Post: #1
Title: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-20-2005, 07:18 AM
Parent: #0
غدا هو عيد ميلادي .. وقد يكون غريبا بعض الشي أعياد الميلاد التي تفاجئنا على حين غرة ولا ننتبه لها أو لانجد الوقت الكافي للإحتفال بها ..!!!
حدث جلل وقع في عيد ميلادي الخامس أو السادس عندما كانت أسرتي تحتفي بي بتلك المناسبة .. إذ جاءت إحدى قريباتي من مدينة القضارف صدفة في ذات يوم الإحتفال وتفاجأت بالمناسبة أمامها .. فما كان منها إلا أن خرجت خلسة دون أن تخبر أحدا وإستقلت تاكسيا وذهبت للسوق الشعبي لشراء هدية مناسبة لي ...
لم يفتقدها أحد مع كثرة المدعوين وغبطتهم .. وأذكر أنني كنت سعيدا في ذلك اليوم وأتلقى التهاني والقبل والهدايا .. وقبل أن نبدأ بتقطيع التورتة جاءنا الخبر الأليم من المستشفى وهو أن التاكسي الذي يقل قريبتي تلك قد تعرض لحادث مفجع في الطريق وأن قريبتي الأن في المستشفى تعاني الإصابة ..
وسرعة وفجأة إنقلبت المناسبة الجميلة إلى صراخ وبكاء وولولة!! .. وكنت في ذلك الوقت لا أعي ما يحدث جيدا أمامي ولا أفهم كيف ان ينقلب الناس هكذا من حالة السرور والفرح إلى حالة البكاء والعويل !!
المهم أن قريبتي تعافت من أثر الإصابة ولكن إرتد أثر علينا نحن أفراد الأسرة حين أقسمت والدتي ومن خلفها أبي ألا نقيم في منزلنا أي نوع من أعياد الميلاد مرة اخرى .. وصرنا نكتفي عندما تمر علينا تلك المناسبة أنا وإخوتي بالتجمع فقط في المنزل وتجهيز القليل جدا من المستلزمات مثل الشاي والبسكويت دون أن ندعو احدا أخر ....
وإستمرت تلك الحالة فترة طويلة في أسرتنا .. وعند ذهابي للهند طالبا .. وجدت أن أعياد الميلاد هناك يقيمها السودانيين لأنفسهم بغرض التغيير من حالة الدراسة والتخفيف من الغربة .. إذ حين يأتي ميعاد عيد ميلاد أحدهم يقوم على الفور بتجهيز المستلزمات ويدعو الأخرين وتكون مناسبة جيدة للتلاقي وتغيير الأجواء ...
وأذكر أنني في إحدى السنوات في الهند فكرت بالإحتفال بعيد ميلادي مع بعض الأصدقاء .. وتلك كانت سنتي الدراسية الأولى أو الثانية على ما أعتقد .. وكانت توجد إستقطابات حادة من جانب التنظيمات السياسية لإستمالة الطلبة الجدد .. وفي تلك الاجواء صادف ان وجهت الدعوة لأحد أصدقائي ممن ينتمون لإحدى الأحزاب ، وأخبرته ان الدعوة محدودة جدا .. إلا أنه حضر في الموعد ومعه إثنتان من الطالبات الذين ينتمون لذات حزبه .. ولم يكن ذلك يشكل فارقا بالنسبة لي ..
وفي منزلي ذاك طلبوا مني أن أغني لهم إحدى الأغاني الثورية .. وكان معي بصحبتي ألة العود ولعله كان العود الوحيد في ذلك الوقت الموجود بالمدينة بأسرها .. ولم أجد مانعا من الغناء لإكرام ضيوفي .. فغنيت لهم أغنبة (يا والدة يا مريم) .. فطلبوا المزيد فأردفتها بأغنية (قاسم أمين) ومن ثم توالت الأغنيات من هذه الشاكلة ولا يوجد شئ يشئ بوجود أي نوع من التوتر !!
ولكن في صبيحة اليوم التالي وجد ان المدينة كلها تفيض بالأقاويل ومنها أن ذلك الحزب قد نجح في إستقطاب ناذر لصالحهم والدليل انه غنى لهم أغاني من أدبياتهم .!! ولامني البعض وقاطعني البعض الأخر .. كل ذلك وانا مذهول من ردود الأفعال والتي لم تفارقني حتى خروجي من الهند ...
ورغم ان الحالة عادت لطبيعتها في عائلتنا وصار إخوتي و أبناء إخوتي الكبار يحتفلون بعيد ميلادهم بالمنزل بصورة طبيعية إلا أنني قررت هذا العام ان يكون إحتفالي بعيد ميلادي مختلفا هذه المرة ..
قررت أن أحتفل به هنا بهذا البوست !!!!!!!!!!!!!!!!
رغم أنني لن أتمكن من تذوق أي نوع من قطع الحلوى في هذا الفضاء السيبيري !!!
ولكن يكفيني أنكم معي وتحتفلون معي !!!!
جعل الله أيامكم أعيادا ... وبارك لكم في مراميكم ...
أبو النيز ....
|
Post: #2
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: عادل فضل المولى
Date: 08-20-2005, 07:46 AM
Parent: #1
ناذر
مبارك عليك عيد ميلاد
لن أقول عقبال تطفئ الشمعة المية
(لأنو شكلها قربت = المية)
لكن
...
..
.
عقبال تحتفل بالعيد الجاي
وأنت فارز عيشتك
كفاية لحدي كدا
(يايمة العشاء جاهز)
...
اها بكملوا بالتلفون
..
وهاك كمان الثنائي دا وهو يحتفل معك غدا
والثنائي الراقص
...
|
Post: #3
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: Sana Khalid
Date: 08-20-2005, 07:52 AM
Parent: #1
ناذر...
ياخ كل يوم وكل ساعة وانت طيب...
غايتو أنا أمس بس حتين قريت بوستك الأتومسفيري...
لكن شققني بالضحك..
و أبو وليداتي مبسوط منك بالحيل..
....
أكان جينا الإجازة بإذن الله يمكن ندعيك تعمل لينا حفلة..
لكن أكان مشينا الحج إن شاء الله............
بتعرف تمدح؟؟!!!
|
Post: #4
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ود عقاب
Date: 08-20-2005, 07:53 AM
Parent: #1
الف الف مبرووك
ويا ناذر كل سنه طيب
|
Post: #5
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: Abdulla Ageed
Date: 08-20-2005, 07:55 AM
Parent: #1
كل سنة وإنت طيب
سنة حلوة
يا ناذر يا جميل
وعقبال تطفي الشمعة المية
|
Post: #6
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ود عقاب
Date: 08-20-2005, 07:56 AM
Parent: #1
|
Post: #7
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-20-2005, 08:01 AM
Parent: #1
عادل كيفك ..
Quote: عقبال تحتفل بالعيد الجاي
وأنت فارز عيشتك
كفاية لحدي كدا
(يايمة العشاء جاهز)
|
وإنت بخير والعيد الجايي إنشا الله إنتو معزومين معاي ومع فرازة عيشتي دي 
وتسلم على الصور الجميلة ...
الغالية سناء ..
Quote:
ناذر...
ياخ كل يوم وكل ساعة وانت طيب...
غايتو أنا أمس بس حتين قريت بوستك الأتومسفيري...
لكن شققني بالضحك..
و أبو وليداتي مبسوط منك بالحيل..
....
أكان جينا الإجازة بإذن الله يمكن ندعيك تعمل لينا حفلة..
لكن أكان مشينا الحج إن شاء الله............
|
تسلمي إنتي من شقيق الضحك
وسلامي الحار لي أبو وليداتك ....
ما بعرف أمدح لكن بغني أغاني مناحة ينفع
|
Post: #8
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: WadAker
Date: 08-20-2005, 08:10 AM
Parent: #1
عيد سعيد بس عيدك دا رقم كم يامان؟
لانك رجل استثنائى وفنان عشان كده كرت المعايدة برضو طلع غير تقليدى..
كان ما عجبك بغيرو ليك بكمية من الشموع بس عددها كم؟ عليك التحديد وكان خايف اقسم"سنواتك" على عشره
وعام سعيد
|
Post: #9
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: zoul"ibn"zoul
Date: 08-20-2005, 08:13 AM
Parent: #1
نغنى ليك سنة حلوة يا جميل
سلام يا زول
مبروك و ان شاء الله الشمعة المية - اها انا حسى عاوزك تغنى لواحدة مناضلة
فى المنبر دة أغنية
اِتألقى و اِتألقى
ترى رى رم
اِتألقى و اِتألقى
ترى رى رم
اِتألقى و اِتألقى
ترى رى رم
و تم باقى الكلمات انت براك - رأيك شنو نقعد نعمل لينا غنية جديدة
طبعا أنا زعلان منك تمشى تعمل قصيدة لى خالد كودى و انا تفتح لى ساكت
لا قصيدة لا يحزنون - بالمناسبة انا حا أشيل الصورة العملها نصر وأختها
فى البروفايل بتاعى دة طبعا لى الاِذن و المعلومية
و شكرا
زول بن زول
|
Post: #10
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-20-2005, 08:27 AM
Parent: #1
يا اخوانا واحد واحد عشان نقدر نرد
شمهروش وود عقيد ....
وإنتو بخير لكن برضو جايين ويدينكم فاضية لييه !!!!
ود عكر ...
والله صورتك إستثنائية فعلا .. لكن ....
إنت عارف إنو الصور العريانة دي جات ني منها عقدة حتى لو كانت صور شفع
عدد الشموع أحسبا من البروفايل بتاعي
زول إبن زول ...
Quote: طبعا أنا زعلان منك تمشى تعمل قصيدة لى خالد كودى و انا تفتح لى ساكت
لا قصيدة لا يحزنون - بالمناسبة انا حا أشيل الصورة العملها نصر وأختها
فى البروفايل بتاعى دة طبعا لى الاِذن و المعلومية
|
الله يبارك فيك يا راجل ... وإنتا متين شفروك عربي !!
ما مشكلة أول أوتومسفيرية حاتكون من نصيبك .. إنت بس أبقى قدرا
ختها في البروفايل طوالي إذنك معاك .. بس لمن يجي الجكس ما تتسلبط تقول ليهم دي صورتك
|
Post: #11
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: waleedi399
Date: 08-20-2005, 12:30 PM
Parent: #10
ناذر خليفة ..
عيد ميلاد سعيد ..
وعمر مديد.. عقبال ما تطفئ مصنع شموع
اليومين دي يا أخوي شغالين نكسر ساااااكت برانا
شوف اخوك شغال كيف مافي زول شغال بيه .. لوووووول
ثلجـي .. بكسـروا بـررررررراي ..
|
Post: #12
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: الملك
Date: 08-20-2005, 02:09 PM
Parent: #11
كل سنة وانت طيب
..........
..........
عقبال مائة شمعة
اها
كلام يا عوض دكام
.....
.....
الاغنية المشهورة
والمتداولة فى كل الساحات
هدية ميلاد
رايك شنو
بتنفع
|
Post: #21
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: nasiradin
Date: 08-21-2005, 00:28 AM
Parent: #12
حلوه منك يا الملك
بتنفع شديييييد كمان
و الله كسرت لى الجو الرتيب الانا عايشه ده
عساك طيب
ناصر البطل
|
Post: #13
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-20-2005, 02:24 PM
Parent: #1
وليد 400-1
هسي حيرتني والله !!!!!!!!!!!!
إنتا عارف ... كان حقو عيد ميلادي وعيد ميلاد (تسجيلك) يكونوا في بوست واحد
ناجي الملك ........
تسلم عل الأغنية كتير ............ والله خجلتو نواضعي الإصلو خجلان دا ...
يا اخوانا بس لفت نظر صغير ........
عيد ميلادي بكرة ما الليلة .. الليلة دي القيدومة والحنة وبكرة راجي التورت والجاتوهات منكم لإني خسرت كتير في البوست دا وداير أعوضو .. ما تشبكونا صور وهدايا وكروت ..
يعني دايرين هدايا عينية وكدة
|
Post: #14
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: نهال كرار
Date: 08-20-2005, 02:32 PM
Parent: #1
كل سنه وانت طيب يا ناذر
وعقبال 100 سنه
|
Post: #15
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-20-2005, 02:43 PM
Parent: #1
نهال كرار !!!
Quote: كل سنه وانت طيب يا ناذر
وعقبال 100 سنه |
وإنتي بي 1000 و 1000 صحة وعافية لكن 
سااااييي كدة !!!!
وين التورتة والجاتوهات وعربية النجدة البتصفر واااوييو ..... وا وييييوو !!! ديك
|
Post: #16
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: اساسي
Date: 08-20-2005, 04:24 PM
Parent: #15
وانت ذاتك يا ناذر مسكتك فوبيا اعياد الميلاد
والله دي قصة الزول اتفاجا بالفرد كلهم حناكيش .؟
ما يقوم كمان كودي يتفاجا بالبوست دا ويقرر يمشي يجيب ليك هدية من السوق الشعبي بتاع فرجينيا ونسمع بيهو في برينسات تكساس
|
Post: #17
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: مريم بنت الحسين
Date: 08-20-2005, 04:51 PM
Parent: #1
عيد ميلاد سعيد أخونا ناذر.. وربنا يحقق كامل أمانيك واجملها في الدنيا والدين
|
Post: #18
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: Yassir7anna
Date: 08-20-2005, 08:48 PM
Parent: #1
ناذر
لكن بالغت، الجاتوهات والبسكويت واللازي منه بيجيبو المحتفى به والباقين بيجيبو الهدايا، حسع شايف البوست ده قطعة جاتوهاية واحدة ما فيه، الجاتو ده بذكرني خالتنا زمان اول ما غنية حمد الريح حمام الوادي يا راحل طلعت جديدة فيها مقطع بيقول "وعارف القاسوه ما شوية" وهي سامعها "عارف الجاتوه ما شوية" والغريبة كانت بتنقد فيه "هسع الراجل ده ما ببالغ... الجاتوه ده الدخلو هنا شنو؟؟؟"
تعرف ذكرتني زمان لما كنا صغار، كان لما تعمل عيد ميلادك الجماعة كلهم يشبيكوك هدايا بسكويت كرم، ولا حلاوة كسلا لمن تآمن زاتو، كان الصندوق كامل بي طرادة الزمن داك، اوع تقول لي الطرادة دي شنو
فانت هسع سجل عندك عدد واحد صندوق بسكويت كرم، وان شاء الله اول ما اصل الخرطوم يكون بي طرفكم
وعقبال مية سنة ان شاء الله
|
Post: #24
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: waleedi399
Date: 08-21-2005, 02:51 AM
Parent: #18
| Quote: عيد ميلادي بكرة ما الليلة .. الليلة دي القيدومة والحنة |
صباحية مباركة يا عريس ،،
أعتقد أنو اليوم دا يوم عظيم في تاريخ الفن والمسرح السوداني .. 
|
Post: #19
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ود عقاب
Date: 08-20-2005, 11:40 PM
Parent: #1
| Quote: شمهروش وود عقيد .... |
شمهروش حتى اللظه ما خش عللى عيدك دا
بطل حركات وحقاره
|
Post: #20
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: nasiradin
Date: 08-21-2005, 00:04 AM
Parent: #1
اها يا أخوى
خلينا من حكاية العيد ميلاد دى
أهم حاجه انت أصبحت كيف
لعلو مافى عوجه
و القاعده اتكسرت
ناصر البطل
|
Post: #22
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: gamal elsadig
Date: 08-21-2005, 00:51 AM
Parent: #20
[B]حدث في مثل هذا اليوم 21 أغسطس
1914 وفاة المؤرخ العربي جورجي زيدان في القاهرة (ولد عام 1861).
1940 وفاة الزعيم الشيوعي ليون تروتيسكي.
1944 عقد اجتماع بين ممثلي بريطانيا والولايات المتحدة وروسيا لوضع مسودّة ميثاق الأمم المتحدة.
1969 إحراق المسجد الأقصى من قِبل المستوطن اليهودي مايكل روهان، وإلحاق أضرار بالغة.
1976 ولـــــــــد ناذر محمد الخليفة
1983 مقتل زعيم المعارضة الفلبينية بنينو أكينو في مطار مانيلا.
1952 - مولد الفيلسوف المسلم ابن سينا في مدينة بخاري الروسية (جمهورية أوزبكستان حالياً)
1973 - إنشاء مؤسسة الطاقة الذرية في ليبيا
1985 وفاة وزير خارجية قطر الأسبق الشيخ سحيم بن حمد آل ثاني عن عمر يناهز 52 عاما.
1986 روسيا تعترف رسميًّا بكارثة المفاعل النووي "تشيرنوبل".
1991 جمهوريات البلطيق السابقة تعلن استقلالها الكامل عن الاتحاد السوفيتي.
عيـــــــــد ميلاد سعـــــــيد
جمال حسين
|
Post: #23
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: nasiradin
Date: 08-21-2005, 01:29 AM
Parent: #1
حلوه و الله يا الملك
انا عارف طبعا فى مجموعه
عاوزين ينزلوها
بس خجلانين يطلبوا
المهم بعد اذنك نساعد
للحفظ على الجهاز فقط اضغط على هذا الرابط مستخدما الزر الأيمن للماوس
بعد ذلك اختار Save Target As
ٍSave@PC
ناصر البطل
|
Post: #25
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-21-2005, 06:48 AM
Parent: #1
يا أخوانا أنا جيت لإنو الليلة فعلا عيد ميلادي ما أمبارح
الليلة الصباح كنت بتونس مع الوالدة وسألتها قلت ليها إنتي ولدتيني الساعة كم ؟؟
قالت لي : الساعة خمسة صباحا !!!!
قلتا ليها : وليه يعني جايباني بدري كدة في وش الصباح !! الدنيا طايرة ولا طايرة ؟؟؟؟
قالت لي : جبتك فجر عشان تلحق الشاي وأخوانك ما يكملوهو منك 
أساسي الأساسي ...
Quote: وانت ذاتك يا ناذر مسكتك فوبيا اعياد الميلاد
والله دي قصة الزول اتفاجا بالفرد كلهم حناكيش .؟
ما يقوم كمان كودي يتفاجا بالبوست دا ويقرر يمشي يجيب ليك هدية من السوق الشعبي بتاع فرجينيا ونسمع بيهو في برينسات تكساس |
ما حناكيش ولا بطيخ .. الواحد يعني ما يتذكر اليوم الأشرقت عليهو الشمس ولا شنو !!
بعدين صحبك كودي دا حريييييف ونجييض ، يعني لو هو قرر يمشي السوق الشعبي للهدية ما حايمشي بي نفسو !!!
حا يرسل الزولة ديك
ما قلت ليكم هو زولا مبروك
العزيزة مريم
| Quote: عيد ميلاد سعيد أخونا ناذر.. وربنا يحقق كامل أمانيك واجملها في الدنيا والدين |
وإنتي بي ألف ألف خير وأنتهز الفرص مرة ثانية لمباركة زواجك الميمون ..
وإنشا الله بيت مال وأبروف
ياسر حنا ....
| Quote: لكن بالغت، الجاتوهات والبسكويت واللازي منه بيجيبو المحتفى به والباقين بيجيبو الهدايا، حسع شايف البوست ده قطعة جاتوهاية واحدة ما فيه، الجاتو ده بذكرني خالتنا زمان اول ما غنية حمد الريح حمام الوادي يا راحل طلعت جديدة فيها مقطع بيقول "وعارف القاسوه ما شوية" وهي سامعها "عارف الجاتوه ما شوية" والغريبة كانت بتنقد فيه "هسع الراجل ده ما ببالغ... الجاتوه ده الدخلو هنا شنو؟؟؟" |
والله حبوبتك دي لماحة خلاص
| Quote: فانت هسع سجل عندك عدد واحد صندوق بسكويت كرم، وان شاء الله اول ما اصل الخرطوم يكون بي طرفكم |
بسكويت كرم دا ما أدونا ليهو .. !!
لكن إحتياطي كدة جيب معاك واحد تاني كابتن ماجد البرير
Quote: صباحية مباركة يا عريس ،،
أعتقد أنو اليوم دا يوم عظيم في تاريخ الفن والمسرح السوداني |
وتاريخ البورد دا
ودعقاب كيفنك ...
Quote: شمهروش حتى اللظه ما خش عللى عيدك دا
بطل حركات وحقاره |
والله ديبلي سوري .. إنتو اللتنين غايتو الله يديكم الغافية !!!
زلمن تقابل ود عمك دا قول ليهو عقوبتو يجيب معاهو تورتة من المريديان عشان إتأخر
ناصر البطل
Quote: اها يا أخوى
خلينا من حكاية العيد ميلاد دى
أهم حاجه انت أصبحت كيف
لعلو مافى عوجه
و القاعده اتكسرت
|
والله الليلة ناس البيت كانو مصرين يعملوا لي عيد الميلاد دا لكن أنا أصريت ما يحصل .. لإنو الشغلة زي الما راكبالي في راسي بعد سنوات التجميد الطويلة دي
الأخ جمال الصادق ...
Quote: 1914 وفاة المؤرخ العربي جورجي زيدان في القاهرة (ولد عام 1861).
1940 وفاة الزعيم الشيوعي ليون تروتيسكي.
1944 عقد اجتماع بين ممثلي بريطانيا والولايات المتحدة وروسيا لوضع مسودّة ميثاق الأمم المتحدة.
1969 إحراق المسجد الأقصى من قِبل المستوطن اليهودي مايكل روهان، وإلحاق أضرار بالغة.
1976 ولـــــــــد ناذر محمد الخليفة
1983 مقتل زعيم المعارضة الفلبينية بنينو أكينو في مطار مانيلا.
1952 - مولد الفيلسوف المسلم ابن سينا في مدينة بخاري الروسية (جمهورية أوزبكستان حالياً)
1973 - إنشاء مؤسسة الطاقة الذرية في ليبيا
1985 وفاة وزير خارجية قطر الأسبق الشيخ سحيم بن حمد آل ثاني عن عمر يناهز 52 عاما.
1986 روسيا تعترف رسميًّا بكارثة المفاعل النووي "تشيرنوبل".
1991 جمهوريات البلطيق السابقة تعلن استقلالها الكامل عن الاتحاد السوفيتي.
عيـــــــــد ميلاد سعـــــــيد
جمال حسين
|
وإنت بخير لكن ..........
أنا اليوم دا قايلو بتاعي براي ..
بالله الجماعة ديل كلهم والأحداث دي كانت في نفس اليوم !!!
Quote: 1940 وفاة الزعيم الشيوعي ليون تروتيسكي.
|
وأنا أقول معتز تروتسكي دا بيتشاءم مني لييه
|
Post: #26
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: محمد عكاشة
Date: 08-21-2005, 06:52 AM
Parent: #25
الاخ ناذر
كل سنة وانت طيب
عيد ميلاد سعيد
مع مودتى وتقديرى
|
Post: #27
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: Esameldin Abdelrahman
Date: 08-21-2005, 06:54 AM
Parent: #25
ناذر الخليفة
1000 مبروك وعقبال مية شمعة
يعني انت من مواليد برج ايفل ؟
|
Post: #28
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: WadAker
Date: 08-21-2005, 08:30 AM
Parent: #1
Quote: قلتا ليها : وليه يعني جايباني بدري كدة في وش الصباح !! الدنيا طايرة ولا طايرة ؟؟؟؟
قالت لي : جبتك فجر عشان تلحق الشاي وأخوانك ما يكملوهو منك |
تقصد شاى withلقيمات/زلابيه
|
Post: #29
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-21-2005, 11:59 AM
Parent: #1
الأخ محمد عكاشة
وأنت بي ألف مليون خير ..
وشكرا لحضورك ... وبالمناسبة ..
عيد ميلادي الجايي قرب .. ما تجي يدك فاضية زي جيتك دي
الأخ عصام ..
ناذر الخليفة
1000 مبروك وعقبال مية شمعة
يعني انت من مواليد برج ايفل ؟
كتر خيرك على التهنئة مع إنك قصرت معاي في المية شمعة دي
والله ما عارف ياتو برج .. لكن أصحابي بيقولوا أنا من برج القدح
ود عكر ..
| Quote: تقصد شاى withلقيمات/زلابيه |
ما تفضحنا ..
شفت ليك شافع عمرو ساعتين إلا ربع بيلوك في زلابية
هسي بقدر .. لكن الوكت داك الشاي زاتو كان بي تلتلة
|
Post: #30
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: نهال كرار
Date: 08-21-2005, 12:12 PM
Parent: #1
Quote: سااااييي كدة !!!!
وين التورتة والجاتوهات وعربية النجدة البتصفر واااوييو ..... وا وييييوو !!! ديك |
أها قصرت معاك
|
Post: #31
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-21-2005, 12:22 PM
Parent: #30
الأخت نهال كرار ...
تعرفي كدة يادوب شعرت بي عيد ميلادي جد جد ... الساعة هسي في السودان تسعة شوكة ودا الوكت البيقطعو فيهو الشموع ويقطعوا التورتة . وأنا من ما بدأ البوست ما لاقتني ولا قطعة حلاوة لكوم خلي من تورتة .. مع انو عادل فايت ما قصر معاي وأهداني تورتتين بدل واحدة في بوستين كمان ..
لكنب حقيقة هسع مستمتع بإلتهام التورتات الأوتومسفيرية دي وأنا مرزوع قدام الكي بورد دا في يوم عيد ميلادي لدرجة إني زي الإتخيلت طعمم ...
تسلمي على التورتات الغالية دي وإنشالله يوم شكرك ما يجي ..
|
Post: #32
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: Deng
Date: 08-21-2005, 12:38 PM
Parent: #1
يا نازير.
انشالله هسع يجوك الوهابية بالبورد ده ويمركوا ليك عيد ميلادك ده من راسك.
دينق
|
Post: #33
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: Deng
Date: 08-21-2005, 12:38 PM
Parent: #1
يا نازير.
انشالله هسع يجوك الوهابية بالبورد ده ويمركوا ليك عيد ميلادك ده من راسك.
دينق
|
Post: #34
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: Agab
Date: 08-21-2005, 01:32 PM
Parent: #1
كل سنة وأنت بالف خير
كل سنة وأنت أكثر إبداعاً
كيتـــــــــــــــــــــــــــــــن في العـــــــــــــــــزال
|
Post: #35
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: هميمة
Date: 08-22-2005, 02:42 AM
Parent: #1
ناذر ود خالتى
اخيييييييييييييرا لقينا زول فى العايلة يعمل لينا
اعياد ميلاد !!!!!!!!!!! ح ارسل الخبر لكل شندى وضواحيها
وبعدين انا مغاكم !!! ما تكملو كيك نهال بتاع المراكبيه دا!!!!!!
|
Post: #36
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-22-2005, 03:00 AM
Parent: #1
دينق ...
Quote: يا نازير.
انشالله هسع يجوك الوهابية بالبورد ده ويمركوا ليك عيد ميلادك ده من راسك.
|
فال الله ولا فالك ياخي !! وهابية شنو ويعقوبية شنو البتقول عليهم ديل !!!
ما تقول عقبال مية شمعة ولا 43 حتى !!!
الواحد يجي داخل توش يشيل ليهو قطعة تورتة بس ويطلع !!!
العجب ..
Quote: كل سنة وأنت بالف خير
كل سنة وأنت أكثر إبداعاً
كيتـــــــــــــــــــــــــــــــن في العـــــــــــــــــزال |
وإنت بخير لكن إنتا من زمن العوازل
ديل زمنم فات وغنايم مات ... وأخير يفتحوا ليهم محل ود عماري في شارع الردمية
هميمة الهميمة ..
Quote: ناذر ود خالتى
اخيييييييييييييرا لقينا زول فى العايلة يعمل لينا
اعياد ميلاد !!!!!!!!!!! ح ارسل الخبر لكل شندى وضواحيها
وبعدين انا مغاكم !!! ما تكملو كيك نهال بتاع المراكبيه دا!!!!!! |
والله الخبر دا يصل شندي .. بجوا زاحفين هنا في غارة إنتقامية للحنكوش العمل عيد ميلاد دا
ومنها والله ما أنفع تاني إسبيرات
|
Post: #37
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ShiningStar
Date: 08-22-2005, 08:06 AM
Parent: #1
كل سنة و انت طيب.... و القابله علي امنياتك...
كل سنة و انت اقرب الي الله... تاب الله عليك من قضاء الليل في رواكيب الانادي و الحفلات و ممازحة النساء وسف الصعوط...
بلمناسبه قريبتك دي جابت ليك هدية ؟ ولا نست الموضوع برمته؟
قال عيد ميلاد قال... نحنا زمان كن بودونا المولد ...
|
Post: #38
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: عصام ابو القاسم
Date: 08-22-2005, 11:08 AM
Parent: #37
كل سنة وانت طيب يا ناذر
انك شخت الان
لك ان تقنع بذلك .. وتكف عن .......
لك ودي
|
Post: #39
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: altahir_2
Date: 08-22-2005, 11:43 AM
Parent: #1
كل عام وانت بخير صديقى ناذر
إن شاء الله ما جات متأخرة والسنة الجاية
نتمى ليك تفارق نقابة عزباء البورد
|
Post: #40
Title: Re: غدا 21/8 عيد ميلادي .. وهذه قصتي مع أعياد الميلاد !!!!
Author: ناذر محمد الخليفة
Date: 08-22-2005, 12:36 PM
Parent: #1
شايننق ستار ...
| Quote: كل سنة و انت اقرب الي الله... تاب الله عليك من قضاء الليل في رواكيب الانادي و الحفلات و ممازحة النساء وسف الصعوط... |
دا شنو الكلام الأوتومسفيري البتقولي فيهو في يوم عيد ميلادي !!
الحمد لله أنا قريب من الله وبعيد عن رواكيب الأنادي وقريب من الخفلات وممازحة الفتوات وبعيد بعد السماء والأرض عن حاجة إسمها سف صعوط
Quote: بلمناسبه قريبتك دي جابت ليك هدية ؟ ولا نست الموضوع برمته؟
قال عيد ميلاد قال... نحنا زمان كن بودونا المولد ... |
رسلت لي هدية كلفتها 5 دينارات سودانية ما يعادل خمسين جنيه (سودانية) وكانت عبارة عن رسالة موبايل فيها كلمتين حلوين كدة
أما صورة الوليد الظريف دا فتشكري عليها جدا يا ستي ..
وإنتي الظاهر عليك الليلة IN A VERY GOOD MOOD
عصام أبو القاسم .......
أول حاجة مبروك الصورة الجديدة ويادوبا الناس هنا حاتشوف وجاهتك
يا سيدي أنا لا شخت ولا شمام ولن أكف عن هذا ال ...
وإنت بي ألف خير يا حبيبنا عصام .
صديقي الطاهر
Quote: كل عام وانت بخير صديقى ناذر
إن شاء الله ما جات متأخرة والسنة الجاية
نتمى ليك تفارق نقابة عزباء البورد |
وإنت بي ألف خير يا عزيزي ..
أما نقابة عزباء البورد فسأفارقها بعد رجوع تروتسكي للصبن مباشرة
|
|