Post: #1 Title: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-23-2009, 07:44 PM Parent: #0
Post: #2 Title: Re: للجعليين فقط ..!! (توجد فيديوهات بطان) ..!! Author: ASHRAF MUSTAFA Date: 04-23-2009, 07:46 PM Parent: #1
ناذر ازيك
ادونا سوطين خلونا نمشي ننوم!
Post: #3 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-23-2009, 07:52 PM Parent: #2
أشرف ..
يا خي ما تصبر لي ننزل الفيديوهات الحصرية ..!! مالك جيت ناطي سريع كدي .!!
حا أديك فيديوهين أول مرة حا تشوفم وديل كانوا مؤخرا في زواج شقيقي ناظم ..!
الفيديو الاول لي شاب صغير أصر ينجلدفي الدارة وبعد ما إنجلد رفض الخروج من منها لو ما إنجلد تاني .. الفيدو التاني لي أحد أقاربي الذي ترك عادة البطان منذ عشرة سنوات ولكنه عاد إليها فداء للصبي الصغير .. وتلاحظ أنه كاد يضرب كل من في الساحة الذين حاولوا منعه وحاوله إثناءه من الإفطار عن صيامه الطويل من البطان ..!
أجل نومك شوية كدي يا أشرف وشوف الفيديوهات دي .:
Post: #4 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-23-2009, 07:56 PM Parent: #3
أها :
دا فيديو ولدنا علاء :
Post: #5 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-23-2009, 07:58 PM Parent: #4
وين المتلو هو !!!
وين البيشبهو ؟؟!!!
Post: #6 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-23-2009, 08:03 PM Parent: #5
ناذر سلام الله جاك يا زول انت ماخائف من ناس (المسيكتاب) يرفعوا فيك قضية(حقوق دق + صور) لان الناس المنزل صورهم ديل اهلنا بدءا من (أمحمد وداحمد) وثانيا في كلمة
Quote: تور بقر الجواميس الرقادن جُخ !!
محسن خالد كان جاك بشيل (السوط) من الزول (البيدق) وبيحلف عليك (تركز) وبيديك (5 جلدات) لانو ده كلامو في (الرقادن لخ)
Quote: ...وفعلاً، صحّح أبوقوتة المفهوم تمام، لكن لما الناس استرسلت مع بقية الأبيات جات الجوطة تاني، هي أولاً (تور بقر الجواميس الرقادن لُخ...)،.. (مش جُخ)، وجخ هذه لا معنى لها، والشاعر لم يقلها بأي حال من الأحوال، الكلمة المقصودة هي (لُخ) بالعامية،.. وبالفصيح أيضاً تُعطيك المعنى بالضبط المراد في البيت،.. بالعامية نقول (لخّ الطين) وهي غير فصيحة حرفياً، وإنما رمزياً ومن بعيد،.. نقول (أداهو لخّة تمام) وقاصدين (أداهو دَقَّة تمام) وهي فصيحة بالحرف الواحد،.. وتقول الأعراب: امرأة لَخَّة، أي منتة قذرة، وهذا هو المعنى المرادف لـ(تور بقر الجواميس الرقادن لُخ)، أي التي تنام على بولها وروثها وتدفقات ماء سقيها – على مجمل (الأوحال)، فتتعفّن وتنتن رائحتها،... وهذا بمفاهيمنا العامية وحتى الراسخة، يعني التوحُّش والتسوحر بالتالي الفروسية التي ليس فيها أي ليَّن، ناشفة ومتوحشّة كَرْ، وعين حمرها،... من قومة الجهل ما بخوفوك بأُخ يا تور بقر الجواميس الرقادن لُخ نقرولوا أم هُبك الدربكانة يبخ قرنك بفتح الهامة وبمرق المُخ البيت الأول واضح، التاني بيّنوه الإخوان، وهو التور المتسيّد على قطيع بأكمله من بقر الجواميس تحديداً، نقرولوا (أي ضربوا له ودقولوا –أم هُبك- الدلوكة –النحاس، التي يصدر صوتها (هَبكة هَبكة كلنغ تكلنغ كبك كبك، وهذا صوت الدلوكة بتاعة الحرابة لمن لا يعرفه، ولو في أدوات صوت كان بنزلها، لنكتشف تشابه الأصوات بالمعنى المراد، وبنجت الكلمات،... وياتو حَرَابة؟ الدربكانة يبخ، بمعنى الممتزج والمتصاعد في هيئة واحدة، كلٌّ من دخانها وغبارها وصيحاتها المتحمّسة والمتألمة تحت الطعان، يعني باختصار جو المعركة بكامله،... والبيت الأخير، يقول مادام هو تور ومتفرّد قرنو بشق الرأس ويشتت مخو،.. بعدين في زيادات وتنقيصات وحتى تحويرات، قام بها بعض الإخوان، مع ملاحظة أنّ أي مراجعة بسيطة لوزنة الشعر فقط، تستبعدها، والشعر العامي السوداني من أركز الأشعار في هذه الناحية، لا يحتمل أي تغيير،... وأبقوا عافية،..
وارقد عافية
ودالبشرى
Post: #8 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-24-2009, 07:08 AM Parent: #7
محمد البشرى ..
Quote: محسن خالد كان جاك بشيل (السوط) من الزول (البيدق) وبيحلف عليك (تركز) وبيديك (5 جلدات) لانو ده كلامو في (الرقادن لخ)
فعلا محسن ما بنقدر ..
لك وله العتبى حتى ترضى ويرضى ..
Quote: ناذر سلام الله جاك يا زول انت ماخائف من ناس (المسيكتاب) يرفعوا فيك قضية(حقوق دق + صور) لان الناس المنزل صورهم ديل اهلنا بدءا من (أمحمد وداحمد)
با زول ما تتلبط ساي .. ديل اهلي النوراب ..
Post: #9 Title: Re: للجعليين فقط ..!! (توجد فيديوهات بطان) ..!! Author: خالد علي محجوب المنسي Date: 04-24-2009, 07:28 AM Parent: #8
عفارّم علي علاء دا الولد البطبق المسرى فوق المسرى ويخلف ساقو فوق ضهر أب قمائر ويسرى حقب قربينو في جِرباتو ختّا أب كسرة فرقاً شتّى من ناس يما زيدي الكسرة
عينة علا هذا دا المأمون علي بنات فريقو ودا الدابي كان رصد لي الزول يعيقو
عفارم علي
تركت رجال وضرب السوط والركزة بفرز الناس عشان زينوبة ما بتحقوم
ولداً مامادلّة
تحياتي ناذر جيب من عينة الشغل دا البطلق في الزول ملالة جمرها حي
هييييييييع محل رهيفة التنقد وإن شاء ما تتلتق
Post: #10 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-25-2009, 09:01 AM Parent: #9
ود المنسي ..
Quote: هييييييييع محل رهيفة التنقد وإن شاء ما تتلتق
Post: #11 Title: Re: للجعليين فقط ..!! (توجد فيديوهات بطان) ..!! Author: الطاهر ساتي Date: 04-25-2009, 09:23 AM Parent: #10
يعني نفهم من كدة إنتو أرجل ناس في الدنيا ..؟؟
( الوشوش ما شغالة .. لكن إتخيل منها الوش المطلع لسانو داك )
................ ياحبيب انا بقيت على الموضوع اياه برنامجك كيف .. وتجيني متين ؟
Post: #12 Title: Re: للجعليين فقط ..!! (توجد فيديوهات بطان) ..!! Author: أيمن دياب Date: 04-25-2009, 09:39 AM Parent: #11
ياناذر انتو بيتكم ده فيهو معهد كمبيوتر ولا اللوحة دي مكتوب عليها شنو..
صنفرة: والله انتو الرجال.. بركة الما طلعنا جعلية..
Post: #13 Title: Re: للجعليين فقط ..!! (توجد فيديوهات بطان) ..!! Author: Khalid Saeed Date: 04-25-2009, 10:26 AM Parent: #12
حباب ود عمي الأرباب ناذر .. ومبروك للأرباب ناظم .. والله كان المنى .. نكون معاكم ويركز الفرح في قلوبنا .. والسوط في ضهورنا .. السلام لي ولاد العم .. علاء .. هاك قول ود ضحوية.. ما بتبـن الجـارات أخـون الحُــرة مانـي دغـور بيوت بعقب احل الصرة ساوي ضراعي للفارس العنود ومشرا بازل مالي لي القاصدني قاعد بــرا
كونوا بخير، أخوكم / خالد الأرباب
Post: #14 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-25-2009, 05:13 PM Parent: #13
سلام الطاهر ..
Quote: يعني نفهم من كدة إنتو أرجل ناس في الدنيا ..؟؟
كملناها لا عن حدها يا الطاهر ..
والله نحن لو ما حنينين وشايلين همكم كنا السما دي قديناها والبحر دا شربنا مويتو وخليناكم ملوص ,,!!
بس بعد ما إنتو تفوتو نقشر بي منو تاني عاد ؟!
يا زول هو الله سبحانه وتعالى ما خلق الأرض دي إلا للجعليين .!
أحسب بس كلمة (وجعلنا) و كلمة (نجعل) و كلمة (جعلناكم) إتكررت كم مرة في القرأن الكريم ..!
ليه ما ذكر (دنقلنا) أو (شوقينا) أو (نوبينا) ؟!
عندك كلام في كلام ربنا ؟!!
Post: #15 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-25-2009, 05:15 PM Parent: #13
أيمن ..
Quote: ياناذر انتو بيتكم ده فيهو معهد كمبيوتر ولا اللوحة دي مكتوب عليها شنو..
أكان قاصد اللوحة القدامي دي مكتوب فيها (إيران للبترول) ..
Post: #16 Title: Re: للجعليين فقط ..!! (توجد فيديوهات بطان) ..!! Author: ناذر محمد الخليفة Date: 04-25-2009, 05:16 PM Parent: #13
ناذر اولا حاولت المستحيل اجي احصل مناسبتكم دي لكن جيت من برة الخرطوم 8 بالليل جاري هوا عديك ثانيا مع انو الزول كان خايف يجيه سوط طاير كدة ولا كدة ونقوم نفك البيرك ويبقا لنا تاريخ،وكنت متخيل الموضوع ده ضرب لدرجة الدم وناس ستين سوط،ياخي ديل جلدتين خفاف جدا شابكننا بطان ووهييع وهاااع والبحر ده كلو نشربو والله الجلدتين ديل ماجدة بت جامعة السودان الشرط ديك تاخدهم وتمش.
غايتو نفخ ساااااي ممشنها فينا انتو
لكن بالجد عصام ده جعلي...لكن انت ما شفنا ليك شي انت شغال مدير اعلام بس؟
