Post: #1 Title: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين ..!! Author: ناذر محمد الخليفة Date: 10-28-2010, 01:56 PM Parent: #0
لو لم أعايش هذه القصة بنفسي وعن قرب لقلت أنها إحدي إسكتشات فرقة محمد نعيم سعد المعنونة بـ (متاعب) ..!! وإن كنت غير معايشاً لها وحكاها لي شخص أخر لقلت أنها إحدى سواخر سبيل الفاتح جبرا ..!!
أحببت أن أحكيها لكم من غير أي إضافات من جانبي بعد حذف الاسماء وكل ما يشير إلى شخوص هذه القصة الغريبة ..
صنفرة :
الجريو هو صغير ا ل ك ل ب ..!!
Post: #2 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-28-2010, 02:19 PM Parent: #1
شخوص القصة :
جريو صغير حسن صاحب الجريو الصغير وهو أخ أصغر لـ علي
سيف الدين وعلي وهما أصدقاء حميمين تربيا في منزل واحد وحلة واحدة حامد .. الأخ الأكبر لعلي و حسن وهو رجل أعمال شهير بالخرطوم
ناصر و فضل الله أصدقاء لـ علي وسيف الدين
محمد حسين والد رجل الاعمال ووالد كل من حسن صاحب الجريو و علي ..
ضابط لئيم برتبة ملازم أول في إحدى نقاط الشرطة ..
بالإضافة لشخوص أخرى متفرقة غير مهم ذكرها ..
نبدأ :
Post: #3 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-28-2010, 02:30 PM Parent: #2
سيف الدين وعلي أصدقاء منذ الطفولة يقيمون في حي واحد .. درسوا معاً وعملوا معا :: سيف الدين أسرته هاجرت للمملكة السعودية وتركته وحيدا في المنزل والذي أصبح مرتع له ولأصدقائه يقضون فيه أمسياتهم وسمر لياليهم ..
سيف الدين يعمل أحيانا في أماكن بعيدة والمنزل يكون مغلق بالنهار وقد تعرض للسطو من أحد اللصوص .. سيفغ الدين طلب من صديقه علي أن يبحث معه عن ك ل ب صغير يقوم بتربيته في حوش المنزل لحراسته .. وعده علي بالبحث معه وتفارقا بعد ذلك ..!!
Post: #4 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: elnawrani margan Date: 10-28-2010, 02:58 PM Parent: #3
واصل يااصلى
متابعنك للطيش
مودتى
Post: #5 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-28-2010, 03:50 PM Parent: #3
القدر دائما بيلعب أدوار عجيبة في الحتات دي !!
في الوكت الكان سيف وصاحبو بيتكلمو في موضوع ال ك ل ب .. حسن أخو علي الصغير جا راجع من المدرسة .. في الطريق سمع نباح جريوات من بيت ما مكتمل وساكن فيهو غفير معروف في الحي .. حسن الصغير مشى للغفير وطلب منو يديهو جريو يربيهو في البيت .. الغفير أدى حسن جريو صغير ومدغلب وماااكن مقابل خمسة جنيهات .. حسن شال الجريو وهو فرحان ووداهو البيت ..
إتخيلو الكلام دا حصل في أثناء سيف وعلي أخو حسن الإشترى الجريو بيتفاكروا حول البحث عن جريو ولسع علي ما رجع البيت ..!!
مش قلت ليكم القدر دا مرات بيكتل ليهو زول ..!!
بجي بعدين أوريكم الجريو دا عمل شنو في الحلة وفي الجماعة الأصحاب ديل ..
Post: #6 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Hafiz Bakhit Date: 10-28-2010, 03:58 PM Parent: #5
سلامات يا استاذ/نادر عضو جديد...متابع شديد في الانتظار.
Post: #7 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: خالد كدودي Date: 10-28-2010, 06:51 PM Parent: #6
منتظرين ياحبيب
واصل لانو برضو عندي قصه بتاعة واحد عزيز جهجهنا بي ######
Post: #8 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 07:04 AM Parent: #7
هلا النوراني ..
Quote: واصل يااصلى
متابعنك للطيش
مودتى
تسلم يا حبيبنا
Post: #9 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 07:04 AM Parent: #7
سلام حافظ ..
Quote: سلامات يا استاذ/نادر عضو جديد...متابع شديد في الانتظار.
مبروك عضوية المنبر ..
تسلم
Post: #10 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 07:05 AM Parent: #7
كدودي ...
Quote: واصل لانو برضو عندي قصه بتاعة واحد عزيز جهجهنا بي ######
والله ما اظن زي جهجهة جماعتي ديل ..
Post: #11 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 07:15 AM Parent: #10
زي الساعة عشرة كدة ..حسن الصغير بتاع الجريو طلع من البيت يجيب لبن للجريو من الدكان لكن نسى الباب فاتح .. ويقوم الجريو يطلع من الباب .. طبعا الجريوات لمن تستكشف حتة ما بتزح منها كتير .. الجريوى بقى يدور ويشمشم قدام البيت وحول السور .. في اللحظة دي تحديدا علي جا راجع من صحبو سيف الدين .. علي إتفاجأ لمن سمع نباح الجريو الولوف .. الجريو حا لحدي كرعين علي وبقى يتمسح فيهو .. علي إتلفت يمين وشمال من الحيرة .. هو عارف إنهم ما عندهم جريو في البيت وعارف إنو الحلة ما فيها ######ة والدة طيب الجريو جا من وين ؟!!
علي قرب يسجد سجدتين شكراً لله وإعتقد في نفسو عدييل وظن نفسو واحد من أولياء الله الصالحين وإنو الحصل دا كرامة لا تتكرر وفرصة يخدم بيها صحبو سيف .. طوالي علي إتصل بي سيف وقال ليهو لقيت ليك جريو .. تعال شيلو .. سيف ما صدق طوالي جا جاري ولقى الجريو النضيف السمين الحبوب الهوهوتو ما (هو .. هو) هوهوتو (هيو ..هيو) يعني بيهوهو بالسلم السباعي ..
بدون إضاعة وكت وأسئلة كتيرة سيف شكر صحبو علي وشال معاهو الجريو ومشى على البيت .. ختى الجريو في الحوش وطلع الدكان يجيب لبن ليهو .. في الدكان إتقابلو سيف وحسن اخو علي .. سلمو على بعض وإشتروا لبن مع بعض وجو راجعين وإتفارقوا بعد داك كل زول على بيتو !!
مش قلت ليكم القدر دا يوم بيكتل ليهو زول ..!!
Post: #12 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: elnawrani margan Date: 10-29-2010, 07:27 AM Parent: #11
اسمع شحتفة الروح دى خلينا منها
كب القصة طوالى
ولا دى حندكة منك
واصل والله قصة عجيبة خلاص
Post: #13 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 09:31 AM Parent: #12
حسن رجع البيت شايل اللبن ... قدر ما فتش وبحت ما لقى الجريو بتاعو !! سأل ناس البيت كلهم قالوا ما شافوهو .. أخوهو علي مشى نام طوالي وما لحق يسألو ..!! حسن طلع الشارع ومن جاي لي جاي يفتش ويسأل عن الجريو الخسران فيهو خمسة جنيهات وما لقى زول يوريهو الحاصل شنو ..!! في النهاية لمن تعب والواطة فللت وقنع من الفتيش .. فتح اللبن الجابو للجريو وشربو هو ورقد نام ..!!
الصباح حسن مشى للغفير على أمل الجريو يكون رجع هناك !! سأل الغفير عن الجريو الغفير قال ليهو الجريو ما ظهر عندي .. حسن طلع ورقة بي خمسة جنيهات للغفير يديهو واحد تاني بدل فاقد الغفير قال داير خمسطاشر ألف !! حسن زعل قال ليهو ليه خمسطاشر ألف !! أصلو الجريو بتاعك دا ضاني ولا عجالي !! الغفير قال ليهو أسعار الجريوات زادت !! داير تشيلو شيلو ما داير خليهو وامش فتش لي الروحتو داك ..!!
حسن زعل جدا وما شال الجريو ورجع البيت ..!!
Post: #14 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 09:49 AM Parent: #13
بعد تلاتة أو أربعة ايام بالصدفة البحتة جات سيرة الجريو في البيت قدام علي ..!! علي سأل أخوهو : جريوك سمين ومدغلب وبيهوهو كيف كيف كدا ما عارف ؟! حسن قال ليهو أيوة هو زاتو !! قال ليو اليوم داك كان حايم قدام البيت وفي السور وبيشمشم في شنو كدة ما عارف ؟! حسن فرحان جدا قال ليهو أيوة هو زاتو .. وينو هسي ؟! علي قال ليهو الجريو بتاعك دا أنا أديتو لي صحبي سيف وهو داير يربيهو في البيت عشان يحرس ليهو ..! حسن زعل جدا ووشو بقى أحمر : كيف تديو حاجة ما حقتك ؟ علي قال ليو : وأنا كيف أعرف إنها ما حقتي ؟! لقيتا في الشارع وقايلا بس جاتني كدة من ربنا وأديتو لي سيف ؟! حسن قال ليهو : ما في حاجة إسمها جاتك ساي من ربنا كان تسأل وهسي أنا داير (جريوي) دا هسسسسسسسع دي .!! علي قال ليهو ولا تزعل هسي بضرب لي سيف تمشي تجيبو منو ..!
علي ضرب لي سيف ووراهو القصة ووراهو إنو أخوهو داقي جرس وداير الجريو بتاعو ..! سيف قال ليهو يا خي أقنع اخوك دا يتنازل لي من الجريو وأنا بديهو عشرين جنيه .. ! علي سأل أخوهو أخوهو قال ليهو ولا مية جنيه ما دايرا .. داير جريوي دا هسسع دي ..!! لمن سيف لقى إنو ما في أمل قال لي حسن خلاص تعال لي بكرة الصباح الساعة عشرة وشيلو ..!!
بكرة جات .. سيف جاهو مشوار الصباح بدري وطلع .. الساعة عشرة حسن جا لقى البيت مقفل .. ضرب لي سيف سيف قال ليهو أنا مرقت لكن تعال لي بعد المغرب .. قبل ما حسن يرجع سمع الجريو بيهوهو من جوة (هيو .. هيو .. هيو) .. حسن حنييييييين مع الجريوات ضرب لي سيف : قال ليهو الجريو بيهوهو أمكن جعان ولا عطشان وبيموت لحدي المغرب .. سيف قال ليهو الجريو جمبو موية ولبن ولحم وما جعان إنت إطمن بس وتعال بعدين ..
حسن أصلو ما إطمن اصلو وجا في بالو إنو سيف بيعامل الجريو معاملة سيئة وما بيعتني بيهو بالطريقة المناسبة فكر كدة قال يحاول يتلب ويخلص الجريو وينتهي من الموضوع دا (الود عامل فيها ولا بعانخي بتاع حصين مصر داك) ..! حسن حجمو مليان شوية .. طلع فوق الباب والباب فوق ليهو في سلك شائك .. حاول يعدي من السلك إنجرح وشرط قميصو وبنطلونو !! حاول ينزل ما قدر في النهاية وقع من فوق وجرح كراعو .. دا غير الجروح بتاعت السلك الشائك ..!
دا كلو والجريو شغال ليو من جوة (هيو .. هيو .. هيو) ..!! رجع البيت مضروب ومجروح عمل علاجات وقال أحسن ينتظر المغرب بعد سيف يجي ..!!
Post: #15 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: طارق ميرغني Date: 10-29-2010, 10:16 AM Parent: #14
اها يا ناذر نحن ذاتنا منتظرين من المغرب...!!!
Post: #16 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 10:33 AM Parent: #14
Quote: اسمع شحتفة الروح دى خلينا منها
شيل الصبر ياالنوراني ..
القصة دي ما مكتوبة عندي وأنا بنزلا من الراس للكراس مباشرة ...!
Post: #17 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 10:33 AM Parent: #14
طارق ميرغني ..
Quote: اها يا ناذر نحن ذاتنا منتظرين من المغرب...!!!
أي عليك الله أصبر معانا شوف الموضوع دا إتطور كيف ...!
قصة ولا في الخيال ..
Post: #18 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 10:51 AM Parent: #17
قال ليك حسن دا من الساعة أربعة مرابط قدام بيت سيف .. هو قاعد جمب الباب والجريو شغال ليهو (هيو .. هيو .. هيو) ..المغرب جا وسيف جا دخلو البيت جوة لقوا ليك الجريو المدغلب النضيف داك , و س خ ا ن ومبهدل بالطين !! الجريو الظاهر الواطة سخنت معاهو وقام إنزغم وإتجلبط في الطين بتاع شجرة الليمون الزارعا سيف جوة في الحوش .. منظر الجريو بالطين زعل ليك حسن زعلة ما عادية وقام إنفصم في سيف : دا شنو دا ؟! في حيوان بيعاملوهو كدة ؟! إنت ما بتفهم ؟! إنت ما بتحس ؟! سيف زعل : يا خي دخلتو الطين أنا ..!! ما كل الجريوات بتحب الطين ..! يعني شنو لو الجريو إت ج ل ب ط بالطين ؟!الكوراك حصل يا زول وقربت تدور بنية .. حسن قال لي سييف عندك صابون بدرة ؟ سيف قال ليهو ما عندي .. حسن قال : خلاص أنا بمشي الدكان أجيب صابون بدرة عشان أحمي الجريو دا .. الوكت دا إنت أديهو لبن ولا حاجة ياكلا .. سيف قال ليو : لبن شنو وأكل شنو ..!! الجريو دا ماكل وشارب وسمين إنت بس حميهو وشيلو من هنا نرتاح من القصة دي .. وما تتأخر لأني طالع النادي عندي شغل هناك ..
وطبعا النادي يا شباب داخل في قصتنا دي .. هو نادي بتاع حلة يا دوب الشباب بالجهد الذاتي بيأسسوا فيهو .. وطبعا بي سبب الجريو دا العمل تعطل في النادي لحدي كتابة السطور دي ..!!
الحصل إنو حسن ما لقى صابون بدرة في الدكان القريب .. مشى لي دكان تاني بعيد لانو كان مصمم يحمي الجريو قبل ما يسوقوا معاهو .. بي هنا سيف إتأخر على الشباب في النادي ضرب تلفون لي حسن ، حسن تلفونو مقفول في النهاية زهج وقفل باب بيتم وطلع ..
بعد شوية حسن جا بي صابون البدرة .. دقى الباب لي سيف .. سيف مافي ..طلع تلفونو وفتحوا ضرب لي سيف .. سيف أبى يرفع السماعة عشان ما يضطر تاني يرجع البيت .. حسن قعد قدام البيت يفكر يسوي شنو .. والجريو من ورا الباب شغال ليهو : (هيو .. هيو .. هيو)!!
Post: #19 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد الامين احمد Date: 10-29-2010, 11:08 AM Parent: #18
حسن ده شكلو لطخة اساسا ، و زول راسو قوى فى الفاضى ، ما كان يشيل ال20 جنيه و يجيب جريو جديد و ترجع ليهو الخمسة حقتو كمان
Post: #20 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فيصل عثمان الحسن Date: 10-29-2010, 11:53 AM Parent: #19
المحن عندك يا ود الخليفة , انا خاتى مكنة طوب عديل فى البوست ده .
Post: #21 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: أيمن دياب Date: 10-29-2010, 12:27 PM Parent: #20
تحياتي ياناذر ومتابعين معاك.. الزمن ده الواحد ما يستبعد أي حاجة.. خايف بكرة معتصم نسيتا يجينا بي خبر يقول: طلاق شابة في الكلاكلة بسبب مفراكة انكسرت في يد نسيبتا..
Post: #22 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 12:34 PM Parent: #20
محمد الامين كيفك ..
Quote: حسن ده شكلو لطخة اساسا ، و زول راسو قوى فى الفاضى ، ما كان يشيل ال20 جنيه و يجيب جريو جديد و ترجع ليهو الخمسة حقتو كمان
صدق أنا سألتو السؤال دا في وكتها .. قال هو عمل كدة عشان بس زعلان من أخوهو الإتصرف في حاجة ما حقتو .. والحاجة التانية كمان قال خايف يشيل العشرين ويمشي للغفير الغفير يقول ليهو الجريو بي خمسين يقوم تاني لا يلم في القديم لا يلم في الجديد ..!!
ما إنت كمان ماتنسى إنو أسعار الجريوات زادت زي ما قال الغفير ...!
Post: #23 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 12:35 PM Parent: #20
كيفك فيصل ...
Quote: المحن عندك يا ود الخليفة , انا خاتى مكنة طوب عديل فى البوست ده .
مكنة الطوب أبو عشرة ولا عشرين ..!!!
ما تنسى برضو عدد الطوب في المكنات زايد برضو ..!
Post: #24 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 12:37 PM Parent: #20
القصة دي بعد نهايتا إنشاء الله أهديها للأستاذ السني دفع الله عشان يجهزا للموسم الجديد ..
قصة جاهزة بي شخوصا وسيناريوهاتا بس جيب الكاست والكميرات ..
إهداء بمقابل طبعا لأنو المرة الفاتت حنكني في قصة أخو الغزالة ديك وما أداني حقها ..
Post: #25 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 12:40 PM Parent: #24
أيمن دياب ..
Quote: خايف بكرة معتصم نسيتا يجينا بي خبر يقول: طلاق شابة في الكلاكلة بسبب مفراكة انكسرت في يد نسيبتا..
هههههههههههه
Post: #27 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 01:08 PM Parent: #24
طبعا ولدنا حسن ما داير يمشي النادي لي سيف هناك عشان ما يلم فيهو أخوهو علي و يبستفوا ويسمعو كلام فارغ فقام عمل كم محاولة كدة لحدي ما سيف زهج ورفع السماعة :
سيف :ألو يا خي ما كرهتنا البلي يا حسن داير شنو ؟! حسن : شنو داير شنو ؟ داير الجريو بتاعي !! سيف : يا خي الجريو دا أنا حا أكلو منك ؟ ما تنتظرني أرجع أديك ليو ؟ حسن : إنتظرك كيف والجريو وس خ ا ن كدة ؟! يا خي الطين دا إتجبص في جسمو عدييل ..!! سيف : طيب أنا شغال أعمل ليك شنو هسي ؟! حسن : تجيني راجع وتديني الجريو دا وبعد داك تمشي . سيف : يا إبن الحلال أنا شغال مع أولاد الحلة ما بقدر أخليهم وأجيك .. حسن : والله كان ما جيت هسي ما بريحك ..! سيف : دا تهديد دا ؟! حا تعمل شنو يعني ؟! حسن : بوريك أنا بعمل شنو .. سيف : يا زول ما جايي وما عندك عندي حاجة قد مني .. ديـ......... وديـ ...... الجريو زاتو !!
طبعا سيف إتحامق جدا بي تصرفو دا .. وبي هناك حسن كثافتو جات .. عارف سيف دا لو ركب راسو ما بيديهو الجريو ..!! بي هنا سيف كلم علي أخو حسن بي الحصل .. علي قال لي سيف أنساهو الـ مان دا .. بعدين لمن نرجع أديهو ليهو ..!!
بعد شوية تااني حسن ضرب في تلفون سيف .. سيف عاين للرقم وقال لي علي شوف أخوك دا ورد عليهو عشان ما إتصرف تصرف غلط معاهو .. علي رد على أخوهو حسن وجاط فيهو وقفل السماعة .. الحركة دي زعلت ليك حسن زعلة ما عادية طوالي فتح جُزلانو وطلع ليهو شريحة تانية كان خاتيها لليوم الاسود (هو في يوم أسود أكتر من يوم الجريو دا) !! ما في زول عارف رقما إلا هو ودخلا في الموبايل وإتصل تاني بي سيف ..!!
سيف فتح موبايلو وحسن فتح ليك فيهو نبذ وشتيمة أظن أول مرة يسمعا ليك في حياتو .. طبعا حسن كان حريف وغير صوتو شوية .. بعد شوية سيف قفل السماعة وحسن اللايوق تاني إتصل بي سيف .. سيف عاين للرقم كدة عرف روحو حا ينبذوهو مرة تانية وهو من النوع المابيلدغ من رقم تلفون واحد مرتين .. وسيف زول غتيت قام بي كل براءة ادى التلفون لي واحد جمبو من ناس النادي قال ليهو رد على الزول دا .. داك فتح التلفون كدة .. بالله ألو ما لحق يقولا جاتو ليك كمية من الشتائم والإهانات لو وزنوها في ميزان بتعمل زي عشرة شوالات وكم كيلو كدة ..!! صاحبنا إندهش عاين لي سيف قال ليهو دا منو دا ؟ّ سيف قال ليهو والله ما عارفو ..!! صحبو إتحمق ضرب في الرقم داك من تلفونو حسن فتح السماعة كدة الزول داهمو ليك .. بتنبذني مالك ؟ بتعرفني ؟ بعرفك ؟ أنا حا أمشي أفتح بلاغ في الرقم دا عشان نشوف قلة أدبك دي حدها وين ..!!
علي جا وروهو الحاصل ..!! شك في الموضوع عاين للرقم ما عرفو .. إتصل على الرقم لقاهو مقفول : قال ليهم أنا شاكي دا يكون أخوي حسن لأنو زعلان من سيف في موضوع الجريو .. ضربو لي حسن سألوهو دا إنت ولا ما إنت نكر الموضوع حطب وقال دا ما هو ..!!
بقى النادي كلو يفكر دا منو النبذ وشتم الشباب ديل وإحتمال تكون دي جهة ما دايرا النادي يقوم في الحلة !! المهم تفكير الشباب مشى لي حتات تانية .. في النهاية علي قال ليهم يا أخوانا أنا شبه متأكد إنو دا حسن أخوي كدي أرحكاكم على البيت نتأكد من الموضوع دا هناك ونشوف الحاصل ..!!
الجماعة يا زول إتقطروا كلهم ومشوا على البيت .. لقوا حسن مطلع كرسي وقاعد قدام البيت .. وصلوهو وبدوا يزرزروا فيهو دا هو ولا ما هو .. وهو ناكر الموضوع ..
في اللحظة دي باب البيت إنفتح وجا طالع أخوهم الكبير رجل الاعمال المعروف .. جابتو الجوطة وجا يشوف الحاصل شنو ..!
Post: #26 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عبدالكريم أحمد الامين Date: 10-29-2010, 12:42 PM Parent: #20
*** ود محمد الخليفه.. *** جُمعتك مُباركه ,, ومساءك خير.. ## أها جبنا اللبن ,, وإتفرجختا فى الواطه ,, وُمُتابع ,, عليك الله ماتعمل لينا زى حبيب نوره تجهج باكتنا وماتخلينا نقضى مشاورينا .. (ودام الود بين الجميع) (ابو محمد فؤاد) - الماكيكى..
Post: #28 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 01:18 PM Parent: #26
إنشاء الله نحاول نخلصا سرعة (في الخمسة أو الستة شهور الجايات) هههههههههه
Post: #29 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-29-2010, 01:26 PM Parent: #28
كدي يا شباب نرتاح شوية ونشوف الرسائل في الإيميل حول الموضوع دا :
دي من واحد أخونا كدة :
Quote: ذكرتني زمان في نيالا أخوي الصغير عمره زي 13 سنة كدة ... مفلس والدنيا إجازة ... صاحبك مشى شال ليه جريوات كانن في بيت مهجور وأمهن مشت تفتش ليها أكل .... قام ختاهن في قفة منتهية الصلاحية لقاها مجدوعة في الكوشة ... بعد شوية لقى ليهو كدايس صغار برضو مجدوعات ... قام لماهن مع الجريوات ومشى للحي المجاورلينا وبأعلى صوته قعد ينادي : جريوات كدايس ..... جرايوات كدايس ... عيال الحلة إتلموا وهاك يا بيع : بعشرة قروش بخمسة قروش ... صاحبك صرف البضاعة في نص ساعة ورجع جيبه مليان ....الظاهر الجريوات دي قصصها دايماً تفوق الخيال .. مش في مثل بيقول : مرزّق تقول جريو؟
واصل يا صاحب ... متابعين معاك
وكان الرد :
Quote: هههههههههههههه
مبالغة أخوك دا يا خالد ..
يا خي الشفع بيحبوا ليك الجريوات والكدايس بطريقة مبالغة ...
عندي ود أخوي عمل عملية تانية إتخيل باع شنو لي أولاد الحلة وأصحابو ؟
باح ليهم سلاحف ..1 أي والله ابان قدحة عديل ..
أخوي الكبير مرضان بتاع صيد .. كل جمعة بيمشي جبل أولياء هو وجماعتو عشان يصطادو سمك .. طبعا الجبل فيهو كمية من السلاحف الصغيرة ومرات مرات بتجي مع الشبكة بيقوموا يخلصوها من الشبكة ويرجعوها البحر تاني ..
ود أخوي دا يوم مشى معاهم لمن طلع مع الشبكة أبو القدح قال لي أبوهو ما ترجعوا أنا دايرو .. جاب ليهو جردل كدة وخت فيهو أبو القدح الصغير دا .. يعني ممكن تقول عليهو جريو أبو القدح ..
بعد شوية طلعو واحد تاني برضو شالو ختاهو مع داك .. رجعوا البيت ملا الشجر موية وفكاهم فيهو .. تاني يوم نادى أصحابو عشان يتفرجو علىيهم وفي ناس من أصحابو أول مرة يشوفوا أبو القدح على الطبيعة .. المهم في إتنين إتشبكوا فيهم باعم ليهم أظن الواحد بي تلتين جنيه .. الجمعة البعدا ما كضب شال معاهو من البيت جردلين وقعد حارس مع أبوهو .. ناس أبوهو يرمو الشبك ويقولوا يا الله سمك .. هو بي وراهم قااانص وبيقول يالله أبو قدح ههههههه
غايتو من حظو اليوم داك طلعوا قريب الستة دفسم في الجرادل وجا البيت فتح الحرطوش وفكاهم تحت الشدر ..
تاني يوم يا خالد لمن اصحابو جو الشغلة ما قعدت معاو أكتر من ربع ساعة تشاهم كلهم زي الترتيب والمرات البعديها بقى كمان ياخد منهم مقدم نص القيمة حتين يجيب ليهم ..
Post: #30 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عزيز عيسى Date: 10-29-2010, 04:03 PM Parent: #29
ناذر كيف حالك،
Quote: سيف : يا زول ما جايي وما عندك عندي حاجة قد مني .. ديـ......... وديـ ...... الجريو زاتو !!
أخخخخ.. صحبك سيف خلاص قفلت معاهو تجاوز الخطوط الحمراء وكفر.. عليه كفارة فطور للجماعة الشغالين في النادي وإعادة الجريو لي حسن مع غرامة خمسة جنيه بدل نظافة جريو ولزوم ترضية.
غايتو متوقع شكلة كاربة وكبع بعد التلافظ الخشن بين الطرفين.
أها بعد ما تقدم السيناريو دا لمحمد السني حتكون إنت أحد الممثلين؟
Post: #31 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فيصل عثمان الحسن Date: 10-29-2010, 04:21 PM Parent: #30
تعرف يا ناذر عندنا صديق طفولة كان بحب الجريوات بشكل عجيب , وانا متأكد فى الزمن داك لو سألوه عن امنيته فى الحياة دى كان بقول أبقى ###### أى والله , تصدق الزول ده قررد عديل كده من كثرت تواجده بين الجريوات والكلاب , وأظنو لو مر بالبوست ده حيتضامن مع حسن .
Post: #32 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: elnawrani margan Date: 10-29-2010, 06:41 PM Parent: #31
Post: #33 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 09:08 AM Parent: #32
عزيز عيسى
Quote: أخخخخ.. صحبك سيف خلاص قفلت معاهو تجاوز الخطوط الحمراء وكفر.. عليه كفارة فطور للجماعة الشغالين في النادي وإعادة الجريو لي حسن مع غرامة خمسة جنيه بدل نظافة جريو ولزوم ترضية.
غايتو متوقع شكلة كاربة وكبع بعد التلافظ الخشن بين الطرفين.
غايتو سيف فقد المنطق اليوم داك ..
الجايي مش بنية وبس .. جاية بلاوي متلتلة ..
Post: #35 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: rani Date: 10-30-2010, 09:12 AM Parent: #33
Post: #34 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 09:11 AM Parent: #32
عزيز ..
Quote: أها بعد ما تقدم السيناريو دا لمحمد السني حتكون إنت أحد الممثلين؟
صدق أو لا تصدق أنا الشغلة دي أساسا متورط فيها ..
بعد ما إنتهي من السرد حا أطرح سؤال في شكل مسابقة ..وهو إني أنا شخصيا واحد من أطراف القصة دي والمفروض الناس تعرف أنا منو في القصة ..
الغفير ولا سيف ولا علي ولا حسن ولا رجل الاعمال ولا الضابط اللئيم ولا بتاع النادي الشتموهو بدون سبب ..!!
ولا إحتمال أكون الجريو زاااتو ..!!!
Post: #60 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: يحى الشريف Date: 10-31-2010, 08:59 AM Parent: #34
انت (بتاع النادي الشتموهو بدون سبب )
ايييييييييييييدك على الجايزة
بس ما تكون جريو
ههههههه
Post: #36 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 09:12 AM Parent: #32
فيصل ...
Quote: , تصدق الزول ده قررد عديل كده من كثرت تواجده بين الجريوات والكلاب , وأظنو لو مر بالبوست ده حيتضامن مع حسن .
قلت لي قررد عديل هههههههههههههه
Post: #37 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 09:16 AM Parent: #32
ما إنت كمان عارف ظروفي .. والسجانة لو شلت معاي اللاب توب هناك بيخش فيهو جبص أو تنكشح فيهو بوهية ..
لكن أقول ليك حاجة ..
أنا أمبارح ما كتبت حاجة بالليل لأني مشيت النادي بتاع الشباب أشوف أخر الأخبار شنو ..!! لقيت الشغل طبعا إتعطل في النادي والشباب قاعدين في البرش راسم مقطوع (يسفوا ويتفو .. يسفوا ويتفوا) في الصعوط .. سيف حردان ما جا النادي من يوم الشكلة حسن ما ظاهر .. علي ما ظاهر .. الجريو ما ظاهر ...
دا الموقف لحدي امبارح بالليل ..
Post: #38 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 09:20 AM Parent: #37
Post: #39 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: د.نجاة محمود Date: 10-30-2010, 10:28 AM Parent: #38
سلامات ولدي العزيز اقصة دي فيه اكثر من ابعاد
محاولة الولد الصغير ان يثبت شخصيته بان يرفض سلوك الاخ الاكبر في اعطاء ما لا يملك ودا سلوك سوداني بحت 100% والاستهوان بالصغار في العائلة وعدم احترام حدودهم برضو دي راقدة في الشخصية السوداينة كون ان صغر لا كيونة لك بعد ان يتم التعدي على حدودك بجل ان تسكت وتبقى لطيف
Post: #40 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الصادق صديق سلمان Date: 10-30-2010, 12:26 PM Parent: #39
يا ناذر يا ناذر ما عذبتنا
الصادق
Post: #41 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الحاج حمد الحاج Date: 10-30-2010, 12:34 PM Parent: #39
سرد ممتع يا ناذر..متابعين
صنفرة: ياخي و انت بتحكي الجماعة ما ينسوا الجريو من الأكل يقوم يتلحس قبل ما تتم القصة..ياخي اسعار الجريوات زي أسعار السيخ اليومين ديل ، يثبتو الثبت الأسمنت قول آمين يا ود الخليفة.
Post: #42 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 12:55 PM Parent: #41
اووووووو
أم النسب شخصياً ؟!!
نورتي البوست والله ..
Quote: محاولة الولد الصغير ان يثبت شخصيته بان يرفض سلوك الاخ الاكبر في اعطاء ما لا يملك ودا سلوك سوداني بحت 100% والاستهوان بالصغار في العائلة وعدم احترام حدودهم برضو دي راقدة في الشخصية السوداينة كون ان صغر لا كيونة لك بعد ان يتم التعدي على حدودك بجل ان تسكت وتبقى لطيف
الجيلالجديد دا جيل لايوق جدا
تحليل مية المية وفعلا الجيل الجديد لايوق في حاجاتو ..
ومرات بيكون لايوق لواقة فايتة الحد .. يعني يكون مربي ليهو كديسة .. تقوم تكتلا ليو بالغلط أو تتسبب في أنها تروح يقوم يقول ليك إلا تجيبا ليو .. تجيب ليو واحدة بتشبها وقدرها يقول ليك .. ما دايرا .. داير حقتي الماتت ديك !!
يجيبوها ليو من وين يعني ؟!!
أجمل حاجة في قصة رنجو كلام عادل أمين القال من اللحظة القشطوهو كف بقى يحب الكلاب ويكره رجال الدين ههههههه
Post: #43 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عبد اللطيف السيدح Date: 10-30-2010, 12:55 PM Parent: #41
مخمخة شديدة يا نادر
شكلك اشتريت خروف الضحية
عشان كده تتجدع فوق الجماعة علي كيفك
Post: #44 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 12:56 PM Parent: #41
الصادق ..
Quote: يا ناذر يا ناذر ما عذبتنا
الصادق
وكمان ما تقول لي .. أخوك على سفر والقصة دي ما أظن تخلص الليلة ...
Post: #45 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 12:57 PM Parent: #41
الحاج ...
Quote: ياخي و انت بتحكي الجماعة ما ينسوا الجريو من الأكل يقوم يتلحس قبل ما تتم القصة
غايتو الجريو لو إتلحس في النقطة دي من تاريخ السرد يكون بالغ عديل ...!
Post: #46 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: زهير الزناتي Date: 10-30-2010, 01:19 PM Parent: #45
يا ناذر تم القصة ياخ قبل ما نهوهو نحن ذاتنا ......
Post: #47 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 04:25 PM Parent: #46
أها يا جماعة وقفنا وين ؟؟؟!!!
أيوة ...
قلنا إنو أولاد الحلة بتاعين النادي جو قدام بيت حسن عشان يزرزروهو في موضوع الشتيمة الجاتم في الموبايل .. حامد أخو حسن وعلي رجل الأعمال المشهور سمع الكركبة وجاهم طالع .. الجماعة كلهم أول ما شافوهو سكتو ودنقروا روسينم .. حامد زول مهيب ورجل أعمال معروف بالإضافة إنو بيدعم أي مشروع في الحلة .. لمن أولاد الحلة بدو في تسوير النادي حامد إتبرع ليهم بي حديد السور .. لمن إنتهوا من السور دفع ليهم 3 مليون عشان يدخلوا الكهرباء والموية وغير كدا جاب ليهم اللمبات بتاعت الإضاءة ..
سأل الجماعة الحاصل شنو وروهو النظرية وانو في زول نبذم في التلفون وإنهم شاكين إنو دا أخوهو الصغير حسن .. الحوار دار كالتالي :
حامد : يا ولد إنت نبذت الجماعة ديل في التلفون ؟ حسن : يعدم أولادي ما حصل (مع ملاحظة إنو حسن دا طالب ثانوي لسع وما عندو لا أولاد لا بطيخ وبالرغم من دا حامد مشى الحليفة) .. حامد : الود حلف قال دا ما هو يا أخوانا ؟ إنتو متأكدين من كلامكم دا ؟!
قبل ما ديلك يفتحو خشمهم في الوكت دا محمد حسين أبو حسن ناداهو من جوة .. وحسن ما صدق دخل البيت طوالي لانو كان في حاجة لا زم يعملا ..!
حسن إنتهى من أبوهو وطوالي دخل الحمام .. طلع الشريحة الخاتيها لليوم الأسود .. كسرا وهرسا ورماها جوة الحمام وجر الموية .. سرعة سرعة طلع تلفونو ومسح كل الهستري بتاع المكالمات وجاهم طالع بي كل براءة وفوق راسو بتدور الأربعة عصافير الصغار ديلاك دليل البراءة ..
حامد سأل سؤال تاني : هو أساسا المشكلة في شنو ؟
حسن : المشكلة إني جبت لي جريو .. إشتريتو بي قروشي وقام علي أداهو لي سيف .. وسيف دا ما داير يديني ليهو وبيماطل فيني ..!! سيف : أنا ما داير أديك ليهو ؟ يا خي إنت براك الماداير تصبر وكل دقيقة والتانية ضارب لي تلفون ..! حسن : والله إنت ما داير تديني ليهو .. وكمان أخر مرة قلت لي قد مني وقلت لي ديـ... وديـ ... الجريو .
سيف خجل خجلة ما عادية لأنو في الحلة مركب مكنة زول محترم ولأنو حامد دا ما بيلعب في سب الدين والحاجات دي ..
حامد : قلت ليهو كدة يا سيف ؟! سيف : الولد دا كضاب يا حامد أصلو ما قلت ليهو حاجة زي دي ..! حسن : قال لي كدة وبالمناسبة أنا مسجل المكالمة .. اسمعا ليكم هسي ؟!
سيف رقد سلطة وقعد يتمتم ويرترت ..
تاني حامد سألو : يا سيف إنت قلت لي حسن دا كلام زي دا ؟!
سيف وشو بقى احمااااااااار وصغييييييييييير : والله يا حامد بكون قلتها ليهو في لحظة غضب لكن ما بالصيغة دي ؟! حامد حاكيها مع سيف للطيش : بي ياتو صيغة يعني ؟! أفتح يا حسن الموبايل وسمعنا التسجيل .. سيف رقد سلطة وما داير زول يسمع حاجة : يا خي ما في داعي نسمع إساءة للدين .. لو قلتها بكون قلتها في ساعة غضب وأنا زاتي لمن رجعت البيت صليت العشا وإستغفرت ربنا ..!
(إتضح فيما بعد إنو بعد الزرزرة دي كللللللللللها ما في تسجيل ولا حاجة لكن حسن التفتيحة لعب بي أعصاب سيف الدقوسة ونجح في كدة) ..
حامد : هسي خلونا من النقة دي .. أمشي جيب لي حسن دا الجريو بتاعو وننتهي من الموضوع ..! سيف : لكن انحنا هسي ما جايين عشان موضوع الجريو ؟! حامد : جايين لي شنو طيب ؟! سيف : جايين نشوف حكاية الزول النبذنا في الموبايل ..! حامد : ما أهوندا الزول الإتهمتوهو وقال ما يا هو . أمشوا أفتحوا بلاغ في الرقم النبذكم دا ..! سيف : دا الحا نعملوا .. حامد : أها وموضوع الجريو ؟! سيف : بي صراحة يا حامد حا نفتح بلاغ ولو طلع الزول النبذنا دا ما أخوك حاأديهو ليهو .. ولو طلع هو ما عندو عندي جريو ..!!
في اللحظة دي أولاد الحلة كاسوا للتخارجم .. كيف سيف يتجرأ يقول كلام زي دا لي حامد وحامد هو الكفيل الرئيسي بتاع النادي ..!
حامد : يا سيف دا كلام شنو .. سيف : دا كلامي كدة ..
يقوم في اللحظة دي وفجأة حامد يقطع ليك في سيف كف لمن نضارتو طارت ..!! سيف ما كضب نطا ليك في كرش حامد والبنية دورت .. ناس الحلة حاجزوهم كدة لحدي ما فكوهم وأقنعوا سيف يمشي البيت ..
سيف لبس نضارتو وهو ماشي قعد يكورك : ما عندكم عندي حاجة .. جريووكم دا تشموهو قدحة بعد دا ..
حامد : أها انا أوريك الرجالة حا أخش ألبس واجي طالع .. بعد ساعة لو ما لقيت الجريو دا قدام البيت بجيك هناك وأدخلك فلم عمرك ما شفتو ولا حا تشوفوا ..
وإتفرقوا علي كدة ...
Post: #48 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 04:33 PM Parent: #47
السيدح ..
Quote: مخمخة شديدة يا نادر
شكلك اشتريت خروف الضحية
عشان كده تتجدع فوق الجماعة علي كيفك
خروف ضحية ..!!
الشاف تسعين في المية من السودانيين ما ضحو السنة دي ما كضب ..!
إنت عارف الخروف بي كم اليومين دي . خليك من موسم الضحية ..!
Post: #49 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 04:34 PM Parent: #47
الزناتي ..
Quote: يا ناذر تم القصة ياخ قبل ما نهوهو نحن ذاتنا ......
غايتو نحاول نقطع فيها شوط شوية ....
Post: #50 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 04:55 PM Parent: #47
في واحد يا شباب منظرو بايخ جدا في القصة دي عرفتوهو ؟؟!
علي أخو حسن وحامد .. أول حاجة سيف صحبو من زمان شديد وتاني حاجة هو سبب المشكلة من الأساس عشان أدى الجريو لي سيف ..
بعد الشكلة مباشرة علي رجع مع سيف البيت يهديهو ..
سيف : أنا صحبك تخلي أخوك يضربني كف يا علي ؟! علي : ما خليتو والله براك شفت الموضوع إتطور بسرعة كيف ... سيف بي غضب : يا خي إنت وكت الشكلة كنت ماسكني ليهو عديل وهو بيضرب فيني ؟! علي : انا !!!!! سيف : أيوة إنت يا علي قايلني ما بعرف حركاتك دي ؟!
علي : يا سيف أنعل الشيطان .. إنت هسي زعلان أهدأ شوية وتعال نشوف حل للمشكلة دي ..! سيف : مشكلة شنو ؟! علي : شنو مشكلة شنو ?!! حا امد أخوي دا أنا بعرفو كويس . بعد ساعة لو ما شاف الجريو دا في البيت بيتصرف تصرف أرعن .. سيف : حا يعمل شنو يعني ؟ علي : اي حاجة . ممكن يجي يضربك بي مسدسو أو يجي مع جماعتو يتلبو ليك في البيت ؟ هو مش قال حا يدخلك فيلم عمرك ما دخلتو ؟! سيف : ايوة قالا ..!! علي : خلاص هو بيقدر على جنس كلامو دا .. سيف : إنت قايلني بخاف من أخوك يا علي ؟ علي : عليك الله خليك زول عميق .. أخوي دا هسي حا يدخل موضوعك مع موضوع الجريو مع موضوع النادي يقوم يوقف لينا الشغل ساي ..! سيف بإستنكار وهو بيشير للجريو : ودا كلو عشان الجريو دا ؟!
الوكت دا الجريو كان بيسمع في كلامم لمن سيف أشر عليهو الجريو فِت قام وقعد يوهوه (هيو .. هيو .. هيو) ...
سيف عاين للجريو وسبا ليهو زي السب السباهو لي حسن داك وأكعب منو كمان .. لمن الجريو إتقهم وقعد في محلو مطير عويناتو ..!
سيف : هسي الحل شنو يا علي : علي : أخوي دا طيب أنا عارفو كويس .. نشيل الجريو وتمشي ليهو تعتذر ليهو والموضوع ينتهي .. سيف : كدة بيقول أنا خفت منو ..! علي : يا خي لا خوفة لا حاجة .. ارح نشيل الجريو ونمشي .. سيف : على شرط .. الجريو دا ما نسوقو معانا هسي علي : ليه يعني ؟؟ سيف : عشان أخوك ما يقول إني خايف منو .. بعد ما نعتذر ليهو نجي نشيل الجريو .. علي : يا إبن الحلال إنت ما دايرنا نخلص من الموضوع دا ؟! سيف : بعدين الجريو زاتو وس خ ان ومنظرو بالبلا لازم نحميهو أول ..! علي : لا لا ياخ نسوقو كدة ولا أقول ليك أنا بضرب لي حسن يجي هسي .. يحمي الجريو ونمشي على حامد .. سيف : حسن أخوك دا لو بيتي بقى جنة ما داير أشوفو حايم بي هنا .. دا ود لئيم خلاص .. علي : خلاص أرح لي حامد نخلي الجريو هنا وحسن يجي يشيلو بعدين .. سيف : خلاص دقيقة النديهو أكل وموية وبعد داك نمشي ...
سيف تم للجريو مويتو وأداهو الكرتة الجابا ليهو جبيل من الجزارة وطلع مع علي لي حامد ..
Post: #51 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد الامين احمد Date: 10-30-2010, 05:24 PM Parent: #50
الـ جيرو ده يا ناذر ، لحق جرو كليب
اشهر تلاته جيراوت فى التاريخ
المركز الاول)) جرو كليب ... كان من اسباب حرب البسوس
المركز الثانى مشترك )) براغش ... اللى جنت على نفسها الاحمر كـلـب عبدالحميد ...بتاع قصة المطالعة كل الـكـلا ب ، كانت جيراوات اساسا
المركز الثالث)) جرو حسن
Post: #52 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-30-2010, 06:03 PM Parent: #51
محمد الامين
Quote: الـ جيرو ده يا ناذر ، لحق جرو كليب
اشهر تلاته جيراوت فى التاريخ
المركز الاول)) جرو كليب ... كان من اسباب حرب البسوس
المركز الثانى مشترك )) براغش ... اللى جنت على نفسها الاحمر كـلـب عبدالحميد ...بتاع قصة المطالعة كل الـكـلا ب ، كانت جيراوات اساسا
المركز الثالث)) جرو حسن
والله يا محمد الامين تراكا جايب خبر الجريوات كلهم ههههههه
Post: #53 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: خالد كدودي Date: 10-30-2010, 06:42 PM Parent: #51
وبعدييييييييييييييييييييييييييين ياحبيب النبي واصل
Post: #54 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 06:20 AM Parent: #53
كدودي ...
Quote: وبعدييييييييييييييييييييييييييين ياحبيب النبي واصل
قربنا يا مان .. تقريبا وصلنا نص المسافة ...
Post: #57 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الشاذلى خيرى عبد الله Date: 10-31-2010, 07:28 AM Parent: #54
ياخ ده فلم هندى عدييييييل والله ..
سبحان الله القدر لحكمة يعلمها الله ساعد فى تسارع الاحداث وس خ ا نتها ..
بينى وبينك القصة تصلح كموضوع تلفزيونى ..
ـــــــــــــ وحاة الله مشتاقين يا ناذر ..
تغيير فى طريقة كتابة كلمة .. حيث تشابه البقر على حارس المنبر الاتوماتيكى ..
Post: #55 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 06:59 AM Parent: #53
علي وسيف طلعوا من البيت لقو أولاد النادي برة منتظرين الشمار ... وروهم الدايرين يسووهو ..وكلهم كدة إتقطروا ومشوا علي بيت حامد.. قربو للبيت من بعيد كحلوا حسن قاعد منتظرم .. سيف قبل لي علي قال ليهو : أخوك دا لو فتح خشمو معاي بديهو بنية في د.....و ، علي : يا سيف عليك الله يا خي وقف سب الدين دا شوية ما تفقرا علينا وعليك ..!!!
أول ما وصلو حسن قام من الكرسي وحمر لي سيف : وينو الجريو بتاعي ..!!
قبل ما سيف يتكلم علي نهر حسن وقهمو وقال ليهو إنت ما تفتح خشمك دا .. أمشي نادي حامد من جوة .. حسن مشى ينادي حامد والشباب برة منتظرين ومتوترين ..
حامد جاهم برة لقى الجماعة أكتر من سبعة تنفار ..
حامد : وينو الجريو يا سيف ؟! سيف : الجريو قاعد في زول بيحمي فيهو وهسي أنا جاي أسوي المسألة داب ما الجريو ينشف ..!! حامد : ما في بيني وبينك مسائل : سيف : يا خي والله أنا زعلت من نفسي وداير أعتذر ليك ؟! حامد : والله الكلام القلتو لي مافي زول قبلك قالوا لي .. سيف : معليش وأمسحا لي في وشي ..!
حامد قبل على أولاد الحلة : إنتو هسي ما بتخجلوا !! رجال كباااار وعواار متلمين طالعين ونازلين في جريو ..! أولاد الحلة إتخجلو نط الزول النبذوهو داك : والله يا حامد موضوع الجريو دا أنا ما عرفتو إلا بعد نبذوني في التلفون .. أنا أساسا مشكلتي في الزول النبذني وما عندي علاقة بالجريو ..
حامد قبل علي أخوهو علي : وإنت هسي خليت شغلتك ومشغلتك وبقيت تباري الجريوات !؟! علي : يا حامد أنا دخلت أحل مشكلة بس ..! حامد : بعدين ياسيف إنت الجريو داير بيهو شنو ؟! سيف : والله الجريو دا أنا والفت عليو لأني قاعد براي ودايرو يكون معاي طوالي ..! حامد : طيب ياخي ما دام قاعد براك وفاقد حنان ما تعرس ياخي ؟! سيف : أنا هسي ما جاهز وظروفي شوية تعبانة ؟! حامد : يا خي إنت بس قول متين والله عرسك دا أقيف عليهو بي نفسي وأسدد ليك كل المصاريف ..! سيف : عارفك ما بتقصر يا حامد بس حاليا كدا أنا ما داير عرس ..!! حامد : يا خي زول يقول ليك أنا بدفع ليك كل مصروفات العرس وتقول ما داير تعرس ؟! سيف : يا حامد يا خي قلت ليك مشكور .. أنا حاليا الجريو دا بيغنيني عن العرس ومونسني كويس ..! حامد : طيب ما دام داير ك ل ب يونسك بكرة دي أنا بجيب ليك شيبرد .. قصرت معاك .. سيف : لا لا أنا ما داير دا .. داير ك ل ب بس ..! حامد : والشيبرد دا غنماية ؟! ما ك ل ب برضو ؟! سيف : إنت جيب دا لي أخوك وخلي لي الجريو ؟! حامد : أمرك غريب يا سيف : زول يقول ليك أعرس ليك تقول ما داير وتقول الجريو بيغنيك عن العرس .. إنت إلا في خلل في نفسك ...! سيف : كيف الكلام دا يعني ؟! حامد : الكلام واضح .. انت بتعاني من مشكلة .. الجريو دا ؟ قاعد ينوم معاك في السرير ؟ سيف : لا .. حامد : قاعد تحضنو لمن ترجع من الشغل ؟! سيف بإستنكار : طبعا لا ؟! حامد : قاعد يسوي ليك الغدا ؟! سيف بنفس الإستنكار : دا كلام شنو يا حامد إنت داير تقول شنو ؟! حامد : ما يا هو كدة .. زول ما داير يعرس ويقول ليك الجريو بيكفيني !! تعرف يا سيف إنت زول مريض وحقو تعرض نفسك على دكتور نفساني .. وبرضو بقيف معاك في دي .. المرض ما عيب .. أنا بمشي معاك لي دكتور وبدفع كل المصاريف ..!!
الوكت دا ومن شدة الإستفزاز تحلف تقول في دخان طلع من إضنين سيف ووشو بقى أحمر .. يقوم ينط ليك في حامد داير يقشطو بنية .. حامد زاغ من البنية وقبض ليك زمارة رقبة سيف ورقد بيهو الواطة .. جثم ليك في سدرو وشابكو ليك بُني وكفوف : إنت مريض يا سيف وأنا بعالجك غصباً عنك ..!!
أولاد الحلة كابسوا الإتنين دايرين يحاجزوهم والحكاية جاطت شوية ومحمد حسين أبو حامد وعلي جا طالع والجماعة هاك يا حجيز وتحنيسات لي حامد عشان يقوم من سيف .. يا الله الله خلصوهو منهو .. وسيف متشنج وبيكورك .. : انت قايلني بخاف منك ؟ أنا هسي ماشي القسم افتح فيك بلاغ .. إنت البلد دي ما فيها قانون ولا شنو ؟ الليلة بأدبك أنا ..!! علي طبعا جا يحاول يهدي في سيف .. يقوم سيف يقشط علي بنية وتقرب تدور شكلة تانية والجماعة حجزوهم .. سيف من دربو طوالي مشى لي قسم الشرطة هائج وبي وراهو أولاد الحلة دايرين يهدوهو ويقنعوهو ما يمشي القسم وهو مصر .. في النهاية بي هياجو دا دخل القسم ..
تعبت يا شباب .. أدونا فرصة نريح الصوابع دي شوية ..!!
Post: #56 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: سيف الدولة كامل Date: 10-31-2010, 07:20 AM Parent: #55
ان شاء الله يا نزو تطلع أم الجريو ,علي الاقل نطمئن انك ما اتلطشت
ليك بونية بونيتين من الطايرات ديل ولا اشتكوك للبوليس ,,واصل وهدي
جلسة متحكرين.
Post: #58 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Abdlaziz Eisa Date: 10-31-2010, 07:56 AM Parent: #56
سلامات استاذ ناذر
متابعين السرد الجميل لحدي وقفتنا في باب القسم..
لك التحايا..
Post: #59 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: BitAlhana Date: 10-31-2010, 08:07 AM Parent: #56
مبالغة يا ناذر ضحكت لما قلت بس
Post: #61 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فيصل نوبي Date: 10-31-2010, 09:22 AM Parent: #59
Quote: سيف : علي أخوك دا لو بيتي بقى جنة ما داير أشوفو حايم بي هنا .. دا ود لئيم خلاص ..
يا عمكـ الإسم ده فيهو غلط يا حسن يا حامد لكن علي ما بينفع ..
_ خليكـ واضح و قول انا علي.
Post: #62 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد الامين احمد Date: 10-31-2010, 09:59 AM Parent: #61
Quote: أول ما وصلو علي قام من الكرسي وحمر لي سيف : وينو الجريو بتاعي ..!!
و هنا برضو اظن المقصود حسن
و يا ناذر انا عرفتك منو فى القصة دى ، انت الزول الادوهو التلفون و جاهو الكلام الفارغ من غير ذنب
Post: #63 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 10-31-2010, 10:11 AM Parent: #62
ناذر .. انت عندك ولد رجل أعمال اتبرع ليكم ب 3 مليون عشان النادى ؟!
Post: #70 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد عبد الماجد الصايم Date: 10-31-2010, 11:01 AM Parent: #62
ناذر دا بكون أولاد الحِلة
أثني كلام محمد اللمينز بكون الزول النبذوهو في صمّة خشمو دا! وناذر دا لايوق لياقتن تعمل طن ويكة!!
Post: #64 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الصادق صديق سلمان Date: 10-31-2010, 10:17 AM Parent: #61
ياناذر ياخي حامد بتاعك دا عامل فيها كبير ولا شنو بي قروشو على الود سيف دا
بعدين انت مشيت معاهم عشان بس تشوف موضوع الزول النبزك دا وخلاص
الصادق
Post: #65 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: omer osman Date: 10-31-2010, 10:35 AM Parent: #64
Quote: البلاغ رقم (1) شكلة في حمامة رقاصة شكلة ليها ضل بين اتنين شباب كل واحد يدعي ملكية هذه الحمامة ...... المشكلة انو الحمامة ليس لديها (سيريل نمبر ولا رقم شاسي) ............ قومة وقعدة وشهود ووفود تدعم ملكية كل واحد للحمامة ........... طيب مافي واحد منكم عندوا صورة مع الحمامة دي ممكن نستفيد منها كدليل .......... طيب ياجماعة اقول ليكم حاجة انا عندي ليكم حل ..................... الحمامة دي تقعد مع كل واحد شهر وبعد الشهر يجيبه القسم نعمل تسليم وتسلم بينو وبين الزول التاني ..... موافقين موافقين جداً ياجنابو ............... قبل اكتمال الشهر كنت قد نقلت من ذلك القسم ........... ولا ادري ماذا حدث بعد ذلك
Quote: البلاغ رقم (2) ببغاء بت الملحق العسكري - قاعد في امان ربي في القسم ......... - يجي داخل واحد خواجة منزعج جداً ومعاهو بتو الطفلة الصغيرة بتبكي ...... - لا حول ولاقوة الا بالله ...... الليلة دي شكلها كبة كبيرة خلاس ......... ربنا يستر .... - الخواجة طلع الملحق العسكري الفرنسي حسب كلام المترجم .............. - طيب ياعمك القصة شنو ؟ ورأسي يودي ويجيب واقل حاجة جات في ذهني (اغتصاب) - والله ياجنابو الجماعة ديل قالوا عندهم ببغاء شرد من القفص !!! - والببغاء حق الشافعة دي وعشان كده هي متأثرة جداً وابت تمشي المدرسة ......... - طبعاً بعد كلام الخير والايمان قلت ليهم انو شرطة السودان لن يغمض لها جفن قبل ان تعثر على هذا الببغاء وتعيده لكم - مرقوا بي جاي ونسينا الشغلة بي جاي ............. - الصباااااااااااح بدري عربية السفارة ....... تقيف قدام القسم ........ اهاااااا ان شاء الله لقيتو لينا الببغاء ؟؟؟؟؟؟؟؟ - امك الناس دي جادة شديد في الموضوع ده ...... وزادني المترجم من الشعر بيت بانو سعادة السفير شخصياً متابع البلاغ ده - ربك رب الخير بعد تلاتة يوم وبالصدفة عثر احد افراد المباحث عي الببغاء لدي احد الاشخاص ........ واحضرهم الى القسم - كم كان المشهد طريف ومؤثر وسعادة الملحق العسكري وابنته يحتضنون الببغاء ويذرفون دموع الفرح ........ - غايتو عمك اللقينا عندوا الببغاء مرق بمكافأة من سعادة الملحق ..... ونحن نابنا خطاب شكر من السفارة الفرنسية
Post: #79 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: شهاب الفاتح عثمان Date: 10-31-2010, 11:40 AM Parent: #65
Quote: الـ جيرو ده يا ناذر ، لحق جرو كليب اشهر تلاته جيراوت فى التاريخ
المركز الاول)) جرو كليب ... كان من اسباب حرب البسوس
اخي الغالي محمد الامين , صديقي المبالغه ناذر
جرو كليب زول عديل كده (: !!.
السبب الرئيسي لحرب البسوس هي ناقه البسوس ,( الجرو هنا براءه من قيام الحرب يا جماعه).. والبسوس هي عمه القاتل جساس وكانت في حمايه بني بكر , ومنع ابن عمهم وصهرهم وهو في ذات الوقت مليكهم ( كليب ) بعض المرعى واصرت البسوس بحقد وخبث الا ان تطلق ناقتها البسوس كل مره هناك , حتى قتلها الملك كليب ,
فاحس جساس بهوان جواره , فخرج لكليب , ورفض كليبا وهو الفارس و الملك قتاله , وذهب عنه , فرماه جساسا برمح في ظهره, فقتل غدرا..
الحاصل جساس هرب , وصار ثار دم الملك كليب في عنق اخوه الفارس ( السكير ) حتى حينها الفارس الزير سالم , وابنه المقتول اليمامه ذات العشر اعوام انها ترضى الصلح فقط بطلب بسيط ووحيد ( سهله مش , ابدا.. ) طلبها هو انها تريد اباها كليبا حيا ..!!. فوقعت اشهر حروب العرب لاستحاله الطلب و رفض كل ديه..
المهم : طيب يا جماعه وين الجرو في الحته دي ؟؟!!. الجرو كان طفلا في رحم الجليله زوجه كليب المقتول , واخت جساس قاتله , اي ان الجرو هو ابن المقتول والقاتل خاله.. ( فليم لكن ..! ) خاتمه الجرو ابن الملك المقتول كليبا عندما يكبر , وقد تربى في كنف خاله , يعلم الحقيقه ويقتل خاله جساس قاتل ابيه الملك في مبارزه..
عارف ياناذر حتى قتل القاتل لم يوقف حرب البسوس هذه , واستمرت بعد ذلك. وانا شايف جروكم دا لو حسن رجعو حربكم دي برضو مابتقيف ,
عفوا للاطاله , التي هي من مقتضيات الحاله , ياخ معاكم مواصلين (:
Post: #94 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد الامين احمد Date: 10-31-2010, 07:11 PM Parent: #79
تحية طيبة للجميع
الحبيب الصفوى شهاب الفاتح عثمان
طبعا اذا بدينا فى الزير السالم لن ننتهى ، فلهذة القصة التاريخة وقع خاص لدى
انا هنا ما قصدى الجرو بن كليب ، اللى هو الجرو بن وائل بن ربيعة التغلبى
و اللى تربى فى حضن خاله (عمرو) المشهور بجساس و كان خاله يناديه بـ هجرس
و لما كبر قتل خاله انتقاما لابيه
انا قصدى الجرو (صغير الـكـلــب ) و تجد موقعه فى الحكاية هنا
Quote:
وهذه القصة حين فض كليب جموع اليمن في خزازى وهزمهم فاجتمعت عليه معد كلها، وجعلوا له قسم الملك وتاجه وطاعته، وغبر بذلك حيناً من دهره، ثم دخله زهو شديد، وبغى على قومه لما هو فيه من عزة وانقياد معدّ له، حتى بلغ من بغيه أنه كان يحمي مواقع السحاب فلا يرعى حماه، وإذا جلس لا يمر أحد بين يديه إجلالاً له، لا يختبئ أحد في مجلسه غيره، ولا يغير إلا بإذنه، ولا تورد إبل أحد، ولا توقد مع ناره، ولم يكن بكرى ولا تغلبي يجير رجلا ولا بعيراً أو يحمى إلا بأمره، وكان يجبر على الدهر فلا تخفر ذمته، وكان يقول: وحش أرض في جواري، فلا يهاج! وكان هو الذي ينزل القوم منازلهم ويرحلهم، ولا ينزلون ولا يرحلون إلا بأمره، وقد بلغ من عزته وبغيه أنه اتخذ جرو كـلـب، فكان إذا نزل به كلأ قذف ذلك الجرو وفيه فيعوى، فلا يرعى أحد ذلك الكلأ إلا بإذنه، وكان يفعل هذا بحياض الماء فلا يردها أحد إلا بإذنه أو من آذن بحرب، فضرب به المثل في العز فقيل: أعز من كليب وائل، وكان يحمى الصيد فيقول: صيد ناحية كذا وكذا في جواري فلا يصيد أحد منه شيئاً.
يعنى تخيل الـ زهو وصل بالزول ده وين ، يعنى اذا انت واقف فى حته بيصلها صوت الجريو بتاعو ده ،عندها لا يحق لك ان ترعى هناك لان هذة المنطقة تصبح تحت حمايتة و تستوجب اذنه، و المشكلة ان الجريو ده قاعد يجرى ، يعنى المنطقة المحمية برضو بتتغير بتغير موقع الجيرو !!! حالة صعبة خلاص
و بذلك يكون هذا الجريو من اسباب الحرب ، لكن السبب الاساسى و الشرارة الفعلية طبعا هى سراب ناقة البسوس خالة جساس و الجليلة
و معليش يا ناذر ، لكن فى موضوع حرب البسوس ده ، بـ تجينى الحكة كان ما كتبت فوقو
Post: #66 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 10:57 AM Parent: #64
الشاذلي كيفك ..
Quote: ياخ ده فلم هندى عدييييييل والله ..
سبحان الله القدر لحكمة يعلمها الله ساعد فى تسارع الاحداث وس خ ا نتها ..
بينى وبينك القصة تصلح كموضوع تلفزيونى ..
أنا ما قلت ليكم القدر دا يوم بيكتل ليهو زول ..!!
Post: #67 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 10:58 AM Parent: #64
ان شاء الله يا نزو تطلع أم الجريو ,علي الاقل نطمئن انك ما اتلطشت
ليك بونية بونيتين من الطايرات ديل ولا اشتكوك للبوليس ,,واصل وهدي
جلسة متحكرين.
الحمد لله ما جاتني بوني طايرة .. ربك ستر ..
Post: #68 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 10:59 AM Parent: #64
عبد العزيز عيسى ..
Quote: متابعين السرد الجميل لحدي وقفتنا في باب القسم..
كتبت ليك جبيل في بوستك بتاع إحتفالات الهندوس في سنغافورة .. ما عارف الرد مشى وين ..!!
والظاهر وقفتك حا تطول قدام باب القسم ..
Post: #75 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Mahjob Abdalla Date: 10-31-2010, 11:27 AM Parent: #68
Quote: حامد : طيب ياخي ما دام قاعد براك وفاقد حنان ما تعرس ياخي ؟!
حامد ما قادر يقول للزول ده انو عندو مرض حامد
Post: #69 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 11:00 AM Parent: #64
بت الهنا ..
Quote: مبالغة يا ناذر ضحكت لما قلت بس
إنتي تضحكي في القصة والناس البتضحكي فيهم بيبكو ...
Post: #71 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 11:03 AM Parent: #64
روميو ..
Quote: يا عمكـ الإسم ده فيهو غلط يا حسن يا حامد لكن علي ما بينفع ..
جزاك الله خير .. فعلا المقصود حسن .. حا أمشي أصلح البتاعة دجي بعد شوية ..
محمد الامين أحمد ..
Quote: و هنا برضو اظن المقصود حسن
جزاك الله خير .. فعلا المقصود حسن .. حا أمشي أصلح البتاعة دجي بعد شوية ..
روميو إنت قلت أنا علي ومحمد الامين قال أنا الزول النبذوهو ساكت ..
إتفقوا على حاجة أو شوفو باقي الشخصيات ..
Post: #72 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 11:06 AM Parent: #64
محمد المشرف ..
Quote: ناذر .. انت عندك ولد رجل أعمال اتبرع ليكم ب 3 مليون عشان النادى ؟!
هههههههههههههههههههههههههههههه
كاااااااااااااااااااااااااااااااااك
لوووووووووووووووووووووووووووووول
هيهيهيهيهيهيهيهيهيهيهيهيهيهيييييي
أجمل التعليقات في البوست دا .. يا خي دي حقو يدوك فيها جائزة ..
الدموع ملت عيوني وسالت في الكيبورد عديل ..!!
يديك العافية يا المشرف ..
Post: #73 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 11:08 AM Parent: #64
يا الصادق ..
Quote: بعدين انت مشيت معاهم عشان بس تشوف موضوع الزول النبزك دا وخلاص
ما تتبنى راي محمد الامين دا .. فكر تاني وخليك زي ود المشرف الطلعني أبو رجل الأعمال ..ههههههه
Post: #74 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 11:24 AM Parent: #73
يحي ..
Quote: انت (بتاع النادي الشتموهو بدون سبب )
ايييييييييييييدك على الجايزة
يا زول ما تستعجل .. وبعدين المسابقة لسع ما طرحناها بي صورة رسمية ..!
Post: #78 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: داليا حافظ Date: 10-31-2010, 11:38 AM Parent: #74
ياناذر القصة دي تاريخها ما مذكور ..
فقطع شك أنت الجيل الجديد (حسن)
ـــــــــــــــــــــ
بعد تطرح المسابقة بنعاود المحاولة ..
Post: #76 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 11:30 AM Parent: #73
ود الصائم ...
Quote: أثني كلام محمد اللمينز بكون الزول النبذوهو في صمّة خشمو دا! وناذر دا لايوق لياقتن تعمل طن ويكة!!
والله اللواقة في ما أغش عليك .. وبرضو فكر تاني ..
أمكن أنا حسن بتاع الجريو زاااتو ...!!
Post: #77 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 11:33 AM Parent: #73
جنابو عمر ..
تعرف الحصل للجماعة ديل في القسم حقو تضيفو لي بوستك دا ..
Post: #80 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: هويدا شرف الدين Date: 10-31-2010, 11:47 AM Parent: #73
تسجيل حضور ومتابعه ولهفه للنهاية سريع بالله
Post: #81 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 12:07 PM Parent: #80
شهاب ..
Quote: السبب الرئيسي لحرب البسوس هي ناقه البسوس ,( الجرو هنا براءه من قيام الحرب يا جماعه).. والبسوس هي عمه القاتل جساس وكانت في حمايه بني بكر , ومنع ابن عمهم وصهرهم وهو في ذات الوقت مليكهم ( كليب ) بعض المرعى واصرت البسوس بحقد وخبث الا ان تطلق ناقتها البسوس كل مره هناك , حتى قتلها الملك كليب ,
فاحس جساس بهوان جواره , فخرج لكليب , ورفض كليبا وهو الفارس و الملك قتاله , وذهب عنه , فرماه جساسا برمح في ظهره, فقتل غدرا..
الحاصل جساس هرب , وصار ثار دم الملك كليب في عنق اخوه الفارس ( السكير ) حتى حينها الفارس الزير سالم , وابنه المقتول اليمامه ذات العشر اعوام انها ترضى الصلح فقط بطلب بسيط ووحيد ( سهله مش , ابدا.. ) طلبها هو انها تريد اباها كليبا حيا ..!!. فوقعت اشهر حروب العرب لاستحاله الطلب و رفض كل ديه..
المهم : طيب يا جماعه وين الجرو في الحته دي ؟؟!!. الجرو كان طفلا في رحم الجليله زوجه كليب المقتول , واخت جساس قاتله , اي ان الجرو هو ابن المقتول والقاتل خاله.. ( فليم لكن ..! ) خاتمه الجرو ابن الملك المقتول كليبا عندما يكبر , وقد تربى في كنف خاله , يعلم الحقيقه ويقتل خاله جساس قاتل ابيه الملك في مبارزه..
عارف ياناذر حتى قتل القاتل لم يوقف حرب البسوس هذه , واستمرت بعد ذلك.
مذكور على الفذلكة التاريخية والمعلومة دي ..
Quote: وانا شايف جروكم دا لو حسن رجعو حربكم دي برضو مابتقيف ,
ما وقفت والله يا شهاب فرقت بين أصحاب وعملت عمائل ..!!
Post: #82 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 12:09 PM Parent: #80
شاو دورشيد
Quote: حامد ما قادر يقول للزول ده انو عندو مرض حامد
Post: #83 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 12:11 PM Parent: #80
داليا :
Quote: ياناذر القصة دي تاريخها ما مذكور ..
فقطع شك أنت الجيل الجديد (حسن)
مش في غنية بتقول (أنااااااا جييلُ الجريواتِ)
Post: #86 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الفاتح شلبي Date: 10-31-2010, 12:48 PM Parent: #83
حضور ومتابعة
شكراً يا ناذر يا خليفة
Post: #84 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 12:12 PM Parent: #80
هويدا ..
Quote: تسجيل حضور ومتابعه ولهفه للنهاية سريع بالله
Post: #85 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: معاذ الهادي Date: 10-31-2010, 12:29 PM Parent: #84
يازول يدك على الجايزة سريع
انا تابعت القصة معاك مان تو مان بضبانتها ومن خلال التحليل بتاعي
ات واحد من اتنين
با السمعوهو فارغة في صمة خشمو والشمار كتلو
يا
لا .لا..ياخ..مامكن تكون الجرو.......
Post: #87 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الصادق صديق سلمان Date: 10-31-2010, 01:11 PM Parent: #85
معناها ياناذر انت حسن زاتووووو
الصادق
Post: #88 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 01:49 PM Parent: #85
الفاتح شلبي ..
Quote: حضور ومتابعة
شكراً يا ناذر يا خليفة
الله يسلمك يا الفاتح ..!!
Post: #89 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 01:51 PM Parent: #85
معاذ :
Quote: لا .لا..ياخ..مامكن تكون الجرو.......
طيب إحتمال أكون أمو ؟!!
Post: #90 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 10-31-2010, 01:57 PM Parent: #89
!!!
Quote: معناها ياناذر انت حسن زاتووووو
الصادق
يا الصادق يا خي بطلو إستدراج خلينا نتم باقي القصة ..!!
عدد الزوار أكتر من تلاتة ألف ولسع يا دوب دي الصفحة الاولى ..
دا ماكان جريو دا ..!!
Post: #91 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد البشرى الخضر Date: 10-31-2010, 02:43 PM Parent: #90
حامد أخوك دا مستلم اولاد الحلة على حسابو كدة ليه عامل فيها دينق في البورد يعني ولا شنو؟
ثم خارجنا با خينا وتم الفلم
Post: #92 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فيصل محمد خليل Date: 10-31-2010, 03:28 PM Parent: #91
Post: #93 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الصادق صديق سلمان Date: 10-31-2010, 06:48 PM Parent: #92
ياناذر
Quote: يا الصادق يا خي بطلو إستدراج خلينا نتم باقي القصة ..!!
عدد الزوار أكتر من تلاتة ألف ولسع يا دوب دي الصفحة الاولى ..
دا ماكان جريو دا ..!!
طيب ياخي ما تمها لينا ما (عذبتنا)
غايتو انت ياحسن ياعلى اصلو ما بتجلي لأنو مامكن تكون سيف
في انتظارك يامان في الشغل وفي البيت نعمل شنو بس عجبتني لى حامد لأنو اتكلم بي صورة ما حلوة مع سيف ياخي سيف دا مسكين ونواياهو مافيها حاجة بس على دا فقري ياااااااااااخ
الصادق
Post: #95 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: BitAlhana Date: 10-31-2010, 11:03 PM Parent: #93
أي ما ممكن يكون سيف لانه كان ناذر كان سيف كان قطعها في حنانه ما كان نشرها في النت وبعدين قال سيف وشه حمر يعني سيف حلبي قطع شك ما هو ناذر
Post: #96 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: doma Date: 11-01-2010, 05:11 AM Parent: #95
حسن دا بيكون ناذر الخليفه ذاتو
Post: #97 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:04 PM Parent: #96
نواصل وبعد داك نرجع نرد ...
وقفنا ياشباب إنو سيف جا داخل القسم هائج ومعاهو أولاد النادي .. شابك الصالة صريخ : إنتو مش ناس القانون ؟ إنتو مش في خدمة الشعب ؟ مش أنا واحد من الشعب ؟! أنا مظلوم يا ناس ودايركم تنصفوني .. أبوي ما ضربني كف يضربني حامد لييه ؟؟!! عشان عندو قروش يعني ؟!!
المباحثية الحايمين في الصالة مسكوا سيف قايلنو مجنون أو سكران .. شمو خشمو لقوهو ما عندو عوجة .. سألوا أولاد الحلة أولاد الحلة قالوا ليهم .. مشكلة صغيرة في الحلة وما بتستاهل حاجة بس سيف دا زعلان شوية .. الجوطة حصلت وفي ملازم أول قاعد جوة المكتب ..سال في شنو وروهو بالحاصل وإنهم ما قادرين يفهمو حاجة .. قال للمباحثية دخلوا لي الزول الهائج دا والناس المعاو .. سيف دخل ليهو المكتب معاهو الأولاد وسيف يرغي ويزبد ويتنخنخ ..
الضابط : يا زول أهدأ شوية وورينا الحاصل شنو ؟! سيف : الحاصل يا شيخنا إني مظلوم .. وحقي مهضوم .. الضابط : شيخنا !! إنت قايل روحك في خلوة ؟! أقيف عديل وإتكلم طوالي عشان ما أرميك برة ..! سيف هرش ولبد شوية : والله يا جنابو الحصل إنو واحد صحبي جاب لي جريو .. والجريو ما حقو .. حق أخوهو الصغير وأنا يا جنابو خسران في الجريو دا كل يوم لحم ولبن وكرتة .. أخو صحبي مشى كلم أخو الجريو .. هي قصدي أخوهو الكبير .. قام الجريو .. الضابط : دقيقة دقيقة .. بتقول في شنو إنت ؟! يا جماعة الزول دا نصيح ولا بيتكلم برا راسو ولا مجنون ؟! أولاد الحلة : لا لا يا جنابو الزول دا كويس والبيحكي ليك فيهو دا يا هو الحاصل ؟! الضابط بإستغراب : طيب واصل ..
قبل ما يواصل جا داخل المكتب علي صاحب سيف .. طبعا برضو رغم الحصل علي ما داير يخسر سيف وجا القسم يحاول يشوف ليهو طريقة مخارجة .. سيف أول ما شاف علي قعد يكورك : يا هو دا صحبي يا جنابو أقبضو قبل ما يقوم جاري ..!! علي إتخلع والضابط سال سيف : دا الجريو ؟! سيف : جريو شنو يا مولانا الجريو وس خ ان في البيت .. دا صحبي الاخوهو نبذني وأخوهو الكبير كفتني وخنقني ؟!
الضابط اللئيم : والله لو فاهم حاجة دا يقوم جرجير (أشار لي شنبو طبعاً) .. الدخل الجريو مع الإتشاكلت معاهو مع صحبك دا مع الجماعة ديل شنو ؟!
سيف : يا جنابو القصة طويلة هسي المهم أنا إتشاكلت مع أخو الزول دا وداير حقي منو ..! الضابط : أخوك إسمو منو يا زول ومالو ضرب الزول دا : علي : أخوي حامد محمد حسين وهو ضربو ... الضابط مقاطع : حامد محمد حسين الواحد دا بتاع شركة ..... ومصنع .... وجريدة ....؟! علي أأي هو زاتو يا جنابو والحصل إنو ...................... (علي حكى القصة للضابط من طقطق لي سلام عليكم مع بعض المقاطعات والهياجات من سيف مرة مرة) ..
الضابط حكى راسو : هسي إنتو متلمين كدة وشكلتكم دي وحامد محمد حسين دا .. كلها بي سبب جريو ؟! عليكم الله إنتو ما بتخجلوا ؟! هسي مضيعين وكت الحكومة ووكت الشرطة في موضوع فارغ زي دا ؟ إنتو قايلين الشرطة دي في خدمتكم ولا شنو ؟! سيف : يا جنابو أنا مضروب وداير أورنيك تمنية لكن أهم حاجة هسي حامد دا أمكن يهرب برة البلد .. أقبضوهو وجيبوهو أول حاجة .. علي : دا كلام شنو يا سيف ؟! سيف : يا علي أطلع منها .. ويا جنابو وكت الشكلة علي دا مسكني لي أخوهو وأخوهو ضربني .. علي : أنا ؟؟!! الضابط هاج فيهم : هوي يا بجم إنتو ؟! ما تحترمو الحتة القاعدين فيها دي شنو هايجين لينا كدة زي النعاج ..! هسي أقوم أرميكم في الحراسة لحدي الصباح .. أسكتو ساي خلونا نقدر نتصرف ونفكر ..
الجماعة زنننننننن صنو ..!
بتاع النادي النبذوهو داك سأل الضابط :
يا جنابو ممكن أتكلم ؟! الضابط : داير تقول شنو ؟! النبذوهو : أنا داير أفتح بلاغ منفصل ..! الضابط : في الجريو ؟! النبذوهو : لا لا ما في الجريو .. في رقم واحد ضرب لي فيهو ونبذني من غير سبب ؟! الضابط : هسي شايفنا نحن فاضين ليك ؟! ما عندنا موضوع الجريو دا أهم من موضوعك ودايرين نخلصو .. أهم إنت ولا أهم الجريو ؟! النبذوهو بي سرعة : أهم الجريو يا جنابو .. أهم الجريو ..
الضابط نادى واحد من العساكر : طلع للزول دا أورنيك تمنية وجهز العربية نمشي نجيب حامد دا قبل ما يزوغ ونجيب كل المعروضات ..! العسكري : يا تو معروضات ؟! الضابط : الجريو يا بجم .. مش هو سبب المشكلة كلها ..!! سيف : الجريو دايرين بيهو شنو ؟! لا هو حا يشهد لا حا يتكلم خلوهو محلو ..! الضابط : إنت داير تورينا شغلنا ولا شنو ؟! أمش طلع الأورنيك وأمشي المستشفى وتعال .. سيف : لكن الجريو في بيتي يا مولانا والمفتاح عندي ..! الضابط : خلاص تمشي معانا أول نجيب الجريو .. سيف : لكن الجريو و س خ ا ن يا جنابو ولازم نحميهو أول ..! الضابط : وس خ ا ن دايرنو .. بنحميهو هنا بي طريقتنا .. علي : والجريو دا حا يجي بي صفتو شاهد ولا متهم ولا شنو بالضبط يا جنابو ..!
الضابط إنتبه للنقطة دي والظاهر ما فكر فيها .. حك راسو كدة وقال : أنحن نجيبو أول بعد داك نشوف وضعو شنو ..!
الجماعة جو طالعيين جايين برة وعلي إتخلع من المنظر ..!!!
ناس القسم على حس إنهمم ما شين يجيبو رجل أعمال مشهور ما صدقوا .. برة كان في عربيتين من عربيات الدوريات مستفة عساكر لي عند خشما .. وموترين مدورين فيهم اربعة فرد مباحث دا غير العساكر الما لاقية حتة تركب فيها ..!!
طبعا دا مولد بالنسبة للقسم وإحتمال الشغلة تجيب حاجات تانية ..!!
يا خي الضابط زاتو ما لقى حتة يركب فيها ..!!
علي إتخلع : يا جنابو ديل ماشين وين كلهم ؟! الضابط : ماشين نجيب أخوك قبل ما يهرب .. حا نكون ماشين وين يعني ؟! علي : أخوي دا أصلو لو هرب حا يهرب بي دبابة ..! وهسي قول جبتوهو وقبضتوهو .. حا يركب وين مع الزحمة دي ..!
أولاد الحلة بعد شوية إتدخلوا واقنعوا الضابط إنو ما في داعي للتجريدة دي .. وإنو وضع حامد دا حساس في الحلة والمجتمع والموضوع ما بيستحق .. وإنهم حا يتصلو بي حامد يجي براهو ..
طبعا العساكر بيحبو الأكشن .. كلللللللللهم جت إعترضو إنو يجي براهو وإنهم لازم يجيبوهو زيو وزي أي مواطن تاني (القسم كان هادي وما فيهو موضوع اليوم داك الظاهر) ..
المهم علي إتصل بي حامد أخوهو ووراهو النظرية وإنو لا زم يجي القسم عشان العساكر ما يجوهو البيت وتكون فضيحة بي جلاجل .. طبعا الفضيحة ما مشكلة بالنسبة لي حامد .. المشكلة في الجلاجل ..!!
الضابط إقتنع بعدما إتكلم مع حامد بي نفسو .. واحد من العساكر الزهجانين وما راضين عن الوضع سأل الضابط .. هسي نحن نمشي وين يا سعادتك ؟؟!!
طوالي العربات دورت والمواتر دورت وركب معاهم سيف ومشو على الجريو ..
الكان في الوكت داك جعان وعطشان و و س خا ن وشغال يعمل (هيو .. هيو .. هيو) ..!!
Post: #98 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: omer osman Date: 11-01-2010, 12:20 PM Parent: #97
اكثر مايهمني في الموضوع (الضابط) كيف تصرف .....
وما رشح حتى الأن لا يبشر بخير ......
ربنا يستر ....
Post: #99 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الصادق صديق سلمان Date: 11-01-2010, 12:38 PM Parent: #98
Quote: واحد من العساكر الزهجانين وما راضين عن الوضع سأل الضابط .. هسي نحن نمشي وين يا سعادتك ؟؟!!
شوف بالله ياناذر وياجنابو السودان دا آآآآآآآآآآمن كيف
الصادق
Post: #100 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:43 PM Parent: #99
ود البشرى ..
Quote: حامد أخوك دا مستلم اولاد الحلة على حسابو كدة ليه عامل فيها دينق في البورد يعني ولا شنو؟
أخوي أنا ..!!!!!
Post: #111 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Yasir Aloob Date: 11-01-2010, 02:48 PM Parent: #100
الاخ ناذر سلامات تعرف خلاص كنت طالع ماشى البيت (من المكتب) قمت لى شلاقتى قلتا اكشف للمنبر شويه لقيت الجريو ده حايم جمب الشاشه بتاعتى و رحتا ...... واحده واحده و ميت بالضحك
لو فى طريقى اسأل لينا الغفير من ام الجريو او ابوهو لانو لو الجريو ده عمل كده فى الجماعه ديل اكيد امو ولا ابوهو
ح يكونوا فى الدستورية و لا الجنائية.
السبب كلو من الغفير الرفع السعر كده يعنى هسى لو كان باعو بنفس السعر احتمال كان رجل الاعمال ده رشاهو فى العيد من غير سبب.
بس ما تكون نظارتك الطارت ديك. ..
متابعين
Post: #128 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: امير مصطفى احمد Date: 11-02-2010, 07:07 AM Parent: #100
من خلال تفاصيل الحكاية نادر هو احد اولاد الحلة
Post: #101 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:44 PM Parent: #99
فيصل ..
لا لا ياخ .. داك جريو الذ من دا ولونو بيج على رمادي ..!!
Post: #102 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:47 PM Parent: #101
الصادق ..
Quote: غايتو انت ياحسن ياعلى اصلو ما بتجلي لأنو مامكن تكون سيف
متأكد يا زول ..!!
Post: #103 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:49 PM Parent: #101
بت الهنا ..
Quote: وبعدين قال سيف وشه حمر يعني سيف حلبي قطع شك ما هو ناذر
ما بالضرورة يكون حلبي ..
الزول حتى لو لونو أسمر من الزهل ممكن وشو يبقى أحمر ..
Post: #104 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:50 PM Parent: #101
ما ما دومة ..
أول حاجة كفارة وألف لا بأس عليك ..
Quote: حسن دا بيكون ناذر الخليفه ذاتو
قطع شك ولا كلام ساي ؟!!
Post: #105 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:52 PM Parent: #101
عمر عثمان ..
Quote: اكثر مايهمني في الموضوع (الضابط) كيف تصرف .....
وما رشح حتى الأن لا يبشر بخير ......
ربنا يستر ....
الضابط نهائي ما كان ماخد الموضوع بجدية .. كان مفتكر إنو الموضوع ما موضوع جريو وإنو في حاجة أكبر من كدة الناس ما دايرة تقولا .. عشان كدة حك الموضوع للنهاية ... ولو الضابط سجل معانافي المنبر دا حا يجي يعمل بوست طرائف بلاغات زي بتاعك داك .. تابع ..
Post: #106 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 12:54 PM Parent: #101
الصادق ..
Quote: شوف بالله ياناذر وياجنابو السودان دا آآآآآآآآآآمن كيف
أمن ساي .. من شدة ما امن لمن العساكر ما عارفة تمش وين ..!!
Post: #107 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد الامين احمد Date: 11-01-2010, 01:26 PM Parent: #106
Quote: واحد من العساكر الزهجانين وما راضين عن الوضع سأل الضابط .. هسي نحن نمشي وين يا سعادتك ؟؟!!
اضحك الله سنك يا ناذر ، مبالغة ، بوكس مليان عساكر يتحرك عشان يجيب جريو !!!
Post: #108 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عبدالكريم أحمد الامين Date: 11-01-2010, 01:56 PM Parent: #107
** ود محمد الخليفه.. ** مساءك خير.. ## مُتابعين ... لكن لو البلتون الإتحرك من المركز دا عشان يجيب الجريو ,, ويكون الجريو هرب أو هُرب بيكون الإتهام بلاع كاذب وإزعاج السلطات الرسميه ,, دا لو مارصو ليكم مواد تانيه .. (ودام الود بين الجمبع) (ابو محمد فؤاد) ^ ^ ^ ^ ^ ^
### كسره :- الجريو البيفرتك نادى دا ماموقع على إى إتفاقية او مزروع من جهه خارجيه ..
Post: #109 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الحاج احمد مصطفي Date: 11-01-2010, 02:25 PM Parent: #108
الاخ ناذر تحياتي يااخي والله السودانيين ديل روحهم محرقاهم جريو وجريو وجريو بعمل شمطة تحياتي لك لكن قومت نفسنا معاك
Post: #110 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد البشرى الخضر Date: 11-01-2010, 02:37 PM Parent: #109
Quote: أخوي أنا ..!!!!!
خلاس اخوي أنا دا خلّصنا الله يرضى عليك
Post: #112 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-01-2010, 03:50 PM Parent: #110
سلام يا ناذر وضيوفه الكرام بوست متعة والله يا ناذر، طبعاً يا ناذر الشعب السوداني كلو بحب الجريوات، دي أسألني منها كان عندي كلــبة (الله يكرمكم) من سلالة أمريكية، وكانوا الشباب بحجزوا الجريوات قبل سنة من الولادة، حتي مدير مدرستنا المتوسطة كان مهووس بالجريوات، ولي معه قصص طويلة معي ومع الجريوات لا يسع المكان لسردها.
وبالمناسبة يا ناذر القصة دي لو كنت صنفرتها كويس كدا ولحتها سوق جائزة الطيب صالح، كانتا فوزت مع هشام آدم وطه جعفر
تحياتي وفي إنتظار التتمة على أحر من الجمر
Post: #113 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 04:11 PM Parent: #112
من الإيميل يا شباب .. أهديها للناس القالوا أنا حسن :
Quote:
الاخ ناذر
السلام عليكم
بالنسبة لموضوع الجريو
الناس القالو انت حسن ديل غلطانين وساقطين حساب عديل كدة
لانه حسن طالب ثانوي وعنده موبايل وشرايح
يعني من جيل جديد وانت لمن كنت في الثانوي الاتتكلم بي علب الصلصة والخيوط
وحامد رجل الاعمال ذاتوا الزمن داك لو داير يكلم جبل اولياء الا يعمل ترنك
تعرف يا ابو النيز المقدمة دي كلها عشان اقول ليك شغلك نضيف
ورجاءا ماتعذبنا اكتر من كدا
ابوهاشم
Post: #114 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 04:12 PM Parent: #112
ياسر علوب ..
Quote: بس ما تكون نظارتك الطارت ديك.
بي كدة إنت إنضمين للناس البيقولوا أنا سيف ..!
Post: #115 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 04:13 PM Parent: #112
طبعا دي نظرية وفخ عشان الجريو يجيبو بيهو حاجة أثمن وأتخن من الجريو وفيها الفايدة كمان ..
تابع ..
Post: #116 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 04:15 PM Parent: #112
الماكيكي :
Quote: مُتابعين ... لكن لو البلتون الإتحرك من المركز دا عشان يجيب الجريو ,, ويكون الجريو هرب أو هُرب بيكون الإتهام بلاع كاذب وإزعاج السلطات الرسميه ,, دا لو مارصو ليكم مواد تانيه ..
غايتو سيف وهو راكب في عربية الدورية بيكون قلبو في إيدو من النقطة دي ..
Post: #117 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 04:16 PM Parent: #112
يعني من الاول لو كان سيف أدى الجريو لي حسن كان بيحصل شنو ؟! ولو كان حسن صبر كان بيحصل شنو ؟!!!
Post: #118 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 04:18 PM Parent: #112
محمد البشرى ...
Quote: خلاس اخوي أنا دا خلّصنا الله يرضى عليك
صدقني أنا بكتب من الراس للكيبورد مباشرة ..
يعني الشغلة دايرة تفرغ شوية ..
شيل الصبر ..
Post: #119 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-01-2010, 04:22 PM Parent: #112
النزير ..
Quote: وبالمناسبة يا ناذر القصة دي لو كنت صنفرتها كويس كدا ولحتها سوق جائزة الطيب صالح، كانتا فوزت مع هشام آدم وطه جعفر
منو ومنو ؟؟!!
بالغت ياخي شن جاب لي جاب ؟؟!!!
(جاب بتاعت المدح لي أنا وجاب التانية ما لي أنا)...
هسي يا النذير قصتي دي قروها أكتر من أربعة ألف نفر ونفرة في تلاتة يوم ولسع القصة ما إنتهت ..!!
مش برضو دا مقياس أو معيار ؟!!
متابع معاي إنت ؟؟!!
Post: #120 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: بشير أحمد Date: 11-01-2010, 06:08 PM Parent: #119
قصة ممتعة ياناذر ؛؛
كل الشواهد بتقول إنت حسن؛قول لي كيف؟
كيف:
Quote: الحركة دي زعلت ليك حسن زعلة ما عادية طوالي فتح جُزلانو وطلع ليهو شريحة تانية كان خاتيها لليوم الاسود (هو في يوم أسود أكتر من يوم الجريو دا) !! ما في زول عارف رقما إلا هو ودخلا في الموبايل وإتصل تاني بي سيف ..!!
اها إنت كنت قاعد مع حسن لمن عمل الحركة دي ؟
Quote: حسن إنتهى من أبوهو وطوالي دخل الحمام .. طلع الشريحة الخاتيها لليوم الأسود .. كسرا وهرسا ورماها جوة الحمام وجر الموية .. سرعة سرعة طلع تلفونو ومسح كل الهستري بتاع المكالمات وجاهم طالع بي كل براءة وفوق راسو بتدور الأربعة عصافير الصغار ديلاك دليل البراءة ..
المرّاقة الوحيدة الممكن تطلعك منها ؛إنو حسن حكي ليك الموضوع بتاع الحمام ده بعد النفوس هدأت.
اها دي بتمرق منها كيف:
Quote: (إتضح فيما بعد إنو بعد الزرزرة دي كللللللللللها ما في تسجيل ولا حاجة لكن حسن التفتيحة لعب بي أعصاب سيف الدقوسة ونجح في كدة) ..
Post: #121 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: بشير جبريل علي Date: 11-01-2010, 07:17 PM Parent: #120
Quote: كل الشواهد بتقول إنت حسن؛قول لي كيف؟
طيب .. ياسمي .. إذا فرضنا جدلاً أنو ناذر ده حسن ..حنلقى ليهو أخو رجل أعمال بحجم حامد من وين؟ غايتو أنا عملت تحليل لكل الشخصيات التي وردت في القصة .. بما فيهم الخفير والجريو ..ما لقيت شخصية منهم بتنطبق على ناذر .. يا ربي ناذر يكون النادي .. يا ود الخليفة متعة والله.. بس طولت يخ .. كب الكمونية ..
تحياتي ..
Post: #122 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حامد محمد حامد Date: 11-01-2010, 08:11 PM Parent: #121
يا ناذر ( على ) انا اخوك ..بطل حركات
متابعين .واصل
حامد
Post: #123 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اسماء الجنيد Date: 11-01-2010, 08:15 PM Parent: #121
Quote: غايتو أنا عملت تحليل لكل الشخصيات التي وردت في القصة .. بما فيهم الخفير والجريو ..ما لقيت شخصية منهم بتنطبق على ناذر ..
لوووووووووووووووووووووووووووووووووووووووووووووووولز ياخ انت ده التحفة يا بشير ياخ مبااااااااااااااالغة اضحك الله سنكم يا شباب
عارف يا بشير بكون ناذر ده سيف من قال كشحوه كف كسروا ليه نضارته لوووووووووولز ما شايف صورته في البروفايل لي يوم باكر نضارته مخربشة يا ربي يكون خربشها الجريو
ناذر كيفك ياخ والله جعلت من يومي مسرحية من الزمن الجميل والله قصة تحفة تحفة تحفة انت عارف انا بتوقع انك الزول الشتموه في صمة خشمو وجاي ساكي حقو لووووووووووولز أو احتمال حسن زي ما قالوا ليك الجماعة فوق
واكتر تحليل انك حسن صاح لكن تحليل بشير ود عمي جبريل جاء كشح كل شي في السهلة لووووولز احتمال يكون حسن جاء حكى ليك او اعترف فيما بعد بعد الجرجرة دي كلها غايتو زي ما قلت السودانيين بحبو الجرجرة والمطمطة زيك كدة برضو في قصصك لينا بالاضافة للشمار زينا نحن كدة حارسنك وروحنا محرقانا لووووووووولز
Post: #124 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: بريمة محمد Date: 11-02-2010, 01:50 AM Parent: #123
جريو السرور ..
Quote: جِرِيوْ يتسبب في سجن رجل أعمال شهير وتفرقة بين أسرتين وصديقين حميمين
كده فهمت حاجة .. حامد أتسجن .. وسيف وعلى خسروا بعض ..
وجريو حسن ناس الشرطة شالوه ..
الحاجة الناقصة .. حسن ح يعمل شنو ؟؟
ولا شنو يا ناذر؟
بريمة
Post: #125 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: segtaweel Date: 11-02-2010, 05:09 AM Parent: #124
ياااناااادر هسى انا شماار جاانى حاااار انو الرااجل صااحب الجريو دا من دينكا ابييى وقرر يشيل الجريو بتااعو عشااان مشتت من البلد دى فى شاان قصة الانفصال بتاعة السياسيين دى وصاادف انو مررتو مسيرية ومختلفه معااهو حول ملكية جرييو الجن دا ووكيل النياابة الفتح البلاغ فى القضية مشى الحج وعندو اجااازة ما بيرجع الابعد فبرايير الجااى اهاا تاانى تحت تحت قالوا رجل الاعمال حامدعندو نسيبو فىاللجنة بتااعة الترسييم بتاعة ابييى وحاالفين ما تتحل قصة الجرييو دى الاستفتاء دا ماا بقووووم
اها هسى الجرييو دا اكاان الانفصاال دا حصل تبع ووين بيكوون الجرييو تبع يااتووووو بلد
قبل مااقفل قاللو جااء هسى تاانى ادروووب وحلف بتااجوج انو ابو الجرييو دا جاابو معااهو كسلا ومافى واالد بيفرط فى جنااهو بالساااهل
بس عليك الله ياانااذر والرسوول فى الدرب نزل صورة الجريو هنااا
Post: #126 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: د.نجاة محمود Date: 11-02-2010, 05:20 AM Parent: #125
اها ناذر زرع لينا معلومة انه حامد رجل الاعمل اى ناس النادي مواد بناء يلا نا ناذر ديل مقاولين وعندهم مغالغ يبقى القصة دي حصلت لناس ناذر اها الجائزة شنو؟
Post: #127 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد سنى دفع الله Date: 11-02-2010, 05:39 AM Parent: #126
الهدية مقبولة يا لنيذ بعدين ما تجي ناطي تقول لي حقوقي والملكية الفكرية والحنية ال######ية وبينا راس كليب يازول ليك علي فيلم تلفزيوني كوميدي ومشكور ومودتي ومحبتي
Post: #129 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: داليا حافظ Date: 11-02-2010, 07:34 AM Parent: #127
ياناذر
Quote: بالإضافة لشخوص أخرى متفرقة غير مهم ذكرها ..
لو بقيت واحد من ديل برستيجك إدمر
Post: #130 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:34 AM Parent: #127
لا حوللااااااااااااااااااه !!
دي شنو اللمة دي كلها ؟! هسي الواحد يرد علي منو ويخلي منو ؟!
واللمة دي كلها في جريو ؟!!!!
هسي فرقكم شنو من أولاد النادي وحامد وحسن وسيف ؟!!
Post: #131 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:40 AM Parent: #127
يا شباب في حاجة أنا داير أوضحا :
أول حاجة القصة دي معاصرة ليها اقل من أسبوعين .. وأنا في مداخلة قلت إني مشيت النادي ولقيت الأمن مستتب .. يعني حكاية إني حسن طالب الثانوي دي طلعوها من راسكم .. الموبايلات والشرائح دي جاتني وأنا كبير ..
طبعا حكاية إنو حسن كسر الشريحة وإنو المكالمة ما سجلا دي عرفتها (ليتر أون) بي طريقتي الخاصة .. من طابور خامس جوة بيت ناس حسن وعلي ..
Post: #132 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:41 AM Parent: #127
بشير أحمد ..
Quote: المرّاقة الوحيدة الممكن تطلعك منها ؛إنو حسن حكي ليك الموضوع بتاع الحمام ده بعد النفوس هدأت.
لا لا ما حصل .. كتبت قبل شوية إني عرفت المعلومة دي من طابور خامس جوة بيت ناس حسن ..
Post: #133 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:43 AM Parent: #127
بشير ..
Quote: غايتو أنا عملت تحليل لكل الشخصيات التي وردت في القصة .. بما فيهم الخفير والجريو ..ما لقيت شخصية منهم بتنطبق على ناذر .. يا ربي ناذر يكون النادي ..
في شخصية بتنطبق علي طق طرق .. كدي إنت فكر تاني وأبحث كويس ..
Post: #134 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:46 AM Parent: #127
حامد محمد حامد ..
Quote: يا ناذر ( على ) انا اخوك ..بطل حركات
متابعين .واصل
والله لمن شفت إسمك لا من إتخلعت
Post: #135 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:46 AM Parent: #127
سماء ..
Quote: عارف يا بشير بكون ناذر ده سيف من قال كشحوه كف كسروا ليه نضارته لوووووووووولز ما شايف صورته في البروفايل لي يوم باكر نضارته مخربشة يا ربي يكون خربشها الجريو
هههههههههههههه
غايتو خلي إجابتك دي لا من نطرح المسابقة بصور رسمية ...
Quote: انت عارف انا بتوقع انك الزول الشتموه في صمة خشمو وجاي ساكي حقو لووووووووووولز أو احتمال حسن زي ما قالوا ليك الجماعة فوق
غيرتي رايك ولا شنو ههههههههه
الغريبة ما في زول إفترض إني الضابط بتاع القسم .. مش حاجة غريبة ؟!!
Post: #136 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:47 AM Parent: #127
كيفك يا بريمة ..
Quote: الحاجة الناقصة .. حسن ح يعمل شنو ؟؟
شفت حسن دا الوحيد الضائع في نص الشغلانة دي كلها ...
هو ومعاو الجريو بتاعو ..!
Post: #140 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-02-2010, 08:00 AM Parent: #136
سلام يا ناذر وضيوفه الكرام
يا ناذر، نسيت حاجة مهمة جداً ليه ما صورت "الجريو"؟ بي موبايلك؟ وحقو برضو تصور لينا السور بتاع ناس سيف أبو نضارات
وبالمناسبة يا ناذر إنت : 1) ماممكن تكون سيف لأنو سيف عزابي وأهلو في الخليج 2) وبرضو ما ممكن تكون علي، لأن علي عزابي وساكن مع أهلو. 3) وما ممكن تكون حسن، لأن حسن شافع صغير 4) وما ممكن تكون حامد، لأنك ما رجل أعمال مشهور 5) وما ممكن تكون الغفير من البداهة 6) وما ممكن تكون الضابط، لأنك لست شرطي 7) ومن البداهة ماممكن تكون الجريو لوول 8) فإنت احتمال كبير تكون الزول النبزوهو دا
تحياتي
Post: #141 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-02-2010, 08:00 AM Parent: #136
سلام يا ناذر وضيوفه الكرام
يا ناذر، نسيت حاجة مهمة جداً ليه ما صورت "الجريو"؟ بي موبايلك؟ وحقو برضو تصور لينا السور بتاع ناس سيف أبو نضارات
وبالمناسبة يا ناذر إنت : 1) ماممكن تكون سيف لأنو سيف عزابي وأهلو في الخليج 2) وبرضو ما ممكن تكون علي، لأن علي عزابي وساكن مع أهلو. 3) وما ممكن تكون حسن، لأن حسن شافع صغير 4) وما ممكن تكون حامد، لأنك ما رجل أعمال مشهور 5) وما ممكن تكون الغفير من البداهة 6) وما ممكن تكون الضابط، لأنك لست شرطي 7) ومن البداهة ماممكن تكون الجريو لوول 8) فإنت احتمال كبير تكون الزول النبزوهو دا
تحياتي
Post: #137 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:55 AM Parent: #127
سيخ طويل :
Quote: ياااناااادر هسى انا شماار جاانى حاااار انو الرااجل صااحب الجريو دا من دينكا ابييى وقرر يشيل الجريو بتااعو عشااان مشتت من البلد دى فى شاان قصة الانفصال بتاعة السياسيين دى وصاادف انو مررتو مسيرية ومختلفه معااهو حول ملكية جرييو الجن دا ووكيل النياابة الفتح البلاغ فى القضية مشى الحج وعندو اجااازة ما بيرجع الابعد فبرايير الجااى اهاا تاانى تحت تحت قالوا رجل الاعمال حامدعندو نسيبو فىاللجنة بتااعة الترسييم بتاعة ابييى وحاالفين ما تتحل قصة الجرييو دى الاستفتاء دا ماا بقووووم
اها هسى الجرييو دا اكاان الانفصاال دا حصل تبع ووين بيكوون الجرييو تبع يااتووووو بلد
قبل مااقفل قاللو جااء هسى تاانى ادروووب وحلف بتااجوج انو ابو الجرييو دا جاابو معااهو كسلا ومافى واالد بيفرط فى جنااهو بالساااهل
مبالغة دي بقت فيلم طويل ...
تعرف في فلم هندي مبالغة أنتج بغرض السلام في 2001 .. الفلم من بطولة أميتاب باتشان و نانا باتيكر .. القصة بتدور في الحدود الهندية الباكستانية .. عصابات باكستانية أغارت على قرية هندية وخطفت طفل صغير هو توم لي واحد تاني ورجعوا بيهو باكستان .. الحصل إنو الفي باكستان بعد كبر دخل الجيش وإنضم للمخابرات الباكستانية والفي الهند برضو دخل الجيش وإنضم للمخابرات الهندية .. طبعا بيتلاقو في الصدامات البتحصل في الحدود بين الجانبين .. الفي الهند عارف إنو في أخوهو زمان خطفوهو ودخلوا بيهو باكستان .. والفي باكستان الزول الخطفوا قبل ما يموت وراهو إنو هندي وإنو عندو توم في الهند .. التيمان الإتنين عندهم وشم مشترك في صدرهم .. غايتو بعد كم صراع وخبيت كدة بين الإتنين الفي الهند شرط لي داك قميصو وشاف الوشم وعرفو إنهم أخوان ..
غايتو بعد داك القصة إتحولت لي السلام بين البلدين بإستخدام قصة الاخوين ديل ...
أها يا سيخ .. إتخايلي ممكن ننتج قصة زي دي باستخدام السيناريو بتاع أبيي دا ...
Post: #142 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: بشير أحمد Date: 11-02-2010, 08:01 AM Parent: #137
ألحق ياناذر ؛؛
قصتك دي لطشها الزول ده ودون ذكر المصدر؛؛
راجع مصدر الصورة .
Post: #138 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:57 AM Parent: #127
أم النسب ..
Quote: اها ناذر زرع لينا معلومة انه حامد رجل الاعمل اى ناس النادي مواد بناء يلا نا ناذر ديل مقاولين وعندهم مغالغ يبقى القصة دي حصلت لناس ناذر اها الجائزة شنو؟
دا إفتراض برضو ما بطال ..
لأنو الحاقدين ديل أصلو ما في واحد فيهم إفترض إني رجل الاعمال داك ..
عشان ما مشهور يعني ولا شنو ؟؟!!
Post: #139 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 07:58 AM Parent: #127
محمد السني ..
Quote: الهدية مقبولة يا لنيذ بعدين ما تجي ناطي تقول لي حقوقي والملكية الفكرية والحنية ال######ية
يا زول قلنا هدية بي مقابل ما تحنكني ساي ..
عملت شنو في قصة أي غزالة أخوها أسد ؟!!
Post: #143 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 08:11 AM Parent: #139
داليا ..
Quote: لو بقيت واحد من ديل برستيجك إدمر
ههههههههههههههه
لا لا إطمني .. انا ذكري مهم وبرستيجي في الحفظ والصون ..
Post: #144 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الصادق صديق سلمان Date: 11-02-2010, 08:38 AM Parent: #143
ناذر
طيب ياخي انت ناوي تتمها لينا بتين - يوم العيد ولا شنو عذبتنا ياخ
الصادق
Post: #145 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد عبد الماجد الصايم Date: 11-02-2010, 08:57 AM Parent: #143
Quote: الغريبة ما في زول إفترض إني الضابط بتاع القسم .. مش حاجة غريبة ؟!!
تكون بتاع الأمجاد الودا ناس الحلة القِسِم؟
Post: #146 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ساميه حامد Date: 11-02-2010, 11:26 AM Parent: #145
والله يا ناذر جهجهتنا عديل معاك راسنا زاتو وجعنا من المتاوقة للبوست ده
ما كفاية صورك مزغللة عيونا
Quote: تكون بتاع الأمجاد الودا ناس الحلة القِسِم؟
لا لا ياود الصايم ما بتاع الامجاد ولا علي ولا حسن ولا سيف عارفين منو؟؟؟؟؟؟؟؟؟؟؟؟؟؟؟؟؟
انا عرفتو حامد رجل الاعمال الشهير صح ولا لا ياناذر ؟؟؟؟
Post: #147 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 12:33 PM Parent: #146
بشير أحمد :
Quote: ألحق ياناذر ؛؛
قصتك دي لطشها الزول ده ودون ذكر المصدر؛؛
والله دا الخايف منو زاتو ...!!
من ما بديت أنزل في القصة بعمل حملة في قوقل عشان أشوفا مشت وين أحدي أمس الصباح كنت مطمن إنو ما في زول شالا ..
قال شنو :
Quote: يا اخوان سلام عليكم القصة العاوز احكيها ليكم دى انا لاطشها من منتدى ونسبتا لان القصة عجبتنى وحيرتنى فى نفس الوقت قلت انقلها لكم هنا
طيب يا خي لو قلت لا طشا من سودانيز أون لاين وكاتبا ناذر الخليفة بيحصل شنو ؟!!
دا حالتو المراقب العام .. والله ذكرني بي أبو بكر وزيري رئيس لجنة أخلاقيات المهنة ولا شنو كدة ما عارف في مجلس الصحافة ..!!
الموقع دا مش يا هو الكان عاملين ليهو إحتفال قبل فترة في الرياض يا بشير بمناسبة الإفتتاح ولا ما ياهو ؟!!
أمسح الصورة يا بشير خلاص شفتها وحفظتها جزاك الله خير وبارك الله فيك ..
يا المراقب العام البي هناك .. عدل الكتبتو دا وإعتذر عشان بعد ما ارد على المتداخلين هنا وأكتب جزء جديد لو لقيتك ما عملت كدة حا إضطر أفتح بوست بي إسمك وصورتك وأوضح الحاصل ..
ود الصائم قال ناذر لايووق لواقتاُ تعمل طن ويكة ..!!
وفي دي كلامو صاح ..!!
حا أخد لفة واجي ...
Post: #148 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 12:37 PM Parent: #146
سلام النذير ..
Quote: يا ناذر، نسيت حاجة مهمة جداً ليه ما صورت "الجريو"؟ بي موبايلك؟ وحقو برضو تصور لينا السور بتاع ناس سيف أبو نضارات
إنشاء الله الصورة تنزل الليلة ..
Quote: وبالمناسبة يا ناذر إنت : 1) ماممكن تكون سيف لأنو سيف عزابي وأهلو في الخليج 2) وبرضو ما ممكن تكون علي، لأن علي عزابي وساكن مع أهلو. 3) وما ممكن تكون حسن، لأن حسن شافع صغير 4) وما ممكن تكون حامد، لأنك ما رجل أعمال مشهور 5) وما ممكن تكون الغفير من البداهة 6) وما ممكن تكون الضابط، لأنك لست شرطي 7) ومن البداهة ماممكن تكون الجريو لوول 8) فإنت احتمال كبير تكون الزول النبزوهو دا
وجهة نظر برضو ..
Post: #149 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 12:42 PM Parent: #146
الصادق ..
Quote: طيب ياخي انت ناوي تتمها لينا بتين - يوم العيد ولا شنو عذبتنا ياخ
إنت إصلك ما حصل قريت أدهم صبري رجل المستحيل داك ؟!
مرات عمك نبيل فاروق بيقسم القصة خمسة أجزاء .. وطبعاً الجزء بيطلع كل شهر ..!!
حصل واحد فينا دقا ليهو جرس قال ليهو إلا تطلع الجزء التاني هسع دي ...!!
Post: #150 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 12:43 PM Parent: #146
ود الصائم ...
Quote: تكون بتاع الأمجاد الودا ناس الحلة القِسِم؟
هههههههههههههههههههههه
القسم قريب من البيت وناس الحلة دقوها لي هناك كداري ..!!
Post: #151 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 12:45 PM Parent: #146
سامية حامد ..
Quote: لا لا ياود الصايم ما بتاع الامجاد ولا علي ولا حسن ولا سيف عارفين منو؟؟؟؟؟؟؟؟؟؟؟؟؟؟؟؟؟
انا عرفتو حامد رجل الاعمال الشهير صح ولا لا ياناذر ؟؟؟؟
والله برضو إحتمال ...!
غايتو مشهور دي أنا معاك فيها ..رجل أعمال دي أسألي منها أم النسب دكتورة نجاة محمود ..
Post: #152 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 12:51 PM Parent: #151
وللناس المستعجلين لي نهاية القصة ..
هاكم دي قصة برضو واقعية وأحداثا حقيقية وعايشتها بي نفسي ..
Post: #153 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 01:19 PM Parent: #152
نواصل يا شباب ...
قلنا سيف ركب مع السرية المتحركة عشان يجيبو الجريو وعلي وأولاد الحلة منتظرين في القسم حامد رجل الأعمال يجي هناك وطبعا منتظرين سيف على أمل يصلو لي تسوية .. حسن برضو جا القسم يشوف الحصل شنو ..
حامد رجل الاعمال وهو طالع مستعجل قابل أبوهو محمد حسين ..
محمد حسين : ماشي وين يا حامد ؟ حامد: ماشي القسم يا أبوي .. سيف فتح فيني بلاغ وهسي هم دايرني هناك ؟! محمد حسين : الولد دا ما نصيح ولا شنو ؟بلاغ شنو في حاجة فارغة زي دي ؟! حامد : كدي أنا ماشي أشوف الحاصل .. محمد حسين : دقيقة النمشي معاك ...
وهم طالعين قدام البيت فجأة كدة يجو نسايب حامد .. سلام كلام وإتفضلوا وإتونسوا .. حامد من بعيد يشوف عربية الدورية جاية عليهو .. حامد طبعا إفتكرم ديل ناس القسم جايين يقبضوهو .. طبعا منظرو شين جدا حا يكون قدام نسابتو .. قبل ما يتحرك أو يفكر في حاجة عربية الدورية كانت قربت منهم ..
طبعا سيف راكب مع العساكر بي ورا .. أول ما شاف حامد دق جرس :
سيف : يا هو دا يا جماعة أنزلوا أقبضوهو !! عسكري : الجريو ؟ حامد : لا لا ياخ دا الزول الضربني وقف العربية وأرفعوهو عشان يتأدب ..!! عسكري : ما ممكن نقيف نحن ماشين بي تعليمات محددة نجيب الجريو ما نجيب حامد دا ..
الوكت دا عربية الدورية قربت شديد لي حامد وأبوهو ونسابتو وسيف يصرخ ويعلي في صوتو :
سيف : يا خي عليكم الله وقفوا العربية دي وأرفعوا الزول دا ..! العسكري بي نهرة : إنت يا ملكي داير تعمل لينا مشاكل ولا شنو .. ! أرح جيب لينا الجريو وخلاص ..!
الوكت دا العربية خلاص دايرة تتجاوز ناس حامد .. وسيف فقد الامل لكن ما فقد تشنجو فقعد يكورك بي صوت عالي :
ليك يوم يا حامد هسي بنلف ونجيك نرفعك والجريو بتاعكم دا تشموهو قدحة بعد دا (طبعا الصوت بيتلاشى تدريجيا مع سرعة العربية) ..
حامد كبى عرق للطيش .. ما فضل إلا يتبخر ..!!
واحد من نسابتو : الحاصل شنو يا حامد ؟! دا منو وقصة الجريو دي شنو ؟! حامد وهو بيمسح في العرق : ما عارف دا واحد سكران ساي بيكون .. جريو شنو وقدحة شنو ؟! واحد من نسابتو : لكن الزول دا ناداك بالإسم ؟ حامد وهو بيحاول يبتسم : إنت ما عارف الشهرة متاعب ..!!
حامد إستأذن من نسابتو وخلى أبوهو معاهم ودور مشى على القسم بي سرعة .. هو ما عارف الدورية دي ماشة وين لكن العارفو إنو لو الدورية جات راجعة سيف حا يشيل حسو تاني .. كفاية ناس الحلة كلهم سمعو سيف وهو بيكورك ..
حامد طبعا ما عارف إنو الفصيلة ولا السرية دي ماشة تجيب الجريو ..!
وكمان أكيد ما عارف إنو القدر لمن يجيب الحاجات مع بعضا كدة ممكن يكتل ليو زول ..!!
Post: #154 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حماد الطاهر عبدالله Date: 11-02-2010, 02:43 PM Parent: #153
شكرا يا ناذر
تابعنا قصة الجريو وزهجنا من التطويل وقربنا نقول ليك يلعن ابو الكـــلاب ذاتو!
لكن بإهدائك لنا حكمة ( كل بت غزال أخوها أسد) غيرنا المود وضحكنا لمن سالت
دموعنا على صاحبك، والظاهر عليه كان يتمرن لتحمل هذا الجمباز القاسي، وأنصحك
يا ناذر ( البباري الجداد بودي التندل) يعني الكوشة أو الزبـــالة ( بلهجة أولادنا)
وعشان تمشي ( الكــوشة)، لازم تأخذ دورة فض نزاعات متخصصة. فيها طبعا كم مسكة مميزة،
وكم زوغة من بنية مدنكلة، و تحمل شلوت ما مقصود، والحجاز دمو قريب.
واصل ياخي..... والله أهنئك، تلم في محبة الناس ساكت بحكاويك دي.
Post: #155 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-02-2010, 04:31 PM Parent: #154
يا جماعة أنا خايف من حاجة واااحدة والله واحد إنو سيف الدين شكاوي دا، يعرف إن ناذر كتب عنو في سودانيز أون لاين، ويقوم يفتح فيهو بلاغ، ويكتبو تعهد إنو يمسح القصة دي من البورد قبل ما يكملها لوول.
Post: #156 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 04:36 PM Parent: #154
حماد الطاهر ..
غايتو كل غزالة أخوها أسد دي حا تتصبروا بيها لحدي بكرة ,,
أنا بكتب المداخلة دي من مطار الخرطوم وعلى سفر ..
نتلاقى بكرة بالعصر أو بالليل إذا ربنا حيانا عشان نوريكم المنظر الحصل في بيت ناس سيف مع الدورية وكيف إنو أصر يحمم الجريو قبل ما يوديهو القسم ورد فعل العساكر شنو ..
أشوفكم بي عافية ..
Post: #157 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 05:33 PM Parent: #156
Quote: يا جماعة أنا خايف من حاجة واااحدة والله واحد إنو سيف الدين شكاوي دا، يعرف إن ناذر كتب عنو في سودانيز أون لاين، ويقوم يفتح فيهو بلاغ، ويكتبو تعهد إنو يمسح القصة دي من البورد قبل ما يكملها لوول
يا النزير ....
سيف غايتو ما أظنو عرف لأنو في اللحظات دي واليومين دي هو مشغول بالمنافسة مع حسن على :
أقول ليك الجريو مربوط في حوش القسم بتعليمات من الضابط اللئيم داك لحدي ما الموضوع يتحسم .. وطبعا لا حسن لا سيف بيثقوا في العساكر يعتنوا بي الجريو كويس .. عشان كدة هم متنافسين على الإعتناء بالجريو أكلو وشرابو وحمامو والجريو أخر دلع اليومين ديل ..!!
بس المشكلة الحصلت إنو قبل كم يوم القدر (الأنا قلت ليكم يوم بيكتل ليهو زول) صدف إنو حسن وسيف جو في وكت واحد .. دا شايل لبن ودا شايل لحم وحصلت الكيتة ..
لو بتحبونا تابعونا ...!!
Post: #158 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: omer osman Date: 11-02-2010, 05:56 PM Parent: #157
Quote: وطبعا لا حسن لا سيف بيثقوا في العساكر يعتنوا بي الجريو كويس
مش يحمدوا ربنا انو العساكر ديل ما صينيين ....
Post: #159 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-02-2010, 06:52 PM Parent: #158
هههههههههههههههههههههه
Post: #160 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حامد محمد حامد Date: 11-02-2010, 07:27 PM Parent: #159
لو ما تميت القصة دى بكرة انشاء الله حاقول للناس دى انت منو
حامد
واصل...متابعين
Post: #161 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: BitAlhana Date: 11-02-2010, 07:31 PM Parent: #159
يا دوب الليلة عرفت الحكمة الكانت بتقولها امي طوالي
الفي يده القلم ما بيكتب روحه شقي
بالله شوف ناذر ده اسي قال اسي بكتب ليكم من مطار الخرطوم يعني نظام لاب توب و فلاش سوداني و سفر و طيران و كده
يعني سودانيز اون لاين دي بتفقد الناس المنطق
برضو راجينك
Post: #162 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: هشام حسن Date: 11-02-2010, 07:54 PM Parent: #161
أظن غير آثم أنو انت رجل الأعمال حامد.. من السيخ والطوب والتلاته مليون بتاعة النادي.. نفس المجال وكدا.. بس فاكيها فينا بي رجل أعمال كبير دي ساكت
خصوصاً انك كنت غايب فترة من المنبر.. ومعروف حراساتنا في السودان ما فيها نت... أها لقيتني كيف؟
Post: #163 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-03-2010, 02:35 PM Parent: #162
حامد ..
Quote: لو ما تميت القصة دى بكرة انشاء الله حاقول للناس دى انت منو
حامد
واصل...متابعين
روق المنقة يا خي وما توهم الجماعة ساي .. لأنو حامد الحقيقي بتاع القصة الايامات دي مبطل كل أشغالو واعمالو ومتفرغ تماما للبوست دا وكل ساعة بيضرب لي تلفون يعلق ويضيف والضحك شارطو .. وكمان في حاجة تانية ..
أنا كنت مستغرب على عدد الزوار الكبير للبوست لكن عرفت من حامد إنو فرض على كل موظفينو في شركاتو ومصانعو يقرو البوست دا ويتابعوهو بعد ما رسل ليهم الرابط وإلا حا يخصم منهم مرتب تلاتة أسابيع ..!!
حلتك حرقت يا صاحبي ..!!ههههه
Post: #164 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-03-2010, 03:11 PM Parent: #163
بت الهنا ..
Quote: قال اسي بكتب ليكم من مطار الخرطوم يعني نظام لاب توب و فلاش سوداني و سفر و طيران و كده
لا لا بتوب لا فلاشات لا بطيخ ..!
إنتي الظاهر طولتي من مطار الخرطوم ..
مطار الخرطوم بقى فيهو كمبيوتراااات وإنترنييتاااات وحاجات كتيييييرة متطورة ..
أي نعم هم كلهم تلاتة بس خاتينهم في صالة المغادرة وكمان خاتينهم في حتة عالية ومن غير كراسي .. يعني الزول يستعملم وقافي لإنعدام الكراسي .. ودا لانهم عارفين الزول بيتعب من الوقوف فأكيد حا يستعمل الجهاز خمسة دقائق ويخليهو لي غيرو وبي كدة ممكن الصالة الفيها تلتمية مسافر يستعملو التلاتة أجهزة دي بي كل سهولة ويسر ..!!
دا كلو من سياسة التقشف البقت علينا دي ..!!
Post: #165 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-03-2010, 03:15 PM Parent: #163
هشام ...
Quote: أظن غير آثم أنو انت رجل الأعمال حامد.. من السيخ والطوب والتلاته مليون بتاعة النادي.. نفس المجال وكدا.. بس فاكيها فينا بي رجل أعمال كبير دي ساكت
خصوصاً انك كنت غايب فترة من المنبر.. ومعروف حراساتنا في السودان ما فيها نت... أها لقيتني كيف؟
لقيتك كيشة ...
كلامك كلو صاح بس الديفيكت الفيهو إني ما مشهور ..
يعني لو كنت مشهور كان كلامك بيطلع صاح ...
Post: #166 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: أيمن دياب Date: 11-03-2010, 03:20 PM Parent: #165
ناذر الخليفة عذبتنا.. ومتعتنا.. ياخي سمعنا بالتشويق.. لكن ما قالوا قدر ده..
Post: #167 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: BitAlhana Date: 11-03-2010, 03:21 PM Parent: #165
ناذر تم القصة بالله ما تبقى زول انصرافي
مالوا مطار الخرطوم ؟ لا اثم فيه و لا عيب و ما تجيب لي الهواء
انا جاية الاسبوع الجاي ان شاء الله
Post: #168 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: أيمن دياب Date: 11-03-2010, 03:28 PM Parent: #167
غايتو يا الجريو اللقيتا.. مافي زول لقاها.. جزء من مداخلة مداخلة في بوست آخر في البورد.. تشير إلى موضوع الجريو.. وحديث سلفاكير للصحفية رفيدة ياسين.. وموضوع نشر شريط الحوار من عدمه..
Quote: فلماذا لا ينشر الشريط وهو حل منطقي وبسيط لا يوجد ما يمنع من نشر الشريط طالما تم النشر الصحفي
الا غايتو كان بقت زي قصة الشفت القال انا سجلت المكالمة في قصة الجريو البهناك ديك وطلع هو كذاب ساكت
Post: #169 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حامد محمد حامد Date: 11-03-2010, 06:52 PM Parent: #168
Quote: حلتك حرقت يا صاحبي ..!!ههههه
لامن ريحتها فاحت ...بس انت كيف تجى تتمها لينا وان كنت بفتكر هى دى النهاية اها انت مسافر وحامد مستمتع بالقصة وموظفينو اكيد ما حيضبحوا فى العيد......
Post: #170 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اميرة السيد Date: 11-03-2010, 08:32 PM Parent: #169
يا ناذر ما شحتفت روحنا ومن شدة قصتك ما ممتعة بقيت أجر الماوس لنهاية الصفحة عشان أعرف الحاصل شنو لكن بي كدي عرفت انا بضيع تفاصيل مثيرة وممتعة أقوم أرجع من الأول تاني .. وتصدق ليه هسع ما عرفت نهاية القصة الله يجازي شيطان عقلك... معقول يا ناذر القصة دي حقيقية... وعندك حق تديها للأستاذ السني دفع الله عشان يحولها لتمثيلية ,اكيد الصفوف في المسرح حتلف دائرة في حلتين والله يديك العافية.. المهم انا ما انتهيت من القصة وبجي راجعة ليها تاني
Post: #171 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Munir Date: 11-03-2010, 08:44 PM Parent: #170
Quote: غايتو يا الجريو اللقيتا.. مافي زول لقاها.. جزء من مداخلة مداخلة في بوست آخر في البورد.. تشير إلى موضوع الجريو.. وحديث سلفاكير للصحفية رفيدة ياسين.. وموضوع نشر شريط الحوار من عدمه..
Quote: فلماذا لا ينشر الشريط وهو حل منطقي وبسيط لا يوجد ما يمنع من نشر الشريط طالما تم النشر الصحفي
الا غايتو كان بقت زي قصة الشفت القال انا سجلت المكالمة في قصة الجريو البهناك ديك وطلع هو كذاب ساكت
رفيدة ياسين ليست باحثه عن شهره هل يوجد فى مكتب سلفاكير محجوب فضل بدرى اخر
Post: #172 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اسماء الجنيد Date: 11-03-2010, 08:56 PM Parent: #171
يا ناذر والله بالغت معانا مبالغة ما عادية البوست ده انا وزعته ليك حول العالم كلو والعالم منتظرين نهاية الفلم الجريوي دة بالله اسرع وتم السيناريو دة
Post: #173 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حسن حماد محمد Date: 11-03-2010, 11:10 PM Parent: #172
الأخ ناذر سلامات
ياخى حرام عليك جهجهتنا وخليتنا ما قادرين نشتقل
علييييييييييييييييييييييك الله واصل ياخى
أعدت للبورد بريقه المفقود
لكن حكاية تحمم الجريو بصابون البدرة دى بالغة فيها
متابعين والله من بروكلن الماقريبة ديك عليك الله كب الباقى بسرعة
Post: #174 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الطيب بشير Date: 11-04-2010, 06:36 AM Parent: #173
. مســتـــمــتـــع
.
Post: #175 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: معاوية الأرباب Date: 11-04-2010, 06:56 AM Parent: #174
غايتو أنا متأكد من حاجة واحدة إنو الزول النبذ ناس النادي ما علاْء الدين بتاع النحل,
لأنو ده متخصص في ناس البورد بس .
Post: #176 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-04-2010, 12:24 PM Parent: #175
جاييكم يا شباب ..
Post: #177 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حماد الطاهر عبدالله Date: 11-04-2010, 12:38 PM Parent: #176
Quote: جاييكم
كو! كلو كلو ما تجي.
Post: #178 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-04-2010, 01:49 PM Parent: #177
أها يا جماعة ...
المشهد هنا حا ينقسم لي إتنين .. يعني إتخيلو شاشة تلفزيون فيها مشهدين مختلفين .. المشهد الاول حامد وهو طالع من بيتم وماشي على القسم .. وقف عربيتو جمب القسم وقعد يتناقش مع أخوانو وأولاد النادي بي برة قبل يخش على الضابط .. وفي المشهد التاني عربية الدورية وقفت قدام بيت سيف ونزل منها سيف عشان يجيب الجريو ..
المشهدين ديل في نفس الوكت .. كدي نشوف البيحصل مع سيف أول ..
عسكري : بالله ما تعطلنا سريع سريع كدة إتناول الجريو دا وتعال .. سيف : أدوني خمسة دقائق بس ..! عسكري : ليه خمسة دقائق ..؟! داير تجيب شنو إنت أصلك ؟!.. سيف : يا اخوانا حاولوا أفهموني .. الجريو دا ######ان ليهو فترة طويلة .. وبالطريقة دي حا يقرد (يجيهو قراد) ..بس فرصة كدة أحميهو سريع وأجيبو ..! والله ما بياخد معاي زمن ..!! العسكري : خلاص سريع بديك دقيقتين بس ..
سيف جرى على الجريو كابسو وجرا بيهو الطشت خلى العساكر في العربية برا ينقرضوا : الود دا ما كويس ولا شنو ..! والله نحن الما كويسين المبارين موضوع فارغ زي دا .. لكن يا جماعة الزول دا كلامو صاح الجريو لو مليان طين بيقرد وأنا زمان كان عندي جريو .. داير يمسك بي الجماعة زمن قهموهو وسبوا ليهو زي سب حسن داك وسكتوهو ..!!
نخلي المشهد دا علي كدة ونشوف الحصل شنو بي هناك مع حامد .. حامد جا داخل القسم أول ما شافوهو العساكر والمباحثية طوالي شبكوهو ليك كلام وسلام وشرفت القسم ومش عارف إيه مع إنو ديل نفس الجماعة الإتلموا قبل شوية وكانوا ما شين يرفعوهوا في البوكس بتاع الدورية ..
حامد جاملم ودخل على الضابط
حامد : السلام عليكم يا سعادتك .. الضابط : وعليكم السلام يا باشا إتفضل شرفت القسم .. حامد : الأخبار شنو والقصة شنو يا سعادتك ؟! الضابط : والله جانا المواطن سيف دا هنا وبلغ قال إنت ضربتو وإتعديت عليهو بي سبب جريو ..! حامد : فعلا حصلت بينا مشاجرة يا سعادتك لكن ضربتو وضربني زي البيحصل في أي شكلة .. الضابط : هو قال إنت سببت ليهو الأذى الجسيم وشال أورنيك تمنية ..! حامد : يا خي هو في أذى جسيم أكتر من العملو قبل شوية ؟! الزول جا في نص الحلة يكورك من عربيتكم عمل لي فضيحة ياخي ..! الضابط : هم جوك بي هناك ولا شنو ؟! حامد : جو مارين قدامي .. هم ماشين وين سعادتك ؟! الضابط : ماشين يجيبوا الجريو سبب الشكلة ..! حامد : طيب هسي البيحصل شنو ؟! الضابط : البيحصل إنك حا تكون معانا في الحراسة لحدي ما يجينا الاورنيك دا ..! حامد : معقولة بس ؟! الضابط : دا القانون كدة ؟! حامد : إنت سمعت الشهود القاعدين برة ديل ؟ الضابط : أيوة سمعت كلامم وعرفت القصة ..! حامد : هسي يرضيك بي سبب موضوع فارغ زي دا أخش الحراسة وإتبهدل كدة ؟!
الضابط نادى الناس البرة بتاعين النادي وأخوان حسن يتشاوروا وكلهم أجمعوا إنو الموضوع فارغ وما بستاهل .. وكل اليحصل إنو سيف دا يجي ويدي حسن الجريو بتاعو ويتنازل عن البلاغ وينتهي الموضوع على كدة ..
الضابط : ما عندي مشكلة لو سيف جا وإتنازل .. خلوهو يجي في الأول ..
يلا أرجعاكم معاي لي سيف بي هناك ..
Post: #179 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-04-2010, 02:12 PM Parent: #178
سيف جا طالع من البيت مستعجل ويدو مبلولة موية ..
عسكري : وينو الجريو يا زول ؟! سيف : معليش يا جماعة حا أخد من زمنكم شوية .. واصل الدكان القريب دا أجيب لي صابون بدرة واجي ..! عسكري : إنت راسك ما حلو ولا شنو ؟! إنت قايلنا فاضين ليك ولي جريوك دا .. جيب الجريو دا كدة بي حالتو دي ..! سيف : يا جماعة والله ما حا أأخد زمن .. ولو خايفيني إتأخر أرحكاكم معاي بي عربيتنا دي ونجي ..
(لا حظوا لي عربيتنا دي) ..!!
طبعا العساكر دقوا جرس وهاجو وقهموا سيف .. خلوهو يقوم جاري جوة الحوش يلفح الجريو ويجي يركب ..!!
العربية متحركة والجريو حموهو قبل شوية ضارب الترطيبة وشابك العساكر (هيو .. هيو ... هيو) قايل روحو ماشين يفسحوهو والعساكر كلهم بيحمروا للجريو واظن اي واحد فيهم كان متمني يرفع بوتو اللابسو فوووووق وينزلو فوق راس الجريو وينتهوا من القصة دي ..!
الوكت دا نسابة حامد جو ماشين وأبو حامد محمد حسين جا طالع يودعم قدام البيت .. العربية قربت من قدام البيت .. أبو حامد أول ما شاف العربية طوالي خاف من البيحصل .. سيف كحل أبو حامد دقى جرس في العربية .. يا هو دا أبو الزول الضربني يا جماعة أرفعوهو معانا برضو عشان ولدو يجينا .. العسكري قال لي سيف .. يا ود إنت مجنون .. هو الرفع دا سااااهل كدة .. أي زول تقول أرفعوهو في العربية نرفعوا ليك ؟! حامد : يا أخوانا والله العظيم دا أبو الناس الإتشاكلت معاهم ولو ما مصدقني أقيفوا أسألوهو .. العسكري نهر ليك سيف وسكتوا لكن سيف ما سكت قعد يكورك : والله يا حاج محمد .. حامد دا إلا يرحل من الحلة دي .. أنا وراهو والزمن طويل وصل ليهو الكلام دا يا حاج ؟! .. وراهو والزمن طويل .. وراك والزمن طويل يا حامد ..وطبعا كلامو بيتلاشى براحة براحة مع سرعة العربية والجريو شغال ليو موسيقى تصويرية (هيو .. هيو .. هيو) .. زي التقول بيهدد ويتوعد مع سيف ..!
ابو حامد كبى عرق وما فاضل ليهو إلا يطير ..!!
واحد من النسابة : إنت يا حاج دا مش ياهو السكران بتاع جبيل زاتو ؟! محمد حسين يرص حرف ويفط حرف : الظاهر هو زاتو .. النسيب : مالو الزول دا معاكم ..؟! محمد حسين : معانا نحن ؟!!! ما بنعرفو وما عندنا بيهو علاقة ..! النسيب : جاب إسم حامد عدييل وإتكلم معاك مباشرة بالإسم .. محمد حسين : بيكون مشبهنا ساكت .. المهم والله شرفتونا وما قصرتو ونجيكم عما قريب .. وأمشوا ما أأخركم عشان مشواركم بعيد ..
محمد حسين كلفت ليك النسابة وركبم العربية سريع وزوغ منهم الكلام وجا داخل البيت عيونو زي الشرار من الزعل .. إتناول العمة حقتو وجا طالع دور عربيتو ويا القسم جاك زول ..!!
بعد شوية كل الأطراف في القسم ..حامد .. سيف .. علي .. حسن .. أبوهم .. الجريو .. الزول النبذوهو .. باقي أولاد النادي ..
يعني ما فضل إلا يجيبوا النادي زاتو ..!!
Post: #180 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فدياس نجم الدين Date: 11-04-2010, 02:29 PM Parent: #179
يا خلف الله ما عذبتنا
يأخي تم لينا القصه دي خلينا النقوم نشوف شغلتنا
ونجهزلكوره الصفاقسي
Post: #181 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: waleed dawash Date: 11-04-2010, 03:11 PM Parent: #180
عليك الله ياناذر ماتطول .... باقي انا الضحك كتلني خلااااااااااص
Post: #182 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-04-2010, 03:44 PM Parent: #181
أها يا شباب ..
الناس المستعجلين
إتصبروا بي القصة الواقعية العايشتها برضو في الرابط دا :
Post: #183 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 11-04-2010, 03:57 PM Parent: #182
ناذر اخد راحتك وجر الموضوع .. الشمار كتل الجماعه .. بالله زى القاعدين ليهم فى منقد.. جننوك .. يا ناذر تمها .. يا ناذر تمها قربوا يهوهو .. هيو .. هيو اقول ليك كلام .. أصلو ما تمها ليهم ..
.. سهر الجداد ولا نومو ..
Post: #184 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: المعز ادريس Date: 11-04-2010, 04:10 PM Parent: #183
تحياتي يا ناذر
خراب العلاقات دا الجرو برئ منه و واضح أنه سببه "الكف" كف "حامد" في وجه "سيف"!
شكرا على أسلوبك في الروي , ونستنا.
Post: #185 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: خالد كدودي Date: 11-04-2010, 05:52 PM Parent: #184
واصل
Post: #186 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حامد محمد حامد Date: 11-04-2010, 07:42 PM Parent: #185
سيف دة يستاهل اكثر من كدة ...
Post: #187 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اميرة السيد Date: 11-04-2010, 08:00 PM Parent: #186
يا ناذر عاوزين منك خدمة بسيطة ممكن تكتب لينا القصة كلها في بوست واحد باختصار وبعدين تجي تفصل بالتفصيل الدقيق لأنه بسبب قصتك دي عاوزة اترفد من الشغل.. لأني خليت الشغل وركنته كله بعيد وبديت اتم القصة والماقادرين نلحقك فيها ..والمدير المسؤول زعل لكن اذا انا كنت ترجمت ليه القصة للإنجليزي كان هو ذاتو قعد معانا يقرأ ويخلي شغله... غايتو انا من رأي اذا القصة طالت أكثر من كده تكتبه في كتاب وأهو منها فايدة مادية
Post: #188 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-05-2010, 09:35 AM Parent: #187
يا جماعة رايكم شنو في كلام أميرة دا ؟:!!
Quote: يا ناذر عاوزين منك خدمة بسيطة ممكن تكتب لينا القصة كلها في بوست واحد باختصار وبعدين تجي تفصل بالتفصيل الدقيق
أنا ما فارقة معاي باقي القصة والحصل بعد داك ممكن أنتهي منو في تلاتة سطور بالكتير بدون تفاصيل ..!!
لكن كدة في حاجات كتيرة بتضيع .. ومحمدالسني دفع الله حا يضطر يشوف ليهو زول تاني يكتب السيناريو ..!!
وأنا زااتي برتاح من التلفونات والإيميلات والماسنجرات الكتيرة البتضغط على إكمال القصة ..!!
رايكم شنو يا جماعة ؟؟؟!!!
Post: #189 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: omer osman Date: 11-05-2010, 09:49 AM Parent: #188
Quote: رايكم شنو يا جماعة ؟؟؟!!!
انا شخصياً غير موافق .......
الشحتفة وحراق الروح والانتظار جزء من متعة القصة أو المسلسلات مثلاً ...
Post: #190 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-05-2010, 09:54 AM Parent: #189
Quote: انا شخصياً غير موافق .......
وأنا برضو
Post: #191 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-05-2010, 10:07 AM Parent: #190
إتنين ضد الإقتراح ..!!
الباقين رايم شنو ؟!!
Post: #192 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: إسماعيل حسن Date: 11-05-2010, 10:24 AM Parent: #191
يا ناذر متعتنا الله يمتعك بس شحتفت روحنا وجهجهتنا ومع ذلك انا ضد الاقتراح لان المتعة فى الشحتفة دى ومنتظرين بلهفةالسرد الشيق والقصة الممتعة تكتمل على اقل من مهلك
Post: #193 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم قناوي Date: 11-05-2010, 10:31 AM Parent: #192
Quote: يا ناذر متعتنا الله يمتعك بس شحتفت روحنا وجهجهتنا ومع ذلك انا ضد الاقتراح لان المتعة فى الشحتفة دى ومنتظرين بلهفةالسرد الشيق والقصة الممتعة تكتمل على اقل من مهلك
شـــــــــــــرحــــــــو
Post: #194 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حامد محمد حامد Date: 11-05-2010, 10:44 AM Parent: #193
موافق بس بالتفاصيل
عذبتنا ...!!!!
Post: #195 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اميرة السيد Date: 11-05-2010, 01:00 PM Parent: #194
ما دام الأغلبية عاوزة شحتفة الروح والانتظار .. انا كمان موافقة تطول في القصة وعلى أقل من مهلك يا ناذر وان شاء الله تنتهي من القصة مع بداية العام الجديد .. لأني ابتديت أعمل طبع لصفحات القصة print واقرأ القصة داخل القطار السريع ولفترة ساعتين بستمتع في القصة وزهج القطر راح والله يديك العافية.. وما تنسى على اقل من مهلك ونحن ما مستعجلين
Post: #196 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حاتم كاهن Date: 11-05-2010, 01:08 PM Parent: #194
الله يمتعك زي ما متعتنا يا ناذر .. غايتو لو القصة دي حتتمثل انا داير أمثل دور العسكري الزهجان بتاع :
Quote: واحد من العساكر الزهجانين وما راضين عن الوضع سأل الضابط .. هسي نحن نمشي وين يا سعادتك ؟؟!!
إنت يا ناذر .. بتكون واحد من النسابة الكلفتهم ابوناس حامد ديل ..
أو ياكا النبذوهو ساي داك..
Post: #197 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-05-2010, 02:08 PM Parent: #196
أها يا شباب ..
بما إنو إقتراح أميرة راح شمار في بوست الظاهر حا نتواصل ..
ونشكر كل الذين إنضموا إلينا مؤخرا زي حاتم كاهن دا لأني أول مرة أشوفوا بي هنا ..!!
Post: #198 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: المعز ادريس Date: 11-05-2010, 03:10 PM Parent: #197
الجماعة ديل برضهم متشاكلين في جرو!
بوتين لبوش : ك.ل.ب.ي أكبر من ك.ل.ب.ك وبوش يرد عليه قائلا "لا يا فلاديمير.. بل دمك بارد "
واشنطن (رويترز) - تباهى الرئيس الروسي السابق فلاديمير بوتين يوما أمام نظيره الأمريكي السابق جورج بوش بكبر حجم ك.ل.ب.ه. يكتب بوش عن هذه الواقعة في مذكراته التي تصدر بعنوان "نقاط القرار" (Decision Points) التي تطرح في الاسواق يوم الثلاثاء المقبل. ويقول بوش انه قدم لبوتين ك.ل.ب.ه الاسكتلندي (بارني) خلال زيارته المنتجع الرئاسي في كامب ديفيد. ورد بوتين هذه اللفتة عندما زار بوش روسيا وكان يتجول معه في حديقة منزله الريفي. وكتب بوش في مذكراته التي حصلت رويترز على نسخة منها يقول "جاء ك.ل.ب أسود كبير من نوع لابرادور مسرعا عبر الحديقة. قال فلاديمير وهو يغمز بعينه.. أكبر.. أقوى.. أسرع من بارني." وقال بوش انه سرد هذه القصة في وقت لاحق لرئيس الوزراء الكندي ستيفن هاربر الذي رد قائلا "أنت محظوظ لانه أراك ك.ل.ب.ه فحسب." ويعرف أن بوش عندما بدأ رئاسته عام 2001 نظر الى عيني بوتين وقال له انه يرى روحه. وكتب يقول في مذكراته "في السنوات التالية.. أعطاني بوتين مبررات لاعيد النظر في رأيي." ويقول بوش إن المرحلة المتدنية في علاقته مع بوتين جاءت في أغسطس اب 2008 عندما غزت روسيا جورجيا. وشكا بوش لبوتين من ذلك الامر بشكل مباشر في احتفالات افتتاح دورة الالعاب الاولمبية وقال له ان الرئيس الجورجي ميخائيل ساكاشفيلي "دمه حام" فرد بوتين "أنا دمي حام أيضا." وقال بوش انه رد عليه قائلا "لا يا فلاديمير.. بل دمك بارد
Post: #199 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اميرة السيد Date: 11-05-2010, 03:30 PM Parent: #198
انت يا ناذر خلي حكاية اقتراحي راح شمار في بوست( مرقة) لكن انا المستغربة ليه صورتك في البروفايل تحت اسمك مرة بنشوفك ضاحك ومرة نشوفك مكشر وجهك ومرة لابس نظارات ومرة بتغني بالعود،، انت بتعملها كيف دي؟؟ نحن صورة واحدة ما قادرين ننزلها( وجه ضاحك) أظنك ضليع في تكنلوجيا المعلومات والاتصالات والكمبيوترات ... وهسع كمان الموهبة الجديدة كتابة السيناروهات للقصص
Post: #200 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عزيز عيسى Date: 11-05-2010, 04:12 PM Parent: #199
ناذر يكون واحد في الثلاثة: 1- يكون الضابط المحقق زهج وما لقى حل للقضية وفي النهاية راح رامي الجماعة كلهم في السجن حسن وحامد وأبو حامد وسيف والشهود وحتى الجريو ذاتو سبب المشكلة.. وناذر كان داخل السجن والجماعة ديل حكوا ليهو القصة دي. 2- الكومر الشايل العساكر.. 3- يمكن يكون الجريو ذاتو..
لوووول
Post: #201 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اميرة السيد Date: 11-05-2010, 04:33 PM Parent: #200
Quote: - الكومر الشايل العساكر.. 3- يمكن يكون الجريو ذاتو.. >>>>>>>>>>>>>>>>>>>>>>>>>>>>>>>>
بس دي بالغت فيها!!!
Post: #202 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اشرف السر Date: 11-05-2010, 07:28 PM Parent: #201
قصة لذيذة لامن بهناك زاتو يا ناذر
في القصة انت يا
1. بتاع الدكان الجابو منو اللبن
2. الغفير الباع الجريو
Post: #203 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عاطف محمد أحمد زكريا Date: 11-05-2010, 07:40 PM Parent: #202
احييك اخى ناذر لهذا السرد الرائع وان ما اخاف الكذب انت تكون الزول الشتموه بالشريحة الكسروها وان طلع افتراضى صاح بوريك استنتاجى دة جا من وين مع ودى
Post: #204 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Munir Date: 11-05-2010, 09:44 PM Parent: #203
Quote: بعد شوية كل الأطراف في القسم ..حامد .. سيف .. علي .. حسن .. أبوهم .. الجريو .. الزول النبذوهو .. باقي أولاد النادي ..
ياناذر ياخ إنت الجماعة كوولهم بتذكر أسماءهم إلاّ بس الزول النبذوهو ده عامل عليه تعتيم كده ، مع إنه عامل مداخلات مهمة في البوست ..
قصصك متعة ياخ ..
Post: #205 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: إدريس محمد إبراهيم Date: 11-06-2010, 06:10 AM Parent: #204
ناذر وجميع الأخوة الكرام ...
تحياتي ومحبتي ...
يا ناذر حقيقة سردك مشوّق للغاية وعرفت تخلينا نعيش معاك القصة لحظة بلحظة .. وهذا بلا شك منتهى الابداع .. أهنيك على ذلك ...
بالنسبة لشخصيتك أشار الضابط عندما أخبروه عن حامد .. مش الراجل بتاع المغلق (والجريدة) .. وانت معروف إنك راجل صحفي مع عملك في مجال البناء .. قربت أجزم إنك تكون حامد .. لولا إشارتك إنك ذهبت للنادي لتتفقد مراحل البناء .. هنا جهجهت باكاتي تماماً .. عليه وفي الغالب الأعم إنك الراجل الذي تلقى الشتائم في النادي من الشريحة اللحقت غنم زهره ...
تحياتي يا راجل يا جميل ومتابعين ...
Post: #206 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عبدالكريم أحمد الامين Date: 11-06-2010, 07:12 AM Parent: #205
** ود محمد الخليفه.. ** صباحك خير..
## غايتو فى جماعه إتراك , ومكسكيين عايزين يعملو فتح خشم لقصتك دى ,, قلت ليهم عندنا شوره راجعونى بعد عيد الضحيه باسبوعين ,, ## قالوا لى :- نحنا مامُستعجلين أُخد راحتك فى الشوره لانو الموضوع الجميل دا حنعمل مُسلسل 168 حلقه (وبكده بنكون ضمنا 5 رمضانات) وباقى المسلسل حنبيعو فى CD . (ومهند حيكون هو الاخد الكف من حامد) "عشان الجكس يتعاطف معاهو"
## ناذر إستلم ليك العربون ؟؟؟ وحيكون عندك 40% من بيع الـ CD ..
## المُتعه فى شحتفة الروح دى والإنتظار.. ** أنسى موضوع ود السنى دفع الله ,, الدفع باليورو وفيها نسبه من التسويق . (ودام الود بيننا) (ابو محمد فؤاد) - الماكيكى.. (التعديل عشان نستلم حق فتح الخشم)
Post: #207 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد عبد الماجد الصايم Date: 11-06-2010, 07:43 AM Parent: #206
عرفت ليكم ناذر دا بكون منو في القصة دي: الكومر الراكبين فيهو العساكر!!
Post: #208 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-06-2010, 08:50 AM Parent: #207
غايتو عزيز عيسى جاب حاجة جديدة لنج :
Quote: راح رامي الجماعة كلهم في السجن حسن وحامد وأبو حامد وسيف والشهود وحتى الجريو ذاتو سبب المشكلة.. وناذر كان داخل السجن والجماعة ديل حكوا ليهو القصة دي.
ههههههههههه مبالغة ..
Post: #209 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عفاف الصادق بابكر Date: 11-06-2010, 09:56 AM Parent: #208
غايتو يا ناذر انت بتكون رجل الاعمال من السيخ والبناء والصحافة والنادي .. والمنطقة بتكون السجانه .. والقسم الجنوبي .. واجريو بكون مربوط تحت الشجرة
ايوه عرفتك انت منو ..؟؟؟ انت مؤلف القصه دي ..
يااااا حليل زمن تختخ ولوزه ونوسه وعاطف والشاويش على و######هم زنجر ..
Post: #210 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فدياس نجم الدين Date: 11-06-2010, 11:01 AM Parent: #209
أها .... وبعدين
Post: #211 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-06-2010, 01:58 PM Parent: #210
اول ما سيف والجريو وصلو القسم .. سيف شاف حامد وطوالي إنفصم فيهو : مش قلت ليك أنا بجيبك ؟ قايل روحك شنو إنت أصلك ؟! والله الليلة تنقفل زيك وزي أي حرامي في الحراسة دي ..!!
طبعا سيف كان بيقول الكلام دا وهو شايل الجريو ونازل من عربية الدورية .. حسن اول ما شاف الجريو نط على سيف .. طبعا دا جريوو الخاسر فيهو خمسة جنيهات وليو كم يوم ما شافو ...
حسن : فك الجريو دا ..! سيف طوالي خت الجريو ورا ضهرو : زح مني .. جريوك دا تاني تشمو قدحة .. إنتو ناس صعاليك ولا شنو ؟! ..
الضابط جا طالع من المكتب وهاج فيهم كلهم وقال للعسكري شيل الجريو دخلو جوة ..
سيف وحسن دايرين يعترضوا .. الضابط سمعم كم كلمة فارغة وسكتم .. العسكري شال الجريو ومشى بيهو جوة وسيف وحسن مركزين مع العسكري ..
بعد شوية ابو حامد عمك محمد حسين وصل القسم وعيونو حمراااااا من الإحراج اللقاهو مع نسابتو ..
محمد حسين لي سيف : دي عملية تعملا يا سيف في الحلة ؟! شنو شايل حسنا كدة .!! يا خي دا جريو ولا أسد البيخليك تعمل قدر دا ؟!
سيف : والله يا حاج محمد ولدك حامد دا هو الوصلني المرحلة دي .. قايل روحو منو أصلو يضربني كف ؟!
محمد حسين : ما يضربك يا خي ما هو زي أخوك الكبير برضو ..! إنت من زماان معانا في الحلة حصل واحد غلط معاك ؟!
سيف : ما حصل إلا الليلة دي ..
حامد : يا خي في ولد عاقل كدة يتمسك بي جريو ويعمل مشاكل بالطريقة دي ..
سيف : إنت قفل خشمك دا يا حامد .. ما قي زول سألك ..
محمد حسين : هسي البيحصل شنو يعني ؟!
سيف : يا خي أنا الجريو دا زااتي ما دايرو .. بس حسن يدفع لي خساراتي فيهو ..
محمد حسين : خسارات شنو ؟!
سيف : الأكل والشراب البجيبو ليهو دا ..
حامد سرعة دخل يدو جو جيبو : جدا .. ندفعا ليك طوالي .. داير كم ؟!
سيف : أنا خسران في الجريو دا خمسة وسبعين جنيه ..
حامد بي إستنكار : كم ؟؟؟!!!
سيف خمسة وسبعين جنيه ما تنقص ولا تعريفة ..!
حامد : ليه خمسة وسبعين جنيه !! إنت إصلك قاعد تأكلو في الهيلتون !!
سيف : اللبن البجيبو ليهو دا براهو بي كم ؟
حامد : إنت إصلك جبت ليهو لبن طير ؟!!
سيف : صابون البدرة البحميهو بيهو بي كم ؟!
حامد : إنت أصلك بتحميهو حمام مغربي ؟!!
سيف : فسيحو وشريبو ونضافة الحوش القاعد فيهو دا حاجة هينة ؟!
حامد : يا ود إنت ما كويس ولا شنو ؟!!
سيف : شفت يا حاج .. شفت ؟! ولدك بيقول لي شنو ؟!!
محمد حسين : يا سيف جريوك دا لو بقى تور أنحن ما دايرنو ولا يخش لي بيتي زاتو ..!!
حسن : لكن يا أبوي دا جريوي أنا كيف أخليهو ليهو .؟!
محمد حسين : خليهو ليهو .. جريو في البيت ما دايرنو .. كلمة واحدة وخلاص ..!!
حامد : يا أبوي الجريو دا أنحنا دايرنو ما بنخليهو لي سيف ..
محمد حسين : سمح أديهو قروشو ؟!
حامد : أديهو خمسة وسبعين جنيه في شنو ؟! أصلو كان بيجيب ليهو أكل من برج الفاتح ؟!
محمد حسين : خلاص خليهو ليهو .. نسوي ليكم شنو يعني ؟!!
الوكت دا الضابط اللئيم جا مارق : أها يا ناس الجريو .. البقى عليكم شنو ؟!
حامد : البقى نمشي في الإجراءات يا سعادتك .. ما وصلنا لي حل ..
محمد حسين : يا ولد إنت جنيت ؟! أدفع للزول دا قروشو خلينا نمشي ..!!
حامد : والله ما أديهو خمسة وسبعين جنيه كان دخلت الحراسة ..!
سيف : يا زول عنك ما تديني .. أنا شاحدك ؟! دا حقي .. داير الجريو شيلو ما دايرو خليهو ..
الضابط : ما تشبكونا نقة فارغة .. الحل شنو ؟!
سيف : يا سعادتك ما في حل .. وأنا داير أمشي المستشفى لي أورنيك تمنية ..!!
محمد حسين : يا سيف إستهدى بالله ما تشمت فينا الخلائق ..!
حامد : خليهو يمشي يا أبوي .. يا سعادتك الاجراء شنو ؟!
الضابط : حا ندخلك الحراسة لحدي ما الزول دا يجي من المستشفى ..!!
حامد : جدا سعادتك بخش الحراسة ..!
أبو حامد وأخوهو علي وأولاد النادي حاولوا يقنعوا حامد ما يركب راسو لكن حامد اتحامق وحلف طلاق .. قلع عمتو وادى الحاجات المهمة لي حسن يوديها البيت وبراهو مشى على الحراسة ..
حسن سأل الضابط : طيب ممكن أشيل معاي الجريو ؟!
الضابط : الود دا متخلف ولا شنو ؟! وكت تشيلو طيب أخوك قاعد في الحراسة لي شنو ؟!
سيف نط : يا مولانا الجريو دا أصلو ما يزح من هنا .. دي مسئوليتك ..
الضابط : أنا كم مرة قلت ليك ما تقول لي مولانا ؟! شايفني شايل لي سبحة ولا بقرا في محاية ؟!
سيف : قصدي يا سعادتك ..!
الضابط : أمشي جيب الأورنيك خلينا نخلص من الموضوع دا ..!
سيف : يا مولانا الجماعة ديل خطرين ماتشوفم كدة .. ممكن حامد دا عادي يضرب لي ناسو يتلبوا الحيطة ويسرقوا الجريو ..!
الضابط : يا خي مش الجريو دا .. أها انا حا أعين ليو عسكري عدييل كدة قصرت معاك .!
حسن : يا سعادتك هسي الجريو دا جعان ممكن أجيب ليهو لبن من البقالة ؟!
سيف : أوعك تدخل يدك دي فيهو ..!!.. يا سعادتك الود دا ممكن يسمموا عدييل كدة .. ما تخليهو يدي الجريو دا أي حاجة ؟!
حسن : هو كان جريو أبوك خايف عليو كدة ؟!.. ما حقي ودافع قروشو ..!
الضابط : أسكتو يا بجم دا شنو البتسوو فيهو دا ؟ّ .. إحترموا القسم القاعدين فيهو دا .!! يا عسكري ؟؟!!!
جا العسكري الما قبلان بالوضع داك ناطي : أيوة يا سعادتك !
الضابط : جيب الجريو دا ودخلو الحراسة ؟!
العسكري : شنو ؟!
الضابط : طرشت ؟!!
العسكري : كيف يعني أدخل الجريو الحراسة ؟!
الضابط : تشيل الجريو .. تفتح باب الحرسة .. تدخلو جوة وتقفل الباب وتجيني راجع .. صعبة دي ؟!
العسكري : ما صعبة سعادتك .. ساهلة ..
الضابط : خلاص طير من وشي ..!!
العسكري مشى بي تثاقل يجيب الجريو .. سيف سأل الضابط :
سيف : سعادتك الجريو دا لو دخل الحراسة حامد بيكتلو جوة .. وديهو حتة تانية ؟!
الضابط : إنت لسع قاعد ؟! .. ما تمشي تجيب لينا الأورنيك دا قبل ما أرميك جوة معاهم ..!
سيف طوالي قام جرى على الباب .. برة ثبتوهو أولاد الحلة يقنعوهو .. سيف ما إتكلم معاهم .. أبو حامد زهج دور عربيتو ومشى ..!!
العسكري جاب الجريو شايلو من إضنينو من الزعلة (التقول أرنب) .. فتح باب الحراسة رمى فيها الجريو .. الجريو دخلتو كدة شاف حامد قاعد في الكورنر متمحن .. جرى عليو هوزز ضنبو وقعمس ليو بي كرعينو الورا وشبكو ليك (هيو .. هيو .. هيو) ..!!
Post: #212 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-06-2010, 02:55 PM Parent: #211
بعد ما الحتة هدت وفضت شوية الضابط نادى العسكري الزهجان داك قال ليهو من الليلة الجريو دا مسئوليتك .. الجريو دا لو حصلت ليهو أي حاجة أو مات جوة الحراسة أنا وإنت إلا نشتغل كماسرة في الحافلات .. وقع ليك ؟!
العسكري : لكن البيحصل دا ما مقبول يا سعادتك ..!!
الضابط : أهو جات على كدة وضع وحا نتعامل معاو وما تناقشني فيهو ..!
العسكري : جدا سعادتك أي أوامر تانية ؟!
الضابط : ايوة .. أمشي البقالة جيب لبن طازا أو لبن كابو للجريو دا وأغشى معاك المطعم خلوهم يدوك أي بواقي أكل كدة ..
العسكري : حاضر سيادتك ..!
الضابط : منتظر شنو ؟!
العسكري : ما أديتني حق اللبن ؟!!
الضابط : حق اللبن .!! إنت نفساء ولا شنو ؟! أمشي شوف واحد من البرة ديل يديك ليو .. أنا مالي ومال الموضوع دا ؟!!
العسكري طلع برة لقى الجماعة إتفرتقوا .. قبل كدة وكدة ما شاف زول .. خاف يرجع للضابط الضابط يمسخروا .. أكلا في حنانو ومشى على البقالة وهو يسب ويلعن في اليوم البقاهو عسكري .. وصل البقالة سأل من لبن طازا لقى الكيس بي 1200 !! ما عندو قروش العسكري .. إتلفت لقى حلة مليانة لبن مُفٍوٍرْ سأل من الرطل قالوا ليهو الرطل بي ستمية جنيه .. قال للزول أديني نص رطل في كيس .. عبر ليهو اللبن قال ليهو ما تقفلوا ..دفع القروش شال اللبن مشى على الماسورة فتح الكيس وكب فوق نص الرطل رطلين موية !! رجع القسم إتلبت من الضابط ..مشى الميز جاب ليو صحن قديم .. دخل الحراسة كبى اللبن للجريو الجريو بدا يشرب .. عاين لي حامد قال ليو داير حاجة من برة ؟! حامد قال ليو كتر خيرك لكن أخواني مشو يجيبو لي العشا .. العسكري قال لي حامد لو داير أي حاجة قول طوالي .. الضابط عيني هنا الليلة في الخدمة .. حامد : في خدمتي أنا ؟ العسكري بي سرعة : في خدمة الجريو !!!
Post: #213 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-06-2010, 03:24 PM Parent: #212
Quote: في خدمتي أنا ؟ العسكري بي سرعة : في خدمة الجريو !!!
والله يا ناذر كتلتني بالضحك هنا والله عايزنك تواصل طوالي والقصة دي ما عايزنها تنتهي كلو كلو وأقول ليك حاجة، تمها موية من عندك زي العسكري ومطها زي مسلسل رأفت الهجان
تحياتي لك وقلمك
Post: #214 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-06-2010, 03:29 PM Parent: #212
سلام شباب وكل المتداخلين من غير فرز ...
الليلة إنشغلت بي القصة وما رديت عليكم واحد واحد ..
مشكورين على الحضور والتعليقات ..
Post: #215 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: omer osman Date: 11-06-2010, 04:05 PM Parent: #214
Quote: حامد : أديهو خمسة وسبعين جنيه في شنو ؟!
99% حامد ده شايقي ...
Post: #216 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-06-2010, 04:05 PM Parent: #214
عووووووووووووووووك ألحق يا محمد السني ...!!
جاني هسي عرض قوي جدا ما ممكن أرفضو بي خصوص القصة دي ..
عشان كدة حا أسحب الإهداء منك ..
لكن إطمن .. إنشاء الله أجيك قطر بي جزء من القروش الحاإستلما دي وأكتب ليك واحدة تانية هناك ..!!
قصرت معاك ..!!
من زمان مفتكر روحي عنقالي ساي .. تراني زول خطير وأنا ما جايب خبر هههههههه
Post: #217 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-07-2010, 08:37 AM Parent: #216
هلا النزير
Quote: وأقول ليك حاجة، تمها موية من عندك زي العسكري ومطها زي مسلسل رأفت الهجان
يا خي أنا قادر أتم القصة الحقيقية حتين امطها ههههه
Post: #218 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Fadl Karrar Date: 11-07-2010, 11:37 AM Parent: #217
بارع إنت في كتابة السيناريو بالذات باللهجة الدارجة ممكن تضاف لي قائمة أنس عبد المحمود وعبد الناصر الطائف بكل أريحية
سلامات يا ناذر
Post: #219 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-07-2010, 12:34 PM Parent: #218
الله يسلمك يا فضل كرار ..
لكن كمان إنت ما تبالغ ههههههههه
Post: #220 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-07-2010, 03:59 PM Parent: #219
أها يا جماعة ..
نخلي حامد والجريو في الحراسة ونخلي سيف يجيب الاورنيك ..
وكدي نمشي مع بعض نشوف المنظر شنو في النادي مع أولاد الحلة وعلي أخو حامد ..
طبعا لا يخفى عليكم إنو منظرم بايخ شديد خصوصاً إنو سيف القفل حامد في الحراسة واحد منهم ..
Post: #221 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: OSMAN SAYED MOHAMED Date: 11-07-2010, 04:21 PM Parent: #219
Quote: العسكري : ما أديتني حق اللبن ؟!!
الضابط : حق اللبن .!! إنت نفساء ولا شنو ؟!
والله دا حامض عديل كدا
____________________________
سرد و لا امتع
سلم يراعك
Post: #222 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-07-2010, 04:33 PM Parent: #221
سلام يا ناذر وضيوفه الكرام
عندي ملاحظة صغيرة حول هذا البوست تعرف يا ناذر عدد القراء الآن أكثر من ثمانية آلآف قارىء، وقول بالميت كدا ح يكونوا عشرة آلآف قارىء، وتخيل يا ناذر لو كان هذا البوست رواية مطبوعة وسعرهابالميت 10 دولارات أمريكية وأضرب عشرة في عشرة آلف ح تطلع بـ 100 ألف دولار عليك الله ما أحسن ليك من شغل المغالق؟ وتتفرغ للكتابة وتعمل ضحاكات كويسة.
وللأمام سر أو زي ما بقولوا الأمريكان "موف أون، مان"
Post: #223 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اسماء الجنيد Date: 11-07-2010, 05:34 PM Parent: #222
Quote: عندي ملاحظة صغيرة حول هذا البوست تعرف يا ناذر عدد القراء الآن أكثر من ثمانية آلآف قارىء، وقول بالميت كدا ح يكونوا عشرة آلآف قارىء، وتخيل يا ناذر لو كان هذا البوست رواية مطبوعة وسعرهابالميت 10 دولارات أمريكية وأضرب عشرة في عشرة آلف ح تطلع بـ 100 ألف دولار عليك الله ما أحسن ليك من شغل المغالق؟ وتتفرغ للكتابة وتعمل ضحاكات كويسة.
آآآآآآآآآآآمنت بالله يا النذير لكن ما لقيتك بتحسبها طائرة لوول يا زول ما تجهجه لينا ناذر ده ما صدقنا انه رجع وبدأ يواصل لينا يومين نحاحي فيهو زي الجريو عشان يقعد في الجابرة دي ويتم لينا الحكاية تجي انت ناطي ليك بي فكرة زي دي هسة كان كمان حرن وقال خلاص الحلقة الاخيرة تلقوها في الكتاب نعمل شنو نحن ؟ نجي نعضيك في صنقورك ده ولا شن نسو ؟؟ عارف لو كان حوار ناذر ده في روم في البالتولك كنت مشيت اتقنعت وبقيت آدمن وجيت شوتك طواااااااااااالي برة ده لوما اديتك رد ضدوت وخليتك تتفرج وما تقدر تفرفر زاتو وانت عارفني ما بعرف ابقى آدمن قبل كده اجارك الله عملتها مره واحدة وشت روحي لووووووووول وتالني ما كررتها تب النذير كيفنك واقعد رايق النبي فيك
ناذر فترنا مع المساسقة في حلتكم حفظناها شارع شارع وزقاق زقاق سيد الدكان زاتو زهج مننا كمل ياخ كمل الله يرضى عليك
Post: #224 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-08-2010, 04:24 AM Parent: #223
Quote: آآآآآآآآآآآمنت بالله يا النذير لكن ما لقيتك بتحسبها طائرة لوول يا زول ما تجهجه لينا ناذر ده ما صدقنا انه رجع وبدأ يواصل لينا يومين نحاحي فيهو زي الجريو عشان يقعد في الجابرة دي ويتم لينا الحكاية تجي انت ناطي ليك بي فكرة زي دي هسة كان كمان حرن وقال خلاص الحلقة الاخيرة تلقوها في الكتاب نعمل شنو نحن ؟ نجي نعضيك في صنقورك ده ولا شن نسو ؟؟ عارف لو كان حوار ناذر ده في روم في البالتولك كنت مشيت اتقنعت وبقيت آدمن وجيت شوتك طواااااااااااالي برة ده لوما اديتك رد ضدوت وخليتك تتفرج وما تقدر تفرفر زاتو وانت عارفني ما بعرف ابقى آدمن قبل كده اجارك الله عملتها مره واحدة وشت روحي لووووووووول وتالني ما كررتها تب النذير كيفنك واقعد رايق النبي فيك
طيب يا سوما إنت كدا أديتي ناذر فكرة تانية، واللي هي إنو تكون تتمة الباقي بعد طباعة الرواية لوول
وبالمناسبة البوست دا برضو ح يكون ورطة لي ناذر، لأنو تاني بي دي ما بنقبل منو إلا حكاية تانية من حلتهم، وعمل أكبر من كدا.
تحياتي ليك يا ملكة
Post: #225 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-08-2010, 04:26 AM Parent: #224
عدد القراء حتى هذه اللحظة: 8,438
Post: #226 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 11-08-2010, 05:26 AM Parent: #225
النذير ..
أدونى 100 دولار .. وأتمها ليكم احسن من ناذر .. واكتب ليكم قصه زياده .. عنى كديسه تسببت فى زواج اتنين بحبو بعض وانتحار خطيبة ود جيرانم
.. والله ناذر بستاهل اكتر من كدا ربنا يديهو ويفوت حامد ولدو..
Post: #227 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: داليا حافظ Date: 11-08-2010, 06:51 AM Parent: #226
يا ناذر كان لاقيت سيف قول ليهو أنت غيااااااظ ..(ما لقيت وش زول عاضي أصبعو ) ..
Post: #228 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-08-2010, 06:54 AM Parent: #227
Quote: النذير ..
أدونى 100 دولار .. وأتمها ليكم احسن من ناذر .. واكتب ليكم قصه زياده .. عنى كديسه تسببت فى زواج اتنين بحبو بعض وانتحار خطيبة ود جيرانم
لوووووووووووووووووول @ د. المشرف
Post: #229 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 11-08-2010, 08:03 AM Parent: #228
يا النذير .. ناذر عندو قدره عجيبه على الحكى وذاكره روائيه مدهشه .. وفى مبدعين كتار فى السودان ما جايبين خبر ابداعهم .. والغريبه إنو الطارحين نفسهم مبدعين .. أغلبهم تامنها علاقات عامه ..
.. غايتو يا ناذر أصلو ما قصرنا معاك .. تمها ..
Post: #230 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: داليا حافظ Date: 11-08-2010, 08:26 AM Parent: #229
Post: #231 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 11-08-2010, 08:45 AM Parent: #230
داليا سلامات وكيف الحال ؟! والله انا خائف ناذر ده ما يتم الحكايه عشان ما يحرق فيلم اللينبي الجديد .. وقطع شك استاذنا محمد السنى اتباع ..
ودى وتقديري
Post: #232 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-08-2010, 09:02 AM Parent: #231
يا شباب والله ما قصرتو ..
لكن بعد التطورات الاخيرة دي الظاهر القصة حا اتمها ليكم من الإسكندرية ..!
الجماعة بي هناك موفرين لي شاليه على البحر وجو جميل وحاجات صاقطة تساعد على إتمام القصة هههههههههههه
جاييكم ..
Post: #233 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد الامين احمد Date: 11-08-2010, 10:40 AM Parent: #232
عييييييييييييييييييييييك
يا ناذر هوى اوعك تنسانى ، انا معاك معاك يا زول ، ان شاء الله اكون العسكرى الكان عندو جريو داك
ولا اقول ليك ، يا اخى ان شاء الله بتاع الدكان الجابو منو اللبن ، المهم نطلع فى الشاشة
Post: #234 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فدياس نجم الدين Date: 11-08-2010, 11:23 AM Parent: #232
Quote: وحاجات صاقطة
أوع يا خال ناس النظام العام
نرجع لقصتنا
ما لاحظت إن القصه مافيها عنصر نسائي وده حاجه مهمه عشان يبقي عمل درامي متكامل
لازم تحشر ليك بت في النص
ممكن خطيبه حامد تكون من أسره بورجوازيه ( نرشح الفنانه منه شلبي لأداء الدور )
وكمان ممكن حماته تكون رجاء الجداوي
ولا باس لو طلع عنده علاقات مشبوهه مع غاده عبدالرزاق أو سميه الخشاب
أها بالله شوف ليك طريقه لأدخال الجنس اللطيف
لكي تسبك الشغله
Post: #235 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: فادية اليمني Date: 11-08-2010, 11:52 AM Parent: #234
ناذر غايتو قصاص جنس قص و رص هو..لووووول
مبالغة عديل كده
"وبالنسبة لعدد القراء قالوا 800 وحاجة انا غايتو بكونوا 400 منهم ديل كلمتهم انا، والناس الما عندهم نت طبعت ليهم القصة و معذبنى ادينا الباقى ..تميها لينا ..مجهجهنى ليك زى ما انت مجهجه الناس دى"
يعنى بعدين ما تنسانى من حق الدعاية والاعلان..سمح
اها اما انت منو فى القصة دى انت بتكون واحد من ديل:
Quote: ناصر و فضل الله أصدقاء لـ علي وسيف الدين
بالإضافة لشخوص أخرى متفرقة غير مهم ذكرها
- ناصر - فضل الله - شخوص اخرى غير مهم ذكرهم ..لووول
انا برجح فضل الله لانك اتفضل وحكيت لينا لقصة ..لووول
Post: #236 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 11-08-2010, 12:09 PM Parent: #235
فدياس ..
Quote: غاده عبدالرزاق أو سميه الخشاب
اهو انت كده جهجهت باكات حامد .. احتمال كبير يصر على انو يلعب الدور اصاله عن نفسو .. ولا يفرتقها .. والراجل مرتاح والقروش ما بتجيب راسو .. ولا الحاجه الساقطه
Post: #237 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 11-08-2010, 12:12 PM Parent: #236
Post: #238 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: معتز القريش Date: 11-08-2010, 12:36 PM Parent: #237
*
Post: #239 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: بشير أحمد Date: 11-08-2010, 01:37 PM Parent: #238
اهم شئ ياشباب
الناس تقترح إسم للقصة او الرواية حقت اخونا ناذر ده ومامكن العنوان يكون عنوان البوست لانو طويل .
Post: #240 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-08-2010, 02:40 PM Parent: #239
شكرا يا بشير ..
Quote: الناس تقترح إسم للقصة او الرواية حقت اخونا ناذر ده ومامكن العنوان يكون عنوان البوست لانو طويل .
يا شباب الكلام دا أنا متحير فيهو من أمبارح .. ما لاقي لي إسم مناسب للقصة ..
وطبعا الإسم لازم يكون جذاب .. الإسم نص القصة ..
أدونا رايكم يا شباب خلونا نختار واحد ..
Post: #241 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-08-2010, 02:49 PM Parent: #240
Quote: أدونا رايكم يا شباب خلونا نختار واحد ..
سلام يا ناذر وبشير وبقية المشرورين
ياناذر أنا أقترح اسم صغير جداً وهو: جريو في حالة إعادة كتابة الرواية بالعامية السودانية أو جرو في حالة كتابتها باللغة العربية الفصحى، وبالمناسبة جريو برضو كلمة فصحى وهي اسم تصغير لكلمة "جرو" أو "جرو الكـلب" اسم مسلسل فنان
Post: #242 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-08-2010, 03:12 PM Parent: #241
سلام النذير ..
Quote: جريو في حالة إعادة كتابة الرواية بالعامية السودانية أو جرو في حالة كتابتها باللغة العربية الفصحى، وبالمناسبة
فعلا إسم صغير ومعبر ..
بس مالو باقي لي قريب لي قونقليز كدا دا ..!!!!
Post: #243 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-08-2010, 03:16 PM Parent: #242
Quote: بس مالو باقي لي قريب لي قونقليز كدا دا ..!!!!
والله يا ناذر تقول بتقرأ أفكاري فعلاً على غرار روايتي "قونقليز" و "فركة"
تحياتي
Post: #244 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: waleed dawash Date: 11-08-2010, 06:02 PM Parent: #243
انت ياناذر بتكرهني ليه ياخ؟ ياخ انا مافترت ياخ.... كل دقيقة اخش النت وادخل البوست ده اقول يمكن تكون جيت تتم القصة.... القى الحال ياهو نفس الحال ... ياخي عذبتننا ..
والله انا كرهت المسلسلات عشان التطويل ده ولو ما المسلسل كاااااارب مابقعد ليه لو ادوني قروش..
انا الجابني هنا شنو ؟
تخريمه ـــــــــــــــــــــــ اخوي وقريبي لقو ليهم ###### بوليسي ضال جابوه البيت على اساس انو يبيعوه ... بعد يومين لقيتهم ليك الاتنين ممحنين وحاير بيهم الدليل
- مالكم؟ - ال###### ده .. - مالو؟ - ياخي امبارح متعشي باسطه والليله كيلو شيه وضان كمان.. - اها -اها شنو ..نحن متعشيين بوش والليله سلطة طماطم.
ياخ (الجريويين) ديل تاريهم مكلفين خلاص
Post: #245 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 11-08-2010, 06:22 PM Parent: #244
ليالى السجانه .. او .. حالة ###### عام
Post: #246 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عادل فضل المولى Date: 11-08-2010, 06:36 PM Parent: #245
ابو النيذ سلامات عليك الله بعد تنتهي من القصة شوف لينا برضو قصة (....) العايز يتسبب في فرتقة البلد دي
Post: #247 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: ديامي Date: 11-09-2010, 02:05 AM Parent: #246
سرد موفق
ارجو ان تتبنى سودانيزونلاين ترجمته إلى فيلم
يلا يا مبدعي سودانيز همتكم معانا
Post: #248 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: النذير حجازي Date: 11-09-2010, 04:10 AM Parent: #247
يا دواش و د. المشرف وفضل المولى كلمة كـلب دي علشان تكتبوها في منبر بكري لازم تمطوها كدا كـلب الكاف كدا كـ صعبة دي؟!
تحياتي للجميع
Post: #249 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: النذير حجازي Date: 11-09-2010, 04:15 AM Parent: #248
Post: #250 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: محمد عبد الماجد الصايم Date: 11-09-2010, 06:04 AM Parent: #249
الجريـو يا ناذر! اسم سمح عديل!!!!
لو بقى مسلسل أهم حاجة فيهو الترجمة
Post: #251 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: فدياس نجم الدين Date: 11-09-2010, 07:25 AM Parent: #250
يا شباب
ما ملاحظين القصه دي عامله زي بيت العزابه
مافيها بطله ولا سنيده بطله زاتو
بهناك إقترحت على القاص ناذر محاوله إضافه الجنس اللطيف
عشان العمليه تتسبك وكده
رأيكم دام فضلكم
Post: #252 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: ناذر محمد الخليفة Date: 11-09-2010, 07:44 AM Parent: #250
وليد دواش ..
لا والله ما بكرهك لا سمح الله لكن كل ما أجي أكتب عن القصة ألقى المتداخلين كتار .. أرد عليهم واحد واحد ألقى روحي تعبت والزمن ضايقني ..
Quote: ولو ما المسلسل كاااااارب مابقعد ليه لو ادوني قروش..
خلاص يا مان دا مسلسل كاااااارب .. أقعد ليو بدون قروش ...
Post: #253 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: ناذر محمد الخليفة Date: 11-09-2010, 07:45 AM Parent: #250
محمد حيدر ..
Quote: ليالى السجانه .. او .. حالة ###### عام
الأولى مجافية للحاصل ..
لكن التانية ممكن ننظر فيها ..
Post: #254 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: ناذر محمد الخليفة Date: 11-09-2010, 07:46 AM Parent: #250
عادل فضل المولى ..
Quote: عليك الله بعد تنتهي من القصة شوف لينا برضو قصة (....) العايز يتسبب في فرتقة البلد دي
بالله هسي أختانا من السياسة ..
وأختانا من البلد كلها ههههههه
Post: #255 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: ناذر محمد الخليفة Date: 11-09-2010, 07:48 AM Parent: #250
ديامي ....
Quote: سرد موفق
ارجو ان تتبنى سودانيزونلاين ترجمته إلى فيلم
لو وقع من نصيب سودانيز أون لاين ما عندي مانع ...
Post: #256 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: ناذر محمد الخليفة Date: 11-09-2010, 07:48 AM Parent: #250
شكرا النذير على الغلاف ..
نعتمدو مؤقتا هههههه
Post: #257 Title: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص Author: ناذر محمد الخليفة Date: 11-09-2010, 07:50 AM Parent: #250
ود الصائم ..
Quote: الجريـو يا ناذر! اسم سمح عديل!!!!
والله شكلي بقيت عليو .. لكن ما الجريو .. جريو بس ..
على غرار أسامي روايات ناس الجائزة ديلاك ..!!
Post: #258 Title: جريو ..!!! Author: ناذر محمد الخليفة Date: 11-09-2010, 07:53 AM Parent: #257
!!!!!!!!!
Quote: Re: ماليزيا تنعي ابن اخت هشام ملاسي والبوردابي حسين ملاسي .. واتحاد الطلاب بماليزيا يحتسب ... ص
يا جماعة العنوان دا الجابو شنو في مداخلاتكم ؟؟!!
الرجاء تعديل عناوين المداخلات بدءا من ديامي وإنت نازل ..!!
Post: #259 Title: Re: جريو ..!!! Author: بشير جبريل علي Date: 11-09-2010, 08:07 AM Parent: #258
Quote: الغلاف .
كان جريت جري الوهوش غير الجريو .. ما بتهوش ..
... الوهش ...
ناذر .. الراوي .. سلامات .. ما تنسانا من الكنجالات ..
Post: #260 Title: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين ..!! Author: محمد عبد الماجد الصايم Date: 11-09-2010, 08:08 AM Parent: #258
تعديل المداخلة ما بيدي مجال لتعديل العنوان بتاعا يا ناذر! أمش قدام وكـدا!!
Post: #261 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: Amany Elamin Date: 11-09-2010, 08:22 AM Parent: #260
ناذر كونقراتس ,,
أهم حاجه في الفيلم (صوت الراوي), القصه دي جمالها في طريقة روايتك ليها ,, عايزين صوت الراوي خلفيه في كل الفيلم وهو اللي ينقُل المَشَاهد من مكان لاَخر
ده حسب تصوري للفيلم :)
Post: #262 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-09-2010, 08:49 AM Parent: #261
سلام إدريس ...
Quote: بالنسبة لشخصيتك أشار الضابط عندما أخبروه عن حامد .. مش الراجل بتاع المغلق (والجريدة) .. وانت معروف إنك راجل صحفي مع عملك في مجال البناء .. قربت أجزم إنك تكون حامد .. لولا إشارتك إنك ذهبت للنادي لتتفقد مراحل البناء .. هنا جهجهت باكاتي تماماً .. عليه وفي الغالب الأعم إنك الراجل الذي تلقى الشتائم في النادي من الشريحة اللحقت غنم زهره ..
تحليلك بيدل إنك متابع القصة تماما يا إدريس ورابط الامور مع بعض ..
الحتة دي بالذات فايتة على ناس كتار هنا ودا أكبر دليل إني ما حامد ..
وبي كدة إنت إنضميت للجماعة البيقولو أنا الزول النبذوهو ..
نشوف في النهاية ..
تسلم ..
Post: #263 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: قلقو Date: 11-09-2010, 08:53 AM Parent: #261
Quote: بهناك إقترحت على القاص ناذر محاوله إضافه الجنس اللطيف عشان العمليه تتسبك وكده
رأيكم دام فضلكم
انا معاك فى الأقتراح يافدياس وياحبذا لو عملناهو فيلم سودانى مصرى هندى بأنتاج خليجى ويكون فيه رقص شرقى (ارشح نجوى فؤآد لو مازالت حية) وكمطاشر اغنية كدة ولابأس من زيادة الآكشن وفى النهاية الجريو يطلع اخو سيف فى الرضاع (عشان القفلة تكون هندية). وانا متأكد ياناذر ده حيكون اول فيلم سودانى يفوز (بالشلوت) الذهبى بمهرجان (كان). والى الأمام اخى ناذر ولمزيد من النجاحات . قصرت معاك ؟
Post: #264 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: محمد عبد الماجد الصايم Date: 11-09-2010, 08:57 AM Parent: #263
غايتو يا ناذر القصة دي بلو بقت فيلم ولّ مسلسل أنا ح أمثل دور الجـريــو!!
هيو .. هيو .. هيو!
Post: #265 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ابراهيم قناوي Date: 11-09-2010, 09:17 AM Parent: #264
Quote: غايتو يا ناذر القصة دي بلو بقت فيلم ولّ مسلسل أنا ح أمثل دور الجـريــو!!
هيو .. هيو .. هيو!
يا سلاااااااااام يا قريبي ياخ
والله ضحكتني ضحك
لمن دمعت
Post: #266 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: داليا حافظ Date: 11-09-2010, 09:37 AM Parent: #264
نديك خيارات لعنوانين لدراما سودانية ..
* "جريو " في ورطة .. * "جريو" على ذمة التحقيق ! * "جريوات "أخر زمن !
وللمصرية ..
كلـــب في الكركون
كــــلاب في التخشيبة ..
أصحاب وكـــلاب !
صديقي والكــلاب !
أو ممكن تخت كلمة كــلاب بدل "جريو" في العناوين الفوق ..
وكدة ..
أو تديي الكلـــب إسم فيكون مثلا ..
"بوبي" في التخشيبة !
Post: #267 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: إدريس محمد إبراهيم Date: 11-09-2010, 09:45 AM Parent: #266
ناذر ... كيف الأحوال ...
ما عارف لكن ايه رأيك بالنسبه للاسم لو سيكون فيلم مصري :
ده ما كانش كلــــب .....
Post: #268 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-09-2010, 11:33 AM Parent: #267
يا جماعة كتلتوني بالضحك أدونا فرصة نتم القصة ..
Post: #269 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-09-2010, 12:02 PM Parent: #268
أولاد الحلة طبعاً منظرم بايخ بوخ شديد زي علي صاحب سيف وأخو حامد ..
لمن فشلوا في إقناع سيف يتنازل من البلاغ في القسم وحامد دخل الحراسة .. جو راجعين مقطورين النادي يفكروا يعملو شنو .. طبعا في النهاية الموضوع بيصلم بيصلم .. لأنو سيف واحد منهم ولأنو في واحد تاني إتهم حسن إنو نبذوا في التلفون .. وهسي الموضوع إتطور تطور سريع وحامد في الحراسة وسيف ماشي المستشفى يجيب أورنيك ..
الجماعة وصلو النادي جرو الكراسي وطلعو التمباك سفوا وبدو يتناقشوا :
هسي يا أخوانا نعمل شنو في المصيبة دي ؟! مصيبة شنو ؟ نحن ما عندنا علاقة بالحاصل ؟! كييف ما عندنا علاقة ؟ إنتو نسيتو سيف دا مننا وفينا ؟! ويعني شنو ؟ ما علي برضو مننا وفينا ؟! إنتو يا شباب ليه مستهونين بالموضوع دا كدة ؟ النادي الما تمة نادي دا لحدي هسي مش كلو فضلة خير حامد ؟! أي نعم ما قلنا حاجة لكن نحن بيدنا نسوي شنو ؟! كيف نسوي شنو !! كان ممكن من الاول نحسم الموضوع مع سيف وعلى ويادار ما دخلك شر ..! نحسمو كيف يعني ؟ ما دام سيف دا داير جريو كان من الأول نجيب ليهو جريوتاني من الغفير وخلاص !! لكن يا خي سيف ركب راسو وكمان حسن اخو حامد ركب راسو برضو .. يعني حتى لو جبنا جريو تاني ما كان واحد فيهم بيشيلو ..! أنا إتخايل لي أكبر غلط إنو مشينا مع سيف وعلي بيت ناس حامد .. ما مفروض كلو كلو نحن نظهر في الصورة ؟! يعني دايرني ما أمشي كيف ؟ إنت لو سمعت النبذ النبذوني دا والله لو بيتم في مدني تمشي ليهو ..! يا خي حامد لمن جا طالع أول مرة .. شفتو سمعنا كلام فارغ كيف ؟ وبي صراحة ليو حق ؟! اي والله طلعنا كلنا فارغين جايين كلنا مبارين جريو ..! يا جماعة أفهموني .. انا مشيت هناك ما عشان جريو .. أنا مشيت عشان إتأكد النبذني دا حسن ولا ما حسن ..! هسي حامد دا لو زعل وما جاب لينا باقي الحاجات القال بيجيبا نعمل شنو يعني ؟! هو باقي الحاجات شنو ؟! فضل نبني الحمام والكفتيريا ونزرع نجيلة هناك وبرضو سيراميك للوضاية ..! بس ؟! بس شنو !! الفاضل كتير .. بوابة للسور وبوهية للحديد المربط دا ولازم كمان نحفر البير والسب تنك .. الشغلة ما هينة ..! يا جماعة أنا بقول أنحن نتصل بي سيف نقنعوا يتنازل عن البلاغ وعن الجريو زاتو .. الزول دا جاب لينا الهوا ياخ ..!! يا شباب أنا كمان الموضوع دا ما بخليهو علي كدة .. بكرة من الصباح بمشي النيابة بفتح بلاغ في النمرة الجاني منها النبذ .. عليك الله اسكت ياخ إنت كمان .. الناس في شنو وإنت في شنو ؟!
واحد طلع تلفونو .. ضرب لي سيف .. سيف ما بيرد .. ضربو لي علي .. علي برضو ما بيرد ..
في الأخر قنعوا والشغل زاتو طلع من نفسهم ..
واحد خاتي ليهو كيس صعوط دبل قبينة قدامم ..
الجماعة يسفوا ويتفو . يسفوا ويتفوا وكل واحد بيدعو ربنا يجيب العواقب سليمة والموضوع ينتهي علي خير ....!!
Post: #270 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: عفاف الصادق بابكر Date: 11-09-2010, 12:02 PM Parent: #268
ووووووووب علي يا ناذر بالغته عديل كده .. لكن عليك جنس طولت بال ..
لسه ما مشيت على النادي و وريتنا الحصل شنو ...؟
يا اخوي الناس هنا واقفه صف وعايزه تعرف الحاصل ..؟
Post: #271 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-09-2010, 12:06 PM Parent: #270
عفاف ..
مشيت النادي في المداخلة القبليك مباشرة ..!
Post: #272 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: عفاف الصادق بابكر Date: 11-09-2010, 12:20 PM Parent: #271
Quote: الجماعة يسفوا ويتفو . يسفوا ويتفوا وكل واحد بيدعو ربنا يجيب العواقب سليمة والموضوع ينتهي علي خير ....!!
هههههههههه غايتو الحته دي لو وديتو الموضوع ده للمصريين ما عارفه حا تحلوها كيف ... مبااالغه
Post: #273 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: داليا حافظ Date: 11-09-2010, 12:35 PM Parent: #272
Quote: هههههههههه غايتو الحته دي لو وديتو الموضوع ده للمصريين ما عارفه حا تحلوها كيف ... مبااالغه
عااادي ياعفاف يقلبوها بحششوا ..
(الحشيش) في مصر سيم سيم (التمباك ) عندنا
Post: #274 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: د.امام الصديق عبد المعطى Date: 11-09-2010, 01:36 PM Parent: #273
>>>>>>>>>>>>>> ..................................
نازر
قصة ولا امتع رغم بساطتها ..... ولك مقدرة على الحكى والسرد .... انت ذاتك تكون ما عارف عندك ملكات قدر كدا ؟؟؟؟؟؟؟؟؟؟؟ هل عندك محاولات قبل ذلك ؟؟؟؟؟؟؟
نرشحك طيب صالح بتاع البورد ......
هذه القصة نفسها سودانى ولو المصريين تداخلوا هنا يكون اتمقلبوا ... ونحن السودانيين ما حا نستمتع بيها كما هى الان ....
لك ود ودعاء امام
Post: #275 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: النذير حجازي Date: 11-09-2010, 02:09 PM Parent: #274
سلام يا داليا وعفاف
بالمناسبة عند الشباب أمثال وأقوال مأثورة عن التمباك، مثلاً لو واحد قال لواحد تاني: جيب سفة التاني: ياخي في عمارة بزبلوها؟! ولزمن طويل كنا نعتقد بأن التمباك والسعوط هي عادة سودانية بحتة وخصوصاً عند الشينين، لكن وجدنا أن الخواجات نفسهم بسفوا رجال ونساء والتمباك ليس عادة سودانية بحته كما كنا نعتقد، وبالمناسبة كلمة "سعوط" كلمة عربية فصحى.
بمناسبة التمباك، كان عندنا صاحبنا "فردتنا" اسمو طه حسين ما بسف سعوط، لكنو شين ودشن، المهم، كل ما نكون ماشين في الشارع الشباب بسألوه: لو سمحت سفة يا أبو الشباب فكان دائماً رد صديقنا طه حسين: والله يا جماعة أنا ما بسف شنا ساي بس
المهم صاحبنا طه حسين لمن الحكاية دي بقت بتكرر يومياً أكثر من عشرة مرات، إتخيلوا عمل شنو؟!
بقي بمشي السوق بشتري سعوط، وما بسفو، بدي أي زول يشحدو سفة.
تحياتي للجميع
Post: #276 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-09-2010, 05:08 PM Parent: #275
غايتو مكتبتي فضت عدييل .. دا الرابط الكم لحدي هسي أسحبو منها في البوست دا ..!!
Post: #277 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: طارق زروق Date: 11-09-2010, 05:18 PM Parent: #276
عدد القراء حتى الان 9865 ياربي ديل كلهم جايين ساكين ليهم جريو ناذر الخليفة بالغت عديل كدة
Post: #278 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-09-2010, 05:26 PM Parent: #277
دكتور إمام ..
Quote: نرشحك طيب صالح بتاع البورد ......
معانا إتنين هنا سدو الخانة دي ....!
Post: #279 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: اميرة السيد Date: 11-09-2010, 08:34 PM Parent: #278
لكن احسن عنوان للقصة دي: " عجائب الجريو" أو عنوان قصير جدا وهو:" الجريو وسيف وعلي وحامد وحسن ومحمد حسين والضابط اللئيم " أو عنوان :" الجريو: القشة التي قصمت الظهر وفرتقت الحلة"
Post: #280 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: الصادق صديق سلمان Date: 11-10-2010, 06:39 AM Parent: #279
القصة دي يا جماعة ما عندها اسم غير "الجريو" وبس لأنو وداللزين دا عمل في الناس دي حاجات عجيبة خلاص
الله يديك الفي مرادك ياناذر الخليفة ياخي ممتع حد الدهشة في سردك
لكن مطيتنا مط السفستار بس
الصادق
Post: #281 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-10-2010, 07:55 AM Parent: #280
صحيفه فنون:
أثارت قصه سودانيه صاغها الصحفي ناذر محمد الخليفه على موقع سودانيزأونلاين الشهير أنتباه العديد من الأوساط الدراميه الهتمه بصناعه الدراما والمسرح في السودان إضافه للفت أنتباه عدد من صناع الدراما المصريه بعد أن لاقت القصه رواجاً منقطع النظير على الموقع الإلكتروني الشئ الذي قاد بعضهم للإتصال مباشره على كاتب السيناريو ناذر وإبلاغه رغبتهم في تحويل القصه لعمل درامي وآمن ناذر لفنون التي هاتفته بالأمس على صحه المعلومات الخاصه بالإتصال المبدئي مبدياً رغبته الحقيقيه في ولوج تجربه كتابه السيناريو وعالم إنتاج وصناعه الدراما سواء بالسودان أو خارجه معرباً في الوقت نفسه عن دهشته للقبول الكبير الذي قوبلت به قصه الجريو الذي تسبب في سجن رجل أعمال شهير والتفرقه بين أسرتين وصديقين حميمين .
وكان الصحفي ناذر محمد الخليفه قد نشر بموقع سودانيزأونلاين فصول قصه حقيقيه عايشها بنفسه بطلها جريو أي إبن الك ل ب الصغير ساهم بشكل وأضح في تصدع علاقه صديقين حميمين ببعضهما البعض بعد أن قام احدهما بأهداء الجريو الذي يخص شقيقه الأصغر لصديقه دونما الإنتباه لملكيه شقيقه له لتتصاعد الأحداث وتصل لمرحله دخول الشقيق الأكبر لمالك الجريو ( حامد ) والذي هو رجل أعمال شهير إلى السجن بسبب ذلك الجريو
Post: #282 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-10-2010, 08:00 AM Parent: #281
أها يا شباب ..
نمشي مع بعض المستشفى ونشوف عكلتة سيف مع الدكتور هناك ...!
Post: #283 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: داليا حافظ Date: 11-10-2010, 09:42 AM Parent: #282
Quote: والله يا جماعة أنا ما بسف شنا ساي بس
Post: #284 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-11-2010, 12:08 PM Parent: #283
سيف َدخَلْ ليك الدكتور في المستشفى فلم غريب جدا ..!!
الدكتور : إنت مضروب وين ؟! سيف : يا دكتور أنا مضروب في كل حتة إنت ما شايف ولا شنو ؟! الدكتور : ما شيف حاجة والله !! هو الحصل شنو بالضبط ؟! سيف : الحصل إنو صاحبي أداني جريو .. الجريو بتاع أخوهو الصغير .. قام الجريو قصدي أخوهو ... الدكتور : دقيقة دقيقة ..! إنت داير تحكي لي قصة حياتك ولا شنو ؟! جيب الكلام من الاخر وقول لي الشكلة حصلت كيف ؟! سيف : ما أنا داير أوريك إنت قاطعتني ..!! الدكتور : يا خي !! ما داير أعرف سبب المشكلة .. داير أعرف الشكلة حصلت كيف وإتضاربتو بي شنو عشان أحدد أفحصك من وين ؟! سيف : الزول دا أول حاجة أداني كف .. والمرة البعدا خنقني ورماني في الواطة وأخوهو مسكني ليهو وهو أداني شلوتين في بطني ..! حتى شوف محل الشلوتين في بطني ظاهر كيف ..!!
سيف رفع قميصو للدكتور ..!!
الدكتور : يا زول ما شايف حاجة هنا .. كدي تعال قريب ..! سيف : كيف يعني ما شايف حاجة؟! يا خي أهندا أثر الشلوت لمن إنطبع عديل .. ودي أثار الجزمة الكان لابسا ..! الدكتور : يا ود إنت ما نصيح ولا شنو ؟! كدي قرب لي وشك دا ..! سيف : شفت يا دكتور محل الكف يا هو ظااهر .. وعاين لي حلقي محل خنقني .. يا خي دا شرط لي حنجرتي عديل كدة وقفل لي النفاسات ..! الدكتور : قفل ليك شنو ؟! سيف : النفاسات يا دكتور .. يعني محل التنفس وكدة ..! الدكتور : وإنت هسي ما قادر تتنفس يعني ؟! سيف : بقدر لكن بعد تعب .. أنا شاعر إنو نفسي بقى ما بيطلع وينزل زي الاول ..! الدكتور .. كدي شيل نفس .. نزل نفس .. شيل نفس .. نزل نفس ..!! يا زول ما عندك عوجة ونفاساتك البتقول عليها دي شغالة زي الكمبرسون .! سيف : دا كلام شنو يا دكتور ؟! يا خي ما قادر إتنفس بي صورة طبيعية . أعمل موجات صوتية للحنجرة دي شوفا من جوة أمكن برة ما ظاهرة ! الدكتور : موجات صوتية شنو البيعملوها لللحنجرة ...! حنجرة ولا رحم دا البيعملو ليهو موجات صوتية ..! ما في أي علاقة بين دي ودي .! سيف : كيف يعني ما في علاقة .. اكيد في علاقة ..! الدكتور: وضحا لي ..! سيف : مش الحنجرة فيها حبال صوتية ..! الدكتور : أيوة فيها ..!! سيف : وطيب ؟! الدكتور : هو شنو هو الطيب .. إنت داير تضيع لي وكتي ساي ..! إنت نصيح وما عندك حاجة .. سيف : طيب خليها الحنجرة شوف لي راسي دا أنا برضو مضروب فيهو ..! الدكتور : تعال قريب .. مضروب وين ..! سيف : ايوا هنا دا محل مسكت .! الدكتور : ما في أي أثر لي ضربة أو كدمة هنا ..! سيف :كيف يعني : يا خي الزول دا أداني شلوت في نص راسي لمن شعرت بي إرتجاج وهسي كمان فاقد ذاكرة برضو ..! الدكتور : شلوت عدييل كدة .. وإنت كنت مدنقر ليهو لي شنو ؟! وكمان فاقد ذاكرة قلت لي ..!! سيف : أيوة يا دكتور يا خي في حاجات كتيرة طارت من راسي مع الشلوت .. الدكتور : يا زول إنت مستهبل وما عندك حاجة وما في شي بقدر أسويهو ليك ..! سيف : كيف ما في شي تسويهو لي ..! سوي لي أشعة مقطعية للراس دا ..! الدكتور : رقبتك بالتقطعا !! يا ود ما تضيع زمنا ساي ..! سيف : يا خي الراس دا خليناهو شوف لي عيوني كويس ..! الدكتور عيونك مالا كمان ؟! سيف : الزول دا أداني كف في وشي لا من النضارة دي طارت ..! الدكتور : كدي تعال قريب اشوف عيونك دي ..! سيف : شفتها بقت حمرا كيف ؟! يا خي أنا ما شايف أي حاجة .. عميت عديل ..!! الدكتور : عيونك ما حمرا ولا حاجة .. وما فيها أثر لي أي ضربة ..! سيف : كيف الكلام دا ؟! يا خي أنا بعد ما لبست النضارة مرة تانية شفت طشاشا طشاش .. الضربة نقصت من نظري كمية من البتاعات ..! الدكتور : بتاعات شنو ؟! سيف : البتاعات البيحسبوا بيها النظر دي ؟ بتسموها شنو إنتو ؟! الدكتور : يا زول إنت نصيح ما عندك حاجة .. لو شاكي في حاجة نعمل ليك كشف نظر للعيون ونقارنا مع النظارة ..! سيف : أخيرا قررت تعمل حاجة مفيدة .. طيب منتظر شنو ؟! ما تعمل الكشف دا ..! الدكتور : إلا تجينا بكرة .. أخصائي العيون ما جا الليلة ..! سيف : يا خي أعملو إنتا دا .. أمال شايل البطارية دي وبتعاين في عيوني من الصباح قي شنو لامن جهرتنا بيها ..! الدكتور : حاول أفهم يا ولد .. كشف النظر العملتو ليك دا أسـ جنرال .. لكن كشف النظر داك تخصصي .. فهمت ؟! سيف : يا دكتور عليك الله أكتب لي أي حاجة بس كدة .. أنابكرة ما داير أجي تاني ..! الدكتور : أكضب يعني ..! إتبلى على زول بالكذب في مشكلة ما بتخصني وما عارفا ..! سيف : أنا بحكيها ليك الحصل إنو صاحبي أداني جريو .. الجريو بتاع أخوهو الصغير .. قام الجريو قصدي أخوهو ...
الدكتور في اللحظة دي مش سب لي سيف بس ..
سب لي سيف وللجريو وللشكلة وللمستشفى ولي أخصائي العيون الماجا اليوم داك .. وللعيون زاتا ..
الدكتور إتشنج ونط في سيف داير يخنقو ويعمل ليهو جروح وكسور جد جد لكن سيف زاغ في أخر لحظة وفك البيرك ..!
Post: #285 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: اسماء الجنيد Date: 11-11-2010, 12:40 PM Parent: #284
Quote: النفاسات ..! الدكتور : قفل ليك شنو ؟! سيف : النفاسات يا دكتور .. يعني محل التنفس وكدة ..!
لووووووووووووووووووولز يا ناذر سيف هنا ذكرني ادروب لما مشا للدكتور قال ليه عندي ملاوزات قال ليه ملاوزات شنو ياخ ؟ انا دكتووووووووور ما فكي امشي لي فكي يديك محاية قال ليه لا لا يا دكتور ملاوازات هنا ,, هنا وهو مؤشر على حلقو , يعني قاصد لوز ملاوزات تعني لأدروب وجع حلق ( لوز) ولي انا يا ناذر جمع لوول لوووووووووولز تسلم والله فرقت علينا ياخ
Post: #286 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: انور الطيب Date: 11-11-2010, 01:34 PM Parent: #285
الأخ الفنان الظريف ناذر والله القصة ظريفة وبعدين انت كتبت
Quote: ومدغلب وماااكن مقابل خمسة جنيهات
طبعا قصة بيع الجريوات دي أنا ما وقعت لي في راسي إلا بعد ما اشتغلت مع الكوريين في بورتسودان والله يا ناذر دة في سنة 87 ما خلو ليك جريو حايم وبعدين ما كفتهم الجريوات بتاعة بورتسودان بيجيبوا معاهم جريوات تعبئة ومجففة وريحتها يا ناذر تقول يا لطيف ، دة حالتو خاتنها في تلاجة بعيد بتاعة جريوات ... وطبعا بعد جو الصينين واليابانيين حقو كل واحد يبقى عشرة على جيرواتو وكل ######ة تمسك قوي في جريواتها وتسيب الحوامة الكثيرة بتاعة كلاب السودان دي وكل سنة والجريوات طيبين ... خلينا نشوف خروف ما نقوم نضحي بجريو السنة دي... قصدي جريو خروف يعني " حمل"
مع خالص مودتي
Post: #287 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-11-2010, 02:10 PM Parent: #286
سلام اسماء
Quote: ملاوزات تعني لأدروب وجع حلق ( لوز) ولي انا يا ناذر جمع لوول لوووووووووولز تسلم والله فرقت علينا ياخ
أدروب بالغ لكن أخير من واحد كدة مشى للدكتور قال ليهو عندي تساهيل ..!!
وأعتقد المفرد منها واضح .. هههه
Post: #288 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-11-2010, 02:14 PM Parent: #286
أنور
Quote: ... وطبعا بعد جو الصينين واليابانيين حقو كل واحد يبقى عشرة على جيرواتو وكل ######ة تمسك قوي في جريواتها وتسيب الحوامة الكثيرة بتاعة كلاب السودان دي وكل سنة والجريوات طيبين ... خلينا نشوف خروف ما نقوم نضحي بجريو السنة دي... قصدي جريو خروف يعني " حمل"
ههههههههه
كدي أقرا الغقتباسات التحت دي والبوست المصاحب :
Quote: قبل عدة اعوام كنت في زيارة لأحد أصدقائي في حي بانت الذي كان به عددا من الصينيين يقيمون به ، وفي أثناء حديثنا دخل علينا أحد أصدقاء صديقي ذاك وكان في عجلة من امره وطلب من صديقي الذهاب معه بعربته لمكان قريب ودون تردد ذهبنا معه وفي خارج المنزل وجدناه يحمل كرتونة بها عدد خمسة جراء صغيرة !! فإندهشنا وسألناه ماذا يريد أن يفعل بها ؟! ولكنه كان متعجلا وطلب منا فقط الذهاب معه ومن ثم توجهنا نحو إحدي المنازل وهناك كان بعض الصينيين في إنتظاره ودلفنا جميعا داخل حوش المنزل وأخرج لهم بضاعته الثمينة فقلبها الصينيين يمينا وشمالا وتبادلوا الجراء فيما بينهم وهم يتفحصونها بدقة (بالضبط كمن بريد شراء خروف عندنا) .. وبعد ان رطنوا بلغتهم وبدأ عليهم الرضا أخرج أحدهم مبلغ خمسين ألف جنيه وسلمها لذلك الشخص (بواقع عشرة ألف للجرو) !! مع العلم أن تلك الجراء الصغيرة لا تكفي حتى لإشباع أحدهم ولا تكفي ولا حتى لعمل (حلة شية) تكفيهم جميعا .. فإذا كانت أسعار الجراء بهذا الإرتفاع فكم سيكون سعر ###### بالغ (تني) أو (جذعة) إذا ما قارنا ذلك بالخراف !!..
Quote: طبعا كان ذلك قبل عدة اعوام ولكن تطورت هذه المهنة الان بعيدا عن أعين السلطات (أو ربما تكتفي السلطات فقط بغض طرفها عنها طالما لا يوجد شكوى رسمية تفيد بفقدان ######) !! والان بات في حكم المؤكد أن تطور هذه المهنة ذهب ابعد من ذلك وأصبح يتم تجهيز تلك اللحوم بكاملها داخل المنازل من الذبح وحتى تقسيم وتقطيع اللحم حسب الطلب ، وربما هنالك من يطلب كوارع أو مرارة أو أم فتفت ###### !! وربما يصار جلد ال###### للدباغة لعمل المراكيب أو الشنط النسائية !! من يدري المهم ان العائد المجز من تلك المهنة يجعل كل شئ قابلا للحدوث والإمكانية .. الشركة التي أعمل بها تمتلك مستودعا للبضاعة بمنطقة الإسطبلات بالخرطوم كان حوشه يعج بما لا يقل عن دستتين من الكلاب في مختلف الأعمار (قطيع صغير مقارنة بالخراف) !! جئت للمستودع في إحدى الأيامات بعد إنقطاع ليس بالطويل فلفت نظري عدم وجود ولا حتى جرو واحد !! وعندما سألت الخفير تردد في الإجابة أولا وبعد حدتي معه أخبرني ان الكلاب بعضها هرب والبعض الأخر قام بطرده من المستودع لأنه صار متسخا بسبب الكلاب !!! وطبعا هناك سر كبير وراء إختفاء الكلاب من عدد من الاحياء وبالذات التي بها اسواق شعبية مثل سوق عبد المنعم في الخرطوم حيث شاهدت بأم عيني عددا من المشردين يقومون بالقبض على الكلاب وتحميلها في عربة أمجاد ينطلق بها سائقها إلى مكان مجهول هو بالضرورة معمل صغير أو جزارة متواضعة حيث يتم هنالك ذبح الكلاب وتحويلها إلى لحوم إستهلاكية ربما كان من بينها السجق والكبدة ولا استبعد الكوارع و (باسم) وهو رأس الخروف (ال######) لمن لا يعرفه .. أخبرني من أثق به أن المشردين يتقاضون مبلغا عبارة عن خمس ألف جنيه لل###### الواحد (وهو مبلغ كبير لتلك الشريحة التي تحدثت عنها في بوست سابق) فكم ياتري يكون سعر الكيلو من ذلك اللحم واين يذهب فاقد اللحم والذي يرجع لعدم التسويق ؟!! بكل تأكيد ان من يمتهن حرفة كهذه (جزار كلاب أو وسيط مبيعات) يخلو تماما من الاخلاق وحتما قد يكون تذوق في إحدى الأيام لحم ما يذبحه على الأقل بدافع الفضول ووجد لنفسه مبررا يبيح له تسويق الفائض في السوق العام بدلا من ان يفسد على الرغم من أن السعر لن يكون مجزيا في حالة شراءه من قبل غير الصينيين ولكنه على كل حال لم يخسر مليما ولم يجلب لبهائمه برسيما أو علفا ولم يسرح بها في الخلاء .. القضية خطيرة جدا وعلينا ان نجد موازنة تتيح للأجنبي توافر إحتياجاته هنا بمشروعية وأمام اعين السلطات ورقابتها ، وبين صحة المواطن والذي لا يعلم ان ذات المعدات التي أستعملت في تحضير لحومه قد أستعملت قبلا في تحضير لحوم ذات نوعية اخرى .. قد لا يعجبه ذلك إطلاقا خاصة إذا علم ان غير قليل من لحوم تلك الكلاب قد إختلط بما إشتراه من لحوم أبقار أو خراف !!.. الشي الأكيد الان ان الاجانب يتوافدون بكثرة على السودان وهم سيحصلون على احتياجاتهم سوى شئنا ام أبينا .. ورغم جميع قائمة المحظورات فقد رأيت بأم عيني عينة من الخمر البلدي الفاخر وتعبئتها المقنعة للأجانب تذهب لهم مباشرة ودون عناء حين الطلب ، فهل نحن مستعدون لتلك المرحلة ؟؟!! هل سنتقبل وجود جزارة او مصنع لتجهيز لحوم الكلاب بمشروعية ؟؟!! هل سنرضى وجود مطعما يبيع حساء وارجل الضفادع على العلن وهل سنشهد قريبا مطاردة المشردين للضفادع في البرك والاوحال لتسليمها للوسطاء وأصحاب المطاعم ؟؟!! لا حظوا أننا في مرحلة تنفيذ إتفاقية سلام يتحول بموجبها السودان إلى بلد علماني كامل رغم محاولات مسئولينا نفي ذلك .. ولاحظوا أن الجنوبيين (الطرف الثاني من الإتفاقية) يحبون تناول لحوم القرود !! فهل سنمنعهم من ذلك إذا ما ارادوا إنشاء مصنع بقلب العاصمة لتجهيز تلكم اللحوم للجنوبيين بالخرطوم أم سنتعايش مع الفكرة ؟؟!!
Post: #289 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-11-2010, 02:57 PM Parent: #288
يا شباب أنا طالع ..
للناس المستعجلة نديهم القصة الواقعية دي برضو يتصبروا بيها :
Post: #290 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: هشام حسن Date: 11-11-2010, 05:53 PM Parent: #289
ما يكون دا جريوكم
Post: #291 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-12-2010, 09:08 AM Parent: #290
ههههههههههههه
يا هشام الزول دا رباطابي ولا شنو ؟!!
Post: #292 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ابراهيم بقال سراج Date: 11-12-2010, 10:31 AM Parent: #291
يا ابو النيذ
سلامات واشواق كتير
واصل متابعين معاك ومنتظرين نهاية الفلم دا
ضحكتني لمن كسرت ضلوعي
Post: #293 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-12-2010, 12:08 PM Parent: #292
مشتاقون يا بقال .. وينك يا زول ؟!!
تابع معانا ...
Post: #294 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ابراهيم بقال سراج Date: 11-12-2010, 12:33 PM Parent: #293
Quote: مشتاقون يا بقال .. وينك يا زول ؟!!
والله قاعدين في السينما ومتابعين الفلم للنهاية
Post: #295 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: هشام حسن Date: 11-12-2010, 12:58 PM Parent: #293
Quote: يا هشام الزول دا رباطابي ولا شنو ؟!!
بالعكس ياخ.. الزول دا بيوصف الحالة الراهنة للجريو
Post: #296 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: الطيب العامرى Date: 11-12-2010, 02:55 PM Parent: #295
والله قصة ممتعة وتستحق كل هذه الهالة الإعلامية
شكراً على الإبداع يا ناذر
Post: #297 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: Yasir Aloob Date: 11-13-2010, 07:47 AM Parent: #296
هيو .. هيو .. هيو ..
Post: #298 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ابراهيم بقال سراج Date: 11-13-2010, 12:36 PM Parent: #297
يا ابو النيذ
منتظرين نهاية الفلم
وقفنا اخر حاجة في .....
الدكتور إتشنج ونط في سيف داير يخنقو ويعمل ليهو جروح وكسور جد جد لكن سيف زاغ في أخر لحظة وفك البيرك ..!
Post: #299 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ناذر محمد الخليفة Date: 11-13-2010, 03:19 PM Parent: #298
سيف طبعا زهجان وزعلان عشان الدكتور ما طلع فيهو أي ضربة .. طبعا كان مناهو الدكتور يلقى فيهو أي هبشة كدة عشان يشتبك مع حامد .. قبل ما سيف يصل القسم عرج على النادي .. أولاد الحلة شافوهو ما صدقوا طوالي جابوهو وقعدو يتكلموا معاهو لمن عرفو إنو أورنيك تمنية الشايلو ما فيهو أي حاجة تدين حامد ..
يا سيف يا خي ما تخليك لا يوق كدة .. عشانا وعشان مصلحة النادي تمشي القسم تتنازل عن البلاغ ..!
سيف : إنتو يا جماعة ما تخليكم حقانيين .. الزول دا مش ضربني قدامكم ؟!
ايوة ..!!
سيف .. شنو أيوة .. الكلام دا ما كنتو تقولوهو في القسم قدام الضابط ؟!
يا سيف يا خي نحنا ما دايرين مشاكل .. يا خي كلنا زي الاهل وقايمين مع بعض في الحلة ..!
سيف : يعني عشان قايمين مع بعض في الحلة دا مبرر لي حامد يضربني وأنا أخليهو ؟!!
طيب يا خي لو ما عشان خاطرنا نحن .. عشان خاطر صحبك علي ..!!
سيف : هو وينو هو .. يا خي في الشكلة بدل يحاجزنا أو يتفرج ساي مسكني لي أخوهو يضربني ..!!
يا سيف الكلام دا ما حصل .. ما تتلوم ساي مع صحبك دا ..!
أولاد الحلة ضربو لي علي يعرفو مكانو . لقوهو في القسم بيودي العشا لي حامد ومعاهم حسن ..
الجماعة جو القسم .. أول زول قابلم الضابط اللئيم داك ..
الضابط : إتأخرت مالك يا زول ..!! سيف : أخرني الدكتور يا مولانا .. الدكتور أصر يفحصـ ....... الضابط : يا خي كم مرة قلت ليك ما تقول لي مولانا ..! مالك إنت معاي ياخ ..! سيف : أسف يا مولـ ... قصدي أسف سعادتك ..! العسكري الماقبلان بالوضع : يعني إنت مصر تقول يا مولانا ..!! انت ما عندك إحترام للضابط القدامك دا ولا شنو الفهم..!! سيف : والله ما قصدي يا جنابو ... أنا بس الكلمة دي طوالي في خشمي ..!! الضابط : جيب الأورنيك دا ..!! سيف : هاك ..!! الضابط : يا زول إنت نصيح وما عندك عوجة شابكنا نضمي من الصباح ضربني وفعلني وسوى لي ..!! سيف : والله يا مولانا قصدي يا سعادتك الدكتور دا ما بيعرف أي حاجة ... أهنديل أولاد الحلة أأسألم براك ..! الضابط : طيب وين أثر الضرب ولا الجروح البتقول عليها دي ..!! سيف : يا سعادتك أنا زول بتغذى كويس وجلدي وجسمي الحمد لله عندو إمكانية يشفي أي ضربة أو جرحة بي سرعة ..! الضابط : باللاي !!!! سيف : والله سعادتك ..! واحد من الحلة : سعادتك أنحن هسي جايين نسوي الموضوع دا ونتنازل عن البلاغ ..! الضابط : أها إنت رايك شنو يا سيف ؟! سيف : ما عندي ما نع سعادتك والمشاكل ما حبابا ..!!
اللحظة دي العسكري داك هاج ..!!
ما حبابا !! من جبيل شابكنا نضمي وجيبوا الجريو وحمي الجريو ودخل الجريو الحراسة ونسقيهو لبن دا كلو فوق كم ..! الضابط : إنضبط يا عسكري ..! العسكري : يا خي ديل ضيعوا زمنا في الفاضي سعادتك ..!! الضابط : وإنت شغال شنو ؟ مش شغال في خدمة الشعب ؟! ديل مش تبع الشعب ولا أنا غلطان ..!؟! العسكري : ما عندي مشكلة اكون في خدمة الشعب .. لكن سعادتك إنت عينتني في خدمة الجريو .. والجريو دا ما تبع الشعب .! الضابط : قلنا إنضبط يا عسكري ..!! سيف : لكن أنا برضو مصر على خساراتي يا سعادتك .. الجماعة ديل يدفعوها لي بعد داك يشيلو الجريو ..!! العسكري : شنو !! وأنا البيدفع لي خساراتي منو ..!! سيف : خسارة شنو ليك كمان ؟! العسكري : جريوكم دا أنا جبت ليهو تلاتة أكياس لبن طازة ..! سيف : بنديك حقهم دي ما مشكلة ...!
طبعا العسكري كضاب لأنو غير نص الرطل الجبيل داك وكبى فيهو رطلين موية ما جاب حاجة والضابط طبعا ما ناقش الحاصل ..!
الضابط : يا عسكري أمشي جيب حامد من جوة ..!! العسكري : والجريو ..! الضابط : طبعا حا تجيبو معاو .! لو ما قابضنو في ذمة جريمة تانية ..!!
العسكري سرعة مشى يجيب حامد والجريو قبل ما الضابط يمسخرو قدام الملكية ..!!
Post: #300 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: ابراهيم بقال سراج Date: 11-13-2010, 08:42 PM Parent: #299
وقفنا هنا واصل للنهاية متابعين بأهتمام
Quote: العسكري سرعة مشى يجيب حامد والجريو قبل ما الضابط يمسخرو قدام الملكية ..!!
Post: #301 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين .. Author: اشرف السر Date: 11-13-2010, 08:49 PM Parent: #300
هووووووووووو هاااااااااااااااااااو
اتذكرت الكــلـبة (هاهينا) بتاعت بشرى الفاضل...
هااااااااااااااااااااااااااااااااو
عوقتنا ياخ
صراحة يا ناذر اكان لميت فيك بعضيك في عنقرتك دي ياخ شنو القصة البي القطارة دي؟
فكها شوية وابهلها خلاص شحتفت روحنا مع قبايل العيد
Post: #302 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: حسن حماد محمد Date: 11-13-2010, 10:09 PM Parent: #1
الأخ ناذر سلامات
عليك الله الحكاية تمها قبل العيد
Quote: لا حظوا أننا في مرحلة تنفيذ إتفاقية سلام يتحول بموجبها السودان إلى بلد علماني كامل رغم محاولات مسئولينا نفي ذلك .. ولاحظوا أن الجنوبيين (الطرف الثاني من الإتفاقية) يحبون تناول لحوم القرود !! فهل سنمنعهم من ذلك إذا ما ارادوا إنشاء مصنع بقلب العاصمة لتجهيز تلكم اللحوم للجنوبيين بالخرطوم أم سنتعايش مع الفكرة ؟؟!!
الكلام دا جد جد يا جماعة
ما قلنا ما عائزين سياسة
Post: #303 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اشرف السر Date: 11-14-2010, 04:04 AM Parent: #302
حكاية الجريو الشحتفنا .. حكاية
...
...........
لاقوني حايمين يا ناذر... التلاتة ياتو واحد فيهم جريوك؟
Post: #304 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-14-2010, 07:58 AM Parent: #303
يا جماعة شيلو الصبر القصة خلاص في نهاياتا ..
يا بقال أصبر ما تسكني كدة ..
أشرف السر : أهم حاجة القصة دي تعيد بيها كل العطلة ..
والجريوات دي كلها ما ياها .. داك جريو مدغلب وسمين وبينبح هيو ... هيو ..هيو ..
حسن حماد الدخلك الرابط داك شنو ؟ الروابط دي أنا بختها لزوم تشتيت الكورة ههههه
Post: #305 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-15-2010, 02:22 PM Parent: #304
العسكري جا طالع من جوة ... كالعادة شايل الجريو من إضنينو وبي وراهو ما شي حامد ..
الضابط : يا سيد .. سيف دا داير يتنازل عن البلاغ ..! حامد : الجد شنو ؟! سيف : يا حامد يا خي نحن في حلة واحدة وما في داعي للمشاكل .. حامد : هسي المشاكل عاملا منو ؟ أنا ولا إنت ؟! علي : يا جماعة خلاص باركوها .. حامد : زي ما قلت ليك أنا خمسة وسبعين جنيه ما بدفعا ليك لو كسرت رقبتك ..! سيف : يا خي ما تحمد الله إني طلعتك من الحراسة ؟! الضابط : يا جماعة بطلوا النقة الفارغة دي وإنتهوا لينا من الموضوع .. حامد : الزول دا أنا بديهو تلتين جنيه بس .. دايرا دايرا .. ما دايرا تواصل في الاجراءات عادي ..! الضابط : ما في إجراءات .. الزول دا مشى المستشفى وما ثبت إنو مضروب أو مجروح ..! سيف : يا مولانا أنا ما قلت ليك الدكتور دا ما بيعرف حاجة ..! العسكري : يا سعادتك الود دا أدخلو الحراسة ؟! الضابط : ليه عمل شنو ؟! العسكري : الود دا مصر يقول ليك يا مولانا وإنت حذرتو من كدة كم مرة ما سمعتو هسي ولا شنو ؟! الضابط : يا زول أنا كم مرة قلت ليك ما تقول لي مولانا ؟! أرميك في الحراسة هسي ؟! سيف : والله ما قصدت يا سعادتك ؟! العسكري : يا زول إنت قاصد ودا عدم إحترام للضابط وللقسم دا .. سيف : معليش يا جماعة دي أخر مرة ..! الضابط : هسي بتقبل بي التلتين دي ولا لا ..! سيف : قبلان بيها يا مولـ .. قصدي يا سعادتك ..!
الضابط : خلاص أديها ليو وشيلو جريووكم دا من هنا ..! حامد : خلاص نصل البيت بديها ليو .. سيف : يا سعادتك أنا داير قروشي هسع دي هنا دا ..! حامد : ما شايل معاي قروش هنا .. المحفظة والحاجات كلها وداهم حسن البيت جبيل .. علي : ما مشكلة بمشي البيت بجيب القروش وأجي .. حامد : الدنيا طايرة يا سيف ولا ثقة ما في ..! سيف : إنت زول ما مضمون يا حامد لو كنت داير تديني قروشي كان أديتني ليها من الاول ..! الضابط : يا جماعة بطلو النقة الفارغة وخلصونا ..!!
علي مشى البيت وجاب قروش ... حامد ادى سيف قروشو .. حسن قبض الجريو .. الجماعة دايرين يمشو العسكري وقفم ..
العسكري : دقيقة يا جماعة ماشين وين ؟! حامد : في شنو تاني ؟! العسكري : شنو في شنو ؟ وينو حق اللبن ؟! حامد : إنت والد ولا شنو ؟ يا تو لبن دا ؟! العسكري : اللبن الجبتو للجريو وكبيتو ليهو قدامك داك .. نسيتو ولا شنو ؟! حامد : ما مشكة تاخد حقو طوالي .. داير كم ؟! العسكري : وما تنسى كمان إني كنت في خدمة الجريو الفترة الفاتت دي كلها .. أطلعو من الحراسة وأدخلو الحراسة واجيب ليهو الموية واللبن والاكل ..
حامد : ما قصرت مع الجريو ..
حامد دخل يدو في جيبو وقطع في العسكري عشرين جنيه ..
العسكري : ما قصرت معانا والله .. والقسم بيرحب بيك وبي الجريو في أي وكت .. حامد : مشكور كتير ..
الجماعة طلعوا من القسم .. سيف شال قروشو .. حسن شال جريووهو .. أولاد الحلة مبسوطين الكابوس دا إنتهى .. سيف رفض يسلم علي علي او يتكلم معاهو .. حامد دور عربيتو إتخارج ..!
وبي كدة تكون القصة إنتهت مش ؟!!
لا لا يا شباب .. هولد أون بليس ..!!
المداخلة الجاية فيها نهاية القصة .. نهاية مختلفة تماما ...
لو بتحبونا تابعونا ....
Post: #306 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد الامين احمد Date: 11-15-2010, 03:25 PM Parent: #305
يااخى انا قلت القصة انتهت و ح نمشى نكمل حياتنا و نفرح بالعيد و كده
طيب ... معاك يا زول للنهاية ...
Post: #307 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Abdelmuhsin Said Date: 11-15-2010, 04:16 PM Parent: #306
ودالخليفه سلامات وكل سنه وانت طيب
لكن ما عزبتنا
Post: #308 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: نصرالدين صلاح Date: 11-15-2010, 05:16 PM Parent: #307
يا ناذر ياخ الله يهديك
ورانا بوستات عايزة قرايه
ذبحتنا
خلصنا ياخ
Post: #309 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: waleed dawash Date: 11-15-2010, 06:59 PM Parent: #308
Quote: والقسم بيرحب بيك وبي الجريو في أي وكت
(جريو في الحراسه)
عنوان موافق للقصه.....مش ولا ما مش؟
Post: #310 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-15-2010, 07:36 PM Parent: #309
يا شباب أول حاجة كل عام وإنتو بخير لحدي ما نجيكم واحد واحد ..
للاسف كان العشم نخلص من القصة قبل العيد لكن الله غالب ..
فضل جزء واحد وبالكتير جزئين إنشاء الله ينزلو بكرة ..
Post: #311 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: waleed dawash Date: 11-16-2010, 01:42 AM Parent: #308
حدف للتكرار
Post: #312 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-16-2010, 06:55 PM Parent: #311
خلاص يا شباب فرجت وهانت ..!!
شوية كدة بس ممكن ؟!!!
Post: #313 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 11-16-2010, 07:36 PM Parent: #312
Quote: خلاص يا شباب فرجت وهانت ..!!
شوية كدة بس ممكن ؟!!!
ممكن
Post: #314 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-23-2010, 03:40 PM Parent: #313
أولا نعزي نفسنا وإياكم في وفاة المغفور له بإذنه تعالى بكري سمندلاوي ..
وهذا هو سبب توقف القصة في الأيام الفائتة ...
نواصل الآن ..
Post: #315 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-23-2010, 03:43 PM Parent: #314
نبدا السرد بهذا الخبر من الشقيقة سوريا :
عشان تعرفو أنو جريونا دا مسيكين وما وصلنا معاهو المرحلة دي :
Quote: معركة بين ######ين في سوريا تتسبب بمقتل شخص وجرح آخرين لقي شخص حتفه بطلق ناري وأصيب خمسة آخرون في مشاجرة جماعية في قرية عكوبر السورية، شمالي غرب دمشق، بين مجموعة من رعاة الأغنام وحراس إحدى المداجن بسبب عراك بين ######ين.
وسبب المشاجرة التي وقعت الأربعاء الماضي يعود الى أن العراك بين ال######ين استدعى من أحد الرعاة ضرب ###### المدجنة، مما دفع عمال المدجنة للدفاع عن ######هم.
ونشب عراك بالأيدي تغلب فيه عمال المدجنة على الرعاة الذين طلبوا النجدة من ذويهم من بلدة رنكوس الحدودية، فهب أهالي القرية للدفاع عن رعاتهم و######هم، ووصلت تعزيزات تقدر بحوالى 20 رجلا مدججين بأسلحة نارية.
وأضافت المصادر ان حراس المدجنة، الذين ينحدرون من منطقة المالكية في محافظة الحسكة شمالي شرق سوريا، طلبوا النجدة من حراس المداجن الأخرى لنصرة أبناء منطقتهم و######هم، ونشبت المعركة وأطلق احد الرعاة النار على عمال المداجن وقتل الشاب فواز الحسين (32 عاماً) على الفور وجرح 5 آخرون.
ونقل شهود عيان أن السلطات المختصة قامت بتطويق المنطقة وإلقاء القبض على حوالى 30 شخصا، بينما تم إسعاف 5 جرحى وهم من عمال المداجن الى مستشفى في منطقة صيدنايا ومستشفى ابن النفيس في مدينة دمشق.
Post: #316 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-23-2010, 03:46 PM Parent: #314
هنا برضو يا جماعة المشهد حا ينقسم لي إتنين حصلو في نفس الوكت بعد ما الجماعة رجعوا من القسم .. المشهد الاول في بيت ناس حامد وحا نشوف النقاش الداير بين حامد وعلي وحسن ... والمشهد التاني في النادي وجماعة النادي لكن كدي هسي نشوف ناس حامد وعلي ..
علي : حمدلا على السلامة يا حامد .. حامد : الله يسلمك الجريو : هيو .. هيو .. هيو
حامد : يا ود حسن تعال زح الجريو دا من هنا قبال ما أجدعو برة !! حسن : دقيقة بس ..
حسن شال الجريو ربطو في الركن وأداهو كيس لبن وجا راجع ..
حامد : دا شنو الموضوع الفارغ الورطتوني فيهو دا ؟! علي : القصة إتطورت بي سرعة لكن دا كلو من سيف . حامد : أنا متأكد صحبك سيف دا ما نصيح .. هسي في داعي للفضائح دي ؟ علي : سيف أصلو من زمان عكليتة كدة . حامد : الزول دا ما براهو أكيد بيكون في واحد من ناس النادي محرشو علي ..! علي : لا والله ما في أي زول .. الجماعة ديل أنا عارفم كويس . حامد : طيب شنو المشكلة في الولد دا ؟! دا كلو عشان الجريو دا ؟! الجريو : هيو .. هيو .. هيو .. علي : سيف أساسا بيتو إتسرق قبل كدة وقال داير الجريو عشان يربيهو ويحرس ليهو البيت .. حامد : ما يجيب كـلب زي الناس الجريو دا لحدي ما يكبر ويشد حيلو الحرامية يكونوا كملو بيتو عديل ..! علي : سيف زول مسكين بس مشكلتو بعد مرات ما بيفكر كويس ..! حامد : طيب سيف خليهو إنت يا حسن الجريو دا جبتو لينا لي شنو ؟! حسن : أنا جبتو أربيهو وبرضو لمن يكبر يحرس لينا البيت .. حامد : في زول قال ليك البيت داير حراسة ؟ ولا حصل شفت حرامي تلب لينا فيهو ؟ حسن : لا لا ما حصل .. حامد : طيب مالك مدخلنا في المشاكل دي كلها ؟! حسن : يا حامد الجريو بتاعي وأنا جبتو وتعبان فيهو دايرني أخليهو بي سهولة كدة لي سيف ؟! علي : إنت ما تمشي تجيب ليك واحد تاني ؟! حسن : ما يمشي هو ليه أمشي أنا ؟ إنت سبب المشاكل دي كلها كمان داير تتكلم ؟! علي : يا ود إتكلم كويس . حامد : شنو يتكلم كويس ؟ ما كلامو صاح إنت من الأول أديت الجريو لي سيف بدون ما تشاور حسن لييه ؟! علي : يا جماعة قلنا ليكم والله العظيم ما عارفو بتاع حسن ..! بعلم بالغيب أنا ؟!! حامد : خلاص قفلو الموضوع دا علي كدة .. جبتوا لينا مشاكل ساي ... الجريو : هيو .. هيو ... هيو ...
Post: #317 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-23-2010, 03:46 PM Parent: #314
يلا نمشي نشوف النادي فيهو شنو ...!
Post: #318 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-23-2010, 03:52 PM Parent: #317
سيف : شنو بتعاينوا لي كدا ؟! مالكم في شنو ؟! ما في حاجة يا مان مالك متحسس ..! سيف : كلكم بتعاينوا لي كدة تقول كاتل فيكم واحد .. صراحة يا سيف إنت زول عكليتة ساي !! سيف : كيف الكلام دا ؟: يا خي حاجة ما حقتك ما ترجعا لي سيدا .. شنو عامل ليك شكلة وقسم ونقة في الفاضي ؟ّ! سيف : إنت بالذات ما تتكلم .. أنا زول فردتك يضربوني قدامك وما تخش معاي ؟! منو دا .. ؟! أنا بس لو ما عامل حساب لي علي أطير ليك في حامد دا جوز لامن يعرف حاجة ؟!
سيف : وعلي دا وينو ؟ أنا زاتي عندي معاهو حساب تاني .. يمسكني لي أخوهو عشان أخوهو يضربني ؟!! قلنا ليك دا ما حصل ما تتلوم مع علي ساي ..! الزول النبذوهو : هسي يا جماعة موضوع الجريو دا إنتهى .. إنتو نسيتو الزول النبذنا ولا شنو ؟!
ما نسيناهو أها هسي نعمل شنو ؟! أنا متأكد دا حسن وبقول نفتح فيهو بلاغ ؟! تااااااني ؟!! ما بلاغ فيهو هو .. في صاحب الرقم لانو لو الشريحة دي مسجلة أكيد حا نجيب الزول صاحبا ..! يا جماعة جلونا من الموضوع دا ..! هسي لو طلع حسن هو صاحب الشريحة تعملوا شنو ؟!
شنو نعمل شنو ؟! البلد دي ما فيها قانون ولا شنو ؟! يا جماعة ما تنسوا حسن دا أخو حامد ؟ أنحنا هسي ما صدقنا إنتهينا من موضوع الجريو كمان دايرين تدخلونا فيلم جديد ؟! سيف : إنت حامد دا كاسر عينك ؟ّ شنو بتخاف منو كدا ؟ّ عشان عندو قروش ولا شنو ؟! أيوة عشان عندو قروش ؟ أمال النادي دا الحا يبنيهو ليك منو ؟!. فكر لي قدام يا مان وخليك تفتيحة ..!! سيف : يا خي نادينا دا برانا بنتمو .. والزول النبذنا دا أصلو ما نخليهو .. إنتو يا جماعة ما تعملوا حساب لي علي دا ؟ الزول دا مش صاحبنا برضو ؟ يعني شنو ؟ يعني حتى لو طلع أخوهو هو النبذنا ما حا نقدر نعمل ليهو حاجة عشان خاطر علي .. سيف : يا زول علي دا أنا رميت طوبتو ولو طلع حسن هو النبذنا أصلو ما نخليهو .. هسي يا جماعة خلونا في موضوع بكرة .. مفروض حامد يدينا خمسة مليون نحفر بيها البير .. الأجواء دي مناسبة ولا نأجل المشية شوية ؟! أي تأخير ما في صالحنا .. عايزين نخلص سرعة من الموضوع دا ..! خلاص بكرة بعد المغرب نمشي ليهو لكن سيف دا ما يبارينا ؟! سيف : شنو ؟! الكلام واضح إنت زول متشاكل معاو ودخلتو الحراسة كمان داير تمشي تشيل منو قروش ؟! . سيف : يا زول ما ماشي معاكم إنشالله ما يدوكم قروش زاتو .. يا خي الجلدة دا خمسة وسبعين جنيه إستكترا فيني دايرنو يديكم خمسة مليون ؟! إنت كمان قاعد تبالغ شنو خمسة وسبعين جنيه دي ؟! سيف : يا زول انت ما عارف حاجة أسكت ساكت .. يا خي أنا جايب للجريو دا كم كيس لبن ؟! كم كيس صابون بدرة ؟! بمشي الجزارة بجيب ليهو لحم وشحم بي كم ؟! يا خي الجريو دا لمن شلتو من حسن كان عامل كيف كيف .. وهسي شوفوا عامل كيف .. فرق السما والأرض .. تقول لي خمسة وسبعين جنيه كتيرة ..!
أهنداك علي جاي ..! سيف : الزول دا لو فتح خشمو معاي بديهو بنية في ديـ....و !! ماعندك معاو شريعة ..! علي : كيف يا شباب ؟! الشباب : تمام والله .. قعمز ..!! أخوك إنشالله ما يكون زعلان لحدي هسي ..! علي : أبدا والله ما عندو معاكم مشكلة .. هو بس زعلان من سيف دا ..! سيف : يا زول ما تجيب سيرتي في خشمك دا ..!: علي : شنو فاير كدة وهايج كدة ؟! هسي في واحد سألك ؟! سيف : يا زول أسكت مني ؟! علي : شنو أسكت منك ؟ عامل لي فيها راجل ولا شنو ؟! سيف : أقوم عليك هسي أوريك رجالتي ؟! علي : لا لا ما تقوم .. رجالتك شفتها لمن إتشاكلت مع حامد ؟!
سيف طوالي نط وعلي نط فيهو والبنية دورت ..!
أمسك سيف دا .... جر علي دا كدة .. يا جماعة زحو من بعض .. سيف : ما في زول يمسكني كلو كلو .. علي : الليلة بوريك ليو يا سيف .. مش داير كدة الليلة القسم زاتو ما يحلك مني ؟؟!
سيف وعلي مشتبكين كل واحد خانق التاني ... كربون.. بنية.. معيط شعر .. شلاليت تحت الحزام .. أم دلدوم .. كفوف .. طبز عيون .. رمي في الواطة .. دردقة .. مكابسة للطوب .. وأولاد الحلة بيحاولوا يحجزوهم بي صعوبة فكوهم من بعض ..
سيف : والله يا علي إلا تاباني .. بس تبقى راجل وما الم فيك مُطرف ..! علي : هسي ما لميت فيني وريني رجالتك ..! يا جماعة باركوها .. سيف : ليك يوم يا علي عشان تعرف رجالتي كويس ..! علي : يا ها رجالتك القاعد تعملا مع الجريو ولا حاجة تانية ؟! سيف : قصدك شنو يعني ؟ يا خي فكني يا د ......ـــن إنت ؟!! يا خي ما فاكيك .. يا سيف عليك الله روق ..! علي : يا خي فكو النشوف رجالتو دي حدها وين ؟!
الجماعة زحوهم من بعد وإتفرتقوا وكل واحد مشى بيتم والنفوس إتشحنت ..
وطبعاً الأمور ماشة من سيئ لأسواء وما بتبشر بي خير ..
Post: #319 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-23-2010, 03:53 PM Parent: #317
المشهد الجايي تاني يوم بعد المغرب في بيت ناس حامد ..
ودا أخطر مشهد لأنو الامور حا تتحسم تماما ..
يعني مشهد مصيري لي كل الأطراف ..!!
وللجريو برضو ..!!
Post: #320 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 11-23-2010, 08:30 PM Parent: #319
لكن سيف دا زول .............
ما بقدر اقول فيهو حاجة
عشان القسم وكدا
منتظرين النهاية يا ابو النيذ
Post: #321 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: هويدا شرف الدين Date: 11-24-2010, 05:28 AM Parent: #320
يا (سيف)
ما عذبتنا ، وكرهتنا
Post: #322 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-24-2010, 11:33 AM Parent: #321
بقال :
Quote: لكن سيف دا زول .............
ما بقدر اقول فيهو حاجة
عشان القسم وكدا
منتظرين النهاية يا ابو النيذ
كان لحقت تقول شي بيوديك القسم طوالي ...!!
Post: #323 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-24-2010, 11:34 AM Parent: #321
هويدا ..
Quote: يا (سيف)
ما عذبتنا ، وكرهتنا
إتصبري .. اتصبري ..
Post: #324 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد آدم النور Date: 11-24-2010, 12:18 PM Parent: #323
غايتو قدر ما أقرأ الحوار الخاص بي سيف و الشخوص المعاهو طوالي يخطر في بالي فرقة الأصدقاء و خاااااصة الزول الدكتور الرائع......معليش نسيت إسمو لكنه كبسووووووور
Post: #325 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-24-2010, 12:33 PM Parent: #324
دكتور فيصل سعد يا محمد أدم ..
الغريبة هو عضو معانا في المنبر بس ما بيكتب كتير ..
أخر مرة شفتو كان خاتي ليهو صورة فيها طربوش ..!!
قيصل دا لايق عليهو دور سيف لياقة ما عادية .. ههههههههه
Post: #326 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناصر محمد خليل Date: 11-24-2010, 06:20 PM Parent: #325
مشكور يا دكتور على امتاعنا واشراكنا في القصة .
هذه أول مادة طويلة دسمة أقرأها بعد عودتي الأخيرة .
وارجو أن تواصل في كتابة القصة .
وكل عام والجميع بخير .
Post: #327 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-25-2010, 08:08 AM Parent: #326
شكرا ليك يا ناصر ..
والف حمدلا على السلامة مرة تانية ...
ونواصل ...
Post: #328 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-25-2010, 03:34 PM Parent: #327
في بيت ناس حامد .. :
علي : يا حامد أولاد النادي دايرنك برة ..! حامد : دخلم الصالون بجيهم هسي ..!
علي دخل الشباب الصالون .. طبعا كلهم جو إلا سيف ..
الجماعة قاعدين في الصالون سمع إضنينم الجريو صوتو جاييهم من جوة (هيو ..هيو ..هيو)
الزول النبذوهو : يا علي أوع تكون كلمت حامد إنك إتضاربت مع سيف ؟! علي : ما كلمتو ياخ قايلني عوير أنا ..! حامد : السلام عليكم يا شباب . الشباب : وعليكم السلام كيف أحوالك ؟! حامد : تمام التمام : أها الشغل ماشي كيف ؟ والله كويس هسي حديد السور ثبتناهو وضربناهو بوهية .. حتى ركبنا جزء من اللمبات وبنينا أوضة صغيرة كدة نخزن فيها الكراسي والحاجات .. غايتو ماشين كويس والحمد لله ..!
حامد : هسي المهم البير عشان ندخل الموية ونعمل الحمامات والوضاية ..! طبعا دي أهم حاجة .. حامد : الشركة المشيتو ليها ديك قالت ليكم بي كم بيعملو البير والسب تانك ؟! قالوا بيعملو السب تنك جاهز في الموقع بي ستة مليون .. والبير بيعملوهو بي خمسة مليون ..! حامد : إنتو لو جبتو حفارين يعملوا البير بالطريقة البلدية مالو ؟! والله الشركة دي تركية وبتعمل أبار بي طريقة حديثة .. يعني ولا بيحفرو بير زاتو .. بيجو بي عربيتم ويدخلو في الأرض نظام مواسير لحدي ما الماسورة التحت تصل العين تحت .. وطبعا كدة أضمن عشان ما زول يقع لينا في البير ولا حاجة بالأضافة طبعا للسرعة ..! حامد : بالنسبة لي توصيل الموية والكهربا دي ما مشكلة ...لو البير والسب تانك إتعملو الباقي كلو ساهل .. الزول النبذوهو : أكيد ..
حامد : وين سيف ..؟ ما شايفوا معاكم لييه ؟؟! ما كان بيجي طوالي مالو الليلة ؟! والله سيف ما قابلناهو الليلة ..!! حامد :الود دا ما داير أشوفو معاكم تاني لا هنا لا في النادي ؟! لا لا هو هنا تاني ما بيجي ؟! حامد : والنادي برضو ما بيجي ؟! النادي هو بيجي لكن ما كتير ..! حامد : لا كتير لا شوية .. النادي دا عايزين فيهو ناس محترمين ويجوهو أسر وعوائل وناس الحلة يلقوا فيهو حتة ظريفة يقيلو فيها ويعملوا فيها مناسباتم .. زي سيف دا ما أشوفوا بي هناك ..!! لكن يا حامد سيف دا معانا من الأول وشغال معانا كويس كيف نقدر نمنعو يجي ؟! حامد : تمنعوهو كدة .. تتصرفو معاهو .. سيف دا ما مقبول نهائي من جانبي ..! الزول النبذوهو : طيب هسي نقول ليهو شنو يعني ؟! حامد : دي مشكلتكم ما مشكلتي .. أنا ما داير أشوفوا هناك ..! علي : يا حامد خليهو يجي .. الزول دا زعلان على تصرفو معاك .. سيف دا زول طيب خليهو يجي ..!
الوكت دا حسن أخوهم الصغير جا داخل وسمع أخر الكلام ..
Post: #329 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-25-2010, 03:41 PM Parent: #328
حسن : طيب شنو ؟! الزول دا أمبارح مش إتضاربتو مع بعض لمن حجزوكم ؟!
كلام حسن في اللحظة دي بالذات بقى زي القنبلة ..!! نسف ليك اي حاجة ... مش زي القنبلة .. قنبلة عديييل كدة ..
الجماعة كلهم صننننننننننن صنو ..
الناس دي صانة قريب الدقيقة ؟!
حامد : بتقول شنو يا حسن ..!! حسن : هسسسع دي في واحد صحبي كلمني في الموبايل وكان حاضر الشكلة الحصلت أمبارح ..! حامد : الكلام دا حصل يا علي ؟! علي بتوتر : ما كانت شكلة كدة يقولوا عليها .. والناس حجزونا سرعة ؟! حسن : سرعة شنو ؟! قال إتشاكلتو وكمان كان في فليع حُجار وضرب شديد جوة وبرة النادي كمان ..!! تقول لي ما شكلة يقولوا عليها ..!! الشكلة اليقولوا عليها دي كيفنها لو ما كدة ؟!
علي : انت كذاب وصحبك كذاب .. كلام زي دا ما حصل ..! حسن : ما كذاب ولو داير تتأكد أنا مسجل المكالمة .. أسمعك ليها هسي ؟!!
يا خي الوكت دا ما عارف أوصف ليكم شعور علي .. رقد ملوخية ..
غايتو حالتو بقت زي حالة سيف لمن حسن قال سجل ليهو المكالمة النبذو فيها ديك ..!..
وطبعا ما ننسى إنو زي المرة الفاتت برضو .. ما كان في تسجيل لي مكالمة ولا من يحزنون .. بس حسن التفتيحة كالعادة لعب على أعصاب علي الدقوسة ونجح في كدة ..
والظاهر إنو حسن متعود يشهر سلاح إدعاء تسجيل المكالمات دا طوالي لمن يجي يثبت وجهة نظرو .. وطواالي خصومو بيبلعوا كلامم ناشف بدون ما يتأكدوا لو فعلا في تسجيل ولا لا ..!!
علي : يا ود خش جوة .. إنت الجابك هنا شنو ؟! حامد : دقيقة يا علي .. ما تجوط في الود دا .. تعال يا حسن أحكي لي ..صحبك دا قال ليك شنو ؟!
حسن قرب ليك من أضان حامد وحتا ليهو الشمار السمعو كلو بي ضبانتو من طق طق لي سلام عليكم .. وبي هنا علي وأولاد الحلة عرقم بلل قمصانم مع إنو الصالون عامل زي تلاجة الموز من شدة البرد بتاع مكيف الإسبلت الـ 30 وحدة ..!!!
حامد : ليه ما حكيت لي الكلام دا يا علي .! علي : ما شفتو حاجة مهمة تتحكي ..!! حامد : وسبب الشكلة في شنو ؟! علي : سيف مفتكرني أنا مسكتك ليهو وإنت ضربتو في شكلتكم الاخيرة ..! حامد لي أولاد الحلة : وبعد دا تقولوا لي عايزين سيف في النادي ..! الزول النبذوهو : دا براهو ودا براهو يا حامد ما نجوط المواضيع ؟!
حامد : إنت بالذات أكبر جواط للمواضيع ..! المرة الفاتت الناس بتتكلم في موضوع الجريو إنت جيت لخبطتنا بي موضوع الزول النبذك في الموبايل وجطت لينا المواضيع ..! النبذوهو : أنا ما جطت أي مواضيع أنا أساسا ما عندي علم بي موضوع الجريو وجيت عشان أشوف الزول النبذني منو ؟! حامد : وهسي إنت لقيتو ..! النبذوهو : لسع ... لكن من بكرة حا أمشي أفتح بلاغ في رقم الشريحة لحدي ما نشوف حا نصل لي منو ..!! حامد : هسي شوفوا لينا حل لي حكاية سيف دي ..! الزول دا أنا ما دايرو في النادي رايكم شنو ؟!! أمشو إتشاوروا وبعد داك أدوني كلامكم ..! علي : جدا نشوف البيحصل شنو ؟! وبالنسبة لي قروش البير ؟! حامد : هسي ما شايل معاي قروش خلوا الموضوع دا لحدي بكرة وبالمرة نشوف قراركم .. بكرة نتقابل هنا بعد المغرب .. كلام تمام ..!!
الجماعة : تمام ..
الجماعة إتخارجو من البيت وماشين على النادي يتكلمو ويتناقشوا في التطورات الجديدة دي .. الرسالة الرسلا ليهم حامد وصلت تماما ..
يا سيف يا النادي .. وأولاد الحلة عليهم يختاروا واحد .. يا النادي يا سيف ..!!
Post: #330 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 11-25-2010, 09:00 PM Parent: #329
Quote: يا النادي يا سيف ..!!
لا سيف لا النادي
Post: #331 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: JAD Date: 11-25-2010, 10:09 PM Parent: #330
كل عام وأنتم بخير ..
الأخ ناذر والإخوة المتابعين ..
القصة جميلة .. ومشوقة ..
أنا دخلت الفيلم اليوم .. لأني مشغول بالعمل ما متابع المنبر كتير لكن أخوي الكبير نبهني قال لي ألحق الجريو ..
قال قصة منتهى الروعة ..
وأقول ليك حاجة من العصر بديت أقرأ في المسلسل مع بعض البريكات ..
وخلصت الآن الساعة 12:50 ص ..
عملت لي وجع رقبة يا أخي ..
لكن قصة رائعة ..
تخلي الواحد يهو هو ..
تحياتي .. مع تمنياتي لك بالتوفيق أخي ناذر ..
جاد
Post: #332 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-26-2010, 10:31 AM Parent: #331
بقال يا خطير ..!!
إنت الظاهر القصة جاك خبرا من حتة تانية أو وصلت للمصدر ..
Quote: لا سيف لا النادي
لأنو دا هو الحصل بالضبط ..!!
Post: #333 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-26-2010, 03:45 PM Parent: #332
حبيبنا جاد ..
Quote: كل عام وأنتم بخير ..
الأخ ناذر والإخوة المتابعين ..
القصة جميلة .. ومشوقة ..
أنا دخلت الفيلم اليوم .. لأني مشغول بالعمل ما متابع المنبر كتير لكن أخوي الكبير نبهني قال لي ألحق الجريو ..
قال قصة منتهى الروعة ..
وأقول ليك حاجة من العصر بديت أقرأ في المسلسل مع بعض البريكات ..
وخلصت الآن الساعة 12:50 ص ..
عملت لي وجع رقبة يا أخي ..
لكن قصة رائعة ..
تخلي الواحد يهو هو ..
تحياتي .. مع تمنياتي لك بالتوفيق أخي ناذر ..
جاد
وينك يا مان ما طاهر ؟!! جايينا قريب النهاية بعد ما الجريو كبر وبقى أسد عدييل ..!!
لكن أحسن إنك بديت تقراها الليلة وجريتا جرة واحدة لأنو الجمكاعة هنا مرات بيتشرو لمن ما أنزل الأجزاء بي سرعة ههههههه
تابع معانا ..
Post: #334 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-27-2010, 02:43 PM Parent: #333
الجماعة وهم طالعين من حامد وماشين على النادي ينقرطوا ويتكلموا ... واحد منهم طلع كيس تمباك مااكن وأدى الجماعة يسفوا ويتفوا ..
النبذوهو داك : غايتو الليلة يحلها الشربكا ..! الشربكا منو قصدك ؟ سيف ولا الجريو ؟! النبذوهو : الإتنين ..!! هسي نتصرف كيف يا أخوانا ؟! يا علي رايك شنو إنت ؟! علي : والله راسي ضارب عدييل كدة .. ما عارف نسوي شنو ؟! هسي كمان لو كلمنا سيف بالحصل يقوم يهيج زيادة حقو ما نكلمو ..! النبذوهو : كيف يعني ما نكلمو ؟! لا زم يعرف عشان نقدر نشوف حل للمشكلة دي ..!
علي : الزول دا لا داير إتكلم معاهو لا دايرو يتكلم معاي .. من هسي بوريكم عشان نكون واضحين ..! النبذوهو : إنت يا علي حسن أخوك دا مالو بتاع فتن كدة ؟! مش أدوهو الجريو بتاعو ؟! تاني مالو معانا؟! علي : حسن دا زعلان لسع من سيف وجرجرتو ليهو في قصة الجريو ..! دا منو الوراهو قصة الشكلة من الأساس ؟! علي : دا سؤال دا ؟! ما الحلة كلها شافت الحصل ؟ أي زول ممكن يوريهو ؟! النبذوهو : بعدين تعال هنا .. حسن دا شغال في كبانية ؟! شنو كل شوية والتانية كاسر عين واحد فينا بي تسجيل المكالمات ؟! المرة الفاتت مسكا ذلة لي سيف والمرة دي مسكا ذلة ليك إنت .. دا حالتك أخوهو .. المرة الجاية الدور علي منو ؟! علي : حسن دا جلونا منو هسي بعرف إتحاسب معاهو لمن أرجع البيت ..! النبذوهو : أهنداك سيف قااااعد في النادي .. الله يستر بس ..! علي : الزول دا لو فتح خشمو معاي ما بخليهو .. ..!! النبذوهو : ما عندك معاو شريعة ..!!
الجماعة تووووشك جو منقشطين جوة النادي ..!!
سيف : مالكم شايلين الهم كدة زي التقول في واحد كاسر عينكم كلكم ؟! النبذوهو : واحد زي منو مثلا ؟! سيف : إنت عارف قصدي .. الجيتو منو دا .. أها إنشالله طلعتو منو بي فائدة .. علي : بطل شغل المطاعنات دا وإتكلم عدييل ..! سيف : يا زول ما تتكلم معاي .. هسي أنا سألتك ؟! علي : شنو شغل النساوين دا ؟ .. ما تقول حامد عدييل .. خايف مالك ؟! سيف : أنا خايف ؟! من منو ؟ أمبارح ما طقتقطك هنا لمن جريت تكابس الطوب ؟! علي : انا كابست الطوب ؟! قايلني زيك يا باطل .. تعضي زي البنات ؟! سيف : أقوم عليك هسي أوريك العض الما بتعرفو ؟!
النبذوهو : يا شباب دقيقة .. أنحن ما ناقصنكم بالله .. يا سيف إنت ما داير تعرف الحصل شنو في بيت حامد ؟! سيف : الحصل شنو يعني ؟! النبذوهو : الحصل إنو حسن كلم حامد بالشكلة البينك وبين علي .. وحامد هاج وزعل وقال ما دايرك في النادي دا ؟!
سيف : شنو ؟؟!! هو كان نادي أبوهو ؟؟! علي : يا زول الدخل أبوهو هنا شنو ؟ إتكلم عدل أحسن ليك ؟! سيف : يعني حامد داير يطردني من النادي عشان دقيت أخوهو ؟ يلقاها عغند الغافل دي ..! علي : دقيت منو إنت ؟! يا هو الدق البي لسانك ولا ساي ؟!
يا جماعة كدي خلونا نتفاهم ..! سيف : يا زول ما في تفاهم ودا ما كلام حامد.. علي دا هو الحرش حامد يعمل كدة .. أها أنا من النادي دا ما بزح .. ساكن فيهو سكنة عدييل كدة ..!! علي : انا حرشتو ليك ؟!! أنا مالي ومالك جيت النادي ولا ماجيت ؟! النبذوهو : يا سيف علي ما عندو دخل بالموضوع دا أنحن حاضرين الكلام ..! سيف : شنو حاضرين الكلام ؟! يعني كنتو بايتين معاهم من امبارح ؟! شوف ما هو واحد من إتنين يا علي هو الحرشو يا كمان حسن ..!
حسن ما عندو بينا شغلة ولا بيجي النادي زاتو ..!! سيف : أها إنتو رايكم شنو ؟! النبذوهو : أنحن راسنا ضارب هسي .. لأنو الظاهر حامد ما حا يتم لينا النادي إلا نقول ليهو إنت ما حاتجي .. وطبعا ما بنقدر نقول ليك ما تجي ..! سيف : جيب لي الكلام من الأخر .. إنت داير تقول شنو ؟! النبذوهو : أنا صراحة رايي النادي نتمو برانا ما دام حامد من اولا كدة داير يتحكم فينا ..! علي : انت جنيت ؟ ما بنقدر نتمو برانا ولا حاجة أقل حاجة دايرين زي عشرين مليون تاني عشان النادي يقولوا عليهو نادي .. من وين نجيبا دي ..!
يا جماعة أنا عندي إقتراح ..!! قول إقتراحك ؟! أنا شايف المسألة مسألة زعل وبتتحل مع الزمن .. يعني بي كل بساطة سيف ما يجي داخل الناديتاني ؟! سيف : شنو ؟؟!! والله بجي داخل جو ديـ .....ك زاتو ..!! دقيقة يا خي خليني اكمل كلامي ...! شنو داير تنط لي في حلقي طوالي ؟! سيف : طيب قول ..! سيف ما يجي النادي في فترة الشغل . الوكت دا يكون النادي إتعمل .. بي مرور الزمن بتكون النفوس إتطايبت وحامد هدا شوية .. نقوم كدة نفتح ليهو موضوع سيف .. وأنا متاكد للوكت داك حامد بيكون ما عندو مشكلة ..! علي : دا أحسن حل ..! سيف : أحسن حل لي منو ؟! خلاص لقيت ليك فرصة تخارجني من النادي أنت وأخوانك ؟! والله لو جا شنو وشنو ما أخليهو ليكم ؟! فاكرين روحكم منو إنتو ؟! علي : يا زول ما في زول هنا دايرك زاتو فاكر روحك منو إنت ؟؟! الكلام دا في مصلحة الحلة .. يعني عشانك النادي ما يقوم ولا شنو ؟! النبذوهو : دقيقة يا علي .. سيف معاو حق .. كيف يعني ما يجي النادي ؟! عشان اخوك يعني عندو قروش داير يفرض علينا طريقتو ؟! علي : غايتو الإقتراح دا أحسن حل .. وأحسن منو ما في وأنا لي قدام أضمن ليكم حامد ما عندو مشكلة وبيرجع سيف ؟! سيف : شنو يرجعني دي ؟ كان معرسني وطلقني ولا الفهم شنو ؟! وهسي بعد ما أخلي النادي أمشي وين يعني ؟! علي : شوف ليك شغلة تانية ..أو شوف ليك جريو ربيهو أشغل بيهو وكتك ؟! سيف : شنو ؟! قصدك شنو ؟ خليك راجل وإتكلم عديل ..! النبذوهو : أنا ضد اي زول يفرض علينا شروطو .. أنا مع سيف ... مش حامد أخوك دا يا علي ؟ دا يا هو طرفنا منو والنادي بنتمو برانا ؟! علي : يا زول إتكلم عن نفسك ..!! إنتو يا شباب رايكم شنو ؟!
أكتر من تسعة تنفار قاعدين وراسم ضارب ..!! الجماعة إنقسمو .. واحدين مع إقتراح سيف يمشي يخلي النادي لحدي ما الأمور تهدا .. واحدين مع سيف ما يخلي النادي حتى لو حامد ما اداهم قروش .... الباقيين رايم ما واضح بيلفو ويدورو في الكلام ..
سيف : أقول ليكم حاجة .. مش أنا ساكن براي ؟! النادي دا نخليهو عدييل كدة ,, النادي يتحول في بيتي هناك .. الحوش كبير وواسع والغرف مريحة .. نشيل الكراسي والطرابيز والبروش ونمشي هناك ..! النبذوهو : إقتراح كويس جدا .. ومالو ؟! علي : ما عندي مشكلة ؟! سيف : شنو ما عندك مشكلة ؟؟! إنت بالذات ما أشوفك بي هناك ..! قايلين روحكم براكم بتعرفو تطردو ولا شنو ؟! أصلو ما أشوفك حايم بي هناك ؟! إعتبر روحك مطرود مقدمًا ..!! النبذوهو : دا كلام شنو يا سيف ؟ شنو بقت علينا حكاية حلب التور دي ؟ طيب هسي ما حلينا أي مشكلة ؟! علي : يا زول ما في واحد جاييك زاتو ؟! أها أقول ليك حاجة ؟ أنا زاتي غيرت رايي .. النادي دا ما يتحول أي حتة .. نقعد نتمو إنشالله بعد مليون سنة ..!
يا علي دقيقة ما تركب راسك انت كمان ؟! سيف : يا زول علي دا ما يبارينا زاتو .. خليهو يقعد هنا براهو زي الكـلب ..! علي : زي الكـلـب ولا زي الجريو ؟!
سيف طوالي نط وعلي نط فيهو والبنية دورت ..!
أمسك سيف دا .... جر علي دا كدة .. يا جماعة زحو من بعض .. سيف : ما في زول يمسكني كلو كلو .. علي : الليلة بوريك ليو يا سيف .. مش داير كدة الليلة ما في شي بيحلك مني ؟؟!
سيف وعلي مشتبكين كل واحد خانق التاني ... كربون.. بنية.. معيط شعر .. شلاليت تحت الحزام .. أم دلدوم .. كفوف .. طبز عيون .. رمي في الواطة .. دردقة .. مكابسة للطوب .. وأولاد الحلة بيحاولوا يحجزوهم بي صعوبة فكوهم من بعض ..
سيف : والله يا علي إلا تاباني .. بس تبقى راجل وما الم فيك مُطرف ..! علي : هسي ما لميت فيني وريني رجالتك ..! يا جماعة باركوها .. سيف : ليك يوم يا علي عشان تعرف رجالتي كويس ..! علي : يا ها رجالتك القاعد تعملا مع الجريو ولا حاجة تانية ؟! سيف : قصدك شنو يعني ؟ يا خي فكني يا د ......ـــن إنت ؟!! يا خي ما فاكيك .. يا سيف عليك الله روق ..! علي : يا خي فكو النشوف رجالتو دي حدها وين ؟!
الجماعة زحوهم من بعض وإتفرتقوا وكل واحد مشى بيتم والنفوس إتشحنت ..
Post: #335 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-27-2010, 02:54 PM Parent: #334
هسي المشكلة ما في الشكلة دي .. المشكلة إنو حسن اخو علي جا ماري بالصدفة قدام النادي وكت الشكلة وصور الفلم كلو ..!!
مش زماان في الصفحة الاولى قلت ليكم القدر دا يوم بيكتل ليهو زول ؟!
حسن كان ماشي الدكان يجيب لبن الجريو والبُنية دورت قدامو .. يعني المرة دي ما في زول حكا ليهو ولا عندو تسجيل لي أي مكالمة .. ودي براها كرامة وسلامة .. وحقو ناس النادي يفرحو لي دي براها ..! حسن لبت في حتة غميصة وإتفرج على كل القصة وعطل مشيهو للدكان قريب النص ساعة .. والجريو بي هناك جعان ونعسان و و س خ ا ن وشغال يعمل (هيو .. هيو .. هيو)
Post: #336 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: waleed dawash Date: 11-27-2010, 03:26 PM Parent: #335
Quote: وشغال يعمل (هيو .. هيو .. هيو)
ياخي نحن ذااااااتنا بقينا نهو هو
Post: #337 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناصر محمد خليل Date: 11-27-2010, 04:26 PM Parent: #336
والله يا دكتور سيف دا لا يوق لواقة ومسيخ مساخة
شوف ديل
Quote: سيف : شنو يرجعني دي ؟ كان معرسني وطلقني ولا الفهم شنو ؟!
Quote: سيف : أحسن حل لي منو ؟! خلاص لقيت ليك فرصة تخارجني من النادي أنت وأخوانك ؟! والله لو جا شنو وشنو ما أخليهو ليكم ؟! فاكرين روحكم منو إنتو ؟!
Quote: شنو ما عندك مشكلة ؟؟! إنت بالذات ما أشوفك بي هناك ..! قايلين روحكم براكم بتعرفو تطردو ولا شنو ؟! أصلو ما أشوفك حايم بي هناك ؟! إعتبر روحك مطرود مقدمًا ..!!
حلوة مطرود مقدما دي هههههههه
Post: #338 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 11-27-2010, 04:29 PM Parent: #337
سلام يا ناذر وضيوفه الكرام
ملاحظة يا ناذر: ليه كل الشخصيات في هذه الرواية لديهم أسماء ما عدا الزول النبزوهو؟! من المفترض أن تنجر له اسم وللأ شنو؟! فما الحكمة في ذلك؟ إلا أنك أنت الشخص المقصود.
Post: #339 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 11-27-2010, 07:54 PM Parent: #335
Quote: المشكلة إنو حسن اخو علي جا ماري بالصدفة قدام النادي وكت الشكلة وصور الفلم كلو ..!!
بالكاميرا ولا تصوير بالعيون ساكت ؟؟
Post: #340 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 11-27-2010, 07:59 PM Parent: #332
Quote: بقال يا خطير ..!!
إنت الظاهر القصة جاك خبرا من حتة تانية أو وصلت للمصدر ..
Quote: لا سيف لا النادي
لأنو دا هو الحصل بالضبط ..!!
سيف ضرب لي كلمني بالحاصل هههههههههههههههههه
Post: #341 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: امير مصطفى احمد Date: 11-28-2010, 06:26 AM Parent: #340
بقال سلام
Quote: سيف ضرب لي كلمني بالحاصل هههههههههههههههههه
انت اكيد قاصد حسن لانه بتاع قوالات
Post: #342 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 11-28-2010, 01:56 PM Parent: #341
Quote: انت اكيد قاصد حسن لانه بتاع قوالات
سيف برضو ما مقصر من القولات
Post: #343 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-28-2010, 05:52 PM Parent: #342
وليد ...
Quote: ياخي نحن ذااااااتنا بقينا نهو هو
كلنا هذا الرجل ..
Post: #344 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-28-2010, 05:53 PM Parent: #342
ناصر ..
Quote: حلوة مطرود مقدما دي هههههههه
دا أحدث أسلوب في الطرد ههههههه
Post: #345 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-28-2010, 05:57 PM Parent: #342
النزير ..
Quote: ملاحظة يا ناذر: ليه كل الشخصيات في هذه الرواية لديهم أسماء ما عدا الزول النبزوهو؟! من المفترض أن تنجر له اسم وللأ شنو؟! فما الحكمة في ذلك؟ إلا أنك أنت الشخص المقصود.
منو القال ليك ؟!!
أساسا هو إسمو كدة .. إسمو بالكامل (الزول النبذوهو خلف الله محمد جمعة) ....ههههههههه
يا النذير .. أنا من الأول عارف القصة دي حا تطول وحرصت جدا ما أكتر في الأسامي عسشان الناس المتابعة ما يروح ليها الشخصيات .. هسي أنا متأكد تماما الناس القرت القصة عارفة تماما حامد وعلي وحسن وسيف وضعهم شنو في القصة حتى لو إنقطعوا عن المنبر كم يوم .. لكن لو كترت ليكم الاسامي الشغلة بتجوط ..
يا مان وقف التخمين في وضعيتي في القصة لحدي ما تنتهي القصة وننزلا مسابقة ههههههه
Post: #346 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-28-2010, 05:58 PM Parent: #342
بقال ...
Quote: بالكاميرا ولا تصوير بالعيون ساكت ؟؟
لا لا .. تصوير بالعيون ساي ..
وحسن ما محتاج أكتر من كدة .. الحمد لله البقى ما تسجيل مكالمة المرة دي ..!!
Post: #347 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: معاذ حسن Date: 11-28-2010, 06:33 PM Parent: #346
Quote: الضابط إقتنع بعدما إتكلم مع حامد بي نفسو .. واحد من العساكر الزهجانين وما راضين عن الوضع سأل الضابط .. هسي نحن نمشي وين يا سعادتك ؟؟!!
هههههههههه يا ابو النيز والله الواحد كأنو عاش الفلم دي تحفة وجاهزة نجض شغلك زي ما نجضت القصة بالتوفيق يا عزيز
Post: #348 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-28-2010, 06:41 PM Parent: #347
Post: #349 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-28-2010, 06:43 PM Parent: #347
لا حوللااااااااااااه يا معاذ !! إنت لسع هنا :
Quote: هههههههههه يا ابو النيز والله الواحد كأنو عاش الفلم
رجعتنا صفحتين عدييل كدة ..
يعني أسبوعين بي مقياسنا الارضي ههههههه
Post: #350 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-29-2010, 09:24 AM Parent: #341
يا أمير اعمل حسابك عشان حسن متابع البوست دا كويس ..!!
ما يقوم يسجل ليك حاجة ..!!
Post: #351 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 11-29-2010, 08:19 PM Parent: #350
*
Post: #352 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: mona altom Date: 11-29-2010, 10:27 PM Parent: #350
كيفينك ياناذر ود الخليفه ربنا يسعدك ويفتحا عليك محل ماتقبل
والله اسعدتنا بسردك المميز لوقائع حادث الجريو
Post: #353 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: هويدا شرف الدين Date: 11-30-2010, 05:34 AM Parent: #352
في الإنتظار يا سيف
Post: #354 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الشاذلى خيرى عبد الله Date: 11-30-2010, 09:02 AM Parent: #353
ناذر يا حبيب ..
قدر ما اقول عليك تحفة .. تطلع اتحف ..
ــــــــ
اتحف دى كيف عليك الله
Post: #355 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-30-2010, 12:22 PM Parent: #354
Post: #356 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-30-2010, 12:23 PM Parent: #354
هويدا ..
Quote: في الإنتظار يا سيف
جاييك يا حسن ..!
Post: #357 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-30-2010, 12:25 PM Parent: #354
الشاذلي ..
Quote: قدر ما اقول عليك تحفة .. تطلع اتحف ..
هههههههههههههههه أتحف دي مبالغة ..
Post: #358 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-30-2010, 12:25 PM Parent: #354
جاييك يا بقال ..
Post: #359 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 11-30-2010, 01:06 PM Parent: #358
Post: #360 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-01-2010, 09:53 AM Parent: #359
اتصبرتو بيهو ؟!!
Post: #361 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 12-02-2010, 07:12 AM Parent: #358
Quote: جاييك يا بقال
جاييني بعد لحقت البوست في الصفحة الثانية ؟؟؟؟
Post: #362 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-02-2010, 10:35 AM Parent: #361
علي جا راجع البيت زهجان وقرفان من الوضع .. بقى كل ما يمشي النادي يشتبك مع صحبو سيف ويتضاربو .. جا داخل البيت وخاتي في راسو أخوهو حسن والفتنة العملا وما عارف انو حسن شاف الشكلة جبيل ..
علي كشف يرة البيت لقى عربية حامد ما في طوالي دخل على البيت .. الجريو شاف علي دور هيو .. هيو .. هيو .. علي نهر الجريو المسكين قهمو .. قبل ما علي يمش أوضة حسن عاين للجريو والجريو عاين ليهو .. فكر ينتقم من حسن يشيل الجريو يجدعو برة او يوديهو مرة تانية لي سيف .. لكم في أخر لحظة غير رايو ..
علي : يا ود أنا ما بنادي فيك ؟! ما تقول ايوة ؟! حسن : أيوة ؟! علي : عامل فيها مسيخ يعني ؟! حسن : ما سمعتك قلت ليك أها داير شنو ؟! علي : إنت شنو حركاتك دي ؟ تمشي تنقل قوالات لي حامد بي الشكلة ؟! حسن : مش دا الحصل ؟ شنو تغش حامد تقول ليهو سيف طيب وهو بيضارب فيك ؟! علي : إنت الدخلك شنو أساسا في الموضوع ؟ مش الجريو بتاعك شلتو ؟ تاني مالك معانا ؟! حسن : سيف دا أنا ما بخليهو .. كم يوم جهجهني في الموضوع دا ؟! علي : وكمان شنو حركات تسجيل المكالمات القاعد تعملا اليومين دي ؟! حسن : ما لازم أعمل كدة عشان الكلام ما تنكروهو إنت أو سيف ؟! علي : يا زول ما عندك معانا شريعة وتاني ما أشوفك داخل في مواضيعنا دي ..! حسن : شنو هو الما بتشوفني ..؟ ما عندي معاكم شغلة .. لكن سيف دا أنا ما بخليهو كلو كلو .! علي : حا تعمل ليهو شنو يعني ؟! دا تهديد ولا شنو ؟! حسن :أيوة تهديد أنا بعرف أسوي ليهو شنو .. بس خلي حامد يجي .! علي : شنو حامد يجي دي .. داير تنقل ليهو شنو كمان ؟! حسن : إنت عارف أنا حا أقول ليهو شنو ؟! حا أحكي ليهو الحصل في النادي جبيل ..!
علي إتوتر لكن كضب الشينة وسأل حسن بي توتر ولهجتو إتغيرت ..!
علي : حصل شنو تاني كمان ؟! حسن شكلتكم التانية .. قايلني ما عارفا ولا شنو ؟!
علي رقد سلطة وقرب يبكي وبقى على التحانيس ..
علي : الوراك منو المرة دي ؟! كدي سمعني التسجيل ..! حسن : ما في أي تسجيل .. شفتكم بي عيني المرة دي .. علي : عليك الله يا حسن ما تكلم حامد بالموضوع دا يقوم يفرتق النادي مرة واحدة ..! حسن : يا زول ما تحنسني .. أنا لا زم أكلمو عشان يتصرف مع سيف دا الكل يوم داير يشاكل ..! علي : يا ود قلت ليك ما توريهو .. مش سيف دا أنا با خد ليك حقك منو . حسن : حا تعمل ليهو شنو يعني ؟! أنا بوري حامد يقفلو في السجن عشان يتأدب ..! علي : أنا بعرف إتصرف معاو .. أهم حاجة حامد ما يعرف .. إتفقنا ؟! حسن يا زول ما إتفقنا ولا حاجة .. مش أنا قلت ليك سيف دا ما بخليهو ؟! علي : يعني داير تضرني عشان تصفي حسابك مع سيف ؟
الوكت دا الجريو دور هيو ..هيو ..هيو .. الباب فتح وفي زول جاي داخل .. علي بيحنس في حسن ما يوري حامد وحسن مستمتع بي تحنيس أخوهو ليهو .. الوكت دا حامد جا داخل ..
حامد : في شنو ؟ مالكم ؟ اللماكم شنو هنا الليلة جمب بعض كدة ؟! علي بي سرعة : ما في حاجة .. جيت لي حسن أديهو وصية بتاعت واحد صحبو ..! حامد : ومالك كابي عرق كدة في البرد دا ؟! علي : كنت جاكي مع الشباب قبل شوية .. حسن : يا حامد في حاجة داير أقولا ليك ..! حامد : قول ..
الوكت دا علي بقى يعفص كراع حسن عشان ما يتكلم وحسن مستمتع تماما ..
حسن : جبيل جا عوض الشغال معاك بسأل منك وختى ليك الدفتر داك ..! حامد : مالو ما ضرب لي تلفون ؟! حسن : ضرب ليك لكن تلفونك كان مقفول وقال بكرة تاني بيمر عليك .. حامد : أوكي .. في حاجة تانية ؟
قبل ما حسن يتكلم علي نط :
علي : ناس عبد الحليم قالو ليك ما تنس العقد يوم التلاتاء بعد صلاة العصر ..! حامد : أي والله ذكرتني خلاص بمشي ليهم .. حسن : في موضوع تاني داير أقولو ليك ..!
الوكت دا عفيص علي لي حسن بقى شلاليت عديل وحسن مواصل داير يتكلم..
قبل ما يبدأ محمد حسين من برا نادى حامد .. حسن قال لي حامد .. خلاص أمشي لي أبوي وانا بجيك بعدين ..
حامد مشى لي أبوهو وبي هنا علي عرقو جرى وحمد ربنا على التوقيت ..
علي بي صوت إنكساري : عليك الله يا حسن ياخي ما توري حامد .. أنا مش أخوك ؟! حسن : يا دوب عرفتني أخوك .؟! من زمان تنهرني وتجوط فيني وكمان واقف مع سيف في موضوع الجريو ؟! علي : والله ما حصل يا حسن يا خ ؟! كيف يعني أقيف مع الغريب ضد اخوي ؟! حسن : وقفت معاو ودي ما دايرا كلام ..عشان كدة أنا لا زم أكلم حامد بالشكلة دي ..
حسن عمل فيها داير يقوم من الكرسي .. علي مسكو من يدو وداير يبكي عديل ..
علي : عليك دينك وإيمانك ما توريهو يا حسن كدة بتضرني أنا وبتضر النادي كلو ؟! حسن : ما بوريهو لكن على شرط .. علي : كل شروطك قولا انا قبلان بيها .. حسن : ما تتدخل تاني نهائي بيني وبين سيف في الموضوع دا ولا أي موضوع لي قدام .. فهمت ؟! علي : أيوة فهمت تاني في حاجة ؟! حسن : أيوة ..أمشي الدكان جيب ليك كيسين لبن للجريو عشان أنا ما قادر وما عندي قروش وتعال أديهم ليهو ؟! علي : أنا أمشي أجيب لبن للجريو ؟! إنت قليل أدب ولا شنو ؟ كيف ترسلني أنا ؟! حسن : يا زول قلت ليك أمشي جيب ليهو اللبن وكمان أغشى معاك المطعم جيب ليهو بواقي أكل ولا أنا بمشي بوري حامد قصة الشكلة ..!
علي رقد جرجير ..!!
علي : خلاص خلاص .. أنا ماشي لكن أوع أجي القاك كلمتو ..! حسن : إنت لسع قاعد ؟؟!
علي سرعة جا طالع من اوضة حسن .. وهو ماشي لي برة الجريو جاهو جاري هيو ..هيو.. هيو .. حامد فكر يضرب الجريو شلوت يكتلو لكن إتذكر تهديد حسن .. طلع برة مشى على الدكان .. في الطريق قابل الزول النبذوهو ..
النبذوهو سأل علي : ماشي وين يا مان ؟ علي : ماشي الدكان .. أرح معاي .. النبذوهو : عندك شنو في الدكان ؟!.. علي : ماشي أجيب لي شوية حاجات لأنو أنا الليلة عينوني في الخدمة .. النبذوهو : في خدمة البيت ؟ علي بي سرعة : في خدمة الجريو ..!!
Post: #363 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-02-2010, 02:58 PM Parent: #362
القصة في خواتيمها يا شباب ..
فضل فيها مشهدين بس ..
كنت داير أديكم رابط تتصبرو بيهو لكن في واحد كدة رسل لي في الإيميل سبا لي زي سب حسن لي الزول النبذوهو داك وحذرني أخت أي روابط تانية في القصة ..!!
عشان كدة أمشو إتصبروا بي سندوشتي أو أي حاجة تانية ...!!
Post: #364 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-03-2010, 10:00 AM Parent: #363
تلاتة يوم علي شغال في خدمة الجريو ..!! يعني أكتر من الفترة القضاها العسكري الما قبلان بالوضع داك في نفس الخدمة ..!
يمشي الدكان مرتين في اليوم يجيب اربعة أكياس لبن ويدنقر قدام الجريو يكب ليهو اللبن في الصحن بتاعو والجريو فرحان بالخدمات الفندقية المتواصلة البيعبر عنها بي :هيو .. هيو .. هيو ..!!
لحدي ما جاء يوم التلاتاء ... يوم العقد بتاع ناس عبد الحليم .. ودا يوم الطامة الكبرى بالنسبة لي كل الأطراف ..!!
نمشي نشوف الحصل شنو في العقد ..
Post: #365 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-03-2010, 12:58 PM Parent: #364
العقد بتاع ولد عبد الحليم العصر ...
حامد جا داخل .. طبعا بحكم وضعو الإجتماعي في الحلة .. إحترامات ووجاهات شديدة .. بعد شوية بقوهو وكيل العريس .. العقد إنتهى والجماعة قعدوا للمرطبات على أنغام فرقة (أولاد المنزل) بتاعت المديح .. حامد جمبو كمية من الجلاكيم بيتكلموا في مواضيع متفرقة .. واحد منهم فتح موضوع النادي ..
جلكيم 1 : يا حامد موضوع النادي ماشي كيف ؟! حامد : والله ما بطال شايف أولاد الحلة ما مقصرين فيهو .. جلكيم 2 : لكن يا حامد النادي دا كنت تديهو لي مقاول ينفذوا .. دا شغل كتير على الأولاد ديل .. حامد : والله ما كتير عليهم وبالمرة ينشغلوا بدل اللمة قدام البقالات وتحت العواميد .. جلكيم 1 : والله أنا شايف الأولاد ديل مشاكلم كترت في بعض وأنحن والله ما بنقدر على التلتلة معاهم .. جلكيم 3 : وقبل كم يوم كمان إتشاكلوا مع بعضم جوة وبرة النادي .. جلكيم 2 : هي شكلة عادية ؟؟! .. قالوا واحد فيهم فاتح راس رفيقو بي حديدة لمن ودوهو المستشفى ..! حامد : ما حصلت حاجة زي دي .. كانت شكلة بسيطة وأنا حليتا ليهم .. جلكيم 2 : هي لكن نبقى في شكل الاولاد ديل كل يوم ؟! ديل كدة حا يجيبوا لينا السمعة ساكت ..! حامد : متين كل يوم ؟؟!! كانت مرة واحدة بس ..!! جلكيم 2 : كان كدة إنت ما عارف حاجة .. الجماعة ديل عملوا شكلة تانية غير ديك واظن أمبارح عندهم شكلة برضو ..! حامد : المتشاكل فيها منو ومنو ؟؟! جلكيم 2 : والله ما عارف لكن ود فور بتاع الدكان الفاتح على النادي هو الحكى لي ..! جلكيم 1 : أهنداك ود فور .. ود فور ؟ ود فور ؟ تعال دقيقة عليك الله ..!!
ود فور بتاع الدكان جاهم بي مركوبو الأحمر وطاقيتو الخضرراء ..!!
ود فور : السلام عليكم ..!@ الجلاكين : عليكم السلام أقعد إتفضل ..! جلكين 1 : يا ود فور عليك الله احكي لي حامد بي الشكلة ..! ود فور : الاولى ولا التانية ؟! حامد : يعني حصلت شكلتين ورا بعض ؟! الأولى منو ومنو والتانية منو ومنو ..!! ود فور : إنت ما عارف ولا شنو ؟ الإتنين بين علي أخوك وسيف ..!! حامد : يا زول متأكد ؟؟؟! ود فور : كيف ما متأكد يعني .! يا خي في الشكلة التانية الجماعة ديل كشحوا لي قدرة الفول .. وكسروا لي كم قزازة بيبسي ..! حامد : لكن أنا ما عرفت .. أنا وروني بالشكلة الاولى بس ..! ود فور : اسأل علي أخوك وهو بيوريك ..! جلكيم 2 : بي صراحة يا حامد بالطريقة دي حتى لو النادي إنتهى ما بينقعد .. لا زم تقعد الأولاد ديل تشوف ليهم حل ..! حامد : أنا ما قايل الموضوع وصل كدة ..! ود فور : وحا يصل أكعب من كدة لأنو في الشكلة التانية سيف قال لي علي حا أجيب معاي ساطور المرة الجاية ؟! حامد : يا زول ؟! ود فور : وعلي ما قصر قال بيجيب معاهو جُقدي كمان ..!! جلكين 3 : دا موضوع خطير زي ما إنت سامع يا علي .. الجماعة ديل حايرتكبو جريمة في بعض بعدين نقول يا ريت ويا ريت ..! حامد : لا لا دا موضوع ما بينسكت عليو .. كدة الليلة بحسمو ..!
حامد قام إستأذن من الجماعة ومشى على عربيتو يغلي من الزعل ..
كييييييييييييييف علي ما يوريهو بي الشكلة دي ...!!
ويا علي جاك نفر ..!!
Post: #366 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-04-2010, 10:29 AM Parent: #365
Post: #367 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Mahjob Abdalla Date: 12-04-2010, 12:57 PM Parent: #366
Quote: ود فور : وعلي ما قصر قال بيجيب معاهو جُقدي كمان ..!!
يعني علي طلع من عندنا برضو و بيعرف جقدي
سلامات يا هبيب
Post: #368 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-04-2010, 02:40 PM Parent: #367
علي جا داخل البيت شايل لبن الجريو كالعادة الجريو مما شافو دور .. هيو .. هيو ..هيو كيييييف ما يوهوه.. ما الجريو نقش إنو علي دا هو المعين في خدمتو الأيامات دي .. صنقر قدام الجريو كب ليهو اللبن والجريو بدا يشرب ويهوزز في ضنيبو ...
في اللحظة دي حامد جا داخل ..
حامد : بتعمل شنو يا علي ؟! علي : بدي الجريو لبنو ؟! حامد : وليه يعني ؟! حسن وينو ؟! علي : حسن مرق مشوار وكلفني بي الشغلانية دي ..! حامد : ومن متين إنت بتسمع كلام حسن ولا بتحب الجريوات ..
علي إتلعثم ..
علي : لا لا ما كدة .. بس أنا خفت الجريو يموت ولا حاجة ..
حامد بقى يكشف لي علي بي نظرة شك طوييييلة .. في حاجة هنا حامد ما فاهما .. وعلي مرتبك من نظرات حامد ..
حامد : متين أخر مرة إتشاكلتو في النادي ؟!
علي إتدربك ..!
علي : كيف يعني ؟! حامد : السؤال دا ما واضح ؟! علي : إتشاكلنا المرة الفاتت ديك وإنت عارف .! حامد : إنت بتكذب علي منو يا علي ؟!
الوكت دا علي إنهار .. عرف إنو حامد عارف الشكلة وما داير ينكر زي المرة الفاتت بعدين يبقى منظرو شين ..!
علي : إتشاكلنا مرة تانية أنا وسيف لكن شكلة بسيطة ..! حامد : بسيطة لي درجة كشحتو قدرة ود فور وكسرتو قزايز بيبسيهو مش ؟..! علي : ما كدة بس في اثناء بيحجزونا واحد لزانا على القدرة وقامت إنكشحت ..ًًَََ حامد : وبرضو لزوكم على القزايز قامت إتكشحت فوق يدينكم وإستعملتوها مش ؟!
علي بقى يشيل ويرص في الكلام الما مفهوم ..
حامد : أنا بكرة بعرف إتصرف في الموضوع دا .. إنتو الواحد ما يعاملكم زي الناس كلو كلو ؟! والنادي دا أنا بكرة بحسم امرو ..
حامد دخل جوة البيت خلى علي خشمو ملح ملح .. علي أول حاجة عملا ضرب لي حسن لقاهو برة البيت .. قال ليهو تجيني هسسسع دي ..!!
الجريو : هيو .. هيو .. هيو ..!!
علي عاين للجريو وحمر ليهو .. شالو وجمبغو جوة اللبن بتاعو قرب يغرقو فيهو .. بقاو جريو باللبن ..! وبعد داك جدع الجريو في الركن وشال باقي اللبن كباهو في راس الجريو المسكين .. والجريو إستغرب من تغير المعاملة الفندقية ودور بي صوت مختلف شوية .. هيييو .. هيييو .. هيييو ..!!
علي طلع إنتظر حسن قدام البيت وحسن جاييهو من هناك ..!!
حسن : أديت الجريو لبنو ؟! علي : بلا لبن بلا د...ـن معاك أنحنا إتفقنا علي شنو ؟! حسن : شنو قصدك ما كلامنا كان واضح ؟! علي : أنا مش قلت ليك ما تكلم حامد بالشكلة ؟! حسن : والله ما كلمتو ؟! منو القال ليك هو عرف ؟! علي : داير تستهبل علي ولا شنو ؟! حسن : والله العظيم ما كلمتو بيكون ..!!
قبل ما حسن يتم كلامو علي رصاهو كف .. وحسن ما قصر لصق في علي بنية .. والشكلة دورت قدام البيت والجريو شغال .. هيو .. هيو .. هيو ...
خبت .. كفيت .. خنق .. دلاديم لحدي ما جا عمك محمد حسين مارق .!!!
يا أولاد دا شنو .. فكو يا علي .. زح يا ود حسن ...
شافوا ابوهم طوالي فكو بعض وأبوهم نادى حامد .. قعدوا يبرروا الحصل محمد حسين قبل لي حامد وقال ليهو : أول حاجة جريو الشوم دا ما داير أشوفوا في البيت دا شيلو أرميهو برة يا حامد ..
الجريو شاف حامد جاي عليهو دور هيو هيو هيو .. زي الداير يقول والله دا ما أنا ..
علي وأخوهو وأبوهم دخلو جوة ... حامد شال الجريو دخلو في كيس نايلو ومشى دور العربية .. وهو في الطريق ماشي شاف سيف قاعد قدام بيتم .. في حفرة متوسطة قدام البيت مليانة موية .. حامد دخل بي لستك عربيتو جو الحفرة .. جُممبُلُغ الموية الوسـخـانة إنكشحت في سيف .. طبعا حامد قصد يعمل المغرزة دي .. سيف هاج وسب لي حامدكل أنواع السباب المعروفة والما معروفة .. حامد ما قصر نزل من العربية ونط في سيف والشكلة دورت .. أولاد النادي كانو جو بيت سيف .. سمعو الجوطة جو طالعين برة شافوا الشكلة قعدوا يحجزوا .. فكوهم بعد تعب .. سيف قعد يكورك قال ماشي القسم يفتح بلاغ عشان كشحوهو بالموية .. حامد دور عربيتو ومشى على دكان ود فور الجمب النادي ..
حامد : تعال يا ود فور !!.. ود فور : إتفضل يا حامد داير شنو ؟! حامد : شيل الجريو دا اربطو جمبك هناك وهاك دي خمسين جنيه أديهو لبن كل يوم ..! ود فور : الجريو دا حا يجيب لي المشاكل يا حامد وأنا ما داير مشاكل ..! حامد : الجريو دا أنحن ما دايرنو !! .. بقى بتاعك إنت وأنا أديتك قروش إعاشتو . مشاكل شنو تاني .! ود فور : طيب ممكن أديهو لي ود خالتي يشيلو معاو بيتم في الفتيحاب ؟! حامد : قلت ليك إنت حر .. وديهو الفتيحاب .. وديهو القفيلاب .. دي بقت ما شغلتي ...
ود فور طبق الخمسين جنيه و شال الجريو جوة الدكان جاب ليهو حبل وربطو من رقبتو .. عاين كدة لقى ما في حتة يربطوا فيها .. دخل جوة النادي ربطو في كراع شيالة المزيرة .. ومشى يجيب ليهو لبن من التلاجة ..
الوكت دا ناس النادي جو داخلين .. طبعا سيف ما معاهم لأنو مشى القسم يفتح بلاغ .. وعلي برضو ما معاهم قاعد في البيت لأنو أبوهو حماهو هو وحسن يطلعوا ..
الجماعة شافو الجريو مربوط ومدور هيو هيو هيو ...!
النبذوهو : دا جريو منو يا جماعة . ما يكون دا جريو حسن داك ؟! والله ما عارفينو هو ولا ما هو ؟! .. النبذوهو : والجابو هنا شنو ؟! أنحنا مالنا يا خي !! ارح ندور الوست ..!!
الجماعة قلبوا الطربيزة وطلعوا الفردة وبدوا في الوست والخرخرة وسف الصعوط ..!!..!!!
بعد شوية شافو ود فور جا داخل النادي شايل لبن وصحن قديم .. ود فور خت الصحن قدام الجريو وكبا ليهو اللبن .. الجريو فرحان برجوع الخدمات الفندقية الحليبية بعد ما كشحوا ليهو اللبن جبيل فوق راسو وعطنوهو فيهو .. ود فور ملى الزير موية على غير عادتو ورش الأرض حول الزير ..
طبعا أولاد النادي إستغربو..!!
النبذوهو : يا ود فور دا جريوك ؟! ود فور : أي بتاعي ؟! النبذوهو : من وين جبتو ؟! ود فور : جبتو محل ما جبتو .. اي حاجة مضايقاك ؟! وإنت فاضي لي تربية الجريوات ؟! ود فور : ما فاضي .. لكن أعمل شنو ما دام عينوني في الخدمة هنا ؟! النبذوهو : عينوك في خدمة النادي ؟! ود فور بي سرعة : في خدمة الجريو ..!!
Post: #369 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-04-2010, 03:15 PM Parent: #368
شاو دور شيد وينك يا صاحب .؟!!
يا خي إسمك الجديد دا أصلو أبى ينبلع لي .. غايتو إلا تغير صورة البروفايل حتين أناديك بيهو ..!!
Quote: يعني علي طلع من عندنا برضو و بيعرف جقدي
ود فور قالا جقدي لكن ما أظن علي قال كدة ..
بيكو ن قال خنجر أو مطوة لكن ود فور ترجما جقدي لي حامد والجماعة ..!!
Post: #370 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-04-2010, 03:17 PM Parent: #369
يا جماعة ما تمشوا بعيد القصة ما إنتهت ..ََ
لكن فضل فيها مداخلة واحدة بس بجي بكتبا بعدين لو ربنا حيانا ..
أديكم حاجة تتصبروا بيها ولا عماد حا يسب لي في الإيميل ؟!
Post: #371 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 09:31 AM Parent: #370
Post: #372 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: هويدا شرف الدين Date: 12-05-2010, 10:46 AM Parent: #371
الوقت العاوز تدينا فيهو حاجه نتصبر بيها دا نزل فيهو النهاية يا سيف جننتنا
Post: #373 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 11:12 AM Parent: #372
حاااضر يا حسن .. النهاية بكتبا هسعع دي ..!!
Post: #374 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Mahjob Abdalla Date: 12-05-2010, 11:53 AM Parent: #373
Quote: ود فور قالا جقدي لكن ما أظن علي قال كدة ..
بيكو ن قال خنجر أو مطوة لكن ود فور ترجما جقدي لي حامد والجماعة ..!!
انت عارف انا كده مصدقك تماما انو وقائع القصة دي حقيقية لانو ود فور فعلا بكون قالا جقدي حتي لو سمعا بمصطلح اخر... وكونك سمعت الكلمة بالحرف من ود فور
Post: #375 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 12:06 PM Parent: #373
تاني يوم من الصباح حامد من البيت ضرب لي ناس الشركة بتاعتو بتاعت الترحيلات ..
حامد : ألو ؟! جعفر معاي ..!! جعفر : ايوة جعفر .. معاي منو ؟! حامد : شنو معاي منو دي ؟ إنت الرقم ما ظاهر عندك ولا شنو ؟! جعفر : أهلا حامد معليش الشاشة بتاعتي طفت أمبارح ..! حامد : وين إنت هسي ؟! جعفر : متحركين ما شين نجيب السيراميك بتاع شركة الهيثماوي ديك نوديهو ليهم ..! حامد : خليك من شركة الهيثماوي والكلام دا .. إنت معاكم كم عربية ؟! جعفر : عربيتين دفار جامبو ؟! حامد : معاك عمال .! جعفر : أيوة في ..! حامد أسمع كلامي دا كويس .. أضرب الشركة وخليعم يرسلوا ليك عربيتين تاني ومعاهم العمال ..! جعفر : لكن يا حامد العربيتين العندنا بيكفوا ..! حامد : أسمع كلامي يا خ؟! أنا المشغلك ولا إنت المشغلني ؟! جعفر : إنت المشغلك ..! حامد : شنو ؟! جعفر : قصدي إنت المشغلني ؟! حامد : تجيب الاربعة دفارات دي وتجي ورا بيتنا هنا .. في حاجات دايرين نرفعا ..! جعفر : والسيراميك بتاع الـ ..... حامد : يا زول إنت مشغلك ولا أنا مشغلني ؟! جعفر : شنو ؟! حامد : قصدي أنا مشغلك ولا إنت مشغلني ؟! جعفر : أنا مشغلني حامد : شنو ؟! جعفر :قصدي إنت مشغلني ؟! حامد : خلاص سيب الفي يدك دا وتعالوا محل ما قلت ليك لمن تصل أضرب لي وأنا منتظركم هناك ..! جعفر : أوكي نص ساعة بنكون عندك ..
الدفارات غيرت إتجاها ومشت على حلة ناس حامد .. طبعا الدنيا صباح والنادي فاضي ما فيهو غير الجريو تحت المزيرة وود فور في دكانو مرة مرة بيجي يتاوق على الجريو ..
بعد شوية الأربعة دفارت جو وقفو قدام النادي ... ضربو لي حامد حامد جاهم ..
حامد : أسمعوا الكلام دا .. اي حاجة هنا قدامكم أرفعوها ودوها المخزن ما تخلوا اي شي ..! جعفر : يعني نفرتك الحديد والسور برضو ؟! حامد : يا خي مالك داير تجنني إنت كمان ؟!! قلت ليك اي حاجة .. يلا أبدو أنا مستنيكم ..
العمال هجموا على النادي بالكواريك والطواري والمرزبات .. بدو أول حاجة يفرتكوا في السور ويرفعوا الحديد في الدفارات .. إنتهوا قبلوا على الطرابيز والكراسي .. رفعوها برضو .. في عواميد في النص مثبتة فيها اللمبات قلعوها ورفعوها .. في طوب وزنك وأسمنت في الكورنر .. كلو رفعوهو ..
نشفوا الحتة نشاف .. ما فاضل ليهم إلا يرفعو ود فور وقدرة فولو ..!
الجماعة ديل في ساعتين دمروا شغل شهرين بتاعين أولاد الحلة ..
جعفر : يا حامد خلاص إنتهينا ما فضل إلا المزيرة دي والجريو دا ..! الجريو : هيو .. هيو ..هيو ...!! حامد : يا ود فور .. يا ود فور ..!!
ود فور الكان بيكشف للحاصل جا جاري ..
ود فور : أيوة يا حامد ؟! حامد : المزيرة دي تبعك إنت ولا جابوها أولاد الحلة ؟! ود فور : جابوها أولاد الحلة يا حامد ؟! حامد : أرفعا معاي ولا أخليها ليك ؟! ود فور : لا لا خليها بتنفعني ..! حامد : بتنفعك في شنو ؟! ما أهنديك عندك هناك واحدة .! ود فور : في الحقيقة هي بتنفع الجريو دا لأني رابطو فيها وبيكون بعيد من الزبائن ..! الجريو : هيو ..هيو .. هيو .. حامد : خلاص حا أخليها .. بس أنا ما داير أولاد الحلة يتلموا هنا تاني ..! ود فور : بعد ما إنت شلعتها ليهم خلا تاني القاعدين ليها شنو ؟!
حامد أدى تعليمات والعربات دورت وهو زاتو دور إتخارج ..!
الميدان رجع خلا زي الأول ما فيهو إلا المزيرة والجريو تحتا يوهوه .. هيو .. هيو .. هيو ..!!
المغرب جا وأولاد الحلة جاييين على النادي يتغالطوا في وست امبارح .. شايلين معاهم حفاظة موية وفردة وست وأربعة أكياس صوط دبل قبينة ..!!
دخلو الميدان أول الشارع .. كشفوا للميدان ..
الله .. دخلنا الشارع غلط ولا شنو ؟! النبذوهو : مالو الشارع زي الماياهو كدة ؟! لا لا يا هو زاتو أهندك دكان ود فور والمزيرة .. النادي اختفى ولا شنو ..!!
مشوا على ود فور :
النبذوهو : ود فور ! النادي إتسرق ولا شنو ؟! ود فور : إتسرق كيف يعني ؟! يعني جو حرامية فرتكو الحديد وسرقوا الحاجات ولا شنو ؟! ود فور : إنتو ما عارفين يعني ولا شنو ؟! ما عارفين والله .. البلدية جات أزالتو ولا شنو ؟! ود فور : لا ما البلدية .. حامد هو الأزالو ..!! النبذوهو : يا زول دا كلام شنو ؟!! ود فور: دا الحصل ..! وليه يعني حامد عمل كدة ؟! ود فور : إنت بتسألني مالك ؟ أسألوا نفسكم ..!! طيب هسي ما خلى أي حاجة هنا ؟! ود فور : اللهههههههههه يا خي ذكرتني ..! النبذوهو : أها ..! ود فور : البرش الختيتوهو عندي أمبارح حامد ما شالو ..! النبذوهو : كدي طلعوا لينا نقعد فيهو نشوف الحاصل شنو ؟!
النبذوهو : يا اخوانا الحاصل شنو ؟! والله دي قصة غريبة حامد بي نفسو يضيع تعبنا كدة ؟!. النبذوهو : معناها الموضوع إتطور بين سيف وعلي وحسن .! طيب نحن ذنبنا شنو ؟! النبذوهو : كدي النضرب لي علي ..!!
ضربو لي علي .. علي تلفونو مقفول .. ضربو لي سيف لقوهو في النيابة بيرفع عريضة ضد حامد ضربو لي حسن سبا ليهم ونبذم وشتمم كلهم ..!
سفوا صعوط وإتكلو على بعض بيعاينو في الجريو ..!! الجريو بيعاين ليهم.. مرة يشرب في اللبن ومرة ياخد نفس يشبكم ليك .. هيو ..هيو .. هيو ..!!
وهم يسفوا ويتفوا في التمباك بدون أي كلام ..
الجريو خلص لبنو وقعد على كرعينو الورا ودور ليك فيهم :
Post: #376 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 12:14 PM Parent: #375
ها يا جماعة ..!!!
يا دوب كدة حا نسال :
أنا يا تو شخصية في القصة الواقعية العجيبة دي ..!!
ولي علم الجميع القصة دي أنا ما إتدخلت فيها إلا بي معالجات درامية للحوار وبعض الإضافات لزوم ترتيب الحبكة ..
لكن هيكل القصة كما هو ..
أها يا شباب .. أنقرو أنا منو ؟! وأي إجابة سابقة غير معتمدة ..!!
Post: #377 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد آدم النور Date: 12-05-2010, 12:23 PM Parent: #376
إنت الجريو أقصد إنت الزول النبذوهو
Post: #379 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Mahjob Abdalla Date: 12-05-2010, 12:29 PM Parent: #376
الجزء الثاني بيبدأ متين؟
Post: #380 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: الزبير صالح الزبير Date: 12-05-2010, 12:33 PM Parent: #376
Quote: (إنتهت بحمد الله ) ....
يااخوي انتهت كيفن يعني نعمل شنو يعني بعد دة يالله بسرررررررررررررررراع انجر لينا واحدة تاني
انت ممكن تكون اخو حامد علي
Post: #378 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: عفاف الصادق بابكر Date: 12-05-2010, 12:28 PM Parent: #375
Quote: (إنتهت بحمد الله ) ....
بااالغته يا ناذر ... فى النهاية شلعتها ..
Post: #381 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد حيدر المشرف Date: 12-05-2010, 12:58 PM Parent: #378
شكرا يا ناذر .. شكرا جزيلا
الحته دى اعتقد فيها خطأ والمقصود على وليس حسن ..
Quote: حسن عاين للجريو وحمر ليهو .. شالو وجمبغو جوة اللبن بتاعو قرب يغرقو فيهو .. بقاو جريو باللبن ..! وبعد داك جدع الجريو في الركن وشال باقي اللبن كباهو في راس الجريو المسكين .. والجريو إستغرب من تغير المعاملة الفندقية ودور بي صوت مختلف شوية .. هيييو .. هيييو .. هيييو ..!!
Post: #382 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابوبكر قسومة Date: 12-05-2010, 01:58 PM Parent: #381
ناذر الخليفة,سرد ممتع حد الدهشة, بتعرف للقص والرص تمام, باين عليك زول بتستلم الونسات في بيوت البكاء والاعراس. لكن يا خوي من خلال سردك للحكاية باين عليك واحد من الجلاكين (الجلاكيم) - شايفك مرة قلتها جلكين ومرة جلكيم- اللي كانوا في بيت العقد ...وكان مابخاف الكضب ...انت الجلكين (الجلكيم) اللي وصل خبر الشكلة الحصلت في النادي لي حامد زاتووو.
Post: #383 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 02:21 PM Parent: #382
ههههههههههههههه
والله يا شباب الضحك كتلني جاني إيميل من واحد متابع قعد يحلل في القصة كلها أنقروا في النهاية طلعني منو ؟!!
يا خي مبالغة هههههههه ما قادر أكتب من الضحك ومن الدموع ..!!
يا شاو دورشيد اهو طلعوني من إندكم رايك شنو ؟ هههههه
دقيقة أرجع أرد عليكم واحد واحد
Post: #384 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 02:23 PM Parent: #382
محمد أدم ..
Quote: إنت الجريو أقصد إنت الزول النبذوهو
كدي النشوف لو كلامك طلع صاح ..!!
Post: #385 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 02:27 PM Parent: #382
شاو ..
Quote: الجزء الثاني بيبدأ متين؟
الزبير ..
Quote: يااخوي انتهت كيفن يعني نعمل شنو يعني بعد دة يالله بسرررررررررررررررراع انجر لينا واحدة تاني
انت ممكن تكون اخو حامد علي
غايتو القصة الواقعية إنتهت ..
لكن للضمان ختيت كم إشارة عشان تكون مفتاحية لو في جزء تاني منجور ..
ما تنسوا القصة إنتهت وسيف لسع في القسم قدام الضابط اللئيم داك والعسكري الما قبلان بالوضع .. وإنو الإشكالية ما إتحلت بين سيف وعلي .. وإنو النادي إتشلع وما معروف مصيرو شنو ..!!!
غايتو لو ربنا أد العمر إنشاء الله بنكتب جزء تاني .!
Post: #386 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 02:28 PM Parent: #382
عفاف ..
Quote: بااالغته يا ناذر ... فى النهاية شلعتها ..
قصدك أنا حامد ولا شنو ؟؟!!
Post: #389 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: nabielo Date: 12-05-2010, 02:36 PM Parent: #386
الف شكر يا ناذر استمتعنا بالقصة بس ما كان تغير اسلوب السرد الذي بدأت به كان واضح فيهو العفوية و البساطة في السرد بس الظاهر اشتهار القصة اثر فيك فقلت تحبك الموضوع شوية هههههه
نتمي ليك التوفيق مع اولاد بمبة و اعمل حسابك ما ياكلوك حنك ساكت
تحياتي
Post: #387 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 02:29 PM Parent: #382
شكرا يا ود المشرف يا لميح..
Quote: الحته دى اعتقد فيها خطأ والمقصود على وليس حسن ..
تم التعديل ..
Post: #388 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 02:30 PM Parent: #382
قسومة ..
Quote: وكان مابخاف الكضب ...انت الجلكين (الجلكيم) اللي وصل خبر الشكلة الحصلت في النادي لي حامد زاتووو.
هههههههههههههههههههه
دي غايتو زي بتاعت أنا ود فور ههههههههه
Post: #390 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: النذير حجازي Date: 12-05-2010, 02:45 PM Parent: #388
Quote: عفاف ..
Quote: بااالغته يا ناذر ... فى النهاية شلعتها ..
قصدك أنا حامد ولا شنو ؟؟!!
سلام يا ناذر عفاف قصدها شلعت نهاية القصة زي شليع حامد للنادي. وأتفق معها في ذلك
مفروض أولاد الحلة يفتحوا في حامد بلاغ في تشليع النادي
تحياتي
Post: #391 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 03:00 PM Parent: #390
شاو ...
Quote: انت عارف انا كده مصدقك تماما انو وقائع القصة دي حقيقية لانو ود فور فعلا بكون قالا جقدي حتي لو سمعا بمصطلح اخر... وكونك سمعت الكلمة بالحرف من ود فور
يا زول أنا ما سمعت حاجة .. ولا أااااااا قصدك أنا حامد ..!!
Post: #392 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 03:04 PM Parent: #390
نبيلو ..
Quote: الف شكر يا ناذر استمتعنا بالقصة بس ما كان تغير اسلوب السرد الذي بدأت به كان واضح فيهو العفوية و البساطة في السرد بس الظاهر اشتهار القصة اثر فيك فقلت تحبك الموضوع شوية هههههه
الاسلوب الأول كان بيعتمد عللى السرد أكتر من كتابة الحوارات .. زي هسي لمن شرحت حامد دخل بي عربيتو في الموية كشح بيها سيف وإتضارب معاهو .. دي كتبتها من غير حوار ..
لكن صراحة الاثر فيني مش إشتهار القصة .. الأثر فيني إستعجال الجماعة لتكملة القصة ودي عملت لي ضغوط شديدة ..
لكن الحمد له وصلنا للنهاية بي سلام ..
مشكور على الملاحيظ ..!!
Post: #393 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-05-2010, 03:06 PM Parent: #390
النذير ..
Quote: مفروض أولاد الحلة يفتحوا في حامد بلاغ في تشليع النادي
المشكلة إنو دا ما حصل على أرض الواقع .. أنا حاولت بقدر الأمكان أخلي القصة في إطارا الواقعي .. لكن لو جات فكرة جزء تاني فأكيد أولاد الحلة مفروض فيهو يفتحو بلاغ في حامد .. أي نعم النادي إتعمل بي قروشو .. لكن أولاد الحلة بذلوا فيهو مجهود جبار ..!
Post: #394 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: محمد عثمان الحاج Date: 12-05-2010, 05:30 PM Parent: #393
تحياتي ناذر، بعد غياب اثنين وعشرين سنة من السودان حكاية الجريو دي حيرتني جدا، الظاهر الشعب السوداني الأنا بعرفوا انقرض وحل محله شعب جديد، لأنو آخر ناس خليتهم في السودان قبل ما أطلع منو كان أكيد واحد فيهم من أولاد الحلال أدى الجريو ده عكاز على راسو ورماهو في الكوشة عقابا له على تسببه في مشاكل بين الجيران، الشعب السوداني الإنقرض لم يكن أبدا يتبارى أفراده في تدليل جريو تسبب في كل هذه المشاكل بهذا الشكل، فكيف أصبحت الكلاب محبوبة في هذا الشكل في السودان، طبعا أقول هذا الكلام من واقع إنه كان عندنا سلسلة من الكلاب التي كان إطعامها يوميا واحد من هواياتي المفضلة أيام الطفولة ولكن للأسف هلك جلها بعكاكيز الغاضبين أو عجلات سيارات المسرعين، ولم تسلم حتى فططنا المسكينة من تلك العكاكيز! ياناس الحاصل شنو في بلدكم دي؟ ( وجه مندهش)!
الحكاية الجاية لازم تكون بطلتها كديسة صغيرة حفاظا على التوازن بين الكلاب والقطط! ياخي شاعرات الحماسة والفروسية عندنا يشبهو الزول الشجاع بالتمساح، شوف الكديسة دي هرشت التمساح كيف، تقول لي جريو:
Post: #395 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ابراهيم بقال سراج Date: 12-05-2010, 05:35 PM Parent: #393
غايتو انت واحد من ناس الحلة ؟؟؟؟
وزي ما قلت ليكم في بداية البوست لا سيف لا النادي وياهو الحصل النادي اتشلع باقي يشلعوا سيف
القصة لسع ما انتهت يا نادر
انت قلت ضربوا لسيف لقو سيف في النيابة بعمل عريضة ضد حامد
اها الحصل شنو من الود ال ......... دا ؟؟؟؟
خيرا فعلت يا حامد
Post: #396 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: هويدا شرف الدين Date: 12-06-2010, 05:29 AM Parent: #395
سيييييييييييييييييييييييييييييييييييييييييف
Post: #397 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: اميرة السيد Date: 12-06-2010, 06:45 PM Parent: #396
الحبيب الحبوب ناذر وصلت وين في التفاوض مع شركات النشر في طباعة الكتاب.. وبعدين القصة انتهت ولا لسع؟ واذا انت عاوز مساعدة في اختيار نهاية سعيدة أو نهاية مأساوية للقصة ، فأنا جاهزة لتقديم المساعدة وعندي ليك نهاية ممكن تخلي كل اعضاء المنبر العام يبكوا بصوت عالي .. بس الثمن 25 % من الربح المتوقع من بيع الكتاب!!!
Post: #398 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ساميه حامد Date: 12-06-2010, 10:56 PM Parent: #397
انا من البداية قلت ليك انت حامد
وبختك يا عم لانو حامد اسم ابوي
Post: #399 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Khalid Osman Jaafar Date: 12-07-2010, 00:24 AM Parent: #398
سلام يا ناذر،
قصّة ممتعة جدّاً ومشوّقة
لكن جريوكم ده بالغ شديد! ده مفروض يختّوهو مع ناس براقش والبسوس وكده! D:
لكن تعال هنا ..
جريو شنو البيشرب لبن كل يوم ده! إلا كان كديسة متنكّرة ولا حاجة p:
غايتو شايف "المخرج" أعاد إستعمال كم "افيه" كده م اللي جابوا دخل! (;
لسّة بتفتّش علي إسم للقصّة؟
سميها:
"شلّعوها الجريوات"! D:D:D:
Post: #400 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-07-2010, 03:30 PM Parent: #399
سلام محمد عثمان ..
Quote: تحياتي ناذر، بعد غياب اثنين وعشرين سنة من السودان حكاية الجريو دي حيرتني جدا، الظاهر الشعب السوداني الأنا بعرفوا انقرض وحل محله شعب جديد، لأنو آخر ناس خليتهم في السودان قبل ما أطلع منو كان أكيد واحد فيهم من أولاد الحلال أدى الجريو ده عكاز على راسو ورماهو في الكوشة عقابا له على تسببه في مشاكل بين الجيران، الشعب السوداني الإنقرض لم يكن أبدا يتبارى أفراده في تدليل جريو تسبب في كل هذه المشاكل بهذا الشكل، فكيف أصبحت الكلاب محبوبة في هذا الشكل في السودان، طبعا أقول هذا الكلام من واقع إنه كان عندنا سلسلة من الكلاب التي كان إطعامها يوميا واحد من هواياتي المفضلة أيام الطفولة ولكن للأسف هلك جلها بعكاكيز الغاضبين أو عجلات سيارات المسرعين، ولم تسلم حتى فططنا المسكينة من تلك العكاكيز! ياناس الحاصل شنو في بلدكم دي؟ ( وجه مندهش)!
والله يا محمد عثمان ما كل الناس بتحب الجريوات والكلاب .. بس دي صدفة حصلت والقدر لعب فيها دور كبير وكتل ليهو نادي ..!!
Quote: الحكاية الجاية لازم تكون بطلتها كديسة صغيرة حفاظا على التوازن بين الكلاب والقطط! ياخي شاعرات الحماسة والفروسية عندنا يشبهو الزول الشجاع بالتمساح، شوف الكديسة دي هرشت التمساح كيف، تقول لي جريو:
غايتو عمنا الكروكودايل دا إلا كان مرضعاهو نعجة ..!!
Post: #401 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-07-2010, 03:31 PM Parent: #399
بقال ..
Quote: القصة لسع ما انتهت يا نادر
انت قلت ضربوا لسيف لقو سيف في النيابة بعمل عريضة ضد حامد
اها الحصل شنو من الود ال ......... دا ؟؟؟؟
الحصل تاني ما بيتوصف ..
داير ليهو جزء براو ..
Post: #402 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-07-2010, 03:32 PM Parent: #399
Post: #403 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-07-2010, 03:34 PM Parent: #399
اميرة ..
Quote: الحبيب الحبوب ناذر وصلت وين في التفاوض مع شركات النشر في طباعة الكتاب.. وبعدين القصة انتهت ولا لسع؟ واذا انت عاوز مساعدة في اختيار نهاية سعيدة أو نهاية مأساوية للقصة ، فأنا جاهزة لتقديم المساعدة وعندي ليك نهاية ممكن تخلي كل اعضاء المنبر العام يبكوا بصوت عالي .. بس الثمن 25 % من الربح المتوقع من بيع الكتاب!!!
غايتو مدير قناة تلفزيونية عرض أقعد معاهو نتفاهم في القصة وكيفية تحويلا لعمل درامي ..
..
نهاية مأساوبة دي إلا تكوني عايزة الجماعة المتشاكلين يستخدمو السواطير والجقديات ..!!
Post: #404 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-07-2010, 03:35 PM Parent: #399
سمية ..
Quote: انا من البداية قلت ليك انت حامد
وبختك يا عم لانو حامد اسم ابوي
راجعي مداخلاتي ..
Post: #405 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-07-2010, 03:39 PM Parent: #399
خالد ..
Quote: لكن تعال هنا ..
جريو شنو البيشرب لبن كل يوم ده! إلا كان كديسة متنكّرة ولا حاجة p:
دا جريو يا خي .. يعني لسع ما فطموهو .. إشتروهو فصلوهو من شطر أمو المسيكين .!! يعني دايرو يشرب شنو ههههه
Quote: غايتو شايف "المخرج" أعاد إستعمال كم "افيه" كده م اللي جابوا دخل! (;
إنت الليلة معين في خدمة منو يا خالد ؟!!
Quote: لسّة بتفتّش علي إسم للقصّة؟
سميها:
"شلّعوها الجريوات"! D:D:D:
تم منحها تسمية رسمية وهي (جريو .. قصة واقعية ..!!)
والشكر الجزيل لكل من أقترح هذا الإسم ..!!
Post: #406 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: Khalid Osman Jaafar Date: 12-07-2010, 07:30 PM Parent: #405
Quote: إنت الليلة معين في خدمة منو يا خالد ؟!!
ما الجريو غايتو! D:
Post: #407 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-08-2010, 02:20 PM Parent: #406
هههههههه
Post: #408 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-12-2010, 04:57 PM Parent: #407
رُفع على مسئولية صاحبه ..
لزوم تغيير المزاج العام من حالة الإحباط والألم والحزن السائدة في المنبر هذه الايام ...!
الله ما شق حنكا ضيعوا ..
Post: #409 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: ناذر محمد الخليفة Date: 12-18-2010, 04:03 PM Parent: #408
قصرت معاك ؟؟!!!
Post: #410 Title: Re: قصة عايشتها بنفسي : جِرِيوْ يتسبب في سجن رجل أعمال شهير وتفرقة بين أسرتين وصديقين حميمين . Author: نيازي مصطفى Date: 12-18-2010, 04:06 PM Parent: #409
بااالغته يا ناذر ... فى النهاية شلعتها ..