حبيبنا ناذر حمدلله على السلامة والشوق بحر صحي في غسيل عدة ولا حيدر بدجل ساكت
مودتي
Post: #3 Title: Re: بـورداب في حـالـة منـجـرة .. Author: سلمى الشيخ سلامة Date: 11-19-2007, 04:13 PM Parent: #2
يا ناذر ازيك وحمدلله ع السلامة ياجاى من السفر كيفك يا عريس وشيل الحال لزومو ؟ تعرف كلمة (منجرة) دى كلمة سمحة جدا لانها من واقعنا ما بتشبه اى لغة تانية تحياتى للجريفاوى وهو يمنجر (على كيفو )
Post: #11 Title: Re: بـورداب في حـالـة منـجـرة .. Author: ناذر محمد الخليفة Date: 11-19-2007, 04:25 PM Parent: #1
سلمى الشيخ ..
Quote: يا ناذر ازيك وحمدلله ع السلامة ياجاى من السفر كيفك يا عريس وشيل الحال لزومو ؟
الله يسلمك يا زولة وكل سنة وإنتي طيبة ..
Quote: تعرف كلمة (منجرة) دى كلمة سمحة جدا لانها من واقعنا ما بتشبه اى لغة تانية
والله يا سلمى كلمة منجرة دي أول مرة أسمعا لمن كنت طالب في مدرسة الخرطوم الجديدة وعندنا فرقة مسرحية فيها ، كان بيجينا واحد من طلبة المعهد أظن إسمو مجاهد بيعلمنا قواعد التمثيل وكدة ، فكان كل مرة بيسألنا عن المنجرة والشير بتاع المنجرة ، وأنا الكلمة دي عجبتني خاصة وإنو إكتشفت إنها منتشرة في وسط الممثلين وخريجي وطالبي المسرح بالمعهد .. وفعلا كلمة حلوة وبتشبهنا ..
Quote: تحياتى للجريفاوى وهو يمنجر (على كيفو )
المنجرة ما عندو لكن
Post: #12 Title: Re: بـورداب في حـالـة منـجـرة .. Author: ناذر محمد الخليفة Date: 11-19-2007, 04:25 PM Parent: #1
الريس أبو جهينة ...
Quote: ناذر
عودا حميدا و بركة الشفناك طيب
الله يبارك فيك وكل عام وإنت بخير ولو أنها متأخرة ..
Post: #13 Title: Re: بـورداب في حـالـة منـجـرة .. Author: ناذر محمد الخليفة Date: 11-19-2007, 04:26 PM Parent: #1
Post: #21 Title: Re: بـورداب في حـالـة منـجـرة .. Author: الأمين عثمان صديق محمد Date: 11-19-2007, 05:22 PM Parent: #1
Post: #22 Title: Re: بـورداب في حـالـة منـجـرة .. Author: هاشم أحمد خلف الله Date: 11-19-2007, 06:20 PM Parent: #21
ناذر حمداً لله علي سلامتك يا عريس ليك وحشة والله .
Post: #23 Title: Re: بـورداب في حـالـة منـجـرة .. Author: خالد علي محجوب المنسي Date: 11-19-2007, 06:29 PM Parent: #22
العزيز / ناذر تحياتي لكن خزلتني شديد من أمس وانا أمسّح في العُكاز المضبب جديدبي زيت السمسم.. غسلت توب الملفحا والعراقي البلدي ( لزوم الصقرية ) أجي ألقا الجماعة بنجرو في السندوتشات
تحياتي ناذر ومازلت في الانتظار
خالد
Post: #24 Title: Re: بـورداب في حـالـة منـجـرة .. Author: شهاب الفاتح عثمان Date: 11-19-2007, 06:37 PM Parent: #1
Quote: عودا حميدا و بركة الشفناك طيب
[color=darkblue] والله و مــاعندك عندي حليفه قبل شـويه كنت في بالي ..!. و انا اضرب في مئلات حجب سودانيز في السودان ..فجال بخاطري هل يمكن ان تحرمنــا قرارات فوقيه من بورادب الخرطوم الرمز الوطن و نحرم من عمالقه من حجم نـاذر ..
حبابنا سوا حوش واحد قلب واحد .[/ color]
Post: #25 Title: Re: بـورداب في حـالـة منـجـرة .. Author: Mustafa Mahmoud Date: 11-19-2007, 06:57 PM Parent: #24
ناذر حمداً لله علي سلامتك يا عريس ليك وحشة والله .
Post: #26 Title: Re: بـورداب في حـالـة منـجـرة .. Author: محمد على طه الملك Date: 11-19-2007, 07:00 PM Parent: #24
حمد الله علي السلامة .. زمن البوست .. شكله كده نظام واصل البقاله وراجع
Post: #28 Title: Re: بـورداب في حـالـة منـجـرة .. Author: Ishraga Mustafa Date: 11-19-2007, 07:51 PM Parent: #26
ازيك يانازر
مالك ياود امى ماظهرت فى قاعة الشارقة كان تفول لينا كنت جيتكم وباركت ليكم العرس فى بيتكم انشاءالله انت طيب وعروستك بخير، نزوركم المرة الجاية انشاءالله ونبارك البنية
أزيييييك يا ناذر.. وحمدلله علي رجوعك من وين ماعارفه.. لكن اتصلت بيك قبل 6 يوم تقريبا ومابترد.. ونشر الكلام هنا من عيوب غياب المسنجر.. كيف لميس؟ بقت عضوه ولا لسه؟
Post: #31 Title: Re: بـورداب في حـالـة منـجـرة .. Author: Manal Mohamed Ali Date: 11-19-2007, 10:50 PM Parent: #30
اها راجعين القاهرة متين؟؟؟؟ انا الايام دي لافه مع سمسار في عابدين ..قلتا يمكن اعتر عليكم بالصدفة.. حال عرسان وكده تحياتي للجميلة
Post: #32 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 05:56 AM Parent: #1
صلاح واسبة ..
كيفك يا حبيب ...
Quote: أها يا ناذر البرميل قالوا نصه عسل ونصه زفت في ناس بفتحوه
في العسل ويصلوا للزفت بعدييييين (زينا كده ) وفي ناس العكس .
قول ما تخجل
والله أنا لا زيكم لا زي العكس ...
أخوك حريف وما بيتدقس شرطت البرميل من نصو عشان نمزج بين الشغلتين
Post: #33 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 05:58 AM Parent: #1
الصحافة يا رايق
Quote: ولا عريس دي بقت قديمة ؟؟
يا زول قديمة بي وين ؟!!!
شهر العسل لسع ما كملتو وإجازتي من الشغل فاضل ليها لسع ستة شهور !
قول عريس طوالي وما تلاوز
Post: #34 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 05:59 AM Parent: #1
الأمينز ...
ولك مثلها أضعاف يا حبيب
Post: #35 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:00 AM Parent: #1
هاشم ....
Quote: ناذر حمداً لله علي سلامتك يا عريس ليك وحشة والله .
بالأكتر والله يا حبيب .... تسلم كتير ...
Post: #36 Title: Re: بـورداب في حـالـة منـجـرة .. Author: Gaafar Ismail Date: 11-20-2007, 06:01 AM Parent: #1
Post: #37 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:01 AM Parent: #1
خالد المنسي ..
Quote: لكن خزلتني شديد من أمس وانا أمسّح في العُكاز المضبب جديدبي زيت السمسم.. غسلت توب الملفحا والعراقي البلدي ( لزوم الصقرية ) أجي ألقا الجماعة بنجرو في السندوتشات
والله أنا ما ناسيك يا منسي لكن كدي قلنا نكشف الساحة ونفجها بي البوست دا ..
ما تتشنج .. جاييك لي قدام
Post: #38 Title: Re: بـورداب في حـالـة منـجـرة .. Author: محمد البشرى الخضر Date: 11-20-2007, 06:02 AM Parent: #1
وين يا عريس مشتاقين والله قالوا في الجزيرة بتسوي ليك فيك كبري وكدا
بعدين بوردابك ديل مالهم كلهم مصلعين
Post: #39 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:04 AM Parent: #1
يا سلام عليك يا دكتور شهاب ...
Quote: والله و مــاعندك عندي حليفه قبل شـويه كنت في بالي ..!. و انا اضرب في مئلات حجب سودانيز في السودان ..فجال بخاطري هل يمكن ان تحرمنــا قرارات فوقيه من بورادب الخرطوم الرمز الوطن و نحرم من عمالقه من حجم نـاذر ..
تشكرات كتيرة إنك خاتيني في بالك .. بعدين موضوع حجب سودانيز أون لاين من الخرطوم دا ما تشتغل بيهو كتير .. الحمد لله عندنا التقنية البتخلينا نتجاوز الجلبكسات دي عادي زي الزبادي ..
بعدين الحجب جو بيتي قدرت أكسرو وأتجاوزو ! حايغلبني الحجب من السودان ؟!!!
Post: #40 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:05 AM Parent: #1
دكتور مصطفى ..
Quote: ناذر حمداً لله علي سلامتك يا عريس ليك وحشة والله .
الله يسلمك يا دكتور .. وأبقى عشرة علي الوصية ..
Post: #41 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:06 AM Parent: #1
محمد علي طه الملك ...
Quote: حمد الله علي السلامة .. زمن البوست .. شكله كده نظام واصل البقاله وراجع
تراكا حريف وبقيت تعرف التكتيكات الأوتومسفيرية
Post: #42 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:10 AM Parent: #1
إشراقة مصطفى ...
كيفك يا دكتورة ..
Quote: ازيك يانازر
مالك ياود امى ماظهرت فى قاعة الشارقة كان تفول لينا كنت جيتكم وباركت ليكم العرس فى بيتكم انشاءالله انت طيب وعروستك بخير، نزوركم المرة الجاية انشاءالله ونبارك البنية
أول حاجة ألف مبروك على التكريم وعلى إحتفال قاعة الشارقة .. والله كان بودي أحضر لكن كنت خارج الخرطوم في شغلة مهمة ، لكن الجايات أكتر من الرايحات ..
بعدين أنا ما قايلك مسافرة طوالي ، قلت أحصل أقابلك لمن أجي راجع ، لكن سألت منك قالو سافرتي طوالي وما قعدتي ..
يا زولة والله ما بتقصري .. ومنتظرين زيارتك في البيت المرة الجاية بإذن الله ...
تسلمل كتير ..
Post: #48 Title: Re: بـورداب في حـالـة منـجـرة .. Author: محمد عيد الله Date: 11-20-2007, 06:23 AM Parent: #42
يا دكتور شكلك كدة كنت غائب عن البورد عموما حمدا لله على السلامة وما طول الغيبة والعسل اكلو بالملعقة عشان ما يكمل وتقعد تتلفت
Post: #43 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:13 AM Parent: #1
تعال ننسق سوا في موضوع ما بعد العرس طالما موضوع العرس المشترك جلى بي بونط
Post: #44 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:14 AM Parent: #1
كيفك يا منى ..
Quote: أزيييييك يا ناذر.. وحمدلله علي رجوعك من وين ماعارفه.. لكن اتصلت بيك قبل 6 يوم تقريبا ومابترد.. ونشر الكلام هنا من عيوب غياب المسنجر.. كيف لميس؟ بقت عضوه ولا لسه؟
ما عندي خبر والله .. الايامات دي الشبكة ضعيفة وجايطة شوية ..
حاولي مرة أخرة ولا تيأسي
Post: #49 Title: Re: بـورداب في حـالـة منـجـرة .. Author: abuguta Date: 11-20-2007, 06:25 AM Parent: #44
تم كدر تاه اسال ولا تسال صدك وهجرك فعل لى بهوت مشكل هم بيار كرتا وتم شرا لال
ههها هههها
عمودا حميدا مستطاب ياناس سنة اولى زواج
Post: #45 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:17 AM Parent: #1
منال محمد علي ..
Quote: اها راجعين القاهرة متين؟؟؟؟ انا الايام دي لافه مع سمسار في عابدين ..قلتا يمكن اعتر عليكم بالصدفة.. حال عرسان وكده تحياتي للجميلة
إنتي يا زولة كبيتي الزوغة بي عمولتنا بتاعت الإيجار المرة الفاتت وكمان ليك نفس تتفاصحي عشان تجي تاني?
بنرجع السنةالجاية إذا ربنا هون .. بس سماسرة عابدين ديل أختيهم بي الله واحد وجربي غيرم .. ديل يودوك النيل ويرجعوك عطشانة
تحياتي ليك ولي البي طرفك ..
Post: #46 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 06:20 AM Parent: #1
Post: #52 Title: Re: بـورداب في حـالـة منـجـرة .. Author: الطيب شيقوق Date: 11-20-2007, 08:35 AM Parent: #50
حباب صندل المنبر العام مشتاقين ليك بالحيل وغاب الطرب بغيابك يا عشاء البايتات
Post: #51 Title: Re: بـورداب في حـالـة منـجـرة .. Author: السمؤال بدرالدين Date: 11-20-2007, 08:35 AM Parent: #1
ناذر يا خي ده اطول شهر عسل لاقاني الشوق كتير تسلم
Post: #53 Title: Re: بـورداب في حـالـة منـجـرة .. Author: ايوب عبدالرحيم Date: 11-20-2007, 09:57 AM Parent: #1
ناذر
حمدلله على السلامة
والله فكرت اعمل بوست عن غيبتك
بس قلت مافي داعي لكسير الثلج
حمدلله على السلامة ومشتاقين كثير
Post: #54 Title: Re: بـورداب في حـالـة منـجـرة .. Author: almulaomar Date: 11-20-2007, 10:37 AM Parent: #1
والله ليك وحشه أون لاين وأوف لاين كمان حمدا لله على ظهورك وأكيد مدكن الكثير المثير خلال غيابك الطال ووفرت فيه الكثير من الباندو للمنبر لكين علي منو إنت وفرت من هنا ناس هناي أهدروها من هنا أو ترق منهم باندوثات أو ترق كل الباندوثات.
Post: #55 Title: Re: بـورداب في حـالـة منـجـرة .. Author: عاصم ابوبكر حامد Date: 11-20-2007, 11:58 AM Parent: #1
الاخ ناتذر
لك التحية ...
والف مرحب وحمدلله على السلامة ....
والله انا قلت ناذر دا بقى ذكئ للدرجة دئ
ومشئ يصمم كبرى الحصاحيصا رفاعة بالجد ولا شنو ...
على العموم الف حمدلله على السلامة ...
لكن العروس شكلها ادتك محاضرة عن المنبر ....
اوع تكون قاعد تحكئ ليها مشاكل المنبر على شان ما تطش ...
تسلم
Post: #63 Title: Re: بـورداب في حـالـة منـجـرة .. Author: أبوعبيدة محمد الأمين Date: 11-20-2007, 12:35 PM Parent: #55
ياعريس ليك وحشة والله
البورد نور الليلة
ونرجو أن توافينا بأخبار كبرى رفاعة ومتى الإفتتاح؟
وبالمرة كمان ماتنسى تعملوا رحلة فى جنائن (صفيطة) وما يفوتكم سمك الحصاحيصا الطاعم ومقرمش داك.
تسلم ياحبيب
وعوداً حميداً
Post: #56 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:25 PM Parent: #1
الماجستير محمد عيد الله ...
Quote: يا دكتور شكلك كدة كنت غائب عن البورد عموما حمدا لله على السلامة وما طول الغيبة والعسل اكلو بالملعقة عشان ما يكمل وتقعد تتلفت
وأنا طول عمري قايلك ما جستير وفرحان إنك شغال تحتي أنا الدكتور لحدي ما قريت سيرتك الذاتية الخاتيها لي ناس البرلمان بي هناك !! طبعا خلعتني بالجد !!
معقولة تدقسني كدة يا محمد ياخ
وإنت زاتك إنسل لي برة وما تغيب من البورد كعادتك
Post: #57 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:29 PM Parent: #1
أبو قوتة البارودة الموقوتة
Quote: تم كدر تاه اسال ولا تسال صدك وهجرك فعل لى بهوت مشكل هم بيار كرتا وتم شرا لال
بير كل بهت أشي هي تم كايسا هي ؟!
ميري بيار نهي هي تكليف ، هم هاميشا بوهوت خوش هو
Post: #58 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:30 PM Parent: #1
العريس دااااك .. الف حمدالله علي السلامة وبركة الشفناك ...
Post: #61 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:32 PM Parent: #1
السموؤل ..
كيفك يا حبيب وكيف البنية ..
Quote: ناذر يا خي ده اطول شهر عسل لاقاني
ومنو القال ليك هو كمل ؟!
Post: #62 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:34 PM Parent: #1
أيوب عبد الرحيم ...
Quote: ناذر
حمدلله على السلامة
والله فكرت اعمل بوست عن غيبتك
بس قلت مافي داعي لكسير الثلج
حمدلله على السلامة ومشتاقين كثير
إنت خلي بالك جاتك عقدة من بوست كسير التلج
بالمناسبة :
وصلت وين في موضوع الـ TIK&TAK ؟؟
Post: #64 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:36 PM Parent: #1
الملا عمر ...
كيفك يا مان ؟
Quote: ووفرت فيه الكثير من الباندو للمنبر لكين علي منو إنت وفرت من هنا ناس هناي أهدروها من هنا أو ترق منهم باندوثات أو ترق كل الباندوثات.
عملا بقاعدة (إن ضاقت سدها وسع قدها) ، وبما إنو ناس هناي ما قدرو يهدرو الباندوث كويس فقلنا الواحد يجي يشكل معاهم فولترون عشان نوسع قد الباندوث بالجد الجد
Post: #65 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:40 PM Parent: #1
عاصم لأبو بكر ..
كيفك يا حبيب ...
Quote: والله انا قلت ناذر دا بقى ذكئ للدرجة دئ
ومشئ يصمم كبرى الحصاحيصا رفاعة بالجد ولا شنو ...
تسهيلا ورفعا عن كاهل المعاناة لمواطني رفاعة والحصاحيصا ، فقد أليت علي نفسي المساهمة في ذلك بتصميم الكوبري وذلك برفع المعاناة عن كاهل المواطنين ووضعها على كاهل البنطون الذي سيتحول عما قريب بعد إنتهاء العمل بالكبري إلى (معدية صيد سمك)
Quote: والله انا قلت ناذر دا بقى ذكئ للدرجة دئ
إنت الظاهر عليك ما إقتنعت لسة بي نظرية البروفسير العالم عمر هرون لسع عن ذكاء .........
Post: #66 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 12:57 PM Parent: #1
أبو عبيدة
Quote: ياعريس ليك وحشة والله
البورد نور الليلة
البورد منور من أمبارح يا زول .. إنت كنت مساهر ولا شنو
Quote: ونرجو أن توافينا بأخبار كبرى رفاعة ومتى الإفتتاح؟
كبري رفاعة خلاص علي وشك الإفتتاح والعمل إنتهى بي نسبة 99 وتسعة من عشرة في المية ..
وهاك دي أخر صورة للكبري في مرحلة قبل النقاشة :
Post: #67 Title: Re: بـورداب في حـالـة منـجـرة .. Author: ناذر محمد الخليفة Date: 11-20-2007, 01:01 PM Parent: #1
أبو بكر ..
Quote: العريس دااااك .. الف حمدالله علي السلامة وبركة الشفناك ...
الله يسلمك ويخدر ضراعك ...
وإنت كيف عامل مع الحياة وظروف المعايش ؟
Post: #68 Title: Re: بـورداب في حـالـة منـجـرة .. Author: عمرو كمال ابراهيم Date: 11-21-2007, 01:48 PM Parent: #67
والله دى فاتتنا يا عمك ...
سلامات
Post: #69 Title: Re: بـورداب في حـالـة منـجـرة .. Author: ناذر محمد الخليفة Date: 11-21-2007, 02:50 PM Parent: #68
سلامات يا عمرو ...
خليك جاهز عشان الفيديو البعد دا فيهو إنت وكمان حاتيهو قرض