كنار تدشن خدمات الإنترنت اللاسلكي فائق السرعة ..

دشنت شركة كنار للاتصال أمس خدمة الانترنت اللاسلكي فائق السرعة للأفراد والشركات باستخدام احدث تقنيات الجيل الثالث ولأول مرة في السودان تحت اسم (Canar Go) وتعتبر خدمة كنار الجديدة بالسودان احدث ما توصل إليه العالم في تكنولوجيا الاتصالات وتمثل طفرة جديدة في هذا المجال.

وتعتمد خدمة كنار للانترنت فائق السرعة على التكنولوجيا اللاسلكية التي تدعم ما يسمى (EV -DO) (Evolution Data Optimized) الذي يسمح بدخول الانترنت من أي مكان لاسلكياً وبسرعة فائقة جداً تصل إلى2.4ميجابت مع إمكانية دعم خدمات بيانات الجيل الثالث للاتصالات.

حيث يتمكن مشتركو هذه الخدمة من عملاء كنار من الدخول للانترنت بسهولة وبسرعة فائقة دون التقيد بموقع محدد، حيث يمكنهم ومن خلال تركيب بطاقة الخدمة بالكمبيوتر المحمول من الدخول لشبكة الانترنت من أي مكان وفي أي وقت، من المنزل، الحديقة، المطار، المطعم، اثناء فترة التنزه أو من السيارة، كما تتيح السرعة العالية امكانية استفادة العملاء من مختلف خدمات الانترنت حسب اهتماماتهم مثل الحصول على البيانات وتحويلها بسرعة فائقة للمشاركة في الملفات ذات الحجم الكبير بسرعة عالية وباسعار تنافسية تبداأ من 6000دينار فقط شهرياً.

(نقلا عن صحيفة السوداني)

صنفرة :

Quote: وبسرعة فائقة جداً تصل إلى2.4ميجابت

من هسي ورونا .. السرعة دي SHARE ولا ما SHARE ؟؟

سلامات ناذر
خبر بمليون جنيه ... بس ورينا الاكيدة من اي زول جرب الخدمة... ناس سوداتل الا يبقوا الدي اس ال ببلاش بعد كده

كيفك يا عبدو ..

ما أعتقد إنو الخدمة إتطرحت للجمهور لأني ما شايف إعلانات في وسائل الإعلام وكدة ..

بس ما دايرين ننخدع زي ما إنخدعنا في خدمة الإنترنت بتاعتم الفاتت والكتبنا عنها في البوست دا :

شركة كنارتل تخدع مشتركيها وتبيعهم الوهم تحت إسم خدمة الإنترنيت

مع كامل إحترامي لسعي الشركة إدخال احدث تقنيات الإتصال في السودان ..

تعرف ... في دول في العالم ده نتها مجاني ... يعني بس تفتح لابتوبك ده في اي مكان فيهو شبكة وتدور ... ملح ساي ... متين باقي ليك حتبقي عندنا خدمة زي دي ...

بالمناسبة ... وللا صنفرة علي قولك : رسل لي علي مسنجري بتاع البورد الكود اللي بنلصق بيه صفحة موقع تاني في موضوع ...

ابو النيذ...
تحياتى...
وليك وحشه.. خبر جميل وطفره تقنيه...

Quote: من هسي ورونا .. السرعة دي SHARE ولا ما SHARE ؟؟

بس ما فهمت قصدك شنو بالسؤال؟؟
مبلغ علمى ان سرعات الاتصال للتقنيه دى مربوط بنوع الاتصال للمستخدم ووجوده ..القصد ان كنت ماشى برجلينك وشايل موبايل ولا راكب عربيه ولا الكمبيوتر فى شبكه فى محل مثلا...
تحياتى ودم فى سلام.

كيفك يا ملهم ..

راجع الرابط الأنا ختيتو عشان تفهم القصة ..

صراعنا الفات ع كنار تيل في خدمة الديل أب القدموها كان فيها كتير من الغموض وهم اقرو بي كدة خاصة في مسألة SHARE دي !!!

عبدو ..

Quote: تعرف ... في دول في العالم ده نتها مجاني ... يعني بس تفتح لابتوبك ده في اي مكان فيهو شبكة وتدور ... ملح ساي ... متين باقي ليك حتبقي عندنا خدمة زي دي ...

لمن نبقى من دول العالم ده !!

تحياتى ... ناذر
قريت الرابط الخاتيه وفهمت مخاوفك ...
التقنيه الجديده حسب فهمى ليها ما زكرته فى المداخله السابقه ..

EV-DO stands for Evolution Data Optimized (or Data Only). It is a third-generation Code Division Multiple Access (CDMA) cellular data protocol that can offer broadband wireless connectivity with speeds up to 2M bit/sec.

Using an EV-DO-capable phone or PC card and a laptop, users can connect to the Internet at reasonably high speeds from anywhere they can get a cell phone signal. When EV-DO service coverage is unavailable, the system falls back to the CDMA 1XRTT (Radio Transmission Technology), which features a maximum bandwidth capability of 144K bit/sec.

Even 1xRTT connections are often twice as fast as dial-up.

EV-DO connections deliver DSL speeds to mobile devices, and are available or becoming available in and around airports and business centers in most metropolitan areas.

وللتوضيح وتعميم الفهم
نقلا عن networkworld


واتمنى ان تكون خدمة كنار الجديدة بنفس معايير الخدمه العالميه ..
لكم تحياتى ..(التعديل للاضافة من نفس الموقع اعلاه شرح اوفى)
والسلام

ملهم ...

تسلك كتير على الشرح والتوضيح

Quote: واتمنى ان تكون خدمة كنار الجديدة بنفس معايير الخدمه العالميه ..

كلنا نتمنى كدة والله

تحياتي للولد صالح
وجماعتو الحلويييين شديييييييد

ناذر
سلام يا صديق

بعد غيبة طويلة
جينا تاني و جبنا سيرة البحر

Quote: من هسي ورونا .. السرعة دي SHARE ولا ما SHARE ؟؟

و الاجابة يا حبيب Shared 100%

شوف يا صديقي
بكل بساطة و بدون كلام كبار و مصطلحات
انت قلت كنار تدشن خدمات الإنترنت اللاسلكي
يله يا حبه أي شيء لاسلكي لازم يكون Shared لانه ما ممكن يدوك خط حقك برااااااااااك كده بدون سلك
أها السرعة بتكون ثابتة علي 2MB متين ؟؟ لما يكون عندك مستخدمين بالعدد المحدد لنقطة اتصالهم ..

بطريقة تانية
شبكة الموبايل كمثال
مرات بيكون الشبكة ( طاشة ) و ذلك نسبة لضغط المستخدمين عليها أو لوجود عدد اكبر من العدد اللي بتستحملو الشبكة و هنا بيحصل الطششان ..

يبقي كنار ما جابت شيء جديد من عندها في مسألة الــ Share دي
المفروض انو يكون في عدد من نقاط الاتصال و ما يكون عليو ضغط اكتر من اللازم عشان تصلك السرعة اللي بيتكلمو عنها ..

في شيء مهم كمان ... اذا كانت سرعة الشبكة 2.4 فانت مستحيل تصل للسرعة دي .. لانه في عوامل تانية بتستهلك منها ..

يعني الشرح اللي في البوست السابق ينطبق تماما هنا مع تغيير القيم ..

أتمني أكون قدرت أشرح المعلومة بصورة مبسطة

و كل سنة و انت طيب .

Quote: كنار تدشن خدمات الإنترنت اللاسلكي فائق السرعة ..

بختكم يا ناس السودان...

يعني تاني الواحد يكون مسافر الشمالية... وباللاب توب مواصل العالم...

هنيئاً لكم بالطفرة العالية في الإتصالات دي... وربنا يلحقنا إياكم...

مودتي... يا صديقي ناذر يا بشير الخير...


أبو الحســـــــــــــين..

شكرآ للاخ نازر وهذا النوع من الخدمة يسمى ويرلس Wireless وهو خدمة متطورة يمكن للمشتركين فيها اسخدام خدمات الانترنت أينما كانوا وفى اى مكان توجد فيه التقاط وتقطية من جانب الشركة وهو يعتمد على سرعة تسمى فى امريكا ال DSL وهو يفوق السرعة المعتادة حوالى 200 مرة.

سيف

أحمد عبد الله ..

Quote: تحياتي للولد صالح وجماعتو الحلويييين شديييييييد

والله الولد صالح رفع راسنا شديد هو وجماعتو الحلوين ..

نوبي ..

Quote: ناذر سلام يا صديق بعد غيبة طويلة جينا تاني و جبنا سيرة البحر

حمدااه على سلامة العودة .. وشكرا لسية البحر الجابتك ..

Quote: و الاجابة يا حبيب Shared 100%

بالضبط هي شير .. لكن بهذه السرعة الكبيرة فقطعا لن تؤثر كثيرا ..في مستخدمي الإنترنت بعكس خدمة الديل اب التي طرحتها سابقا وكانت 153 شير مع كمية ضخمة للمستخدمين مما نتج عنه بطء شديد لسرعة التصفح ..

Quote: يله يا حبه أي شيء لاسلكي لازم يكون Shared لانه ما ممكن يدوك خط حقك برااااااااااك كده بدون سلك أها السرعة بتكون ثابتة علي 2MB متين ؟؟ لما يكون عندك مستخدمين بالعدد المحدد لنقطة اتصالهم .. بطريقة تانية شبكة الموبايل كمثال مرات بيكون الشبكة ( طاشة ) و ذلك نسبة لضغط المستخدمين عليها أو لوجود عدد اكبر من العدد اللي بتستحملو الشبكة و هنا بيحصل الطششان .. يبقي كنار ما جابت شيء جديد من عندها في مسألة الــ Share دي

بالضبط .. فقد كنت في ضيافة أسرة كنار هذا الصباح بدعوة كريمة من أحد القائمين على أمرها ووقفت بنفسي على شروحات الأستاذ المحترم للخدمة المقترحة وقد سعدت جدا حقيقة أن يكون السودان من اوائل الدول في المنطقة التي تستخدم هذه الخدمة ، وهو جهد مقدر تشكر عليه الشركة ..

شكرا كتير ..

أبو الحسين ..

Quote: بختكم يا ناس السودان... يعني تاني الواحد يكون مسافر الشمالية... وباللاب توب مواصل العالم...

بالضبط يا حبيب .. يعني بعد دا وإنت كدة في نوري بتشتل في النخل ممكن أثناء الإستراحة تتكي في النجيلة قدام الجدول وتفتح اللاب توب وتخش المنبر وترسل (قواسيب) من البوستات لي أصحابك هنا وتشرح ليهم كيفية لم التمر وأسعار الكرتونة بتاعت البلح الرطب أو بلح (مكادة) من مناطق الإنتاج الإنت قاعد فيها وتعمل ليك صفقات سريعة من خلال النيت وأمكن تبيع المحصول كلو .. دا بيحصل وإنت منبطح قدام الجدول وبتكد ليك في دومة بس !!

بالضبط يا سيف ..

Quote: شكرآ للاخ نازر وهذا النوع من الخدمة يسمى ويرلس Wireless وهو خدمة متطورة يمكن للمشتركين فيها اسخدام خدمات الانترنت أينما كانوا وفى اى مكان توجد فيه التقاط وتقطية من جانب الشركة وهو يعتمد على سرعة تسمى فى امريكا ال DSL وهو يفوق السرعة المعتادة حوالى 200 مرة.

يعني بعد دا عادي أمشي السوق المركزي في الخرطوم وأكتب للسنجك أقول ليهو : والله العظيم صفيحة الطماطم أهي دي قدامي بي تمنية ألف جنيه بس .. ولو حكاها معاي بطلع الكاميرا الديجتال وأخلي بتاع الطماطم يتفاهم معاهو لايف عشان يقنعو !!

الزملاء الأعزاء ..

بدأت شركة كنارتل طرح خدمتها الجديدة لعملاءها بالسودان وهي خدمة الإنترنت اللاسلكي فائق السرعة من تكنلوجيا الجيل الثالث والتي تعرف بـ (EVOLUTION DATA OPTIMIZED) والتي تصل سرعتها حتى 2.4 ..

ويمثل ما هاجمنا الشركة بعنف خلال هذا العام عندما طرحت خدمة الإتصال بالإنترنت عبر هاتفها الثابت من واقع تجربة الكثيرين لهذا الهاتف والذين تداخلوا في ذلك البوست وأبدوا إستيائهم وإستنكارهم للخدمة ..

لا يسعني هنا إلا أن أنقل لكم تجربتي الشخصية مع خدمة الشركة الجديدة وسأنزل لكم بعد قليل صفحات من مواصفات الخدمة حصلت عليها من مقر الشركة ..

أنا الأن أستخدم خدمة الديسك توب والتي تقدمها الشركة لأول مرة في السودان والشرق الأوسط ، وحقيقة أذهلتني السرعة المذهلة 2.4 التي أتمتع بها الأن !! والتي لم أعتد عليها قبلاً ، وقد جربت تصفح وعمل داون لود و أب لود في عدد من المواقع ذات الثقل في عددية الزوار والمستخدمين والتي كنا نعاني في السابق ونخشى من إستخدامها بسبب ثقلها وبطء إستجابتها بالمقارنة مع ما كنا نمتلكه من بطء في تكنلوجيا الإتصال بالإنترنت هنا ، إلا أن في جميع تلكم المواقع أستطعت إستخدام ما تقدمه من خدمات بكل سهولة ويسر ..

قبل أن أواصل سأضع هنا صورة لمواصفات الخدمة وأسعارها كي يطلع عليها أخوتنا بالخارج :

للأسف الأوراق التي بحوزتي لا تظهر جيدا بعد عمل الإسكنر !!

الأخ ناذر ..سلام
مبروك عليكم التكنلوجا الجديدة
أسمح لى أحكي ليك عن مؤسسة الإمارات للإتصالات المالكة ل 40% من أسهم كنارتل

-تأسست عام 1976 يعنى خبرتها في المجال تزيد عن 30 سنة

-الثانية على المستوى الإقليمي في ترتيب شركات الإتصالات

-درجت على تقديم أحدث ما توصلت له تكنلوجيا الإتصال مما جعل الإمارات الأولى فى المنطقةمن ناحية حداثة الخدمات و جودتها

-تبلغ نسبة الإختراق في الموبايل - نسبة المشتركين إلى عدد السكان- 125% إحصاء أغسطس 2006 وهي النسبة الأولى عربيا و تنافس الدول الأوروبية

-نالت شركة موبايلي السعودية -المملوكة لإتصالات بنسبة 35%- المركز الأول في النمو إذ تجاوز
مشتركيها الخمسة ملايين في 3 أعوام من تأسيسها.

-تعتبر موبايلى الأولى في المنطقة في عدد مشتركي الموبايل الجيل الثالث - حوالي 400,000

و قد زود الطاقم الفني و الإدارى لكنار بخيرة كوادر المؤسسة بقيادة المهندس /علي بن جرش
نائب المدير الأسبق لفرع الساحل الشرقي و المدير العام السابق لفرع العين

ما أريد قوله أن إتصالات ترفع دائما شعار الجودة و رضا العميل في المقام الأول.

لذا توقع المزيد من المبادرات على هذه الشاكلة مع المحافظةعلى التميز و الجودة

مع الود و التهاني بالعيد و العام الجديد و كنار

والله خدمة ممتازة يا ناذر

بس المشكلة ال 600000 جنية




الله يدي كنار ويدينا كنار

انها ثورة الاتصالات

تحياتى يا ناذر

Only 2.4

الأخ محمد البشرى الخضر ..

Quote: -تأسست عام 1976 يعنى خبرتها في المجال تزيد عن 30 سنة -الثانية على المستوى الإقليمي في ترتيب شركات الإتصالات -درجت على تقديم أحدث ما توصلت له تكنلوجيا الإتصال مما جعل الإمارات الأولى فى المنطقةمن ناحية حداثة الخدمات و جودتها -تبلغ نسبة الإختراق في الموبايل - نسبة المشتركين إلى عدد السكان- 125% إحصاء أغسطس 2006 وهي النسبة الأولى عربيا و تنافس الدول الأوروبية -نالت شركة موبايلي السعودية -المملوكة لإتصالات بنسبة 35%- المركز الأول في النمو إذ تجاوز مشتركيها الخمسة ملايين في 3 أعوام من تأسيسها. -تعتبر موبايلى الأولى في المنطقة في عدد مشتركي الموبايل الجيل الثالث - حوالي 400,000

مشكور كتير على المعلومات المفيدة ..
ونتمنى ان تذدهر بلادنا حتى تنعم بالكثير والجديد في عالم الإتصالات لمواكبة من سبقونا في هذا المجال ..

عبد المنعم ..

صراحة فعلا المقدم كبير وقد يكون ما مناسب إطلاقا في هذه المرحلة خاصة وأن بلادنا لا تزال تعاني الامية الحاسوبية شبه الشاملة في مجال الكمبيوتر وتقنيات الإتصال ..

ولكني أثق تماما أن هذا المبلغ في سبيله للتخفيض وذلك بعد أن يعيد المسئولين في الشركة حساباتهم ودراسة حجم الطلب والعرض مع توقع منافسة شركات إتصال أخرى قد يكون لها ذات الخدمة وربما بإمتيازات ومميزات أفضل من هذه ..

وليد 500

Quote: انها ثورة الاتصالات تحياتى يا ناذر

بالضبط يا وليد ..

بدون نهضة قوية وحقيقية في مجال الإتصالات البلد ما حا تمشي لي قدام !!

ناذر الخليفه


باكر باكر فيها المناكر

ما تعمل لي الناس ديل دعاية مجاني بكرة يحصل شئ الناس كلها تقوم عليك

ثم ثانية يا اخي الاشتراك الشهري ب 60 يرو ليش في المانيا 20 يرو عندهم ثلاثة اضعاف الخدمة يعني ولا كيف

السهيلي سلامات وكل عام وإنت بخير ..

Quote: Only 2.4

إت إز مور زان إنوف زس تايم

كيفك يا ناذر

والله دى شكلها خدمة متطورة جدآ ما سمعتا بيها

عندنا هنا Cable والتلفون والخدمات ال Wireless محدودة بالموبايل
واللاب عبر إشتراكات محددة خلال MSN DSl ودى غالية شـديد محظورة
على كبار رجال الأعمال . وبتكون نت زى الموبايل .

يعنى كان كانت مطروحة على الجمهور فى السـودان دى طفرة غريبة .

ويا عبد امنعم

Quote: والله خدمة ممتازة يا ناذر بس المشكلة ال 600000 جنية

تعرف يا منعم الشغل ده شكلو كله Wireless
تجيب ليك Modem Wireless وتختف . بس الخمش
ما بكون من النت بكون من كمميمتر تانى.
يعنى تعمل ليك كشك جمب بيت كوز سـمين

وكل سـنة وإنتو طيبين

سيف مساعد ..

كل عام وإنت بخير ..

Quote: باكر باكر فيها المناكر ما تعمل لي الناس ديل دعاية مجاني بكرة يحصل شئ الناس كلها تقوم عليك

أنا كل البعماو إني بوضح للمغتربين والمهاجرين والناس البرة السودان مدى التقنية البيمتلكا السودان حاليا .. الدعاية ما للشركة .. للتقنية في حد نفسها ..

Quote: ثم ثانية يا اخي الاشتراك الشهري ب 60 يرو ليش في المانيا 20 يرو عندهم ثلاثة اضعاف الخدمة يعني ولا كيف

دا حسب فرق التوقيت بين السودان وألمانيا يا ود مساعد ..

شنكل :

ألمانيا فرقها كم من توقيت قرينتش ؟!!

عيدكم سعيد

بعيدا عن التوجهات السياسية اشير الي :

خدمة ال EV-DO or 1xEV-DO )EVDO) متطورة وسريعة واستعمالاتها في دول محدودة لا تتجاوز العشريين والشركة الشريك الفني لكنار هي اتصالات (الامارات) لا تستعمل التقنية في مناطق تحكمها ( الامارات والسعودية) مستفيدة من احتكار و قاعدة عملاء كبيرة وعدم منافسة ( ما زالت شركة دو التي تمثل اول شركات ما بعد قرار رفع الاحتكار في الامارات في طور التجهيز وهي تعتمد علي " اتصالات" من خلال اتفاقية وقعت قبل يوميين في تحديد مسارات ...الخ ) وبالتالي ورغم ريادة لكل تقنيات الاتصال تجدها في الامارات وامكانات مادية مهولة تجعلها ثاني اغني الشركات العربية بعد سابك السعودية الا ان هذه التقنية لم تستعمل بعدفي الامارات ( في اعلي قائمة الدول التي يتمتع فيها الفرد باعلي دخل في العالم ) .. وما حدث في السودان هو نتاج لمنافسة شديدة -بلغت العشوائية-بين شركات الاتصالات في الاونة الاخيرة مما جعل كل شركة تحاول جاهدة استقطاب اكبر عدد من العملاء وبقرارات سريعة كرد فعل (Reactionary)وليس كجدوي اقتصادية والمستفيد حتما هو الزبون القادر واصحاب الشركات الذين يريدون جمعا سريعا للمال وفي اقرب فرصة زمنية ... مثل هذه التقنية متاحة لمن يريدها ولا تستوجب بنية تحتية تاخذ وقتا انما الامر في جدواها الاقتصادية مستقبلا في حالة ان قامت الشركات المنافسة بادخالها قيد التنفيذ او تدني عدد المشتركيين لاسباب اقتصادية او صراع يتجاوز الامور التجارية بين اصحاب هذه الشركات وسبق ان عانت البلاد من خلافات في سوداتيل وموبيتل...
اما اللحظة فهي تبقي في صالح الزبون كما ذكرت ( وليس كل ما هو في صالح الزبون يعني في صالح الاقتصاد العام والعكس كذلك )...
حاشية: للتذكيير : ارجو ان انوه الي ان الصومال فيها من تقنيات الاتصال اللاسلكي المتطور الكثير

رأفت كيفك ...

Quote: عندنا هنا Cable والتلفون والخدمات ال Wireless محدودة بالموبايل واللاب عبر إشتراكات محددة خلال MSN DSl ودى غالية شـديد محظورة على كبار رجال الأعمال . وبتكون نت زى الموبايل .

متذكر لمن جورج قرداحي سأل في برنامجو بتاع من سيربح المليون عن أكتر دولة متطورة من ناحية الإتصالات في الشرق الأوسط ووضع خيارات من ضمنها السودان وما في واحد عرف الإجابة ؟

أها الإجابة حا تعرفا من مداخلة أبوبكر التحت دي :

Quote: خدمة ال EV-DO or 1xEV-DO )EVDO) متطورة وسريعة واستعمالاتها في دول محدودة لا تتجاوز العشريين والشركة الشريك الفني لكنار هي اتصالات (الامارات) لا تستعمل التقنية في مناطق تحكمها ( الامارات والسعودية) مستفيدة من احتكار و قاعدة عملاء كبيرة وعدم منافسة ( ما زالت شركة دو التي تمثل اول شركات ما بعد قرار رفع الاحتكار في الامارات في طور التجهيز وهي تعتمد علي " اتصالات" من خلال اتفاقية وقعت قبل يوميين في تحديد مسارات ...الخ ) وبالتالي ورغم ريادة لكل تقنيات الاتصال تجدها في الامارات وامكانات مادية مهولة تجعلها ثاني اغني الشركات العربية بعد سابك السعودية الا ان هذه التقنية لم تستعمل بعدفي الامارات ( في اعلي قائمة الدول التي يتمتع فيها الفرد باعلي دخل في العالم ) .. وما حدث في السودان هو نتاج لمنافسة شديدة -بلغت العشوائية-بين شركات الاتصالات في الاونة الاخيرة مما جعل كل شركة تحاول جاهدة استقطاب اكبر عدد من العملاء وبقرارات سريعة كرد فعل (Reactionary)وليس كجدوي اقتصادية والمستفيد حتما هو الزبون القادر واصحاب الشركات الذين يريدون جمعا سريعا للمال وفي اقرب فرصة زمنية ... مثل هذه التقنية متاحة لمن يريدها ولا تستوجب بنية تحتية تاخذ وقتا انما الامر في جدواها الاقتصادية مستقبلا في حالة ان قامت الشركات المنافسة بادخالها قيد التنفيذ او تدني عدد المشتركيين لاسباب اقتصادية او صراع يتجاوز الامور التجارية بين اصحاب هذه الشركات وسبق ان عانت البلاد من خلافات في سوداتيل وموبيتل... اما اللحظة فهي تبقي في صالح الزبون كما ذكرت ( وليس كل ما هو في صالح الزبون يعني في صالح الاقتصاد العام والعكس كذلك ).

شكرا يا أبو بكر ..

سؤال للتقنيين :

هل تسبب خدمة الإنترنت اللاسلكي ذات التقنية التي شرحتها اعلاه على الإتصال بمواقع البريد الإلكتروني مثل الياهو والهوت ميل والماسنجر ؟؟

هل يمكن أن يحدث ذلك ؟

إن كان الرد بالإيجاب أرجو ان يتكرم لي أحدكم بالشرح ..

يا ناذر .. التقنية هي لكل استعمال الانترنت .. وكما ذكرت لك في مداخلة اخري ربما المشكلة في جهاز ال router وهو الذي يستقبل الاشارة اللاسلكية ..هذا الجهاز ياتي معه - دائما- نشرة تعريفية تبين how to configure وفي الغالب المطلوب الدخول الي موقع معينIP Address تجد عنوانه المكون من اربع مجموعات من الارقام مثلا 192.168.1.1 وتدخلة كما تدخل عنوان اي رابط او موقع فتاتيك شاشة ربما تطلب اسم وباسورد وفي الغالب تدخل Admin للاثنتين فتاتيك شاشة تشكيل البرنامج ... المعروف ان الجهة التي تقدم الخدمات لها تشكيلات معينة configuration تختلف من شركة الا اخري والا فتستعمل التشكيل الاساسي Default Configuarion سؤالك هذا يستوجب توجبهه الي كنار ...للتاكد من انه ال router استعمل النظام السابق الذي كنت تتصل به بالانترنت فالم تواجهك عقبة في استعمالات البريد ..الخ فهذا تاكيد لشكوكي وهنا لازم تتصل بكنار

أبو بكر ..

شكوكك قد تكون في محلها لي سبب واحد ..

فصلت جهاز كنار ووصلت الدي إس إل وكلو شي إشتغل تمام بالنسبة للبريد والماسنجر ..
لمن وصلت خدمة كنار تاني الماسنجر ولا البريد ما إشتغلو ..

الغريبة إنو بعد الساعة إتناشر بالليل وحتى التاسعة أو العاشرة صباحا جهاز كنار بيقدر يتصل بالبريد والماسنجر وممكن يستمر فترة أطول لكن مجرد ما أقفل نافذة البريد أو الماسنجر ما بقدر أخش تاني رغم إنو كل المواقع شغالة تمام التمام !!

Quote: شكوكك قد تكون في محلها لي سبب واحد ..

اذن واجب ان تتصل بكنار ؟؟ اما اذا وجدت في ال manual ما يعينك لتجديد ال Firmwire فافعل .ولو اني افضل ان يقوم بذلك مهنسي كنار..

مشكلة مثل هذه التقنية التي تستعمل في نطاق محدود - اقل من عشرين دولة- ان خبرة استعمالاتها محدودة ويبدو ان كنار في مراحل تجريب للخدمة فالمنافسة العشوائية فرضت عليهم اتيان بخدمة جديدة واطلاقها فورا ...
اتصل بهم واترك الامر لمهندسيهم

!!

Quote: اذن واجب ان تتصل بكنار

الجماعة مابيردو يكونو لسع معيدين !!

Quote: اما اذا وجدت في ال manual ما يعينك لتجديد ال Firmwire فافعل

احسن طبعا يجو ناس مهندسين كنار عشان يفهمو الحاصل على الطبيعة !!

Quote: ويبدو ان كنار في مراحل تجريب للخدمة فالمنافسة العشوائية فرضت عليهم اتيان بخدمة جديدة واطلاقها فورا ...

بالضبط هي مرحلة تجريب للخدمة لأنو حتى الان الخدمة دي نطاق التغطية بتاعا محدود جدا .. كل أمدرمان ما فيها الخدمة دي حاليا بالإضافة لي أجزاء واسعة من الخرطوم والخرطوم بحري ..

ناذر وضيوفه..تحياتى العطره...وكل عام وأنتم بخير..
سؤال فنى: هل الدخول باى جهاز أم باللابتوب فقط...الرجاء إفادتنا...
...
ناذر: كنار الآن شغاله بصوره ممتازه والسرعه محترمه جدا...ودى شهاده منى لأنى زول ما بعجبنى (العجب) بسهوله...!

مكي سلامات ..

Quote: سؤال فنى: هل الدخول باى جهاز أم باللابتوب فقط...الرجاء إفادتنا...

بي جهاز الكمبيوتر الشخصي ممكن زي الخاتي أنا صورتو فوق داك .. وممكن برضو بي لاب توب بي كرت وهوائي أصغر بينزل محل كرت الشبكة في اللاب توب ..

أنا برضو ما بيعجبني العجب ولا الصيام في رجب عشان كدة انا حاليا متاكد إنو الخدمة الجديدة شغالة عال العال بس إذا إستثنينا صعوبة الوصول لعناوين البريد والماسنجرات ..

**

3G Network Launched in Sudan

*