Post: #1 Title: حـمـار في حـديـقـة أوزون .!!! Author: ناذر محمد الخليفة Date: 11-26-2008, 11:23 PM Parent: #0
قبل نصف ساعة من الان ..
مررت بالصدفة البحتة على حديقة أوزون ، تلك الحديقة المشهورة في الخرطوم (2) ذلك الحي الراقي الهادي ، والذي إرتبط في أذهان العامة في الخرطوم بإحتوائهه على منازل الدبلوماسيين والسفراء والمعتمدين ..
حديقة أوزون أشهر معالم حي الخرطوم (2) والتي إشتهرت بانها المكان الذي يتجمع فيه السفراء الغربيين والدبلوماسيين وموظفي الأمم المتحدة والمنظمات الاجنبية على حد سواء ، وقد زاد في شهرة أوزون إصدار السفارة الامريكية قبل عدة أيام لبيان تحذر فيه رعاياها من إرتياد تلك الحديقة لأسباب امنية !!! ..
المهم أنني مررت قبل قليل بتلك الحديقة وقد كانت الساعة تمام الواحدة صباحا وهالني منظر حمار (يسترزق) من زهور الحديقة وأشجارها الخارجية بكل إطمئنان للدرجة التي جعلتني أهرع فورا لكاميرتي لأخذ لقطات لذلك الحمار في أثناء وجبته (الاوزونية) الشهية ، ولم يتسن لي سوى أخذ فقط ثلاث لقطات لاغير لأن الحمار لم يصبر ولم (يبتسم) أمام كاميرتي وفضل الهروب من امامها ، ولعله لا يريد أن يتورط في مسألة سياسية قد تجلب له النفي في غوانتناموا ما تبقى له من حشائش وأزهار العمر .!!
وهذا فقط ما تحصلت عليه من صور الحمار على مشارف أزهار أوزون ..!! :
Post: #2 Title: Re: حـمـار في حـديـقـة أوزون .!!! Author: ناذر محمد الخليفة Date: 11-26-2008, 11:25 PM Parent: #1
Post: #3 Title: Re: حـمـار في حـديـقـة أوزون .!!! Author: ناذر محمد الخليفة Date: 11-26-2008, 11:26 PM Parent: #1
Post: #4 Title: Re: حـمـار في حـديـقـة أوزون .!!! Author: ناذر محمد الخليفة Date: 11-26-2008, 11:26 PM Parent: #1
Post: #5 Title: Re: حـمـار في حـديـقـة أوزون .!!! Author: حمور زيادة Date: 11-26-2008, 11:36 PM Parent: #4
ناذر تحياتي .. إتلقي دا وأحد من الجماعة الـ بالنهار بِضَبِحوا وبالليل بِضَبِحوا لو قلت بسم الله كان إختفي
Post: #72 Title: Re: حـمـار في حـديـقـة أوزون .!!! Author: الملك Date: 11-28-2008, 08:25 AM Parent: #5
Quote: يا ناذر ده جا بيو ناجي الملك
انا,,
يا حمور !!!
لو ما كان اسمك
"حمور"
Post: #7 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 00:31 AM Parent: #1
كيفك حيمور ..
Quote: يا ناذر ده جا بيو ناجي الملك
صدق إتلفت جاي جاي بفتش لي ناجي ما لقيتو
Post: #8 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 00:33 AM Parent: #1
عصام ..
Quote: لو قلت بسم الله كان إختفي
انا قلت بسم الله وهو حاول يجري ويختفي زي ما باين في الصورة الثانية ...
لكن برضو لحقتو بي فلاشاتي
Post: #9 Title: Re: حـمـار في حـديـقـة أوزون .!!! Author: حمور زيادة Date: 11-27-2008, 00:37 AM Parent: #8
ازيك يا نازر
Quote: صدق إتلفت جاي جاي بفتش لي ناجي ما لقيتو
يكون شال جردل الطلس خش الحمام يملاو مويه بعد العشا الكارب ده الحمار بيكون محتاج يبل ريقو
Post: #12 Title: Re: حـمـار في حـديـقـة أوزون .!!! Author: Magdi Ahmed Elsheikh Date: 11-27-2008, 00:49 AM Parent: #9
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا وهالني منظر حمار (يسترزق) من زهور الحديقة وأشجارها الخارجية بكل إطمئنان للدرجة التي جعلتني أهرع فورا لكاميرتي لأخذ لقطات لذلك الحمار في أثناء وجبته (الاوزونية) الشهية ، ولم يتسن لي سوى أخذ فقط ثلاث لقطات لاغير لأن الحمار لم يصبر ولم (يبتسم) أمام كاميرتي وفضل الهروب من امامها ، ولعله لا يريد أن يتورط في مسألة سياسية قد تجلب له النفي في غوانتناموا ما تبقى له من حشائش وأزهار العمر .!!
عيييييييييييييييك ياوهبه
حصل اخوك
جاءه في شكل حمار
اسع يجي يقول دي دعواتي
ده سفلي عديل
Post: #10 Title: Re: حـمـار في حـديـقـة أوزون .!!! Author: محمد الباقر Date: 11-27-2008, 00:42 AM Parent: #1
أبو النيز ... كيفك يا لذيذ..
تعرف الحمار دا يكون رابطين فيهو البتاع ذاتوو سبب التحذير
Post: #11 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 00:47 AM Parent: #1
محمد الباقر ..
Quote: تعرف الحمار دا يكون رابطين فيهو البتاع ذاتوو سبب التحذير
Post: #14 Title: Re: حـمـار في حـديـقـة أوزون .!!! Author: نادية عثمان Date: 11-27-2008, 00:59 AM Parent: #11
ناذر سلامات
كيفك والجميلة ليمو
عاين
الحمار ده بيكون سيدو بيتعشى جوة أوزون وهو إنتهز فرصة وقال يتعشى بزهور أوزون موش فكرة ؟
Post: #13 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 00:55 AM Parent: #1
Post: #16 Title: Re: حـمـار في حـديـقـة أوزون .!!! Author: Magdi Ahmed Elsheikh Date: 11-27-2008, 01:23 AM Parent: #13
ناذر تمعن حيدا في الصورة
شوف عيونو
ده حمار
ياهو ظاااتوو
هو هنق والا ما هنق
Post: #15 Title: Re: حـمـار في حـديـقـة أوزون .!!! Author: بكري الصايغ Date: 11-27-2008, 01:14 AM Parent: #1
***- ماغريبـة!!!، واحـد من اياهـم بـنهـب فـي الـمال العام!!!
Post: #17 Title: Re: حـمـار في حـديـقـة أوزون .!!! Author: عبد المنعم سليمان Date: 11-27-2008, 01:27 AM Parent: #1
ما تظلم الحمار ساي سيد الكارو دخل الكافيه يشرب (كابتشينو) وبالمره يجيب لحمارو معاه سناك
Post: #18 Title: Re: حـمـار في حـديـقـة أوزون .!!! Author: mohamed osman bakry Date: 11-27-2008, 01:52 AM Parent: #17
كيف عرفتوا حمار يمكن حمـارة
Post: #19 Title: Re: حـمـار في حـديـقـة أوزون .!!! Author: Salahaldeen Nadir Date: 11-27-2008, 06:29 AM Parent: #18
قبل إسبوعين
كنت راجع البيت عبر شارع النيل
وبالقرب من وزارة العدل لفتت نظري اللافتة التي البتمنع ناس الامجاد والهايس والروزا و الدفارات والمواتر من المرور بشارع النيل
واللفت نظري اكتر
عمو سيد الجركانات
راكب حمارو
وماشغال باليافطة (طبعا هو ما مخاطب بالمنع)
فتشت الكاميرا لقيت اني خاتيها بعيد خلاص
وخفت كمان يقوموا يقولو داسوس و بيصور مناطق (حيوية)
غايتو أسامه داؤود لو شاف صورتك دي ياناذر
!
Post: #20 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:01 AM Parent: #1
مجدي .
Quote: عيييييييييييييييك ياوهبه
حصل اخوك
جاءه في شكل حمار
الحمار هين كعب الحصان ..
Post: #21 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:03 AM Parent: #1
نادية عثمان ..
حمدلا على السلامة يا زولة ..!
وكلنا كويسين وبنسلم عليك ..
Quote: عاين
الحمار ده بيكون سيدو بيتعشى جوة أوزون وهو إنتهز فرصة وقال يتعشى بزهور أوزون موش فكرة
بيكون سيدو عزمو جاتوه جوة اوزون لكن الحمار قال الأزهار طعمها طيب ..
Post: #22 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:04 AM Parent: #1
مجدي ..
Quote: هو هنق والا ما هنق
شغل الفيديو الفوق دا وأسمع الهنيق الصاح
Post: #23 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:11 AM Parent: #1
بكري ..
Quote: ***- ماغريبـة!!!، واحـد من اياهـم بـنهـب فـي الـمال العام!!!
أوزون بتاعت أسامة داوود
Post: #24 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:13 AM Parent: #1
منعم ..
Quote: ما تظلم الحمار ساي سيد الكارو دخل الكافيه يشرب (كابتشينو) وبالمره يجيب لحمارو معاه سناك
Post: #25 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:14 AM Parent: #1
محمد عثمان ..
Quote: كيف عرفتوا حمار يمكن حمـارة
لانو لمن صورتو هنق ما هنقت
Post: #26 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:15 AM Parent: #1
صلاح الدين ..
Quote: وخفت كمان يقوموا يقولو داسوس و بيصور مناطق (حيوية)
غايتو أسامه داؤود لو شاف صورتك دي ياناذر
انا ما خفت من أسامة ..
خفت من الإف بي أي القالوا حايمين حول اوزون اليومين دي ..
Post: #27 Title: Re: حـمـار في حـديـقـة أوزون .!!! Author: حسين محي الدين Date: 11-27-2008, 07:24 AM Parent: #26
Quote: خفت من الإف بي أي القالوا حايمين حول اوزون اليومين دي ..
بتاعين الافلام ديك يا سلام انا حامشي اتحاوم هناك يمكن يقبضوني ويدوني نيويورك
Post: #28 Title: Re: حـمـار في حـديـقـة أوزون .!!! Author: عامر تيتاوى Date: 11-27-2008, 07:30 AM Parent: #27
ناذر عيونو فيها شى يحير
Post: #33 Title: Re: حـمـار في حـديـقـة أوزون .!!! Author: gamal elsadig Date: 11-27-2008, 07:54 AM Parent: #27
ناذر ...سلام وتحايا
تعرف والله ذكرتني البوست بتاع (الحمار) الرئاسي العائم ... اقصد القصر العائم
إحتمال كبير تكون (اوزون) هي الاتحركت ومشت حي (الحمير) ... يازول انت متاكد انك مريت بالخرطوم 2 ؟؟؟ إحتمال كبير يكون الحمار ده بتاع ناس الهلال ...
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا
جاي من وين ماشي وين ؟؟
Quote: وقد زاد في شهرة أوزون إصدار السفارة الامريكية قبل عدة أيام لبيان تحذر فيه رعاياها من إرتياد تلك الحديقة لأسباب امنية !!!
اووع يكون الحمار ده مفخخ ؟؟؟
.
Post: #29 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:33 AM Parent: #1
Post: #30 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 07:34 AM Parent: #1
شتان ما بين الحمار الاوزوني وحمار السوق هذا : !!
Post: #34 Title: Re: حـمـار في حـديـقـة أوزون .!!! Author: حسين نوباتيا Date: 11-27-2008, 07:57 AM Parent: #30
ناذر كيفنك ...
لكن حمارك ده مااكتر "زول" مرتاح في السودان لا اسعار طلعت لا بنزين نزل ياكل في اجعظ حتة في السودان مع الطبقة الارستقراطية و" يبعر" قي انضف شارع و ينوم في اجمل حديقة فندق ..يااااااااه اريتو حالي.. بس من غير عكاكيز و جرجرت براميل موية وشواويل فحم..
عليك الله الموبايل في الخاص ..الهكر لحس الرقم..
Post: #31 Title: Re: حـمـار في حـديـقـة أوزون .!!! Author: Tabaldina Date: 11-27-2008, 07:39 AM Parent: #1
.. . يا ناذر خلينا من حمار أوزون دا
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا
الساعة واحدة براكـ ولا فى مرافق !!؟ ولو مافى مرافق البخليك تتحاوم .. والناس حارسنك شنو ؟؟
__________
غايتو حمارك دا لو مر الساعة 10:45pm ورفع اضنينو ونهق بهناكـ والله اوزون كلها تقوم جارية بما فيهم ناس FBI
Post: #35 Title: Re: حـمـار في حـديـقـة أوزون .!!! Author: Fathi Ali Mohammed Date: 11-27-2008, 08:04 AM Parent: #31
ليه العجب يا أخوانا
حتى الحمير من حقها تتجدع
ممكن يكون مواعد حماره
أو عندهم عيد ميلاد
أو عشا عمل
المهم أنو الحمار شكلو اتشر ومافي زول جاهو
كامل تضامننا معك أخي الحمار
Post: #32 Title: Re: حـمـار في حـديـقـة أوزون .!!! Author: طارق ميرغني Date: 11-27-2008, 07:51 AM Parent: #1
يا ناذر هم خاتين في الحديقه حمار ليه؟؟؟ يعني نحن ناقصين .تعودنا في الحدائق جلب حيوانات نادره كاللاما والدب الصيني الباندا وغيره .
Post: #37 Title: Re: حـمـار في حـديـقـة أوزون .!!! Author: انور الطيب Date: 11-27-2008, 08:14 AM Parent: #32
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا وهالني منظر حمار (يسترزق) من زهور الحديقة وأشجارها الخارجية بكل إطمئنان للدرجة التي جعلتني أهرع فورا لكاميرتي لأخذ لقطات لذلك الحمار في أثناء وجبته (الاوزونية) الشهية ، ولم يتسن لي سوى أخذ فقط ثلاث لقطات لاغير لأن الحمار لم يصبر ولم (يبتسم) أمام كاميرتي وفضل الهروب من امامها ، ولعله لا يريد أن يتورط في مسألة سياسية قد تجلب له النفي في غوانتناموا ما تبقى له من حشائش وأزهار العمر .!!
الأخ ناذر والله موضوع ظريف وكما يقال A picture is worth a thousand words والصورة دي يا ناذر عجيبة وممكن يجيك ينظروا ناس كثيرين فيها زي الجماعة أخوانا الفوق ديل ولكن أنا أقول والله المستعان ... أولا الحمار دة كان مربوط والدليل الحبل الطويل الجاري دة وتاني كان مرتاح في مكان مكنون ومأمون وربما أتى واحد من زوار الليل حلال والله حرام قام بإزعاج الحمار دة وبعدين فك القيد وجاء للأوزون ويحمد ربو ما مشى لثاني أكسيد الكربون والله المنطقة الصناعية وإلا كان في خبر كان ، المهم الحمار دة ما أنا عارف نسميهو حمار شنو!!!!! وبعدين الحمار دة بتاع كارو وممكن يكون كارو موية ولو كان كارو موية دي مشكلة لانو كيف كارو موية أو قد يكون الكارو دة بتاع الفواكه والخضر البيلف بين الأحياء الراقية ويبيع المانجو والـــ انجو وبعدين برضو يا بتاع الاميبكلوكس انت الحمار دة حمار ضكر وفي حتة شوية محيراني إنت وقفت الحمار دة عشان تصوروا والله هو وقف براهو عشان حرف ال e ظابط زي الكرفتة ما شاء الله ولو دي عملتة إنت ما في داعي تصور بعد كدة لأنو وصلت وخلي اللي يصورو ناس تانيين ... وال O مع ال Z ضابطة يمين والe شمال بسم الله ما شاء الله وطيب سؤال تاني الزول بتاع الحمار دة وين !!!! لو ساكن في المنطقة دي حا يغير في الأنماط الجغرافية ولو ساكن في حتة تانية حا يغير في الأنماط ... والله يا ناذر إنت حا تودينا في داهية أحسن نقيف هنا ... والله يحفظك واعمل حسابك ما تجي بالليل في حتات زي دي والله غيرها واسمع كلام الحكومة ..
Post: #38 Title: Re: حـمـار في حـديـقـة أوزون .!!! Author: Hassan Makkawi Date: 11-27-2008, 08:31 AM Parent: #32
الما عارف يقول حمار
ياناس دة FBI UNDERCOVER
بدليل عيونو البتلمع IR دى
Post: #36 Title: Re: حـمـار في حـديـقـة أوزون .!!! Author: عبدالوهاب علي الحاج Date: 11-27-2008, 08:07 AM Parent: #1
Quote: عيييييييييييييييك ياوهبه
حصل اخوك
جاءه في شكل حمار
يامجدي
حمار في اوزون ووسط الزهور متصور ومتعشي كمان دي قوية يا ناذر
حمار مضروب فلاشات الساعة واحدة ونص صباحا
انا اقترح على الاخ ناذر
بتغيير موضوع البوست دا ونطالب بعضوية للحمار دا
انا غايتو بثني ودا البروفايل بتاعو
Post: #39 Title: Re: حـمـار في حـديـقـة أوزون .!!! Author: محمد فرح Date: 11-27-2008, 08:55 AM Parent: #36
والله ياناذر عندك المحن
حمار متجدع
Post: #40 Title: Re: حـمـار في حـديـقـة أوزون .!!! Author: محمد عكاشة Date: 11-27-2008, 09:04 AM Parent: #39
Quote: الساعة واحدة براكـ ولا فى مرافق !!؟ ولو مافى مرافق البخليك تتحاوم .. والناس حارسنك شنو ؟؟
سبقنى تبلدينا ده السؤال
Post: #41 Title: Re: حـمـار في حـديـقـة أوزون .!!! Author: محمد عكاشة Date: 11-27-2008, 09:09 AM Parent: #39
Quote: الساعة واحدة براكـ ولا فى مرافق !!؟ ولو مافى مرافق البخليك تتحاوم .. والناس حارسنك شنو ؟؟
سبقنى تبلدينا ده السؤال
Post: #42 Title: Re: حـمـار في حـديـقـة أوزون .!!! Author: محمد عبد الماجد الصايم Date: 11-27-2008, 09:13 AM Parent: #1
باللاي حتى الحومار ما عاوزين تريحوهو في دنيتو بكون شغال أوفر نايت!!
___________ قصدي ناذر .. ما الحمار
Post: #43 Title: Re: حـمـار في حـديـقـة أوزون .!!! Author: عبدالله كع Date: 11-27-2008, 09:35 AM Parent: #1
ناذر .. سبب واحد يخلي الحمار يتحاوم في الحته دي ما في ... قطع شك ده زول راكبو حمار النوم ..
Post: #45 Title: Re: حـمـار في حـديـقـة أوزون .!!! Author: Yassir Bainwi Date: 11-27-2008, 09:54 AM Parent: #43
يا ناذر الغريب في الموضوع دا شنو هسع
ما عادي وبالنهار كمان بتلقي في حمير قاعدين جوة اوزون وكمان خالطين حمارات
Post: #44 Title: Re: حـمـار في حـديـقـة أوزون .!!! Author: naeem ali Date: 11-27-2008, 09:52 AM Parent: #1
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا وهالني منظر حمار (يسترزق) من زهور الحديقة وأشجارها الخارجية بكل إطمئنان
محل ما يسري يمري انت (اسياد الشي زاااااااتا) ما حزروكم من المناطق دي بن لادن وكده
الليله كيف؟
Post: #46 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 09:56 AM Parent: #1
حسين ..
Quote: بتاعين الافلام ديك يا سلام انا حامشي اتحاوم هناك يمكن يقبضوني ويدوني نيويورك
للاسف الجماعة بقوا ما بيودوا نيويورك لانهم فهمو الكنتة ..
عملوا فرع لي نيويورك في الجيلي يودوا ليها المتحايلين الزيك ديل
Post: #47 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 09:58 AM Parent: #1
عامر تيتاوي ..
Quote: ناذر عيونو فيها شى يحير
لا يحير لا حاجة ... تتصور الحمار دا نبيه خلاص .. مجرد ما شافني وقفت جمبو طوالي عيونو إتألقت وإتجهز للتصوير
Post: #48 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:01 AM Parent: #1
جمال ..
Quote: إحتمال كبير تكون (اوزون) هي الاتحركت ومشت حي (الحمير) ... يازول انت متاكد انك مريت بالخرطوم 2 ؟؟؟
وين أخونا محمد الامين موسى صاحب الصلعة الفسفورية التي تحل جميع المشكلات المستعصية
Quote: إحتمال كبير يكون الحمار ده بتاع ناس الهلال
الحمار ما عندهم لاكن
Quote: اووع يكون الحمار ده مفخخ ؟؟؟
صدق لمن عيونو ولعت في الصورة الاولى طوالي خفت وإتشهدت ..
لكن الحمد لله طلع مفخخ بي (عليقة) بس في ضهرو
Post: #49 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:09 AM Parent: #1
كيف يا نوباتيا ..
Quote: لكن حمارك ده مااكتر "زول" مرتاح في السودان لا اسعار طلعت لا بنزين نزل ياكل في اجعظ حتة في السودان مع الطبقة الارستقراطية و" يبعر" قي انضف شارع و ينوم في اجمل حديقة فندق ..يااااااااه اريتو حالي.. بس من غير عكاكيز و جرجرت براميل موية وشواويل فحم..
مش كدة بالله .!!
سمعت بي جمعية الحمير المصرية ؟ أعضاءها كلهم من المثقفين والفاهمين في المجتمع المصري وأعضاء الجمعية عندهم ألقاب تمنح لهم زي بردعة و لجام و سرج وحاجات زي دي ..
Quote: عليك الله الموبايل في الخاص ..الهكر لحس الرقم..
هو بكري خلا فيها خاص !! سحب الماسنجر وحيرنا والله ..!
Post: #50 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:09 AM Parent: #1
كيف يا نوباتيا ..
Quote: لكن حمارك ده مااكتر "زول" مرتاح في السودان لا اسعار طلعت لا بنزين نزل ياكل في اجعظ حتة في السودان مع الطبقة الارستقراطية و" يبعر" قي انضف شارع و ينوم في اجمل حديقة فندق ..يااااااااه اريتو حالي.. بس من غير عكاكيز و جرجرت براميل موية وشواويل فحم..
مش كدة بالله .!!
سمعت بي جمعية الحمير المصرية ؟ أعضاءها كلهم من المثقفين والفاهمين في المجتمع المصري وأعضاء الجمعية عندهم ألقاب تمنح لهم زي بردعة و لجام و سرج وحاجات زي دي ..
Quote: عليك الله الموبايل في الخاص ..الهكر لحس الرقم..
هو بكري خلا فيها خاص !! سحب الماسنجر وحيرنا والله ..!
Post: #51 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:11 AM Parent: #1
تبلدينا ..
Quote: الساعة واحدة براكـ ولا فى مرافق !!؟
براااااااااااااااي الله ورقبتي ..
الخرطوم بالليل دي الحوامة فيها حلوة خلاص ..
دا طبعا لو قصدك مرافق إنسان وكدة .. لكن الرفقة التانية موجودة
Post: #52 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:13 AM Parent: #1
فتحي علي ..
Quote: ممكن يكون مواعد حماره
أو عندهم عيد ميلاد
أو عشا عمل
إنت قايل الخاطر دا ما جا في راسي ؟!!!
إتلفت يمين شمال ما لقيت أي حمارة أو إنشالله جحشة ودي برضو ممكن الحمار يواعدا
Post: #53 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:15 AM Parent: #1
طارق ميرغني ..
Quote: يعني نحن ناقصين .تعودنا في الحدائق جلب حيوانات نادره كاللاما والدب الصيني الباندا وغيره .
يا زول إنت حداثي خالص
بعد ما الجماعة شلعوا جنينة الحيوانات وباعوها بقوا الاطفال ما بيشوفوا أي حيوانات إلا حمار اللبن وغنم الحلة وكلاب الجيران وحصين الكارو
وضع الحمار في اوزون أظنو كان لاسباب سياحية والله وأسامة داؤود اعلم ..!!
Post: #55 Title: Re: حـمـار في حـديـقـة أوزون .!!! Author: وائل فحل Date: 11-27-2008, 10:27 AM Parent: #53
...
يا ناذر انت جيت ماري بي اوزون بدري شوية ..
يعني الساعة واحدة صباحاً ..
المصادفة انو انا جيت بعدك بي ساعتين بس ..
تخيل لقيت شنو ؟
عاين معاي الصورة ... برضي كنت شايل كاميرا !
....
احمد الله الطلعك منها سليم !!
.....
Post: #54 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:24 AM Parent: #1
أنور الطيب ..
Quote: أولا الحمار دة كان مربوط والدليل الحبل الطويل الجاري دة وتاني كان مرتاح في مكان مكنون ومأمون وربما أتى واحد من زوار الليل حلال والله حرام قام بإزعاج الحمار دة وبعدين فك القيد وجاء للأوزون ويحمد ربو ما مشى لثاني أكسيد الكربون والله المنطقة الصناعية وإلا كان في خبر كان ، المهم الحمار دة ما أنا عارف نسميهو حمار شنو!!!!!
نظرية منطقية برضو ..
Quote: المهم الحمار دة ما أنا عارف نسميهو حمار شنو!!!!!
سميهو حمار معقم بي الاوزون
Quote: وبعدين الحمار دة بتاع كارو وممكن يكون كارو موية
يا أنور دي نمرة إتنين ياخ ما امبدة
كارو موية شنو البيجي هناك
Quote: وبعدين برضو يا بتاع الاميبكلوكس انت الحمار دة حمار ضكر وفي حتة شوية محيراني إنت وقفت الحمار دة عشان تصوروا والله هو وقف براهو
أول مرة أسمع بي امبلكسات حمارية يا زول مالك داير تجيب لينا الشبهة ؟!
أنا جيت طالع من اللفة جهة مقابر فاروق وفجأة لقيت الحمار الاوزوني دا بيرعى من خشاش أسامة داوود طوالي وقفت وطلعت الكاميرا وصورتو .. الكاميرا طبعا قريبة لي ... في الجهة الجمب الطبنجة طوالي
Quote: عشان حرف ال e ظابط زي الكرفتة ما شاء الله ولو دي عملتة إنت ما في داعي تصور بعد كدة لأنو وصلت وخلي اللي يصورو ناس تانيين
لا والله ما انا .. البركة في الحمار هو الإتخذ (البوظيشن) الصاح
Post: #56 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:32 AM Parent: #1
حسن مكاوي :
Quote: ياناس دة FBI UNDERCOVER
بدليل عيونو البتلمع IR دى
Post: #57 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:35 AM Parent: #1
عبد الوهاب ..
Quote: انا اقترح على الاخ ناذر
بتغيير موضوع البوست دا ونطالب بعضوية للحمار دا
المنبر ما ناقص .. مكتفين تب ..!! لو اوزون ناقص ممكن نشحن ليهو من هنا
Post: #58 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:36 AM Parent: #1
محمد فرح ..
Quote: والله ياناذر عندك المحن
حمار متجدع
بي مزاج كمان
Post: #59 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:37 AM Parent: #1
عكاشة ..
Quote: سبقنى تبلدينا ده السؤال
ما تحكوها شديد ..
Post: #60 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:38 AM Parent: #1
ود الصايم ..
Quote: باللاي حتى الحومار ما عاوزين تريحوهو في دنيتو بكون شغال أوفر نايت!!
___________ قصدي ناذر .. ما الحمار
ملعوبة دي
Post: #61 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:42 AM Parent: #1
كع ..
Quote: قطع شك ده زول راكبو حمار النوم ..
قوية دي والله
ليه ما يكون دا حمار النوم البيقولو عليهو زاتو
Post: #62 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:45 AM Parent: #1
!!
Quote: يا ناذر الغريب في الموضوع دا شنو هسع
ما عادي وبالنهار كمان بتلقي في حمير قاعدين جوة اوزون وكمان خالطين حمارات
الضحك شرطني الليلة
يا أخوانا إنتو امبارح بالليل كنتو ضاربين شنو :
Post: #63 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:50 AM Parent: #1
نعيم ..
Quote: محل ما يسري يمري انت (اسياد الشي زاااااااتا) ما حزروكم من المناطق دي بن لادن وكده
أنا شخصيا كان ما جانب تحذير معنون بي إسمي والله ما إشتغل بالموضوع الشغلة ..
Quote: الليله كيف؟
مية مية ..
Post: #64 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 10:51 AM Parent: #1
وائل فحل ..
Quote: يا ناذر انت جيت ماري بي اوزون بدري شوية ..
يعني الساعة واحدة صباحاً ..
المصادفة انو انا جيت بعدك بي ساعتين بس ..
تخيل لقيت شنو ؟
عاين معاي الصورة ... برضي كنت شايل كاميرا !
دا نا بخاف من حمار يطلعلي أسد ؟
Post: #65 Title: Re: حـمـار في حـديـقـة أوزون .!!! Author: Nader Abu Kadouk Date: 11-27-2008, 10:56 AM Parent: #64
ابو النيذ بكونو ضاربين المحلي ابو حمار
ودابكدوك
Post: #66 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 11:41 AM Parent: #65
أبو كدوك ..
Quote: ابو النيذ بكونو ضاربين المحلي ابو حمار
ودابكدوك
إنت من زمن أبو حمار
الظاهر عليك ما حضرت الثورة الهينيكانية
Post: #67 Title: Re: حـمـار في حـديـقـة أوزون .!!! Author: Nader Abu Kadouk Date: 11-27-2008, 11:53 AM Parent: #66
Post: #70 Title: Re: حـمـار في حـديـقـة أوزون .!!! Author: ناذر محمد الخليفة Date: 11-27-2008, 01:07 PM Parent: #1
مكاوي ..
Quote: شفتة صورة قائد الثورة ( البروفايل )
يلعن ابو التكنلوجيا زاتة ياخ
شفتها ...
المرة دي آمن عديل ، ولا حتى قزازة كوكا كولا ما ختاها قدامو
Post: #71 Title: Re: حـمـار في حـديـقـة أوزون .!!! Author: ناذر محمد الخليفة Date: 11-28-2008, 08:09 AM Parent: #1
Quote: غُرابين بى حجر واحد
Post: #73 Title: Re: حـمـار في حـديـقـة أوزون .!!! Author: ناذر محمد الخليفة Date: 11-28-2008, 10:09 AM Parent: #1
Quote: انا,,
يا حمور !!!
لو ما كان اسمك
"حمور"
Post: #74 Title: Re: حـمـار في حـديـقـة أوزون .!!! Author: محمد عكاشة Date: 11-28-2008, 11:23 AM Parent: #73
Quote: ما تحكوها شديد ..
جدا..ربنا يدى العافيه بس تعرف ياناذر الخرطوم بعداتناشر مدهشه خصوصا حتة وسط دى..اتنين وتلاته
Post: #75 Title: Re: حـمـار في حـديـقـة أوزون .!!! Author: ناذر محمد الخليفة Date: 11-28-2008, 11:49 AM Parent: #74
طيب أمبارح لمن ضربت ليك تلفون أبيت ترفع السماعة مالك
كنت مندهش ولا شنو ؟
Post: #76 Title: Re: حـمـار في حـديـقـة أوزون .!!! Author: ناذر محمد الخليفة Date: 12-01-2008, 10:04 PM Parent: #75
يا عم الحمير كلهم
Post: #77 Title: Re: حـمـار في حـديـقـة أوزون .!!! Author: محمد عكاشة Date: 12-01-2008, 10:30 PM Parent: #76
تعرف ياناذر امبارح كنت فى الموردة قريبا من (كافى ) وكافى مشهور بصناعة الزبادى البلدى المخصوص.. كنت فى حالة انس شجية مع بعض الاصدقاء وخرجت قريبا من الواحدة صباحا وحينها( طقش) وجهى هواء باااارد والنيل على بعدفرسخ.. احساس عجيب وانا اشق طريقى من بوابة عبدالقيوم عبر مسجد الادارسه وبيوت العمراب ومنزل معاويه نور وحيشان الهاشماب وصديق مدثر يتلو(ياضنين الوعد) متل التراتيل والترانيم فى كنيسة الشهيدين .. تعرف ياناذر امدرمان دى حبى ليها من حب عمنا الهادى نصرالدين.. حب لاحد له.. ولكن مع ذلك للخرطوم..فى شرق واتنين وتلاته موقع فى القلب والفؤاد .. ماتقلب علينا المواجع ياشاب
Post: #78 Title: Re: حـمـار في حـديـقـة أوزون .!!! Author: Hisham Ibrahim Date: 12-02-2008, 01:06 PM Parent: #77
دا يشبه حمار الجامعة الأهلية يا نادر !!
يا ربي يكون نقلوهو الأوزون ؟؟؟
والله حمار الأهلية داك لو عندي سلطة في الجامعة اديهو دبلوم صبر !!!
هشام
Post: #79 Title: Re: حـمـار في حـديـقـة أوزون .!!! Author: ناذر محمد الخليفة Date: 12-02-2008, 03:26 PM Parent: #1
يا عكاشة ...
Quote: تعرف ياناذر امدرمان دى حبى ليها من حب عمنا الهادى نصرالدين.. حب لاحد له.. ولكن مع ذلك للخرطوم..فى شرق واتنين وتلاته موقع فى القلب والفؤاد .. ماتقلب علينا المواجع ياشاب
أمدرمان دي الزول بيشم فيها ريحة البلد ..
والخرطوم بنشم فيها ريحة العراقة والحضارة ..
Post: #80 Title: Re: حـمـار في حـديـقـة أوزون .!!! Author: ناذر محمد الخليفة Date: 12-02-2008, 03:27 PM Parent: #1
Quote: والله حمار الأهلية داك لو عندي سلطة في الجامعة اديهو دبلوم صبر !!!
كنتو مشغلنو شنو هناك الحمار دا
Post: #81 Title: Re: حـمـار في حـديـقـة أوزون .!!! Author: محمد عكاشة Date: 12-02-2008, 09:30 PM Parent: #80
Post: #82 Title: Re: حـمـار في حـديـقـة أوزون .!!! Author: معاذ حسن Date: 12-03-2008, 05:42 PM Parent: #81
الصديق ناذر ..تحياتي قانونيا:- اللافتة التي تقول ممنوع دخول عربات الكارو (وبالتالي الحمير حيث لا يتصور دخول كارو بدون حمار او حصان) هذه اللافتة موضوعة في شارع المستشفى والمنع المشار اليه يبدأ من شارع المستشفى وانت ماشي شمال يبقى الحمار بتجوله في منطقة الخرطوم 2 الواقعة جنوب المستشفى كان يمارس حق دستوري مكفول بموجب دستور السودان المؤقت المنبثق عن اتفاقية نيفاشا.
Post: #83 Title: Re: حـمـار في حـديـقـة أوزون .!!! Author: ناذر محمد الخليفة Date: 12-04-2008, 02:27 PM Parent: #1
Quote: يبقى الحمار بتجوله في منطقة الخرطوم 2 الواقعة جنوب المستشفى كان يمارس حق دستوري مكفول بموجب دستور السودان المؤقت المنبثق عن اتفاقية نيفاشا.
!!!
