Post: #1
Title: مطلوب اسعار يا ناذر
Author: محمد عمر الفكي
Date: 11-29-2006, 03:37 AM
ناذر لقيت في بوست انك شغال في مواد البناء وما شابه
عندي ليك عرض شغل كويس
اديني الاسعار للاتي
1/ لوري طوب
2/ طن اسمنت
3/ قلاب خرصانة
4/ اسعار السيخ 6 لينيا
بتكلم معاك جادي لانه عندي شغل في يدي
للباقيين المهتمين
نقبل باقل سعر معروض
|
Post: #2
Title: Re: مطلوب اسعار يا ناذر
Author: ناذر محمد الخليفة
Date: 11-29-2006, 07:53 AM
Parent: #1
والله يا ود الفكي ..
بوستك دا أداني فكرة حلوة خلاص ..
انا صراحة مما بقيت عضو في البورد دا ما إستفدت منو حاجة .. غير الزهج وإرتفاع الضغط من متابعة بوستات الجماعة الطيبين ديلك والمشاكل الزول الـ لا إيدو لا كراعو فيها ، عشان كدة فرصة أقوم أمارس نوع من التجارة الالكترونية من خلال البوست دا .. أهو أفيد وأستفيد ..
أما عن طلباتك فكلها جاهزة ..
لوري الطوب يا سيدي بي سعر الليلة بيكلفك 400،000 جنيه عبارة عن تلاتة ألف وخمسمية طوبة بي سعر الإنزال بتاعا لكن دا غير الترحيل اللي هو بيعتمد على مكان الموقع الداير تنزلو فيهو ..
عندك تلاتة انواع من الإسمنت في السوق وهي كالأتي :
طن إسمنت عطبرة سعرو 500،000 جنيه
طن إسمنت سي بلك سعرو 480،000 جنية
طن إسمنت قنا (مصري) سعرو 475،000 جنيه
قلاب خرصانة صغير ستة متر سعرو 220،000 جنيه
| Quote: 4/ اسعار السيخ 6 لينيا |
إنت سيخ ستة لينية داير تبني بيهو كوبري ولا شنو ؟!!
للتسليح العادي وللعمارات تلاتة أو أربعة أدوار لحدي خمسة لينية كفاك ..
المحلي سعر الطن 1،500،000 جنيه
المستورد (أوكراني) سعر الطن 2،200،000 جنيه
ما سألتني عن سعر الرملة ؟؟ إنت داير تخلط المواد دي بي دقيق فينو ؟!!
قلاب الرملة ستة متر سعرو 100،000 جنيه
صنفرة :
لو داير ليك لوري بتاع طماطم أنا مستعد اطلعو ليك بي سعر رخيص وارخص من سعر السنجك العارضو بي هناك !!
|
Post: #3
Title: Re: مطلوب اسعار يا ناذر
Author: عبد المنعم سليمان
Date: 11-29-2006, 08:12 AM
Parent: #2
ناذر
ازييك وكيف الحال .. ليك غيبه وغيبة !!
انا والله اول مره اقرا اللائحه دي ولا شفت محلها وين قبال دا ..
بس بقرا في البوستات الناس بتكتب اللائحة التي ارتضيناها جميعا ..
اها يا اخوي طالما الناس ارتضوها لي معاهم ما قصروا الا انا ما راضي
في البزنس ال بتعمل فيه مع السمسار التاني دا ود الفكي :
| Quote: يمنع الدعاية التجارية دون أذن مسبق أو الاتفاق مع إعلانات سودانيزاونلاين |
انت عامل دعاية اسمنت يا باصح ..
سها يخدل طولي يقصد لكامي ويلمع كيل شمكله مع كبري ..
كسره : الانقاذ لما سقطت همشكوريب في يد الحركه الشعبية كان عامله كشة
لستات الشاي في كسلا ..
ست الشاي قالت ليهم : قادر الله تخافوا من همشكوريب وتتراجلو في الرواكيب!!
مودتي
منعم
|
Post: #4
Title: Re: مطلوب اسعار يا ناذر
Author: عبد المنعم سليمان
Date: 11-29-2006, 08:21 AM
Parent: #3
| Quote: لوري الطوب يا سيدي بي سعر الليلة بيكلفك 400،000 جنيه عبارة عن تلاتة ألف وخمسمية طوبة بي سعر الإنزال بتاعا لكن دا غير الترحيل اللي هو بيعتمد على مكان الموقع الداير تنزلو فيهو .. |
لا حول ولا قوة الا بالله يا ناذر
1000 الطوبة من الجريف لمحلكم بجي 50000جنيه
يا ناذر بطريقتك دي بتقتل ليك مغترب !!
مفروض ود الفكي يشتكيك لطوب الارض ..
والله يا ناذر المنبر بقا ماسخ والاحداث حزينه اها بالمره قنا نسمسر
منعم
|
Post: #5
Title: Re: مطلوب اسعار يا ناذر
Author: محمد عمر الفكي
Date: 11-29-2006, 08:28 AM
Parent: #4
شوف يا ناذر
راسلني علي بريدي ونقص لي اسعارك دي لانه الشغل طابقين وشوف حيكلفوا كم، عشان اخلي اديك تلفون المهندس تتفاهم معاه.
طبعا انت زول سوق وعارف انه انا حا امش اسال في السوق وبكره ان الله حيانا بديك الاكيدة.
منعم
انت اطلع منهامالك ومال ناذر والطوب شايفك بتحرش بكري عليهو، وانت يا ناذر الشغل لو تم منعم ما تنساه عشان ما يشتغل معاك بنظيرة
يا فيها يا اطفيها
|
Post: #6
Title: Re: مطلوب اسعار يا ناذر
Author: محمد عمر الفكي
Date: 11-29-2006, 08:29 AM
Parent: #4
شوف يا ناذر
راسلني علي بريدي ونقص لي اسعارك دي لانه الشغل طابقين وشوف حيكلفوا كم، عشان اخلي اديك تلفون المهندس تتفاهم معاه.
طبعا انت زول سوق وعارف انه انا حا امش اسال في السوق وبكره ان الله حيانا بديك الاكيدة.
منعم
انت اطلع منهامالك ومال ناذر والطوب شايفك بتحرش بكري عليهو، وانت يا ناذر الشغل لو تم منعم ما تنساه عشان ما يشتغل معاك بنظرية
يا فيها يا اطفيها
|
Post: #7
Title: Re: مطلوب اسعار يا ناذر
Author: abuguta
Date: 11-29-2006, 08:41 AM
Parent: #4
ناذر
والله انت مثقف..
وكمان عالمى...
ياخوى عاوزك تشوف لى مقاول....يعمل لينا زلط..لمسافة قدرها 26 كيلو....
يعنى من ابقوتة الى زلط كويستى...وانا بححدد ليكم نقاط المرور...
ويديك الفاتورة المبدئية..لان فى شيخ كبيييييييييييير شغالين معاه حلم فى المنام
فى المنام انا نزلت اجازة ..وركبت لى لورى ..وغطس بى فى الطيييين...اها قال ود
ربنا سخر ليه المال...كيف واحد من راعياه ما يمهد ليه الطريق...
* بعينك مهندس مراقب للمشروع...بس اختى لى زفت ناس الجاز..لانه مغشوش
شكرا صاحب البوست....لاكتشاف هذه الابداع الناذرى
|
Post: #8
Title: Re: مطلوب اسعار يا ناذر
Author: ناذر محمد الخليفة
Date: 11-29-2006, 09:21 AM
Parent: #1
عبد المنعم ..
ويمك يا زول مشتاقين ليك !!
حصل شنو في موضوع البتاع داك ؟!!!
Quote: انت عامل دعاية اسمنت يا باصح ..
سها يخدل طولي يقصد لكامي ويلمع كيل شمكله مع كبري ..
|
دعاية شنو ياخ !! دي إسمها ترويج للمخزون العندي 
جاهزين لل شلكة فيما يخص الجماعة اللابتين لي بكري بالشكية
Quote: ست الشاي قالت ليهم : قادر الله تخافوا من همشكوريب وتتراجلو في الرواكيب!!
|
مبالغة والله
Quote: 1000 الطوبة من الجريف لمحلكم بجي 50000جنيه
|
عبد المنعم مالك داير تطرشق لي البيعة ياخ !!
ألف بي خمسين ألف يعني تلاتة ألف بي مية خمسة وسبعين ألف دا دا حااار من الكمينة ..
يلا احسب معاي حق الترحي والعمال والرفع والنزول بتاع الطوب والبنزين والإيصالات البيقطعا السواق !!
بعدين معلوماتك ضعيفة لأنو انا متاكد غنو تكلفة اللوري من محلو أكتر من تلتمية وسبعين ألف !
اوعك تقول لي المعلومات دي جبتها من الجريدة زي ما عمل صحبك السنجك !!
Quote: والله يا ناذر المنبر بقا ماسخ والاحداث حزينه اها بالمره قنا نسمسر
|
وما تلقى حتة تسمسر فيها إلا في سوقي مع ود الفكي !!!
|
Post: #9
Title: Re: مطلوب اسعار يا ناذر
Author: ناذر محمد الخليفة
Date: 11-29-2006, 09:26 AM
Parent: #1
ود الفكي ..
Quote: راسلني علي بريدي ونقص لي اسعارك دي لانه الشغل طابقين وشوف حيكلفوا كم، عشان اخلي اديك تلفون المهندس تتفاهم معاه.
|
أفهم من كدة العطاء خلاص رسا علي !!!
بعدين حكاية الأسعار دي .. زي ما قلت ليك دا سعر الليلة لا زدت فيهو لا نقصت لكن الاسعار ما ثابتة بالذات سعر الإسمنت والسيخ عشان مرتبطة بالسوق العالمي وسعر الدولار ..
Quote: طبعا انت زول سوق وعارف انه انا حا امش اسال في السوق وبكره ان الله حيانا بديك الاكيدة.
|
من هسي بدينا في عدم الثقة ؟!!!
|
Post: #10
Title: Re: مطلوب اسعار يا ناذر
Author: ناذر محمد الخليفة
Date: 11-29-2006, 09:27 AM
Parent: #1
ابو قوتة ..
Quote: ياخوى عاوزك تشوف لى مقاول....يعمل لينا زلط..لمسافة قدرها 26 كيلو....
يعنى من ابقوتة الى زلط كويستى...وانا بححدد ليكم نقاط المرور...
ويديك الفاتورة المبدئية..لان فى شيخ كبيييييييييييير شغالين معاه حلم فى المنام
فى المنام انا نزلت اجازة ..وركبت لى لورى ..وغطس بى فى الطيييين... |
شوارع الزلط دي أنا ما عندي بيها شغلة ..
مالك داير تجيب لي مشاكل مع إسماعيل المتعافي !!
|
Post: #11
Title: Re: مطلوب اسعار يا ناذر
Author: السنجك
Date: 11-29-2006, 10:24 AM
Parent: #10
طلاق تلاته وكمان حرام وقسم مغلظ بيعه ماتتم لو حقنا ماطلع الحكايه بدات طماطم ووصلت شوارع ظلط ؟؟!! دى لبعه كبيره وبقت فيها بيوت طابقين !!!والزباين لسع جايين وبختك ياناذر
السنجك
|
Post: #12
Title: Re: مطلوب اسعار يا ناذر
Author: ناذر محمد الخليفة
Date: 11-29-2006, 12:04 PM
Parent: #1
!!!!!!
Quote: طلاق تلاته وكمان حرام وقسم مغلظ بيعه ماتتم لو حقنا ماطلع الحكايه بدات طماطم ووصلت شوارع ظلط ؟؟!! دى لبعه كبيره وبقت فيها بيوت طابقين !!!والزباين لسع جايين وبختك ياناذر
|
الله يديك العافية يا السنجك 
والله ضحكت زي الما نصيح لمن قريت كلامك وإتخيلت منظرك ..
خليك مع بوسطك داك لأنو الشتاء قرب يخلص والطماطم سعرها حا يرتفع أكان ربنا يرزقك بي بيعة سريعة من واحد داقس
شنكل :
بلا طماطم بلا يطيخ معاك
|
Post: #13
Title: Re: مطلوب اسعار يا ناذر
Author: Moawia Mohammed
Date: 11-29-2006, 01:42 PM
Parent: #1
Quote: ناذر لقيت في بوست انك شغال في مواد البناء وما شابه
عندي ليك عرض شغل كويس
اديني الاسعار للاتي
|
1/لوري رقيطه
2/شوال زبالة حمير(الله يكرمك)
3/شوال صمغ هشاب أصلي
4/ عمال مهره
أنا ناوي أنزل السودان السنه دي للزواج وعايز أجلط البيوت بره وجوه وأخليهن يرقشن وبرضك تأمين ضد الخريف.
ناذر يا صديقي أنا جادي جدا ولو ما بتشتغل في النوع دا من مواد البنا عليك الله أسعل لي أو شوف لي زول بتعرفوا عشان نرسي عليهو العطاء وحقك بره يا فرده.
صنفرة: حأرسل ليك كراسة المواصفات في الايميل وأنا غير ملزم بقبول أعلي أو أقل عرض.
|
Post: #14
Title: Re: مطلوب اسعار يا ناذر
Author: عبد المنعم سليمان
Date: 11-29-2006, 04:14 PM
Parent: #13
Quote: وانت يا ناذر الشغل لو تم منعم ما تنساه عشان ما يشتغل معاك بنظرية
يا فيها يا اطفيها |
شكرا يا ود الفكي
قبلنا التسوية يا ناذر
منعم
|
Post: #15
Title: Re: مطلوب اسعار يا ناذر
Author: Sayed Bekab
Date: 11-29-2006, 10:08 PM
Parent: #1
يا ناذر طن السيخ الاوكراني فيهو كم سيخه؟
عليك الله رسل لي تلفونك فى المسنجر
|
Post: #16
Title: Re: مطلوب اسعار يا ناذر
Author: ناذر محمد الخليفة
Date: 11-30-2006, 07:07 AM
Parent: #1
سيد بيكاب ..
Quote: يا ناذر طن السيخ الاوكراني فيهو كم سيخه؟
|
فيهو 52 سيخة بالضبط !!!
والتلاتة لينيا فيهو 135 سيخة وسعر الطن 1،600،000
|
Post: #17
Title: Re: مطلوب اسعار يا ناذر
Author: السنجك
Date: 11-30-2006, 10:03 AM
Parent: #16
هوى ياناس الظلط والطوابق ناذر دا ماياكلكم حنك ساكت اقراوا الكلام دا النشرته الراى العام اليوم الخميس قبل تتورطوا فى تعاقدات ..وانا متاكد حتغيروا رايكم اما بتخفيضات هائله او تقسيط مريح
أسواق مواد البناء تتجاوز ظاهرة الكسر .. ويستمر الكساد
الخرطوم: محمد ادريس
في الوقت الذي شهد فيه سوق السجانة لمواد البناء انحساراً في ظاهرة الكسر التي لازمت السوق طيلة الشهر الحالي سجلت الحركة التجارية بالسوق حالة من الركود عزاه التجار الى عدم وجود سيولة.
وتوقع عدد من التجار نشاط الحركة التجارية منتصف شهر يناير القادم مؤكدين ان حالة الركود الذي يعاني منه السوق جاء نتيجة احجام المواطنين وتأثير فترة نهاية العام على السوق وهي فترة تسديد المديونيات.
وقال التاجر احمد حسن ان حالة الكسر توقفت بصورة نوعية بعد ان شهد الاسبوعان الماضيان عمليات كبيرة من الكسر، واضاف على الرغم من هذا الامر الآن حالة الركود ما زالت موجودة بالسوق برره الى قرب عيد الاضحى المبارك بجانب تسديد عدد من التجار لمديونياتهم للبنوك والجهات المختلفة قبل بداية السنة الجديدة.
واكد ان وارد مواد البناء من الميناء ليست كبيرة مقارنة بالفترات الماضية بسبب اعمال قفل الحسابات المالية للموردين، مضيفا ان السيخ يشهد استقراراً كبيراً سواء في الوفرة او في الاسعار واشار ان الاسمنت يشهد تذبذباً في بعض الانواع.
وابان ان افتتاح مصنع السلام للاسمنت في منتصف العام القادم من شأنه المساهمة في توفيره بالسوق المحلي بجانب استقرار الاسعار حيث من المقرر ان يكون طاقة المصنع «2» الف طن في اليوم للمرحلة الاولى.
واشار ان الكساد في السيخ والاسمنت انعكس بصورة سلبية على بقية الانواع مثل السيراميك والمواد الكهربائية.
من جانبه قال التاجر محمد احمد ان الكساد بالسوق مرده الى عدة اشياء منها نهاية العام المالي للمؤسسات الحكومية والخاصة وقرب موسم عيد الاضحى المبارك مضيفا ان اغلب الحركة التجارية بالسوق هي عبر شركات القطاع الخاص وعلى رأسها قطاع البناء والتشييد. وابان ان عدداً من التجار احجموا عن توريد بضائع جديدة في الوقت الراهن نسبة لتسديدهم المطالبات المالية لعدة جهات واضاف ان حجم الوارد ليس بالكثير مقارنة بالفترات الماضية.
انتهى
يعنى ناذر الجابو يعرض خدماته هنا هو الكساد الضارب السوق والاسعار ماشه فى انهيار كدى روقوا وخلوا العجله دى لحدى الحكايه ماترسىونشوف اوله من آخره
كلام لناذر بس
اها ياناذر نحن قبيل شن قولنا مش قلنا حنطرشقه الا اذا .......
ونحن برضه فى الانتظار وبجيبهم ليك راجعين لو شديت حيلك شويه واتلحلحت ورسلت ماسنجر بس الخازوق بكرى يقراه واستعجل قبل الحظر
السنجك
|
Post: #18
Title: Re: مطلوب اسعار يا ناذر
Author: ناذر محمد الخليفة
Date: 11-30-2006, 10:36 AM
Parent: #1
معاوية ..
Quote: /لوري رقيطه
2/شوال زبالة حمير(الله يكرمك)
3/شوال صمغ هشاب أصلي
4/ عمال مهره
|
ول حاجة رقيطة دي ما بعرف معناتا .. زبالة الحمير (الله يكرمك) دي بتلقاها في سوق أم روابة مش سوق السجانة .. عمال مهرة موجودين .. بس مهرة في شنو ؟
|
Post: #19
Title: Re: مطلوب اسعار يا ناذر
Author: ناذر محمد الخليفة
Date: 11-30-2006, 10:40 AM
Parent: #1
السنجك ..
| Quote: هوى ياناس الظلط والطوابق ناذر دا ماياكلكم حنك ساكت اقراوا الكلام دا النشرته الراى العام اليوم |
إنت عليك الله جرايد شنو البتجيب منها معلوماتك ؟؟ أنحنا مش أثبتنا ليكم إنو ناس الجرايد ديل بتاعين كوبي أند بست ساكت ؟!!
يعدين ما تدقس ود الفكي دا يقوم يقول يصبر شهرين عشان الاسعار ترخص .. ويجي المرة الجاية يعمل لي بوست زي دا والله طن الإسمنت ما اديهو ليهو بي أقل من سبعمية الف جنيه !!
ود الفكي فتح عيونك كويس وما تقرا كلام السنجك بتاع الجرايد دا الكلو إشاعات ..
شنكل :
بمناسبة الإشاعات يا السنجك أقرا البوست دا عشان تبطل البتسوي فيو
الأخ بكري أقترح أن تضم لائحة النشر بالمنبر بندا يحظر نش... عقوبة ما بمن يخالفه
|
|