Post: #1
Title: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-17-2006, 10:20 AM
Quote: واشنطن: طلحة جبريل
أبرمت شركة استرالية اسبانية شراء طرق سريعة وجسور في عدة مناطق في الولايات المتحدة في هدوء دون اعتراض الادارة الاميركية. ونالت الشركة امتياز الطريق السريع الذي يعرف باسم «انديانا روود» ويوجد في ولاية انديانا (وسط البلاد)، وهو طريق يسدد مستعملوه رسوم مرور مجزية عند بعض النقاط، وذكر أن الشركة سددت مبلغ 3.8 مليار دولار ثمناً للصفقة، وهذا المبلغ ستخصصه الولاية للمشاريع العاجلة لبناء طرق وجسور.
وقالت مصادر الشركة انها تتوقع ان تحصل في نهاية مدة الامتياز من هذه الصفقة على مبلغ 133 مليار دولار. في حين استأجرت شركة استرالية اخرى طريقاً سريعاً في ولاية فرجينيا المتاخمة للعاصمة واشنطن وتبلغ مدة الايجار 99 سنة. واضافت المصادر أن بعض عمليات الشراء انجزت في السنة الماضية عندما استأجرت الشركة الاسترالية الاسبانية المشتركة نفسها، وتضم «مجموعة ماكاري في سيدني» ومجموعة «سنترا كونسيونس» للنقل في مدريد، لمدة 99 سنة طريقاً في شيكاغو يبلغ طوله 14 كيلومتراً، ودفع الكونستريوم الاسباني الاسترالي مبلغ 1.83 مليار دولار ثمناً للصفقة، وسددت مدينة شيكاغو بسعر الصفقة بعض ديونها، وبالمقابل غضت المدينة الطرف عن زيادة 50 سنتاً فرضتها الشركة على رسوم عبور أية سيارة لهذا الطريق، لتصبح رسوم المرور دولارين ونصف الدولار، وقررت الشركة مضاعفة هذا الرسم بعد عشر سنوات ليصبح خمس دولارات. ووافقت ولاية تكساس (جنوب غرب) على منح امتياز تشييد طريق يربط بين مدينتي اوستن وسيغن واحتكار حق تحصيل رسوم المرور على هذا الطريق لمدة 50 سنة. وتملك شركة استرالية اخرى الجانب الاميركي من طريق يربط مدينة ديترويت مع ويندسور الكندية، كما اشترت الشركة نفسها جسراً في الباما (جنوب).
وتبرر معظم المدن والولايات بيع طرقها وجسورها بغرض توسيع شبكة الطرق، وفي هذا الصدد تقول «إدارة الطرق الفيدرالية» إن استعمال الطرق السريعة زاد خلال ربع القرن الاخير بحوالي 94 بالمائة لكن نسبة توسع شبكة الطرق لم تتجاوز 6 بالمائة فقط. (تفاصيل ص تقارير)
|
!!!!!!!!!!!!!!!
Quote: أبرمت شركة استرالية اسبانية عقداً لشراء طرق سريعة وجسور في عدة مناطق في الولايات المتحدة في هدوء وبدون اعتراض من الادارة الامريكية. ونالت الشركة المعنية امتياز الطريق السريع الذي يعرف باسم «انديانا روود»، الذي يوجد في ولاية انديانا الواقعة في وسط امريكا.
والطريق الذي تم بيعه يسدد مستعملوه رسوم مرور مجزية عند بعض النقاط. الصفقة التي تمت بلغت قيمتها حوالي اربعة مليارات دولار ستخصصها الولاية - حسبما قال ناطق باسمها - للمشاريع العاجلة لبناء بعض الطرق والجسور في مناطق اخرى. وقالت مصادر الشركة انها تتوقع ان تحصل في نهاية مدة الامتياز من هذه الصفقة على مبلغ 33 مليار دولار. في حين استأجرت شركة اسبانية اخرى طريقاً سريعاً في ولاية فرجينيا المتاخمة للعاصمة واشنطون وتبلغ مدة الايجار تسعة وتسعين عاماً. واوردت صحيفة «الهيرالد تربيون» ان بيع الطرق امر عادي في امريكا.
وقد انجزت بعض عمليات الشراء هذه خلال العام الماضي عندما استأجرت الشركة الاسترالية الاسبانية المشتركة نفسها، وتضم مجموعة ماكاري في سيدني ومجموعة سنترا كونسيونس للنقل في مدريد، لمدة 99 سنة طريقاً في شيكاغو يبلغ طوله 14 كيلو متراً. ودفع الكونستريوم الاسباني الاسترالي مبلغ ملياري دولار ثمناً للصفقة. واستفادت مدينة شيكاغو من مبلغ الصفقة بان قامت بتسديد بعض ديونها، وبالمقابل غضت المدينة الطرف عن زيادة خمسين سنتاً فرضتها الشركة على رسوم عبور اية سيارة لهذا الطريق لتصبح رسوم المرور دولارين ونصف الدولار، وقررت الشركة مضاعفة هذه الرسوم بعد عشر سنوات لتصبح الرسوم خمسة دولارات.
ووافقت ولاية تكساس في جنوب غرب الولايات المتحدة على منح امتياز تشييد طريق يربط بين مدينتي اوستن وسيفن واحتكار حق تحصيل رسوم المرور على هذا الطريق لمدة خمسين سنة. وتملك شركة استرالية اخرى الجانب الامريكي من طريق يربط مدينة ديترويت مع ويندسور الكندية ، كما اشترت الشركة نفسها جسراً في الباما في الجنوب الامريكي . وتبرر معظم المدن والولايات بيع طرقها وجسورها بغرض توسيع شبكة الطرق. وفي هذا الصدد قالت ادارة الطرق الفدرالية ان استعمال الطرق السريعة زاد خلال ربع القرن الاخير بحوالي 94% ، لكن نسبة توسيع شبكة الطرق لم يتجاوز الـ« 6% » فقط.
|
صنفرة :
نسأل الله السلامة !!
|
Post: #3
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-17-2006, 10:34 AM
Parent: #1
!!!!!!!
| Quote: وقالت مصادر الشركة انها تتوقع ان تحصل في نهاية مدة الامتياز من هذه الصفقة على مبلغ 133 مليار دولار |
| Quote: وقالت مصادر الشركة انها تتوقع ان تحصل في نهاية مدة الامتياز من هذه الصفقة على مبلغ 33 مليار دولار |
الفرق مية مليار دولار كاملة !
الصحفي الناقل الكلام دا حا يدفع الفرق من جيبو ولا شنو !!
|
Post: #4
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-17-2006, 10:38 AM
Parent: #1
لؤي سلامات ..
Quote: ليت الأمر إقتصر على الصّحافة السّودانيّة فحسب ، ولكن يبدو أنّ الأمر يمس حتى الصّحافة غير السُّودانيّة ، وللأسف في صُحف ذائعة الصّيت ..
|
تعرف يا لؤي ..
أنا إكتشفت إنو الشغلة دي ما ظاهرة وحا تنتهي ..
دي شغلة مستمرة وعندها محترفينها وناسها و(ناساتها) ..
لو كانت على الصحافة السودانية او غير السودانية شي مؤسف والله ..
|
Post: #5
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-17-2006, 10:43 AM
Parent: #1
!!!!!!
Quote: لكن نسبة توسع شبكة الطرق لم تتجاوز 6 بالمائة فقط. (تفاصيل ص تقارير)
|
Quote: لكن نسبة توسيع شبكة الطرق لم يتجاوز الـ« 6% » فقط.
|
زولنا ربنا سترو .. قرب يكتب (تفاصيل ص تقارير) !!
صنفرة :
أصحى يا بريش !!!!
|
Post: #7
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-17-2006, 10:49 AM
Parent: #1
والله كان نفسي أجيب أغنية لصوص العصر واختها هنا .. لكن عارف الناس حفظوها حفظ من البوستات الفاتت ، وكمان خايف الموصلي زاتو يطالبني بي حق الإيجار !!
عشان كدة البوست دا نخليهو بالنية بس !!
|
Post: #8
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-17-2006, 10:59 AM
Parent: #1
بالمناسبة يا لؤي ..
Quote: قامت صحيفة الشّرق الأوسط المعروفة حينها بكتابة خبر وفاة المرحوم حرقل ناقلة للمعلومات من منبرنا هذا واستعانت كذلك بالصّورة التي وضعتها دون أيّ إشارة لمصدر الخبر أو الصّورة !!!
|
أثناء تحركنا في موضوع سرقات الصحافة السودانية في الأسابيع الفاتت قابلنا صحفي مرموق وفي أثناء النقاش قال لينا إنو جريدة الشرق الأوسط دي بالذات حقو تكون برة الموضوع لأنها بتمارس السرقة في الشأن السوداني من الصحف السودانية (عينك يا تاجر) وبتنقل الخبر بي ضبانتو بدون ما تشير للمصدر ..
شي مؤسف والله يا لؤي .. رغم قوانين الملكية الفكرية تحصل الحاجات دي .. ويا ريت لو كنت إتحركت في موضوع صورتك وقاضيت الصحيفة .. كنت على الاقل بتحد من ظاهرة السرقات دي شوية !!
صنفرة :
يا دوب عرفت ليه جريدة الشرق الأوسط هي الوحيدة الـ (دقت طناش) في موضوع المقالات المسروقة منها رغم إننا خاطبنا رئيس التحرير والإدارة كم مرة !! أتاري الشغلة (دافننو سوا) ونحن ما عارفين !!
|
Post: #10
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-17-2006, 11:13 AM
Parent: #1
لؤي !!!!!!!!
Quote: الشّرق الأوسط حينها راسلتها مرّات عديدة مستفسراً عن إسم الشّخص الذي قام بنقل أو صياغة الخبر ، لكن هل تعتقد أنّني حظيت بمجرّد رد على الإيميلات ؟؟؟ !!!
|
ودا فعلا بيؤكد إنو في تواطؤ متبادل وإنو هم (دافننو سوا) !
لأنو لو الكلام دا حصل في اي صحيفة محترمة كان يفترض تتحرك وتتفاعل مع إستفساراتك .
|
Post: #11
Title: Re: الصحافة السودانية .. (أدخل على مسئوليتك) !!
Author: mutwakil toum
Date: 11-17-2006, 10:47 PM
Parent: #10
ناذر سلامات..
تعرف : كضبت عيوني : يعني اسي خبرك ده بقول إنو طلحة جبريل لفح الخبر ؟
وبعدين ده ياهو نفس طلحة الكتب كتاب عن الطيب صالح؟ (الكتاب الضاع مني وأنا عامل مشاكل بي الطن عشان يجيني راجع) .
تعرف البورد ده زي ما بقولوا اخوانا هنا في امريكا لو فقدوا دولار ( دي مؤامرة يهودية).. الواحد يكون جيبو مقدود يقول ليك ديل اليهود ناموا بي الدولار ده: أها البورد ده يرمي في اسماء عندها طقوس لم تجي سيرتا ، الليلة قريت في البورد واحد بتكلم عن مؤامرة داخل جريدة الاضواء ساهم فيها أزهري محمد علي . يوم حميد وقبلهم بولا والليلة طلحة وأزهري (عصفورين) بي حجر كحيان وأسماء تانية بتساقط من غير زول يهبشا . تعرف لم اجمع الداتا كلهاح أكتب بوست أرصد و اوصي فيو (الرموز) يبعدوا عن سودانيس اون لاين لأنو البورد ده شكلوا مؤامرة يهودية ضد رموزنا الثقافية والوطنية والسياسية:
أها أبقى طيب
|
Post: #12
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-18-2006, 02:30 AM
Parent: #1
متوكل توم كيفك ..
Quote: ناذر سلامات..
تعرف : كضبت عيوني : يعني اسي خبرك ده بقول إنو طلحة جبريل لفح الخبر ؟
وبعدين ده ياهو نفس طلحة الكتب كتاب عن الطيب صالح؟ (الكتاب الضاع مني وأنا عامل مشاكل بي الطن عشان يجيني راجع) .
|
حسب التواريخ الموجودة طلحة جبريل هو صاحب الخبر الاساسي ، والمقال التحت دا هو الملطوش من طلحة جبريل !!
ما متاكد لو كان دا ياهو الكتب عن الطيب صالح ولا لا !
|
Post: #13
Title: Re: الصحافة السودانية .. (أدخل على مسئوليتك) !!
Author: معروف حمدين
Date: 11-18-2006, 02:48 AM
Parent: #1
الأخوة ناذر ولؤي
للأسف أنو مراسل ........ فى السودان شخص لا ينتمي للصحافة بأي شكل من الأشكال.
وهو حسب معرفتي الشخصية به بقوم بنقل كل ما تكتبه الصحافة السودانية. والمنتديات مع بعض
التعديلات. وبدون اي متابعة منه للتأكد من صحة ما تنقله الصحافة.
وعلى فكرة هو عضو بأحد المنتديات السودانية ومتابع لكل المنتديات الأخري.
يبقي السؤال من نحاسب أولاً ؟؟؟؟
|
Post: #14
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-18-2006, 02:54 AM
Parent: #1
معروف ..
| Quote: يبقي السؤال من نحاسب أولاً ؟؟؟؟ |
سؤال في محلو 
|
Post: #15
Title: Re: الصحافة السودانية .. (أدخل على مسئوليتك) !!
Author: الشفيع عوض شوشتا
Date: 11-18-2006, 04:45 AM
Parent: #14
ناذر/لؤي ....... تحياتي
صدقا لحديث الاخ معروف حمدين لدينا معلومات اكيدة بقيام هذا الشخص الذي يعمل لصالح صحيفة عربية مرموقة ويقوم بمراسلة الصحيفة يوميامن مكتبه بـ.....معتمدا على الاخبار الواردة في المنتديات والصحف السودانية وتغطية اخبارية مباشرة من مركز اخباري وسنقوم بنشر التفاصيل لاحقا ......
|
Post: #16
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-18-2006, 08:25 AM
Parent: #1
شوشتا ..
| Quote: وسنقوم بنشر التفاصيل لاحقا |
منتظرين التفاصيل !!
|
Post: #18
Title: Re: الصحافة السودانية .. (أدخل على مسئوليتك) !!
Author: أبو عبيدة البصاص
Date: 11-19-2006, 02:53 AM
Parent: #17
ناذر خليفه وسلخ جلد النمله
سلامات يا اخوي
تعرف ياناذر انت بتوجع في قلبك ساكت
لانو بالجد اغلب الصحفيين العندنا ديل
يكون الواحد مالاقي ليهو شغله واتذكر انه
في المرحله الاولية ولا الاساس ما بعرف
اكان بدوهو خمسه من عشره من حصة الانشاء يقوم طوالي
بي قريبي وصاحب صاحبي سيد الجريد او رئيس التحرير يبقى صحفي
ويقعد يسمكر في الكلام لحدى ما عمنا الشغال في قسم التصحيح داك
من مغستهم طق ليهو عرق ومات بي حسرتو من البسوهو وبقولوا عليهو كتابه صحفيه
اخي ناذر خليفه ..
اتدري ان اغلب اهل الصحافة في السودان لايحترمون القراء
والدليل على ذلك انه بي حبة اجتهاد ممكن لو تابعت ليك كتابات اي كاتب عمود
لمدة شهر واحد بس تلقى من التناقضات الفكرية البقدما في عموده ما يخليك تكفر
بي اي صحفيه وصحفي سوداني ..
العزيز لوي
ما تستغرب لانو حسب علمي ان مصطلح الملكية الفكرية والادبية ده ما عرفوهوا
الا بعد حملة هاشم صديق على بعض الفنانين ومنعهم من اداء اغاني اشعاره
المتابع بذكاء معروف حمدين :
اذكر فيما اذكر ان احد اصدقائي المسؤول عن القسم السياسي
بصحيفة ما حيث كنا في معسكر مقفول لاداء بعض الامتحانات قبل عدة سنوات
وتوجهنا الى اداء الامتحان ومنها الى دار الصحيفه ليجد ان عليه كتابة الافتتاحية
فاذا به يلتفت ويطلب مني كتابة الافتتاحية وعندما رفضت الفكره فما كان منه الا ان سحب ورقه
واخذ يكتب المقال الافتتاحي للصحيفه اي راي الصحيفه الرسمي
عن احداث جارية كان نتاجه ان اصدرت الجهة المعنية بياناً
تنفي ما ورد في المقال الافتتاحي لتلك الصحيفة المحترمه ...
ليس في الامر عجب انه اكل عيش واكل العيش بيحب الخفية حتى لو لم تراعى فيها
المعايير المهنية وهذه الاخيره اكاد اجزم ان الكثيرين من اهل الصحافة السودانية
يجهلون عنها الكثير حتى تجد انه تقام لهم دورات قصيره عن مبادي العمل الصحفي
ده كلام ده
سؤال بري
اخي معروف .. من قال ان العمل في مجال الصحافة ماهو الا حصة انشاء
لو جبت فيها خمسه من عشره تكون انت ناجح ...
شوشتا :
يا اخوي زولك ده ما واحد دي ظاهره
سمعته بي قصة الصحفي الرياضي البي قدرة قادر
بقي صحفي سياسي وكيف انه يعمل على الفتنه بين السياسين من اجل
الحصول على تصريحات نارية تصلح للصحافة الصفراء رغم انه يعمل في صحيفة محترمه
مدخل للخروج :
ناذر خليفه ..
كم عدد الصحفيين الذين يتلقون ظروف نظير اخبارهم ومقالاتهم
الكبار بس وكتاب الاعمده الليهم شنه ورنه ...
قد نعود
البصاص
|
Post: #19
Title: Re: الصحافة السودانية .. (أدخل على مسئوليتك) !!
Author: حيدر حسن ميرغني
Date: 11-19-2006, 03:09 AM
Parent: #18
ناذر
شغلك نضيف
طلحة جبريل صاحب الخبر - مدير مكتب الشرق الاوسط بواشنطن عندو اخوان اثنين اعضاء في المنبر
طارق وناصر ... ممكن يطالبو القوقلي ده بتعويض ونتقاسمو سوا ..
يازول الشغلة فيها فكَة .. تعال نجرَب
|
Post: #20
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-19-2006, 09:52 AM
Parent: #1
البصاص ..
| Quote: تعرف ياناذر انت بتوجع في قلبك ساكت |
والله ماقلت إلا الحق ..
أنا زاتي مالي ومال كدة !! بقيت إشتري الجرايد المصرية التلاتة ومعاهم الشرق الأوسط بي نفس سعر الجرائد السودانية وفيها كتاب يمين تحلف تقول بيكتبو في الشأن السوداني أحسن من ناسنا هنا دا غير إنو الجريدة الواحدة مليانة وفيها قريب الخمسين صفحة !!
Quote: اخي ناذر خليفه ..
اتدري ان اغلب اهل الصحافة في السودان لايحترمون القراء
والدليل على ذلك انه بي حبة اجتهاد ممكن لو تابعت ليك كتابات اي كاتب عمود
لمدة شهر واحد بس تلقى من التناقضات الفكرية البقدما في عموده ما يخليك تكفر
بي اي صحفيه وصحفي سوداني ..
|
طبعاً بدري يا بصاص .. والدليل ردود الفعل على السرقات الظهرت الفترة الفاتت دي !!
Quote: ناذر خليفه ..
كم عدد الصحفيين الذين يتلقون ظروف نظير اخبارهم ومقالاتهم
الكبار بس وكتاب الاعمده الليهم شنه ورنه ...
|
حقيقة يا أبو عبيدة أنا إنصدمت بالمعلومة دي لمن كنا مدورين تحركات الفترة الفاتت في موضوع السرقات ديك .!! شئ مؤسف والله !!
|
Post: #21
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-19-2006, 09:53 AM
Parent: #1
حيدر كيفك ..
Quote: طلحة جبريل صاحب الخبر - مدير مكتب الشرق الاوسط بواشنطن عندو اخوان اثنين اعضاء في المنبر
طارق وناصر ... ممكن يطالبو القوقلي ده بتعويض ونتقاسمو سوا .. |
طيب منتظرين شنو ؟!! أنحنا حلقنا بح الفترة الفاتت !! ما يقولوا حاجة معانا شوية ؟!!
|
Post: #22
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-19-2006, 09:55 AM
Parent: #1
شوشتا ....
| Quote: صدقا لحديث الاخ معروف حمدين لدينا معلومات اكيدة بقيام هذا الشخص الذي يعمل لصالح صحيفة عربية مرموقة ويقوم بمراسلة الصحيفة يوميامن مكتبه بـ.....معتمدا على الاخبار الواردة في المنتديات والصحف السودانية وتغطية اخبارية مباشرة من مركز اخباري وسنقوم بنشر التفاصيل لاحقا ...... |
نسأل الله السلامة !!
راجنك بالتفاصيل .. نعيش ونشوف !!
|
Post: #23
Title: Re: الصحافة السودانية .. (أدخل على مسئوليتك) !!
Author: ناذر محمد الخليفة
Date: 11-20-2006, 02:33 AM
Parent: #1
| Quote: طيب منتظرين شنو ؟!! أنحنا حلقنا بح الفترة الفاتت !! ما يقولوا حاجة معانا شوية ؟!! |
|
|
