Post: #1
Title: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-20-2007, 09:37 PM
|
Post: #2
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-20-2007, 09:40 PM
Parent: #1
الصورة أعلاه بعدسة الفنان عصام عبد الحفيظ ..
|
Post: #3
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-20-2007, 09:41 PM
Parent: #1
هذه الأغنية مهداة بصورة خاصة للأصدقاء الأعزاء :
محمد عكاشة
مطر قادم
محمد الأسباط
تاج السر الحسن
عبد الغفار المهدي
|
Post: #17
Title: Re: اي الكان يكون والكاين بقا ، في عز دار جعل في الراس بطربقة ..!!
Author: قاسم المهداوى
Date: 08-22-2007, 00:57 AM
Parent: #3
هذه الأغنية مهداة بصورة خاصة للأصدقاء الأعزاء :
محمد عكاشة
مطر قادم
محمد الأسباط
تاج السر الحسن
عبد الغفار المهدي
نازر سلام :
معك اهدى الاغنية للاخوة ولكنها مصحوبة بالسياط ( جلد )
حابب اقول سلااااااام
قاسم
|
Post: #4
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-20-2007, 09:41 PM
Parent: #1
نار الكم كلي من حر الكي بجي انا ود المك علي فخر اولاد نمر
نار الكم كلي من حر الكي بجي انا ود المك علي فخر اولاد نمر
وقت الباشا جاهو ولكزو بالكدوس لقو الباشا وافي ولما قدروس
زول بن ناس خدر طفاي نار المجوس انا ودالمك علي حوافر الخيل بدوس
نار الكم كلي من حر الكي بجي انا ود المك علي فخر اولاد نمر
اي الكان يكون والكاين بقا في عز دار جعل في الراس بطربقة
مابقبل عوج كدا طيبة طبقة انا ود المك علي عين حاسد بقلقة
نار الكم كلي من حر الكي بجي انا ود المك علي فخر اولاد نمر
ماقالولو هوج فزعوهو طور بكر كوح معجاج مرقو شومور حكر
سوى اللوم بدع في الغازي مانسكر انا ود المك علي باسقي المر عكر
نار الكم كلي من حر الكي بجي انا ود المك علي فخر اولاد نمر
نار الكم كلي من حر الكي بجي انا ود المك علي فخر اولاد نمر
نار الكم كلي من حر الكي بجي انا ود المك علي فخر اولاد نمر
|
Post: #5
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-20-2007, 09:43 PM
Parent: #1
للحفظ :
SAVE
|
Post: #6
Title: Re: اي الكان يكون والكاين بقا ، في عز دار جعل في الراس بطربقة ..!!
Author: saadeldin abdelrahman
Date: 08-20-2007, 09:44 PM
Parent: #1
يا عريس
دقيت الناس ديل على أنغام الفنانة
"السادية" ديــــك ولا شنو?
ما تكون دي هي بس!
|
Post: #7
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-20-2007, 09:51 PM
Parent: #6
سعد الدين ..
غايتو في عرسي إنجلد لي عبد الله عقيد ومحمد عكاشة ومطر قادم بس ..
إنت قصدك بالفنانة السادية دي ولا شنو :
Quote: ذهبت في رحلة صباحية لإحياء حفل بمناسبة زواج أحد أصدقاءنا الجعليين..
في الرحلة التي كانت في جناين بري وجدت أهلي الجعليين هؤلاء قد جهزوا مستلزمات الرحلة جيدا .. إذ كانوا يدهنون عددا من السياط بالزيت ويجربوه في ظهور بعضهم البعض !!
وعندما بدأت في الغناء بدأ بعضهم في الدخول وسط الدائرة وهم عاريين الظهر تماما ومكربين جلابيبهم في وسطهم ..
كنت حقيقة أول مرة أرى هذا المنظر أو على الأقل أول مرة أكون بقربه بهذه الدرجة ..
وبعد قليل من البشير وقف حوالي الخمسة أو الستة منهم في صف وأعطى أحدهم سوطا للعريس ليقوم بجلد الواقفين ..
وبعد شوية إستلم العريس السوط وبدأ في الجلد القاسي على ظهور هؤلاء (شبطك شبطك)
والمجلودين في سكون تام دون أن يطرف لهم رمش وسط زغاريد الحريم ...
طبعا هذه عادة متأصلة وسط أهلي الجعليين وبعد عدد من الأغنيات بدات أغني أغنية سيرة حسب الجو المهيمن ويبدو أنني لم أحسن الإختيار جيدا .. إذ في هذه الأجواء الحماسية غنيت أغنية ترباس (الجري دا ما حقي حقي المشنقة والمدفع الثكلي) ... فزاد جنون القوم وبدأو في جلد بعضهم بجنون وسط الزغاريد وتطاير رزاز الدم في كل الإتجاهات (زي بخة المكوجية) وفي تلك الأثناء أتاني أحد العقلاء وطلب مني إيقاف الأغنية فأوقفتها في الحال وإن لم يرض ذلك البعض ..
كان من ضمن المشاركين مغنية أخضروها خصيصا من شندي للغناء في هذه المناسبة .. وحقيقة كان بها شيئا من السادية وحب رؤية الدم إذ أن غناءها ودوبيتها فقط تركز
في التحريض للجلد ودعوة المجلود للثبات وتحقير كل من كان حاضرا ولم يخلع قميصه للجلد فإذداد القوم جنونا وبدأوا في خلع ملابسهم وأذني لا تسمع سوى كلمات (حرم ... على بالطلاق ... أنحنا مانا رجال ؟!) ..وسالت الدماء في كرري تلك ..
وبعد هنيهة إمتلاء المفرش الذي وضعوه للرقص دما وأنا فقط في موقف المتفرج !! ..
إلا أن أحد المجلودين ممن يسيل ظهره دما أتى نحوي وأقسم علي بالطلاق أن أمسك السوط وأجلد الموجودين جميعا كنوع من الإحتفاء والتكريم لي !!
أصبت بالذعر للفكرة ورفضت ذلك إلا أن الساحة بأكملها تكالبت علي لإقناعي بجلدهم وحاولت الرفض ولكنهم كادوا أن يفتكوا بي حقيقة فلم أجد مفرا من فعل ما يطلبون !!!
وقد كان هذا من أغرب المواقف التي وجدت نفسي فيها على الإطلاق إذ إصطف حوالي العشرين رجلا والدماء تسيل منهم والنساء تزغرد وتشجع .. وتلك المغنية مثيرة الفتنة بدأت تغني إحدى أغاني السيرة المحرضة لي للجلد والمحضة للأخرين للثبات ..
في هذا الموقف لم أجد بدا من أن ابدأ الجلد وتوجهت لأحدهم و(معطته) سوطا في ظهره ( لا يكفي لإيلام صبي في الخامسة من عمره) ولم تزغرد له الحريم.. مما زاد من جنونه وأخذ يحمر لي لأزيد من الضرب فزدت العيار قليلا ولم تزغرد الحريم أيضا فغضب الرجل وكاد أن يستل سكينه من ضراعه ويغرسها في أحشائي ...
عندها خفت على نفسي (فمحطته) واحدة أطارت كمية من الدم من على ظهره حتى ظننت أنه سيخر صريعا أمامي ولكن حدث العكس تماما إذ زغردت النسوان وكبر الرجال وثبت الرجل كالطود الأشم ..
بعد ذلك فهمت النظرية وإلتفتت لبقية الواقفين وشبكتهم ليك (شبطك .. محطك .. شبطك .. محطك) حتى أكفيتهم جميعا (وجاتني فليتة في يدي) وحقيقة كنت إقتربت من المغنية صاحبة الناقة وجال في رأسي أن أمحطها سوطا بسبب ما فعلته من تحريض وما أريق من دماء بسبها إلا أنني تراجعت في اللحظة الأخيرة ..
يلا يا ساري الليل يقوم يجي ليك واحد ضهب سكران كدة داخل في نص معركة كرري دي .. ويحلف بالطلاق علا ينجلد !! وفهمت كما فهم الباقين أنه ليس جعلي ولكنه (حماقة كدة) عاوز يوري الجعليين إنو قبيلتو ما أقل منهم ..
طبعا ما في زول إشتغل بيهو وشبكو ليك (يا راجل ما تتخارج .. أنحنا هنا بنجلد الرجال بس .. شوفلك شغلة أقضاها) .. مما أصاب هذا الضهب بالغضب الشديد ورفض الخروج قبل أن ينجلد .. طبعا الشغلة جاطت وكاد القوم أن يفتكوا به .. إلتفت إلى صديقي العريس وقلت ليهو با خي ما تدوهو سوطين تلاتة خلو يتخارج ؟؟!!
طبعا رفضوا أن يجلدوهو ولكن في النهاية أتى شيخ منهم نحوه يحمل سوطا لو ضرب به ديناصورا (لصرخ واااايييييييي) ورفع ذلك السوط ونزل ليك واحدة بس في ضهر السكران داك جعلته يصرخ ويولول وأراد أن يفر هاربا (بعد أن طارت منه السكرة وجاءته الفكرة) إلا أن القوم لم يتركوه فإجتمعوا فيه بسياطهم وشبكوهو ... محطك شحطك محطك شحطك حتى سالت منه الدماء كما التي سالت من جسد المسيح المصورة في فيلم ألامه .. وفي النهاية صرخ وبكى وتجرس وقالوليهو قول الروب فقال الروووووووب فأعتقوهو ..
طبعا دي عاقبة الضهب السكران يا ساري الليل ولو جبنا خمسة من أهلي الجعليين ديل في حفلات الديم لحراستها بسيطانهم تلك لما تجرأ أحد الضهابا على الدخول وأكاد أجزم أن علي دهب وعثمان ضيق لو كانا تضهبا في بداية نشاطاتهم لدي هؤلاء الجعليين وذاقا لسعات سيطانهم .. لكانا تركا التضهب في الاعراس للأبد |
لا لا ما يا ها .. الجلد المرة دي كان علي أنغام الفنان عمر الحواري شخصياً 
|
Post: #8
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-21-2007, 07:19 AM
Parent: #7
|
Post: #9
Title: Re: اي الكان يكون والكاين بقا ، في عز دار جعل في الراس بطربقة ..!!
Author: mamkouna
Date: 08-21-2007, 07:48 AM
Parent: #1
| Quote: ماقالولو هوج فزعوهو طور بكر كوح معجاج مرقو شومور حكر |
!!!!؟؟؟؟؟!!!!!!!؟؟؟؟؟
عريس البورد 2007
الأغنية دي سمعتها كذا مرة..
و ما كنت قادرة أفهم فيها و لا حاجة..
كنت قايلاها رٌطانة!!!!
مشكووووور ياخي عليها..
لكن يا ريت تعمل لينا ترجمة فورية.
شنكل:
(( على كيفك )) و لا خلاص إستسلمت ؟؟!!!
|
Post: #10
Title: Re: اي الكان يكون والكاين بقا ، في عز دار جعل في الراس بطربقة ..!!
Author: عبده عبدا لحميد جاد الله
Date: 08-21-2007, 08:20 AM
Parent: #9
عريس الموسم
سلامات
حمدلله 1000 على السلامة
شكراً على الصور والكلام الرائع
ذكريات الزمن الجميل
|
Post: #11
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-21-2007, 06:26 PM
Parent: #10
سلامات يا ممكونة ..
Quote: عريس البورد 2007
الأغنية دي سمعتها كذا مرة..
و ما كنت قادرة أفهم فيها و لا حاجة..
كنت قايلاها رٌطانة!!!!
مشكووووور ياخي عليها..
لكن يا ريت تعمل لينا ترجمة فورية.
شنكل:
(( على كيفك )) و لا خلاص إستسلمت ؟؟!!! |
غايتو الكلمات بتاعت الأغنية الموجودة هنا دي الأصح حسب ما فتشت في القوقل رغم إنو في بعض المقاطع ندى القلعة بتغنيها بصورة مختلفة ..
Quote:
شنكل:
(( على كيفك )) و لا خلاص إستسلمت ؟؟!!! |
غايتو أحدي هسي الأمور ماشة كويس
صنفرة :
جاهزة للسر قدور في رمضان ولا لا
|
Post: #12
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-21-2007, 06:27 PM
Parent: #10
عبدو عبد الحميد ..
كيفك يا راجل ! مشتاقين والله ..
Quote: عريس الموسم
سلامات
حمدلله 1000 على السلامة
شكراً على الصور والكلام الرائع
ذكريات الزمن الجميل |
الله يبارك فيك يا حبيب ...
قلنا نديها عرضة في المنبر دا شوية نجري بها دمنا
|
Post: #13
Title: Re: اي الكان يكون والكاين بقا ، في عز دار جعل في الراس بطربقة ..!!
Author: معتز القريش
Date: 08-21-2007, 07:31 PM
Parent: #12
FreeVideoCoding.com
|
Post: #14
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-21-2007, 07:58 PM
Parent: #1
يا سلام عليك يا ود القريش على الأغنية الحماسية الرهيبة ..
شنكل :
لكن طفيت لي غنيتي طفية ما طفاها كمال عبد الغني لي تنقا زمان !!
|
Post: #15
Title: Re: اي الكان يكون والكاين بقا ، في عز دار جعل في الراس بطربقة ..!!
Author: SAIF MUstafa
Date: 08-21-2007, 09:18 PM
Parent: #1
العريس ناذر...
ربنا يهنيك ويسعدك
أغنية الكم كلي عندها عدة روايات أو بالأصح هى عدة أغنيات على نسق واحد يعـنى زى التخميس عند السـادة الصـوفية....كلمات نـدي القلعة فيها جزء كبير أصـلى ودى أول مرة لى ألقى نص مكتوب للغنية دى ويظهر إنو فيه بعض الأخطاء برضو ويا ريت نلقى سعدابى نجيض يجيه لينا الكـلام دا...عشان إنت ود خـرطوم ولسـة فوقك المـلائكة...
أماغنية معـتز ... رجعتنى لي احـلى الايام الفيها كان مشرع بنطـون شـندى المكان المفضل نقضى فية معظم النهـار....وبركة سـلمان نخلى السـفر وما نخاف من دسـتورنا ينزل... تحياتى لجمـيع العـوضية...ويامعتز لوعـندك زى دا عـليك الله ماتبخل علينا...
تحياتى
|
Post: #16
Title: Re: اي الكان يكون والكاين بقا ، في عز دار جعل في الراس بطربقة ..!!
Author: تاج السر حسن
Date: 08-22-2007, 00:48 AM
Parent: #1
سلامات يا ناذر
كيف احوالك ؟؟
الدخلنى بعد الشكر والأهداء والذى منه وطبعا عندى رأى فى موضوع المك نمر من عينة المسكوت منه اكراما للحسين النصو جعلى، ونصو الفوق دنقلاوى !!
لكن الدخلنى جد .. عائز اعرف متين كمال عبد الغنى طفى تنقا ؟؟
واللماهم شنو ؟؟ ونحنا كنا وين ؟؟ يمين كنا عملنا ليهو عملية الحضرى!!
طبعا عندى كلام بغبظ بيهو جماعتك انه مباراة كأس منديلا النهائيه غير الكلام البزعل بتاع قطب المريخ أو قطبى المهدى .. او قطبى زاده .. كنت بقول ليهم :-
تلك مباراة كانت بين الفريق النيجيرى من جانب وحامد بريمه وكمال عبدالغنى من الجانب الآخر .. و(بث) !!
|
Post: #18
Title: Re: اي الكان يكون والكاين بقا ، في عز دار جعل في الراس بطربقة ..!!
Author: Hatim Yousif
Date: 08-22-2007, 04:35 AM
Parent: #1
العريس / ناذر ......... سلام
تعرف أحسن حاجة في حكاية الجلد دي .. أن العريس مابنجلد .. يعني يجلد الناس وبس ...
-
-
أها.. مع الفهم ده ..بما إني جعلي .... ح أكون العريس طوأأأأأأأأأأأأأألي
سلام
|
Post: #19
Title: Re: اي الكان يكون والكاين بقا ، في عز دار جعل في الراس بطربقة ..!!
Author: حيدر حسن ميرغني
Date: 08-22-2007, 04:56 AM
Parent: #18
واحد من الاخوة العرب المقيمين في السودان جابو لهيو سوط عنج يوم زواجو وقالو ليهو الليلة انت
حاتجلد الناس العاوزة تنجلد بالسوط ده .. فاهم
رد قائلا .. طيب هم ذنبهم شنو عشان اجلدهم
قالو ليهو ما انت زاتك حاتجاملهم في عرسهم وتتجلد برضو
صاحبنا رمى السوط في الارض وقال ... إلا دي
|
Post: #20
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-22-2007, 10:19 PM
Parent: #1
سلامات يا قاسم ..
مشتاقين والله .. كيف عامل وكيف مصر معاك ؟!
Quote: نازر سلام :
معك اهدى الاغنية للاخوة ولكنها مصحوبة بالسياط ( جلد )
حابب اقول سلااااااام
|
طبعا مصحوبة بالسياط
شوف الزول دا ركز لي كيفن :
باقيلك الباقين بيركزوا ؟
|
Post: #21
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-22-2007, 10:23 PM
Parent: #1
كيفك يا سيف مصطفى ..
Quote: أغنية الكم كلي عندها عدة روايات أو بالأصح هى عدة أغنيات على نسق واحد يعـنى زى التخميس عند السـادة الصـوفية....كلمات نـدي القلعة فيها جزء كبير أصـلى ودى أول مرة لى ألقى نص مكتوب للغنية دى ويظهر إنو فيه بعض الأخطاء برضو ويا ريت نلقى سعدابى نجيض يجيه لينا الكـلام دا...عشان إنت ود خـرطوم ولسـة فوقك المـلائكة...
|
أنا عرفت بعد ما نزلت البوست إنو الأغنية دي أكتر من كدة وكلماتا لي حد كبير فيها نوع من الصعوبة لغير العارفين بالتراث ، ولمن بحثت في القوقل لقيت كم نص للأغنية دي لكن ما لقيت أي فنان تاني بيغنيها غير ندى القلعة عشان أقدر أستوثق من بعض الجمل الغير واضحة هنا ..
لكن الجبتو دا فيهو شوية صحة حسب معاني الكلمات الواردة رغم الإختلاف بينو وبين الأغنية ملحنة ..
تسلم يا حبيب .. وياني زيك منتظر سعدابي يجي ماري يوضح لينا ...
|
Post: #22
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-22-2007, 10:33 PM
Parent: #1
أووووووووووووووووووووو
الزعيم تاج السر ..
شرفت البوست والله ...
Quote: لكن الدخلنى جد .. عائز اعرف متين كمال عبد الغنى طفى تنقا ؟؟
|
شوف يا تاج ..
ما تشوفني مضبلن قدامك كدا ..
أنا زماان كنت مريخابي علي السكين قبل ما الشغلانة تبوظ .. يعني زمن ناس حامد بريمة والدحيش وعاطف القوز والمرحوم سامي عز الدين والتيم الأسطوري بتاع الكاسات المحمولة جواً داك .. كنت مرضان بالإستادات وبخش الكور المهمة والما مهمة البيكون المريخ طرف فيها ..
في واحدة من المباريات بتاعت هلال مريخ ، تنقا كان متقدم بالكورة وجاي تجاه المدافع كمال عبد الغني ولمن جا يشوت الكورة في المرمى بتاع حامد بريمة (شوف عيني دي ) كمال طفا ليك تنقا طفية زي الطفية الطفاني بيها معتز القريش بي غنيتو الفوق دي ! ولمن طلع صوت من الطفية (صجججججج) الإستاد كلو سمعو وأنحنا قعدنا نكورك (طفاو !! طفاو !! طفاو!!) !!
| Quote: تلك مباراة كانت بين الفريق النيجيرى من جانب وحامد بريمه وكمال عبدالغنى من الجانب الآخر .. و(بث) !! |
غايتو الحمد لله أنا فارقت الكورة فراق الطريفي لي جملو .. لو ما كدة كنت بقيت ليك في حلقك عشان الجملة الاخيرة دي !!
|
Post: #23
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-22-2007, 10:37 PM
Parent: #1
حاتم يوسف ...
Quote: تعرف أحسن حاجة في حكاية الجلد دي .. أن العريس مابنجلد .. يعني يجلد الناس وبس ...
|
وأنا إستغليت الحتة دي أبشع إستغلال ومشيت سوق ليبيا وإشتريت لي سوط عنج يمين تشوفو تقول دا مجلدنو بي جلد ديناصور عديييييييل كدة من التخانة العليو .. ووقعت ليك في الناس شبطك .. محطك .. شبطك .. محطك .. و أرقت الكثير من الدماء لمن جاتني فليتة في يدي .. !
|
Post: #24
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-22-2007, 10:41 PM
Parent: #1
كيفك يا حيدر ...
Quote: واحد من الاخوة العرب المقيمين في السودان جابو لهيو سوط عنج يوم زواجو وقالو ليهو الليلة انت
حاتجلد الناس العاوزة تنجلد بالسوط ده .. فاهم
رد قائلا .. طيب هم ذنبهم شنو عشان اجلدهم
قالو ليهو ما انت زاتك حاتجاملهم في عرسهم وتتجلد برضو
صاحبنا رمى السوط في الارض وقال ... إلا دي |
غايتو أنا كنت أحرف من صاحبك دا حبتين ..
عند أهلنا الجعليين أي عريس يجلد ليهو زول لا زم ينجلد ليهو في عرسو برضو !! لكن أخوك كان تفتيحة شوية .. ما جلدت إلا الناس المتزوجين .. هبرتهم ليك هبر جد ! وأي زول ما متزوج جاني مقلع قميصو أو صاري عراقيو في خشمو عملت ليهو فيها مجنون وأبيت أجلدو ..
شفت الزوغات دي كيف ؟!!
|
Post: #26
Title: Re: اي الكان يكون والكاين بقا ، في عز دار جعل في الراس بطربقة ..!!
Author: خدر
Date: 08-22-2007, 11:12 PM
Parent: #24
ماني الكم كلي إن حر الكي بجر انا ود المك علي فخر اولاد نمر
وكت الباشا جا ولكزو بالكدوس كتلو الباشا وافي وليمة الضروس
تور اب نار سدر طفاي نار المجوس انا ودالمك علي حوافر الخيل بدوس
هي الكان يكون والكاين بقا في عز دار جعل في الراس بطربقا
مابقبل عوج كدا طي بطبقا انا ود المك علي عين حظي بقلقا
ماقالولوا هوي فزعوهو تور بقر كوع في ام عجاج (...) وموت حكر
سوى اللوم بدع في الغازي ماانستر انا ود المك علي بسقي المر عكر
ناذر سلامات
ده النص الاصلي تقريبا و (الكمكلي) هو وصف الرجل الجبان عند الجعليين و يسمونه ايضا (الضِري)
والقصيده في مجملها سيره ذاتيه لي فراسه و نبل احد احفاد المكـ نمر ويسميها اهلنا الجعليين
(التنِبر) وهو ان تستعرض سلاحكـ و تسرد محاسنكـ امام القبيله لحظة التحدي و في ذلكـ محاكاة
للشعراء العرب في الجاهليه حين ينظمون الشعر ارتجالا وهم متكئين علي سيوفهم
مولانا خدر .. جعلي منذ الستينات
|
Post: #25
Title: Re: اي الكان يكون والكاين بقا ، في عز دار جعل في الراس بطربقة ..!!
Author: عبد الغفار عبد الله المهدى
Date: 08-22-2007, 10:59 PM
Parent: #1
Quote: محمد عكاشة
مطر قادم
محمد الأسباط
تاج السر الحسن
عبد الغفار المهدي |
الحبيب
ود الخليفه
ليك الشكر على هذا الاهداء الذكرنى ستيته فنانة العرضه:
وعن حكاية الجلد دى بحكيلك حكايه طريفه
كان فى واحده اسمها )ستيته* متخصصه فى دق دلوكة العرضه وغنا العرضه زى الاغنيه الهسع جبتها لينا دى ، اها يا سيد الامنتو ليك ستيته دى شهرتها ممتده من القدمبليه والبشاريه مرورا بالشايقيه وحتى الركابيه والبديريه الدهمشيه والربا\اب معليش حرف \\ مصر ما يجى المهم صحبتك دى بتحمس دلوكتها وبتديها نيران وتخش فى الغنا .الليله الله يتمو ليه فلان قمر عشره على حسب اسم العريس وهاك يا تحميس وهاك يا قليع جلاليب وعراريق وركوز والكل عايز يضرب اها العرضه دائما مواعيدها العصر وستيته امراه جميله رغم كبر سنها اها يا معلم خال العريس مش البحر اخدلوا عومه وكم انفاس وعمك كبير لما مرق من البحر سريع لبس هدومو وبالوا فى العرضه وستيته وانه خال العريس ولازم يعز ود اخته واول ما جا خاشى الداره قلع الجلابيه والعراقى وركزو للعريس فجاه الكل قعد يضحك عارف ليه عمك ما نسى البتاع فى فى قيف البحر وكان ميتعجل والعرضه فى بالو والدلوكه مسخنه و....
|
Post: #27
Title: Re: اي الكان يكون والكاين بقا ، في عز دار جعل في الراس بطربقة ..!!
Author: محمد عبدالرحمن
Date: 08-23-2007, 05:38 AM
Parent: #25
| Quote: مولانا خدر .. جعلي منذ الستينات |
ظللنا نسأل و(حنظل) متى يغنى مولانا خدر اغانى
اهل (شندى ) و(المكنية) و(المحمية) و(المسيكتاب) .
(والعبيدية ) ..؟! ومتى نسمع صوتك خدر بأيقاع
الدلوكة ؟
ام حرام على بلابله الدوح حلال على الطير من كل جنس ..
محمدعبدالرحمن : جعلى من (الصعيد) ..هاجر جدوده
من المسيكتاب من ماضى بعيد ..وعاشق لايقاع
الدلوكة ..
|
Post: #28
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-23-2007, 04:23 PM
Parent: #27
يا سلام عليك يا مولانا ...
Quote: ماني الكم كلي إن حر الكي بجر انا ود المك علي فخر اولاد نمر
وكت الباشا جا ولكزو بالكدوس كتلو الباشا وافي وليمة الضروس
تور اب نار سدر طفاي نار المجوس انا ودالمك علي حوافر الخيل بدوس
هي الكان يكون والكاين بقا في عز دار جعل في الراس بطربقا
مابقبل عوج كدا طي بطبقا انا ود المك علي عين حظي بقلقا
ماقالولوا هوي فزعوهو تور بقر كوع في ام عجاج (...) وموت حكر
سوى اللوم بدع في الغازي ماانستر انا ود المك علي بسقي المر عكر
ناذر سلامات
ده النص الاصلي تقريبا و (الكمكلي) هو وصف الرجل الجبان عند الجعليين و يسمونه ايضا (الضِري)
والقصيده في مجملها سيره ذاتيه لي فراسه و نبل احد احفاد المكـ نمر ويسميها اهلنا الجعليين
(التنِبر) وهو ان تستعرض سلاحكـ و تسرد محاسنكـ امام القبيله لحظة التحدي و في ذلكـ محاكاة
للشعراء العرب في الجاهليه حين ينظمون الشعر ارتجالا وهم متكئين علي سيوفهم
|
دا الكلام النجيض ... ما قصرت والله ..
| Quote: مولانا خدر .. جعلي منذ الستينات |
وقبل الستينات كنت شايت علي وين ؟؟!!
|
Post: #29
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-23-2007, 06:55 PM
Parent: #27
عبد الغفار ...
| Quote: كان فى واحده اسمها )ستيته* متخصصه فى دق دلوكة العرضه وغنا العرضه زى الاغنيه الهسع جبتها لينا دى ، اها يا سيد الامنتو ليك ستيته دى شهرتها ممتده من القدمبليه والبشاريه مرورا بالشايقيه وحتى الركابيه والبديريه الدهمشيه والربا\اب معليش حرف \\ مصر ما يجى المهم صحبتك دى بتحمس دلوكتها وبتديها نيران وتخش فى الغنا .الليله الله يتمو ليه فلان قمر عشره على حسب اسم العريس وهاك يا تحميس وهاك يا قليع جلاليب وعراريق وركوز والكل عايز يضرب اها العرضه دائما مواعيدها العصر وستيته امراه جميله رغم كبر سنها اها يا معلم خال العريس مش البحر اخدلوا عومه وكم انفاس وعمك كبير لما مرق من البحر سريع لبس هدومو وبالوا فى العرضه وستيته وانه خال العريس ولازم يعز ود اخته واول ما جا خاشى الداره قلع الجلابيه والعراقى وركزو للعريس فجاه الكل قعد يضحك عارف ليه عمك ما نسى البتاع فى فى قيف البحر وكان ميتعجل والعرضه فى بالو والدلوكه مسخنه و.... |
نسأل الله السلامة
|
Post: #30
Title: Re: اي الكان يكون والكاين بقا ، في عز دار جعل في الراس بطربقة ..!!
Author: خالد علي محجوب المنسي
Date: 08-23-2007, 07:31 PM
Parent: #29
بنطون شندي عدّى وجابْه
ياناس البريده حبابه
ناذر الخليفة
تحية عبقها رائحة العنجاوي مدهون بي القطران ومدفون في قوز رمله
بي فوق عند السلم الجنب البير
أهجت الأشجان ونحن في بلاد طيرها فاق العجم عجما
والله الدلوكة دي وكت تهبق الحمار صوفو بقوم
تقول لي البخلي الناس دي تحمل الصوت شنو
عليك امان الله وليدي الخواجه دا لامن اسمع هبقي الدلوكة يختف اقرب عكِيكيز وهاك يا عرضة وصوقير ويخجها خج والعجب بي الدلوكة جاهو لامن حضر زواج اخوي الاصغر في شندي ومن يومها رنة الدلوكة فرترب يقوم
ناذر وود القريش عليكم الله لو عندكم اغاني اللت دلوكة الرجاء ارسالها على عنواني
[email protected]
ولكما تحياتي واحترامي
ودشندي الموكر
خالد
|
Post: #31
Title: Re: اي الكان يكون والكاين بقا ، في عز دار جعل في الراس بطربقة ..!!
Author: السمؤال بدرالدين
Date: 08-23-2007, 09:04 PM
Parent: #1
ناذر انت الجلد ده الزول بجلد اهلو والله نسابتو
غايتو ان كان النسابة انا مناسب الجعليين
عشان كدة بدورلي فيهم جلدة بي اثر رجعي
انت معزوم عشان تجلد معاي باعتبار انت في الريحة وكدة
كسرة
غايتو المرة كان قرت الكلام ده بشوف لي بلد
|
Post: #32
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-24-2007, 09:08 AM
Parent: #1
خالد المنسي ..
Quote: والله الدلوكة دي وكت تهبق الحمار صوفو بقوم
تقول لي البخلي الناس دي تحمل الصوت شنو
|
الناس دي بتحمل الصوت في شان خجة الدلوكة الجوة الحشا !! والله صغيرنا تلقى عمرو إتناشر سنة وكت يسمع يالدلوكة تتخج من غير ما يشعر تلقاهو كاشف ضهرو ومتركز للسوط يحير ليك أشجع الرجال ..
هسي قول لي إيقاع الدلوكة دا منو الما بيحرك دواخلو أكان جعلي أو غيرو !؟
| Quote: عليك امان الله وليدي الخواجه دا لامن اسمع هبقي الدلوكة يختف اقرب عكِيكيز وهاك يا عرضة وصوقير ويخجها خج والعجب بي الدلوكة جاهو لامن حضر زواج اخوي الاصغر في شندي ومن يومها رنة الدلوكة فرترب يقوم |
وليدك دا الله يخليو لك مش أكان خواجة !!
لو كان أبوهو زاتو خواجة مش سمع إيقاع الدلوكة دا ؟!! تراهو المن غير ما يشعر دخل الدارة وعرض ونقز وفرح الحروم وكمان ينجلد كم سوط ويبكي أكان حموهو ليهن ..
تسلم يا ود المك علي ..
|
Post: #33
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-24-2007, 09:14 AM
Parent: #1
السموءل مرحب بيك في عز دار جعل ..
Quote: ناذر انت الجلد ده الزول بجلد اهلو والله نسابتو
غايتو ان كان النسابة انا مناسب الجعليين
عشان كدة بدورلي فيهم جلدة بي اثر رجعي
انت معزوم عشان تجلد معاي باعتبار انت في الريحة وكدة
كسرة
غايتو المرة كان قرت الكلام ده بشوف لي بلد |
والله غايتو لمن السوط دا يدور تاني الناس ما بتفرق بين أهل ونسيب .. أي ضهر مكشوف السوط دا بيقع فيهو ، والعريس زاتو ما بيفرز بين أهلو ولا نسايبو . كلهم بينجلدو اليوم داك ..
Quote: غايتو ان كان النسابة انا مناسب الجعليين
عشان كدة بدورلي فيهم جلدة بي اثر رجعي |
طيب ما كان تجي العرس عشان تتمتع اليوم داك
غايتو بي أثر رجعي رغم إنها ما معانا لكن إكراما ليك نسمح ليك تجلد الدايرم بدون ما نسد فيك وبرضو إكراما ليك عشان ناسبتنا ..
إنت بس قول جاي متين عشان نحضر ليك الساحة ..
تسلم ..
|
Post: #34
Title: Re: اي الكان يكون والكاين بقا ، في عز دار جعل في الراس بطربقة ..!!
Author: طارق جبريل
Date: 08-24-2007, 09:22 AM
Parent: #1
يا عريس كيفنك
تعرف أنا عندي راي...
الجعليين ديل لو علموهم كورة السلة يمين نغلب اي فريق
بس انا خايفهم ينطوا يفوتوا الشبكة ذاتها
|
Post: #35
Title: Re: اي الكان يكون والكاين بقا ، في عز دار جعل في الراس بطربقة ..!!
Author: هجو الأقرع
Date: 08-24-2007, 02:05 PM
Parent: #1
ناذر يا اخوى سلام لك والاسرة ، يا اخى معتز قريش حرامى عديل ، اغنية بنطون شندى نزلتها ليهو هديه منى ليهو فى موقع اخوك محمد ، قام نزلها هما بدون الاشارة الى عمو هجو ولا اسم الفنان . هذه الاغنيه من اجلها سميت على وهو اصغر من محمد.
|
Post: #36
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-24-2007, 10:32 PM
Parent: #1
كدي عن إذنكم يا جماعة النخت الرواية دي عن كلمات الأغنية :
Quote:
ماني الكمكري في كي الحر بجي
أنا ود المك علي فخر أولاد نمر
وكتْ الباشا جا ولكزو بي الكدوس
جدو الباشا وافي وليمة الضروس
توراً ما تني طفاي نار المجوس
أنا ود المك علي حوافر الخيل بدوس
هوي الكاين يكون والكائن بقا
في عز دار جعل في الراس بطربقا
ما بقبل عوج كدي كي بطبقا
أنا ود المك علي عين حاسدي بقلقا
ماقالو لو هْج فزعزه تور بقر
كوع في ام عجاج مدغوش ومنحدر
سوا اللوم بِدع في الغافل أنستر
أنا ود المك علي بسقي المر عكر
· |
وقارنو بين الكلمات هنا والكلمات الأوردا مولانا خدر فوق ..
|
Post: #37
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-24-2007, 10:32 PM
Parent: #1
طارق جبريل ...
Quote: الجعليين ديل لو علموهم كورة السلة يمين نغلب اي فريق
بس انا خايفهم ينطوا يفوتوا الشبكة ذاتها |
أمانا نطاطين نط ..
عاين الفارس دا :
دا حالتو ناطي بي جلابية ..!!
|
Post: #38
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-24-2007, 10:35 PM
Parent: #1
سلامات يا هجو ..
والله يا هجو عندي ليك لقطة فيديو مبالغة ..
صحبك عبد الله عقيد في الزواج وهو بيعرض على إيقاع السيرة .. تشوفو يمين تقول رجع عشرين سنة لي ورا .. همة ونشاط وقفز عالي لمن حيرني أنا زاتي !!
| Quote: ناذر يا اخوى سلام لك والاسرة ، يا اخى معتز قريش حرامى عديل ، اغنية بنطون شندى نزلتها ليهو هديه منى ليهو فى موقع اخوك محمد ، قام نزلها هما بدون الاشارة الى عمو هجو ولا اسم الفنان . هذه الاغنيه من اجلها سميت على وهو اصغر من محمد. |
أصلو ود القريش دا يا يوديك الخور يا كمان يلطش منك أغانيك ويعمل فيها مجنون ويجي يقشر بيها في منابر تانية
|
Post: #39
Title: Re: اي الكان يكون والكاين بقا ، في عز دار جعل في الراس بطربقة ..!!
Author: Osman Musa
Date: 08-24-2007, 10:57 PM
Parent: #38
والله
ياودعمى
عاد عرسك
عرس جد
اريتنا كنا هناك
بعدين الزول ده
عراض عرضه ما خمج
الزول ناطى
ماتقول لى مايكل جوردن
على بى الحلف
لو جا شكيل اونيل عندكن
كان سجلو ليكن فى ميامى
رسل لى التسجيل بلاى ضرورى
وربنا يسعدك
وسلم لى على الناس ديل كلهن
تحياتى
|
Post: #40
Title: Re: اي الكان يكون والكاين بقا ، في عز دار جعل في الراس بطربقة ..!!
Author: هجو الأقرع
Date: 08-25-2007, 03:40 AM
Parent: #1
تعرف يا عريس ، انو اخونا ود عقيد الكان خارب عليهو جداد الرياض المتلج ، مشى السودان كرعيهو اتفككن ، الصور دى من حفلاتك ولله شنو؟ لكن اغنيت المك على فظيعه ، معتز قريش جعلى جزيره ساكت(تايلندى) يعنى ما عندو شهادة المنشأ.
|
Post: #41
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-25-2007, 12:42 PM
Parent: #40
سلامات يا عثمان موسى ..
Quote: والله
ياودعمى
عاد عرسك
عرس جد
اريتنا كنا هناك
|
والله يا ريتك لو كنت في .. حرم نكرمك بي تلاتة أربعة سيطان يكفوك تاني خمسة سنة لي قدام
Quote: رسل لى التسجيل بلاى ضرورى
وربنا يسعدك
|
يصلك إنشاء الله يا عثمان ...
تسلم كتير ..
|
Post: #42
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-25-2007, 12:45 PM
Parent: #40
كيفك يا هجو ...
| Quote: تعرف يا عريس ، انو اخونا ود عقيد الكان خارب عليهو جداد الرياض المتلج ، مشى السودان كرعيهو اتفككن ، الصور دى من حفلاتك ولله شنو؟ لكن اغنيت المك على فظيعه ، معتز قريش جعلى جزيره ساكت(تايلندى) يعنى ما عندو شهادة المنشأ. |
والله ود عقيد أنا كنت قايلو حنكوش ساكت وبتاع جداد متلج وأيسكريمات لكن والله طلع تربال أصلي وما عندو قشة مرة أصلو
الصورة في زواجي فعلا بعد العصر مباشرة .. ضهرية بي فنان الدلوكة عمر الحواري تقول يا ليل ..
تبكي بس يا هجو
|
Post: #43
Title: Re: اي الكان يكون والكاين بقا ، في عز دار جعل في الراس بطربقة ..!!
Author: هجو الأقرع
Date: 08-25-2007, 01:19 PM
Parent: #1
تعرف يا ناذر يا اخوى انا تزوجت سنة اربعة وتمانينن ، نسابتى قالوا ما عندهم حفلة تقام لزواج اى من بناتهم فوافقت مكسور الخاطر ، لكن الله يحضرنا عرس اخوك محمد وحاتك اخلصو بالدبل خليهم يقولو ولد بتنا كمان . الظاهر يا نادر قفلتو الشارع عديل ، عقبال حفلات الوليدات فى الختان كمان.
|
Post: #44
Title: Re: اي الكان يكون والكاين بقا ، في عز دار جعل في الراس بطربقة ..!!
Author: WadAker
Date: 08-25-2007, 04:35 PM
Parent: #1
>>>> هيع ... اركز ... كع
كل الاشواق لعريس دار جعل
|
Post: #45
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-25-2007, 05:31 PM
Parent: #44
سلامات يا هجو ..
| Quote: لكن الله يحضرنا عرس اخوك محمد وحاتك اخلصو بالدبل خليهم يقولو ولد بتنا كمان |
يا زول إنشاء الله عرس محمد أخوي يكون عمر الحواري دا موجود .. والله يظبط ليك ضهرية كاربة تعوضك أيامات زواجك ديك ..
صنفرة :
بس حاول سرع شوية لأنو القوات الأممية وناس حقوق الإنسان داخلين البلد وإحتمال كبير يمنعوا البطان بحجة إنتهاك أدمية الإنسان .!!
|
Post: #46
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-25-2007, 05:38 PM
Parent: #44
أووووووووووووووووووووووووو !!!!!!!!
ود عكر شخصيا !!!!!!!
يا زول حمدلله على السلامة !!
وييييينك مختفي ؟!! وقالو لي جيت السودان وأنا ما في !!
Quote: >>>> هيع ... اركز ... كع
كل الاشواق لعريس دار جعل |
والله مشتاق ليك وعندي ليك كلام دقاااااق لكن ما هنا .. حا أاجلو لي قدام ..
|
Post: #47
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ياسر الامير ابوجكة
Date: 08-25-2007, 06:09 PM
Parent: #1
الأخ / ناذر ،،، تحية عبقة ،،، وبيت مال وعيال
والله يا ناذر اتطربقت طربقة عجيبة ،،، مشيت تغني تبقى جلاد ( ياهو الفن بالمقلوب ) من أفراح بقى ألم وجراح
لكن الناس ديل لو ما كان جلدتهم كان الكاين بيكون.
شكرا للبوست الجميل ،،، وشكرا لحماسة دار جعل
ود الأمير
|
Post: #48
Title: Re: اي الكان يكون والكاين بقا ، في عز دار جعل في الراس بطربقة ..!!
Author: ناذر محمد الخليفة
Date: 08-25-2007, 10:09 PM
Parent: #47
حبابك يا أبو جكة ..
Quote: لكن الناس ديل لو ما كان جلدتهم كان الكاين بيكون.
|
نحنا يا نا كدة يا يا سر .. أكان جلدتهم او ما جلدتهم .. تراهو الكان يكون والكائن بقا .. وكت ندور نفرح بنفرح لامن ما تفرز جدنا من هزلنا ولامن ندور نحزن بنذرف الدموع زي موي السحابة .. ودموع الرجال عندنا غالية .. غالية كتير ..
| Quote: شكرا للبوست الجميل ،،، وشكرا لحماسة دار جعل |
شكرا ليك يا ياسر .. شرفت الساحة بالحيل ..
مرحب حبابك أي وكت ...
|
Post: #49
Title: Re: اي الكان يكون والكاين بقا ، في عز دار جعل في الراس بطربقة ..!!
Author: Osman Musa
Date: 09-01-2007, 09:57 PM
Parent: #48
بوست العرضه دى لابد يقمز فوق
ادى المسجل ده لكده
خلينا النعرض
شنو ياود الخليفه؟
كاتلين الشقلانه فى حوشكن براكن
الف سلام
|
Post: #50
Title: Re: اي الكان يكون والكاين بقا ، في عز دار جعل في الراس بطربقة ..!!
Author: خالد العبيد
Date: 09-02-2007, 02:25 AM
Parent: #1
ناذر
تحياتي
مبروك الزواج تاني
الاغنية جميلة وسوت سواتا فينا
مودتي
|
|