سنة الإسلام السلام ... مهداة للحبيب الرائع معتز تروتسكي !!

صنفرة :

في إنتظارك ...

أبو النيز

رائع يا رائع

تهريجه :

انت من وين جبت الحاجات الحلوه دي

Save to PC :)

الحبيب الرائع روميو ..

قطعا انت لا تعرف معتز تروتسكي هذا الجميل العبقري فعندما كان يستعد للمجئ للسودان وإنقطع عن البورد جئت أنت ..

هو شاب رائع وجميل مهذب .. ترتاح له من أول نظرة .. وفي البور ترتاح له من اول مداخلة .. يتعامل معك بإحترام حين يجد منك الإحترام والفهم .. ولا يتردد في أن يكون معك فظا غليظا حين يرى أن من يحاوره لا يسحق إلا ذلك !!

سيأتي في هذا البوست وستتحدث معه وسنتعلم جميعنا منه ومن تجربته الثرة ...

صنفرة :

بالدارجي كدة إنتا الحركات دي شنو البتعمل فيها دي !!!
أمكن ياخي الغنية ما داير زول يحفظا في الجهاز إنتا إلا تسهل ليهم الشغلة يعني !!
أحييييي أنا منك إنت !!! غايتو يوم بنط ليك من الشاشة دي وبخنقك

السلام.. يا سلام

روعة يا ابو النيز

تسلم يا ود عقيد ...

بالمناسبة صاحب هذا الصوت أول مرة ينشر أغانيه في الإنترنت وهو يدرس بكلية الموسيقى والدراما وله عدة تسجيلات في الإذاعة والتلفزيون والنيل الأزرق وإذاعة مانقو وفلكن مشكلته انه كسول جدا رغم كل هذا النشاط ربما لظروف عملية وموضوعية بحتة ..

صنفرة :

هذا التسجيل قديم نوعا ما ؟؟!!!

Quote: بالدارجي كدة إنتا الحركات دي شنو البتعمل فيها دي !!! أمكن ياخي الغنية ما داير زول يحفظا في الجهاز إنتا إلا تسهل ليهم الشغلة يعني !! أحييييي أنا منك إنت !!! غايتو يوم بنط ليك من الشاشة دي وبخنقك

طيب ما تجي ياخي

كان عارف كده كان من زمان عملتها

بعدين ده اجر الصائم

ولا انت لسه فاطر ؟

تهريجه:

بعدين ما دايرين ناس ( يشحدو ) في رمضان

سلام يا ناذر

الزول دة انا مقروض فيهو شديد عاوز الاِيميل بتاعو - لأنو التلفون
الفى البروفايل بتاع معتز ما شغال و شاكرين على المساعدة يا سيدى

اداء جميل وناعم لاغنيه جميله

احببته جدا

اهديه بدوري الي العزيز تروتسكي

والله واحشنا جدا

الأخ زول بن زول

Quote: سلام يا ناذر الزول دة انا مقروض فيهو شديد عاوز الاِيميل بتاعو - لأنو التلفون الفى البروفايل بتاع معتز ما شغال و شاكرين على المساعدة يا سيدى

أخبرت معتز عدة مرات عندما كان بالسودان أنك تسأل عنه وأخبرته بالسبب الذي ذكرته لي قبلا وقد وعد بالإتصالبك ووضع رقم تلفونه بالبروفايل ...

على كل حال أنصحك بأن تضع عنوانك الإلكتروني أو رقم تلفونك في هذا البوست .. فمعتز وصل الأن إلى الصين حيث يقيم وهو متابع للمنبر وقد رصدت له مداخلة واحدة في بوست ليس بعيدا هن هنا ..


الأخ الموصلي ..

شكرا للزيارة وأتأسف إن كان الصوت ليس واضحا أو مسموعا كما ينبغي ..

صنفرة :

تعلمت رفع الأغاني قبل يومين فقط ولكن أعتقد أنني لم أجود ذلك تماما

يا ناذر مشكور

الاِيميل بتاعى فى البروفايل [email protected]
و نتمنى أن يجد الأخ معتز الوقت لى الاِتصال
و مشكور يا سيدى و تصوم و تفطر على خير

زول بن زول

سلام يا زول
رمضان كريم و كل سنه و الجميع بألف خير
راجع أيميلك

ناذر شنو يا خي ما وريتنا جدول العيد عشان ما عارفين نقول للناس العاوزه تحجز شنو


تحياتي
محمد علي

شكراً يا ناذر علي هذه الهدية الرمضانية الجميلة .. فعلاً صوت جميل جداً و أداء يريح الأعصاب و يجبر علي الطرب.
أعتقد إن صاحب الصوت المصاحب للمغني هو صوت الأخ الصديق عبدالوهاب (هيبة) الموجود حالياً بكندا، صححني إن كنت مخطئاً؟
كن بألف عافية
الصاوي

رمضان كريم يا معتز...والله فاقدنك يا زينة شباب البورد...إنشاءلله عافية كلو
وأبقي عشرة علي قرايتك

أختك دوما صبوحة

ناذر محمد الخليفة

الخردة

هل شرحت للخردة بتاع الصين عن آفو

آفو في الصين
صديقي منذ سنة دو

تروتسكي الخردة
الخردة مشتاق ليك
يا خرده

تعال نتشاكل
المره دي عارفك حاقن و بتتسوق في دكانين المنتوف عشان تغدر بي
لكن أخوك جاهز ليك
في حاجه جديدة إسمها "طالعني البيت الأبيض"

شكرا بش بش

ليك و حشة و تعال مار(ق)ك عشان نتشاكل
و نحمس الشغلانية قبال الشواطين ترجع بعد العيد

Kostawi

Quote: بالمناسبة صاحب هذا الصوت أول مرة ينشر أغانيه في الإنترنت وهو يدرس بكلية الموسيقى والدراما وله عدة تسجيلات في الإذاعة والتلفزيون والنيل الأزرق وإذاعة مانقو ولكن مشكلته انه كسول جدا رغم كل هذا النشاط ربما لظروف عملية وموضوعية بحتة

ناذر
رمضان كريم، كلّ سنة وإنت طيّب
الزول ده لو بتعرفو معرفة شخصية قول ليه سيب الكسل ياخي، وقول ليه لو غنيت (يا ربيع في روض الزهور عيش منعّـم طول الدهور) تكون ما قصّـرت!
قول ليه ما تسمع كلام المنظراتية بتاع الأغاني الخاصة وكده، أسمع كلام أحمد الريح ده وركز علي حقيبة الفن مافي زول بيلحقك!

شكراً يا ناذر على إتحافنا بهذا التطريب الأصيل، شكراً جزيلا.

ناذر صباحاتك مشتاقين


كل سنه وانت طيب وتصوم وتفطر على خير


وتحياتى للجميع والى تروتسكى


صنفره

وين اصاحبك

وعن …..بحكى ليكم شدو اوتار الضلوع…


ناذر محمد الخليفة
سلام ياصاحبى عندما
اخى وصديقى
سلامات يازول يارائع
سلامات وعوافى ..
ياخلاصة الخير الفى الناس
وترياق الزمن المتعافى ..
عزيزى ... مازلت اردد فى خاطرى ان العشق الجوانى ماهو شيئا مدسوس فقط علينا ان نفض الاشتباك مابين الذات والاوجاع الابيه..
وهل لهذه الدنيا طعم اللذه دون الاحساس بالوجع والحنين دوما الى الرائعون القليلون فى حياتنا
....... الحنين هذه المفرده التى تابى والا وان تلامى بالشوق الى رؤياك فى حين كل حين
(افتكرت الاغنيه فى البلد بصوت سيف الجامعه ذاك التسجيل القديم الذى اهديتو اليك وكيف عامل مع كمية الاغانى ربك يملاك غنا)
دمت للناس جميعا..
صديقك معتز تروتسكى..


فيصل نوبي
سعدت بان تكون متواجد هنا ..
وهلت ديك غيمة شايلك فى جواها قطره
رزازك مدفون فى صدر السما مطره..
لقد احترمتك فى نفسك وفنيت من داء الابذال والتسول والتقليد معنى السؤال
يبدو انك غنى بملكاتك فقط وبمادئك لنفسك والاخرين
والناس وجدتهم يلتقطون ماتبقى من احساسك ويتلفون عليه
اتمنى ان اُحظى ببقية..


عبد الله عقيد
عندما فتحت الروح بى جوه ..ورشيت رزازك فى الايام ..وكسرت الهم بالدس واتماديت فى الاحلام
ختينا عذابنا بين ايديك عندما لوح لى الليل الذى ادفق منو نهار عيينك شارى الضو .. مدينا طريق بامان
صديقى دمت ياعبدو..


zoul"ibn"zoul
استاذنا لقد قمت بمراسلتك اخبرنى ناذر وانا على وشك الرجوع وعندما رجعت ارسلت لك التفاصيل فى الايما قبلها كان اعتذارى بالتاخير ..خلاصة هذا اقول لك امسحها لى فى وجهى...
وانتظرك...
وابرقك السلام سلاما كانت الافراح احلاما تاعب لحظة تسمو الى التركيز فى يقظة تمارس حاضر الاحزان تاريخا يواكب حزننا الاسمر .. وتندلع التفاصيل المناخية شتاء يتناول اللحظات كارثة نهائية لاحلى ماتبقى من فرح ... يازول...


Elmosley
استاذنا روح الموسيقى موعود معك اولا بمواصلة بوستاتنا التى انقطعت انها لنشات تعلمت الكثير فكل حرف بالنسبة لى معرفه اذا عليك ان تقدر كم حرف تكتب وكم استفدت انا ..يااااااااااااااااااااااااه
سلاما..سجاء مسك غرامنا سحرا هلاما يمتثل شرفا غيابيا لعمق الصدق عنوانه..تتعلق الاشواق ساتره الشفيف ؛ نحاصر الاهات موسمية الخريف لتبدو مثل نبض الريج فى جوف المسافه...


Mohamed Elbashir
فى حضرة من اهوى عبثت بى الاشواق...
ابو حميد سلاما..عندما ينفك المطر من اخر الاهداب فى دائره وحلقة ذكر يسترق الجفاف الذى فى الاثداء فى الثغور ..لنا نحن الاخرون فى حضرتكم لنا صدفتنا وشوقنا وتداعياتنا كل اشياء الجمال الاخرى مؤجله عندما قدمت لنا بطاقة دعوة ممارسة المطر خارج رحم غيمة حبلى بالسنابل والدعاش..



elsawi
سلاما.. ايها العيد بشارة وحزمة ماء ..اه تحترق الاقلام مزيدا كى يبقى للصمت معنى من التشكيل والتدعيات ..فهل فى مصابيحكم اضاءة بغير وقود؟!
تعالو نعترف..
اننى اولهم اعترف بسلامك..
و
السلام عليك ياملك الغناوى المزمعه والراهنات مؤجلات الى غد حيث للاطراق فى حضرة (كمانك) سحر عصر لايقاوم..

صباح حسين
سلاما بوردة بيضاء صباح يتعدى لى وغنوة اخرى من ذكراكم ياعزيزه..
وجوهكم فى الزحمه ملانه حنين.. وشوق الريد الما بليد.. زمن للوحشه وليل البعد ووطن للحب واشياء من هذا القبيل..انتى معاى بتلقى حدود للكلمه ..ومقطع كلمة مابقيف بيناتنا ..ووكت نحلم نسمه اشيلك فى عينى ..وريحة ارضك تراب المششى حد عينى..

Kostawi
جميل ان ارك هنا ياصديق ..بصراحه جدا من دون كل من كتب هنا لولهم وقع خاص لكن اكثر كان شدا بحروف مطرقعه شدتنى كانت حروفكم ولا املك الا ان اقول (كم ادميت بكلمه فؤادى)..
السلام..
السلام عليك يا كون القوافى الاربعه ...دمع وفرح ثم دمع وابتسام..
السلام عليك ياحجر الصقور الجائعه.. للناس .. للازهار .. للبلد المليئة بالجمال ..
سلام من سواد زمان لو ابرقت فيه سحابات حوامل لم يكن فيها جنين الحنين املا وبشرى وخلاص..

ومزيدا من الكرومبا
تحياتى
الخرده..

Ahmed Alrayah
قبل ما تقول لى سلام شالنى فى عيونك السلام..
والعيون واشوقى ليهن حين ابتدا بيناتا الكلام..
تصارع دمعة الحزن الشتائيه ..وقد خرجت من التيجان مملكه بحجم الابتسام..
وشكرا كتير احمد..


ود عقاب
كنت اول الاتين بالبشرى ..بالطوريه والمنجل وبالامانى العفاف والسلام المخصص بالاحترام ..
كنت اول الاتين برا رغم اعماق الوحول..
ماكنت قبلك انسج الاشياء اشلاء وهم كذلك صديقى ..
فهل الهموم ضريبة للارتياح..؟؟
قيل بعافية عزيزى..
وسلام ياصاحبى..

Quote: فيصل نوبي سعدت بان تكون متواجد هنا .. وهلت ديك غيمة شايلك فى جواها قطره رزازك مدفون فى صدر السما مطره.. لقد احترمتك فى نفسك وفنيت من داء الابذال والتسول والتقليد معنى السؤال يبدو انك غنى بملكاتك فقط وبمادئك لنفسك والاخرين والناس وجدتهم يلتقطون ماتبقى من احساسك ويتلفون عليه اتمنى ان اُحظى ببقية..

معتز الجميل
لطالما سمعت عنك من ناذر و ناصر
و تمنيت ان نتعرف عن قرب
و زي ما انت شايف ناذر ما قصر هنا
عمل لي مقدمات و حفلات
حملله علي عودتك يا رائع
و لنا لقاء باذن الله

تهريجه:

يمكن قريب سور الصين العظيم

الأخوة الأعزاء ...

نرحب أولا بحضور تروتسكي صاحب البوست ...

الأخ محمد بشير ..

Quote: سلام يا زول رمضان كريم و كل سنه و الجميع بألف خير راجع أيميلك ناذر شنو يا خي ما وريتنا جدول العيد عشان ما عارفين نقول للناس العاوزه تحجز شنو

تأخرت كثيرا يا حبيب فجدولي مزدحم تماما هذا العيد وإذا كان هنالك من عجالة فعليك الإنتظار لفترة أقلاها إسبوعين بعد نهاية العيد

الأخ الصاوي ..

Quote: أعتقد إن صاحب الصوت المصاحب للمغني هو صوت الأخ الصديق عبدالوهاب (هيبة) الموجود حالياً بكندا، صححني إن كنت مخطئاً؟

كلا يا صديقي .. الصوتان لمغني واحد ..

ولكنها التقنية التي أتاحت للجميع التلاعب بالموسيقى والأصوات كيفما يشاءون ..

العزيز كوستاوي ..

Quote: تعال نتشاكل المره دي عارفك حاقن و بتتسوق في دكانين المنتوف عشان تغدر بي لكن أخوك جاهز ليك

بالله صاحبنا معتز دا رجع من السودان وأديناهو هنا صنفرة ناعمة جدا ورجع هادي تماما وما زول مشاكل ما تهيجوا تاني عليك الله ياخ ..

صنفرة :

تروتسكي هو الوحيد الذي رفض عمل الفسكال شك أب

الأخ أحمد الريح ..

Quote: ناذر رمضان كريم، كلّ سنة وإنت طيّب الزول ده لو بتعرفو معرفة شخصية قول ليه سيب الكسل ياخي، وقول ليه لو غنيت (يا ربيع في روض الزهور عيش منعّـم طول الدهور) تكون ما قصّـرت! قول ليه ما تسمع كلام المنظراتية بتاع الأغاني الخاصة وكده، أسمع كلام أحمد الريح ده وركز علي حقيبة الفن مافي زول بيلحقك! شكراً يا ناذر على إتحافنا بهذا التطريب الأصيل، شكراً جزيلا.

هذا المغني مرتبط بحقيبة الفن جدا ولكن له طموح بصناعة أعمال خاصة به ولكني أكاد أجزم أنه يحفظ 50 في المائة على الأقل من أغاني الحقيبة ..

الرائع ود عقاب ..

وينك يا راجل !!!
مريت كم مرة على المحل ولا أصادفك !!!
سلم على الشباب وعندنا برنامج في رمضان .. بس خلوا ا########## تبرد شوية

صنفرة :

البوست مفتوح للجميع !!

أخوي نازر .. كيفنك
رمضان كريم واشاء الله السنه الجاية تعمل شنو كدا ما عارف...
والله انت زول رائع .. انا ما عارف البوست دا فات علي كيف .. وطبعا أخوك عاشق موسيقي ..
ويا سلام علي سنه الاسلام


كسرة:
انت يا نازر بترفع الموسيقي كيف في البوست ؟


مع أكيد حبي وتقديري،،،

عادل فايت

ناذر
وتاني رمضان كريم
والله بالجد ما عارف اقول شنو
يعني أرحب بي رجعة معتز بعد الغيبة الطويلة دي في البوست دا ولىّ
في البوست الثاني
غايتو شكراً على الاغنية
الهدية للحبيب تروتسكي
وكنا فاقدينو شديد
...
الحاجة التانية
العايز اقولها ليك
انو محمود (ختناهو) ناشف
يعني لا دقة لا مزيكة
لكن محمد المقتدى لقينا ليهو الفنان
من هسى..
اها اليوم داك تعال بدري
عشان تلحق
...
..
.
عشاء الفنانين

كرت أخضر
قال ايه..؟
(سجمنا ....هجمنا)
يا دوب انا
عرفت الواحد
يفننوهو كيف...؟
ورمضان سماح يا بكري
مش كدا..؟
عادل

الحبيب عادل فايت ..

Quote: انت يا نازر بترفع الموسيقي كيف في البوست ؟

إييييييييييييييييييييييييييييييييييككككككككككك

قدامك مشوار طويل يا مان

أنا لي قريب التلاتة شهور بتعلم في الشغلة دي إنتا داير تعرفا في رد واحد

لكن أوعدك لمن نتقابل فيس 2 فيس حا أشرح ليك لأني ما بعرف أشرح بالكتابة ..

الحبيب عادل

Quote: قال ايه..؟ (سجمنا ....هجمنا) يا دوب انا عرفت الواحد يفننوهو كيف...؟ ورمضان سماح يا بكري مش كدا..؟ عادل

عليييك نوووووووووووووووووووووررررررررررررر

بس إنتا عرفتها متأخرة كدا مالك

لكن برضو كويس (إن تأتي متأخرا خير من ألا تأتي أبدا)

وعن عشا الفنانين أنا بطلتو بقيت أجي الحفلة وأطلع اكل زبادي من الدكان

صنفرة :

ما وروك انا عامل رجييم الأيامات دي !!

Quote: نوووووووووووووووووووووررررررررررررر

ناذر

مالك بتفلق ياخ

تهريجه:

الموضوع ده بيجيب ليو فصل شتاء و خريف تاني

ناذر الخليفة ..
تحية لك ..فعلأ ..معتز نختلف معه ..بس ليهو طعم ورونق معين في المنبر ..

ADIL FAIT
لك..و نعم الموسيقى وبعض السجائر المعبء في ورق اخضر
ويبقى بيناتنا
المقطع الثالث:
وساعة زمن
نمرق فيها نبته
اشيل كتابك
أقرا منو00
مره قصيده لناس
حيرانة
وعيديه للفقرا
اظنو00
يبدا يغنى النفس
الفات00
الضاع في زحمتى
واحيت فيهو المات0



عادل فضل المولى
واغنى لى عيونك زولا بدورك
نحيا ولاندرى بان العشق قد يبقى سجينا بالخلايا..
ولاتبدو الخطوات شاحبة فقط وحين يغرق المساء فى قبلة السكون السائد سنطلب من ائمة اليقين التجارى ان يعيرةنا روعتهم (ياعادل)..وبقت بيناتنا
طالعه من حس الالفه
البيناتنا
مرسومة بي ضو القمر00
أتنحت جواي هواها
قبال يبن لون الصور00
أعاين نجوم جوف السما
ألقاها ليك سكة سفر00
أعاود للحنين يرمينا
بي كل الجمر00
محكوم على والدنيا ليل
اشيل معاك الباقي من
موج البحر00
وشرفه من ارض الوطن
بتشكي من شوك الزهر00
يا طالعه للناس السمر
وخريطة الزمن الجزر00
نفسي في عينيك أسافر
واتحدى بيك رعد المطر00
ولمحتك مره بين الفصول
عينيك ألوان الشفق00
شايله في يديك كتاب
حروفو في كل الصفق00
ويبقى حس الالفه حاضر
معانا زي ضؤ الافق0


فيصل نوبي
الاغنية دى عزف ناذر وغناى ...
رايك شنو
مش صنفره وتهريجه جد جد...




محمدين محمد اسحق
ياااااااااااااااااه..
ابو حميد مره واحده ده كتير علينا ..
اشتاق وتدفق وتعلم ان تنسكب لاخر قطره…
فى المراسى وكل أصداف القلوب انت حتما ستجئ..
ان لم يكن بوسع ماياتى بك فليس بالامكان ان ياتى شعاع التليباثي
محمدين
سنبكى لتلك الاشرعه الاتون باحزمه والافئده؛ وسر الهوى الثالث وسنبكى منهزمين بالافراح منطفئين والايام مزرعة؛ لكل حرائق الاطراف وكل سفاسف المعنى؛ وشئيا من عذاب الانفاس ..
اليناها هنا صمات الاشياء ام هذه جدلية الاسماء؟؟!!..
امانها عفويه التركيز فى صمت القمم ؟؟!!..
ام هى عقوبة الكلام صامتا حتى حدود الكتابه والنزيف على الموت ؟؟!!..
وها انا اكتب لك متجاوزا اللائحه !!
واحتاج لمن يغير هذا النغم النشاذ فى الدواخل فاصبحت افكر احيانا
ولكنى اؤمن
بان الوتر دائما بغنى للقوافل الجايه من وجع الطريق
ابوحميد

Quote: كنت اول الاتين بالبشرى ..بالطوريه والمنجل وبالامانى العفاف والسلام المخصص بالاحترام .. كنت اول الاتين برا رغم اعماق الوحول.. ماكنت قبلك انسج الاشياء اشلاء وهم كذلك صديقى .. فهل الهموم ضريبة للارتياح..؟؟ قيل بعافية عزيزى.. وسلام ياصاحبى..

العزيز جدا جدا معتز

افتقدك يا صديق وافتقدك معك كل الاحباب

ما حا تصدق اخره مره قابلته فيها الشباب فى دياركم العامره

Quote: الاغنية دى عزف ناذر وغناى ... رايك شنو مش صنفره وتهريجه جد جد...

والله يا تروتسكي تعرف تغنها انتا ويعزفها هز تعزفها انت يغنيها هو
في الحاتين انا ضايع

تهريجه:

ياخ انت وين من زمان

ودعقاب
الزول السمح ازيك
داك كان يوم فى الخاطر اتبركنا فيهو بيكم ..
يازمن وقف شويه واهدى لى لحظات هنية..
قيل بعافية وخلى بالك من نفسك وسلام لك والاسره من تقابله ..





نوبي الحبيب
بعدين نحن كلنا نوبه (دناقلة يارسول الله)
اسمع ابقى اظهر عنوانى عند العازف بتاعى ناذر. .
طبعا العمل ده كان ديتو ماقلت لى رايك . .
لمن اجى بغنى ليك فى حفلتك..

Quote: ياخ انت وين من زمان

انت الوين يابدر التمام..

Quote: نوبي الحبيب بعدين نحن كلنا نوبه (دناقلة يارسول الله) اسمع ابقى اظهر عنوانى عند العازف بتاعى ناذر. . طبعا العمل ده كان ديتو ماقلت لى رايك . . لمن اجى بغنى ليك فى حفلتك..

بردوو نوبه
عنوانك عند العزف ؟
انت ما عارفو غتيت
اجدعو لي في المسنجر سمح!

تهريجه:

يا تروتسكي انت داير تجيب لي الهواء مع ام احمد ولا شنو .
انا ما قلت ليك ناذر ده غتيت

UP.......