يدكم معانا يا شباب .. مساعدة تقنية بسيطة ....

كل عام وانتم بخير ,,

من أول أمبارح الماسنجر معاي ما داير يدخل ولا حتى الهوت ميل ..

الماسنجر ما بيدي أي رسالة بس بعد ما (يلف شوية) بيقيف في حتتو !!

الهوت ميل ما بيدي أي أقوال بعد ما أدخل اليوزر نيم والباص ويرد ..

مسحت الماسنجر ونزلتو تاني وبرضو المشكلة مستمرة ..!!

أها يا شباب ..

ورونا نعمل شنو ؟!!!

ابو النيــــــــــــــذ ...
كل سنة وانت طيب ...وتتحقق امانيك كلّها ..

Quote: ورونا نعمل شنو ؟!!!

اعمل نايم ... وكمل عيدك وشوف البرامج شنو وسيبك من المسنجر والهوت ميل ..
وشوف ليك كم عبار شربوت يعدل مزاجكـ ومزاج اللحمة بتاعة الليله ..
وخت لى عبارين تلاتة لغاية ما اجى ...
وابقى عافية وعيدك سعيد ..
والسلام.

ملهم ...

كل عام وإنت بخير ..

Quote: اعمل نايم ... وكمل عيدك وشوف البرامج شنو وسيبك من المسنجر والهوت ميل ..

أنا حالتي قلت مهم صحبي دا أول زول حا يخش ويحل لي المشكلة ..
شنو شبكتني عبار وشربوت وبطيخ !!

بطيخ!! ... شكلك ما قصرت مع الشربوت وشايفه سرى فى مكامن التعبير ..
بعد ما اتفاعل مع المشاوى ...هنيا يا صحبى ...

Quote: أنا حالتي قلت مهم صحبي دا أول زول حا يخش ويحل لي المشكلة

ودى يحلوها ليك كيف هسا ...المسنجر وقلت شلعته ونزلته تانى معناها السيرفر بتاعهم شغال قرش ونص
بس ممكن يكون مزحوم زى ما بيحصل كتييير وما تقدر تسجل ...اها تانى تكون المشكله وين !!
اكان لقيتها ورينى ...وبرضو ما تسيب العبارات (العبابير) ..اختار واحد فيهم ..
ودم ...فى بهاء
والسلام.

ملهم ..

Quote: اكان لقيتها ورينى

سمح !!

ناذر

عيدية مباركة

هاك عيديتي

http://www.youtube.com/watch?v=rwOJoqgOU1U&mode=related&search=

http://www.youtube.com/watch?v=0ImwdN5O5ZY&mode=related&search=

http://www.youtube.com/watch?v=gMZVXk0ss1k&mode=related&search=

يا ناذر ياخي مالك ومال الهوتميل المرض دا , أمشي أعمل ليك واحد في ياهو أو GMAIL
وبتاع G MAIL دا ما بتعمل الا هنا وكمان بالتلفون المحلي وهو ممتاز جدا أطلقته شركة قوقل
أنا دلوقت حا أعمل ليك واحد فيهو وأرسل ليك اليوزر نيم والباسورد في المسنجر وانت ما عليك الا أن تغير الباسورد يا فرده وتستعملو بالهناء والشفاء.

صنفره:
أخوك جيعان ياخي ما تشوف لي لحمه وكدا ماشي أصلي العيد وما ظريفه أجي راجع أكل فول

ناذر ..عيد سعيد....

هل هنالك "Error Message" وما هو ?

كبداية حاول تنظيف ال Registry وال Windows باحد البرامج المتوفرة مجانل للغرض مثل Regcure:
http://fix-pc-errors.com/new.htm


اذا كنت تستعمل MSN 8 Live فاذهب الي هذا الرابط لتحل المشكلة :
http://service1.symantec.com/SUPPORT/ent-security.nsf/d...anager&ver=8.0&tpre=


اذا كنت تستعمل MSN 6 فارجو ترقيته الي Upgrade to 6.1


حاول الاستعانة بمنابر حوار خاصة بمستعملي الويندوز مثل:
http://www.experts-exchange.com/Operating_Systems/WinXP/Q_21810387.html
http://www.ceruleanstudios.com/forums/showthread.php?threadid=80421
http://www.annoyances.org/exec/forum/winme/1062615862
http://ask-leo.com/can_i_use_yahoo_or_msn_messenger_wit...hoo_or_msn_mail.html
http://news.com.com/MSN%20buys%20into%20Net%20calling%2...-1032_3-5844873.html
http://www.mess.be/msnmessengerfaq/idx/6/071/Contact_Li...ring_offline.html[/B]

حيدر كل عام وإنت بخير ...

Quote: ناذر عيدية مباركة هاك عيديتي

شكرا لعيدية الظريفة ..

شنكل :

بس عيديتك ما حلت لي مشكلتي مع الماسنجر ؟

معاوية ..

Quote: ناذر ياخي مالك ومال الهوتميل المرض دا , أمشي أعمل ليك واحد في ياهو أو GMAIL وبتاع G MAIL دا ما بتعمل الا هنا وكمان بالتلفون المحلي وهو ممتاز جدا أطلقته شركة قوقل أنا دلوقت حا أعمل ليك واحد فيهو وأرسل ليك اليوزر نيم والباسورد في المسنجر وانت ما عليك الا أن تغير الباسورد يا فرده وتستعملو بالهناء والشفاء.

مشكور على الباص ويرد واليوزر نيم يا معاوية ..
لكن إكتشفت لي مصيبة تانية ..

شلت اليوزر نيم والباص ويرد ومشيت أجربم وهناك قربت (أغمر) من المفاجأة !!

إكتشفت إنو الكمبيوتر بتاعي ما بيجيب قووقل ميل .. إتحيرت جريت علي ياهو برضو ما بيفتح !!!!

كل مواقع البريد دي مجرد ما اكتب عنوانا الصفحة بتديني زس بيج كان نوت بي ديسبليد !!

شنكل :

يعني الواحد يمشي مكتب بريد وبرق السجانة عشان (ينكُت) صندوق بريدو الزمان داك ولا شنو ؟!

أبو بكر كيفك ..

Quote: هل هنالك "Error Message" وما هو ?

ما في مسيج .. الماسنجر بيلف وبعد داك بيقيف براهو .. والغيميل بيقول لي الصفحة دي ما متوفرة !!

Quote: كبداية حاول تنظيف ال Registry وال Windows باحد البرامج المتوفرة مجانل للغرض مثل Regcure:

نظفتو بلبرنامج الأديتني ليهو مشكور لكن برضو الحال زي بعضو !!

الإقتراحات الأديتني ليها عملتها كلها ما نجحت !!

ناذر


طيب الحكاية دي معاها سخونية ?





عيدك ماله معطل


تحياتي



واسبه

واسبة

كل عام وإنت بخير ...

Quote: طيب الحكاية دي معاها سخونية ?

والله دي حالة غريبة وعيد غريب !!
عيد ضحية خروفك يشرد فيهو تقبضو يعمل ليك فيها ميت عشان ما تضبحو .. وقبل تضبحو يجيك خبر في وشك بإعدام صدام حسين وتاكل وإنت زهجان تترزع قدام الكمبيوتر تلقى روحك قاعد سليقة لا إيميل شغال لا (ماسنجر يبل الشوق) !!

دا عيد شنو دا بالله !!

يا معاوية ..

Quote: صنفره: أخوك جيعان ياخي ما تشوف لي لحمه وكدا ماشي أصلي العيد وما ظريفه أجي راجع أكل فول

بمناسبة صلاة العيد دي ..

البلد طبعا الليلة طاقيها صقط ما عادي درجة الحرارة الليلة ما أكتر من 9 درجات .. يرد ناشف خلاص أنا في يوم واحد بس كرعيني ويديني إتشققو !! مشيت الصلاة لقيت ليك الناس ديل قاعدين بيقولو (الله أكبر لا إله إلا الله الله اكبر ولله الحمد) بي طريقة غريبة خلاص !! زي الخواجات الدخلو الإسلام ولسانم لسع ما إتعلم على العربي .. عربي مكسر وحروف مبشتنة ودا كلو من الرجفيبة والصقط .. الجامع كلو بقى عامل زي صوت المطرة في الزنك من (إصطكاك) سنون المصلين مع بعض !

الإمام من البرد قرا ليهم سورة الأعلى والغاشية في ساعة ونص والناس دي ما سامعا الإمام بيقول في شنو ! همها كلو تتخارج البيت وتتدفى !! والله وما طالبني حليفة الإمام دا مجرد ما سلم الناس دي كلها قامت جارية على الابواب دايرة تتخارج إلا الإمام بالمكرفون ثبتم !!

الخطبة إختصرا أظن في دقيقة ونص ومافي زول جايب خير الإمام بيقول شنو !!

جيت البيت قدامي البرنامج البايخ بتاع الخروف (حضر الصينية) ، (الكرشة يدفقوها وين؟) وحاجات زي دي ..

صنفرة :

يا خي من شدة الصقط .. الخروف دا لمن إنضبح دمو طلع زي البطيخ المتلج .. (كُتل كُُتل) لمن جينا ندفنو ونقشو إلا حرقناهو بالنار أول حتين قدرنا نخارجو

ناذر كل عام وانتم بخير

حاول نزل الexplorer

من جديد

بس الexplorer

NAZIR
TRY TO RESTORE YOUR COMPUTER TO AN EARLIER TIME

Quote: الإقتراحات الأديتني ليها عملتها كلها ما نجحت !!

Quote: my msn does not work -------------------------------------------------------------------------------- Here are some suggestions you might want to check/try: 1. The date on your computer needs to be set properly -- double click the clock verify that the time and date are set. 2. If your password information is not saved, verify that you are typing it in with the correct case (uppercase or lowercase). 3. Change your password @ http://memberservicesnet.passport.co...erservice.srf, then try signing in again. 4. If you use a firewall (like ZoneAlarm, Norton Internet Security etc. ), it's possible that Messenger doesn't have the correct rights to access the Internet, especially since you upgraded. You may need to re/add Messenger to the allowed list of programs in your firewall if this is the case. 5. If you disabled your firewall in the past, it still may be blocking Messenger -- try restarting it and see if that helps the situation. You also might try uninstalling an installed firewall, to verify that it isn't causing a problem (even if it is disabled). 6. Clear your IE cache and cookies -- open Internet Explorer, click the Tools menu, then Internet Options, then click the Delete Files button, and when that's complete click the Delete Cookies button. 7. Check your IE Security settings -- open Internet Explorer, click the Tools menu, then Internet Options, then Advanced tab, scroll to the Security section, and verify that "Check for server certificate revocation" is unchecked. Also verify that 'Use SSL 2.0' and Use SSL 3.0' is checked, then click OK. 8. Click Start, then Run, and enter the following: regsvr32 softpub.dll then click OK

الاخ فيصل ..

Quote: ناذر كل عام وانتم بخير حاول نزل الexplorer من جديد بس الexplorer

الظاهر حا ألجأ للحل دا ..

مع إنو أي موقع شغال معاي إلا مواقع البريد بس الما شغالة !!

معاوية ..

Quote: TRY TO RESTORE YOUR COMPUTER TO AN EARLIER TIME

الغريبة في الموضوع إني عملت السستم ريستور من امبارح ومع إنو محددة التواريخ الممكن اعمل فيها الريستور .. لكن برضو بيقول لي الريستور ما إكتمل وما ممكن ..!!

الأخ أبو بكر ..

قريت إقتراحاتك لكن الموقع المفترض أغير منو الباصويرد أداني صفحة غير موجودة :

Quote: The page cannot be displayed

هل غيرت ال Router الذي تستعمله مؤخرا ?? اذا كان كذلك فاقرء في الكتيب الذي ياتي معه كيفية
ترقية ال Firmwireوافعل ذلك

كل عام وأنتم بخير

جرب اليوزرنيم التالي:

(بورداب الخرطوم)

و الباس وورد طبعا إنت أدرى...

هناية....

بالغت يا معلم وكمان شابكم نعمل رحلة ووردة وشنوا ما عارف

هناية تانية....

ما عارف ليه عندي إحساس إنك شايل الموضوع مجاملة. و مغطي لي واحد تاني

!!!!!!!

Quote: كل عام وأنتم بخير جرب اليوزرنيم التالي: (بورداب الخرطوم)

D::

الضحك كتلني في الصقط دا
إنت يا زول رباطابي ؟ D

الآن تأكدت من صدق إحساسي

بتاعة....
المجاملة بالطريقة دي بتودي التوج و على أحسن الفروض بتركب التونسية

محمد البشرى

Quote: الآن تأكدت من صدق إحساسي

صدق إحساسك بتاع شنو يا زول الإتأكدت منو ؟!!
وهل إنت متاكد وواثق في صدق إحساسك دا ولا تجيب لينا كوتات بتثبت كدة !!

شنكل :

بلا صدق إحساس بلا بطيخ معاك .. دايرين أدلة مكتوبة ومحسوسة

يا بوي براحة علي , الحكاية إحساس و أنا ما مطالب إني أثبتو صاح ولا غلط

الموضوع يا عزيزي إنو أنا قارئ مداوم لمواضيعك و مداخلاتك.
و ما قدرت أبلع إنو ناذر الوقف ألف أحمر في موضوع السرقات الصحفية و كان أحد من قادوا معركة الشفافية, يتداخل بإسم في موضوع كتبه بإسم تاني - حتى قبل أن يأتي من رفض الفكرة
ثم عندما إتضح رفض بعض الأعضاء واصل التداخل و التحدث عن الكاتب (بورداب الخرطوم) بضمير الغائب
ثم عندما أراد كشف الموضوع - أو الإعتذار - تم بإسلوب كوميدي مما أعطاني الإحساس إنوالإعتذار عن مالم يرتكب.
وحتى إستهلالك لبوست كشف الحقيقة "حفاظا على وحدة بورداب الخر....إلخ" أوحى لي بالتضحية اللتي تنوي القيام بها.
لا يا عزيزي....
ليس ناذر اللذي عرفت من قبل تشرفي بالعضوية و حتى الآن بالذي يأتي بمثل هذا الفعل ثم يظل يضحك ملئ شدقيه كل هذه الضحكات اللتي أوردتها

يا عمك...
لك العتبي إن بقينا غلطنا عليك.

بتاع حزين....
بصراحة كدا أنا التفسير دا مريحني , لأنوا بيحفظ عندي صورة ناذر بل يزيدها ألقا.

بتاع ساي....
شابك العالم جيبوا الإثبات ,جيبوا الكوتات,جيبوا اللينكات
مباراة الحبشي بتعمل أكتر من كدا.

محمد البشرى ..

Quote: بصراحة كدا أنا التفسير دا مريحني , لأنوا بيحفظ عندي صورة ناذر بل يزيدها ألقا.

تسلم كتير يا سيدي وإنشاء الله لا تشوف حزن لا غم ..

يا ناذر أنت كده ونحن كيف؟؟
لو راجعت بوست الذكريات تجدنى طلبت منك خدمة يا هندسة وهند
الحقيقة أنا رفعت كل الفصل الأول فوق . عشان يستطيع كل قاريئ المواصلة فى قراءة الفصل دون توقف ، لأن زى البوت بقى طويل ‘ يعن الواحد يقوم يدوس على الماوس ويجر المسطررة لفترة.للاسف الشديد الخط طلع رفيع جدا ، وقلت دا ربما أثر على مطالعت بعض كهول وشيوخ البورد. قمت بدأت تنزيل حلقات الفصل الثانى وهو فصل هام لكن بدلا من أن ينزل فى تسلسل مع الفصل الأول نزل فى آخر البوست يعنى ييحتاج القاريئ لتنزيل البوست كله مرورا بمداخلات كل الأصدقاء . يعنى لو تقوم تقدم خدمة صغيرة لعمل :
- تكبير بنط الفصل الأول وتعمل ليه حبة فنيات من ذوقك
- بعدين تقوم تشرح لى كيف أنزل حلقات الفصل الثانى فى تسلسل متواصل مع الفصل الاول