نقة ساكت وشحتافة روح.. الى حين عودة دومة

انتو ناس الصين ديل
السارس قارضهم
و الفيضانات قارضهم
وحكومتهم قارضاهم
وترفح ليك حجر فى الواق واق تلقى تحتو صينى
اسع شنتير دا القاعد فى البورد دا جارو صينى
بعد دا كلو لا بيكملو ولا بينقصو
وكمان ناس بنقلاديش ديل
مراكبهم قادر الله تشيل 800 نفر وكل يوم قالبة الهوبة
والفياضانان والمانسون والجوع
والنسوان ديل متناوبات فيهم دى تمرق تجى دى بس التقول لعبة كراسى
والقطر يخش فى البص دا شايل مليون وداك شايل عشرمية
برضو ترفع ليك حجر فى اى مكان تلقى بنقالى قاعد تحتو
اسع جارنا بنقالى
هى يعنى نحنا ذاتنا بقينا تحت اى حجر
ونحنا السودانين
الجوع و الحرب قضت على
4 فى المية مننا والهجرة 40 فى المية مننا
كر على نحنا الممحوقين الشوية
من حملة الدفتر دار لغاية ضربة المتمة لغاية كررى
قضت على نصنا
يعنى بصراحة كدا نحنا احسن نمشى جنب الحيطة
عشان ما نكمل
او تحت رعاية الامم المتحدة نحول السودان الى
مزرعة تفقيس سودانية
واى راجل نعرس ليهو اربعة نسوان السنة باربعة اطفال
وكدا نتأكد انه جنسنا السامى
الماعارف انه عربى ولا افريقى دا
يبقى كتار
كدا خلاصين يا حلاتنا
لا بنشبه
امهتنا الافريقيات ولا ابائنا
العرب
يعنى حاااااجة كدا ما تخلص

بسم الله يا سيدي الحسن
البنية دي جنت وللا شنو؟

أول أمس في ستمائة بنغلاديشي ماتوا في نص البحر في مركب خشبي حمولته لا تزيد عن خمسين بني آدم .. لكن الفقر الضكر راكب البنغلاديش وقاموا كلهم اتوهطوا في المركب الصغير ده. انقرضوا عن بكرة أمهم (بعد ده حكاية ابيهم دي ما دايرنها). في بعض الصحف العالمية .. نشروا الخبر في زاوية مظلمة جداً ما في زول بيشوفها .. وفي الصفحة الأولى نشروا خبر طفل ياباني عمره 12 عاماً قتل طفلاً يابانياً عمره عامين!! واحد بنغلاديشي قال لي: يا إنت .. يعني طفل زي ده أهم من ستمائة بنغلاديشي؟
قلت ليه نحن ماتوا مننا 116 في لحظة .. وتلفزيوننا بيغني .. إنت كمان داير الصحافة العالمية تجيبك في الصفحة الأولى؟ فبهت الذي من بنغلاديش

بالله عندك جار بنقالى برضو
انت ساكن فى الامم المتحدة؟
والله يا شنتير
حاجة محزنة التلفزيون دا
عارف يوم سقطت
بغداد فى الاى ارت تى كان فى
فنانة كدا من ناس الدمار الشامل
لابسة ما قل ودل
تتراقص
بس لو ما خايفة يطلقونى كنت رفستا التلفزيون كسرتوا للابد

يا دكتورة حمد لله على السلامة
وين الغيبة ؟
شفقتينا يعلم الله

سلام يا جندرية
يا سلام دموعى سالوا لما شفتا صورة امك
والله الامهات ديل بيتشابهوا بشدة

واما الغيبة رحلنا من البيت
وبين محركة ناس الشركة وناس البيت
لم يصل لينا التلفون الا بالامس
وشكرا على السؤال
يا جميلة

نقة عن اختلاف الثقافات
ذهبت الى المدرسة
لمقابلة معلمة ولدى
التى شكت وبكت وقالت الولد منجضهاحية بعدين لما تقعدو فى الركن
ما بيتأثر و بالعكس بيكون فرحان
قلتا ليها ركن شنو الولد دقيهو
جبتاالولد قعدتا معاه
قلتا ليه
انت الاولاد الباقين لما يقعدوهم فى الركن بيعملوا شنو قال بيبكو
وانت ليه ما بتزعل وتبكى زيهم
قالى
انت بتهذرى دا الركن احسن حاجة
لانه الزول ما بيكتب
وانا طبعا زعلتا شديد
لكن تانى لما فكرت انه
ده عقاب خواجاتى عقاب الاقصاء دا
يبدوا انه الخواجات ديل ما بيحبو الاقصاء
لكن الولد دا ولد دنقلاوى
العقاب الوحيد البعرفوا انه يدقو
ولا يحموه المروق من البيت
وبموضوعية شديدة

عاينتا لولدى
الشرط عينى كلوش بعدم فهمه لهذه الوسيلة الاقصائية
وقلت مافى داعى تعاقب شخص عشان اختلاف ثقافات
لو عارف انه الركن دا كعب اكيد كان بكا
وبما انه ما عارف ثقافة الركن دى خليناه
فاذا كنا فى السودان بنفكر بموضوعية عن الاخر
وثقافته ما كان الحرب قامت
وجات تماضر اعتذرت
وردوا فتحت النار على الرجال
كان البورد دا
تمام بس تهانى اعياد ميلاد وونسات
ومافى زول شتم
اساسى ولا جا
زول قال فلان داك كافر
ولا زول قال الشريعة كعبة
ولا فى ناس قالو انى تانى ما اجى المنبر
يعنى كنا عسل على سمن
وصافى يا لبن وحليب يا قشطة

سلام مربع

دكتوره بيانه
عساك طيبه


الغريبة ناس الصــين ديل
مقرضينها على واحد بس
الكتره دي كلها
مافيش لا اخوان ولا ولا اخوات
هو واحد بس
ولد ولا بت
وانتهي الموضوع

ماعارفه بعد كده يعملوا شنو عشان يخففوا ناسهم
يا اما تبقى الولاده باليانصيب
ولا
كل عشرة نسوان ورجال يشتركوا
في مولود واحد

مع انو بكري قال ما نتونس خلا ل البوستات لكن الشوق بحر وفاقدك مع الزحمة و لقمة العيش ، اها الصينين كمان عملو شنو ناس كتار لكن زي النمل تناغم ونشاط وحركة والله ادينا حبة من نشاطهم نعمر بيها الكريبة ولا اقول ليك نعمل منهم هجين باتفاقية عشان ندعم جينة العمل والنظام فينا واصلو الهجين يا نجاة بصلح العجين ، وفيها نتماهى وسط الاعراق ونصبح عالميين وننسى نقة عرب وافرو عرب ونبقى سوداصين واللهم اجعلو خير

اشواق يا عشة
والله مشتاقين
لكن يا عشة المشكلة

لو شلنا جين العيون وخلينا جين الشغل
بعدين نكون شكلنا زى الاطفال المنقولين
والناس تعاملنا اننا متخلفين عقليا ونقع فى مصائب كثيرة

د/بيان
نيلينك والابنوس
ما تنسي عساكر الضو الدفرونا علي كل المنافي
يا ربي ناس الصين عندهم عساكر زي حقينا
والله لو عندهم ما كان فضل ليهم التكتح

وسيعلني اللة ولدك دا سوداني لمن غلط
وشوفي الناس الاتمارس معاهم الاقصاء من الوطن كيف عاجبهم الحال
تقولي ركن ... وحيات امي انا كان لقيتو ما بابا

والريد نيلين

سلامات
زوربا
والله فى السمعنا ناس الصين ديل بوليسهم بيقرأ الافكار

فى موضوع الاقصاء


ايوة اى زول مرق بقى فرحان شديد وماعايز يرجع عشان كدا الحرب دى ما تقيف تب
وداه الزمان وعجبو المكان

زمان فى مشاغلة الواحد بيقول اموت ركن لما يشوف بت سمحة
يابرى ولدى دا عينو طايرة
وانا ما عارفة
لانو فصلو فيهو بنات سمحات

د/بيان
نيلينك والابنوس
ما تنسي عساكر الضو الدفرونا علي كل المنافي
يا ربي ناس الصين عندهم عساكر زي حقينا
والله لو عندهم ما كان فضل ليهم التكتح

وسيعلني اللة ولدك دا سوداني لمن غلط
وشوفي الناس الاتمارس معاهم الاقصاء من الوطن كيف عاجبهم الحال
تقولي ركن ... وحيات امي انا كان لقيتو ما بابا

والريد نيلين

الأخـت بـيـان

ســـلام و شـــوق كـتـيـر


ياختي ناس الصين ديل ما في حـل لي مشكلتهم دي إلا إمـنـعـوا الـزواج

و إفصلوا النسوان في إقليم و الرجال في إقليم لأنو جربوا كل شئ و ما نفع

الفيضانات ما عملت حاجة الطيارات ما عملت حاجة السارس ما عمل حاجة

ما في حل صدقيني.

بعدين حكاية ولدك حكاية رغم إننا جربنا حكاية العقاب دي و نفعت لكن الظاهر

و لدك ليهو مواصفات خاصة . ما ولدك ليهو حق .


تسلمي

والله يا ابو الحسين
ولدكم يبدو انه راقى وما شفت زى ولدى
دا
الما بيخاف الا من المفراكة
دا
وانا ان شاء بوصل فكرتك دى
للرفيق جزمين
وطبعا حيهلل ليها لانه بقى
عجوز
وما عنده شغلة بالنسوان
عشان كدا ممكن يعمل معسكرين بدون ما يخاف يسألوه فى اجتماع الحزب اشمعنا انت
لكن هم عاد قصتهم
عجيبة يا ريت لو جدودنا كانو عملو سور السودان
كنا لا اسع قاعدين فى عصر الالتقاط
نأكل مما نزرع
ونلبس مما نصنع
لا حكومة ولا لمة
ولا بورد بكرى