Post: #1
Title: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:09 PM
Parent: #0
بصورة مفاجئة وصل الخرطوم عصر اليوم الزميل معتز تروتسكي قادما من الصين مرورا بأبو ظبي , وقد صادف وصوله إحتفال منتدى الدكتور معز عمر بخيت والذي كان به عدد من بورداب سودانيز أون لا ين مجتمعبن به أيضا ..
وقد احدث وجوده الغير متوقع بالخرطوم بلبلة بين الأعضاء و (برلمة) للكثيرين منهم والذين لم يسبق لهم رؤية معتز على الطبيعة . وطبعا كمية من المواقف المضحكة كانت حاضرة من جانب البورداب من الجنسين وأعتقد انني سأبدا في السرد ...
|
Post: #2
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:14 PM
Parent: #1
كنت كعادتي هذه الأيام موجودا أون لاين متفرغا تماما لعم عشماوي .. يرسلني إلى توابيته وأخرج منها ونظل نركض من بوست إلى بوست وهو مصرا على كتمان انفاسي ، فسألت ربي : متى يا إلهي ينتهي هذا العبث؟؟!! .. فإذا بجرس الموبايل يرن فأجد في الطرف الأخر صوتا لم أتبين ملامحه جيدا يسألني من انا .. وبعد عدة مطاولات ومناورات أخبرني المتحدث انه معتز تروتسكي !!!!
لم اصدق منذ الوهلة الاولى فأبيت التصديق وأغلقت موبايلي تماما وانا بين مصدق ومكذب إذ كان هذا الوغد يرتب لمفاجاة الجميع هنا ..
|
Post: #3
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:17 PM
Parent: #2
في ذات هذا اليوم كان هنالك إحتفال صغير أقامه معجبي الدكتور معز عمر بخيت له في إحدى المنتديات هنا فذهبت إلى هنالك ومن ثم أعدت فتح الموبايل لأجد تروتسكي هو المتصل ويبدو متبرما لأنني أغلقت عليه الموبايل وكنت حتى تلك اللحظة غير مؤقن أنه معتز .. فأخبرته ان هنالك تجمعا الان مع كمية من البورداب وإن كان صادقا فعليه الحضور فورا ووصفت له المكان .. فوافق على الحضور ..
|
Post: #4
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:21 PM
Parent: #3
في ذلك الوقت كان مكان الإحتفال يعج بالمحتفلين من بينهم د معز ، المهندس ، تبلدينا ، ناجي الملك ، انتهازي ، شمهروش ، عادل إبراهيم ، محمد أبوالقاسم ، زولا 123، هميمة ، عبير خيري ، وإذدان اللقاء في وسطه بحضور العزيز لقمان حسن همام والذي جاء من المطار للإحتفال رأسا ..
|
Post: #5
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:24 PM
Parent: #4
جاء تروتسكي متخفيا بعد ان طلب مني ألا أخبر احدا لأنه يريد مفاجاة الجميع وبعد حضوره خارجا تصافحنا وتسالمنا سلاما أشبه بالدواس أدهش كل من كان مارا بالشارع ومن ثم دلفنا سويا داخل المنتدى وانا اعرفه على الجميع بصفته أبن عمي حسين 
|
Post: #6
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:27 PM
Parent: #5
الغريبة أنني وأنا أسلم على محمد ابو القاسم أخبرني أن تروتسكي قد يصل الخرطوم في أي لحظة وانا أغالطه وأقول له انه لن يحضر مع انه في ذلك الوقت كان تروتسكي بجوارنا وهو يبتسم صامتا بينما عادل إبراهيم أيضا بجوارنا وانا اقول له ان بوردابيا عزيزا سيصل الان في أي لحظة وعندما الح علي عادل قلت له أن القادم هو وليد 399
|
Post: #7
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:31 PM
Parent: #6
بعد ان فلت الصبر من معتز وكان بجوارنا ناجي الملك وعادل إبراهيم والحفل يوشك غلى نهايته قلت لهم سلموا على صديقنا تروتسكي ... فما كان من ناجي وعادل إلا ان نظرا إلى تروتسكي في ذهول وفجاة وجه ناجي لكمة قوية إلى بطن معتز كادت ان تطرشه كل الاكل الصيني الذي تناوله ... اللكمة تلك كانت ترحيب بمعتز وايضا تعبير عبره ناجي للبرلمة التي وقع فيها فإستلم عادل طرف اللكمة وإنهالا الإثنان ضربا على معتز المسكين وهو يصرخ ويضحك ويبكي في أن واحد وبعد ذلك تعانق الجميع في ود وترحاب ولزمن طويل جدا ..
|
Post: #9
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:35 PM
Parent: #7
جاء الدور بعد ذلك على بقية البورداب حيث ناديتهم من الحفل واحدا واحدا وكان لقاء جميلا بحق وسلام وصفاء إلى أبعد الحدود .. لدرجة انه بعد نهاية الحفل وغنصراف الجميع كنا لا زلنا واقفون خارجا ونتحدث رغم ان الدار اغلق ابوابه ..
أكتب ذلك البوست الأن وانا قادم من الحفل مباشرة ...
رحبوا معي بتروتسكي في الخرطوم وتمنوا له إقامة سعيدة ..
|
Post: #8
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: zoul"ibn"zoul
Date: 07-25-2005, 03:32 PM
Parent: #1
Salamat ya man
It seems you people are having fun there. I just came to say salam ya zoul. My wife
is in sudan if you happen to meet her ask her to stay longer I am having good time
with her absence
Adios
|
Post: #10
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:39 PM
Parent: #8
العزيز زول إبن زول ..
والله ضحكتني يا مان تتصور دا نفس الكلام القالوا د. معز في الندوة
دي الحاجة الاولى .. الحاجة التانية ..
وين طولت كدا ما ظهرتا !!!!!!!!!!
|
Post: #11
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: zoul"ibn"zoul
Date: 07-25-2005, 03:43 PM
Parent: #1
| Quote: وين طولت كدا ما ظهرتا !!!!!!!!!! |
Thank you for asking
Ya man I am enjoying my time. No wife no government
so I am making the best of my time away from the net
Should be back in sha Allah in the next few weeks.
Can you do me a favour in case you found a wife
can you make sure she has a nice sister
|
Post: #12
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 03:51 PM
Parent: #11
والله يا زول حيرتني عديل كدة !!!!!
ياخي أنحنا مالاقين عروس لي هسي وغنتا داير تبدل المعاك !!!!!
بعدين في زواجي في شرط ما قلتو إني دابر ا HAS NO SISTER عديييييل كدة
عشان لو إتشاكلنا معاها أو زهجت منها أرسلا لي بيت اهلا وانا متطمن إنها حاتجعر الليل كلو وماتلقى جنبها اخت تبرد عليها وتحرشا علي
لكن سؤال صغير ...
إنت يا زول مرتك ما عندها أخت صغيرة وظريفة
لو في انا جاهز طوالي ... ماعندي مشكلة إنشالله تجيب 6 من عشرة في الشروط ديك
|
Post: #13
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-25-2005, 04:08 PM
Parent: #12
نسيت ان اذكر أن ساندرا الرشيقة كانت من ضمن حضور اليوم فمعذرة ..
|
Post: #14
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: حمد فتح الرحمن
Date: 07-26-2005, 00:52 AM
Parent: #13
الاخ ناذر
اهنيك بحضور صديقك و ارجو له طيب الاقامة بين اهلة.
يا بختكم قاعدين لي في السودان تاكلوا في الدمعة ساااااااااااكت ،
خلاص يلا استمتعوا بوقتكم كويس .
بعدين يا معتز معقول الصين دي بعيدة كدا ؟ الايام دي كلها مقطوع مالك ؟ الطريق طويل للدرجة دي ؟
يا خوي منتظرنك يلا تعال ورينا شغلك بعد الرجوع للسودان .
بالجد انا معجب بي حضوركم و حيويتكم الشبابية في البورد و منتظر ابداعاتكم .
|
Post: #15
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: gamal elsadig
Date: 07-26-2005, 02:32 AM
Parent: #14
ود الخليفة ..لك التحية
ومرحب بالعزيز تروتسكي ابن كردفان الغرة
ونتمنى له اقامة طيبة بين الاهل و الارحام
ونتمنى عودة كل الطيور المهاجرة
ودمتم
|
Post: #16
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: عثمان حسن الزبير
Date: 07-26-2005, 02:47 AM
Parent: #15
الصديق ناذر تحياتي
طبعا معتز قول ليهو ما ألم فيك في زقاق ضيق دي شره تشرني ليها ياخي انا في مطار دبي لافي تلاتة ساعات وأستاذ علي ما داير يرد على الموبايل وأنا ما عارف الرحلة بي أي خطوط ولمن لميت فيها الطيارة في السما ..
المهم معتز ما ينسى الوصاية ومنتظركم في الماسنجر الاتنين وبختكم بي معتز ..
|
Post: #17
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: abuguta
Date: 07-26-2005, 02:59 AM
Parent: #16
ناذر
تحياتى
لذلك البلبل الغريد
معتز وقول ليه يابايخ انا ارسلت ليك جوالى ما عملت مس كول ليه
ناذر الزول دا جايب معاه اوشاش جوالات اصلية...ما تنسى تمسك لى منهم وجه ل6610
ولقدام
|
Post: #18
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: Hozy
Date: 07-26-2005, 03:06 AM
Parent: #1
انتو بس يابورداب الخرطوم
اقعدوا لموا ناس الدنيا دي كلها
وهيصوا براكم !!!
ناس الامارات اللي جيناهم لقيناهم كملوا !!!!!!!!!!!!!!!!1111
لووول
|
Post: #19
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: Tabaldina
Date: 07-26-2005, 03:27 AM
Parent: #1
..
.
أهلين بالرجل الخلوق
المضياف .. الحبوب .. الحنين
المشاكش .. الرقيق .. زى كدا
لقد ضج المنتدي صخباً وضوضاء داخله وخارجه
بل خرج سكان زقاق مركز الخرطوم جنوب .. لهؤلاء الذين
يمارسون الضحك الفاحش فى أزقتهم الساكنة والمظلمة ..
أندهش الكثيرون وأنبهر أخرون بهذا الأنفلات وتلك الأريحية
وذاك الفتي الكريم ..
بصراحة فى ناس بكوا عديل وقالو الرووب بس عشان ما يسوقهم يبيتو معاهو ..
وفى ناس وصلو مجاناً من العمارات الى أمبدات ..
معليش يا مهند تروتسكي أن جعلك شقيقك معتز سائق خاصاً لكل راجلاً ..
طبعاً يا معتز وبدون مجاملات الأخ والعزيز والصديق
نقول الف مرحب بيك والله البلد نورت بالجد ..
بس لقيت اخوك كيف ؟؟ طبعاً اخوك الوحيد ما اتبرلم لاسباب لا يعلمها
صاحب الكاب المشنقل وعامل فيحها تفتيحها ..
وبكره لمن نقابل بكري أنا متأكد ناس الأطلنطي موقفهم بكون فى خطر
وكمان الأراضي المنخفضة ..
وكدا خت الرحمن وأرتاح والناس دى ما راجعة الصين .. طيب
هوووى يا ناذر ..
أنت ما نسيت ساندرا الرقيقة براها ..
انت نسيت كم سندريلا كدا .. ومعاهم كم خرشوف وما بذكرك ..
خليهو يجو يفرطقو ليك راسك المفجخ دا ..
بعدين معتز دا تلفونات (بكور عديل ) كدا واسئلة : أنتو ووين ؟؟ أجيكم ووين ..
أنا فى الطريق .. غايتو قلت ليهو دردق تعال .. ونشوف الحاصل ..
نقة أخيرة :
بقيتو على الغرقة ولا المرقة !!؟؟
المهندس بقول نادى الزوارق .. ما زى معتز ما بعرف يعوم ..
وأنت شايفين الأزرق اليومين دا يزمجر ويتوعد الخرطوم بفيضان 88
خليك جاهز أنحنا قريبين ..
|
Post: #20
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: gamal elsadig
Date: 07-26-2005, 03:49 AM
Parent: #19
مرة تانية وتالتة مرحب تروتسكي
(تبلدينا)( صالح ) (جاجا) لك التحية و الاشواق
صحي والله الازرق العاتي يزمجر هذه الايام والموج عالي
والمراكب (الفلوكات ) طايحه معاهو ....
بعدين كلنا مابنعرف نعوم مش معتز براهو ... وشنو حكاية
خليك جاهز نحن قريبين يعني انت بتعرف تعوم ... الا تكون
اتعلمت السباحة في ميدان المستقبل او الوفاق عشان جنب بيتكم
ولا في سوق امير ....والله زمن وزمان لك خالص الود
(ود السجانة) ....
|
Post: #21
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: محمدين محمد اسحق
Date: 07-26-2005, 05:11 AM
Parent: #20
الاخ ناذر الخليفة ..
لك التحية ولضيوفك الكرام كل محبة ..
حقيقة انا اندهشت لانو اخر تعليق كتبتو مفتكر الراجل في دبي مع ناس علي اسماعيل ..وحتي في اخر تعليق سميتو بالرجل الخفي ..ورقم صفر ..فجأة تجي تقول لي في رمشة عين انو معاكم في الخرطوم ..اسم الله ما شاء الله ..وعيني باردة ..
معتز تروتسكي ..ذكرتني ..بفريق الصين المانعينو يلعب دوليأ ..بسبب استخدامهم للحيل السحرية ..وكمان بقصة سبت دودو اللي دخل في شبكتو 55 قون من الفريق الصيني ..وما عارف الهنود دخلو في شبكتو 100قون ...بالمناسبة ناذر انت عندك صلة بالهند ؟؟
دي لو بقت ..تبلدينا كلامو الفوق دا..راح شمار في مرقة ..
معتز ...الف حمد الله علي السلامة ..وان شاء اقامة واجازة طيبة وسط الاهل ..
سلامي لجميع افراد الاسرة الكريمة ......................................
|
Post: #22
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: معتز تروتسكى
Date: 07-26-2005, 05:42 AM
Parent: #21
خالص التحايا
الزملاء الاعزاء..
كل البورداب الذين قابلتهم ولم اقابلهم ومن فى السكه...
عموما بقدر المساحه التى اُتيحت لى لى اتقيلكم لكن شكرا كتير لكم ولااعتقد بان البورد والكلامات تفى الغرض لااعطائكم حقكم لكن ساسعى لذلك فى ارض الواقع وانا بينكم
فشيلو شيلتكم..
ناذر محمد الخليفة
اولا انا قلت ليك بطل الشلاقه والبوست ده خليهو لانى ما حكون متفرغ وحتلومنى مع الشباب ديل..
عموما الحصل حصل جاهز للعرس..
وعازمك فى مطعم كلاب. .
تعرفو انا الزول الكنت بفتش ليهو وما لاقيتو زوله123
لانو اول ما جيت الامارات اتصلت بيها وعرفت انها فى السودان..
وبالرغم انو كنت مرهق لمن رجعت واصرار ناذر لمن عرفت زولا في دب فينى حماس رهيب (هيع..)
وجيت ما لقيتها. .
صحى زى ماقالو البريد ولا بتريدو ولا ما كده يابقال عفوا زولا. ..
نذورى انت باقى كلامى مع بقى (فيس 2 فيس)
اطلع منها هنا وراجيك...
**********************************************************
zoul"ibn"zoul
ياعزيزى سغيد انك تطل بعد مده ويكون بوست ناذر المخصص لشخصى هو البدايه بعد غياب..
تشكر كتير سيدى
ولو لقيت لى معاك عروس سكن هاند برضو تكون ماقصرته..
******************************************************************
حمد فتح الرحمن
داير اوصفلك مشاعرى واحكى ليك انا عن هواى..
بالجد شعور لايوصف لكن كلما يتحسنى ساتذكرك عزيزى..
فالعشق لهؤلاء ليس لانهم بورداب او غيره لكن لانه سودانين واصدقاء وقريبين من القلب ركنا قصيا
وكذلك انت فى وصتهم..
فحبابك ..
لكن الغريبه بوم المناسبه دى ما اكلونى ولا شى
ولاحتى دمعة زاتو. .
لكن كانت فى دمعه . .
شبكونى نضم وانا مازول نضم كتير
بي ماكنت فاهم فى شنو
رجعت متاخر شربت عصير وانخمدته..
لكن قمت من الدغش لسه ببرنامج الصينى مدور شبكتهم ليك تلفونات
طبعا ناذر اتخاسس على وابى يرفع التلفون الا بعد ماصحى
ومحمد ابو القاسم ضرب لى بعد فتره قال لى كنت عامل الموبايل (ساين)..
الملك -تبلدينا ماقصرو لكن برضو بكون عشان هم ناس شغل لو ما كده..
وعدوله منتظرو
اتخيل. .
********************************************************
gamal elsadig
تغرف البوستات الذى دى ناس السودان ماعارفين اثرها على الناس البره..
لانها بتهيج مشاعر الزول بصوره ماعاديه..
انا حاسي بيك فماتشيل هم عزيزى حالف ليك معاى..
وليك وحشه...
*************************************************************
عثمان حسن الزبير
انت اسكت ساى
انا كلمت ليك عادل
منتظرك فى المطار لمن فترته والاستاذ على يشهد وحتى اتاخرت متحرك اسال ايضا شلبى..
اها تانى شن قولك...
عموما مافى مشكله انتظرى لمن اجى راجع..
وريتك قايم بى شنو معقوله بس ابو عفان..
عاد لكن لقيتك..
اسمع رسل لى او لى عادل ارقام التلفونات..
الوصايا انا حارقنى جدا عشان داير اقدم خدمه ياغتيت..
ومشتاقوووووووووووووووووووووون
عثمان
خلى بالك من نفسك لمن نجيك..
***********************************************************
abuguta
انت شفقان كيف ما لقيت زول زيك
انا محضر ليك مفاجاءة براك بس انت بل الصبر..
اعوم ليك فى الكنار زاتو. .
واشتقت ليك اجضمك
**********************************************************
Hozy
اصبر شويه حبيو جماعتك ديل كلهم كاسرين ركبه هنا فى السودان
حظك لووووووووووووووول
واكيد اكيد حنتلاقى...
****************************************************
Tabaldina
انت يابلد كلامنا بقى دقاق دقاق. .
الناس ما تغشت فينا. .
كنا نقول مهند تروتسكى هو معتز..
ولا رايك شنو كانت بتكون مقبوله شويه..
طبعا خلاص فرغتو لى سواق..
لاعندى رخصه ولابسوق بالليل
شفت الفضايح دى كيف..
*************************************************************
gamal elsadig
البرنامج الجاي ناس تبلدينا ديل الا يلبسو عوامات..
نحن ديل ناس شندى فوق..
خالص التحايا(لمحمد سليمان). .
****************************************************************
محمدين محمد اسحق
ابو حميد ازيك يارفيق..
قلت لى رقم صفرهاهااهاهاهاهااها
تقول شنو (ابيى وكده مديك سلاح). .
اصبر لى شويه بلتقيك هاتقيا بس النسلم على الجيران الجدد(لقيت ناس البيت رحلو محلة تانيه شفت الرحاله دى وراثه) ده غير الاهل
انت كفينك ابوحميد..
باالجد فاقدك..
يازول قيل بعافيه انت والاسره لمن نديك (مس كول). .
**********************************************************************
ايضا التحايا النواضر..
الدكتور معز
الاستاذ لقمان
الباشمهندس المهندس..
الاستاذه هميمه
الاستاذه مهيتاب (ابنة الاستاذ ابو ساندرا)
الصديقه عنيده
الاستاذ خالد ابو القاسم
الاستاذه عبير خيرى
شمهروش وداير اشاكلو
امين..
وكل الزملاء والزميلات والاصدقاء وكل من نسيت سهوا..
بقيت الشباب( الرمتاله) ديل حسابى معاهم براهم
زى ناس الملك (الا اسده ضربتى)..وتبليدنا ..عادل-محمد..ناذر.....الخ
لكم جميعا كل الحب..
حسين ملاسى..اقصد حسين تروتسكى
عفوا
معتز تروتسكى...
|
Post: #23
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: Tabaldina
Date: 07-26-2005, 05:44 AM
Parent: #1
..
.
جمال الصادق
ود حلتنا ..
الشافك شاف دافوري المستقبل ..
تصدق من يومين كنت ناوي أدخل واكشف اوراقك
بس الله يقطع شيطان البورد .. طفشني ملف تاني
بالمناسبة لم اراك فى منتدى المنبر ولا عكس الريح
أأتيت متخفياً يا رجل !!؟؟
آها ما عندكم أقساط ..
| Quote: دي لو بقت ..تبلدينا كلامو الفوق دا..راح شمار في مرقة |
ليه هم ناس الهند عواميين
سلام يا راستا
انت كنت بره الشبكة ولا كيف !!
ناذر دا المهاتما غاندي زاتو .. بس من طائفة السيخ
آها وكلام كان للناس التانيين
منور ..
عقبال ما تجينا شايل ليك مسجل 2500 وات
ولابس كاب زى كاب الجداد ..
الكلام دا ما ليك يا ناذر
|
Post: #24
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: عادل فضل المولى
Date: 07-26-2005, 06:56 AM
Parent: #23
يا ناااااااااااااااااااااااااااذ ر
ال كككككككككككككككككك لآآآآآآآآآم دا ص ص ص ص ص ص ص ص ص ص حي
قول لي
Che
-
أُُمتح
|
Post: #25
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: بلدى يا حبوب
Date: 07-26-2005, 07:10 AM
Parent: #1
الاخ/ ناذر
مرحب تروتسكى فى السودان وكل البورداب الحضور
اتمنى ليهم جميعا اقامة طيبة
تحياتى
|
Post: #26
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: almohndis
Date: 07-26-2005, 07:13 AM
Parent: #1
بالصور دون القلم يا ناذر
|
Post: #27
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: عادل فضل المولى
Date: 07-26-2005, 07:18 AM
Parent: #26
المهندس
تحية سمحة
على الاستاذة صباح
ان تعيد الحمار حتى نقتنع
ان هذا هو تروتسكي
--
صباح
الحمار لا يفك منك
(Asche haw hooosh)
|
Post: #28
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-26-2005, 07:46 AM
Parent: #27
تبلدينا ........
Quote: ناذر دا المهاتما غاندي زاتو .. بس من طائفة السيخ
|
دي بالغتا فيها عديل واضح انو معرفتك جيدة بعادات طوائف الهنود
الجماعة الفوق ديل ...
شكرا على زيارة البوست وتحياتي وتحيات تروتسكي لكم فردا فردا ...
عادل فضل المولى ...
Quote: يا ناااااااااااااااااااااااااااذ ر
ال كككككككككككككككككك لآآآآآآآآآم دا ص ص ص ص ص ص ص ص ص ص حي
قول لي
Che
-
أُُمتح |
يا راجل التمتمة دي شنو إنتا ماكنت كويس !!!!
كدي طلع الفي خشوك دا وأشرب موية وقول أحم وإتكلم أمكن تلفق معاك
بلدي يا حبوب
تسلم على المرور وشكرا ..
المهندس ...
قطعت جهيزة قول كل خطيب ..... شكرا للصورة ..
يا جماعة ما تلخبتو الوجيه دا دكتور معز عمر بخيت وإذا سألتم عن تروتسكي فهو (الشين الجنبو)
|
Post: #29
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: شمهروش
Date: 07-26-2005, 08:12 AM
Parent: #28
تروتسكي حمد لله على السلامة
تروتسكي جان جان شان شو هي
دي بالصيني معناه مشتااااااقين
التلفون مع ناذر دحين راجيك
|
Post: #30
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: الملك
Date: 07-26-2005, 08:53 AM
رايكم شنو
....
....
حاجيب باقى الصور بعدين
كإعتزار
|
Post: #31
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: صلاح شعيب
Date: 07-26-2005, 09:03 AM
الاخ ناذر, تروتسكي, والبقية الباقية
هنيئا ً لكم ثمر اللقاء
طوبي لنا بما اقترفنا من غربة "باغية"
غربة لم يتسن لها ان ...........
تحياتنا لمعتز وهويعود الي اهله
غانما ً بحكم بندر الصين,
ونتمني له ألا يكثر من فعل مضغ مرارة
سوق الناقة الباذخة, ففيها بعض من حتي وشطة
خضرا عصية عيل الصبر إلا من رحم ربي
التحية لمعتز الذي يحتاج حتما ً لقريبي ود جمعة لزوم قضاء ما يلزم ,و ما لايلزم
من محاشاة لصقور ال...........وطبعا ً يامعتز السيد العميد علي "الرهبة" والسعة
لانجاز ما لايمكن إنجازه من " تسريج " جمركي, او حاجات تانية حامياني يا جني الباباي
المزركش بفكر الكنفوشوسية الصينية الحكيمة.
يا ناذر لا تنسي, لاتنسي ان تشوف ليهو واطة بسعر زهيد ورغيد علي ضواحي السامراب
ولا الحتة القريبة من امبادر ديك, والسيد حاج آدم مدير الاراضي أدري با##########
المابقوم فيها العشر
مرحبا معتز تروتسكي في بلاد الماء التي ما فتئت عطشاء
|
Post: #32
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: الملك
Date: 07-26-2005, 10:25 AM
Parent: #31
|
Post: #33
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: الملك
Date: 07-26-2005, 10:31 AM
Parent: #32
.....
.....
دى قوية لكـــــــن يا ناذر
وتبلدينا
|
Post: #34
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: محمد ابو القاسم
Date: 07-26-2005, 10:40 AM
Parent: #33
اولا
معتز هبل بينا
جد جدا
تاني حاجة
معتز ضرب الساعة 7:30 دقيقة صباحا
لسة زمنوا صيني
ما عدلوا بالمحلي
جنس دا اقولوا ليهوا شنو
اجمل حاجة
ناذر قال
الزول دا ود عموا وداير يخش المنتدي وعاجبوا ؟؟؟؟
اجل ما في الموضوع المللك قال ليهوا بزكيك
هههههههههههههههههههههههههههههههههههههههههه
مرحبا بيك اخوي معتز والله يكون في عوناااااااااااا
من تلفونات الساعة 7:30 دقيقة
مع ودي سلامي
وتمتد الرؤيا يعد الرؤيا الي الابد
|
Post: #35
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: الملك
Date: 07-26-2005, 10:47 AM
Parent: #34
Quote:
مرحبا بيك اخوي معتز والله يكون في عوناااااااااااا
من تلفونات الساعة 7:30 دقيقة
مع ودي سلامي
وتمتد الرؤيا يعد الرؤيا الي الابد |
انت برضو
....
....
الله يكوووووون فى عونااااا
|
Post: #36
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: waleedi399
Date: 07-26-2005, 11:34 AM
Parent: #1
عملتها يا تروتسكي من غير ما تزورنا ..
على الاقل كنت عملت ليك عمرة
ونحن كنا شوفنا ليك طريقة زوقه
لكن ما بيضت النية يا تروتسكي
المرة دي سماح .. لكن في طريقة العودة ما تعملها
شكراً كثيييييير يا ناذر على الاخبار الجميلة عن الصديق تروتسكي ..
بس يا ريت تجرو لينا سلك .. او نجر ليكم ما مشكلة
المهم اسلاكنا تشتغل ،، او على الاقل مس كول
فذلك اضعف الرصيد
أ هـ
|
Post: #37
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: Hani Abuelgasim
Date: 07-26-2005, 12:36 PM
Parent: #1
|
Post: #38
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: Dr. Moiz Bakhiet
Date: 07-26-2005, 01:51 PM
Parent: #37
كانت بالحق مفاجأة رائعة حضور الأحباء لقمان ومعتز من المطار لاحتفالية بورداب عكس الريح
وصور الإحتفال:
هنـــــــــــــــــــــــــــا
|
Post: #39
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-26-2005, 04:15 PM
Parent: #38
الحبيب ناجي الملك ....
لكن ما شاء الله صورك واضحة وجميلة !!
مش زي كاميرات (ناس قريعتي راحت)
الاخ صلاح شعيب ...
تحية عطرة ..
تروتسكي ايس بحاجة لأرض في الخرطوم فهو سيغادر إلى كردفان التي أحبها واحبته ..
ولكن بما اننا بحاجة لوجوده بيننا ..
فسأجعله يشتري بيتا ناصية أربعة جهات بمنطقة الشويحات ...
والشويحات لمن لا يعرفها هي المنطقة الموجودة بأمدرمان بعد ابو سعد والتي تقرر ان يقام عليها مطار الخرطوم الجديد ومع ان الأرض خلاء حتى الأن إلا أنه يقال ان سعر القطعة فيها أصبح فلكيا ..
محمد ابو القاسم شرفتنا بالحضور هنا والله ..
وليد 400-1
الأسلاك حا تشتغل بس خلينا نشوف أخر الشركة الجديدة
هاني أبو القاسم ...
إبتسامتك الجميلة أضافت رونقا لهذا البوست ...
د معز عمر بخيت ...
كعادتك جميلا ومتأنقا.... لك التحايا والورود ...
|
Post: #40
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-27-2005, 07:13 AM
Parent: #1
غايتو تروتسكي أمبارح عمل فينا منظر بايخ بوخ
أنا وعدتو ما أحكي لي زول لكن ...
الملك وتبلدينا ومحمد أبو القاسم وناصر البطل ما وعدوهو
|
Post: #41
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: Tabaldina
Date: 07-27-2005, 08:43 AM
Parent: #1
..
.
أنت يا ناذر..
قلت لى معتز عمل فلم ..
ياتو أنا ما متذكر من شاي اللبن وشمارات الملك
بس تعال نقول ليك حدوته صغيرة ..
هل ممكن تتخيل زول يرووووح من بيتهم ؟؟
عارف فى واحد صاحبنا عزم اصحابو شاي المغرب
آها اللذيذة هو راكب معاهم سرج واحد .. قصدي سيارة واحدة
اوووووبس عربية واحدة .. ووين عبير خيري ..
آها جماعتك لمن وصلو حلتهم بدوا يسالوهو ..
يازول ندخل بوين ؟؟
صمت رهيب ..
وشكلو بيوحي انو هو ما عارف ..
شارعكم وينو ؟؟
لحظة الكبري الصغير وين ؟؟
كبري شنو فى البلد الضلام دي ..
ارجعو جنب النخيل فى كبري هناك
يازول انت متأكد ..!!
دقيقة النشوف البيت الأبيض دا بيتنا ؟؟
انت بيتكم دور ولا دورين ؟؟
كدى نضرب لاخوي الصغير ..
يا أنت وقف دقيقة .. ما نطلع فى بلدا طرقها عراض ..( دا اخوك طبعاً)
يا جماعة الصبر أنا بلقي البيت حسي ..
يا انت ( لاخوه الصغيروني ) اسمع بيتنا بوين ؟؟
ههههههاي ( قهقهة من الشلة وبعدها دهشة حقيقة )  ..
أنت وين مقبل شرق ولا غرب ..
هو أنا كن عارف بسألك ..
وبعد وقفه فى العراء .. الجماعة عرفوا بيتهم صاحبهم براهم
الغريبة سكينا عربية طلعت ماشة البيت دقري .. ووصلوا بالسلامة بعد الساعة 10
وكمان اشتكوهو لابوه واخوه الصغير ..
عليك الله دا تقول فيهو شنو ؟؟
انت يا ناذر بتقصد شنو ؟؟
ما عرفت .. ما عرفت
بس ممكن نقول .. تجربة خطــيرة جد وإجتزتها ..
بس ناصر البطل دا .. طلع ود ناس لازم يهاجر قطـــر .
|
Post: #42
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: الملك
Date: 07-27-2005, 11:17 AM
Parent: #41
الليلة لكن فاتكم
....
....
حمدت الله إنو الصينى معتز ده ما ضرب زى عادتو من الفجر
مشيت الشغل وانا فى الموقع
اتصل بى قال لي انا فى السوق العربى وجاى عليك
قلت ليهو ما فى مشكلة تعال ....ووقفت انتظروا إتزكرت فيلم أمس
لما اتصلت بيهو لقيتوا واقف فى نص القبة الخضراء
وساكى أى لون أحمر جاى بهناك
....
....
مالك يا زول
قال لى مافى زول قال ليهو وين يلقى محل يشحن الموبايل
سوقتوا ودخلنا أقرب محل شحن .... صاحب المحل اداهو الكرت
لكن بعد مالاحظ لى نظارتو ....قال ليهو جيب اشحن ليك أنا
وانـــــــــــــــــــا
الضحك شرطنــــــــــى نصيـــــــن
مرقنا من المحل لاقى زولة كده ...ماشة فى شارعها
أنقر ما قال ليها اسم واحد بوردابية ....وحالتها البت البورادبية ماختة صورة ذاتو
قلت ليهو عرفتها كيف ؟؟؟؟ قال لى الاحســـــــــــــاس بس
.....
.....
اخر فيلم وانا بوصى عليهو بتاع الحافلة فى نص العربى
فى واحد حشرى قال لي انت الزول ده جاى من الجزيرة
قلت ليهو لا من الصين
افتكرنى بهظر ساااااااااى
بعد شوية اتصل وقال لى انا ما مشيت لانى
نسيت انا شايل معاى قروش صينية وامارتية
خفت على الولد يلموا فيهو نا س عملة يقشطوهو
لحقتوا
غايتو يا معتز شرطتا
عينا
وبطنا
بالضحك
|
Post: #43
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: عبير خيرى
Date: 07-27-2005, 01:04 PM
Parent: #1
.
يا ناذر إزيك
الولد ده ما كان تجيب صورتو كاملة
لوووووووووووووول
|
Post: #44
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: nasiradin
Date: 07-28-2005, 00:52 AM
Parent: #43
وانا اتصفح المنبر كعادتى منذ شهرين
علمت بوصول اخى تروتسكى
اتصل بى ممازحا فالرجل لم اراه
منذ مجيئى لهذا العالم و لكنى
احسه كما احس زاتى
خانه حدسه اعتقد بانى قد لا اتعرف عليه
و لكن ألجمته المفاجأة
حتن تعرفت عليه .. من غير ان يعرفنى بنفسه
المهم ...
لاول مره التقى ببوردابى فكان تروتسكى
التقيته نهارا
ثم ليلا
سبحانك ربى .. هو كما توقعت
اشكره جزيلا فلقد جمعنى ايضا
ب ناذر, تبلدينا, محمد ابو القاسم و الملك
سابدأ بالترتيب .. حسب اماكن الجلوس
تتجسد فيه كل ملامح ابناء امدرمان .. و كفى
الرجل يتحدث بعفويه و تحس بانك تعرفه منذ سنوات
من النظرة الاولى اليه. تستطيع ان تعرف انه يتقبل الرأى و الرأى الاخر .. و كفى
انسان بمعنى الكلمه يحب التعارف و محلل جيد للافكار .. فى رايي هو ملك فعلا و كفى
تبلدينا
مبتسم دائما و صاحب ضحكه مميزه من حديثه عرفت انه يعرف اين ستطأ قدماه مسبقا
باختصار هو انسان بمعنى الكلمه و كفى
احبكم جميعا احسست معكم بالدنيا, سعدت بلقائكم و سنلتقى يوما لكم الود
تحياتي ... ناصر البطل
|
Post: #45
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: omer almahi
Date: 07-28-2005, 01:31 AM
Parent: #44
ألف حمد لله السلامة
|
Post: #46
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: عادل ابراهيم عبدالله
Date: 07-28-2005, 06:27 AM
Parent: #45
ويحك ياناذر
أتفتني يارجل!!
عملتوها وقعدتوا
|
Post: #47
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-28-2005, 06:58 AM
Parent: #46
تبلدينا ...
Quote: عارف فى واحد صاحبنا عزم اصحابو شاي المغرب
آها اللذيذة هو راكب معاهم سرج واحد .. قصدي سيارة واحدة
اوووووبس عربية واحدة .. ووين عبير خيري ..
آها جماعتك لمن وصلو حلتهم بدوا يسالوهو ..
يازول ندخل بوين ؟؟
صمت رهيب ..
وشكلو بيوحي انو هو ما عارف ..
شارعكم وينو ؟؟
لحظة الكبري الصغير وين ؟؟
كبري شنو فى البلد الضلام دي ..
ارجعو جنب النخيل فى كبري هناك
يازول انت متأكد ..!!
دقيقة النشوف البيت الأبيض دا بيتنا ؟؟
انت بيتكم دور ولا دورين ؟؟
كدى نضرب لاخوي الصغير ..
يا أنت وقف دقيقة .. ما نطلع فى بلدا طرقها عراض ..( دا اخوك طبعاً)
يا جماعة الصبر أنا بلقي البيت حسي ..
يا انت ( لاخوه الصغيروني ) اسمع بيتنا بوين ؟؟
ههههههاي ( قهقهة من الشلة وبعدها دهشة حقيقة ) ..
أنت وين مقبل شرق ولا غرب ..
هو أنا كن عارف بسألك ..
وبعد وقفه فى العراء .. الجماعة عرفوا بيتهم صاحبهم براهم
الغريبة سكينا عربية طلعت ماشة البيت دقري .. ووصلوا بالسلامة بعد الساعة 10
وكمان اشتكوهو لابوه واخوه الصغير ..
|
ما دا المنظر البايخ الانا قاصدو زاتو
الملك يا ملك ...
Quote: قال لى مافى زول قال ليهو وين يلقى محل يشحن الموبايل
سوقتوا ودخلنا أقرب محل شحن .... صاحب المحل اداهو الكرت
لكن بعد مالاحظ لى نظارتو ....قال ليهو جيب اشحن ليك أنا
وانـــــــــــــــــــا
الضحك شرطنــــــــــى نصيـــــــن
|
الحمد لله انا كنت مافي . بلاوي معتز دي ما بتنفع معاي في السوق العربي
عبير خيري ....
Quote: يا ناذر إزيك
الولد ده ما كان تجيب صورتو كاملة
لوووووووووووووول |
هو الهسي هسي دي أنحنا يا الله لامين فيها
ناصر البطل ..
سعدت والله بملاقاتك والتعرف عليك ...
| Quote: من النظرة الاولى اليه. تستطيع ا%
|
Post: #48
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-28-2005, 06:58 AM
Parent: #46
تبلدينا ...
Quote: عارف فى واحد صاحبنا عزم اصحابو شاي المغرب
آها اللذيذة هو راكب معاهم سرج واحد .. قصدي سيارة واحدة
اوووووبس عربية واحدة .. ووين عبير خيري ..
آها جماعتك لمن وصلو حلتهم بدوا يسالوهو ..
يازول ندخل بوين ؟؟
صمت رهيب ..
وشكلو بيوحي انو هو ما عارف ..
شارعكم وينو ؟؟
لحظة الكبري الصغير وين ؟؟
كبري شنو فى البلد الضلام دي ..
ارجعو جنب النخيل فى كبري هناك
يازول انت متأكد ..!!
دقيقة النشوف البيت الأبيض دا بيتنا ؟؟
انت بيتكم دور ولا دورين ؟؟
كدى نضرب لاخوي الصغير ..
يا أنت وقف دقيقة .. ما نطلع فى بلدا طرقها عراض ..( دا اخوك طبعاً)
يا جماعة الصبر أنا بلقي البيت حسي ..
يا انت ( لاخوه الصغيروني ) اسمع بيتنا بوين ؟؟
ههههههاي ( قهقهة من الشلة وبعدها دهشة حقيقة ) ..
أنت وين مقبل شرق ولا غرب ..
هو أنا كن عارف بسألك ..
وبعد وقفه فى العراء .. الجماعة عرفوا بيتهم صاحبهم براهم
الغريبة سكينا عربية طلعت ماشة البيت دقري .. ووصلوا بالسلامة بعد الساعة 10
وكمان اشتكوهو لابوه واخوه الصغير ..
|
ما دا المنظر البايخ الانا قاصدو زاتو
الملك يا ملك ...
Quote: قال لى مافى زول قال ليهو وين يلقى محل يشحن الموبايل
سوقتوا ودخلنا أقرب محل شحن .... صاحب المحل اداهو الكرت
لكن بعد مالاحظ لى نظارتو ....قال ليهو جيب اشحن ليك أنا
وانـــــــــــــــــــا
الضحك شرطنــــــــــى نصيـــــــن
|
الحمد لله انا كنت مافي . بلاوي معتز دي ما بتنفع معاي في السوق العربي
عبير خيري ....
Quote: يا ناذر إزيك
الولد ده ما كان تجيب صورتو كاملة
لوووووووووووووول |
هو الهسي هسي دي أنحنا يا الله لامين فيها
ناصر البطل ..
سعدت والله بملاقاتك والتعرف عليك ...
| Quote: من النظرة الاولى اليه. تستطيع ان تعرف انه يتقبل الرأى و الرأى الاخر .. و كفى |
أها ديل إقتنعوا البيقنع عشماوي منو ؟
عمر الماحي
شكرا للمرور ...
عادل إبراهيم ...
قالوا متألم شوية ياخي بعد الشر عليك !!
|
Post: #49
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: ناذر محمد الخليفة
Date: 07-29-2005, 02:32 AM
Parent: #48
عادل إبراهيم ....
صدق أنا لي هسي شاميك من عملة أمبارح !!
يا خي معقول تيوظ لينا الخميس للدرجة دي !!!!
أنا غايتو حصلتا الجماعة الكنت مواعدم ولقيتم زعلانين مني .. المهم إضطرينا بدينا الجلسة تاني من الاول والساعة كانت قريب حداشر ونص ولمن قلت امشي أنوم حلفوا قالوا أعوض ليهم الساعات الما جيتا دي وقعدت أغني ليهم لي قريب الساعة 4 صباحا ودا كلو منك ..!!!
بس الليلة تعال الرحلة النيلية ونتحاسب في نص البحر
|
Post: #50
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: فيصل نوبي
Date: 12-02-2005, 05:16 AM
Parent: #1
| Quote: بس الليلة تعال الرحلة النيلية ونتحاسب في نص البحر |
.
|
Post: #51
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: عنيده
Date: 12-02-2005, 07:28 AM
Parent: #1
ياااااااااااااااه والله زمان يااخبار
رغم انه اليوم دا معتز طبق فيني نظريه كده
لكن ثامحتو بث,,, اثوي شنو
نوبي اللينك في مداخلة د.معز
ماتكتفي بالصور في اول صفحه
الصور لحدي الصفحه الاخيره
كميييييييييه
|
Post: #52
Title: Re: عاجل .. تروتسكي يصل الخرطوم ويقتحم حفل بورداب عكس الريح !!!
Author: معتز تروتسكى
Date: 12-02-2005, 08:21 AM
Parent: #51
لاحوله..
استغفرتك يامالك روحى!!!
اولا البوست ده ناكتينو من اخر الدنيا ليه؟
وبعدين توضيح مهم
كل المقالب الحصلت من راس ناذر ده
الشى التانى موضع الروحه من البيت ده كضب ...
هى ما روحه بمعن روحه..
لكن شويت طشاش والدنسا كانت ليل والمحله جديده علي..
ماتفبركو ساى..
ومرة اظن ناذر ولا منو بقى يقفل الموبايل من الدغش ومحمد ابو القاسم لمن القاهو اسالو ولا يضرب لى نصت نهار يقول لى كنت عاملو ساين !!
اتخيلوا الاستهبال..
ناس ماعندكم مواعيد ولا ذمه. .
ركزووووووووووا ياااااااااااااااااخ
ولا كان على حق ناجى ده خليهو ساى جابو بى بالنقطه..
حكاية الشحن والمواصلات ووو هلمجرا..
Quote: اخر فيلم وانا بوصى عليهو بتاع الحافلة فى نص العربى
فى واحد حشرى قال لي انت الزول ده جاى من الجزيرة
قلت ليهو لا من الصين
افتكرنى بهظر ساااااااااى |
لكن بينى بينك الراجل زاتو اتحير قاينى جاى كرت من الجزيزه اظنو لى اسى مابكون مصدق قايتو بكون مشاها واكلها فى حنانو ساى..(لووووول)
|
|
|