Post: #1 Title: الخرطوم (3) تشتعل وجميع السكان في الشوارع !! Author: ناذر محمد الخليفة Date: 06-22-2012, 04:51 PM Parent: #0
قرأت بوست حافظ أنقابو عن وجود تظاهرات في منطقة الغالي في الديم فذهبت أستطلع الأمر وعند محاولتي عبور حي الخرطوم ثلاثة وجدت التالي ..
تظاهرات وحالات كر وفر في شارع كترينا قبالة فندق فايف غم وشركة كنار ..!! تظاهرات نسائية ورجالية شرق نادي الأسرة في تقاطع شركة زين ..! تظاهرات وحرق للساتك في شارع الخور شمال نادي الأسرة تقاطع فيديو سلطان .. تظاهرات شمال نادي الأسرة قبالة مسجد عبد المنعم محمد ..
بالإضافة لمظاهرات عنيفة وحالات كر وفر في منطقة شارع الديم وبكاسي الأمن ودفارات الشرطة تملا الطرقات ..
Post: #22 Title: Re: الخرطوم (3) تشتعل وجميع السكان في الشوارع !! Author: سلمى الشيخ سلامة Date: 06-22-2012, 05:39 PM Parent: #19
يا ناذر يا انت عميان يا نحن مجانين واحد اسمه ربيع عبد العاطى قال بالنص " انه مافى مظاهرات فى الخرطوم " ورينا الحاصل وهسى هو على راديو البى بى سى وقال انها محدودة وسط بعض الطلاب
Post: #20 Title: Re: الخرطوم (3) تشتعل وجميع السكان في الشوارع !! Author: elsawi Date: 06-22-2012, 05:35 PM Parent: #18
شكراً يا ناذر على التغطية الممتازة و التحية لأهالي الديم و الخرطوم 3 هي ثورة حتى النصر
Post: #24 Title: Re: الخرطوم (3) تشتعل وجميع السكان في الشوارع !! Author: elmahasy Date: 06-22-2012, 05:42 PM Parent: #20
Quote: شكراً يا ناذر على التغطية الممتازة و التحية لأهالي الديم و الخرطوم 3 هي ثورة حتى النصر
Post: #25 Title: Re: الخرطوم (3) تشتعل وجميع السكان في الشوارع !! Author: طه إبراهيم عبد الله Date: 06-22-2012, 05:43 PM Parent: #20
فوووووق
Post: #23 Title: Re: الخرطوم (3) تشتعل وجميع السكان في الشوارع !! Author: ناذر محمد الخليفة Date: 06-22-2012, 05:39 PM Parent: #18
!!!
Quote: الصورة دى من عندكم ياناذر ..صاحبنا البوردابى صورها بموبايلو ورسلها لينا على الايمل ...التحيه ليهو وليك ...
أيوة .. دي في شارع بيويو كوان في التقاطع الجاي من كترينا وماشي علي نادي الاسرة ..
حاليا ما في تظاهرة هناك نسبة لإرتكاز بوكسي للأمن فيه ..
Post: #26 Title: Re: الخرطوم (3) تشتعل وجميع السكان في الشوارع !! Author: ناذر محمد الخليفة Date: 06-22-2012, 05:45 PM Parent: #23
!!!
Quote: وقال انها محدودة وسط بعض الطلاب
إحتمال يكون بين المتظاهرين طلاب وطالبات ..!
لكن النسوان البيزغردو العمرم فوق الخمسين والستين ديل ما أظن ..!!
Post: #27 Title: Re: الخرطوم (3) تشتعل وجميع السكان في الشوارع !! Author: ناذر محمد الخليفة Date: 06-22-2012, 05:51 PM Parent: #26
ستكون هذه ليلة طويلة جدا ..
والديامة ديل ما بيتزحزحوا بالساهل ..
خاصة مع وجود هتافات تذكر الجميع بالقتيلة عوضية ..!
أجزم أن التظاهرات في الديم بالذات ستتحول لمظاهرات ليلية ..!
الديامة لسع محتلين شارع الديم الرئيسي وقافلين الشارع وعددم في إزدياد وهتافاتم تهز الاحياء المجاورة ..
عربات الشرطة والامن اثرت مراقبة الموقف من بعيد وعدم التدخل ولعلهم في انتظار تعليمات عليا ..!
اخشى ما أخشاه أن تحدث مواجهة بين الطرفين وإحتمال سقوط ضحايا ..!
نسأل الله السلامة ..!!
Post: #28 Title: Re: الخرطوم (3) تشتعل وجميع السكان في الشوارع !! Author: محمد حيدر المشرف Date: 06-22-2012, 05:54 PM Parent: #27
Quote: الديامة لسع محتلين شارع الديم الرئيسي وقافلين الشارع وعددم في إزدياد وهتافاتم تهز الاحياء المجاورة ..
Post: #44 Title: Re: الخرطوم (3) تشتعل وجميع السكان في الشوارع !! Author: احمد محمد بشير Date: 06-22-2012, 07:58 PM Parent: #41
الشعب في الميدان هذا هو الشعب الذي كنتم تستهونون به
Post: #46 Title: Re: الخرطوم (3) تشتعل وجميع السكان في الشوارع !! Author: ناذر محمد الخليفة Date: 06-22-2012, 08:45 PM Parent: #44
الان بنت عم الخرطوم تلاتة تشتعل ..!! ألا وهي الحلة الجديدة ..!!
وهذا يعني أن من تعودوا على تناول العشاء عند أنتصار مدني و (بطة) في الشارع الوراني ينوموا الليلة خفيف !!
Post: #50 Title: Re: الخرطوم (3) تشتعل وجميع السكان في الشوارع !! Author: أيمن دياب Date: 06-23-2012, 08:59 AM Parent: #46
Quote: وهذا يعني أن من تعودوا على تناول العشاء عند أنتصار مدني و (بطة) في الشارع الوراني ينوموا الليلة خفيف !!
عمك ادريس بتاع الشية لسه شغال؟؟
Post: #47 Title: Re: الخرطوم (3) تشتعل وجميع السكان في الشوارع !! Author: ناذر محمد الخليفة Date: 06-22-2012, 08:47 PM Parent: #44
كل المتداخلين ..
البوست بوستكم ..
اسف لعدم الرد عليكم فردا فردا لظروف المشغوليات ..
لكم عاطر التحايا وسنرفد البوست بالجدبد ..
تسلموا ..
Post: #48 Title: Re: الخرطوم (3) تشتعل وجميع السكان في الشوارع !! Author: عادل نجيلة Date: 06-22-2012, 10:48 PM Parent: #47
يا شعبآ تسامى يا هذا الهمام ..
شكرنا الجزيل ليك يا ناذر للتغطية الممتازة وكأننا في قلب الأحداث,,
الخرطوم 3 والديم والحلة الجديدة وأمس السجانة ..
واصل التغطية في نفس هذا البوست وأكثر من الصور و الفديوهات ..
قلوبنا معكم ونتابع الموقف أولآ بأول,,
Post: #49 Title: Re: الخرطوم (3) تشتعل وجميع السكان في الشوارع !! Author: شهاب الفاتح عثمان Date: 06-23-2012, 08:52 AM Parent: #48
Quote: التحية لجميع سكان الخرطوم والتحية لشعب السودان والمجد له,,
شكرا ناذر يا رائع التحية للجماهير
Post: #51 Title: Re: الخرطوم (3) تشتعل وجميع السكان في الشوارع !! Author: خالد العبيد Date: 06-23-2012, 09:17 AM Parent: #49
التحية ليكم يا ناس الخرطوم ثلاثة والمجد لكم يا شعب السودان
Post: #53 Title: Re: الخرطوم (3) تشتعل وجميع السكان في الشوارع !! Author: ادم شحوتاي Date: 06-23-2012, 09:36 AM Parent: #51
شكرا ناذر يا رائع التحية للجماهير واهل الديامة
Post: #52 Title: Re: الخرطوم (3) تشتعل وجميع السكان في الشوارع !! Author: ناذر محمد الخليفة Date: 06-23-2012, 09:26 AM Parent: #49
ايمن دياب ..
Quote: عمك ادريس بتاع الشية لسه شغال؟؟
الله يرحمو ويحسن إليه .. توفى قبل عام أو أكثر وكنت قد نعيته في بوست تداخلنا فيه أنا وسفيان نابري وتحدثنا عن ذكريات الحلة الجديدة ..
أولادو شغالين ...
Post: #54 Title: Re: الخرطوم (3) تشتعل وجميع السكان في الشوارع !! Author: نصر الدين عثمان Date: 06-23-2012, 09:45 AM Parent: #52
المجد للآلاف تهدر في الشوارع كالسيول يدق زاحفها قلاع الكبت والظلم الطويل المجد للثوار المجد للإصرار لليوم العظيم المجد للشرفاء المجد للشهداء للموت الكريم الثورة انطلقت شعاراتٍ ترددها القلوب الثورة الحريةُ الحمراء شمسسٌ لا تغيب الثورة التطهير يُرجع هيبة الحكم السليب الثورة التحرير للثوار من كل الشعوب الثورة الإيمان قاد الشعبَ في اليومِ الرهيب يا صانع التاريخ يا شعبي الذي سحق الظلام المجدُ لك ما أزهرت في الأرض ألوان النضال البزل لك ما صوّت الداعي ينادي يا رجال الخُلد لك يا صارم القسماتِ يا حي الشعوب يا شعب أصبح مرجلاً يغلي وبركانًا يفور