قصيدة أوتومسفيرية مهداة لملاسي وعثمان بمناسبة توقيع السلام !!!

جادت قريحتي بهذه القصيدة تعبيرا عن فرحتي بتوقيع سلام الشجعان بين الأخوان الأعزاء حسين ملاسي وعثمان محمد صالح ...


في ظل تخاريف الحقائق والوطاويط السواد ...

انبطح النضال على عناقريب الغسيل ...

وكتبت عنك سكة الوهم الرحيل ...

يا لوري هوستن جر فينا نور طويل ...

وين ناس ابراهيم بقال الخليل؟ ...

وين ناس عمر فاروق شيخ الدين ...

البلد عدمت الرجال ...

وجدي جكس جواهر وامثال ...

والبنات ببحثن عن شوايب في كشاتين النوادي ...

وبي هناك جدي عرس ليك هنادي ...

جاتني زي ديك عدة الحافلة المطارد بالعكاكيز والهواجس ...

وجوني بيتين من شعر ...

واحد اجار والتاني فسحة فيها نيمة ...

نيمة من زمن الاذاعة على الهوى ...

وياهوى سرحت ليك شعري اتكوى ...

وكواني ليك شوق البنفسج للزبرجد ...

واعتبرتك مستحيل ...

اختفيت من الفتيحاب عديل ...

ورحلت ام بده السبيل ...

وسمعت مني شعر جميل ..

يا علة الزول العليل ...

يا منبر الحاير دليل ...

وانحنا مشغولين بي شباشب سنا الشول البيض ..

جونا عابرين الحدود...

يا خروف جلد القدود ...

اتمكيج الضب بالدلال ...

حتى الضبابين في في وداعك اتحنكشت ...

كل البنات اتشلخت ...

كل الحريم إتجلطت !!


مع خالص تحياتي وحبي ..

(أبو النيز في يوم عيد ميلاده ..)

إنت ما قالوا لك خلي القصائد الأوتومسفيرية دي

وتحياتي لعثمان وحسين

(ودالعجب ما في يوم عيد ميلاده)

والله يا ود العجب قدر ما كلموهو ما داير يتوب

لكين اصبر هسي بجوهو الجماعة ويشبكوهو جيب لينا

غنوة وجيب لينا قصة قصيرة، وأثبت إنك بتتكلم..

إلخ إلخ إلخ.

Quote: قصيدة أوتومسفيرية مهداة لملاسي وعثمان بمناسبة توقيع السلام !!!

ياسلام ياناذر يافطحل
المناسبه تستاهل برضو

كيفكم يا شباب ...

Quote: إنت ما قالوا لك خلي القصائد الأوتومسفيرية دي وتحياتي لعثمان وحسين

أنا والله القصائد الأوتومسفيرية دي قررت أبطل نجرها براي بدون ما زول يقول لي .. لكن والله فرحي بعودة السلام بين ملاسي وعثمان خلاني أكتب القصيدة دي لإني إتفاءلت خير إنو السلام حصل في يوم عيد ميلادي .. فحبيت تكون الفرحة فرحتين زي ما بيقولو شعراء القصائد غير الأوتومسفيرية

يا ود عقيد ..

Quote: والله يا ود العجب قدر ما كلموهو ما داير يتوب لكين اصبر هسي بجوهو الجماعة ويشبكوهو جيب لينا غنوة وجيب لينا قصة قصيرة، وأثبت إنك بتتكلم..

الغريبة الناس القالولي وقف الأوتومسفيريات دي هم التابو ما أنا

زول ما ساكت ..

Quote: ياسلام ياناذر يافطحل المناسبه تستاهل برضو

تسلم والله .. وإنتا زول فهمك راقي مش زي ناس قريعتي راحت

ناذر

عندي ليك شمار ومداخلة اتومسفيرية،،
قلت اخليها لي بكرة عشان تنضج
عشان اجيبها ليك مستويه

ويا مشاوير المحبة؟

وليد ...

Quote: ناذر عندي ليك شمار ومداخلة اتومسفيرية،، قلت اخليها لي بكرة عشان تنضج عشان اجيبها ليك مستويه ويا مشاوير المحبة؟

عارف شمارك وعارفك داير تقول شنو إنتو الواحد فيكم إصلو ما بينسى حاجة

كدي شمارك دا خليهو تلاتة أربعة أيام كدي عشان البوست دا يقضي الغرض بتاعو

أهلنا يا وليد قالوا السترة والفضيحة متباريات .. دحن ما تباريني

وسلامي لبورداب الرياض والإخوة العرسان

Quote: الغريبة الناس القالولي وقف الأوتومسفيريات دي هم التابو ما أنا

هيع

عفيت منّك..