عندما يسجل أحدهم /هن مكالمتك التلفونية ....

بغرض لا يمكن معه إفتراض حسن النية مطلقاً ..!!!!

أقسم لي أحدهم ممن لا يمكن التشكيك في حديثه أنه سمع بإذنيه تسجيلاً لي أتحدث فيه مع أحد الأعضاء/ات المعروفين على مستوى المنابر السودانية .. تم ذلك التسجيل بواسطة الهاتف المحمول لمن تحدثت معه/معها وقد أصابتني الدهشة الشديدة !!

ظننته/ها يمزح ولكنه للدلالة على صدق حديثه أخبرني/تني بفحوى تلك المكالمة وتفاصيل دقيقة لم يكن ليعلمها لو لم يستمع/ تستمع للمكالمة فعلاً رغم أن ما دار بيني وبين من تحدثت معه بالهاتف أشياء تندرج تحت بند (الشخصية جدا) ولم يكن لمن تحدثت معه الحق في تسجيل المكالمة وعرضها على الملأ !!

وقد صعقت أكثر حين علمت بعدها انا عددا من أعضاء المنابر السودانية أدمنو هذه العادة (عادة تسجيل المكالمات) لإستخدامها في الوقت المناسب لأغراض مختلفة لعل أقواها بعد التشهير هعو الإبتزاز !!

صنفرة :

نحتاج لمناقشة هذه الظاهرة وحبذا لو كان معنا طبيبا نفسيا! !!!!

أوع تكون جبت سـيرة البحر

إنت يا منعم من صحك ولا عايز تقول نكتة ?


هو لكن يا ناذر إنت ما ماشي جنب الحيط والله لا يكون الطرف

الثاني هو الهدف .

ولقتل الظاهرة في مهدها وبغض النظر عن الدوافع المفروض يكشف

عن من هو وراء هذا التصرف الغريب .


والرأي لك


تحياتي

لا يغعل هذا الا الذين في قلوبهم مرض
و معتوهي الفكر و ذوي العاهات المزمنة
هنا في امريكا يعتبر مخالفة واضحة للقوانين
التي تعتني بالحريات ولا يمكنك تسجيل اي مكالمة الا بعد اخذ الاذن
من الشخص الذي تريد التسجيل له و أخذ موافقته ....
يجب فضح مثل هذه الافعال الشائنة و التي لا يفعلها الا من خرج من بيئة متعفنة
و تربى في ما يشبه الماخور

دقست يا معلم

يا ناذر خوت المنتديات دي خوه ضعيفة في اغلبها .. وغالبا ما بكون ليها غرض او مصلحة .. فما تعول عليها الا بعد تختبر الشخص المعني في الحياة الحقيقية


كفارة يا فرده

160 زائر للبوست في زمن قياسي جداً !!
كنت متأكد الموضوع هام شديد وكتيرين حا يصلم طرف السوط ووحدين الصوت وصل العضم عدييل !!
البوست دا أنا نويت أولعو نار فأي زول متورط أو لدغ من الفعلة دي يقول العندو !
دا غير النماذج الموجودة عندي والحايمة في السايبر وحا أنزلا طبعاً ..

يا غرقت يا جيت حازما !!

صنفرة :

بجي بعدين برد على المتداخلين الفوق فردا فردا !!

ابو النيذ العزيز ...
تحياتى ... ياخ فى زول يسجل مكالمة صحبه !!
عشان شنو ؟؟..

Quote: أنا نويت أولعو نار

وطلع عينه كمان ..


صنفره ..
بجيك يوم الاحد احكى لى القصة كلها ..اوكى

يا صديقى العزيز الامر عادى جدا
قد يكون مسجل المكالمة معجب بصوتك
هو انت اصلا صوتك طاعم وبتتكلم اغانى
مش هو انت فنان؟؟؟؟؟؟معنى كده الامر طبيعى
انا القدامك ده مسجل صوتك وقاعد اسمعو كل ما فاض بى الحنين
وعندى تسجيل كمان للموصلى ولسيف الجامعه مع اننى ما بسمع ليه
بس ديل عبر الكاست وانت عبر التلفون
بعدين ياخى انت حتى ما قاعد تفلت اثناء المحادثة التلفونيه الجوطه فوق
شنو طيب

ناذر ..
أخوك مبتدئ شديد ..
كيف الواحد يسجل مكالمة لشخص آخر ؟؟؟
بمعنى كيف يتم ذلك ؟ هل يكون ذلك الشخص
(الجاسوس) متواجدا معك عند اجراء المكالمة ؟؟
فهمونا يا جماعة ...

Quote: أخوك مبتدئ شديد .. كيف الواحد يسجل مكالمة لشخص آخر ؟؟؟ بمعنى كيف يتم ذلك ؟ هل يكون ذلك الشخص (الجاسوس) متواجدا معك عند اجراء المكالمة ؟؟ فهمونا يا جماعة ...

فى شنو يا قرض ؟
نويت على شنو ؟

دقست لمن دقست ذاتو

أها الليلة النشوف الحزيم كيفن

عافي منك يا السجلت لي ناذر دا

عشان كتابتك في البورد حته حته عامل فيها (ملاسي)

أنا غايتو كان لميت فيك بسجل ليك

مش انت فنان وحق الناس كلهم

أها دي ما زي التوقيع الزمان بسوهو المشاهير

بس هسة مع التطور التكنولوجي بقت تسجيل صوت

انت كنت وين يا ناذر قبل كدا القصة دي حصلت , حتى أسأل اخونا العميد جمعة وآخرون باعتبارهم شهود على تلك الحادثة .

الشليق ناذر
انا لمن قلت ليكك انت شليق واشتر ماكذبت اها ياخوى انت قلت شنو فى التلفون
وخلاك خائف كدة

مش تحمد الله انهم وروك
ياخوى البلد دى كلها بتاعين تسجيلات...........
قصدى تسجيلات صوتية ومرئية ورياضية وكده
(عشان ما تمشوا بعيدياخوانا)

اول شي يا حبيب الجاتك في صوتك سامحتك .....
ياخ زول ذي دا الا يكون شخص مريض
لكن علي مااعتقد اثناء تسجيل المكالمات الهاتفية تصدر
صوت من هاتف الطرف التاني مما يسهل عليك معرفةانه
يقوم بتسجيل المكالمة ...
وعشان ما تدقس تاني انتبه ... ولو في زول معلي صوت المسجل
او التلفزيون وهو بيتكلم معاك اطلب منو يوطي الصوت ...

الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب وتقوم بتأويل الكثير من سياق ومعنى الكلام العام لذلك أتمنى من الاخ سارة ومن خلال هذا البراح الاسفيرى ان تكف عن هذه الافعال وان تقوم بوقف هذا العبث والذى ينافى كل الاعراف والقوانين والمثل المتعارف عليها اخلاقيآ.

سيف الدين جبريل

Quote: Author: Saifeldin Gibreel الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب وتقوم بتأويل الكثير من سياق ومعنى الكلام العام لذلك أتمنى من الاخ سارة ومن خلال هذا البراح الاسفيرى ان تكف عن هذه الافعال وان تقوم بوقف هذا العبث والذى ينافى كل الاعراف والقوانين والمثل المتعارف عليها اخلاقيآ. سيف الدين جبريل

الاخ فاضل سيف جبريل ...

اعرف الاخت ساره منصور معرفه وثيقه واتحدث معها اكثر من ثلاث سنوات ... الشهادة لله لم يحصل وان سجلت لي ...

واليك يا ابن عمي تجربتي المريره ... سوداني ومناضل .. وبوردابي معروف ... سجل لي مكالمة من ثلاث اجزاء ... وحاول ان يستخدمها كشهاده في المحكمة ضد اخت سودانية ... تابع معي .. سوداني في الغربة رافع ليهو قضية علي سودانية ... القاضي رفض التسجيل ... لعدم الاذن بالتسجيل ..

تخريمة ... اخي سيف ... لماذا تنزعج من امر التسجيل اذا كان انت واثق انو التسجيل لا يوجد فيهو ما يسيء لك او لغيرك ؟؟؟؟؟

لو مرت الاخت ساره من هنا عندي ليها سؤال ... يا سروره ما بتسجلينا نحن ليه ؟؟؟؟ نحن يار بي ما مشاهير ولا مناضلين ولا مناتلين ...؟؟؟

رأفت ..

سيرة البحر ما بنجيبا لكن السجل كلامي دا ومشى يقشر بيهو أو (يشهر) بيهو الفيهو إتعرفت !!

واسبة ..

Quote: إنت يا منعم من صحك ولا عايز تقول نكتة ?

الجاب سيرة منعم هنا شنو يا زول ؟؟!!

Quote: ولقتل الظاهرة في مهدها وبغض النظر عن الدوافع المفروض يكشف عن من هو وراء هذا التصرف الغريب .

الظاهرة ما جديدة يا صلاح عشان يكتلوها في مهدها .. قبل ساعة بس عرفت إنو الظاهرة دي قديمة في المنابر السودانية وحتى أبطالا معروفين !!

وهسي عندنا مشكلة في أبطال جداد ظهرو اليومين ديل !!

(الجاب سيرة منعم هنا شنو يا زول ؟؟!!)


ناذر :

ياخ والله جننتونا بقينا ما عارفين زيد من عبيد عليك الله مسلسلات

الإف بي آي دي حسع ما بتنسي الزول إسمه وبعدين تعرف كل مايكون

الناس فرحانه ومبتهجة بي مناسبة أو بوست زي بتاع البت الجريدة

يطلع لينا معفن زي زولك ده يقلبها فوق تحت ويمسخها ويخلينا

نتطاقش زي ده .

غايتو يا ناذر رغم إنها عملية محبطة ومؤلمة لكن درجة الألم بتكون

أضعاف لو الشخصية المعنية قريبة منك وعندها بقول ليك شد حيلك .



تسلم من كل تسجيل


واسبه

أحمد عبد الله ..

Quote: هنا في امريكا يعتبر مخالفة واضحة للقوانين التي تعتني بالحريات ولا يمكنك تسجيل اي مكالمة الا بعد اخذ الاذن من الشخص الذي تريد التسجيل له و أخذ موافقته ....

يعني قصدك ما في أي زول في أمريكا ممكن يسجل مكالمات بينو وبين زول تاني ؟!
مثلا أنا لو إتصلت بيك وإنت سجلت المكالمة الدارت بيني وبينك .. ممكن أقاضيك ؟!!
وضح لي النقطة دي لو سمحت ..

Quote: سيرة البحر ما بنجيبا لكن السجل كلامي دا ومشى يقشر بيهو أو (يشهر) بيهو الفيهو إتعرفت !!

الله يسـتر
نحن بنخت العبار ونجعجع بالسـاعات
بس بسـجلوها كيف ?

بالكمبيوتر شـفتهم بعملوها فى البال توك وإتعملت لى
بس بالتلفون كيف ?

ناذر الخليفة
كيفنك
ممكن تقاضيه , لانو تصرف غير قانونى ,ويتم التسجيل باذن من المحكمة

احمــد خضــر

Quote: ممكن أقاضيك ؟!!

بدون اي شكـ
المشكلة الوحيدة بتكون الاثبات

Quote: Virginia Va. Code Ann. § 19.2-62: Despite the fact that it is generally a felony to intercept or disclose the contents of any wire, oral or electronic communication under state law, the recording or disclosing of communications by a party, or with the consent of a party, is specifically permitted. Under the statute, consent is not required for the taping of a non-electronic communication uttered by a person who does not have a reasonable expectation of privacy in that communication. See definition of "oral communication," Va. Code Ann. § 19.2-61; Belmer v. Commonwealth, 553 S.E.2d 123 (Va. App. 2001). Criminal penalties for violations of the law include imprisonment of not less than one year, but not more than five years, or imprisonment for not more than 12 months and a fine of up to $2,500. Va. Code ann. § 18.2-10. Civil actions are authorized for recovery of actual damages, $100 for each day of violation or $1,000 — whichever is greater. Punitive damages, attorney fees and litigation costs can be recovered as well. Va. Code Ann. § 19.2-69.

وليد المبارك ..

Quote: يا ناذر خوت المنتديات دي خوه ضعيفة في اغلبها .. وغالبا ما بكون ليها غرض او مصلحة .. فما تعول عليها الا بعد تختبر الشخص المعني في الحياة الحقيقية

واله ما قلت إلا الحق .. ودا الحصل لي بالضبط ..
وثقت في ناس ما شفتهم في حياتي وما عرفتهم إلا من خلال المنبر دا وطقطقة الكيبورد دا وكنت خاتيهم أصحابي جدا وبيني وبينم إتصالات متواصلة لكن في النهاية لقيت إني كنت موهوم ساي !! والله ما ضراني وما جاب لي إشقدي إلا نوعية ناس زي ديل !!

صنفرة :

طبعا ما كلهم والحمد لله ربنا رماني في ناس تختهم في الجرح يبرا والمشكلة ديل قلة جدا !!

ملهم ..

Quote: تحياتى ... ياخ فى زول يسجل مكالمة صحبه !!

وأنا العرفني شنو إني صحبو ياخ !!

هسي انا بعرفك لي كم سنة بي إسم ملهم وما بعرفو دا إسمك ولا إسم الدلع بتاعك ولا إسم حبيبتك .. إحتمال زيك دا يكون مرازيني بالتلفون 24 ساعة على حس المداخلات الظريفة البيني وبينو في المنبر وإنت تكون بتسجل في تلفوناتي وتجرجرني في الكلام الفارغ زي نوع فلانة طلقوها وفلانة عرسوها وفلانة دخلتا الليلة وعلان طهروهو وفرتكان عندو وجع ضهر .. وأنا أسرح معاك سااااااي وإنت تسجل سااااي ومفتكر إنها وسيلة إبتزاز أو تهديد عشان تطلعا في الوكت المناسب !!

Quote: بجيك يوم الاحد احكى لى القصة كلها ..اوكى

أحكي ليك ؟!!!
حلاة لكلك !! أنا شفنك وين ولا قابلتك وين عشان أحكي ليك !!
والضمان شنو ما تكون داسي ليك جهاز تسجيل صغير في جيبك وبتسجل كلامي برضو !!

صنفرة :

أختاني يا زول !! تعال عرس عرسك وإتخارج .. أنا جاي أغني ليك فاصل وإتعشى عشاي .. خشمي دا ما بفتحو إلا لمن أجي أقول ليك مع السلامة !!

وليد 500

Quote: يا صديقى العزيز الامر عادى جدا قد يكون مسجل المكالمة معجب بصوتك هو انت اصلا صوتك طاعم وبتتكلم اغانى مش هو انت فنان؟؟؟؟؟

في التلفون صوتي بيكون فارق زمن وسلم !!
لو معجب بي صوتي يقول لي رسل شريط او يتفق معاي على عداد ، مش يسجل مكالمات بيني وبينو تعتبر خاصة جدا ويمشي يقشر بيها قدام الناس التانين !!

عشان يصل لي شنو يعني !!!

نـاذر أخـوى ســلامات

Quote: صنفرة : نحتاج لمناقشة هذه الظاهرة وحبذا لو كان معنا طبيبا نفسيا! !!!!

قـبـيــل شـــن قـلـنــا
الكــشـف الـطــبـى قـبـل قـبـول العـضـــويــة

قرض سلامات ..

Quote: ناذر .. أخوك مبتدئ شديد .. كيف الواحد يسجل مكالمة لشخص آخر ؟؟؟ بمعنى كيف يتم ذلك ؟ هل يكون ذلك الشخص (الجاسوس) متواجدا معك عند اجراء المكالمة ؟؟ فهمونا يا جماعة ...

أها نوعية المسكين الزيك دا هسي بيكون عندو فايل بي صوتك 2 قيقا في كمبيوتر الزول الما بتعرفو ويكون عندو معاك كونتاكت بصورة مستمرة ، ولا بد ليك تفرفر كدو ولا كدة عشان يختها ليك ويعمل ليك مشاكل قدام الناس وإنت ما بينفعك بعد داك تقول دا ما صوتي ولا دي ما نمرتي ولا دا ما خطي !!

البيحصل يا سيدي في بعض من ضعاف النفوس عندها تلفون بي ذاكرة كبيرة وبيسجل المكالمات الصادرة والواردة في التلفون زي شريط الكاسيت .. يعني أنا يكون عندي التلفون دا واضرب ليك وانبز ليك رافت ميلاد وأجرجرك في الكلام لحدي ما إنت تقول رأفت دا تافه ورأفت دا ما بيستاهل خير وتقول فيهو ما لم يقله تاج السر في جمعية الصداقة الإسرائيلية ديك !! وبعد داك أنا أحفظ الكلام وأمشي أسمعو لي رأقت عشان أعمل ليك فتنة أو أوديهو لي بشاشا عشان أقشر بيك وأقول ليهو قرض دا صحبي والدليل تلفونو دا ..

دي كل القصة .. حصلت ليك قبل كدا ولا لا !!؟؟

القريش ..

Quote: مش انت فنان وحق الناس كلهم أها دي ما زي التوقيع الزمان بسوهو المشاهير بس هسة مع التطور التكنولوجي بقت تسجيل صوت

حق الناس كلهم في مسرح وقدام فرقة ما في التلفون ياخ !!



عامل بنطلونك الـ كولدرايت دا !!

معروف سند ..

Quote: انت كنت وين يا ناذر قبل كدا القصة دي حصلت , حتى أسأل اخونا العميد جمعة وآخرون باعتبارهم شهود على تلك الحادثة

براك شايف انا زول ما قديم في المنبر دا وما عارفا حصلت وين ويا ريت تديني لينك نعرف الحاصل فيهو شنو لأني في الصقط دا ما بقدر أمشي أفتش لي محمد جمعة عشان يوريني الحاصل وما بقدر أضرب ليهو تلفون يقوم يسجل مكالمتي برضو وأكون زدت الطينة بلة !!

الرفيق محمد عادل :

Quote: الشليق ناذر انا لمن قلت ليكك انت شليق واشتر ماكذبت اها ياخوى انت قلت شنو فى التلفون وخلاك خائف كدة

لا خايف لا بطيخ !! بس أنا زعلت على الأسلوب الخسيس دا .. التقول دا الموساد ما منبر عام !!

بالمناسبة أوعك تفكر تضرب لي تلفون بي جنس تحشرك دا .. والله لي قدام بتنكرو وتاباو وببقى ليك ضيق !!

Quote: بغرض لا يمكن معه إفتراض حسن النية مطلقاً ..!!!!

ابو النيييييز

بطل غتاته يااااااخ

ؤفك للزول اللاعب المكنترو عندك

وما بتجيك منو التكتح



عالم جرسة

عمرو كمال ..

Quote: مش تحمد الله انهم وروك

هم ما وروني .. وراني زول إبن حلال سمع الكلام دا وما رضاهو لي !!

Quote: ياخوى البلد دى كلها بتاعين تسجيلات........... قصدى تسجيلات صوتية ومرئية ورياضية وكده (عشان ما تمشوا بعيدياخوانا)

أنا هسي بتهمني التسجيلات الصوتية التلفونية الباقي لسع ما جربتو ولا داير أجربو !!

إنت مش محامي ؟!!



ما تشوف لي حل لي مشكلتي دي !! واقف لي زي كاس سجاير البرنجي كدا !!

ناذر أخـوى
أدوك الســهـر

شوشتا ...

Quote: لكن علي مااعتقد اثناء تسجيل المكالمات الهاتفية تصدر صوت من هاتف الطرف التاني مما يسهل عليك معرفةانه يقوم بتسجيل المكالمة ...

وأنا شنو عرفني ياخ !!

أنا زول بتكلم مع الطرف التاني بي إفتراض إنو صحبي وكدة ..
البيخليني شنو إفترض أساسا إنو الزول دا حا يسجل مكالماتي عشان يمشي يقشر بيها أو يعتبر نفسو بيهددني بيها أو بيبتزاني بيها !!

Quote: وعشان ما تدقس تاني انتبه ... ولو في زول معلي صوت المسجل او التلفزيون وهو بيتكلم معاك اطلب منو يوطي الصوت ...

المشكلة انا ما كنت عارف المعلومة دي واي زول إتكلمت معاهو في الفترة الأخيرة كان يا معلي التلفزيون يا صوت المسجل وأنا ما ناقش حاجة وقاعد (ألغلغ) ساااااااااي !!

سلامتك يا ناذر..
والجاتك عبر الاثير سامحتك والبسويها الاسفير بتقوم في الزلط..ودائما خليك عندك حس امني
ولمن تسمع التلفون عمل (كرك) تاكد انو التسجيل حاصل حاصل..واصل في المكالمة لكن مييع الموضوع
وخليهو يسجل في الفاضي..

سيف الدين :

Quote: الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب

يا زول إنت بي صحك ؟!!
واثق من كلامك دا ولا تخمين ساكت ؟ وإتصرفت كيف بعد دا ؟ والحصل شنو ؟

شنكل :

عشان كدة أنا من الأول قلت للناس المرو بي تجارب يجو يكتبو تجاربم في البوست دا ..

رأفت ..

Quote: الله يسـتر نحن بنخت العبار ونجعجع بالسـاعات بس بسـجلوها كيف ? بالكمبيوتر شـفتهم بعملوها فى البال توك وإتعملت لى بس بالتلفون كيف ?

بيسجلوها ليك بي تلفون فيو خاصية التسجيل ولو معاهو كاميرا يصور ليك نوعية عبارك ظااطو شنو .. لو كان أصلي أبو حصان ولا تقليد أم نعجة !!

وبعد داك تقل أدبك عليهو ولا تحاول تفرنب في مواضيعك معاو .. الله قال بي قولك !!

الأخ/ سيف جبريل
تحية طيبة.
لاحظت لك دائما وانا موقوف قد درجت على هذا السلوك غير الأخلاقى وغير الرجولى، فى أن تذكر اسم وسيرة الأخت سا ره منصور، بكل سوء وهى لا تشارك على هذا المنبر، ولم الاحظ الى اى عضو يرفض منك مثل هذا السلوك غير اللائق.

الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب وتقوم بتأويل الكثير من سياق ومعنى الكلام العام لذلك أتمنى من الاخ سارة ومن خلال هذا البراح الاسفيرى ان تكف عن هذه الافعال وان تقوم بوقف هذا العبث والذى ينافى كل الاعراف والقوانين والمثل المتعارف عليها اخلاقيآ.

سيف الدين جبريل

لعلمك على هذا المنبر من هم على سوء اخلاق لا يتصور وقبح واساءة للنساء بل يعتزون بتسجيلهم مكالمات الأخرين، لكن ما ان نلاحظ ايقافهم أو ابتعادهم، مباشرة نتوقف من التحدث عنهم بسوء، وقد كان هذا التصرف منا سبب تقدير وانهاء خلاف مع رجل قدر مثل هذا التصرف وهو عدم التعرض لشخص لا يستطيع الدفاع عن نفسه.
اتمنى ان تسحب كلامك غير اللائق هذا، وليتك لو اضطررت ان تتحدث على نحو عام لا يشير لشخص بعينه، خصوا والدليل صعب أن تاتى به.

أحمد خضر وأحمد عبد الله ..

بالضبط المشكلة في الإثبات ودا ما بيتم إلا أركب لي أقرب طيارة وأمشي للزول دا في البلد القاعد فيها و أداهمو في بيتو فجأة وأقلع منو الموبايل الفيهو التسجيل وأجري جري على المحكمة مش ؟!!

هسي زولي دا بيكون لمن قرا البوست دا قلبو وقف وإحتمال يكون باع موبايلو الحديث وإشترى واحد تلاتين عشرة عشان ما فيهو خاصية التسجيل ويقدر ينكر قدام القاضي !!!

شنكل :

قانونكم دا في أمريكا .. أها لو زولي برة أمريكا (الخليج مثلاً) تفتكرو الحل شنو ؟

يسري ..

Quote: قـبـيــل شـــن قـلـنــا

صدجق وتأمن بوستك دا أول ما إنت نزلتو قلت في سري يسري دا حقو يعمل كشف طبي لي نفسو أول حاجة بعد داك يشوف التانيين ..

لكن بعد الحصل لي دا .. طلعت زول كنت بترى شجرا يسير وأنا كضبطك !!

.. يمامة بس !!

نسأل الله السلامة ..

Quote: ممكن تقاضيه , لانو تصرف غير قانونى ,ويتم التسجيل باذن من المحكمة

ايوا ياناذر القانون يمنع تسجيل المكالمات الا باذن رسمى .. يعنى من حقك تشتكي اى زول يسجل ليك مكالمة بدون اذنك او اذن جهة رسمية.

العزيز ناذر .... أشعر بوجعك تماما .... ربنا يعينك .... وشكرا علي اثارة الموضوع المقزز دة

عشان الناس ما تندلق ساي ... وتعرف مبسوط منك لانو العملها او العملتها حسي بيكون داخل في

ضفوروا وكمان كسرت ليهو الدش في ايدو ... لانو او لانها بتخيل او بتتخيل انك اخر واحد ممكن

تثير الموضوع ... يا للوضاعة ... شكرا علي شجاعتك وكامل تضامني معاك ....

طيفور ..

Quote: بطل غتاته يااااااخ ؤفك للزول اللاعب المكنترو عندك وما بتجيك منو التكتح

أنا بالبوست دا قلت قبل ما أكشف إسمو أحسن ؟أعريو شوية شوية للناس عشان أكتل ليهو الدش في يدو والناس تعمل حسابا منو بغد دا ..


شنكل :

زولي أصلو إتصالاتو كتيرة وعلاقاتو التلفونية بي ناس البورد متشعبة وكلها مسجلا عندو بالتواريخ !!
التقول شغال بت في محل إتصالات !!

أحمد عبد الله ..

Quote: Criminal penalties for violations of the law include imprisonment of not less than one year, but not more than five years, or imprisonment for not more than 12 months and a fine of up to $2,500

السجن ما أقل من سنة وما أكتر من خمسة سنوات مش دا القانون ؟!!
زولي لو طلع في أمريكا كان ما قفلتو في الحراسة أربعة سنوات وحداشر شهر وتلاتة أسابيع وستة أيام وتلاتة وعشرين ساعة تعال اسألني !!!

عبد الكريم ..

Quote: ولمن تسمع التلفون عمل (كرك) تاكد انو التسجيل حاصل حاصل..واصل في المكالمة لكن مييع الموضوع وخليهو يسجل في الفاضي..

يا زول تاني لا تلفون لا بطيخ !!
الدايرني يرسل لي جواب عادي مكتوب في الظرف بتاعو (شكرا لرجال البريد) في العنوان الخرطوم السودان ص.ب 345 مكتب بريد وبرق الديوم الشرقية !!

بلا تلفون بلا لمة !!

سلوى صيام ..

Quote: ايوا ياناذر القانون يمنع تسجيل المكالمات الا باذن رسمى .. يعنى من حقك تشتكي اى زول يسجل ليك مكالمة بدون اذنك او اذن جهة رسمية.

المشكلة في الإثبات يا سلوى !! التسجيل بيكون جوة تلفون الزوول البيسجل الكلام وأنا ما أفتكر إنو أي شركة في العالم بتاعت تلفونات ممكن تثبت إنو حصل تسجيل لي أي من مشتركيها !!

يعني إذا بس الزول السجل الكلام دا مسح التسجيل من تافونو معناتا خلاص الدليل حا يضيع !!

ولا شنو ؟!!

تسلم يا أسعد ..

Quote: لانو او لانها بتخيل او بتتخيل انك اخر واحد ممكن تثير الموضوع ... يا للوضاعة ... شكرا علي شجاعتك وكامل تضامني معاك ....

والله فعلا الزول العمل كدة ما كان متخيلني حا أثير الموضوع .. مشكلتنا في المنابر السودانية إنو في ناس كدة (نافذ فيهم قدر ربنا) ماشين بي قاعدة تقول (عدو عدوي هو صديقي) ودا ما صحيح إطلاقا بالذات معاي انا ...

أي صاح ممكن انا إختلف مع الزول وأتخابت معاو في البورد من بوست لي بوست لمن واحد فينا يقوم جاري لكن دا ما معناتو يجيني زول يستغل الوضع ويصطاد في الموية العكرة عشان يعملني درقة أصد ليو الضربات ولا مخلب قط يضرب بيهو الزول المختلف معاو !!..

إذا أي زول مفتكر إنو أنا حا أعمل كدة أحسن ليهو يمشي بوست يسرى معتصم عشان يعمل كشف طبي قبل ما يكتب حرف في المنبر !!

!!!!!

مش فوق قلت ليكم :

Quote: البوست دا أنا نويت أولعو نار فأي زول متورط أو لدغ من الفعلة دي يقول العندو !

أها تاج السر شرف بي مداخلة هنا وبوست كامل عن الموضوع غير دا !!

أحسن الناس تقول العندها !!

تاج السر ..

إذا سيف الدين عندو كلام داير يقولو خليهو اليكتبو .. بدون ما الموضوع يتشعب ..

Quote: أنا نويت أولعو نار

مولّع النيران
وخازن الخيران
وزعيم لوحات المفاتيح والفيران
الذى أطرب الشيوخ والحيران
حتى سجّلت مكالماته الأصحاب والجيران
العزيز ناذر (ساجم) الحيران
أو على وزن (سجيمان) نذيران:

تحية طيبة، وبعد

التسوى بى إيدك؛ يغلِّب اجاويدك

ياداقس افندى.
يادوب عرفت الحاصل شنو؟
كنت قايلك تفتيحة اتاريك سودانى طيب.
من اليوم خليك تفتيحة.

العزيز ود الخليفة .... الحمد لله الما طلع ليك جكس بي شنب يرك فيهو الصقر ؟؟؟؟

ممكن رقم تلفونك ياناذر؟
هههههه

أعترف يا ناذر إنى عملتها مرة ووقعت فى شر أعمالى ...
كنت فى عطبرة يوم , ضرب لى صاحبى دكتور شغال فى إبراهيم مالك قال لى : ما بتصدق جانا منو فى الحوادث قبل شوية ..
قلت ليهو منو ؟ قال لى : حميد !
ده أيام حميد ما رجع السودان لسه وما بقى ظاهر زى هسع !
قلت ليهو غير مصدق : يا زول ؟ الجابو شنو؟أنت بتهظر !
وللتدليل على كلامه أعطانى حميد شخصيا لأتكلم معاه..
بعد السلام ويا أستاذ والذى منو , أكرمنى حميد بقراءة مقطع شعرى ..
فجأة تذكرت إنو موبايلى بسجل , قلت ليهو : لحظة يا استاذ , عايز أسجل , ممكن تعيدو من البداية ؟
الراجل ما قصر , بدا من البداية وسجلت المقطع , وفى خلال كم يوم ( قشرت بيهو ) على الجماعة , (قبضت بيهو) الجو ...
بعد كم يوم جاتنى رسالة فى الموبايل من صاحبى زااتو :
( القبض على حميد المزيف فى مستشفى أم درمان ) !

ناذر

البركة فيكم

طبعاً خدمة تسجيل المكاملة تختلف من موبايل لآخر

في الموبايلات الحديثة بامكانك تسجيل المكاملة بعد انتهائها حيث يعرض عليك الموبايل خيارات

للتسجيل في شكل سؤال:

هل تريد تسجيل هذه المكالمة

وبعد ذلك تضغط على ... نعم او... لا

زعيم تنظيم سياسي كبير بسريلانكا قام بمصادرة جميع موبايلات اعضاء الحزب اثناء انعقاد اجتماع مهم

بعد ان وصلته معلومات بأن بعضهم يسرَب ما يدور في الاجتماعات من خلال خدمة التسجيل المتوفرة في

الجوال، كانت الحكومة تغري أمثال هؤلا الاعضاء في الحزب المعارض باموال للحصول على هذه المعلومات



في الاونة الاخيرة لعب الموبايلات دوراً مهماً في فك طلاسم العديد من الجرائم حيث بدات تلجأ المحاكم

الى شركة الهواتف النقالة لمساعدتها في كشف طبيعة المكالمات التي تتم قبل تنفيذ الجريمة بدقائق

قليلة خاصة في حالة وجود موبايل في مسرح الجريمة أو مع أحد المشتبه بهم في تنفيذها

ناذر سلام ، المشكلة مافى التسجيل بس ، الان ممكن يكون شفط كل الارقام الخاصة ، والرسائل الخاصة برضو . لانو الان مع التسجيل فى امكانية سحب معلومات طورت اخيرا ، الزول فى امريكا. رايك شنو احوطو ليك عند ناس الشيخ نعيم ، عشان بكره تلقى موبايل عندك فى الحوش. اخى تلفون صاحبنا الطالبو منك وين .

العاجبني في ناذر انو كان جريء وطرح الموضوع لكن طرحه ناقص
عايز تولعه والاتناقش ظاهرة
التانية عملتها
لكن الاولي عايزه اسم ... اسم الزول السجل ليك
دغري ياناذر
خليها تولع
لكن كده ناقصة

يا ود عمى
الزول العمل العملية دى، خت فى مكانو طوبة
وبث
وأسترو، عشان الكان بينكم
وفتح عينك قوى، وما ترمش

Quote: قانونكم دا في أمريكا .. أها لو زولي برة أمريكا (الخليج مثلاً) تفتكرو الحل شنو ؟

850 زائر و 60 متداخل في أقل من 18 ساعة على طرح البوست ّّّّ!!
جاييكم بعدين بي رواقة وبالأمثلة كمان !!

مش قلت ليكم حا أولعا نار في البوست دا !!





طيب !!!

this is warning ya Ustaz Nasir

.
.
.
حريه حدها للسما...
.
Ok Boss
OK just to let U know when U say stop I respect UR word even I disagree with U
I think now u know what is the difference between me and them
but U have to know that each story has two side
so PLZ, listen both first

مقطع للخروج:
------------
ولا تندم علي دربا تملي مشيتو لي قدام

الاخ ناصر ما كان لك انزال صوت هذه السيده لان صوتها معروف ، وما تقول لى كيف معروف لانك عارف. ارجو سحب هذا المقطع مشكورا.

Whatever I did what's UR opinion on what she said

Just to mention that i came here

الأخ / ناذر
سلام واحترام ،،،،
كل عام وأنت والاسرة الكريمة بخير
اقدر شجاعتك على طرح هذا الموضوع الهام جداً
ومثل هذه الافعال القبيحة تجعل الواحد يشك في اي
أخ يتحدث معه ومعظمنا هنا لم نتقابل او نتعارف من قبل
بل جمعنا هذا الحوش العامر فلماذا هذا السلوك القبيح
أخي ناذر لا تحزن فالذي عمل هذا العمل هو الخاسر الوحيد
واتمنى ان يسود الود والاحترام جميع الاخوة في هذا الحوش الجميل
ونقوى اخوتنا وصداقتنا اكثر فاكثر والله الموفق
تقبل تحياتي
أبو كريم

تبارك شيخ الدين ..

Quote: تحية طيبة، وبعد التسوى بى إيدك؛ يغلِّب اجاويدك

لكن إتعلمت الدرس كويس .. وتاني تووووبة من جنس ناس ديل !!
بعد ما نعريهم هنا أنا متأكد أي زول حا يعمل حسابو كويس !!

هاشم نوريت ..

Quote: ياداقس افندى. يادوب عرفت الحاصل شنو؟

طيب إنت وكت عامل فيها حافظا ومنقطا ما كنت تنورني من زمان وإنت سنيري في البورد دا وعارف الفيها والمافيها بدل تخليني أخت رقم تلفوني في البروفايل وأتكلم مع أي زول يضرب لي وأنا ماسكاني أم فريحانة بنات زي خدمات مشتركين موبيتل !!

ما فيكم فايدة أصلو إنتو.. عرفتي معاكم حدها الكيبورد دا بس تاني !!

ناذر سلااام
الجاتك فى صوتك سامحتك

الاخ سيف جبريل والاخ ناصر البطل
اتمنى تعديل مداخلاتكم
لكما تقديرى

سير إبراهيم !!

Quote: العزيز ود الخليفة .... الحمد لله الما طلع ليك جكس بي شنب يرك فيهو الصقر ؟؟؟؟

لا لا والله العظيم طلع لي لمن كنت ساكي لي بت من بنات المنبر وواعدتها ولمن إتقابلنا في محطة الشهداء لقيتا ولد يمين شنبو دا يربط بيهو أعتى عجل في يوم صبحية !!

من الزعل والله قربت أواصل في مشروعي معاهو للنهاية بدون وضع إعتبار لي بت ولا ولد .. بس في أخر لحظة كظمت الغيظ وكسبت الأجر وإستغفرت ورجعت تاني إندمست قدام الكيبورد الناشف دا !

نوريت ..

Quote: ممكن رقم تلفونك ياناذر؟

خ اا 4567 ترخيص السنة دي !!

عزان ..

Quote: أعترف يا ناذر إنى عملتها مرة ووقعت فى شر أعمالى ...

ما أظنك وقعت في حاجة لأنو نيتك كانت سليمة وأي زول معجب بي حميد كان ممكن يعمل نفس عمليتك دي !!

الزول السجل كلامي دا ونشرو أكيد ما من المعجبين بي ونيتو ما سليمة .. دا الفرق بين تسجيل داك لي صوتي وتسجيلك لي صوت حميد !!

حيدر ..

Quote: ناذر البركة فيكم طبعاً خدمة تسجيل المكاملة تختلف من موبايل لآخر في الموبايلات الحديثة بامكانك تسجيل المكاملة بعد انتهائها حيث يعرض عليك الموبايل خيارات للتسجيل في شكل سؤال: هل تريد تسجيل هذه المكالمة وبعد ذلك تضغط على ... نعم او... لا

تسلم على المعلومات يا حيدر ..
وأهو فهمنا حاجة ..!!

هجو ..

Quote: ناذر سلام ، المشكلة مافى التسجيل بس ، الان ممكن يكون شفط كل الارقام الخاصة ، والرسائل الخاصة برضو . لانو الان مع التسجيل فى امكانية سحب معلومات طورت اخيرا

يا زول !!! من متين الكلام دا !! دا ما إختراق وهكر عديييل كدة !!

Quote: الزول فى امريكا. رايك شنو احوطو ليك عند ناس الشيخ نعيم

يا زول منو القال ليك الزول في أمريكا !! أنا لحدي هسي ما حددت مكانو لكن لمن سألت أحمد عبد الله عن القوانين الأمريكية كنت داير أقارن بينا وبين القوانين في مناطق تانية ..

زي الخليج مثلاً !!

السؤاااااااال الماليهو اجابة............... (انت خايف كده ماااااااااااااااالك)
ناااااااااااااذر خلييييييييييك مع عوووووووووووووودك ... غنى بس
الكلامممممممممممممممم بجييييييييييييييييب الهوااااااااااا

كيفك يا أمير ...

Quote: عايز تولعه والاتناقش ظاهرة التانية عملتها لكن الاولي عايزه اسم ... اسم الزول السجل ليك دغري ياناذر

الإتنين سوا .. لانو هي فعلا ظاهرة وما حالة خاصة بي أنا ..

المشكلة يا أمير هسي أجيب إسم الزول نبقى في دليلك شنو ؟ وجيب الشهود ؟ والقال ليك منو ؟ ووالله الدليل في الحالة دي صعب خلاص إلا يجي الزول القال لي الكلام دا ومعاهو شهود ويشهدو بي كدة ..

وهو وافق إنو يجي ويقول شهادتو بس بعد ما نشوف الموضوع دا ما شي لي وين وراي الناس فيهو شنو وتجارب الناس كيف ؟

ألزم الصبر ..

شايف أخونا سيف جبريل وثق لي تجربة حصلت ليهو وكمان ذكر فيها إسم !!
عثبال الناس كلها تقول الفي راسا بدون ما تلاوز !!

ود طيفور ..

Quote: يا ود عمى الزول العمل العملية دى، خت فى مكانو طوبة وبث وأسترو، عشان الكان بينكم وفتح عينك قوى، وما ترمش

والله دا ياهو العملتو وختيت في مكانو صبة عدييل مش طوبة .. لكن المشكلة إنو هو كيف بس يختاني و يخت في مكاني طوبة برضو !!

شوشتا ..

Quote:

مالك بتضحك في سيرة الخليج يا زول ؟!
شايفني هسي حددتا ولا قلت السعودية ولا عمان ولا الإمارات ؟!
مالك داير تعمل لي مشاكل ياخ !!

لا حوللاااااااااااااااااه !!!!!!

Quote: تسجيل زي ده كده؟ حأدي مية جنيه جديده لمن يتعرف علي صاحبة الصووت

من وين التسجيل دا يا ناصر يا بطل ؟!!
دا أكبر دليل على الخساسة والنذالة الأنا إتكلمت عنها !!!

Quote: ليس أنا من قام بتسجيل هذه المحادثه و لكني وجدتها علي الأنترنت من البورد جيرانا في أحد أزقة الإنترنت

في الإنترنيت كماان !!!

شفتو يا أخوانا !!!

الحمد لله ما في زول جا قال لي أنا موهوم أو بتوهم أشياء ما حقيقية ؟!! معناها فعلا الحصل لي دا قمة جبل الجليد و (اليشوف مصيبة غيرو تهون عليهو مصيبتو) على الاقل مصيبتي محفوظة في موبايلات مش في مواقع إنترنت !!..

بالمناسبة صوت المتحدثة واضح جدا وأنا عرفتو بس ما عارف السجل التسجيل دا منو ولا الزول البيقول (هوو) دا منو أو هي مني !! لكين أنا بدين وبشجب جدا الإسلوب دا لو إتضح إنو صاحبة (الخطبة العصماء) دي ما راضية عن التسجيل دا أو ما سمحت بيهو !!

عندنا هسي شهادتين بخصوص الموضوع دا بال إضافى لي شهادتي يبقو تلاتة حوادث حول القصة دي .. على الأقل واحدة موثقة والناس سامعنها !!

نسأل الله السلامة !!

ناذر اللذيذ
والله مشتاقين
بعدين ولا يهمك
انت زول عسل وشخصية محبوبة
والله ما اكتر الا الحساد

تحياتي اليك من تورنتو
الفاتح

تسلم يا أبو كريم ..

Quote: الأخ / ناذر سلام واحترام ،،،، كل عام وأنت والاسرة الكريمة بخير اقدر شجاعتك على طرح هذا الموضوع الهام جداً ومثل هذه الافعال القبيحة تجعل الواحد يشك في اي أخ يتحدث معه ومعظمنا هنا لم نتقابل او نتعارف من قبل بل جمعنا هذا الحوش العامر فلماذا هذا السلوك القبيح أخي ناذر لا تحزن فالذي عمل هذا العمل هو الخاسر الوحيد واتمنى ان يسود الود والاحترام جميع الاخوة في هذا الحوش الجميل ونقوى اخوتنا وصداقتنا اكثر فاكثر والله الموفق تقبل تحياتي أبو كريم

تسلم كتير على الكلمات الطيبة ..
وأنا بس حبيت نشر الموضوع عشان الناس تعمل حسابا .. نحن في عالم فيهو أكتر من أربعة ألف عضو وأضعاف من الزوار ومعانا ناس محترمين وخاتين أرقام تلفوناتم بي كل طيبة في البروفايل ..

حقو الناس تنتبه للحتة دي وتعيد النظر فيها !!

عثمان فضل الله ..

Quote: السؤاااااااال الماليهو اجابة............... (انت خايف كده ماااااااااااااااالك) ناااااااااااااذر خلييييييييييك مع عوووووووووووووودك ... غنى بس الكلامممممممممممممممم بجييييييييييييييييب الهوااااااااااا

الله لا جاب الخوف .. ما شايفني أمبارح كيف في الجلسة فرحان ومسرور وما مقلق وما بردان !!

لا حوللااااااااااااااااااااه !!!!!

الفاتح شخصيا ومن تورنتو كمان !!

Quote: ناذر اللذيذ والله مشتاقين بعدين ولا يهمك انت زول عسل وشخصية محبوبة والله ما اكتر الا الحساد تحياتي اليك من تورنتو الفاتح

يا زول حمدلله على السلامة كنت تدينا خبر نقوم بالواجب !!
تسلم كتير والحساد ديل أنا بعد دا فضيت ليهم !

طيب مابقيت مشهور وبعدين العرس بتين

عباس ..

Quote: طيب مابقيت مشهور وبعدين العرس بتين

أعرس كيف إذا كان في إحتمال الزول الخسيس داك ماسك علي كمية من الشمارات والأسرار الممكن تنسف حياتي الزوجية والإستقرار بتاعي قبل ما انزل من كوشة العرس !!

بصراحة انا عملتها مرة
في واحد( قون)
بدافع المغرزة

Quote: أعرس كيف إذا كان في إحتمال الزول الخسيس داك ماسك علي كمية من الشمارات والأسرار الممكن تنسف حياتي الزوجية

عووووووووووووك
اوع يكون وصيتوا لفياغرا وكدا
ياخي ماتكون صريح كده مع اي زول من هب و دب

واسبة ..

Quote: غايتو يا ناذر رغم إنها عملية محبطة ومؤلمة لكن درجة الألم بتكون أضعاف لو الشخصية المعنية قريبة منك

للأسف .... نوعا ما كانت قريبة مني

ده تهرب واضح

Quote: الدايرني يرسل لي جواب عادي مكتوب في الظرف بتاعو (شكرا لرجال البريد)

يازول كلامك الفوق دا ذاتو بدخلك فى شبك,
إنت يازول ليه بتميز ضد المرأة??
لماذا رجال البريد وليس العاملين بالبريد (رجال ونساء)??
فى أوروبا كان قلتا كلامك الفوق دا
بغرموك ويسجنوك ويكفتوك
وممكن يقلعو أضافيرنك


مخرج

إنتو تقولو الكلام وبعدين يبقى ليكم حااااار

الجيلي ..

Quote: لماذا رجال البريد وليس العاملين بالبريد (رجال ونساء)??

من انا شافع كنت بحب أرسل الجوابات والمشاركات لي مجلات سمير وماجد وميكي جيب وباسل وأكتر حاجة مجلة ميكي جيب عشان فيها صفحة (تبادلني) برسل ليهم بقول عندي دفتر طوابع والعدد التاسع من ميكي وباكو لبان سندباد داير أبدلم بي شريط لي أم كلثوم وكتاب تعلم طريقة عمل (لقمة القاضي) وفي خلال إسبوعين بستلم الرد ..

طوال الفترة دي كل مظاريف الجوابات مكتوب فيها من برة (شكرا لرجال البريد) ما قابلني ولا واحد مكتوب فيهو (شكرا لحريم البريد) !!

أنا ذنبي شنو !!

ناذر..

أنا كنت قايلك تفتيحة أكتر من كدة !!

في بوستك بتاع الدكتوراة إتكلمت عن الأستدراج للمسنجر و تسجيل ما يدور بغرض استعماله عند

اللزوم !! تصدق انا من كلامك دا عملت حسابي ما بتكلم في المسنجر الا عن الطقس !!

تقوم تقع إنت ظـــــااااطك !!

دي طيبة السودانية !!

لكن طلعت جدع برضو بفتحك البوست دا !!

و في النهاية لما تقول إسمو بتكون مسحت بيهو الارض رغم أي كلام بتكون قلته و إتسجل !!

خليهو يبلو ويشرب مويتو بعد دا !!

عافي منك !!

Quote: مالك بتضحك في سيرة الخليج يا زول ؟! شايفني هسي حددتا ولا قلت السعودية ولا عمان ولا الإمارات ؟! مالك داير تعمل لي مشاكل ياخ !!

تكون قاصد خليج بسكاي وانا ما عارف ..



ياخ قول ما تخاف لو قاصد الخليج بتاعنا
اصلو حبايبنا كتار

Quote: حأدي مية جنيه جديده لمن يتعرف علي صاحبة الصووت

الصوت واضح كما قيل لك
وكمان نقرة باليمين على "الأيقونة" بتوريك عنوان التسجيل الذي
وضعته كان يجب أن تكتب عنوان آخر أو" تكوده" حتى تتفادى المشاكل
أطالب بسحب الصوت
كفاية كفاية كفاية يا عالم

Quote: this is warning ya Ustaz Nasir (عدل بواسطة بكرى ابوبكر on 14-01-2007, 01:52 ص)

الأخ ناذر
سلام سلام
أياك أعني ويا جارة "ناذر" أسمعي
أوعك تغلط تنزلك صوت هنا

شفته يا ناذر المستويات؟؟؟؟
انت بتشكي من تسجيل مكالمه لك..

ساره منصور لم تكتفي بتسجيل مكالمه لي كما قال عنها سيف الدين جبريل
بل بترسل فيها بالبلاد
عشان ينزلها ناصر البطل كمان في مواقع الانترنت!!
ولاجل هذا اخذ تحذير من بكري ابوبكر

Quote: this is warning ya Ustaz Nasir

شفتى مثل هذا؟؟؟؟
وتقول لي شنو؟؟؟

الغريبه البارح كتبت لك يا ناذر عن هذا,ولاني كنت نعسانه
وحسيت الكتابه فيها اخطاء كثيره ارجأتها للصباح
..وانشغلت لافجأ بتلفون يبلغني ان ناصر البطل نزل
لي تسجيل لمكالمه سجلتها لي ساره منصور؟؟؟؟

الغريبه تكلمت معها مجبره بعد ان اتصلت هي وكانت تحرص
على ان تقول ساره فقط ولكنها لا تريد اكمال اسمها
المهم رغم كده عرفتها ,وكنت حذره معها,ورغم كده اعتقدت بانها حصلت على صفقه.

ويا ساره يا عبيطه كل ما حصلت عليه انا كنت عايزاك تنشريه
عشان كنت عارفاك بتسجلي,ويكفي رسالتك الاخيره التي اسمعتيها
لناس احدهم وهي تسجيل لنور تاور صديقتك
وانت ادرى ماذا قالت.
وعندما حدثوني عنها قلت لهم هذه رسالة ساره ارادت لكم ان تخبروني بذلك لاعتقد انها طيبه
ولكن قلت لهم من تسجل لصديقتها,لايمكن ان اثق بها وتأكدوا ان مكالمتكم نفسها مسجله.!!
قالوا معقول ,قلت لهم انها تسجل اي مكالمه...هل تفهمون اي مكالمه..فاي نوع من البشر هذه

وعارف يا ناذر يقال ان اغلب المدافعين عنها هنا هم مجبرين لانها تبتزهم بمكالماتهم معها
فيضطروا ان يصيروا مطبلين لها,وهي اسوء خلق الله.

ربنا يهديك يا ساره منصور
فقد اذيت كثيرا من اهلك.

تراجي.

Quote: ساره منصور لم تكتفي بتسجيل مكالمه لي كما قال عنها سيف الدين جبريل بل بترسل فيها بالبلاد عشان ينزلها ناصر البطل كمان في مواقع الانترنت!! ولاجل هذا اخذ تحذير من بكري ابوبكر Quote: this is warning ya Ustaz Nasir شفتى مثل هذا؟؟؟؟ وتقول لي شنو؟؟؟ الغريبه البارح كتبت لك يا ناذر عن هذا,ولاني كنت نعسانه وحسيت الكتابه فيها اخطاء كثيره ارجأتها للصباح ..وانشغلت لافجأ بتلفون يبلغني ان ناصر البطل نزل لي تسجيل لمكالمه سجلتها لي ساره منصور؟؟؟؟

U R A fatal Liar

الأخ ناذر يا فنان

تشكر للطرح الجرئ

في تقديري الرسالة وصلت

و رحم الله نفسا تعلمت من اخطائها

و ان كان حسن الظن لا يغني عن الحق شيئا

ناصر البطل،

رقوك؟

ادوك الشريط واحد انذار؟

يالوضاعتك ويالدناءتك!

اخدت كم؟

ماشفت زول الفجور في الخصومة يجعل منه برطوش اونعال في ارجل الاخرين، او بالصورة المقذذة دي!

بعد دا او عشان ماعينك تنكسر للابد، زول هبب لي دناءتك اونفسك الصغيرة دي مافي!




سارة منصور،

او رغم الحصل منك هنا او بي سببو تم طردك، لحدي امبارح او بي طريقتي الخاصة سعيت مع الساعين لارجاعك، ولكن ياخسارة!

يعني من كلامكم دا نخلي التلفونات؟ والله ما نخليهم....


واي كلام شين بنكرو طوالي.... بس ما عليك الا ان تقول ايوة دا رقمي لكن انا ما قلت كدة...

الكلام دا مدبلج...


هسي الدنيا مليانة معالجات اصوات....وكان دايرين يقولوك الما قلتو بقولوك ليه يا ناذر...

دحين الزول السجلك دا قول ليه كتر خيرك....يا المغبون ومعذب غيرك...اسقني واشرب مويته

شكرا علي التع...

Quote: سارة منصور، او رغم الحصل منك هنا او بي سببو تم طردك، لحدي امبارح او بي طريقتي الخاصة سعيت مع الساعين لارجاعك، ولكن ياخسارة!

Quote: اوع يكون وصيتوا لفياغرا وكدا

احمد عبدالله احد اقطاب الحزب الاتحادي الديمقراطي بالمنبر!

كتب أحمد عبدالله:

Quote: اوع يكون وصيتوا لفياغرا وكدا

فكتب بشاشا منكراً عليه ذلك ومنوهاً بانتماءه السياسي:

Quote: احمد عبدالله احد اقطاب الحزب الاتحادي الديمقراطي بالمنبر!

ترى، ما رأي بشاشا في اللغة المهذبة -جداً- للثائر هشام هباني؟ وهل يمكن
اعتبارها محسوبة -بدورها- على حزبه السياسي؟
___________________________________

كلمة "أحد أقطاب" هذه اختارها صاحبها بعناية إمعانا في أخذ الحزب بجريرة أحد
المنتسبين إليه، عناية أغفلت جانب المنطق بتعمد قصده التشويش على "القارئ العزيز"!

تراجى مصطفى
التى جاءت محموله على ظهر دبابه الى هذا المنبر بعد اساءة واضحه للأخت / نور تاور واساءة بناء على تهمة بدون دليل خلقت منها موضوعا لكى تغطى على سوءاتها و (عقدها) وجهتها للعضوة/ القلب النابض.

تراجى مصطفى
التى لا تعبأ للوائح هذا المنبر وقوانينه وتسخر منها بكل بجاحة وتطاول وتعترف بأنها لا تشارك هنا تقديرا لعضوية هذا المنبر، ولم ترجع الا لكى (يشتهر) منبرها وأنها لم ترجع الا من أجل مصلحة ذلك المنبر ودولة اسرائيل!!

كتبت تراجى:-
ساره منصور لم تكتفي بتسجيل مكالمه لي كما قال عنها سيف الدين جبريل
بل بترسل فيها بالبلادعشان ينزلها ناصر البطل كمان في مواقع الانترنت!!
ولاجل هذا اخذ تحذير من بكري ابوبكر.
___________________

تراجى مصطفى
تتحدث عن امراة لا تشارك معنا هنا وبامكانها ان ترد عليها من منبرها(الصهيونى) مثلما تفعل تلك المرأة، لكن لأنها أمراة بلا مبادئ، لا يهمها ذلك الأمر، وان تفش غلها وتسئ ادبها فى حق امراة مجتهدة اسست منبرا تشارك فيه عضوية محترمه وتفوق منبرها عددا، وتكذب وتدعى انها اساءت الى اهلها، وتراجى مصطفى اساءت للأمة السودانيه كلها، يمينا ويسارا بتاسيسها الى جمعية صداقة اسرائيله سودانيه!! حتى فقدت اقرب المخلصين لها من الشرفاء، ولم يتبق الا نوعية الرجال الذين لا تحترم الرجل السودانى لأنهم يحترمونها رغم كل ما تقوله عن ذلك الرجل، ورغم ما ارتكتبته من جرم ومن خيانة وطنيه بتأسيسها لتلك الجمعية الى لا يؤيدها الا كل معقد غير واثق من نفسه ورفعها لعلم اسرائيل خفاقا الى جانب العلم السودانى الحزين!!

تراجى مصطفى
أمسك نفسى من التحدث عن أمورها الخاصة رغم انها تحزننى كرجل سودانى ولى وجهة نظر حول ذلك الخاص افضل ان اتحدث عنه كقضية عامة لا خاصة !!

تراجى مصطفى
لأنها أمراة بدون مبادئ ، ولا تؤمن بالعدل والمساواة الا اذا كان قائدها (كوز) من أهل دارفور (تشوت دائما فى اتجاه الهوى)، تذكر اسم (ساره منصور) علنا وبكل بجاحة وحقد وغيرة وحسد وتنسى (بله موسى) اكبر مؤيد لها فى منبر (اسرائيل) وهو اعترف من قبل على هذا الموقع بتسجيله شريط للأخ / سمير ابراهيم!! وهى تعلم انه اكبر من اساء للنساء بتصرفات انانيه لا داعى لسرد تفاصيلها يعلمها اهل (فلادلفيا) وهى ناشطه وداعية لحقوق الأنسان، واجب عليها ان تدافع عن النساء اللواتى اساء اليهن صديقها (بله موسى)!!

اود أن أتجه نحو الأنصرافيه مرة فى العمر فقد تعودت الأنصرافيه من الكثيرين.

لماذا اهتم الناس هنا بمن سجل ولم يهتموا للصوت (الأنوثى) الذى يسئ لجميع الرجال السودانيين على هذا المنبر؟؟ وهو صوت (تراجى مصطفى) التى تحتقر الرجل السودانى المنهك المتعب فى دارفور أو غير دارفور، لذلك حكمت عليه (بانتهاء الصلاحيه) !!

نعم معك حق يا تراجى مصطفى
انت تأتين محموله على ظهر دبابه وانت تسيئن الى جميع الرجال السودانيين على المنابر وفى واقع الحياة لأنك لا تعرفين الرجال السودانيين ولا تصادقين رجال سودانيين، ولم تجدى من بين الذين تعرفينهم وتصادقينهم رجلا يستحق الأحترام ويملأ لك عينك!!.

يا مولانا ..

Quote: أنا كنت قايلك تفتيحة أكتر من كدة !! في بوستك بتاع الدكتوراة إتكلمت عن الأستدراج للمسنجر و تسجيل ما يدور بغرض استعماله عند اللزوم !! تصدق انا من كلامك دا عملت حسابي ما بتكلم في المسنجر الا عن الطقس !!

أنا لمن كتبت بوستي بتاع التكتيكات وإستدراجات الماسنجر الزمن داك التلفون البيسجل المكالمات ما كانو إخترعوهو !! ولو كنت عارفو كنت طوالي أضفتو لي مادة البحث بدون تردد ..


مولانا عادل .

بما إنك زول قانوني وكدة .. يا ريت تدينا الراي القانوني في المسألة دي والقوانين البتحكما ، بما إننا عرفنا الراي القانوني في أمريكا يا ريت لو نورتنا بالراي القانوني في دول الخليج ..

في السودان ما محتاج ليهو لأنو ما فيهو قانون نهائي في المسائل دي !!

Quote: بما إنك زول قانوني وكدة .. يا ريت تدينا الراي القانوني في المسألة دي والقوانين البتحكما ، بما إننا عرفنا الراي القانوني في أمريكا يا ريت لو نورتنا بالراي القانوني في دول الخليج ..

رسل لي إسم الدولة في المسنجر !!

Quote: في السودان ما محتاج ليهو لأنو ما فيهو قانون نهائي في المسائل دي !!

يازول قول بسم الله فيهو !!

شوشتا ...

Quote: ياخ قول ما تخاف لو قاصد الخليج بتاعنا اصلو حبايبنا كتار

الله لا جاب الخوف .. الحمد لله أنا ما محتاج أقول لي كلام ورا زول في تلفونات أو إيميلات .. وأي كلام داير أقولو بقولو في المنبر دا دزززززززززززززز كدة وأصلو ما بتقي الله في زول قاصدو !!

شوف من حباببك المحتاج يسجل كلام زي دا منو !!

يا سيكو ....

Quote: الأخ ناذر سلام سلام أياك أعني ويا جارة "ناذر" أسمعي أوعك تغلط تنزلك صوت هنا

إنذار ناصر خطأ من الأساس ... بكري دا أنا ما عارفو بيحكم كيف !!

المفروض الناس تدين وتستهجن الزول السجل المكالمة دي مش تشبك ناصر يمسح التسجيل لأنو ما جاب الكلام من عندو .. وأنا قبل شوية عرفت الموقع النازلة فيهو المكالمة دي كاملة ..

ما حا انزل إسم الموقع هنا لاني ما فاضي لي إنذارات وبكيات وشكيات قبل ما أتم حريقتي دي .. الداير يعرف ويسمع التسجيل الختاهو ناصر البطل إيميلي موجود في البروفايل يرسل لي عشان أرسل ليو !!

والكمية محدودة !!!!

تراجي مصطفى ..

Quote: شفته يا ناذر المستويات؟؟؟؟ انت بتشكي من تسجيل مكالمه لك..

شوفي يا ستي ..

مختلف معاك لي أبعد الحدود ولمن أشوفك قدامي في المنبر أو في أي مداخلة طوالي بتجيني الحالة سبعتاشر .. وما داسي منك حاجة وأي كلام داير أقولو ليك قلتو ليك قدامك وقدام خلق الله ديل ! حتى لو في كلام فارغ فيهو ضرب تحت الحزام أو فوق الرُكب برضو عندي طريقتي البوصل بيها فهمي ليك أو لي غيرك وكلو قدامك وقدام الناس .. لكن أي شي عندو حدود عندي ما بتجاوزا لاني أمكن زي ما قال لي صحبي مبشر إبراهيم :أنا زول سفيه لكن بتسافه بي شرف !! كلامي وقع ليك ؟!!

الحصل دا غير مقبول إطلاقا ومرفوض مهما كانت الأسباب والتسجيل دا مبتور وما معروف جا في ياتو سياق ولا حتى بيهمني أعرف طالما الإسلوب كان ما أخلاقي من البداية .. لانو لو أنا قصدتك وعندي معاك عداء شخصي أو اي حاجة تانية كان ممكن أشيل التسجيل دا وأستعملو ليك زي مسمار جحا ادقو ليك في أي بوست أو مداخلة اليوم كلو إنتي ظاهرة فيها وبتكتبي فيها ، لكن دا ما من اخلاقياتي ولا من النوع البلجأ للأساليب دي وعندي أساليبي التانية البعرف فيها ألبت للزول متين وأعضيهو متين .. عشان كدة أنا ضد الحصل ليك بغض النظر عن كلامك القلتيهو في التسجيل شنو .. ما بني على باطل فهو باطل وأهو في زول فوق قال إنو القاضي رفض الأخذ بي تسجيل مكالمة إتعرض عليو عشان التسجيل ما قانوني !!
وأنا ما أظن بفهم أكتر من القضاة ديل .. مش كدة ؟!!

صنفرة :

اوعي تستغلي كلامي دا وتطلعي برة تعملي ليك بوست زي بتاع السنة الفاتت وتسميو (ناذر فارس عصور من الحصين الوسطى) ولا شنو داك وتقومي تنزليني في أقرب منعرج لوى !!! لأني خلاص فهمت النظرية وزي ما قال المثل (لا يرفس المؤمن من حصان مرتين) !!

يا سمير ..

Quote: يا نادر موضوعك بقي موضوع عوين وحريم ...

إحتمال .. والحمد لله الحريم والعوين إتكلمو ووضحو .!!

طيب وين الرجال المرو بي الإشكالية دي !!
ما يجو يفتحو خشمم بدل الناس الفي بطنها حرقص تخش البوست وتقعد تعمل رفرش فيهو اليوم كلو وقلبها على يدها ولا يدها على قلبها ما عارف ..

أحسن الناس تقول تجاربا عشان نحسم الظاهرة دي !!

نزار حسين ..

Quote: يعني من كلامكم دا نخلي التلفونات؟ والله ما نخليهم....

إتوكل على الله وأشتغل ....... بالفاكس أو البريد المسجل !!

اخوى ناذر
لك التحية

كيفك يا راجل

انشاء اللخ خير

وكفارة اذا سجلوا ليك ...

وربنا يستر انشاء الله تكون خير


تسلم

تسجيل مكالمات ...... نشر في الإنترنيت ...... تشهير !!!!!!!


يا عالم خليتو الواحد يحس إنو جاي من العصر الحجري أو جاي من كوكب تاني!! الحاصل شنو؟؟

صنفرة موية:

يا ناذر ما تخليهو يسجل .. المشكلة شنو؟ مش ممكن الخطوة التانية يسجل ليك قطعة واطة؟؟

سلامات يا الامين ..

Quote: في تقديري الرسالة وصلت و رحم الله نفسا تعلمت من اخطائها

أنا متأكد إنها وصلت تماما لأني شايف في كمية من الإتصالات التلفونية مدورة في بعضا من الناس البيعنيهم الامر والهبشم طرف السوط ..

عاصم ..

Quote: وربنا يستر انشاء الله تكون خير

أنا بخير والحمد لله بس متشنج شوية ..

أبو الريش ..

Quote: يا ناذر ما تخليهو يسجل .. المشكلة شنو؟ مش ممكن الخطوة التانية يسجل ليك قطعة واطة؟

ومش ممكن الخطوة الجاية يسجلني في كشف الناس الماشين التوج !!

ما هو كلو تسجيل في تسجيل !!

حصر لعدد من المداخلات ذات تصريح أو تلميح بوجود بعضا من مرتادي المنابر يسجلون مكالمات من يتحدثون معه لأغراض مختلفة :

ناذر :

Quote: أقسم لي أحدهم ممن لا يمكن التشكيك في حديثه أنه سمع بإذنيه تسجيلاً لي أتحدث فيه مع أحد الأعضاء/ات المعروفين على مستوى المنابر السودانية .. تم ذلك التسجيل بواسطة الهاتف المحمول لمن تحدثت معه/معها وقد أصابتني الدهشة الشديدة !! ظننته/ها يمزح ولكنه للدلالة على صدق حديثه أخبرني/تني بفحوى تلك المكالمة وتفاصيل دقيقة لم يكن ليعلمها لو لم يستمع/ تستمع للمكالمة فعلاً رغم أن ما دار بيني وبين من تحدثت معه بالهاتف أشياء تندرج تحت بند (الشخصية جدا) ولم يكن لمن تحدثت معه الحق في تسجيل المكالمة وعرضها على الملأ !!

معروف سند :

Quote: انت كنت وين يا ناذر قبل كدا القصة دي حصلت , حتى أسأل اخونا العميد جمعة وآخرون باعتبارهم شهود على تلك الحادثة .

سيف الدين جبريل :

Quote: الاخ العزيز نازر انا مررت بشئ من هذا القبيل حيث اكتشفت ان الاخت سارة منصور والتى كنت أكن لها كل تقدير تقوم بتسجيل كل المكالمات التلفونية لتستقلها لشئ فى نفس يعقوب وتقوم بتأويل الكثير من سياق ومعنى الكلام العام لذلك أتمنى من الاخ سارة ومن خلال هذا البراح الاسفيرى ان تكف عن هذه الافعال وان تقوم بوقف هذا العبث والذى ينافى كل الاعراف والقوانين والمثل المتعارف عليها اخلاقيآ.

سمير إبراهيم :

Quote: واليك يا ابن عمي تجربتي المريره ... سوداني ومناضل .. وبوردابي معروف ... سجل لي مكالمة من ثلاث اجزاء ... وحاول ان يستخدمها كشهاده في المحكمة ضد اخت سودانية ... تابع معي .. سوداني في الغربة رافع ليهو قضية علي سودانية ... القاضي رفض التسجيل ... لعدم الاذن بالتسجيل ..

تسجيل صوتي لي ناصر البطل لكن تم حذفه :

Quote: (عدل بواسطة بكرى ابوبكر on 14-01-2007, 01:52 ص)

تراجي مصطفى :

Quote: الغريبه تكلمت معها مجبره بعد ان اتصلت هي وكانت تحرص على ان تقول ساره فقط ولكنها لا تريد اكمال اسمها المهم رغم كده عرفتها ,وكنت حذره معها,ورغم كده اعتقدت بانها حصلت على صفقه.

تاج السر :

Quote: وتنسى (بله موسى) اكبر مؤيد لها فى منبر (اسرائيل) وهو اعترف من قبل على هذا الموقع بتسجيله شريط للأخ / سمير ابراهيم!!

دي البداية بس ...

منتظرين الباقين ..

وناري لسع مووووووووووووووووووووووووووووووووقدة !!!

Quote: كلمة "أحد أقطاب" هذه اختارها صاحبها بعناية إمعانا في أخذ الحزب بجريرة أحد المنتسبين إليه، عناية أغفلت جانب المنطق بتعمد قصده التشويش على "القارئ العزيز

اميرالجماعة احمد الريح،

ميكافيليتك خريجة اكاديمية الغاية تبرر الوسيلة، لمؤسسها شيخك الترابي ماغريبة هنا.

مافي علاقة مابين نموذج سلوك المنحل اخلاقيا احمد عبدالله هذا علي المستوي الشخصي وفي مواجهة سيدة وام، ونزال هباني لي نظامك المجرم في الخرطوم.

هباني، ليس هناك في سلوكه الشخصي، وبالذات في مواجهة السيدات مايعيبو.

ولكنك كميكافيلي، الغاية عندك تبرر الوسية فلن تتورع ابدا في تجميل وتبرير لغة هذا الساقط، متي ماخدم ذلك غرضك السياسي، ولاجديد هنا مادام استعمال الاغتصاب الجنسي هو بعض اسلحة نموذج دولتك الاسلامية!

اما تمثيل الاحزاب والتيارات السياسية والفكرية في المنبر، فاساسو السلوك الشخصي لمتبني الاتجاه السياسي او الفكري المحدد، وليس الاختام علي الاوراق المروسة، كما هو فهمك باستمرار كوطواط اسلام سياسي!

لانحفل في المنبر كساحة صراع فكري، بالتمثيل البيروقراطي الديواني، بقدر مانحكم علي التوجه، مجسدا في سلوك المنتسبين او المتبنين للطرح المحدد.

ولكن بالنسبة لي امثالك البفتكرو الدين حفظ وتسميع اكبر قدر من النصوص، الماعندها ادني صلة بالممارسة، صعب لوما مستحيل، يفهمو كلامنا ده، عن تجسيد الطرح في الممارسة والسلوك الشخصي اليومي!

مش كان اخير تسكت ساكد بدل كشفنا لي حالك، يالميكافيلي، او برضو رسالي؟

كتب المدعو سمير إبراهيم:

Quote: واليك يا ابن عمي تجربتي المريره ... سوداني ومناضل .. وبوردابي معروف ... سجل لي مكالمة من ثلاث اجزاء ... وحاول ان يستخدمها كشهاده في المحكمة ضد اخت سودانية ... تابع معي .. سوداني في الغربة رافع ليهو قضية علي سودانية ... القاضي رفض التسجيل ... لعدم الاذن بالتسجيل ..

وكتب (سرالختم):

Quote: وتنسى (بله موسى) اكبر مؤيد لها فى منبر (اسرائيل) وهو اعترف من قبل على هذا الموقع بتسجيله شريط للأخ / سمير ابراهيم!!

فأقول لك ياناذر ولكل الأعضاء والقراء:

التسجيل الذى تم لسمير إبراهيم كان بإذنه وإلحاح منه بل هو الذى شرح لى الطريقة التى يمكن أن أسجل بها . وبدأ التسجيل بإذن رسمى منه وموافقة موثقة.

التسجيل لم يعرض على أى محكمة.

الآن لنقطع القول بالفعل وكى لاننساق وراء هذين الرعاع أطلب الآتى:
1/ إذن من سمير إبراهيم بنشره. وهذا فقط إحترام منى لتبرعه بالشهادة على من يدافع عنها الآن.
2/ إذن من بكرى ابوبكر بنشره هنا.
3/بالعدم
و لإثبات كذب سمير وسرالختم فيمكن سماعه بشهود عدل وأرشح صاحب البوست ناذر والأخ تمبس ثم الإدلاء بشهادتهما هنا.

وأزيد كذلك بأن سمير إبراهيم أعطانى عنوان منزله البريدى وطلب منى إعطائه للمحامى لمراسلته كى يرسل شهادة مكتوبة وموثقة.

وهناك شريط آخر عن منبر التى كى أراده سمير كدليل إثبات على تعود من شهد ضدها بالإساءة للأعراض والنساء. ولمن لايعرفون منبر التى كى فهو منبر أسس مخصوص للإساءة لأخوات فضليات بهذا المنبر.