Post: #1
Title: ناذر محمد الخليفة ممثلا ...... الله يجازى محنك ( توجد مقالب )
Author: انور التكينة
Date: 07-01-2009, 12:25 PM
خارج مكتبى كان يقف شاب سامق الطول ، باهى المحيا ، مهندم ... سألنى بهدوء : - لو سمحت داير انور التكينة ....
- اهلا و سهلا .. مرحب بيك ..
- معليش يا أستاذ الحقيقة انا قاصدك فى خدمة ، و فى واحد دلانى عليك ..
- حبابك عشرة .. اتفضل على المكتب ... دقيقة ...
أدخلته لمكتبى ، و عدت اليه بعد قضاء عمل بالمكتب المجاور لى لم يستغرق الدقيقتين ...
- مرحب بيك ...
- اهلا و سهلا
- اها ان شاء الله خير ؟
- و الله فى الحقيقة عندى قروش ناقصة لى ، و دايرك تتمها لى بأى طريقة ..
- يا أخى انت الدلاك على ده منو ؟ اكيد قاصد زول تانى ؟
- لا متأكد انو انت المقصود ، و قالو انت زول ما جبار ...
- و الله يا اخى فى دى انت صادق ، لانو الزول الجبار البكون عندو قروش و يبخل بيها ... لكنى انا ما عندى مؤهلات اكون جبار .
- يا اخى انا داير مية ألف بس ، و دى رخصتى ختها عندك ...
و بدأت رحلة طويلة من التملص و الاعتذارات و محاولة لعب الباص للمدير المالى ... و كبيت جنس جرس .... مية ألف ما عندى ... الزول ده شكلو مرتاح اكيد ده واحد محتال ...
و كأنه قرأ دواخلى :
- ما تشوف الشكل الخادع ده ... يا اخى انا فعلا مغروض فى المية الف دى ...
و بعد ان تزاوغت يمينا و شمالا ، رثى لحالى ليفجر القنبلة :
- يا اخى انا ناذر محمد الخليفة ....
|
Post: #2
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: محمد عبد الماجد الصايم
Date: 07-01-2009, 12:33 PM
Parent: #1
يا عمكـ
كويس ما جاب سيرة البتاعات!
|
Post: #3
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: humida
Date: 07-01-2009, 03:22 PM
Parent: #2
الزول دا بعد ما قنع من خيرك .. قال النهظر معاهو ..
..
..
علي الحرام كان من الاول اديتو المية ألف .. كان قال ليك انا حسين ملاسي .. !!
|
Post: #4
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: nazar hussien
Date: 07-01-2009, 03:43 PM
Parent: #3
| Quote: علي الحرام كان من الاول اديتو المية ألف .. كان قال ليك انا حسين ملاسي .. !! |
مية ألف؟ ورقتين امات خمسين خدر...مرة واحدة...
هو زاتو ببالغ...في زول بينقصن ليه مية ألف..؟؟
بالله جيب عشرين نلف!!! دي شوية مقبولة يا ناذر
|
Post: #5
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: ناذر محمد الخليفة
Date: 07-01-2009, 05:08 PM
Parent: #4
| Quote: علي الحرام كان من الاول اديتو المية ألف .. كان قال ليك انا حسين ملاسي .. !! |
|
Post: #6
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: انور التكينة
Date: 07-01-2009, 06:30 PM
Parent: #5
Quote: يا عمكـ
كويس ما جاب سيرة البتاعات! |
فى الحالة دى كنت ناديت ليهو بيجو
ياخد صورة معاهو
| Quote: علي الحرام كان من الاول اديتو المية ألف .. كان قال ليك انا حسين ملاسي .. !! |
حميدة .. حمدا لله على السلامة
على الطلاق زولك كان صبر شوية كنت مقلبتو و شلت منو ميتين الف
اصلو طلع ليهو قروش كتيرة على اساس انها ناقصة مية الف
Quote: مية ألف؟ ورقتين امات خمسين خدر...مرة واحدة...
هو زاتو ببالغ...في زول بينقصن ليه مية ألف..؟؟ |
يا اخوى ناذر ده ود المصارين البيض .. ناس نمرة اتنين البغسلو الصابونة
اكان قال ناقص مليون ما مبالغة
|
Post: #7
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: سيف الدولة كامل
Date: 07-01-2009, 06:33 PM
Parent: #6
التكينة يا اخوي السترة والفضيحة متباريات
دحين انستر المرة الجاية انا غاشيك
|
Post: #8
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: انور التكينة
Date: 07-01-2009, 06:58 PM
Parent: #7
Quote: التكينة يا اخوي السترة والفضيحة متباريات
دحين انستر المرة الجاية انا غاشيك |
كدى انت اعرف تعال بى دولاراتك الخدر ديل كان ما اقمح خشمك ...
اخوك شفت يا سيف ...
|
Post: #9
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: سيف الدولة كامل
Date: 07-01-2009, 07:05 PM
Parent: #8
يا التكينة ,,,, ده كان شقية الحال القاعدة
معاكم فضلت فيها حاجة والله متل تمساح كلي
تلغف يمين وشمال
ووو
|
Post: #10
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: ناذر محمد الخليفة
Date: 07-01-2009, 08:05 PM
Parent: #9
أنور ياخي مقابلتي معاك أخدت قريب النص ساعة قبل ما أوريك أنا منو ..
معقول تختصرا في (السطيرات) الفوق ديل وكمان تخفي تفاصيل تانية ؟؟!!
قلت ليك بطل الجبر بتاعك دا وإنت طلعت لي دفتر شيكات جديد لنج عشان أشوف بي عيني إنك ما إستعملتو من ما إستلمتو ..
حاولت ترسلني للمدير المالي وانا (إتيبست معاك) وقلت ليك إلا إنت بس ..!!
جا واحد من الموظفين وإنت سألتو قدامي عن أكتر واحد عندو قروش في الجريدة منو ؟؟!! وزولك ما كان ناقش وبقى يديك في أسامي وإنت تقول ليهو : وتاني !!؟ : طيب في الطابق دا منو غيرو ؟!!
قلت ليك إنت وكت مفلس قدر دا شغال صحفي علي شنو ؟؟!! قلت إنك ما صحفي وإنك مدير قسم وأخر من يصرف مرتب ..!
حكيت لي ظروفك وظروف عربيتك العندها موقف خاص برا المكتب وظروف فواتير موبايلك لمن حننتني معاك ..!
قلت ليك وكت إنت مفلس قدر دا ما ترح تلف معاي في المكاتب نشحد سوا .. إتهربت من الرد ..! 
أديتك الرخصة بتاعتي كضمانة عشان تديني مية ألف وأرجعا ليك بعد كم يوم : قلت لي الرخصة أسوي بيها شنو ؟!! وانا كنت دايرك تقرا الإسم بس ..
عاينت لي هدومي : قلت ليك المظاهر خداعة وإنت ما عارف أنا أكلت شنو أو باكل شنو في بطني !! ..
بدل أحكي ليك ظروفي حكيت لي إنت ظروفك وأنا حنيت عليك ناولتك (الفيها النصيب) جوة دفتر شيكاتك وإنت أبيت تستلم ..
في النهاية قلت ليك أقنع منك ؟؟ قلت لي أيوة أقنع .. وأنا ماشي مديت يدي أسلم عليك وعصرتك شديد وإنت قلت :أحححححححححح !! براحة ما تكسر يدي ..!!
قبل ما أفك يدك المعصورة قلت ليك أنا ناذر الخليفة ..
وبعد داك المقابلة إتحولت لي إتجاه تاني ..!!
صنفرة :
غايتو فائدة المقلب دا إنو منصبك دا لو عرضوهو علي أصلو ما بقبلو يا أنور
|
Post: #11
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: انور التكينة
Date: 07-01-2009, 08:12 PM
Parent: #9
Quote:
ووو
æææ |
وووووووووووووووووووووووووووووبين على يا الهجروك على
امانة يا سيف الدولة ما وقع راجل
اركز يا ود القبايل
|
Post: #12
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: انور التكينة
Date: 07-01-2009, 08:27 PM
Parent: #11
| Quote: بدل أحكي ليك ظروفي حكيت لي إنت ظروفك وأنا حنيت عليك ناولتك (الفيها النصيب) جوة دفتر شيكاتك وإنت أبيت تستلم .. |
داير تعمل فيها حاتم الطائى ؟
يمين بالله ما طلعت قروشك الا لما قلت ناقصات .
ثم الفيلم مش فى انو اديك مية الف و لا ما اديك ، الفيلم احساسى انو القصة دى وراها حكاية ....
الزول الوجيه ده الا صاحب قديم ما عرفتو و لا واحد من المحتلين الظرفاء
بعدين دفتر الشيكات استعملو كيف يا فهلوى اذا كان البنك العربى السودانى فتح قبل اسبوع و حسابى فتحتو قبل يومين ؟؟؟؟
قايلك ود خرطوم مفتح صحيح ... لكن لقيتك ما ناقش حاجة
لكن اصبر البوست ده عمرو يوم واحد
لكن البوست بتاع مقلب الرد حيكون بعد الارشفة
|
Post: #13
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: ناذر محمد الخليفة
Date: 07-01-2009, 08:57 PM
Parent: #12
يا انور ...
Quote: ثم الفيلم مش فى انو اديك مية الف و لا ما اديك ، الفيلم احساسى انو القصة دى وراها حكاية ....
الزول الوجيه ده الا صاحب قديم ما عرفتو و لا واحد من المحتلين الظرفاء
|
أها أنا لا طلعت صاحب قديم لا واحد من المحتالين الظرفاء ..
أنا بجي كل فترة هناك عشان أسلم واواصل أصحابي الفرد .. يعني ما صاحب قديم لكن ممكن تقول علي صاحب جديد مع إنو القدومية حاصلة ..
Quote: بعدين دفتر الشيكات استعملو كيف يا فهلوى اذا كان البنك العربى السودانى فتح قبل اسبوع و حسابى فتحتو قبل يومين ؟؟؟؟
|
اللخمة حصلت ومشكلتي ما قريت تاريخ الدفتر ..
| Quote: قايلك ود خرطوم مفتح صحيح ... لكن لقيتك ما ناقش حاجة |
ود خرطوم أي نعم بس خفت عليك تضاربني وتنادي الحرس يطردوني ...
| Quote: لكن البوست بتاع مقلب الرد حيكون بعد الارشفة |
يا مان أنا ما عندي مكتب ولا بحب القعاد في المكاتب ، أنا زول صقيعة ساي .. بتلقاني في راس عمارة بصب في خرصانة .. أو جوة شقة بركب في سيراميك أو في راس كوبري جايط مع العمال ...
مقلب اكتر من حالتي دي باقيلك في ؟!!
|
Post: #14
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: انور التكينة
Date: 07-01-2009, 09:05 PM
Parent: #13
| Quote: يا مان أنا ما عندي مكتب ولا بحب القعاد في المكاتب ، أنا زول صقيعة ساي . |
انت نسيت انك اديتنى الكرت بتاعك ؟
و المنصب مدير تنفيذى
فى مدير تنفيذى فى اكبر محل بالسجانة بيشتغل بى ايدو ؟؟؟
بعدين اتذكرت ( الف صنف ) المعدوم فى السوق كلو بوصفوهو عندكم ( عينى باردة )
و جيت محلكم كتير جدا و اتذكرتك يا حبيب ....
|
Post: #15
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: ناذر محمد الخليفة
Date: 07-01-2009, 09:36 PM
Parent: #14
التكينة ...
Quote: فى مدير تنفيذى فى اكبر محل بالسجانة بيشتغل بى ايدو ؟؟؟
|
تنفيذي للمشروعات مش للاعمال
بس المتابعة مع العمال لا بد منها ..
| Quote: و جيت محلكم كتير جدا و اتذكرتك يا حبيب .... |
جيت عندنا دا إحتمال كبير ..
لكن شفتني الله يعلم..
.. بتكون شفت جدي الانا ما شفتو المات سنة 66 زمان ..
وقالوا أنا بشبهو شديد
|
Post: #16
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: مزمل خيرى
Date: 07-01-2009, 10:31 PM
Parent: #15
| Quote: كويس ما جاب سيرة البتاعات! |
البتاعات ديل شنو ياانور ..؟؟
|
Post: #17
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: انور التكينة
Date: 07-02-2009, 07:57 AM
Parent: #16
| Quote: البتاعات ديل شنو ياانور ..؟؟ |
أسأل العنبة
|
Post: #18
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: زياد جعفر عبدالله
Date: 07-02-2009, 11:25 AM
Parent: #17
و أنت يا ناذر تعمل مقالبك دي في الناس الطيبين زي أنور..
كان تمشي لي عمار محمد آدم...عشان كان يجدعك بالشباك
|
Post: #19
Title: Re: ناذر محمد الخليفة ممثلا ...... الله يجازى محنك ( توجد مقالب )
Author: ناذر محمد الخليفة
Date: 07-02-2009, 05:25 PM
Parent: #18
Quote:
و أنت يا ناذر تعمل مقالبك دي في الناس الطيبين زي أنور..
كان تمشي لي عمار محمد آدم...عشان كان يجدعك بالشباك |
|
|