Post: #1
Title: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 10:34 AM
Parent: #0
يوم أمس يوم إجتماع البورداب بدار إتحاد طلاب جامعة الخرطوم كان يوما فريدا تحدث عنه الأخوة في بوستات كثيرة إلا انني هنا اريد التحدث عن المواقف الطريفة التي حدثت جراء مقابلة بعض البورداب لبعضهم البعض لأول مرة ...
طبعا كان كل شخص يضع ديباجة في صدره بها النيك نيم الذي يدخل به المنبر .. فترى عند السلام كل شخص يحدق في جيب الاخر (زي النشال)  وبعد أن يتعرف عليك قد تتغير إنفعالاته سلبا او إيجابا على حسب طبيعة الشخص وموقفه منه في البورد ..
أنا شخصيا كانت لي عدة مواقف سأسردها هنا ...
والبقية ممن حدثت لهم مواقف مماثل عليهم ان يسردو ..
بدون خجل بالله لإنو امبارح كان في إحراجات بالكوم
الناس تحاول تحكي بأريحية وتتقبل الحصل
إتفقنا ؟؟؟؟؟؟؟!!!!
أرح نبدا ..
|
Post: #2
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 10:45 AM
Parent: #1
جيت داخل الدار متأخر شوية طوالي قابلني ود عقاب لصق فيني الديباجة دي .. جيت داخل شوية لقيت تلاتة تنفار قاعدين .. واحد منهم دس الديباجة حقتو عشان ما أعرفو وسلم علي بي إسمي وأبى يوريني هو منو وقال لي إنو زعلان مني شديد !!!!
يا شيخ إنتا منو ؟؟ أبى يوريني ..
يا أبو الشباب خلاص أمسحا علي في وشي دا بس إنتا منو ؟؟؟ برضو أبى ..
في النهاية إتضايقتا منو وقلت ليهو ...
(عرفتك .. إنتا بت الأحفاد مش كدا؟) !!!
الجماعة قعدوا يضحكوا وهو زاتو فصل وفي النهاية لقيتو دا عادل فضل المولى . ,وكانت دي أول مرة أقابلو
|
Post: #3
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 10:55 AM
Parent: #1
واحد تاني جيت داخل قابلتو وقام عمل فيها إنو بيحك في قلبو وهو في الحقيقة كان داير يغطي الديباجة الفيها إسمو .. سلم علي سلام كتير بي إسمي ..
قلت ليهو والله يا أبو الشباب ما عرفتك ..؟؟؟
قال لي لو عرفتني ما حا تتكلم معاي ؟؟؟
قلت ليهو لا لا والله غنتا منو ؟؟
قام بقى يزح يدو من الديباجة شوية شوية من الشمال لليمين قمت قريت بالمقلوب الحروف ف ، ي ، ، ش
وقبل ما يزح الباقي قريا كلمة شريف ..
إتخلعت ونطيت وقلت ليهو .. سجمي !!!! إنتا ياسر الشريف ؟؟؟؟!!
طبعا إتخلعت وقربت أقوم جاري وأكورك لي سعادة العميد .. قام قبضني من يدي وقال لي ...
يا راجل قول بسم الله .. أنا ما ياسر أنا محمد شريف
حتين بعد داك أخدت نفسي وسلمتا عليهو
|
Post: #4
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: tmbis
Date: 07-22-2005, 11:06 AM
Parent: #3
ناذر عليك الله كتر من القفشات دي ..
طبعا ده بيذكرني أول لقاء لينا بورداب الرياض مع بعض الزمن داك الناس كلها كانت عامله هيروشيما .. يعني مسالة الصور دي مافيشة وتلفونات مع بعض ... ( تك )
بس الانطباع البتديك ليهو الحروف ..يعني انت ومخيلتك
في ناس كنا خاتين ليهم اعمار غير اعمارهم واشكال غير اشكالهم ..
طلعت كل التخمينات دي بعديه كل البعد عن الواقع واستمرت العلاقة بيناتنا...
سمعت انو امس ( فتونا فت ) شديدكان عندك خبر كبو هنا كلو وشوف لي معاك الناس الكانو عاملين كاتم صوت ديل
|
Post: #5
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 11:30 AM
Parent: #4
تمبس إذيك ..
غايتو يوم أمبارح دا انا كنت أكتر واحد متمتع ..
طبعا بعد الجماعة بقوا يدسوا في بطاقاتم قلت كدي النجرب الشغلة دي .. قمت عملت فيها حريف وقلبت البطاقة ...
لا في كدة بتبسم للقاعدين قابلتا لي زول أول مرة اشوفوا وبرضو قالب البطاقة حقتو
حق الله بق الله ... الولد طلع ظريف ووناس قام سألني إنتا منو ؟؟!!
الولد قيافة ومنظروا يطمن قمت كشفت ليهو البطاقة حقتي ..
عليك يمبن الله الزول دا قعد زي البيستهجى فيها لمن أنا زاتي خفتا وعاينتا لي بطاقتي .. خفتا اكون طلعتا ليهو حاجة تانية
صاخبك بعد شوية إنقلب خمسمية درجة عديل وقعد يحمر لي !!!!
أنا لمن خفتا وقربت اكورك لي حسين ملاسي يجي يحجزنا
بعد الحميرة ديك صحبك قال لي بي مغصة ..
هسي الواحد يقوم يطعنك ... مالك مع بت الاحفاد ؟!!
وقبل ما أرد عليهو .. صخبك إتخارج مشى وبعد داك إصلو ما لميت فيهو ..
إتمنى إنو يجي هنا عشان اعرفو وإتسدى فيهو حميرو داك
|
Post: #7
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 11:35 AM
Parent: #5
حيرني مسلك قلمك حيرة دفعت بك طائعاً
و مختاراً هذه المرة للتابوت
من الواضح وهذا الأمر يراه الأعمى
قبل المبصر أنك ماقدمت إلى هذا
الموقع إلا بحثاً عن عبث طفولة لم
تعشها كما يجب
|
Post: #6
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ShiningStar
Date: 07-22-2005, 11:34 AM
Parent: #1
انت الناس دي زايغه منك ليييه؟؟
شكلو كدا في شي فاتني
واصل .. ضحكتنا ياخي
|
Post: #8
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 11:36 AM
Parent: #6
تعودين إلى مكانك الطبيعي ـ عتمة تابوت
|
Post: #9
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 11:39 AM
Parent: #6
شايننق إستار إنتي متين طلعتي من التابوت !!!!!!!!!!!
أمبارح والله العظيم جبنا سيرتك ..
في واحدة من البوردابيات سألتني قالت لي لسة ما لقيت العروس ؟؟ زعلتا منها
قلتا ليها إنتي ما جيتي البوست عشان تديني رأيك ما لك ؟؟ قالت لي خلينا شايننق تتكلم بالنيابة عننا ..
قلتا ليها شايننقق !!!!!
يا خي دي لمن جات جابت معاها تمنة لبن كشحتا فيني .. دا عرس ولا ملاح نعيمية
|
Post: #10
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ShiningStar
Date: 07-22-2005, 11:44 AM
Parent: #1
و انا اقول الشرقني شنو امبارح...
| Quote: تعودين إلى مكانك الطبيعي ـ عتمة تابوت |
عثمان انت قايلني عويره ليك... عل بليمين من فجتي ما قمته...
شوق... الواثقه مما تكتب
|
Post: #11
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 11:48 AM
Parent: #10
هو مكانك الطبيعي
|
Post: #12
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 11:52 AM
Parent: #11
|
Post: #13
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 11:53 AM
Parent: #10
منحتك من الحبر قدراً لا تستحقينه
|
Post: #17
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ShiningStar
Date: 07-22-2005, 12:07 PM
Parent: #13
اسمع الله كم؟؟؟
... تاني ما تتكلم معاي...
للمره الدشليون
لا انت لا حبرك لا ادبياتك تعني لي شئ...
ناذر... اضرب لي البوليس ...
|
Post: #19
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 12:10 PM
Parent: #17
منحتكِ ِ من الحبر و الوقت و الأهمية ما لاتستحقين
|
Post: #20
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ShiningStar
Date: 07-22-2005, 12:12 PM
Parent: #19
و انا كذلك....
قضي الامر اذن
|
Post: #14
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 11:56 AM
Parent: #1
بالمناسبة يا شايننق ....
أمبارح كان جنبي واحد بوردابي لذيذ كدة .. لمن المود بتاع الجلسة خف قام قال لي رايك شنو نعد التوابيت التي قضي امرها وموجودة معانا الليلة ؟..
طبعا ما كان في موضوع قمنا قعدنا نعد لقينا روحنا قريب التسعة أنفار .. صاحبك قام زعل وقال إلا يقوم يلقي ليهو كلمة ويبداها بالقوا ..
أيها التوابيت الرعديدة
عشان نكون كلنا توابيت وما فيش حد احسن من حد
تتصوري لو أنا ما مسكتو كان ما شي يعملا
|
Post: #16
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 12:02 PM
Parent: #14
من الواضح أنني أخاطب من لا تبدو عليه سمات الرشد العقلي
|
Post: #15
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 12:01 PM
Parent: #1
تعرف يا عثمان بتذكرني بي شنو ..!!!!
طبعا إنتا عادتك بتقعد في راس المنبر كدة زي الزول الطالع في راس البيت عشان يكشف لي شمار في بيت جيرانم .. والمحيرني إنك كان دخلت لي جوة المنبر دا شوية وختيت الرحمن في قلبك بتلقى مواضيع حلوة لكن بس إنتا قاعد في حلق المنبر دا .. أي بوست يجيك طالع فوق تللللبت بتخش فيهو وتعيث فيهو الكلمتين ديك أها دي بتذكرني بالنور الوحيد في الاوضة لمن يتلما فيهو ال
ولا اقول ليك كدي النقيف هنا احسن لإنك زول حريف وبتكون فاهم انا قاصد شنو
|
Post: #18
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Hussein Mallasi
Date: 07-22-2005, 12:10 PM
Parent: #15
| Quote: و انا اقول الشرقني شنو امبارح... |
لا اظنها كانت شرقة واحدة يا استار.
|
Post: #26
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ShiningStar
Date: 07-22-2005, 12:29 PM
Parent: #18
الوجيه ابو لمعه...
كلامك صح... التانيه كانت لمن قريت كلام محمد حامد جمعه
| Quote: من على البعد وقبل دخول المياه الاقليمية للحفل رايت حسين ملاسى ...شاب دائم الابتسام وبه بياض لافت واناقة اجمل ما فيها انها (sport) وخفيفة تجمع ما بين الحداثة والوقار ... |
كالعاده... عباره خاليه من الغزل و المجامله...
=====================
=====================
|
Post: #32
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-23-2005, 03:05 AM
Parent: #18
عالياً ليطالع الناس غثاء هذا التابوت الرعديد
|
Post: #36
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-23-2005, 04:42 AM
Parent: #18
عالياً ليطالع الناس هذاالغثاء
|
Post: #21
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 12:13 PM
Parent: #1
شايننق سجمك
Quote:
اسمع الله كم؟؟؟
... تاني ما تتكلم معاي...
للمره الدشليون
لا انت لا حبرك لا ادبياتك تعني لي شئ...
ناذر... اضرب لي البوليس ... |
البوليس دا ما بيحلك من اخينا دا
البيحلك حاجة واحدة بس هي الحلت بلة
والمشكلة انا ذاتي ما عارف الحلة بلة شنو
ولا في حل تالت ..
تقولي الكلمة الما معناها الزبادي لمن يبقوهو مر
ولا أقرب ليك .. الحليب لمن يخجوهو شدييييييد بالقربة ...
أها بيبقى شنوو !!!!!!!!!!!!
إذا عرفتيها تكتبيها هنا بخط أخضر كبير فونت 45 ومعاها أيقونة فيها دمعتين كابات كدي
أها دي لو عملتيها بتتحلي ..
ولو ما عملتيها دواك الصبر
وأنا راجيك ......
|
Post: #22
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 12:15 PM
Parent: #21
من الواضح أنني أخاطب من لا تبدو عليه سمات الرشد العقلي
|
Post: #24
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-22-2005, 12:21 PM
Parent: #22
حسين ملاسي إنتا جيت !!!!!!!!
طلعت من تابوتك بإذن ولا قديت سلك
غايتو انا ماشي عشان مرتبط ..
ما أوصيك بالله
شايننق التابوت لو ما قدرك غيريهو بي بتاع ملاسي
|
Post: #25
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 12:23 PM
Parent: #24
عالياً ليطالع الناس هذا الغثاء
|
Post: #27
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ShiningStar
Date: 07-22-2005, 12:31 PM
Parent: #21
ناذر ...
جبنه جبنه
بلمناسبه بله ... مات... عشان كده اتحله...
|
Post: #28
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-22-2005, 12:32 PM
Parent: #27
عالياً ليطالع الناس هذا الغثاء
|
Post: #23
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: هشام مدنى
Date: 07-22-2005, 12:20 PM
Parent: #1
لوالأستاذ بكرى ابوبكر رجع الماسنجر يكون حل مشكلة حقيقة
ولا رايكم شنو؟
هو مجرد سؤال وانا اسف لو ازعجتكم.
|
Post: #33
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-23-2005, 03:17 AM
Parent: #23
الأستاذ هشام مدني
تحية طيبة
أرجو ألا يُهدر وقتك
الثمين في مخاطبة
عابثين تأكدت بالأمس
من إفتقارهم لسمات
النضج العقلي
لك الإحترام المعلوم
|
Post: #29
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ShiningStar
Date: 07-22-2005, 12:42 PM
Parent: #1
السيد هشام مدني...
كلامك مفهوم... القصه طلعت من كونيته الاساسيه...
ناذر واصل بوستيك بصوره طبيعيه... و معليش للمقاطعات الماعندها معني... انا بس جيت مشاركه لكن هي الرياح ...
شوق...
|
Post: #30
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: adil amin
Date: 07-23-2005, 01:38 AM
Parent: #1
الاخوة البورداب المحتفلين
تحية طيبة
بوست ظريف...ان تتجلى هذه القبيلة الالكترونية عيانا بيانا..حيث مقرها الذي نشئت منه فى بدياتهامن قبل خريجين جامعة الخرطوم و فى دار اتحاد جامعة الخرطوم...
يا جماعة الخير...عمر اومو لسع في البركس ام رحل مع الطيور الما بتعرف ليها خارطة او فى ايدا جواز سفر...
**********
ملاحظة تانية...شنو الحول اخى الحبيب عثمان محمد صالح من اديب الى حفار قبور؟؟؟
|
Post: #31
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-23-2005, 03:04 AM
Parent: #30
الأستاذ عادل أمين
تحية طيبة
هي بضعة توابيت أكل الدهر عليها
وشرب اشفقت على أصحابها وقررت بعث
الحياة في أوصالهم اليابسة لكنهم
تمسكوا بسكنى الجبّانة وهذا خيارهم
الأخير
لك الود و التقدير
عثمان
|
Post: #34
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: عادل فضل المولى
Date: 07-23-2005, 04:03 AM
Parent: #31
يا ناذر تحية بوردابية
دا كلام شنو دا البتقول فيهو..
الموقف كشف عدم (تجميعك)
..زول معاك بالتلفون كم مرة تقوم تنسى صوتو
وتاني اتفقت معاه انو تجي غاشيه وتمشوا سوا للقاء
وبرضوا تنسى صوتو
وثالث الاشياء يقول ليك لسه ما لقيت العروس
تقول ليهو اتوفرت تسعة شروط من 10 ولكن برضوا ما مقتنع وبرضو ما تعرفو..
وكمان تقوم تتهمو بأنو الزول الكتب ليك عن (....)
ياخى انت كنت بتقعد في المقعد الأخير في الفصل ولى شنو..؟
جنس خروج من الشبكة..
وكمان جاي متأخر ساعتين..!
اما ما تبقى من بوستك فلك العذر فيه
لانك
....
يا عثمان
تابوت مصفح لهذا الرعديد
|
Post: #55
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: adil amin
Date: 07-26-2005, 00:50 AM
Parent: #31
الاخ العزيز والاديب المرهف عثمان محمد صالح
تحية طيبة
ليس عليك ان تضع الناس فى التوابيت...اكسر مرآة ذاتهم المقعرة..ليروا انفسهم فى مرايا مستوية..ويعرفون حجمهم الطبيعي
هل تعرف سر المريا...وخداعها المستمر ..للسودانيين.... ولك ودي
وانت تشييع (جنازة الامة العظيمة)*
هوامش* رواية لماركيز
|
Post: #35
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: عادل ابراهيم عبدالله
Date: 07-23-2005, 04:19 AM
Parent: #1
شيء في قلبي يحترق
إذ يمضي الوقت ... فنفترق
و نمدّ الأيدي
يجمعنا حبّ
و تفرّقها .. طرق
امل دنقل
العزيز ناذر
واصل..الله يجازيك
|
Post: #37
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-23-2005, 05:52 AM
Parent: #35
أها يا جماعة انا جيت ...
أهو الواحد قدر ما يلقى زوغة من الحانوتي داك بيطلع ممن التابوت عشان يتنفس بي موقف او موقفين
الضيافة بتاعت الحفل كانت جميلة لكن فيها شئ علق عليهو صديقي اللئيم عادل إبراهيم عضو البورد والذي كانت تلك اول مرة نتقابل فيها سويا ..
قاعدين سوا الجماعة جابو الضيافة .. طبعا الصحانة كبار ما شاء الله ذي طبق الجرتق ومغلفة بي ورق السلوفان داك .. قبلت لي عادل مع بداية التوزيعة وقلت ليهو الظاهر ناس بكري والمهندس ديل حجزوا عشاء من المريديان عدييل كدة .. باقيلك الصحانة المدنكلة دي بيكون فيهت شنو ؟؟!!
طبعا الشمار كاتلنا ودايرين نعرف قبل ما الدور يجينا .. أنا عاينتا لي الصحن المك داك وقلت ليهو بيكون فيهو نص فرخة محمرة وجوزين حمام وبيضتين وجبنة وفي إحتمال الضلع برضو + مشهيات جبس وخدارات كدة وتفاحتين وباسطة لذوم التحلية
أنا كنت جادي في كلامي عشان حجم الصحن ..
المهم الدور جانا وإستلمنا التموين أول ما فتحت ورق السلوفان دا فتحت عيوني قدر كدي
دا شنو يا عادل !!!!!!!!!!!!!!!!
الصحن تراهو كان مليان فيشار لو باعتو ست قهوة كانت ربحت فيهو
وملان فول حاجات مقشر أظن لوعبوهو في أكياس وطحتوهو بيعمل كم صحن سلطة كدة
وفيهو بلح ما عارفو تمودة ولا بركاوي لكن كان لزوم التحلية
إتلفت لي عادل وقلت ليهو : شوف دا عشا المهندس وبكري !!!!
عادل زعل قال لي .. جايبين لينا فول حاجات !!!! أنحنا وين في القصر الجمهوري ولا الساحة الخضراء
أنا ضيافة الحكومة دي ما بتنفع معاي !! أكلها لابراك إنشاللة تنفعك
عامل فيها حردان لكن بعد شوية لقيت الصحن بتاعو فاضي
|
Post: #38
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-23-2005, 05:53 AM
Parent: #37
ماهذا الغثاء
|
Post: #39
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-23-2005, 07:13 AM
Parent: #38
عثمان طير من وشي شوية كدة خليني إتفاهم مع عادل ...
يا عادل إبراهيم أضرب لي تلفون هسي ضروري بالله !! سمح ؟؟
عثمان خلاص جيب وشك .. خلاص إتفاهمت مع عادل
|
Post: #40
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-24-2005, 07:48 AM
Parent: #39
العم هشام مدني
Quote: لوالأستاذ بكرى ابوبكر رجع الماسنجر يكون حل مشكلة حقيقة
ولا رايكم شنو؟
هو مجرد سؤال وانا اسف لو ازعجتكم. |
الحمد لله أن بكري وعد بإرجاع الماسنجر على الأقل عشان نرتاح من سخافات عشماوي دا ..
ما شايف البعاتي دا خرب لي البوست كيف ؟؟!! هسي والله الفي راسي طار ..
|
Post: #41
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: شمهروش
Date: 07-24-2005, 08:26 AM
Parent: #40
| Quote: طوالي قابلني ود عقاب لصق فيني الديباجة دي |
اتاريه ودعمي كان شغال لزاااااااااااااق
|
Post: #45
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-24-2005, 08:41 AM
Parent: #41
وإنتا كنت وين يا اللخو !!!!
بالمناسبة في مرحلة من مراحل الحفلة كنت بوزع في الحاجة الباردة جيت ماشي على نفرين قاعدين شبهتك بإنك واحد فيهم .. وأنا جاي عليهم قاعد أربرب من بعيد (وين إنتا يا سجمان ؟ ما جيت من بدري مالك؟) جيت للزول مديت ليهو الحاجة الباردة اول وقلت ليهو كيف يا شمهروش .. الراجل إستلم القزازة وعاين لي بي إستغراب وقال (يا أبو الشباب إنتا الظاهر عليك مشبهني!) عاينتا لقيتو ما إنتا .. إعتزرتا ليهو لكن من الزعل قربت أقلع منو الحاجة الباردة بس إتذكرتا إنو انا ما دافع الشيرنق
|
Post: #42
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-24-2005, 08:36 AM
Parent: #40
أبحر في الحال إلى بوست
حكاية نبتة ينتظرك حبل
سؤال
|
Post: #43
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: هاشم نوريت
Date: 07-24-2005, 08:37 AM
Parent: #42
ناذر صدقنى قبلك ينقطع من الجرى...
طنش ياعم.
|
Post: #44
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-24-2005, 08:39 AM
Parent: #43
رافقه وقدم له العون
بإنتظاركما
|
Post: #46
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ebrahim_ali
Date: 07-24-2005, 09:03 AM
Parent: #44
الأحباب بورداب الخرطوم وبورداب المنافي الأخرى سلام وألف احترام الحبيب ناذر تحية وشوق جعلتنا نعيش معكم تلك اللحظات الجميلة والمقالب الساخرة جعل الله كل أيامكم افراحاً وسروراً
*تخريمة
الاخ عثمان سلام واحترام منذ مدة وأنا اتابع ما يخطه يراعك من مداخلات ليس جديرة بك لا بحسك الشاعري المميز ولا بمكانتك الأدبية ما هذا الذي تقوم به هل هو إغراق لبوستات الآخرين بكلمات ومصطلحات خاصتك انت هل هو تعكير لمذاج الآخرين ما هذا الهراء ياسيدي الفاضل انت رجل اديب ومثقف ومدرك لاهمية الكتابة دع الآخرين يكتبون ما يشأون فانت هنا لست وصياً على أحد ولا وصياً على اللغة العربية دعهم يكتبون ما يحلو لهم فلهم قراء برغم ما تراه انت من غثاء ووو دع الآخرين في حالهم واشغل نفسك بكتاباتك ولا تشغل نفسك بالآخرين وظف قدراتك اللغوية في ما يفيد الآخرين وينفعهم وليس ما ينقص من قدرك ومكانتك
لك العتبي حتى ترضى ولكن لابد من هذا لاني منذ إن دخلت اليوم وجدت عدة بوستات يوجد فيها اسمك وبكثرة وبكلمات مكررة لا معنى لها من وجهة نظري الخاصة جداً
|
Post: #48
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Osman M Salih
Date: 07-24-2005, 09:18 AM
Parent: #46
الأخ المفضال ود عقاب
تحية وإحتراماً وبعد
لست وصياً لا على ما يكتب هنا
ولكنني اصارع نفراً من البورد
يسعون بكل السبل لذهابي
البورد مكشوف وأنت لست
غريباً على المكان
معذرة للتعديل
سقط حرف من مفردة ما
|
Post: #47
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ود عقاب
Date: 07-24-2005, 09:14 AM
Parent: #1
| Quote: اتاريه ودعمي كان شغال لزاااااااااااااق |
ابن عمى شمهروش انا هاتفى سرق من فتره وسرقت معه كل الامانى الحلوه
الامانى بتاعتى كلها كانت مسجات وارقام وبهذا اعلن تضامنى مع اريبا وراجع البرؤفائل تبعى
|
Post: #49
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ala elfaki
Date: 07-24-2005, 11:33 AM
Parent: #1
الاخ نادر خليفة
تحياتى
لقاء يحسدوكم علية
معذرة عندى استفسار خارج الموضوع ..
تابعت عدة بوستات ووجدت الاستاذ عثمان محمد صالح
يذكر هذة العبارات .. هل هو كود بينكم تفهمونة .. ؟؟
نوع من السخرية المتعمدة من عثمان ..؟؟
بالجد لا اجد تفسير للمعنى خصوصا وانه العبارات ماجميلة
علاء الديـــــن
|
Post: #50
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-25-2005, 08:27 AM
Parent: #49
التحية للمتداخلين أعلاه ...
الأخ علا الفكي ...
Quote: تابعت عدة بوستات ووجدت الاستاذ عثمان محمد صالح
يذكر هذة العبارات .. هل هو كود بينكم تفهمونة .. ؟؟
نوع من السخرية المتعمدة من عثمان ..؟؟
بالجد لا اجد تفسير للمعنى خصوصا وانه العبارات ماجميلة
|
يا علاء أنا بحب نوع أسئلتك الواضحة دي ..
أول حاجة العبارات البيقولا الراجل دا لا كود بيناتنا ولا يحزنون ... والمشكلة إنها ولا حتى كود بينو وبين نفسو لإنو هو زاتو مافاهم معنى الخرمجة البيلوص فيها دي .. كل البيحصل إنو بيكون في لحظة سريالية مع نفسو بصحبة الذي غده امر فيقوم يكتب لي كلمة كدة أو كلمتين في بوست واحد من البورداب بعد داك يقوم يلصقا في سنة الماوس بتاعو ويحوم بيها على البوستات التانية دي كل القصة ...
الحاجة التانية العبارات سمحة سماحة جبل الطين يعني من برة هلا هلا ومن جوه يعلم الله .. كلام لو جا حمار وية ما بيقدر يفسرو زي في ناس الأيامات دي عاملين فيها شعراء وبيحاولوا يقلدوا أسلوب أزهري محمد علي في الشعر .. يردمو ليك كدة قصيدة مليانة كلمات هلامية وما يقدروا يفسروها ليك ..
دي كل القصة يا علا وتسلم للمرور
|
Post: #51
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-25-2005, 09:19 AM
Parent: #1
نسيت ان أحي الاخ تبلدينا .!!!!!!!!!!!
فوجئت بيهو في الحفل كنت قايلو راجل كبير لكن طلع صغير
صاح هو ما قدرنا لكن أكبر شوية
|
Post: #52
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: أيزابيلا
Date: 07-25-2005, 09:34 AM
Parent: #51
وكأننى لم اكن هناك....فى دار الاتحاد
(من الناس دى كلها اكون عرفت فتحى البحيرى
ومشتاق....ود الباشا...
ثم الكتيابى...كدة من بعيد لى بعيد
يعنى بقيت بتفرج فى الصور زيى وزى الباقين...
المهم يا ناذر....
بس....فهمونا حكاية التوابيت دى؟؟؟
الواحد ما يخش ليهو فى تابوت بالغلط...
بعدين يا عزيزى عثمان..
تعجبنى كتاباتك....تعجبنى جدا...
لكنى لا افهم احيانا أين ترقد مراميها..
(أن كانت لك اسباب خاصة...أحترمها..لكن ثمة امكنة مشاعة
يعنى يا تفهمونا الحاصل شنو...يا...تهدوا اللعب شوية)
سعيدة لكونى معكم...
|
Post: #53
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-25-2005, 03:59 PM
Parent: #52
إيزابيلا كيفك ...
تعرفي أنا شفتك لكن لمن جيت ماشي عليك مادي يدي وخاتي لي يسمة في خشيمي زي مضيفة سودان طير ويز فجاة لقيت المهندس قدامي وخت في يدي صندوق الحاجة الباردة عشان اوزعو للضيوف وقفلني قفلة سيرباك وتاني إصلو ما لقيت طريقة ألم فيك مع الزحمة ..
يا زولا نتقابل إنشاالله في الرحلة النيلية وأنا من هسي ما حا اوزع البيبسي هناك
|
Post: #54
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: smilewomen
Date: 07-25-2005, 04:28 PM
Parent: #1
| Quote: نتقابل إنشاالله في الرحلة النيلية |
وكمان عندكم رحلة نيليه 
هذا ليس عدلا
كلام واحده حاسده ما تشتغلوا بيها
|
Post: #56
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Samer Osman
Date: 07-26-2005, 01:08 AM
Parent: #1
يا إيزابيلا
القرد الكان بوراك ده ما عرفتيهو
عليكن جنس حقارات
يا ناذر .. تمنيت أن التقيك ولكن فليكن موعدنا النيل
|
Post: #57
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-26-2005, 07:23 AM
Parent: #56
سمايل وومان ...
وبالعربي حقنا داك ..
المرة العاملة كدة
يا زولة إنتي شفتي حاجة في رحلات نيلية وبحرية وجوية ورحلات في السهلة ساااكت
غايتو إنتي بس عليك ترجي الصور وتتفرجي
سامر عثمان !!!!!!!!!
يعني أنا ما قابلتك !!!!
إنتا مش الكنت قاعد تكتب في شنو ما عارف كدة .. ومفلفل شعرك ولونك أسمر شوية وعيونك زي الزايغات من محلها ولابس بنطلون وقميص وما مختل العقل
يا راجل حاول جمع شوية أنا متأكد إني قابلتك
|
Post: #58
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: شمهروش
Date: 07-26-2005, 08:34 AM
| Quote: وأنا من هسي ما حا اوزع البيبسي هناك |
مامشكلة ودعقاب قاااعد اديه العافية من الكرتون للبيبسي
|
Post: #63
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: أيزابيلا
Date: 07-28-2005, 01:52 AM
Parent: #56
يا أبو سمرة دة كلام...
بعدين انت قاعد(بى وراى)
وتحت تحت خالط....
....
يعنى ما أديتنا فرصة معاك
لكن بينا النيل يا سيدى
|
Post: #59
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: WadAker
Date: 07-26-2005, 09:04 AM
Parent: #1
| Quote: يا زولة إنتي شفتي حاجة في رحلات نيلية وبحرية وجوية ورحلات في السهلة ساااكت |
الفى السهله ساااااكت دى كيففففنها؟
شكرا ياناذر على هذا السرد اللذيذ
اذا كان يوجد حسد حميد فانا احسدكم واتمنى اللقاء بكم
تحريشة: انت الناس ديل مشغلنك موزع بيبسى ليه المره الجاية " دق جرس " عشان تتفرغ لرصد الشمارات والا بكلم ليك الحانوتى عشان ينهى اذن خروجك من التابوت!
تسلم ناذر
|
Post: #60
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-26-2005, 03:40 PM
Parent: #59
شمهروش إذيك ,,,
يا زول خليك من قريبك دا إنتا امبارح زغتا وين !!!!!
تروتسكي جا ومشيت اناديك عشان تسلم عليهو لقيتك إتجارختا ّّ!!!!
ما تقول ماشي ولا حاجة !!!
الأخ ود عكر ...
Quote: والا بكلم ليك الحانوتى عشان ينهى اذن خروجك من التابوت!
|
أعوذ بالله من الشيطان الرجيم !!!!
تفها من خشمك سرعة !!!
هسي دي سيرة بجيبوها في وكت زي دا
|
Post: #61
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Samer Osman
Date: 07-26-2005, 11:57 PM
Parent: #1
ناذر
أنا لو عندي شعر مفلفل ما كان عملت صورة في البروفايل
أخوك صلعة ونضارة زي حقتك..
بس حكاية البنطلون دي صاح ..
والغريبة أني ما كتبت إلا إسمي في الديباجة حقة النشالين
مودتي
|
Post: #62
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-27-2005, 07:10 AM
Parent: #61
سامر عثمان ...
معناها في واحد دقسني أو أنا شبهتك ..
حقك علي يا مان نتقابل في الرحلة النيلية ..
وأنا بكلم ود عقاب عشان يكبر دمغة التعريف دي شوية
|
Post: #64
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-28-2005, 03:35 AM
Parent: #62
إيزابيلا وسامر عثمان ....
خلاص نتقابل بكرة الجمعة في الرحلة النيلية ...
يس من هسي ما تجيبوا كاميراتكم لأني ما حا اتصور مع زول المرة دي
الإسبوعين الفاتو ديل إتصورتا كتير خلاس
|
Post: #65
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Samer Osman
Date: 07-28-2005, 04:32 AM
Parent: #1
ناذر الظريف ...
السمحة إيزابيلا
بكره الرحلة النيلية ؟؟
يبقى علي طرش السكنو الترب كان سمعت
عموما أنا تلفوني في البروفايل
والتصوير ممنوع .. عشان أم أسيل ما بترضى
|
Post: #66
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: عبد الله إبراهيم الطاهر
Date: 07-28-2005, 06:27 AM
Parent: #1
يا ناذر أزيك نعلك طيب ...
ده كل هين ... صاحبك عادل إبراهيم عبد الله بقى لي في رقبتي وقال إسمي زي إسمه عمري ما سمعته لي تشابه أسماء بالقلبة ....
حسين ملاسي طبعاً كنت مفتكر وشو شوية رقيق لكن لقيتو ما شاء الله !!!
الفاتح وديدي جا لابس لبس كورة حتى الكدارة ... أفتكرته في الأول سودانيز أون لاين عايزة تعلن تكوين فريق كرة قدم ...
وكالعادة أنزوى البعض بعيداً يتهامسون ... كلام صغار صغار ... أو بلغة آخرين دقاق دقاق ....
رانيا بابكر ... يا سلام يا ناذر كانت ...
وكان المكاشفي خضر الطاهر غير الذي كنا نظنه ... أتصل بي قبل فترة ومن صوته جهزت صورة ذهنية تجلببه وتعمعمه وتضع دقنأً وشالاً أخضراً وحجماً ممتلئاً.... لقد صدمتني هيئته ... غير التي رسمت ...
يا جماعة بجيكم راجع ...
|
Post: #67
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-28-2005, 07:05 AM
Parent: #66
سامر عثمان ...
أساسا مافي واحد سمع بالرحلة النيلية !!!!!!
لكن قريناها قراية في بوست عبير خيري هنا
عبد الله إبراهيم الطاهر ...
تعرف عادل إبراهيم دا راسو ضارب حبتين وبيتخلع بسهولة جدا ..
يعني عادي المرة الجاية يتشبك فيك على أساس إنك عادل وهو عبد الله
|
Post: #68
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-28-2005, 10:23 AM
Parent: #1
أتوقف قليلا لتقبل تهانيكم بمناسبة العفو الذي أصدر بحقي وخروجي من التابوت ..
والشكر بعد الله سبحانه وتعالى لهذا البوست :
قصيدة أوتوميسفيرية (مهداء لـ عثمان محمد صالح) !!!!!
وأتمنى من الله أن يفك أسر البقية أيضا للعودة للكتابة بصورة طبيعية ..
|
Post: #69
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: محمد الامين احمد
Date: 07-28-2005, 03:41 PM
Parent: #1
الاخ ناذر
تحية طيبة
يا اخى والله ضحكت ضحك الليلة لمن صحيت الجيران
مبالغة البوست ، و مبالغة المداخلة الاخيرة ليك
شفت انك بتقب التهانى بخروجك من التابوت، و صراحة تستحق التهنئة
فشهادة الاستاذ عثمان محمد صالح ليست بقليلة، و ارجو ان تحافظ عليها
لكن صدمت بمداخلة العضو (خالد كودى) و التى ختمها بـ (ياللركاكة)
والله يا ناذر الناس دى انا ما عارف انت عملت ليها شنو
و بالمناسبة كان داير تعرس جد جد ، شاكل اخونا كستاوى ، و لك فى اساسى اسوه حسنة
تحياتى
|
Post: #70
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناصر جامع
Date: 07-28-2005, 05:55 PM
Parent: #69
ناذر اوع بعد ده كلوا تقول لي لسع ما لقيت ليك عروسه
اها انا ده حاسدك عديل كده
|
Post: #71
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 07-29-2005, 02:02 AM
Parent: #70
الأخ محمد الأمين ....
مش كدة بالله
أما بالنسبة لخالد كدو هذا فقد تكفلت به إذ تجرأ على شعري ..
زقد أرسلته وأودعته حيث يستحق تماما ...
هو الأن يرقد في ...
تــــــــــــــــــــــــــــــــابـــــــــوت !!!
تقول لي شنو وتقول لي منو !!
أنحنا كان ما إندفنا شلنا التوابيت ..
الأخ ناصر جامع .....
والله أكبر عقبة قدامي وإتحلت عملنا معاها إتفاقية
أها بعد دا النرجع نكوس تاني
|
Post: #72
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 12-01-2005, 11:40 AM
Parent: #1
فوق لحدي بكرة ..
|
Post: #73
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: عادل فضل المولى
Date: 12-01-2005, 12:19 PM
Parent: #72
.
|
Post: #74
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: معتز تروتسكى
Date: 12-01-2005, 02:46 PM
Parent: #73
ناذر ركز ياااخ
ده شنو..
Quote: شمهروش إذيك ,,,
يا زول خليك من قريبك دا إنتا امبارح زغتا وين !!!!!
تروتسكي جا ومشيت اناديك عشان تسلم عليهو لقيتك إتجارختا ّّ!!!!
ما تقول ماشي ولا حاجة !!! |
اولا
شكلكم زى ماقال تمبس كنتو شايلين حال الناس شيل
وانا لى اسه ماسالتك لكن اليوم قريت البوست بى مزاج والبوستات بتاعت اول لقاء ..
لكن اكيد كنتو شالين حالى ..
انا اللقاء ده ماحضرتو معاكم ..
تعرف ممكن كنت احصلو لكن تعمدت ذلك مابحب الدوشه عشان كده كنت احب اللقيكم على انفراد او فى مجموعات صغيره وبقدر ما استطعت وصلت الكثيرين فى اماكنهم ..
ودى البوستات الاولى لظهورى وكمان شيلتو فيها حالى بصوره..
تانى القو ليكم زول يصحيكم من الصباح..
ياخ ناس تنوم للساعه 9 و10 دى بشريه يرفعوا ليها علم..
عاجل .. تروتسكي يصل الخرطوم ويقتحم حفل بورداب عكس الريح !!!
منتدى الأحباب (وقعوا معنا)
الشى التانى..
اتمنى ليكم
رحلة سعيده لى توتى واتوصى خيرا بالذين لايعرفون العوم...
انا ياطير انا ياطير بشوفك
انا ياطير محل ماتطير بشوفك..
وفرحان ..وبتغنى وحبيبك معاك
وحبيى غاب عنى
انا ياطير حبيبى لى الالم تركنى
ادلل على ولى الالم تركنى
وزعلان منى صده
وبى رايو استبده
اتناسهو
واعتاد التجنى
انا يطير موله محزونا لانى
وحيد وحبيبى غايب
واه ياطير
وتانى علي مصايب
من ادهى الغرايب
لى اقرب حبيايب
صدرو وراحو منى
وياريــت كنت زيك
او يجدى التمنى
حبيبى يكون معاى
وفى الاشجار نقيل
وبى الاغصان نميل
بى خفة جناحك
وحرية صراحك
وفى الافنان نغنى
انا ياطير انا ياطير بشوفك
انا ياطير محل ماتطير بشوفك. .
الشريط ده هدتو لى زوله عزيزه علي جدا وصديقه..
كل ما اسمعو اتذكر اشياء جميله واماكن والبيت (لولا ومهند تروتسكى وماما وبابا)
لمن نكون فى العربيه بتاعتك ناذر..
|
Post: #85
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: الفاتح وديدي
Date: 12-03-2005, 11:52 AM
Parent: #74
Quote: الشريط ده هدتو لى زوله عزيزه علي جدا وصديقه..
|
لا ياشييييييييخ ..
.. وفرحان أوي؟!!
|
Post: #86
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: معتز تروتسكى
Date: 12-03-2005, 12:19 PM
Parent: #85
الفاتح وديدي
ازيك يافرده..
مشتاقون وكده
قلت لى..
Quote: لا ياشييييييييخ ..
.. وفرحان أوي؟!! |
ومالى مابفرح!!!؟؟؟
انتو نوعكم ده حاسد خلاص ..
ياكافى البلا لابتدو لابتعضو. .
انشاء الله اهدو لينا فلم تحرير الخرطوم وكده. .
بقااااااااااااااااااااال
صح النوم ركز ياخ . .
|
Post: #75
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 12-03-2005, 05:45 AM
Parent: #1
!!!!!
| Quote: لمن نكون فى العربيه بتاعتك ناذر. |
كنت معاي مرة في العربية لمن جايين من نادي الضباط وأبيت تسمع كلامي القلتو ليك
أها النبدا ليكم نحكي عن طرائف رحلة أمبارح ..
والله كانت جميلة جدا جدا ... أنا جيت حوالي الساعة حداشر قدام المعدية اقين في نفرين سلموا علي سلام عرفة وأنا ما عرفتهم غايتو بع شوية إكتشفت إنو واحد منهم صديقي الوغد عادل فضل المولى وأنا حقيقة إندهشت جدا !!! الراجل إختلف تماما مما قابلتو أخر مرة حتى صوتو إختلف مع إنو راجل متزوج بي أولادو وفات المرحلة العمرية البلوغية البيحصل فيها تغيير بايولوجي لي صوت الزول غايتو كان موقف غريب جدا إنو تقابل زول صحبك وإنت قابلتو قبل كدة وما تعرفو !!
صنفرة :
الغريبة لمن سألتو أول مرة وقلت ليهو إنت منو ؟ قال لي أنا إبراهيم بقال
|
Post: #76
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: فيصل نوبي
Date: 12-03-2005, 05:56 AM
Parent: #75
| Quote: الغريبة لمن سألتو أول مرة وقلت ليهو إنت منو ؟ قال لي أنا إبراهيم بقال |
ما قال ليك انا ناس جزر البطيخ
تهريجة:
بيعرف يعوم ولا يطير
|
Post: #77
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 12-03-2005, 06:34 AM
Parent: #1
رويو يا لذيذ ... إتزكرناك أمبارح أنا وعادل
أمبارح صحبك بقال عمل عملية غريبة خلاص .. جا الرحلة وقعد كدة وبعد شوية رقد نام في نص المفارش (حلاااااااااتو تعبان من النضال الكتير ومساككة الأمن) المهم الوكت دا كان في غنية مدورة وصحبك سجيمان بيغني فيها شخصيا دا كلو وبقال نائم في نص الدايرة بعد شوية إبراهيم صحى مخلوع وإتلفت على الناس الحواليهو لقى روحو لسة في السودان (الظاهر صحبك كان بيحلم إنو وصل محل ناس خالتو هناك) ألذ ما في الموضوع سجيمان قطع الغنية و قال لي بقال بقال .. ما نكون أزعجناك ولا حاجة) 
أنا شخصيا ضحكت ضحك ما عادي على سؤال سجيمان لمن قربت إستفرغ
|
Post: #78
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 12-03-2005, 07:06 AM
Parent: #1
الحاجة التانية إنو بقال خيب امل سجيمان وما جا بالبدلة والكرفتة .. لكن جا بي شنطة دبلوماسية كدة (أمال إيه) أنا الشمار كتلني قدر ما حاولت أعرف الفيها شنو ما عرفتا مع إني شايف بقال بيفتحا مرة مرة وبيطلع منها سجارة قلت يكون جواها طبلية !! ما ظنيت !! بعد شوية وبي إجتهادات فردية عرفت إنو فيها أربعة باكتات بتاعت بيانات طابعم بقال وداير يسلما لي بكري عشان ينزلا ليو في المنبر
|
Post: #79
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: فيصل نوبي
Date: 12-03-2005, 07:12 AM
Parent: #78
| Quote: الحاجة التانية إنو بقال خيب امل سجيمان وما جا بالبدلة والكرفتة .. لكن جا بي شنطة دبلوماسية كدة (أمال إيه) أنا الشمار كتلني قدر ما حاولت أعرف الفيها شنو ما عرفتا مع إني شايف بقال بيفتحا مرة مرة وبيطلع منها سجارة قلت يكون جواها طبلية !! ما ظنيت !! بعد شوية وبي إجتهادات فردية عرفت إنو فيها أربعة باكتات بتاعت بيانات طابعم بقال وداير يسلما لي بكري عشان ينزلا ليو في المنبر |
ما جاب العاجبة معاو !!!
|
Post: #81
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: gamal elsadig
Date: 12-03-2005, 07:35 AM
Parent: #79
الشقيق الرفيع/ ناذر
سعدت كثيرا بلقائك ......
طوال اليوم وجدت صعوبة بالغة في مناداة (سجيمان وانتهازي ) بهذه الاسماء خوفا من زعلهم او يجي واحد من المارين يسمع الاسماء دي ويفتكري بنبذ فيهم ... فناديتهم
باسمائهم الحقيقية ....
لم نعرف العمر الحقيقي لسجيمان بقال قال ليهو عمرك تقريبا 52 سنة فاحتج بشدة و قال نقص يازول واصبحت مزايدة ويفتح الله ويستر الله الى ان وصلت الى 30 سنة فقال ليهو زيد شوية...فضاعت الحقيقه لكن معتصم اكد ان سجيمان من (زمن حفرو الكسرة ) واقدم من البحر
|
Post: #82
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: عادل فضل المولى
Date: 12-03-2005, 07:42 AM
Parent: #79
الحبيب ناذر
كيفك والرهق الجميل بتاع الرحلة
لكن فضحت روحك
دايما خارج الشبكة
البلد فيها شركات جديدة
أحسن تغيّر ياخ
وعلى الحبيب البطل
ركّز ياخ
...
اها طبعاً التغييرات القلت عليها بعضها حصل والثاني مؤقت
من الحاصل.. صحيح انو اخوك وزنو نقص (كم كيلو) لكن ليست للدرجة التي يكمن ان (تغباني)
فيها ..ومن آخر يوم وزنت فيه (الجتة) ما لبست جلابية لي مشاوير الا رحلة البورداب ..
تغيير الصوت كان بفعل الحفلة الصاخبة التي احييتها في فندق (حياة ريجنسي) أمس بمدينة السنط الواقعة جهة الفتيحاب ناصية المقرن الجهة الجنوبية للكبري القديم
..استغفرك ربي وأتوب اليك مما يجرني اليه ناذر.
اها شن قولك يا لماح...؟
اقتراح
أرجو فصل البوست وانشاء رابط جديد حتى لا يختلط الأمر على المتداخلين فقد مضت على تلك الامسية أكثر من (4) أشهر
|
Post: #80
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 12-03-2005, 07:25 AM
Parent: #1
!!!!!!!!
| Quote: ما جاب العاجبة معاو !!! |
سجيمان سألو السؤال دا برضو 
صنفرة :
أنا والله نفسي ربنا يديني طولة عمر تخليني أشوف سجيمان والعاجبة لمن يتقابلو حا يحصل شنو
|
Post: #83
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: فيصل نوبي
Date: 12-03-2005, 07:58 AM
Parent: #80
| Quote: أنا والله نفسي ربنا يديني طولة عمر تخليني أشوف سجيمان والعاجبة لمن يتقابلو حا يحصل شنو |
بس ما يكون في توتي
والا وقعو البحر
|
Post: #84
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: محمد عيد الله
Date: 12-03-2005, 11:12 AM
Parent: #83
ناذر ... سلام
وين الصور ولا خايف من الطقطقة
| Quote: أمبارح صحبك بقال عمل عملية غريبة خلاص .. جا الرحلة وقعد كدة وبعد شوية رقد نام في نص المفارش (حلاااااااااتو تعبان من النضال الكتير ومساككة الأمن) المهم الوكت دا كان في غنية مدورة وصحبك سجيمان بيغني فيها شخصيا دا كلو وبقال نائم في نص الدايرة بعد شوية إبراهيم صحى مخلوع وإتلفت على الناس الحواليهو لقى روحو لسة في السودان (الظاهر صحبك كان بيحلم إنو وصل محل ناس خالتو هناك) ألذ ما في الموضوع سجيمان قطع الغنية و قال لي بقال بقال .. ما نكون أزعجناك ولا حاجة) |
قطعت مصارينا ياخ
|
Post: #87
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ابراهيم بقال سراج
Date: 12-03-2005, 12:50 PM
Parent: #84
| Quote: أمبارح صحبك بقال عمل عملية غريبة خلاص .. جا الرحلة وقعد كدة وبعد شوية رقد نام في نص المفارش (حلاااااااااتو تعبان من النضال الكتير ومساككة الأمن) المهم الوكت دا كان في غنية مدورة وصحبك سجيمان بيغني فيها شخصيا دا كلو وبقال نائم في نص الدايرة بعد شوية إبراهيم صحى مخلوع وإتلفت على الناس الحواليهو لقى روحو لسة في السودان (الظاهر صحبك كان بيحلم إنو وصل محل ناس خالتو هناك) ألذ ما في الموضوع سجيمان قطع الغنية و قال لي بقال بقال .. ما نكون أزعجناك ولا حاجة) |
|
Post: #88
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: Dia eldin khalil
Date: 12-03-2005, 10:53 PM
Parent: #1
inshala ya nazer al7'alifa toti tanfa3kom
winshala tagi allawal bas
Dia
|
Post: #89
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 12-04-2005, 05:41 AM
Parent: #1
كيفكم يا شباب
التحية لكم جميعا وأنا هسي في قمة الإستعجال وما حا أقدر أرد عليكم واحد واحد
في فترة من الفترات تعبت جدا في تعلم كيفية إنزال صور الفيديو وملفات الصوت بالمنبر وكنت أستعين في ذلك بالأخ تمبس أوتومسفيريا لكن في حاجات ما فهمتها وكنت أتمنى أقدر أقابلو عشان أفهما على الطبيعة .
أها في الرحلة تعرفت على أخت وأنا لسة سرحان في موضوع مقابلة تمبس لمن عرفت إنها أخت تمبس راسي ضرب وداير أقول ليها (ملفات الفيديو عملتي لي فيها شنو) بإعتبار أني قريب لي تمبس طالما قابلت أختو لكن في أخر لحظة هبرني عكاز (ركز .. ياخ!!) وبلعت كلامي 
|
Post: #90
Title: Re: طرائف لقاء البورداب لأول مرة ... حيرة ...إرتباك... عدم سلام !!!!
Author: ناذر محمد الخليفة
Date: 12-05-2005, 07:07 AM
Parent: #1
من الطرائف المحيرة أنني حاولت وبكل السبل أن أقنع إيزابيلا وبقال بأخذ صورة لهما سويا إلا أنني فشلت في ذلك فشلا زريعا فقد تمسك الإثنان بالرفض رغم محاولات الإقناع الماراثونية التي قمت بها لإقناعهم وقد حاولت أن ألجأ للحيلة لأخذ صورة لهما على حين غفلة إلا أنني فشلت في ذلك أيضا
أما وسبب رفضهما يعود إلى انهما لا يريدان تكرار الأحداث المأسوية التي حدثت في أخر لقاء عندما تصورا سويا
|
|