Post: #1
Title: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 09:59 AM
تظاهر أمس عدد من سكان حي الموردة بأمدرمان مطالبين بنقل مقر حركة مناوي من الحي كونه يمثل بعبعا مخيفا وتهديدا لمواطني الحي الأمن على خلفية ما حدث بالمهندسين ..
وذهب العشرات من المتظاهرين تجاه مباني معتمدية أمدرمان وأبلغوا المعتمد رغبتهم في ترحيل مقر الحركة خارج الحي فورا ...
وخفت لمباني المعتمدية قوة من الشرطة وأحاطت المقر بسياج أمني تحسبا لأي طارئ ..
|
Post: #2
Title: Re: مطاهرات في الموردة تطالب بنقل مقر حركة مناوي من الحي ..
Author: حليمة محمد عبد الرحمن
Date: 03-30-2007, 11:24 AM
Parent: #1
| Quote: مطاهرات في الموردة تطالب بنقل مقر حركة مناوي من الحي .. |
الله يكضب الشينة..!!
شكرا يا ناذر على المعلومة.
ناذر ما في طريقة تصلحها؟؟؟؟
|
Post: #10
Title: Re: مطاهرات في الموردة تطالب بنقل مقر حركة مناوي من الحي ..
Author: حمور زيادة
Date: 03-30-2007, 12:20 PM
Parent: #2
الاستاذه تراجي
لا اعرف عنك اكثر من بضع ردود قرأتها في هذا الموقع .. و اسمك مر علي في نشره مسيئة لكي من قبل تتحدث عن دعوة لاسرائيل و اشياء لم اوليها اهتمامي ..
هذه الاسطر تقدمه لقولي لا احمل ضدك شيئا سيدتي .. لكن
تتسائلين عن عدم تدخل الدولة لمنع تظاهر اهالي الموردة ضد وجود دار حركة مناوي بينهم .. و تلمحين الى الجهوية و العنصرية ..
اقول لكي نعم موقف السلطات غريب .. لكن الم يكن ذات الموقف يوم الاثنين الاسود حين عم القتل في الشوارع و اكتفت الشرطة بحماية المطار ( تحديدا لاني كنت شاهدا على هذه الحادثة ) كنت في مستشفى الاطباء و ارى بعيني الغاضبين من ابناء الجنوب يعطمون السيارات و اعتدوا امامي على امرأة و رجلين فقتلوا احدهما و رجال الشرطة على الجانب الاخر يحمون المطار فقط .. هل كانت هذه الاحداث بتنسيق جهوي من الشرطه ؟
دعينا من نظرية المؤامرة اذن
سؤال هل قوات مناوي في الخرطوم اسائت معامله المواطنين في اكثر من حادث ؟
حتى ان كانت الاشياء تضخم الا تجدين العذر لابناء المرودة الذين لعلع الرصاص فجأة وسطهم ثم انتقل الى المهندسين خلفهم ليفزعوا و يطالبوا بنقل هذه الدار حفاظا على حياتهم ؟
تجدين العذر لابناء دارفور ان يستغيثوا بالقوات الدولية لانقاذهم من القتل و هذا طبيعي لان الغريق يتعلق بقشه و لو انفرط الامن في قريتي في الشماليه لاستغثت بالشيطان نفسه فلماذا لا تعذرين ابناء المورده الذين يريدون الدفاع عن ابنائهم و امنهم ؟
اراك تنظرين للامر على انه عنصرية محضة و كأن اهالي المروده يبغضون اهل الغرب لسبب ما .. متى دخلتي سوق المورده اخر مره ؟ لاني كنت فيه قبل اقل من اسبوع و وجدت جل تجاره لازالو من ابناء كردفان و دارفور و علاقاتهم مع الجميع حسنه .. هل حدث امر لم اعلمه خلال هذا الاسبوع سيدتي ؟
عذرا تراجي أخطاءتي النظرة الى الموضوع .. انها سلطة جائرة تقتتل مع قوات همجية و ابناء الموردة بين شقى الرحى
عذرا ان استفزتك كلمة قوات همجية لكني لا اجد وصفا اقل حدة لما رأته عيني اكثر من مره من تصرفاتهم و الشاهد يرى ما لا يرى الغائب
مع تحياتي
|
Post: #3
Title: Re: مظاهرات في الموردة تطالب بنقل مقر حركة مناوي من الحي ..
Author: Mahir Ali Bob
Date: 03-30-2007, 11:30 AM
Parent: #1
Quote: وذهب العشرات من المتظاهرين تجاه مباني معتمدية أمدرمان وأبلغوا المعتمد رغبتهم في ترحيل مقر الحركة خارج الحي فورا ...
|
قالوا دايرين ناس الحركة برة الموردة!!!
والحصل إنه:
| Quote: وخفت لمباني المعتمدية قوة من الشرطة وأحاطت المقر بسياج أمني تحسبا لأي طارئ .. |
طيب والموردة احاطوها بشنو
هو البيقول راسو مووجعوه بيربطوا له كراعو؟؟؟
ودمتم
طلال فاروق محجوب
|
Post: #8
Title: Re: مظاهرات في الموردة تطالب بنقل مقر حركة مناوي من الحي ..
Author: محمد عادل
Date: 03-30-2007, 12:05 PM
Parent: #3
يجب اخراجهم من الحى السكنى فورا
اليوم قبل الغد
|
Post: #5
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 11:57 AM
Parent: #1
حليمة ..
Quote: Quote: مطاهرات
ناذر ما في طريقة تصلحها؟؟؟؟ |
يا زولة أهم حاجة الفهم وصل ..
طريقة تصليح ما في ليها تاني ..
|
Post: #6
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 12:00 PM
Parent: #1
أم رشيرش ..
Quote: لا تقل اهل المورده بل قل المورداب المستلبين ثقافيا.
|
ناس الموردة ديل ناس مساكين وعلى قدر حالم .. زي نوعية المصطلخات دي ما بيعرفوها وما بيهتموا بيها كتير عشان ما توزعي في الألقاب والمسميات ساكت ..
ديل طلعوا مظاهرات عشان خايفين على نفسهم وعوائلم من السلاح الجوة الحلة ..
شنو شبكتيهم مستلبين وبطيخ !!
|
Post: #7
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 12:01 PM
Parent: #1
طلال فاروق ..
Quote: هو البيقول راسو مووجعوه بيربطوا له كراعو؟؟؟
|
للأسف دا الحاصل ..
|
Post: #9
Title: Re: مطاهرات في الموردة تطالب بنقل مقر حركة مناوي من الحي ..
Author: خالد
Date: 03-30-2007, 12:05 PM
Parent: #7
يجيهم بالدابات!!
rit
|
Post: #11
Title: Re: مطاهرات في الموردة تطالب بنقل مقر حركة مناوي من الحي ..
Author: محمد عادل
Date: 03-30-2007, 12:23 PM
Parent: #9
ام درمان :اخبار اليوم
سير العشرات من سكان حي الموردة بام درمان امس مسيرة الى مكتب معتمد محلية أم درمان وعبروا للمعتمد عن احتجاجهم على السماح باعادة فتح دار حركة تحرير السودان برئاسةمني اركو مناوي القائمة بالحي.واستطلعت (أخباراليوم) بعض المواطنين من سكان حي الموردة وقد اكدوا احتجاجهم التام ضد اعادة فتح دار الحركة ، موضحين أنهم يعانون
من ممارسات تبدر من بعض الافراد الموجودين بالدار، وكشف عدد من السكان تجاور منازلهم المبنى مقر الدار عن قيامهم باستخراج شهادات بحث ونيتهم عرض بيوتهم للبيع والانتقال الى احياء اخرى.
وقال السيد علي ماهر احد مواطني حي الموردة لـ«اخبار اليوم» ان السكان التقوا بمعتمد محلية ام درمان الفاتح عز الدين وأبلغوه رفضهم اعادة فتح دار الحركة ، وأضاف ان المتظاهرين أوضحوا أنهم مع السلام لكن ممارسات تبدر عن منسوبي الحركة الموجودين في الدار جعلتهم لا يطيقون وجود هذه الدار وسط الحي.
وذكر السيد ماهر ان السيد المعتمد اوضح للمحتجين ان هناك قرارا سياسيا باعادة فتح دار الحركة ، مبيناً لهم ان ذلك سيتم بضوابط جديدة وانه سيتم توفير الأمن والحماية للسكان ، وأعلن عن انه عرض بيته للبيع واستخرج شهادة البحث لأجل ذلك وقال ان افراد الاسرة توزعوا على أقاربهم في الثورة وبحري.
من جانبه قال السيد يوسف عبودي سكرتير اللجنة الشعبية بالحي ان السكان يرفضون وجود دار الحركة بينهم لأسباب موضوعية ، وذكر ان بعض منسوبي الحركة في الدار يتسببون في ممارسات ترعب المواطنين حيث يشهرون السلاح لأبسط شئ عند المرور قرب الدار.
من جهتها قالت السيدة سعاد ماهر ربة منزل بحي الموردة ان سكان الحي يواجهون مشقة جراء وجود الدار في الحي تتمثل في اغلاق الطرق عند الاجتماعات التي تعقد بجانب إيقاف العربات وتحويل مسارها مع إشهار السلاح.
وقال الأستاذ ايهاب محمد خليل وهو محامي ان القانون يستوجب الاخلاء في حالة الازعاج المتكرر ناهيك عن حدوث تبادل اطلاق نار في بعض الأحيان.
|
Post: #12
Title: Re: مطاهرات في الموردة تطالب بنقل مقر حركة مناوي من الحي ..
Author: doma
Date: 03-30-2007, 12:38 PM
Parent: #11
| Quote: ركه البقت في حريات تسمح باعلان الجهويه بهذه الطريقه. |
تراجي يا بت امي انت كان بتفكري قبال تكتبي ما اخير؟؟
الناس ديل خايفين من تكرار الكارثه. قالوا رحلوا لينا الناس الشايلين البنادق ديل من هنا ؟ دي اسه جهويه ؟؟
الناس العندهم السلاح ديل مفروض الحكومه تسكنهم في قصر غردون ولا القياده العامه . ودا بيكون حفظ لارواح جماعه مناوي نفسهم .
|
Post: #13
Title: Re: مطاهرات في الموردة تطالب بنقل مقر حركة مناوي من الحي ..
Author: Mahir Ali Bob
Date: 03-30-2007, 01:06 PM
Parent: #1
Quote: جيد انهم يسمح للجماهير للتعبير عن ارائهم
فقط لن ننسى قتلهم لهم عندما اعترضوا على زيادة السكر.
بركه البقت في حريات تسمح باعلان الجهويه بهذه الطريقه.
ناس المورده ما اتظاهروا ضد الحكومه المسلحه 17 سنه وقاعده فوق انفاسمه بدبابه.
يبقى يستاهلوا ناس مناوي الدلخوا الخرطوم بكلاشنكوفات
لانه يبدو ان اهل الخرطوم يعرفون عشق واحترام من يجيهم بالدابات!!
تخريمه:
لا تقل اهل المورده بل قل المورداب المستلبين ثقافيا.
تراجي. |
دي مالها دي يا اخواننا؟؟
تخريمة:
قلنا المورداب المستلبين ثقافياً!!!
ورينا الإستلاب الثقافي عموما شنو؟ والإستلاب الثقافي الحصل للمورداب شنو؟ وعلاقة التخريمة بالموضوع شنو؟
ودمتم
طلال فاروق محجوب
|
Post: #14
Title: Re: مطاهرات في الموردة تطالب بنقل مقر حركة مناوي من الحي ..
Author: doma
Date: 03-30-2007, 01:45 PM
Parent: #13
Quote: قل المورداب المستلبين ثقافياً!!!
|
لوووول يمكن لانهم لا يفهمون في ثقافه البندقيه
يا زول اهي مصطلحات بشاشيه والسلام الزول يحشرها في اي مكان المهم يكون استلاب ما بركه الما بقوا متجولبين ثقافيا 
|
Post: #15
Title: Re: مطاهرات في الموردة تطالب بنقل مقر حركة مناوي من الحي ..
Author: الواثق الصادق
Date: 03-30-2007, 02:10 PM
Parent: #14
حبيبنا ناذر ..
عشان تكون موضوعي و مناضل و ما بوق للجبهة كان عليك الآتي :
- الإدانة الشاملة و الكاملة في بداية الخبر قبل نقله.
- الإشادة الكاملة بمجاهدات المناضل (التاريخي) مناوي.
- توضيح عدد و هويات (الجلابة) و (الأمنجية) الذين قادوا الاحتجاج.
كسرة : إنت المريخ دا تبع (أركو مناوي) و لا شنو ؟؟
المورداب ديل سمهم فاير الأيام دي و (مستلبين شديييييد)
|
Post: #16
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 02:12 PM
Parent: #1
يا ناذر حرااام عليك ياااخ
دي زفة المولد وانا كنت في الموردة امس لا مظاهرات ولا حاجة
خلي القال ليك الكلام ده يراجع معلوماته
تحياتي
منعم
|
Post: #18
Title: Re: مطاهرات في الموردة تطالب بنقل مقر حركة مناوي من الحي ..
Author: على محمد على بشير
Date: 03-30-2007, 02:19 PM
Parent: #16
| Quote: تظاهر أمس عدد من سكان حي الموردة بأمدرمان |
والله يا ناذر ناس المورده ديل بقوا مفترين خلاص
بالنهار يطردوا مناوى ويحاصروا المعتمديه
وبالليل يغلبوا المريخ
فى افتراء اكتر من كدا
شكيتكم لى الله يامورداب
النصيحه ليك يا الله البارح المورداب ساهروا بينا وخلوا نومنا خزاز
|
Post: #19
Title: Re: مطاهرات في الموردة تطالب بنقل مقر حركة مناوي من الحي ..
Author: الواثق الصادق
Date: 03-30-2007, 02:24 PM
Parent: #16
سلامة نظرك يا عبد المنعم...
| Quote: ام درمان :اخبار اليوم |
يعني الناس ما بتعرف تفرق بين المظاهرات و الزفة؟؟؟
|
Post: #17
Title: Re: مطاهرات في الموردة تطالب بنقل مقر حركة مناوي من الحي ..
Author: Mahir Ali Bob
Date: 03-30-2007, 02:17 PM
Parent: #1
ناس الموردة رجعوا ليهم حاجاتهم الإستلبوها منهم ولا لسة؟
ودمتم
طلال فاروق محجوب
|
Post: #20
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 02:30 PM
Parent: #1
Quote: سلامة نظرك يا عبد المنعم...
Quote: ام درمان :اخبار اليوم
يعني الناس ما بتعرف تفرق بين المظاهرات و الزفة؟؟ |
ما عشان اخبار اليوم دي واستطلاعاته انا سالت السؤال ده
انت يا واثق لو بتصدق لي استطلاعات اخبار اليوم احسن تستنا محمد حامد جمعة يمكن
يجي يقول ليك قائد المظاهرة منو وعددهم ويجيب ليك صور كمان ..
بعدين امس شارع المورده كان فيهو زفة المولد فعلا
وسلامه نظر احمد البلال يا واثق
|
Post: #21
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 02:46 PM
Parent: #20
عبد المنعم إنت بقيت أمنجي ولا شنو !!
يا خي الخبر منشور في كم جريدة الليلة ..
ولا ناس الموردة ما بتاعين تظاهرات ؟؟!
شنكل :
زفة المولد الليلة ما أمبارح !!
|
Post: #28
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 02:57 PM
Parent: #21
| Quote: عبد المنعم إنت بقيت أمنجي ولا شنو !! |
هسسسسع في ذمتك الامنجي اللي يجيب اخبار ال smc وللا البصححه
|
Post: #22
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 02:48 PM
Parent: #1
دوما ,,,
Quote: تراجي يا بت امي انت كان بتفكري قبال تكتبي ما اخير؟؟
|
وكان كتبت بعد ما تفكر أخير ليها برضو ..
|
Post: #23
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 02:50 PM
Parent: #1
طلال ..
Quote: دي مالها دي يا اخواننا؟؟
|
خليها .... من العليها ..
|
Post: #24
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 02:51 PM
Parent: #1
اها عشان نوريك انت ما متابع كويس للمولد
الموكب في ام درمان كان امس
يمكن ده مولدكم الفشنك بتاع السجانه داااك
___
بعدين طالما جيت انكلمك دي مذكرة عملتها اللجنة الشعبية بتاعة الحي
وانت عارف اللجنة الشعبية معناها شنو .. يعني الامن ذااااتو
وسلموها لعبدالقادر محمد زين وناس البلال وال smc حولوها وحوروها
وانت جيييت تووووش شايته هنا
قال مظاهرات قال
بالله يا ناذر الحكومة دي قاعد تخلي زول يتظاهر ؟
ديل موكب الصحفيين لاستهجان قتل محمد طه ضربوه
تحياتي
منعم
|
Post: #25
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 02:51 PM
Parent: #1
الواثق ...
Quote: حبيبنا ناذر ..
عشان تكون موضوعي و مناضل و ما بوق للجبهة كان عليك الآتي :
- الإدانة الشاملة و الكاملة في بداية الخبر قبل نقله.
- الإشادة الكاملة بمجاهدات المناضل (التاريخي) مناوي.
- توضيح عدد و هويات (الجلابة) و (الأمنجية) الذين قادوا الاحتجاج.
|
ادين شنو قصدك ؟!!
تحركات سكان الموردة ولا وجود المقر في الموردة ؟!!
|
Post: #26
Title: Re: مطاهرات في الموردة تطالب بنقل مقر حركة مناوي من الحي ..
Author: Mahir Ali Bob
Date: 03-30-2007, 02:52 PM
Parent: #1
| Quote: وكان كتبت بعد ما تفكر أخير ليها برضو .. |
وكان فكرت وما كتبت اخير لينا نحن
|
Post: #27
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 02:52 PM
Parent: #1
علي بشير ...
Quote: والله يا ناذر ناس المورده ديل بقوا مفترين خلاص
بالنهار يطردوا مناوى ويحاصروا المعتمديه
وبالليل يغلبوا المريخ
فى افتراء اكتر من كدا
|
أعملو حساب سوق السمك بعد دا !!
|
Post: #29
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 02:58 PM
Parent: #1
عبد المنعم ...
Quote: اها عشان نوريك انت ما متابع كويس للمولد
الموكب في ام درمان كان امس
يمكن ده مولدكم الفشنك بتاع السجانه داااك
|
أنا امدرمان دي ما عندي بيها قضية وما فاضي عشان أتابع أخبار زفة المولد بتاعتا ..
زفة السجانة الليلة بالتوقيت بتاع ناس ليبيا ..
Quote: وانت جيييت تووووش شايته هنا
|
طيب الكلام دا قولو للجرايد الكتبت الموضوع دا ..
أنا تووووش جيت شايتو هنا عشان انور الجماعة ..
وبعد ما يتنورو ممكن يتفرغو للتحليلات الخطيرة الزي الكتبتها دي :
Quote: دي مذكرة عملتها اللجنة الشعبية بتاعة الحي
وانت عارف اللجنة الشعبية معناها شنو .. يعني الامن ذااااتو
وسلموها لعبدالقادر محمد زين وناس البلال وال smc حولوها وحوروها
|
لكن أنا مهمتي إنتهت وماشي أحضر زفة المولد بتاعة الخرطوم بعد دا وإنتو حللو زي ما دايرين من وراي !!
|
Post: #30
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 03:00 PM
Parent: #1
!!!!!!!
| Quote: وكان فكرت وما كتبت اخير لينا نحن |
وكان كتبت وفكرت يا ها القيامة القامت !!
|
Post: #31
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 03:01 PM
Parent: #1
Quote: طيب الكلام دا قولو للجرايد الكتبت الموضوع دا ..
أنا تووووش جيت شايتو هنا عشان انور الجماعة |
طيب خلااس حولنا الكلام للجرايد اللي بتجيب الاخبار من ال smc
ويا جماعة ناذر نوركم وانا نورتكم وكلو زول يشرب ويقارن
اللهم صلي وسلم ع سيدنا محمد
وعيد مولد سعيد
|
Post: #32
Title: Re: مطاهرات في الموردة تطالب بنقل مقر حركة مناوي من الحي ..
Author: حسن الجيلى سعيد
Date: 03-30-2007, 03:02 PM
Parent: #1
والله ياناذر وعبدالمنعم لاوزتو بينا رسونا على بر
مولد
ولا
مظاهرة
|
Post: #33
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 03:05 PM
Parent: #1
!!!!!!!
| Quote: هسسسسع في ذمتك الامنجي اللي يجيب اخبار ال smc وللا البصححه |
البصححو طبعا ..
|
Post: #34
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 03:08 PM
Parent: #1
عبد المنعم ..
Quote:
اللهم صلي وسلم ع سيدنا محمد
وعيد مولد سعيد |
جمعا إنشاء الله !!
شنكل :
انا ماشي المولد .. ما دايرني أجيب ليك معاي حصان مولد أحمر صغير ملفوف بي قطيفة وردية ؟!!
|
Post: #41
Title: Re: مطاهرات في الموردة تطالب بنقل مقر حركة مناوي من الحي ..
Author: doma
Date: 03-30-2007, 03:32 PM
Parent: #34
جيب لي معاك حلاوه سمسميه ولكوم يا ناذر
|
Post: #35
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 03:09 PM
Parent: #1
حسن الجيلي ..
Quote: والله ياناذر وعبدالمنعم لاوزتو بينا رسونا على بر
مولد
ولا
مظاهرة |
مسيرة !!
|
Post: #36
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 03:11 PM
Parent: #1
خلاص موافق بشرط تخلي انت النقل من ال smc
والحصان ما بنابه الا الفيك اتعرفت
|
Post: #37
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 03:15 PM
Parent: #1
!!!!!!!
| Quote: والحصان ما بنابه الا الفيك اتعرفت |
يا زول قول بسم الله !! عرفت فيني شنو هسي ؟!!
خلاص الحصان خليتو عارفك داير شنو!!
أجيب ليك عروسة مولد حمرا ملفوفة في سكيرت وبلوزة ورديات ؟!
|
Post: #38
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 03:17 PM
Parent: #1
Quote: يا زول قول بسم الله !! عرفت فيني شنو هسي ؟!!
خلاص الحصان خليتو عارفك داير شنو!!
أجيب ليك عروسة مولد حمرا ملفوفة في سكيرت وبلوزة ورديات |
لا لا
جيب لي معااك البتااااع لو بتعزني وبتعز الرسول
|
Post: #39
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 03:18 PM
Parent: #1
محمد عادل ..
Quote: يجب اخراجهم من الحى السكنى فورا
اليوم قبل الغد |
متأكد من كلامك دا ؟!!
ما أظنك شاورت ناسك !!
كدي شاور وتعال عدل كلامك الفوق دا ..
|
Post: #59
Title: Re: مطاهرات في الموردة تطالب بنقل مقر حركة مناوي من الحي ..
Author: محمد عادل
Date: 03-31-2007, 00:47 AM
Parent: #39
ناذر ازيك
هذا راى الشخصى وليس راى الحزب ولكن ملتزم بقرار الحزب
انا لست هنا ناطق رسمى باسم الحزب هنا ياحبيب
|
Post: #40
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 03:24 PM
Parent: #1
محمد عادل ده يا ناذر جنوا اخبار اليوم قايله زي بتاعة مصر دييييك
هو زاااتو ما من المصلحة هسع نتكلم عن زولو مبارك الفاضل وما اولوية
بس يومو قررررب وخلي الليشد صلبوا كويس
|
Post: #60
Title: Re: مطاهرات في الموردة تطالب بنقل مقر حركة مناوي من الحي ..
Author: محمد عادل
Date: 03-31-2007, 00:56 AM
Parent: #40
Quote: محمد عادل ده يا ناذر جنوا اخبار اليوم قايله زي بتاعة مصر دييييك
هو زاااتو ما من المصلحة هسع نتكلم عن زولو مبارك الفاضل وما اولوية
بس يومو قررررب وخلي الليشد صلبوا كويس |
الحبيب عبدالمنعم
مالها اخبار اليوم فى نظرى اصدق صحيفة سياسية فى السودان ومحايدة
والله احسن من بتاعت مصر اية رايك يامنعم
ومالو مبارك ياعبدالمنعم
|
Post: #42
Title: Re: مطاهرات في الموردة تطالب بنقل مقر حركة مناوي من الحي ..
Author: عبد المنعم سليمان
Date: 03-30-2007, 03:35 PM
Parent: #1
| Quote: جيب لي معاك حلاوه سمسميه ولكوم يا ناذر |
البسمع الكلام ده يقول عندها ضروس
_________جهزي الطقم يا خالة__________________________
بهاااااذر
|
Post: #46
Title: Re: مظاهرات في الموردة تطالب بنقل مقر حركة مناوي من الحي ..
Author: Nazar Yousif
Date: 03-30-2007, 03:57 PM
Parent: #42
العزيز ناذر
حاملى السلاح مكانهم خارج الأحياء السكنية
بل حتى ثكنات الجيش السودانى يجب أن تكون خارج
المدن و الأحياء السكنية والخلل فى رأى فى سوء تطبيق
الاتفاقيات التى اتى بموجبها حاملى السلاح ولعلك تذكر
ما دار فى الكلاكلة نتيجة لاتفاقية السلام الموقعة فى الخرطوم.
ومع كل هذا لحركة مناوى الحق فتح مقر فى أى منطقة شريطة أن يكون
تحت حماية الشرطة اذا كانت هناك أصلا حوجة لحراسته.
|
Post: #48
Title: Re: مطاهرات في الموردة تطالب بنقل مقر حركة مناوي من الحي ..
Author: doma
Date: 03-30-2007, 04:01 PM
Parent: #42
Quote: لبسمع الكلام ده يقول عندها ضروس
_________جهزي الطقم يا خالة__________________________
|
لووووووول طيب اللكوم دي نحن طلبناها لي شنو 
|
Post: #43
Title: Re: مطاهرات في الموردة تطالب بنقل مقر حركة مناوي من الحي ..
Author: Bashasha
Date: 03-30-2007, 03:47 PM
Parent: #1
شخصيا مقتنع تماما انك امننجي ياناذر الخليفة.
كل عفن كلاب الامن فيك.
بحتار لو كنت فعلا جلابي او ما مستلب جلابة، كنت حتسووي شنو يا uncle Tom الجلابة؟
انت انسان تعاني من مركب النقص والكراهية المزمنة للذات ولاغير.
|
Post: #44
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 03:49 PM
Parent: #43
أها أب رشيرش جا ..!!
فتكم بي عافية ..
|
Post: #47
Title: Re: مطاهرات في الموردة تطالب بنقل مقر حركة مناوي من الحي ..
Author: على محمد على بشير
Date: 03-30-2007, 03:59 PM
Parent: #44
ياناذر
انتا بشاشا دا مالو معاك
شايفه دخل اداك فى التنك وشتت
شكلو كدا شايل منك ...... موش
|
Post: #45
Title: Re: مطاهرات في الموردة تطالب بنقل مقر حركة مناوي من الحي ..
Author: badr alkalika
Date: 03-30-2007, 03:53 PM
Parent: #1
ليهم حق يتظاهروا لامنهم
الموردة فيها كل الوان القبائل وهي ما نناديه بالوحدة الوطنية ... اطردوهم بار
|
Post: #50
Title: Re: مطاهرات في الموردة تطالب بنقل مقر حركة مناوي من الحي ..
Author: Mohamed E. Seliaman
Date: 03-30-2007, 04:07 PM
Parent: #45
Quote: انت انسان تعاني من مركب النقص والكراهية
المزمنة للذات ولاغير. |
رمتني بدائها وانسلت
لكن برضو ده حق بوستاتي التي
تعدمها يا ناذر يا وقد
__________
عندي بوست تاني اختفى تماما
|
Post: #54
Title: Re: مطاهرات في الموردة تطالب بنقل مقر حركة مناوي من الحي ..
Author: أحمد أمين
Date: 03-30-2007, 04:43 PM
Parent: #45
طبعا ده خبر على الصفحة الاولى بجريد الوطن الصادرة اليوم
الذى كتب رئيس تحريرها فى اليوم التالى للاحداث
"فاليذهبوا بعيد عنا بحربهم الى اماكنها البعيدة........."
بصفاقة من الطراز النادر
طيب نجى لموضوع الخبر:
كيف ومتى ومن اعطى هؤلاء تصريح بالتظاهر؟
كلنا نعرف إنه ناس الامن عندهم فرمالة لو ماعجبهم موضوع مظاهرتك بيقوليك (الظروف الامنية)
ولا بيهمهم دستور ولا مستور ولا حق حيوان ولا حق بهائم ظروف امنية وخلاص.
طبعا مافى اكتر ظروف امنية من التى تحيط بقوات منى.
لو خرجت مظاهرة موازية تطالب ببقاء مقر الحركة مالذى سوف يحدث لمنظميها؟
بعض السذج اصبحوا يصدقون ماتنسجه الدعاية المكثفة الاعلامية لحزب المؤتمر الوطنى فى الخرطوم
بل لو كان هناك احتجاج لسكان امدرمان عليهم ان يحتجوا على المدافع التى توجه الى صدورهم
كل يوم يعبرون الكبارى التى تربط بين امدرمان والخرطوم وبحرى
لو كان هناك خوفا من مسلحين بينهم فعليهم مطالبة نقل سكنات قوات المهندسين فى موقعها الحالى فى وسط المدينة
عليهم المطالبة بازالة محطات ضيط الامن الشامل التى بها سلاح ومسلحين فى وسط الاحياء
فلماذا تم تخصيص قوات منى فقط بهذا الطلب الذى فى الاحوال العادية فهو طلب مشروع؟؟؟؟؟
لكن يبدو أ، فئة قليلة تدفعها سذاجة سياسية، وقد وقعت فى مصيدة الخوف التى تنسجها الحكومة واجهزتها الامنية
اضف الى أن البعض اصبح لا يختشى فى اعلان عنصريته وللاسف يتبوبر بيها فى الصحف اليومية
وبمباركة من الحكومة البعض قد لا يعرف عاقبة سلوك مثل هذا الان لكنه خطير فى كل الاحوال؟
|
Post: #49
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 04:04 PM
Parent: #1
علي ...
Quote: انتا بشاشا دا مالو معاك
|
هو بيقول علي عب !!
يكون شاكي إني هربت من مزرعة العبيد بتاعت أهلو الفي دنقلا ديك ؟!!
|
Post: #51
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 04:08 PM
Parent: #1
الأخ نزار ..
Quote: ومع كل هذا لحركة مناوى الحق فتح مقر فى أى منطقة شريطة أن يكون
تحت حماية الشرطة اذا كانت هناك أصلا حوجة لحراسته. |
هذا هو الشي المفترض حدوثه .. ولكن عامل إنعدام الثقة بين الطرفين هو ما يجعل الفصائل الداخلة للعاصمة تأتي بكامل أسلحتها وعتادها مثلما حدث من قبل للفصائل الموقعة على إتفاقية الخرطوم للسلام حين اتت بكامل أسلحتها وعتادها ومارست ذات التجاوزات مع المواطنين ..
والأن التاريخ يكرر نفسه ..
|
Post: #53
Title: Re: مطاهرات في الموردة تطالب بنقل مقر حركة مناوي من الحي ..
Author: على محمد على بشير
Date: 03-30-2007, 04:12 PM
Parent: #51
| Quote: يكون شاكي إني هربت من مزرعة العبيد بتاعت أهلو الفي دنقلا ديك ؟!! |
الله يجازى محنك يا ناذر
|
Post: #52
Title: Re: مطاهرات في الموردة تطالب بنقل مقر حركة مناوي من الحي ..
Author: ناذر محمد الخليفة
Date: 03-30-2007, 04:10 PM
Parent: #1
الحبشي ..
| Quote: عندي بوست تاني اختفى تماما |
أوعى يكون الجديد الجبيل داك ؟!!
وأوعك تكون متهمني أنا المرة دي !!
|
Post: #55
Title: Re: مطاهرات في الموردة تطالب بنقل مقر حركة مناوي من الحي ..
Author: Ahmed Alrayah
Date: 03-30-2007, 04:50 PM
Parent: #1
| Quote: بحتار لو كنت فعلا جلابي او ما مستلب جلابة، كنت حتسووي شنو |
بشاشا هو الوحيد في المنبر الذي يصنف أعضاء المنبر إلى أولاد عرب
وأولاد غرب بمجرد النظر إلى صورهم!
هل ممكن نعتبر ده انعكاس لطريقة تفكير بشاشا؟
|
Post: #56
Title: Re: مطاهرات في الموردة تطالب بنقل مقر حركة مناوي من الحي ..
Author: الواثق الصادق
Date: 03-30-2007, 05:20 PM
Parent: #55
Quote: ادين شنو قصدك ؟!!
تحركات سكان الموردة ولا وجود المقر في الموردة ؟!! |
إذا خايف يقولوا أمنجي تدين تحرك ناس الموردة... و إذا ما خايف يقولوا (عب) تدين وجود قواته في الموردة و تلعن سنسفيل الدخلو القصر الجمهوري (ظاااااااااتو)..
| Quote: كل عفن كلاب الامن فيك |
الغريبة عفنك إنت يا بشاشا حتى الآن ما عارفنك بتجيبوا من وين؟ يكون بدأ منك و ينتهي إليك؟
| Quote: انت انسان تعاني من مركب النقص والكراهية المزمنة للذات ولاغير |
الود كما قال بحلل تحليل نفسي أها يا دكتور فيل
|
Post: #57
Title: Re: مطاهرات في الموردة تطالب بنقل مقر حركة مناوي من الحي ..
Author: محمد احمد سنهورى
Date: 03-30-2007, 07:25 PM
Parent: #1
ناذر ..
يطلعوا يمشوا وين من الموردة دى؟
والسمك والجداد المشتح فى فترينات الموردة دا البياكلو منو؟!!!
بعدين ديل ما بيطلعوا ، شوف عينى، محدش قالى، فريق الموردة لو ما (الفكى) القاعد فى بيت ناس مناوى دا ماكان غلبو المريخ !
تحياتى
سنهورى
كسرة:
انت الوداك امدرمان شنو ياناذر؟
|
Post: #58
Title: Re: مطاهرات في الموردة تطالب بنقل مقر حركة مناوي من الحي ..
Author: عبود احمد النصيح
Date: 03-30-2007, 07:44 PM
Parent: #1
مولد
ولا
مظاهرة
|
Post: #61
Title: Re: مطاهرات في الموردة تطالب بنقل مقر حركة مناوي من الحي ..
Author: ASAAD IBRAHIM
Date: 03-31-2007, 01:17 AM
Parent: #58
من حقهم
طالما هذه الحركة مسلحة وعناصرها غير منضبطين
لسكان الموردة الف حق في مطلبهم
ويجب علي المسؤولين التجاوب
|
Post: #62
Title: Re: مطاهرات في الموردة تطالب بنقل مقر حركة مناوي من الحي ..
Author: Abdelmuhsin Said
Date: 03-31-2007, 02:45 AM
Parent: #1
Quote: شخصيا مقتنع تماما انك امننجي ياناذر الخليفة.
كل عفن كلاب الامن فيك.
بحتار لو كنت فعلا جلابي او ما مستلب جلابة، كنت حتسووي شنو يا uncle Tom الجلابة؟
انت انسان تعاني من مركب النقص والكراهية المزمنة للذات ولاغير. |
الاخ الفاضل بشاشا
يا أخى الكلام الفوق ده هسع فى داعى ليو ,يعنى كل ما الناس تهاجم تراجى انت تجى جاري ومن حقك ترد بس الشتيمه نحن حقو نخليها بعيد , اذا حبيت طبعا . هل تفتكر انو ناذر أول وله آخر من يختلف مع تراجي مصطفي ؟
بالتأكيد لا ، فيوميا لتراجي مصطفي أفواج وأفواج من الأعداء في تزايد مستمر
What the definition for this word her
1-جلابي
2-مستلب جلابة
3-uncle Tom
|
Post: #63
Title: Re: مطاهرات في الموردة تطالب بنقل مقر حركة مناوي من الحي ..
Author: Abdelmuhsin Said
Date: 03-31-2007, 05:25 AM
Parent: #1
مافى مشكله يعنى ناس الامن كلهم كلاب
طيب كويس انت فسر ونحن ما بنقصر
وناس الامن ديل حاول خليهم فى حالهم
|
Post: #64
Title: Re: مطاهرات في الموردة تطالب بنقل مقر حركة مناوي من الحي ..
Author: hajhamad
Date: 03-31-2007, 06:24 AM
Parent: #63
ناذر ( صاحب المحن)
ياخي ناس الموردة ديل ناس حلوين و عايشين في أمان و حفاظا على الشي اللي بنوهو في سنين طويلة جدا ما عاوزين واحد يجي شايل كلاشنكوف و يعيش بينهم و يقلق منامهم.
الناس الحاولوا يسلوا عليك سكاكينهم لمجرد ايراد الخبر ، ليهم أغراضهم فلا تهتم لذلك بس كتر ليهم و لينا من محنك
تحياتي
|
|