يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!

Post: #1
Title: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-18-2009, 11:57 PM
Parent: #0

الواحد زمان كان متعود كل إسبوعين يشتري ليهو كيبورد جديد لانو القديم بيكون إنسحك وإتكسر من المناقرات .. اليوم كلو (طق طق طق طق طق طق) ، وهسي كيبوردي ليهو أكتر من شهر زي صحن الصيني .. لا شق لا طق ..!!

أولاد الحلال في المنبر ناس ود الزبير وهجو الأقرع وغيرم شبكوني ليك مبادرات ومصالحات ووقف إطلاق نار ومعاهدات ، ما خلوا زول ما صالحوني معاهو وقفلوا علي كل منافذ الرجعة ..

يعني عديييل كدة قلموا أظافريني ..!!

واحد من المتداخلين في بوست الصلح داك كتب :(معقول ناذر يقعد شهر بدون ما يشاكل زول ؟!) ، والناس إعتبرتو زول فتنة وأنا زاتي إعتبرتو كدة .. لكن طلع كلامو صاح وهسي قبل الشهر ما ينتهي الواحد بقى زي مدمن التمباك لمن يقيف عنو فجأة ..!!

صنفرة :

غايتو يا الاجاويد الصلح ما باباهو لكن الفيكم إتعرفت ...!!

Post: #2
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: saif massad ali
Date: 02-19-2009, 00:00 AM

انصحك بالانضمام لحركة العدل والمساواة السةدانية

والله مشاكلك ترقد بالكوم

Post: #7
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: Rawia
Date: 02-19-2009, 00:04 AM
Parent: #2

شوف ليك طريقة لجالية واشنطون دي ياها الشكلة الوحيدة الرابة اليومين ديل

___________________
المهم لازم تظبط روحك خاصة في لغة تبا لك وتكأكأتم علي وافرنقعوا

Post: #3
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:02 AM

Post: #4
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:03 AM

Post: #5
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:03 AM

Post: #6
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: Adil Hamza
Date: 02-19-2009, 00:03 AM

سلام يا ناذر

انت صاحى مالك لحدى اسى

بتنوم متين

عادل

Post: #8
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:06 AM
Parent: #6

Post: #9
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:06 AM
Parent: #6

Post: #10
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:06 AM
Parent: #6

Post: #11
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:11 AM
Parent: #10

Post: #13
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:15 AM
Parent: #10

سلام راوية ..

Quote: شوف ليك طريقة لجالية واشنطون دي ياها الشكلة الوحيدة الرابة اليومين ديل

___________________
المهم لازم تظبط روحك خاصة في لغة تبا لك وتكأكأتم علي وافرنقعوا

قبل كم سنة ناس واشنطون ونيويورك وحتى ناس أريزونا كنت منجضم ليك نجاض السنين في المنبر دا ..

قالوا الروبب وأنا أصلو أبيت اخليهم ..

زي نكتة النمر والقرد في موضوع الطاقية الحمراء والصفراء ..:D

بعدين في موضوع اللغات دا ما تخافي علي :D

Post: #14
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:17 AM
Parent: #10

سلام عادل ..

Quote: سلام يا ناذر

انت صاحى مالك لحدى اسى

بتنوم متين

عادل

صاحي منتظر ناس امريكا يصحو من النوم عشان أوريهو المكشن بلا بصل في الصقط دا ..!

بعد داك بمشي أنوم وأخليهو بي هناك مساهر في نص النهار ومنتظرني أصحى ليهو من النوم ..!

يا ها دي بقت شغلتي في المنبر دا ..

Post: #15
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:20 AM
Parent: #10

والله يا مصدق أصلك ما قصرت في المنبر دا ..

يديك العافية ..

Post: #12
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-19-2009, 00:12 AM

سيف مساعد ..

Quote: انصحك بالانضمام لحركة العدل والمساواة السةدانية

والله مشاكلك ترقد بالكوم

ما عندي مشكلة ..

مش قصدك إنضم لي منتداهم الإلكتروني ؟!!

Post: #16
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: saadeldin abdelrahman
Date: 02-19-2009, 01:03 AM
Parent: #12

من شدة طولنا من المشاكل لمن نسينا قصة النمر و القرد. تذكر كجامة الامين ديك؟

Post: #17
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: سيف اليزل جعفر عبد الرحمن
Date: 02-19-2009, 05:38 AM
Parent: #16

يا ناذر امشي البحر بتلقي حلل

يا زول ما سمعت المرحوم البروفسير عبد الله الطيب قال شنو في الفنان الكان بيغني بيقول ( يا ناس شوفو لي حلل )

شلولخ

Post: #18
Title: l;kjho
Author: عثمان دغيس
Date: 02-19-2009, 06:09 AM

ناذر الخليفة

عندي ليك حل كااارب ..
وبعدين بيجيب ليك مشاكل حقيقية ..
سيبنا من مشاكل ناس أم رشيرش والجلابة وما عارف شنو دي ..!
ببساطة تنتظر لما يجوك ناس لي حفلة عرس ..
وتقوم تشبكهم ليك ناس زاد الشجون ..
وتباريح الهوى ...
ولو كنت ناكر للهوى ..
وخاف من الله ...

والله بعد الحفلة دي تقوم إنت زاااااتك تفتش لي ناذر محمد الخليفة عشان تلومو واللا تعمل معاه شكلة ما تلقاهو ...

Post: #19
Title: Re: l;kjho
Author: الكباشى البكرى
Date: 02-19-2009, 06:57 AM
Parent: #18

ناذر

سلام
سوى الدايرو وكُتر الكلام خليهو
والشر القصدتو معاى ابقى عليهو
طير اصل السماء حتى القمر دليه
يوم نتلاقى كل واحد بعرف الليهو

جاهزيييييييين.

Post: #20
Title: Re: l;kjho
Author: ناذر محمد الخليفة
Date: 02-19-2009, 07:44 AM
Parent: #19

سلام سعد الدين ...

Quote: من شدة طولنا من المشاكل لمن نسينا قصة النمر و القرد. تذكر كجامة الامين ديك؟

كييييييف ما بتذكر الكجامة ديك ..
البيعجبني في ود الامين لمن جا المنبر دا جا جاااهز وبي سنونو ... طوالي نصب كجامتو في نص البوستات
وصرح عديييل كدة قال الحلوف البتقبضو إلا يقول جااااااااااغ حتين يفكو :D

Post: #21
Title: Re: l;kjho
Author: ناذر محمد الخليفة
Date: 02-19-2009, 07:45 AM
Parent: #19

سيف اليزل ..

Quote: يا ناذر امشي البحر بتلقي حلل

يا زول ما سمعت المرحوم البروفسير عبد الله الطيب قال شنو في الفنان الكان بيغني بيقول ( يا ناس شوفو لي حلل )

سمعتو :D

لكن البحر دا أنا ما من ناسو ..

Post: #24
Title: Re: l;kjho
Author: عز الدين بيلو
Date: 02-19-2009, 07:53 AM
Parent: #21

Quote: .. شوفوا لي حلل ..!!

أول حاجة قول:

شوفوا لي حل

ولا تقل حلل

لأن (حلل) هو ذكر التمساح (بتاعو يعني)

Post: #22
Title: Re: l;kjho
Author: ناذر محمد الخليفة
Date: 02-19-2009, 07:47 AM
Parent: #19

عثمان دغيس ..

Quote: ببساطة تنتظر لما يجوك ناس لي حفلة عرس ..
وتقوم تشبكهم ليك ناس زاد الشجون ..
وتباريح الهوى ...
ولو كنت ناكر للهوى ..
وخاف من الله ...

يا زول قلت كايس شكلة مش طريقة إنتحار .. :D
وحتى لو داير إنتحر في وسائل أرحم من كدة ..

Post: #23
Title: Re: l;kjho
Author: ناذر محمد الخليفة
Date: 02-19-2009, 07:49 AM
Parent: #19

الكباشي ..

Quote: سوى الدايرو وكُتر الكلام خليهو
والشر القصدتو معاى ابقى عليهو
طير اصل السماء حتى القمر دليه
يوم نتلاقى كل واحد بعرف الليهو

جاهزيييييييين.

علا اب درقا تكاكبي أكل الجدري البعادي
للخصيم قلبو يادي سيفو المر الحجازي ..

Post: #25
Title: Re: l;kjho
Author: SHIBKA
Date: 02-19-2009, 08:54 AM
Parent: #23

ياناذر
اليومين ديل الموضة في المنبر هنا ِشبك بس

الحمدلله انا بررررررررررة منها

لو عندك طريقة للشبك انا بساعدك جدا

زاتو الواحد ياخد ليهم يومين
يرفه بيهم بالشِبك دي

Post: #26
Title: Re: l;kjho
Author: طه كروم
Date: 02-19-2009, 09:08 AM
Parent: #25

ســـلام يا ناذر يا وجيه

والله كل ما أمر على بوست مولع .. أقول الله يستر

ما القى أسمى مكتـــوب ..

المهم بقينا نصنف برانا وأنت أنا لما فابلتك بالحلفايا

أول مـــرة ... سجلتك مع الحمائم.. عايزنا نغير رأينا فيك مالك

Post: #27
Title: Re: l;kjho
Author: ناذر محمد الخليفة
Date: 02-19-2009, 09:42 AM
Parent: #26

بيلو ..

Quote:
أول حاجة قول:

شوفوا لي حل

ولا تقل حلل

لأن (حلل) هو ذكر التمساح (بتاعو يعني)

نسأل الله السلامة ..!!!!

يا راجل ما تصعب من اللغة ما سهلها الله ..!

Post: #28
Title: Re: l;kjho
Author: ناذر محمد الخليفة
Date: 02-19-2009, 09:44 AM
Parent: #26

شبكة ..

Quote: ياناذر
اليومين ديل الموضة في المنبر هنا ِشبك بس

الحمدلله انا بررررررررررة منها

غايتو إسمك دا فيهو حلاة شكلة ..!!

أي واحد مفتكرك راجل .. مني ومنك اليغلط غلطة زي دي طوالي إنشبك فيهو بي بوستات ما يحلنا إلا كهربة المنبر تقطع ..!!

Post: #30
Title: Re: l;kjho
Author: SHIBKA
Date: 02-19-2009, 09:55 AM
Parent: #28

Quote: أي واحد مفتكرك راجل .. مني ومنك اليغلط غلطة زي دي طوالي إنشبك فيهو بي بوستات ما يحلنا إلا كهربة المنبر تقطع ..!!

اتفقنا ياناذر

لكن حكاية الكهرباء تقطع في المنبر دي ما بتوقفنا لانو القطع هنا كتير خلاص

Post: #29
Title: Re: l;kjho
Author: ناذر محمد الخليفة
Date: 02-19-2009, 09:47 AM
Parent: #26

كيفك يا طه ..

Quote: المهم بقينا نصنف برانا وأنت أنا لما فابلتك بالحلفايا

أول مـــرة ... سجلتك مع الحمائم.. عايزنا نغير رأينا فيك مالك

يا زول مقابلتي ليك كانت لزوم المجاملة واول مرة وكدة ..

بعدين برة المنبر دا بنكون كويسين لكن الزول يقعد قدام الكيبورد دا بس إلا تسأل الله السلامة ..

Quote: سجلتك مع الحمائم..

لا لا إنت غلطان ..

أخوك بدون فخر من فريق الصقور ..!!

وبرضو نسأل الله السلامة ..!!

Post: #31
Title: Re: l;kjho
Author: عبدالوهاب علي الحاج
Date: 02-19-2009, 10:03 AM
Parent: #29

Quote: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
خش في عمك مالو كدى عيبو لى
والله اهو مقضينا كلنا زي العحب

Post: #32
Title: Re: l;kjho
Author: baha eassa
Date: 02-19-2009, 10:06 AM
Parent: #31

Quote: إشتقت للمشاكل وكيبوردي ماكلني .. شوفوا لي حلل ..!!

سلام ناذر .. ..
قول بسم الله مالك يا اخوي .. علي العموم رسلت ليكي ايميل
ممكن تفش فيهو زي ما داير وترد علي بعد داك وماتطنش .. ..

Post: #33
Title: Re: l;kjho
Author: ناذر محمد الخليفة
Date: 02-19-2009, 10:06 AM
Parent: #31

وهبة ..!!

Quote: خش في عمك مالو كدى عيبو لى
والله اهو مقضينا كلنا زي العحب

كلو إلا عمكم داك :D

أحسن لي أشاكل عمك سيد الشي زاااتو ولا عمكم دا :D:D:D:D

Post: #34
Title: Re: l;kjho
Author: عبدالوهاب علي الحاج
Date: 02-19-2009, 10:15 AM
Parent: #33

Quote: كلو إلا عمكم داك
احي انا ماقلتو نوبة
يازول ما تخاف ساي عمك دا شنابرو خفت زماااااان
والغنماية بقت تلحس كيسـو

Post: #35
Title: Re: l;kjho
Author: ناذر محمد الخليفة
Date: 02-19-2009, 10:22 AM
Parent: #34

سلام بهاء

Quote: سلام ناذر .. ..
قول بسم الله مالك يا اخوي .. علي العموم رسلت ليكي ايميل
ممكن تفش فيهو زي ما داير وترد علي بعد داك وماتطنش .. ..

راجع إيميلك يا مان ..

عشان ما تقول بطنشك .. شفت أبو السريع دا كيف .؟!

Post: #36
Title: Re: l;kjho
Author: ناذر محمد الخليفة
Date: 02-19-2009, 10:23 AM
Parent: #34

وهبة ..

يا زول يفتح الله ..

Quote: احي انا ماقلتو نوبة

يا زول لا نوبة لا بطيخ ..!!

شوايقة بس :D:D:D:D:D

Post: #37
Title: Re: l;kjho
Author: حمزاوي
Date: 02-19-2009, 10:25 AM
Parent: #34

Quote: شوفوا لي حلل ..!!

سـجـمي

Post: #38
Title: Re: l;kjho
Author: saadeldin abdelrahman
Date: 02-19-2009, 01:39 PM
Parent: #37

يا الله السلامة، العالم دي تصعب النضمي بالحيل.

Post: #40
Title: Re: l;kjho
Author: ناذر محمد الخليفة
Date: 02-19-2009, 01:59 PM
Parent: #38

حمزاوي ..

Quote: سـجـمي

إنت صدقت كلام المرحوم عبد الله الطيب ولا شنو ؟!!

Post: #41
Title: Re: l;kjho
Author: saadeldin abdelrahman
Date: 02-19-2009, 02:09 PM
Parent: #40

هههه..الله يكرم القراء. ليك في التشكيل مخرج.. تنعم بالديباج و الحلي و الحلل. بالدو و كدا..

Post: #39
Title: هوي انت....
Author: حنين للبلد
Date: 02-19-2009, 01:45 PM

ناذر

تعال اتشبك في رقبتي دي...والله يحلك الله مني...

اصلي الأيام دي متحججة ومتلقية حجج...

تعرف انا اصلا الدراما بتاعت الصلح ديك ماخالت علي ...قال حرسوا الثعلب قفص الجداد ...لا بالله .."اها ده خيط امسك في قوي"..
وبالمناسبة ما تستهون بي... والله اجيد الكر والفر "والزوغان وفك البيرق" يعني الشبكة حتكون مسلية وممتعة...
انت زاتك بعد الزواج بقيت مسااالم كدة وماعاجبني "انشاء الله خير"

بالمناسبة بالجد لو مشتهي الحنيطير امسك قوي في نصيحة راوية وقبل على واشنطن...الخيط ده شكله حيستمر للمائة ربع القادمة...

يااخي قوم شوف مسؤولياتك بلا شبك بلا عدم موضوع معاك الظاهر عليك روقت يامان...."خت ليك وشوش ضاحكة من خيالك"

Post: #42
Title: Re: هوي انت....
Author: محمد عبد الماجد الصايم
Date: 02-19-2009, 03:24 PM
Parent: #39

Quote: والغنماية بقت تلحس كيسـو

نسأل الله السلامة !!

Post: #43
Title: Re: هوي انت....
Author: ناذر محمد الخليفة
Date: 02-19-2009, 06:37 PM
Parent: #42

سعد الدين ..

Quote: هههه..الله يكرم القراء. ليك في التشكيل مخرج.. تنعم بالديباج و الحلي و الحلل. بالدو و كدا..

يا سلام عليك يا أبو السعود ..

Post: #46
Title: Re: هوي انت....
Author: Hassan Makkawi
Date: 02-19-2009, 06:53 PM
Parent: #43

ناذر ياخ:

ان لم تكن ذئباً أشوساً
كثيييييييير الأذي؟؟؟؟؟

لبالت عليك الثعالب!!َ

دحين يا خوى

وساطة+ مصالحات=ثعالب تبحث عن رأس (تتبول) علية

Post: #44
Title: Re: هوي انت....
Author: ناذر محمد الخليفة
Date: 02-19-2009, 06:42 PM
Parent: #42

حنين ..

Quote: تعرف انا اصلا الدراما بتاعت الصلح ديك ماخالت علي ...قال حرسوا الثعلب قفص الجداد ...لا بالله .."اها ده خيط امسك في قوي"..

كتاااااار ما خالت عليهم ..
ما المهم ما تخيل عليك .. المهم تتعاملي مع الواقع الجديد دا ...:D

Quote: انت زاتك بعد الزواج بقيت مسااالم كدة وماعاجبني "انشاء الله خير"

تكون مرتي بتهرشني ولا شنو قصدك ؟!!

Quote: يااخي قوم شوف مسؤولياتك بلا شبك بلا عدم موضوع معاك الظاهر عليك روقت يامان

الظاهر كدة ..

زمان الواحد يكتب بوست ولا مداخلة ينهيها بي عبارات من شاكلة (السما التنقد) و (جاييك ولأرجاني كان راجل) و (أكرب نصك لمن أرجع) .. هسي الواحد بقى ينهي مداخلاتو بي (مؤونة طن من المودة ) و (لك الود أجله) و (مؤونة عشرة بطيخات جروف) !!

معقولة ياخ !!

Post: #45
Title: Re: هوي انت....
Author: ناذر محمد الخليفة
Date: 02-19-2009, 06:42 PM
Parent: #42

الصائم ..

Quote: نسأل الله السلامة !!

وستر الحال والكرامة ..!!

Post: #47
Title: Re: هوي انت....
Author: Abdelmuhsin Said
Date: 02-19-2009, 07:21 PM
Parent: #45

والله يامان انت مكنتك خلاص عاوزه ليها شنبر عند يس
وياحليل ودالخليفه الكان بوقف ناس ....طابور .
بالمناسبه واضاحه بتقول ليك زمان شن قولنا .

بالمناسبه كبر لى صورتى ده شويه

لى قدام

Post: #48
Title: Re: هوي انت....
Author: saif massad ali
Date: 02-19-2009, 07:47 PM
Parent: #47

خليل إبراهيم يمنى النفس بمنصب نائب رئيس جمهورية السودان

شوفو الزول ده كتب لي حواء سليمان شنو

يا حواء لاتثقي فيهم كلهم واحد لبراليون تقدميون سلفيه

Post: #49
Title: >>>>
Author: Elsiddig A. Ahmed
Date: 02-19-2009, 08:07 PM

ناذر ود الخليفة سلامات

ما لك قايم سداري الحلل تلقاه عند التمساح واليومين الدنيا كلها صلح واجاويد بس عشان حق الوليد وامه ما يضيع ساكت فى الكيبوردات فتش ليك لكيبورد بتاع بلاستيك وتعال داخل توش ما تخلى زول فى البورت وزع و اصرف دون حساب فى الالقاب والاسماء العجبيبة وارفع شعار من اراد ان يثكله كيبورده فليدخل هذا البوست وتقوم على طول فاكبه بالكيبورد ونعته بعديم المعرفة بالسايبر والسيريفر والباندوث
شكلك اليومين ديل رايق شديد ومقرش كمان لمن غلط

اخوك الزمان

Post: #50
Title: Re: >>>>
Author: ناذر محمد الخليفة
Date: 02-20-2009, 06:10 AM
Parent: #49

حسن مكاوي ..

Quote: وساطة+ مصالحات=ثعالب تبحث عن رأس (تتبول) علية

يجازي محنك :D:D:D:D

Post: #51
Title: Re: >>>>
Author: ناذر محمد الخليفة
Date: 02-20-2009, 06:12 AM
Parent: #49

عبد المحسن ..

Quote: وياحليل ودالخليفه الكان بوقف ناس ....طابور .
بالمناسبه واضاحه بتقول ليك زمان شن قولنا .

يا حليلو هو ..

ويين وضاحة ؟!!

Quote: بالمناسبه كبر لى صورتى ده شويه

حاولت أكبرا لكن بتظهر مشوشة وما واضحة ..

رسل لي الأصلية الكبيرة وأنا أصغرا ليك شوية ..

Post: #52
Title: Re: >>>>
Author: ناذر محمد الخليفة
Date: 02-20-2009, 06:13 AM
Parent: #49

سيف مساعد ..

Quote: شوفو الزول ده كتب لي حواء سليمان شنو

يا حواء لاتثقي فيهم كلهم واحد لبراليون تقدميون سلفيه

الظاهر البوست مشى الخور قبل ما نقرا فيهو حاجة ...

Post: #53
Title: Re: >>>>
Author: ناذر محمد الخليفة
Date: 02-20-2009, 06:15 AM
Parent: #49

سلام الصديق ..

Quote: واليومين الدنيا كلها صلح واجاويد بس عشان حق الوليد وامه ما يضيع ساكت فى الكيبوردات فتش ليك لكيبورد بتاع بلاستيك وتعال داخل توش ما تخلى زول فى البورت وزع و اصرف دون حساب فى الالقاب والاسماء العجبيبة وارفع شعار من اراد ان يثكله كيبورده فليدخل هذا البوست وتقوم على طول فاكبه بالكيبورد ونعته بعديم المعرفة بالسايبر والسيريفر والباندوث

والله مع الصلح القايم على الناس الأيامات دي .. شكلو الواحد كان إشترة كيبورد قزاز ما حا تجيهو حاجة ..

Quote: شكلك اليومين ديل رايق شديد ومقرش كمان لمن غلط

يا أخوانا علاقة الزول المقرش بالكايس المشاكل شنو ؟!!

Post: #54
Title: Re: >>>>
Author: Abdelmuhsin Said
Date: 02-20-2009, 03:12 PM
Parent: #53

.

Post: #55
Title: 00
Author: محمد الامين احمد
Date: 02-21-2009, 11:10 AM

كدى ما دام فاضى كده ، ورينى اول شئ معنى الكلام الفى صورة حقتك دى (جرادية فى سروال ... الخ) و بيستعمل متين ؟

و بعدين سؤال بموضوع قديم كتبتو هنا بخصوص البيوت قليلة التكلفة ، هل مازال الامر ناجحا و البيوت ماشه كويس، و هل فى عليها اقبال ؟؟

Post: #56
Title: Re: 00
Author: ناذر محمد الخليفة
Date: 02-22-2009, 11:31 AM
Parent: #55

سلام محمد الامين ..

Quote: و بعدين سؤال بموضوع قديم كتبتو هنا بخصوص البيوت قليلة التكلفة ، هل مازال الامر ناجحا و البيوت ماشه كويس، و هل فى عليها اقبال ؟؟

إنت تسأل والناس تبني ..؟!!

بعد شهر أو أقل إنشاء الله سيتم إفتتاح منزل لاحد البورداب بيناه بتقنية البانيل ..

والإسبوع القادم بإذن الله سيشهد ضربة البداية لبناء منزل بوردابي أخر ..

Post: #57
Title: Re: 00
Author: حسن مضوي
Date: 02-22-2009, 11:45 AM
Parent: #56

Quote: Quote: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!

ناذر الخليفة

تحياتي

أنت عارف يا ناذر نحن ذاتنا فقدنا عامل التسلية

أظرف حاجة تكون في شكلة مولعة في المنبر وأنت تجيب ليك كباية شاي

وتخلف كراعك وتتفرج على الفيلم الدرامي ولو حبيت تعمل مداخلة تعملها عشان

تزيد النار حطب شوية عشان الوضع أسخن ههههههههههههههه

فمن هذا اليوم لا وألف لا للأجاويد

تخريمة :::
وضاحة بت حامد أب عصا أخبارها شنو يا نذوري هههههههههه

Post: #58
Title: Re: 00
Author: ناذر محمد الخليفة
Date: 02-22-2009, 01:33 PM
Parent: #57

حسن مضوي ..

زميلنا تبارك شيخ الدين لمن جا المنبر اي مداخلة ليهو عبارة عن شكلة في حد زاتا ..

يوم دخل بوست الشكلة فيها مدورة لي رب السما وهو يدو ما كلاو وبس داير يشاكل .. دخل كتب في البوست : هسي أنبذ منو وأخلي منو ؟!

شفتو كيف متلقي حجج ؟!

Quote: وضاحة بت حامد أب عصا أخبارها شنو يا نذوري هههههههههه

والله أنا من بوست المناحة داك الرثتني فيهو قبال يومي تاني ما شفتها !!

غايتو !!

ذكرتني بي (الخنساء ترثي أخاها صخراً) الزمان ديك ..!!

Post: #59
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: الأمين عثمان صديق محمد
Date: 02-22-2009, 07:45 PM

Quote: تذكر كجامة الامين ديك؟
ابو السعوود يا عسللي
بالله لي هسه متذكر الكجامة
والله ايام يا كجامات
انت بس اقعد لي الهلط في عسل المنوكا
وخلي اخوك مرمي بي هنوكا
رسل لي كرتونة ياخ
Quote: كييييييف ما بتذكر الكجامة ديك ..
البيعجبني في ود الامين لمن جا المنبر دا جا جاااهز وبي سنونو ... طوالي نصب كجامتو في نص البوستات
وصرح عديييل كدة قال الحلوف البتقبضو إلا يقول جااااااااااغ حتين يفكو
ابو النيذ يا لذيذ
المرة دي الكجامة سننتها مظبوط وركبت فيها عدة انظمة
وعملت ليها ريموت للتحكم من بعد كدا
اجربها ليك هنا وللا بلاش

Post: #60
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ALazhary2
Date: 02-22-2009, 08:10 PM
Parent: #59

.
.

ناذر ود عمي

الحل الوحيد لي مشكلتك دي إنك تشوف ليك طريقة تنقض بيهاإتفاقية الصلح (المطعمية) مع أم رشيرش :)

فكر في طريقة تنقض بيها الهدنة :)

أديك فكرة كويسة :

شوف ليك موضوع كده يجيب ليك آمنة مختار وبعدين طوالي ومية في المية مادام الموضوع فيه أمونة حايجي ياسر طيفور :) وبعدها تراجي بتجي شايتة ضفاري عشان تشد من عضد صديقتها أمونة واكيد حاتصيبك السهام الرشيرشية، وبعد داك مابغلبك تلقى ليك عذر لنقض معاهدة الصلح ، وترجع حليمة لي عادتها القديمة وتبرد بطنك بالمشاكل لمن تآمن زاتو :)

شفت الفكرة الجلابية دي خطيرة كيف ؟

بالمناسبة وين تراجي مختفية؟

أتمنى ان تكون بخير .

تحياتي وتقديري

.
.

Post: #61
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-23-2009, 07:31 PM
Parent: #60

الأمين ..

Quote: المرة دي الكجامة سننتها مظبوط وركبت فيها عدة انظمة
وعملت ليها ريموت للتحكم من بعد كدا
اجربها ليك هنا وللا بلاش

لا لا ما في داعي للتجربة ..

كجامة وبي ريموت ؟!!

نحن البلدية دي ساااي عندنا فيها راي ...

Post: #63
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: Magdi Ahmed Elsheikh
Date: 02-23-2009, 07:37 PM
Parent: #61

ود الخليفة..

يا اخوي انت الوداك تتعشي شنو؟؟

____________________________________

بكري ده توقيت وين ؟؟؟!!

Post: #62
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-23-2009, 07:36 PM
Parent: #60

الأزهري ..

Quote:
ناذر ود عمي

الحل الوحيد لي مشكلتك دي إنك تشوف ليك طريقة تنقض بيهاإتفاقية الصلح (المطعمية) مع أم رشيرش :)

حلوة المطعمية دي ..!!

ما كان فيها صحن شوربة ولا شنو ؟!!

Quote: شوف ليك موضوع كده يجيب ليك آمنة مختار وبعدين طوالي ومية في المية مادام الموضوع فيه أمونة حايجي ياسر طيفور :) وبعدها تراجي بتجي شايتة ضفاري عشان تشد من عضد صديقتها أمونة واكيد حاتصيبك السهام الرشيرشية، وبعد داك مابغلبك تلقى ليك عذر لنقض معاهدة الصلح ، وترجع حليمة لي عادتها القديمة وتبرد بطنك بالمشاكل لمن تآمن زاتو :)

يا معلم بالطريقة دي حا يتلمو كل أعدائي التقليديين وما اعرف أمسك في منو وأخلي منو ..!!

Post: #64
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: عبدالوهاب علي الحاج
Date: 02-23-2009, 07:40 PM
Parent: #62

في النهااااااية بتجي راجع لكلامي

عمك عمك ولا شئ غير عمك

Post: #65
Title: Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
Author: ناذر محمد الخليفة
Date: 02-23-2009, 07:44 PM
Parent: #64

مجدي ..

Quote: ود الخليفة..

يا اخوي انت الوداك تتعشي شنو؟؟

زي ما قال واحد صاحبنا .. داك كان العشاء الأخير ..