Post: #1
Title: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-09-2005, 07:21 AM
Parent: #0
مدخل اول :
كنت قد كتبت قصيدة قبل فترة ليست بالطويلة وأهديتها الى الأستاذ عثمان محمد صالح وقد تقبلها وأثنى عليها ولكني فوجئت بالأستاذ الفنان خالد كودي وهو يتداخل في بوست الاهداء ويصف قصيدتي تلك بالركاكة (فرد مرة كدي) ، وحقيقة إندهشت لسلوكه الذي لا يستند لأي نوع من التحليل التشخيصي للقصيدة وبنياتها بل إستخدم حكم سطحي إنطباعي لم يخرج أكثر من ان وصفها بجملة واحدة هي ( ياللركاكة) !! ، فحاولت ان أجد تفسيرا منطقيا لتصرفه ذاك فلم أجد سوى أن شعرت بأن خالد كودي ربما شعر بالغيرة من إهدائي قصيدة لغيره ، عليه وبما أن شيطان شعري في أوج نشاطه هذه الأيامات فقد (تفرتق) ذهني عن القصيدة التالية وانا أهديها بكل صدق للأستاذ خالد كودي تعبيرا مني عما يجيش بصدري تجاهه وحتى أطفئ نار الغيرة التي ربما لا تزال تستعر في أعماقه ..
مدخل ثاني :
وحملت ريشتك المعطاء كأنها ..
رمحا تأهب لإصطياد مقاتل شنق وحار في إلتقائه لرفيقه ..
ترسم كأن بها روحا .. شيطانية .. أتية من غياهب تحرقل ..
وهزمت بها كل مشرتق عن سكرة .. آبت وهبت مع رياح التتفل
مدخل ثالث :
إن الفنون وإن تعدد شبهها ..
زانت بمرسم وريشة في أيادي خرنق ..
ولست يا خالد بأقل من . ألهة إغريق ورومان ودينكا فريانق .
أنت الخالد فوق كل وضيعة .. زهقت روحها غدرا بجينق أفعوان ..
مدخل رابع ..
جاييك من لهب الفواجع في المنابر وفي ملمات الحناجر ...
الجاي من ضهبا تململ في المنابر والمحاجر ..
يصيح في الصحرة ويولول مع الريح البعيدة ...
شليل وينو ؟ أكلو ناس خم البيض بعد نفق الدجاجة ..
شليل وين راح ؟ راح مع ذبح المساكين وإنتو فراجة ..
مدخل خامس ..
أيا مرسما يحمل أيادي عبقرية في المنابر والدساتر
أيا معلما يبرز نيبا ساميا فوق سماءات الفجيعة ..
هل تناسينا جراحات مذبحة العنصرية ؟
أم هزمتنا ذاكرتنا الغربال وتجاهلنا القضية ..؟
خاتمة :
ألا ليت مرسمنا الذي قد غبرناه ...
ألا ليت رسمه الذي قد خبرناه ..
ألا ليت دمعي الذي قد زرفناه ..
ألا ليت .....
ألا ليت ...
ألا ليت ...
إغلاق جميع المداخل اعلاه ...
(ستار) ..
شرح لبعض معاني الكلمات الجديدة لنج والصعبة ..
غياهب تحرقل : هي الهبوط المفاجئ لما يعتقده الهابط عليه موهبة إلهية أختارته هو دون غيره من البشر ..
مشرتق عن سكرة : لا اجد مقابلا لها في اللغة العربية الفصحى ولكن بالدراجية الفصيحة تعني (اليادوبو قايم من النوم والسكرة بايتة معاو . أي .. لسة ما فكت منو )
رياح التتفل : التتفل هو صغير الثعلب ورياحه ما يخرج منه من ريح ساعة إشتمام الخطر .. وأدخلت الكلمة هنا للضرورة الشعرية ولزوم وزنة دركسوا القافية ..
دينكا فريانق : هم بطن من بطون الجعلية الازيرقاب إستوطنو المنطقة ما بين السالماب ووادي أبو لبط في القرن التاسع الميلادي قبل الهجرة و قبل إكتشاف قانون الجاذبية ..
جينق أفعوان : الافعوان هو جمع الضكر غير السالم لكلمة افعى وهي كبير الورل السام .. وجينقه هو عرينه
الدساتر : هو جمع دستور وهو الإداة المعدنية التي تستعمل لتثبيت الأبواب والمداخل على الحوائط لضمان تماسكها .. وذكرت في متن القصيدة لتثبيت كل هذه المداخل التي ذكرت أعلاه ..
نيب : جمع ناب ومفرده ضرس
مع خالص حبي وتحياتي للأستاذ خالد كودي ..
|
Post: #3
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-09-2005, 08:47 AM
Parent: #1
نعم انا مهتم بالفن الغنائي والفنون عموما ومن اهمها الشعر طبعا ...
والعيب ليس في القصائد ولكن في فهم البعض لنوعيتها وإختلاف تراكيبها (أوتومسفيرية ، أسفيرية ، تقلسفيرية .. إلخ) .. وهنا يكمن مربط الفرس ..
|
Post: #4
Title: Re: قصيدة أوتومسيرية مهداة إلى خالد كودي !!!!
Author: Abdulla Ageed
Date: 08-09-2005, 09:05 AM
Parent: #1
الأخ ناذر
قصيدتك سميكة في مبانيها الاسترسالية، وهي من القطع المتوسط المحتوي
على دسم خرافي يتسلطن حين يستشقه شيطان شعرك اللا استيعابي.
تحتوي القصيدة على نثار من التراكيب الاستوسفيرية المستنبطة من جو
الأدب الاتوموسفيري الذي تعتبر من رواده الأوائل..
وهي على العموم مشرئبة وموغلة في الانتفاض غير المستلئم
أقول قولي هذا وأنا بعيد عن جو القصيدة الذي لا ناقة لي فيه ولا جمل
عُلِم؟
مع فائق التقدير
|
Post: #5
Title: Re: قصيدة أوتومسيرية مهداة إلى خالد كودي !!!!
Author: nada ali
Date: 08-09-2005, 09:11 AM
Parent: #1
| Quote: أوتومسفيرية ، أسفيرية ، تقلسفيرية .. |
اسفيرية دى عرفناها
الكلمات الثانية يعنى شنو؟
و ردا على تكرمك بالقصيدة اهديك هذه الطرفة (بتصرف قليل) رغم الحزن المخيم هذه الايام
ارجو ان يتسع لها صدرك
---
طلب احدهم من شاعر شهير ان ينصح احد اقربائه الذين يكتبون الشعر و القصة، فقال الشاعر
انصحه بالتركيز على كتابة القصة فسألوه هل اطلعت على قصصه؟ فقال لهم لا لكن قرأت اشعاره.
:-)
|
Post: #6
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-09-2005, 09:55 AM
Parent: #5
الأخ عقيد ...
Quote: الأخ ناذر
قصيدتك سميكة في مبانيها الاسترسالية، وهي من القطع المتوسط المحتوي
على دسم خرافي يتسلطن حين يستشقه شيطان شعرك اللا استيعابي.
تحتوي القصيدة على نثار من التراكيب الاستوسفيرية المستنبطة من جو
الأدب الاتوموسفيري الذي تعتبر من رواده الأوائل..
وهي على العموم مشرئبة وموغلة في الانتفاض غير المستلئم
أقول قولي هذا وأنا بعيد عن جو القصيدة الذي لا ناقة لي فيه ولا جمل
عُلِم؟
مع فائق التقدير |
هو في الحقيقة .... أحم ... يعني القصة زي ما تقول ...
حيرتني والله ما عارف اقول شنو 
لا لا علم تب
كلامك الأوتمسفيري دا زي الوقع لي كدة
الأخت نادية ..
Quote: اسفيرية دى عرفناها
الكلمات الثانية يعنى شنو؟
|
كيف الكلام دا !!!
طيب إنتي كتيتي قصيدة قلتي إنها ما أوتومسفيرية بدون ما تعرفي تركيبة القصائد الاوتومسفيرية وهي طلعت أوتو مسفيرية وده كلو عشان إنتي ما عارفة معنى الكلمة !!!
طيب كان أفضل إنو تسأليني أول بعد داك تضعي بوستك التاني .. هسي إنتي وضعتي نفسك في حتة ضيقة لإنو هسي اي زول عرف إنو إنتي ما عارفة معني أوتومسفيرية وكدة ما صاح ويقدح في مصداقيتك .!!
غايتو انصحب بأن ترسلي لبكري أبو بكر لسحب بوستك ذاك ..
Quote: طلب احدهم من شاعر شهير ان ينصح احد اقربائه الذين يكتبون الشعر و القصة، فقال الشاعر
انصحه بالتركيز على كتابة القصة فسألوه هل اطلعت على قصصه؟ فقال لهم لا لكن قرأت اشعاره |
وبما إنك ما سمعتي صوتي وقريتي شعري بالتأكيد تنصحيني بالتركيز في الغناء مش
كدي النشوف راي الجماعة هنا وإذا قالوا أبطل الشعر حا أبطلوا طوالي ..
سؤال : خالد كودي القصيدة ما عجبتو ولا شنو ؟؟!!
أنا إجتهدت فيها كتير والله :CONFUSED:
|
Post: #7
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-09-2005, 10:01 AM
Parent: #1
الأخت ندى ....
أراك مهتمة جدا بقصيدتي الاوتومسفيرية هذه رغم أنها ليست مهداة لك وأراك قد فتحت بوستا كاملا للرد عليها ومداخلاتك جميعها تثير تعجبي !!!!!
فهل لي بمعرفة سبب إهتمامك بالقصيدة ؟؟!!
لا أعتقد أنها أعجبتك .. وإذا كان كذلك فأنا مستعد لتأليف أخرى لك غيرها مستقبلا ..
فهل أطمح في معرفة سبب الإهتمام ؟؟؟؟؟!!!!
|
Post: #8
Title: Re: قصيدة أوتومسيرية مهداة إلى خالد كودي !!!!
Author: nada ali
Date: 08-09-2005, 10:37 AM
Parent: #1
Quote: كيف الكلام دا !!!
طيب إنتي كتيتي قصيدة قلتي إنها ما أوتومسفيرية بدون ما تعرفي تركيبة القصائد الاوتومسفيرية وهي طلعت أوتو مسفيرية وده كلو عشان إنتي ما عارفة معنى الكلمة !!!
طيب كان أفضل إنو تسأليني أول بعد داك تضعي بوستك التاني .. هسي إنتي وضعتي نفسك في حتة ضيقة لإنو هسي اي زول عرف إنو إنتي ما عارفة معني أوتومسفيرية |
انا فعلا ما عارفة معنى الكلمة و السؤال و عدم المعرفه ما عيب – خاصة ان اللغة العربية ليست لغة الام بالنسبة لى (ده طبعا لو كانت الكلمة عربية) - و اهو اكون اتعلمت كلمة جديدة و بالمرة اكون ممتنة لو ترجمت لى النص النقدى الطير باقيرى الذى كتبه الاستاذ عبد الله عقيد الذى يبدو انه استوعب القصيدة بشكل افضل منى.
Quote: أراك مهتمة جدا بقصيدتي الاوتومسفيرية هذه رغم أنها ليست مهداة لك وأراك قد فتحت بوستا كاملا للرد عليها ومداخلاتك جميعها تثير تعجبي !!!!!
فهل لي بمعرفة سبب إهتمامك بالقصيدة ؟؟!!
فهل أطمح في معرفة سبب الإهتمام ؟؟؟؟؟!!!! |
انا بس قررت اهدى قصيدة لخالد كودى زميلنا فى البورد قمت لقيتك سبقتنى. اهاااا زى ما انت عارف لم افهم معنى كلمة اوتومسفيرية وحاولت اخمن معناها من السياق
و لما لقيتك وصفت بيها القصيدة بتاعتك افتكرت انها كلمة شتيمة و لا حاجة ، او يمكن مرادف افضل للكلمة التى وصف بها كودى القصيدة التى تفضلت باهدائها للاستاذ عثمان محمد صالح فاحببت ان اوضح من البداية ان قصيدة الاخ علاء سنهورى غير اوتومسفيرية علشان الناس تتشجع على قراءتها.
| Quote: لا أعتقد أنها أعجبتك .. وإذا كان كذلك فأنا مستعد لتأليف أخرى لك غيرها مستقبلا .. |
لا لا لا
ما قلنا ليك ركز فى الغناء
|
Post: #9
Title: Re: قصيدة أوتومسيرية مهداة إلى خالد كودي !!!!
Author: Abdulla Ageed
Date: 08-09-2005, 10:43 AM
Parent: #8
يا ندى علي..
تحية
| Quote: النص النقدى الطير باقيرى الذى كتبه الاستاذ عبد الله عقيد |
الطير باقيري دي يعني شنو!!؟
|
Post: #10
Title: Re: قصيدة أوتومسيرية مهداة إلى خالد كودي !!!!
Author: nada ali
Date: 08-09-2005, 10:47 AM
Parent: #1
الاستاذ عيد الله عقيد
يعنى ما فهمت كلامك
بالمناسبة هل درست الاقتصاد؟
|
Post: #11
Title: Re: قصيدة أوتومسيرية مهداة إلى خالد كودي !!!!
Author: Abdulla Ageed
Date: 08-09-2005, 11:02 AM
Parent: #10
| Quote: بالمناسبة هل درست الاقتصاد؟ |
نعم.. ولكني غيرت اتجاهي للإعلام
والغريبة أنني رجعت للنص ولم أتبين
السبب الذي جعلك تطرحين هذا السؤال
تقديري مجددا
|
Post: #12
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-09-2005, 01:15 PM
Parent: #11
الزملاء عبد الله عقيد وندى علي ...
كامل إحترامي لشخصي ...
أقدر تماما محاولة النقد الأوتومسفيري الغير إستباقي التي لجأ إليها الأستاذ عقيد ، وقد كانت لمحة منه في غاية الذكاء حبن ذكر في نهاية النقد أن ماكتبه هو خارج جو القصيدة ويبدو أن الأستاذة ندى لم تنتبه لذلك ..
عموما أنا أعتقد أن ذلك لم يكن ليحدث لو أن الأستاذة ندى لم تتسرع بإنزالها لبوستها ذاك دون معرفة المفردة (أوتومسفيري) حيث أنها قتلت الدجاجة أولا في بوستها ذاك وجاءت في هذا البوست لتبحث عن بيضها وذاك طبعا مستحيل بحكم المنطق ..
وإني إذ أتأسف لك يا ندى إذ سبقتك بإنزالي قصيدة قبلك مهداة لخالد كودي وأرجو منك أن تتأسفي أيضا لإساءتك الظن بشخصي ..
ولكني كخدمة مني لك سأعود مرة أخرى لأشرح لك المفردات الثلاث التي صعبت عليك ..
|
Post: #13
Title: Re: قصيدة أوتومسيرية مهداة إلى خالد كودي !!!!
Author: نادية عثمان
Date: 08-09-2005, 02:02 PM
Parent: #12
اسمها ندى !!
نادية دى انا !!
ولو شاعر امشى انكت بوست الشعر الاتوسفيرى المجوبك داك ولاقينى فى الفسحة
اقصد فى البوست التانى
هنا مالى دخل بالجوباك البتسوى فيهو ده
ناذر
كنت وين امبارح؟!!
|
Post: #14
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-10-2005, 03:14 AM
Parent: #13
ندى ,,,, هي نادية
Quote:
اسمها ندى !!
نادية دى انا !!
|
ماهو دا الدسكو الجنن الطلبة
أمبارح متين !!!!!!
قاااعد والله لكن ماطولت كتير ..
|
Post: #15
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-10-2005, 06:10 AM
Parent: #1
يا ناذر ازيك
البوست المصيبه ده كان وين
يادوب لميت فيهو
ياخى شرطه مصارينى من الضحك
بتبالغ ياخى
ناصر البطل
|
Post: #17
Title: Re: قصيدة أوتومسيرية مهداة إلى خالد كودي !!!!
Author: عادل فضل المولى
Date: 08-10-2005, 06:37 AM
Parent: #15
ياناذر
تحية كونكريت
طن الاسمنت اليومين ديل بي كم..؟
ياخ في مقاول هوّل لي الموضوع لحدي ماقلت أخليه بعد الخريف
وبعدين تروتسكي طافش وين..؟
قول ليهو المطرة الاخيرة عاملة عمايل فظيعة في الشارع والـ... والمسر..ح
أديهو طلة
|
Post: #16
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-10-2005, 06:27 AM
Parent: #1
| Quote: عموما أنا أعتقد أن ذلك لم يكن ليحدث لو أن الأستاذة ندى لم تتسرع بإنزالها لبوستها ذاك دون معرفة المفردة (أوتومسفيري) حيث أنها قتلت الدجاجة أولا في بوستها ذاك وجاءت في هذا البوست لتبحث عن بيضها وذاك طبعا مستحيل بحكم المنطق .. |
صدقت ياناذر.
| Quote: وإني إذ أتأسف لك يا ندى إذ سبقتك بإنزالي قصيدة قبلك مهداة لخالد كودي وأرجو منك أن تتأسفي أيضا لإساءتك الظن بشخصي .. |
مفروض تتأسف وتعتذر ليك كمان.
| Quote: ولكني كخدمة مني لك سأعود مرة أخرى لأشرح لك المفردات الثلاث التي صعبت عليك .. |
آأى بالله ، الزوله دى مخها تقيل خاص، وبعد ماتشرح ليها المره الاولى لازم تكرر شرحك افادكم الله.
مقام الفن والالتزام، إختبار امثال ناذر محمد الخليفة:
|
Post: #18
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-10-2005, 07:34 AM
Parent: #16
الاخ ناصر البطل ....
Quote:
يا ناذر ازيك
البوست المصيبه ده كان وين
يادوب لميت فيهو
ياخى شرطه مصارينى من الضحك
بتبالغ ياخى
|
والمحيرني انا ما عارف خالد كودي دا متشنج كدة لي شنو !!!!
يا خي والله الزمن دا الواحد ما بيلقى زول يهدي ليهو حاجة إلا نادرا .. وانا قريحتي دي يعلم الله عصرتها شدييييد عشان انتج القصيدة دي واهديها ليهو !! أنا هسي ما عارف اهديتو قصيدة ولا جمرة لاني شايفو إتشنج شديد وفتح ليهو بوست مخصوص عشان يناقش فيهو تجربتي دا غير البوستات المجاورة .. ويا ريت لو كان داير يناقش تجربتي الشعرية .داير يناقش تجربتي الغنائية مع إني لحدي هسي ما اهديتو غنية أنا اهديتو قصيدة ولسة ما لحنتها .. أمال لو لحنتها كان حا يعمل شنو ؟؟!!!
عادل فضل كيفك ..
والله بختك لأني هسي جاي من السوق وإشتريت إسمنت وهاك الأسعار ..
طن إسمنت عطبرة و سي بلك سعرم واحد الطن بي 760 ألف ..
المصري قنا وحلوان والحبشي سعر الطن 700 ألف
بس ما تسألني عن سعر الطماطم لأني بطلت إشتريها
|
Post: #20
Title: Re: قصيدة أوتومسيرية مهداة إلى خالد كودي !!!!
Author: عادل فضل المولى
Date: 08-10-2005, 07:46 AM
Parent: #18
يا ناذر
شكراً
عليك الله هسي كلامك دا ما أحسن
من البتاعة الشبكتة فيها الناس ديل
آل ايه مواسيرية ولىّ اسفنجية ما عارف..؟
لأنو بي صراحة المعلومات الـقدمتها عن أسعار الاسمنت
بتهم ناس كتيرين
وخصوصاً ناس الشتات الخايفين على بيوت اهلهم من الخريف
تسلم يا ناذر
لكن ما جبت لي خبر تروتسكي
|
Post: #19
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-10-2005, 07:40 AM
Parent: #1
Quote: والمحيرني انا ما عارف خالد كودي دا متشنج كدة لي شنو !!!!
يا خي والله الزمن دا الواحد ما بيلقى زول يهدي ليهو حاجة إلا نادرا .. وانا قريحتي دي يعلم الله عصرتها شدييييد عشان انتج القصيدة دي واهديها ليهو !! أنا هسي ما عارف اهديتو قصيدة ولا جمرة لاني شايفو إتشنج شديد وفتح ليهو بوست مخصوص عشان يناقش فيهو تجربتي دا غير البوستات المجاورة .. ويا ريت لو كان داير يناقش تجربتي الشعرية .داير يناقش تجربتي الغنائية مع إني لحدي هسي ما اهديتو غنية أنا اهديتو قصيدة ولسة ما لحنتها .. أمال لو لحنتها كان حا يعمل شنو ؟؟!!! |
والله ياناذر انا ماعارف ليك تجربه عشان اناقشه ،
والبوست الفتحتو ماعشان انا متشنج، لكن عشان بدون تشنج نتعرف على تجربتك ان كن لك واحده حتى بعد داك نجى نناقشه.
واتمنى ان يتع صدرك و تعرفنا على تجربتك على كل حال، وانا كلى آذانا صاغيه.
|
Post: #21
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-10-2005, 07:52 AM
Parent: #19
يا خالد كودي ..
ما انا عارفك ما عارف تجربتي .. هو إنتا اديتني فرصة عشان أوريك ليها !!!!
الحاجة التانية إنتا داير تعرف تجربتي الشعرية ولا الغنائية عشان أفرز .. لإنو كل واحدة عندها طابعا المميز وظروف ممارستا وحاجات زي دي ..
عادل فضل ....
والله تروتسكي كان متدسي خلال الاحداث الفاتت دي وبدا يظهر الأيامات دي مع هدوء الاحوال الأمنية ..
بالمناسبة ...
سعر شوال الإسمنت الأبيض بلغ 45000 جنيه
|
Post: #22
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-10-2005, 08:00 AM
Parent: #21
عشان خاطر العود خلينا نقول الغنائية،
بالاضافه لانك اعطيتنا نموذج من الشعرية.
وانت عارف ، نحنا الزول بنمسكو من "فنو"
وبعدين حانجى لحكاية "المعارف" من"المعرفه"
|
Post: #24
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-10-2005, 08:19 AM
Parent: #22
والله يا خالد كودي ايامك ...
إنت والله زول مبروك خلاس ...
بداية وتمهيد لي تجربتي هاك البوست دا لف فيهو شوية ..
ذكريات الحفلات في المناسبات : جلد بالسياط وزوغة بالعداد...مبيت في الحراسات ...
بس أعمل حسابك عشان البوست دا كبير وفيهو تلاتة صفحات بتلقى فيهو أجزاء من تجاربي في المجال دا وكمان في واحدة من الصفحات ديلك بتلقى ليك جذء من كتاب كاتبو أنا زاااااتي عن ما خرجت به وتمخضت عنه في حياتي الفنية الصغيرة القصيرة ..
بقول القصيرة الصغيرة لأني صغير لسة ... ما تشوفني كدي !!
وأنا في الوكت دا حا اقوم أجهز ليك بوست تاني أتحدث فيهو عن تجربتي الشعرية ..
ميسوط يامان !!!!
ما قلت ليك دي أيامك وإنت زول مبروك
ودي فرصة ذاتو عشان أعرف تذوقك وتعاملك مع الفنون دي بعيد عن الريشة والمرسم ..
قصرت معاك !!!!!
|
Post: #23
Title: Re: قصيدة أوتومسيرية مهداة إلى خالد كودي !!!!
Author: عادل فضل المولى
Date: 08-10-2005, 08:14 AM
Parent: #21
شكراً يا ناذر
على المعلومات الطازجة
تنفع وسيط ممتاز
أو فيك مشروع مقاول خطر
بالمناسبة
انت العود الماسكو دا موجود في سوق امدرمان..؟
انا زمان شفت فنان
اسمو حسن خليفة العطبراوي كان شايل واحد زيو
الله يرحم أبو داؤود
وسلفاكير بكرة بحلف قسم
وبعدها قال مسافر برة
يا ربي بيكون بي هليكوبتر
ولىّ سفرية..؟
ما معروف المقادير
الا شايف ريك مشار
بقي نائب ليهو
والزول دا بيعرف القصر غرفة غرفة وبخاف من جرة الحبل
أها كان لاقيت ملاسي قول ليهو التوثيق ضروري
ما نتحرم من شوفتك
وسلم على مريم ونادر
وقول ليهم
(بيت الخريف أكان صمد حول
للقيامة ما بقع)
فهمت ولىّ أشرح
ليـ
....
كـ
كدا كفاية..؟
|
Post: #25
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-10-2005, 08:25 AM
Parent: #23
يا عادل ..
Quote: فهمت ولىّ أشرح
ليـ
....
كـ
كدا كفاية..؟ |
غير العود المعلق في سوق أمدرمان تاني ما فهمت منك أي حاجة !!!
وحتى المعلومة دي غلط لإني العود دا جبتو معاي من القاهرة
وأموت وأعرف الدخل طيارة سلفاكير مع قصر لام أكول في مداخلتك دي شنو !!!!
يا راجل انا زول مسكين وعلى (أد) حالي .. مالك داير تجيب لي الهوا
|
Post: #26
Title: Re: قصيدة أوتومسيرية مهداة إلى خالد كودي !!!!
Author: عادل فضل المولى
Date: 08-10-2005, 08:37 AM
Parent: #25
يا ناذر
الهواء يجيك من وين
وأنت (بنشرت) الشعر..؟
اركز
ما الكان أول في وقتو بقى ثالث في زمن غيروا
لكن للأقدار تصاريف
وخطوة للامام تساوي نقلة كبيرة
وتاني نطة صغيرة
ونعيد جرد الحساب
قبل يوم الحساب
ومين يدفع الفاتورة
غير المساكين
الأوردتهم في قصيدتك
عاليه...
---
كفاية
...؟
وربنا يحفظ يا بلد
امبارح محمود
(بالجنبة) شرّف الروضة..؟
والليلة أصبح زول تاني..
أظن كفاية
|
Post: #27
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-10-2005, 08:53 AM
Parent: #26
عادل هووووي !!!!!
Quote: ومين يدفع الفاتورة
غير المساكين
الأوردتهم في قصيدتك
عاليه...
|
أوعا يكون عندك راي في قصيدتي الفوق ديك !!!!
إنتو الليلة كلكم بقيتو نقاد وكلكم القصيدة ما عاجباكم !!!!
Quote: وربنا يحفظ يا بلد
امبارح محمود
(بالجنبة) شرّف الروضة..؟
والليلة أصبح زول تاني..
أظن كفاية |
محمود منو وياتو روضة دي !!!!
الغريبة كلامك عربي لكن بعد دا ما فهمت حاجة
أفصح وأبن يا رجل ولا تخش في الحق لومة لائم ..
وبالذات انا
|
Post: #28
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 08-10-2005, 09:03 AM
Parent: #1
يعيش ناذر الاوتوستوراد ويتنزل عليه الشعر ذى بوخ البراد
يعيش ويمدح فى الجداد
يعيش يعيش....
ومرس الزناتى انهزم بالايه ماعارف...
فهمت حاجة ياشاعرنا الفطحل
|
Post: #29
Title: Re: قصيدة أوتومسيرية مهداة إلى خالد كودي !!!!
Author: nada ali
Date: 08-10-2005, 09:55 AM
Parent: #1
الاستاذ ناذر
Quote: عليك الله هسي كلامك دا ما أحسن
من البتاعة الشبكتة فيها الناس ديل
آل ايه مواسيرية ولىّ اسفنجية ما عارف..؟ |
و شايفة فى اقتراح تشتغل مقاول، اوع يكون الاستاذ ده سمعك و انت بتغنى كمان؟
و فى انتظار شرح المفردة
شفت جبت لى الكلام انه مخى تقيل كمان
الاخ عبد الله عقيد
كان معنا طالب فى كلية الاقتصاد محول من زراعه اسمه مشابه لك.
|
Post: #42
Title: Re: قصيدة أوتومسيرية مهداة إلى خالد كودي !!!!
Author: Abdulla Ageed
Date: 08-11-2005, 06:21 AM
Parent: #29
Quote: الاخ عبد الله عقيد
كان معنا طالب فى كلية الاقتصاد محول من زراعه اسمه مشابه لك |
لا دا واحد تاني.. ولست أنا..
|
Post: #30
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-10-2005, 11:11 AM
Parent: #1
Quote: والله يا خالد كودي ايامك ...
إنت والله زول مبروك خلاس ...
بداية وتمهيد لي تجربتي هاك البوست دا لف فيهو شوية ..
ذكريات الحفلات في المناسبات : جلد بالسياط وزوغة بالعداد...مبيت في الحراسات ...
بس أعمل حسابك عشان البوست دا كبير وفيهو تلاتة صفحات بتلقى فيهو أجزاء من تجاربي في المجال دا وكمان في واحدة من الصفحات ديلك بتلقى ليك جذء من كتاب كاتبو أنا زاااااتي عن ما خرجت به وتمخضت عنه في حياتي الفنية الصغيرة القصيرة ..
بقول القصيرة الصغيرة لأني صغير لسة ... ما تشوفني كدي !!
وأنا في الوكت دا حا اقوم أجهز ليك بوست تاني أتحدث فيهو عن تجربتي الشعرية ..
ميسوط يامان !!!!
ما قلت ليك دي أيامك وإنت زول مبروك
ودي فرصة ذاتو عشان أعرف تذوقك وتعاملك مع الفنون دي بعيد عن الريشة والمرسم ..
قصرت معاك !!!!! |
"فنان" يريدنا ان نعرف شيئا عن تجربته الغنائية من غير ان يغنى!
من غير ان نستمع الى "الغناء" يريدنا ان "نتعلم" عن غنائه!
مررت على البوست المذكور ، والذى اوردته "كتمهيد" على حد تعبيرك لكى نتعرف عن تجربتك الغنائيه
ولم اجد غناء!
حاول مره اخرى.
اما عن حكاية الكتاب: وددت ان أقول كيف لمن لايقرأ ان يكتب؟
ولكنى قررت ان انتظر قليلا،
لااريدك ان تحدثنى عن انك مغنى لكى "احكم" على تجربتك الغنائيه،
انما اريد ان استمع الى غنائك لكى احاورك فى "فنك" الذى هو "الغنا"
مثلا: ان ادعيت انه لدى محاولات متواضعه فى التشكيل ،
حينها لابد لى ان ارفق بعض الاعمال التشكيليه التى تدعم هذا الادعاء،
فلا يكفى ان ندعى اننا "فنانين" لكى نكون فعلا فنانين!
هذه هى النقطه الاولى.
وهنا لابد ان نقول ان تجربة نظام الجبهه الاسلاميه خلقت ثقافة سنتعرض اليها ونحن نأخذك كنموذج ان سمح لنا الوقت.
وفى انتظار "فنك" "يافنان"
|
Post: #31
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-10-2005, 12:56 PM
Parent: #1
إتوكلنا عليك يا ربي ...
أها النشوف الحاصل شنو !!
Quote: يعيش ناذر الاوتوستوراد ويتنزل عليه الشعر ذى بوخ البراد
يعيش ويمدح فى الجداد
يعيش يعيش....
|
صديقي ود عكر ...
أحييك على هذه اللفتة الذوقية منك والتي تنم على تذوقك الشعر ..
لكن نعمل شنو مع الناس الماعندها لسان دي
وغايتو زي ما بيقول المثل :
الفي القدرة بتجيبو المغرافة
الأخت ندى علي ...
Quote: و شايفة فى اقتراح تشتغل مقاول، اوع يكون الاستاذ ده سمعك و انت بتغنى كمان؟
و فى انتظار شرح المفردة
شفت جبت لى الكلام انه مخى تقيل كمان
|
طبعا دا ما إقتراح لإني فعلا شغال مقاول ..
بس ما تقولي لي يستحيل أكون مقاول وشاعر !!!!!
أنا عندي واحد صحبي شغال سباك .. وتتصوري فجأة كدة ..
برضو شاعر وفي المساء بيرمي طعمية قدام بيتم
خالد كودي إنشالله أمسيت كويس و YOU FEEL BETTER
Quote: "فنان" يريدنا ان نعرف شيئا عن تجربته الغنائية من غير ان يغنى!
|
والله لا بؤيدك تعرف تجربتي لا حاجة !!
إنتا براك إتشبرتا وقلت داير تعرف تجربتي الغنائية مع إنو موضوعنا كان عن قصيدة !!
Quote: مررت على البوست المذكور ، والذى اوردته "كتمهيد" على حد تعبيرك لكى نتعرف عن تجربتك الغنائيه
ولم اجد غناء!
|
طبعا ما فيهو غناء !! وإنت متصور تلقاني بغني بي هناك ولا شنو !!!
انا قلت ليك تمهيد بعني خلفية وكدة وهسي إتخايلي إنت عندك هسي خلفية عني كويسة دا طبعا بإعتبار إنك لفيت في البوست لكن ما اظنك عملتها في الزمن القصير دا ..
هسي لمن تمشي المطعم وتقول داير بيض بالطوة .. الطوة بجيبوها ليك معاو !!؟؟
أها شفت في بوستي داك نفس الشي
| Quote: انما اريد ان استمع الى غنائك لكى احاورك فى "فنك" الذى هو "الغنا" |
والله ماعندي مانع لو عرفت خلفيتك الفنية لإني ما بتحاور مع أي زول تقوم كمان تشتهر على حسابي (بس ما تقول لي إنو إبراهيم عوض ود خالك وتعتبرا خلفية فنية)
Quote: وهنا لابد ان نقول ان تجربة نظام الجبهه الاسلاميه خلقت ثقافة سنتعرض اليها ونحن نأخذك كنموذج ان سمح لنا الوقت.
|
هسي الكلام دا الجابو هنا شنو ؟؟!!
جبييييل أهديت ليك قصيدة نطيت لي في تجربتي الغنائية جيتك لي تجربتي الغنائية دخلت لي في نظام الجبهة أخش معاك فبها حا تنط لي قوانين الباسكت بول !!!!
ياخي ركز معاي شوية عشان نقدر نتفاهم ونصل لي نتيجة !!!
هسي حا نتحاور في شنو !!!
تجربتي الشعرية ولا تجربتي الغنائية ولا تجربة نظام الجبهة ولا تجربة أبطال الدجتال !!!
غايتو لحدي هسي ما في شي مشترك عشان نقدر نتفاهم !!
|
Post: #32
Title: Re: قصيدة أوتومسيرية مهداة إلى خالد كودي !!!!
Author: waleedi399
Date: 08-10-2005, 01:46 PM
Parent: #1
ناذر خليفة
الله يجازي شيطانك
أتو القلت عليها دي
أخت الاتوبيس والاتوميتك
|
Post: #33
Title: Re: قصيدة أوتومسيرية مهداة إلى خالد كودي !!!!
Author: محمد حامد جمعه
Date: 08-10-2005, 01:49 PM
Parent: #32
دقست يا ناذر
شفت ضبط مصطلحات ساى الاستاذة ندى بتقعدك ساى ... شيل شيلتك
|
Post: #34
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-10-2005, 02:35 PM
Parent: #33
كمان جابت ليها دور كلاب أمن.
|
Post: #35
Title: Re: قصيدة أوتومسيرية مهداة إلى خالد كودي !!!!
Author: Agab
Date: 08-10-2005, 02:48 PM
Parent: #1
| Quote: كمان جابت ليها دور كلاب أمن. |
فاول يا حكــــــــــــــــــــــــــــــــــم
الجابك تشوبر شنو يا محمد حامد
عجبنــــــــــــــــــــــــــــي ليك
|
Post: #36
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-11-2005, 00:19 AM
Parent: #35
أكتر حاجه مكيفانى فى الموضوع يا ناذر
انك حتكون حقل تجارب
و يا زول تجربتك دى حتتقيم حتتقيم
بطل جرسه و جلكسات فهمته خلاص .. قضى الأمر
اذهب الى تابوتك فى الحال و ابدأ فى الغناء
ناصر البطل
|
Post: #37
Title: Re: قصيدة أوتومسيرية مهداة إلى خالد كودي !!!!
Author: تولوس
Date: 08-11-2005, 00:57 AM
Parent: #36
اخي نازر .. والحضور الكريم تحياتي ..
والله عندك موهبة ضخمة ...واكيد عندك صوت طرووب وجميل... تحياتي
|
Post: #38
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-11-2005, 03:42 AM
Parent: #1
| Quote: طبعا دا ما إقتراح لإني فعلا شغال مقاول .. |
وفقك الله ، وبى عافيتك. اتمنى ان تركز فى "شغلك"
| Quote: بس ما تقولي لي يستحيل أكون مقاول وشاعر !!!!! |
مافى حاجه مستحيله، وتاريخ الشعر مليان بممتهنى كل انواع المهن ومقرضى الشعر فى نفس الوقت، ولكن هناك نقطتان اساسيتان:
1/ ان يكون هنالك انتاج شعرى.
2/ان يكون شعرهم "جيدا"
Quote: أنا عندي واحد صحبي شغال سباك .. وتتصوري فجأة كدة ..
برضو شاعر وفي المساء بيرمي طعمية قدام بيتم |
مافى مشكله ، المهم ان يكون "ينتج" شعرا، وان يكون شعره "جيد" ثم مافى عيب فى تلقيط الارزاق من تسليك المواسير.
كتبت:
Quote: والله لا بؤيدك تعرف تجربتي لا حاجة !!
إنتا براك إتشبرتا وقلت داير تعرف تجربتي الغنائية مع إنو موضوعنا كان عن قصيدة !! |
هذا المكان للحوار، فتحت بوستا فاردنا ان نحاورك فيما هو مفيد.
"فالفنان" فنان من خلال انتاجه لامن خلال مايكتب من عن انتاجه الفنى المتخيل!
سألتك عن انتاجك
فاجبت:
| Quote: الحاجة التانية إنتا داير تعرف تجربتي الشعرية ولا الغنائية عشان أفرز .. لإنو كل واحدة عندها طابعا المميز وظروف ممارستا وحاجات زي دي .. |
ورديت عليك ب:
عشان خاطر العود خلينا نقول الغنائية،
بالاضافه لانك اعطيتنا نموذج من الشعرية.
وانت عارف ، نحنا الزول بنمسكو من "فنو"
وبعدين حانجى لحكاية "المعارف" من"المعرفه"
يعنى خيرتنى فى ان اختار فى ماذا اريد ان يكون النقاش، فاخترت الغناء عشان خاطر العود .
ثم ارفقت انت البوست الذى بعنوان :
ذكريات الحفلات في المناسبات : جلد بالسياط وزوغة بالعداد...مبيت في الحراسات ...
وطالبتنى بان الف فيه شويه ،
فقد قلت:
| Quote: بداية وتمهيد لي تجربتي هاك البوست دا لف فيهو شوية .. |
لفيت ولم اجد الغناء!
فعم يكون الحديث اذن؟
كتبت:
Quote: طبعا ما فيهو غناء !! وإنت متصور تلقاني بغني بي هناك ولا شنو !!!
انا قلت ليك تمهيد بعني خلفية وكدة وهسي إتخايلي إنت عندك هسي خلفية عني كويسة دا طبعا بإعتبار إنك لفيت في البوست لكن ما اظنك عملتها في الزمن القصير دا .. |
طبعا كنت متوقع الاقى البوست ملئى بأغانيك.
ثم ان "التمهيد" للغناء يكون "تطريق للصوت" التاكد من ان الاله الوسيقيه فى التون المطلوب... الخ.
ولكن لايكون "حكاياة لذكريات الحفلات" تمهيدا لكى يعرف الانسان عن "فن" من يطرح نفسه فنانا!
Quote: وهنا لابد ان نقول ان تجربة نظام الجبهه الاسلاميه خلقت ثقافة سنتعرض اليها ونحن نأخذك كنموذج ان سمح لنا الوقت.
| Quote: هسي الكلام دا الجابو هنا شنو ؟؟!! |
الزيك ديل.
فالسودان ياناذر يعيش أسوا انواع الانحطاط الثقافى ،
وتتجلى ملامح هذا الانحطاط الفنى والادبى فى أمثالك.
انكم تبتذلون الفن والادب والشعر وحتى "المعمار"...
وان اتيت بنماذج من "فنك" يمكن مقاربتها لأثبتنا لك ماقلنا.
| Quote: جبييييل أهديت ليك قصيدة نطيت لي في تجربتي الغنائية جيتك لي تجربتي الغنائية دخلت لي في نظام الجبهة أخش معاك فبها حا تنط لي قوانين الباسكت بول !!!! |
تسلسل البوست امامك،
Quote: ياخي ركز معاي شوية عشان نقدر نتفاهم ونصل لي نتيجة !!!
هسي حا نتحاور في شنو !!! |
أنت الذى يحتاج الى الاستيقاظ من سبات السنين .
فى انتظار ال"نماذج" من فنك ياناذر، هذا ما اتفقنا على ان نتحاور فيه.
وبداية البوست امامك.
Quote: تجربتي الشعرية ولا تجربتي الغنائية ولا تجربة نظام الجبهة ولا تجربة أبطال الدجتال !!!
غايتو لحدي هسي ما في شي مشترك عشان نقدر نتفاهم !! |
"تجربتك الشعريه" تجاوزناها، ومحاولتنا هنا للتجريب معك حول الغنائيه.
فتسلسل الحديث كما ترى
.
ولازلت فى انتظار نماذج من "فنك" بعدها يمكننا ان نتحاور.
وصدقت القول انه "لحدى هسى مافى شى مشترك عشان نقدر نتفاهم".
كتب تولورس:
Quote: اخي نازر .. والحضور الكريم تحياتي ..
والله عندك موهبة ضخمة ...واكيد عندك صوت طرووب وجميل... تحياتي |
هل سمعت صوته؟
لماذا أكيد ان صوته "طرووب وجميل" ؟
كيف عرفت؟
|
Post: #40
Title: Re: قصيدة أوتومسيرية مهداة إلى خالد كودي !!!!
Author: تولوس
Date: 08-11-2005, 05:18 AM
Parent: #38
اخي الكريم خالد ... تحياتي واحترامي...
Quote: هل سمعت صوته؟
لماذا أكيد ان صوته "طرووب وجميل" ؟
كيف عرفت؟ |
ياخي انا لاسمعت ولا طربت ... بس رايت صورة رجل فنان ماسك ليهو عود وده في حد زاتو رمز جمالي عنيف جدا يهز الوجدان ويدغدغ الشعور... وانا بطبعي احب الفن بكل انواعه وخاصة الرسم وخاصة السريالي والتجريد واطرب للمدارس الاروبية فان جوخ .. بيكاسو وايضاالفن السوداني راشد دياب الصلحي حسين جمعان والكثير وايضااحب النحت واحب الغناء والشعر والموسيقي بصورة اكبر وتعلمت العزف علي الالات الوترية من الربابة حتي الجيتار وايضا بعض من الات النفخ ده غير الكي بورد الموسيقي طبعا واطرب لكرومة وسرور والكاشف والجابري وابو داووود ومحمد حسنين.ومحمد احمد عوض .. وصديق عباس وابو اللمين وعثمان الاطرش ومصطفي سيد احمد... وعادل مسلم ... والجيلي الشيخ وعاطف انيس ...ونادر خدر والي اخر فنان من الفنانين الشباب ... والي فنانين حلتنا ... وايضا مديح المصطفي( ص)
واخيرا اتمني ان اسمع للاخ نازر والله بمداخلتك الجميلة دي خليتني في شوق شديد عشان اسمع له ...
اخي نازر للتنسيق الرجاء المراسلة
[email protected]
|
Post: #39
Title: Re: قصيدة أوتومسيرية مهداة إلى خالد كودي !!!!
Author: قرشـــو
Date: 08-11-2005, 04:31 AM
Parent: #1
الأستاذ ناذر
مع انى من المقلين جدا فى قراءة الشعر الحمبكانى
ولكنى اقول لك اتومسيرية السرور
|
Post: #41
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-11-2005, 06:18 AM
Parent: #39
دا شنو دا !!!!!!!!!!
الواحد تاني ما يمشي يشرب موية ولا شنو
شايف الصالون إتزحم عديل كدة أها النقول واحد ...
Quote: الله يجازي شيطانك
أتو القلت عليها دي
أخت الاتوبيس والاتوميتك |
وليد بالله ما تقعد تنظر في المدرسة البتنتمي ليها القصيدة دي ...
ما تخجل زي ما عملوا ناس لو ما عارف معنى الكلمة قول
محمد حامد جمعة
إنتا ياراجل الظاهر عليك حا تخش التابوت تاني المرة دي
وبختك التابوت المرة دي عاملو ليك فنان يعني حايكون من المرمر والقرنبيز وشرائح الكولاج وخلاصة العرديب
ناصر البطل يا بطل ...
Quote: أكتر حاجه مكيفانى فى الموضوع يا ناذر
انك حتكون حقل تجارب
و يا زول تجربتك دى حتتقيم حتتقيم
بطل جرسه و جلكسات فهمته خلاص .. قضى الأمر
اذهب الى تابوتك فى الحال و ابدأ فى الغناء
|
وأنا أهم حاجة عندي إنو قصيدتي دي كسابقتها الأوتومسفيرية ديك لقت حظها من التقييم والإهتمام رغم أنف الناس الما عندها لسان تتذوق بيهو
ما تتصور كمية الإيميلات ورسائل الموبايلات والفاكسات والإتصالات الداخلية والخارجية اليتشيد في نهج القصيدة دي قدر شنو ..
هسي معنوياتي في السماء وألفت قصيدة أوتومسفيرية برضو مهداة لي سجيمان لكن حا انزلا بعد ما ننتهي من البوست دا ..
بعدين أنا كم مرة قلت ليك التابوت دا انا فارقتو زمان وتاني ما راجع ليهو ..
ولو ربنا رفع القدم ورجعت .. علي بالطلاق (طلاق قبل العرس) ما راجع براي
العزيز تولوس ..
Quote: اخي نازر .. والحضور الكريم تحياتي ..
والله عندك موهبة ضخمة ...واكيد عندك صوت طرووب وجميل... تحياتي |
يا خي ألف مليون شكر على الإطراء وفعلا لا يفهم الفنانين إلا الفنانين وشايف سيرتك الزاتية ما شاء الله عامرة بالكثير ...
بس حاسب هسي حا تكون مطالب بي إثبات مواهبك دي .. وأمش من هسي جهز ليك تلاتة أربعة بوستات عشان تقنع بيهو الجماعة
أبو قريش ..
Quote: مع انى من المقلين جدا فى قراءة الشعر الحمبكانى
ولكنى اقول لك اتومسيرية السرور
|
من الليلة ولي قدام ما حا تكن مقل لإنو قريحتي الشعرية إنفتقت بي كميات من الشعر دا وحا تتشبع بيهو لمن ما تقدر تتنفس ..
|
Post: #43
Title: Re: قصيدة أوتومسيرية مهداة إلى خالد كودي !!!!
Author: Abdulla Ageed
Date: 08-11-2005, 06:27 AM
Parent: #1
قال الشاعر أبو الدقيق:
رب بوست أنجب بوستات كتيرة..
والسبب في ذلك كلمة صغيرة
انت يا ناذر مشكتلك بقت كبيرة..
الواداك تهابش شنو.. تييييرا
|
Post: #44
Title: Re: قصيدة أوتومسيرية مهداة إلى خالد كودي !!!!
Author: المكاشفي الخضر الطاهر
Date: 08-11-2005, 06:54 AM
Parent: #1
نازر متعك الله بالصحة والعافية
دايرين قصيدة تاني
|
Post: #45
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-11-2005, 07:06 AM
Parent: #44
يا ود عقيد ...
أنا ما عندي علاقة بالبوستات البتتوالد زي الأرانب دي
لكن بتحمل المسئولية الأدبية بس ما عارف دي قصيدة ولا قرنيت
بعدين إنتا ما سمعت الحكيم أبو القدح قال شنو ؟؟!!
قال : العفش داخل البص على مسئولية صاحبه
المكاشفي يا فنان ...
وأنا نزولا وطلوعا لرغبة المعجبين والمعجبات الحلوين منهم والشينات ومن هذا البوست أعدكم بأن هنالك قصيدة أوتومسفيرية أخرى ستغزو المنبر قريبا وتنسف كل قصائد المنبر والمنابر المجاورة
|
Post: #46
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-11-2005, 07:18 AM
Parent: #1
خالد كوري !!!!!!!!!!!!
هي والله نسيتك مع زحمة المعجبين الكتيرة دي
أها جيت أوريك الصورة دي ..
بس معليش هي خالي صوت ..
يا ربي ما بتنفع كدليل فني
|
Post: #47
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-11-2005, 07:32 AM
Parent: #46
يا ناذر
الكلام ده واضح
قالوا ليك عايزين يعرفوا امكانياتك فى الغنا
مش امكانياتك فى التصوير امام الكاميرا
خلاص شيل شيلتك
دى برضو حيختبروك فيها
ملح و كاميرا
ناصر البطل
|
Post: #48
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-11-2005, 08:11 AM
Parent: #47
يا ناصر ....
إنتا مالك مستعجل كدة !!!!
ماهي الشغلة بتبدا كدة .. أول حاجة حا أخت صورتي وأنا بغني ..المرة الجاية حا أخت صورة العازفين . المرة البعدا حا أخت صورة العشا العشونا ليهو في أخر مناسبة .. المرة البعدا حا أخت صورة للناس الفرتكوا أخر حفلة .. البعدا حا أخت صورة لي أخر عريس وعروس أنا غنيت في عرسم والبعدا حا أخت صورة لي بتاع الحافلة الودانا حفلة في الفتيحاب وزاغ تاني ما جانا راجع .. بعني لبشغلة خطواط وخطوات بإتجاه الإنجاز
إنتو مستعجلين كدا لييه !!! المنبر دا حا يقفلوهو بكرة ولا شنو 
|
Post: #50
Title: Re: قصيدة أوتومسيرية مهداة إلى خالد كودي !!!!
Author: نادية عثمان
Date: 08-11-2005, 09:59 AM
Parent: #48
Quote: ماهي الشغلة بتبدا كدة .. أول حاجة حا أخت صورتي وأنا بغني ..المرة الجاية حا أخت صورة العازفين . المرة البعدا حا أخت صورة العشا العشونا ليهو في أخر مناسبة .. المرة البعدا حا أخت صورة للناس الفرتكوا أخر حفلة .. البعدا حا أخت صورة لي أخر عريس وعروس أنا غنيت في عرسم والبعدا حا أخت صورة لي بتاع الحافلة الودانا حفلة في الفتيحاب وزاغ تاني ما جانا راجع .. بعني لبشغلة خطواط وخطوات بإتجاه الإنجاز
إنتو مستعجلين كدا لييه !!! المنبر دا حا يقفلوهو بكرة ولا شنو |
ناذر
والله انت مانصيح !!
ياود ده شنو البتقول فيهو ده ؟!!
اقايتو قعدت اضحك لمن بكيت !!
ووالله سمع اضانى وشوف عينى راجلى بيقول لى اخوى الولية اتجننت باين !!
كان هسة صدق انى جنيت وبضحك براى البقنعو منو انى عاقلة تانى ؟!!
|
Post: #49
Title: Re: قصيدة أوتومسيرية مهداة إلى خالد كودي !!!!
Author: Agab
Date: 08-11-2005, 09:52 AM
Parent: #1
| Quote: إنتو مستعجلين كدا لييه !!! المنبر دا حا يقفلوهو بكرة ولا شنو |
لا
لكن حيفصلوا خالد كــــــــــــــــــــــودي
|
Post: #51
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-11-2005, 03:06 PM
Parent: #49
يا نادية ...
Quote: والله انت مانصيح !!
ياود ده شنو البتقول فيهو ده ؟!!
اقايتو قعدت اضحك لمن بكيت !!
ووالله سمع اضانى وشوف عينى راجلى بيقول لى اخوى الولية اتجننت باين !!
كان هسة صدق انى جنيت وبضحك براى البقنعو منو انى عاقلة تانى ؟!! |
يا ندوية والله كلنا المنبر دا جننا ...
وأنا بقنعو إنك عاقلة ... لكن البيقنعوا هو إني أنا عاقل شنو
بعدين تعالي هنا !!!!
اليضحك شنو في الكلام الفوق دا !!!!!
أنا جادي معاك والله !!!!
الواحد إصلو ما يقول الصاح ولا شنو
هو ي يا عجب هوي
Quote: لا
لكن حيفصلوا خالد كــــــــــــــــــــــودي |
تفها من خشمك سرعة سيرة الفصل دي !!!!
جبيل شايفك قاعد في بوستي زي الحكم وحسبت فاول وهسي شايفك صدقت الشغلانة
والله خالد كوري دا إصلو ما ينفصل وانا على قيد البسيطة (شفت البسيطة دب خترة كيف !!)
يعني هسي لو فصلو أطالعوا وين يعني !!!!
زمان كنا بنطالع الناس الدارين نشاكلم في الميدان وهسي حكومتك دي بنت الميادين كلها .. يعني أطالعو في السما !!!
أعمل حسابك ودي أخر مرة ما تكجو الراجل يفصلوهو جد جد
|
Post: #52
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-11-2005, 04:39 PM
Parent: #1
ناذر،
نحن لانزال فى انتظار "فنك"
اللف والدوران مابفيدك،
المغنى بمسكوهو من غناهو.
|
Post: #53
Title: Re: قصيدة أوتومسيرية مهداة إلى خالد كودي !!!!
Author: Agab
Date: 08-11-2005, 10:09 PM
Parent: #1
ناذر الفنان
رغــــم أنـف الجميع
قلنا نحرس لك البوست لانو محمد حامد جمعة تغطيته إتكشفت
| Quote: زمان كنا بنطالع الناس الدارين نشاكلم في الميدان وهسي حكومتك دي بنت الميادين كلها .. يعني أطالعو في السما !!! |
تعال طالعوا في بوسطن
المياديــــــــــــــــــــــــــــــن راقدة لكن ضرب مافـــــــــــــــــــــــــــي
|
Post: #54
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-12-2005, 05:27 AM
Parent: #1
عجب العجبني تب !!!
عفيت منك والله لإنو فعلا محمد حامد شايفو بدا يهتم بي شئونو الخاصة
خالد كوري !!!!!!!!!!!
يا خي أنا دايما بنساك مع انو البوست دا بتاعك إنتا والله
أها قبل ما أواصل معاك في تجربتي الفنية كنت قبال كدي قلت ليك وريني خلفيتك الفنية عشان اعرف الزول البتناقش معاهو دا منو ، أهاااا لمن إنت إتأخرت والشمس مغربت قلت أحسن أحوم براي عشان أعرف خلفيتك .. والحمد لله رجعت مستور تب
ما قلت ليك إنتا زولا مبروك !!!!!
أها يا جماعة هاكم دي خلفية صغيرة عن الزول البيتناقش معاي في تجربتي
Quote: بخصوص الأخ خالد كودى، أذكر ذات مرة أقامت اللجنة التنفيذية للجالية السودانية بمنطقة واشنطن دى سى بأمريكا حفل لأسر الجالية، وقام الأستاذ خالد كودى بعرض عمل تشكيلى، وكان رأئعاً حقاً. وقبل أن أقول ما أردته قوله، أستميح الرجل عذراً إذا تطابق الاسم مع خالد كودى أخر، فأنا لا أعرف الرجل من قرب.
وما أرددته أن أقوله أن السودانيين كانوا تلك الليلة الأسرية مشغولين بالمسائل الأسرية والونسات الجانبية ولم يعيروا العمل التشكيلى للأستاذ خالد كبير أهتمام، والرجل يقدم صور تلو صور ومسيقى رومانسية أو حماسية لا أحد يحرك ساكناً، وأخيراً أستاء الرجل وقال "الشعب السودانى غير مثقف ولا يتذوق الفن" فضحك الجميع من السخرية اللاذعة. والرجل أساء لرفاق دربه في التحالف الوطنى لدرجة كانت الردود عليه عنيفة من جنس الأساءة.
وبهذا ربما يكون الرجل قد فلتت منه تلك الأساءة بصور غير مقصودة،
|
:
قلت لي شنو
| Quote: وأخيراً أستاء الرجل وقال "الشعب السودانى غير مثقف ولا يتذوق الفن" |
لا والله ختري خلاص ..
يا خي والله الناس دي ما ليها حق وكان مفروض تهتم بي لوحاتك الأوتومسفيرية ديك
لكن ولا يهمك يا كوري .. بعد فضيحتك دي وبرضو أنا مصر إنو أوريك خلفيتي الفنية
بس إنتا خليك طبيعي وراعي التسلسل الإيضاحي الانا متبعو
قلت لي الشعب السوداني مالو
|
Post: #55
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-12-2005, 05:44 AM
Parent: #1
لاتهمنى الاكاذيب كثيرا ياناذر،
منتظرين "فنك"
|
Post: #56
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-12-2005, 06:08 AM
Parent: #55
خلاص يا سيد لو الفضيـ .... هي قصدي الكلام داك ما بهمك ..
نرجع لي موضوعي الفني بعد ما عرفت انا موضوعك الفني
أها طبعا أنا أمبارح بعد ما إنتا إتاخرتا والشمس مغربت .فكرت قلت امكن كوري دا ما داير يشوفني في صورة قدام الكاميرا وانا بغني (وهو بيني وبينك كلامك صاح والله) لإنو في إحتمال الصورة دي أكون عاملا براي في بيتنا (يعني إتجنصصتا كدة وشلت لي مايك وناديت واحد من اولاد الحلة صورني) أهاأأأأ قلت أقوم اجيب ليك دليل فني لا يقبل الجدال ولا يتناطح عليه حما ... هي قصدي تورين ..
بعني إنتا داير صورة حية كدة أكون فاتح فيها خشمي وقدامي في ناس كتيرة ويبدو عليها الطرب والإنبهاج لإنو لو غناي ما سمح ما كانو حا يبتهجو .. صح ؟؟!!
ما قلت ليك إنت زول مبروك
أها أنا زاتي زول مبروك وجبت ليك الدليل الفني دا ..
أها الصورة حية وناطقة بالعربية الفصحى كمان
يعني جضومي دي ما اظن كلها مليانة نمباك ولا أظن كنت بنجز في سندوتش وانا شايل عود
بعدين براك شايف تجربتي الفنية كيفنها .. الجضوم دي (الماعرفناها جضوم ولا قدوم) دي بتدل على حلقوم أوتومسفيري خلاص ودا بينتج عنها صوت يمين يقول لي صوت العنج شنو
ومما يدل على نضوج تجربتي الفنية لمن سبكت ، الإندماج الإنتا شايفو من الشباب الحلوين دول وحتى الجو الرائع بتاع التجربة بيدل على إنو لا زال النهار طفلا يحبو ومما يزيد التجربة ألقا وبلوغا بظهور حب الشباب في وشها إنها كانت على ضفاف النيل وفي رواية اخرى في نصه عديل كدة
وزي ما قال الشاعر (أنا وإنت والنيل والقمر) .. (ما إنت يا كوري ... الشاعر قصدو هو وأنا والنيل والقمر) مع إنو كان كضاب لإنو سواق البنطون كان حاضر معانا
أها بعد الدليل القاطع الشارط دا تاني عندك كلام
وبعد ما إنتهينا من عرض نماذج من تجربتي الغنائية ، كنت ناوي أدلف (يا أنا .. شفت ادلف دي ملعوبة كيف ) على تجربتك لكن وا أسفاي وووب ووب .. واضح إنو الإقتباس الفوق دا بيوضح تجربتك بجلاء شديد ..
يعني ما لقيت أي فرصة تنورني بي تجربتك .. وجاء زول غيرك نورني بيها
وكلمني حاول حس بي .. يا نعيم الدنيا .. وأنا أنا في التمني ظلموني الناس وجارو علي
|
Post: #57
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-12-2005, 06:30 AM
Parent: #56
ياناذر الصور من الفنون "البصرية"
وهى "فن" من التقطها، ولكنهاليس "فن" من يظهر فيها!
لازلنا فى انتظار "فنك" .
|
Post: #58
Title: Re: قصيدة أوتومسيرية مهداة إلى خالد كودي !!!!
Author: Agab
Date: 08-12-2005, 09:30 AM
Parent: #1
| Quote: عجب العجبني تب !!! |
ناذر العزيز المابيسأل من ظروفنا
لقيتني كيف وأنا فنان
| Quote: عفيت منك والله لإنو فعلا محمد حامد شايفو بدا يهتم بي شئونو الخاصة |
محمد حامد بقي في رأس اللستة
وما ظنيتو بيأخد أكتر من شكوي
و واي واي ياحكم عفصني 
فعشان كده بيكون في البيخارج تولة رقبتو
تخريمة
من الإستمتاع في الصورة واضح إنو اداءك لأغنية ما بنسي ليلة كنا سارحين في سمر عجبت الحضور
وقلت لي الشعب السوداني مالــــــــــــــــــــــو
|
Post: #59
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 08-12-2005, 09:52 AM
Parent: #1
| Quote: لازلنا فى انتظار "فنك" . |
انا ما فاهم دى قاصدين بيها يعنى يجدعوك من راس المسرح والا شنو؟
توضيح :المسرح فى راس الترله القاطره قردورانى..لانو قندرانى بتودى الزلط
غايتو شيل شيلتك بقيت للنص.
غايتو"تانيه" من صورتك بتاعت العود بخمن انو احدث اغنية ممكن تكون حافظة حتكون من اغانى عصر سحارة الفن السبق مخلاية الفن قبل العصر الحديث العرف الحقيبة ..ويبدو لى كذلك انو عشاء الفنانين لزومك يامان لازم يكون كوارع بقر عشان كلمات اغانى ناس زمان بتزكرنى بى كلمة رجالة وطالعنى الخلاء ومائة جلدة عشان تثبت للجكس انك زول صنديد وكده
تخريمة: اسع يانزورى بتستحمل ليك سوطين تلاتة عنج لزوم الثبات فى نص السباتة يافردة..ما اظن
|
Post: #60
Title: Re: قصيدة أوتومسيرية مهداة إلى خالد كودي !!!!
Author: Agab
Date: 08-12-2005, 10:06 PM
Parent: #1
UP
لغاية ما يجــــــي ناذر
|
Post: #61
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-13-2005, 01:03 AM
Parent: #60
| Quote: ماهي الشغلة بتبدا كدة .. أول حاجة حا أخت صورتي وأنا بغني ..المرة الجاية حا أخت صورة العازفين . المرة البعدا حا أخت صورة العشا العشونا ليهو في أخر مناسبة .. المرة البعدا حا أخت صورة للناس الفرتكوا أخر حفلة .. البعدا حا أخت صورة لي أخر عريس وعروس أنا غنيت في عرسم والبعدا حا أخت صورة لي بتاع الحافلة الودانا حفلة في الفتيحاب وزاغ تاني ما جانا راجع .. |
ناذر أخوى
و الله انت شغلتك دى أكان كده طويله خلاص
كدى ناخد لى لفه و نجيك صادى
قيل عافيه
ناصر البطل
|
Post: #62
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-13-2005, 03:51 AM
Parent: #1
أها يا اخوانا أنا جيت لكن ما مشيت أشرب موية المرة دي
لييه عوير أنا !!! عشان أجي ألقى الشغلة فالتة زي المرة الفاتت
كنت في حفلة في أمدرمان والدليل الفني جبتو معاي لخالد كوري
بس أصبروا لي شوية لحدي ما نحمض الصور
Quote: من الإستمتاع في الصورة واضح إنو اداءك لأغنية ما بنسي ليلة كنا سارحين في سمر عجبت الحضور
وقلت لي الشعب السوداني مالــــــــــــــــــــــو |
يا عجب والله شايفك ما مقصر في حراسة البوست
بس تعقيب بسيط على الغنية ، أنا فعلا ما بنسى ليلة كنت سارح ديك .. لكن ما كنت سارح في سمر
أنا كنت سارح في لبلبة ودي جكسويتي القبل الهسي وزمان لمن عصلجت معي وديتا السوق وبدلتها بي لستك إسبير وعفريتة كان الحرامي لطشم وأنا سارح السرحة ديك
وبالرغم من إنو سمر ما كانت في البال إلا إنو زي ما شايفين الحضور برضو كانو متكيفين
الشعب السوداني مالو !!!!!!!!!!!!!!!!!
يا زول أسكت ساكت طلع شعب أهبل بشكل وما عندو أي لسان يتذوق بيهو الأوتومسفيريات ديك
ود عكر يا أخوي ..
Quote: دى قاصدين بيها يعنى يجدعوك من راس المسرح والا شنو؟
توضيح :المسرح فى راس الترله القاطره قردورانى..لانو قندرانى بتودى الزلط
غايتو شيل شيلتك بقيت للنص.
غايتو"تانيه" من صورتك بتاعت العود بخمن انو احدث اغنية ممكن تكون حافظة حتكون من اغانى عصر سحارة الفن السبق مخلاية الفن قبل العصر الحديث العرف الحقيبة ..ويبدو لى كذلك انو عشاء الفنانين لزومك يامان لازم يكون كوارع بقر عشان كلمات اغانى ناس زمان بتزكرنى بى كلمة رجالة وطالعنى الخلاء ومائة جلدة عشان تثبت للجكس انك زول صنديد وكده
تخريمة: اسع يانزورى بتستحمل ليك سوطين تلاتة عنج لزوم الثبات فى نص السباتة يافردة..ما اظن |
بالله !!!!!!!!!!!!!!!!
هو تراهو كوري قاصد يفنني
طيب ما كان يقول كدة من زمان
| Quote: احدث اغنية ممكن تكون حافظة حتكون من اغانى عصر سحارة الفن السبق مخلاية الفن قبل العصر الحديث العرف الحقيبة ..ويبدو لى كذلك انو عشاء الفنانين لزومك يامان لازم يكون كوارع بقر عشان كلمات اغانى |
أنا غايتو اليوم داك إتلفت كدي وكدي وإتوكلت على الله ومن بين سبعة تالاف وأربعمية وتسعتاشر غنية أنا حافظم قمت إخترت (أعتق) غنية وكبيتا للجماعة وبراك شايف تروتسكي مندهش كيف في الصورة
إخترت أغنية ..
داير ألف سيجارتي وأمشي واجيها راجع
تتطاير شرارتو زي جلل المدافع
أنفسا جبدة جبد وامشي وأجيها راجع ..
طلعت دي أغنية أوتومسفيرية برضو من زمن كنا بنحب في بغداد ونلفها في الرباط
أما عن عشا الفنانين أكبر دليل فني .. فاليوم داك ما كان في عشا كان في شاي بس
ما تسألني تقول لييه لإنو الإجابة واضحة قدامك في الصورة !!
في عشا بالنهار !!!!!!!!!!!!!!
يا ناصر أخوي ...
Quote: و الله انت شغلتك دى أكان كده طويله خلاص
كدى ناخد لى لفه و نجيك صادى
قيل عافيه
|
والله طويلة طول ... إنتا يا مان مالك متمحرق كدي !!!!
الدليل الفني جاي جاي .. لكن ألزوا الصبر والجابرة
كدي النلف ونجي نجيب الدلائل ديك
|
Post: #64
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-13-2005, 07:06 AM
Parent: #62
يا ناذر
أها مشيت أخدت لى لفه كده
قلت أجى أشوف أجازوك ولا لسه
غايتو كان لسع ما دخلت لى اللجنه
خودك السفه دى أشنقه تعدل بيها المزاج و انت خاشى
ناصر البطل
|
Post: #63
Title: Re: قصيدة أوتومسيرية مهداة إلى خالد كودي !!!!
Author: Abdulla Ageed
Date: 08-13-2005, 06:34 AM
Parent: #1
| Quote: يا زول أسكت ساكت طلع شعب أهبل بشكل وما عندو أي لسان يتذوق بيهو الأوتومسفيريات ديك |
يا ناذر .. أنا أخدت الكوت دا وحفظتو في الكمبيوتر.. في حال
أنك في أي يوم من الأيام عملت شكلة معاي أو مع أي واحد من جماعتي
وهما (أبو الهموم) و (أبو الدقيق) ..
فسأرفع شكوى جاااااهزة.. وهذا هو الدلييييل.. أعمل حسابك..
وبعدين في حال ما عملت معاي شكلة..
برضو ما بخليك..
لازم تجي تعمل حفلة لواحد قريبي.. مِلِح
|
Post: #65
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-13-2005, 08:17 AM
Parent: #63
ناصر البطل إنت لفيت شنو أصلك بالسرعة دي !!!!
يامان كبر اللفة شدييد ..
يعني بما يعادل من كبري الفتيحاب لحدي كبري وادي أبو لبط داك
يا عبد الله عليك اللم ما تجيب لي المشاكل ساكت ..
هو لو ما شعب أهبل وأهطل يقعد يتونس وما شغال بي الفن القدامو دا !!!
بعدين تعال هنا !! الشعب السوداني دا لمن مشى أمريكا ما ساقوني معاهو لييه 
الحمد لله أنا ما حسبوني مع الشعب ده لإني أمريكا دي ما شفتها إلا في أفلام الكرتون
الحفلة أعملا كيف إذا كان في ناس هنا ما مقتنعين بي رغم الصور دي
كدي خلي الناس تقتنع في البوست دا بعد داك بجي إتناقش معاك في موضوع الملح
|
Post: #66
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 08-13-2005, 08:54 AM
Parent: #1
Quote: داير ألف سيجارتي وأمشي واجيها راجع
تتطاير شرارتو زي جلل المدافع
أنفسا جبدة جبد وامشي وأجيها راجع .. |
دى ما بدخلك شالا وكده يافردة
دى قويه اوى يابوىى
|
Post: #67
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-13-2005, 09:20 AM
Parent: #66
ود عكر يا اخوي كلامك صاح هي قوية زي جلل المدافع لدرجة إنو لمن كنا في نهارية السمر ديك وفي أثناء ما انا بغني في المقطع دا .. اللنش جا ماري قدام بيت وزير الدفاع (وزير الدفاع بيتم على النيل عشان ما تقول لي اللنش الوداهو المنشية شنو وراسك يضرب) المهم الحرس بتاعو العلي البحر قربو يفكو فينا صواريخم ديك لمن سمعوا الغنية دي .. إفتكروا إنو في اللنش في مدافع وكدة
|
Post: #68
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-14-2005, 00:13 AM
Parent: #67
| Quote: يامان كبر اللفة شدييد .. |
لاكن ما راسى بلف بعد كده يا ناذر
ناصر البطل
|
Post: #69
Title: Re: قصيدة أوتومسيرية مهداة إلى خالد كودي !!!!
Author: Agab
Date: 08-14-2005, 00:21 AM
Parent: #1
| Quote: إفتكروا إنو في اللنش في مدافع وكدة |
الكلام ده بيدخلك تحت المادة عنا وعنين من قانون البورد
وده بمثابة إنذار أول
|
Post: #70
Title: Re: قصيدة أوتومسيرية مهداة إلى خالد كودي !!!!
Author: محمد الامين احمد
Date: 08-14-2005, 00:33 AM
Parent: #1
تحية طيبة للجميع
العجب يا اخوى UP الزول ده ما تضايقو كده ، خلى بجى براهو
عملها لينا كلها مداخل و نسى المخارج
غايتو يا ناذر الليلة خايف تبقى عليك حكاية محمد الفنان
ناذر يالمناسبة ، يا اخى عايز فى موضوع فنى كده ، رسل لى ايميل
لو سمحت ظروفك ، بتلقاهو فى البروفايل
|
Post: #71
Title: Re: قصيدة أوتومسيرية مهداة إلى خالد كودي !!!!
Author: alsngaq
Date: 08-14-2005, 02:00 AM
Parent: #1
ناذر تحياتي
Quote: اللف والدوران مابفيدك،
المغنى بمسكوهو من غناهو. |
انت الزول دا مالك ومال غناهو جاي تفتش عليهو هنا
ياخ اذا انت عندك رغبة شديدة كدا
خالص عشان تسمعو اسأل اسي هو وين
واستفسر شوفو وين ح يغني وامشي اسمعو
وبطل لف ودوران وخليك فى
القصيدة
الاخت ندى
| Quote: انا فعلا ما عارفة معنى الكلمة و السؤال و عدم المعرفه ما عيب – خاصة ان اللغة العربية ليست لغة الام بالنسبة لى (ده طبعا لو كانت الكلمة عربية) |
العبارة دي لفتت انتباهي
اللغة الام بالنسبة ليك شنو ؟؟؟؟؟
عندى رغبة فعلا اعرفها بالمناسبة
من غير هارد فيلنغ
ملحوظة
السؤال ما عيب
لكن استخدام كلمة دون معرفتها ما صاح؟؟
|
Post: #73
Title: Re: قصيدة أوتومسيرية مهداة إلى خالد كودي !!!!
Author: nada ali
Date: 08-14-2005, 02:52 AM
Parent: #71
الاستاذ السنجك
سلامات
Quote: العبارة دي لفتت انتباهي
اللغة الام بالنسبة ليك شنو ؟؟؟؟؟
عندى رغبة فعلا اعرفها بالمناسبة
من غير هارد فيلنغ |
اللغة الام هى الانداندى (و مافى هارد فيلنغ ابدا)، و اللغة الاولى هى العربية.
Quote: ملحوظة
السؤال ما عيب
لكن استخدام كلمة دون معرفتها ما صاح؟؟ |
ما قلت ليك حاولت افهمها من السياق و كمان اضفت لها )whatever that means
|
Post: #72
Title: Re: قصيدة أوتومسيرية مهداة إلى خالد كودي !!!!
Author: ود المايقوما
Date: 08-14-2005, 02:26 AM
Parent: #1
العزيز / ناذر
ياريت يجي عثمان ويرجعك التابوت تاني
|
Post: #74
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-14-2005, 04:40 AM
Parent: #1
لا حولله !!!!!!!!!!!!!!!
البوست شايفو إنزحم لمن أنا شكيت إنو دا ما البوست الأوتومسفيري داك
محمد الأمين احمد ...
Quote: العجب يا اخوى UP الزول ده ما تضايقو كده ، خلى بجى براهو
عملها لينا كلها مداخل و نسى المخارج
غايتو يا ناذر الليلة خايف تبقى عليك حكاية محمد الفنان
ناذر يالمناسبة ، يا اخى عايز فى موضوع فنى كده ، رسل لى ايميل
لو سمحت ظروفك ، بتلقاهو فى البروفايل |
يا خي شرفت البوست شديد وإنشالله الشربكة إتحلت بينك وبين محمد الامين التاني 
العجب حبيبي دا مستعجل ومستكين بالنظرية عشان كدة مستعجل .. هو زاتو خليهو بي راحتو
حكاية محمد الفنان دي ما ادونا ليها في المدرسة ... أدونا بس محمود والنمر ومريم الشجاعة
بعد ما نقضى من هنا برسل ليك الإيميل .. أصبر لي بس ..
السنجك كيفنك ....
Quote: انت الزول دا مالك ومال غناهو جاي تفتش عليهو هنا
ياخ اذا انت عندك رغبة شديدة كدا
خالص عشان تسمعو اسأل اسي هو وين
واستفسر شوفو وين ح يغني وامشي اسمعو
وبطل لف ودوران وخليك فى
القصيدة
|
أيوا يا السنجك .... وريو يا روقوا في علبو
خلاص حب للمشكلة دي أنا بكرة شغال حفلة في حي الدومات جوار بنشر عم جمعة اللي هو جنب محل أبو عماري للتمباك البجاوي ... وبصورة اوضح جنب ورشة سميري للسرير الاوتومسفيري
بس حاول يا كوري تعال بدري عشان المعازيم كتار
ود المايقوما
Quote: ياريت يجي عثمان ويرجعك التابوت تاني
|
أول حاجة أنا والله بتفاءل بيك كتير لسبب واحد ..
إنو المايقوما دي أنا إتولدت فيها (يعني محل راسي سقط) وقريت في مدرسة النور الابتدائية .. دا إذا إنت قاصد المايقوما بتاعت الخرطوم ...
أما موضوع رجوعي التابوت دا .. لو رجعت حرم إلا أكرك معاي عشان تاني تبطل الشلاقة
الأخت ندى ...
والله شرفت البوست بعد المتاوقة الكنتي بتعمليها من برة
| Quote: اللغة الام هى الانداندى |
حاجة غريبة والله وصدفة عجيبة !!!!!!
تتصوري سكان وادي أب لبط الفي القصيدة ديك بيتكلموا نفس اللغة
|
Post: #75
Title: Re: قصيدة أوتومسيرية مهداة إلى خالد كودي !!!!
Author: alsngaq
Date: 08-14-2005, 05:35 AM
Parent: #1
| Quote: ما قلت ليك حاولت افهمها من السياق و كمان اضفت لها )whatever that means |
الاستاذة ندى
What ever
| Quote: اللغة الام هى الانداندى (و مافى هارد فيلنغ ابدا)، |
اللغة دي جذورها وين ؟ واهلها منو ؟؟
ياريت تحكي لي عنها لانو اول مرة اسمع بيها فى الحقيقة
ولسه انتباهي مشدود تجاه اللغة الام خاصتك استاذة ندى
والحمدلله انو ما في هارد فيلنغ
الاخ ناذر
ما قصرت تب
لكن الزول دا ما يدخل ملح يدفع حق التذكرة
زيو زي أي معجب بفنك
ما تمشي تجاملو لينا فى حق التذكرة
عشان يجي يقول الفنان المبدع الرائع ناذر
ابدع فى الحفل
ويا ناذر خليت ليك اللون الاحمر اها بس
عشان خاطر الوصف الواضح لمكان الحفل بتاعك
|
Post: #77
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-14-2005, 05:49 AM
Parent: #75
وأنا والله عشان خاطرك يا السنجك قررت قرار خطير ..
قررت نزولا لي رغبة المعجبين والمعجبات الاحياء منهم والأموات وعشان خالد كوري دا يقتنع أنزل غنية كاملة في البوست دا (أاي والله غنية كاملة بغنيها انا إنتو ما مصدقين ولا شنو!!) وبعد داك النشوف رايو ورايكم ودا بس عشان التحدي مع اني متأكد إنو خالد كوري دا لو جبت ليهو سيف الجامعة زاتو حا يقول ما بيعرف يغني ...
لكن ما مشكلة كدي النجازف وننزل الغنية دي ونشوف رد فعل أستاذنا دا !!
أها أمسكوا الخشب أنا هسي طالع أعمل لي بروفة سريعة وجاي وفي الوكت دا يا عجب خلي بالك من البوست ما أجي ألقاهو راح كدة ولا كدة وخلي بالك من السنجك دا شايفو داير يحول موضوع البوست ويتونس في اللغويات وكدة ودة ما بينفع معانا هنا
ما حا إتأخر شديد الغنية بي فرقة كاملة والله
|
Post: #76
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-14-2005, 05:40 AM
Parent: #1
ولازلنا فى انتظار {فن} ناذر
قلنا نغير الاقواس المره دى
|
Post: #78
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-14-2005, 06:00 AM
Parent: #76
خالد كوري !!!!!!!!!!!!!!!!
خلعتني والله إنتا متين جيت !!!
الواحد إصلو ما يعمل رفرش تاني ولا شنو ماقايلك لابد قريب كدي
أنا كنت قايلك مشغول مع محمد حامد بي هناك وأحمد الله إنك حاتسمع جذء من تجربتي قبال يفصلوك
بعدين إنت مالك مستعجل كدي ؟؟ ما قلت ليك ماشي أعمل بروفة وأجي
أغنيليك ساااكت كدي من دون بروفة ولا شنو
|
Post: #79
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-14-2005, 07:05 AM
Parent: #78
| Quote: قررت نزولا لي رغبة المعجبين والمعجبات الاحياء منهم والأموات وعشان خالد كوري دا يقتنع أنزل غنية كاملة في البوست دا (أاي والله غنية كاملة بغنيها انا إنتو ما مصدقين ولا شنو!!) وبعد داك النشوف رايو ورايكم ودا بس عشان التحدي مع اني متأكد إنو خالد كوري دا لو جبت ليهو سيف الجامعة زاتو حا يقول ما بيعرف يغني ... |
دقست
غلطة الشاطر بى الف
ناصر البطل
|
Post: #80
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 08-14-2005, 08:42 AM
Parent: #1
Quote: خالد كوري !!!!!!!!!!!!!!!!
خلعتني والله إنتا متين جيت !!! |
انت ياناذر خالد ده اخد جنسية ياتو كورياالجنوبيه والا الشمالية والا اخدن الاتنين سوا
|
Post: #81
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-14-2005, 11:30 AM
Parent: #80
يا ناصر البطل ....
Quote: دقست
غلطة الشاطر بى الف
ناصر البطل |
إنت ما مقتنع بي مقدراتي الفنية ولا شنو
والله العظيم أخوك واثق من نفسو وثقتي تكفي المنبر دا والمنابر المجاورة المتشابهة منها والمستنسخة ، المتداقرة منها والمتناحرة ، شايفني هين ولا لين ..
أفو أنا أبوك يا السارة ..
بس على أخونا كوري يكون صربح مع نفسو ومع الباقين عشان ما يفقد مصداقيتو (اللي هي أساسا مفقودة) قدام الناس وإذا في راي علمي فني أو حتى تذوقي ساي يقولوا بي صراحة لكن أنا متأكد إنو عندو راي مسبق فيني وفي بت هوفن وأولاد خالاتو زاتو (خالات هوفن قصدي.. ما تعملوا لينا مشاكل ساكت)
أنا طبعا برفت الغنية وسجلنها وجيت أرفعا هسي بس الموقع البرفع منو ما مساعدني وأهو بحاول ...
خالد كوري ...
إتمنى أسمع رايك بي صراحة جدا .. ولو داير تقولوا ختو من هسي عشان ما تتعبنا ساكت معاك ..
ود عكر الخبيث ....
بالله ما تدخلنا في السياسة وتنحرف بينا عن موضوع البوست
ما ممكن ياخ البوست عمل صفحتين وخالد كوري ما إقتنع بي لحدي هسة .. وشايل مني زمني كلو في إقناعو .. كمان تجينا إنتا بي مواضيعك الإنصرافية دي !!!
بعدين ما أهو قدامك أسألوا تسألني أنالييه قالولك أنا الطلعتها ليو
خليك زول رزين ورصين لحدي ما ألف وأجي أنزل الأغنية
|
Post: #82
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-14-2005, 11:50 AM
Parent: #1
لازلنا فى انتظار "فنك" ياناذر،فقد شبعنا من ادعاءك.
|
Post: #83
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-14-2005, 12:00 PM
Parent: #82
خالد !!!!!!!!!!!!
ياخ ما تصبر لي شوية !!!!
ياخ خلاص مش فني دا ..
حا تفنني لمن ترتاح !!!
بس أصبر لي شوية لحدي ما أنزل الغنية !!!
بعدين حتى لو فصلوك ما مشكلة ممكن توصي أي زول يوصل لي رأيك
| Quote: خليك زول رزين ورصين لحدي ما ألف وأجي أنزل الأغنية |
دي المرة التانية أقول الجملة دي
|
Post: #85
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-15-2005, 00:19 AM
Parent: #83
ناذر الحبيب
و الله ان بقيت وردى الليله ما بتتحله
المهم
اذا احتجت مساعده راسلنى على
[email protected]
ناصر البطل
|
Post: #84
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-14-2005, 12:42 PM
Parent: #1
"فنك" ؟
|
Post: #86
Title: Re: قصيدة أوتومسيرية مهداة إلى خالد كودي !!!!
Author: alsngaq
Date: 08-15-2005, 00:57 AM
Parent: #1
ايييييك يا ناذر
البوست دا بدا شعر وأتحول بقدرة خالد لطلب أغنية منك
وبقدرة الأستاذة سناء للغويات
يعني ما لقيت الا السنجك المسكين دا وشبكتو فيهو يا ناذر 
ياخ عايز يعرف اصل اللغة دي واهلها منو
سؤالي كان كتير، الناس طلبت منك اغنية عديل
والسنجك سأل عن لغة ما سمع بيها قبل كدا
عموما لسه عايز اعرف اللغة دي
| Quote: اللغة الام هى الانداندى |
اهلها منو واصلها من وين ؟؟؟
ومنتظر الأستاذة ندى على توريني
|
Post: #87
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 08-15-2005, 10:31 AM
Parent: #1
(1)
(2)
| Quote: كمان تجينا إنتا بي مواضيعك الإنصرافية دي !!! |
(3)
| Quote: خليك زول رزين ورصين لحدي ما ألف وأجي أنزل الأغنية |
ابكى والا اشتكى؟
|
Post: #88
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-15-2005, 03:09 PM
Parent: #1
يا اخوانا هوي .. ياخ مالكم معاي إنتو !!!!!!
والله قدر ما اجي أحمل الأغنية وإنتو بتلخبتوا لي افكاري بي كلامكم الكتير دا !!!
يا شباب زي ما انتو شايفين ومتابعين أنا مفترض أقنع كوري دا واسمعوا واحدة من اغنياتي الانا بساهر النهار كلو عشان أجودا، لكن إنتو بتتنشنوا بالواحد لمن ينخلع وما يقدر ينزل لا غنية لا صولا !! دا شنو البتعملوا فيهو دا !!
يا خي هسي لو امري بيهمكم بالله خلوكم كدة بس ساكتين واي واحد يلم خشمو وخشم الزول الجنبو ويوديهو لي اقرب تابوت (اللي هو عند هاشم نوريت ولا حسين ملاسي) عشان اقدر اركز وانزل الاغنية دي ..
ياخي والله كرهتونا الاغاني وجمال حسن سعيد زاتو !!
للأسف والله يا كوري جيت هسي عشان انزل الأغنية ليك لكن الشباب ديل تنشنوا بي !!
عليك الله جيب ليك ناس نظام عام من اقرب قسم عشان يقفلوا خشوم الجماعة ديل عشان اركز .. أقسملك بالله (بمعنى اقسم لك) (ووحات معزتك عندي يا كوري) جيت الليلة عشان انزل الغنية لكن لقيت الجو ما مهيأ .. عشان كدة معليش بس إستحملني لحدي بكرة واوعدك اجي أنزلا ليك في حنانم (قصدي في البوست هنا) مهما كانت الظروف ودا بس عشان تقتنع ...
ود عكر والسنجك وناصر .......
قضي الامر ... تذهبون إلى توابيت أوتومسفيرية ولا تخرجون منها إلا بعد إنزال الأغنية
|
Post: #89
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-15-2005, 03:48 PM
Parent: #88
يا السنجك ...
Quote: عموما لسه عايز اعرف اللغة دي
Quote: اللغة الام هى الانداندى
اهلها منو واصلها من وين ؟؟؟
ومنتظر الأستاذة ندى على توريني |
يا خي إنت ما قريت إجابتي الفي الفصل الأول من التمثيلية دي ولا شنو !!
أنا قلت ليك سكان الوادي داك بيتكلموا نفس اللغة دي
|
Post: #90
Title: Re: قصيدة أوتومسيرية مهداة إلى خالد كودي !!!!
Author: Agab
Date: 08-15-2005, 11:11 PM
Parent: #1
لكن يا ناذر ما أحرجتنا مع الأجانب
وين الغنــــــــــــــا والطربانة
النــــــــــــــــــــــــــاس دي كلها ما راجياك
وقلنا نسلمك وردية الليل أو الصباح عندكم
|
Post: #91
Title: Re: قصيدة أوتومسيرية مهداة إلى خالد كودي !!!!
Author: Mohamed Elbashir
Date: 08-15-2005, 11:32 PM
Parent: #90
يا عجب أوع تورط الأستاذ ناذر خليهو يسخن أول و بعدين يشوف طلباتنا
يا ولد يا ناذر قول أي شئ أن شاء الله 1 2 3 test البطلع منك كلو كويس و بعدين شوف ما تدينا حاجه من الحاجات القاعد تفرتق بيها الحفلات أصلو مشينا أتبدلنا (حال مشتق من بدله) و جينا قدام
معاك للصباح
تحياتي
محمد علي
|
Post: #92
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-15-2005, 11:51 PM
Parent: #91
ناذر
Quote: ود عكر والسنجك وناصر .......
قضي الامر ... تذهبون إلى توابيت أوتومسفيرية ولا تخرجون منها إلا بعد إنزال الأغنية |
ابييييييييييييت
ناصر البطل
|
Post: #93
Title: Re: قصيدة أوتومسيرية مهداة إلى خالد كودي !!!!
Author: نهال كرار
Date: 08-16-2005, 03:43 AM
Parent: #92
دا كلو ما بحلك
فننننك؟؟ 
|
Post: #94
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-16-2005, 04:31 AM
Parent: #93
يا نهال مشتاقين
وين انتى؟
تخريمه:
قصدك منو أنا ولا ناذر
ناصر البطل
|
Post: #95
Title: Re: قصيدة أوتومسيرية مهداة إلى خالد كودي !!!!
Author: نهال كرار
Date: 08-16-2005, 04:46 AM
Parent: #94
ناصر
سلامااات
هو انت فنان زي ناذر ولا شنو !!؟؟ 
|
Post: #96
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-16-2005, 04:54 AM
Parent: #95
| Quote: هو انت فنان زي ناذر ولا شنو !!؟؟ |
أووووععععك
اسع بتجيبى لى ناس لجنة اجازة الاصوات
غايتو ناذر ده صوتو حلو بيقدر يخارج روحو
اذا خشه للمعاينه
بس انا أشتر و فضيحتى حتبقى فى البورد بى جلاجل
ناصر البطل
|
Post: #97
Title: Re: قصيدة أوتومسيرية مهداة إلى خالد كودي !!!!
Author: نادية عثمان
Date: 08-16-2005, 06:20 AM
Parent: #96
ناذر
هنا غلبك تجيب فنك !!
وهناك غلبك تكمل الدوبيت البديتو !!
ده انت طلعت اى كلام ياجدع!!!!
|
Post: #98
Title: Re: قصيدة أوتومسيرية مهداة إلى خالد كودي !!!!
Author: نادية عثمان
Date: 08-16-2005, 06:21 AM
Parent: #96
ناذر
هنا غلبك تجيب فنك !!
وهناك غلبك تكمل الدوبيت البديتو !!
ده انت طلعت اى كلام ياجدع!!!!
|
Post: #99
Title: Re: قصيدة أوتومسيرية مهداة إلى خالد كودي !!!!
Author: Nour Kamil
Date: 08-16-2005, 08:04 AM
Parent: #1
ندويه وراكي وراكي
ناذر
| Quote: يا شباب زي ما انتو شايفين ومتابعين أنا مفترض أقنع كوري دا واسمعوا واحدة من اغنياتي الانا بساهر النهار كلو عشان أجودا، |
صاحبنا ده بقا كوري انا خايف يبقا اتوس
|
Post: #100
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-16-2005, 08:17 AM
Parent: #1
يا خي والله كرهتوني العيشة !!!!!!!
خلاص أنا حا أنزل الغنية هسي وقبل كدة ..
داير أرحب بي ضيفين عزيزين لإنو الباقين رحبنابيهم لمن فترنا ويسعدني أن يكونوا حضورا بيننا في الحكم على ألأغنية ...
رحبوا معي بالضيف العزيز محمد البشير وفي رواية أخرى محمد علي ..
(تصفيق وصفير وهتاف)
كما أطلب منكم ونحن في حفلنا هذا أن ترحبو معي بالضلامية الكبرى..... نهال كرار..
(تصفيق وهتاف أسخن من الأول)
ويسعدني جدا وأنا أغني هذه الغنية للأستاذ كوري أن تكون معنا الشاعرة نادية عثمان ..
(تصفيق وهتاف لكن ما سخن زي داك) 
وأحب أن أوضح للجميع السر وراء حضور الأخوات نادية ونهال والأخ محمد علي ..
فنادية عثمان الشاعرة المعروفة التي تغنى لها عدد من المطربين والمطربات (وأنا زااتي) ستكون هنا مسئولة عن لجنة النصوص لضبط كلمات الأغنية .. أما الأخت نهال والأخ محمد فسيكونان المسئولان عن تنظيم الحضور وضبط وطرد المشاغبين ..
طيب وخالد كوري !!!!!
ما تبقوا عبطة .. خالد دا هو رئيس لجنة الألحان ورئيس لجنة الأصوات ورئيس لجنة المظهر العام والعضو الأوحد لجميع هذه اللجان واللجان (المنبصقة) منها ..
ود عكر وناصر والسنجك والعجب وكل من يرغب ....
حايكونوا كورس معاي في الغنية (بعني شيالين عشان ما أشيل شيلتي براي)
أها نبدا !!!!!!!!!!!
أنا جاهز والفرقة جاهزة ... كوري كيف جاهز !!!!
ها ... ون .. تو ... ثري . GO !!!
أنا غيرك ما حبييييييت يا كوري ولو مت ذنبي علييك
(الكورس نفس الشي ) ...
القطر الشال خالد يتكسر جنب الوارد هووويي يا حبيبي
ناس ود عكر : يا كوري ذنبي علييك
إتكسر جنب الوارد وتسلم لي يا خالد هووويي يا حبيبي
ولو مت ذنبي عليييييك .....
كورس + لازمة موسيقية
أرح .... أرح .... أرح .... النبق النبق النبق
شباب الحفلة سخنت وعلوبة وصل شايفين الرقصة دي كيف !!!
القطر الشالك إنا إتكسر يا خالد مردا هووويي يا حبيبي
يتكسر حتة حتة وتسلم رودا مردا هووويي يا حبيبي
ناس ناصر بصوت واحد : ولو مت ذنبي عليييييك .....
البيبي فوق ... فوق .. فوق .. البيبي فوق ... فوق .. فوق ..
الحفلة سخنت وشايف تمبس متكيف من الغنية ومن رقصة علوبة (متكيف للإضنين)
الصفقة ويييــــــــــــــــــــــــــــــن !!!!!!!!!!!!!!!!
المابتصفق إنشااااااااااااااااله ما يعرسوها ....
صولة سريعة بالبنقز من أخونا حسن جيتار ...
طرق ..طق طرق ... كررررررررررررررررك .. صاج صرج تم ترح ترلك .. كفتك !!!
صولة سريعة بالجيتار من أخونا علي بنقز ...
ترنق .. تنق .. طونق .. برررررررلت .. وي وي وي وي تربم ترلم تري ...
الحفلة لسة متواصلة وشايف كوري وشو متغير .. كدي النواصل .. أمكن اللون يرجع
الشعب السوداني جاهل .. وجهله والله مجاهل هووويي يا حبيبي
وجهلو والله مجاهل في بوسطن حي الساحل هووويي يا حبيبي
ناس السنجك بصوت واحد : ولو مت ذنبي عليييييك .....
كورال جماعي .. أنا غيرك ما حبييييييت يا كوري ولو مت ذنبي علييك
النقدة ... التقد..... تمام تمام ... أرح أرح أرح .... قلبا بي قلبا بي
أمرقـــــــــــــــــي !!!! يا خاينة يا جاسوسة يا العندك السكري !!!!
ود عكر !!!!! يا زول ما تصفق زي الناس !!
شايفك بتصفق بي يد واحدة .. طلع التانبة من الـ ..................
ناس في الهم فسيحة وناس حارقاهم فضيحة .. هووويي يا حبيبي
ناس ناصر بصوت واحد : ولو مت ذنبي عليييييك .....
حارقاهم صفيحة ورسماتم فضيحة هووويي يا حبيبي
ناس ناصر بصوت واحد : ولو مت ذنبي عليييييك .....
رمضان بكرة !!!!!!!!!!!!!!! ........ أجلو أرح أرح أرح ...
أووووووووووووووووووووووووووووووووووووووووووووووووووووووووووووو
جيبو حي ..!!!!! ما ينوم ...
القرد .... القرد ...القرد .. أها أها ... حتو قرض ...
ترا رم ترا .. تررللللم ... أوووو
ترالا لا لا لم ترم ترم تم .. سجمنا العب هجمنا
وقالو أمو حنكوشة وعندها الكاروشة ..
ما بحب تاني أصلو البيتا جنب الكوشة
أووووووووووووووووووووووووووووووووووووووووووووووووووووووووو
حنانا النسة رسمو ما نسانا اللييييييييييييل
قال بعرف المزيكا وتيكا تيكا تك تيكا
ما تفكها في نفسك وتعذب ناس أمريكا
أووووووووووووووووووووووووووووووووووووووووووووووووووووووووووو
حنانا خلودي الحالم سبانا اليييييييلل
وقالو علي محتفلة محتفلة عن ناس نهلة
وقالو كمان بتحبي رسامنا سيد الغفلة
أوووووووووووووووووووووووووووووووووووووووووووووووووووووووووووو
والله كلو من كوري كوري نسيب سنهوري ..
شخباط حبيبنا برضو نجيبو بلدنا نوري
أ وووووووووووووووووووووووووووووووووووووووووووووووووووووووووووووو
وعيونو ما بترمش اللابس قميصو البيرقش ..
أنا حبيتو كوري وحبيت معاو ناس تمبس
أووووووووووووووووووووووووووووووووووووووووووووووووووووووووووووووووووو
حنانا الرسم الهم وجانا ...
حرييييييييييييييييييييييييييييييف يا علوبة .. وشغلك نضيف
اللول اللول يا لولية يسحروك الأتوس الكورية !!!!
(ناس ود عكر نفس الشي )
تماااااااااااام تمام يا عوض دكام !!!
قفلة نهائية (عودة لأول المازورة)
أنا غيرك ما حبييييييت يا كوري ولو مت ذنبي علييك
كورال :
ولو مت ذنبي علييك
ولو مت ذنبي علييك
ولو مت ذنبي علييك
علييييييييييييييييييييييييييييييييييييييييييييييييييييييييك !!!!!
صفيق وصفير وهتافات :
ناير .... ناير ... يا ناذر
شاعر .... شاعر ... والله ياناذر ...
فنان... فنان... ضد الشيطان ....
يا كوري لم جدادك .. ناذر معانا ما تتشابك ....
أنا متأثرا والدموع متساقطة في وسط الصفيق ..
شكرا جزيلا أيها الحضور الكريم لمساهمتكم معي في إفحام كوري فحما شديدا .. وأشكر الشاعرة نادية عثمان والتي حكمت على كلمات الأغنية بـ 12 من عشرة والشكر موصول أيضا لجميع من حضر هذا الحفل المفحم والذي تحداني فيه كوري وظن أنني أخشاه وها قد إستجبت لإستفزازه وأنزلت وغنيت له الأغنية التي طلبها ..
كما لا يفوتني أن أشكر جميع من ساهم معي في هذا البوست وأخص بالشكر ..
الأستاذ الكبير علي دهب الشهير ب علوبة ....
تصفيق وهتيف وصفير ...
وأهني نفسي وأياكم بهذا الفوز الباهر في هذه الأغنية والتي من نتائجها أن هرب كوري من البوست تماما متجرعا علقم الهزيمة بعد أن توهم الإنتصار ولكن كان نصيبه الإنكسار ...
وأخر حديثي أن (علي بالطلاق داك .. لو ما حظر التجول أغني ليكم للصباح) ..
والسلام عليكم ...
صفيق وصفير وهتافات :
ناير .... ناير ... يا ناذر
شاعر .... شاعر ... والله ياناذر ...
فنان... فنان... ضد الشيطان ....
يا كوري لم جدادك .. ناذر معانا ما تتشابك ....
|
Post: #115
Title: Re: قصيدة أوتومسيرية مهداة إلى خالد كودي !!!!
Author: شروق على فضل
Date: 11-30-2005, 02:41 AM
Parent: #100
من غير اذن
ممكن الواحد يغني اغنية
المقطع الاول لناذر
عامل فيها عربي عربي عربي بس هو ما عربي ماعربي بس هو مشعبط بم بم بم تررمر
الي خالد كودي
عامل فيها افريقي افريقي بس هو ما افريقي افريقي بس هو مشعبط تم تم تم تما تمتم
لنازر وخالد
مافي بلدنا عربي مائة المئة الا اخونا الرشايدة دودودو ددودو
وكان انت يا خالدافريقي افريقي ما تلغنا كو كو كا كوكو
نحنا ما عندنا هوية هوية وب وبين عليا
نحنا مسخ مشعبط بين عربي وافريقي
لا افريقيا عايزانا والعرب ماعايزانا وب وبين عليا
تم تتم تتم
|
Post: #101
Title: Re: قصيدة أوتومسيرية مهداة إلى خالد كودي !!!!
Author: nada ali
Date: 08-16-2005, 08:32 AM
Parent: #1
Quote: يا خي والله كرهتوني العيشة !!!!!!!
خلاص أنا حا أنزل الغنية هسي وقبل كدة ..
داير أرحب بي ضيفين عزيزين لإنو الباقين رحبنابيهم لمن فترنا ويسعدني أن يكونوا حضورا بيننا في الحكم على ألأغنية ...
رحبوا معي بالضيف العزيز محمد البشير وفي رواية أخرى محمد علي ..
(تصفيق وصفير وهتاف)
كما أطلب منكم ونحن في حفلنا هذا أن ترحبو معي بالضلامية الكبرى..... نهال كرار..
(تصفيق وهتاف أسخن من الأول)
ويسعدني جدا وأنا أغني هذه الغنية للأستاذ كوري أن تكون معنا الشاعرة نادية عثمان ..
(تصفيق وهتاف لكن ما سخن زي داك)
وأحب أن أوضح للجميع السر وراء حضور الأخوات نادية ونهال والأخ محمد علي ..
فنادية عثمان الشاعرة المعروفة التي تغنى لها عدد من المطربين والمطربات (وأنا زااتي) ستكون هنا مسئولة عن لجنة النصوص لضبط كلمات الأغنية .. أما الأخت نهال والأخ محمد فسيكونان المسئولان عن تنظيم الحضور وضبط وطرد المشاغبين ..
طيب وخالد كوري !!!!!
ما تبقوا عبطة .. خالد دا هو رئيس لجنة الألحان ورئيس لجنة الأصوات ورئيس لجنة المظهر العام والعضو الأوحد لجميع هذه اللجان واللجان (المنبصقة) منها ..
ود عكر وناصر والسنجك والعجب وكل من يرغب ....
حايكونوا كورس معاي في الغنية (بعني شيالين عشان ما أشيل شيلتي براي)
أها نبدا !!!!!!!!!!!
أنا جاهز والفرقة جاهزة ... كوري كيف جاهز !!!!
ها ... ون .. تو ... ثري . GO !!!
أنا غيرك ما حبييييييت يا كوري ولو مت ذنبي علييك
(الكورس نفس الشي ) ...
القطر الشال خالد يتكسر جنب الوارد هووويي يا حبيبي
ناس ود عكر : يا كوري ذنبي علييك
إتكسر جنب الوارد وتسلم لي يا خالد هووويي يا حبيبي
ولو مت ذنبي عليييييك .....
كورس + لازمة موسيقية
أرح .... أرح .... أرح .... النبق النبق النبق
شباب الحفلة سخنت وعلوبة وصل شايفين الرقصة دي كيف !!!
القطر الشالك إنا إتكسر يا خالد مردا هووويي يا حبيبي
يتكسر حتة حتة وتسلم رودا مردا هووويي يا حبيبي
ناس ناصر بصوت واحد : ولو مت ذنبي عليييييك .....
البيبي فوق ... فوق .. فوق .. البيبي فوق ... فوق .. فوق ..
الحفلة سخنت وشايف تمبس متكيف من الغنية ومن رقصة علوبة (متكيف للإضنين)
الصفقة ويييــــــــــــــــــــــــــــــن !!!!!!!!!!!!!!!!
المابتصفق إنشااااااااااااااااله ما يعرسوها ....
صولة سريعة بالبنقز من أخونا حسن جيتار ...
طرق ..طق طرق ... كررررررررررررررررك .. صاج صرج تم ترح ترلك .. كفتك !!!
صولة سريعة بالجيتار من أخونا علي بنقز ...
ترنق .. تنق .. طونق .. برررررررلت .. وي وي وي وي تربم ترلم تري ...
الحفلة لسة متواصلة وشايف كوري وشو متغير .. كدي النواصل .. أمكن اللون يرجع
الشعب السوداني جاهل .. وجهله والله مجاهل هووويي يا حبيبي
وجهلو والله مجاهل في بوسطن حي الساحل هووويي يا حبيبي
ناس السنجك بصوت واحد : ولو مت ذنبي عليييييك .....
كورال جماعي .. أنا غيرك ما حبييييييت يا كوري ولو مت ذنبي علييك
النقدة ... التقد..... تمام تمام ... أرح أرح أرح .... قلبا بي قلبا بي
أمرقـــــــــــــــــي !!!! يا خاينة يا جاسوسة يا العندك السكري !!!!
ود عكر !!!!! يا زول ما تصفق زي الناس !!
شايفك بتصفق بي يد واحدة .. طلع التانبة من الـ ..................
ناس في الهم فسيحة وناس حارقاهم فضيحة .. هووويي يا حبيبي
ناس ناصر بصوت واحد : ولو مت ذنبي عليييييك .....
حارقاهم صفيحة ورسماتم فضيحة هووويي يا حبيبي
ناس ناصر بصوت واحد : ولو مت ذنبي عليييييك .....
رمضان بكرة !!!!!!!!!!!!!!! ........ أجلو أرح أرح أرح ...
أووووووووووووووووووووووووووووووووووووووووووووووووووووووووووووو
جيبو حي ..!!!!! ما ينوم ...
القرد .... القرد ...القرد .. أها أها ... حتو قرض ...
ترا رم ترا .. تررللللم ... أوووو
ترالا لا لا لم ترم ترم تم .. سجمنا العب هجمنا
وقالو أمو حنكوشة وعندها الكاروشة ..
ما بحب تاني أصلو البيتا جنب الكوشة
أووووووووووووووووووووووووووووووووووووووووووووووووووووووووو
حنانا النسة رسمو ما نسانا اللييييييييييييل
قال بعرف المزيكا وتيكا تيكا تك تيكا
ما تفكها في نفسك وتعذب ناس أمريكا
أووووووووووووووووووووووووووووووووووووووووووووووووووووووووووو
حنانا خلودي الحالم سبانا اليييييييلل
وقالو علي محتفلة محتفلة عن ناس نهلة
وقالو كمان بتحبي رسامنا سيد الغفلة
أوووووووووووووووووووووووووووووووووووووووووووووووووووووووووووو
والله كلو من كوري كوري نسيب سنهوري ..
شخباط حبيبنا برضو نجيبو بلدنا نوري
أ وووووووووووووووووووووووووووووووووووووووووووووووووووووووووووووو
وعيونو ما بترمش اللابس قميصو البيرقش ..
أنا حبيتو كوري وحبيت معاو ناس تمبس
أووووووووووووووووووووووووووووووووووووووووووووووووووووووووووووووووووو
حنانا الرسم الهم وجانا ...
حرييييييييييييييييييييييييييييييف يا علوبة .. وشغلك نضيف
اللول اللول يا لولية يسحروك الأتوس الكورية !!!!
(ناس ود عكر نفس الشي )
تماااااااااااام تمام يا عوض دكام !!!
قفلة نهائية (عودة لأول المازورة)
أنا غيرك ما حبييييييت يا كوري ولو مت ذنبي علييك
كورال :
ولو مت ذنبي علييك
ولو مت ذنبي علييك
ولو مت ذنبي علييك
علييييييييييييييييييييييييييييييييييييييييييييييييييييييييك !!!!!
صفيق وصفير وهتافات :
ناير .... ناير ... يا ناذر
شاعر .... شاعر ... والله ياناذر ...
فنان... فنان... ضد الشيطان ....
يا كوري لم جدادك .. ناذر معانا ما تتشابك ....
أنا متأثرا والدموع متساقطة في وسط الصفيق ..
شكرا جزيلا أيها الحضور الكريم لمساهمتكم معي في إفحام كوري فحما شديدا .. وأشكر الشاعرة نادية عثمان والتي حكمت على كلمات الأغنية بـ 12 من عشرة والشكر موصول أيضا لجميع من حضر هذا الحفل المفحم والذي تحداني فيه كوري وظن أنني أخشاه وها قد إستجبت لإستفزازه وأنزلت وغنيت له الأغنية التي طلبها ..
كما لا يفوتني أن أشكر جميع من ساهم معي في هذا البوست وأخص بالشكر ..
الأستاذ الكبير علي دهب الشهير ب علوبة ....
تصفيق وهتيف وصفير ...
وأهني نفسي وأياكم بهذا الفوز الباهر في هذه الأغنية والتي من نتائجها أن هرب كوري من البوست تماما متجرعا علقم الهزيمة بعد أن توهم الإنتصار ولكن كان نصيبه الإنكسار ...
وأخر حديثي أن (علي بالطلاق داك .. لو ما حظر التجول أغني ليكم للصباح) ..
والسلام عليكم ...
صفيق وصفير وهتافات :
ناير .... ناير ... يا ناذر
شاعر .... شاعر ... والله ياناذر ...
فنان... فنان... ضد الشيطان ....
يا كوري لم جدادك .. ناذر معانا ما تتشابك .... |
----------------------
السنجك قلت لى ما عارف الانداندى لغة ياتو ناس؟
يا حليل اخونا بشاشا
|
Post: #102
Title: Re: قصيدة أوتومسيرية مهداة إلى خالد كودي !!!!
Author: Nour Kamil
Date: 08-16-2005, 08:48 AM
Parent: #1
ناذر
انت متاكد انو دي اغنيه لي كوري .... لا كودي
والله راسي لفت
رسل لي زول يطردني اعتبرني من المشاغبين
ده حالتك ليك كم يوم مافي
اسمع نصييييييييييييييحه مني تاني ماتغيب
جوبك هنا سااااااااااااااااااااااااااي
نور
|
Post: #103
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 08-16-2005, 10:35 AM
Parent: #1
| Quote: ناس ود عكر : يا كوري ذنبي علييك |
ياللخو انا غيرت امريكى
Quote: قال بعرف المزيكا وتيكا تيكا تك تيكا
ما تفكها في نفسك وتعذب ناس أمريكا |
خلاص قلبنا تايوانى من بيونغيانج
Quote: ود عكر !!!!! يا زول ما تصفق زي الناس !!
شايفك بتصفق بي يد واحدة .. طلع التانبة من الـ .................. |
لايافردة عشان ما ندقس وعارفين الحفلة ملح عشان كدا اخوك تفتيحة واليد التانية عاصر بيها باقى عشاء الفنانين,
يعنى حفلة كورى ونطلع منا بدون اسبير,,,,
بس انشاء الله ناس اسيا الغربية يكون انبسطو تمام ورقدو قش
|
Post: #104
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-17-2005, 00:11 AM
Parent: #103
جب . جب.جب
أنا غيرك ما حبييييييييت
يا حبيبى
لو مت ذنبى عليك
واحد اندمجت شديد
أيووووووى
أبدعت يا أستاذ
الجلابيه يا مبدع .. اها يلا
ناصر البطل
|
Post: #105
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 08-17-2005, 07:14 AM
Parent: #1
| Quote: ترالا لا لا لم ترم ترم تم .. سجمنا العب هجمنا |
ومادام نطقت فالنتركك لحالك.
|
Post: #106
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-17-2005, 07:43 AM
Parent: #1
ود عكر وناصر ...
أها بالله أخوكم لقيتو كيف !!!
أنا طبعا كنت داير أنزل الأغنية التانية طوالي لإنو طبعا غنية واحدة ما بتكفي للحكم على تجربة فنان (مع إني لو نزلت خرتمية غنية كوري ما حايقتنع) ... بس كانت ا########## راحت وحظر التجول بدأ
وأنا ذاتي ما حاأشتغل تاني بي كوري لإنو طلع ما بيعرف الفن بي تعريفة والحمد لله إنو إنتو إقتنعتو بي ودا براهو كفاية
تخريمة في شكل فضيحة
ما طالبني حليفة لكن من أمبارح لحدي قبل ساعتين بس قاعد إستقبل لي كمية من المكالمات من داخل وخارج البلاد وكلها بتثني على الغنية وواحد حلف بالطلاق إنو أنا فنان جنس فن واللذيذة إنو مرتو كانت جنبو وقالت ليهو يقول لي نفس الشي بدون ما هي تحلف طلاق
ألذ مكالمة (دي فتنة وأمسكوا الخشب) جاتني من أمريكا زاااااااتا محل ما قاعد كوري .. من زول أبا يديني إسمو ولا وراني هو منو .. بيتكلم معاي قريب النص ساعة وهو بيضحك في أكتر من ربعا لمن أنا قلت ليهو الزول البيكلكل فيك دا خلي اليقيف شوية خلاصة المكالمة تهنئة وإشادة بالفوز العظيم في الأغنية وفي التحدي .. والزول زاتو طلع ساكن في الحلة الساكن فيها كوري .. وقال لي ياخي والله عافي منك في العملتو في الزول دا .. أنا قلت ليهو يا زول أعمل حسابك !! أنا عملت ليهو شنو غير نزلت ليهو الغنية وأداني معلومات كتييييرة عن حاجات أنا ماكنت عارفا .. بس كدي النقرض علي كدة لحدي ما يجي يوما
أها هسي هو بيقرا في الكلام دا ومتابع كويس ..
بس عليك الله ما تساهر بي زي أمبارح بي تلفونك
تسلم كتير يا معجب
أها يا شبال البوست دا وغرضو إنتهى (نهاية مرة) يلى كدي لموا الكراسي والطرابيز وفرتكوا الصيوان وأي واحد يمشي يشوف ليهو بوست تاني يتلما عليو
كوري !!!! لو داير تبيت هنا إنت حر !!!
ما أنا زمان قلت ليك البوست بوستك
|
Post: #107
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 08-17-2005, 08:19 AM
Parent: #1
| Quote: يلى كدي لموا الكراسي والطرابيز وفرتكوا الصيوان وأي واحد يمشي يشوف ليهو بوست تاني يتلما عليو |
انتهى شنو يافرده وين حقنا.. العداد.. الشرتيت.. عايز تملحنا وتزوق.. المره دى غنينا وشلنا لى كورى ودايرين حقنا بالسورى ... حلوه مش كده... بس برضو حقنا وين .. ياالقون ؟
|
Post: #108
Title: Re: قصيدة أوتومسيرية مهداة إلى خالد كودي !!!!
Author: نهال كرار
Date: 08-17-2005, 09:55 AM
Parent: #107
Quote: أنا غيرك ما حبييييييت يا كوري ولو مت ذنبي علييك
(الكورس نفس الشي ) ...
القطر الشال خالد يتكسر جنب الوارد هووويي يا حبيبي
ناس ود عكر : يا كوري ذنبي علييك
إتكسر جنب الوارد وتسلم لي يا خالد هووويي يا حبيبي
ولو مت ذنبي عليييييك .....
كورس + لازمة موسيقية
أرح .... أرح .... أرح .... النبق النبق النبق
شباب الحفلة سخنت وعلوبة وصل شايفين الرقصة دي كيف !!!
القطر الشالك إنا إتكسر يا خالد مردا هووويي يا حبيبي
يتكسر حتة حتة وتسلم رودا مردا هووويي يا حبيبي
ناس ناصر بصوت واحد : ولو مت ذنبي عليييييك .....
البيبي فوق ... فوق .. فوق .. البيبي فوق ... فوق .. فوق ..
الحفلة سخنت وشايف تمبس متكيف من الغنية ومن رقصة علوبة (متكيف للإضنين)
الصفقة ويييــــــــــــــــــــــــــــــن !!!!!!!!!!!!!!!!
المابتصفق إنشااااااااااااااااله ما يعرسوها ....
صولة سريعة بالبنقز من أخونا حسن جيتار ...
طرق ..طق طرق ... كررررررررررررررررك .. صاج صرج تم ترح ترلك .. كفتك !!!
صولة سريعة بالجيتار من أخونا علي بنقز ...
ترنق .. تنق .. طونق .. برررررررلت .. وي وي وي وي تربم ترلم تري ...
الحفلة لسة متواصلة وشايف كوري وشو متغير .. كدي النواصل .. أمكن اللون يرجع
الشعب السوداني جاهل .. وجهله والله مجاهل هووويي يا حبيبي
وجهلو والله مجاهل في بوسطن حي الساحل هووويي يا حبيبي
ناس السنجك بصوت واحد : ولو مت ذنبي عليييييك .....
كورال جماعي .. أنا غيرك ما حبييييييت يا كوري ولو مت ذنبي علييك
النقدة ... التقد..... تمام تمام ... أرح أرح أرح .... قلبا بي قلبا بي
أمرقـــــــــــــــــي !!!! يا خاينة يا جاسوسة يا العندك السكري !!!!
ود عكر !!!!! يا زول ما تصفق زي الناس !!
شايفك بتصفق بي يد واحدة .. طلع التانبة من الـ ..................
ناس في الهم فسيحة وناس حارقاهم فضيحة .. هووويي يا حبيبي
ناس ناصر بصوت واحد : ولو مت ذنبي عليييييك .....
حارقاهم صفيحة ورسماتم فضيحة هووويي يا حبيبي
ناس ناصر بصوت واحد : ولو مت ذنبي عليييييك .....
رمضان بكرة !!!!!!!!!!!!!!! ........ أجلو أرح أرح أرح ...
أووووووووووووووووووووووووووووووووووووووووووووووووووووووووووووو
جيبو حي ..!!!!! ما ينوم ...
القرد .... القرد ...القرد .. أها أها ... حتو قرض ...
ترا رم ترا .. تررللللم ... أوووو
ترالا لا لا لم ترم ترم تم .. سجمنا العب هجمنا
وقالو أمو حنكوشة وعندها الكاروشة ..
ما بحب تاني أصلو البيتا جنب الكوشة
أووووووووووووووووووووووووووووووووووووووووووووووووووووووووو
حنانا النسة رسمو ما نسانا اللييييييييييييل
قال بعرف المزيكا وتيكا تيكا تك تيكا
ما تفكها في نفسك وتعذب ناس أمريكا
أووووووووووووووووووووووووووووووووووووووووووووووووووووووووووو
حنانا خلودي الحالم سبانا اليييييييلل
وقالو علي محتفلة محتفلة عن ناس نهلة
وقالو كمان بتحبي رسامنا سيد الغفلة
أوووووووووووووووووووووووووووووووووووووووووووووووووووووووووووو
والله كلو من كوري كوري نسيب سنهوري ..
شخباط حبيبنا برضو نجيبو بلدنا نوري
أ وووووووووووووووووووووووووووووووووووووووووووووووووووووووووووووو
وعيونو ما بترمش اللابس قميصو البيرقش ..
أنا حبيتو كوري وحبيت معاو ناس تمبس
أووووووووووووووووووووووووووووووووووووووووووووووووووووووووووووووووووو
حنانا الرسم الهم وجانا ...
حرييييييييييييييييييييييييييييييف يا علوبة .. وشغلك نضيف
اللول اللول يا لولية يسحروك الأتوس الكورية !!!!
(ناس ود عكر نفس الشي )
تماااااااااااام تمام يا عوض دكام !!!
قفلة نهائية (عودة لأول المازورة)
أنا غيرك ما حبييييييت يا كوري ولو مت ذنبي علييك
كورال :
ولو مت ذنبي علييك
ولو مت ذنبي علييك
ولو مت ذنبي علييك
علييييييييييييييييييييييييييييييييييييييييييييييييييييييييك !!!!!
صفيق وصفير وهتافات :
ناير .... ناير ... يا ناذر
شاعر .... شاعر ... والله ياناذر ...
فنان... فنان... ضد الشيطان ....
يا كوري لم جدادك .. ناذر معانا ما تتشابك ....
أنا متأثرا والدموع متساقطة في وسط الصفيق .. |
وعامل لينا فنان !!!! 
بتغني من غير صوت
|
Post: #109
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-17-2005, 03:23 PM
Parent: #108
نهال كرار !!!!!!!!!!!!!!!!!
قضي الامر ..وتذهبين خالدة مخلدة في التابوت الذي تستحقين
يا أخوانا !!!!!! ما تفرتقوا الصيوان دا قبال ما ناس التظام العلم يجو!!!!!
|
Post: #110
Title: Re: قصيدة أوتومسيرية مهداة إلى خالد كودي !!!!
Author: nasiradin
Date: 08-18-2005, 02:31 AM
Parent: #109
استاذ ناذر
ننزل الاعلانات بتاعت حفلة يوم الخميس
الحتعمله فى نادى الضباط و لا عندك التزامات تانيه؟
لانو شايف الناس كلها بتسأل
و انا كمتعهد لاعمالك لازم أجاوب
ناصر البطل
|
Post: #111
Title: Re: قصيدة أوتومسيرية مهداة إلى خالد كودي !!!!
Author: Yassir7anna
Date: 08-18-2005, 10:13 PM
Parent: #1
ناذر
Quote:
ياخي والله كرهتونا الاغاني وجمال حسن سعيد زاتو !!
|
ذكرتني قصة الراجل الزعلان من الكمساري والزول القاعد جنب الكمساري
بعدين ما ممكن تكلمنا بالحفلة بعد ما خلصت لازم تشوف لينا حاجة خفيفة كده نتصبر بيها لغاية الحفلة الجاية ان شاء الله الجلابية
|
Post: #112
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 08-19-2005, 02:06 AM
Parent: #111
يا ياسر ..
مع إنو البوست دا إتقفل لإنتهاء الغرض .. إلا إني أتيت الأن لأعطيك لنك الإعلان للحفلة القادمة حتى تحجز مقعدك من الأن
اعلان لحفلة ناذر ... بعد نجاح الحفل الأول
|
Post: #113
Title: Re: قصيدة أوتومسيرية مهداة إلى خالد كودي !!!!
Author: Khalid Kodi
Date: 10-28-2005, 00:50 AM
Parent: #112
عندما يكون السلوك العنصرى تجاه اشخاص لايهم كثيرا، ولكن عندما يتم تجاه مجموعات بعينها وبشكا منتظم لابد من محاربته.
فى هذا البوست نكشف مدى عنصرية ناذر الخليفة.
Coon أو Sambo/ سامبو أ و كوون أو ناذر الخليفه !
|
Post: #114
Title: Re: قصيدة أوتومسيرية مهداة إلى خالد كودي !!!!
Author: A.Razek Althalib
Date: 11-30-2005, 01:46 AM
Parent: #113
المدعو خالد كودى !
ما خطت يداه عبر بوستات سابقة..
يقول المدعو خالد كودى ! في هذا البوست..
| Quote: عندما يكون السلوك العنصرى تجاه اشخاص لايهم كثيرا، ولكن عندما يتم تجاه مجموعات بعينها وبشكا منتظم لابد من محاربته. |
ناسياً أو متناسياً.. في تعمد مهين له كفنان شفيف يفترض..
وكأكاديمي.. فات عليه أنه قد أساء.. إلى زملاء مهنيون في قامته..
لا يقلون عن ذلك فتيلا.. إلا إذا كانت الأنا العارية بتاعتو علت..
نقول أن مهنية الفنان.. عندما لا يجعل من حقوق الإنسان معيار ..
فتطلع لوحاته عبار زيت في مهرجان ألوان..
أما وهو القائل...
| Quote: فى هذا البوست نكشف مدى عنصرية ناذر الخليفة |
لذا وجب التنويه..
على أنه قد أنكشف في هذا البوست..
على ما سقناهو من أحراز إتهام ..
وقد فشل دون إيراد دليل..
واحد يشفع له.. Re: على العضو عبد الرازق الطالب الاعتذار علنا عن الكذب
وكما ترونه الآن..
تركنه وهو يعلعل.. في الحفرة التي وقع فيها..
بما جاد به حسن بنانه والمعصم وقد جادت له كفهو بعاجل طعنة..
كعادته دائماً.. وليس المدعو خالد كودى !
إلا عنصري يقاتل بسلاح.. معجون فيه..
وقد إتخذ من ذلك عنوان.. لمعرض تشكيله.. الذي إتخذ من الأزمة في دار فور..
عنوان.. لترويج لوحاته ... في عملية إسترزاق مفضوحة...
هذا..
مع إحتفاظنا لحقه الأدبي في الإعتذار ..
إن أورد دليل برائته والذي أشك فيه...
ومع ذلك أبلغ تحياتي للنوبة ومجاهداتهم أياً كان موقعهم..
حكومة ولا معارضة.. ولا مستقلين...
حتى نترجم معني صياغة الدنيا وفق ما نهوى ...
دون هضم حقوق الآخر..
مع تأكيدنا ..
أن العنصري Re: على العضو عبد الرازق الطالب الاعتذار علنا عن الكذب
مسترزق بألم المعاناة فيما تمخض عنه فكره الهدام.. في سفور أنانيته وحبه لذاته..
من وراء التكسب المهين له.. ولغيره..
تحياتي..
|
Post: #116
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 11-30-2005, 07:49 AM
Parent: #1
الفنانة الأوتومسفيرية شروق
Quote: من غير اذن
ممكن الواحد يغني اغنية
المقطع الاول لناذر
عامل فيها عربي عربي عربي بس هو ما عربي ماعربي بس هو مشعبط بم بم بم تررمر
|
لا والله خطرة إنتي كنتي وين من زمان غنيتك في السلك والله
عوضية كوجيم تبقى ليك شنو !!
صنفرة :
عبد الرازق يا أخوي غيرت محل الدواس مالك
ياخوي بوستي دا تحفة فنية والله ودا واحد من (بوستاطيني) الأنا بفتخر بيها جدا
عليك الله ما تجوبكو لينا ساي كفاية دافنشي إشتهر بيهو على حسابي المرة الفاتت
|
Post: #117
Title: Re: قصيدة أوتومسيرية مهداة إلى خالد كودي !!!!
Author: شروق على فضل
Date: 11-30-2005, 08:03 AM
Parent: #116
نازر
تحية نحي ونعمل معاكم( فولترن)
عوضية كوجيم ما بعرفها
وبعرف تونا سبت
خديجة باروكة
عليك الله لما تلاقيها اديها اغنيتي دي تغنيها - مجانا
وكمان زوز باقة بعرف(شيالة معاهم)
الناس الورا البقولو
ارح ارح ارح ارح
بري بري بري بيريييييييييييييييييييييييييييي
النبق النبق النبق النبق وكدة
|
Post: #118
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 11-30-2005, 08:46 AM
Parent: #117
عليك الله يا شروق في حاجة داير أعرفا .. شمااااار كدي
Quote: وبعرف تونا سبت
خديجة باروكة
|
ديل وين ديل بسمع بيهم سماع لكن أصلو ما قابلتهم
صنفرة :
أنا بعرف لي أكتر من 450 فنانة في الخرطوم بس .. تصدقي !!
|
Post: #120
Title: Re: قصيدة أوتومسيرية مهداة إلى خالد كودي !!!!
Author: شروق على فضل
Date: 11-30-2005, 09:05 AM
Parent: #118
نازر
يا اخوي هوي انا ماشة من بوستيكم دا
احسن لي القزقزة مع الكيزان
عايز تسسبب لي في طلقة وكدة
كدة تكون بتعرف 452
|
Post: #121
Title: Re: قصيدة أوتومسيرية مهداة إلى خالد كودي !!!!
Author: فيصل نوبي
Date: 11-30-2005, 09:12 AM
Parent: #118
شروق
والله تحفة 10000
Quote: عوضية كوجيم ما بعرفها
وبعرف تونا سبت
خديجة باروكة
عليك الله لما تلاقيها اديها اغنيتي دي تغنيها - مجانا |
ناذر
| Quote: أنا بعرف لي أكتر من 450 فنانة في الخرطوم بس .. تصدقي !! |
و داير تعرس
|
Post: #119
Title: Re: قصيدة أوتومسيرية مهداة إلى خالد كودي !!!!
Author: WadAker
Date: 11-30-2005, 08:53 AM
Parent: #1
| Quote: أنا بعرف لي أكتر من 450 فنانة في الخرطوم بس .. تصدقي !! |
بس .....ما بصدق 450لهلوبة اكان كدى انا راجع اشيل معاك وخربانه لو بقت جركانة وقرط على دى بعد ماتمها
ضفرة: البوست دا نكتو من وين
|
Post: #122
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 11-30-2005, 09:16 AM
Parent: #119
صدق وتأمن بالله يا ود عكر ..
| Quote: ضفرة: البوست دا نكتو من وين |
جيت النيت لقيت البوست في وشي .. إتحيرت قلت المل ليو عفرياتة منو !! أول مرة شكيت في شروق قلته عندها غنية محرقاها ودايرة تنزلا لكن بعد شوية لقيت دا ود الطالب هو طبعا مولعا نار مع دافنشي بيهناك وكان داير ليو دليب إضافي يضحضو بيو مع إنو دلائل ود الطالب فرمت دافنشي فرم مش دحضتو الشوية دي
|
Post: #123
Title: Re: قصيدة أوتومسيرية مهداة إلى خالد كودي !!!!
Author: فيصل نوبي
Date: 11-30-2005, 09:22 AM
Parent: #122
| Quote: مع إنو دلائل ود الطالب فرمت دافنشي فرم مش دحضتو الشوية دي |
ناذر انت الالفاظ دي بتجيبها من وين !!!!
انت بقيت مستنير بعد الدكتوراة !!!
اسمع يا فردة
ادفر معانا كويس و سلك مكنتك دي ...
ولا اجيب المعراكة !!!!!
|
Post: #124
Title: Re: قصيدة أوتومسيرية مهداة إلى خالد كودي !!!!
Author: ناذر محمد الخليفة
Date: 11-30-2005, 09:31 AM
Parent: #123
روميو اللذيذ
Quote: ادفر معانا كويس و سلك مكنتك دي ...
ولا اجيب المعراكة !!!!! |
بالمناسبة دا موسم رفع البوستات القديمة أنا هسي رفعت لي بوست كدي كان مدفون دفن لكن نكتو بس للريبة والتلاف
صنفرة :
أمش حوووووووووووووووم كدي في الإرسيف أمكن تلقاليك بوستا ينفع معاك
|
Post: #125
Title: Re: قصيدة أوتومسيرية مهداة إلى خالد كودي !!!!
Author: فيصل نوبي
Date: 11-30-2005, 09:35 AM
Parent: #124
| Quote: أمش حوووووووووووووووم كدي في الإرسيف أمكن تلقاليك بوستا ينفع معاك |
يا ناذر
في عقارب مدسية
يا زول مالك علي تقوم تطقني واحدة
ولا دبيب ولا حية دكين ديك يا زول
انت انكت و انا بنفضها ليك
سمح !!!!!!!
|
|