مزيد من التوضيح بخصوص الإعتذار ..

أولا أحب أن أوضح للجميع منرة أخرى أنني تسرعت في كتابة ذلك البوست المحذوف دون أن ألم بجوانب الموضوع الإلمام الكافي ..

الذي حدث أني كما ذكرت للأخوة الذين حضرو لمنزلي بالأمس أن هنالك همسا يدور عن أموال أرسلت من الخارج بواسطة أحد أعضاء البورد وهو نفسه أكد أنه أرسلها ..

وعند مراجعتي لبوستات سابقة وجدت أن أحد أعضاء حملة الأمل قد كتب مداخلة أكد فيها لمن أرسل الأموال أنهم لم يستلموا شيئا !!

وعند فتحي وكتابتي لذاك البوست كنت أريد تحريك الأمر قليلا بعد أن رأيت أن أصحاب الحملة لم يحققوا التحقيق الكاف لمعرفة هل فعلا تم إرسال أموال أم لا ؟! وإن حدث فعلا .. فمن إستلم تلك الأموال ؟!

أعتقد أن إقرار من إتصلت بهم من قادة الحملة بأن هنالك لغطا يدور حول هذا التحويل منذ زمن وجدالي معهم حول (لماذا لم يتحرو في هذه الأموال ويحركوا الأمر بجدية إلا بعد أن قمت أنا بفتح الموضوع؟) قد ساهم في محاولات التحقيق ، وقد قمت شخصيا بإرسال ماسنجر لعضو البورد الذي ذكر أن التحويل قد تم الشي الذي نفاه قادة الحملة هنا ولكني حتى الان لم أجد ردا منه !!

بل ان أحد قادة الحملة ذكر لي أمس أنه سيفتح بوستا لذاك الذي يقول أنه أرسل أموالا لإستفساره كيف أرسلها ومن أرسلها كي يتضح الأمر ؟!!

إذا فالهمس الذي ذكرت أنه السبب الأساسي لفتح ذاك البوست لم يأت من فراغ والدليل الإقرار بوجود أموال جاري الجدل حول حقيقة إرسالها من عدمه ..

ما أريد قوله أنني فعلا قد تسرعت لفتح البوست لشعوري أن القائمين على موضوع علاج غادة نوري لم يتحرو فيه بالدقة الكافية لمعرفة إن كان فعلا قد تم إرسال أموال كما ذكر عضو البورد أم لا ؟!!

وأنا في كل الأحوال مطالب بإعتذار لكن من مسيتهم بحروفي بتسرع ودون تيقن .. وأقر أنني كنت مخطئاً في ذلك ...

وأرجو أن يقبل من مستهم حروفي تلك إعتذاري وتوضيحي الثاني وأقدر شعور الألم الذي أحسوه جراء حروفي وإنني بالجد نادم أيضا على تسرعي قبل تبيان الحقائق ..



أرجو أن يشفي هذا التوضيح الإضافي جملة الأسئلة التي طالبني فيهالا البعض بالتوضيح ..

تقبلو أسفي وندمي ..


ناذر

.

يا زول إنت مسحت بي روحك الأرض

ما تحاول تجمله لينا هنا تاني روحك دي

ناذر !!!

معقولة بي البساطة دي ؟؟؟

طبعا مافي حد حا يقبل

يا تكون نزيه وتذكر الملابسات كلها وإتهاماتك بصورة واضحة وبتسمية المعنين فيها يا تفقد مصداقيتك نهائياً قدام الجميع وأولهم أنا ..


مع أسفي الشديد لهذا الحد والموقف الذي وضعت نفسك فيه دون تبصر أو روية..

حسم الامر بيد عضو البورد الذى اكد بنفسه انه ارسلها .....

يعمل "scan" لايصال التحويل ح يكون موضح فيهو قيمة المبلغ واسم المرسل اليه وتاريخ الارسال وكل البيانات المطلوبه وينزلو فى البوست هنا وبى كدا تنحصر دائرة الشك فى المرسل اليه فقط ....

اما اذا ضاع منو ايصال التحويل .. اى صرافة او بنك فى الدنيا دى عندهم "Electronic Record" او "soft copy " ممكن ببساطه يطلعوا ليهو ايصال بدل فاقد ...

كدا كيف .... يللا واصل مجهوداتك المقدره فى هذا الامر ورسل ماسنجر تانى للزول المعنى خليهو ينزل لينا صورة الايصال ... الامر اكبر من مجرد كلمات توضيح ... ادله وبس.........

يا عثمان ...

Quote: يا تكون نزيه وتذكر الملابسات كلها وإتهاماتك بصورة واضحة وبتسمية المعنين فيها

المعنيين في هذا الأمر يعلمه أعضاء الحملة وأمس كانت هنالك محاولات للإتصال بذاك الشخص ولكن لا رد ...!!!

!!!!!!!

Quote: حسم الامر بيد عضو البورد الذى اكد بنفسه انه ارسلها ..... يعمل "scan" لايصال التحويل ح يكون موضح فيهو قيمة المبلغ واسم المرسل اليه وتاريخ الارسال وكل البيانات المطلوبه وينزلو فى البوست هنا وبى كدا تنحصر دائرة الشك فى المرسل اليه فقط ....

وأنا أيضا بإنتظاره أن يفعل ..
وحتى القائمين على حملة غادة نوري يقرون أن ذاك الشخص ذكر لهم أنه أرسل المال !

إذن فلننتظر التأكيد من عدمه ...

!!!

Quote: .... يللا واصل مجهوداتك المقدره فى هذا الامر ورسل ماسنجر تانى للزول المعنى خليهو ينزل لينا صورة الايصال ... الامر اكبر من مجرد كلمات توضيح ... ادله وبس.........

أعتقد أن قادة حملة غادة نوري خاصة من هو مكلف بالحسابات يحتم عليه أن محاولة معرفة إن كان من قال أنه أرسل المال صادقاً أم لا ؟ وإن كان قد أرسل المال فعلا أم لا ..

نازر الخليفة..

ما دام انمت اتبرعت وفتحت بوست بالموضوع قبل ما تعرف اساسه شنو..

من باب اولي تتبرع وتجيب لينا دليل اتهاماتك العابرة للقارات دي..

ولو بس عايز تبيض وشك قدام الناس الفي سودانيزاون لاين..

اتزكر انو اولي ليك تبيض وشك قدام رب العالمين..

وحسبنا الله ونعم الوكيل ...

Quote: أعتقد أن قادة حملة غادة نوري خاصة من هو مكلف بالحسابات يحتم عليه أن محاولة معرفة إن كان من قال أنه أرسل المال صادقاً أم لا ؟ وإن كان قد أرسل المال فعلا أم لا ..

اخطأت هنا يا ناذر .... فكلنا مكلفون بكشف هذا الغموض وازاحة الستار عن الحقيقة تبرئة لذمة اخوه واخوات وقفوا فى هذا الامر بقلوبهم ومشاعرهم ...

لا يكفى الان كلمة "عضو بهذا البورد" طالما انكم تراسلونه فهذا يعنى انه معروف لديكم ... انت وسواك ... اذكر اسمه هنا علانية وبرئ ساحة البقية .. ثم بعد ذلك يكون عليه هو ان يبرئ نفسة بادراج ايصال التحويل معنون للمرسل اليه واذا لم يفعل يكون هو وحده المساءل وتتم تبرئة بقية اعضاء حماية الامل العام ... اما اذا ادرج الايصال وعليه اسم المرسل اليه حينها ايضا يكون قد برأ نفسه وحصر الشك فى المرسل اليه وهكذا حتى تكتمل الصوره وتتضح الرؤية....

نرجو توضيح الحقيقه كامله دون حذف او تعديل... طالما ان الامر قد طرح للنقاش العام فلا مجال لاعادته لدائرة "الخاص" مره اخرى ...

"قضى الامر الذى فيه تستفتيان" .....

.


إختشي علي دمك الثقيل دا

ولسع بتبرر كمان

و تفتح في بوستات جديدة


انت قايل الناس دي بهايم ما بتفهم .

انا في البوست التاني قبيل اديتك نصيحة

كدي فكر فيها

Quote: نصيحتي ليك أقعد مع روحك و هذبها و صالحها

إن شاء الله تنفعك

.

ما تتشنج يا معاوية ..

وبدل الإساءات المجانية إتصلو علي الزول القال ليكم رسل القروش وإتأكدو فعلا لو كان هو رسلا ولا لا ؟!!


أنا دوري لحدي هنا إنتهى ...

الأخ/ ناذر الخليفة
تحياتي ..

خلاصة الموضوع .. بما أن الشخص الذي أرسل المبالغ المالية
عضو فى هذا المنتدي .. فالأمر فى غاية السهولة أذكر أسم الشخص
صريحاً هنا .. وسنتكفل نحن أعضاء المنبر وكل المتابعين بالتحقق
1/ من هو العضوالمرسل للمبالغ المالية
2/ لمن أرسل ذلك العضو المبالغ للسودان
3/ متابعة الأمر اذا فرضا عن طريق صرافة أوبنك
هل أستلمت فعلا أم لا ؟؟
4/ وفى حالة أستلام مندوب السودان للمبلغ هل تم تسليمها للمستخق أم لا

بعد داكـ نواصل البقية ..

!!!!!

Quote: اسم المرسل : اسم الرمسل اليه : Scan لايصال التحويل تم جميلك !!!!

أعتقد أن أحد أعضاء حملة غادة نوري كان على إتصال بذاك الشخص ..

إذن من الاسلم أن يأتي بنفسه لأعلامنا بما دار من مراسلات ..

وهذه هي الطريقة الاسلم ..

اسم المرسل :
اسم الرمسل اليه :

Scan لايصال التحويل



تم جميلك !!!!

.


تتهمني في زمتي و تقول لي ما أتشنج

بالله انت عندك دم

و بعدين شنو انا دوري انتهي لغاية هنا

هو انت اصلاً كان عندك دور

غير الفبركة والكذب



.

تانى نعيدو ....

لا يكفى الان كلمة "عضو بهذا البورد" طالما انكم تراسلونه فهذا يعنى انه معروف لديكم ... انت وسواك ... اذكر اسمه هنا علانية وبرئ ساحة البقية .. ثم بعد ذلك يكون عليه هو ان يبرئ نفسة بادراج ايصال التحويل معنون للمرسل اليه واذا لم يفعل يكون هو وحده المساءل وتتم تبرئة بقية اعضاء حماية الامل العام ... اما اذا ادرج الايصال وعليه اسم المرسل اليه حينها ايضا يكون قد برأ نفسه وحصر الشك فى المرسل اليه وهكذا حتى تكتمل الصوره وتتضح الرؤية....

نرجو توضيح الحقيقه كامله دون حذف او تعديل... طالما ان الامر قد طرح للنقاش العام فلا مجال لاعادته لدائرة "الخاص" مره اخرى ...

Quote: بما أن الشخص الذي أرسل المبالغ المالية عضو فى هذا المنتدي .. فالأمر فى غاية السهولة أذكر أسم الشخص صريحاً هنا

وبس .

نجض كلامك يا ناذر الخليفه ....

النى للنار ....

قول الاسم هنا فى البوست دا وبقية الاعضاء زى ما قال معروف حمدين ح يتكفلو بالباقى ....

يا معروف ..

المحاولات جارية من عدة أطراف للإتصال بالشخص المعني وبكافة الطرق ..
بس محتاجين نسمع كلامو ويقول يا رسلا يا ما رسلا ...

Quote: يا معروف .. المحاولات جارية من عدة أطراف للإتصال بالشخص المعني وبكافة الطرق .. بس محتاجين نسمع كلامو ويقول يا رسلا يا ما رسلا ...

ناذر حتى قبل كتابه البوست المعنى
يجوز ان تتم الاتصالات التي اشرت اليها
بعيداً عن بقية الاعضاء
لكن بعد البوست فان اصابع الاتهام لم تستثني احداً
لذلك حتى لا تتهم الكثيرين في محاولاتك لتبرئة قله
اتمنى ان تمارس اقصى درجات الشفافية في هذا البوست
اتمنى تفعل ذلك حالاً من اجل ناذر اولاً ؟

وتنقد الرهيفه

البصاص

البصاص

Quote: اخطأت هنا يا ناذر .... فكلنا مكلفون بكشف هذا الغموض وازاحة الستار عن الحقيقة تبرئة لذمة اخوه واخوات وقفوا فى هذا الامر بقلوبهم ومشاعرهم ... لا يكفى الان كلمة "عضو بهذا البورد" طالما انكم تراسلونه فهذا يعنى انه معروف لديكم ... انت وسواك ... اذكر اسمه هنا علانية وبرئ ساحة البقية .. ثم بعد ذلك يكون عليه هو ان يبرئ نفسة بادراج ايصال التحويل معنون للمرسل اليه واذا لم يفعل يكون هو وحده المساءل وتتم تبرئة بقية اعضاء حماية الامل العام ... اما اذا ادرج الايصال وعليه اسم المرسل اليه حينها ايضا يكون قد برأ نفسه وحصر الشك فى المرسل اليه وهكذا حتى تكتمل الصوره وتتضح الرؤية.... نرجو توضيح الحقيقه كامله دون حذف او تعديل... طالما ان الامر قد طرح للنقاش العام فلا مجال لاعادته لدائرة "الخاص" مره اخرى ... "قضى الامر الذى فيه تستفتيان" .....

ياخي عليك الله يا ناذر احترم عقولنا ياخ وقول كلامك كلو

انت لسه بتلف وتدور؟؟؟؟؟؟؟؟

Quote: يا معروف .. المحاولات جارية من عدة أطراف للإتصال بالشخص المعني وبكافة الطرق .. بس محتاجين نسمع كلامو ويقول يا رسلا يا ما رسلا ...

اتصالات شنو يا ناذر الانت بتتكلم عنها ... ماهو اكيد فى رد من اتنين:

1 - لا مارسلتها "اذن هو المتهم"
2- ايوا رسلتها لفلان " اذن فلان هو المتهم"

فى الحالتين حسب كلامك دا فى متهم ... يبقى الاتصالات بى تحت تحت لزوما شنو؟؟؟؟؟ ... اكتب فى البوست دا ... وقدام الكل ... بنفس الشجاعه الفتحت بيها البوست الاول وعممت الاتهام .... يا فلان انت قلت رسلت مبلغ كذا ارجو ادراج الدليل على التحويل .....

وبس...

Quote: : بما أن الشخص الذي أرسل المبالغ المالية عضو فى هذا المنتدي .. فالأمر فى غاية السهولة أذكر أسم الشخص صريحاً هنا وبس.

ده الكان مفترض يتعمل من أمبارح.. أو من اول يوم دار فيه (همس المدينة)..

ليه إتأخر..؟

ودالخليفــــة ..

ياخي أدينا أسم الراجل أنت فى النهاية تأكدت لمن كتبت البوست
يعني خلي لينا باقي التحقيقات ..

Quote: يا معروف .. المحاولات جارية من عدة أطراف للإتصال بالشخص المعني وبكافة الطرق .. بس محتاجين نسمع كلامو ويقول يا رسلا يا ما رسلا ...

بعد دا الموضوع مهمتنا نحنا وبنقدر نجيبو قبل أن تغرب شمس هذا اليوم !!!

الحصيلة :


أحد اعضاء المنبر ذكر أنه أرسل أموال للحملة ..
القائمين على الموضوع ذكرو له أنهم لم يستلموا أموال ؟!!!

المطلوب :

طبيعة المراسلات وسكاننق للتحويل أو تأكيد من صاحب الأموال أنه أرسلها بأي وسيلة أخرى ..

وأيضا ...

شروع أعضاء اللجنة في تحريك هذا الأمر بعد أن صمتو عليه طويلا وتحمل الهمس إلى جهر ...

دي اسمها زرة كلب في طاحونة.

ويحلك الحل بكري من كاشا ومحمد حامد جمعة.
وكذلك الحل مهند مامون من ناس نابري وعبد المنعم سليمان.

غايتو أنا لو منك باقوم أفتو وأجيب اسم الزول القال حول القروش ديل، وأوضح قالا كيف بالتلفون وللا بي ماسنجر داخلي وللا في بوست.
عشان بعدين ما ينكر وعشان إنت كمان مصداقيتك ما تحوم حولها الشكوك.
لأنك طالما لم تحرص على سمعة أعضاء الحملة مافي سبب واحد يخليك تحرص على سمعة الزول القال حول القروش دا.
والقصة واضحة وضوح الشمس. بطل حركات محمد حامد جمعة دي وفتتتتتــــــــــــــــــــوا عديل.
وفي حالة عدم فتك ليهو (وعاجلا جداً) معناها إنت ملفق الخبر وقاصد الإساءة لأعضاء الحملة.

Quote: ياخي أدينا أسم الراجل أنت فى النهاية تأكدت لمن كتبت البوست يعني خلي لينا باقي التحقيقات ..

عادي يا ناذر..

يمين ديل لو جبت ليهم مدير البنكـ ذاتو بخزينتو هنا في المنبر..
يغالطوهو ليكـ..




يا أخوي الطبع غلاب..

عبد الرازق

Quote: يمين ديل لو جبت ليهم مدير البنكـ ذاتو بخزينتو هنا في المنبر.. يغالطوهو ليكـ..

ده كلام غلاطو الا سؤال لناذر و محاولات من الجميع تثبيت حق و حقائق

كمان من عمى بصيرة لعمى بصر !

الله يكفينا شرك !

Quote: يا أخوي الطبع غلاب

الله ليك من حق الناس

الله يسألك انت بتعرف فينا منو هسه معرفة شخصية لامن عرفته طبعو الغلاب ؟

ما يحيرني أن البعض يطالبني بذكر إسم الشخص في حين أنهم يمكنهم سؤال أعضاء لجنة غادة نوري مباشرة ومنها يتأكدون بأن هذا الامر دائر منذ زمن !!


لماذا لم يتوقف أحدكم عند هذه الفقرة من البوست :

Quote: بل ان أحد قادة الحملة ذكر لي أمس أنه سيفتح بوستا لذاك الذي يقول أنه أرسل أموالا لإستفساره كيف أرسلها ومن أرسلها كي يتضح الأمر ؟!!

ليس المطلوب مني في هذه المرحلة ذكر اي نوع من الأسماء ..
بل المطلوب من المتسائلين أن يسألو أعضاء اللجنة والذين يتداخلون في هذا البوست وهم يعلمون من أعني ..

أما إن كانو لا يعلمون وأن من يعلم بهذا الأمر محصور في عدد قليل من المجموعة فهذا شأن أخر !!

Quote: ما يحيرني أن البعض يطالبني بذكر إسم الشخص في حين أنهم يمكنهم سؤال أعضاء لجنة غادة نوري مباشرة ومنها يتأكدون بأن هذا الامر دائر منذ زمن !! لماذا لم يتوقف أحدكم عند هذه الفقرة من البوست : بل ان أحد قادة الحملة ذكر لي أمس أنه سيفتح بوستا لذاك الذي يقول أنه أرسل أموالا لإستفساره كيف أرسلها ومن أرسلها كي يتضح الأمر ؟!!

يبقى ادينا اسم اللى قال ح يفتح بوست يسال عن الاموال اترسلت ولا لأ ... لكن بالمنطق كدا مفروض انت التقول اسم الزول لانك انت العملت الكتاحه دى ......

يبقى يا اما تكتب اسم عضو البورد القال رسل الاموال .. او تكتب اسم احد قادة الحمله اللى عارف اسم الزول دا ...

ناذر الخليفة

تشكر بداية على الأيضاحات المبهمة ..
ولكنها بداية خيط نتمسكـ به ولو لبرهة من الزمان ..
سؤال حتي لا نعيد فتح الموضوع مرة أخري وسنثبت للجميع أننا قادرين
على قيادة دفة أمورنا ..

هل هنالكـ أشياء أخري غير هذا الأمر لا يعلمه الأعضاء بالمنبر ؟؟؟؟
حتي لا نعود للمربع الأول !!!!!

للأسف لم أقرأ البوست موضوع الإتهام ..
وحقيقي صدمت لما حدث وناذر لم يحالفه التوفيق في فتح ذلك البوست وتوجيه الإتهامات دون أدنى دليل ..
وعليه يا ناذر يجب توضيح الأمر لإجلاء الحقيقة وزي ما قلت إذا كان هذا الشخص موجود بيننا فعليك ذكر إسمه وهو الوحيد القادر على توضيح الحقائق ونفي ما نسب للجميع ..

الأمر جد محزن ..

Quote: وحقيقي صدمت لما حدث وناذر لم يحالفه التوفيق في فتح ذلك البوست وتوجيه الإتهامات دون أدنى دليل .. وعليه يا ناذر يجب توضيح الأمر لإجلاء الحقيقة وزي ما قلت إذا كان هذا الشخص موجود بيننا فعليك ذكر إسمه وهو الوحيد القادر على توضيح الحقائق ونفي ما نسب للجميع .. الأمر جد محزن ..

يا معروف !!

Quote: هل هنالكـ أشياء أخري غير هذا الأمر لا يعلمه الأعضاء بالمنبر ؟؟؟؟

مش أحسن ننتهي من الفي يدنا ؟!!
ولا داك خلاص إنتهى !!!

حذف

يا معتصم ...

Quote: وعليه يا ناذر يجب توضيح الأمر لإجلاء الحقيقة وزي ما قلت إذا كان هذا الشخص موجود بيننا فعليك ذكر إسمه

وليه ما يجي ويوضح براهو أو يجي الزول الكان عندو معاو إتصال من أعضاء اللجنة يقول إسمو ؟!!

أنا قلت إنو في ناس من اللجنة على علم بالموضوع دا ...

قبل فترة طويلة ..

الأفضل شنو ؟!!


عشان الكلام ما يكون مبتور ...

يا ناذر الخليفة

مازلت اؤكد لك بانك اكثر شجاعة ، وبما انك وصلت للمرحلة دي اتمنى ان تتم شجاعتك وتقول كل العندك بكل وضوح !!



مشكلتك يا ناذر ما بتعرف لغاية هسي ماذا يعني العمل الانساني ؟؟!!


ياريت ما تخذل ثقتي في ( شجاعتك )


هبة

ناذر الخليفــــــــــــــة


لما انا سالتك قلتا ليك بالواضح يا ناذر

أنت بتتكلم عن كشف حساب غادة نورى ,,,,وانو إتسرق من ؟؟ووقصر منو ,,؟؟ وفى ناس أتسترت على الموضوع؟؟

وقلتا ليك انا عميان واللا الكلام الكاتبوا ده ما صحيح


يعنى بالواضـــــــــــــــــــــــــــــــــــح

يا ناذر إنك كنت بتتكلم عن حاجة معينة وانا كررتها ليك



واسى حولتها لى حاجة تانية

...
...



منتظر ردك,,!!

ناذر يا صديقي
ساعد المجموعة لتبرئة نفسها فرداً فرداً
______
هذه المجموعة جرحت جرحاً غائراً
أنا منذ الأمس أفكر في هذا الأمر..
ضع نفسك في مكانهم يا ناذر

يا إنعام !!!

Quote: وعلى قادة حملة حماية الامل العام التحقق من الموضوع ويفتح بوست يوضح هذا الكلام ...

طيب الموضوع دا ليو فترة طوية وما ظهرت حاجة ما دايرين تتحققو منو إلا هسي بعد بوستي !!

أنا فعلا غلطت من الأول بي إنو كتابتي وضعت الناس كلها في دائرة الشك .!!

طيب إنتو من الاول وقبل بوستي دا .. ليه ما حا ولتو تتأكدو من المعلومة وتسألو نفسكم ؟!!

وأنا بإنتظار نتائج التحقق ..

الاخ نازر.

لا يمكن أن تعالج الخطاء بالخطاء ولا يمكن أن تكتب بوست مبهما وعندما يسألوك تفتح بوست أخر أكثر أبهاما.
كان عليك أن تلتزم ببوست الاعتزار وبس.

دينق.

يا ناجي !!

Quote: منتظر ردك,,!!

ردي ما حا يفيدك بي حاجة ..

أحسن تنتظر معاي نتيجة التحقق الذكرتو إنعام في مداخلتا فوق ..

فى حاجه انا ما فاهماها هنا .......


ليه انتو مصرين تحصروا الموضوع والتحقيق فيهو على جماعة حماية الامل العام فى الخرطوم؟؟؟؟؟
ليه التكتم دا يا ناذر ومصر ما تذكر اسم الزول اللى قال حول المبلغ؟؟؟؟
ليه مصر ما تذكر حتى اسم الشخص فى حملة الامل العام عشان الناس تتابع معاهو؟؟؟
هل الموضوع دا يعنى بورداب الداخل فقط ولا كل من شارك فى حملة غاده نورى من حقو يفهم؟؟؟؟
ليه كل الحقائق تسرد مبتوره وبالتلميح فقط؟؟؟؟


ناذر .. يا اما تذكر اسم مرسل الاموال او اسم عضو الحمله للمتابعه معه على ملأ ...
او عضو حملة الامل العام اللى عارف الشخص المرسل يتفضل يتداخل هسى ويواصل فى توضيح الحقايق ... واذا لم يتداخل عضو حملة الامل العام حسما لهذا الغموض ح يكون خت نفسه فى حته ضيقه جدا وما ح يفيدو اى اعتذار بعدين لانو اعتقد الكل شايف الحاصل ومطلع على النقاشات الدايره دى واكيد الشخصين المعنيين "مرسل المبلغ وعضو حملة الامل" برضو متابعين وشايفين الحاصل يبقى حسم الامور هو الحل الاسلم لا المماطله........

الاستنادر ناذر

ناذر

Quote: ردي ما حا يفيدك بي حاجة .. أحسن تنتظر معاي نتيجة التحقق الذكرتو إنعام في مداخلتا فوق ..

ناذر بالواضح المختصر المفيد ما بنتظر
إنت كتبت المداخلة دى الكانت فى البوست المحذوف

..
والبى الطريقةالكتبتها

إنت كنتا بتتكلم عن كشف حساب ونقص وفى تستر والخ
ولو أنا غبى !!! دى حاجة تانية











ما قلتا لى إنك بتتكلم عن تحويل لم يصل اصلاً

,,!! ومنتظر ردك إنت ,,,!! ما تشبك الامور ....


مش قلتا داير تبرى ذمتك وانك أديت الناس دى 24 ساعة تجى تقول من سرق من
وكيف ومن تستر ,,,,!!! تم جميلك فينا ...لو هو جميل ونيتك صافية زى ما بتقول!!


ـــــــــــ
شكرا شوشتا

يا دينق ...

Quote: وعندما يسألوك تفتح بوست أخر أكثر أبهاما. كان عليك أن تلتزم ببوست الاعتزار وبس.

البوست دا كان لا بد منه لتبيان التفاصيل ..

وأهو نحن في إنتظار زيادة التفاصيل بعد التحقق ..

ناذر سلامات

الموضوع خرج من دائرة حملة الأمل وبورداب الخرطوم للراي العام.. اللي هو إحنا المتواضعين..

وعليه فحديثك هنا كمن يفسر الماء بالماء.. يعني فضلت تلف وتدور وتقول كلام مبهم زيادة..

طالبك البعض هنا بإدراج إسم الشخص الإنت معتمد عليه في إتهاماتك بتاعت أمبارح.. ورديت بإنه المفروض يكتب الإسم عضو اللجنة الوعد بفتح بوست..

إفرض عضو اللجنة لم يتمكن فتح البوست (الآن) وكان عنده أي ظرف يمنعه من الوصول لكي بورد. إنت موجود بالفعل. وإنت طلعت نفسك حامي ومدافع عن حق وعايز تعدل المايلة..
أعدلها للنهاية.. مش تفضل ترد بكلام لا بيودي لا بيجيب.

الموضوع: في قروش ما معروفة إتسلمت ولا ما إترسلت من اصلها..
وإنت عندك الأكيدة بالزول الرسلها وعايز تعرف مصيرها وين - ما إنت براك كلنا عايزين نعرف-
شنو المانع من توجيه سؤالك مباشرة للزول - بإسمه وعنوانه المنبري - وإحنا شهود؟؟

شكرا

ناذر... ده مش كلامكـ الأول
يعني فى أعتقادي علي الأقل تملك الأجابة علي ذلك
ما عارف ليه أنت لمن تضع أتهامات مؤكدة ما في داعي
للتستر !!وخلينا فى الواجهة

Quote: الموضوع: في قروش ما معروفة إتسلمت ولا ما إترسلت من اصلها.. وإنت عندك الأكيدة بالزول الرسلها وعايز تعرف مصيرها وين - ما إنت براك كلنا عايزين نعرف- شنو المانع من توجيه سؤالك مباشرة للزول - بإسمه وعنوانه المنبري - وإحنا شهود؟؟ شكرا

Quote: وعلى قادة حملة حماية الامل العام التحقق من الموضوع ويفتح بوست يوضح هذا الكلام ...

Quote: يمين ديل لو جبت ليهم مدير البنكـ ذاتو بخزينتو هنا في المنبر.. يغالطوهو ليكـ..

الآن بدأت بعض خطوط اللعبة أكثر وضوحاً.

يلا أرمي قدام.

shammashi

زى دا ما كان تعتر ليه ....
كان تنتظرو يجيب اخرو ....

امشى البوستين القبال دا وشوف ...
تدى ربك العجب ....
يرمى قدام وبس ... ورا مأمن يا ود امى....
الله يكضب الشينه.....

يا ناذر هي كيمياء

ما تقول النفرين الزول القال رسل ورسل لي منو وتريح اضانك

وحاتك يا وليد ما دايرين إسمين.. دايرين إسم وااااحد (المرسل)..

شفت القناعة دي كيف؟

التاني بتعرف بعد داك..

Quote: وحاتك يا وليد ما دايرين إسمين.. دايرين إسم وااااحد (المرسل).. شفت القناعة دي كيف؟ التاني بتعرف بعد داك..

والله يا رجاء حاجة تحير

الناس في البورد ده مصرة تعمل ليها افلام بوليسية

هسع ناذر بعد ما ينبزوه ويشبعوه نبز

يرفع اسم النفرين

ويطالب الناس باعتزار


الموضوع ما عاوز السكة دي

ولا بحتاج اللخمة دي

الا اذا كان ناذر متستر على الزول المرسل او المرسل له

مافي شبب بخليه يدس الاسماء دي
خصوصا انها قصاد سمعته

ياخ انت يا ناذر مستحمل النبذ ده كله فيك كيف


؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!

الكلام دة كلو ياناذر


علاقتو بى ماعزموك فىالاجتماع كما ذكرت



شنو؟؟؟؟؟؟؟؟؟؟؟

Quote: Quote: وعلى قادة حملة حماية الامل العام التحقق من الموضوع ويفتح بوست يوضح هذا الكلام ...

والله صحي لف ودوران

يا ناذر

مش انت قلت في مال منهوب وفي تستر

وضح لينا انت المال المنهوب وين والنهبو منو والإتستر عليهو منو؟؟؟؟؟؟؟؟

Quote: Quote: وعلى قادة حملة حماية الامل العام التحقق من الموضوع ويفتح بوست يوضح هذا الكلام ...

ده كان المفروض يحصل من الأول.. وما حصل..

اللي حصل إنت لا عملتا تحقيق ولا يحزنون، وقمت فورا بفتح بوست طال بالإتهام الجميع.. عشان كده جات مطالبتنا بالإنتهاء (Once and for all) من الموضوع ده بنفس الشخص القام بالإتهام في الأول.. ويتخيل لي ده اقل شئ ممكن تقدمه لو عايز الناس تقبل إعتذارك.

الكلام دة كلو ياناذر


علاقتو بى ماعزموك فىالاجتماع كما ذكرت



شنو؟؟؟؟؟؟؟؟؟؟؟

Quote: اللي حصل إنت لا عملتا تحقيق ولا يحزنون، وقمت فورا بفتح بوست طال بالإتهام الجميع.. عشان كده جات مطالبتنا بالإنتهاء (Once and for all) من الموضوع ده بنفس الشخص القام بالإتهام في الأول.. ويتخيل لي ده اقل شئ ممكن تقدمه لو عايز الناس تقبل إعتذارك.

دى الخلاصه ...

وَظُلْمُ ذوي القربى أشد مرارة على النفس من وقع الحسام المهند

...

يا ناذر..
لو دخلت البوست دا (حا تتفاجأ ) !!!
والله العظيم دوخت جماعتكـ وشرباكاتهم...
كالعادة..
دايرين يلقو ليها شماعة فضيحتهم دي..

طالما إنت واثق..
إذن المهم زولكـ [الحجة] أمنو مظبوط..

أصلوا ردة الفعل عند كشف الحقيقة بتجيب ليها إنفعالات كعهدنا بيهم الناس عندكـ ديل ديل..
وياها عينكـ على الكنبة الوراء ..

وحكاية فاطمة مع ابو القاسم ما بعيدة..
نصيحتي ليكـ..
ما تجاريهم وسيبكـ من ضلهم الممدود مط بوهج إستنارة المسافة..

تعال دوغري..
رحمة بإنسانية القراء..
وأطعن الفيل يا ناذر..

أطعن يا ناذر..


والديه عليَّ..

ناذر الخليفة
أها الأجابة تكون لمنو يا ناذر ..
فى أحسن وأشرف من المكان الأنفتح فيه الكلام !!!
ولجميع الأعضاء .. وعلي عينكـ يا تاجــــر !!!!

نازر

شوف يا شاب :
لو متزكر بعد الحفلة مباشرة وفي بوست تجازب الارواح قلت ليك ياخينا
إنت زحيت مننا لي شنو وبصراحة كدة يانازر كنت داير أحكها معاك لحدي
ماتجيب الدم لكن الشباب الانت بتتهمهم ديل هم نفسهم الوقفو قدامي
لعناتي ليك والكي بورد ده .
كلام المشاطات دة ما كويس ولا بنعرفوا عشان كدة كان أولي بيك إنك تجي
لي الناس بالدوغري وتجي تقول السرق منو ولا النهب منو ؟
بعدين ياخي إنت وكتين قلبك علي الامل المفتوح قدر دة شلت روحك وجريت مالك ؟
ولا داير تتابع المالية من منازلهم ياخي أمرق علي الناس ومكتب علي عجب فاتح
والناس المسؤلين من المالية من قولة طقطق لي السلامو عليكو متوفرين وراقدين
بدل إنك ترمي في الناس بالفي والمافي .

غايتو يا ابو رشيرش بالغته في البوست ده.
باين عليك متهود على الافلام الهنديه



حسه كل البهدله دي عشان ده...

Quote: الكلام دة كلو ياناذر علاقتو بى ماعزموك فى الاجتماع

يعني ناذر ماحذ بمبه في روحه ومصدق انه عمدة بورداب الخرطوم

ولما ماعزموه حب يمسح بيهم الارض....لكن يبدو انه ربنا عارف

فاتمسح بيه هو الارض.

يا ناذر عيب...وكبعا انت العيب ما بتعرفه....لانك غارق فيه من زمان
لما مادي لسانك وكي بوردك في الناس وعامل سبع البرمه وحامي حمى الوطنيه.



الناس البتصدى للعمل العام ده يا ناذر في كل الدنيا
شكلها واحد وخلقها واحد...عشان كده بورداب الهرطوم الاتصدوا لحملة الامل

لا نقبل فيهم كلمه.

وعارفين انه ما صرفوه من جيوبه واجري وتعال ومواصلات واجتماعات يفوق الكثير
مما اعتقدوا هم انفسهم انهم تبرعوا به,فالتحيه لهم.

كمان معرفتنا بالعمل العام تجعلني اعي تماما انه في ناس نفاخين وبتوعن قشرات
ساكت ممكن يدعوا انهم اتبرعوا وهم لا.


يبقى زولك ده منهم اكيد لانه اكيد متابع طان جاء وبرأ زمة الناس.


الاهم انت كنت ساكت ليه,كل الفتره الماضيه لما انت راجل حقاني فعلا كما تدعي؟؟؟؟


ولما ماعزموك جيت عامل فيها بتفتوا.

تفت شنو؟؟؟؟كلام وقصص فارغه؟؟؟

سبجان الله

هو اتهام الناس ده ساهل كده؟؟؟؟


وياعبد الرازاق الطالب انت راجل متدين
عيب كده كل ما شفته موضوع فيه يسارين كما يصور لك تجي تهاجم زمتهم الماليه.

اعوه بالله من غضب الله
وياناس حملة الامل امسحوها لينا في وشنا.

بت حينا سابقاً تراجي أبو طالب..
رجاءاً إلتزمي بالدور وما تكعوجي البوستات ساكتت..

Quote: عيب كده كل ما شفته موضوع فيه يسارين كما يصور لك تجي تهاجم زمتهم الماليه.

هسعي الجماعة أصداقائكـ بتاعين [جمعية الصداقة الإسرائيلية السودانية]..
المليارات الجمعوها أولياء نعمة فكركم دي دي ـ كأطفال أنابيب اليهوديان الحاقدان كارل ماركس ولينين ـ من العالم بأسباب أزمة دار فور..
Re: كتاحة... إسرائيل... والمية ألف دولار... أقرب مثال:

Quote: قال يحي : لقد دُرسنا في كل حياتنا , منذ المدارس الابتدائية وحتى الجامعة أنكم اعدي أعداء المسلمين والعرب في كل العالم" اليهود والاسرئليين وراء ال100000 دولار . والآن يقول: "لقد أدركنا أن الذي دُرسنا في كل حياتنا ما هو إلا شائعات. وعندما قُتلنا, انتم الذين قمتم بحمايتنا, وعندما شُردنا انتم تحاولون حمايتنا: وعندما قتل اهلونا واغتصبوا , كنتم هناك تحاولون مساعدتنا."

الناس النزحو بسبب تشجيعكم للحركات المسلحة تفتكري شافو منها حاجة..
ومحمد يحيى زايغ بيها لغاية اليوم..

حتى إنتي يا تراجي كدركـ مكاتلة ليهم شوفتي منها حاجة..
حسب إدعائكـ إنكـ لاجئة دار فورية..

يعني لحسوكي سُحت كنجالاتهم دي..


تراجي إنتي جايباها ضكرة..

Quote: مش أحسن ننتهي من الفي يدنا ؟!! ولا داك خلاص إنتهى !!!

ناذر ان مريض ولا حاجة ؟؟؟


بناءا على هذه المداخلة تبين لي عدم موضوعيتك ومراوغتك والظاهر عايز تتشهور على حسابنا...

وبسحب مداخلتي الاتية ..

Quote: يقيف الموضوع لحدي هنا .. وعلى قادة حملة حماية الامل العام التحقق من الموضوع ويفتح بوست يوضح هذا الكلام ... وشكرا ناذر

واضح تماما يا ناذر انك كنت متاكد انو التوقيت ما مناسب ...
مع ذلك اصريت بفتح ملفاتك (المبتورة) ..
دون ان تضع في الاعتبار (غادة نوري) ..
وحسب ما علمت هي الان تعاني وتتألم جدا جراء ماحدث وما سيحدث ..
كان يجب عليك تكون اكثر عقلانية وتقيف عند حد اعتذارك الغير مقبول ..
احسن من تضعنا امام توضيحك (الاعرج) .. وتعيدنا الي المربع الاول ...
الخطا وارد برغم انك اخطئت خطا جسيما الا ان التمادي في الخطا والباطل جريمة كبري ..
والرجوع إلى الحق خيرٌ من التمادي في الباطل ...
لا نريد المزيد من التوضيحات ... فقط عليك بذكر الشخص المعني ..
وبعد ذلك لكل مقام مقال ...

الأخ/ نازر
بداية اقف الى جانبك متضامنا حتى لو كنت مخطئا لأنى ضد أن تتجمع شله ضد شخص واحد حتى لو كان الحق معها، يكفى ان يحاورك شخص واحد منهم وأن يستمع الباقون .. واتفهم موقفك جيدا، ومنو الراجل البقدر يقول للأعور "اعور" فى عينو، على هذا المنبر وغيره من المنابر ومتى قالها ذلك الرجل ؟؟
وكثيرين كان لهم دور فى كثير من المشاكل وأستمرارها لأنه صعبت عليهم كلمة الحق !!
وكلامك واضح لمن اراد أن يفهم الأمور بصورة أكثر من واضحه.
وخارج نطاق هذا الموضوع لدى راى واضح فى مسالة التبرعات التى تجمع على نحو عشوائى، وتكون نهايتها تشهير واذلال لمن جمعت التبرعات من أجله، وشبهات تطول من جمعوا التبرعات فى المنبع أو المصب!!
ارجو أن ينتهى هذا الموضوع حتى اطرح وجهة نظرى المبدئيه من مسالة التبرعات، وأتمنى أن تشارك معى موافقا لرائى أو رافضا له!!

ناذر الخليفة..

الساعة 3:52 م..

أنا خلاص ماشي..
بس عليكـ دينكـ وإيمانكـ أكان ما رجيتوني إنت و[الحُجة] ليوم باكر بالشمار ده..
صاحبي خضر ده..

خُتوها ليهو تاآآآآح..
قدام الناس..
على وزن دق الكبير قدام الصغير عشان الصغير يخاف..
بدون مط.. وقدامو كده خليهو يعرف الحقيقة المجردة ويبلى بيها براهو..
ويشيل العار الجديد بشيلتو..

خضر..
تحياتي بدون إنفعالات..



ما تحنبكـ قدر ده..

أبو رزقة :

تعرف يامنقةالفرق شنوبين الصعلقة وقلة الادب
أها بس ده نفس الفرق بين الياي ومساعد الياي
العمرو ما ببقي ياي .
بمعني يا أبو رزقة خلينا نسمع نازر رأيو شنو
ونازر زاتو بيني وبينك ( مساعد ياي) برضو زيك لكن
بلد مافيها يايات المساعدات بتنطط
بعدين تعال يا أبورزقة إنت مالك طوالي بتحاول تعادي
الناس إنت قايل أي لجنة بتاعت عمل خير العضوية كلهم شيوعيين
يابني آدم أفهم الناس الإعتدي عليهم نازر ديل بتشكيكو في
أمانتهم المالية فيهم شيوعيين وكيزان وأنصار وإتحادين
وناس عاديين محترمين
وسي نازر بتاعك دة العامل فيها رب الاخلاق كان أولي بإنو يطرح
الموضوع دة في علبوا وكت هو حريص لكن الانت ماعارفو إنو نازر
ماقصدوا يتكلم علي قروش راحت ولا جات بقدرما داير يخستك
بي بناء الناس العملوهو طيلة الفترة الفاتت ودي مشاريع إتخيل لي
كدة ما أي زول بقدر يخت فيهو مدماك مالم تتوفر شروط محددة أولها
إنك تكون إنسان . وأول شروط الانسان أنك تكون ياي لي روحك وماتكون
مطبلاتي وشايل شحمك ومدفقوا في حلل الناس .
............

دي إسمها صعلقة قصيرة التيلة يا أبو رزقة

................

خضر

Quote: يا ناذر.. لو دخلت البوست دا (حا تتفاجأ ) !!! والله العظيم دوخت جماعتكـ وشرباكاتهم... كالعادة.. دايرين يلقو ليها شماعة فضيحتهم دي.. طالما إنت واثق.. إذن المهم زولكـ [الحجة] أمنو مظبوط.. أصلوا ردة الفعل عند كشف الحقيقة بتجيب ليها إنفعالات كعهدنا بيهم الناس عندكـ ديل ديل.. وياها عينكـ على الكنبة الوراء .. وحكاية فاطمة مع ابو القاسم ما بعيدة.. نصيحتي ليكـ.. ما تجاريهم وسيبكـ من ضلهم الممدود مط بوهج إستنارة المسافة.. تعال دوغري.. رحمة بإنسانية القراء.. وأطعن الفيل يا ناذر.. أطعن يا ناذر.. والديه عليَّ..

؟؟؟؟؟؟؟؟؟؟؟؟؟؟؟؟؟؟؟؟؟؟

انت يا عبد الرازق الطالب جادي في الكلام دا؟

انت لو عندك مشكلة مع زول بالله خليها بعيد مننا

واظن من حقنا نسألك انت كمان بتشكك في مصداقيتناعلى أي اساس

منتظره اجابتك

ياخوانا المسألة مابقت عندكم وبس

المسألة دي هابشة الناس كلها..


يعني الناس البره ..

ممكن هسة يكون اي واحد فيهم

الزول ده القال رسل القروش

يعني الاتهام

بقي لناس الامل العام

وللناس الخارج السودان

Quote: ياخوانا المسألة مابقت عندكم وبس المسألة دي هابشة الناس كلها.. يعني الناس البره .. ممكن هسة يكون اي واحد فيهم الزول ده القال رسل القروش يعني الاتهام بقي لناس الامل العام وللناس الخارج السودان

انعام عبد الحفيظ
تحياتي..
والله كنت طالع ماشي..
لكن وقتين قلتي من حقنا نسأل..

Quote: واظن من حقنا نسألك انت كمان بتشكك في مصداقيتناعلى أي اساس

وأنا من حقي أجاوب بسؤال..

إنتي كارل ماركس ولينين ديل موش يهود برضو وإنتو متبنين فكرهم ولا حاجة تانية..؟




إجابتكـ برضو مهمة..

Quote: إنتي كارل ماركس ولينين ديل موش يهود برضو وإنتو متبنين فكرهم ولا حاجة تانية..؟

منو متبني فكر منو؟

انت جاي غلط باين عليك

شوف يا عبد الرازق بالله عليك لو عندك حاجة

قولها لصاحبها عديل وبعيد منا بالله

الموقف لا يحتمل تأويلاتك دي

انت بتشكك فينا وفي مصداقيتنا

جيب ادلتك خلينا من يهود وماركس ولينين

أدلتك .... فاهمني ولا لا





لسه في انتظار إجابتك

إنعام عبد الحفيظ.

من متين عبد الرازق الطالب ده كان بيكتب كلام جادي أصلا؟
نصيحة مني لك. لا تضيعي وقتك مع الزول ده.

دينق.

Quote: إنعام عبد الحفيظ. من متين عبد الرازق الطالب ده كان بيكتب كلام جادي أصلا؟ نصيحة مني لك. لا تضيعي وقتك مع الزول ده. دينق.

كالعادة دينق جاي داقي جوز خارج دئرة الميس..
جادي معاكـ يا دينق..

إنت بالجد لو زول نصيحة كان بانت فوقكـ..
وما حنبكت في نقد الذات بتاع سجيمان وقُفة أخو المر..
قال نصيحتي ليك قال..


دينق كده أمرق براآآآآآحا فوت..

والله وانا فى قمة الاحباط والأسى من الموضوع ده ضحكت ..
اسع زى عبدالرازق الطالب ده يقولو علي شنو ؟؟

Quote: اسع زى عبدالرازق الطالب ده يقولو علي شنو ؟؟

يا سلوى صيام كده خلي ود الطالب..
وركزي على الموضوع الأساسي..
ود الطالب ده قاعد متفرج وبيتداخل عن اللزوم..

ولا ياها يا سلوى حكاية:
الغلبتو مرتو مشى يأدب حماتو..



ده كلو من ناذر..

Quote: جيب ادلتك خلينا من يهود وماركس ولينين

وقتين قلبتكـ الإجابة..

أنا مارق ماشي..

بس ركزو على الموضوع الأساسي..




ودعناكم الله ليوم باكر..

Quote: وقتين قلبتكـ الإجابة

بعد هوسك دة كلو كمان قادي إملاء

خضر

Quote: بعد هوسك دة كلو كمان قادي إملاء

خضر..
دي قلبتا فيها هوبا..
D:
معليش يا كبير..

سيكـ سيكـ..



الأمل معلق فيكـ..

Quote: وقتين قلبتكـ الإجابة.. أنا مارق ماشي.. بس ركزو على الموضوع الأساسي..

برضو لف ودوران تاني يا عبد الرازق

جيب أدلتك ودا موضوعنا الأساسي

الإتهام لازم يكون في ليهو أدلة

وإنت بتتهم في الكل وانا جزء من الكل

لايهمني ماركس ولا لينين ولا اليهود

ما يهمني انك شككت في ذمتي المالية

ودا موضوعنا الأساسي

وبالله ما تلخبط الكيمان تاني

عايزين أدلة مش لف ودوران

إنعام عبدالحفيظ..

Quote: لايهمني ماركس ولا لينين ولا اليهود ما يهمني انك شككت في ذمتي المالية

بالله شوفو سلبطت الولية البتعاين للفيل وبتطعن في ضلو دي..
يا إنعام دي سلبطه ساكت..
معليش..
ما منكم..
من العليكم..



غايتو ربكـ يجيب العواقب سليمة..

Quote: إنعام عبدالحفيظ.. Quote: لايهمني ماركس ولا لينين ولا اليهود ما يهمني انك شككت في ذمتي المالية بالله شوفو سلبطت الولية البتعاين للفيل وبتطعن في ضلو دي.. يا إنعام دي سلبطه ساكت.. معليش.. ما منكم.. من العليكم.. غايتو ربكـ يجيب العواقب سليمة..

عبد الرازق

مره اخيرة وتاني ماح اجيك

Quote: بالله شوفو سلبطت الولية

اولاً: توقعت ان تكون الكتابة بأسلوب يحفظ الاحترام بيننا

برغم اختلاف وجهات النظر لكنك اثبت لي العكس

وبما انو مافي احترام لي من جانبك

فانا ما ح اتداخل معاك تاني

وثانياً:دا كان كلامك راجعو كويييييييييييس

ولا اقول ليك ما تراجعوا لانك قاصد ما كتبت

يراجعوهو الناس البقرو في كلامنا دا

Quote: يا ناذر.. لو دخلت البوست دا (حا تتفاجأ ) !!! والله العظيم دوخت جماعتكـ وشرباكاتهم... كالعادة.. دايرين يلقو ليها شماعة فضيحتهم دي.. طالما إنت واثق.. إذن المهم زولكـ [الحجة] أمنو مظبوط.. أصلوا ردة الفعل عند كشف الحقيقة بتجيب ليها إنفعالات كعهدنا بيهم الناس عندكـ ديل ديل.. وياها عينكـ على الكنبة الوراء .. وحكاية فاطمة مع ابو القاسم ما بعيدة.. نصيحتي ليكـ.. ما تجاريهم وسيبكـ من ضلهم الممدود مط بوهج إستنارة المسافة.. تعال دوغري.. رحمة بإنسانية القراء.. وأطعن الفيل يا ناذر.. أطعن يا ناذر.. والديه عليَّ..

اها بعد دا كلو انا اتسلبطت ولا انت برضو الاتهمت الناس

يا عبدالرازق يا صاحب ..
قبل ما تمرق تمشي بيتكم أحب أقول ليك في مواضيع ما بتستحمل الكلام الملولو وعلينا ضبط كلامنا ولا نتهم الناس ساي كده هسي انت شايل حروفك الحمراء دي ولافي هنا بدون ما تقول كلمة حق واحدة ..
إذا أخطأ ناذر أو غيره يجب أن نقول ليهو أخطأت عشان دا واجبنا تجاهو ..
وزي ما قال ليك خضر ما تحاول تستعدي الناس عليك وإذا عندك حاجة واجعاك قوله دوغري ..

كل الكلام دا كلو عشان عبدالرازق البعرفو وصديق الغربتين ..

معتصم دفع الله
كيفنكـ يا صاحب..

Quote: بدون ما تقول كلمة حق واحدة ..

الحقيقة أمشى كوسها عند الحجة أو ناذر البيملك ناصيتها..
وبعدين كلمة الحق يقولا أخوكـ ود الطالب الما شاف النادي الألماني ده في حياتي ولا مرة برضو..
يا صاحبي..
تعرف يا أبو الدفاع..
أخوكـ تابع بوست ناذر الخليفة حرف حرف إلين قبل ما يتدخل مقص الرقيب.. ولآخر حرف..
وحافظو عن ظهر قلب لو داير أسمع ليكـ البوست المعنون بي..: Re: ممكن توروني ما عزمتوني في إجتماع الليلة دا ليه ؟!!! (Re: ناذر محمد الخليفة)

Quote: ناجي الملك ... ما خفي كان أعظم ... والحاقولو أنا أكبر من أي فجيعة حا تتصورا .. وحتشوف ... البوست دا ما معروف بعمر ولا لا ..

وقد صدق حدس ناذر..
والسبب خبرتو الطويلة في الخيران..

الحقيقة ماتت..

والحقيقة الإنت جاي تفتش عليها ذهبت مع ذلك البوست..

Quote: ود الطالب ده قاعد متفرج وبيتداخل عن اللزوم..

لو كان كدة ما كان كويس.. لكن المشكلة انك بتكتب وزى الراميك جمل..
كدى عليك اقرا البوست كله واعرف موضوعو شنو بعدين الكتابة ملحوقة.

ناذر والجميع
اللولوة وغتغتت المواضيع ذات الحساسية العالية التي تدخل في ضمير وشرف وامانة الانسان
لاتحتاج الي تستر ودسدسة في كل اللحظات...
جميعنا ارسلنا قروش وباسمنا الي حملة الاخت غادة نوري فالامر صار عالي الخطورة علي
مصداقية الكثيرين هنا وامانتهم..
اذكر يا ناذر ما تعرف عن هذا الموضوع بكل شفافية
واذكر بكل وضوح تفاصيل هذا الامر الخطير..
وليس ناذر فقط جميعنا الذين كنا ناشطين في هذا الامر مطالبين بجرد حساب بكل شفافية وتجرد
حتي يستقيم الاعوج وناسس معا لعمل انساني مربوط بالمال بيننا دون اي شكوك او قالوا وقلنا........
ناذر انت مطالب بكل قوة بالحديث هنا اولا لانك من ابتدرت هذا الامر يوم امس...
ولمصلحة اشياء كثيرة اهمها هي غادة نوري نفسها وترابط اهل هذا المنبر في الثراء والضراء
يجب التعامل مع هذا الامر بكل شجاعة وشفافية وعنف..!! وسنعود

Quote: ناذر انت مطالب بكل قوة بالحديث هنا اولا لانك من ابتدرت هذا الامر يوم امس...

الكلام الدوغري..


تعال حدثهم يا ناذر دوغري..

Quote: لكن المشكلة انك بتكتب وزى الراميك جمل..

جمل..
ولا إبل..
ما تخافي على أخوكـ..
خبرة طويلة في الجمال..


أصلوا الراعي واعي..

كلمة لابد منها:
تحياتي للاخوة الوقفوا في حملة الاخت غادة، الواحد كان بيتمنى يكون موجود عشان يشارك،

لناذر:
دي المرة التانية يا ناذر تعمل ليك بوست اشكالي ولمن نحاول نرجع ليهو عشان نفهم نلقاك مشيت طلبت يحذفوه ليك!! من ناحية المسألة دي بتحتاج لي مراجعة الاخ بكري فيها..
المرة الأولى بخصوص اكاونت باسم بورداب الخرطوم وعملت ضجة شبيهة بي دي وما ظهرت انك ورا الموضوع دا الا لما برضو اتختيت في مكان زي دا.. وبرضو دخلت بورداب الخرطوم في نفس الشك دا ...

اذا كنت فعلا شاكي في انو حصل تجاوز زي دا فالأنسب انو كان يتناقش الموضوع داخل اطار الاخوان النفذو الحملة و ما شايف أي جدوى لي عمل بوست بالشكل دا الا اذا كان الغرض الاثارة وبوست وقومة وقعدة البيفتش عن حقيقة موضوع زي دا اكيد حيفهم انو بوست بالصورة البيتكلمو عنها دي ما بيجيب نتيجة،
حسب الفهمتو انو حتى لو تم تجاوز زي دا فحيكون من قبل شخص انت بتوجه اتهام لي كمية من الشباب و بتحبطهم حباط لا يعلم بيه الا المر بي وضع زي دا قبل كدة

مرات يا ناذر بتكون اشتر شتارة يحسدك عليها بقال زاتو

Quote: حسب الفهمتو انو حتى لو تم تجاوز زي دا فحيكون من قبل شخص انت بتوجه اتهام لي كمية من الشباب و بتحبطهم حباط لا يعلم بيه الا المر بي وضع زي دا قبل كدة

المطلوب الآن ياناذر

لو عندك معلومات عن تجاوزات ان تأتي بأسماء وأدلة

انعام عبد الحفيظ
الغريبة ناذر كان بيطالب في بوستيه المحذوف بتاع: Re: ممكن توروني ما عزمتوني في إجتماع الليلة دا ليه ؟!!! (Re: ناذر محمد الخليفة)

Quote: كشف حساب مطلوب فورا ..... والنقص شنو ...؟؟!!! وكم ؟!! والعارفين منو ؟!!! والإتسترو عليهو منو ؟!! ولييه

طوالي كلبشتيهو في قفص الإتهام..

Quote: المطلوب الآن ياناذر لو عندك معلومات عن تجاوزات ان تأتي بأسماء وأدلة

كده جيبو وفرو ليهو طلباتو الفوق ديكـ..
وبعد دآآكـ..

حأطالب ناذر ليكم يجيب حجتو..
العلى أساسا بنى عليها..



ونخلي الحكم للقراء..

..
.
يا ابو النيز
انت بصراحة قاعد تعمل بنظرية
الجا يكحلها عماها ..
وبتفتح طاقات بتاعت _ شربكة _ جديدة
وبتدخل نفسك فى محلات ضيقة
بوست وراهو اعتذار وراهو اعتذار عتن الاعتذار
اها شنو تانى توضيح عن التوضيح


__________________

يا ملك شنو حكايتك ياخى ..!!

..
.
بالجد المره دى رماك حصان
حتى تراجى جات تدلو بدلوها
فرصة وما بتتعوض ..

الواحد ما عارف يعمل ليكم كنترول كيف

________________________

الاعمى شايل المكسر ..
دا اعتذار ولا حوليه

ناذر

Quote: ردي ما حا يفيدك بي حاجة .. أحسن تنتظر معاي نتيجة التحقق الذكرتو إنعام في مداخلتا فوق ..

ناذر بالواضح المختصر المفيد ما بنتظر
إنت كتبت المداخلة دى الكانت فى البوست المحذوف

..
والبى الطريقةالكتبتها

إنت كنتا بتتكلم عن كشف حساب ونقص وفى تستر والخ
ولو أنا غبى !!! دى حاجة تانية











ما قلتا لى إنك بتتكلم عن تحويل لم يصل اصلاً

,,!! ومنتظر ردك إنت ,,,!! ما تشبك الامور ....


مش قلتا داير تبرى ذمتك وانك أديت الناس دى 24 ساعة تجى تقول من سرق من
وكيف ومن تستر ,,,,!!! تم جميلك فينا ...لو هو جميل ونيتك صافية زى ما بتقول!!


ـــــــــــ
شكرا شوشتا

Since انو الموضوع بقى كلو Online انت مطالب زيما فتحت بوست ولمحت تلميحات بتمس الناس كلها تحي وتقول كل العندك، البتحاول ما تقول اسمو اذا كان المرسل أو المستقبل للحوالة ما حيكونو اعز من المسيتهم بي كلامك دا كلهم !!

عبد الرازق الطالب

عفنك البتسوي فيهو ده ما مكانو، انت الناس دي بتعرف منو منها بصورة شخصية عشان تحاول تضلل وتشكك في ذممهم بالله عليك، يا هو ده اسلامك البتتبجح بيهو؟ ياخي سيب انحطاطك البتسوي فيهو ده . الحزب الشيوعي الجاري تهاجمو في أي حته ده ... هنا ما مكانو، في ناس شرفاء هنا اتشكك في ذممها واتهموا بأنهم استولوا على مال مبذول في شأن خيري ودخلوا في أضافرهم وسمعتهم اتمرغت في التراب، جاري تفرز سمومك وقيحك شمال ويمين بلغتك الفجة دي، ياخي لو ما عندك خير أصمت وأدعو إنو ربنا يفك كرب الناس دي مش تصب الزيت على نار الفتنة القايمة دي ... بعدين انت أي ناس بتصدوا لي عمل خيري مشكوك في ذممها؟ دائماًبتشكك ليه في إنو الناس بتاكل قروش التبرعات؟ شكلك عملتها كتير يا رزقة عشان كده فقدت الثقة في أي زول بيلم تبرعات، اتذكر بيتي البكتبو ليك دائماً

إذا ساء فعل المرء ساءت ظنونه*** وصدق ما يعتاده من توهم

والله ياعبدالرازق كان فيك خير أصلاً ما بتسوي كده !!! أنت ياخي زول غريب وعجيب والله!!

نادر
إتلم:
هو زفارة لسان الكي بورد دي دايره ليها رجالة كمان..
قال:

Quote: اتذكر بيتي البكتبو ليك دائماً إذا ساء فعل المرء ساءت ظنونه*** وصدق ما يعتاده من توهم

هيع..
سويتو حقكـ..



عافي منكـ..

ده فهمك يا عبد الرازق يا طيرة؟ أي بني آدم عارف انو البيت ده للمتنبئ إلا انته يا غبي ... تفتكر اني غبي زييك عشان أمشي أنسب البيت لي يا رزقة القوقلي.
برضو في دي إذا ساء فعل المرء.......
غبي!

Quote: لو كان كدة ما كان كويس.. لكن المشكلة انك بتكتب وزى الراميك جمل..

سلوى صيام.

دي قلبتي فيها هوبة عديل كده.
تحياتي لك يا عزيزة ومشتاقين لك شديد.

دينق.

يا شباب زى عبدالرازق دا بيجي يعمل الشويتين ديل عشان يصرف الناس
عن الموضوع الاساسى ... دا من ناس الصيد فى الموية العكره
دا النوع البيحب الصيد فى المستنقعات والمياه الضحله
لكن المره دى"المى حار مو لعب قعوى" ..

نعود لموضوعنا الاساسى .... ناذر الخليفه..

الاسم والدليل يا ناذر وشوف كويس الكلام التحت دا..

Quote: ياخوانا المسألة مابقت عندكم وبس المسألة دي هابشة الناس كلها.. يعني الناس البره .. ممكن هسة يكون اي واحد فيهم الزول ده القال رسل القروش يعني الاتهام بقي لناس الامل العام وللناس الخارج السودان

شايف ياودالخليفه كلنا بعد دا بنبقى ليك فى روحك لو ما ختيت النقط فوق الحروف
تانى غتغته وكلام مبهم ما مفهوم ما بلزمنا ...... 1+1=2

Quote: دا النوع البيحب الصيد فى المستنقعات والمياه الضحله

شوفو ضحالة الفكر دي ..
يا رندا ما كل الطير بيتأكل لحمو..




تهبزوا لعب..[.red]

Quote: دي قلبتي فيها هوبة عديل كده.

D:


السروال مقدود ما بشنقل..
__-__
-
دينق..
الإبل كيف خلقت..؟

طـــــــق خاااااص


الكلام لي ناذر ...
" اما ذوي الاحتياجات الخاصة والداخلين وفقا لنظرية البيض المبذر بيتدردق علي بعض الرد عليهم وقتو ما جا "

- شنو انت يا زول ح نقعد نباري فيك كده من بوست لي بوست وفجاة بي قدرة قادر
تطلع انت المنتظر مننا معلومة ؟؟؟
- تاني بعيد ليك الكلام لاني لسه ما عندي وقت لي مغامرات اسفيرية الكلام واااضح
ما داير اعاده .
- عندك معلومة عن الكلام الانا ح اكتبو ليك ده تعال قولا ما عندك تبقي قدر سواتك دي
وحقنا ما بنحرسو ..لانو ما بجي ..حقنا نلاوي ونقلعو "

- اذا في زول قال ليك انا رسلت قروش ..الزول ده عندو اسم تقولو ... رسل لي منو او بي اسم منو
برضو تقولو .. بعدين تضاف ليها معلومة انو فعلا تاكد عدم وصول المبلغ لغرضه ..

- وطبعا ساهل جدا انو لو عرفنا منو الحول قروش اننا نعرف حولا بي اسم منو ؟؟ وكمان نعرف انو عرف
كيف انها ما وصلت ؟؟
- لانو بي بساطه كونو زول يحول في موضح حملة الامل العام دي عادي .. كونو يحولا بي اسم زول برضو عادي ...اما مسالة وصولا من عدمة دي بيوضحا لينا الزول البيدعيها..وانت ادعيت يا ناذر..

- الكلام حمال الاوجه والذي منو واعتذار داير ليهو توضيح ده ما اوانو انا لسه في نقطة تقول
كلامك الهددتا بيهو الناس واديتم مهلة 24 ساعه ..

- ولاني عارف انو اليوم ما بعيد اهو انتهي ولسة انت برضو محلك سر ... ما مطلوب منك غير

تبقي شجاع وتقول فلان قال رسل قروش وما وصلت او في زول سرقا..

بعد داك البيحصل / الموضوع بيتحلا زي ما بيتحلا موضوع اي زول سرق في الجهه القانونية
وهي قسم البوليس ..يعني كونو نفكر نحلو هنا بيكون ونسة ساكت ..يعني شنو لو الناس عرفت ليها
حرامي جديد في البورد ..ما كلنا عارفين انو في ناس هنا عندهم صفات اسواء من حرامي
وعينهم قوية وقاعدين وبيتداخلو كمان .

- وزي ما كلمتك امبارح في بيتكم .... وريني ليهو واقعد بعيد .. ما بتقدر وما عندك معلومة
الافضل ما تطوطح من بوست لي بوست ومن اعتذار لي اعتذار .

خالد عبدالكريم حامد
ماسا..

Quote: " اما ذوي الاحتياجات الخاصة والداخلين وفقا لنظرية البيض المبذر بيتدردق علي بعض الرد عليهم وقتو ما جا "

يا زول ما تيجي دوغري..
ده كلام زميلكـ في: Re: باب الأمل مفتوح .. أمريكا .. كندا .. أرقام حسابات لدعم علاج غادة نوري

Quote: اخي عبدالرحمن تحياتي واحترامي اكتب لك ما كتبته في بوست الاخ نصرالدين كوستاوي رغم المجهودات المقدرة والجبارة التي تقومون بها فاننا لم نستلم اي تحويل كان من كندا او امريكا وبما ان الحالة تتطلب الاستعجال فانني ارجو ان تتم هذه الامور باسرع وقت ممكن كما ارجو الاتصال ع الاخ خالد ماسا في حالة قيامكم بارسال اي مبلغا كان لكم الاحترام والتقدير منعم

كلامكـ عوج يا خالد ماسا..
وما دوغري..
كان تمشي تبين فصاحة لسانكـ وقوة حجتكـ دي في البوست أعلاه..

ياخي..
الموضوع كلو على بعضو + قراية قرآنكـ..
طلعت فشنكـ..



طق حنك ساآآآآآكت..

Quote: دي قلبتي فيها هوبة عديل كده. تحياتي لك يا عزيزة ومشتاقين لك شديد.

سلام شديد يادينق
والله انا لغاية الآن بضحك ..
اتخيلت شكلو كده جا داخل البوست وبدون ما يقرا شاف صورة خضر وصورة معاوية كرفس قال اذن الحكاية فيها شيوعيين .. وتاخ تراخ راح ضارب الكيبورد وصات الدنيا ودخل فاطمة احمد ابراهيم وابو القاسم محمد ابراهيم ..وغايتو
الدنيا دى فيها محن !!!

الاخ ناذر

والله الناس ديل كتااار عليك
لكن ليهم الحق
وانت هسى المصيبة زدتها
والاتهامات فتحتها على مصرعيها وبدل ما كانو بورداب الخرطوم
بقوا كل من له حساب في سودانيز اون لاين

غايتو ربنا يهون عليك
ويجد لك مخرحاً من حيث لا تحتسب

ناصر موسى

يا جماعة انا في البوست بتاع بشرى سليمان

بتاع التبرع لسودانيزاونلاين للشرط الجزائي

رسل لي في الماسينجر انو نحن ناس كندا نرسل قروشنا لي ناصر هجام

(كوستاوى ) فانا اقترحت عليهو انو ناس كندا براهم يرسلو لي فوافق

وقال انو ح يرسل للاعضاء عشان يرسلو لي ولم يصلني شيئ غير ايميل من

شحتو يطلب رقم هاتفي وإيملي ولم يرسل لي شيئ


عليه أطالب الاح بشرى سليمان من إعفائي من هذه المهمة ذات الذمة المالية

وأصرح امام جميع الاعضاء من تبرئة ذمتي

والله علي ما اقول شهبد


عبدالمنعم الرزوقي

عبدالمنعم الرزوقي

Quote: رسل لي في الماسينجر انو نحن ناس كندا نرسل قروشنا لي ناصر هجام (كوستاوى ) فانا اقترحت عليهو انو ناس كندا براهم يرسلو لي فوافق وقال انو ح يرسل للاعضاء عشان يرسلو لي ولم يصلني شيئ غير ايميل من شحتو يطلب رقم هاتفي وإيملي ولم يرسل لي شيئ

D:


إقتراآآآآآآح..

اولا : هذا المسخ المسمي عبدالرزاق لم اري من هو اكثر صفاقة وقلة ادب وعدم احترام لمشاعر الغير منه

جاي تهاظر وتتضاحك وتتراشق في موضوع جادي وفيهو اتهامات مالية وفيهو مس بكرامات الناس

والاهم فيهو اغتيال لروح المساعدة بين الناس ؟؟؟

عبد الرزاق انت اتفه وانتن واعفن من ما كنت اتخيل

غووووووور امشي شوف ليك جنازة تانية الطم فيها

وازيدك حركاتك دي ما حركات رجال امشي راجع نفسك

داهية تخمك
__________________________________________

ناذر بالجد انت عملت عملة كبيرة جدا

وبتوقع بحجمها الضخم انو يكون اصلاحك ليها

امشي لغادة نوري اول شئ واستسمحها

ولو اضطر الامر تمشي للناس دي كلها واحد واحد في بيوتها وتطلب السماح

وتعتذر هنا اعتذار واضح بدون مبررات واهية تزيد الامر تعقيدا

ناذر بالجد غلطتك كبيرة لمن ما قادر اصدق

الله المستعان

ASAAD IBRAHIM
حصل مرة قالوا ليكـ..


إنت زول تافه..

Quote: ASAAD IBRAHIM حصل مرة قالوا ليكـ.. إنت زول تافه..

المسخ المشوه والمشبوه لم اري في حياتي سواء في داخل هذا المنبر او خارجه

من هو اتفه منك

يا صاحب العقل الفارغ

انت مفروض تكون موجود في مصحة عقلية مش في منبر مع ناس محترمة

في شنو هنا كمان عاوز تبلعوا في كرشك الواسع دة؟؟؟

متخيل تلقي ليك فرصة هنا

غووووووووووووور في ستين داهية يا بتاع القوقل

اوووووووووووووووووووووووع

ده شنو ده?

جنس محن.

Salwa Seyam

Quote: الدنيا دى فيها محن !!!

تعرفي يا سلوى..
خلق الله بيمتحنوهم بإبليس..


وود الطالب إمتحانو..

سلوى صيام والشيوعيين..

هووووووووووووووووي يا ناس ..
شنو إتلميتو كده وشابكين الراجل إبراء ذمة وجيب دليلك وورينا الإسم ومنو القال ومنو العمل ومنو الفعل ومنو الترك ..
تعرفو إنتو يا ناس بالجد غريبين وعجيبين ..
عشان الراجل رخا ليكم وقال ده إعتذار تقوموا تجو أي واحد سالي لسانو والبيهمو الموضوع والما بيهمو عايز يجي يشمت ؟؟؟
البوست الأول لمن نزل في ناس لبدت لبدت السنين ولاااااااا بغم ما قالتا لأنو يبدو رأس السوط وصلها ..
ولمن ناذر رخا ليكم لقيتوها فرصة ..
ناذر دقستك الوحيدة إنك رخيت للناس ديل وعملت راجل طيب ونموذجي ونظام إعتذار وزول حضاري وراقي وووووو..
لكن يا ناذر صدقني لو كنت أصريت على موقفك من الأول كان الناس دي كلها إتضايرت وعملت يع ..
الغريبة البورد ده ياما إتهموا فيهو ناس أكثر شرفاً ونقاء وعفة يد بي إنهم حرامية سواء على المستوى الحكومي أو على المستوى الشخصي ولمن زرزروا الناس ديل وقالوا ليهم جيبو دليل نطنطوا وشبكونا ليك مش في الحكومة معناها حرامية ..مش في الحكومة معناها مرتشين ..مش في الحكومة معناها لباعين ..
يا جماعة ما تعملوا لينا فيها إنكم منزلين ومعصومين عن الخطأ ..
أي عمل خيري ولو كان مقصده خيراً في ناس بتستفيد منو وفي ناس بتأكل منو وفي ناس بتلبع منو وما شرط يكونوا اعضاء من المنبر لكن في مستفيدين دي ما فيها نقاش..
مش عشان العمل خيري معناها الناس دي ملائكة وياما حصلت حاجات كتيرة بخصوص الأمور اللي زي دي..

ناذر لو تملكتك الشجاعة وما رخيت وما عملت فيها إنك زول راقي وعصري وتعتذر عن اخطأ صدقني كان زنقت الناس ديل في خانة اليك ..
معظم الناس الشمار حارقهم ويموووووووتوا ويعرفو إسم الزول منو فقط من أجل حب الإستطلاع والشمار الكتل الحمار وصدقني من ما يعرفوهوا الموضوع بي رمتو بيزوغو منو ..
عشان كده يا الحبيب أصلو ما " تولدّهم" وتاااااااااااااني افتح ليك بوست مجهجه كده هي الجهجهة دي بي قروش..
ما تراهو الناس تشيل وتكتب في المعلومات المغلوطة ويكفي أكبر فضيحة وأكبر كاذبين في جثمان الخاتم عدلان ..أها الحصل شنو ؟؟ ما كل الكذابين حايمين معانا هنا أسة وكلهم أعضاء ولسة بيكضبوا..

( كلب في حوش عرس ) ..

الشلاقة ليك شنو ؟ مستعجل ليه في نقل الكلام هنا؟

انت غلطان .. نعم

في ناس مظلومين .. نعم ..

اعتذارك و بالشكل دا كافي جدا جدا ..

و لو ( التوبيخ ) دا جر .. يا زول شمر و أسحب حتى الاعتذار ..

و كضب زي ما داير ..

هنا بين كل كضاب و كضاب في كضاب ..

لكن تاني تبقى ليك توبة ..

يا شليق ..

شكراً عمر الفاروق

Quote: هووووووووووووووووي يا ناس .. شنو إتلميتو كده وشابكين الراجل إبراء ذمة وجيب دليلك وورينا الإسم ومنو القال ومنو العمل ومنو الفعل ومنو الترك .. تعرفو إنتو يا ناس بالجد غريبين وعجيبين .. عشان الراجل رخا ليكم وقال ده إعتذار تقوموا تجو أي واحد سالي لسانو والبيهمو الموضوع والما بيهمو عايز يجي يشمت ؟؟؟ البوست الأول لمن نزل في ناس لبدت لبدت السنين ولاااااااا بغم ما قالتا لأنو يبدو رأس السوط وصلها .. ولمن ناذر رخا ليكم لقيتوها فرصة .. ناذر دقستك الوحيدة إنك رخيت للناس ديل وعملت راجل طيب ونموذجي ونظام إعتذار وزول حضاري وراقي وووووو.. لكن يا ناذر صدقني لو كنت أصريت على موقفك من الأول كان الناس دي كلها إتضايرت وعملت يع .. الغريبة البورد ده ياما إتهموا فيهو ناس أكثر شرفاً ونقاء وعفة يد بي إنهم حرامية سواء على المستوى الحكومي أو على المستوى الشخصي ولمن زرزروا الناس ديل وقالوا ليهم جيبو دليل نطنطوا وشبكونا ليك مش في الحكومة معناها حرامية ..مش في الحكومة معناها مرتشين ..مش في الحكومة معناها لباعين .. يا جماعة ما تعملوا لينا فيها إنكم منزلين ومعصومين عن الخطأ .. أي عمل خيري ولو كان مقصده خيراً في ناس بتستفيد منو وفي ناس بتأكل منو وفي ناس بتلبع منو وما شرط يكونوا اعضاء من المنبر لكن في مستفيدين دي ما فيها نقاش.. مش عشان العمل خيري معناها الناس دي ملائكة وياما حصلت حاجات كتيرة بخصوص الأمور اللي زي دي.. ناذر لو تملكتك الشجاعة وما رخيت وما عملت فيها إنك زول راقي وعصري وتعتذر عن اخطأ صدقني كان زنقت الناس ديل في خانة اليك .. معظم الناس الشمار حارقهم ويموووووووتوا ويعرفو إسم الزول منو فقط من أجل حب الإستطلاع والشمار الكتل الحمار وصدقني من ما يعرفوهوا الموضوع بي رمتو بيزوغو منو .. عشان كده يا الحبيب أصلو ما " تولدّهم" وتاااااااااااااني افتح ليك بوست مجهجه كده هي الجهجهة دي بي قروش.. ما تراهو الناس تشيل وتكتب في المعلومات المغلوطة ويكفي أكبر فضيحة وأكبر كاذبين في جثمان الخاتم عدلان ..أها الحصل شنو ؟؟ ما كل الكذابين حايمين معانا هنا أسة وكلهم أعضاء ولسة بيكضبوا..

ونعلن تضامننا مع ناذر الخليفة

ناصر موسى

Quote: للأسف لم أقرأ البوست موضوع الإتهام .. وحقيقي صدمت لما حدث وناذر لم يحالفه التوفيق في فتح ذلك البوست وتوجيه الإتهامات دون أدنى دليل .. وعليه يا ناذر يجب توضيح الأمر لإجلاء الحقيقة وزي ما قلت إذا كان هذا الشخص موجود بيننا فعليك ذكر إسمه وهو الوحيد القادر على توضيح الحقائق ونفي ما نسب للجميع .. الأمر جد محزن ..

ياناذر
دخلت نملة واخذت حبه وخرجت
فكنا من المواضيع الميتة دى وقول اسم الزول
وانت لما ما عندك الشجاعه الكافيه
ليه بتتهم الناس وانت ما عندك دليل

الاخ عمر الفاروق...

الما مفهوم شنو بالنسبه ليكم انت ونازر وعبد الرازق؟

انه الناس تكون امينة؟

ولا انه الناس تحس بمأساة بت شابة بتموت كل يوم؟

انت لو شفت معاناة البت دي زي ما الناس شافوها وعاشوها

ما كنت بتقول كلامك دا..

موضوع غادة ما زي اي عمل خيري تاني...

دي ما مدرسة عايزين نبنيها..ولا ملجاء..

دي حالة انسانية بتخص انسانة من دم ولحم عايشه بيننا..

كل يوم بتبلع اكتر من عشرين حبة دواء...

عندها اجمل عيون..لكن للاسف لونهم اصفر من اليرقان..

كبدها ما شغال زيي وزيك وزي نازر البيتهم الناس كلهم ويجي

بعد داك يقول اتسرعت...

حالة انسانية خاصة جدا..

اكيد شباب الامل ما ملايكة..

لكن دي ميزتهم..انهم بيحاولو يكونوا ملايكة..

لكن في ناس دايرة اي زول يكون وسخان..

اي زول يكون اناني وما بيشوف ابعد من انفه..

Quote: هووووووووووووووووي يا ناس .. شنو إتلميتو كده وشابكين الراجل إبراء ذمة وجيب دليلك وورينا الإسم ومنو القال ومنو العمل ومنو الفعل ومنو الترك ..

اتلمينا لانه الموضوع بيخصنا..لاننا بنحسّ!

Quote: لكن يا ناذر صدقني لو كنت أصريت على موقفك من الأول كان الناس دي كلها إتضايرت وعملت يع ..

خليهو علي موقفه ونحنا علي موقفنا ثابتين..والبيقول( ييييع) يكون بيستاهل

اي كلمة اتقالت فيهو..

Quote: معظم الناس الشمار حارقهم ويموووووووتوا ويعرفو إسم الزول منو فقط من أجل حب الإستطلاع والشمار الكتل الحمار وصدقني من ما يعرفوهوا الموضوع بي رمتو بيزوغو منو ..

نحنا بقي ما كاتلنا الشمار...

نحنا كاتلانا حاجة اسمها النزاهة والاخلاق وحب الخير..

ونتمني انها ما تكون انعدمت من الدنيا..

الاخ ابو رزقة


تعقيباعلى كلامك الفوق بخصوص تبني بعض الاشخاص لتوجهات يهودية ..

هل تعتقد انو اليهود عندهم دور بصورة او باخرى في موضوع الايصال الملاقينو ده؟؟
ولو فرضنا انهم عندهم دور هل تعتقد انو دور طليعي ؟


















ياخي والله اتحدى سلوى صيام في انها تكون ضحكت اكتر مني لامن قريت مداخلتك الفوق دي..

في ناس مختفين من أعضاء حملة الأمل الرئيسيين
ما شفناهم في اي بوست من البوستات اللي اتفتحت
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا عبد الرازق الخطيب

( المتقـوقـل الاممي) او كما قيل

Quote: عادي يا ناذر.. يمين ديل لو جبت ليهم مدير البنكـ ذاتو بخزينتو هنا في المنبر.. يغالطوهو ليكـ.. يا أخوي الطبع غلاب..

( ديل) الفوق دي قـاصـد بيهـا منو؟؟؟؟

اشـك في انك تفهـم ما تكـتب

ويقيني انك تكـتب ما لا تفهـم

Quote: طالما إنت واثق.. إذن المهم زولكـ [الحجة] أمنو مظبوط.. أصلوا ردة الفعل عند كشف الحقيقة بتجيب ليها إنفعالات كعهدنا بيهم الناس عندكـ ديل ديل.. وياها عينكـ على الكنبة الوراء

يبدو انـك مصـاب بلوثـة الحـوص الفكـري

يا اخ الواحـد ليهو مـية سـنة بقـرا في محاياتـك دي

ما طـلعت بمقـدار دقيقـة من الفهـم..خـرمـجـة مؤسـسـة.

الاخ عمر الفاروق .... اقدر نصرتك للاخ ناذر والله وبكل صدق ما كنت اود ان اراه في هذا الموقف

لكن كونك تنصرو بطريقتك دي ياخ انتو بتضرو بس

اخونا ناذر غلط وعشان تنصروا نحاول كلنا نحل الموضوع

بأق الخسائر الممكنة وبرضاء الجميع وخصوصا المتضررين الاساسيين

واقترح ان يجلس اخونا في الخرطوم مع بعض كلهم واكيد ممكن الموضوع يتحل

بدون المساس بكرامة زول او الطعن ذمة زول

يهمني جدا ان تظهر الحقيقة

ولكن بدون تجريح لناذر وبدون تشويه سمعة للبقية

وبدون ايذاء الاخت غادة

ما عاوزين النار تولع كدة ساي وتبقي اتهامات واتهامات مضادة

يتضرر منها اناس ابرياء والاهم من كدة يتضرر منها العمل الانساني مستقبلا

يا اخوي عمر ارجو مراجعة مداخلتك

وخليك محضر خير بدلا عن ذيادة الاشكال

مع احترامي لك والجميع

Quote: في ناس مختفين من أعضاء حملة الأمل الرئيسيين ما شفناهم في اي بوست من البوستات اللي اتفتحت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا معتز بدون لف ولا دوران ..
قول عبد المنعم سليمان وريحنا ياخ ..
وعبد المنعم اقدر فيه سكوته... مش قلنا (رب كلمة قالت لصاحبها دعني) ...
ليه انتو مفتكرين انو المكان دا كل شي في حياتنا ..؟؟
واننا ممكن نفضي كل الجوانا ...؟؟
رجاء خاص ...
ما تحاول تصطاد في الماء العكر يا قريش ...؟؟
يعني ما ناقصين ...
وافتكر الموضوع دا نتيجة لتلميحات ...
العافية .

ناذر الخليفة
يا زول هوي الحل الوحيد للورطة بتاعتك دي إنو توري الناس ديل إسم الزول القال ليك أنا رسلت مبلغ لفلان الفلاني.

مافي حل غير كده

?Do u agree

Quote: يا معتز بدون لف ولا دوران .. قول عبد المنعم سليمان وريحنا ياخ .. وعبد المنعم اقدر فيه سكوته... مش قلنا (رب كلمة قالت لصاحبها دعني) ... ليه انتو مفتكرين انو المكان دا كل شي في حياتنا ..؟؟ واننا ممكن نفضي كل الجوانا ...؟؟ رجاء خاص ... ما تحاول تصطاد في الماء العكر يا قريش ...؟؟ يعني ما ناقصين ... وافتكر الموضوع دا نتيجة لتلميحات ... العافية .

أولا اللف والدوران شغال من بداية البوست دا
ثانيا أين الإصطياد وأين الماء العكر
الماء العكر هو طلب ما هو معلوم من الأمر بالضرورة
للعلم : أنا لم اذكر اسماء
عنكبة : لماذا انت ذكرت عبد المنعم سليمان
وبالمناسبة لماذا لم يشارك عبد المنعم سليمان في النقاش
ولما انتو ما عاوزين تفضوا الجواكم كلو ليه عاوزين ناذر يفضي الجواهو كله
هو فضى شوية والباقي على الباقين
العافيتين

Quote: وبالمناسبة لماذا لم يشارك عبد المنعم سليمان في النقاش

Quote: وبالمناسبة لماذا لم يشارك عبد المنعم سليمان في النقاش

في دي ما ليك حق تسأل سؤال زي ده يا ود القريش!!!!
الهظار هظار و الجد جد.

أنا متأكد إنو منعم بطنو طامة من الحكاية دي.....وكفى.

Quote: أولا اللف والدوران شغال من بداية البوست دا ثانيا أين الإصطياد وأين الماء العكر الماء العكر هو طلب ما هو معلوم من الأمر بالضرورة للعلم : أنا لم اذكر اسماء عنكبة : لماذا انت ذكرت عبد المنعم سليمان وبالمناسبة لماذا لم يشارك عبد المنعم سليمان في النقاش ولما انتو ما عاوزين تفضوا الجواكم كلو ليه عاوزين ناذر يفضي الجواهو كله هو فضى شوية والباقي على الباقين العافيتين

..
نظرة سريعة للبوستات المفتوحة ممكن اي زول عادي يعرف انك قاصد منو ب (أعضاء حملة الأمل لرئيسيين) ..
و الذكاء يا صحبي احترام عقلية الطرف الاخر ..

كتب خالد ماسا :

Quote: وهذا للقراء .. بالامس قمت انا والاخ عبد المنعم سليمان والاخ بكري ابوبكر بمقابلة المدعو ناذر بمنزلهم ..

هذا يكفي ....

عوافي ..,,
وخليك مع تراجي يا قريش ...

Quote: نظرة سريعة للبوستات المفتوحة ممكن اي زول عادي يعرف انك قاصد منو ب (أعضاء حملة الأمل لرئيسيين) .. و الذكاء يا صحبي احترام عقلية الطرف الاخر ..

لم اكن اعلم أنك قارئ افكار
أنا لم اقصد أحد بعينه
أنا أتساءل فقط

Quote: وخليك مع تراجي يا قريش ...

ومعاكم كمان ... لا أظن أن لك حق منعي
اضبط كلامك

Quote: لم اكن اعلم أنك قارئ افكار أنا لم اقصد أحد بعينه أنا أتساءل فقط

والله بفتكر كلامك الكتبتو فوق لا محتاج زول يقرا افكار ولا فنجان ...
وبعد دا كلو يا قريش ياخ ما عندي طولة بال لجنس الحوارات المن النوع دا ...
عشان كدا بختصر وبقول ليك ذي ما قال ليك كوستاوي (الهظار هظار والجد جد) ...
ولو كنت جادي كمان .. اطرح طرحك بكل شفافية ..

Quote: ومعاكم كمان ... لا أظن أن لك حق منعي

اؤمن تماما بحرية الرأي وقبول الآخر ... وان كنت قد فهمت حديثي في سياق اخر ...
لك العتبي حتى ترضي ...

الله معاك ..

العزيز ناذر

انا ادعي باني من اكثر خلق الله الذين يضبطون اعصابهم. لم اقرأ البوست الذي فجرت فيه انت هذه القنبلة القاتلة لكثير من اسباب الخير و روح الود و الحس الانسان السامي.. ناذر انت لم تخطأ فقطت بل انك اتيت امراً أدا.. لم تراعي لتلك المشاعر العظيمة التي تلبستنا جميعاً و جعلتنانتحسس انفسنا و نجدها مازالت حية باقي فيها الخير.. يا صديقي الجرم ليس فقط في حق من شككت في نزاهتهم بدم بارد مندفعاً في ذلك بادعاء اعلاء المصلحة العليا!! اين كان هذا الحماس في ساعة الجد و العمل؟؟ كيف تحرك اسباب غيرية لم تحركك في لحظة حاجة العزيزة غادة؟؟ يا صديقي انت اضعفت العمل الخير مرةً بحجب جهدك و مرةً ثانية العن منها باستهداف من نهضوا بالواجب في تلك الصورة الرائعة التي شهدنا عظمتها جميعاً.. ما لحق بالنفوس قد لحق بها و الافراد يختلفون في التسامح و قبول عذر من غدر بهم.. و ان كنت صادق في اعترافك بالخطأ و التوبة النصوح و الاعتذار، عليك أن تتستحضر في غرارة نفسك فداحة المصيبة التي تسببت في الحاقها بالنفوس و الامل و من ثم القيام بجهد تصحيحي يتناسب مع حجم الضرر.. هذا امر ليس سهلاً و قد تنفر منه نفسك لكن يكفي انك خضعت لها مرة و حصل ما حصل فهل انت قادر و راغب في وغالبتها الان؟؟. اتمني ذلك.. لا يمكنك يا صديقي ادراك مدي حزني لما حدث و ممن حدث.

لسة الناس منتظرة ناذر يتعطًف ويحن ويذكر إسم المرسل..؟

الأعزاء جميعا..

واضح تماما إن ناذر لا عنده معلومات ولا إسم ولا يحزنون..

أتذكر أول رئيس تحرير عملت معه قال لي: هناك نوعان من الإنفجارات التي تحدثها الأخبار: إطار عجلة، وقنبلة.. إياك أن تصبحي من الصحفيين الذين يفجرون إطارات العجلات بأخبار مفبركة..
وهذا ما حدث هنا بالضبط.

حديثي هنا موجه للزميل ناذر:
ليس من العيب أن نخطئ.. ولست هنا في موقع الموجه أو الناصح (حاشا لله). ولا مصلحة لي في إستعداءك أو جعلك هدفا لإحباطاتي. لأ.. ولكني أتمنى أن تعالج الأمر بمسئولية أكبر ومواجهة كل ردود فعل ما أتيت به.
والموضوع هنا ما: معاك (مؤيديين) أو ضدك (مهاجمين). دي سطحية أرفضها عند تناول موضوع بهذه الجدية.
الموضوع الغلط في حق ناس وعمل. والغلط ما بيتعالج بغلط..
وأعلم إنك حتلقى كل الدعم لما تقوم بالشئ الصاح.

شكرا

الخليفة نذيران

لطشت من البت كم؟ وعملة سودانية ولاّ صينية؟

الأخوة المتداخلين
بصراحة كلكم دمكم تقيل جدآ


ناذر إعتزر وهناك من ورطو

عايزين إسم الراجل العمل التحويل ليه ؟

عايزين تطلعو كضاب ؟
يمكن الراجل صرح بإعتبار ما سيكون أو هاشمية ولم يستطيع
ليه دايرين تمسحوا بيه الأرض

دايرين تطلعوا ناذر كضاب ؟

أبدآ ظاهر ما كضاب

وما بقدر يتكلم بإسم زول ما فوضو

زعلانين ؟

الراجل إعتزرررررر فى بوستين
ولم ينكر كلامو

وإعترف إنو تسرع

عايزين شنو تانى ؟

ده إفتراء والله

كان عندكم حق فى الأول شيلوا حقكم من البشير

الراجل إعتزرررررررررررر

ولا الموضوع بقى شمار وبس

لو سمحت اخ رأفت اضبط عباراتك

Quote: عشان كدا بختصر وبقول ليك ذي ما قال ليك كوستاوي (الهظار هظار والجد جد) ... ولو كنت جادي كمان .. اطرح طرحك بكل شفافية ..

ومين قال الموضوع هظار

1- ناذر قال كلام . وقال في عضو من اللجنة ح يفتح بوست ويوضح للناس وما حصل
2- على الأقل واحد من ناس اللجنة عارف اسم الزول القال رسل القروش وما عاوز يقول
3- في ناس في اللجنة ومهمين ما ظهروا وما برروا موقفهم ولا أبدو استعدادهم للحساب
4- ناذر فتح للموضوع ومشى وهو في الخرطوم ومافي زول فتح عليهو بلاغ اشانة سمعة
5- الموضوع اتفتح على البورد والمناقشات والزيارات داخلية .
6- الزول القال رسل القروش وما وصلت عامل اضان الحامل طرشا.

وووووووووووووووووووووووووووووووووووووووووووووو

يا إما تحلوها يا إما تسحبو البوست دا وتريحونا

يالمناسبة العملة الصينية شنو؟

العزيز رأفت..

سلام وتحية..

ماذا يعني الإعتذار..؟

وهل إعتذار عن سكب (موية) في الأرض يعادل إعتذار عن قتل روح..؟

وهل يمكن أن تقوم بإرتكاب أي غلط وترتاح لأنك ممكن تتعتذر براااحة وكأنه ما كان في شئ..؟

Quote: دايرين تطلعوا ناذر كضاب ؟

دي ما إحنا الدايرينها لأنها كانت واضحة تماما من بوست الزعل من عدم العزومة.

ناذر مش كضاب بس. بل مكابر ايضا، وببساطة بيلاقي البيدافع عن غلطته ويسامحه عليها كمان.

تعرف لو الإعتذار كان حقيقي ينبئ عن ندم ويذكر كل التفاصيل القادته لعمل كده، وتعهد بعدم الرجوع لمثل هذه التصرفات (مستقبلا). زول كان كتب كلمة زيادة مافي.

ولو كان دمنا تقيل عشان بنطالب بحق.. ما بطالة.. ومالو

وبتفق مع القالو نصار في رده عليك..

Quote: انعام عبد الحفيظ تحياتي.. والله كنت طالع ماشي.. لكن وقتين قلتي من حقنا نسأل.. Quote: واظن من حقنا نسألك انت كمان بتشكك في مصداقيتناعلى أي اساس وأنا من حقي أجاوب بسؤال.. إنتي كارل ماركس ولينين ديل موش يهود برضو وإنتو متبنين فكرهم ولا حاجة تانية..؟ إجابتكـ برضو مهمة..

انعام الرسول فيك كان تردى تانى عليه

Quote: لو سمحت اخ رأفت اضبط عباراتك

نصار ما قصدت التعدى والبتحدى المجموعة خاسر . عمومآ موافق على طلبك .

العزيزة رجاء

أنا ما بصدد تبرئة ساحة ناذر

وولكن المذنب إعترافه بالذنب يخفف عليهعبارتى

Quote: دايرين تطلعوا ناذر كضاب ؟

ح نستفيد شنو ؟

ناذر إعتزر وبرر إنه فعل ذلك من غيرته على الشفافية

معلوماته مغلوطة أو نتيجة تصريح من شخص ما مسئول
دة ما تبرير لتسرعه ولكنه إعتزر وواضح بأنه لا يريد التورط أكثر بذكر إسماء

عمومآ مداخلتى من عشمى وكل المتدخلين كلهم لى إحترام كبير لهم ولا أريد التخصيص ولكن أذكر كرفس ومعاوية وإنعام (النسمة) ونادية ورندا وإنتى على رأس القائمة .

وناذر ما مهند مأمون ولا الزول العرفناهو بالبوست دة

راجل غلط وفى واحد شهد ما عافو منو إنو ناذر (جقلب) إنو كلامو ما تقراهو غادة
دى ما برضو بتأكد معدن طيب

عمومآ أعتزر على طرحى وأصر على المضمون

مودتى

العزيز رأفت..

وحاتك أنا شخصيا ما عايزة أثبت أي شئ.. لأني عارفة ومتأكدة بحكم معرفتي بكل الأطراف (شباب الأمل وناذر) (Who is who?)..

Quote: ناذر إعتزر وبرر إنه فعل ذلك من غيرته على الشفافية

تبرير الشفافية واللذي منه ده ما يقولو زول زي ناذر بيطعن في الشفافية بدم بارد.

السبب المحرك الأساسي والواضح وضوح الشمس (بكل أسف) هو (زعلة) من عدم إعطائه (فرقة) في البيتعمل.. وبصراحة ما عارفة ظروف إستبعاده أو حردانه شنو..

الموضوع بدأ بسؤال: ليه ما عزمتوني لإجتماع النادي الألماني.. مع إني لا من بورداب الخرطوم ولا في اي لجنة بتتبع ليهم قريت الدعوة بعيوني (الأربعة دي) في بوست إنقذوا وليد دارفور.. يعني ما أظن في كروت إتبعتت للحضور وكده. وده ما أكده عصام عبدالحفيظ وظل يردد فيه في البوست الكارثة.

الخطير يا رأفت إنو زول من (زعلة) ممكن يكسر الدنيا ويجي يعتذر وإحنا زي الشطار نقبل ونصفق كمان..

طيب وييييين المسئولية؟ وويييين الأمان من إنه الحيزعل ده ما يقوم يجيب سكين ويرتكب المرة الجاية جريمة ممكن توديه ورا الشمس. وهنا لا بينفع تضامن ولا دياولو..

للأسف ما حدث (ظاهرة) في المنبر أتمنى ان تختفي (مش بقدرة قادر) وإنما بالتصدي الحازم لكل من تسول ليه نفسه بأذية الآخرين.

دمت..

Quote: إنتي كارل ماركس ولينين ديل موش يهود برضو وإنتو متبنين فكرهم ولا حاجة تانية..؟

سمك لبن تمرهندي ...كالعادة...صحي الفهم قسم!

.

لكل الذين يبررون فعلة هذا السخيف

هو عمل العملو دا مع سبق الإصرار و الترصد

و الأدلة علي كدا كتيرة

1/ إذا كان فعلاً هو حريص علي المال العام

و علي مصلحة وعلاج عزيزتنا غادة نوري

ليه صبر الوكت دا كلو ؟؟

2/ لماذا اختار تحديداً ان يورد هرطقاته هذه في

هذا التوقيت - قبل يوم من مواعيد سفر غادة ؟؟

3/ ما علاقة هذا كله بعدم دعوته للإجتماع الذي ذكره

وهو أصلاً معمول لي موضوع تاني ( وليد دارفور ) و الذي

إبتدر به بوسته الذي إنقلب عليه ؟؟؟

و عشان ازيدكم انو هو كان مترصد حملة باب الأمل

هاكم أقروا الكلام الكتبو هو بي يدو و خلوهوا يجي ينكرو كمان


إلي المدعو " eyes of liberty " .. والســــاقطون لا يسقــطون ....





أهو دا بوستيهو المنفصل

لكن كان هو سيد الجوبيك

عالم مقرف

.


العزيز دوماً / رأفت ميلاد

يا رأفت يا أخوي حصل في يوم

لقيتني مدور شكلة في المنبر دا ؟

انا زول مسالم بي طبعي ،

لكن كل الإتعاملت معاهم اتفقت او اختلفت معاهم

أبداً ما جنحوا لي انهم يحولي دا لي تشكيك في الأمانة

و و الله لو إنت بترضاها لي أنا ما برضاها لي نفسي

علشان كدا ياخي أطلع منها و انا نازر دا حأظل أباريهو كدا

و زي ما قلت ما حأغفر ليهو لي يوم الدين في حقي .

Quote: دا لي تشكيك في الأمانة و و الله لو إنت بترضاها

والله ما برضاها
لكن ارجل قال

Quote: وأرجو أن يقبل من مستهم حروفي تلك إعتذاري وتوضيحي الثاني وأقدر شعور الألم الذي أحسوه جراء حروفي وإنني بالجد نادم أيضا على تسرعي قبل تبيان الحقائق ..

باركوها

.

رأفت ميلاد

Quote: الأخوة المتداخلين بصراحة كلكم دمكم تقيل جدآ

مالك ياخي بتصغّر في قيمتك الخاتنها ليك

أهلنا بيقولوا الخيل الأصيلة بتتعرف في الملفات .

ياخي هسع انا لو قلت عليك حرامي ،

و انت انتفضت و زعلت ، وقمت أنا قلت ليك معليش

و انت ما قبلت معليش بتاعتي دي لأنها ما بترتق

الإتقطع جواك .

هل ممكن يجي زول يلومك لانك ما قبلت معليش دي

أو يقول عليك انك دمك تقيل و كمان جداً

زي ما تفضلت إنت ؟؟

عالم تحيّر

بالله عايزني اساوم في نزاهتي

دي انا قصادا أحارب الدنيا كلها .




عالم مقرف

.
.

ناذر الخليفة



للمرة الثانية فارقتك الحكمة - إن وجدت -

وأقسم على أنك لم تعمل معهم -مجموعة الأمل- الذين تعرفهم جيداً

ولا أظنك تجرعت إحساس من يحمل هماً كالذي حملوه وحتى الآن

ولا تعرف كيف يحسون حين يمشون خطوة للأمام تكللت بالنجاح

ولا تعرف كيف يشعرون حين يضعون رؤوسهم على وساداتهم ويسترجعون صورة من أحبوا لها الخير

وحين يشعرون بأنهم مكبلين نتيجة عثرة ما


لو أنك يا ناذر عشت كل هذا ..

لعلمت أن هؤلاء يتجردون من كل إحساس دنيوي ويزهدون

وما كنت سمحت لنفسك أن تخط ما قرأته أنا الآن حتى وإن كنت كتبته ليلاً ودون وعي


يا ناذر ما جعلت لنفسك شبر ليكتب لك فيه حسن النيّة












الله يعينك ويديك على قدر نيتك

المساله بعد دا اكبر من "باركوها" ...

ولو جاء واحد من حماية الامل العام فى الخرطوم او من جامعى التبرعات بالخارج قال باركوها 60 علامة استفهام ح تتخت قدام اسمو ...

حل الموضوع انو ناذر يتكرم ويكتب اسم الشخص الرسل القروش وبعد كدا الموضوع ما محتاج اذن من زول اصلا لانو القروش دى هو ما اتبرع بيها من جيبو عشان يتحفظ ناذر على اسمو كانو فاعل خير ... القروش دى امانة اتلمت من السودانيين اللى معاهو فى بلدو وبالتالى ذكر اسمو امر حتمى ....

ثانيا: مافى حاجة اسمها اتلميتو على ناذر وزنقتو الزول .. ناذر زنق نفسو براهو وعليهو انو يطلع نفسو من الحته دى وكمان هو ملزم لا مخير انو يذكر اسم الشخص عشان يبرئ ساحة البقية ....

اما اى زول خت كلمة فى البوستات الاتفتحت بخصوص الموضوع دا .. وبدا يشكك فى الناس ويعوم على عوم ناذر بدون دليل وبينه زى ناس "لو جاء مدير بنك شنو كدا ما ح يصدقوه" وعامل بعرف الناس وكانو ملم باخلاقيات الكل هنا واى زول على الشاكله دى ... اتمنى لما تظهر الحقيقة والنقاط توضع على الحروف ويبين تماما منو المدان ومنو البرئ .. اى زول يكون بعدين قدر كلمتو ويركز .. لانو تانى ما ح ينفع الجقليب ......

قالت رجاء العباسي

Quote: وأعلم إنك حتلقى كل الدعم لما تقوم بالشئ الصاح.

ناذر غلط وجاهم معتذر
مافي اي نوع من اي دعم لقاهو ..

الناس ماقبلت اعتذارو..




كرفس قال ليهو انا ماعافي ليك لي يوم الدين..


حليلك ياناذر

يوم الدين يجو الناس شايلين صلواتم وزكواتم وحجهم وبرهم بي والديهم ومحباتم الباقيات الصالحات وبعضهم مستظل بظل من عند الله وبعضهم عرقانين وبعضهم كايسين الشفاعات من عند النبي وجارين عليهو جري..
وتجي انتا شايل حاجاتك السمحة والبطالة..
يشيلو من السمح يغتو في البطال ..
ولان تتساوى كفتي ميزانك ..
ينادي المنادي ..منو يخوانا العندو حسنة زايدة يرجح بيها كفة ميزان عبدي ناذر ود الخليفة؟؟
والناس يوم الدين ياناذر يهرب المرء من اخيه وامه وابيه ...
وتجي حبيبتك تديك حسنة واحدة ..ترجح بيها كفتك لي الجنة ..
وتنبسط ..
اها بس يمرق ليك كرفس ده من بين الجموع زي القضاء المستعجل بي نفس صورتو الفي البروفايل دي..
ويشتكيك لي ربنا ويقول انا عندي مظلمة..
تقول ليهو يازول خير مظلمة شنو؟؟
يقول ليك يازول انتا رميتني بي الباطل في سودانيز اونلاين..
تقول ليهو :ياخينا ده كان زماااااااااااااان وكان انترنت وكان وكان..
هسي نحنا في مصير نهائي ابدي مطلق ..ياخي معقولة عايز تدخلني النار عشان كي بورد وشاشة 17 بوصة وغلطة انا اعتذرتا عنها؟؟
يقول ليك انا زماااااااااان موش قتا يوم الدين ....
تقول ليهو ياكرفس ياخي صلي على النبي؟؟
يقول ليك بي زعلتو دي : انتا النبي بتعرفو؟؟
وتقوم تتلفت بين الناس وتقول ليهم يخوانا الزول ده البحلني منو شنو هسي.. البوريهو انو مشاكلي في الدنيا ماكانت نت وبس منو؟؟
عندي ذنوب تانية عايزة اتحلحل منها وقصص طويلة ..
ولانو كل زول في همو ماحتلقى زول يشتغل بيك ..
وكرفس قاعد مربع يديهو وراجي حكم الله فيك..
اها بس ..يظل ياخد من حسناتك الى ان يقول بس..

تلقى نفسك بعد شوية خالي حسنات.. وقاعد في السهلة سااااااي راجي رحمةالله الوسعت كل شي..


قيامتك قامت ياحبيب..




بالمختصر كده ياناذر

ياتشوف ليك حل مع كرفس ده ..ياكمان تشوف ليك كم حبيبة في الدنيا دي..

رشا سالم :
قبل كل شئ نتمنى عاجل الشفاء للأخت غادة نوري وان تعدي محنتها وترجع افضل مما كانت ..
لكن انا حا أقول ليكم كلام حا يزعلكم كلكم لكن ارجو انكم تعاينو ليهو بي عين الوضوح بعيداً عن العاطفة من إتجاه واحد ..
زعلتني جداً حكاية إنو الأعمال الخيرية بناء مسجد وبناء مستشفى دي!!!!!!
يا رشا هل غادة نوري دي الزولة الوحيدة العيانة وتحتاج لي دعم ؟؟؟؟؟
منو القال ليك نحن ما دخلنا في اعمال خير لإنقاذ أرواح عانت أكثر من الأخت غادة نوري !!؟؟
ليييي يا ناس بتعاينو لي حقكم وبتنسوا حق الناس !!!؟؟؟
أعرف حالات تحتاج للوقوف معها ووضعها حرج وأكثر بكثير من الزميلة غادة نوري شفاها الله ..
وإن كانت الأخت غادة نوري والحمد لله بين الناس وتستطيع الوقوف والحمد لله فمن أعرفهم فاقدو الوعي منذ شهور والأنابيب طعامهم وشرابهم ومبولتهم لا يعون من أمامهم ولا يعرفونهم ..
الأعمال الخيرية ليست حصرية على ما تقومون أنتم به فلا مجموعة أمل ولا مجموعة بدر هي من تحدد نوع العمل الإنساني ..
كل الناس هنا وقفت مع الأخت غادة نوري ولكن هذا لا يعني أن الأعمال الخيرية والاعمال الإنسانية يا إما غادة نوري أو هي هباء منثورا !!!!
وليس التجمعات والتربعات وإقامة الحفلات وحدها التي تبرهن أن الناس يقفون مع غادة نوري فالدعاء والدعاء والدعاء وحده وقيام بليل وقلب صافي يرفع أكفه للسماء قد تكون سبباً في علاج الأخت غادة نوري بينما تذهب أموالكم أدراج الرياح ..
إقامة الحفلات وتأجير نادي الضباط وطباعة الإيصالات والوقوف في شباك التزاكر من أسهل الأشياء التي يقوم بها الناس لدعم شخص ويا رشا سالم لم نقيم الحفلات يوماً من أجل قايم مسجد ولم ندعو ود اللمين يوماً من أجل تشجير ملعب ويا رشا لم نقف في شمس النهار نبيع التزاكر من أجل دعم فريق الحلة ويا رشا لم نحفظ ماء الوجه وسألنا الناس إلحافاً من أجل دعم تخريج طلاب جامعة ..
كلهم كانوا أناس عزيزون علينا انهكهم المرض وحرمهم ضيق ذات اليد من أن يعالجوا أنفسهم ومنهم من فقد من قلبه ومنهم من فقد من مخه ومنهم من بترت أعضائه ومنهم ومنهم ومنهم فقط نقول الحمد لله الحمد لله الحمد لله وما مضى مضى..
العمل الخيري يتم في هدوء وصمت ومن خلف الكواليس ..
لا يا رشا سالم ليست غادة نوري وحدها من تعاني ولكن الحمد لله والشكر لله وعلى الأقل أن الناس إنتبهت لمشكلة غادة ولكن في السودان أكثر من غادة واحدة تعاني ويعاني ولتكن الإستجابة لغادة نوري نقطة إنطلاقة لإنقاذ الاف بل ملايين غادة ..
وأرجو أن لا تنسيكم علاقاتكم الشخصية معاناة اشخاص اخرون ربما لو استمعتوا اليهم لاكتشفتوا انهم يبلعون في اليوم 100 حبة ويشربون 50 علة دواء ..

مرة أخرى كل التمنيات بالشفاء لغادة نوري ولكل مرضى بلادي وليكن العمل الخيري غير متبوع بمن وولا أذى ..

ما طالبني حليفة يا عمر الفاروق
قريت ليك فى البوست ده مداخلتين
اول مرة اشوف ليك مداخلات غير متماسكة وخارج النص
ومداخلتك الاخيرة يمكن تكون مقبولة ومنطقية لو قلتها فى لحظة انشغال الجميع بموضوع غادة نوري


مع ودي

شمس الدين السنوسي

الأخ شمس الدين :
صراحة المداخلة الثانية خارج نص الموضوع تماماً اوفقك الرأي ولكن صراحة استفزتني جملة كتبتها رشا سالم ربما لم تكن تعني معناها ولكن صراحة ارجعتني للوراء لزمن كنا نقوم به بمثل ما يقومون به اليوم لإنقاذ أرواح ودعم مرضى حالاتهم كانت شبيهة بحالة الأخت غادة نوري ولكن يبدو أن عاطفة رشا سالم وربما ما يربطها بغادة نوري جعلها تعتقد ان ما كنا نتحدث عنه اعمال خيرية لدعم خريجين ولتشجير الحي و و و و ..
اما مداخلتي الأولى فصدقني هي من صميم الموضوع تمااااااااااااااماً ..
تحياتي..

الاخ المحترم عمر الفاروق..

اولا وتوضيحا للجميع..

انا لا تربطني اي صلة من اي نوع مع العزيزة غادة نوري..

ما عرفت اسمها الا من خلال الموقع دا...

وما شفتها غير مرة واحدة في زيارتي الاخيرة للسودان

ايام زواجي ..وكانت الشوفة في منزل ناس سمرية ...

يعني ما عندي دافع شخصي بغادة نوري...

دافعي وكل الناس الاشتركت في الشغل دا كان ولا زال اتنساني بحت..

ونحن مستحيل نمن ولا نأذي غادة...

وانا لما قارنت بين علاج غادة او بناء مستشفي..كنت بقصد انك

ممكن تتعامل مع بعض الاعمال الخيرية بطريقة جامدة..

لكن لما تكون بتتعامل مع الموضوع وفي راسك صورة بني ادم او صوته..

بيكون الوضع مختلف..

بتكون حاسي بأنه الحاجة دي ماشه دغري لصالح الزول البيعاني دا...

وبخصوص الدعوات انا زكرت ليك انه العمل دا بدا بختمة بتاعت قرآن

في بيت غادة نوري..وكل الناس المتابعين الموضوع دا كانو عارفين


بالخطوة دي..ومشو الكلاكلة وعملو الختمة لغادة..لاننا عارفين

انو لولا الدعوات الصدقة من قلب ام غادة واهلها واصحابها..ما كان

حيكون في اي خطوة لقدام..وربنا قال اعملوا واتوكلوا..

ونحنا بندعي لغادة بالشفاء وبنسعي لاسباب الشفاء..

بخصوص كلامك عن احتياج اشخاص تانيين برضه للمساعدة ..فدي حاجة بديهية..

وعشان كدا رندا حاتم اقترحت ان العمل الخيري يكون متواصل ويبقي في

صورة صندوق دائم..والخطوات ماشه..

وخلال حملة غادة نوري ظهرت كم حالة زي حالة الطفلة افراح...

ودي كانت حالة مستعجلة ومحتاجة دعم فوري..والناس وقفت حملة غادة لمدة اسبوعين..

لغاية ما عملية افرالح تمت بالسلامة...

وظهرت حالة الاخ محمد عبدالسلام ..وبرضه الناس ما قصرو..كل البورداب

وبعض القراء من مشارق الارض ومغاربها عايزين يساهموا في عمل الخير ودايرين

يخدمو بعض في الانسانية..

نحنا شحدنا اي زول وفي واحد من البوستات انا قلت : اننا حنقلع القروش

قلع ..لانها بتعني حياة انسان وما حنخجل لانه القروش دي ما داخلة جيبنا..

اها يا عمر الفاروق لما يجي زول ويقول القروش دخلت جيبكم ..! نسوي شنو؟

ارجو انك تكون عادل وحقاني وترد علي سؤالي دا..!

والله العظيم كلكم من ناذر لي ناس الامل لي البورداب الشتر

مسختوا العمل كله وطممتوا بطن المعروف بين الناس
ما قادرين تصبروا علي الانتصار لانفسكم لحدي ما الموضوع الاهم الاجتمعتوا عليهو وكنتوا علي قلب واحد ..يتم وتجيكم بشائره؟
ياخي ما اعتقد ان غادة تاذت من المرض بقدر ما تاذت من البيحصل هنا دا؟؟؟

Quote: والله العظيم كلكم من ناذر لي ناس الامل لي البورداب الشتر مسختوا العمل كله وطممتوا بطن المعروف بين الناس ما قادرين تصبروا علي الانتصار لانفسكم لحدي ما الموضوع الاهم الاجتمعتوا عليهو وكنتوا علي قلب واحد ..يتم وتجيكم بشائره؟ ياخي ما اعتقد ان غادة تاذت من المرض بقدر ما تاذت من البيحصل هنا دا؟؟؟

مية المية ..

الاخ اساسي...

ربنا يعلم ويشهد اننا ما بنحاول ننتصر لنفسنا..

بنحاول ندافع عن قيم بيفتكر نازر انها انقرضت..

اي زول يجمع قروش لعمل انساني اكيد بيستفيد من وراها!

يا جماعة لو الدنيا دي خلاص بقت بالفهم دا تبقي مصيبة..

يعلم الله يا اساسي اننا ما كنا بنعرف الحبيبة غادة نوري قبل

الموضوع النشرو علي عجب عن معاناته..لكن لما الناس

في الخرطوم زاروها ..رجعوا كلهم وهم بيبكو..وفي نفس الوكت

مليانيين بروح عجيبة..اصرار علي مساعدتها..وفي النهاية

كلهم قالو انهم ساعدتهم هم اكتر..

ساعدتهم يكتشفوا جانب الخير جواهم الاتغبش بغبار الدنيا..

في كمية من المواقف حصلت في الشهور الفاتت..خلت الناس

في ايام يضحكوا ويفرحوا زي الاطفال ..ومرات يبكوا..

رجال ونسوان بيبكوا لما يحسو انو الطريق اتسد..

ويبكو فرح لما يحسو بصيص ضؤ في اخر السكة..

مشاعر انسانية حقيقية اهدتها لينا غادة بروحها الحلوة شديد..

وبعد دا كلو يجي زول اشتر زي نازر ويكتب كلام نص الليل..

بنص عقل ونص فهم ويقول سرقتو قروش البت..

اشهدرب العالمين..وانت يا اساسي واي زول في البورد دا ..اني

ما عافية حقي لنازر الخليفة ..لو ما جا واعترف بكذبه وقال انه لفق كل الكلام

البيقول فيهو دا..او يزكر اسم الزول المجهول البيتكلم عنه دا..

وساعتها حنتوجه كلنا باللوم والاتهام للشخص المعني..

اعتقد ان مناقشة الامر وربطه في هذا الوقت بالذات بالموضوع الدائر من خلاف في موضوع الاخت غادة يصب في خانة التبلد في الاحساس
بالامكان مناقشة الامر بمعزل عما يدور الان .. ان الاذي الذي تعرضت له الاخت غادة من استهلاك هذا الموضوع والاختلاف حوله في هذا الوقت
يعمق الامها اكثر ... ان البعض يتعامل مع كل الجروح الانسانية والمشاعر الكريمة علي انها بضع كليمات في كيبورد تنشر للقراءة
الكثير جدا من الاخوة في هذه المنابر لا يعرفون ما قد تفعله كلماتهم داخل النفوس وما قد تعمقه من جراح .
الان بات الموضوع خارج عن السيطرة وضاع الهدف السامي الذي اجتمع حوله الاخرين وصار الامر مثله والخلاف السياسي
استغفر الله العظيم ان خضت في الامر مع الخائضين من البداية واسال الله لي والجميع ان لا يبتلينا في اخلاقنا وعافية مشاعرنا

Quote: وبعد دا كلو يجي زول اشتر زي نازر ويكتب كلام نص الليل.. بنص عقل ونص فهم ويقول سرقتو قروش البت.. اشهد رب العالمين..وانت يا اساسي واي زول في البورد دا ..اني ما عافية حقي لنازر الخليفة

وانا برضو ما عافية ليك يا ناذر ، وانا متأكدة انه ضميرك الآن ما مرتاح ، متأكدة تماما لانك ببساطة اكثر سذاجة مما يبدو عليك ، وتصدق بالله اشعر بانك ( زول الله ساي ) بس مشكلتك الوحيدة بصيرتك عمياء تماما وما قادر تشوف الاشياء على حقيقتها ، لو كت متخيل اعتذارك دا حيخليني انا ( هبة عثمان - سمرية ) اقبله بالبساطة دي تكون بتتوهم ، برغم من دعم بعض اصحاب الاغراض الخفية لك فاؤكد لك ان موقفك سيكون سيء جدا لو ما جيت وقلت لينا كل العندك ، طالما انت جيت بدقة كي بورد وقلت ما قلت يبقى لازم تجي وتقول بكل شجاعة انا قلت الكلام دا بناء على الاساس الفلاني .. ما تخليك جبان يا ناذر دا لو فعلا انت عندك حقائق مخفية عننا، والحكاية ما ساهلة لو كنت بتشعر وتحس .

خليني احكي ليك قصة حصلت لي يا ناذر: ذات يوم فقدت مبلغ كبير من المال وكانت كل الادلة وقرائن الاحوال العندي بتشير لزول معين ، مع تأكيد البعض لشكوكي واجهت الشخص المتهم ، فاثبت لي براءته وصدقته .

خجلت اقول ليه سامحني ، ما قدرت اقولها لاني شعرت بمرارة ما فعلت ، اجتريت الندم سنوات طويلة وما زلت كلما رأيته خنقتني الغصة رغم انني متأكدة انو سامحني تماما ... سامحني لاني شرحت ليه ملابسات اتهامي له والادلة التي كانت معي .. سامحني لانه شعر بانه ندمي اكبر من جرحه .. سامحني لانه اكتشف ان اعتذاري الغير معلن كان اقوى من اي غضب تجاهي.

عشان كدا يا ناذر خليك أمين مع نفسك ، لانه اسوأ حاجة ما تكون متصالح معاها واصعب حاجة تتهم الناس بالطريقة دي وتجي بطريقة غير مقبولة تعتذر !!

زي ما قالت ليك رشا سالم ، لو شجاع تعال قول لينا فلان سرق من ( حملة الامل ) تعرف حتكون عملت فينا فايدة كبيرة لو صدق كلامك لاننا لن نترك ابواب الامل وحتظهر غادة نوري جديدة وحنقيف معاها ونحن اكثر ثقة في بعضنا البعض !!


لغاية نهاية اليوم دا يا ناذر سوف انتظر ردك .. فارجو ان لا تجعل الامر يكون شخصي !!



هبة

الأخت رشا ..
تعرفي انا قابلت الأخ ناذر لمرتين وكل البقدر أقولوا ليك من سابع المستحيلات إنو ناذر ده يكون زول كذاب ..
صفة الكذب ما بتشبهو والله ..
الزول ود ناس ومحترم وزول حارة ..
عن نفسي أعتبر " كذاب " إساءة بالغة وربما هي أسواء من كل التجريحات ولغة الشارع ....
الكلمة دي بالجد حارة يا دكتورة ..
تحياتي واحترامي..

الاخ عمر الفاروق..

انا لاقيت نازر اربعه مرات..

اول مره في زواجي وطلع المسرح وشارك في الغنا مع عاصم البنا..

وتاني في احتفال عواطف (البت الجريدة )

وتاني في منتجع امدرمان في جلسة للبورداب..

وتاني في بيت ابوساندرا في جلسة للبورداب..

واتكلمت معاهو ونصحته ما يغني لانه صوته ما سمح..!

لكن دا ما بيمنع انه قبل كدا كتب بوست بأسم بورداب الخرطوم ودخل الناس في مشكلة..

والغريبة اكتر انه كان بيتداخل في البوست..وعامل نفسه ما عارف اي حاجة..

وما كان حيعترف لو ما بكري ابوبكر وضح للناس انو نازر طلب اكاونت

باسم بورداب الخرطوم وانه نازر هو الكاتب البوست..!

اها كذب اكتر من كدا في؟

أساسي وعمر الفاروق
انتو ما شغالين بحكاية انصر اخاك ظالماً أو مظلوماً ولا شنو؟
ناذر حالياً إلا ينكرب وكت بقى للنص، بالاضافة لي انو في كلام مهم اكدتو حالياً عبير خيري و هو انو ناذر ما كان مشارك في المسألة من البداية، ودا استفهام تاني،
المسألة ما انو الناس دايرة تزنق ناذر لكن سياسة باركوها و قفلوا على الموضوع يا شباب دي ما بتودي لي قدام..
وأنا مصر انو ناذر دي المرة التانية يعمل دور ما جميل مع الشباب في الخرطوم بعد موضوع الاكاونت ..

الاخ محمد الحاج

مافي زول داير يباركها اصلا

Quote: قفلوا على الموضوع يا شباب دي ما بتودي لي قدام..

هل انت شايف الموضوع من اتفتح للان ثلاثة يوم ماشي لي قدام؟؟؟؟؟؟؟؟

يا اخوانا ما تضيعوا المعروف بين الناس

المطلوب شجاعة ناذر
مجرد ما الشخص قال انوا حول مبالغ
ببساطة يرسليك الايصال علي الايميل
بعدها تجي تفتح بوست بقلب جامد
موش تقولينا فلان قالي حولت
يمكن قاليك داير احول
تقوم تتشالق
والله كنت الوقت داك
والله خلوها م

Quote: واتكلمت معاهو ونصحته ما يغني لانه صوته ما سمح..!

لا في دي عداك العيب والله وبالجد نصحتيهو ..

بالمناسبة يا رشا انتي تبع بورداب الرياض ولا بورداب الخرطوم ؟؟
وطبعاً الإنتماء لا يعني إنك ما مفروض تدافعي عن الكلام الحاصل بس انا شايفك متصدرة الموضوع مع انك قلتي لا تربطك علاقة مباشرة بي غادة وفي نفس الوقت معظم الوقت انت في السعودية يعني زي ما بيقولوا بي الدارجي كده ده شهراً ما عندك فيهو نفقة ..

والله يا عمر الفاروق حيرتني..!

ياتو شهر الما عندي فيهو نفقة؟؟

موضوع غادة الاساسي؟

ولا موضوع المشكلة دي؟؟

وريني ياتو واحد عشان اوضح ليك..

رشا سالم:
موضوع المشكلة طبعا..
ً فعمل الخير ليس حصراً على أي شخص وفي أي مكان وزمان..

حزف منعا للتأويلات من البعض...

شكرا لما كان..

وعفوا لما صار..

Quote: رأفت ميلاد Quote: الأخوة المتداخلين بصراحة كلكم دمكم تقيل جدآ مالك ياخي بتصغّر في قيمتك الخاتنها ليك أهلنا بيقولوا الخيل الأصيلة بتتعرف في الملفات . ياخي هسع انا لو قلت عليك حرامي ، و انت انتفضت و زعلت ، وقمت أنا قلت ليك معليش و انت ما قبلت معليش بتاعتي دي لأنها ما بترتق الإتقطع جواك . هل ممكن يجي زول يلومك لانك ما قبلت معليش دي أو يقول عليك انك دمك تقيل و كمان جداً زي ما تفضلت إنت ؟؟

كرفس
أنا والله ما إتنفضت و دخلت وقلت كده . أنا دخلت مليون مرة قبل ما أكتب .
أنا إحترامى لمجموعتكم بتاعة الخرطوم وبتاعة قطر ما ليها حدود

فقضية أسرة الشهيد القامت بيها رشا فى البوست وبقية العقد
البت الجريدة
غادة نورى
مهند مأمون

بل سعيت بالتلفونات وتعرفت على الكتيرين

أنا لم أدخل بأى حال نصير لناذر بطريقة (المع والضد)

أنا دخلت نصير له بمبدأ الجسد الواحد

ناذر وينو هسة ؟
ناذر عندو لسانين . لكنو لحدى هسة لم يتفادى فقط الإحتكاك تفادى أيضآ الدخول

أنا دخلت هنا يا معاوية واسطة خير

وموضوع

Quote: كلكم دمكم تقيل جدآ

لا أقصد بيه أى إهانة ولكن مخاطبة أخوان أعزاء قريبين من القلب يعز على أشوفهم منشقين . عمومآ أنا سحبتها لنصار فى أول مداخلة .

لسة بقول باركوها وما لازم نفقد ناذر .

تحياتى

يا اساسي ناذر إذا ما جا ووضح كل العندو بيكون (انتحر اسفيرياً)*
بعدين في طرق تانية الناس تثبت بيها حق الشباب الاتمسوا بالكلام دا







* شفت انتحر اسفيريا دي كيف

ناذر اعتذارك ده بلو واشرب مويتو..


يجب ان يصلب ناذر الخليفة في ميدان عام ..
يجب ان تحرق جثته وينثر رمادة من اعلى مئذنة مسجد النيلين..
يجب ان يشطب من سجلات المدارس السودانية والروابط الرياضية..
يجب ان تختفي كل اثار وجوده..(كنس آثار ناذر)
يجب ان يرفد من المنبر بتاع سودانيز اون لاين
يجب ان تُسحب منو الجنسية السودانية..

الناس ديل زعلتم دي ماهينة وشايلين منك تقيل.. يبدو انو مافي زول زعلهم في الدنيا دي قدرك ..مطاردنك الى يوم الدين.. عشان كده حنسحب الجنسية منك باثر رجعي..

حنشطب ذاكرتك ذاتا لانو في ذكريات سودانية واصدقاء سودانيين وحبيبات سودانيات..
وصور لي بيوت وناس سودانيين
أي شي بخصنا حنشيلو منك..
حتكون خالي الذهن ..

وبعد داك نشوف موضوع حرقك على نار هادية ونثر رمادك في النيل..
وغرف موية النيل التي سقط فيها رمادك ..
ورشو على حقل من شجر الزقوم..
وخلع شجر الزقوم من جذورة عشان نعلف بيهو بهايم ابليس..

يخوانا
ناذر غلط عليكم اليوم وحيخليكم تغلطو عليهو بكرة..
سامحوهو اليوم وحيسامحكم غدا..
مشوهها ليهو وحيمشيها ليكم..
بكره ياما حتغلطو ..
هامش الغلطات في الدنيا دي ليس ضيقا الى هذا الحد ونهاية الدنيا ليست في صورة ايصال مالي..*




حتحكوها معاهو اليوم ..حيكها معامكم او مع غيركم بكره..
الحك الشديد لايولد إلا الحك الشديد..
حيقول بينيو وبين نفسو : انا السامحني منو عشان اسامح هسي؟!!
وهكذا تظل تدور دوائر عدم السماح حتى تقضي على فضائل الاعمال بين الناس.. ويمرق بليكم مجتمع جديد يحكها حتى الدم الاخير..


المقهور من قهرتو لو لقى فرقة في زول بخلص قهرتو فيهو..
الكره الطويل الممتاز ده منتوج ثقافت القهر والبيئة الرديئة..
شفتو ليكم بنية سمحة قامت وسط تسامح وسلام اجتماعي اسري بتكره زول الى مالاحد ؟؟



يخوانا قهرتكم في الدنيا دي ماتفكوها في ناذر الذي اعتذر..

















* من كلام لي كمال الجزولي وابوذكرى في روسيا

دكين يا اخوي..

نازر دا يجي يقول انا افتريت علي الجماعة ديل وسامحوني..

بعد داك الناس بتسامحه..

Quote: بهذا أعلن إعتذاري لكل من مستهم حروفي وكلماتي بخصوص موضوع غادة نوري .. وليعلم الجميع أن حرصي فقط على سلامة الامر برمته هو سبب فتحي لذاك البوست

دا كلامه الهو كتبه..

يعني لسه بيعتقد انو علي حق..

الاخ عمر الفاروق ..

احترم شديد جدا وجهات نظرك وارائك التي طرحتها هنا ، ولكن اسمح ان ارد عليها فيما بعد او بمعني اصح بعد نخلص من موضوع ناذر دا ، لانه بصراحة عندي رد كتير ليك وافضل اننا نتحاور فيه في وضع هاديء نسبيا واكون انا فيه اقل انفعالا وذلك حتى يتسنى لنا الحوار بطريقة موضوعية !!



اتفقنا ؟؟!!


تقديري


هبة

الأخت هبة ..
تحياتي..
تعرفي في كلمة جميلة جداً استخدمتيها حا نحتاج ليها بعدين كان ربنا مد في العمر وهي كلمة " هادئ " دي..
الموضوع انا متأكد حا يكون حساس جداً والنقاش فيهو لو ما كان بي نفس هادئ حا تبقا مشكلة وربما تتفهم تجريح ..
للحد البعيد أكاد أكون فمهت انك عايزة تناقشي شنو وبي صراحة انا أعتبر ده ذكاء منك لو فعلاً تطابقت الأفكار لأني تعمدت إقحام المداخلات بي صورة معينة ربما فهمها أحد الأخوان هنا بي إنها مشاترة ..

نهايتو :
اتفقنا ..

خالص التحايا..

Quote: وقد صدق حدس ناذر.. والسبب خبرتو الطويلة في الخيران.. الحقيقة ماتت.. والحقيقة الإنت جاي تفتش عليها ذهبت مع ذلك البوست..

يا عبدالرازق عشان الموضوع دا ما يكون سجال ساي وكتابة ما منها فائدة ..
الحاجة الحصلت دي أكبر من ما تتصور ..
فيها إتهام لناس بيننا والموضوع كله عملية إنسانية ودي بتخضع لضمير الفرد المشارك في العمل دا ..
عشان كده الناس دي ما قدرت تتحمل الحصل ليها وكانت صدمة كبيرة النسبة لها ..
أنا أعرف ناذر جيداً وتربطني به علاقة وطيدة ..
ومن واجبي أن أنبهه للخطأ الوقع فيهو ودي برضو من باب أنصر أخاك الما قادر انت تعمله هنا ..
عشان الموضوع دا ينتهي والجميع يتقبل عذر ناذر لازم تنجلي الحقيقة ويتعرف الموضوع من أصله وليه دا كله تم ونعرف نحن برضو مع أي بشر بنتعامل ..

قدرتي للرد عليك ضعيفة وانت عارف الزمن البنستقطعه لنكون هنا ..
أتمنى أن تقول خير ..
أو تقول خير برضو ..

Quote: يا عبدالرازق عشان الموضوع دا ما يكون سجال ساي وكتابة ما منها فائدة .. الحاجة الحصلت دي أكبر من ما تتصور ..

يا معتصم من رحمة ربنا علينا اننا فى الدين الاسلامى مافى كهانة و لا وصاية و لا صكوك غفران لانو الزى عبد الرازق ده كان جهجهنا جهجهة شديدة من عمايل ديل ناس لينين و ماركس و ده طبعو الغلاب و ما بعرف زول فينا عشان يزكيهو لى الله و ما محتاجين تزكيتك يا رزقة درب الله برانا بنعرفو بس انت اعرف اصل الدين شنو و امسك فيهو (الدين المعاملة ) و انت نسأل الله السلامة !

عبدالرازق تراهو الدرب جابو و قال يطقع و محل تصيب ما بتخيب !

..
.
والله يا ناذر تكالب عليك بنو قريظة
وبنو نضير وبنو قينقاع وكل جالياتهم فى بقاع
الارض من مشرقها الى مغربها ..
وصار توضيح الاعتذار معترك اخر يلم عليك
الاخ الصديق والصديق العدو والعدو العدو ..
فأتت الجموع من كل فج عميق..
لتصب غضبها وإستيائها .. حول _ فتنك _ تلك
ومنهم من يعلم ومنهم من لا يعلم..
وبعضهم يعلم وصمت خوفاً من مغبة النتائج..

العديد منهم يتمنى ان يعرف ماذا تقصد وماذا تعنى
بحديثك المشاتر وقول الافك الذى رميته
يتمنون أن تظهر تظهر الحقيقة
وتوضع النقاط حول الحروف نك بما
أنك الوحيد الشال الشيله وتعمقت فى هذا الدرب الشائك ..
ولك الخيار بالمواصلة او الصمت وحتى ان اتوا بجلاد
واضعا سيفه على عنقك ..
وعندما تفعل ..
واتمنى ان لا تفعل ..
لاسباب كثيرة .. نتائجها.. السلبية
بدأت واضحة اسفيرياً وواقعياً ..
وهذا الجانب سوف يدمر كل فكرة وافكار .. قادمة
وسيحبط كل ( أمل ) صادق العزيمة والعزم ..
اثارها الان مؤلمة وعميقة على شخص واحد - نسال الله له العافية -

توقيتك غير مناسب ..
طرحك لم يكن موفقاً - حتى وان كنت على حق - او من حسن النية -
تسرعك جلب عليك الغاشى والدانى ..
اسلوب الغامضك وحوارك على الهواء سبب لك الكثير
وصنفك بالسخف والجهاله والنفاق ..
صدق فيك القول ( جنت على نفسها براقش )
الحبيب والعدو .. هنا بين حزين وشامت ..
واشياء اخر ..
واظنك قد سفهت القوم ..
وخير فعلت .. ولن تشرق الشمس من جديد!!؟
واعتقد ان اعتذارك وتوضيح اعتذارك وجلستكم تلك كافية
وان كان هناك ما يقال بافتراءك الذى زعمت ..
فاعتقد ان من زاروك فى منزلك العامر كان احرى بهم ان
يصنفوك كاذب .. ومنافق ,, وحاقد .. ومنتقم على تجاهلهم
لشخصيتك الإعتبارية ..
وان لم يفعلوا .. فلا تفعل ..
ومن الجميل ان تبتعد عن هذا الامر ..

وبعد ان تهداء العاصفة ..
لنا حديثك معك ومع كل يهود العالم بما فيهم جمعية
الصداقة ..

دمت .. كما عرفناك ..

________________________

وهذا من باب انصر اخاك ظالماً او مظلوماً

Quote: واتكلمت معاهو ونصحته ما يغني لانه صوته ما سمح..!

و كمان !!

ما اتوقعت اصلا بعد غياب يوم اجي القي الموضوع دا ما اتحسم !


كنت بعتقد انه الشغلانة ما محتاجة

والقصة واضحة !!

لازمتها شنو البوستات وصرف العربي الكتير


ناذر اعتذر عن شنو بالضبط ؟

وعندو قصة واقعية ولا كان ناسجها من بنات افكاره ؟!

Quote: أن هنالك همسا يدور عن أموال أرسلت من الخارج بواسطة أحد أعضاء البورد وهو نفسه أكد أنه أرسلها ..

اها دا المفتاح السحري

مامحتاجين لإعتذار ولا يحزنون ، ممكن يوضح كلامه بصورة جلية ببوست مايقبل جدل ..

عضو البورد دا منو ؟!

قولو بالنيم طالما ذكرت انك رسلت ليهو ماسنجر وهو رد بالإيجاب ..

أو أقول ليك حاجة؟

حل نفسك من الورطة دي وخليهو يجي هو شخصيا يفتح بوست بالمعني دا

ويقول كلامه على رؤوس الأشهاد






كان همس مابعرفو !!

Quote: بهذا أعلن إعتذاري لكل من مستهم حروفي وكلماتي بخصوص موضوع غادة نوري .. وليعلم الجميع أن حرصي فقط على سلامة الامر برمته هو سبب فتحي لذاك البوست

رشا الكلام الفوق ده هسي فرقو شنو من كلامك ده

Quote: نازر دا يجي يقول انا افتريت علي الجماعة ديل وسامحوني..

يغنيها ليكي في كوبليه؟؟.

كدى دقيقة

المابعفى لي ناذر ده لي يوم الدين تاني منو؟؟







عشان نحدد ليهو يحب كم حبيبة من اليوم وحتى مماته..

الاخ ناذر

الاخوات والاخوة الاعزاء


سلاااااام

لظروف المرض لم اتمكن من التداخل واكتفيت بما كتبة اخي ماسا بعد زيارتنا برفقة بكري لمنزل الاخ ناذر .. وبما ان الاعتذار اصبح يحتاج لتوضيح قررت الدخول لاوضح اكثر .


لن ازيد اكثر مما قلته لك في منزلك بحضور الاخ بكري والاخ ماسا ..

لم التفت يوما في حياتي لحديث افك وقال وقالت وزيد شريف وعبيد حرامي ..

ما تحدثنا عنه انا وانت وماسا وبكري بمنزلكم بالاضافة لوضعكم رابط بوست حملة عبدالرحمن عزاز بامريكا في البوست المحذوف
واذا ما اخذنا في الاعتبار فتحك لبوست الاخ عبدالرحمن عزاز كدليل لنا انا وبكري وماسا في منزلكم

قبل ان يتبين لكم الخطا وبما انك ذكرت لنا ايضا انا وماسا وبكري بانك علي اتصال مع عزاز لمعرفة

اموال الحملة التي قام بها بامريكا ولمن ارسلها وكيف ومتي وبما انك لم تتوصل للاخ عزاز كما ذكرت

الي الان .. وبما انه وبما صدر منك من تلميح بالاضافة لحديثنا بمنزلكم يؤكد وبما لا يدع مجالا للشك

بان موضوع الشك و (الهمس) الذي ذكرتة يتعلق بحملة عزاز ونتائجها وبه اناشد الاخ عبدالرحمن عزاز

بالدخول والاجابة علي هذه الاسئلة :

هل ارسل اي اموال للسودان ؟

كم ؟

اسم المرسل اليه ؟

التاريخ ؟

مع عمل اسكان للايصال للاهمية .

اقول قولي هذا ولا اشكك اطلاقا في الاخ عزاز ولا في غيره فقط لكي تتضح الصوره وتنجلي الحقيقة .


_____

ما عدا هذا الكلام يبقي الحديث قال وقالت وفلان وفلانه واحبه ويكرهني وتلك امور لا يقاس بها

ولا يحتكم بها واليها كما انها تنتقص من رجولة وشرف قائلها .


اكرر نرجو التوضيح من الاخ عزاز واعضاء حملة دعم علاج غادة نوري بواشنطن (امريكا) واللذين

لا اشكك ابدا في صدقهم ونزاهتهم وامانتهم .. فقط للتوضيح من اجل الحقيقة .


محبتي للجميع

منعم

كدي ياخلق الله ختوا الرحمن في قلوبكم و قولوا بسم الله و اعفوا بس ما تنسو الحصل forgive, don't forgetو خلوها عبرة في حياتنا

الاخ اعتذر و لكم كامل الحرية انكم تقبلوا اعتذارو او ترفضوا. لكن تذكروا العغو عند المفدرة لها من الثواب عند الله ربما يكون الثواب اليزحزحنا عن النار و يدخلنا الجنة. و تذكروا ان الله يغفر الذنوب لمن اتى الله تائب, حتى الشرك اذا استغفرت منه قبل الغرغرة يغفر لك, يعني ربنا الخلقنا و ما محتاج لزول مننا يغفر لينا اخطاءنا و نحن ماقدرنا نقبل و نسامح زول ارتكب خطاء. كلنا خطاؤن و ما في زول فينا ما ارتكب ذنب او اخطاء في حق زول و اعتذرنا و قبل الاعتذار, يعني مافاي زول هنا ما عندو سوابق

و بعدين نراعي للاخت غادة و اي واحد هنا عارف مافي حد بيتاذى من الحاصل اكتر منهافبالتالي من الحكمة الموضوع يقفل و ممكن تفتحوا بعد ما الله يكتب لها الشفاء.

و زي ما قال اساسي:

Quote: والله العظيم كلكم من ناذر لي ناس الامل لي البورداب الشتر مسختوا العمل كله وطممتوا بطن المعروف بين الناس ما قادرين تصبروا علي الانتصار لانفسكم لحدي ما الموضوع الاهم الاجتمعتوا عليهو وكنتوا علي قلب واحد ..يتم وتجيكم بشائره؟ ياخي ما اعتقد ان غادة تاذت من المرض بقدر ما تاذت من البيحصل هنا دا؟؟؟

طــــق خااااااص

الساده المتداخلون ...
سلام وتحية بقدر الامل فينا ..
اما بعد ...

- ولانني لاحظت بان كثير من المتداخلون اشارو لاهمية الا نتداخل
علي اساس " مع " او " ضد " الشي الذي قد يذهب بنا لمسائل علي الاقل
نحن الان لسنا بصددها .. اجدني استجيب تماما لهذه الاشاره المهمه واقول
لكل قصد ان " يمسنا" بالقول او التلميح .. او من تداخل دعما لناذر او اقتناعا
بموقفة او حتي من باب عدم تقديرة لموقفنا ان يواصل ما استطاع في جهوده فانا علي
قناعه بان كل ينال حسب نواياه ...

- ما يهمنا هو الاتي :
- المدعو ناذر اشار اشارات واضحه للعيان واصبحت هي الان موضوع النقاش ..وحسب ما كتب
فانه يمتلك من المعلومات " والتي اشار ايضا ان هنالك من تستر عليها" وسيوردها بعد
انقضاء مهلة حددها بنفسة لكشف المستور ..

- مرت المهلة الممنوحة .. ولم يورد المدعو ناذر ما وعد به .. قابلت ناذر ومعي شهود
ذكرتهم وانكر في المقابلة امتلاكة لاي معلوم تسند دعواه .

- جاء واعتذر " لتسرعه " وجاء ايضا لتوضبح ما كتب من اعتذار بحديث حمال اوجه
لم يخدم به الموضوغ الاساسي ..

- بماذا نطالب ناذر ؟؟؟؟

- بالنسبة لي ليس " خبرا" ان يقول احدهم " انني ارسلت مبلغا من المال لغاده نوري"
وليس "خبرا" ايضا ان يقول ارسلتها لفلان" فهذا الاجراء حدث الف مرة في " حملة حماية الامل
العام "

الخبر عندي في هذا الموضوع هو :
- " فلان1 " ارسل مبلغ مالي لصالح " غاده نوري " بواسطة " فلان2" ونما الي علم " فلان1"
بان ما ارسلة من مبلغ لم يصل لصالح الغرض المرسل الية ..
وعلية قام " فلان1" بابلاغ المدعو ناذر بذلك .. وعليه ..

- يصبح المطلوب هو من هو الشخص الذي ارسل مبلغا من المال ولم يصل ؟؟؟
وبالتاكيد انه يملك الالية التي مكنته من التاكد بان دعمه لم يصل ...

- وان كان ناذر قد خصص هذا البوست للاعتذار فقط يكون قد تجاوز تحقيق هدف
" نبيل" هو ادعاه بفتحة للبوست الاول" الحرص علي احقاق الحق" ... لانه وببساطه اذا كان هذا
هذا هو هدفة فعلا فالهدف مشترك وكلنا حريصين علي ان يزاح الستار عن كل ما هو مستور
فلا نحن ولا هو اصحاب حق في ان نعفي ..فصاحب الحق هو الذي يعفي .

" لذا يظل ناذر مطالبا بايراد معلومات مضبوطه لياخذ " القانون" مجراه " وذكرت له
نوعية المعلومة المراد ايرادها

- ودون ذلك فهو يعلم قبل غيره بان من مسهم بافتراءاته لا تطالهم مثل هذه المعارك الانصرافية
ولن يكون من السهل تفويت هذه الفعله باعتذار او اعتذار موضح ..

ملحوظة ::

- إن عدت ساعود لشيئين فقط لا ثالث لهما ..
1/ تكرار ما طالبت به تجاه ما قالة ناذر
2/ شكر ناذر علي ملكنا له من معلومة تخدم الهدف النبيل وتخدم إعمال " القانون
لاعطاء كل ذي حق حقة

دمتم ...

الأخ عبدالمنعم
حمدالله على السلامة
للمعلومية

شخصيا أنا لم أشترك في هذه الحملة (واشنطون) و لكن جمعت مبلغ بسيط من الأصدقاء و الصديقات وهم/ن:

تراجي
تماضر
علي عمر علي
عمر الشوية
و شخصي

وقد أرسل المبلغ بالكردت يونين للخرطوم و أستلم.

و هذا للمعلومية

Note
لقد كتبت بوست في هذا المنبر ونصحت فيه كل بورداب أمريكا بأن يرسلوا تبرعاتهم مباشرة للسودان بالكردت يونين وهذا هو اللنك:

عاجل جدا جدا يا بورداب أمريكا.........غادة نوري

Should you have any questions, please feel free to ask

Nasr

Sorry

This is the link

عاجل جدا جدا يا بورداب أمريكا.........غادة نوري

العزيز كوستاوي


تحياتي


شكرا للاستجابة .. ونعرف جيدا بانك لم تكن من ضمن الحملة وانا هنا لا اجرمها

ساقوم بعمل اللازم تجاه ما اتفقنا به


محبتي

منعم

_____
ارجو ان يحضر الاخ عزاز لازالة هذا اللبس .

لا بد ان ما لـحـق بالاخـت غادة من اذى نفسـي- جـراء ما تقومون

بـه الان- يفـوق بكثير ما لحـق بهـا من اذى جسـدي.

كـل من اضـاء شمعـة امـل لتنير طـريق غـادة عـليه ان يصـبـر الي

تكلل مـسـاعيهم بالنجـاح..قليل من الصـبر فما احوج غـادة لنا الان

كـلي امـل ان يترك هـذا البوسـت يهـبط- ولو الى حـين- الي حيث لا

تسـتطيع ان تراه غـادة في هـذا الوقت بالذات. كما وكـلي امل ان لا

تضاف اي اضـافات لاي بوسـت اخـر يتناول هـذا الامـر..فجراح غـادة

لا ينـكـأها الا مثل هـذا الذي تقومـون به.

من القصص نأخذ المضمون

والرواية تقول أعرابي مسافر في صحراء وجد آخر في وسط الصحراء ماتت
راحلته ونفد طعامه وشرابه وأصابه الإعياء حتى كاد أن يهلك.

فقام بإنقاذه وقاسمه الطعام والشراب والراحلة إلى أن صلب عوده
وبينما هم في استراحتهم غفّل المعان المعين وشرد بالراحلة والطعام
والشراب.

وعندما حس المعين بالأمر صرخ فيه منادياً بالله عليك أسمعني قبل ذهابك،
فأغفل عائداً بحيث يسمعه ولا يصل إليه،
فقال له خذ راحلتي والطعام والشراب هدية مني مقابل أن لا تحكى ما حدث
لأحد من الناس.
فسأله والحيرة تعلو وجهه لماذا تفعل هذا؟؟
فأجابه:
حتى لا تموت المروءة بين الناس !!!!


لِما فعلت هذا يا ناذر

حسبي الله ونعم الوكيل فيك


إسماعيل حميم



ِشكراً للأخ ناذر على التصحيح في الخاص لجملة حتى لا تموت

فقد كتبت ناقصة (لا) وبذلك تفيد العكس

فها أنا قد فعلت

فالرجاء منك أن تفعل ما عليك من تصحيح فيما إغترفت

في حق الغير


إسماعيل حميم

.




.

من كل قلبي اتمنى للاخت غادة رحلة علاجية طيبة وشفاء ...

والاعمال بالنيات ودعواتكم ليها ..



تم التعديل من اجل العين في (علاجية) والعين مابتعلا على الحاجب..

ديكو:

يا لذيذ يا رايق..

عفوا ارغب فقط في طرح قضية قد تبدو بعيده الي حد ما عن الموضوع ، وهي اخلاقية

سحب البوست بواسطة بكرى ، بموجب طلب صاحبه ، وذلك بعد مداخلات الاعضاء ، او حتي قبله

هناك عدة اسئلة تطرح مثلا:

* هل البوست ملكية خاصة بكاتبه

* المداخلات التي تتم هل هي ملك لكاتب البوست ام المداخل

* الست -انا - المداخل لي حق في البوست ايضا

*سحب البوست (حدثت كثيرا ) فجاة ، دون اعطاء المعني في البوست فرصة رد ، الا تعد مكافأة لناشر
الكذب ، او الاشاعة .

*لماذا لا توجد آلية بان يتم سحب البوست بعد موافقة كل المتداخلين ، او اغلبيتهم ، او المتضرر من البوست ؟


شكرا لكم

.



مـا يجيـــنا زول يطالبنــا بي مسـامحـة نـاذر الخ...عفـي الله عمـا سـلف




.

اسمعو

انتو ناذر ده لما نزل البوست بتاعو الأول الكان سبب في الاشكال ده .. قلتو ليهو يعتذر , قام ناذر طلب سحب البوست وفعلا اتسحب, وكتب بوست اسمو اعتذار وقال انا آسف , قلتو لا ما كفاية لازم تورينا انت قلت كده ليه؟؟
قام تاني عمل بوست اسمو مزيد من التوضيح وقال كلام بالواضح انو في معلومات متضاربه في قروش اترسلت من بره وفي عضو قال القروش دي ما اترسلت, وتاني ناذر اعتذر لكل من مسه الموضوع ... بقت الناس تطارد فيهو من بوست لي بوست ... وتسمعو ميه كلمة....

طيب .... انتو عايزين منو شنو بالظبط ؟؟ عايزين تذليهو؟؟ ولا عايزين تركعوهو؟؟ ولا عايزينو يجي يبوس جزمة كل واحد فيكم ؟؟؟ ناس كتار طلبو منكم تسامحو الزول ده ... وانتو ما شغالين بأي زول !!! ناس قالو ليكم عشان خاطر غاده نوري برضو ما هببتهو ليهم !!! ناذر اعتدر أكتر من أربعة مرات في أربعة بوستات مختلفة برضو ما شغالين بيهو.

انتو دايرين الجد ولا أخوهو ؟؟؟ الحكاية دي ظاهرة شديد !!! موضوع بتاع شلليات وحزبية ما أقل ولا أكتر وفي ناس شايلاهم الهاشمية وخاشين في النص وما دارين النقطة دي ... قبل فترة مش في بوست اتفتح عن استخدام الالفاظ البذيئة في المنبر ده والاساءات ؟؟ ما لكم كلكم وقفتو بين صامت وعامل فيها ماشايف البوست وبين مؤيد عديل للالفاظ البذئية والاساءات!!! اها الليلة لما بقت عليكم كل واحد جاي سالي سكينو علي ناذر وعايز يبشع بيهو رغم اعتذارو .... يعني الكلام ده لو طلع من واحد غير ناذر من شلتكم ولا حزبكم كنتو لقيتو ليهو مليون عذر وغطيتو ليهو الموضوع زي الما حصل شئ.

انتو الاساءات الفي المنبر وضرورة الوقوف ضده قايلنها قميص بيتفصل حسب الزول الطالعه منو الاساءة ولا شنو؟؟ ولا قايلنها بطيخة بتتقطع علي حسب المزاج؟
لما الناس تتكلم عن الاساءات الفي المنبر وضرورة ايقافها تجو تقولو دي حرية تعبير بس عشان جاية من زولكم.

يا اما الناس تقيف ضد الممارسات الخاطئة بغض النظر عن الزول ولا كمان الناس تتحمل البتجيها.

بعدين تعالو شابكنو أطعن في الفيل وما تطعن في ضلو !!! هسي البطعن في الضل هو ولا انتو؟؟؟ الزول ده قاليكم في قروش اترسلت من بره في تساؤل حولها ... المفروض طوالي تشوفو القروش الاترسلت من بره وتجو هنا ده وتنشرو المبالغ الاترسلت من بره وبعد ده الزول الرسل قروش وما ظهرت حيقول انو قروشو ما ظهرت ليه ؟؟ أو لو مافي زول قال كده يبقي انتو عملتو العليكم.

بعدين انتو مش عندكم زول مسئول من الماليه ؟؟؟ خلاص تعالو ورو الناس الحسابات........ مش لأنو ما في ثقة لكن لأنو الموضوع بقي عام واتنقل هنا ... يعني بعد ده من حق كل الناس تعرف بالظبط ليه ناذر قال كده عايزين نادر يقول ليكم اسم الزول ؟؟؟ والله لو ناذر عمل كده يكون غلط غلطة عمرو.... بعدين ليه يعني عايزنين الموضوع يبقي بين ناذر والزول التاني ؟؟؟؟ عشان تجو بي وراهو وتطاردو ناذر وتناصرو زولكم ؟؟؟ هو انتو لسه ناذر ما قال اسم الزول شايلين ليهو مية سكينة !!! امال لو قال اسم حتعملو ليه شنو ؟؟؟
الناس الاتداخلت كلها أكدت ثقتها الكبيرة فيكم وبرضو ما عاجبكم .... انتو عايزين جنازة تشبعو فيها لطم وخلاص؟؟

اها ... الكلام الجد النقولو ليكم:
أنقول ليكم كلام القانون كمان:

من ناحية قانون ما عندكم علي ناذر ده أي حاجة ... قولو لي كيف ؟؟؟
الماده 159 من القانون الجنائي السوداني لسنة 1991 بتقول الآتي
يعد مرتكبا جريمة اشانة السمعة : كل من ينشر أو يروي أو ينقل وقائع مسنده الي شخص آخر , أو تقويما لسلوكه
قاصدا بذلك الأضرار بسمعته.

بعد داك الماده ذكرت استثناءات عده تسقط جريمة اشانة السمعة في حال توافر أي واحده من هذه الاستثناءات
وبصراحة كده لو فتحتو بلاغ حيتشطب في مرحلة العريضة يعني بالبلدي كده من قولة تيت .... مش كده وبس ممكن ناذر يرفع عليكم قضية بتاعة اتهام كاذب ... طبعا الكلام حتشوفوهو غريب ... زمان قلت ليكم المنبر ده بذكرني بي أهل الكهف ما صدقتو !!!! يعني حيجي كل واحد ينظر ويعمل فيها أبو عرام ... لكن في النهاية يا ها دي الحقيقة بلاغ مشطوب مشطوب ... ما في زول يقول لي منو القال حنفتح بلاغ ؟؟ في القال كده ... الموضوع ده انا متابعو من أول بوست بتاع : ليه ما عزمتوني؟ العمل الاشكال ده كلو .. وأول متداخل مع نادر كان عصام عبدالحفيظ..... ورد عصام كان مهذب جدا جدا .... بعد ده جات الناس الباقية في بوست الاعتذار الأول

والتاني وبوست ما تهتمو للايام .... يعني أنامتابع وبدقة شديده ... وبرضو البوست الاتفتح بعد سحب بوست ناذر الاول
بعدين الماده بتاعة اشانة السمعة دي ما تشفوفو التعريف ده وتقولو طيب ما كلها بتنطبق علي ناذر !!!! ده من الوهلة الاولي ... لكن لو تمعنتو كل كلمة في التعريف وكل حرف فيهو بسهولة حتلقوها ما بتنطبق ... غير كده في أي جريمة لازم توافر ركنين مهمين جدا واللي هما الركن المادي والركن المعنوي ... والركنين ديل ما عندكم طريقة تثبتوهم .... ده غير ان ناذر طلب مهلة اربعة وعشرين ساعة وقبل المده دي سحب البوست ونزل بوست اعتذار ... وتاني نزل مزيد من التوضيح ....
بعدين ليه أي زول حاول يتدخل تقومو يا اما تهاجمو ولا كمان تحاولو تخلوهو طوالي يقيف ضد ناذر يا اخي احترمو آراء الغير حتي لو مختلفين معاكم يعني الزول الداير يقول ليهو كلمة ما لازم في الاول يسمح لي ناذر الارض عشان يقدر ي قول رايو ولا شنو يعني؟؟؟
سمعتو بالعميان المسكو العكاز ؟؟؟ أي واحد جاي داخل شابكنا الرهيفة تنقد ....الرهيفة تنقد ....والكلام أصبح مكرر...
عندكم حلين:

مافي تالت ليهم , يا اما تسامحو الزول ده وتقفلو الموضوع ده ...ولا كمان أمشو أفتحو بلاغ وريحوهو من كتلوك ولا جوك جوك العاملنها ليهو دي.

لو خليتو االشلليات والنظرة الحزبية لأي موضوع ... السودان ما بتجيهو عوجة ... وطبعا الحكاية دي مستحيلة وبالتالي السوداني جاتو وحتجيهو مليون عوجة
ما كنت عايز أتكلم في الموضوع ده نهائي لكن القصه بقت مكررة والزول اعتذر لمن قال الروب وبرضو ما
سايبنو.... عالم ما عندها رحمه .. يا ناس اتعلمو معني التسامح ... بكره الزمن بدور والدور بجي عليكم.

حلو عن طارة كاتش الراجل وأنزلو من سقالة أفكارو.

.غرزة وطبزة : كهف وصاحبو غايب .......عملتو لينا وجع عضم شيطان كيبورد