دكين فقط

لوووووووووووووووووووووول
والله اول مرة اشوف لي مرة كبيرة عسل بالصورة دي



قصدي انتي ومعاك مرة تانية


عسل وبتكلم بطلاقة عن ريح الشمس والملح العقيم



انتو من زمان كنتو وين؟؟

شوفتا نحنا
عشان نسوان كبار ما بنريد الخمج
اسع انت جيت ظريف ولطيف
ومقدم فروض الاحترام
الواجبة
ما عندنا قشة مرة
معاك اسأل زى ما عايز

الحمد لله انا جيت احجر لقيت الامن مستتب
looOooOoOooOoOOoOoOoOooOlz
قلتا هسه بكون في كبع شديد و كدا

عسل يا ايههاب كلنا جيناجري نحصل الكبعي لقينهامغازلات برئيه

بما ان هذا البوست
افرد لسماحة مولانا دكين


نامل عدم ظهور الحريم الدهماء

وبما انو الدكتورة بيان
قد اشفقت على مصير الواثق صباح الخير في بوستها انف الذكر


قررنا نحن دكين عشا البايتات


ان نترك البوست المذكور لحال الواثق ويستمر العمل بهذا البوست
شارحا للمعاني
الغريبة التي تلتبس علينا


ودامت الدكتورة
ودمنا مهذبين في حضرتها

ودام بوست المعاني

لوووووووووووووووووووووووووووووووول
ايهاب ودومة
الشمار دا مرات بيقتل

شكرا مولانا دكين لحسن تفهمك
فبيض واصفر فى هذا البوست لكن,,,, بادب
سامع يا بابا

مساء الخير يا خاله دومه
فيك الخير انت دايما
مساء الخير يا دكتوره
دي من شعاراتنا
على كل خنفشاري ان يهرع لنجده اي خنفشاريه عند اللزوم
مع انو دكين زول فرده و عديلي كمان
عشان كدا برضو ما رضيت ليهو البشتنه و رقاد الواطه

مساء الخير يا دكين
استفردو بيك الجماعه ديل مووش
انت المصحيك لي هسه شنو
loOooOoOooooOoOolz

شفتا يا ايهاب
الظرافةالهلت علينا فجاة من
الظراف ديل


دي اسمها

محنةالديقتال
بكسرالميم والحاء


زي محنة بن حنبل


ماتستعجل الكبيع بيني وبين هذه البيان

اللذيذة هو امر لا محالة حاصل

بس مسالة
ادب يزيد عن حدو

loOooOoOOoOOoOoOoolz
غايتو اتفسحو في الباند ودث بالليل دا الشوارع فااااضيه
بس اوع تمشي فريق ناس اساسي لانو عامل تحالف جديد مع الدكتوره هههههههه
ولا اقول ليك اساسي مافيهو حيل يسكك زاتو الايام دي
هوزاتو راقد رمله ههههههه وفي روايه اخرى راقد رز

يلا يا حلوين تصبحو على خير

لوووووووووووووووول

Quote: اساسي ذاتو مافيهو حيل الايام

دي قلبتا فيها هوبة عدييييييييييييييل

دكين يخصى عليك يعنى حنكتنى وحننتنى عشان
تستدرجنى وتطلع سكينك
فى البوست دا
يا ربى دى اسمها شنو فى القانون؟
يكون معلومك انا بقى عندى كوم
وعندنا اكوام كتيرة متفرخة منو
وعندنا اكوام صديقة
يعنى خلى بالك
لحمى مر ما بيتاكل
وما تشوفنى جلكينة
تقول بخوفها
ذى ما قالت دومة لما الخوف قسمو كنت غايبة

ما يكتب بعد الثانية صباحا هو اضغاث احلام
او بقية من شهقات
او سكرة لم تصمد00 امام دسم العشاء وفكت

فى شنو يا خالتى...انشاء الله خير


نكلم اساسى ولا كده مناااسب

اها يا دكتورة بيان
فرسان كومك جوني ناطين
اللابس قزازة في راسو من حفلة امبارح ما عرف يدسها وين وجاي يسلبطا فيني ..
واللابس كرفتة في قميصو وداسي صلعتو ..

ويكون في معلومك يا دكتورة انتي دي موش انا
استنجادك المبطن بكومك استفزاني ودي المحرية فيك ومن الواضح انه استفزاهم ففذعوا لك ولكن لم تكن المحرية فيهم ...
وغالبا ما سيكون هذا الحضور المستـفز(بفتح الفاء) سببا لانهيار المعاني..

ولكن لا يظنن احدكم- ولفرط ما علمتم من جبن فيني في غابر ايامي - انني تارك لكم بوست المعاني تبرطعون فيه وتبرزون عضلات الكوم بتاعكم..

فنحن وإن كنا فيما مضى ، جبناء شفافون يأسرنا لطيف القول عند اطراف الجامعات السودانية..
وبائسون في عذلة ينثقب يقيننا عند احتدام الميسنجرات في عالم السايبر....

فقد تغير الحال الان وذادنا شاكوش ـ اتانا من حيث علمناـ متانة في الراس وصلابة في اليقين..وبأس عند التلاقي ...

وسوف يرى القادمون لنصرتك اي شاكوش ماكن سيخرق يقينهم ذات حفلة ما في ( أبُحر ) يعربد فيها القوم ويتكلم فيها الشرير لمن شاء وكيفما شاء .. وسيرون أي منقلب ينقلبون..

والليل على ما اقول شهيد

البنات كلهم عجينة واحدة يا
وصدق صديقي كمبال ود الخليفة حين قال

شفتتا يا دكين البنات ديل زي كرة التنس كلما تدقهم لي تحت يجوك لي فوق

loOooOoOooOoOoOOOOoOoOoOoOoOoOoOlz
اها يا سنتمنتال الشلاقه كويسه

بالغا يا دكين و بالغ كمبال معاك
ههههههههههههههه

دكين يعنى
العلم الابيض
عشان
شاكوش
والله حالة سعبة

تحياتي

دكين البوست بي اسمك ..لكن ادينا معاك فرصة صغيرونه نسال الدكتورة ...وهي ست الاكوام وانا المسردب من يوم ما نزلت بوست الاكوام وعامل ابوالقدح عديل ..قلت خليني اشوت برة الملعب وكان غلبني ادي روحي كرت احمر ..لوول ..

ما علينا
المهم يا دكتورة عندي سؤال في اللغة واكيد ما حتبخلي
انا لي اسة عندي عقدة من حاجتين وما لاقي ليهم قاعدة كدي ساعديي فيهم

امتي بنقول سودانيين
وامتي بنقول سودانيون
والقاعدة شنو
والحاجات اللي علي وزنها

ادونا ليها زمان لكن غلبتني اسة
ويديك العافية
...

شفت يا دكين ما قلت ليك فرقة صغيرونه

تسلمو

تنقو

عم التنقو
شكرا للثقة

Quote: : (1) جمع المذكر السالم: بزيادة الواو والنون في حالة الرفع: مؤمنون)(سودانيون)، وزيادة الياء والنون في النصب والجر: (سودانين)مقاتلين شرطه: أن يكون لمذكر عاقل أو صفته، خاليين من التاء، وأن يكون غير مركب.

ومن ثم تكون سودانيون فى حالة الرفع
مثل
السودانيون يحبون السياسة
من السودانين من يحب السياسة
السياسة قتلت السودانين

بالسودانى
لما تكون واقعة فى موقع رفع زى تكون فاعل طوالى نقطر فيها الواو و النون
ولما تكون واقعة فى موقع نصب ذى مفعول به طوالى نقطر الياء والنون
وكمان لو جا قدامها حر جر دى قشة ما تعتر ليك طوالى تخت فيها
الياء والنون

Quote: : (1) ضمائر الرفع: أنا، نحن، أنتَ، أنتما، أنتم، أنتِ، أنتما، أنتنَّ، هو، هما، هم، هي، هما، هنَّ . (2) ضمائر النصب: إيّاي، إيانا، إيّاكَ، إياكما، إياكم، إِياكِ، إياكما، إياكنّ، إياه، إياهما، إياهم، إياها، إياهما، إياهنَّ

والله اعلم

تنقو الدكتورة اوفت كما ترى ..واظن الدكتورة تخاطب كومها في شرحها انف الذكر ذي الطلاسم .. لاني ما فهمتو..

عموما هاك هذا الشرح الضافي
سودانيون تستخدم عند مخاطبة الرجال
كان تصيح بصوت جهوري في تجمع وانت تحرك يداك في عصبية ملوحا بها:
سودانيون...سودانيون ..وحتى الموت سودانيون

وسودانيين تستخدم عند الونسة مع البنوت في حفلة في سفارة السودان في الرياض
كان تقول لها هامسا مائل الراس والهوى:
والله صدقيني السودانيين في الخرطوم ما حيقدروا حاجبك الحزين ده حق قدره .. ..ما تخليك معانا احسن هنا حق قدره واجد ..
تقول لها ما قلت والناس شهود وفجر الرياض يكاد يسفر
والحاجب الحزين حزين..


طبعا كده يا تنقو الفهم بقى ليك واضح
قال كوم بيان قال
قرع ود العباس الكوم بي قرش والدقة بلاش

والله اعلم

د.بيان احد اصدقائي اعرفه كثير حديث وقارئا جيدا وصبورا رايك شنو في الابيات التالية

واني اتناسي الموت عند احتضارة بنار اصليها العدو من مدفع مدمدم

وبروق لهب من السماء مضيئة وشهب نار سيقت من جهنم

بدوت حسرا والموت في ركابي تمثل كميت على حديد اشهب مكدم

وغدوت خفرا والنار في جناني تضي الطريق لغادٍ معم معمم

فمالي وللكاس والراح والنوى يورق عيني لونها ولها لون كالدم

رقت ثم لانت ثم رقت ولها في القلب مؤئل قد من الجمان الجم

يا عازلي في الخمر دع عنك لومي وتبسط ولامس بالراح شفاه الفم

لم تكن الاقدار يوما رهن مشية وما ضر الفتي بعد الاقدام شيئا كالتذمم

رايت المنايا ابلا تسوقها للنحر بين التلاع بذي بقيعة يد الفتي المنعم

رايت الناس بين رائح غير عائد وصائر للروح غير باسط متهدم

فماعاد من مستقره من راح يوما ولا خلد المال رجلا صاحب انعم

طارق الهاشم
او كما قال

الثورة الحارة 21 - نهار اخر جمعة في الاربعين يوم الذهبية

لوووووووووووووووووووووووووووول@ دكين
دا الشرح
انا ذاتى اول مرة افهم الشغلانية بالوضوح دا
والله يا مولانا غير مهنتك

غيرتا مهنتي

من السبت بعد تمنية حاشتغل ماذون شرعي

ومتعهد اعراس



عايزين نستفيد من الغرائبيات البتحصل هنا