بكري بوسطيني دا من هسي ماصالح للنشر ..عليك الله وديهو لي بي هناك !!

Post: #1
Title: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 05:39 AM
Parent: #0

جادي معاك والله !!

دا بوست لي ناس معينين في البورد دا وما داير اليسوى والمايسواش يقراو ويتابعو ...

حاولت أكتب البوست بي هناك وأبت تلفق معاي ..

أها إنت قوم اعمل فيني خير ووديهو بيهناك قبل ما ابداو !!

صنفرة :

ومن أراد أن تثكله امه وييتم أطفاله ويشوف المكشن البلا بصل ، اليلحقني ورا الخور داك !

Post: #2
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: waleed500
Date: 01-06-2006, 05:59 AM
Parent: #1

ناذر ود خليفة فنانى المفضل
كيف حالك والله يحضرنا بقية الحديث
بكون منتظر ورا الخور ...عارفك بتجيب ضقلا يكركب

Post: #3
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:09 AM
Parent: #1

وليد 500

كيفك يا راجل ..
ياخي أنا زعلان منك ، علقت على كلامك في بوست حسين ملاسي بتاع فنانك المفضل التاني صلاح بن البادية وشايفك ماجيت البوست تاني

صنفرة :

غايتو لو بكري ودا البوست دا ورا الخور بي هناك يكون جد ما قصر وإنت قوم الحقني بي هناك عشان عندي موضوع حااااار داير اكتبو هناك بعيد عن الكشافات دي

Post: #4
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ود الباوقة
Date: 01-06-2006, 06:13 AM
Parent: #1

ومن أراد أن تثكله امه وييتم أطفاله ويشوف المكشن البلا بصل ، اليلحقني ورا الخور داك

وانا ايضا من اراد ان تثكله ( حبوبتو ) ام ابوه ويشتم ريحته طير طير .. فاليحقني خلف سور المدينة الرياضية الخلفي ... الرجالة تطير ان شاء الله ...

اها يا ناذر في تاني شيء

ود الباوقة

Post: #5
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:15 AM
Parent: #1

قائمة بأسماء المطلوبين ورا الخور ..

تتدرج من المطلوبين بشدة والمطلوبين (الأقل شدة) ..

أولا ودون منازع ..

النقاش العالمي دافنشي

Post: #6
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:18 AM
Parent: #1

ود الباوقة ما تتعب روحك ساكت ..

Quote: ومن أراد أن تثكله امه وييتم أطفاله ويشوف المكشن البلا بصل ، اليلحقني ورا الخور داك

وانا ايضا من اراد ان تثكله ( حبوبتو ) ام ابوه ويشتم ريحته طير طير .. فاليحقني خلف سور المدينة الرياضية الخلفي ... الرجالة تطير ان شاء الله ...

اها يا ناذر في تاني شيء

ورا السور داك عملو نقطة بسط أمن شامل وملياانة عساكر

شد حيلك وأرح معاي ورا الخزور بي هناك

Post: #7
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:22 AM
Parent: #1

المطلوب الثاني ..

عضو المنبر الديكـ تور رابح صقر

صنفرة :

لمن تجي جيب معاك القصيدة ديك سمح

Post: #8
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:26 AM
Parent: #1

الشاعر الأوتومسفيري صاحب القصائد التي لم تشتهر إلا عندما انزلها في بوستاتي ..

عضو المنبر عبد العظيم

صنفرة :

أكتب قصيدة وجيبا معاك كان تحلك

Post: #9
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:31 AM
Parent: #1

عبد الفتاح وبقال

وفي رواية اخرى (الفرهيد و تم الريد)

صنفرة :

جيبو بياناتكم ووثائقكم وبوستاتكم السحبتوها وألحقوني بي هناك

Post: #10
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:35 AM
Parent: #1

المناضلة الجسورة وصاحبة ( حصان الوادي يا راحل)

عارفك مشغولة الايامات دي لكن تعالي وأرجعي سرعة ..

صنفرة :

النساء أولا

Post: #11
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:43 AM
Parent: #1

ناصر محمدخليل !!!

قربببببت أنساك والله

أها عليك الله تجيني قبال سفرية مدني الجاية سمح ؟!!!

صنفرة :

صحبتك كلتوم ماتنساها .. جيبا معاك

Post: #12
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-06-2006, 06:49 AM
Parent: #1

الأتية اسماءهم مطلوب حضورهم على هامش (الخور)

روميو
تروتسكي
وليد 500
ود عكر
القلب النابض
ود عقيد
عمر الفاروق
أساسي
بوب
نادية عثمان
ناصر البطل
سيف مساعد

صنفرة :

ومن هسي (العفش داخل البوست على مسئولية صاحبه)

Post: #13
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: طارق جبريل
Date: 01-06-2006, 09:19 AM
Parent: #1

والبعدي الخور بيهناك بيحصل ليهو شنو...

تليشة:هو الخور دا فاضي ولا مليان طين

Post: #14
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-06-2006, 09:39 AM
Parent: #1

المبدع ناذر سلام وشوق
Quote: الأتية اسماءهم مطلوب حضورهم على هامش (الخور)

روميو
تروتسكي
وليد 500
ود عكر
القلب النابض
ود عقيد
عمر الفاروق
أساسي
بوب
نادية عثمان
ناصر البطل
سيف مساعد

صنفرة :

ومن هسي (العفش داخل البوست على مسئولية صاحبه)

ضفرة:ياااتو افشششششششش

Post: #15
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناصر البطل
Date: 01-06-2006, 09:59 AM
Parent: #1

وروروووووووووووووووووووووووووك
أنا إسمي مكتوب؟

Post: #16
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-06-2006, 10:15 AM
Parent: #15

اجيك على هامش الخور ياناذر ؟!!!

حتى فى الخور مهمشين ؟!!!

ويلى من خور مهمش اهله !!!

Post: #17
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: خالد العطا
Date: 01-06-2006, 07:28 PM
Parent: #1

نازر سلام

انا ما فاهم حاجة من البوست لاكن جيت اقول ليك مشتاقين كان ترضى كان تزعل
ولو مغالطنا وما مصدقنا اسال العنبة الرامية فوق بيتنا

صنفرة حديد مصدي :
اليومين دي انا مشغول مع موسم الحج عشان كده ما ارسلت ليك الموضوع داك

Post: #18
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: Ahmed Abdallah
Date: 01-06-2006, 07:43 PM
Parent: #1

ولد يا سامبو .. الخور ده ياتوا يا ربي ?? أوع يكون الخور القدام مسرح النيل في امدرمان ... طالعتك فيه قبل فترة ولقيتك إشاعة ساكت ..

سلام بالجملة ياولد للبلد

Post: #19
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 07:32 AM
Parent: #1

دا شنو دا !!!!

البوست دا لسة قاعد بي هنا !!!!

بعدين أنا ما شايف ولا واحد من الضيوف الأساسيين !!

Quote: والبعدي الخور بيهناك بيحصل ليهو شنو...

تليشة:هو الخور دا فاضي ولا مليان طين

واله يا طارق البيحصل ليو دي بتعرفا بعد ما تعدي معانا مع إنك جاي ضهب وما معزوم

الخور فاااااااضي لكن الخوف بعد ما نعدي يتملي دموم وأشلاء وإسبيرات بشرية

صنفرة :

أها كيف .. تعدي ولا غيرت رايك !!

Post: #104
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: طارق جبريل
Date: 01-10-2006, 02:59 PM
Parent: #19

يا زول بعدي واي شنكبة عنكبة عضلات تبش عروق عجور و..... طوب
رايك شنو

Post: #20
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 07:59 AM
Parent: #1

ود عكر كيفك ..

ختيت ليك وصية قبل كم يوم عند مولاي روميو لكن الظاهر هو خاف يوصلا ليك تقوم إنت تكون ما مقتنع بإنو ناقل الكفر ليس بكافر

العفش الأنا بقصدو العفش العادي دا .. يعني ما أظنكم حا تجوا معاي ورا الخور ومخلين عفشكم في البيت (إلا لو زول ما واثق من روحو ممكن) لإنو إذا حصل شي بي هناك وأكيد حا يحصل.. يكون العفش على مسئولية صاحبه وما يجي يلومني إذا عفشو إتفقد أو راح أو ما لقاهو أو زول سرقوا منو وكدة

الظروف ما معروفة يا ود عكر .. أخير أخت اللوائح من بدري

صنفرة :

إنت قايلني قاصد عفش كرشة الخروف ولا شنو !!

لا لا ياخ .. خيالك مشى بعيد شديد

Post: #21
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 08:13 AM
Parent: #1

ناصر البطل ..

إنت أساسي بي هناك لإنو أمنا الغولة جاية برضو ودايرة تقابلك

صنفرة :

لكن مؤامرة الجسد ما عندك دا منو المتأمر الإتأمر علييو كدة

Post: #22
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: humida
Date: 01-07-2006, 08:15 AM
Parent: #21

الاسطاذ ناذر الخليفة ..
خبزتو ..

Post: #23
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 08:24 AM
Parent: #1

أووووووووووووو ندوية

Quote: اجيك على هامش الخور ياناذر ؟!!!

حتى فى الخور مهمشين ؟!!!

ويلى من خور مهمش اهله !!!

أها إنتي لمن تجي دايرك تكوني حريييييييفة وتخلي بالك من الوراك والقدامك وأصلو ما تزحي من قفاي لإنو الحتة الأنا مطالع فيها البهوات الفوق ديل حتة ما هينة وأنا قلت على هامش الخور عشان إنتي حرييييفة وقالو زمان كنتي عوااامة (زي السمبرية) أها يعني لو حصل كاني ولا ماني .. تقومي جمممممبلللغ تتلبي جو الخور وتعومي لي بر الأمان اللي هو بعد جو الأمان بي شوية

صنفرة :

إنتي قايلة الردمة الردموها ليك بتاعت تغطية القاهرة ديك أخر واحدة ولا شنو

Post: #24
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: هاشم نوريت
Date: 01-07-2006, 08:35 AM
Parent: #23

ناذر
دبايوا
انتو لسة فى حكاية الخور والكلام القديم دا...................................
بس ماقلت لينابرضو ياتو خور؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Post: #25
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 08:38 AM
Parent: #1

خالد العطا ...

Quote: انا ما فاهم حاجة من البوست لاكن جيت اقول ليك مشتاقين كان ترضى كان تزعل
ولو مغالطنا وما مصدقنا اسال العنبة الرامية فوق بيتنا

كويس إنك ما فاهم لكن لو داير تفهم تروح معانا ورا الخور لكن بي هناك كان حصل ليك كدة ولا كدة ولا أخدت ليك عكاز ماااكن ما تجي تسألني

صنفرة :

وزي ما قلنا فوق (عفشك مسؤوليتك وحدك)

Post: #27
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: القلب النابض
Date: 01-07-2006, 08:56 AM
Parent: #25

ناذر سلام

حقو انا ونادية ديل تخلينا في مكتب شمل البسط الآمن.

لانه ما حصل مشينا البتاعات البتشاكلوا فيها الرجال دي .

بعدين شكل لينا حماية دولية لانه بنخاف من ظلم القرايب.

والحماية الدولية تكون امريكية الصنع روسية المنهج.

Post: #29
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-07-2006, 09:04 AM
Parent: #27

يابت يانبض ده شنو

Quote: حقو انا ونادية ديل تخلينا في مكتب شمل البسط الآمن.

البسط ده من الانبساط يعنى ؟ وشامل كمان ؟

Quote: بعدين شكل لينا حماية دولية لانه بنخاف من ظلم القرايب.

والحماية الدولية تكون امريكية الصنع روسية المنهج.

لكن تفتكرى انو ناذر ايدو قوية قدر ده ؟!!!

Post: #34
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: القلب النابض
Date: 01-07-2006, 09:18 AM
Parent: #29

]ا ندوية بسط يهني انبساطة

وآمن يعني ما تجينا سفنجة طايرة من أثر الدواس

يعني ببساطة يشوفوا لينا حزام آمن أو ملاذات آمنة!!!

( وجه خايف ومزعمط)

Post: #26
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 08:55 AM
Parent: #1

احمد عبد الله الراجل اللذيذ

Quote: ولد يا سامبو .. الخور ده ياتوا يا ربي ?? أوع يكون الخور القدام مسرح النيل في امدرمان ... طالعتك فيه قبل فترة ولقيتك إشاعة ساكت ..

ياخي والله يوم راس السنة إنت جليت مني بي بونت !!
أنا مشيت ليك لحدي الإستاد وصحبك معتصم قال لي إنت إتخارجت بدري
الخور القدام المسرح دا شخيت ساكت .. باريني لي خور بكري الغير صالح للنشر داك

صنفرة :

أنا ما إشاعة بس اليوم داك كنت منتعش مع شرحبيل أحمد وكنت ما شغال بيك كتير

Post: #28
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 09:04 AM
Parent: #1

أووووو (حميضة)

إنت زول طبعا مهم جدا في شغلة عبور الخور لكن إتخايل لي أنا زي النسيت أكتب إسمك مع الجماعة ... إنت طبعا زول ما هين وزول صنديد (الكلام دا إقتنعت بيهو لأني كنت متابع الدواس البينك وبين كوستاوي)

موضوع الخبيز دا لسة بعيدين منو لكن ..

جهزنا الشربوت بدري بدري

صنفرة :

عمر الفاروق حي ولا ميت بعد الهبرة الأخيرة ديك

Post: #31
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: humida
Date: 01-07-2006, 09:11 AM
Parent: #28

عمر الفاروق ..
قاعد يشرب في بقنية لزوم تسخينة وكدا
هسع مشى يجك في الخط الدائري الشرقي ( هاي وي )
ذي سبعمية لفة كدا ..
وبجيك طاير .. وفاكي الزراير ..

اما عن موقعة عين الجمل .. مع اخونا كوستاوي ..
الحكم وقفها لانك عمك الكرسترول عندو ارتفع ..
وقال مواعيد الدرب جات ..

بعتبر درون .. بس اتأهلنا بفارق الاهداف ..

Post: #30
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-07-2006, 09:10 AM
Parent: #1

ابو النذير يا شرير
لكن لقيت خوتك خوة التاباني
شفت ناس الهامش وفيهم نادية عثمان في ذمتي قريتها الامين عثمان
سلام كبير لي ناس الهامش

اجدع لي لنك الخور

Post: #32
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-07-2006, 09:12 AM
Parent: #1

هاشم نوريت (الشرق أتى)

Quote: ناذر
دبايوا
انتو لسة فى حكاية الخور والكلام القديم دا...................................
بس ماقلت لينابرضو ياتو خور؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حتى إنتا ياهاشم فاهمني غلط مع إنو الشرق ربنا ما كتر فيهو إلا الخيران

ولو في زول مسؤول من سيرة الخور دا أهنداااااك بكري أبو بكر قدامك .. هو الجاب لينا خور في المنبر دا عشان الناس تصفي فيهو حساباتا بالرجالة وبعيد عن الكشافات دي .. يعني لامن درى لا من شاف ..

صنفرة :

الخور الأنا قاصد خور أوتومسفيري قاعد في (غير صالح للنشر)

Post: #35
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: humida
Date: 01-07-2006, 09:19 AM
Parent: #32

Quote: الخور الأنا قاصد خور أوتومسفيري قاعد في (غير صالح للنشر)

يا ناذر .. اوعه تكون بقت عندك قضية ..
لانه انا والله بكره اي زول عندو قضية ..
عشان الناس بتشيل القضايا بتاعتها دي ..
وتجي تفلقنا بيها ..
هسع اول امبارح واحد فالقني بقضية ..
جابت لي قطيعة عديل كدا ..

اما بالنسبة للعقيد بكري ابو شلخة ..
فهو راجل واقع بين نارين ..
ما بين عشقه للمعارك الاتومسفيرية .. والمكانة الوصل ليها المنبر ..
وما داير يحرم نفسه من متعة صراع الديكة دا ..
عشان كدا فضى لينا بيت الجداد ..
وكل واحد شايف فيها روحه ثعلب ..
يقعد يزمعط ليك في الجداد براحتو ..

واظرف حاجة .. لسع ما وصل ليهو الكهربا
الحتة مضلمة جنس ضلام ..

Post: #33
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-07-2006, 09:17 AM
Parent: #1

البوست ده من متين !!!!

و علي قول ناصر ( انا اسمي مكتوب ) !!!

موت الجماعة عرس

تهريجة:

القلب النابض شايفك جايبه معاك حرس خاس

ود عكر
والله ناذر اداني وصية ياخ لكن برسلها ليك بس مشغول اليومين ديل
* ما جايينا العيد ده !!

Post: #43
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: القلب النابض
Date: 01-07-2006, 02:59 PM
Parent: #33

نوبي معاي حرسي

البلد دي بقت ما مضمونة!

زكمان الخور الوراني الله يجيب العواقب سليمة.

انا بس بقدم استشارات ولساني دا.... ما بعرف للدق والكلام دا.

والحكاية فيها عمر الفاروق شخصيا. " سيد الخور ذاتو"

والشاف العجاجة للسما ما كضب.

Post: #45
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-07-2006, 03:05 PM
Parent: #43

كدي زعلتيني منك

نحن مشينا وين لمن تجيبي اولاد عمتك و تجي !!!

اجيب العكاز و اجيكي ؟؟

تهريجة:

سلمي لي عليو عشان لي هسي هو بيكون مخلوع

Post: #46
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: القلب النابض
Date: 01-07-2006, 03:13 PM
Parent: #45

اها يانوبي

بيسلم عليك وقال لي امسكي في ناس نوبي ديل قوي

يحموك ويحموا بلد

يلا شدوا حيلكم

والجاتكم في بوستاتكم سامحتكم " دا لي أصحاب البوستات المرحلة"

Post: #36
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-07-2006, 09:31 AM
Parent: #1

Quote: ومن أراد أن تثكله امه وييتم أطفاله ويشوف المكشن البلا بصل ، اليلحقني ورا الخور داك !

ناذر كدي اشرح لي دي !!!

تهريجة:

عملتو الشربوت بس ولا معاو ابيض ضميرها ....

Post: #37
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: عمر الفاروق
Date: 01-07-2006, 09:43 AM
Parent: #1

ناذر يا خليفة :
ياخ انا راجيك في الخور من بعد المسلسل وشايل المطوة والطوق والجنزير ولابس لي فنيلة كت ..
وقعدت حرستك لحدي ما بدت عالم السينما قمت شلت حاجاتي ورجعت البيت طوالي!!!
إنتو غيرتو مكان الشلكة ولا شنو ؟؟؟؟؟
انا غايتو من أسة حاجز حصان الوادي يا راحل والنقاش بتاع الجير وكمان كان جبت لي معاهم سواق التكسي تكون ما قصرت تب والله !!!!
الغريبة يا ناذر انا مواضيعي كلها بتكون صالحة إنها تكون بي جاي لكن بكري الله يديهو العافية بيشيلا يوديها الخور طوالي عشان كده انا بقترح عليك تكتب في البوست وفي عنوانو إسمي وبكرة توووشك بتلقاهو بي هناك ..
ولو مستعجل شديد لي موضوعك ده يمشي بي هناك بس جيب سيرة اللاجئين العار بي كلام غير ما تهوى النفوس ..

تخريمة :
ضبحتوا؟؟؟؟؟؟؟

Post: #38
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-07-2006, 09:44 AM
Parent: #1

Quote: إنت قايلني قاصد عفش كرشة الخروف ولا شنو

ابو النيز عيد سعيد مقدما امكن بعد معركة خور ابو العازة ما نتقابل واحسن نقول العفو والعافية .............. لا قايلك قاصد الخروف ابو كرشة..... عموما عفشى وانا مخير فى ودا على وزن العندى انا مابدى وحق الناس بضارب فى,,,,,,,,,,,,
ضفرة : وصيتك ما شميت ريحتها ويبدو ان روميو مشغغغغغغول فى عزاء كبيرهم

Post: #39
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-07-2006, 09:51 AM
Parent: #1

Quote: ود عكر
والله ناذر اداني وصية ياخ لكن برسلها ليك بس مشغول اليومين ديل
* ما جايينا العيد ده !!

نوبى كيفك واحسن الله عزاكم فى مكتوم ود راشد........ الوصية بتاعت ناذر فى الزمة...... وفعلا كنت ارغب فى الحضور الى دبى لكن ماعندنا اجازة ولا يوم العيد يعنى من الصلاة وعلى الدوام واخوك محبط واخلاقو فى راس شنو كده ماعارف لكن نعمل شنو فالمعايش جبارة ........... وعيدك مبارك وسعيد

Post: #40
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-07-2006, 01:41 PM
Parent: #39

سيــدنا نــأذر الخليفة

الموقع على الحافة الخـور لا اجد احدا اتلفت يمينا وشمالا ارى غير مولانا العارف بالله الشيخ عكــر

وهو قابضا على جمر سبحته وجاهز انو يسخط ليهو زول بسبحتـو الشايله هسع دى ...

غايتو ووووب علينا يا يابا مولانا معنا شيطان مايخشنــا ... بس مولانا قبل يويمن شايفى داقى قســم معا ندى القلعة فى اغنية الشاعرة نادية عثمان ... يعنى الجلالات مهمة للسخــانة وكدا

كدى النشوف موضوع الخور ده حيصل وين مايطلع بيــش

فيصــل متشعلقــون قربنا نقع يا حبيب

Post: #41
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-07-2006, 01:44 PM
Parent: #1

Quote: فيصــل متشعلقــون قربنا نقع يا حبيب

كل سنة و انت طيب

اها نتلاقي هناك بعد الخور سمح !

Post: #42
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-07-2006, 01:55 PM
Parent: #41

وانتا طيــب يا حبيب

خلاص لى قدام هناك عند الحافة بتاع الخور داك ... بس الدكتور مايخزلنا

Post: #44
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: mohammed elsaim
Date: 01-07-2006, 03:01 PM
Parent: #42

ناذر يالذيذ
شايف مفردات من عينة عفشتنى وكشنتنى متداولة.. ان شاء الله خير.. القزاز وصلتكم؟

تصريجة: لدى اعراض ادمان انترنتى أريد أن أتعالج منها.. لكن يبدو انك متحالف مع عفاريت الادمان، ان لم تكن واحدا منهم. فهل هناك من يدلنى على فكى بخراتو كاربة؟

Post: #47
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: معتز تروتسكى
Date: 01-07-2006, 03:16 PM
Parent: #42

لالالالالالالالاحولههههه ناذر ده شنو ده ؟ ومودينا الخور كمان. ..
اول شى النفرز الناس الماشين عشان نعرف بعدين فى الضلمه دي لو حصل دواس الزول يعرف ناسو..
انت زاتك جايب ليك ناس كبار اسى ديل نطلع معاهم كيف؟؟
خلاص انا كنت عايز عمك النقاش دافنشى لكن مادام عمر شالو خليهو ينفعو...
بتكفل ليكم بى (الفرهيد و تم الريد) بسوق معاى تمبس ونوبى وحميضه..
لكن تمبس فضيناهو عشان (ناصر خليل)..
لانو ديل بستمعلو اسلحه غير مشروعه (كاكواديك والحجبات)..
اها شيخ ود عكر ده خليهو يمشى يقدمنا ولا يستقبل الجرحى..
بس فى طلب فى زول مابستاهل توديهو الخور ياخ بس انت فاهمو غلط (عبد العظيم) ولو دعت الظروف بقيف معاهو..
وصاحبك (رابح صقر) ده خليهو لى ود العمده..
خلاص عندى ليكم حل بوزعوها ليكم نبطشيه زى ايام الخدمه الالزاميه ..
ناس ندويه والقلب ديل خليهم يزغردن لينا عشان يلهم فينا الحماس..ده فى حالة الفوز
اما فى حالة الردم فيتحولن الى سسترات..

يبقى التوزيع النبتشيه بتاعت السريه كالاتى..
1- (النقاش العالمي دافنشي) ناذر – تروتسكى – عمر الفاروق
2- (الديكـ تور رابح صقر) ناذر – ود العمده
3- (عبد العظيم) براءه
4- (عبد الفتاح وبقال ) وفي رواية اخرى (الفرهيد و تم الريد)) تمبس- تروتسكى- نوبى-ناصر البطل - حميده
5- (المناضلة الجسورة وصاحبة ( حصان الوادي يا راحل)) ناذر- عمر الفاروق- اساسى – حميده
6- (حنين- دنيق -ناصر) بوب- تروتسكى- نوبى
تانى دايرن داك وداك ..والبتعرفو انت براك. .
قايتو لو فى النهاية مالقيت زول بقدمكم طرف الخور وبجى راجع . .

الاتيه اسماهم احتياطى النبطشيه:-
وليد 500
ود عقيد
سيف مساعد

ود عكر حكمدار السريه..

نادية والقلب..
ديل السسترات لمعالجه كدمات الردم..
لو فىزول عندو شخص خلاف المذكورين فى اللسته داير يطلع معاهو الخور
يقدم طلب زى حميده شكلو عندو زول وبوب كذلك وتمبس..لانو حاسى انو عندهم ناس مافى الليسته..

Post: #48
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: Ahmed Mohammed Osman
Date: 01-08-2006, 04:23 AM
Parent: #1

هوي يا ناس
انا اسمي ما مكتوب
لكن جاي برضو..........

Post: #49
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-08-2006, 04:37 AM
Parent: #1

Quote: هوي يا ناس
انا اسمي ما مكتوب
لكن جاي برضو..........

احمد

انت الامتحانات خلصت !!!

كل سنة و انت طيب

Post: #50
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: Ahmed Mohammed Osman
Date: 01-08-2006, 05:31 AM
Parent: #1

نوبي

Quote: احمد

انت الامتحانات خلصت !!!

كل سنة و انت طيب

الامتحانات خلصت وخلصنا معاها

باقي النتيجة...
دعواتكم معانا ...

وانت طيب يا حلو

Post: #51
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 08:52 AM
Parent: #1

كدي يا أخوانا انا جيت لكن محبط والله !!

ما شايف أي واحد من الضيوف الأساسيين جا لحدي هسي !!

الجماعة انا قايلم ناس حارة لكن تراهم بيجعجعوا في النت ساي ولمن الشغلة تبقى فيها خيران ومطالعات كبو الزوغة مع اني متاكد إنو كل المطلوبين قروا البوست دا لكن عاملين فيها مجانين ...

وانا والله لو بكري ما جدع البوست دا في الخور البي هناك حا إضطر أبدا البوست دا هنا قدام الناس دي كلها وما داير زول يجي يلومني خاصة بكري

القلب النابض ..

Quote: ناذر سلام

حقو انا ونادية ديل تخلينا في مكتب شمل البسط الآمن.

لانه ما حصل مشينا البتاعات البتشاكلوا فيها الرجال دي .

إهييييييييييييييييييييي !!!!

دا علي أنا يا قلب ..

إنتي بالذات مشيتي الخور مع عمر علي في بوست سيداو داك ولا نسيتي !!
هو الخور دا إلا يكون محفور وجاهز !!

أما ندوية دي فوالله الخور المشتو لي هسي مافي واحد مشاو ولحدي هسي في الصفحة الاولى شايف شادينها شدة العسكري في الوردية

صنفرة :

بطلو نقة إنتو الإتنين وجهزوا الدلاليك والقصايد عشان نعدي

Post: #54
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-08-2006, 09:04 AM
Parent: #51

Quote: أما ندوية دي فوالله الخور المشتو لي هسي مافي واحد مشاو ولحدي هسي في الصفحة الاولى شايف شادينها شدة العسكري في الوردية

ههههههههههههههههههههه

شادين روحهم يااخوى وانا العندى قلتو والحمد لله راضية تمام الرضاء عن حيادى !!

لكن انت شفت البوست وصل كم لى حدى هسة من الزوار والمتداخلين ؟!!!

تفتكر ده كلو من شنو ؟!!1( وش حاسى بالعظمة والدهشة فى آن واحد)

بتسووها كيفن الوشوش دى ؟!!!

Post: #52
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 08:57 AM
Parent: #1

أووووووووووووو !!!!

الأمين عثمان صديق

وينك يا الأمين يا راجل

سائل منك طوالي إختفيت كدة مالك ..!!

صنفرة :

أها مادام داير تعدي معانا الخور إتحزم وتلب لكن اوعك هناك تقول نوبة

Post: #55
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-08-2006, 09:05 AM
Parent: #52

ابشر والله معاك في السمحة والشينة
والبهبشك احسن يهبش النار وكان جاني احسن يمشي لي نارو

Post: #53
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 09:02 AM
Parent: #1

روميو إنت كنت نايم ولا شنو !!

Quote: البوست ده من متين !!!!

و علي قول ناصر ( انا اسمي مكتوب ) !!!

البوست دا هسي قرب يمشي الخور وإنت يا دوب شفتو !!

لكن عاذرك شكلك مشيت تعزي في زولك داك

صنفرة :

زول ود عكر ماقرب

Post: #57
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-08-2006, 09:16 AM
Parent: #53

يعنى انت بترى انو البوست بتاع العمالة داك مفروض يمشى الخور برضو ؟!!

ورد على مداخلتى التانية برضو ماتعمل مجنون !!!( وشين واحد صارى والتانى ضاحك) !!

Post: #56
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 09:13 AM
Parent: #1

عمر الفاروق الراجل المبروك ..

شايفك برضو ما تبت والليلة عملت ليك مصيبة تانية ..

Quote: ناذر يا خليفة :
ياخ انا راجيك في الخور من بعد المسلسل وشايل المطوة والطوق والجنزير ولابس لي فنيلة كت ..
وقعدت حرستك لحدي ما بدت عالم السينما قمت شلت حاجاتي ورجعت البيت طوالي!!!
إنتو غيرتو مكان الشلكة ولا شنو ؟؟؟؟؟

تعرف يا عمر شايفك ماشي كويس الأيامات دي والناس بقت تعمل ليك حساب والله ذكرتني أياماتك ديك لمن كنت أسد تصول وتجول في المنبر دا زول يهبشك مافي ..

لكن الزمن غدار (خاينة يا دنيا وظالمة يا دنيا) لمن جيت راجع من جبل المطاريد حالتك كانت صعبة خلاص .. حتى شموشي التمبوشي الكنت بتضقل بيهو زمان بقى يحقر بيك ويتسلى بيك لكن يا مان دا حال الدنيا وزي ماقال المثل (الأسد لمن يعجز الغنماية تلحس ... )

أها لكن ماشاء الله وعيني باردة إنت هسي حا تحتل مكانك بجدارة ودا السبب الخلاني أخت اسمك بالذات في البوست دا لأني حا اوفر ليك فرصة ما حصلت بس كدي النمشي ورا الخور لو ربنا اراد وبكري هون ..

صنفرة :

ما ضبحت .. لكن حا اضبحو ورا الخور

Post: #59
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: تولوس
Date: 01-08-2006, 09:24 AM
Parent: #56

ناذر .. ياخوي انا جيتك بي عكازي عشان ما تكون براك...اصلوالخور في {الظلام} خطر جدا..

Post: #58
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 09:22 AM
Parent: #1

مولا ي بوب ..

Quote: سيــدنا نــأذر الخليفة

الموقع على الحافة الخـور لا اجد احدا اتلفت يمينا وشمالا ارى غير مولانا العارف بالله الشيخ عكــر

يا زول أعمل حسابك أمكن يكونوا متلبتين ولا حاجة .!!
الناس ديل بيعملو الكمائن دي عادي ..
بالمناسبة سمعت نكتة العسكري داك العمل كمين للجماعة ..
خلاص لو عارفا أعمل ليهم كمين بي نفس الطريقة خاصة لي بتاع الفن التجريدي داك

صنفرة :

سيأتون وهم صاغرون يابوب ... أثق في ما أقوله !!
وإلا فسنذهب إليهم في عقر مضاربهم وينطبق عليهم المثل ..
(نكورك ليكم ما تجوا .. نجيكم تكوركو)

Post: #60
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 09:27 AM
Parent: #1

محمد الصايم صاحب الدوابيت القزائزية

Quote: ناذر يالذيذ
شايف مفردات من عينة عفشتنى وكشنتنى متداولة.. ان شاء الله خير.. القزاز وصلتكم؟

الحمد لله إنت إقتنعت بي تصنيفي للدوبيت بتاعك !!
ما وصلتنا القزازة لكن قالوا ورا الخور في كمية من نوع (ابو حصان)

صنفرة :

في بوست لي ناصر محمد خليل عبارة عن لقاء مع ست عرقي .. عليك الله حاول ودي الدوبيت داك بي هناك

Post: #87
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-09-2006, 02:19 PM
Parent: #60

بوب
Quote: خلاص لو عارفا أعمل ليهم كمين بي نفس الطريقة خاصة لي بتاع الفن التجريدي داك

بتعرف تعمل كمين انت !!!!!!

محمد الصايم
Quote: ما وصلتنا القزازة لكن قالوا ورا الخور في كمية من نوع (ابو حصان)

ابو حصان عديل كده !!!
حصين ياتو عصور !!!

تهريجة:

البوست ده فيو ريحة خرابة ما خور !!!
الله يستر

Post: #61
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 09:36 AM
Parent: #1

تروتسكي لكن التوزيعة ما عندك..
إنت زمان كنت حاكم الجلسات ولا شنو .!!

Quote: بس فى طلب فى زول مابستاهل توديهو الخور ياخ بس انت فاهمو غلط (عبد العظيم) ولو دعت الظروف بقيف معاهو..

عبد العظيم بتاعك دا أنا ما مزعلني إلا عشان كان بيكتب قصايدو في بوستاتي (طبعا دي إسمها انتهازية وإستغلال شهرتي الاوتومسفيرية) وانا كنت ماخد الموضوع عادي وبقول ما مشكلة.. اهو الناس تعرف البيكتبو الراجل دا ويشتهر حبتين.. وكنت بشجعوا على كدة .. قام صحبك لمن إتعلم الشحدة قام فللي على اقرب باب وكتب بوست كبير وعوير وعريض وقال انا عنصري (يعني ما راعى ساكت لي حق المساحة الكنت بديها ليو في بوستاتي) وبسببو الناس إتشنجت وجابت ليها بوستات وبطيخ !!!..

صنفرة :

على كل حال يا تروتو .. عشان خاطرك خليو يمشي معاي الخور عشان بس إتفاهم معاو وحا اجاول احوش منو الناس الهادرين دموا الماشين معاي ديل

Post: #62
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 09:41 AM
Parent: #1

أوووو أبو حميد يا !!

Quote: هوي يا ناس
انا اسمي ما مكتوب
لكن جاي برضو..........

والله انا ما ختيت إسمك عشان قالو مشغول مع الامتحانات لكن ما دام فضيت وكدة ...
أرحكاكا معانا طوالي ..

صنفرة :

شوف ليك فرار ولا قناية تجيبا معاك

Post: #63
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-08-2006, 09:49 AM
Parent: #62

لاحظ انى عندى مداخلتين جداد منتظرة اشوف تعليقك عليهم !!!

انت سمعت بالمثل البقول:

يشرّك ويحاحى ؟!!!

يعنى شنو المثل ده ؟!!(وشوش خالية من اى تعبير )!!

Post: #64
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-08-2006, 09:58 AM
Parent: #1

دقيقة يا نيزو العجيب شايف نفسك قايم .....اديها صنة وكل سن وانت طيب...
ضفرة: ياااااااااااخ انا قبل كده قلت ليك بى طريقتك دى يوم بتكتل ليك زول ...... وطويل العمر "مالنا" ربنا يطول ايامو ويزيد بركككككككككات لامن نتخارج فاسع الوكت ما مناسب وياااااااااخ هو لسع صبى .... والزول خورو خليججججججج اديييييييل كده وررروووققق

Post: #65
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-08-2006, 10:06 AM
Parent: #1

الشيخ بوب
Quote: وهو قابضا على جمر سبحته وجاهز انو يسخط ليهو زول بسبحتـو الشايله هسع دى ...
ياتو سبحة هى متين فللت جاك ابو الشهيق وبقيت تشوفنى بسبح ياااااااااخ ركز انا شايل كبايه مليانه محاية الجغمة منها تقلبك قرد واخوك جااهز هجبات مجربة ودوايةمن عرق النمل وتهت تهت اككايز من جلد زول ظاتو بس ابو الزول يدينا الاشارة.........
وفى حتة كده انا ماعارفها يعنى غناء فلانه من شعر فلانه دا انا بررررررة انا زول محايات وليل يعنى ورديات وخيرااااااااااااان ................ سعيد عيدك يامان

Post: #66
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-08-2006, 10:21 AM
Parent: #1

Quote: يبقى التوزيع النبتشيه بتاعت السريه كالاتى..
1- (النقاش العالمي دافنشي) ناذر – تروتسكى – عمر الفاروق
2- (الديكـ تور رابح صقر) ناذر – ود العمده
3- (عبد العظيم) براءه
4- (عبد الفتاح وبقال ) وفي رواية اخرى (الفرهيد و تم الريد)) تمبس- تروتسكى- نوبى-ناصر البطل - حميده
5- (المناضلة الجسورة وصاحبة ( حصان الوادي يا راحل)) ناذر- عمر الفاروق- اساسى – حميده
6- (حنين- دنيق -ناصر) بوب- تروتسكى- نوبى
تانى دايرن داك وداك ..والبتعرفو انت براك. .
قايتو لو فى النهاية مالقيت زول بقدمكم طرف الخور وبجى راجع . .

الاتيه اسماهم احتياطى النبطشيه:-
وليد 500
ود عقيد
سيف مساعد

ود عكر حكمدار السريه..

نادية والقلب..
ديل السسترات لمعالجه كدمات الردم..
لو فىزول عندو شخص خلاف المذكورين فى اللسته داير يطلع معاهو الخور
يقدم طلب زى حميده شكلو عندو زول وبوب كذلك وتمبس..لانو حاسى انو عندهم ناس مافى الليسته..

تروتو العجيب ...التوزيعات ماعندك لكن ..........انت خريج قبر الكلب والا شنو ,,,,ازززززززز رغم انك ورطتنى بحكمدارية سرية هذا الفصيل المقاتل من قوات ابو النيز الخاصة الا اننى اوافق واهتف مليون شهيد......... الباقى ده بيودى الخور تمو فى سرك مع امنياتى بعيد سعيد.......... وساعد عمك فى توصيل الكارب ده للبيت........

Post: #71
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: معتز تروتسكى
Date: 01-08-2006, 11:01 AM
Parent: #66

WadAker
اسمك فى الرجال عمسيب انت للضيوف عرديب ..
ياخ والله انا بريد فى الله ساى
ياخ انت زول بالجد مريح..
يديك العافية..
النخش على موضوعنا بعد كسير التلج ده. .
عشان اتملق الحكمدار ده ينزل لى خدمة خفيفة. .

بعدين قلت لى..
Quote: انت خريج قبر الكلب

انت بتعرف المصيبه دى. .
لووووووووووووووووووول
عليك دينك خليهم مسطحين كده لو بتعرفها جد جدا.. ..

بعدين الكارب ده ماعندى معاهو شغله كتيره اخوك شبه نباتى..
مرات الخروف لمن يجبوه ويضبحوه مابكون شفت شكلو كيف..
يعنى بتذوق اللحم لكن ماعليهو بالحيل...
حتقول لى عمرك ضايع
عارف السودانين ديل جنهم لحم لكن تقول شنو كل قاعده ليها استثناء..
الا كان نساعدك عمك ده فى التوصيل لا اكثر. .

تحياتى النواضر وقيل بعافية..

Post: #67
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 10:25 AM
Parent: #1

تولوس الراجل الفنان

تعرف لو كنت إتاخرتا حبتين ما كنت حاتلم فيني إلا ورا الخور ..

Quote: ناذر .. ياخوي انا جيتك بي عكازي عشان ما تكون براك...اصلوالخور في {الظلام} خطر جدا..

يا اخوي تسلم كتير لكن إنت فايتة عليك حاجة .. مع العكاز الحاتجيبو دا جيب معاك جيتار ولا أورغ عشان في واحد من الناس التجريديين ديلك متهمك في (فنيتك) ولا إنت كمان نسيت وعاوز تعمل فيها رايح !!!!

أنا غايتو لمن إتهمني في (إنفنانيتي) في البوست داك انا ما قصرتا معاهو وغنيت ليهو فيو وهو إقتنع .. لكن ما اظنو إقتنع بيك ..

صنفرة :

إنت حر لو ما دايرو يقتنع جيب العكاز براو عشان يقتنع ساي لا اورغن لا بطيخ

Post: #68
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 10:38 AM
Parent: #1

ندوية ما تديها صنة !!

Quote: لاحظ انى عندى مداخلتين جداد منتظرة اشوف تعليقك عليهم !!!

انت سمعت بالمثل البقول:

يشرّك ويحاحى ؟!!!

يعنى شنو المثل ده ؟!!(وشوش خالية من اى تعبير )!!

يعني إنتي ما شايفة الزحمة بتاعت الناس الكتار ديل !!
إنتي حقو تحمدي الله إنو رديت عليك جبيل

الحاجة التانية يا بت أمي .. قاعدة في المنبر دا أكتر من عشرين سنة ولي هسي ما بتعرفي تعملي وشوش ضاحكة ووشوش مبوزة !!!

يعني هسي لمن تجي تكتبي الرد .. على يمينك كدي دحن ما قابلك جخنون مكتوب فيهو Smilies Library كلو كلو !!!!

هسي لو مشيتي ليهو دحن ما بتلاقي فيهو الوشوش الدايراها كلها !!

إنتي عارفة مشكلتك شنو يا ندوية !! إنتي ما بتحبي الراحات والترطيبة .. بعني لو ليك مراد دايرا الوشوش دي يختوها ليك في الكيبورد مش كدا

صنفرة :

أمشي محل قلت ليك وبطلي الكسل البتعملي فيهو دا !!

Post: #69
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 10:48 AM
Parent: #1

الوصية جاتك يا ود عكر !!

Quote: ضفرة: ياااااااااااخ انا قبل كده قلت ليك بى طريقتك دى يوم بتكتل ليك زول ...... وطويل العمر "مالنا" ربنا يطول ايامو ويزيد بركككككككككات لامن نتخارج فاسع الوكت ما مناسب وياااااااااخ هو لسع صبى .... والزول خورو خليججججججج اديييييييل كده وررروووققق

تعرف انا كنت داير ارسلا ليك مباشرة لكن زولكم دا قالو إيدو لاحقة وانا خفت بقوم يتبع الارقام ويصلني لحدي عندي أها قمت قلت اكلف روميو يوصلا ليك لإنو هو زولو في دبي برضو إيدو لاحقة وممكن يحامي ليو إذا جوهو لحدي عندو ..

فرة :

ماقلنا حاجة يا مان ... بس حبيت إتكلم بي لسان حال الاغلبية العندكم

Post: #70
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-08-2006, 10:55 AM
Parent: #69

Quote: على يمينك كدي دحن ما قابلك جخنون

جنخون يعنى شنو كمان ؟!!(وش متحير وزدت حيرتو انت )

والله مالقيت البتاع البتقول عليهو ده !!

Post: #72
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 11:13 AM
Parent: #1

ندوية أنا والله ما كنت قايل في أتقل من الحديد

إنتي ما شرطا تعرفي الجخنون دا يعني شنو ... إنتي بس لمن تلقيهو دوسيهو وبتجيك الوشوش طالعة منو طوالي هسي أنا بكتب أهو دا على يميني مكتوب فيهو SMILIES LIBARARY

صنفرة :

وإنتي دايرة تتعلمي الشغلة دي لييه .. !! ما شاء الله تعبيرك واصل ومن غير وش قاعدين نفهمك ونفهم مشاعرك

Post: #73
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: منتصر حسن محمد
Date: 01-08-2006, 01:05 PM
Parent: #72

نااااااااااااااااذر
كـــــــــــــــــــل سنة وانت بالف عافية

شنو يابا نحن الخور ده حارسنك فيهو بالدس
دايرين نشوف أخرتا وين ...?
العيد ذاتو فاتنا نحن معيدين في أخر الدنيا لي اسي ما جيت
وحكمة الله يا ناااااذر بقيت تسوق أولاد الناس الخور

نقول انت الوديع فيك الحلا
كلامك جميل يوت بوستاتك في علا
نلقاك ذايد في المحن جايب البلا
ولاد الناس دايرم( يطالعوك الخلا )...!!؟

كل سنة و كل الناس بخير
ود زبيدة

Post: #74
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: عثمان حسن الزبير
Date: 01-08-2006, 01:58 PM
Parent: #73

نااااااااااذر

خلاص خليت الغنا بقيت رباطي

اتمرن سمح لو ما أجتزت المعاينة ما بتغني في عرسي ..

Post: #75
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-08-2006, 02:44 PM
Parent: #74

ناذر

اها كده جيتك بالوشوش ؟!!

Post: #76
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-08-2006, 03:27 PM
Parent: #1

ممكن نجيب معانا قزاز

تهريجة:

ولا في ناس جايبة معاها !!!

Post: #77
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: waleed500
Date: 01-08-2006, 03:47 PM
Parent: #76

Quote: (العفش داخل البوست على مسئولية صاحبه)

كلامك ده خلانى اجر واطى قلتا النخلى البوست ده يوصل
الخور واقوم متعنكش فوق السلم

Post: #78
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: mohammed elsaim
Date: 01-08-2006, 03:56 PM
Parent: #76

Quote:
ممكن نجيب معانا قزاز

تهريجة:

ولا في ناس جايبة معاها !!!

حدد! قزاز لبن لشاى الفنانين الزى صاحبنا الغناى داك ولا قزاز للسلاح والتجريح، ولا قزاز ببسى وكوكاكولا للضيوف... ولامآرب أخرى؟ نحن بعد ماناذر قرر توزيعنا أخصائيى قزاز مستعدين نمدكم بكل احتياجاتكم الا من الصنف اياه... الوسطاء لا يمتنعون

تصريجة: احسن ماتجيب!

Post: #80
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-09-2006, 02:18 AM
Parent: #78

Quote: تصريجة: احسن ماتجيب!

قلت كدي احسن

تهريجة:

تمبس وين
شايفك جاكي حول الخور ( تسخينة و كده )

Post: #79
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-08-2006, 04:11 PM
Parent: #1

ماشي مشوار وحا اجي بعدين ارد عليكم واحد واحد .

صنفرة :

إتذكروا كلامي .. العفش داخل البوست على مسئولية صاحبه !!
وما عايز زول يسألني عن كمية العفش المسموح به

Post: #81
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-09-2006, 07:54 AM
Parent: #1

منتصر كيفك

Quote: نقول انت الوديع فيك الحلا
كلامك جميل يوت بوستاتك في علا
نلقاك ذايد في المحن جايب البلا
ولاد الناس دايرم( يطالعوك الخلا )...!!؟

أول حاجة با ألو نصرة أنا والله متكيف جدا من الصورة الجميلة الخاتيها في بروفايلك ..

والله بتشعرني بي راحة وطمأنينة ما عادية ..
أها موضوع الخور دا الحارسني فيهو دا .. شيل الصبر لحدي ما نتلم كلنا ونعدي سوا هسي ماشاء الله الناس كترت وكلها معدية معانا بي هناك ..

أما بيت الشعر الجميل داك فهو بيذكرني بي أبيات من قصيدة هاشم صديق الأخيرة وجذء منها بيقول ..

سدر الغباين فاض ملا
حتى الصعاليك والمطاليق دايرين يطالعوك الخلا !!

صنفرة :

أها يا سيدي أنا ما من الصعاليك القاصدم هاشم صديق لإني برضو ود ناس وسايق معاي أولاد ناس برضو بس إنشالله البي هناك يكونو زينا

Post: #82
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-09-2006, 07:59 AM
Parent: #1

أوووووووووووو الرفيق عثمان ...

Quote: نااااااااااذر

خلاص خليت الغنا بقيت رباطي

اتمرن سمح لو ما أجتزت المعاينة ما بتغني في عرسي ..

كويس إنك قلت ما ماشي معانا في التجريدة دي

والله الواحد قال مرة يغني ومرة يربط عشان زيادة تجارب وكدة

صنفرة :

أنا ألمعاينات إجتزتها زمان .. إنشالله ربنا يسهل ليك معاينة عرسك

Post: #83
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-09-2006, 08:03 AM
Parent: #1

ندوية أخيرا لميتي في الجخنون

Quote: ناذر

اها كده جيتك بالوشوش ؟!!

أها يلا أعملي حسابك كويس في إستعمالا لإنو تستعمليها في حتة ما ياها الناس بتفهمك غلط خاصة الأيامات دي لإني شايفك مستهدفة وكدة

صنفرة :

المتصورة معاك دي منو !!

Post: #84
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-09-2006, 08:06 AM
Parent: #1

روميو ...

Quote: ممكن نجيب معانا قزاز

تهريجة:

ولا في ناس جايبة معاها !!!

إنت نسيت إنو البيهناك متعودين يضربوا البيرة في بلكونات شققم ولا شنو

صنفرة :

خلاص إنت حر .. جيب معاك قزازة لإنو الشتا نزل ومنها تدفي نفسك

Post: #85
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-09-2006, 08:10 AM
Parent: #1

أهاااااااااااااااااااااااااا

دا كلام دا يا وليد !!!!

Quote: كلامك ده خلانى اجر واطى قلتا النخلى البوست ده يوصل
الخور واقوم متعنكش فوق السلم

أثبت يا راجل وما تفضحنا قدام البنوت أخوات الولاد ديل

صنفرة :

عقابا ليك تقعد في نصهن وتسخن ليهن الدلوكة

Post: #86
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناصر محمد خليل
Date: 01-09-2006, 02:00 PM
Parent: #1

ترى ماذا يريد مني الأستاذ نازر هذه المرة ؟

Quote: ناصر محمدخليل !!!

قربببببت أنساك والله

أها عليك الله تجيني قبال سفرية مدني الجاية سمح ؟!!!

صنفرة :

صحبتك كلتوم ماتنساها .. جيبا معاك

دخلت هذا البوست لأتابع أخبارك فإذا بي لا افهم شيئا خاصة وضعك لإسمي في مكان مبهم دون توضيح ما تريده مني ؟

وإذا سألت عن صديقتي كلتوم التي أعتز بصداقتها فهي حزينة هذه الأيام لأن احد أطفالها مريض بشدة وهي تكابد من اجل علاجه وتوفير الأدوية له .

ترى هل تستطيع مساعدتها ومد يد العون لها طالما ذكرت إسمها هنا؟

احترامي

ناصر

Post: #88
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: القلب النابض
Date: 01-09-2006, 02:36 PM
Parent: #86

Quote: بطلو نقة إنتو الإتنين وجهزوا الدلاليك والقصايد عشان نعدي

ناذر أخوي

نشتغل حكامات !!! لكن حكامات سلام

الليل الود ناذر وجماعتو بدورو بسووا الحرابة

ونحن امات العيال والناس الغلابة اللليييييييييلي

ما بندور حرب ما بندور كترابة ترررررررررررررررررررررر ليللليل

دايرن الحليب والبامبرس والشكلاتا

دايرين السلام والله يا رباطة للليليييييييييييييي

دايرن الرجال ينسوا الحرب اللعييينة

ويختوا السلاح اللللييييل

ويمسكوا المسطرينة اللييييللليل

يبنوا المدارس ووالشفخانة والكنتينة

ونجلس جماعة تنتذكر المابينا

اليليييييل

نادية انا تعبيت واصلي انت

Post: #89
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نادية عثمان
Date: 01-09-2006, 04:14 PM
Parent: #88

نااااااااااااااااااذر

انت الخور ده بى وين عندى بوست مشى بهناك وعايزة امشى وراهو ؟!!

Post: #90
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: لقمان حسن همام
Date: 01-09-2006, 08:25 PM
Parent: #89

ناذر ..

أنا زعلان !!

عارف ليه ؟؟

Post: #91
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-10-2006, 06:00 AM
Parent: #1

تروتو الجميل لك الحب فى الله وكل سنة ولنت طيب وامنياتى لك بى جرجير عالى قليل الشية وفعلا 3ارباع عمرك ماتام ياخى الخروف السودانى دا اكل المرطبين هنا لحلاتو وغلاتو وخلوه من امراض الحضارة بدء من جنون الماعز مرورا بزكمة الطير و,,,,,,,,,, حاول ان تبدا المصالحة معاو بعضم من الورك او اى حتة فى الضلوع بس ماتبدا بالمرارة وماتخجل تكنكش فى اى حتة تعجبك وتخلى يدك خفيفة وعينك حمراء واذا دموعك سالت ونخريك جرت برضو ما تخجل وما تقول ادونى كلنكس قشها بالشمال وواصل فبدون هذه الخطوات النازفة لن تتزوق طلاوة الخروف السودانى ولما تقوم ما تقول الحمدلله لو احتمال تجى باقى الصاج ......
Quote: انت بتعرف المصيبه دى. .
لووووووووووووووووووول
عليك دينك خليهم مسطحين كده لو بتعرفها جد جدا..

قبر الكلب دا لى معاو زكريات خاصة واخوك كان من اشهر من مر به ولا زلت اعانى من زكرياته وتعانى الدفعة من كوارث صاحبك.... ووصلا للحليفة اعلم نايم

Post: #92
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-10-2006, 06:07 AM
Parent: #1

نيزو المبدع......... كل سنة واعمق مشاعر الحب بيننا والجميع

الوصية وصلت ومعاها اجمل نكته من اجمل زول ....... دقيقة ياخو دا انت والا الملك "اقصد الصورة"
Quote: ماقلنا حاجة يا مان ... بس حبيت إتكلم بي لسان حال الاغلبية العندكم
انها الزعامة يازعيم وهى مرض اتمنى الا اصاب به حت اتخارج والله القلت عليهم ديل معصورين لامن جارين الهاند بريك والله معاهم وانا برررررررررره وبرضو بطريقتك دى بتخلينى اقدم طلب هجرة مع ناس خالتو ........... او......... طلب طلبه مع المقاول الضخم ناذر ود الخليفة

Post: #93
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-10-2006, 06:42 AM
Parent: #1

القلب النابض دا شنو البتسوي فيهو دا !!

Quote: الليل الود ناذر وجماعتو بدورو بسووا الحرابة

ونحن امات العيال والناس الغلابة اللليييييييييلي

ما بندور حرب ما بندور كترابة ترررررررررررررررررررررر ليللليل

دايرن الحليب والبامبرس والشكلاتا

دايرين السلام والله يا رباطة للليليييييييييييييي

دايرن الرجال ينسوا الحرب اللعييينة

ويختوا السلاح اللللييييل

ويمسكوا المسطرينة اللييييللليل

يبنوا المدارس ووالشفخانة والكنتينة

ونجلس جماعة تنتذكر المابينا

اليليييييل

إنتي ود الطالب ما وراك الحكامات شغلم كيفنهو .!!!
يا بت الناس الحكامات ديل بيشجعوا الرجال للحرابة وبيقطعوا فيهم الدوبيت والشاشاي والضهباي عشان التشجيع وكمان بيزموا الرجال البيخافوا من الحرابة !!

هسي ضهبايك الفوق دا ولا فيهو حاجة من ديل !! إنتي شغالة معانا بالعكس ولا شنو !!
إنتي كدة بتخذلي في الرجال القاطعين الخور وبي طريقتك دي حا تغرقيهم قبل ما يصلوا بي هناك !!

صنفرة :

نادية ما ترجيها .. شايف بكري قطعا الخور على ظهر أب رفاس يا مها سرعتو 600 حصان وهسي هي قاعدة بي هناك تتلفت وكايسة للبيرجعا

Post: #94
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-10-2006, 06:48 AM
Parent: #1

أووو ندوية
والله ذكرتيني بي أندر تاكر المصارع البيطلع من المقابر داك
يا خي والله كفارة ليك على ورود الخور وبالمناسبة دي ختيت ليك رسالة في الأبرفاس الودوك بيهو بي هناك . إنشالله تكوني لقيتيها

Quote: نااااااااااااااااااذر

انت الخور ده بى وين عندى بوست مشى بهناك وعايزة امشى وراهو ؟!!

صنفرة :

تلبي معانا في الكومر دا أهو نحنا كلنا ماشين بي هناك

Post: #95
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-10-2006, 06:53 AM
Parent: #1

لا والله دي قوية الليلة ..
أستاذ لقمان قائد صراع الأجيال شخصيا !!
ياخي والله مشتاقين وشرفتني كتير ..

Quote: ناذر ..

أنا زعلان !!

عارف ليه ؟؟

عارف والله العظيم يا لقمان لكن أنا عرفت متاخر شديد وكان عندي إرتباط مهم جدا وصعب إتحلا منو عشان كدة ما قدرت أجي والله ..
ألف مبروك يا مان وعقبالنا نحنا

صنفرة :

ما قلت لي رايك شنو في سفرية سريعة معانا للخور الاوتومسفيري داك

Post: #96
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-10-2006, 07:09 AM
Parent: #1

أوووووووووووووووووووووووو

قولوا واحد يا شباب

ناصر محمد خليل شخصيا أحد المطلوبين الأساسيين ورا الخور شرف البوست

أول حاجة يا شباب صفقة شديد وتحية للسيد ناصر على شجاعته وقبوله النزال بعكس أخرين جبنوا على الجضور ومواجهة (ما وراء الخور).. صفقة شديدة بللاي ..

Quote: دخلت هذا البوست لأتابع أخبارك فإذا بي لا افهم شيئا

كدي هسي خليك معاي !!

بلا إذا بي بلا إيزابيلا معاك .. خلينا في المفيد هسي ..

موضوع صحبتك كلتوم دي أنا والله متعاطف معاك ومعاها بي شدة (وشبط) وإتخايلي براك شايف انا كنت بعلق على كلامك وبرفع ليك البوست داك .. مع إنك مطنشني طناش العدو !! ولا مرة واحدة ما جاملتني ساكت .. بس الحمد لله ما براي .. يعني شايفك طنشت الناس دي كلها وزي ما بيقولو موت الجماعة عرس يا حبيب ..

دا فيما يختص بكلتوم أما... دقيقة.. دقيقة.. نسيت حاجة مهمة !!! ..
أرجو إبلاغها مواساتي الشديدة لها وتمنياتي بخالص الشفاء لطفلها المريض وهذا كل ما استطع فعله في الوقت الحاضر أما إذا كنت تطرح مبادرة معينة او نفير لتغطية نفقات علاج إبنها فأنا مستعد ..

أها دا ما كلامي .. كلامي المهم حا اوريك ليهو بعد ما نعدي بي هناك ..سمح !!

صنفرة :

إنت السنة دي معيد في الخرطوم ولا شنو

Post: #97
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: نهال كرار
Date: 01-10-2006, 07:23 AM
Parent: #1

ناذر والجميع

كل سنة وانتو طيبيين وربنا يحقق كل الأماني الطيبة

نخش في الموضوع : والله يا ناذر انت متلوم معاي جنس لوم
كل مناسبة تقول لي جيبي معاك الكيك , وانا أشيل وأخم في الكيك
عيد ميلادي فات ليو شهر وشوية وأنت كيكة من كيكاتي مارديتها لي

فأنا بطالبك بكيكة إسفيرية أو بالمرة (بما أن الدنيا عيد) خروف إسفيري تكون ما قصرت

Post: #98
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-10-2006, 07:29 AM
Parent: #1

ود عكر صاحب الملايين
ما قلت لي الخروف بتاعكم كان بقري ولا عجالي

Quote: انها الزعامة يازعيم وهى مرض اتمنى الا اصاب به حت اتخارج والله القلت عليهم ديل معصورين لامن جارين الهاند بريك والله معاهم وانا برررررررررره وبرضو بطريقتك دى بتخلينى اقدم طلب هجرة مع ناس خالتو ........... او......... طلب طلبه مع المقاول الضخم ناذر ود الخليفة

يا زول ربنا يخارجك بالسلامة بعد ما تكون عملت ليك هنا برج فيهو كمية من الطوابيق كدة وتأجر لي منهم واحد ولا إتنين بي نص السعر لزوم العلاقة الأوتومسفيرية البيناتنا ...

طبعا انا هسي بتكلم معاك وبطني ملانة لي هنا (هنا دي حاول خليك امين وأعرف محل بأشر بالضبط عشان ما تقوم تتدقسني معاك) .. قمنا من الصباح ومسكنا الخروف وفرتقناهو وقشرناهو وحمرناهو وسلقناهو ولهطناهو وضربنا بعدا بقنية كاااااربة لمن اخوك هسي مرخم وشايف الشاشة دي نص نص ..

تروتسكي ضابح شنو بي هناك ؟ ما يكون كلب من كلاب الجماعة إياهم !
وشايفكم بتتكلموا عن قبر الكلب وانا حقيقة ما بعرفو لكن طبعا بعرف قبر الحصان

صنفرة :

والله في جملة محرقاني واقفا لي في حلقي وداير أقولا ليك لكن خايف بطريقتي دي أكتل لي زول

Post: #99
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-10-2006, 08:00 AM
Parent: #1

أأووو الضلامية الكبرى نهال كرار ..
بالمناسبة لقب الضلامية الكبرى دا إنتي للأسف حا تفقديهو عما قريب لإنوشايف القلب النابض هي المرشحة بشدة (وكبك برضو) للقب دا بعد معاركا الكتير الفاتت مع قوى المستنيريين والمولعين (شبط)

Quote: نخش في الموضوع : والله يا ناذر انت متلوم معاي جنس لوم
كل مناسبة تقول لي جيبي معاك الكيك , وانا أشيل وأخم في الكيك
عيد ميلادي فات ليو شهر وشوية وأنت كيكة من كيكاتي مارديتها لي

وين لكن عيد ميلادك دا كان ؟؟!! يطرشني والله كان سمعتا بيهو
إنتي عملتيهو في البورد ولا كتامي تحت تحت !!
غايتو يا زولة عقبال 80 شمعة (كفاكي أبو القدح إنتي أصلو!!) بإذن الله وأما إذا سألتي عن الخروف فما اظن فضل فيهو حاجة إلا الجلد وحتى دا دايرين نعملو فروة للصلاة وما حا اقدر اهديهو ليكي لكن التورتات مقدور عليها إنتي بس وريني أجيبا ليك وين !

صنفرة :

بمناسبة الخروف قال ليك في واحد رباطابي مفلللس وجاروا شايقي مقررررش وجلدة ... يوم العيد الرباطابي جا للشايقي وقال ليهو : أاراجل ها !! ما تهديلنا حاجة ؟ الشايقي قاليو : أبشر بالخير إنت بس قول داير شنو من الخروف .. الرباطابي قال والله الراس ما بطال : الشايقي قال : يا اخوي هو الخروف شنو ؟ الخروف ما راس ودايرين نعمل بيهو باسم ، إختارلك حاجة تانية .. الرباطابي قال ليهو خلاص اديني الكرعين !! .. الشايقي برضو دقا جرس وقال للرباطابي :.. هو الخروف شنو كان ما كوارع ؟ إختارلك جاجة تانية !! .. الرباطابي قال للشايقي : خلااص إتعوضنا على الله ادينا الجلد !! : الشايقي قال ليو : هي نان ما نصلي ولا شنو ؟ الجلد دايرين نعمل بيهو فروة للصلاة !!
الرباطابي إتضايق وقال للشايقي :

عليك الله بااااع دي بعدين أعملبها نغمة للموبايل.!!

Post: #112
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: luai
Date: 01-12-2006, 02:05 AM
Parent: #99

ناذر عيد سعيد ..

الحاصل شنو يااخوي الشربوت طلع ليك في راسك ولا شنو ..
بقيت تنادي في الناس ..عشان يلحقوك في الخور الكبير ..

غايتو برضوا بساعدك لانو ناسك العزمتهم ديل ختريييين شديد
وخايف عليك يسحقوك بالاباتشي ..
عشان كده انا ومعي مجموعة من الدفاع الشعبي بنكون كامنين ليكم
في الغابة بتاعة الخور ..وكان احتجت لمساعدة فقط غني النار ولعت ...

Post: #100
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-10-2006, 08:52 AM
Parent: #1

المبدع ناذر
الجملة الحارقاك خليها وانا حاسدك على الترطيبة لانى مداوم وعااااااااادى شفته عاااااااااادى معناه منعول ابوك غرررررررررررررربة
بس دى
Quote: عليك الله بااااع دي بعدين أعملبها نغمة للموبايل.!!
خففت الضغط على كتير وكتر منها ............. قبر الكلب اسعل منو تروتو..........

Post: #101
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: معتز تروتسكى
Date: 01-10-2006, 10:39 AM
Parent: #100

WadAker
العزيز الزول المليح..
تاريهو لمن بقيناك حكمدار السريه ماكان من فراغ..
ظاهر عليك ولازلت اتخيل حال دفعتك فى كفاويك الكنت بتعملها. .
بعدين ربما الفتره ديك نكون اتلاقينا..
قايتو انا فى (الايريا)من الفتره مابين (98-2000)..فى ام الكلالى. .

ولكم جميعنا بقيادة ودعكر..
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لكم الحب....
اول ايام عيد الاضحى
معتز تروتسكى

ودى للحماسة عشان الناس ماتغير رايها من مشوار الخور. .

كمان ماعارف لكن نفسى فى نقزه بى مزاج وعرضه بس وين لينا ؛نحن لينا الله وعيشة الصين..

Post: #102
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-10-2006, 02:29 PM
Parent: #101

شبــــاب كل سنة وانتو طيبين

ترتوســكى كيــفك يا مناضل ياخى معقوله قايلك معا الخور ده حتجيب لينا غنية بتاعت نضــال جايب لينا دلـــوكه احرجتنى والمته مشياعراتى كل سنة وانتا طيب

اها يا ناس الخور كيفكم وكــل سنة وانتو طيبين وعن اذنك يا الدلــو ناذر اعلان هـدنة بمناسبة العيد ده نمشــى نشرب الشربوت ونركب الفيل ونجى للناس ديــل عشان نقدر نتفاهم معاهم

كتــاحة:

ياناذر عليك دينك لولقيت احمد جنين فى بص سيره مارى بجمبك نزولوا معاك وجيبوا تحت هناك جمب الخــور

Post: #103
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: معتز تروتسكى
Date: 01-10-2006, 02:42 PM
Parent: #102

bob
يا ما بتعرف انت دى اسمهااغنية حماسة ..
قال دلوكه قال..فضحتنا وشرطه عينا..
انا اساسا حاولت افتشها ليكم بى صوت الكابلى مالقيت ..
دى لمن تسمعها عند اهلنا بتقف للجلد زى ماحصل شى. .
تقول لى دلوكه يادلوكة انت. .
وشكل الخور ده فراسة ورجاله ورباطيه؛ دايرلو اغانى زي دي وشغل حكامات..
انت داير اغانى النضال ؛ قالولك نحن طالعين مسيره ولا مظاهره. .
هيع
ابشر...

Post: #105
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: صلاح الدين عبدالله محمد
Date: 01-11-2006, 03:33 AM
Parent: #103

جيت ماشى بجنب الخور قلت اشوف الحاصل شنو
واقول كل عام وانتم بخير
مالقيت زول
قلت( خلى بالك الناس دى غاطسه فى صاج اللحمه
ولا فى الجهه التانيه من الخور)

Post: #123
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-12-2006, 06:07 PM
Parent: #100

ود عكر

مالك داير تعمل

Post: #106
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-11-2006, 04:02 AM
Parent: #1

تروتسكي الحبيب ..

يا خي شكرا ليك على الأغنية الحماسية دي اللي نحنا محتاجين ليها في عبور الخور لإني شايف البنوت المعانا قصرن في الحماسة .. لا وكمان شنو !! واحدة جايبا ليها قصيدة دايرة تخذلنا بيها

صنفرة:

ما قلتا لي .. كلبكم الضابحينو كان وولف ولا أاااا .. المفتش سرور

Post: #107
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-11-2006, 04:07 AM
Parent: #1

كيفك يا بوب ..
شايقك عملت فيها زي الكانك ما شفت ردي عليك الفي الصفحة الاولى !!
بس إنشالله تكون النكتة إتزكرتها .

Quote: ياناذر عليك دينك لولقيت احمد جنين فى بص سيره مارى بجمبك نزولوا معاك وجيبوا تحت هناك جمب الخــور

أحمد جنين زولك دا يا بوب زولا حرييييف وبيكون عارف إنت رابط ليهو بي هنا فلو في سيرة هو مباريها هسي إلا تكون غادي غادي ما جهتنا هنا

صنفرة :

الكمين ما قبض زول تجريدي أو حتى ما تجريدي من الناس القانصين بي هناك

Post: #121
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-12-2006, 03:59 PM
Parent: #107

Quote: يا زول أعمل حسابك أمكن يكونوا متلبتين ولا حاجة .!!
الناس ديل بيعملو الكمائن دي عادي ..
بالمناسبة سمعت نكتة العسكري داك العمل كمين للجماعة ..
خلاص لو عارفا أعمل ليهم كمين بي نفس الطريقة خاصة لي بتاع الفن التجريدي داك

صنفرة :

سيأتون وهم صاغرون يابوب ... أثق في ما أقوله !!
وإلا فسنذهب إليهم في عقر مضاربهم وينطبق عليهم المثل ..
(نكورك ليكم ما تجوا .. نجيكم تكوركو)

يا ناذر معقــوله بس ما شفته الرد بتاعك مت عملته رايح والله يعلم

لــكن والله النكته بتاعت العســكرى دى ما سمعته بيها يخربنى بس انت قــوله لى عشان اعرف الكمين بتاعه كان كيفنهو

اها انا منتظرك تورينى ليها بس ماتزوق ؟؟
Quote: أحمد جنين زولك دا يا بوب زولا حرييييف وبيكون عارف إنت رابط ليهو بي هنا فلو في سيرة هو مباريها هسي إلا تكون غادي غادي ما جهتنا هنا

غايتو الواحد اتفائل خير بس اتمنى انو هو يجى احتمال القى ليهو زول احجزوا وكدا وعليك الله خليهو كفاهوا ... ومــوت الجماعه عرس .. وخاصة ناس السيرات لمن اتقابلوا فى خور واحد .. كــلامى صاح لى الصباح ولا كيف

وين الناس الرابطين ليهم ديل يا دكــتور .. انتا عارف يا ناذر دى فرصة اكيدة للناس دى تتقتنع بالرسالة الدكتوره بتاعك .. تشخيص واشعة فى الخــور ... غايتو سجم خشموم لو ضيعوا الفرصه دى .. تشخيص على الهواء مباشره ...

كتـــاحة:

يا تروتســكى جيب معاك الكاميرا بتاعتك عشان تصور احداث الخور دى ..التصوير من جانب عشاق الكميرات واخذ الصور بزوايا حداة واخرى منقرضة ... تتوفر فيك الصفات للتكون حاملها .. وررركــز معانا بالله وخليك من الناضل هسع ..

Post: #108
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-11-2006, 04:13 AM
Parent: #1

صلاح الدين !!

وينك يا راجل .. والله مشتاقين عدييل كدة ..

تعرف انا كنت داير أحت إسمك مع الجماعة الحا يحوشو بقال لكن لقيتك طولت ما ظاهر في المنبر قلت خلاص النخليهو للكبيرة ..

Quote: جيت ماشى بجنب الخور قلت اشوف الحاصل شنو
واقول كل عام وانتم بخير
مالقيت زول
قلت( خلى بالك الناس دى غاطسه فى صاج اللحمه
ولا فى الجهه التانيه من الخور)

الناس دي الظاهر مشت تشرب الشربوت لكن قطع شك بيرجعوا بعد شوية ومنتظرين الإذن من الريس بكري عشان نعدي .

صنفرة :

ضبحتو ولا لسة !!

Post: #109
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: صلاح الدين عبدالله محمد
Date: 01-11-2006, 06:11 AM
Parent: #108

اجلنا الضبيحه لانه فى واحد اخونا عنده عزاء
وكنا واقفين معاه
حصلت له وفاه فى عزيز غالى لديه
لانه من الصباح شال سكينه ماشى على الخروف

لقاه ميت

Post: #110
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناصر محمد خليل
Date: 01-11-2006, 03:48 PM
Parent: #1

Quote: كدي هسي خليك معاي !!

بلا إذا بي بلا إيزابيلا معاك .. خلينا في المفيد هسي ..

لم افهم مادخل الشاعرة ايزابيلا بمداخلتي أعلاه ؟

ترى إلى ماذا ترمي أستاذ نازر ؟؟؟؟

Post: #111
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bayan
Date: 01-11-2006, 08:08 PM
Parent: #110

سلام يا شباب

بس وروني الخور دا وين ؟
في بوست حق مستر كوستا انا مختطفاه خايفة يمشي هناك وما اعرف السكة..

Post: #113
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-12-2006, 05:20 AM
Parent: #1

السيد لؤي ..

Quote: ناذر عيد سعيد ..

الحاصل شنو يااخوي الشربوت طلع ليك في راسك ولا شنو ..
بقيت تنادي في الناس ..عشان يلحقوك في الخور الكبير ..

غايتو برضوا بساعدك لانو ناسك العزمتهم ديل ختريييين شديد
وخايف عليك يسحقوك بالاباتشي ..
عشان كده انا ومعي مجموعة من الدفاع الشعبي بنكون كامنين ليكم
في الغابة بتاعة الخور ..وكان احتجت لمساعدة فقط غني النار ولعت ...

هسي كان في داعي يا لؤي مداخلتك دي تشنقة فوق كدة زي السفة !!
يعني أنا لو ما كل يوم بعمل تمام في الصفوف دي ما كنت لقيتا .بس والله إنتا زول مبروك .

أي عليك اله داير من الدبابين بتاعينكم ديل مساعدة لوجستية بسيطة .. عليك الله كلم جماعتك ناس أساسي ووليد 500 والعميد محمد حامد تعملوا لينا تمشيط بالنيران في القيف التاني قبل ما نحنا نصل .. ناس الكماين كتيرين بي هناك قالو ...

صنفرة :

عليك الله لو شفتو بشاشا (جيبو حي.. ما ينوم) كتلتو ما بتفيدنا بي شئ

Post: #114
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-12-2006, 05:27 AM
Parent: #1

صلاح الدين الحمد لله زولك دا خروفوا مات وكان خروف ..

Quote: اجلنا الضبيحه لانه فى واحد اخونا عنده عزاء
وكنا واقفين معاه
حصلت له وفاه فى عزيز غالى لديه
لانه من الصباح شال سكينه ماشى على الخروف

لقاه ميت

عندنا واحد جارنا مشى يوم الوقفة بالليل عشان يشتري الخروف .. قال بالليل الخرفان بتكون رخيصة وفعلا كلامو صاح .. إشتراليو خروف بي 120000 جنيه بس رجع البيت فرحان ومبسوط تاني يوم لمن جا الضباح إكتشف الحقيقة المرة ..اللي هي إنو صاحبنا دا بالليد دقسوهو الجماعة وأدوهو (نعجة) !!!

صنفرة :

صاحبنا إتحير لكن أنا قلتا ليهو ختها مع الغنم في الزريبة إنشالله ترضع ليكم السخلات

Post: #115
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-12-2006, 05:32 AM
Parent: #1

ناصر خليل إنت مالك متشنج كدة !!

Quote: لم افهم مادخل الشاعرة ايزابيلا بمداخلتي أعلاه ؟

حا تفهم يا زلمة إنت بس أصبر لي شوية لحدي ما نعدي الخور بي هناك .
ولا خفت وغيرت رايك ؟!!

صنفرة :

زلمة = عندنا زول (التوضيح عشان ما تقول أنا نبذتك ولا حاجة)!!

Post: #116
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-12-2006, 05:40 AM
Parent: #1

أوووووووووووووووو

الدكتورى بيان شخصيا ..

شرفتي والله الفيلق الماشي بي هناك دا ..

Quote: سلام يا شباب

بس وروني الخور دا وين ؟
في بوست حق مستر كوستا انا مختطفاه خايفة يمشي هناك وما اعرف السكة..

أنا حا أعمل فيك معروف بس عليك الله ما توري زول سمح !!!

تقوووومي كدي بعد ما تصحي من النوم وتشربي الشاي بالرغيف .. تشيلي أقرب فرار ولا ساطور معاك وتفتحي المنبر الحر .. حا تلقي فوق في لنك مكتوب فيهو الإرشيف والمكتبات تقومي تدوسي فيهو بالماوس .. أها أاااخر عنوان بيجيك مكتوب فيهو (الخور) تقومي تدوسي عليهو لكن مع الدوسة طوالي ترفعي الفرار بتاعك وتكوني مستعدة لأي حاجة لإنو أخبار إستخباراتنا الهناك بتقول إنو في كمية من الكماين منصوبة بي هناك ..

صنفرة :

أنا غايتو ما مسؤول لو في شي حصل ليك .. أما لو كنتي ما مطمنة قومي تلبي معانا في الكومر دا عشان نعدي كلنا سوا ..

Post: #117
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الفاتح محمد عثمان
Date: 01-12-2006, 05:56 AM
Parent: #1

اها يا ناذر اخوي
الخور داك بتاع زمان ولا الخور بتاعي
الجيتني فيه المرة الفاتت لمن فتح صاحبك منو
غايتو لو صاحبك جا الخور الا يشيل شيلتو

Post: #118
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-12-2006, 07:06 AM
Parent: #1

الفاتح اللذيذ

أول حاجة مبروك على نجاح إحتفالية عكس الريح كان يوم جميل وناجح والله ..
أنا طبعا جاييكم عما قريب عشان أغير جو شوية .. فترت من مساسقة النضال والبيانات اليومية البيطلعا صحبك بتاع الخور داك :.. قلت أجيكم وأحاول ابقى شاعر ولا رسام وبالعدم إنشالله (حنانة) ما هو كلو فن في فن ..:

Quote: اها يا ناذر اخوي
الخور داك بتاع زمان ولا الخور بتاعي
الجيتني فيه المرة الفاتت لمن فتح صاحبك منو
غايتو لو صاحبك جا الخور الا يشيل شيلتو

تعرف يا حبيب بعد موقعة الخور بتاعتكم ديك وبعد الفزة الشهيرة البقت أشهر من فزة المك نمر ديك أنا رجعت البيت وشلت عودي وغنيت ..

الصبيان الجرو سابو عروضم وهملوا يا يمة الضرب بتحملوا

صنفرة :

أها إنت يس عدي معانا بي هناك أمكن تلقالك فيو فرقة

Post: #119
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: معتز تروتسكى
Date: 01-12-2006, 07:31 AM
Parent: #118

Quote: ما قلتا لي .. كلبكم الضابحينو كان وولف ولا أاااا .. المفتش سرور

كويس زاتو مابناكل لحم كتير..
لكن ضبحنا (قبر الكلب)ولا موكدى ودعكر. .

بعدين نذورى انت الفاتح ده مش الببقى لى قوش داك.ياخوى انت خوركم ده بقت الاوز منو عديل وربما اغير رائى. .
شكلو عندكم شمارات شنو ماتنورنا..شابكننا فزة ومافزة ؛شكلو الجنى ده عندو زول لابدلو بس ماعرفنو نورنا معاكم ..

Quote: الصبيان الجرو سابو عروضم وهملوا يا يمة الضرب بتحملوا

دي من بكره غنيها لى انا بس انتظر يوم 13 ؛ ومابخاف. .

Post: #120
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-12-2006, 01:17 PM
Parent: #1

تروتسكي ود الجيران

Quote: شكلو عندكم شمارات شنو ماتنورنا..

تعرف يا تروتسكي .. أنا جني وجن الإستهبال والحركات بتاعت بقايا المخلفات التنظيمية لإنو في اغلبا جرجرة غير مستحبة بالنسبة لي .. وما اظن إنت بحاجة لي تنوير في الموضوع دا لإنو انا متاكد إنت متنور لمن كهربتك ممكن تولع حلة كاملة

صنفرة :

عموما ما فرقت معاي كتير وممكن أحكي القصة لو داير !!!

Post: #124
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: معتز تروتسكى
Date: 01-12-2006, 10:47 PM
Parent: #120

Quote: يا ناذر معقــوله بس ما شفته الرد بتاعك مت عملته رايح والله يعلم

Quote: لــكن والله النكته بتاعت العســكرى دى ما سمعته بيها يخربنى بس انت قــوله لى عشان اعرف الكمين بتاعه كان كيفنهو

كده.

Quote: اها انا منتظرك تورينى ليها بس ماتزوق ؟؟

كُر عليك ناذر اعمل ليهو بيان بالعمل

بوب البقت عليك قايتو مابقت فى الخشب لكن ماطلعت تفتيخه ساى

Quote: كتـــاحة:

يا تروتســكى جيب معاك الكاميرا بتاعتك عشان تصور احداث الخور دى ..التصوير من جانب عشاق الكميرات واخذ الصور بزوايا حداة واخرى منقرضة ... تتوفر فيك الصفات للتكون حاملها .. وررركــز معانا بالله وخليك من الناضل هسع ..

انا خلينى من الكاميرا والتصوير لانى شكلى ماحاقدر امشى معاكم انت كدى ركز يااااخ وشوف التعليمات القالها ليك ناذر دى .. الضحكه دى لازوم (الطعمية)القالها ليك صاحبك عمر على فى الخور البى هناك..

--------------------------------------------
نذورى ود الجيران قلت لى ..
Quote: تعرف يا تروتسكي .. أنا جني وجن الإستهبال والحركات بتاعت بقايا المخلفات التنظيمية

يطرشنى ويعمى الجيران يالرفيق ..
الشى التانى بقايا مخلفات تنظيمات ياكرور

Quote: عموما ما فرقت معاي كتير وممكن أحكي القصة لو داير !!!

كنت عايز اقعد اسمعهابعد مانعدى الخور لكن ؛اسمعنى نهايتو انا مابقدر امشى معاكم خلاص اليوم جاء..
اتمنى ليكم معركه فيها منتصرين..ده كلو بتوقف على تنفيذ بوب الصحيح للكمين..

slam for oll

Post: #131
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-13-2006, 11:59 AM
Parent: #124

Quote: كُر عليك ناذر اعمل ليهو بيان بالعمل

بوب البقت عليك قايتو مابقت فى الخشب لكن ماطلعت تفتيخه ساى

هيا يا معتــز كــدى خليك من البيان بالعمل اوعــه تقول لى عمل ليك الكمين بتاع العســكرى بس لو عملوا ليك اكون بالغ فيها لانو الكمائن الذى دى منتشره بين اولاد الجيران واسمهEVEN

شايف النكته الكمين ريحتك يا معتز بس كلمنى لو طبقه فيك بس الكماين الذى بتكون شديده لو الناس العندهم خبره عملوها قبل كدا يعنى انتا ونزار شايفكم الخبره متــوفره بس داير اعرف منو فيكم الجرى جوا الغابـــه؟؟؟؟؟؟؟؟

Post: #122
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-12-2006, 06:05 PM
Parent: #1

Post: #125
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-13-2006, 07:30 AM
Parent: #1

كيف يا شباب ..
والله إتحيرت ما بين عدم معرفة بوب بإعداد الكمائن وما بين البيعملو تروتسكي وما بين النار الجابا روميو دي !!

صنفرة :

روميو .. عليك الله اطفي النار دي وأمش علم بوب كيفية عمل الكمين البيقبضو بيهو أصحابنا التجريديين مع ملاحظة إنو نوعية الكمائن دي من السهل إنها تقبض (التجاردة)

أما تروتو صحبي دا فخليهو لي .. بس النلف ونجيو

Post: #129
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-13-2006, 11:41 AM
Parent: #125

Quote: انت عارف نكته السوسيو بتاع المزرعه
كان عامل كمين داااااااك ؟؟؟؟

يا ناذر نكات كماين العساكر كتيره لكن عرفته القاصــده بس حقت السوسيو دى شديده ... دى بتقبض كل انواع التجادرة وكبيرهم دفنشى ..بس الوجاه مطلوبة لااخونا السوسيو

كتــاحة:

ياتروتسكى ابعــد من السوسيو ده بعوقك .. وماتجى تقول ناذر ود جيرنا بحلنى منو ..هو زاتو ناذر

عامل الف حساب لسوسيو ده

Post: #130
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-13-2006, 11:47 AM
Parent: #125

Quote: والله إتحيرت ما بين عدم معرفة بوب بإعداد الكمائن

يا ناذر الكمائن الزى ده قالوا خبره فيها انتا وطبعا الافضليه بتمشى لناس العندها خبره ... وانتا كم مرة شركته بكمين ذى ده لكن ماوريتنا لو صدق ولا طلق بس ..0 انتا اعملــوا لو فى هجوم ولا حسيــة بحاجه ماطبيعية قول عوك عشان اجى انكتوا ليك لى بــره ... بس لازم تشيل العود معاك ..لكونك عايز تشرك لفنان لازم تشيل حاجه ليها علاقة بالفن وهى عنـــدك بس لو الكمين ده ماصــدق جرب بتاع السوسيــوداك ما بجلـى بس انتا ازبطوا صاح

Post: #132
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-13-2006, 04:18 PM
Parent: #130

Quote: لكونك عايز تشرك لفنان لازم تشيل حاجه ليها علاقة بالفن وهى عنـــدك بس لو الكمين ده ماصــدق جرب بتاع السوسيــوداك ما بجلـى بس انتا ازبطوا صاح

لووووووووووول

ناذر

دي حتردها كيف

داير ليك كرين برضو ما بحلك

Post: #126
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-13-2006, 10:08 AM
Parent: #1

ناذر كيفك
تروتو كلو تمام بس اقدمتى بتخرب ليك النضال فخلينا فى الملكية ياجوبا

نوبى
Quote: ود عكر
مالك داير تعمل

بى ياتو معنى ياوجية غايتو اكان ديك لالالا واكان التانية انا كت بلعب باك سوسيو مايمر منى

Post: #127
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: طارق جبريل
Date: 01-13-2006, 10:17 AM
Parent: #1

يا ناااااااااااااااظر
نحن ما معزومين لكن برضو ماشين الخور على الاقل عشان بت الخال القلب النابض..
وايي شنكبة انكبة عضلات تبش اوروق اجور .... طوب.

Post: #128
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-13-2006, 10:22 AM
Parent: #1

Quote: بى ياتو معنى ياوجية غايتو اكان ديك لالالا واكان التانية انا كت بلعب باك سوسيو مايمر منى

باك يا ود عكر والسوسيو كمان !!!

تهريجة:

انت عارف نكته السوسيو بتاع المزرعه
كان عامل كمين داااااااك ؟؟؟؟

Post: #133
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-13-2006, 10:40 PM
Parent: #128

يا دكتــــور وين انتا يا كمندان بس ماتقــولى السوسيــــــو علق فيــك ما طقطقته الخطــه صـاح يا دكتــور

شيل شيلتك

Post: #134
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-14-2006, 02:54 AM
Parent: #133

ابو النذير
ماشاء الله الناس كلها مسخنة ومولعة نار بس لحدي هسه الجماعة ما ظهرو 00 0هرشو
بالله خلي الضربة الاولى عشان الالم ليك فيهو دا اجضلو ليك اعدمو الطنة

Post: #135
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-14-2006, 06:49 AM
Parent: #1

دا شنو البتعملوا فيهو دا يا شباب !!
والله أنا لو محل بكري كنت ركبتكم كلكم التونسية !!

صنفرة :

نسأل الله السلامة !! والله إنتو بقيتو كعبين خلاص

Post: #136
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-14-2006, 07:54 AM
Parent: #1

الاخ الأمين ..

Quote: ابو النذير
ماشاء الله الناس كلها مسخنة ومولعة نار بس لحدي هسه الجماعة ما ظهرو 00 0هرشو
بالله خلي الضربة الاولى عشان الالم ليك فيهو دا اجضلو ليك اعدمو الطنة

كل عام وانت بخير يا راجل ..

الجماعة ديلاك طلعوا هراشين خلاص وانا ما قايلم كدي .. لكن بما غنو الفيلق بتاعنا إكتمل وجاهز وإستلمنا التموين الظاهر حا إضطر بصفتي القائد الاعلى لوضع خطة هجومية كاسحة في بوستاتم اللي هي عقر دارم عشان ننكتم من هناك

صنفرة :

بس زي ما قلتا ليك خايف من مسألة (نكورك ليكم ما تجو نجيكم تكوركو)

Post: #137
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-14-2006, 09:05 AM
Parent: #136

وانت طيب يا سعادتو
ابو النذير خليني شوية هنا لاني مشرك لي واحد بي كجامة حلوف يمين تمسك فيهو الا يقول جاااااااااااااااااااااااغ بل غيتس ما يفكو منها
وان داير الهجوم حدد الاهداف وخت الخطط وما عليك

Post: #138
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-16-2006, 02:49 PM
Parent: #137

الامين

والله غايتو نصيحتي ليك ...

كجامتك دي وفرا لي وكت تاني زولك دا بيكون فهم النظرية وما أظنو حا يجي بيهناك قريب عشان كدة ...

أحسن تطبف كجامتك دي وتتحرك معانا

صنفرة :

وأعتقد انني سأصدر الأوامر للكتيبة للإستعداد لغزو مضارب بني شرنقة !!

Post: #139
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: القلب النابض
Date: 01-16-2006, 04:06 PM
Parent: #138

بما انو فردتي عندها امتحانات وحردانة بعد تعرض المجال الجوي بتاعها لهجمات العدو

وقد كنا حكامتان حكيمتان

اقول ليكم

الييييل الفايت الحدود واسوه

اللييييل والبنوم الليل صحوه

والبنط الخور خلوه.

يا جماعة انتو ماشين الرحلة دي متين

Post: #140
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-17-2006, 03:03 AM
Parent: #139

سيادة القائد
جيت ارفع التمام وابلغك انو انا والفدائية القلب والمغوار تمبس أغرنا على مضارب بني شرنقة بي هناك وكبدناهم خسائر فادحة في بوستاتهم
جينا ناخد استراحة ونقوم تاني عليهم
ياخي النضال في المنضالين دا متعب خلاص تصدق من التعب قربت اكتبت مداخلتي دي في بوستك بتاع نادية عثمان .. أجمعي هنا عشان اوريك الدوبيت الأوتومسفيري بجوبكنو كيفن !! الا لحقتو في اخر لحظة وخلااااص انا عايز اضغط على ايقونة اضف رد
عيوني طششن ياخي والله كان تبقى دي دولية مرة واحد ومافي زول في المنبر دا يكون سبقني عليها

كجامتي دي خليها في مكانها بقوم اناوش زولك دا لحدي ما يجي مارق من جحرو وبعد دا الكجامة براها بتشوف شغلها فيهو

Post: #141
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ود المايقوما
Date: 01-17-2006, 04:52 AM
Parent: #1

العزيز / ناذر

لك التحية ..

وكل عام وانت بالف خير ... وانشاء الله العيد الجاي تكون مع المدام (ده الكلام . صح )

اخونا ناصر : اشرح ليك ناذر قاصد شنو : معقول مدني الانجبت ود الامين والكاشف وعصام محمد نور

وكيجا وعيدروس انجبت ناصر ؟ ده القاصدو ناذر . وانا اقول ليهو : البطن بطران

الاسبوع ده مافي مدني ؟

التحية لكل الرائعين

Post: #142
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: منتصر حسن محمد
Date: 01-17-2006, 07:46 AM
Parent: #141

العزيز ناذر
كل سنة وانت طيب
شايف المناضلين كتروا
نحن في الخور
القعدة طالت
ولا انتو مشيتو خورا تاني
نحن بنشجع ونخلي الجرحي فقط
وتحت تحت عندي حسابا قديم كان لقيت
فرقه بصفيهو .. ولو مافي بصفي براي
في خورا تاني

اسرعو قبل الخريف والمطر

الشماشة الفي الخور ديل خاشين اللعب ولا بتودوهم وين...؟
غايتو يوفروا حق السينما لمزيدا من السلسيون
وسامعهم قالوا ناذر لو ما دفع خلو رجل ما بفضوا الخور
وغايتو أنا بحاول ليك الإيجار لمدة من الزمن حددها انت
باقي انا الشماسة ديل اصحابي من زماااان

ود زبيدة

Post: #143
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-17-2006, 07:54 AM
Parent: #1

أيوة يا قلب وريهم .. دا التحميس الصاح

Quote: الييييل الفايت الحدود واسوه

اللييييل والبنوم الليل صحوه

والبنط الخور خلوه.

صنفرة :

صحبتك التانية ديك بعد ودوها الخور في ليل بهيم وشافت القصة بي هناك قالت احسن تتخارج وتنسحب وأنا من دوري بهديليها أبياتك ديك خاصة (البنط الخور خلوه)

Post: #144
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-17-2006, 08:01 AM
Parent: #1

الفارس الرزام الأمين

أنا طبعا كنت متابع ببغارة الشنيتوها إنت ومعاك المقاتلة الجسورة القلب النابض على خيام الاعداء وقد كنتم والله فخرا لنا ..

Quote: سيادة القائد
جيت ارفع التمام وابلغك انو انا والفدائية القلب والمغوار تمبس أغرنا على مضارب بني شرنقة بي هناك وكبدناهم خسائر فادحة في بوستاتهم
جينا ناخد استراحة ونقوم تاني عليهم

أخدوا راحتكم تب .. ما قصرتو والله ..

صنفرة :

ود عكر وروميو ..

شدو حيلكم عشان حا ارسلكم في مهمة إنتحارية لي مضارب بني بق بق شايفو قال حا يفرش ليو ورود وبطيخ أمام قوات الامم المتحدة الجايانا

أها كيف جاهزين ولا......

Post: #145
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-17-2006, 08:05 AM
Parent: #1

العزيز ود المايقوما ..

Quote: العزيز / ناذر

لك التحية ..

وكل عام وانت بالف خير ... وانشاء الله العيد الجاي تكون مع المدام (ده الكلام . صح )

وإنت بي ألف خير يا عزيزي .. والمدام إنشاء الله إذا ربنا هون حا اكون معاها السنة دي

ضنفرة :

ياخي مالك داير تجيب لي الهواء بي كلامك الاخير عن الزول دا
ما حا ارد عليك وبعد دا إنشالله ربنا يجيب العواقب سليمة

Post: #146
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-17-2006, 08:11 AM
Parent: #1

منتصر وينك يا راجل !!!!

Quote: العزيز ناذر
كل سنة وانت طيب
شايف المناضلين كتروا
نحن في الخور
القعدة طالت
ولا انتو مشيتو خورا تاني

طولت ما شايفك بي هنا قلت الراجل دا يكون إنسحب ولا حاجة ..
والله يا خ القعدة طالت في الخور لكن الظاهر الجماعة أبو النزال وخافوا منو .. أها العمليات الإنتحارية بدت وزي ما شايف المقاتل الأمين والمقاتلة القلب النابض ذهبوا في مهمة إنتحارية لمضارب الأعداء وكبدوهم خسائر فادحة وانا هسي أصدرت تعليماتي لي المقاتلين روميو وود عكر إنهم يجهزوا لي مهمة تانية

صنفرة :

بس والله خايف ارسلم هناك يقضوها لي كلها عمل كمائن أمكن تقبض وأمكن لا

Post: #147
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-17-2006, 08:35 AM
Parent: #1

ناذر

الكلام ده ما شايفو انت !!!
Quote: شايف النكته الكمين ريحتك يا معتز بس كلمنى لو طبقه فيك بس الكماين الذى بتكون شديده لو الناس العندهم خبره عملوها قبل كدا يعنى انتا ونزار شايفكم الخبره متــوفره بس داير اعرف منو فيكم الجرى جوا الغابـــه؟؟؟؟؟؟؟؟

تهريجة:

مستعدين لشن الهجوم لكن دايرين بيان بالعمل من القائد معاي صاحبي بوب.

Post: #148
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-17-2006, 09:28 AM
Parent: #147

عارف يا سيادتو
انا كنت عايز الاقي خالتك 00المرا اليوم داك مسكت منها صلاح في خور بكري عارف بدل ما تشكرني بقت تلمح وقالت عندها طمام يعني انا عملت ليها طمام !!! وكمان شايفها قاعدة تناوش في اختنا القلب 00 وحات الله وحات الله البقرب من القلب دي الا افرج ليك فيهو الله وخلقو واهينو واطلع دلاقينو واخلي عبرة لمن لا يعتبر

شايف نوبي ولع نارو
نوبي خش الناس ديل هوينين ما تشوف الجعجعة بتاعتهم دي

Post: #149
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: WadAker
Date: 01-17-2006, 09:48 AM
Parent: #1

ناذر
جاهزين دى شنو ياااااخ انا جاهز ومسخن وعامل ويييلززز يعنى مفحط توم وجيرى ما يحصلونى والتعليمات دى كانت اتاخرت اخوك بتصرف

Post: #150
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: bob
Date: 01-17-2006, 11:42 AM
Parent: #149

يعنــى ياناذر الكلام البنكتب فيهو ده بقيت ما شايفو ... خليتنا نساكك فيك من هنا لا غــاذى

عبرنا شوية شوفته كلام نوبى ده خلينى من كلامى الكتبتوا ليك من مدة وعلمته رايح روحت الضيف فى الحله الجديده
Quote: ناذر

الكلام ده ما شايفو انت !!!

Quote: شايف النكته الكمين ريحتك يا معتز بس كلمنى لو طبقه فيك بس الكماين الذى بتكون شديده لو الناس العندهم خبره عملوها قبل كدا يعنى انتا ونزار شايفكم الخبره متــوفره بس داير اعرف منو فيكم الجرى جوا الغابـــه؟؟؟؟؟؟؟؟

تهريجة:

مستعدين لشن الهجوم لكن دايرين بيان بالعمل من القائد معاي صاحبي بوب.

وانتا لســه بثمن على كلام نــوبى بيان بالعمل للكمين عشان نقوم نغزو خلاص صبرنا فـره.. ولو عايز تعمل بعيان بالعمل ومحروج

بغمض ليك عيونى

Post: #151
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: القلب النابض
Date: 01-17-2006, 12:25 PM
Parent: #150

يا جماعة انتو لسة بي جاي

ورلا راجين نادية

اظيتوا الصندوق كويس

ونحن حنعمل استطلاع سريع ونجيكم

غزوة الخور

Post: #152
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-18-2006, 08:30 AM
Parent: #1

up

Post: #153
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-19-2006, 10:51 AM
Parent: #1

Post: #154
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناصر محمد خليل
Date: 01-20-2006, 04:06 AM
Parent: #1

السخيف جدا ود المايقوما ذكرت:

Quote: اخونا ناصر : اشرح ليك ناذر قاصد شنو : معقول مدني الانجبت ود الامين والكاشف وعصام محمد نور

وكيجا وعيدروس انجبت ناصر ؟ ده القاصدو ناذر . وانا اقول ليهو : البطن بطران

كل ما أقرأ لك مداخلة أتذكر على الفور الوصف الي نعتك به هشام هباني في إحدى البوستات فأنت لست سوى ذيل لا شغل له غير هش الذباب لمن يمتلكون تحريكك يمينا وشمالا كقطعة الشطرنج .

نصيحتي لك ان تترك هذا الدور وتهتم لشئونك الخاصة وتكون لك رأيا منفردا.

Post: #155
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-20-2006, 09:02 AM
Parent: #154

الاخ ناصر محمد خليل
انت راجل دفعه في البورد دا وانا من انصار انو ما يشن عليك أي هجوم من أي نوع كان
امرق وتاني ما تجي بي جاي وامسح كلامك دا لانو في كجامة هنا وانا ما عايزا تهبر فيك 00 وحقك علينا يا عم اذا اصابتك شظية وامسحها لي في وشي
سيادة القائد ابو النذير
اللواء نوبي ومعه القائد الميداني احمد عبد الله تقدموا بكتيبة مشاة نحو مخيم بني بقبق وابادوه عن بكرة ابيه وجدعولهم ورودهم هنوك وقنابلهم الفسفورية طلعت شية ساكت هذا وقد انزلنا فرقة بقيادتنا خلف خطوطنا المتقدمة ابدا باذن الله للدعم والمساندة والتدخل السريع اذا لزم الامر وهي على اهبه الاستعداد الان
والله اكبر الله اكبر ولا نامت اعين بني بقبق
حول

Post: #158
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: Ahmed Abdallah
Date: 01-22-2006, 01:16 AM
Parent: #155

Quote: اللواء نوبي ومعه القائد الميداني احمد عبد الله تقدموا بكتيبة مشاة نحو مخيم بني بقبق وابادوه

قبائل بني بق بق إستنجدت بأبناء عمومتها من قبائل زغاوة الزغبي طالبة النجدة فأنشدت لهم نوال الزغبي مقطوعة حماسية تقول ...

أه أه يابقال
واحشني يا ابراهومة..حبيبي ياابودومة
حبيبي يا ابراهومة...روح خد لك نومة

Post: #159
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: فيصل نوبي
Date: 01-22-2006, 01:43 AM
Parent: #158

Quote: قبائل بني بق بق إستنجدت بأبناء عمومتها من قبائل زغاوة الزغبي طالبة النجدة فأنشدت لهم نوال الزغبي مقطوعة حماسية تقول ...

أه أه يابقال
واحشني يا ابراهومة..حبيبي ياابودومة
حبيبي يا ابراهومة...روح خد لك نومة

الله يجازي شيطانك

Post: #156
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ود المايقوما
Date: 01-21-2006, 01:55 AM
Parent: #1

Quote: نصيحتي لك ان تترك هذا الدور وتهتم لشئونك الخاصة وتكون لك رأيا منفردا

ماتقدر تجيب حاجة من عندك ؟ الكلام ده ماياهو نفس كلام القلب النابض ليك في 2005

. والله من الاحسن تترك النت وتكون على الدوام في مدني .

انت وهشام هباني والله العظيم لاتساوون عندي جناحة بعوضة .

انت مين وهشام هباني مين .

Post: #157
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-21-2006, 03:35 AM
Parent: #1

المقاتل الأوتومسفيري الأمين

Quote: اللواء نوبي ومعه القائد الميداني احمد عبد الله تقدموا بكتيبة مشاة نحو مخيم بني بقبق وابادوه عن بكرة ابيه وجدعولهم ورودهم هنوك وقنابلهم الفسفورية طلعت شية ساكت هذا وقد انزلنا فرقة بقيادتنا خلف خطوطنا المتقدمة ابدا باذن الله للدعم والمساندة والتدخل السريع اذا لزم الامر وهي على اهبه الاستعداد الان
والله اكبر الله اكبر ولا نامت اعين بني بقبق

أيوة دا الكلام .... قال زهور وبطيخ قال !!!

ما قصروا ناس روميو وود عكر والحمد لله ما ضيعوا زمنم في نصب الكمائن

أها عندي والله مهمة خطرة خلاص وعايزا ليها زولين كدة خاصين برضو !!
أها في زول يتطوع !!!!

صنفرة :

ود المايقوما أنا فوق قلت ليك شنو !!
ما لك داير تجيب لينا الهوا ياخ

Post: #160
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: الأمين عثمان صديق محمد
Date: 01-22-2006, 03:41 AM
Parent: #157

رفقا السلاح والقابضون على جمر القضية
سيادة الواء نوبي والقائد الهمام واحمد
التحايا النواضر المضمخمة باريج النصر واهازيج والبطولات وانتم تسطرون اروع الملاحم في معركة بني بقبق
Quote: أها عندي والله مهمة خطرة خلاص وعايزا ليها زولين كدة خاصين برضو !!

القائد الفذ ابو النذير
بعد التشاور مع قيادة المنطقة الوسطى ونسبة لانتشار قواتنا في ارجاء المنبر في هذه الايام 00 المقاتلة القلب في معركة وانت في معركة اخرى واللواء ونوبي والهمام احمد ما زالو يطاردون فلولهم المندحرة
نسبة الى ذكرنا اعلاة 00ارى تأجيل المهمة الخطرة القادمة لحين سحب كتيبتين من ارض بني بقبق بعد اقامة الانتخابات ونشر قيم الحرية والديمقراطية
المقاتل الأوتومسفيري الأمين بن عثمان
المناطق المحررة
سبعطاشر من نيسان

Post: #161
Title: Re: بكري بوسطيني دا من هسي ماصالح للنشر ..عليك الله وديهو لي بي هناك !!
Author: ناذر محمد الخليفة
Date: 01-22-2006, 04:58 AM
Parent: #1