نقلاً عن صحيفة دنيا الحوادث : (صورة للبني أحمد حسين وهي ترتدي الزي الفاضح) !!

اجرت صحيفة دنيا الحوادث اليومية الصادرة فى الخرطوم امس الاول حوار صحفى باللغة الدارجية عن محكمتها بمحكمة النظام العام طالعوا نص الحوار الذى نشر اليوم وبالصور وقالت لبنى في ثنايا الحوار
المتهم الكاتل رقبة لما يسألو يقول انا بري لكن انا طلعت كروت الدعوة عشان الناس تجي تحضر المحكمة ويسمعو الحصل من الاتهام ما يسمعو مني وانا اصلا ماعندي قضية دفاع وقضية دفاعي هي قضية الاتهام نفسها يعني انا طبعت 500 كرت دعوة زي كروت العرس واليوم ماشة المطبعة عشان استلم 5 الف كرت ثانية لانو انا دايرة الناس تسمع الاتهام وشهوده فقط الاتهام الموجه لي في يومية التحري هو المادة 152 من قانون النظام العام سيئ السمعة من القانون الجنائي لسنة 1991 (المحترم) ويقول نص المادة ( من يأتي في مكان عام سلوكاً او فعلاً مخلاً بالاداب او يتزي بزي فاضح مخل بالاداب العامة بسبب مضايقة الشعور العام يعاقب بالجلد لايتجاوز (40) او بالغرامة او بالعقوبتين معاً المادة هذه فيها الزول بتزي بزي فاضح ومامكتوب فيها ماهي معايير الزي الفاضح يعني زي لبس الجامعة مثلاً (جامعة الخرطوم) عندها شروط انو البت ما تلبس بنطلون انا بكون عارفة اني لو مشيت ببنطلون ولو معاه بلوزة تحت الركبة ما بدخلوني دا القانون كان يكتبا ويقول الزي الفاضح ده معناه البنطلون عشان الزول يعمل حسابو ويكتبو ان مواصفات الزي الفاضح كذا وكذا يعاقب بالجلد بما لايتجاوز الـ(40) جلدة يعني يقر ليك انو عقوبة الزي ممكن تكون الجلد ده نص القانون الناس لما اقول ليهم كدا يستغربو غرامة وجلد انا ما عارفة الناس البعملو جرائم حرب يعاقبوهم بي شنو نمرة اتنين يعد الفعل مخلاً بالاداب العامة اذا كان كذلك في معيار الدين او عرف البلد ودي عبارات فضفاضة وما محددة لانو في نفس الوكت بهدومي انا مشيت بيها دول عربية كثيرة في دول عربية مسلمة يحسبوني من المحجبات وانا ما عندي انفصام في الشخصية وماعندي ازدواجية وما بلبس في داخل السودان لبس وخارج السودان لبس في كثير من البنات بيعملةا كده انا جوا السودان وخارج السودان دي هدومي حتى بنات حماس بيلبسو بنطلون جينز ملصق وخاتين ليهم طرحة ويعتبرو روحهم محجبات مافي معيار اما اذا حسبنا العرف نقول معليش في عرف السودان سنة 60 لبس البنطلون على لصيق كان موضة ارجع للصور الابيض باسود شفون حاجة تالتة اذا كان زي ده فاضح بالمناسبة البنات الذين تم جلدهم والقبضوهم معاي لا انا لابسة زيهم ولا انا اكبر منهم طرحة فيهم اللابسة بنطلون اضيق مني فيهم اللابسة بلوزة ..

بعضي اصبعي وبقول الناس ديل ليه ما قبضوني انا واقول الحمدلله الذي لايحمد على مكروه سواه والحمد لله الفرصة جاتني لحدي عندي وشفت بي عيني مش سمعت بي اضاني واحب اقول ليك انو الناس ما بتصدق انو البت دي اجلدت في هدوم الها لو صدقوها بعد داك بتقيمو عليها سجن ده اذا ماكان ابوها انصدم زي محصل لواحدة اذا كان خطيبا خلاها زي ما حصل لواحةد ده اذا ما كانت واحد فقدت الامل وانتحرت.

حتى الان انا لم اقل لك الحصل كذا وكذا وانا كنت بصلي في جامع وقبضوني انا دايراك تسمع الاتهام انا المحل القبضوني فيه بالبنطلون ده فيهو ما لايقل عن 300 شخص عزلوا البنات اللابسات بناطلين تحديداً وكان بالمحل رجال ونساء اسر واطفال كل قطاعات المجتمع وهو محل مفتوح توزيعي للدعوة لحضور المحكمة لي ثلاثة اهداف اولها انو كنت لما اسمع انو البنت لوقبضوها ناس النظام العام كنت بعض اصبعي (احييي) لما اسمع انو بت ودوها النظام العام بي هدوم.

دعوة لحضور المحكمة

اطول مني والله على ما اقول شهيد في واخدة لابسة بلوزة طول بلوزة الضابطة الفي القسم وياريت لو في الحملة القى القسم وياريت لو في الحملة بيجو نساء كانت كلها رجال وفوق ده اقرا المادة في القانون (الافعال الفاضحة) لنفترض انو ناس الحلة سمعو انو فلانة بنت علان قبضوها ناس النظام العام وجلدوها في اعمال فاضحة دي تفسيره شنو اصلها ما عندها تفسيرين لذلك انا طبعت كروت وزعتها للاصدقاء وللانترنت وللفضائيات عشان الناس تجي تشوف الافعال الفاضحة البنجلد فيها البنات وللاسف بعدما النظام العام يجلد البنت والجلدة بتروح لكن المجتمع بيجلد طول حياتا هل تصدق انو البنت انجلدت في بنطلون الافظع ان تظل وصمة العام تلاحقها وتلاحق اسرتها ومافي زول بيصدق انها انجلدت لانها لابسة بنطلون لو انا بعد انجلدت وجيت حلفت المصحف صفحة صفحة برضو مافي زول بيصدقني لذلك انا طبعت كروت الدعوة للناس عشان يجو يشوفو بعينهم ومامني من الاتهام منو البصدق انا كنت دايره القانون يحدد اللبس الفاضح ده شنو بعدين البشرع القوانيين هم الاغلبية خلاص اوكي بس يسموه اللبس الفاضح ويحدوه هو شنو لكن ما ممكن انت تخلي السلطة لعساكر هم زي قطاعات الشعب السوداني كلهم فيهم الخير والشر نديهم مادة في القانون زي دي يفسروها على هواهم انا برفض تماماً حملات النظام العام لان الزي الانا لابساهو قبل ما يكون في حاجة اسمها النظام العام كان بيلبسو الضابطات وبيشكو بالقاش ودي مؤسسات نظامية انا كلامي كلو الان لاعن شخص كفرد ووجت اتصالات وتضامن مع الزملاء واغلبهم رجحوها لاستهداف شخص انا بستبعدها ده تعاملهم مع قمار الناس الاستهداف هو من ادوات الكيد السياسي وانا ما برجح الاستهداف الشخصي لانو معاي عشرة بنات انجلدو وانا طالبت بمحامي.
مثل هذا الزي الذي البسه كانت تلبس مثله منتسبات القوات النظامية في الشرطة والجيش والسجون كلنا نتذكر ان الضابطات والسسترات قبل ما يسمى بالنظام العام كن يرتدين القميص والبنطلون والقاش انا الان لا البس قاش كما اضيق طرحه كما ان البنطلون تلبسه مضيفات سودانير هل هو حلالاً لهن لانها شركة حكومية ام ماذا؟؟؟؟! كما ان اكبر مول تسويقي وكلنا يعلم ان اصحابه اسلاميين ترتدي عاملاته البنطلون وافضل بلوزتي لانها غير مفتوحة من الجنبتين.
الاستهداف: لا ارجح الاستهداف من البداية اقصد بداية القبض وسير الاجراءات الاستهداف يمكن ان استهدف بعد توزيعي لكروت الدعوة وليس قبل ذلك.
الهدف من كروت الدعوة
ان يكون الناس شهوداً ويسمعوا باذنهم ويروا باعينهم من الاتهام لا مني ويحكموا بانفسهم هل هناك جريمة ام لا
ـ ثانياً لارد الاعتبار لمئات بل آلاف الفتيات اللائي جلدن في النظام العام سبب اللبس ثم تابع المجتمع جلدهن باللسان لان لا احد يصدق انها جلدت بسبب اللبس
ثالثاً حتى لايصاب الآباء بسكته قلبية كما حدث لواحدة من البشرة من زميلات القضية اذا سمع ان بنته في النظام العام لانه من الممكن ان تكون في ملابس هي في تقدير البضع خاصة.
رابعاً: وهذا هو الاهم لتسليط الضوء على هذا القانون وهذه المادة التي لايمكن ان تكون مستمدة من الشريعة الاسلامية الا ان تكون من شريعة الغابة.
رسالة للمجتمع المرأة السودانية محترمة والملابس ما مقياس للأخلاق
ـ الهدف من الدعوة :
1/ والله لا اريد تبرئة نفسي وانا مقدمة كروت الدعوة دي عشان الناس تمشي تسمع الاتهام حيقول شنو ودي قضية دفاعي انا صاح كنت في مكان عام وصاح لابسة اللبسة دي وينا الجريمة والغريب انا كروت الدعوة الطبعتها دي شلتها ماخليت وزارة بما فيها وزارة العدل ووزعتها وانا لابسة نفس اللبسة القبضوني بيها وقصدت ادخل الوزارات بنفس اللبس العدل والخاجرية والقصر الجمهوري بابوابه الثلاثة لامن موظف استقبال رفض دخولي لذلك انا بسال شنو اللبس البيسبب مضايقة للشعور العام يعني ديل ماعندهم شعور عام انا ما بتهم العساكر تحديداً ولكن هم من شرائح المجتمع السوداني فيهم الصالح والسيئ عشان كده انت بتقدم الدعاوي دي لمحاكم عادلة اتجازية.
البنات العشرة (الانجلدوا) واحد منهم (تبولت) لان منهم بنات صغار ماعندهم تجارب وتبولت من الرعب ولما يسالوها بتقول (زي فاضح) لان ماعندهم محامي ولاخبرة والواحدة دائرة تتخارج بدون فضائح فيهم قاصرات وفيهم مسيحيات انا ما فوق القانون وما بتضارى وراء حصانة انا ما عندي مشكلة انجلد ولكن (ليشهد عذابي طائفة من المؤمنين) وغيرهم عشان يشوفوا انا (انجلدت) في شنو وشعان يعرف الناس (بناتن)انجلدوا في شنو..!!

Quote: (صورة للبني أحمد حسين وهي ترتدي الزي الفاضح) !!

الله يفضحكم ... انا خجلت أورّى الصورة دى (بالزى الفاضح دا) لى الـ Roommate بتاعى هنا فى أمريكا ... الناس دى ما قاعدة تشوف بيانسى نولز و ريانا وجانيت جاكسون بلبسن كيف؟

فضحتونا .. بالزى "الفاضح" دا ... الله يفضحكم ... والله حقّو الزول يجيب ليهو سوط عنج كبير ويمشى السودان ينزل جلد فى الشارع من طرف ... خصوصاً "النينجا" ديلاك .....

(حقيقى المرة دى شكلها جميل، وكان ممكن تلبس احسن من الشالات والملافح والعبايات الملفلفة بيها دى! الشبط الأصفر برضو فاضح!)




... المهم ...

Quote:

الاخ الكريم

ناذر

الرجاء التقيد بقوانيين المنبر

-الصور المخلة بالأداب سيتم حذفها مباشرة


تعرف ياسيد ناذر الاتهام الاهبل دى بذكرني

نكته الكديسه المسطوله وهى راكبه المركب

وفى نص البحر قالت للفار بتكشح بالتراب مالك

الفار قال للكديس انت كديس مسطول حسى وينوا التراب

عليكم الله ياناس الحيكومه انتم فرقكم من السيد الكديس

شنـــــــــــــــــــــــــــــــوووووووا

اختشـــــــــــــــــــــــوا



الاخت المهيره

لبني أحمد حسين

انتى والمهيرات شــــــــــــرف للبلد

وهنالك المزيد من الصور الفاضحة للبنى أحمد حسين سأنشرها لاحقاً !!

فاتني التنويه بمنع إصطحاب الأطفال لهذا البوست !!

كامل التضامن مع الاستاذة لبني احمد حسين ضد هذه الهجمة المسعورة ..

كامل التضامن مع بنات ونساء السودان ضد القاونين الجائرة وغير المسئولة ..

لكن الله يا نساء بلادي ..





شكرا ناذر الخليفة

كامل التضامن مع الاستاذة لبني احمد حسين ضد هذه الهجمة المسعورة ..

كامل التضامن مع بنات ونساء السودان ضد القاونين الجائرة وغير المسئولة ..

لكن الله يا نساء بلادي ..





شكرا ناذر الخليفة

..
.
.
الهجمه شرسه جدا علي لبنه بس منبرنا هذا أشـــرس منهم. فالينتظرون فضحهم هنا في المنبر.. الارزقيه خائفي الاقلام..

دائما المجرم يخاف عندما يكتب عنه.. والشريف العفيف يفرح عندما يكتب عنه.. لانه متأكد من أنه لم يظلم أحــد او يقم بأخطاء ويترك الامور للمواطن.
وهذا هو مربط الفرس يا ناذر خليفة.







تحياتي عبرك لوسمحت
للاخت لبنه أحمد .
.
.
.
..







حروف كانت ناقصة عدلتها

وينو الزي الفاضح هنا؟



القوانين وضعية كانت أم سماوية ما بتحتمل الانتقائية

الخرطوم مليانة بنات لابسات من غير هدوم

وبالذات مساءات الخرطوم وبعد تسعة

ولا ديلك بلبسن بموجب بند في اتفاقية السلام بين الشريكين؟



أبنوسي

Quote: ولا ديلك بلبسن بموجب بند في اتفاقية السلام بين الشريكين؟

يا تبلدى يا أبنوسى ...

نحن جايين من جيل ... البنات قرن معانا بالإسكيرتات المينى والبلوزات العارية وشغل الكوفير كان على ودنو زى ما بقولوا .... ولمن يكون فى حفلة .... يا سلام على السودانيات لمن يكون فى حفلة ... حاجة تشرح القلب ...

عشان كدا .... لفلفة الصحارى والبوادى دى فى الخرطوم أصلو ما واقعة لى ....

اتمنى لو بنات السودان كلّهن بلبسن بى موجب بند فى الإتفاقية .. مش اتفاقيتنا؟ نلبس بيها وناكل بيها ونصوّت بيها ونحكم بيها ونقوم بيها ونقع بيها ....

ومافى أى زول يتجرّأ ويستثنى "لبنى" من الإتفاقية ...






... المهم ...

مالو لبسكم الفاضح دا
ملان سخانة قدر دا

شكرا ناذر
وكل التضامن الصحفية لبنى أحمد.

شكرا ناذر
وكل التضامن مع الصحفية لبنى أحمد.

شكرا ناذر لنقل الحوار و الصورة

الفاضح ليس لبس لبنى بل الفاضح هو استهداف النساء و محاصرتهن في لقمة عيشهن ولبسهن.

لا فاضح إلا طريقة تقييم لملبسها و محاكمة الآخرين بانتقائية

لا لقانون جائر لا يكفل حرية و كرامة الممتثلين له ...


شكرا يا ناذر،

Quote: لا فاضح إلا طريقة تقييم لملبسها و محاكمة الآخرين بانتقائية لا لقانون جائر لا يكفل حرية و كرامة الممتثلين له ... شكرا يا ناذر،

بهذا المعيار كان ان يجب ان يتم جلد حبوباتنا وامهاتنا !!
فعلا من اين اتى هؤلاء !
لم نعرف ان الاسلام دخل السودان فى 30 يونيو 1989 بعد ان قام بفتحه العميد عمر حسن احمد البشير!
جنى

كامل التضامن مع الصحفية لبنى أحمد حسين

Quote: فاتني التنويه بمنع إصطحاب الأطفال لهذا البوست !!

بعد شنو يا ناذر ياهو دا ولدي يبكي و غلب السكات
و انا ذاتي اتفضحت
خاصة الشبط زي ما قال تبارك _فاقع_

ناذر الخليفة
تضامني الكامل غير المحدود مع الصحفية الشجاعة لبنى.

Debate on Lubna's issue

BBC FM

الآن 22:00 بتوقيت مكة المكرمة

____________________

لقد كبرت!!!

الخرطوم - سعدالدين حسن؛ دبي - العربية.نت


قامت صحافية سودانية معروفة بتوزيع 500 بطاقة على شخصيات إعلامية ومن حقوق الإنسان والمجتمع المدني لحضور عقوبة جلدها "40 جلدة" بتهمة ارتدائها لباسا "غير لائق"، وذلك كبادرة احتجاجية في حال تم الحكم عليها.

وتم توقيف لبنى أحمد الحسين التي تكتب في صحيفة "الصحافة" اليسارية وتعمل أيضاً مع بعثة الامم المتحدة في السودان، مع فتيات أخريات الأسبوع الماضي في الخرطوم، بتهمة أن طريقة لبسهن تتنافى مع قواعد النظام العام في البلاد.

وقالت لقناة العربية خلال لقاء مباشر معها من الخرطوم، ظهرت فيه بنفس الثياب التي اعتبرتها الشرطة "غير لائقة"، إنه "في الثالث من يوليو كنت في مطعم حين دخل شرطيون إلى قاعة حفل يضم نحو 300 إلى 400 شخص وطلبوا من الفتيات اللواتي ترتدين سراويل مرافقتهم" الى مفوضية الشرطة.

وأضافت الصحافية التي ترتدي غطاء رأس "لقد اصطحبوني و12 فتاة أخرى بينهن (جنوبيات).. وتم تنفيذ عقوبة 10 منهن في مفوضة وسط الخرطوم حيث تلقت كل واحدة منهن 10 جلدات".

ووجه الى الثلاث الباقيات وبينهن الصحافية، الاتهام "بموجب الفصل 152 من القانون الجنائي السوداني" بحسب ما أضافت، مشيرة الى أن تاريخ المحاكمة لم يحدد حتى الآن.

وبررت الحسين توزيعها للبطاقات على الشخصيات الإعلامية لحضور جلدها في حال تم إدانتها، أن "المجتمع لن يرحم، والناس لن تصدق أنه تم جلدي بسبب ارتداء ثياب عادية"، وأوضحت "فضلت أن يتم تنفيذ العقوبة بحضور الناس ليتوضح لهم سبب الجلد".

مهددة بـ40 جلدة


وينص الفصل 152 من القانون الجنائي السوداني على عقوبة من 40 جلدة لكل من يرتكب فعلاً غير لائق أو ما من شأنه ان يسيء للآداب العامة أو يرتدي لباساً غير لائق، وأضافت الصحافية "أريد أن يعرف الناس ما جرى".

وفي رسالة نُشرت على موقع "فيس بوك" ونسبت للصحافية لبنى جاء فيها: "أشكركم كثيراً وأود أن أعرب عن سعادتي لهذا التضامن، الذي أرجو أن يسلط الضوء على المادة 152 من القانون الجنائي لسنة 1991، ذلك أن قضيتي في بدايتها ليست قضية استهداف شخصي لي أنا ككاتبة... ولا هي تفلت عرضي من بعض أفراد شرطة النظام العام"، بحسب ما أوردته الوكالة الفرنسية.

وتضيف: "قضيتي هي قضية البنات العشر اللواتي جلدن في ذات اليوم.. وهي قضية عشرات بل مئات بل آلاف الفتيات اللواتي يجلدن يومياً وشهرياً وسنوياً في محاكم النظام العام بسبب الملابس.. ثم يخرجن مطأطآت الرأس لأن المجتمع لا يصدق ولن يصدق أن هذه البنت جلدت فى مجرد ملابس.. والنتيجة الحكم بالاعدام الاجتماعي لاسرة الفتاة وصدمة السكري أو الضغط او السكتة القلبية لوالدها وأمها.. والحالة النفسية التي يمكن أن تصاب بها الفتاة ووصمة العار التي ستلحقها طوال عمرها كل هذا في بنطلون.. والقائمة تطول، لان المجتمع لا يصدق انه من الممكن ان تجلد فتاة او امراة في (هدوم).


500 بطاقة دعوة لحضور الجلد


وتتابع الصحافية لبنى الحسين: "لهذا طبعت 500 بطاقة دعوة ليحضر الناس والمتضامنون والاصدقاء والاخوان والشامتون أيضاً.. انها دعوة عامة.. وكما ترون أنني لم اسرد حتى الآن تفاصيل ما جرى.. تعمدت ذلك.. وحتى يسمع الناس بآذانهم ويروا بأعينهم من أقوال الاتهام وشهوده.. وليس مني أنا.. وإذا كانت هناك ثمة اسئلة تدور حول لماذا يقبض على البعض ويترك البعض الآخر؟ فإن هذا سؤال وجيه يمكن ان يطرح على الشرطة او النيابة. .ولنرى بماذا يحكم الناس.. ولنرى ما هي الافعال الفاضحة ما ألبسه أنا ولبسته البنات اللواتي جلدن".

تجدر الإشارة إلى أنه وبخلاف بعض البلدان المجاورة فإن المرأة تملك حضوراً واسعاً في الحياة العامة في السودان، غير ان بعض القوانين لاتزال تنطوي على تمييز ضدها بحسب منظمات الدفاع عن حقوق الانسان.

واعتبرت بعض التنظيمات النسوية في السودان الحادثة فرصة للتحرك لالغاء قانون النظام العام، وسط جدل مستمر في المجتمع، بين تيار يؤيد القانون لضبط الشارع العام، وآخر يعتبر الزي حرية شخصية في مجتمع لا تخطئ عين تباينه العقدي والفكري والثقافي.

وانتقدت رشا عوص الصحافية والناشطة في حقوق المرأة القانون برمته، فيما تحدثت رجاء حسن خليفة عن ضرورة التوازن في ضبط الشارع العام ومعالجة القصور في جوانب الخلل في القانون..


صحافية سودانية توزع بطاقات لحضور عقوبة "جلدها" بسبب بنطال



لله درك ..

Quote: الهدف من كروت الدعوة ان يكون الناس شهوداً ويسمعوا باذنهم ويروا باعينهم من الاتهام لا مني ويحكموا بانفسهم هل هناك جريمة ام لا ـ ثانياً لارد الاعتبار لمئات بل آلاف الفتيات اللائي جلدن في النظام العام سبب اللبس ثم تابع المجتمع جلدهن باللسان لان لا احد يصدق انها جلدت بسبب اللبس ثالثاً حتى لايصاب الآباء بسكته قلبية كما حدث لواحدة من البشرة من زميلات القضية اذا سمع ان بنته في النظام العام لانه من الممكن ان تكون في ملابس هي في تقدير البضع خاصة. رابعاً: وهذا هو الاهم لتسليط الضوء على هذا القانون وهذه المادة التي لايمكن ان تكون مستمدة من الشريعة الاسلامية الا ان تكون من شريعة الغابة.

أشهد أنها قد حاكمتهم قبل أن يحاكموها


شكراً ناذر

Quote: بهذا المعيار كان ان يجب ان يتم جلد حبوباتنا وامهاتنا !! فعلا من اين اتى هؤلاء ! لم نعرف ان الاسلام دخل السودان فى 30 يونيو 1989 بعد ان قام بفتحه العميد عمر حسن احمد البشير! جنى

شكراً ناذر على هذا البوست الرائع

وكامل تضامننا مع الأستاذة لبنى

والظلم ليلته قصيرة

"أبوفواز"

Quote: الشبط الأصفر برضو فاضح!

صحيح.

********

كامل تضامنا مع الاخت لبني

شكرا لكن من مر بهذا البوست ..

توقعت أن يسأل أحدكم عن صحيفة (دنيا الحوادث) الجديدة نسبيا على الساحة !!

صحيفة (دنيا الحوادث) هي نتاج لفكرة عدد من الصحافيين الذين يقومون بتغطية الدوائرالعدلية والقانونية بدأت اسبوعية كل احد قبل ان تتحول الى صحيفة يومية اول صدورلها كان الاحد 17 مايو2009 والمؤسسين هم حافظ الخير من جريدة الرأي العام، خالد فتحي من جريدة الصحافة، وطارق عبدالله من جريدة الوان .
الصحيفة بدأت بداية قوية بتناول حلقات عن مقتل صاحب الوفاق محمد طه محمد احمد لكن الحلقات وقفت باوامر امنية بعد نشرثلاثة حلقات .

هذا للمعلومية ..

كامل التضامن مع الصحافية لبنى فى وقفتها الصلبة ضد الظلم والطغيان.

كامل التضامن مع الصحافية لبنى فى وقفتها الصلبة ضد الظلم والطغيان.

إنتو الجماعة ديل

مش ياهم ناس فضل الظهر ديك

بركاتك يا ود مضوى

الظاهر اللبس ما اداهم

الفى مرادم يعنى حشمة

زايدة شوية

احبك يا لبنى احمد حسين وانت تتقدمين الصفوف
لم تنقصنى الى هذه الصور لأتأكد منك .
ايام العيشة باهية
والقلوب صافية
تقابلنا كثيرا
لم ينقص من بهاك شيئا
بل تزدانين جمالا وألقا
لك التحية
ضياء ميرغنى

.
كامل تضامني مع الصحفية الرائعة لبنى و التي برهنت أن كلامها (كلام رجال)..



تقديري لزيك المحتشــم ..و..لا.. لإساءة استخدام السلطة


الشكر كله للفنان ناذر


.

تضامني الكامل مع الصحفية لبني أحمد حسين

اود ان اسرد حكاية عن بعض التناقض الذي نعيشه

لدي زميل مصري في موقع العمل ظللت احدثه باستمرار عن صنف اهل الانقاذ وحال البلاد
ولكنه كاخ مسلم لم يكن يصدق شيئا مما اقول وظللنا نتجادل كثيرا
الى ان جاءني ذات صبح - قبل حوالي 8 او 9 سنوات ما بتذكر -
و عبر لي هن خيبته في البشير وانه غير رأيه تماما
فسألته عن الامر فحكى لي انه شاهد الليلة الفائتة في قناة عربية مقدمة برامج مشهورة في ضيافة البشبر بمكتبه
واجرت معه حوارا
قال لي المرأة كانت مكشوفة تماما، شعر كاشف، اسكيرت فوق الركبة بقليل و صدرها اكثر من عاري و البشير - حسب روايته - كان منبسطا للاخر
وعادي
قال لي كيف لرئيس يقول انه يتبع سنة الرسول ان يقبل بالجلوس بمواجهةامرأة بهذه الحالة ... كان يمكن
ان يطلب لها عباءة او غطاءا او ... او


فالحين لي في بناتنا و اخواتنا .... يعني البت تاخذ جنسية لبنانية عشان ناس النظام ما يسألوها.


اتذكرت قصة تانية - على ذمة الراوي
واحدة من بنات نيالا (اعرفها ومن اسرة معروفة جدا) جات الاجازة من امريكا وكانت لابسة بنطلون و قميص
واحد عسكري في مطار نيالا قام قال ليها دا لبس شنو وحاول يعطيها درس في الاخلاق.
قالت ليهو انا كنت في الخرطوم باللبس دا وما في زول سألني.

اديني بطاقتك
قدمت ليهو جوازها الامريكي فقام لعن ابو امريكا و قذف الجواز
في الارض .... بنظرية الامريكان ليكم تسلحنا.
البت اتصلت بسفارتها في الخرطوم
طبعا حدثت مشكلة كاد العسكري ان يروح فيها ولكن تدخل اهل البت و المعارف و الاجاويد.

وقفة قوية وشجاعة تستحق التقدير ...

لا لكل القوانين التي تحد من حرية المرأة وتضيق عليها ..
و

Quote: كامل التضامن مع الصحافية لبنى فى وقفتها الصلبة ضد الظلم والطغيان.

أبو قصي

..
.

Quote: توقعت أن يسأل أحدكم عن صحيفة (دنيا الحوادث) الجديدة نسبيا على الساحة !!

وليه تتوقع!!؟
انت عايز تعكس قضية لبنى للقراء وجمع تاييد تضامنهم
ولا تخبرنا عن صحيفة دنيا الحوادث
ما كل شهر بتجينا صحيفة وقناة وبختفوا

________

غايتو دعاياتك كترت

كامل تضامنا مع الأستاذة لبنى أحمد حسين ..

تحية اجلال وتقدير للأخت الصامدة لبنى

حوار لبنى مع العربية،،

http://www.alarabiya.net/articles/2009/07/13/78600.html



يا ناذر،
قول للبنى،
تعالى نبدد الظلم،،







ومالك ماشى بعيد يا كوستاوى،
البنات عادى (إيديهم) كلها برة،،
أقربها امبارح فى مناسبة زواج،،،

الي السادة ولاة الأمر في هذه المرحلة:

أشطبوا او آمروا بشطب عريضة هذا الاتهام الكيدي...حفاظا علي سمعة ما تبقي من سوداننا
أو فصلوا للناس ملابسهم ووزعوها في التموين ليعرفوا قصدكم بشأن الحد الفاصل بما هو
فاضح...وما هو محتشم...فالتهمة الموجهة الي السيدة/ لبني أحمد حسين ان كانت فعلا
تتزيأ بهذا الزي من بنطلون وحجاب...واعتبرتوه فاضحا...فانكم بذلك ...ستعلنون
حربا علي البناطلين...وترزية البناطلين...وتجار البناطلين...وهؤلاء شريحة
كبيرة من السودانيين...(يعيشوا ليكم من وين تاني؟)

طيب بنات الثانوي كيف؟ عندكم تلاتة مليون سوط عنج...؟

بعيدا عن ذلك كله...فانني اتضامن مع السيدة لبني احمد حسين تضامن
الذي لا يخاف الموت...والله من وراء القصد

تضامني الكامل مع الصحفية لبني أحمد حسين


الحته دي ذكرتني أيام القوانيين السبتمبرية المايوية والتي مازالت مستمرة عجبي الحادثة وقعت في قسم الخرطوم الجنوبي بالدرجة الثالثة فرد من أفراد المباحث آنذاك يضبط أستاذ أمريكي زائر وزوجته الكينية والأمريكية الجنسية وفاتح ليهم بلاغ أذعاج عام ولبس خليع وضارب بعرض الحصانات الدبلوماسية أرضا تصورا والمضبوطات موتوسايكل كان يقوده المتهم وراكبة معه زوجته وأذكر حينها الأستاذ يطلب أن يتحدث إلي قنصليته وإدارة الجامعة ولم يفهمه أحد من الموجودين حتي حضرنا مجموعة من ابناء الحي وتفاهمنامعه وأتصلنا علي الشخص الذي يريده وفي هذة الأثناء كان الشرطي يلعب بموتو سايكل المحروزات وحينها سألنا من الضابط المناوب ولم يكن موجود وعندما سمع وحضر ما كان له إلا أن أخلي سبيل الأستاذ الزائر وذوجته وأعتذر له عن هذا الخطأ تصوروا هذة القوانيين علي من تطبق ويجب أن تلغي هذة القوانيين التي لاتشبه الشعب السوداني الكريم.

،،،،أبوقصي،،،،

يا كوستاوى الله ينعل شيطانك

لم أر فعلاً صائباً وموقفاً أكثر شجاعةً وإقداماً من هذه الخطوات التى إتخذتها المناضلة بحق لبنى أحمد حسين .
إنها أكثر شجاعة وإقداماً منا جميعاً نحن من نعتقد أن مجرد التضامن معها فى هذه القضية هو أقصى النضال .
إنتظروا أيها السادة والسيدات إلى حين يحدث فى بيوتكم ما حدث للبنى وفقط ساعتها ستفيقون من هذا
السبات ولكن بعد فوات الأوان .
دعونا نطرق وسائل وأدوات أكثر فعالية من مجرد النقر على الكيبورد .
أين منظمات المجتمع المدنى مما يحدث لأخواتنا وبناتنا وحتى أمهاتنا ألا تستطيع أن تحرِّك ساكناً .
ماذا تنتظر أحزاب المعارضة أينتظرون الإنتخابات ؟
ثم أين رد فعل الجماهير التى يجب أن تستفزها وتشعل غيرتها مثل هذه الممارسات الظالمة المظلمة ؟
هل إنتهى السودان فعلاً !!؟؟

التحية والتقدير والتجلة
للأخت الأستاذة لبنى وهي تقف
هذا الموقف ضد من ظلموها بهذه
التهمة التي أرى أنها جائرة .
فلو كان فعلاً هذا اللبس هو غير محتشم وفاضح
فكيف إذن يكون الزي المحتشم ؟!
وإن كان هذا الزي غير محتشم .. فيجب على ولاة
الأمر أن يجمعوا معظم - إن لم يكن كل - فتيات
وبنات السودان ويجلدوهن في استاد كبير بهذه
التهمة والتي ترقى لكلمة حق اريد بها باطل .

و .. أنظروا حواليكم لتروا الزي الفاضح الحقيقي على أصوله ؟!


كامل التضامن معك أختنا لبنى ، وربنا مع الضعيف .


شكراً جزيلاً أخي ناذر ، وهذا هو العهد بك دوماً .


مودتي ،



( ليمو )

Quote: أشهد أنها قد حاكمتهم قبل أن يحاكموها

الحمد لله ان حبوبتى قد ماتت قبل ان ياتينا هذا العهد الغيهب
لانها الى ان ماتت ما زادت على قرقاب!!!
هولاء زنت بعقولهم الابالسه وظنوا انهم ظلال الله على الارض
معا ضد الاحكام الجائرة
السودان ليس طالبان
كامل تضامننا مع لبنى احمد حسين
عاش نضال حرائر السودان،،،

لا اعلن عن تضامنى وتعاطفى مع الأستاذة لبنى فقط بل مع كل نساء بلادى اللواتى لم يرين مثل هذا الأذلال منذ ان عرف شيئ اسمه السودان.
ان هؤلاء القوم لا يشعرون برجولتهم الا من خلال اذلالهم للمرأة ولكن عند الحارة الجد جد فالأمر واضح ومجرب .
وصلت قوات العدل والمساواة لقلب مدينة امدرمان ولم تجد من يتصدى لهم الا بعد خراب سوبا.
اسرائيل تضرب وتقتل فى شرق السودان مواطنين سودانيين والحكومة لا تعلم به الا من خلال الأذاعات الخارجية.
جيراننا الأشقاء يستقطعون من اراضينا آلاف الأفدنة من الأراضى وحكومتنا ولا كأنها هناك لأنها اى الحكومة مشغولة بكشات ستات الشاى والفول والتسالى وستات المريسة وقياس اطوال فساتين نساءنا اكثر من انشغالها بالأمن القومى الحقيقى لهذا البلد المنكوب.والأيام حبالى يلدن كل جديد.وعشنا وشفنا .

موقف قوي من الاخت الزميلة لبني
وكانت فكرة كروت الدعوة تاكيد علي ذكائها
وتفوقها علي أليات النظام العام
وهي بذلك كشفت كل أوراق مثل هذه المحاكم وما يجري فيها
والظلم الذي وقع علي فتيات قاصرات وأخريات
تلاحقهم نظرات الاتهام بسبب مثل هذه الاحكام

كامل التضامن
مع الاخت الزميلة المحترمة لبني أحمد حسين

نشهد على إنك مره .. بركان جسارة وفنجرة

كامل التضامن
مع الاخت الزميلة المحترمة لبني أحمد حسين

وأستشهد ببيت المتنبئ :
ولو كن النساء بمثل هذى لفضلت النساء على الرجال
وماالتأنيث لأسم الشمس عيب ولاالتذكير فخر للهلال.

قلت لى زى فاضح يا ناذر ...
والرئيس البرقص يبقى شنو ..؟؟ دا ما ياهو الفعل الفاضح مع سبق الاصرار والتراقص ظاتو

قانون جنائى يحاكم على اللبس .. عمرنا ما سمعنا بيهو

كامل تضامنى مع الاستاذة لبنى احمد حسين ولتسقط هذه القوانين سيئة السمعة الى الابد

Quote: دعونا نطرق وسائل وأدوات أكثر فعالية من مجرد النقر على الكيبورد . أين منظمات المجتمع المدنى مما يحدث لأخواتنا وبناتنا وحتى أمهاتنا ألا تستطيع أن تحرِّك ساكناً . ماذا تنتظر أحزاب المعارضة أينتظرون الإنتخابات ؟ ثم أين رد فعل الجماهير التى يجب أن تستفزها وتشعل غيرتها مثل هذه الممارسات الظالمة المظلمة ؟ هل إنتهى السودان فعلاً !!؟؟ محمد احمد ادريس

Quote: بهذا المعيار كان ان يجب ان يتم جلد حبوباتنا وامهاتنا !! فعلا من اين اتى هؤلاء ! لم نعرف ان الاسلام دخل السودان فى 30 يونيو 1989 بعد ان قام بفتحه العميد عمر حسن احمد البشير! جنى

كامل تضامننا مع الصحفية لبنى..

شكرا ناذر


تحياتي

انا نفسي اعرف شعور الزول القبضها ده حسي بعد ما عملت ليهم الهيلمانه دي :D والله الزول ده بكون ما بنوم حسي ومنتظر الحيحصل شنو


قوية يا لبنى

ناذر سلام
كامل تضامني مع الزميلة لبنى

سوف انزل موضوع اليوم في جريدة أخبار اليوم المغربية
وسوف اقوم بتنزيل صورة عنه بمجرد خروج العدد

يجب ا

خطوة لبنى بتحويل الموضوع لقضية راي عام وتمسكها بزيها حتى يراه الجميع
ويدركون كذب زبانية السلطة وتوجيهها الدعوات لحضور المحاكمة حتى يتيقن الناس من سلامة موقفها
خطوة قوية و واثقة تستحق معها وعليها اوسع تضامن ممكن

يجب أن نحدد ما هو اللبس الفاضح حتى لايستفيد ضعاف النفوس من استغلال الثغره فى التشفى على من لا يحبون وحتى لاتكون كظاهرة الارهاب التها مقياس ولا معيار لها

ناذر لكن بالجد الصورة فاضحه
فى زمتكم ما شايفين سير الشبشب ظاهر؟؟؟

زى ماقال حميد:
السرة بت عوض الكريم مرتن من قديم لافيها
علقنة الرجال لافيها دلقنة الحريم
نشهد الله يا لبنى انك السرة التى عناها حميد.....

صدق المجذوب حين قال:
ان شعر عانة العاهرات اشرف من كثير من الدقون مما نرى هذه الايام...
اى زى فاضح يا هولاء فضحكم الله دنيا واخرة..
كامل تضامننا مع لبنى واخواتها،،،

وقفت احترام للاستاذة لبني احمد حسين

كامل التضامن معها ضد الظلم والقهر والاستبداد

يا اخوانا ما تلخبطوا , وافرزوا فى الكلام
الناس ديل قالوا فاضح , لكن ما حددوا الفاضح شنو
القلم البيكتب بالجرأة دى , قلم فاضح
القلم الواقف للحال المايل على (الواحدة ونص ) , قلم فاضح
القلم الكل يوم فاتح ليهو سيرة جديدة تفضح متخبى وتبين (مدسوس ) , قلم فاضح
القلم البيكتب كلام (رجال ) على لسان امرأة
هى اخت للداير
وبت للعاوز
ومهيرة للزمن العاوز ليهو (مك نمر جديد ده )
لآشك هو , قلم فاضح ,
هم يحاكمون القلم , ولكنهم اخطأوا الطريق
كامل التضامن معاك يالبنى احمد حسين
وكامل الأعجاب لطريقة ادارتك لهذه المعركة

Quote: انا ما عندي مشكلة انجلد ولكن (ليشهد عذابي طائفة من المؤمنين)

عبارة قوية... وإنشطارية
تطرد النوم من عيون البغاة، والتردد من قلوب ماسكي العِصيّ "من النص".
كامل التضامن مع بنات ونساء بلدي ضد القوانين الجائرة والمحاكمات الانتقائية..
كامل التضامن مع الأخت الزميلة لبني أحمد حسين
والتحية لها في شموخها الجميل وزيّها الفضّاح.
______________________
شكراً أخانا ناذر لنقل الحوار ووضعنا في "الصورة".

اخبار اليوم المغربية عدد غدا الاربعاء

Quote: جلد الصحافة الصحافية السودانية لبنى أحمد حسين ترتدي الملابس التي تقول السلطات السودانية إنها خدشت الحياء العام في الخرطوم وبسببها سوف تحاكم وإن صدر حكم عليها سوف تجلد أمام الملأ، وقامت الصحفية لبنى بإرسال دعوات إلى جهات عدة ليكونوا شهودا على محاكمتها، لبنى قلم جريء يبدو أنه يزعج حكام الخرطوم.

اخبار اليوم المغربية الصفحة الاخيرة
عدد غدا الاربعاء

Quote: كامل التضامن مع الصحافية لبنى فى وقفتها الصلبة ضد الظلم والطغيان

شكراً يا ناذر

Quote: وتم توقيف لبنى أحمد الحسين التي تكتب في صحيفة "الصحافة" اليسارية

سعد الدين دا قال النديها خجة شوية ولا شنو ؟؟

صحيفة الصحافة دي من اسؤا الصحف وليس خبر خليل ابراهيم الاخير المنسوب لاسماء الحسيني بالاخير

Quote



: كامل التضامن مع الصحافية لبنى فى وقفتها الصلبة ضد الظلم والطغيان

قال دنيا الحوادث!!!

شوف دا

قال دنيا الحوادث!!!

شوف دا

Euro-News

هذا اللبس الذي بدا في هذه الصورة فضفاض ومحتشم بدرجة كبيرة تفوق حشمة الكثير من المذيعات ممن يظهرن في القناة السودانية والقنوات السودانية الأخرى .. فبعض المذيعات تظهر وهي مجسمة الصدر والأرداف .. وبرضو نقول كل شاة معلقة من عصبتا الخلفية ..

أتضامن مع هذه الصحفية ..


جاد

بالصيني

كامل تضامني مع لبني

كل القيم السودانية تقول بان السوداني مسؤول من اخته السودانية ، )وفارس الحوبة)، واخو البنات ، الخ ،،،

اسأل هل من قبض علي لبني سوداني ابن ناس ؟؟؟؟



لقد حاكمتيهم يا لبني

Hebrew

Great Move lubna

I salute you

كوستاوي :

Quote: قال دنيا الحوادث!!!

لا لوب بلدنا ولا تفاح التانين !!

صنفرة :

قلنا شنو في موضوع مقاطعة المنتوجات الإسرائيلية ؟!

دا منو مراسل الصحيفة العبرية في الخرطوم ؟!!

القضية تقريبا اصبحت قضية رأي عالمي...

برقية الي : سعادة اللواء شرطة هاشم عثمان حسين ...

نلتمس التحرك لوقف هذا النزيف...والمعالجة بالحكمة

اتمنى ان توجة دعوة للوزيرة تابيتا بطرس لحضور المحكمة
واتمنى ان تاتى تابيتا مرتديا بنطلون

عجبي انا يحكمون

في عام 1992 حزمت حقائبي متوجهة الى مدني برفقة الوالد ... في طريقي لصرحها الشامخ جامعة الجزيرة كواحدة من طلابها الجدد في كلية العلوم الزراعية و الموارد الطبيعية...

وكعادتنا كسودانيين ..كان الاسبق و الاهم ان نقوم بزيارة الاهل في مدني قبل التوجه الى الجامعة... ليقوم الوالد باجراء الوصايا اللزمةعلى طفلته كما حتما كان يراها

الوصية الوحيدة التي تلقيتها من قريبة لي كانت ...
بس ابعدي من السياسة و الناس الماعندهم شغلة ديل...
هذه الوصية استندت على قصة ليست بالبعيدة مفادها...
السنة الفاتت جامعة الجزيرة دي قفلوها بعد مظاهرات واعتقلو البنات و الاولاد وناس الامن جلدوا البنات .. عارف يا حيدر السبب شنو ... قالوا رافضين انو يفصلو البنات و الاولاد في الصفرة ... عايزين ياكلو مع بعض !!!!!

كانت هذه العبارات في نظرها كافية لتسند وصيتها و التي توقعت ان تلقى تاييد وتاكيد وتشديد الوالد الذي اكتفى بالابتسام كعادته تجنبا للنقاش الغير مجدي

المهم مضت الايام ... ودخلنا جامعة الجزيرة كاول دفعة تطبق عليها نكبات سياسات التعليم العالي .. الدفعة (14) بالغاء السكن و الاعاشة وتعريب الجامعة ... وكان ما كان وكان من احداث امتدت طيلة سنوات دراستنا في هذه الجامعة الصامدة

لبنى حسين ...كانت احدى اهم الاسماء في هذه الدفعة و ابرزها... كانت في كل الاحيان في الصف الاول مهما الناس تاخروا واستندو لتكتيكات السياسية في تبرير تاخرهم وتقاعصهم عن المواجهة .. كانت صاحبة الاجماع الوحيد ربما حينها...كانت بالغعل احد ابرز القيادات الطلابية في ذلك الزمن الجميل.. لم ولن يذكر اسمها الا كمصادمة ومناضلة من الطراز الاول

ولانها كدا .. واصلت على نفس النهج و السياق ما بعد مثالية الحياة الجامعية ... واستمرت على نفس وتيرة الصوت و الخلقة و الاخلاق ... لم يكسرها اختلاف الاسلحة الموجهة ضدها واختلاف ساحة معركتها ... لم يرهبها كونها في مواجهة الردة الثقافية باسرها في مجتمعنا ... لم تساير او تتلون ... هي هي كما كانت منذ عرفناها

هذه هي لبنى ... وهذا هو كل فجورها ... في وطن ان يكون للمراة راي وموقف وفعل فيه منتهى الفجور

انها جد لماساة ان تتحور القضايا الحقيقية الى قضايا مساس بالاخلاق و الشرف .. ان يستخدم اعتزازنا بثقافاتنا وموروثتنا كسلاح في وجه كوننا سودانيين ولدينا حق الراي و الفعل و الوطن

لبنى ... استحقت تضامننا الكامل مرة اخرى... ومن جديد ... في ما هو اجدى من كلام الرجال .. في اشعالها الحرب على انذل الاسلحة الموجهة ضد الفكر و الراي واحترام الراي الاخر

مرة اخرى .. وبعد كل هذه الاعوام ... للبنى حسين السودانية الثورة ... من جديد انحنائي واحترامي الفائق


نسيت اصحح ليكم قصة الطلاب الرفضوا يفصلوا البنات عن الاولاد في الصفرة ...

في 1991 تم جلد الطالبة هالة سنهوري وعدد من الطلاب واعتقال عدد اخر من طلاب جامعة الجزيرة بعد احداث جامعة الجزيرة الشهيرة بقيادة اتحاد المحايدين حينها.. والتي كانت بسبب اعتراضهم ورفضهم لقرارات تصفية السكن والاعاشة وتعريب الجامعات !!!!

زهرة حيدر ادريس
14/07/2009

Soudan: une journaliste risque 40 coups de fouet pour sa tenue "indécente" Il y a 2 jours KHARTOUM (AFP) — Une journaliste soudanaise de renom, accusée de s'être habillée de façon "indécente", a indiqué dimanche qu'elle était passible de 40 coups de fouet en cas de condamnation pour un tel crime. Lubna Ahmed al-Hussein, qui publie régulièrement des billets dans le journal de gauche al-Sahafa et travaille aussi pour la Mission des Nations unies au Soudan (Unmis), a été arrêtée la semaine dernière à Khartoum. Elle est accusée de s'être vêtue de manière contraire à l'ordre public. "Le 3 juillet, j'étais au restaurant. Des policiers sont entrés et ont demandé aux filles qui portaient des pantalons de les suivre" au commissariat, a-t-elle dit à l'AFP. "Ils m'ont emmenée ainsi que 12 autres filles, dont des +sudistes+ (...). Deux jours plus tard, 10 d'entre elles ont été convoquées au commissariat dans le centre de Khartoum et ont reçu 10 coups de fouet chacune", a ajouté la jeune femme, qui porte le foulard islamique. Les trois autres femmes, dont elle fait donc partie, ont été accusées "en vertu de l'article 152 du code pénal soudanais", a-t-elle ajouté, soulignant que la date de son audience n'avait pas encore été fixée. Cet article de loi prévoit une peine de 40 coups de fouet pour quiconque "commet un acte indécent ou un acte qui viole la moralité publique ou porte des vêtements indécents", selon le texte de loi. "Je veux que les gens sachent ce qui s'est passé", a ajouté la journaliste. Contrairement à d'autres pays de la région, les femmes sont très présentes dans la vie publique au Soudan, un pays majoritairement musulman. Mais certaines lois demeurent discriminatoires à leur égard, estiment des organisations de défense des droits de l'Homme.