروف العربية يمكن ان يكون متوفرا فى ماليزيا
ده ما هروب بس مجرد زيادة معلومة
تحياتى

Quote: والله لو انا راجل تراجي او بيان بس التزعلني اقطع ليها الكمبيوتر

سلام يا تراجي


حلوة دي كمان ديل بزعلوهم..
فشر...

بلدي الحبوب العزيز
شكرا ليك زمان كان عندي واحد بأستكر..لكن ما كويسة الاستكر لانه بمرور
الزمن بتتمسح..
عارفاك ما بتقصر

دكتورة بيان،،
سلامات
عليك الله ما كان تطلبى ليك حاجة غير الكيبورد بالمرة عشان نشارك مع المتبرعين
تستاهلى عشرات الكيبوردات،،
معزتى،،

بيان

سلام

ارجو أن ترسلى عنوانك على الايميل

سيصلك باسرع ما يمكن

للجميع ( تم شراء الكى بورد و تغليفه وفى انتظار العنوان وهناك طائرة يوميا بيننا)

الاخ العزيز معتصم


شكرا لك كثيرا..

لقد وصل اليوم كي بورد فاهم وجميل

لونه اسود

فمن يأنس في نفسه الكفاءة يرسل لي كمبويوتر اسود

بهظر معاكم بالحيل عجبتني الشحدة الاتموسفيرية دي
وشكرا للجميع

وفي ميزان الحسنات

انا سعيدة اني سودانية...

الرسلو ليك فاعل خير ولاماكتبتى اسمو ليه يابنونة ياخى ؟!!


هسة يعنى ماارسل ليك الكمبيوتر الاسود عشان يبقى طقم مع الكى بورد ؟!!(وجه مفشخر جنس فشخرة وعامل فيها عندو كمبيوتر اسود )!!

معتصم الطاهر

رسلو لي انا لكن بشرط انا ادفع ثمنة وثمن الترحيل

أنا كي بوردي ليه 10 سنين و أهوداك قاعد ذي الجديد لنج.

المهم في الأنامل...
إنتي بتلعبي كراتيه يا مدام?

Quote: أنا كي بوردي ليه 10 سنين و أهوداك قاعد ذي الجديد لنج.

يااااااااااااااااااااااااااااراجل !!(وجه مندهش)

د.بيان
سلامات،،،

Quote: أنا كي بوردي ليه 10 سنين و أهوداك قاعد ذي الجديد لنج. المهم في الأنامل... إنتي بتلعبي كراتيه يا مدام?

و الله يا بيان أنا بدورى، أتبرع بكل كتب الجودو، الكونج فو، الملاكمة
و كان جاك هاشم بدر الدين ذاتو، بس قولى يامعين، كياكى ظوكى
نمستيه، ريه أوص، وقولى للكيبورد أمك جاتك.
منتظرين جديد الكيبورد الأسود،
و السلام....

Quote: يااااااااااااااااااااااااااااراجل !!(وجه مندهش)

نعمل ليكم شنو...ما بتتعاملوا مع التكنلوجيا بحنية?

كدي شوفي كلام بيان ده...فجقت عين كي بورديها المسكين و بعد ده كلو دايره تلحقو الكوشة.

Quote: وقولى للكيبورد أمك جاتك.

ياجماعة مالكم دايرين تجننونا ؟!!

امك جاتك سمح اها !!!

(وجه بطنو وجعتو من الضحك)!!

Quote: امك جاتك سمح اها !!!

أستاذة نادية عثمان
تحياتى.........
تعرفى المشكلة بيان لما تركب مكنة النضال، و النضال المضاد
ما عندها دجانقو أفرز.
الفى الطريق كله بتقشه.
و الجايات أكتر من الرايحات.
التحية لك و لها،،

يا كوستا
لو شفت بناني لدهشت من رقته حتى انه كان يوما هناك نبؤة ساكون نشالة حريفة او موسيقية

عظيمة... انامل في غاية النعومة توسكا لمسة حنان بس . بس المشكلة في الصناعة الرديئة..


بعدين كي بوردك دا يا فردة ممكن يقعد 20 سنة تاني ولا تموت خليه ذاتو بجدته وشدته
انت بتطبع ليك سطرين ولاتعمل وش ضاحك كان كدي كان كي بوردي ابو استكر قاعد لليلة..
بعداك تشيل اي كلام مكتوب توديه القوقول تشوفو مسروق ولا لا..
ودي بتم بالماوس موش؟

الغريبة يا كووستا حركة كلام في القوقول دي ما عملتها لي ابدا ابدا
دا فور ذا اولد ديس سيك ولا شنو

يعني كي بوردك قاعد ساكت..(وش يعرف كوستاوي من زمن طويل)

Quote: الاخ العزيز معتصم شكرا لك كثيرا.. لقد وصل اليوم كي بورد فاهم وجميل

نادية العثل كيف الرسول معتصم بارك الله فيهو

اها وقع ليه عطاء 6 شهور انا تحت امرته..


يلا رسلي الكموبتر الاسود كمبويترى لونه بيجي ذى ملاح the mother of thin

شوفي عاد كان ما وصل في 24 ساعة بشيل حالك عاد

وتسلمي

Quote: معتصم الطاهر رسلو لي انا لكن بشرط انا ادفع ثمنة وثمن الترحيل

شنو يا سيف مساعد ياخي تحرجني الحرجة الشديدة دي

وتجيب سيرة قروش داير الناس يقولو بيان استكراتية؟

ياخي قول للعروس تجيب معها كي بورد فاهم..

Quote: الله يا بيان أنا بدورى، أتبرع بكل كتب الجودو، الكونج فو، الملاكمة و كان جاك هاشم بدر الدين ذاتو، بس قولى يامعين،

الكتب دي هنا بالكوم يا عزاز ما تغشني
اسع منتظرة ترسل لي سي بي يو

على ان يكون لونه اسود عشان يكون ماتش مع الكي بورد
المونتر متبرع بيه ايه عثمان,,

الان ... والان فقط.. وبعد ان انتهت حمى التبرعات ولم يعد هنالك داعى لكى نخرج مالا من جيوبنا.. الان فقط نستطيع ان نمد رؤوسنا وندعى اننا مستعدين للمساهمة.
أى خدمة يامدام؟؟

والله ماشاء الله قوية يابيان

انا من زمان بقول ياجماعة نجاة دى عندها كاريزما عجيبة وسطوة جبارة فى المنبر ده

عارفة؟

انا زمان كده قبل كم شهر فتحت بوست قلت لرجال البورد ده وسيداتو انى عايزة لابتوب بى حقو زول عبرنى مافى لى هسة تصدقى ؟!!1


(وجه ماقادر ينسى التخاذل المنبرى المريع وصارى صرة شديدة جدا)

Quote: انا زمان كده قبل كم شهر فتحت بوست قلت لرجال البورد ده وسيداتو انى عايزة لابتوب بى حقو زول عبرنى مافى لى هسة تصدقى ؟!!1

نشوف الكارزما دي بتنفع في السي بي يود ولا لا..

اسع في مرشحين اتنين

عزاز و منعم..

انا ما فكرت في قصة اللاب توب دي ابدا

نديها صنة شهر كدا ونشحد لاب توب..

Quote: تدخلو الكوشة

يا مستر كوستا لازم تعترف لي اسع انت بتعرف ايه عثمان؟

لانه كتب الكلام دا مرة في الاوف لاين..

Quote: الدكتورة بيان عندها كمبيوتر من زمن حفروا البحر زي ما كانت بتقول حبوبتي الله يرحمها اها ودت الكمبيوتر للصيانة وطلع سعر الصيانة قريب من سعر كمبيوتر جديد وبرضها مصرة علي صيانته وانا كم مرة قلت ليها حقو تشتري ليكي كمبيوتر جديد الكمبيوتر ده اكل منه الدهر وشبع ابت تب قالت هي متعودة على الكمبيوتر العجوز ده وما دايره تفارقه ابدا مهما كلفها من ثمن الظاهر الدكتورة مقتنعة بالمثل البقول الشجر الكبار فيهو صمغ اها قلت مادام ده رأي الدكتورة وما دام انحن ناس كبار وفينا صمغ قلت ليها طيب عرسي لينا بناتك اها وياريتني لو ما قلت ليها الكلام ده قامت بزعل شديد قالت لي انتو ناس كبار وما بتخجلوا الواحد فيكم داير يعرس ليهو واحدة لو عرس بدري شوية بتكون قدر بته وبناتي ديل صغار شديد عليكم كلهم مواليد الثمانينات احسن ليكم تمشو تشوفوا بنات الدراسات العليا بتاعين الدكتورة ديل مناسبات شديد معاكم اها من اليوم داك بقيت كله ما اجي ماري بجمب اي مراية اقنب اعاين علي روحي شديد في المراية والغريبة مرة اشوف روحي شباب لمن اقول وا حلاتي ومرة اقول الله يرحمك يا ايام شبابي كده خلوني اقول ليكم عمري كم بالضبط عشان تحكمو براكم وتشوفوا هل فعلا كبرت ولا فضل فيني باقي روح انا قبل ستة سنوات بالضبط عمري كان قدر عمر اخوي البكر قبل سبعة سنوات من التاريخ ده وكان عمره قبل السبعة سنوات دي ثلاثة وعشرين سنة بالتمام والكمال مع الجمعات والعطلات الرسمية هسي عليكم الله كده وروني هل انا كبرت لي درجة اني ما مفروض اعرس لي واحدة عمرها بين 18-22 سنة؟

بعدين يا ايه عثمان تاني لما اجيب كمبوبتري الجديد حتنقطع كل العلاقات
عشان تسرب اخبار كمبويتري للاعداء(وش زعلان شديد من الناس المابيحترمو اسرار المهنة)

البوست اسمه بيني وبين دكتورة بيان كمبويتر عجوز

Quote: وبعد ان انتهت حمى التبرعات ولم يعد هنالك داعى لكى نخرج مالا من جيوبنا.. الان فقط نستطيع ان نمد رؤوسنا وندعى اننا مستعدين للمساهمة.

وصلو حلوين اللسان قليلي الاحسان
دا شنو يا ود عمي عاد اتلومت شديد والله.
اها النقولك اخونا معتصم دا جاب كي بورد اسود وكمبوتري اوصافه

في بوست نادية اها بدورك ترسل لي سي بي يو

نمشي نصالح ايه عثمان دا يجي يكتب المواصفات شرطا يكون قريب لحق ناس السي اي ايه..


دي الخدمة العايزاها المدام ممكن؟

Quote: نديها صنة شهر كدا ونشحد لاب توب..

Quote: دي الخدمة العايزاها المدام ممكن؟

وحاة الله
انا يانى المادخلت البورد دة تانى

Quote: السي بي يود

زى حقن الملاريا كده يعنى ولادى شنو البتاعة دى ؟(وجه مسطح شديد)

Quote: زى حقن الملاريا كده يعنى ولادى شنو البتاعة دى ؟

بس ياها زاتها !!!
ارسل ليك كم حقنة يادكتورة؟؟

وجه برئ براءة الذئب !!!

أنت يا ش* وش*
لازمن تزوغ.. ايدتيه فرصة يا نادية





* شيوعي شايقي

Quote: وجه برئ براءة الذئب !!!

مع انو الكلام موجه للدكتورة بس حبيت اقول ليك

متأكد ؟!!(وجه به بعض ريبة وحاسى بحاجة كده زى دواء الكحة واقف ليهو فى حلقو )!!

Quote: السي بي يود

يود دي مافي هي يا اخواني كي بورد معتصم بيغلط برضو.(وش مهجوم)
سي بي يو

Quote: متأكد ؟!!

مش خالص يعنى

(وجه مذنب بعد ان ثبتت برائته)

Quote: يود دي مافي

اها دا الكلام المابنفع معانا!!!
انا اشتريت ليك ثلاثة باليود اوديهم وين حسى؟؟

Quote: al see you youd

ماركة كعبة
وصناعة أيه كده ما عارف,,آسيوية ما يابانية...

يا نادية إتخارجي بجلدك

الزول ده و الزولة دي كانو شغالين حفارين قبور قبل النت

أطلعي من الشغلانية دي....جابت ليها يود و صبغة و بعد ده حا يجوك بالكوريك و طورية أبو لمبة و الفانوس الحرق القطية....

الحبيب معتصم الطاهر

بالحيل العروس باقي ليها 4يوم وتكون معي , بس قالت شاحنة تكويشة ما بتقدر تشيل حاجة لكن بحاول اخلي اخوي يرسل معها واحد يمكن تلقي ود حلال في المطار يساعدها في الشحن

الاخت د. بيان

من كان له فضل زاد فليعد به من لا زاد له

بالله لو وصلك اكثر من لوحة مفاتيح ارمي لينا واحدة وبجيكي ناطي بي تاكسي

دايرين نلوك من جهة الملوك

Quote: ملاح the mother of thin

وزادوه موية





بس بسلم عليكى

لولا حديث , لعن الله الخمر ,,,, كنت رسلت كي بورد

Quote: بس بسلم عليكى

الله يسلمك بزيارتك بيتنا نور زهور زينة ايها الرجل المحترم

مودة لو جاتك لاغرقتك..

Quote: لولا حديث , لعن الله الخمر ,,,, كنت رسلت كي بورد

معروف يا سند يا ولدي

ما في مشكلة لما سكرتك تفك مممكن ترسل لي لاب توب ما تعتذر
بالخمرة مافي مشكلة السكران في يد الواعي.. وعارفاك ما بتقصر تب..(وش برئ مقدر ومتفهم)

ايه عثمان

الى الان وصل كي بورد واحد ممكن تجي تنقرش فيهو في الويكند
وتمبس واعد بواحد ختري شديد ما بيغلط وبيشكل ويشاكل براه..

تمبس اوعى تزوغ..

Quote: دايرين نلوك من جهة الملوك

انت قنب لوك كدى لمن تقرش ليك حصحاصة

كوستاوى انت الحسادة دى يوم بتجيب اجلك

http://www.bitclick.com/

Maktab allows you to write arabic texts using any non-arabic Windows and any keyboard.

The highlight is that you don't have to search for the right keys: you can type exactly like you are used to in your own language: press a to get the letter alif, b for a ba, q for a qaf and so on. Once you are done, simply copy and paste the text into your favourite application and that's it!




salam ya dr byan
Untill you get your arabic keyboard i would like to invite you to try this one
just download it,then if you don't like it....

ibga Allah kreeem
regards
woroorrook

Quote: لقد وصل اليوم كي بورد فاهم وجميل لونه اسود

أسود و ظلامية؟؟؟؟
الللللله يستر

Quote: يا كوستا بعدين كي بوردك دا يا فردة ممكن يقعد 20 سنة تاني ولا تموت خليه ذاتو بجدته وشدته انت بتطبع ليك سطرين ولاتعمل وش ضاحك كان كدي كان كي بوردي ابو استكر قاعد لليلة.. بعداك تشيل اي كلام مكتوب توديه القوقول تشوفو مسروق ولا لا.. ودي بتم بالماوس موش؟ Quote: الغريبة يا كووستا حركة كلام في القوقول دي ما عملتها لي ابدا ابدا دا فور ذا اولد ديس سيك ولا شنو يعني كي بوردك قاعد ساكت..(وش يعرف كوستاوي من زمن طويل)

الرد دا بي الكيبورد الجديد والا القديم؟؟
..
بعدمـا
وصلت كل الكميات دي من المعجبين ( شيوعيين وقوى ظلام .. وناس الله ساكت )
حقو الواحد يا دكتورة يخلي فكرة الكيبورد .. ويرسل ليك ( طبنجة ) ( تسعة ملي - كاتم صوت ) بتطبق وتدخل جوة شنطة اليد عادي
الظروف ما معروفة

Quote: يا نادية إتخارجي بجلدك

كستاوى اخوى ..ياخ البخارجنى من البوست المليان ده خالية الوفاض وحافية القدمين شنو ؟!!

انت ماشايف كريزمة بيان دى خترية كيف ....خلينى هنا ايمكن اطلع بى لابتوب ..اسيوى اسيوى مامشكلة اخير من مافى (وجه تجاه الملوك بيلوك)!!

Quote: حقو الواحد يا دكتورة يخلي فكرة الكيبورد .. ويرسل ليك ( طبنجة ) ( تسعة ملي - كاتم صوت ) بتطبق وتدخل جوة شنطة اليد عادي

وين يا تمبس تخلي فكرة الكي بورد (والغويشات ) ما عندك طريقة
عاد بقطع فيك الكي بورد الجديد دا وأشيل حالك وانقر طارك..

الماسنجرات موجودة لو ما جا حتسمعها ف ي السي ان ان..
قال اخلي فكرة الكي بورد قال

الاخت / دبيان

تحياتي

استلمت الكي بورد وعملتي نايمة وانا في انتظار المسنجر الذي مثل الكي بورد الذي شتريتة وانظر الية فقط .
مبروك الكي البورد الجديد

اروروووووك

شكرا ليك يا امير
رغم ان الخط صغار ما بيتقري للمسنين بسهولة(وش خجلان)

الا انه الحركة عجبتني شديد وشكرا ليك

سلام

Quote: رغم ان الخط صغار ما بيتقري للمسنين بسهولة(وش خجلان)

الخجليبة

أنا قلته الولد Gazo بهظر ساكت, تارنو كلامو ملان و قوي.

بكرة حا تجيكم تاني تقول ليكم أناملي ناعمة و تشحدكم نظارة نظر...يحلك الحله بلة يا تمبس.

يا خالى كوستاوى
كان الحكاية وقفت على النضارة... هينة

ياهجام
كل حاجة تمام
والكلام لى قدام
بعد النضارات
تفضل الســماعات
والكرسى اب عجلات

Quote: يحلك الحله بلة يا تمبس

..
غير صالح للنشر
يا كوستــاوي
بل راسك غايتو
بطرفنــا عدد اتنين كيبورد تم اختيارها باحكام مع مراعاة كل سبل التقنية الحديثة .. واحد مني .. والتاني من ( بيبي تيوب )
اما المني انا .. مجهز بي محركات بحث مختلفة من قوقل لي ( Alta Vista ) يعني ما تدقس
وبتاع البيبي تيوب تم تطويره في البيت وفيهو مفتاحين بعد مفتاح Insert بيشتغلو نظام ( بنج بخاخ )
يعني بنفعو في الحلاقة والظعمطه
..
يا دكتورة ..
النوعية بتاعت الكيبوردات دي بتشتغل حسب المود .. وممكن تبرمجيها بي بصمة الصوت وتخلي الباقي عليها
يعني مثلا من ما صحيتي من الصباح كدا ..
تقعدي في تربيزة الكمبيوتر وتسجلي دخول في سودانيز ، وتختي صوابعك العشرة في الكيبورد وتقولي ليهو ( كوستاوي اسبوع لي قدام ) .. اهــا بعداك ممكن تمشي مشاويرك وتجي ..
تجي تلقي كوستاوي .. ( مبستف )
وقيسي على ذلك ..

Quote: انا زمان كده قبل كم شهر فتحت بوست قلت لرجال البورد ده وسيداتو انى عايزة لابتوب بى حقو زول عبرنى مافى لى هسة تصدقى ؟!!1

راجعى البوست
وشوفى الناس العبروك وما عبرتيهم

عندك اتنين بحبوك شديد هنا ..
وقالوا ليك مستعدين
واحد أخوك ..

Quote: يا خالى كوستاوى كان الحكاية وقفت على النضارة... هينة ياهجام كل حاجة تمام والكلام لى قدام بعد النضارات تفضل الســماعات والكرسى اب عجلات

كدى يا منعم؟
طيب!

اتلمو علي الجلاكين..

اذا كا مستنيرا تحولت للتو واللحظة الى مستنيرة واذا كان ظلاميا صرت اكثر ظلاما


أسـة انـا دا مـوقفي كيف معـاهـو?
وكيف مـوقف الطلب ده مـن التقـدميـة?

مـني

الاعزاء

كل من كتب في هذا البوست اشكركم كثيرا.. وكل من ارسل في الخاص
او الايميل عارضا على خدماته في ميزان الحسنات يا رب


واعتذر لاخي معتصم عما لحق به من اذى دون قصد
وهكذا الحياة في البورد خير تفعل شر تلقى
وامسحها لي في وشي.. وقلبي محزون جدا..
ولو اي حاجة ممكن تصلح الحاجة دي مستعدة اعملها..

حتى لا يسود فكرة انقلاب الخبر الى شر..
ولمن حول هذا العمل الجميل الى موضوع مطاعنة..
طلبي لهذا الكي بورد لو بتفهم لم يحدث لاني لا استطيع شرائه
الحمدلله والشكر لله على الرزق الذي اعطانا له
ولم يرسله الاخ معتصم لانه يريد مني شيئا..
ونعم نقبل الهدية عااااادي لان دا طبع السودان الجميل..
وشكرا ليك اخي معتصم رغم خلافاتنا البوردية الا انك ارسلته لي..

كل يوم الزول تتكشف له حاجات..و
بس نرجع نقول
حسبيا الله والله نعم الوكيل

ياحبوبة

الان وقد اكتملت لديك كل اسلحة الشمار الكامل كى بورد اسود صناعة ايرانية وبكتب عربى اسود صناعة سودانية انتظرك فى الازقة2 فلدينا حديث طويل يحتاج الى تكملة.
منعم

يا عزيزي جازولت

رغم سعادتي بهذا الكي بورد الفخيم.. الا انه
الحياة تقرف ياخي..

من الصباح اكتب وامسح اكتب وامسح الزول عايز يتعالى ويتسامي
على شروروه لكن الناس دي ما بتديك فرصة..

اعمق الجراح تاتيك من ناس كانوا في مقام الود والمحبة..
بس ادينس ايام كدا وسأعود..

بيان

أنا أعلنها على الملأ

بيان
نحن لا نختلف

نحن نتحاور ..

ويا أختى ..

أشكرك أن وضعت فينا ثقة ..

ولا تتعالى على الشرور

بل يجب أن نتعالى على الكراهية ..

فالشر دواءه الخير والخير فى الناس ..
( وإنّه لحب الخير لشديد) ..
ولكن الحب لا يداوى الكره ..

Quote: أسـة انـا دا مـوقفي كيف معـاهـو? وكيف مـوقف الطلب ده مـن التقـدميـة?

سلام يا مني

كدا بقلب ابقى تقدمية لكن طبعا بس وراك بشوية ما ممكن اتقدمك
ولا كيف ؟بعد رسلتي لي الكيبورد.. نحفظ المسافة..(وش عارف انه حيكون وراك)

Quote: تجي تلقي كوستاوي .. ( مبستف ) وقيسي على ذلك ..

تمبس بمجرد الاستلام اي عدو ليك طوالي يبل راسو ويقعد لي
احلق ليه تماااااااااااااااااااااااام..
منو دا بيبي تيوب اوعي يكون نسيبي؟
الليلة والليلة بصات ابو رجيلة يا مستر كووووووستا

كوستا جاك بلا

Quote: وقيسي على ذلك

الجازلوت عاد ما تنتظر يوم كيلك..
اسحف بعيد واعمل ساتر..
سند وعمر وكل الاخوة الشيوعون اها شوف ليكم جزيرة بعيدة

اخي العزيز معتصم

شكرا ليك على الكلام الطيب

اكتشفتا انه الكي بورد علامات التشكيل مكتوبة برة فيه..
الله يبارك فيك دنيا وآخرة

Quote: علامات التشكيل

دى يعنى العلامات البتوريك محل (الشَكَلْ) وين؟؟

Quote: دى يعنى العلامات البتوريك محل (الشَكَلْ) وين؟؟

لا التوضيح مهم وواجب مع الكيبورد السنين دا

اها ان جاء دور الماوس قولي عوووك
عشان نرسل ال"الباد" وننتظر الماوس

Quote: اها ان جاء دور الماوس قولي عوووك عشان نرسل ال"الباد" وننتظر الماوس

ما بتقصر معاي انت يا هوبفول.. بارك الله فيك
بس مشكلتك بقيت حق ادارة خدود ومرقتني في السهلة..
اي زول يتطاول علي..

Quote: دى يعنى العلامات البتوريك محل (الشَكَلْ) وين؟؟

قرقرقر يا منعم تاني اوسكار ..

منعم بعد كدا نزل زقاقك داك(وش خايف جنس خوفة لو بالجد نزلو).. الكي بورد جديد والجديد حديد...

بيان العزيزة


سننتي الكي بورد ولا لسه

باين ح احتاج ليك قريب

Quote: باين ح احتاج ليك قريب

منو دا الزعلك يا انعام ؟؟؟
انت تشاوري وتزحي بعيد..
انجضو ليك بكلام مشكل كمان..
وانت يا المزعل انعام زولة ذي انعام دي بزعلوها؟
جاتكم البلاوي..

جينا المولد متأخرين

Quote: اكتشفتا انه الكي بورد علامات التشكيل مكتوبة برة فيه..

بعدى كدا خلاص المسيرة بتاعة السبيلينغ حتتواصل مش
تحياتي وودي

Quote: جينا المولد متأخرين

وين متاخرين عايز تبقى ذي منعم بعد الكي بورد وصل دخل طارح خدماتو
اسع شوف براك الكي بورد المأجور دا شهر ما بيتمو من
كمية الناس العايزين بستيف.. من دربك دا تمشي
ترسل واحد يكون فاهم ذي حق معتصم التشكيل
برة...
مافي كلام وصلت متاخر..

Quote: بعد كدا نزل زقاقك داك

لا... يعنى زقاق العبث خلاص ؟ مافى كلام حيتقال فيهو؟
الموضوع دة لسة... ولا شنو ؟؟؟؟؟

Quote: أسود و ظلامية؟؟؟؟ الللللله يستر

قرضابي يا لطيف

ما تخاف انت من الناس البنعزها.
اطلع وبان عليك الامان..
اي زول يهبشك كي بوردي دا بيباه..(وش يسيل الدم من شدقيه)

بيان

والله ان عالم لاتوجد فيه بيان لهو عالم ممل حد الموت !!


ياخ والله العظيم بحبك كده لى الله بس !!

Quote: لا... يعنى زقاق العبث خلاص ؟ مافى كلام حيتقال فيهو؟ الموضوع دة لسة... ولا شنو ؟؟؟؟؟

كيف خلص؟

في حاجات كثيــــــــــــــــيرة

بس داك عشان قنبلة ذرية والكي بورد جديد. يعني ذي سكين في الضراع تابا اي زول
يتعدى الشخيت..

Done
يا دكتورة
خصوصاً بعد الPackage من القصص الجميلة النشرتيها في الفترة الفاتت،



Hint في قصة طويلة نشرتيها الفترة الفاتت بفتش ليها
بعدين في كلام حول القصص بقولو في مكانو
سلامات

العزيز محمد

شكرا لك كثيرا..

رفعت لك القصص هل وجدت ضالتك

البوست الذي حدى

بالسيد عماد الخير الشهير بام احمد تكتب عباطاتها..

ياخوانا أنا زول أنسانى خالص جداً ودموعى (عويره)

ووحات ناس كدباس..دا أجمل بوست لو بتعرفوا بيان أختنا بت اللذينا..بتمرر بذكاء حالة أنسانية نادره أسفيرياً من واقع الحياة اليومية الفيها تفاصيل أنتماء ومحبه بين الأصدقاء للبورد ده..يعنى القصة ماشحده وماها كيبورد للناس الأحاسيسهم صاره وشيها ومعقده الأمور ..بس (وأريتنى مافسرتها) دايره تقول نحنا برضو أصدقاء وبننتمى لبعضنا البعض..أها لمن يجوا الناس ويقولو ليها أبشرى رسلناهو ليك فى الحته دى المعنى الغمييييييييس وهو البورد (كمجال أنسانى) تتصادق فيهو الأفكار والذوات وبيان تفتح طاقه ليمر هذا البصيص الأنسانى متعة ان نقدم لأصدقائنا وأحبائنا مايحتاجون منا من غير تأويل معقد للأمور

أننى أكاد أن أنفجر (زول طويل أنسانى خالص قاعد يبكى من التأثر)

أرجو عدم الرد من بيان أو غيرا

Quote: بيان والله ان عالم لاتوجد فيه بيان لهو عالم ممل حد الموت !! ياخ والله العظيم بحبك كده لى الله بس

نادية يا عثلنا
اليوم انتظرت بعلنا جا قالت ليه شوف نادية صاحبتي
قالت شنو؟
قالي اهو قلتيها براك
قلت ليه شنو
قال صاحبتي
الراجل المن عندكم يا نادية قلب شايقي قطيم..
شكرا ليك يا وردة يا فواحة..

وحات الشيخ الجعلي و الغبش والواقفين صفوف
زولا ما صاحبو حاتم الياس دا فطيس ساكت..

كلامك جميل يا حاتم يمسح الجروح و يلثمها ليتوقف الالم
شايف الناس الحلوين الفوق ديل كلهم رغم مناقراتي ليهم الا اي واحد فيهم بشكل نبضة في قلبي ذي اسرة واحدة...لا احتمل ابدا فكرة الا يكونوا موجودين..
تعرف في ايملي لقيت ايميل من اخ اسمه نوري من عطبرة قاعد في الجنوب
رسل لي قال عايز يرسل كيبورد لي ساق ساعتين من السايت عشان يلحق ماليزي مسافر
اديتو تلفوني اتصل بي من الجنوب..فتح طاقات من المحبة والود وقال انه بيعد
سودانيزاولاين جزء من حياته وكتابها كذلك..

لنوري الرجل الطيب الفاضل..يشرفنا ويسعدنا جميعا ان نكون جزء من حياتك..ونتمنى نكون عند حسن الظن.. وهذا البوست اكسبنا صديقا جديدا...
التحية لنوري ...


مودة شديدة.. لكم جميعا و لحاتم كل المحبة..

Quote: يا خالى كوستاوى كان الحكاية وقفت على النضارة... هينة ياهجام كل حاجة تمام والكلام لى قدام بعد النضارات تفضل الســماعات والكرسى اب عجلات

جازولت يبكي نفسه...ويذكر ايام الشباب الولى ادباره
وخلاه في الصقيعة مع خاله مستر كوستا..

اول مرة اعرف الجازولت هالف كاست
بالله انت امك خواجية؟

اليوم وصلت اسلحة الدمار الشامل المولعة ناااااااااااااااااااااااااااار

كيبورد ختري شديد ومعه ولده(اصغر كي بورد رايته في حياتي)

ووجدنا به كل المواصفات التي ذكرها علاء..
شكرا علاء وحميدة
ويا مستر كوستا بل راسك واجلس "ستنق دك"
يو كانت رن & هايد..

عارفة توك اذ جيب


شكرا لكم جعلتم اليوم جميلا.....

كما لا يفوتني ان اهدي لكم تحيات اخونا نوري في الجنوب الحبيب
الذي يبلغكم تحياته وتقديره لكتاباتكم..

ويانوري سلامي ليك وبالغ الاحترام والتقدير...
ونتمى دائما نكون عند حسن الظن....
ما تخاف علي..

هذا هو البوست
الذي يركز عليه مخابيل كفاية

الأخت بيان

قرأت البوست ومداخلاته أنا سعيد جداً بالقفشات والحوارات الجميلة التي لاتخلو من الطرافة وأتمني أن تمتد هذه الروح الحوارية الجميلة لكل بوستات المنبر العام

مع تحياتي
عادل عبدالرحمن

Quote: الأخت بيان قرأت البوست ومداخلاته أنا سعيد جداً بالقفشات والحوارات الجميلة التي لاتخلو من الطرافة وأتمني أن تمتد هذه الروح الحوارية الجميلة لكل بوستات المنبر العام مع تحياتي عادل عبدالرحمن

الاخ الكريم عادل

سعدت جدا بمرورك الباهي وتعليقك الجميل..
عندما بدا هذا البورد. كانت هذه الروح هي السائدة.
غالبية هؤلاء الاعزاء من ذلك الزمن الجميل..
نتناقش ونختلف وهناك هذه المحبة. الى ان ضرب البورد
فيروس رجالة الكي بورد.. وصار اليه احال
كما ترى الان..

واللهم آمين ان يعود المنبر كما كان..
وشكرا لك مجددا على كلماتك الطيبة

تقديري..