قرنق مؤمن على حياته بخمسة ملايين دولار !!! فكيف نبكيك يا وطن ؟؟!!

وصل إلى أوغندا بصورة مفاجئة وفد من شركة تأمين أنجليزية وقابلت اللجنة الوطنية التي تحقق هذه الأيام في حادثة مصرع جون قرنق نائب رئيس الجمهورية ، وقد فوجئت اللجنة بالمستندات التي عرضها عليهم وفد شركة التأمين الإنجليزية والتي تثبت أن جون قرنق مؤمن على حياته بقيمة خمسة ملايين دولار !!!

السؤال هو :

لمن ستذهب أموال التامين تلك ؟ ومن أين أتت أقساط التأمين مبتدأ ؟ وهل يا ترى جميع قادة الحركة الشعبية مؤمنون على حياتهم بمبلغ مماثل لدي شركات تأمين مختلفة ؟ ومن يؤمن لمواطني الجنوب حياتهم الأن وقد بدات المجاعة تحاصر إقليم بحر الغزال وبعض الأقاليم المجاورة ؟؟

هل ستذهب أموال التأمين لزوجته ربيكا أم لصالح حكومة الجنوب أم للحركة الشعبية أم ستعود لرئاسة الجمهورية؟؟؟

وهل يا ترى قادة حكومة الإنقاذ مؤمنين أنفسهم بمبالغ مماثلة ؟؟؟

(وقلبي على وطن يذبحه أبناءه) !!!!!!!!!

Quote: قرنق مؤمن على حياته بخمسة ملايين دولار

تقول واللهِ؟؟؟؟؟؟؟؟؟

Quote: تقول واللهِ؟؟؟؟؟؟؟؟؟

تبقى حكاااااااايه

ناذر

طبعاً التأمين على الحياة شيء عادي ولا أعتقـد أنك تتسأل حول هذه المسألة.

مبلغ التأمين الذي ذكرتـه فعلاً خرافي، إذا صح الخبر طبعاً. وهذا يعني حصول أسرته على ذلك المبلغ. بالمقابل يعني ذلك أيضاً أنَّ رسوم التأمين السنوي كانت مرتفعة ولكن بالتأكيد لم يدفع الراحل ملايين خمسة، ربما تكون قيمة التأمين السنوي في حدود مائة ألف في السنة أو ما شابه ذلك. زي ما تشتري ليك عربية وتعمل ليها تأمين شامل في حدود 25 مليون جنيه سوداني ولكن ما تدفعه سنوياً مقابل هذا التأمين هو 700 ألف جنيه. وبالمعني دا لا أعتـقد أنَّ الراحل قرنق قد واجه صعوبة في توفير أقساط التأمين (Premium ) لأنها ليست مرتفـعة لشخصية كان لها ذلك الوزن الإقليمي والدولي وتُـستقبل استقبال رؤساء الدول.

ولكن أعتقد أنَّ شركات التأمين لا تفصح عن مضمون استمارة التأمين (البوليصة) إلاَّ يموجب إجراءات قضائية معقـدة، وقـد أكون مخطئـاً، وقد تتسرب أحياناً مثل هذه الأخبار عندما تتعلق المسألة بشخصيات لها وزنها السياسي أو الفني.

ولكن في النهاية تكون مسألة التأمين على الحياة مسألة شخصية ويعود ريع التأمين للأسرة، وتكمن الفكرة في ضمان حياة مالية مريحة لأسرة الشخص المؤمن بعد رحيله.

وثـقافة التأمين على الحياة أو الممتلكات، أو التأمين الشامل للسيارات، ثـقافة شبه منعدمة في دول العالم الثالث.


شكراً

إضافة

في المكان الذي أعمل به حالياً، تقوم المنظمة بالتأمين على حياة موظفيها.

وفي حالة وفاة الموظف، تدفع شركة التأمين الراتب السنوي مضروباً في أربعة لأسرتي.

يعني في حال وفاتي أنا مثلاً أثناء العمل حتستلم أسرتي مبلغ 215 ألف دولار (120 ألف جنيه أسترليني).

بس لو الخبر طلع، ما تجي تسأل أسئلتك دي وتربطني بجهات أجنبية .

First

You need to tell us from where you broght this information, then we can talk.

Deng

تأمين السياره الذي أدفعه شهرياَ يشمل تأمين لحياتي وأي منزل أكون ساكن فيه لأكثر من شهر، أي ما يعادل المليون دولار كقيمه يستحقها موكلي.
التأمين شيئ عادي جداَ كما إعتقد بالنسبه لشخصيه مثل د. قرنق شيئ دون المطلوب

سجيمان ..

Quote: تقول واللهِ؟؟؟؟؟؟؟؟؟

الله (واهد) ما شفتو بي إيني دي ... لكن سمئتو بي أداني دي وقريتو في جرايد الليلة السباه !! ..

الأخ إسماعيل ...

شكرا للمداخلة والمعلومات ، ولكني أتساءل عن ضخامة المبلغ ؟؟؟؟؟؟

فإذا إفترضنا ان 10 مثلا من كبار قادة الحركة يؤمنون حياتهم بمبالغ مماثلة ويدفعون قسطا إفتراضيا هو مائة ألف دولار سنويا (طبعا ليس من جيوبهم الخاصة) !! فهذا يعني مليون دولار سنويا !!!!

ألا ترى انه مبلغ ضخم جدا !!!!!!!!! بالنسبة لقادة مواطن جنوبي فقير !!!!!!!
أتمتلك روبيكا قرنق الأن خمسة ملايين دولار !!! تعويضا عن روح زوجها !!!!!

وماذا عن المبلغ الذي ضبطته السلطات البريطانية بحوزتها قبل فترة !!!

أين التأمين على حياة المواطن الجنوبي هنا في وجود كل هذه المبالغ لدي أسرة واحدة والمجاعة الان تكاد تفتك بإقليم بحر الغزال !!!!!

Quote: ولكن في النهاية تكون مسألة التأمين على الحياة مسألة شخصية ويعود ريع التأمين للأسرة، وتكمن الفكرة في ضمان حياة مالية مريحة لأسرة الشخص المؤمن بعد رحيله.

نعم هي مسألة شخصية ولكن قرنق هو ملكية عامة ...خمسة مليون دولار كيف لها أن تكون شخصية ؟؟!!!!!

لا أدري ولكننس تذكرت قصة تجار الحرب التي قرأتها قبل فترة وتدور في إحدى دول غرب إفريقيا !!!

دينق ...

Quote: First You need to tell us from where you broght this information, then we can talk. Deng

i brought the information from today news paper in sudan specially akhbar alyoum news paper

الأخ محدم أدم ..

Quote: تأمين السياره الذي أدفعه شهرياَ يشمل تأمين لحياتي وأي منزل أكون ساكن فيه لأكثر من شهر، أي ما يعادل المليون دولار كقيمه يستحقها موكلي. التأمين شيئ عادي جداَ كما إعتقد بالنسبه لشخصيه مثل د. قرنق شيئ دون المطلوب

شكرا للمعلومة والمرور ولكن ....

5 مليون دولار !!!!!!!!!!!!!!!!!!!!!!!!!!!!!!!!!!!!!!!

مطلوب لقرنق !!!!!!!!!!!!
قرنق رحل الأن :فهل تحتاج روبيكا وأولادها لهذا المبلغ أم يحتاجه شعب الجنوب الان !!!!!!!!!!!!

5 ملايين دولار !!!!!!!!!!!!!!!!!!!

نسأل الله السلامة !!!!

أخى ناذر...صاحب المفاجأت الغير سارة لناس الحركة الشعبية ولليسار الذى يتبعه وللمسترزقين الجدد الذين يحلمون بفتات الحركة من بترول السودان !!!
السؤال هو من أين أتى جون قرنق بقسط التأمين السنوى وهو الثائر الذى ما إنتفض إلا من أجل قضايا المهمشين !!!! أما كان أولى بقسط التأمين المهمشين من الحركة الشعبية على الأقل !!! وهو الذى كان يتاجر بقضيتهم....الثوار يموتون فقراء...هل مات شى جيفارا مؤمنا على حياته؟؟؟؟
ناذر...المبررين أتوك وسوف يأتيك الأخرين تباعايسوقون الأعذار تلو الأعذار !!!
من أين أتى بالأموال؟؟؟
هل سلفاكير مؤمن أيضا على حياته؟؟؟
الأسئلة كثيرة جدا
ولا أفتكر البشير نفسه مؤمن على حياته !!

عليك السلام ياوطنى

Quote: الله (واهد) ما شفتو بي إيني دي ... لكن سمئتو بي أداني دي وقريتو في جرايد الليلة السباه !!

كان كدي النضم صح......

اهااااااا...... عاد بيبقى الراي تاني

تكون يا ربي الرمت الطيارة ربيكا؟......عشان التعويض؟

اخونا ناذر

سلامات

خمسة مليون بس
والله دا مبلغ بسيط جدا لو قارناه بحياة د قرنق
يا خي طريق الأنقاذ براه خمسين مليون دولار
ناهيك عن 125 مليون دولار سوداتيل
ناهيك عن وعن وعن ،،، عيييييك

انا كنت مفتكر د قرنق تأمينه يكون حوالي 5 مليار دولار

سلام يا ود غناي

أحمد جنين (الشال جذء من قلبي)

يا خي ما دايرين مقارنات مش ود الحاج قال ليكم خلوها مستورة !!!
أنا هسي في القدامي دا ..

قرنق دا بيساوي أكتر من خمسة مليون دولار (عشان أريحك) لكن هو لمن مات القروش دي ما إندفنت معاو !!!
هسي ربيكا دي تودي القروش دي كلها وين !!!!
طيب شعب الجنوب دا ما بيساوي المبلغ دا برضو ؟ ولا هو في كفة وقرنق في كفة !!!!!

خمسة مليون دولار !!!!!!!!

يا راجل !!!!!!!

إكسورسست ....

Quote: أخى ناذر...صاحب المفاجأت الغير سارة لناس الحركة الشعبية ولليسار الذى يتبعه وللمسترزقين الجدد الذين يحلمون بفتاب الحركة من بترول السودان !!! السؤال هو من أين أتى جون قرنق بقسط التأمين السنوى وهو الثائر الذى ما إنتفض إلا من أجل قضايا المهمشين !!!! أما كان أولى بقسط التأمين المهمشين من الحركة الشعبية على الأقل !!! وهو الذى كان يتاجر بقضيتهم....الثوار يموتون فقراء...هل مات شى جيفارا مؤمنا على حياته؟؟؟؟ ناذر...المبررين أتوك وسوف يأتيك الأخرين تباعايسوقون الأعذار تلو الأعذار !!! من أين أتى بالأموال؟؟؟ هل سلفاكير مؤمن أيضا على حياته؟؟؟ الأسئلة كثيرة جدا ولا أفتكر البشير نفسه مؤمن على حياته !! عليك السلام يازطنى

والله يا خي إنتا كل ما تتداخل علي في بوست بتجيب لي المشاكل
لحدي هسي النقاش ما شي كويس لكن مجرد ماتجي إنت ما بيحصل خير .. ما منك إنت .. لكن من الناس البيجو وراك ومبارينك ديل يا خي إنتا إصلك ما لعبت سكوكية زمان !!!!؟؟؟؟

أنا عارفك هسي حا تجيب لي الهوا في البوست دا (والهواء عندنا في المنبر بيمشي على رجلين) وله أسامي وألقاب ، والمشكلة إنت عشان صحبي وحبيبي أنا حا أصبر واهو دا قدري معاك ..

والخمسة مليون دولار دي تفسيرا حا يجيك هسي من الناس المبارياك دي

الأخ ناذر
تحياتي

Quote: ولكن في النهاية تكون مسألة التأمين على الحياة مسألة شخصية ويعود ريع التأمين للأسرة، وتكمن الفكرة في ضمان حياة مالية مريحة لأسرة الشخص المؤمن بعد رحيله.

وما الغضاضة في أن يؤمن رجل في وزن الراحل جون قرنق على حياته لضمان حياة كريمة لأسرته من بعده في زمن أصبح فيه الخيط بين المواطن السوداني والتسول رفيع جدا..وما أغترب مغترب إلا لتأمين العيش الكريم له ولمن يعولهم..رجل نذر حياته ووضع راسه بن كفيه مدافعا عن قضية وطنه..هل نطالبه أيضا بوضع مستقبل أسرته من بعده في مهب الريح؟؟؟؟ كلنا يود لو يؤمن لأسرته حياة كريمة بعد رحيله فلماذا نعيب ذلك على جون قرنق؟؟؟؟
لك الود

الزاكي

Quote: سجيمان تقول واللهِ؟؟؟؟؟؟؟؟؟

سجيمان ده خمسة مليون جنيه سوداني ما لامي فيه

أخى ناذر
ضحكتنى والله...يعنى أنا صرت كارثة عليك...لكن الأخبار التى تأتى بها تدفع الشخص دفعا للتعليق
وأهو كما توقعت المبرراتية جوك يرفلون
المشكلة ان الناس دى بتكيل بمكيالين...لو الترابى أو الصادق المهدى أمن على حياته سوف تجد الإتهامات جاهزة بأنهم سرقوا مال الشعب وهلمجرا !!!!!!

ناذر شايفك بتستهتر وتسخر بطريقة كتابتك, انا عارف كويس انو زول زي جون قرنق دهكان حي او ميت فهو الشخص الذي تعملون له مليون حساب.
بعدين نقلك للخبر لم تشير الى مصدره منذ البداية, ولمن سالتك زكرت ان مصدرك هو صحف الخرطوم لماذا يا تري انت تصدق صحف الخرطوم التافه? وتنقلها هنا كخبر صحيح? انا شخصيا لا استغرب فصحف الخرطوم هي التي عادت اتفاقية السلام وهي التي راهنت بفركشة الحركة الشعبية بعد وفاة الزعيم, وهي نفس الصحف التي اكدت انفصالية سلفا اكير وهي نفس الزبالة التي روجت الى انتهاء دور الحركة الشعبية لتحرير السودان.

دعوني هنا احكي لكم عن قصة تامين حياة البطل وليم دينق نيال.

كان المناضل وليم دينق نيال ضمن المعارضة الجنوبية باوغندا في مطلع الستينات
ولقد قرر ان يعود للبلاد ويشارك بالانتخابات العامة. رجع وليم دينق للسودان وبنصيحة من الصادق المهدي امن وليم دينق على حياته وذهب للجنوب معلنا بداية لحملته الانتخابية. لقد تم اغتيال البطل وليم دينق بواسطة جيش الحكومة. وبواسطة التعويض الذي حصلت عليه زوجة البطل دينق الخالة العزيزة كرستينا. استطاعت ان تربي وتعلم اطفالها الصغار حتى كبرو وصارو من افضل مواطني السودان. فاالتلفزيون السوداني لم يشهد في تاريخه مذيعة للغة الانجليزية مثل هلين وليم دينق. ولقد شهدت كرة السلة السودانية بلاعب بارع اسمه نيال دينق نيال الذي شارك وساهم بفوز السودان ببطولة السلة العربية للدول وجعل اسم السودان على كل لسان, ونيال دينق اليوم من القادة المفكرين للحركة الشعبية لتحرير السودان, ولقد انضم للحركة الشعبية عام 84 بد ان تحرج من كلية الحقوق بجامعة الخرطوم. ولقد تم ارساله لواو كقاضي لاحدى محاكم الطواري ايام حكم المجرم النميري, ولكن القائد نيال فضل الانضمام للحركة الشعبية عوضا عن ان يساهم بظلم اهله.

دينق

Quote: وبواسطة التعويض الذي حصلت عليه زوجة البطل دينق الخالة العزيزة كرستينا. استطاعت ان تربي وتعلم اطفالها الصغار حتى كبرو وصارو من افضل مواطني السودان.

العزيز دينق
ودا الهدف الأساسي من التأمين على الحياة.

أرجـو تبليغ تحياتي للـخالة كريستينا والأخت العزيزة قـاي.

قرنق يؤمن علي حياته
وناس الانقاذ يؤمنون حياتهم!؟
وما بين العبارتين تضيع اموال البترول والذهب ومؤسسات القطاع العام التي بيعت لاهل الحظوة بتراب القروش!؟
يضيع وطن بأكمله.

وانت يافالح

الأخ ناذر،

أرجـو فتـوى.. إذا الواحـد داير يأمن على سيارتـو هل لازم يؤمن على سيارات السـودانيين كلهـم معاه؟

إذا داير يأمن على حياتو، هل لازم يأمن على حياة كل السـودانيين؟

بعدين أقسـاط التأمين ل5 مليون دولار ليست مائة ألف، فهـذه ليست أقسـاط دين، وإنما أقسـاط تأمين.. فإن التأمين على 2 مليون دولار لا يتعـدى الفين دولار، وهـذه اقسـاطهـا الشهـريـة لا تتعـدى 100 دولار.. تكون أكثر أو أقل حسب حالـة المؤمن وشـركـة التأمين.
بعدين هل الجرايـد السـودانيـة تستطيـع ذكر تأمينـات البشيـر وعلى عثمـان، وأرصـدتهـم فى الخارج، أم هـذا أمر أخـر كما تقول!!!

وأخيـرا: الشغلـة شنـو فى الموضـوع دا كلو.. لا جون قرنق ولا أنت ولا أنا عرب!! أرجـو أن تكون فهمت هـذه

In north America, drivers with multiple accidents are called RISKY Drivers. Therefore, their premium will go higher.

Garang is considered a risky client to that insurance company. Why???1
1. He was attempted for assisnation many times
2. He escaped a plane crash before
3. On top of all that, he was a rebel leader with many enemies, so the risk of being killed is always high.

The insurance companies calculate the premium of their clients based on risk assessment which include, how many family members, age, and many other factores.

الراحل قرنق حر في التأمين على حياته او على اي شيء اخر

فلننصرف الا ما يفيد و لنترك ما لا شأن لنا به



لو كان حديث الاخ نازر يحاول فتح كشف حساب
لقرنق ومصاريفه وميزانيته , فقرنق رحل , وملفه اقفل

الأولى فتح كشوفات حسابات الاحياء الذين يستلمون
مناصب تؤهلهم للتسلط على البلاد و العباد
فملفاتهم مازال التسجيل فيها مستمرا

وهل يحتاج اي من اركان حكومتنا العصماء للتأمين على حياتهم؟
لديهم ما يكفي ويزيد وفي حسابات امينة لاتحتاج الى اذن صرف
من شركة تأمين ولا وفد من الشركة يتابع القضية


لكم التحية , , وللراحل التحية

Ya Abu Alreesh
the football player
Manning, Peyton -Colts his annual full salary is $ 35,037,700

imagine how much his life insurance will be

الاخ ناذر

اتمني ان تقفل هذا البوست
ففيه شبة تجريم لاحد رموزنا السياسيه و احد اقطاب السلام
الحاصل الان في السودان ( دون دليل ) جون قارنق و ذلكـ
بأيرادكـ اسئلة تبحث عن مصادر هذه الاموال و سؤالكـ عن شعب
الجنوب و ضريبة الدفاع عنه و السؤال التجريمي عن ريبيكا
ومصادر الاموال المضبوطة

ارجوا قفل البوست للاتي

-انعدمت فيه فضيلة إحترام الموتي
- عدم احترام لرمز وطني غاب عنا ولا يستطيع الدفاع عن نفسة
- فوح رائحة الاتهام للفقيد و اسرتة

ان اردت مواصلة البوست لافلا مانع .. فقط جيب الرابط
او صور العدد ( اعمل ليهو اساكنق في اسكانر عادي )
عشان مانختلف بدون سند مكتوب .. نشوف فيهو المسؤل منو
عن الخبر انت ولا

Quote: جرايد الليلة السباه !! ..

؟؟؟
وممكن تلقي العدد في ارشيف الصحيفة بسهولة
جيبو و تعال نتناقش .. و تأكد انني ضدكـ بقوة
ليس من اجل قرنق فقط .. بل
من اجل (قيم) سودانيه و انسانية كثيره جدا اجزم ان
هذا البوست لم يحترمها



في انتظاركـ

Quote: السؤال هو : لمن ستذهب أموال التامين تلك ؟ ومن أين أتت أقساط التأمين مبتدأ ؟ وهل يا ترى جميع قادة الحركة الشعبية مؤمنون على حياتهم بمبلغ مماثل لدي شركات تأمين مختلفة ؟ ومن يؤمن لمواطني الجنوب حياتهم الأن وقد بدات المجاعة تحاصر إقليم بحر الغزال وبعض الأقاليم المجاورة ؟؟ هل ستذهب أموال التأمين لزوجته ربيكا أم لصالح حكومة الجنوب أم للحركة الشعبية أم ستعود لرئاسة الجمهورية؟؟؟ وهل يا ترى قادة حكومة الإنقاذ مؤمنين أنفسهم بمبالغ مماثلة ؟؟؟ (وقلبي على وطن يذبحه أبناءه) !!!!!!!!!

* راجعوا ماتحتة خط
*

Quote: قرنق مؤمن على حياته بخمسة ملايين دولار !!! فكيف نبكيك يا وطن ؟؟!!

ماتحتة خط يُفيد يا ناذر تسويقكـ للتهم في حق الفقيد و اسرتة


في انتظاركـ

الشكر لجميع النتداخلين ...

أثناء تصفحي لهذا المنبر وجدت بوستا أخر للعضو محمد الأمين محمد يؤكد ذات المعلومة التي وردت في بوستي هذا مع ملاحظة أنه أوردها قبل بوستي هذا ولاحظوا زمن الإنزال ..



هذا أولا ...

ثانيا .. لا يمكن أبدا إغلاق ملف أي شخص لمجرد أن الله توفاه .. وهنالك جرائم تحقق فيها العدالة بعد وفاة الجاني بفترة طويلة ..

إذ أننا لا يمكننا إغلاق ملف طريق الإنقاذ القربي والقساد الذي حدث به من إستغلال لأموال الشعب إذا ما سمعنا مثلا أن على الحاج توفى !!!!

لا يوجد لدي حاليا أي لنك أو موقع إلكتروني به تأكيد لهذه المعلومات مع ملاحظة ان بوست محمد الأمين يتحدث عن معلومات مستقاة من الصحف الأوغندية .. أما معلوماتي فقد إستقيتها من صحف هذا الصباح وتحديدا أخبار اليوم ...

ولكن بما أن الأعضاء يطالبون بتأكيد فعلينا فقط الإنتظار فخبر كهذا لن يكون في طي الكتمان طويلا وستتناقله الأنباء عاجلا أم أجلا ...

ولكن علينا قبلها أن نتعلم عدم الكيل بمكيالين .!!!!!!

فإذا صمت البعض عن جرائم وفساد يحدث بإسم الشعب ومن أمواله الأن ....
فعليهم أن يصمتوا أيضا وألا يطالبوا علي الحاج أو غيره من السياسيين بأي أموال منهوبة أو متاجر بها بإسم الشعب ....

صحيفة يوغندية : قرنق أمن على حياته بشركة امريكية

الأخ أبو الريش ...

Quote: وأخيـرا: الشغلـة شنـو فى الموضـوع دا كلو.. لا جون قرنق ولا أنت ولا أنا عرب!! أرجـو أن تكون فهمت هـذه

خلاص حا أنسى الموضوع ..

بس نخصم من حكومة الجنوب المبلغ دا ونرتاح من الشغلة دي !!!
مش الحساب بقى ولد بين حكومة الشمال والجنوب ؟؟!!

نازر ......سلام

فقط قلتا اسلم اولا .... والى ان تنزاح بعض الحواجز النفسيه


سابدا بالتداخل والكتابه والتعليق ..

المهم سلام


قاسم

سجيمان ..

Quote: تكون يا ربي الرمت الطيارة ربيكا؟......عشان التعويض؟

قلت كدي !!!!!!

خلاص أرجى الجاييك !!

Quote: نازر ......سلام فقط قلتا اسلم اولا .... والى ان تنزاح بعض الحواجز النفسيه سابدا بالتداخل والكتابه والتعليق .. المهم سلام

حبابك يا قاسم ونتمنى إعتدال المزاج وعودة النفس إلى مراحها ..

HIIIIIIIIIIIIIIIIIIIIIIIIIIIIIIIIIIIIIII

الجهل مصيبه يا دينق.

Quote: ثانيا .. لا يمكن أبدا إغلاق ملف أي شخص لمجرد أن الله توفاه .. وهنالك جرائم تحقق فيها العدالة بعد وفاة الجاني بفترة طويلة ..

ومتى اصبح التأمين على الحياه جريمه؟

Quote: إذ أننا لا يمكننا إغلاق ملف طريق الإنقاذ القربي والقساد الذي حدث به من إستغلال لأموال الشعب إذا ما سمعنا مثلا أن على الحاج توفى !!!!

ومتى أصبح التأمين على الحياة فسادا، وكيف أصبح جون قرنق يقارن بعلى الحاج؟

الاخ ناذر وجميع المشاركون سلام
الصراحه يا ناذر أنا لو مكانو كنت برضو عملت كدا. شخص مثل قرنق حياته معرضه دائما للخطر وهو وهب نفسه من أجل قضيه معينه يؤمن بها وأكيد هذه القضيه لها أعداء وبالتالى كونت له أعداء أيضا يتربصون به للنيل منه. ولو مات ما فى زول حيشتغل بأسرته. بمجرد انتهاء أيام العزاء حتلقى نفسها وحدها تواجه مصاعب الحياه وعيشة أولادها. جميل جدا انه فكر فى أمر أسرته وفى أنه يترك لهم ما يسد رمقهم. ودى حاجه على فكره تحسب له ما ضده. وأعتقد انه أقساط التأمين ما كبيره شديد. يعنى ممكن الواحد يسددها من مرتبه الشهرى. ونحن عندنا فى الدول التعبانه دائما مرتبات القادة والرؤساء بتكون مبالغ لا يستطيع حسابها المواطن العادى الزى وزيك. وأكيد كان عنده المقدره يدفعها من حر ماله.

والله أنا زااااتى بفكر أنو أأمن على حياتى ما قدرت أفيد أهلى وأنا حيه ترزق فأحاول أفيدهم بموتى وأمن على حياتى قبل ما أموت. بس عايزه أسأل أول التأمين على الحياة دا حرام والا حلال. وبعدين نشوف هل بنقدر على أقساطه والا لا. انت زاتك لو لقيت ليك شركة تأمين فى السودان تقبل تأمن على حياتك ما تتردد. لكين فى احتمالات كبيره أنو زوجتك لو ما قدرت تصبر عليك كتير ح تتاويك قبل يومك.
الخيار صعب.
غايتو أنا عشان ما فى زول يتاوينى قبل يومى. ح اكتب قيمة التأمين باسم أمى

الأخ ناذر محمد الخليفة
تحية طيبة وبعد

إغـتـني مداخلات سابقـيي الأفاضل عن التعليق المفصل

ـ يعيب البوست غياب المصدر المأخوذة عنه المعلومة
ـ تخالطه رائحة تجريم متعجل للمرحوم قـرنق
ـ تعيبه عجلة ظاهرة في الوصول إلى إستناجات
أبانت عنها خاتمة البوست و ردودك على المتداخلين
ـ يشينه ذلك الأقحام الغير مبرر لمعاناة شعب السودان
و القسم الجنوبي منه وكأن الخمسة ملايين دولار
قادرة على إجتراح المعجزات لو صُرفـت في بند آخر
بدلاً عن ذهابها للورثـة الطبيعيين لها وهم أفـراد
أسرة المرحوم

أنتقل خطوة للأمام مؤكداً بأن إيرادك لمصدر المعلومة
التي إستندت عليها في إنشائك للبوست لن يغيّر في
الأمر شيئاً وطبيعته هي إنـتـقـال الدكتور قـرنق
لرحمة ربه قـبل إكماله الشهر الأول في السلطة
و بالتالي فالسؤال المطروح حول مصدر أقـساط
التأمين ( يغيب تاريخ شروع المرحوم في سدادها
حتى الآن ) يخرجه من دائرة شبهة الفـساد الحكومي
وإستغلال المنصب للإثراء إلخ من التهم الجاهزة،
ولكنه لا يخرجه من دائرة تساؤل عضوية الحركة
التي كان زعيماً لها حتى وفاته حول ما إذا كان في
مقدور المرحوم إسـتـقـطاع مبلغ التأمين من قوت
أسرته أم لا
أشدد غي الختام على أن لقـب المناضـل و بخاصة
من قيضت لهم الظروف شغل مواقع قيادية لا تمنح
المرء، حياً كان أو ميتاً حصانة ضد التساؤل

بهذا عود قبل ان أنال
قسطا من الراحة اللازمة
لذهني وبدني
قدري الراحة في عالم
الغيب لا قبله
سلام للمعارف و الاصدقاء

Quote: لا يوجد لدي حاليا أي لنك أو موقع إلكتروني به تأكيد لهذه المعلومات مع ملاحظة ان بوست محمد الأمين يتحدث عن معلومات مستقاة من الصحف الأوغندية .. أما معلوماتي فقد إستقيتها من صحف هذا الصباح وتحديدا أخبار اليوم ... ولكن بما أن الأعضاء يطالبون بتأكيد فعلينا فقط الإنتظار فخبر كهذا لن يكون في طي الكتمان طويلا وستتناقله الأنباء عاجلا أم أجلا ...

اذن يا ناذر الامانة تقتضي قفل البوست حتي
يتأكد الخبر
هذا اولاً
ثانياً صحيفة ( اخبار اليوم ) علي مرمي قدم منكـ
احضر لنا منها العدد و ( اعمل ليهو اسكاننق )
و ارفعو هنا .. عشان عندي كلام كتير حول نص الخبر
و المنهج الاتبعتو انت في صياغة الخبر

وللمرة الالف
هذا ليس دفاعاً عن قرنق فقط
بل دفاعاً عن اشياء قلتها سابقا








نتحدث بعد تأتينا بصورة الخبر
و بعد ان تفرغ من الردود علي ضيوفكـ
تحياتي

The Monitor (Kampala)

August 24, 2005
Posted to the web August 23, 2005

Frank Nyakairu & Agencies
Kampala

THE United States-based Life Insurance company, Aetna Life Insurance and Annuity Company, has sent a team here to investigate the July 30 helicopter crash, which killed Sudanese First Vice President John Garang and 12 other people.

Three officials, one from Aetna and two hired aviation experts are in Kampala to gather information about the crash, sources told Daily Monitor on Monday.


The insurers now join a host of other experts including aeronautics and avionics from Uganda, Kenya, Sudan, United States, Russia and the United Nations, who officially began investigating the crash last Thursday.

The late John Garang de Mabior was a client of Aetna Life Insurance and Annuity Company. Daily Monitor could not establish exactly how much money Garang's life policy is worth, but life assurance benefits, payable to the deceased's next of kin, are not taxable income.

The insurance company is a wholly owned subsidiary of Aetna Retirement Holdings Inc. To make any payments to Garang's family, Aetna has to carry out a conclusive investigation into what caused the Mi-172 presidential helicopter crash.

Garang died on his way back to Sudan on July 30 after visiting President Museveni.

Meanwhile, the United Nations has said the Khartoum government has asked for help in the investigation of the helicopter crash.

The UN mission will provide transportation and other logistical support for the inquiry team, said Farhan Haq, a UN spokesman. "We are willing to provide it (the assistance) and we'll see what kind of things are requested from us."

He added that the International Civil Aviation Organisation could also help out.

Deployment

Uganda's Minister of Works and Transport John Nasasira, who is also the national chairman of the Ugandan team investigating M1-172 helicopter crash, announced last weekend that Sudan and Uganda had each deployed at the crash site to ensure the scene was not tampered with until completion of the inquiries.



He also said the wreckage would be collected from New Site in Sudan and its final destination will be Uganda. He said the wreckage was found in Zuria Mountain ranges near Kidepo Valley National Park.

The chief investigator of the US National Transportation Safety Board, Dr Dennis Jones, told journalists the investigation may last up to January next year.


source:
http://allafrica.com/stories/200508230735.html

Aetna Life Insurance and Annuity Company

طبعا دي شركة تأمين صحي/تأمين علي الحياة/و تأمين معاشي

بالمناسبة هي نفش الشركة المشترك فيها أنا-تأمين صحي و تأمين معاشي.

لم يزكر المقال ولا أظن الشركة سوف تعلن مقدار المبلغ المستحق عند الوفاة.


الشركة أمريكية ومن الملاحظ أن الدكتور قرنق كان هنا في زيارة لأمريكا قبل رجوعه للسودان والقانون الأمريكي يفرض علي كبار الزوار بشراء هذا التأمين عند تواجدهم بأمريكا...و أقصر مدة للمساهمة في شركات التأمين هي سنة و يمكن دفع الإشتراك as lump sum لكل السنة.

...الكلام الآخير ده هو تفسيري.

و شكرا

الأخ ناذر والأخوة والأخوات
عاطر التحايا
الخبر ده منشور في اكثر من جريدة .
لكن السؤال المشكلة وين والقريب شنو انو يكون الزعيم الراحل د.جون قرنق عندو تأمين على حياتوا ما كثيرين عندهم تأمين على حياتهم ولا الكعكه في يد اليتم عجب....
وبعدين خمسة مليون دى مبلغ بسيط جدا واقساطه في مقدور اى موظف في دولة تحترم موظفيها وتقيم مجهوداتهم لخدمة الدولة ولا تحلهم للصالح العام حسب المزاج .
يستطيع ان يدفعها شهريا....
بالله عليكم حياة انسان مثل الزعيم الراحل د.جون قرنق تساوي خمسة مليون دولار والله العظيم وربى الكعبة الشريفة احترمت الزعيم الراحل د.جون قرنق لتواضعه.
ولو كنت اعلم من قبل كنت ارسلت له رسالة ان يأمين على حياتوا بمليار وزيادة ....

من الأحسن قفل هذا الموضوع ....
مع تحياتى للجميع

وفي تفسير تاني:

الطائرة المروحية للرئيس الأوغندي لها تأمين و يستحق كل ضحياها تعويض!!!

مبلغ الخمسه ملايين اهانه من شركة التأمين للشعب السودانى مقارنة بما قدمه الشهيد د. قرنق من تضحيات اخرها حياته نفسها.


يبدو ان صاحب البوست من العجله بمكان للخلط بين مبلغ التأمين ...وسرقات ناس الانقاذ من خزينة الدوله ...ليخلص بسرعه الى

قرنق وعلى الحاج .....حاجه واحده وكده... ونسى حقيقه بسيطه ان الناس عندها

عقول


حقيقه من يقول مثل هذا الكلام لايمكن ان ينتبه الى ضرورة ...فهم الموضوع الذى يتحدث عنه...وان المتحدث عنه لا زال قبره طريا...وان له أسره واطفال ....وان ملايين السودانين يحبونه لأنه مناضل كبير اداهم الأمل ....وأنهم يكرهون ناس الانقاذ المعلن والمسستر منهم ..لانهم سرقوا الامل وخيرات الوطن...واصبح الكذب والنفاق عندهم كشرب الماء.


بالطبع لايمكن مجرد تذكيره ان هناك


عيب يجب اجتنابه

وقيم رفيعه يعرفها اهل السودان

جديره بالاحترام

سلام
غايتو يا ناذر زوجة الراجل دى حا تكون مقرشة - أهو لقيت ليك عروس
يلا بى سرعة قبل ما عمر البشير يسمع بى الخبر و يمد قرعتو


شكرا

زول بن زول

Quote: سلام غايتو يا ناذر زوجة الراجل دى حا تكون مقرشة - أهو لقيت ليك عروس يلا بى سرعة قبل ما عمر البشير يسمع بى الخبر و يمد قرعتو شكرا زول بن زول

مثل هذا الحديث جد مقزز، ويفتقر الى الحساسيه.

لم تجف دموع السيده روبيكا على زوجها ليأتى امثال هؤلاء يتبادلوا النكات السممجه والجلفه بتزويجها من عمر البشير، حقيقة هذا أمر لايمت لابسط شرف الاختلاف ان كنت يازول ابن زول تختلف مع جون قرنق او مع زوجته او مع خط الحركه الشعبيه، فالنيل من الحركة الشعبيه بمثل هذه الطرق غايه فى السقوط.


ومن الناحيه الاخرى ، ان فكرة تزويج المرأه، اى امرأه من رجل آخر بمجرد موت زوجها تدل على اى انسان صاحب هذه الفكره.

وفعلا نعيش أسوأ عصور الانحطاط، واى انحطاط.

Quote: مثل هذا الحديث جد مقزز، ويفتقر الى الحساسيه. لم تجف دموع السيده روبيكا على زوجها ليأتى امثال هؤلاء يتبادلوا النكات السممجه والجلفه بتزويجها من عمر البشير، حقيقة هذا أمر لايمت لابسط شرف الاختلاف ان كنت يازول ابن زول تختلف مع جون قرنق او مع زوجته او مع خط الحركه الشعبيه، فالنيل من الحركة الشعبيه بمثل هذه الطرق غايه فى السقوط. ومن الناحيه الاخرى ، ان فكرة تزويج المرأه، اى امرأه من رجل آخر بمجرد موت زوجها تدل على اى انسان صاحب هذه الفكره. وفعلا نعيش أسوأ عصور الانحطاط، واى انحطاط.

The gang protégé, of all the nonsense you have written above, a true word was
my lack of sensitivity. And yes, you are rightly so. It was intentional, as
simple as that. Why would I want to be sensitive to my political foes, or should
I be as catholic as the Pope, but relax, I will keep my sensitivity and tact for
much more worthful strivings

Amazingly I agree with you, ironic isn't it, we truly live in drossy and
bigotry times. Why not, but, when the warlords and alikes preach the
same liberties and freedoms they helped kill, and when the alikes struddle
to the fancy capitals of the world on the bones of the zillions that they cared
less for, we can hardly classify such times as anything but drossy and filthy
I bet you would agree with me

Next time you wanna come and give me one of your never ending recyclable sermons
make sure you are not preaching to Mohammed

As a side issue, may Allah grant a longg long life, in case you happen to pass
away prematurely, I promise to be sensitive to your heirs

Pls take no offense
Adios

Quote: مثل هذا الحديث جد مقزز، ويفتقر الى الحساسيه. لم تجف دموع السيده روبيكا على زوجها ليأتى امثال هؤلاء يتبادلوا النكات السممجه والجلفه بتزويجها من عمر البشير، حقيقة هذا أمر لايمت لابسط شرف الاختلاف ان كنت يازول ابن زول تختلف مع جون قرنق او مع زوجته او مع خط الحركه الشعبيه، فالنيل من الحركة الشعبيه بمثل هذه الطرق غايه فى السقوط. ومن الناحيه الاخرى ، ان فكرة تزويج المرأه، اى امرأه من رجل آخر بمجرد موت زوجها تدل على اى انسان صاحب هذه الفكره. وفعلا نعيش أسوأ عصور الانحطاط، واى انحطاط.

نعم والله يا كودي وأي إنحطاط!...زمن يرسم فيه بطلنا القومي (الإمام المهدي) عاريا كذلك لا تجد له تفسرا إلا ماقلت.. أتفق معك في ما أوردت هنا لكن أختلف معك وبشده في ما يدعى برؤاك الإبداعيه.
مع تحفظي علي التعليق لحين مراجعة مصدر الخبر و مدي مصداقيته.

Quote: نعم والله يا كودي وأي إنحطاط!...زمن يرسم فيه بطلنا القومي (الإمام المهدي) عاريا كذلك لا تجد له تفسرا إلا ماقلت.. أتفق معك في ما أوردت هنا لكن أختلف معك وبشده في ما يدعى برؤاك الإبداعيه. مع تحفظي علي التعليق لحين مراجعة مصدر الخبر و مدي مصداقيته.

موضوع هذا البوست ليس لمناقشة مايدعى برؤاى الابداعيه، وان كنت تريد فعل ذلك فليس هنالك مايمنعك من فتح بوست مستقل لمناقشة هذا المووضوع .

Quote: إذ أننا لا يمكننا إغلاق ملف طريق الإنقاذ القربي والقساد الذي حدث به من إستغلال لأموال الشعب إذا ما سمعنا مثلا أن على الحاج توفى

نازر

لسخرية القدر يجي واحد زيك مدعي عروبة زائفة يسخر بالجنوبين وعن طريقة نطقهم للغة العربية التي هي بالاصل ليست لغتهم.
ثم تاتي انت ومن المفترض ان العربية هي لغتك الاولى, وبعد تعليمك ده كله لاتستطيع ان تفرق بين حرف القاف والغين وحتى في الكتابة?

يالك من مدعي عروبة زائفة .

ارجو من الاخوة مراجعة البوست الاول لهذا الزائف

الاخ كودي.

امثال كوز بن زول ده لا فهم لهم للمراءة سوى زواجها, وده دليل حقيقي على اذهان خاوية ومتعفنة.

دينق

ياناذر ......الهواء جاااااااااااااااااااااااااااااااااااااااااااااااااااااااااااااااااااااااااااك
ماقلت ليك المبرراتية والمطبلية حا يجو يرفعو الهالك إلى مصاف الذين لا يسألوا عما يفعلون
ويجيك خالد كودى ويتكلم عن الإنحطاط وهو الذى إنحط إلى هوة الحضيض حينما رسم الإمام المهدى البطل الرمز عريانا !!!!
الكيل بمكيالين....الكيل بمكيالين......................الكيل بمكيالين !!!!!!!!!!!!!!!!

الاخ نازر أن مسألة التأمين فى الدول الغربية وامريكا،الى حد ما من ضروريات الحياة بالنسبة لللشخصيات المهمة، كما زكرت الاخت اسمايلومن،غير زلك فمبلغ التأمين ليس بهذه الضخامة،فالمبلغ وحسب معلوماتى بالنسبة لمبغ خمسة مليون لا يمكن أن يتعدى الخمسين دولار فى الشهر، وهو مبلغ بالنسبة لشخصية فى قامة قرنق ليس بالكثير،وهذا المبلغ من المفترض أن يكون الرأحل كتب أسم شخص معين يستلم هذا المبلغ فى حالة الوفاة حسب قوانين شركاة التأمين، وهذا المبلغ سوف يذهب لورثة المرحوم وليس لحكوكة السودان، وأعتقد ان هذه من الاشياء المهمة فى هذا الوقت، فأنظر شخصية سياسية فى قامة الراحل المهندس نصرالدين السيد اول وزير تخطيط فى حكومة ازهرى،بل هو من قام بتخطيط مدينة بحرى، ودع هذه الفانية وترك ابناءه من غير منزل يستجيرون به من رمضاء هذا الزمن الصعب، فأفتكر هذا شئ عملى.
مع تحياتى سيف

Quote: (وقلبي على وطن يذبحه أبناءه) !!!!!!!!!

عاقل و الله

صباح النور

ناصر البطل

ناذر شايفك دخلت ليك في حته ما حقتك

اها خم و صر

انت قايله قصيده ؟

يله ارفع البوست ده زلا اقفلو سرييييييييييييييييييييييييع


نور

تخريمه:
انت عارف يا ناذر انو جينيفر لوبيز مؤمنه علي مؤخرتها بي خمسه مليون !!!!

اها يا ناذر انت مؤمن علي شنو و بي كم ( غير صلعتك دي )

يا ناذر انت مش طلقت السياسة دي بالتلاتهّ قبل كدا!!!؟؟

رجعت ليها تاني هسي , أها خم وصر

نور
يا زول يا رائع ازيك

Quote: انت عارف يا ناذر انو جينيفر لوبيز مؤمنه علي مؤخرتها بي خمسه مليون !!!!

أها معاك سلامه
انا جيت مارى ساااكت بس

ناصر البطل

Quote: الاخ كودي. امثال كوز بن زول ده لا فهم لهم للمراءة سوى زواجها, وده دليل حقيقي على اذهان خاوية ومتعفنة. دينق

كلما أقرأ كلمات زول ابن زول تزداد خيبة املى فى "المتعلمين" السودانيين من أمثاله، فلاعليك به أخ دينق فرغم ان حجم مايستطلب التغيير ضخم الا أن الرجل لايساوى شيئا.

الطريقة التى عالج بها ناذر الخليفة الخبر تشى بعقلية "اضبط" التجريمية، والصياغة الخبرية تنتمى الى صحافة الاثارة والفضائح.
اذا كان قرنق مؤمن على حياته فى شركة تأمين وتوفى فى حادث، ما الغريب ان يصل وفد من شركة التأمين لاجراء اللازم؟ ما المفاجئ فى ذلك؟
ولماذا تتفاجأ لجنة التحقيق وموضوع التأمين على الطائرة او الافراد من الامور المعلومة بالضرورة والكومون سينس.
common sense

وما الغريب ان يكون جون قرنق مؤمنآ على حياته؟
وهذا لعلمك حرص عالى وشعور بالمسئولية عن اسرته حتى بعد موته
ويجب ان نشيد بقرنق على هذا بدل ان نلعنه.
ناذر الخليفة لديه اجندة خفية. ولقد وجدها فرصة لتلطيخ سمعة الراحل باثارة الشكوك والشبهات فى موضوع عادى، ولا غبار عليه من الناحية القانونية او السياسية.
لناذر الخليفة الحق فى معارضة الحركة الشعبية وان يكون خصمآ سياسيآ لها. ولكن عليه ان يعلم ان الخصومة يجب ان تكون شريفة.
هذا طبعآ اذا كان ممن ينتمون الى هذه المدرسة التى تحترم نفسها وتحترم الاخرين.
ولقد ذكرنى هذا الموضوع ما كانت تفعله جريدة" الوان"، سيئة السمعة والتى ساهمت فى تقويض الديمقراطية ونشر ثقافة القوالات واغتيال الشخصية، وتتفيه كل القيم، واساءة كافة الرموز. لا يزعها وازع من اخلاق او دين تتشدق به اناء الليل واطراف النهار.
وهذا النوع من الصحافة! يزدهر فى عهود الانحطاط الفكرى والثقافى والاجتماعى.
وتجد رعاية وتمويل وتشجيع من السلطة واجهزتها وفى مقدمتها اجهزة المخابرات والتوجيه اللا معنوى!
وتجد اجهزة المخابرات ضالتها فى شباب اذكياء وموهوبين، ولكنهم معطوبون فى منظومة قيمهم.
ومشوهون نفسيآ. ومعاقون وجدانيآ. لاسباب قد يعلمونها، ولاسباب قد تخفى عليهم.
ولئن طلبوا منا مساعدتهم لفعلنا بلا من ولا اذى.
فلا اجمل واقرب لجوهر الدين والانسانية من هداية الضالين الى سواء الوجدان والحس السليم
والفطرة الكريمة التى فطرنا الله عليها

الأخ ناذ لك التحية

لاحظت أن العديد من المفسرين، ومنهم من يدعي معرفته بالتأمين جاءوا لتبرير
السؤال الأساسي، وهو من أين جاء الراحل قرنق بأقساط التأمين؟
فقال الأستاذ اسماعيل التاج أن القسط ربما لا يتعدى 100 دولار شهريا
كما قال الأستاذ سيف الدين جبريل بأنه لا يتعدى 50 دولارا..

وهذا الحديث يوضح عدم إلمام المتداخلين بشروط التأمين على الحياة
وأن الشركات لا تؤمن لكل شخص بنفس القسط الذي تؤمن به للشخص الآخر

فشركات التأمين تستثني في التأمين على الحياة إذا كانت البولسية
عادية تستثني (حوادث القتل أو الاغتيال) وحوادث أخرى
كما تزيد قيمة القسط كلما زادت القيمة المعنوية للشخص المؤمن على الحياة.
أما إذا كان الشخص (زعيما) ويريد أن يؤمن على حياته ضد حوادث
القتل فإن القسط يكون ضخما جدا، ويزداد كلما ازداد احتمال وقوع
حادث قتل لهذا الزعيم.
فأرجو مراجعة شروط شركات التأمين على الحياة، وعدم أطلاق الاحتمالات
دون تبصر.

وشكرا

Quote: كما تزيد قيمة القسط كلما زادت القيمة المعنوية للشخص المؤمن على الحياة. أما إذا كان الشخص (زعيما) ويريد أن يؤمن على حياته ضد حوادث القتل فإن القسط يكون ضخما جدا، ويزداد كلما ازداد احتمال وقوع حادث قتل لهذا الزعيم

.
فوق

الشكر مرة أخرى للمتداخلين دون فرز ....

وبهذا أعلن توقفي التام عن المواصلة في هذا البوست نسبة لإنجرافه عن موضوعه وتدخل أصحاب الغرض في تغيير مجرى الحوار وأهدافه رغم أن العديد من الصحف أشارت لهذا الموضوع وأخرها صحيفة الوفاق الصادرة صباح اليوم وليس أولها اللنك الذي أتى به الأخ كوستاوي ...

وليكن معلوما للجميع الذين برروا للراحل قرنق هذا التأمين والذي لا يوجد له ما يبرره في ظل أن قرنق هو رجل حركة ورجل دولة .. أنه بكل تأكيد فإن هناك راتبا شهريا أو سنويا تتقاضاه عائلته من ميزانية الحركة (قبل كونه رجل دولة) ومن ميزانية الدولة (بعد أن صار نائب أول) ..

الشكر للجميع على التداخل ... وهذه هي حروفي الأخيرة في هذا البوست ....

ناذر
ياخ انت غلطان خلاص يلا اعتذر
العمله دى لو عمله الصادق و لا الميرغنى و لا انت و لا علان حيكون غلطان بس قرن لا
أفهمه ياخ
الناس دى بتعزف كده مزاج

Quote: السؤال هو : لمن ستذهب أموال التامين تلك ؟ ومن أين أتت أقساط التأمين مبتدأ ؟ وهل يا ترى جميع قادة الحركة الشعبية مؤمنون على حياتهم بمبلغ مماثل لدي شركات تأمين مختلفة ؟ ومن يؤمن لمواطني الجنوب حياتهم الأن وقد بدات المجاعة تحاصر إقليم بحر الغزال وبعض الأقاليم المجاورة ؟؟

و سؤالك ده صراحه غلب الناس يجاوبوا عليهو
بس المشكله طلعت انو الاستاذ وضع سؤال الامتحان غلط و الطلبه هم صاح



يلا يلا اعتذر يا راجل
انت الكبير برضو


ناصر البطل

اتخيلوا انو الخبر دا كان عن شخص اخر(من رموزنا)
الشهيدالزبير محمد صالح مثلاً

رد الفلاسفه كان حيكون كيف

الرجل الرايق ناذر
دبايوا...
فى ياناير فى هذا العام اتصلت بى شركة تامين عارضة على تامين لحياتى
وافراد اسرتى المكونة من ستة اشخاص تامينا شاملا مقابل ستة عشردولارا
وكم سنت فقط والتعويض فى حالة الوفاة لاى من افراد الاسرة بالملايين
وفى حالة الاعاقة المستديمة اسكت خم وفى حالة وصول ابانئى للمرحلة
الجامعية تدفع شركة التامين 25000 لمقابلة المصاريف الجامعية خصما
من ماسيدفع فى حالة الوفاة كلام يشيب وبرضو قلت ليهم مش عايز تانى
ادونى فرصة قالوا لى انو اوقع وبعد شهر ان لم يستقر رائى للاستمرار
فى التامين سيلغون الوثيقة ويعيدون لى الستة عشر دولار...
وبرضو قلت لا شوف الحصل شنو فى بداية شهر فبراير زوجتى تتعرض لحادث
حركة عجيب وتعرضت لكسر فى يدها ونجت باعجوبة من الموت وعند حضورى لمكان الحادث لم استطع
التعرف على العربة لما حدث لها من دمار يعنى كان طلعت بشى وبقروش كويسة
ورجعت السودان بلا هم لكن قالو ياناذر الشقى عمرو مابسعد...
وهنا فى تورنتو اضنانى البحث عن تامين رخيص للسيارة ولكن الذى قالته
لى الشركات بان تامين العربة يشمل التامين على الحياة وتاحججت مش عايز
تامين على الحياة قالوا لى براحتك بس دا ما بنقص من التعريف التامينية
يعنى مثلا لو عايز اامن على حياتى ام لا لا زم ادفع المبلغ المطلوب.
شوفت ياناذر حكاية التامين على الحياة ليست بالامر الصعب او المكلف.
ولكن فى حال حدوث الوفاة يكون المقابل مجزى...
وسؤالك من ياخد الملايين بتاعت تامين حياة قرنق سؤال غريب وهل يرث
الميت غير اهله؟
يعنى ياناذر يموت زول من قبيلتك وعندو قروش تسلم القروش للحكومة؟.

مع خالص تحياتى..

Quote: فأرجو مراجعة شروط شركات التأمين على الحياة، وعدم أطلاق الاحتمالات دون تبصر.

ود عقيد ياخوى انت قاضى ولا محامى

ولا عنقالى زى شباب الهند ديل امثال ناذر وابقوتة

فعلا كلامك صاح...يعنى انا اسى ممكن امان على نفسى ب 100 ريال فى السنة لان شخص عادى وغير مهم ولا طالب حماية...وغير مستهدف....لكن الرجل لما يكون مستهدف حياته بتكون حياة طيرة
اى زول ممكن يقتله..فى هذه الحالة لما يلجى لشركات تامين..بتطلب اكثر..تامين الانفس مثل تامين السيارت...على حسب اسعارها...

لكن على قول اخونا ناذر...لماذا يامن جون قرنق حياته...وهوكان امل المهمش البسيط
ما يدفع لشركة تامين...يكفى للانقاذ مليون من امثال صاحب تلك الصورة التى اراد ان يلتهمها النسر الكاسر...الجائع...الناس ما تعارض من اجل المعارضة ..ولا تحب من اجل الحب...لا فرق بينكم وبين من يمجدون حسن الترابى...ورجال الانقاذ...انا كان املى وخلاصى جون قرنق...ولكن ساقف فى هذه الحادثة طويلا...استخلص منها انه يختلف عن غاندى الذى كان يشرب من لبن شاته..ويلبس تلك الخرقة التى اصحبت زى قومى للمواطن الهندى البسيط الغلابان..الى الذين طالبو بصحة ..بالخبر قد اورته عشرات الصحف والمواقع...وهو خبر صيحيح ومتفق عليه على ذمة الرواة..
ماذا انتم فاعلون؟؟؟؟؟ستدفنون روسكم فى الرمال
هل الزعيم كان على حق؟؟؟؟
فى هذه الحالة؟؟؟؟ ام هو ارستقراطى؟؟؟؟ تشبه بطبقة البراهمن التى تتعالى عن الطبقات الدنيا..
اذا ثبت هذا النباء فان الراحل د.جون فانه اول زعيم سودانى يؤمن على حياته
يعنى دى ما سبقوها على اسياد السودان التقلديييين...الصادق المهدى ومحمدعثمان الميرغنى ولا القائد الملهم نميرى...ولا القائد الراقص وزمرته...وهوطبعا سيد السودان الجديد
اها فتكم عافية
يازمرة الحقوقين والمحامين والقضاة...
وعلى الطلاق من الليلة انا تانى ما بخاف
من الدلات .ولا المولانات..الا مولنا خدر والتاج
خالص شكرى لصحاب البوست..لا تقفل بوستك ولا حاجة...

Quote: كلما أقرأ كلمات زول ابن زول تزداد خيبة املى فى "المتعلمين" السودانيين من أمثاله، فلاعليك به أخ دينق فرغم ان حجم مايستطلب التغيير ضخم الا أن الرجل لايساوى شيئ

Ohh my ohh my, I bet you think you worth much. OK OK OK our newly declared sudanese democrat, human rights guru, and the SPLM colossal intellectual, amass yourself and others the burden of reading your usual inanity. When you want to discuss political issues you are welcomed. But better be armed with some logic, rational and critical thinking. While I am sure you are seriously impaired in such currencies, I pray that you work hard to acquire some. When ready please feel free to join the chorus of respectable people who discuss things without surrogating to nonsense malarkey. As usual take no offense, and make no mistake, I have a keyboard too and can write as I wish.

Deng: mostly I occupy myself with much worthful strivings. In case you do understand what this means, it reads, no time for the SPLM sappies

Quote: أنه بكل تأكيد فإن هناك راتبا شهريا أو سنويا تتقاضاه عائلته من ميزانية الحركة

سؤال بدون زعل:ميزانية الحركة ذاته بتتكون كيف ومن اى ايرادات/موارد؟

Quote: ثم تاتي انت ومن المفترض ان العربية هي لغتك الاولى, وبعد تعليمك ده كله لاتستطيع ان تفرق بين حرف القاف والغين وحتى في الكتابة? الاخ كودي. امثال كوز بن زول ده لا فهم لهم للمراءة سوى زواجها, وده دليل حقيقي على اذهان خاوية ومتعفنة. دينق

يا زول

ما شاء الله بتعرف الفرق بين الغين و القاف - انت أعرفها نحن بنألفها
شفت الناس ديل مستعمرنك كيف

مزهلة قصة دفاعك عن المرأة - الهم زد و بارك لكن بالله قول لى زعيمكم
دا كان متزوج كم واحدة - يا ربى كم تلاتة اربعة امكن اِتنين اسكت عد
ساكت بس

Quote: سؤال بدون زعل:ميزانية الحركة ذاته بتتكون كيف ومن اى ايرادات/موارد؟

سلام يا ود عكر

دة سؤال المليون دولار - فعلا القروش دى بتجى من وين
و شكرا

أتوقفتم ؟؟!!!!!

حسنا سأعود ببعض التقارير الإخبارية التي تتعرض لبعض زعماءنا السياسيين وحجم الاموال التي توجد بحوزتهم والتي (نهبت) من المال العام وأحدثت ضجة في حينها وذلك كي أرى كيف سيبرر لنا دعاة الشفافية المزيفين موقفهم وموقف الزعماء أيضا .. وأيضا كي نرى الكيل بمكيالين يتجلى امامنا في أبشع صوره ..

والمدهش أن بعض دعاة الشفافية والديمقراطية في هذا البوست ذهبوا وتباكوا في بوستات أخرى عن اللقاء الذي أجراه بكري أبو بكر مع الترابي ؟؟!!!!

مالكم كيف تحكمون !!!

صنفرة :

يقال أن الزعيم الوطني ورافع علم الإستقلال إسماعيل الأزهري مات وفي ذمته ديون لعدة جهات لم يقدر على تسديدها وهو زعيم البلاد ومحررها في ذلك الوقت مما حدا ببعض من أصدقائه التجار لتسديد ما عليه من ديون !!!!!

انت يا ناذر ما تبت لسه ؟

اها ارجا الراجييك

ودعناك الله

Quote: أتوقفتم ؟؟!!!!!

سلام

هم وقفوا لكن انا لا - مشرك لى واحد من الأوباش يجى ناطى علشان أفشها فيهو -
المعذرة يا ناذر على المهاترات فى البوست بتاعك و متأسف لكن الأوباش ديل
براهم بدأوا قلة الأدب و شناة الطبع

و بالمناسبة انت الليلة شارب شنو يا أخوى عاوز تقارن أبو الزهور بى الWarlords
يا ولد مالك جنيت

و شكرا
زول بن زول

ناذر ود الخليفه كيفك...الاسئله دي ردينا عليها هنا
ناذر الخليفه و اسئلته الرائعه woooooooow

ناذر


الزول ده ما رديت عليو

Quote: و بالمناسبة انت الليلة شارب شنو يا أخوى

يعني غير ال 9 أب حا اكون شارب شنو !!

Quote: ناذر الزول ده ما رديت عليو

سلام يا نور

الزول دة مطنشنى عديل كدة - انا حا أمشى أشتكيهو عند بكرى
سلام

انت المصحيك شنو لي هسي

تنوم اليوم كلو و تجي اخر الليل بعد نص الليل

Quote: يعني غير ال 9 أب حا اكون شارب شنو !!

هو بالله فى السودان بقو تسعة - لحدى ما طلعت كانو سبعة
تسعة أب دى جديدة يا بيه - ان شاء الله تكون بتشعلل
علشان كدة انت صاحى لدى حسة

بالمناسبة يا ناذر

معتز تروتسكى أخبارو شنو لسه فى السودان و لا رجع - انا مقروض فيهو
سلام

يا زول

لا لا لا لا ( دي حقت ناصر البطل )

هم 7 + 1 + 1 بس مافي شعلله

ده كلام شنو

بعدين تعال هنا شعلله دي يعني شنو ؟

معجون للصنفره
الشعلله دي من النيران ؟ ولا حاجه تانيه

Quote: يا زول لا لا لا لا ( دي حقت ناصر البطل ) هم 7 + 1 + 1 بس مافي شعلله ده كلام شنو بعدين تعال هنا شعلله دي يعني شنو ؟ معجون للصنفره الشعلله دي من النيران ؟ ولا حاجه تانيه

أجى يا نور انت الليلة مالك معانا
الشعللة يا سيدى دى قصتها طويلة
نيرانا تقول يا ليل - انت تعال لينا
و جيب معاك ناذر و انا بشعلل بيكم
و ما تقول لى 7+1+1
هو كلهم كان تلاتة كان أربعة و بعدين
بترقدوا سلطة

Quote: هو كلهم كان تلاتة كان أربعة و بعدين بترقدوا سلطة

نسأل الله السلامة

Quote: نسأل الله السلامة

يعني ما جربتها

انا برسل ليك كاسين هي كوبايتين هي اتنين منها

إلى أين وصل الموضوع يا ناذر

محبتي

انت يا ناذر مشيت شعللت وين و خليت لى البوست أتفسح فيهو ساكت -
حتى نور مشى ينوم - انا مش قلت ليكم انتو مكنات خفيفة ساكت -
رقدتوا سلطة وبى شخير كمان - أولاد أخر زمن

يا زول

كنت في النايت هناي داك

و ما فيهو انترنت

ما خرمتونا و مشيتو انتو

ناذر انت مشيت وين ؟

Quote: يا زول كنت في النايت هناي داك و ما فيهو انترنت ما خرمتونا و مشيتو انتو ناذر انت مشيت وين ؟

سلام يا نور

انت ناذر دة نايم لحدى حسة - لا حس و لا خبر يعنى
ما قلت ليك مكنة خفيفة ساكت - أسمع قلت لى
الجنبكم دة كيف - الجنبنا هنا كارب يا أخوى لو شفت
العالم دى هايجة - غايتو الدعوة مقدمة سلفا
سلام

Quote: انت ناذر دة نايم لحدى حسة - لا حس و لا خبر يعنى ما قلت ليك مكنة خفيفة ساكت - أسمع قلت لى الجنبكم دة كيف - الجنبنا هنا كارب يا أخوى لو شفت العالم دى هايجة - غايتو الدعوة مقدمة سلفا

ناذر ده خليني افتشو

الجنبنا ده غريب هجيج 1000

اها تجونا ولا نجيكم

نحن طبعا افارقه بس

نور

Quote: ناذر ده خليني افتشو الجنبنا ده غريب هجيج 1000 اها تجونا ولا نجيكم نحن طبعا افارقه بس نور

سلام يا نور

نحن يا زول هنااِضنين حمر ساكت لمن تزهج
تفتش لى الشوكلاتة زى الحاجة السمحة

لكن انا غايتو بجيكم زيارة قريب
لمن نلم القروش - و لو لميت فى ناذر
أسألو بالله معتز تروتسكى وين الحى
بيهو أصلوا انا مقروض فيهو

Quote: نحن يا زول هنااِضنين حمر ساكت لمن تزهج تفتش لى الشوكلاتة زى الحاجة السمحة لكن انا غايتو بجيكم زيارة قريب لمن نلم القروش - و لو لميت فى ناذر أسألو بالله معتز تروتسكى وين الحى بيهو أصلوا انا مقروض فيهو

زول

الشكولاته عسل بس

ناذر اخر مره شافوه في ديزني
وكان سرحان ما عارف ليه ؟
خليني اشوفو وين
راجع ليك

أول البوست:

((وصل إلى أوغندا بصورة مفاجئة وفد من شركة تأمين أنجليزية وقابلت اللجنة الوطنية التي تحقق هذه الأيام في حادثة مصرع جون قرنق نائب رئيس الجمهورية ، وقد فوجئت اللجنة بالمستندات التي عرضها عليهم وفد شركة التأمين الإنجليزية والتي تثبت أن جون قرنق مؤمن على حياته بقيمة خمسة ملايين دولار !!!

السؤال هو :

لمن ستذهب أموال التامين تلك ؟ ومن أين أتت أقساط التأمين مبتدأ ؟ وهل يا ترى جميع قادة الحركة الشعبية مؤمنون على حياتهم بمبلغ مماثل لدي شركات تأمين مختلفة ؟ ومن يؤمن لمواطني الجنوب حياتهم الأن وقد بدات المجاعة تحاصر إقليم بحر الغزال وبعض الأقاليم المجاورة ؟؟

هل ستذهب أموال التأمين لزوجته ربيكا أم لصالح حكومة الجنوب أم للحركة الشعبية أم ستعود لرئاسة الجمهورية؟؟؟

وهل يا ترى قادة حكومة الإنقاذ مؤمنين أنفسهم بمبالغ مماثلة ؟؟؟

(وقلبي على وطن يذبحه أبناءه) !!!!!!!!!))


آخر الموضوع:

: ((انت ناذر دة نايم لحدى حسة - لا حس و لا خبر يعنى
ما قلت ليك مكنة خفيفة ساكت - أسمع قلت لى
الجنبكم دة كيف - الجنبنا هنا كارب يا أخوى لو شفت
العالم دى هايجة - غايتو الدعوة مقدمة سلفا))


عزيزي نادر هل لي أن أطلب منك قفل هذا البوست