مـعـتـز تـروتـسـكـي !!! (قـلـبـك نَـوَىَ) !!!

الجميل /ناذر
كالعاده أنت مدمن كبير للروعه والتفاصيل الجميله...هو فعلا القديس تروتسكى قلبو نوى..والاسباب مازالت مجهوله..شقى الحال ده ما منو خبر..........دايرين واحد شفت كده يقوم يجرجرو لينا للمنبر لانو نحن مشتاقببببببببن ليهو كميات والله.

ناذر

كل عام وانت بخير وتصوم وتفطر على خير
والشوق غلب ياناذر

فهموك غلط يا قلبي وعكسوا الكلام

عمر البعرف الريده ما بعرف خصام

دي برضوا الثلاثي الراحل حسن الزبير والدكتور الماحي والمبدع نادر وبرضوا بتقع في جرح ...



شنو يا ناذر ما تشير لحقوق الملكية ياخي

خالد بحر سلامات ..

Quote: هو فعلا القديس تروتسكى قلبو نوى

با سلااااااام على تعبيرك !!!

فعلاً هو القديس تروتسكي ولا ازيد

علي بشير ..

Quote: كل عام وانت بخير وتصوم وتفطر على خير والشوق غلب ياناذر

والله الصبر كملناو عدييل كدة !!
راجنو يحن علينا بس !!

والله فيك الخير يا ناذر ..
أفتقد الشقيق الأصغر معتز كثيراً ولم يغب عن بالي أبداً ..
اليوم وأنا أتصفح بريدي وجدت رسائل له قرأتها وكأني لم أقرأها من قبل ..
تحياتي لك وله ..
وكل عام والجميع على أحسن حال ..
تصوموا وتفطروا على خير ..

الرائع عثمان ..

Quote: دي برضوا الثلاثي الراحل حسن الزبير والدكتور الماحي والمبدع نادر وبرضوا بتقع في جرح ... شنو يا ناذر ما تشير لحقوق الملكية ياخي

إنت ياخي لو صبرت شوية بيحصل شنو مالك متشنج يا زول !!

طبعاً كما ذكرت ، وأنا بعتبر الغنية دي أجمل ما لحن الماحي سليمان للأستاذ الراحل حسن الزبير ، أما نادر خضر فأدى الغنية دي نكهة خاصة ما اظن كنا حا نشعر بيها لو غناها غيرو !!

صنفرة :

إلا قول لي يا عثمان :

تروتسكي قلبو ناوي علي شنو !!

حبيبنا معتصم ..

Quote: والله فيك الخير يا ناذر .. أفتقد الشقيق الأصغر معتز كثيراً ولم يغب عن بالي أبداً .. اليوم وأنا أتصفح بريدي وجدت رسائل له قرأتها وكأني لم أقرأها من قبل .. تحياتي لك وله .. وكل عام والجميع على أحسن حال .. تصوموا وتفطروا على خير ..

والله الزول دا ديمة في الذاكرة ..
والسؤال لسة قائم ..
الزول دا قلبو نَوَىَ علي شنو ؟!!

عارفك أبيت الريده
بس خاويني خوة شديدة

ماله الخوة الله عليها
وين زي خوتك لاقيها




ناوي على مفاجأة جميلة ومهولة سيتم الإعلان عنها قريباً ...





ما تقول كلمتك أنا

عثمان سلامات ..

Quote: ناوي على مفاجأة جميلة ومهولة سيتم الإعلان عنها قريباً ...

رمضان دا الظاهر أي زول قلبو نَوَى

والله ياناذر فعلا هذا ابسط شى نقدمها للاخ الحبيب العزيز معتز
يامعتز وجودك معنا مهم للغاية
تعال ياحبيب واحبابك منتظرنك

المبدع ناذر ..

أولاً : تقبل التهنئة بشهر رمضان الكريم ، وكذلك تحيات وإعجاب هذا العضو الجديد في المنبر والقارئ " القديم جداً " لكل ما ظللت تسطره من كتابات جميلة .

ثانياً : الأغنية وإنت " شرط عديل كدة " ولو ممكن " لنك الحفظ "

ثالثاً : تحياتي وأمنياتي للزول القلبو نوى ..

ناذر رمضان كريم او بالاصح عيد مبارك .. وتحياتي للحبيب البعيد تروتو والشوق كاتلني


وتحية خاصة جدا جدا جدا لاخي العزيز جلال محمد نور وهو يخطو اول خطواته هنا في حوش بكري

Quote: وتحية خاصة جدا جدا جدا لاخي العزيز جلال محمد نور وهو يخطو اول خطواته هنا في حوش بكري

الزعيم تولوس ..

وبعد الإذن من ناذر صاحب البوست ..

ليك التحايا الناضرات كيمان كيمان أخي العزيز .. ورمضان كريم ..
خطوات إيه يا زعيم .. الواحد يا داب " بيحبا " في أطراف حوش بكري ..

لك دوماً جزيل شكري وعميق إمتناني يا راجل يا جميل ..

محمد عادل سلامات ..

Quote: يامعتز وجودك معنا مهم للغاية تعال ياحبيب واحبابك منتظرنك

عليك الله فهموهو الكلام دا !!
أنا تعبت والله !!

جلال سلامات ..

رمضان كريم وكل عام وغنت بخير ..

Quote: المبدع ناذر .. أولاً : تقبل التهنئة بشهر رمضان الكريم ، وكذلك تحيات وإعجاب هذا العضو الجديد في المنبر والقارئ " القديم جداً " لكل ما ظللت تسطره من كتابات جميلة . ثانياً : الأغنية وإنت " شرط عديل كدة " ولو ممكن " لنك الحفظ " ثالثاً : تحياتي وأمنياتي للزول القلبو نوى ..

تسلم كتير ونتمنى ليك إقامة طيبة معانا في المنبر ..
الزول القلبو نوى دا .. راسو ناشف خلاص ونوى نية مبيتة خلاص

هاك اللنك .
www.sudanit.com/uploadvideo/protected/galbak_nawa.mp3[/B]

استاذ تولوس ..
وانت بخير ..

Quote: ناذر رمضان كريم او بالاصح عيد مبارك .. وتحياتي للحبيب البعيد تروتو والشوق كاتلني

تحياتك وصلت لحبيبنا معتز القلبو نوى !!

كوستاوي سلامات ..

صورتك دي رجعتني كم سنة كدة لي ورا

بس ما عرفت قصدك شنو تجيب الصورة الانا قاعد فيها مع سيادة العميد تحديدا

صنفرة :

تروتسكي يغريك السلام والتحيات ..

Quote: كوستاوي سلامات .. صورتك دي رجعتني كم سنة كدة لي ورا بس ما عرفت قصدك شنو تجيب الصورة الانا قاعد فيها مع سيادة العميد تحديدا صنفرة : تروتسكي يغريك السلام والتحيات ..

هو عميدك ده يا كافي البلا ما برقوهو? أها و صية ليك: أبعد من الظلاميين ديل عشان تستنير و ما تنسا الكشا جايا....

تروتسكي

و الله مشتاق ليهو ذي الحاجة السمحة. دايرنو يجي راجع لسودانيزأونلاين لكن بشرط: يكتب موضوع واحد في الأسبوع و باقي الأسبوع كله يقضيه مع الكتب الجامعية لزوم التخرج و بعداك بطريقتو.

بلغو تحياتي و هو زول بعزني و أنا كمان...أخ صغير و من واجبي أن أنهره نهرا شديدا.

كوستاوي كيفك ..

مداخلتنك دي أنا حا ارد عليها بالقطاعي ..

Quote: أها و صية ليك: أبعد من الظلاميين ديل عشان تستنير و ما تنسا الكشا جايا....

عميدي دا قالوا رقوهو في أخر مناكشات حصلت في البورد الايامات الفاتت ..
بالمناسبة الزول القاعد شمال (عميدي دا) دا عضو البورد الإنضم مؤخراً وإسمو معروف حمدين ودا منور كشافة يابانية سبعين واط زي ما شايفو في الصورة ..

Quote: تروتسكي و الله مشتاق ليهو ذي الحاجة السمحة. دايرنو يجي راجع لسودانيزأونلاين لكن بشرط: يكتب موضوع واحد في الأسبوع و باقي الأسبوع كله يقضيه مع الكتب الجامعية لزوم التخرج و بعداك بطريقتو.

أنا وريتو كدة لكن طبعاً إنت عارفو زول شليق .. يعني ما بقدر على جنس شرطك دا ، واي حافلة أو ركشة مارة لازم يتلب فيها ، فدي صعبة بالنسبة ليو !!

Quote: ...أخ صغير و من واجبي أن أنهره نهرا شديدا.

أها عينة نهيركم الشديد دا ونهرزتكم ليهو هو الطفشو من هنا !!
يعني المرة الجاية لو رجع حاول أنهرو (بلاحة بلاحة) الود لسة طالب وما بستحمل !!

بالمناسبة بالجد هو بيسلم عليك وقال لي أبلغك !!

****

ابوالنيذ سلامات

والله ما عارف اخونا الولوف ده عملا كيف المرة دي
ما سمع اللحو بيقول: صعب بالحيل فراق الزول بعد ما يوالف!
اتمنى عودة حبيبنا تروتس بشدة ..و ان كان غيابه ضروري لمتابعة مصالحه
..لا نملك سوى ان ندعو له بالتوفيق و ربنا يقصر غيبتنا
و يرد غربتنا جميعا..

كيفك يا سعد الدين ...

Quote: والله ما عارف اخونا الولوف ده عملا كيف المرة دي ما سمع اللحو بيقول: صعب بالحيل فراق الزول بعد ما يوالف

كان زمان ولوف هسي خلاص قفلت معاو وكره المنبر بي الله واحد ..
غايتو لو دايرو بتلقاهو حايم في كم منبر مجاور ..

لكن الداقس قول ليهو :

كراع البقر جيااااااااااابة

Quote: قفلت معاو

معاو تسي تونغ

خلاص ....
ما بنمشي لي ناس ما بيجونا في القلعة رجعوا..


تحياتنا يا عريس و ارمي كجامة للامين بيجاي.

سعد الدين ...

Quote: ما بنمشي لي ناس ما بيجونا في القلعة رجعوا..

خلاص قوم حاصرو إقتصادياً

أعمل ليو بلوك في الماسنجر مثلاً

يبدو يا ناذر أنو أخينا معتز لابد مع أهلو الصينيين وناوين يسيطروا على العالم في الشهور القليلة القادمة! الدنيا كلها اتملت "ميد إن شاينا!" لحدي ما الواحد بقى يشكل في عويناتو!!

محمد الامين ..

وينك يا عريس ..!!

بركة الجابك تروتسكي ..

رمضان كريم وكل عام وإنت بخير ..

عزيزي ناذر.. رمضان كريم.. وشدو حيلكم مع السخانة.. انحنا رمضانا سياحي لا عطش لا جوع..
أنا خايف الود معتز يكون زاغ من الطب وقلبها صناعة!

يااااااااااااااااااااااااااااااااه




مشتهيك يا قبيح
بي صلعتك دي
وبي جلحاتك كمان



ياااااااااااااااه

كنت عايزك تدردش معاي هنا

حكــواتـــي المدينــــــــــة( فرطلوجيــــا!)

لكن أبيت كلامي و فرحتي بيك لقيتها كتيرة علي

علي فكرة
الزول دة ضيع الباس وورد بتاعو
مع سبق الأصرار والترصد
يعني بس حسادة منو ساكت

foog

ربنا اسامحك يا حبيب نورة

مصدوم فيك !!

ده كلام برضو

الاخ معتز

اعلم انك لا تكرهني
ولكن كما قال لي الصديق المشترك الاستاذ نازر الخليفة
فانت فقط تبغط اسلوبي في كتابة البوستات
ولكن فلتعلم اني احبك جدا
وتالمت حين وجدت غيري يتالم لغيابك عن المنبر

اتمنى ان تعود الينا



ناصر

Quote: فلتعلم اني احبك جدا

ُEvery body does the same thing... non the less no doubt

معتز ......

كل عام وإنت بخير .

Quote: بالمناسبة بالجد هو بيسلم عليك وقال لي أبلغك !!

احنا لينا الله وعيشة السوق
والفوله بتتملى والبقاره بتجى ‍‍!!

تروتسكي !!

Quote: ولكن فلتعلم اني احبك جدا

هاك الحب دا !!!!

شنكل :

كلامي أظنو ما مشى بعيد وجا